<a href="https://kyzylorda-news.kz/">Kyzylorda-news.kz</a>. Індеттен сақтану үшін қазіргі таңда жан-жақты сақтық шаралары жасалуда. Осы ретте, Қызылорда облысы бойынша барлық мектептер, балабақшалар мен колледждер «Ashyq» жобасына толықтай қосылды.
Білім беру ұйымдарынына кірмес бұрын ата-аналар мен мекеме қызметкерлері QR-кодты сканерлеп, әкімшіге қосымшадан шыққан нәтижені көрсетуі тиіс.
Еске сала кетейік, аталмыш қосымша 4 түс негізінде шешім қабылдайды. Мәселен «Қызыл» түс – үйде оқшаулану режимін білдірсе, «Сары» түсте тек дәріхана мен дүкенге рұқсат етіледі. Ал «Көк» пен «Жасыл» түстегі статус иелеріне қоғамдық орындарда емін-еркін жүріп тұруына болады.

Қызылордада барлық білім беру ұйымдары «Ashyq» жобасына қосылды

<a href="https://kyzylorda-news.kz/">Kyzylorda-news.kz</a>. Бүгін «Antilor Ortalygy» сервистік орталығында онлайн режимінде өңіріміздегі сайлау комиссиясының шешімі негізінде сайланған 41 аудандық маңызы бар қала, ауыл, кент, ауылдық округ әкімдерімен кездесу өтті.
Сондай-ақ кездесуге Қазақстан Республикасының Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Қызылорда облысы бойынша департаменті басшысының бірінші орынбасары Әлімқұлова Ғалия Ұбайдуллақызы, Қазақстан Республикасының Мемлекеттік қызмет істері агенттігінің Қызылорда облысы бойынша департамент басшысының орынбасары Байхожаев Берік Ұзақұлы, Қызылорда қалалық қоғамдық келісім кеңесінің төрағасы Әбішов Сайлаубай Әбішұлы және «Ақмешіт-адалдық алаңы» жобалық кеңсесінің жетекшісі, облыс әкімінің штаттан тыс кеңесшісі Тусмағанбетов Жандос Бектайұлы қатысты.
Кездесудің басты мақсаты сыбайлас жемқорлықтың алдын алу мақсатында құқықтық түсіндірме жүргізу, Қазақстан Республикасындағы меритократия, тиімділік, нәтижелік, транспареттік және қоғамға есептілік қағидаларына негізделген мемлекеттік қызмет жүйесін кәсібилендіру, мемлекеттік басқару жүйесін бәсекеге қабилеттілігін және халыққа сапалы қызмет көрсету қамтамасыз ету, болып табылады.
Сайлаубай Әбішұлы – жаңадан сайланған әкімдерге мемлекеттік қызметтегі өзінің тәжірбиесімен бөлісіп, қатысушыларымызға бірқатар кеңестер беріп алдағы қыметтеріне сәттілік тіледі.
Сонымен қатар, шара барысында сыбайлас жемқорлық сипатындағы құқық бұзушылықтың алдын алу шараларының бірі ол мемлекеттік сатып алудың бірыңғай терезесі арқылы мониторинг жұмыстары жайлы, қарамағындағы қызметкерлердің сыбайлас жемқорлығы үшін басшылардың отставкасы және тәртіптік жауапкершілігі институты туралы және сыбайлас жемқорлыққа қарсы заңнаманың жаңашылдықтары бойынша ауқымды ақпараттар берілді.<a href="https://www.facebook.com/photo/?fbid=528001948535738&set=pcb.528002355202364&__cft__[0]=AZUjlq25tbE9lzveyWGUBD267_KPPzq1xpVoc7-VjcTWaqB769VsoX4Lyy52r1OGrkN6BAs42lE5Qda4CW794-KtBRyL8zpMlHW3DKekPqqgRSSiPNTDf3r43T1gt5gbC2A49kzlPH7bKTqCmBw4oEMwc_Qg89LAdrytuD5Nark0KdKMD37XeLNqYhYpPQZDyNU&__tn__=*bH-R"></a><a href="https://www.facebook.com/photo/?fbid=528002021869064&set=pcb.528002355202364&__cft__[0]=AZUjlq25tbE9lzveyWGUBD267_KPPzq1xpVoc7-VjcTWaqB769VsoX4Lyy52r1OGrkN6BAs42lE5Qda4CW794-KtBRyL8zpMlHW3DKekPqqgRSSiPNTDf3r43T1gt5gbC2A49kzlPH7bKTqCmBw4oEMwc_Qg89LAdrytuD5Nark0KdKMD37XeLNqYhYpPQZDyNU&__tn__=*bH-R"></a>

