Қысқа мерзімде дайындалған вакциналар қауіпсіз бе?

<a href="https://kyzylorda-news.kz/">Kyzylorda-news.kz.</a> Қызылорда қалалық Полиция басқармасына қала тұрғыны арыз түсірді.
Белгілі болғандай, кешкілік уақытта белгісіз біреулер шаштараз ішінен банкомат карточкалары мен құжаттарын, «Самсунг» үлгісіндегі флешка және ақшасы салынған әмиянын ұрлап кеткен. Қазіргі таңда жәбірленушіге келтірілген шығын есептелуде.
Ақсай полиция бөлімінің полицейлері жедел-іздестіру шараларын жүргізіп, күдікті ретінде 23 жастағы қала орталығының тұрғынын ұстады. Ол өз кінәсін толықтай мойындады.
Күдіктіге қатысты ешқайда кетпеу және тиісті мінез-құлық туралы қолхат түріндегі бұлтартпау шарасы таңдалды.
Оған қатысты Қазақстан Республикасы Қылмыстық кодексінің 188-бабының 1-бөлігі (Ұрлық, яғни бөтеннің мүлкін жасырын ұрлау) бойынша сотқа дейінгі тергеп-тексеру амалдары жүргізілуде.

Қызылордалық полицейлер ұрыны қолға түсірді

<a href="https://kyzylorda-news.kz/">Kyzylorda-news.kz.</a> Қазақстан мұсылмандары діни басқармасы биыл құрбандық шалу рәсімі қалай атқарылатынын түсіндірді.
2021 жылы құрбан шалу рәсімі екі жолмен өткізіледі.
Ол:
Мемлекеттік санитарлық-эпидемиологиялық қадағалау органдары тарапынан рұқсат берілген жергілікті қасапханаларда санитарлық ережелерді қатаң сақтай отырып құрбан шалу, яғни дәстүрлі жолмен ұйымдастыру.
Бүгінгі пандемия жағдайында құрбан шалушыға қолайлы жағдай жасау және көмекке мұқтаж жандарды қолдау мақсатында өткен жылдың тәжірибесі негізінде www.qurban2021.kz сайты арқылы тапсырыс беріп, онлайн режимде құрбандық шалу.
<blockquote>
 “Карантин жағдайында қалада тұрып жатқан азаматтар үшін қашықтықтан өз атынан құрбан шалуға тапсырыс беру – оңтайлы шешім. Шариғат бойынша адам өзінің атынан басқа кісіні белгілі бір іске уәкіл ете алады. Өйткені адам баласы кейбір жағдайда бір істі орындауға мүмкіндігі болмай қалады. Осы кезде біреудің көмегіне жүгінеді, яғни сол істі оған тапсырады, оны өзінің атынан уәкіл етеді”, – дейді мүфтият мамандары.
</blockquote>
Осы орайда діни басқарма ауылдық жерде жеке тұрғын үйде тұратын әр адамның мұсылмандық міндетін атқаруына ешқандай шектеу жоқ екенін ерекше атап өтті. Ал www.qurban2021.kz сайтында тапсырыстар 20 шілде күні айт намазынан кейін қабылданады. Мұқтаж отбасылардың өтініштерін қабылдау, сараптау және құрбандық еттерін жеткізіп беру жұмыстарымен мүфтияттың жергілікті өкілдіктері айналысады.
<blockquote>
 “ҚМДБ қаржыға араласпайды. Құрбандыққа шалынатын түлік бағасы жергілікті нарық бағасымен көрсетіледі. Осы орайда еліміздің әр аймағындағы малдың бағасы әртүрлі екенін ескеру қажет. Нұр-Сұлтан, Алматы, Шымкент және облыс орталықтарында малдың бағасы бірдей болмауы мүмкін. Ал тапсырыс берушіден түскен қаражат мал иесіне, яғни сатушыға тікелей беріледі. Өйткені бұл делдалдық қызмет емес. Көрсетілген сомаға қасапшының қызметі ғана кіреді”, – деп атап өтті мүфтият өкілдері.
</blockquote>
Онлайн тапсырыс беру кезінде құрбандық етін бөлшектеп, мұқтаж жандарға тарату сынды барлық ұйымдастыру жұмыстарын мешіт жамағаты мен еріктілер тегін атқарады.
Осы орайда діни басқарма құрбан шалу кімге уәжіп екенін тағы бір мәрте еске салды. Ханафи мәзһабында құрбан айт күндері бай адамға құрбан шалу – уәжіп (міндет). Ал шариғат “бай” деп мал-дүниесі нисап мөлшеріне жеткен адамды айтады.
Нисап мөлшері – 40 қой (ешкі), 30 ірі қара, 5 түйе немесе қажеттілігінен артық 85 гр алтын (1 230 000 теңге) қаражат. Мал-дүниесі нисап мөлшеріне жетпеген, яғни жағдайы төмен мұсылманға құрбан шалу міндет емес.

