<a href="https://kyzylorda-news.kz/">Kyzylorda-news.kz</a>. Арал аудандық мәслихат және қоғамдық кеңес өкілдері бірқатар елді мекендерді аралады.
Биыл ауданда орын алған қуаңшылық жағдайы жергілікті мал бағып отырған шаруаларға оңайға соқпағаны белгілі. Осы орайда аудандық мәслихаттың хатшысы Базарбай Төрахметов пен «Nur Otan» партиясы Арал аудандық филиалы төрағасының бірінші орынбасары, аудандық қоғамдық кеңесінің мүшесі Талғат Қанатов және аудандық мәслихат депутаты Батырхан Прекеев ауданға қарасты Қосжар, Бөген, Қаратерең және Жаңақұрылыс ауылдық округтерін аралап, жергілікті тұрғындармен кездесу өткізді.
Жергілікті халықпен жүздесу барысында биылғы қуаңшылық салдарын еңсеру бағытында қолға алынған жұмыстар мен қабылданған шаралар жайын тұрғындармен пысықтап, қазіргі таңда нақты атқарылып жатқан жұмыстардың барысы мен жүзеге асырылуы қажет деген шаралардың жай-жапсарын баяндап өтті.
Соның ішінде қиындыққа тап болған шаруаларға төтенше жағдай аясында тиісті көмектер жасалатындығын жеткізді. Бұдан бөлек, ауданға Болат Өтемұратов қорынан бөлінген қаржы бойынша тұрмысы төмен, аз қамтылған отбасыларды мал азығымен қамту бағытында да жұмыстардың басталып кеткендігін айтып, бұл жұмыстар әлде де жалғасын табатыны жайлы айтты.
Тиісінше жергілікті тұрғындар да төтенше жағдай қабылданғалы бері ауылға көршілес аудандардан және «Қиындықта ел бірге» акциясы аясында тегін шөп және Б.Өтемұратов қорынан бидай жемі (кебек) жеткізіліп, алғашқы кезекте мұқтаж отбасыларға тиісті көмектер жасалып жатқандығын ризашылықпен жеткізді.
Төрт түлікті түлетіп отырған тұрғындардың ендігі тілегі ауылға мал азығын төмендетілген бағамен жеткізіп беруге қолдаулар жасалса дейді. Бұл бағытта да тиісті жұмыстарды іске асыру шаралары аудан әкімдігінің күн тәртібінде тұрғандығын айтқан мәслихат және қоғамдық кеңес өкілдері бастысы ахуалға сабырмен қарап, халық арасындағы ауызбіршілікті сақтап, ел болып бұл қиындықты еңсеруге жұмылу қажет екендігін атап өтті. Сонымен қатар ауданымыздағы төтенше жағдайды еңсеру барысында атқарылған жұмыстар қоғамның назарынан тыс қалмай, әр қаржы мен көмек жергілікті қоғамдық кеңестің басты назарында болатындығын атап өтті.
<img src="https://kyzylorda-news.kz/wp-content/uploads/2021/08/231519928_3041643492830683_2126535318718320554_n.jpg" alt="" />

