<a href="https://kyzylorda-news.kz/">Kyzylorda-news.kz</a>. “Ashyq” жобасы мемлекет меншігіне өтті. Бұл жайында ҚР Цифрлық даму, инновациялар және аэроғарыш өнеркәсібі министрі Бағдат Мусин мәлім етті, деп хабарлайды&nbsp;<a href="https://stan.kz/">Stan.kz</a>.
Бағдат Мусин,&nbsp;“Ashyq” жобасы мемлекет меншігіне өткендіктен, жаңа мобильді қосымша дайындалып, бағдарламаның сапасы жақсаратынын мәлімдеді.&nbsp;
<blockquote>
 “Бұл сервис жуырда мемлекеттің меншігіне берілді. Кеше осы қосымшаны жасаушы Виталий Пустовойтенкомен құжаттарға қол қойып, “ҰАТ” АҚ өз қарамағына алды. Дербес деректердің қауіпсіздігі үшін алаңдаудың қажеті жоқ – Ashyq-тың барлық серверлері “ҰАТ” АҚ-ның мемлекеттік сервер орталығының контурында қорғалған. Енді қосымша “ҰАТ” АҚ-ның жауапкершілігіне өткендіктен, egovMobile-да арнайы функционал әзірлеуге тапсырма бердім”, – деп жазды министр&nbsp;Facebook-парақшасында.
</blockquote>
Сонымен қатар ол Kaspi және Halyk банкілермен сөйлесіп, платформаларында функционалды жүзеге асыруға ұсыныс жасағанын атап өтеді.
<blockquote>
 “Ashyq бизнес пен клиенттер үшін маңызды болғандықтан, әріптестерім бұл идеяға түсіністікпен қарап жатыр. Кейін Ashyq-ты дамыту аясындағы жаңа сервистер мен платформалар жөнінде “ҰАТ” АҚ қосымша хабарлайтын болады”, – деді Бағдат Мусин.
</blockquote>
Қосымшаны жасаған В.Пустовойдың мәліметінше, бүгінде Ashyq-ты 1,7 млн атап&nbsp;жүктеп алған.&nbsp;Азаматтар Ashyq қосымшасы арқылы кәсіпкерлік нысандарына, қоғамдық орындарға кіреберісте QR-кодты сканерлеп, коронавирусқа қатысты өз мәртебесін көрсетуі тиіс. Мәртебесі “көк” және “жасыл” түсті азаматтарға ғана нысандарға&nbsp;кіруге рұқсат.

Ashyq жобасы мемлекет меншігіне өтті

<a href="https://kyzylorda-news.kz/">Kyzylorda-news.kz</a>. 24 мамырдағы жағдай бойынша Қазақстан өңірлеріндегі эпидемиологиялық ахуалды бағалау матрицасы жарияланды.
«Қызыл» аймақта: Нұр-Сұлтан, Алматы қалалары, Ақмола, Атырау, Батыс Қазақстан, Қарағанды облыстары. «Сары» аймақта: Шымкент қаласы, Ақтөбе, Қостанай, Қызылорда, Павлодар және Солтүстік Қазақстан облыстары. «Жасыл» аймақта: Алматы, Шығыс Қазақстан, Жамбыл, Маңғыстау және Түркістан облыстары.
Айта кетейік, кеше «сары» аймақта тұрған Алматы және Маңғыстау облыстары бүгін «жасыл» аймаққа өтті. Ал кеше «жасыл аймақта» тұрған Қызылорда және Солтүстік Қазақстан облыстары «сары» аймаққа өтті.