20-22 шілде &#8211; Құрбан айт мерекесі &#8211; құрбан шалу тәртібі қандай?

<a href="https://kyzylorda-news.kz/">Kyzylorda-news.kz</a>. ҚР Ақпарат және қоғамдық даму министрлігі облыстық маңызы бар қалалардың аумақтық сайлау комиссияларының шешімдерімен ағымдағы жылдың 25 шілдесіне Қазақстан Республикасының аудандық маңызы бар қалаларының, ауылдарының, кенттерінің, ауылдық округтерінің 730 әкімін сайлау тағайындалғанын хабарлайды.
«Қазақстан Республикасындағы сайлау туралы» Конституциялық заңның 28-бабы 3-тармағының талаптарына сәйкес эфирден және баспасөзден орын беру төлемінің мөлшері, шарттары мен тәртібі туралы мәліметтерді тиісті бұқаралық ақпарат құралы сайлау алдындағы үгітті жүргізу басталғанға дейін бес күннен кешіктірмей (2021 жылғы 9 шілдеден кешіктірмей) хабарлап, жариялауға тиіс.
Бұқаралық ақпарат құралдары эфир мен баспасөз бетінен орын беру төлемінің мөлшері, шарттары мен тәртібі туралы мәліметтер жарияланғанға дейін кандидаттардың үгіт материалдарын орналастыру, тарату үшін эфир уақытын, баспасөз бетінен орын бере алмайды (осы норманы бұзу лауазымды адамдарға – 30 АЕК мөлшерінде, заңды тұлғаларға 50 АЕК мөлшерінде айыппұл салуға әкеп соғады).
Аудандық маңызы бар қалалардың, ауылдардың, кенттердің, ауылдық округтердің әкімдерін сайлау бойынша эфир және баспасөз бетінен орын беру төлемінің мөлшері, шарттары мен тәртібі туралы мәліметтер аумақтық сайлау комиссияларына берілуі тиіс.
«Қазақстан Республикасындағы сайлау туралы» Конституциялық заңның 27-бабы 2-тармағының талаптарына сәйкес сайлау алдындағы үгiт кандидаттар тiркелген мерзімі аяқталған кезден басталып, сайлау болатын күннің алдындағы күнгi жергілiктi уақыт бойынша нөл сағатта аяқталады.
Осылайша, сайлау алдындағы үгіт 2021 жылғы 14 шілде жергілікті уақытпен сағат 18:00-ден кейін басталып, 2021 жылғы 24 шілде жергілікті уақытпен сағат 00:00-де аяқталады.