Қызылордада жаңа сайланған әкімдермен кездесу өтті

<a href="https://kyzylorda-news.kz/">Kyzylorda-news.kz</a>. Мемлекет басшысының «Қазақстанның Үшінші жаңғыру: Жаһандық бәсекеге қабілеттілік»&nbsp;атты Жолдауын жүзеге асыру мақсатында Қызылорда облысы ҚАЖ департаментіне қатысты ЗК-169/1 тергеу изоляторына электронды терминал орнатылған болатын. Осы терминал арқылы бас бостандығынан айырылғандар тиісті мекемелерге арыз-шағымдарын жолдай алады.
Бүгінгі таңда бұл терминалға мекеменің инженерлік-техникалық күзет қызмет тобының аға инженері, әділет капитаны Асхат Бердібек жауапты болып бекітілген.&nbsp;Маман алғашқы күннен бастап терминалды пайдалану&nbsp;бойынша сотталғандарды оқытып келеді.
<blockquote>
 «Құрылғының функционалды ерекшеліктері бар, мысалы, сотталушының өзінің үндеуін жіберуі үшін құрылғыны жасаушылар «Secugen» деп аталатын саусақ ізін биометриялық сканерді ұсынады. Бұл жай ғана бағдарлама емес – бұл мекемедегі барлық сотталғандардың саусақ іздері мен анықтамалық деректері енгізілетін база. Шағым мен өтінішті сотталғандар мен тергеуге қамалған азаматтар өздері ресімдейді, олар өздерінің дербес деректерін енгізіп, оларды саусақ іздерімен растайды», – дейді жауапты маман.
</blockquote>
Бүгінде терминалды пайдаланып, арыз-шағымдарын жолдағандар бар.
<blockquote>
 «Жеке&nbsp; ісім бойынша Қызылорда облыстық прокаратурасына арызымды жолдадым.&nbsp;Ол үшін бөгде жанның қатысуынсыз, алдымен&nbsp;дербес деректерімді енгізіп, саусақ іздерімді растап, терминалдан 1523 сандық түбіртегін алдым. Бұл түбіртек өтінішімнің қарау кезегі болып саналады. Осылайша мен,&nbsp;құқықтық қажеттілігіме&nbsp; автоматтандырылған, оңтайландырылған электронды жүйеде қолжеткізіп отырмын. Мекеме басшылығына жүгінбей-ақ, бұндай ашық рәсімді пайдаланғаным жеке құқығымның сақталғаны деп білемін», – дейді сотты болған қызмет алушы.
</blockquote>
<img src="https://kyzylorda-news.kz/wp-content/uploads/2021/08/whatsapp-image-2021-08-04-at-08.50.49.jpeg" alt="" />

Қызылордада сотталғандар арыз-шағымдарын терминал арқылы жолдай алады

<a href="https://kyzylorda-news.kz/">Kyzylorda-news.kz</a>. Жаңа жер аудандарындағы циклон және оның атмосфералық фронттары, республиканың солтүстік жартысына найзағай, бұршақ, қатты жел мен жылудың әлсіреуімен жаңбыр тудырады.
Термометр бағандары түнгі уақытта еліміздің батысында 15-25 жылылықты, солтүстігінде 10-20 жылылықты көрсетеді. Күндізгі уақытта ауа температурасы батыста 27-35 жылыға дейін, солтүстікте 23-30 жылыға дейін болады.
Шығыста және орталықта ауа температурасы: түнде 10-20 градус, күндіз 25-35 градус жылы болады.
Еліміздің оңтүстік және оңтүстік-шығысында ыстық, құрғақ ауа райы сақталады, кей жерлерде шаңды дауылмен жел күшейеді. Алдағы күндері ауа температурасы: түнде 20-28 градус жылы, күндіз 32-42 градус жылы болады.