Қызылорда «сары аймаққа» өтті

<a href="https://kyzylorda-news.kz/">Kyzylorda-news.kz</a>. 24 мамырда Қазақстан аумағының басым бөлігінде Батыс антициклонының ықпалынан жауын-шашынсыз ауа райы сақталады.
Тек республиканың оңтүстік-шығысы мен шығысында атмосфералық фронталды бөліктердің өтуіне байланысты кей жерде өткінші жаңбыр жауады.
<blockquote>
 “Кей жерде жел күшейеді, республиканың батысы мен оңтүстігінде шаңды дауыл күтіледі, оңтүстігінде найзағай, солтүстігінде түнде тұман болады”, – деп хабарлайды синоптиктер.
</blockquote>
Күндіз Маңғыстау, Ақмола, Атырау, Батыс Қазақстан, Ақтөбе, Қостанай, Солтүстік Қазақстан, Павлодар, Қарағанды облыстарында аптап ыстық болады.
Қызылорда облысының басым бөлігінде, Шығыс Қазақстан облысының кей жерінде, Алматы, Қостанай, Павлодар, Қарағанды, Атырау, Жамбыл облыстарының жекелеген аудандарында өте жоғары өрт қаупі күтіледі
Түркістан, Атырау облыстарының кей жерінде жел күшейіп, шаңды дауыл көтеріледі деп жоспарланып отыр.
Жамбыл, Қызылорда&nbsp; облыстарының кей жерінде жел 15-20 м/с-ке дейін күшейеді. Күндіз Жамбыл облысының тауларында бұршақ жаууы ықтимал, Қызылорда облысында шаңды дауыл болады.
Қарағанды, Шығыс Қазақстан, күндіз Батыс Қазақстан облыстарының кей жерінде жел 15-20 м/с-ке дейін күшейеді.
Күндіз Алматы облысының тауларында желдің күшеюі күтіледі.
Солтүстік Қазақстан облысының кей жерінде түнде және таңертең тұман түседі.

Қызылорда облысында шаңды дауыл болады

Kyzylorda-news.kz. Қазақстанның бас санитар дәрігері Ерлан Қиясов жаңа қаулыға қол қойды, деп хабарлайды Sputnik Қазақстан.
Құжатқа сәйкес Қазақстанның барлық аймақтарындағы кәсіпкерлік нысандарда Ashyq жобасын іске асыру шарасы кеңейтілетін болады.
Атап айтқанда:
йога орталықтарын қоса алғанда, фитнес-клубтары; спа-орталықтары; сауна, бассейндер;
PlayStation клубтарын қоса алғанда, компьютерлік клубтар; боулинг клубтары; кинотеатрлар; театрлар мен филармониялар;
асхана типіндегі объектілерді, стрит-фудтарды қоспағанда, қоғамдық тамақтану объектілері, жазғы алаңдар, фуд-корттар, банкет залдары;
облысаралық және қалалық тұрақты емес (туристік) тасымалдар;
бильярд клубтары; концерт залдары; ерікті қатысушылар; караоке; көрмелер; океанариум;
марафондар; көрермендер қатысатын спорттық іс-шаралар;
Нұр-Сұлтан қаласының әуежайы; Алматы қаласының әуежайы;
Шымкент пен Түркістан қаласының (2021 жылғы 31 мамырдан бастап) және 2021 жылғы 7 маусымнан бастап Ақтау мен Қостанай қаласының әуежайы;
лотерея клубтары мен лотерея сататын өзге де орындар Ashyq жобасының жұмыс істеуін қамтамасыз етуі тиіс.
Сонымен қатар жаңа қаулыда Ashyq жобасына жаңа қатысушыларды қосу алгоритмі, Ashyq жобасын іске асыру алгоритмі және “сары/қызыл” мәртебесі бар келушілер анықталған кезде шара қолдану туралы да айтылған.
Сондай-ақ, қатысушыларды Ashyq жобасынанан шығару тәртібі де қаулыда жазылған.
Облыстардың, Нұр-Сұлтан мен Алматы және Шымкент қаласының көліктегі бас мемлекеттік санитар дәрігерлері төмендегідей талаптардың орындалуын қамтамасыз етуі керек:
Ashyq жобасына қатысатын әлеуметтік-экономикалық объектілердің қызметін шектеу критерийлерінің сақталуын бақылау;
Ashyq жобасына қатысушылардың өтініштерін аймақтық кәсіпкерлік палаталарда қарау сатысында үйлестіру;
Ashyq жобасын ұйымдастыру мен жүзеге асыруға қойылатын талаптардың бұзылу фактілері бойынша және шектеуші және карантиндік шараларды бұзған адамдарға қатысты жобаға қатысушыларға қатысты әкімшілік шаралар қолдану.
Қаулы қол қойылған күннен бастап күшіне енеді және толық мәтінмен мына сілтемеге өтіп танысуға болады.