Әкімдер сайлауының алдындағы үгіт 14 шілдеде басталады

<a href="https://kyzylorda-news.kz/">Kyzylorda-news.kz</a>. Жыл сайын жаз айында Парламент депутаттары әр аймаққа іссапарға шығып, халықпен кездеседі, олардың ұсыныс-пікірлерін тыңдайды.
Жылдағы дәстүрге сай биыл да Қазақстан Республикасы Парламенті Мәжілісінің депутаты Бақытбек Смағұл Қазалы ауданына арнайы келді.
Іссапар кезінде «Жанқожа батыр» атындағы шекара бөлімшесіне барып, шекарашылардың тыныс-тіршілігімен танысты. Елдің шетінде, желдің өтінде еліміздің тыныштығы мен қауіпсіздігін қалт жібермей күзетіп жатқан шекарашыларға алғысын айтып, қызметтеріне сәттілік тіледі.
Мұнан соң «Жанқожа батыр» атындағы шекара бөлімшесінің бастығы Ержан Елемесовке Бауыржан Момышұлы атындағы «Батыр шапағаты» медалін табыстады. Сонымен қатар, шекарашыларға өзінің «Паншер патшасы» атты авторлық кітабын сыйға тартып, патриоттық рухқа толы өзінің өлеңдерін оқыды.
Қазақстан Республикасы Парламенті Мәжілісінің депутаты Бақытбек Смағұлдың Қазалы ауданына сапары кезінде аудандық мәслихат депутаты Райымбек Бөлебаев, аудандық полиция бөлімі бастығының орынбасары Еркебұлан Жүрсінбаев бірге жүрді.
Айта кетейік, 2017 жылы Қазақстан Республикасы Ұлттық қауіпсіздік комитеті Шекара қызметінің Қызылорда облысы бойынша департаметінің «Қызылқұм» шекара бөлімшесіне ұлт-азаттық қозғалысының көрнекті өкілі, отаршылдарға қарсы Сыр бойындағы халық көтерілісінің басшысы, қазақ даласының хас батыры – Жанқожа Нұрмұхаммедұлының есімі берілді.
Шекара бөлімшесіне батыр бабамыздың есімі берілуіне Бақытбек Смағұлдың еңбегі ерекше. Тиісті орындарға халқына қорған болған Жанқожа батырдың ерліктерін жеткізіп, «Қызылқұм» шекара бөлімшесіне атын беру туралы ұсыныс береді. Жерлесіміздің ұсынысы 2017 жылы Үкімет тарапынан қолдау тапқан болатын.
<img src="https://kyzylorda-news.kz/wp-content/uploads/2021/07/fb_img_1625649992974.jpg" alt="" />
<img src="https://kyzylorda-news.kz/wp-content/uploads/2021/07/fb_img_1625650001268.jpg" alt="" />

ҚР Парламенті Мәжілісінің депутаты Қазалыға келді

<a href="https://kyzylorda-news.kz/">Kyzylorda-news.kz.</a> Аймақта жыл басынан бері суға кету дерегі бойынша 30 оқиға тіркелді. Қаза болған 35 адамның 20-сы бала. 3 жастағы сәбиден бастап 15-16 жас аралығындағы жасөспірімдер тілсіз жаудың құрбандары болды. Бұл туралы бүгін Өңірлік коммункациялар қызметінің ақпарат алаңында өткен баспасөз конференциясында облыстық ТЖД бастығының орынбасары Саид Молдақараев мәлімдеді.
<blockquote>
 “Сырдария өзені жағалауы және қала, аудан аумағында орналасқан су айдындарында тұрғындарға, әсіресе жастар мен балалардың қауіпсіздігін қамтамасыз ету мақсатында жауапты сала мамандары тартылды. Күнделікті 13:00-20:00-ге дейін рейдтік және патрульдеу іс-шаралары ұйымдастырылуда. Балық аулайтын орындарда 563 рейд өткізіп, 5606 адамға судағы қауіпсіздік ережелері бойынша түсіндіріп, үнпарақтар таратылуда. Қазіргі таңда, 24 адамға ескерту шарасы көрілді. Ескертетін жайт, қоршау белгілерінен асуға, көпірлерден, дамбалардан, қайықтардан суға секіруге және сүңгуге, таныс емес орындарда шомылуға болмайды. Сондай-ақ ата-аналарға балалардың бақылаусыз су жағасына жібермеуін сұраймыз”, – деді Саид Шазындаұлы.
</blockquote>

