<a href="https://kyzylorda-news.kz/">Kyzylorda-news.kz</a>. Салымшылар зейнетақы қорында кемінде бес жыл жатқан ерікті зейнетақы жарналарынан төлем алу үшін&nbsp;<a href="https://enpf.kz/kz/">enpf.kz</a>&nbsp;сайты арқылы өтініш бере алады. Бұл туралы БЖЗҚ баспасөз қызметі хабарлады.
Онлайн қызмет салымшылардың уақытын үнемдеу және оларға ыңғайлы болу үшін іске қосылды.
Енді шотында кемінде бес жыл жатқан ерікті зейнетақы жарнасы бар қазақстандықтар БЖЗҚ корпоративтік сайтындағы жеке кабинет арқылы зейнетақы төлемін тағайындау туралы өтініш бере алады.
Төлем кімге беріледі:
<ul>
<li>міндетті зейнетақы жарнасы және (немесе) міндетті кәсіптік зейнетақы жарнасы есебінен: мерзімсіз 1 немесе 2 топтағы мүгедектігі бар тұлғаларға;</li>
</ul>
ЕЗЖ есебінен:
<ul>
<li>50 жасқа толған адамдар;</li>
<li>мүгедектігі бар тұлғалар</li>
<li>БЖЗҚ-да ерікті зейнетақы жарнасы мен оларға есептелген инвестициялық кіріс сомасы шегінде кемінде 5 жыл зейнетақы жинағы бар адамдар.</li>
</ul>
Өтініш беру үшін салымшының электронды цифрлық қолтаңбасы болуы керек.
enpf.kz сайтындағы “Электронды қызметтер” бөліміндегі “Менің төлемдер / аударымдар бойынша өтініштерім” қызметін пайдалана отырып, өтініштің орындалу статусын бақылауға болады.
2021 жылдың 1 тамызындағы жағдай бойынша 2,8 мыңға жуық салымшы БЖЗҚ кеңселеріне барып өтініш беру арқылы ЕЗЖ есебінен зейнетақы төлемін алу құқығын пайдаланды.
Ерікті зейнетақы жарнасы – салымшының өз еркімен зейнетақы қорына аударатын ақшасы.
Айта кетері, 2021 жылдың 1 мамырынан ерікті зейнетақы жарналарын есепке алу үшін шоттар автоматты түрде ашылады. Жеке зейнетақы шоттарын ашуға БЖЗҚ-ға түскен алғашқы ерікті зейнетақы жарнасы негіз болады. Яғни салымшыға кеңсеге барудың қажеті жоқ.
ЕЗЖ-ны жеке тұлға өзі үшін, жеке немесе заңды тұлғалар басқа біреу үшін аудара алады. Бұл ретте жарна мөлшері мен мерзімділігін салымшы өзі айқындайды.