Мақсат &#8211; қуаңшылық жағдайын еңсерудегі шаралар жайын пысықтау

<a href="https://kyzylorda-news.kz/">Kyzylorda-news.kz</a>. Бүгін Жалағаш аудандық ардагерлер кеңесінің төрағасы Садық Әлиев бастаған бірқатар ардагерлер ерікті түрде екпе алды.
Денсаулықтың қадірін білген ардагерлер аудан тұрғындарын вакцина қабылдауға шақырды.
<blockquote>
 «Қиын-қыстау кезеңде бірліктің үлгісін көрсетіп, тәртіпке бағынып, індетке жұмыла қарсы тұру біздің бірлігіміздің қаншалықты екенін көрсетеді. Тұрғындар мамандардың, медицина қыз­мет­керлерінің еңбегін жоққа шығар­май, карантиндік ережелерде көрсетілген талаптарды қатаң сақтап, демеу білдіріп, қолдау көрсетуге тиіс. Сын сағатта тас түйін, біртұтас елдің үлгісін көрсету керек. Өйткені бірге көтерген жүк жеңіл болады. Бірлік бар жерде тірлік те бар. Ал ауызбіршілікпен жасалған кез келген істің нәтижесі тек жақсылық болмақ», – деді Садық Әлиев.
</blockquote>
Көп жылдар бойы әр түрлі салада еңбек етіп, қазіргі таңда бейнетінің зейнетін көріп отырған ардагерлер осылайша өзгелерге үлгі көрсетті. Қазір өте қиын кезең. Барлығымыз бірдей дәрігерлердің кеңесіне құлақ түруіміз керек. Біз де вакцина салдырамыз деп шештік. Екпе өзімізді және жақындарымызды қауіпті аурудан сақтайтынына сенеміз. Аға буын өкілдері жастарға үлгі болуы керек дейді ақсақалдар.
<img src="https://kyzylorda-news.kz/wp-content/uploads/2021/08/230969450_1267336637051745_6546530319366182084_n.jpg" alt="" />
<img src="https://kyzylorda-news.kz/wp-content/uploads/2021/08/231391461_1267336513718424_7479623522240518671_n.jpg" alt="" />

Жалағаштық ардагерлер екпе салдырды

<a href="https://kyzylorda-news.kz/">Kyzylorda-news.kz</a>. Жаңақорған ауданында жем-шөп дайындау үшін 23 260 гектар мал азықтық дақылдары орналастырылды. Бұл туралы аудан әкімі Руслан Рүстемов биыл жыл басынан бері ауданының әлеуметтік-экономикалық даму қорытындылары туралы баяндамасында айтты.
Атап айтар болсақ, 4 300 гектар жерге жаңа жоңышқа, 14&nbsp;170 гектарға ескі жоңышқа, сондай-ақ 4 590 гектарға күздік бидай, 150 гектар жерге жаздық бидай және 50 гектарға жаздық арпа егілді.
<blockquote>
 «Биылғы ауа-райының қолайсыздығынан мал жайылымдары мен мал азығын дайындауда біршама қиындықтардың орын алуына орай, көршілес Алматы, Жамбыл, Түркістан облыстарынан мал азығы жоңышқа шөбіне сұраныстың артуы, жоңышқа шөбінің қымбаттауына себепші болып отыр. Қазіргі таңда, 14 170 гектар ескі жоңышқаның бірінші орымы толық аяқталып, 45&nbsp;000 тонна шөп жиналды. Екінші орымға орақ түсуде», – дейді аудан әкімі.
</blockquote>
Сонымен қатар ауданда тау беткейіндегі ауылдарды сыр беткейіндегі күріш егумен және мал азығын дайындаумен айналысатын ауылдық округтерге орналасу ерекшелігіне қарай шөппен қамтамасыз ету бағытында бөлініс жасап, мал азығы дайындалуда.
<blockquote>
 «Тау беткейдегі Қыраш, Қосүйеңкі ауылдық округінің тұрғындары Аққорған ауылдық округіне қарасты «Түгіскен ТШ» ЖШС иелігіндегі&nbsp;500 гектар егістік жағалауларындағы қалың мия аралас қамыс шөбін орып, қысқа мал азығын дайындау жұмыстары жүргізілуде. Сонымен қатар, күріш, жоңышқа өсірумен айналысатын ауылдық округтерде бұл жұмыстар қарқынды жүргізіліп, тау беткейдегі мұқтаж азаматтар қажетті жем-шөппен қамтамасыз етілуде. Ауылдық округтерде өткізілген жиналыс барысында бірқатар азаматтар демеушілік жасады», – дейді Руслан Рүстемов.
</blockquote>