Қазақстанда бас санитар дәрігердің жаңа қаулысы жарияланды

<a href="https://kyzylorda-news.kz/">Kyzylorda-news.kz.</a> Ashyq қосымшасының жұмысында тағы ақау шықты, деп хабарлайды ҚазАқпарат.
«Құрметті Ashyq қосымшасын пайдаланушылар қазіргі уақытта мәртебені көрсетумен техникалық ақаулар байқалуда. Келтірілген уақытша ыңғайсыздықтар үшін кешірім сұраймыз!», – делінген хабарламада.
Ashyq қосымшсының баламалы нұсқасы – Aitu жүйесін қолдану ұсынылып отыр. Ол мына сілтеме бойынша қолжетімді.
Еске салайық, Ashyq-та техникалық ақау осыдан бірнеше күн бұрын да болған еді. Ол кезде ҚР Цифрлық даму, инновациялар және аэроғарыш өнеркәсібі вице-министрі Әсет Тұрысов қазақстандықтарға уақытша Aitu жүйесін қолдана тұруды ұсынды.
ҚР Бас мемлекеттік санитарлық дәрігерінің бүгін, 22 мамырда жарияланған жаңа қаулысына сәйкес, Ashyq жобасы өңірлер бойынша кеңінен таратылып, оған қосылатын кәсіпкерлік нысандар қатары артатын болады.
Айта кетейік, бұдан былай Ashyq мобильдік қосымшасын смартфонға жүктемей-ақ, сервисті www.ashyq.kz сайтында пайдалануға болады. Сайтта – «Тексеруді онлайн өту» сілтемесін басу қажет. Мобильдік қосымшадағы секілді мұнда да ағымдағы мәртебені тексеруге, мекемеге кірерде qr-кодты сканерлеуге болады.
Қазір карантиндік шектеу шараларына қарамастан, Ashyq жобасына қосылған кәсіпкерлік нысандарға жұмысын қайта бастауға рұқсат етілген. Азаматтар Ashyq қосымшасы арқылы ғимаратқа кіреберістегі QR кодты сканерлеп, коронавирусқа қатысты өз мәртебесін көрсетуі тиіс. Мәртебесі «көк» және «жасыл» түсті азаматтарға ғана нысандарға кіруге рұқсат.

Ashyq қосымшасында тағы ақау шықты

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 3353 адам коронавирус індетінен емделіп шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 634,
Алматы қаласы – 1089,
Шымкент қаласы – 366,
Ақтөбе облысы – 5,
Алматы облысы – 441,
Атырау облысы – 125,
Шығыс Қазақстан облысы – 87,
Жамбыл облысы – 30,
Батыс Қазақстан облысы – 43,
Қарағанды облысы – 364,
Қостанай облысы – 3,
Қызылорда облысы – 5,
Маңғыстау облысы – 12,
Павлодар облысы – 100,
Солтүстік Қазақстан облысы – 9,
Түркістан облысы – 40.
Қазақстан бойынша жазылғандар саны – 335938.