Қызылордада жыл басынан бері 20 бала суға кетті

<a href="https://kyzylorda-news.kz/">Kyzylorda-news.kz</a>. Қазақстанда коронавирустың үндістандық түрі бар болуы мүмкін. Елордада жүргізілген скрининг тексеруде коронавирустың соған ұқсас түрі анықталған. Нақ үнді штаммы екеніне көз жеткізу үшін әлі де зерттеу жүргізілуі керек.
Бірақ мамандар қазірден-ақ оған қарсы сақтық шарасына кірісіп жатыр. Үнді штамына байланысты қосымша шектеулер енгізілетін болды. Қандай шектеу қанша уақытқа енгізілетіні ертең үкіметтік комиссия отырысында шешіледі. &nbsp;
Үнді штаммы қалай анықталды? Ол қаншалықты қауіпті? Несімен ерекше?
Нұр-Сұлтан қаласында коронавирус инфекциясымен сырқаттану деңгейінің күрт өсуіне байланысты денсаулық сақтау министрлігі КВИ жұқтырған науқастардан алынған оң зертханалық үлгілердің ПТР-скринингін өткізді. Скрининг нәтижелері бойынша «Дельта» штамына тән мутацияға күдікті жағдай анықталды. Оны қарапайым тілмен «үнді» штаммы деп те атайды.
Үндістанның өзінде не болып жатқаны баршаға мәлім. Жағдайдың ушыққаны сондай, мамыр айында коронавирустан көз жұмып жатқандар саны бойынша әлемдік рекорд орнаған. Бір күнде қайтыс болғандар қатары&nbsp; 4200-ден асып кетті. Үнді штамының қаупі туралы дәрігерлер ерекше ескертіп айтады.
«Дельта» штамы осыған дейінгі түрлеріне қарағанда жұғу көрсеткіші 60 пайыз артық. Қазіргі штамдар бір адамнан орта есеппен 3-4 адамға таралатын болса, бұл штамм 5-6 адамға бірден жұғады әрі оны жұқтырған адам ауру екенін 14 күн емес, жетә күн ішінде біле қояды. Белгілеріне келсек, оны жұқтырғандардың буыны мен іші қатты ауырады. Жүрегі айнып, лоқсиды. Тіпті адамды саңырау етіп, аяқтың микротромбозына әкелуі әбден мүмкін дейді мамандар.&nbsp;
<blockquote>
 “Қазақстан мен Ресей аймағында осы күндері белең алған коронавирустың үнді штамы бұрынғы штамдарға қарағанда қаупі жоғары. Оны емдеу қиын және ең қиыны, осыған дейінгі штамдарға қарсы қалыптасқан антиденелерге төзімді. Сондықтан коронавируспен ауырып шыққандар да, вакцина салдырғандар да қайта ауыруы мүмкін. Тек вакцина салдырғандар жеңіл ауырады”,- дейді ресейлік медицина ғылымдарының докторы Дмитрий Еделев.
</blockquote>
Соңғы зерттеулерге қарағанда коронавирустың үнді штамын жұқтырғандардың ауруханаға түсуі мен олардың арасында өлім-жітімнің жиілеуі қатты байқалып отыр екен. Дүниежүзілік денсаулық сақтау ұйымының мәліметінше, SARS-CoV-2&nbsp; «Дельта штамм» әлемнің 174 елінде анықталған. Отандық дәрігерлер одан сақтанудың ең тиімді жолын да айтып берді.
<blockquote>
 “ПТР-скрининг тексеру арқылы Қазақстанға коронавирустың үндістандық түрі әкелінді деген болжам жасап отырмыз. Вирустың дельта-нұсқасы. Ол Нұр-Сұлтан қаласында тест үлгілерін алғанда анықталды. Одан сақтану үшін адам вакцина салдыру керек. Вакцина сақтанудың ең тиімді сақтану жолы. Вакцина алуды өзіңізді ғана емес, ағайын-туысыңызды да қорғау деп түсіну керек”, – деді ҚР Бас мемлекеттік санитар дәрігер Ерлан Қиясов.
</blockquote>
Үнді штамына қатысты қосымша карантин шектеулері де қабылданады. Бірақ қандай шектеу және қашан болатыны үкіметтік комиссияның ертеңгі отырысында шешіледі.
Қала әкімі Алтай Көлгінов те қала тұрғындарына үндеу тастады. Елорданың «қызыл» аймақта болуы, күн сайын қалада 300-ге жуық адамнан коронавирус анықталып жатқаны әкімнің тынышын алғаен. Дәрігерлермен бірге қала әкімі де елорда тұрғындарын вакцина алуға шақырып отыр.
<a href="https://www.ktk.kz/kz/">Ktk.kz</a>

Елімізде үнді штамы қалай анықталды? Қауіпті ме? Белгілері қандай?