Зейнетақы жинағын алғысы келетіндер үшін жаңа қызмет іске қосылды

<a href="https://kyzylorda-news.kz/">Kyzylorda-news.kz</a>.&nbsp;Коронавирус қоздыратын “Кавасаки” синдромына балалар жиі ұшырауда. Бұрын-соңды естімеген дертке елімізде биыл 30-ға жуық бала шалдыққан. Күні кеше шымкенттік 5 жасар бүлдіршін аталған аурудың қармағына ілініпті. Ол ауыр жағдайда ауруханаға жеткізілген, деп хабарлайды&nbsp;<a href="https://stan.kz/">Stan.kz</a>.
Елімізде ковидтен де қауіпті саналатын кавасаки тәріздес синдром балалар арасында таралуда. Статистика бойынша, биыл 28 бүлдіршіннен белгісіз дерт анықталған. Оның үшеуі қайғылы жағдаймен аяқталыпты.
Дәрігерлердің сөзінше, ең әуелі балада 2-3 күн дене қызу көтеріледі, аяқ-қолдарында бөртпелер пайда болады. Одан қалды, әлсіздік байқалып, көзі іріңдеп, қабынуы мүмкін.
<blockquote>
 “Кавасаки&nbsp;дегеніміз – вирус тудыратын ауру. Қазіргі кезде жиілеп кетті. Алғашқы белгілері дене қызуы басылмай,&nbsp;ұзақ уақыт сақталады. 39-40 градус”, – дейді педиатр-дәрігер Сымбат Мұратова.&nbsp;
</blockquote>
Шымкентте әбден әлсіреген, денесі бөрткен, буындары ауырған 5 жасар бүлдіршін тамыз айының басында ауыр жағдайда ауруханаға түскен. Дәрігерлер оның өмірімен екі апта арпалысқанын айтады. Абырой болғанда, бала құлан-таза айығып шығыпты.&nbsp;
<blockquote>
 “Шілде айында&nbsp;5 жасар науқас ауруханада жатты. Шағымы – температура көтерілуі, буындарының ісуі, бөртпелер шығуы, әлсіздігі, тәбетінің төмендігі. Бала бес күн реанимацияда болды, дер кезінде жағдайы жақсарды”, – дейді Шымкент қалалық балалар ауруханысының бас дәрігерінің орынбасары Қаламқас Даумбаева.
</blockquote>
Мамандардың сөзінше, Кавасаки синдромын тек коронавирус қана емес, өзге де инфекциялар қоздыруы мүмкін. Сондай-ақ&nbsp;естімеген дертке көбіне 2-7 жастағы балалар жиі шалдығады екен.
<blockquote>
 “Балада қосымша белгілі ауру болса, созылмалы аурулары болса, асқынады. Бұрыннан келе жатқан ауру. Бірақ өте сирек кездеседі. Себептері де әртүрлі. Қазір жиі кездесетіні – Кавасаки синдромы”, – дейді Сымбат Мұратова.&nbsp;
</blockquote>
Бұл вирус иммунитеті мықты, дұрыс тамақтанатын балаларға жоламайды. Сол себепті, жеткіншектерді қолды жиі жуып жүруге, бетперде тағуға баулып, таза ауада серуендету керек.

Коронавирус балаларда өте қауіпті ауру түрін қоздыруда

<a href="https://kyzylorda-news.kz/">Kyzylorda-news.kz</a>. Биылғы жылдың 7 айында экологиялық құқық бұзушылықтар мен қылмыстың алдын алу, ескерту, жолын кесу және анықтау бағытында Қызылорда облысы Полиция департаменті Жергілікті полиция қызмет басқармасының Табиғатты қорғау полиция тобымен біршама ұйымдастырушылық-тәжірибелік шаралар жүргізілді.
Есепті мерзімде атқарылған жедел-профилактикалық жұмыстардың нәтижесінде, табиғат қорғау заңнамаларын бұзушылықтың барлығы – 326 дерегі тіркелді. Оның ішінде, 21 қылмыстық және 305 әкімшілік құқық бұзушылықтар.
Мысалы, &nbsp;20 тамыз күні сағат 05:00 шамасында Қызылорда облысы Полиция департаментінің Сырдария аудандық полиция бөлімінің Табиғатты қорғау полиция тобының инспекторынан заңсыз аңшылық дерегі туралы хабарлама келіп түскен.
Полиция қызметкерлерімен Бесарық ауылына қарасты «100 гектар» деген жерде мемлекеттік белгісі жоқ «ИЖ» мотокөлігі тоқтатылды.
Тексеру барысында мотокөлік ішінен тіркеуде жоқ, 12-калибрлі аңшы мылтығы мен 7 дана оқ, жарық шам (прожектор) және 4 дана&nbsp; қоян аңы&nbsp; анықталған.
Оқиға орнына шыққан жедел-тергеу тобымен 33 жастағы екі күдікті ұсталды. Олар аудан тұрғындары болып шықты. Барлық айғақты заттар тәркіленді.
Аталған дерек бойынша Сырдария аудандық полиция бөлімімен заңсыз аңшылық бойынша сотқа дейінгі тергеп – тексеру амалдары жүргізілуде.