Алдағы үш күнге арналған ауа райы болжамы

<a href="https://kyzylorda-news.kz/">Kyzylorda-news.kz</a>.&nbsp;Қызылорда қаласында 1414 бірыңғай байланыс орталығы ашылды. Яғни күнделікті республикамыздың әр аумағынан 1414 бірыңғай байланыс номеріне келіп түскен қоңырауға қызылордалық мамандар жауап береді. Бұл туралы бүгін Өңірлік коммунмкациялар қызметінің ақпарат алаңында «Азаматтарға арналған үкімет» мемлекеттік корпорациясының облыс бойынша филиалының директоры Айнұр Тобаева мәлімдеді.
Мұндай орталық еліміздің екі өңірінде ғана бар. Қызылордалық мамандар азаматтардың қазақша сауалдарына жауап берсе, орыс тіліндегі қызметтерге Солтүстік Қазақстан облысының мамандары жауапты.
<blockquote>
 «Жергілікті атқарушы органның қолдауымен облыс орталығында Бірыңғай байланыс орталығы өз қызметін бастап, 100 маман жұмыспен қамтылды. Олардың кәсіби біліктілігі алдын-ала сарапқа салынды. Себебі, мамандар еліміздің әр өңірінен хабарласқан кез келген азаматтың сауалына нақты, дәл жауап беруі маңызды. Бұл үлкен жауапкершілікті қажет етеді», – деді Айнұр Шорабекқызы.
</blockquote>
Орталыққа бүгінге дейін орташа есеппен 3 мыңнан астам қоңыраулар түсіп, орталықтың 74 маманымен оларға сапалы кеңестер берілген.

Қызылордада 1414 бірыңғай байланыс орталығы ашылды

<a href="https://kyzylorda-news.kz/">Kyzylorda-news.kz</a>.&nbsp;Биылғы қуаңшылық салдары теңіз төскейіндегі халыққа оңай тимегенін тереңінен ұғынған ел еріктілері көмек беруге қарқынды атсалысып жатыр.
Соларды бірі Оңтүстік Қазақстан өңірінің тумалары Құрмет Талапқазы, Қажымұқан Абзалов, Сайлау қажы сынды азаматтары бастаған қайырымдылық шарасына Алматы облысының бір топ белсенділері Мұратбек Солтанбай, Ерлан Төлеубай және Қарқын Сейсен атты азаматтары үн қосып, елдің назарын ауданымыздағы қуаңшылық мәселесіне аударып, көмек қолын созуға біркісідей атсалысып келеді.
Атап айтқанда ерікті азаматтардың ұйымдастыруымен осы күнге дейін ауданымызға қарасты Сексеуіл кентіне 5 вагон, Қамыстыбас ауылдық округіне 3 вагон шөп жеткізіліп, ауыл тұрғындарына тегін үлестіріліп берілді.
Осындай қиын кезеңнен өтуге көмек беріп, жергілікті тұрғындардың жанына жалау болуды мақсат еткен еріктілер бүгінде осындай көмек легін жалғастыру мақсатында Сарағаш ауданынан мал азығын дайындауға кірісіп кеткендерін жеткізді.
<blockquote>
 «Бұл қайырымдылық шарасына қарапайым халық та, бірқатар бизнес өкілдері де айтарлықтай үлес қосуда. Соның ішінде «Business Damu Group» ЖШС мен «Туран Бизнес Груп» ЖШС-і ерекше қолдау білдірсе, бұл шарадан «Қазақстан Темір Жолы» ҰК» АҚ да шет қалмай, мал азығын ауданға жеткізуге ықпал етуде» – дейді ерікті Мұратбек Солтанбай.
</blockquote>