<a href="https://kyzylorda-news.kz/">Kyzylorda-news.kz</a>. Нарықта оның құны алтыннан 300 есе, күмістен 10 мың есе қымбат деп бағаланады. Ең қызығы, Қазақстан бұл металлды өндіретін және сататын жалғыз мемлекет саналады. Еліміз экспорттайтын әлемдегі ең қымбат металдың бірі – осмий-187.
Қазақстан 2004 жылы нарыққа осмий-187 жеткізе бастағанға дейін оның бағасы грамына 100-200 мың доллар болған. Қазір осмий-187 изотопының құны грамына 10 мың долларды құрайды.
Осмий ақ түсті, көгілдір реңкке ие. Алтыннан 300 есе қымбат фантастикалық әдемі металл осылай көрінуі керек шығар. Осмийі бар сіріңке қорабының салмағы килограммнан асады. Алайда ол радиоактивті емес.
Осмий нарығын қалыптастырған және осы металды экспорттаушы технологиялық өркениеттің дамуына ықпал еткен Қазақстан болды. Бұрын осмий қорытпасынан эксклюзивті сағаттар мен қаламдар ғана жасалатын, ал оны тұтыну шамалы болатын. Қазір бұл салада сұраныс артты. Болашақта осмий, литий және оттегіден ультра қуатты кванттық компьютерлер шығару жоспарланып жатыр.
Қазақстаннан басқа АҚШ, Аустралия, Колумбия және Канадада осмий кен орындары бар, бірақ оны тек Қазақстан ғана экспорттайды. Осмийді өндіру мемлекеттік монополия. Сондықтан, әлемдегі ең қымбат металды сатудан түскен барлық кірістер ел қазынасына аударылады.
Осмий-187 аэроғарыш саласында, ракета жасауда, қазіргі заманғы технологиялар мен көптеген дәрілік препараттарды синтездеу кезінде пайдаланылады.
Айта кетейік, осмий-187 металдан қымбат тек тааффеит, тритий, алмас, калифорний сынды сирек кездесетін металдар.
<blockquote>
 Тааффеиттің бір граммы&nbsp; 20 000 доллар, тритийдің бір граммы 30 мың &nbsp;доллар, алмастың&nbsp; бір граммы 55 мың доллар, ал калифорнийдың&nbsp; граммы &nbsp;25-27 миллион доллар тұрады.
</blockquote>

Қазақстан — әлемдегі ең қымбат металды экспорттаушы жалғыз ел

<a href="https://kyzylorda-news.kz/">Kyzylorda-news.kz.</a> Нұр-сұлтан қаласынан Жетісайға шыққан 30-ға жуық жолаушысы бар автобус «Жезқазған-Қызылорда» трассасында бұзылып, жолда қалып қойғаны жөнінде «112- құтқару қызметіне» қоңырау түсті.
Аталған шақырту бойынша Өрт сөндіру қызметінен құтқарушылар арнайы ПАЗ автобусымен оқиға орнына жетті.
Белгілі болғандай, автобустағы 11 жолаушының 4-і бала. Араларында Өзбекстан азаматтары да бар. Қалғаны жолай көліктерге мініп кеткені анықталды.
Төтеншеліктер жолаушыларға ас-су беріп, дене қызуын, қан қысымдарын өлшеп, алғашқы медициналық көмек көрсетті. Мұнан соң арнайы көлікпен Қызылорда қаласына жеткізіп, автовокзалдан әрі қарай жолаушылар автобусына мінгізіп жіберді. Жолаушылар құтқарушыларға ризашылықтарын білдіріп, қызметтеріне сәттілік тіледі.