Қызылордада 5 адам коронавирустан жазылды

<a href="https://kyzylorda-news.kz/">Kyzylorda-news.kz</a>. Жексенбі күні ауа райының бұзылуына байланысты бірнеше өңірде ескерту жариялады, деп хабарлайды Қазгидромет.
Атап айтқанда, күндіз Маңғыстау облысында шаңды дауыл күтіледі. Оңтүстік-шығыстан, оңтүстіктен соғатын желдің күші кей жерлерде 15-18 м/с артады. Күндіз жекелеген аумақтарда 38-42 градус қатты ыстық болжанады.
Батыс Қазақстан облысында 39 градусқа дейін қатты ыстық болады. Жел оңтүстік-шығыстан, оңтүстіктен соғады, күндіз екпіні 15-20 м/с құрайды.
Қызылорда облысының кей жерлерінде шаңды дауыл тұрады. Солтүстік-шығыстан соғатын желдің жылдамдығы 25 м/с артуы ықтимал.
Атырау облысында кей жерлерде шаңды дауыл күтіледі. Оңтүстік-шығыстан жел соғады, күші жекелеген аумақтарда 15-20 м/с болады. Күндіз 39 градус қатты ыстық сақталады.
Күндіз Түркістан облысының тауларында найзағай күтіледі. Кей жерлерде шаңды дауыл тұрады. Солтүстік-шығыстан соғатын желдің күші 15-20 м/с, екпіні 23 м/с болады.
Шымкент қаласында солтүстік-шығыстан 15-20 м/с күшпен жел соғады. Күндіз Қостанай облысында 36 градусқа дейін қатты ыстық күтіледі.
Күндіз Солтүстік Қазақстан облысында оңтүстік-батыстан жел соғады, кей жерлерде күші 25 м/с кжетеді. 35-36 градус ыстық болжанады.
Күндіз 23-25 мамырда Жамбыл облысында тауда найзағай, бұршақ күтіледі. 23-25 мамырда кей жерлерде солтүстік-шығыстан жел соғады, екпіні 25 м/с жетеді.

Аптап ыстық, шаңды дауыл: Қызылордада ауа райына байланысты ескерту жарияланды

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 2167 адамда коронавирус індеті ПТР арқылы расталып ауырғаны белгілі болды, деп хабарлайды www.coronavirus2020.kz.
Аймақтар бойынша:
Нұр-Сұлтан қаласы – 322,
Алматы қаласы – 519,
Шымкент қаласы – 63,
Ақмола облысы – 135,
Ақтөбе облысы – 82,
Алматы облысы – 143,
Атырау облысы – 86,
Шығыс Қазақстан облысы – 93,
Жамбыл облысы – 38,
Батыс Қазақстан облысы – 91,
Қарағанды облысы – 349,
Қостанай облысы – 41,
Қызылорда облысы – 19,
Маңғыстау облысы – 50,
Павлодар облысы – 80,
Солтүстік Қазақстан облысы – 13,
Түркістан облысы – 43.
Жалпы ел бойынша ауырғандар саны 373182.

Қызылордада өткен тәулікте қанша адам коронавирус жұқтырғаны белгілі болды

<a href="https://kyzylorda-news.kz/">Kyzylorda-news.kz</a>. 23 мамыр күні Қазақстан территориясының басым бөлігінде құбылмалы ауа райы күтіледі, деп хабарлайды Қазгидромет.
Еліміздің тек оңтүстігінде және шығысында атмосфералық фронталды бөліктердің өтуіне байланысты кей жерлерде өткінші жаңбыр жауады. Республиканың жекелеген өңірінде екпінді жел, оңтүстікте найзағай, солтүстікте шаңды дауыл болжанады.
Атап айтқанда, Қызылорда облысының кей жерлерінде шаңды дауыл, күндіз желдің күші 25 м/с жетуі ықтимал.
Түркістан облысының кей жерлерінде шаңды дауыл болады. Желдің жылдамдығы 23 м/с күшейеді. Күндіз таулы аймақтарда найзағай күтіледі.
Жамбыл облысының кей жерлерінде жел күшейіп, екпіні 25 м/с артады. Күндіз таулы аймақтарда найзағай ойнап, бұршақ жаууы ықтимал.
Қарағанды, Атырау, күндіз Маңғыстау, Батыс Қазақстан, Ақтөбе, Қостанай, Солтүстік Қазақстан облыстарында желдің екпіні 15-20 м/с жетеді. Атырау облысының кей жерлерінде шаңды дауыл соғады.
Павлодар облысының жекелеген аумағында тұман болады.
Күндіз Маңғыстау, Ақмола, Атырау, Батыс Қазақстан, Ақтөбе, Қостанай, Солтүстік Қазақстан облыстарында қатты ыстық болжанады.
Сондай-ақ Қызылорда облысының басым бөлігінде, Шығыс Қазақстан облысының кей жерлерінде, Алматы, Қостанай, Қарағанды, Атырау облыстарының жекелеген аудандарында өте жоғары өрт қаупі күтіледі.