Қызылордада заңсыз аң аулаған ауыл тұрғындары ұсталды

<a href="https://kyzylorda-news.kz/">Kyzylorda-news.kz</a>. Биылғы жылдың алғашқы жартыжылдығында қызылордалықтарға көрсетілген медициналық қызметтердің сапасы мен көлемі бойынша 33,3 мың ақау анықталды.
Әлеуметтік медициналық сақтандыру қорының сарапшылары мемлекет тегін медициналық көмектің кепілді берілген көлемі (ТМККК) шеңберінде және МӘМС пакеті бойынша Жеткізушілер көрсеткен қызметтердің сапасы мен көлеміне мониторинг жүргізуді жалғастыруда.
Биылғы жылдың бірінші жартыжылдығында халыққа медициналық көмек көрсету кезінде 33,3 мыңдай түрлі кемшілік анықталды, медициналық ұйымдарға салынған айыппұл сомасы 502 млн теңгеден асты.
<blockquote>
 «ТМККК және МӘМС пакеттері бойынша Қор жеткізушілері халыққа көрсеткен медициналық қызметтер үшін ақы төлеу осы қызметтердің сапасы мен көлеміне мониторинг жүргізілгеннен кейін ғана жүргізілетінін атап өткен жөн. Іс жүзінде көрсетілген және медициналық көмек көрсету стандарттары мен ережелерін, сондай – ақ клиникалық хаттамалардың ұсынымдарын сақтай отырып, құжатпен расталған қызметтерге ақы төленеді», – деп атап өтті «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов.
</blockquote>
Қор филиалының директоры түсіндіргендей, анықталған кемшіліктің ең көп саны жан басына шаққандағы нормативке кірмейтін, әрбір қызмет жеке төленетін консультациялық-диагностикалық қызметтерді көрсетумен байланысты. Жалпы құны 37,0 млн теңге болатын 26,3 мыңнан астам осындай ақаулар тіркелді. Сондай-ақ, амбулаториялық-емханалық көмек көрсету кезінде 2 231&nbsp;ақау, тәулік бойы жұмыс істейтін көп бейінді стационарларда медициналық көмек көрсету кезінде 4 125 кемшіліктер және ауылдық стациоанрларда 609ақаулар анықталды.
Шағым немесе өтініш беру үшін 1406 телефонына немесе Qoldau – 24/7 мобильді қосымшасы арқылы хабарласу қажет.

МӘМС: Медициналық қызметтердің сапасы бойынша 33,3 мың ақау анықталды

<a href="https://kyzylorda-news.kz/">Kyzylorda-news.kz</a>. Қызылордада көрнекі ақпараттарда тіл туралы заңнама талаптарын түсіндіру жұмыстары жүргізілді.
Қызылорда облысының ішкі саясат басқармасының ұйымдастыруымен арнайы топ өкілдері Қызылорда қаласындағы шағын және орта кәсіпкерлік субъектілеріне «Қазақстан Республикасындағы тіл туралы» ҚР Заңының 21-бабының талаптарын сақтау қажеттігін түсіндірді.
Бизнес субъектілеріне көрнекі ақпаратты заңнамаға сәйкес ресімдеу бойынша таратпа материалдар берілді.
Бекітілген жұмыс жоспарына сәйкес бұл бағыттағы жұмыс алдағы уақытта да жалғасын табатын болады.
<img src="https://kyzylorda-news.kz/wp-content/uploads/2021/08/photo1629456844-15.jpeg" alt="" />