Жаңақорғанда 23 260 гектарға мал азықтық дақылдары орналастырылды

<a href="https://kyzylorda-news.kz/">Kyzylorda-news.kz</a>. Міндетті медициналық сақтандыру жүйесіндегі мәртебеңізді бірнеше жолмен тексеруге болады.
Qoldau 24/7 мобильді қосымшасы. Ол үшін мәзірде «Сақтандырылу мәртебесін тексеру» бөлімін таңдап, ЖСН енгізу қажет. Сол кезде мәртебе және алдыңғы 12 айдағы төлемдердің болуы туралы ақпарат пайда болады. 
Қосымшаны PlayMarket және AppStore-дан жүктеуге болады
Телеграмм-бот @SaqtandyryBot. Шағын бағдарламаны іске қосу үшін сілтемені ашу керек: https://t.me/SaqtandyryBot немесе іздеу жолына атау енгізіңіз, Бұдан әрі – «Сақтандырылу мәртебесін анықтау» бөлімін таңдаңыз, ЖСН енгізіңіз.
Egov.kz электрондық үкімет порталы. ол үшін «Денсаулық сақтау» бөлімінде «Медициналық қызметтерді тұтынушы ретінде қатысу туралы және міндетті әлеуметтік медициналық сақтандыру жүйесінде аударылған аударымдар және (немесе) жарналар сомасы туралы ақпарат беру» қызметін табу, «Қызметке тапсырыс беру» батырмасын басу, ЖСН көрсету қажет. Нәтиже 10 минут ішінде пайда болады.
Әлеуметтік медициналық сақтандыру қорының ресми сайты. «Мәртебені анықтау» нүктесі оң жақта орналасқан. Соны басып, ЖСН көрсету жеткілікті.
<img src="https://kyzylorda-news.kz/wp-content/uploads/2021/08/statws-kaz-scaled.jpg" alt="" />

МӘМС жүйесінде сақтандырылу мәртебесін қалай тексеруге болады?

<a href="https://kyzylorda-news.kz/">Kyzylorda-news.kz</a>. Токио Олимпиадасында қазақстандық боксшы Сәкен Бибосынов (52 келі) қола жүлдегер атанды, деп хабарлайды <a href="https://www.inform.kz/kz/tokio-2020-saken-bibosynov-kola-zhuldeger-atandy_a3820332">ҚазАқпарат</a>.
Ол жартылай финалда ұлыбританиялық Галал Яфаймен қолғап түйістірді.
Үшінші раундта Сәкеннің басымдығы байқалды. Қорытынды нәтижеде төрешілер ұлыбританиялық боксшының қолын көтерді.
Алғашқы екі раундта қарсыластар тепе-тең деңгейде ойын көрсетті. Сәкен Бибосынов 1997 жылы дүниеге келген. 2019 жылы әлем чемпионатында қола жүлдегер атанды.
Айта кетейік, ефрейтор Сәкен Бибосынов – ҚР Қорғаныс министрлігі орталық спорт клубының спортшысы.
Сәкен бұған дейін Пуэрто-Рикодан келген Янкиель Ривераны, франциялық Биллал Беннамды, испаниялық Габриэль Эскобарды жеңіп кетті.
Ал Галал Яфай 1992 жылы 11 желтоқсанда дүниеге келген. Бұдан бұрын дүниежүзілік деңгейде жетістікке жете қойған жоқ.
Галал Яфай бүгін ширек финалда әлем чемпионатының үш мәрте жүлдегері атанған кубалық боксшы Йосвани Вейтияны 4:1 есебімен қапы қалдырып кетті.
Одан бұрын армениялық Корюн Соломонянды, одан кейін замбиялық Патрик Чинембаны жеңді.
Еске салсақ, биылғы Олимпиадаға бокстан ерлер құрамасынан 8 спортшы барды. Оның арасынан Қамшыбек Қоңқабаев (91 келіден жоғары) қола жүлдегер атанды.
Қазақстандық боксшылар бұған дейінгі Олимпиадаларда барлығы 22 медаль алған. Оның 7-і алтын, 7-і күміс, 8-і қола.