23 мамырда ауа райы қандай болады?

Kyzylorda-news.kz. Соңғы жылдары оңтүстік өңірлерде су тапшылығы кезеңі өтуде. Біріншіден бұл мәселе табиғи құбылыс. Себебі Өзбекстаннан бастау алатын өзендегі судың мөлшері азайған. Оған қоса, Сырдариядағы судың көлемі “Тоқтағұл” су қоймасына да тікелей тәуелді. Мәселен 2018-2019 жылдары су қоймасында 18 млрд. текше метр су болса, ал биыл 8,7 млрд текше метр ғана су бар. Сол себепті қиындықтар пайда болуда. Бұл туралы ҚР Экология, геология және табиғи ресурстар вице министрі Серік Қожаниязов Өңірлік коммуникациялар қызметінде өткен брифингте мәлімдеді.
Сырдариядағы су тапшылығын тек Қазақстан ғана емес, жоғарыдағы Қырғызстан, Тәжікстан, Өзбекстан елдері де көріп отыр. Осыған орай үкіметаралық келісімдер мен бағдарламалар жасалуда. Өзендегі судың аз болуына байланысты Қырғызстанға Өзбекстанмен бірлесіп тауар алмасу ретінде алдын ала электр энергиясын жөнелтілуде. Мамыр айының соңына дейін еліміз Қырғызстанға 370 млн кв сағат, ал Өзбекстан 250 млн кв сағат электр энергисые беруді жоспарлап отыр. Электр қуатын қырғыз елі тамыз айында қайтарып, оған қоса жаз айларындағы су аса қажет кезеңде 370 млн текше метр су жібереді. Оған қоса, Тәжікстан мемлекетімен де тиімді келіссөздер жүргізілуде. Оларға қажетті техникамен және жанар-жағармай беріп, тиісінше маусым, шілде айларында Сырдарияға қосымша 300-400 млн текше метр су алу мүмкіндігі туындамақ.
<blockquote>
 Сырдариядағы ортақ суды бөлісу үшін 4 мемлекетпен комиссия бекітілген. Арнайы ведмоства жылына 2 рет кездесу өткізеді. Ол жерде қай мемлекет қанша мөлшерде су алатындығы жөніндегі болжамдар кеңінен талқыланады. Өзендегі судың бөлінісін бақылайтын “Сырдария” бассейндік су шаруашылығы ұйымы бар. Өзбекстанда орналасқан мекемеге біздің елден 2 қызметкерді өкіл ретінде жібердік. Мақсат әрбір тамшы судың реттелуін бақылау. Айта кетейін, судан тек біздің ел емес жоғарыдағы мемлекеттер де зардап шегуде. Экологияға да, егінге де зиян тимеу үшін өзен суының қалыптылығын сақтау мақсатында үкімет деңгейінде жан-жақты шаралар қабылдануда, – деді ҚР Экология, геология және табиғи ресурстар министрінің орынбасары Серік Салауатұлы.
</blockquote>