Қызылорда: Көрнекі ақпараттарда тіл туралы заңнама талаптары түсіндірілді

<a href="https://kyzylorda-news.kz/">Kyzylorda-news.kz</a>.&nbsp;Қызылорда қаласы Қорғаныс істері жөніндегі басқармасы мен аудандық Қорғаныс істері жөніндегі бөлімдерінде санитарлық-эпидемиологиялық талаптарды сақтай отырып, күзгі шақырылым буындарымен алдын-ала зерделеу жұмыстары жалғасын табуда.
Қызылорда гарнизонындағы күзгі мерзімдегі әскерге шақырылушыларды зерделеу жұмыстары 2021 жылдың 10 шілде айында басталды. Күзгі шақырылым алдында Сыр өңірінде 18 бен 27 жас аралығындағы екі мыңнан астам бозбалаларды зерделеуден өткізу жоспарда. Қазіргі таңда бір жарым мыңнан астам шақырылушымен зерделеу жұмыстары аяқталды. Осы жылдың қыркүйек айына дейін зерделеу жұмыстары жалғасын табады.
Азаматтарды мерзімді әскери қызметке шақыру Қазақстан Республикасы Президентінің Жарлығы және Қазақстан Республикасы Үкіметінің қаулысы негізінде жылына екі рет көктем және күз айларына жоспарланады.
Азаматтардың әскерге шақыру пункттеріне келуі және оларды мерзімді әскери қызметке шақыру туралы хабардар етуді тұрғылықты жері бойынша жергілікті әскери басқару органдары шақырту қағазымен немесе жұмыс (оқу) орны бойынша ұйым басшыларының қолдарын қойғыза отырып жүргізіледі.
Зерделеу жұмыстары негізінен екі кезеңді қамтиды. Бірінші кезеңінде шақырылушылар және олардың ата-аналарымен, жұмыс жасайтын немесе оқитын орындарының өкілдерімен әңгімелесу жүргізіліп, жеке істері тексеріледі. Әңгімелесу барысында денсаулық жай-күйі, моральдық сапасы, жалпы білім беру мен арнайы дайындығы және отбасы жағдайы анықталады. Әскерге шақырылушылардың жеке ісін зерделеу ҚР Ұлттық қауіпсіздік комитеті мен ҚР Ішкі істер органдарының және денсаулық, халықты әлеуметтік қорғау органдарының өкілдерімен бірлесіп жүзеге асырылады.
<blockquote>
 «Жүргізіліп жатқан зерделеу жұмыстары арқылы әскерге шақырылушылардың көптеген мәліметтері анықталуда. Әскерге шақырылушылардың әскерге шақырылғанға дейін алған мамандықтары ескерілуде. Қазіргі таңда әскери борышын өтеуге ниет білдіруші жастардың көбейгендігі көңіл қуантады», – дейді Қызылорда қаласының ҚІЖБ бастығының тәрбие және идеологиялық, әскери-патриоттық жұмыстары жөніндегі орынбасары аға лейтенант Бағдат Ахимбеков.
</blockquote>
Ал, тәжірибе жүзінде жалғасатын екінші кезеңде әскерге шақырылушылар қалалық және аудандық медициналық комиссиядан өткен соң, қай әскери бөлімге борышын өтеуге баратындығы анықталатын болады.