Токио-2020: Қоржында тағы бір қола медаль

<a href="https://kyzylorda-news.kz/">Kyzylorda-news.kz</a>. Қызылорда облысындағы эпидахуалдың ушығуына ардагерлер де алаңдап отыр. Індеттің тез таралуына сақтық шараларының тиянақты сақталмауы әсер етуде дейді олар.
Қазіргі жағдайға байланысты әр саланың ардагерлері халық алдына шығып, өз пікірлерін білдіруде. Осы орайда Қызылорда су шаруашылығы мекемесінің ардагерлер бастауыш ұйымының төрағасы Жақып Бегіш “Ауырып ем іздегенше, ауырмайтын жол ізде” деген нақыл сөзді ел есіне салды.
<blockquote>
 «Аурудың алдын кесіп, тоқтатудың 2 жолы бар. Алғашқысы бетперде тағып, арақашықтық сақтап, көпшілік орындарға баруға тыйым салу. Қарапайым-ақ қағида. Екіншісі – вакцина алу. Бүгінде екпемен індетті ауыздықтап,тосқауыл қоюға болатынын әлем мойындап отыр. Менің жасым 74-те. Жақында ешкімнің мәжбүрінсіз, өз еркіммен вакцинаның 2 компонентін де алдым. Өзімді зерттеп, бақылап көрдім. Алғашқы күні екпе егілген қолымның ауырсынғаны рас. Келесі күні ешқандай кері әсері байқалмады. Тіптен ештеңе сезбедім десе де болады. Жұрттың алып-қашпа сөзіне ерудің қажеті жоқ екенін түсіндім. Туған күнге бармай қалу ұят, асқа бармасақ ұят, той тойламасақ ұят. Халқымыздың өзі «ауырып ем іздегенше, ауырмайтын жол ізде» деген емес пе? Ендеше ауырмаудың бірден бір жолы – екпе алу. Ел болып бірігіп, бәріміз күш салайық».
</blockquote>
<img src="https://kyzylorda-news.kz/wp-content/uploads/2021/08/231409002_1343806382681537_1144110072069638803_n-1.jpg" alt="" />

Жақып Бегіш: Ауырмаудың бірден бір жолы – екпе алу

<a href="https://kyzylorda-news.kz/">Kyzylorda-news.kz</a>. Бүгін Токиодағы Олимпиада ойындарында қызылордалық Мөлдір Жаңбырбай жарыс алаңына шығады.
Қызылордалық спортшы сағат жергілікті уақыт 13-45 шамасында әйелдер арасындағы каратэ спорт түрінен сынға түседі.
Сонымен қатар сағат 10:48-де бокстан жартылай финалға 52 келі салмақтағы Сәкен Бибосынов ұлыбританиялық Галаль Яфаймен жұдырықтасады.
Ал сағат 14:50 шамасында еркін күрестен «қола» медаль үшін 57 келі салмақтағы Нұрислам Санаев сынға түседі.

Токио-2020: Бүгін Мөлдір Жаңбырбай жарыс алаңына шығады

<a href="https://kyzylorda-news.kz/">Kyzylorda-news.kz</a>. Қызылордалық ардагерлер Сыр жұртшылығын індеттен сақтанып, вакцина алуға шақырады. Ұлттық саралау және сертификаттау орталығы жанындағы ардагерлер бастауыш ұйымының төрағасыӘбдіғаппар Әмірғалиев Немкеттілікке салынсақ індеттен құтыла алмайтынымызды ескертеді.
<blockquote>
 «Халқымыз ауыр кезеңді бастан кешіп отыр. Ел теңселіп кетті. Күнделікті хабардан қаншама адам ауырып, қаншамасы көз жұмғанын есту тым ауыр. Ең өкініштісі, дерттің соңы көрінбейді. Бастысы, жеке жауапкершілігімізді арттыруымыз керек. Бұрынғыдай бой күйездік, немқұрайлылық, немкеттілікке салынсақ індетті еңсере алмаймыз. Топтық, ұжымдық иммунитетті қалыптастыруымыз қажет. Дерттің бетін қайтарудың бастысы – бей-берекет жүруді тоқтату керек, бетперде тағып, арақашықтықты сақтағанымыз жөн. Ал ең індеттің ең басты емі де, қорғанышы да – вакцина. Сондықтан менің айтарым, жақыныңа, туғаныңа, бауырыңа жаның ашыса, вакцина алып, қорған! Өз қорғаныңды мықтап соқ! Екпеден қорқып, үрейленетін ештеңе жоқ».
</blockquote>
<img src="https://kyzylorda-news.kz/wp-content/uploads/2021/08/230532344_1343912192670956_8011017072396378910_n-1.jpg" alt="" />