Сырдария өзеніндегі суды реттеу үшін үкіметаралық жұмыстар жүргізілуде

Kyzylorda-news.kz. Бүгін облыс әкімдігінде Қазақстан Республикасының Экология, геология және табиғи ресурстар вице-министрі Серік Қожаниязовтың қатысуымен су тапшылығы жағдайында егістікті сумен қамтамасыз ету мәселесіне арналған селекторлық мәжіоіс өтті.
Жиында аймақ басшысы Гүлшара Әбдіқалықова Сырдарияның төменгі ағысында вегетациялық кезең күрделі су тапшылығы жағдайында өтіп жатқандығын, әсіресе күріш егу және оны суға бастыру жағдайы аса қиын жағдайда екендігін айтты.
<blockquote>
 Бүгінде Сырдария өзенінің ағысын реттейтін Нарын-Сырдария су қоймаларындағы су көлемі өткен жылдан 2 млрд.текше метрге кем. Қазіргі таңда Шардара су қоймасына түсіп жатқан судың көлемі егіншілерімізді алаңдатып отыр. Ағымдағы жылы облыс бойынша 188,2 мың гектарға ауыл шаруашылығы дақылдарын орналастыру жоспарланса, оның ішінде күріш егісінің көлемі өткен жылдан 5,1 мың гектарға қысқартылып, 84,4 мың гектарға егу межеленді. Дегенмен, күріш егу және оны суға бастыру жағдайы аса күрделі болып отыр. Атап айтқанда, өткен жылдың осы кезеңімен салыстырғанда күріш егу 5,1 мың гектарға және суға бастыру 7,4 мың гектарға кем келе жатыр. Су тапшылығы жағдайының алдын алу үшін, Су ресурстары комитеті мен Қызылорда облысы әкімдігінің вегетациялық кезеңде су тапшылығының алдын алу бойынша атқарылатын бірлескен іс шаралар жоспарын бекіттік. Сонымен бірге, каналдар арқылы су алу режимдерінің кестеге сай орындалуына мониторинг жүргізетін жұмысшы тобы құрылып, жұмыс жүргізілуде, – деді облыс әкімі Гүлшара Әбдіқалықова.
</blockquote>
<img src="https://kyzylorda-news.kz/wp-content/uploads/2021/05/fb_img_1621682052775.jpg" alt="" />
<img src="https://kyzylorda-news.kz/wp-content/uploads/2021/05/img-20210522-wa0056.jpg" alt="" />

Қызылорда: Вегетациялық кезеңде су тапшылығының алдын алу мәселесі талқыланды

Kyzylorda-news.kz. Санитариялық-эпидемиологиялық бақылау қызметінің мамандары балаларды сауықтыру лагерьлерін тексеруге кірісті. Бұл туралы ҚР ДСМ Санитариялық-эпидемиологиялық бақылау комитетінен мәлім етті, деп хабарлайды ҚазАқпарат.
ҚР Бас мемлекеттік санитариялық дәрігерінің 2021 жылғы 30 сәуірдегі № 17 қаулысына сәйкес республиканың аумағында балаларды сауықтыру лагерьлерінің қызметіне рұқсат етіледі. 17 мамырдағы жағдай бойынша республика аумағындағы 11 балаларды сауықтыру ұйымы санитариялық қағидалар мен гигиеналық нормативтердің талаптарына сәйкестігі туралы санитариялық-эпидемиологиялық қорытындыны алды. Атап айтқанда, Алматы облысында – 1, Павлодар облысында – 1, Түркістан облысында – 1, Ақтөбе облысында – 2, Қызылорда облысында 6 балалар лагерінің қызметіне рұқсат берілген.
<blockquote>
 «Балалар лагерьлері (жыл бойы жұмыс істейтін ұйымдарды қоспағанда) сауықтыру маусымы басталғанға дейін нысанның халықтың санитариялық-эпидемиологиялық саламаттылығы саласындағы нормативтік құқықтық актілерге сәйкестігі туралы санитариялық-эпидемиологиялық қорытындыны алуға міндетті. Жыл бойы жұмыс істейтін сауықтыру ұйымдары санитариялық-эпидемиологиялық қорытындыны ысанды пайдалану мерзімі басталғанға дейін бір рет алады», -деп атап өтеді комитеттен.
</blockquote>

Қазақстан және Қызылорда облысының жаңалықтары: Қоғам