Қызылорда гарнизонында зерделеу жұмыстары жалғасуда

<a href="https://kyzylorda-news.kz/">Kyzylorda-news.kz</a>. Қазақстан Республикасы Парламенті Сенатының депутаты Мұрат Бақтиярұлы жұмыс сапарымен Қазалы ауданында болды.Сенат депутаты, Қазақстан Республикасы Парламенті Сенатының әлеуметтік-мәдени даму және ғылым комитетінің төрағасы Мұрат Бақтиярұлы сапар барысында тұрғындармен кездесті. Oблыстық, аудандық мәслихат депутаттары мен құрылысшылар қатысқан жиынға аудан әкімі Мұхтар Оразбаев төрағалық етті.
Кездесуде Сенатор Парламенттегі атқарылып жатқан жұмыстармен таныстырып, мемлекеттік бағдарламалардың орындалу барысын баяндады.
Отырыста облыстық мәслихат депутаты Ібайдулла Тілеп ауданда балабақшаларды жан басына қаржыландыруға байланысты көптеген мәселелер бар екендігін айтты. Алдағы уақытта мектептер де осы жүйеге көшсе тағы да қиындықтар орын алатынын ескертті. Мұнан соң халық қалаулысы көптеген адамдарды мазалап жүрген түйіткілді сұрақты қойды.
«Мемлекеттік әлеуметтік медициналық сақтандыруға ай сайын қаржы аударып отырған аудандағы мекемелердің қызметкерлері неліктен жыл сайын өтетін медициналық тексеруге қалтасынан ақша төлейді? Бұл қызмет түрі ақылы болатын болса ай сайын не үшін айлығының бір бөлігін аударып отыр?» – деді облыстық мәслихат депутаты Ібайдулла Тілеп.
Облыстық мәслихат депутаты, «Сыр маржаны» ЖШС директоры Мнажадин Өтеев баға тұрақтылығы мен мемлекеттік сатып алудың кейбір мәселелерін көтерді.Басқосуға қатысқан «Намыс құрылыс» ЖШС директоры Әбдімәлік Өтеулі, «Жылу ХХІ» ЖШС директоры Көпжан Бижанов, «Қазалы Строй Сервис» ЖШС директоры Әділбек Сарабеков мемлекеттің сатып алу конкурсындағы кемшіліктер мен олқылықтар туралы айтып берді. Құрылыс саласында жұмыс істейтін серіктестік басшыларының айтуынша, мемлекеттік сатып алу конкурсының жеңімпазы болып бір құрал-жабдығы жоқ мекемелер танылып жататынына қынжылыс білдірді. Сондай-ақ, көп жағдайда құрылыс мекемелері жеңімпаз атану үшін бағаны 40-50 пайызға дейін түсіріп жіберетінін айтты. Мұндай жағдайда құрылыс нысанының сапасы болмайтынын бірауыздан айтты.
Құрылыс мекемелерінің басшылары Сенат депутатынан осы мәселелерді шешуге көмектесіп, Үкімет тарапынан қолдау көрсетілуін сұрады.
Өз кезегінде Сенат депутаты Мұрат Бақтиярұлы көтерілген мәселелердің барлығы маңызды екенін жеткізіп, міндетті түрде айтылған ұсыныс-пікірлердің барлығын тиісті орындарға жеткізетінін тілге тиек етті. Әсіресе, мемлекеттік сатып алу конкурсына қатысты айтылғандардың барлығын тағы да әріптестерімен пысықтап, заңды жетілдіру үшін ұсыныстар айтатынын жеткізді.
Сенат депутаты Қазалы ауданына сапары кезінде Әйтеке би кентінде салынып жатқан Жалаңтөс батыр ескерткіші мен «Аймақаш» мөлтек ауданында салынып жатқан арендалық тұрғын үйлердің құрылысымен танысты. Сондай-ақ, Сырдария өзенінің «Қарлаң» учаскесіндегі қалқымалы көпірге барып, мән-жаймен танысты. Мұнда аудан әкімі Мұхтар Оразбаев осы маңнан салынатын темір-бетон көпірінің жоба-сметалық жобасы дайындалып, сараптамадан өткізілгендігін жеткізді. Көпір құрылысын салу үшін 4,4 млрд теңге қаржы қажет.Сенатордың Қазалы ауданындағы сапары «Жалаңтөс батыр» ЖШС егістік алқабында аяқталды. Егістік басында аудан әкімі Мұхтар Оразбаев Мұрат Бақтиярұлына Қазалы ауданы бойынша егілген күріштің көлемі мен биылғы жылы су тапшылығына байланысты атқарылған жұмыстармен таныстырды.
Егістік басында «Жалаңтөс батыр» ЖШС директоры Қасқырбай Әлімбай, «Сыр маржаны» ЖШС директоры Мнажадин Өтеев, «Кіші Абай» шаруа қожалығының жетекшісі Әнес Дидаров егін және мал шаруашылығын дамыту жөніндегі ұсыныс-пікірлерін білдірді.
<img src="https://kyzylorda-news.kz/wp-content/uploads/2021/08/mwrat2.jpg" alt="" />
<img src="https://kyzylorda-news.kz/wp-content/uploads/2021/08/kazaly1.jpg" alt="" />