Әбдіғаппар Әмірғалиев: Екпеден қорқып, үрейленетін ештеңе жоқ

<a href="https://kyzylorda-news.kz/">Kyzylorda-news.kz</a>.&nbsp;Қазақстанда өткен тәулікте 7276 адам коронавирус індетінен емделіп шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 2018,
Алматы қаласы – 1701,
Шымкент қаласы – 289,
Ақмола облысы – 186,
Ақтөбе облысы – 324,
Алматы облысы – 289,
Атырау облысы – 257,
Шығыс Қазақстан облысы – 111,
Жамбыл облысы – 50,
Батыс Қазақстан облысы – 62,
Қарағанды облысы – 1041,
Қостанай облысы – 303,
Қызылорда облысы – 99,
Маңғыстау облысы – 147,
Павлодар облысы – 107,
Солтүстік Қазақстан облысы – 167,
Түркістан облысы – 125.
Қазақстан бойынша жазылғандар саны – 499 965.

Қызылордада 99 адам коронавирустан жазылды

<a href="https://kyzylorda-news.kz/">Kyzylorda-news.kz</a>.&nbsp;Қазақстанда өткен тәулікте 7 792 адамда коронавирус індеті ПТР арқылы расталды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 1434,
Алматы қаласы – 1570,
Шымкент қаласы – 535,
Ақмола облысы – 259,
Ақтөбе облысы – 403,
Алматы облысы – 320,
Атырау облысы – 397,
Шығыс Қазақстан облысы – 288,
Жамбыл облысы – 160,
Батыс Қазақстан облысы – 185,
Қарағанды облысы – 931,
Қостанай облысы – 279,
Қызылорда облысы – 205,
Маңғыстау облысы – 225,
Павлодар облысы – 303,
Солтүстік Қазақстан облысы – 151,
Түркістан облысы – 147.
Жалпы ел бойынша ауырғандар саны – 610 744.

205 қызылордалықтан коронавирус инфекциясы анықталды

<a href="https://kyzylorda-news.kz/">Kyzylorda-news.kz</a>.&nbsp;5 тамыз күні Қазақстанның басым бөлігінде атмосфералық фронталды бөліктердің әсерінен жаңбыр жауып, найзағай ойнайды, деп хабарлайды Қазгидромет.
Еліміздің оңтүстігінде және орталығында ғана күн жауын-шашынсыз, ыстық болады. Республика бойынша кей жерлерде тұман түсіп, жел күшейеді, оңтүстікте шаңды дауыл тұрады.
Жамбыл, Шығыс Қазақстан, Павлодар облыстарында, таңертең және күндіз Түркістан, күндіз Қызылорда, Атырау, Батыс Қазақстан, Қостанай облыстарының кей жерлерінде жел 15-20 м/с жылдамдықпен соғады.
Жамбыл, Түркістан, Қызылорда, Атырау, Батыс Қазақстан облыстарында шаңды дауыл тұрып, Шығыс Қазақстан, күндіз Жамбыл облысының кей жерлерінде бұршақ жауады. Маңғыстау облысының жағалауында, Солтүстік Қазақстан облысының кей жерлерінде тұман түседі.
Күндіз Атырау облысы, Маңғыстау, Ақтөбе облыстарының кей жерлерінде өте қатты ыстық болады.
Күндіз Алматы, Жамбыл, Қызылорда, Түркістан, Қостанай облыстарының басым бөлігінде, Қарағанды, Батыс Қазақстан облысының кей жерлерінде қатты ыстық болады.
Қызылорда, Түркістан, Маңғыстау, Атырау, Жамбыл, Ақтөбе облыстарының басым бөлігінде, Қарағанды, Алматы, Батыс Қазақстан, Қостанай облыстарының кей жерлерінде, Шығыс Қазақстан облысының оңтүстігінде, Ақмола облысының жекелеген аудандарында төтенше өрт қаупі сақталады.