Жолаушылар қызылордалық төтеншеліктерге алғыс білдірді

<a href="https://kyzylorda-news.kz/">Kyzylorda-news.kz.</a> Қазалы ауданының әкімі Мұхтар Оразбаевтың төрағалығымен коронавирус инфекциясының алдын алу бойынша жедел штаб отырысы өтті.
Күн тәртібіндегі мәселе бойынша Қазалы аудандық санитариялық-эпидемиологиялық бақылау басқармасы басшысы Гүлсім Имандосова, Қазалы ауданаралық ауруханасының бас дәрігері Бақытгүл Әлішева сөз алып, аймақта эпидемиологиялық ахуалдың күрделене түскенін тілге тиек етті.
Аудан басшысы Қазалы ауданында карантиндік шараларды қатаң сақтауды, той-жиындардың алдын алу бағытындағы түсіндірме жұмыстарын күшейтуді қатаң тапсырды. Сондай-ақ, жұқпалы індетті жеңудің бірден-бір жолы вакцинация екенін айтып, бұл мәселеге аса қатты мән беру қажеттігін айтты.
Сонымен бірге, ауданда құрылған мобильді топ құрамымен мекемелерді, кәсіпкерлік нысандарды, сауда үйлерін аралап түсіндірме жұмыстарын жүргізуді тапсырды.
Жиын соңында аудан әкімі тиісті сала басшыларына нақты тапсырмаларды жүктеді.

Жұқпалы індет жайбарақаттылықты көтермейді

<a href="https://kyzylorda-news.kz/">Kyzylorda-news.kz</a>. Қазақстан бойынша 8-10 шілдеге арналған ауа райы болжамы жарияланды.
<blockquote>
 «Каспий теңізінің солтүстігінде қалыптасқан циклон және онымен байланысты фронтальды бөлімдер 8-10 шілде аралығында Қазақстанның бүкіл аумағын қамти отырып, солтүстік-шығыс бағытқа ығысатын болады. Осыған байланысты батыста, солтүстік-батыста, солтүстікте, орталықта және шығыста қатты жаңбыр жауады, олар найзағай, бұршақ, екпінді желмен бірге жүреді», – делінген хабарламада.
</blockquote>
Батыста ауа температурасы түнде +13+23℃ дейін жылынады, ал күндіз +23 +32℃ дейін, республиканың солтүстігінде, солтүстік-батысында түнде +10+21℃ күтіледі, күндіз термометр +20+28℃ температураға жетеді. Елдің орталығында және шығысында түнде +13+23℃, күндіз +25+37℃, ал Қазақстанның оңтүстігінде және оңтүстік-шығысында түнгі температура +18+25°С, күндіз +30+42°С болады.

Алдағы үш күнде ауа райы қандай болады?