Сенат депутаты Қазалыдағы құрылыс нысандарында болды

<a href="https://kyzylorda-news.kz/">Kyzylorda-news.kz</a>. Ауғанстанда барлығы 15-ке жуық қазақ отбасы тұрады,&nbsp;деп хабарлайды «Хабар 24».
Бұл шамамен 200-дей адам. Сыртқы істер министрлігінің ресми өкілі Айбек Смадяровтың мәліметі осындай. Оның айтуынша, Президент Қасым-Жомарт Тоқаев осы елдегі этникалық қазақтардың қауіпсіздігін қамтамасыз етіп, тарихи отанына қайтаруға көмек көрсету бойынша арнайы тапсырма берген. Осыған байланысты мәселе Ауғанстандағы елшіліктің ерекше бақылауына алынды. Қазір Кабулде біздің елдің оншақты дипломаты штаттық режимде жұмыс істеп жатыр. Олардың қатарында азаматтардың этникалық қазақ екенін анықтайтын арнайы комиссия құрылған.
Айта кетейік, Кабулдағы Қазақстан елшілігін Талибан ұйымының өкілдері күзетіп тұр. Тәліптер Ауғанстан астанасын басып алған күні біздің елшілікке келіп, жұмысты бұрынғыша жалғастыра беруді айтқан. Сондай-ақ дипломаттардың қауіпсіздігін қамтамасыз етуге уәде берген.&nbsp;
<blockquote>
 «Кейбір БАҚ Ауғанстанда бірнеше мың этникалық қазақ тұратыны туралы тексерілмеген ақпарат таратты. Бұл шындыққа сәйкес келмейді. Осыған байланысты ақпаратты мұқият тексеріп, қажетсіз дүрліктірмеуді сұраймыз. Біз тиісті жұмыс жүргізіп жатырмыз және Ауғанстандағы қазақтармен тұрақты байланыстамыз», – ҚР СІМ халықаралық ақпарат комитеті төрағасының орынбасары Айбек Смадияров.
</blockquote>

Ауғанстанда қанша қазақ бар?

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 5 097 адам коронавирус індетінен емделіп шықты, деп хабарлайды <a href="https://www.coronavirus2020.kz/kz">coronavirus2020.kz</a>.
Аймақтар бойынша:
Нұр-Сұлтан қаласы – 414,
Алматы қаласы – 1 376,
Шымкент қаласы – 167,
Ақмола облысы – 256,
Ақтөбе облысы – 20,
Алматы облысы – 424,
Атырау облысы – 469,
Шығыс Қазақстан облысы – 67,
Жамбыл облысы – 57,
Батыс Қазақстан облысы – 32,
Қарағанды облысы – 1 003,
Қостанай облысы – 46,
Қызылорда облысы – 150,
Маңғыстау облысы – 252,
Павлодар облысы – 136,
Солтүстік Қазақстан облысы – 85,
Түркістан облысы – 143.
Қазақстан бойынша жазылғандар саны – 615 816.

150 қызылордалық коронавирустан жазылды

<a href="https://kyzylorda-news.kz/">Kyzylorda-news.kz</a>. Қазақстанда 22 тамыз 23:59-дағы эпидемиологиялық жағдай бойынша ПТР арқылы 6 314 адамда коронавируспен ауырғаны расталды, деп хабарлайды <a href="https://www.coronavirus2020.kz/kz">coronavirus2020.kz</a>.
Аймақтар бойынша:
Нұр-Сұлтан қаласы – 650,
Алматы қаласы – 1 615,
Шымкент қаласы – 147,
Ақмола облысы – 278,
Ақтөбе облысы – 382,
Алматы облысы – 408,
Атырау облысы – 310,
Шығыс Қазақстан облысы – 158,
Жамбыл облысы – 191,
Батыс Қазақстан облысы – 93,
Қарағанды облысы – 913,
Қостанай облысы – 291,
Қызылорда облысы – 124,
Маңғыстау облысы – 219,
Павлодар облысы – 320,
Солтүстік Қазақстан облысы – 159,
Түркістан облысы – 56.
Жалпы ел бойынша ауырғандар саны 743 220.