Аралға еріктілер көмек берді

<a href="https://kyzylorda-news.kz/">Kyzylorda-news.kz</a>. Жалағаш ауданының ауылдарындағы электр желілеріне жоспарлы күрделі және ағымдағы жөндеу жұмыстары жүргізілді.
Аламесек ауылы тұрғындарының өтініш-тілектеріне сәйкес елді мекенінде аудандық электр тарату торабының жөндеу бригадасы әуе желілері мен трансформатор қондырғыларына жоспарлы күрделі және ағымдағы жөндеу жұмыстары жүргізілді.
Ауылдағы Өмірбай шешен көшесі бойына алдағы уақытта абаттандыру жұмыстарын жүргізу мақсатында жарық шамдарының орыны ауыстырылып, көше кеңейтілді. Жолға жақын орналасқан электр бағаналары бір жүйеге келтірілді.
Ауқымды жұмыстарға ауылдағы «Нағи», «Рақымбек» шаруа қожалықтары өз үлестерін қосты. Елді мекенді абаттандыру, санитарлық тазарту жұмыстары алдағы уақытта да жалғасын табады.Айта кету керек, ауылдық елді мекендердің электр жүйелерін қайта жаңғырту жұмыстарын жүргізу үшін «Қызылорда электр тарату тораптары компаниясы» АҚ-ның жарғылық қорын ұлғайтуға облыстық бюджеттен 2019-2021 жылдары аралығында барлығы 373 млн. теңге бөлінді. Биыл Бұқарбай батыр елді мекенінің электр жүйелерін қайта жаңғырту жұмыстары жүргізіліп, пайдалануға берілді.
Сондай-ақ, биылғы жылы «Ауыл – Ел бесігі» жобасы аясында 138 млн. теңгеге Жалағаш кентіндегі Абай, Әйтеке би, Бұқарбай батыр, Желтоқсан көшелерін жарықтандыру жұмыстары жасалатын болады.
<img src="https://kyzylorda-news.kz/wp-content/uploads/2021/08/230631304_1266131697172239_8249860771365174354_n.jpg" alt="" />
<img src="https://kyzylorda-news.kz/wp-content/uploads/2021/08/229803148_1266131727172236_6265507579953085881_n.jpg" alt="" />

Жалағашта жарықтандыру жұмыстары қарқынды жүруде

<a href="https://kyzylorda-news.kz/">Kyzylorda-news.kz</a>. Шиелі аудандық прокуратурасының бастамасымен халықты жұмыспен қамту орталығының ұйымдастыруымен COVID-19 шектеулеріне байланысты жұмыспен қамту бөлімінде «Бос жұмыс орындарының жәрмеңкесі» өтті.
Жәрмеңкеге аудан әкімінің орынбасары Айтбай Насриддинұлы, аудан прокоротурасының прокуроры Елжас Ғалымұлы, аудандық жұмыспен қамту, әлеуметтік бағдарламалар және азаматтық хал актілерінің тіркеу бөлімінің басшысы Ағыбай Рүстемұлы, халықты жұмыспен қамту орталығының директоры Алмат Әбдуәзизұлы, 22 жұмыс беруші мекемелердің өкілдері қатысты.
Аталған жәрмеңкеде Айтбай Насриддинұлы аудан көлемінде жұмыспен қамту саясатын жүзеге асыру бағытындағы атқарылып жатқан шараларға тоқталып, бос жұмыс орындарының жәрмеңкесі азаматтарды жұмысқа орналастыруға жәрдемдесу және олардың жұмыс берушілермен өзара әрекеттесуді оңтайландыру болып табылатынын, осы шарада жұмыс берушілерден қолда бар бос жұмыс орындары мен еңбек жағдайлары туралы ақпарат алу жөнінде түсіндірме жүргізді.
Жәрмеңкеге қатысушы жұмыс іздеушілерге 18 жеке, 4 мемлекеттік мекемеден 77 бос жұмыс орындары ұсынылып, нәтижелі жұмыспен қамтуды және жаппай кәсіпкерлікті дамытудың «Еңбек» мемлекеттік бағдарламасының бағыттары ұзақ, қысқа мерзімді оқыту, «Бастау-Бизнес» жобасы, жаңа бизнес-идеяларға мемлекеттік қайтарымсыз грант беру, шағын несие, әлеуметтік жұмыс орындары, жастар практикасы, ақылы қоғамдық жұмыс, ұрпақтар келісімшарты, алғашқы жұмыс орны жобаларына қатысуға кеңестер берілді. Нәтижесінде 31 азамат тұрақты жұмыспен және жұмыспен қамтудың мемлекеттік қолдау шараларымен қамтылды.
Азаматтарды нәтижелі жұмысқа тарту үшін көбірек мүмкіндік беріп, олардың жеке кәсібін бастауына немесе жаңа мамандық алып, жұмысқа орналасуына жағдай жасау бағытындағы жұмыстар бұдан әрі де жалғасын табатын болады.
<img src="https://kyzylorda-news.kz/wp-content/uploads/2021/08/231519928_1129692790894512_6138061893792828929_n.jpg" alt="" />