Бейсенбіге арналған ауа райы болжамы

Kyzylorda-news.kz. 2025 жылға дейінгі су ресурстарын басқару жөніндегі Ұлттық жобаға Сыр өңіріндегі су тапшылығының әсерін төмендету жоспарын енгізуге ұсыныс берілді. Бұл туралы Өңірлік коммуникациялар қызметінің ақпараттық алаңында өткен брифингте облыстық табиғи ресурстар және табиғат пайдалануды реттеу басқармасының бөлім басшысы Қайрат Жансұлтанұлы хабарлады.
ҚР Экология, геология және табиғи ресурстар министірлігі жоспарлы шараларды Ұлттық жоба құрамына енгізсе аймақтың экологиялық жағдайын жақсартуға бағытталған жобалар жолға қойылмақ. Жоспар аясында 17 жаңа жоба іске асырылады деп көзделуде. 4 бағыттан тұратын жоспардың бірінші кезеңінде экологиялық сауықтыру мәселесі қамтылса, екінші ретте қосымша су көздерін ұлғайту жұмыстары қолға алынбақ. Қашыртқы суды қайталама пайдалану мен сумен қамтамасыз етуді жақсарту жұмыстары жоспардың үшінші және төртінші кезеңдерінде қамтылған. Сонымен қатар Көкарал бөгетінің беріктігін қамтамасыз етіп, Сырдария өзенінің арнасын қайта қалпына келтіру, Арал ауданындағы Қамыстыбас және Ақшатау көлдерін суландыру үшін Аманөткел ауылының тұсына су торабын салу жоспарлануда. Жоспарға енген жобалар қатарында су тапшылығын болдырмау мақсатында 2,3 млрд. текше метр болатын қысқы тасқын суларды және егістіктен шыққан суларды жинайтын 6 жобаны іске асыру, дренажды ұңғымаларды қайта жаңғырту мен жаңадан 26 ұңғыма қазу, 67 насос қондырғыларын орнатып, қашыртқы суларды қайта пайдалану жұмыстары бар.

Қазақстан және Қызылорда облысының жаңалықтары: Қоғам

Мақсат – қуаңшылық жағдайын еңсерудегі шаралар жайын пысықтау

Жалағаштық ардагерлер екпе салдырды

Жаңақорғанда 23 260 гектарға мал азықтық дақылдары орналастырылды

МӘМС жүйесінде сақтандырылу мәртебесін қалай тексеруге болады?

Токио-2020: Қоржында тағы бір қола медаль

Жақып Бегіш: Ауырмаудың бірден бір жолы – екпе алу

Токио-2020: Бүгін Мөлдір Жаңбырбай жарыс алаңына шығады

Әбдіғаппар Әмірғалиев: Екпеден қорқып, үрейленетін ештеңе жоқ

Қызылордада 99 адам коронавирустан жазылды

205 қызылордалықтан коронавирус инфекциясы анықталды

Бейсенбіге арналған ауа райы болжамы

Қызылордада су ресурстарын басқарудың жаңа жоспары әзірленді

Қазақстан және Қызылорда облысының жаңалықтары: Қоғам

Мақсат &#8211; қуаңшылық жағдайын еңсерудегі шаралар жайын пысықтау

Жалағаштық ардагерлер екпе салдырды

Жаңақорғанда 23 260 гектарға мал азықтық дақылдары орналастырылды

МӘМС жүйесінде сақтандырылу мәртебесін қалай тексеруге болады?

Токио-2020: Қоржында тағы бір қола медаль

Жақып Бегіш: Ауырмаудың бірден бір жолы – екпе алу

Токио-2020: Бүгін Мөлдір Жаңбырбай жарыс алаңына шығады

Әбдіғаппар Әмірғалиев: Екпеден қорқып, үрейленетін ештеңе жоқ

Қызылордада 99 адам коронавирустан жазылды

205 қызылордалықтан коронавирус инфекциясы анықталды

Бейсенбіге арналған ауа райы болжамы

Қызылордада су ресурстарын басқарудың жаңа жоспары әзірленді

Мақсат – қуаңшылық жағдайын еңсерудегі шаралар жайын пысықтау