<a href="https://kyzylorda-news.kz/">Kyzylorda-news.kz.</a> Бас прокурор Ғизат Нұрдәулетов қазақстандық блогерлердің қаржылық пирамидалардың қызметі мен жарнамалануына қатысты сауалға жауап берді, деп хабарлайды <a href="https://stan.kz/tanimal-blogerler-karzhi-piramidalarin-zharnamalagani-u-348968/">Stan.kz.</a>
2021 жылдың сəуір-мамыр айларында Алматы қаласының полиция департаментіне қаржы пирамидасын құру жəне басқару (“Astex.kz” ЖШС, “ACD technology” ЖШС жəне “Мудараба” ЖШС) фактісі бойынша ондаған тұрғыннан арыздар келіп түскен.
Осы орайда Нұрдәулетов аталмыш қаржы ұйымдарының жарнамасына қатысушыларды əкімшілік тəртіппен жазалауға қатысты қандай шаралар қабылданғанын айтып берді.
<blockquote>
 “Шынында да, қаржы пирамидаларын ұйымдастырушылар өз қызметін жарнамалау үшін атақты адамдарды тартқан. Формальды түрде олардың əрекеттерінен әкімшілік құқықбұзушылық туралы кодекстің 150-бабы (қаржылық (инвестициялық) пирамида қызметін жарнамалау) бойынша əкімшілік құқық бұзушылықтың құрамы байқалады.Алайда қылмыстық іс бойынша үкім шығарылғанға дейін Қылмыстық кодекстің 217-бабы бойынша ұйымның қаржы пирамидасы болып табылатынын немесе табылмайтынын анықтау мүмкін емес. Осыған байланысты, жарнамалау кезінде жоғарыда аталған ұйымдар қаржы пирамидалары болып танылмаған, сондықтан медиа тұлғаларды əкімшілік жауапкершілікке тарту үшін құқықтық негіздер жоқ”, – дейді Нұрдәулетов.
</blockquote>
Бас прокурордың айтуынша, блогерлер мен вайнерлердің қаржы пирамидасын құруға қатысы бар екені анықталған жағдайда оларға қандай жауапкершілік қарастырылғанын да айтты.
<blockquote>
 “Тергеу барысында блогерлердің, вайнерлердің жəне басқа да атақты адамдардың қаржы пирамидасын құруға қатысы бар екендігі анықталған жағдайда қылмыстық қудалау органдары олардың əрекеттеріне тиісті құқықтық баға беруге жəне пирамиданы құруға болысқаны үшін қылмыстық жауапқа тарту арқылы мəселені шешуге бағдарланған”, – дейді ол.
</blockquote>
Сонымен қатар бас прокурор Қаржы пирамидаларына қарсы іс-қимыл бойынша тиімді шаралар əзірлеу үшін құрамында Бас прокуратура, ІІМ, Қаржы министрлігі, АҚДМ, Ұлттық Банк өкілдері бар ведомствоаралық жұмыс тобы құрылғанын мәлімдеді.
<blockquote>
 “Сондай-ақ жеке тұлғалардың қаржы ұйымдарын жарнамалауға заңнамалық тыйым салуды енгізудің орындылығы зерделенуде”, – дейді Ғизат Нұрдәулетов.
</blockquote>

Қазақстан және Қызылорда облысының жаңалықтары: Қоғам

Қысқа мерзімде дайындалған вакциналар қауіпсіз бе?

Қызылордалық полицейлер ұрыны қолға түсірді

20-22 шілде – Құрбан айт мерекесі – құрбан шалу тәртібі қандай?

Әкімдер сайлауының алдындағы үгіт 14 шілдеде басталады

ҚР Парламенті Мәжілісінің депутаты Қазалыға келді

Қызылордада жыл басынан бері 20 бала суға кетті

Елімізде үнді штамы қалай анықталды? Қауіпті ме? Белгілері қандай?

Қазақстан — әлемдегі ең қымбат металды экспорттаушы жалғыз ел

Жолаушылар қызылордалық төтеншеліктерге алғыс білдірді

Жұқпалы індет жайбарақаттылықты көтермейді

Алдағы үш күнде ауа райы қандай болады?

Танымал блогерлер қаржы пирамидаларын жарнамалағаны үшін жазалана ма? – Бас прокурор жауабы

Қазақстан және Қызылорда облысының жаңалықтары: Қоғам

Қысқа мерзімде дайындалған вакциналар қауіпсіз бе?

Қызылордалық полицейлер ұрыны қолға түсірді

20-22 шілде &#8211; Құрбан айт мерекесі &#8211; құрбан шалу тәртібі қандай?

Әкімдер сайлауының алдындағы үгіт 14 шілдеде басталады

ҚР Парламенті Мәжілісінің депутаты Қазалыға келді

Қызылордада жыл басынан бері 20 бала суға кетті

Елімізде үнді штамы қалай анықталды? Қауіпті ме? Белгілері қандай?

Қазақстан — әлемдегі ең қымбат металды экспорттаушы жалғыз ел

Жолаушылар қызылордалық төтеншеліктерге алғыс білдірді

Жұқпалы індет жайбарақаттылықты көтермейді

Алдағы үш күнде ауа райы қандай болады?

Танымал блогерлер қаржы пирамидаларын жарнамалағаны үшін жазалана ма? &#8211; Бас прокурор жауабы

20-22 шілде – Құрбан айт мерекесі – құрбан шалу тәртібі қандай?

Танымал блогерлер қаржы пирамидаларын жарнамалағаны үшін жазалана ма? – Бас прокурор жауабы