Шиеліде бос жұмыс орындары жәрмеңкесі өтті

<a href="https://kyzylorda-news.kz/">Kyzylorda-news.kz</a>.&nbsp;Құжат бойынша меншік нысанына және ведомстволық бағыныстылығына қарамастан орта білім беру ұйымдарында 2021-2022 оқу жылының басталуы, ұзақтығы және каникулы кезеңдерінің мынадай мерзімдері айқындалды.
1) Жаңа оқу жылы әдеттегідей 2021 жылғы 1 қыркүйекте басталады.
2) Оқу жылының ұзақтығы 1-сыныптарда – 33 аптаға, 2-11 (12)- сыныптарда – 34 аптаға жетеді.
Каникул кезеңдері: Бүкіл сыныптарда – күзгі каникул – 7 күн (2021 жылғы 1-7 қараша аралығында),
– қысқы – 11 күн (2021 жылғы 30 желтоқсан мен 2022 жылғы 9 қаңтар аралығында),
– көктемгі – 12 күн (2022 жылғы 19-30 наурыз аралығында). 1-сыныптарға арналған қосымша каникул – 7 күн (2022 жылғы 7-13 ақпан аралығында) болып белгіленді.

Жаңа оқу жылындағы тоқсандар мен каникулдардың мерзімі бекітілді

<a href="https://kyzylorda-news.kz/">Kyzylorda-news.kz</a>.&nbsp;Жаңақорған ауданында егіс көлемі 449 гектарға артты. Бұл туралы аудан әкімі Руслан Рүстемов айтты.
Әртараптандыру жұмыстары да жүйелі жүргізіліп келеді. Мәселен, Жаманбай батыр ауылдық округіндегі «Пазылбек қажы» шаруа қожалығы «Акватерра гидрогелі» су үнемдегіш технологиясын пайдалана отырып, 500 га мақсары, 100 га жаздық бидай екті. Алдағы уақытта, майлы дақылдар егу жоспарлануда.
Жалпы, ауданда 6 ауылдық округте көлемі 327 га құрайтын 6 агроиндустриялды аймақ жұмыс істеп тұр. Агроаймақта тұрғындар егін егіп, азық-түлік қорын молайту бағытында тынбай еңбек етуде.
Аудандағы аяқ су мәселесін шешу мақсатында осы жылы облыстық бюджеттен 2 ауылдық округтегі каналдарды қазуға 150,8 млн. теңге және аудандық бюджеттен 4 ауылдық округтегі аяқ су каналдарын тазалауға 69,2 млн теңге қаржы бөлінді. Сонымен қатар, былтыр 9 насос алынса, биыл 8 насос сатып алынды.

Жаңақорғанда егісті әртараптандыру қолға алынды

<a href="https://kyzylorda-news.kz/">Kyzylorda-news.kz</a>. Қызылорда облысының әкімі Гүлшара Әбдіқалықова боксшы Қамшыбек Қоңқабаевтың Токио Олимпиадасындағы бүгінгі ойынынан кейін «Facebook» парақшасында жазба қалдырды.
<blockquote>
 «Қадірлі жерлестер! Қамшыбек батырымыздың Токио Олимпиадасының қола жүлдегері болуы баршаңызға құтты болсын! «Бақ шаба ма, бап шаба ма», – демей ме халқымыз. Алтын күтсек те, алтындай ұлымыздың бұл жеңісі біз үшін өте қымбат! Алда әлі талай жеңісті, жемісті сәттер бар деп сенемін», – деп жазады облыс әкімі.
</blockquote>

Гүлшара Әбдіқалықова: Алтындай ұлымыздың бұл жеңісі біз үшін өте қымбат

<a href="https://kyzylorda-news.kz/">Kyzylorda-news.kz</a>. Токио Олимпиадасында қазақстандық Қамшыбек Қоңқабаев (91 келіден жоғары) жартылай финалда АҚШ боксшысы Ричард Торреспен қолғап түйістірді.
Бүгінгі жекпе-жекте америкалық боксшының басымдығы аңғарылып, финалға шықты. Осылайша, қола жүлдеге жерлесіміз Қамшыбек Қоңқабаев ие болды.
Қазірге дейін Қамшыбек әуесқой бокста 60 жекпе-жек өткізіп, оның 51-де жеңіске жетті.

Қазақстан және Қызылорда облысының жаңалықтары: Қоғам