Қызылордада коронавирус жұқтырғандар азайып келеді

<a href="https://kyzylorda-news.kz/">Kyzylorda-news.kz</a>. Антициклон жотасының ықпалымен Қазақстан аумағының басым бөлігінде жауын-шашынсыз ауа райы сақталады, деп хабарлайды Қазгидромет.
Күндіз оңтүстік және оңтүстік-шығыс таулы аудандарда атмосфералық фронтальды бөліктердің өтуімен жаңбыр жауады, найзағай күтіледі. Республика бойынша желдің күшеюі, оңтүстікте шаңды дауыл, оңтүстік және оңтүстік-шығыстың таулы аудандарында бұршақ күтіледі.
Күндіз Жамбыл облысының таулы аудандарда найзағай, бұршақ күтіледі, облыстың солтүстік-шығысында шаңды дауыл, облыстың солтүстік-шығысында және оңтүстік-батысында жел 15-20 м/с күшейеді.
Күндіз Түркістан облысында найзағай күтіледі, таулы аудандарда және батысында жел 15-20 м/с күшейеді, батысында шаңды дауыл болады.
Қызылорда облысының орталығында шаңды дауыл болады, жел 15-20 м/с күшейеді.
Қарағанды облысының солтүстігінде және шығысында, күндіз Қостанай облысының оңтүстігінде жел 15-20 м/с күшейеді.
Күндіз Атырау, Батыс Қазақстан, Ақтөбе облыстарында қатты ыстық сақталады, Солтүстік Қазақстан облысының басым бөлігінде, Маңғыстау, Қарағанды облыстарының оңтүстігінде қатты ыстық болады.
Маңғыстау, Батыс Қазақстан, Атырау, Ақтөбе, Қызылорда, Түркістан, Жамбыл облыстарында, Алматы облысының кей жерлерінде, Қарағанды облысының оңтүстік-батысында, Қостанай, Солтүстік Қазақстан, Шығыс Қазақстан облыстарының оңтүстігінде, Ақмола облысының оңтүстік-батысында өте жоғары өрт қаупі туындайды.

Дүйсенбіге арналған ауа райы болжамы

Kyzylorda-news.kz. Бірнеше күн бұрын Смоленск облысындағы орманда жоғалып кеткен бір жарым жастағы қыз тірі табылды, деп хабарлайды Stan.kz.
Облыстық тергеу комитетінің өкілі Наталья Холодковаға қызды 17 тамыздан бері төрт күнге жуық уақыт іздегендерін мәлімдеді.
Бала сейсенбі күні таңертең Темкин ауданының Шелуков трактаты аумағындағы үйден жоғалып кетті. Оның үйінің жанында орман мен өзен болған.
Осы уақыт ішінде баланы шамамен 400 адам іздеді. Темкин ауданының әкімі Сергей Гуляевтың айтуынша, еріктілер, үш іздестіру отрядының іздеу жүйелері, полиция, Қарулы Күштер, сүңгуірлер, атқыштар оқиға орнында жұмыс істеді, гарнизон тікұшағы тартылды.
Бала үйден төрт шақырым жерде қол жетуге қиын жерден-қалың тоғайдың арасынан, жел соққысының арасынан табылды. Ол жаңбырдың астында қалып, орманда екі түн қалуға мәжбүр болды.
Тергеу комитетінің хабарлауынша, қыз табылған кезде ес-түссіз болған. Бала жедел жәрдем дәрігерлеріне тапсырылды.

Қазақстан және Қызылорда облысының жаңалықтары: Қоғам