<a href="https://kyzylorda-news.kz/">Kyzylorda-news.kz</a>.&nbsp; Шиелі ауданына қарасты Ортақшыл ауылында дауыс беруге құқылы 768 тұрғынның 200-дейі кандидатурасын таңдап, дауыс берген.
Оның ішінде 18 жасқа толған Дамир да ауыл басшысын сайлауға асығып келіпті. Себебі бірінші рет сайлау науқанына қатысуы екен.
<blockquote>
 «Ауылдың басшылығын сайлауға дауыс беру мен үшін үлкен жауапкершілік. Себебі әрбір ауыл тұрғынының дауысы маңызды. Ауылымыздың дамып, гүлденгенін қалаймыз әрине. Сондықтан білімді, іскер азаматтарды сайлауымыз керек. Мен өз таңдауымды жасадым», – дейді ол.
</blockquote>

Әрбір ауыл тұрғынының дауысы маңызды

<a href="https://kyzylorda-news.kz/">Kyzylorda-news.kz</a>. 25 шілдедегі жағдай бойынша Қазақстан өңірлеріндегі эпидемиологиялық жағдайды бағалау матрицасы жарияланды.
“Қызыл”&nbsp;аймақта Нұр-Сұлтан, Алматы, Шымкент қалалары, Ақмола, Ақтөбе, Атырау, Батыс Қазақстан, Жамбыл, Қарағанды, Қостанай, Қызылорда, Маңғыстау, Павлодар, Солтүстік Қазақстан, Түркістан және Шығыс Қазақстан облыстары тұр.
“Сары”&nbsp;аймақта тек Алматы облысы қалды.
25 шілдедегі мәлімет бойынша 78 917 адам коронавирус инфекциясынан (76 891 КВИ+ және 2 026 КВИ-) емделуде, олардың ішінде 23 046 пациент стационарда, 55 871 науқас амбулаториялық деңгейде ем қабылдап жатыр.
Індетке шалдыққандар арасында:
<ul>
<li>1 438 адамның жағдайы ауыр,</li>
<li>284 пациенттің жағдайы өте ауыр,</li>
<li>182 науқас жасанды тыныс алдырту аппаратына қосылған.</li>
</ul>
Соңғы дерекке сүйенсек, республикада 5 127 049 адам вакцинаның бірінші компонентін, ал 3 232 019 адам екінші компонентін салдырды.

Індет өршіп тұр: &#8220;сары&#8221; аймақта тек бір ғана облыс қалды

<a href="https://kyzylorda-news.kz/">Kyzylorda-news.kz</a>. Жалағаш ауданындағы сайлау өтіп жатқан 4 ауылдық округте халықтың белсенділігі жоғары. Қазіргі таңда сайлаушылардың 18,9 проценті дауыс берді.
Соның ішінде, Бұқарбай батыр елді мекенінде таңғы сағат 7:00-ден 8:00-ге дейін 157 сайлаушы мәдениет үйінде орналасқан сайлау учаскесіне келіп, өз таңдауын жасаса, 9:30-да цифр 330-ға өсті. Ауылда жалпы саны 1112 сайлаушы бар.
2 мыңнан астам халық тұратын ауылды дамытамыз деп үш үміткер үмітін үкілеп отыр. Соның бірі білім саласында еңбек етеді, екіншісі ауыл шаруашылығымен айналысады, үшіншісі осы ауылдың бұрынғы әкімі.
Ауыл тұрғыны Әбдіқазы Абзалов «үш азаматты да білеміз, ауылға жаны ашиды. Бағдарламасын да көрдік. Бірақ солардың ішінен іскерлігі басым, елмен дипломатиясы жақсырақ біреуін таңдаймыз. Мен өз даусымды бердім. Өз әкіміңді өзің сайлап алғанның жақсы жері – әкім мен халықтың арасындағы тығыз қарым-қатынас орнайды. Ал бірлік бар жерде тірлік болатыны белгілі» дейді.
Сайлау учаскесінің төрағасы Ерлан Боранбаев сайлау барысында барлық санитарлық талаптар сақталғанын айтты.

Жалағашта сайлаушылардың 18,9 проценті дауыс берді

<a href="https://kyzylorda-news.kz/">Kyzylorda-news.kz</a>. Дауыс беру уақыты басталысымен таңдауын жасауға асыққан жұрттың қарасы көп. Солардың қатарында Арал ауданына қарасты Қосжар ауылдық ардагерлер кеңесінің төрағасы Қарасай Тәжімбетов те бар.
<blockquote>
 «Аудандық маңызы бар қалалардың, ауылдар мен кенттердің және ауылдық округтердің әкімдерін тікелей сайлау ауыл тұрғындары үшін таңдаудың ең тиімді жолы екені күмәнсіз. Алғаш рет өтіп отырған бұл Сайлау сол сондықтан өте маңызды болды. Барлық ауыл тұрғынының күтетін өзгерісі, жаңалығы көп. Келер күннен тек жақсылық тілейміз. Жалпы әр ардагер елдің, жердің, жастардың тілеуін тілеп жүреді. Тәуелсіздігіне қол жеткізгеніне 30 жыл биыл толған елдің болашағы баянды болу үшін мен таңдауымды жасадым. Барша тұрғындарды дауыс беруге қатысып, әділ таңдауын жасауға шақырамын», – дейді ардагер.
</blockquote>

Қарасай Тәжімбетов: Әділ сайлау өтеріне сенемін

<a href="https://kyzylorda-news.kz/">Kyzylorda-news.kz</a>. Қызылорда облысы бойынша 54 сайлау учаскескелерінде дауыс беру өтіп жатыр. Облыс бойынша 304 комиссия мүшелері жұмыс жасауда.
Қызылорда облысы бойынша тізімге енгізілген сайлаушылар саны 36 071, сағат 11.00-ге келіп түскен ақпараттар бойынша келушілер саны 8501 – 23,6% құрады.
Арал ауданы бойынша 12 округте 19 учаске бойынша 8019 сайлаушы, оның ішінде келушілер саны 1172 – 14,6 %. 
Қазалы ауданы бойынша 3 округте 2673 сайлаушы, келушілер саны 970 – 36,3%. 
Қармақшы ауданы бойынша 1 округте 2 учаске бойынша 3410 сайлаушы, келушілер саны 509 – 14,9%. 
Жалағаш ауданы бойынша 4 округте 5 учаске бойынша 3596 келушілер саны 680 – 18,9%. 
Сырдария ауданы бойынша 3 округте 2808 сайлаушы, келушілер саны 779 – 27,7%. 
Шиелі ауданы бойынша 4 округте 5 учаске бойынша 4225 сайлаушы, келушілер саны 1815 –43,0 %. 
Жаңақорған ауданы бойынша 13 округте 17 учаске бойынша 11340 сайлаушы, келушілер саны 2576 – 22,7 %.
Сайлау барлық учаскелерде Конституциялық заңға сәйкес өтуде, құқық бұзушылықтар аңықталған жоқ, арыз – шағымдар түскен жоқ.
Қызылорда облысы бойынша 54 сайлау учаскесінде саяси партиялардың, басқа да қоғамдық бірлестік және коммерциялық емес ұйымдардың, сенім білдірген адамдары мен байқаушылары – 313 адам байқау жүргізуде. Сенім білдірген адамдар-116, Саяси партиядан – 121, қоғамдық ұйымдардан – 74, БАҚ өкілдері – 2

Қызылорда: Халықтың 23,6 пайызы дауыс берді

<a href="https://kyzylorda-news.kz/">Kyzylorda-news.kz</a>. Қызылорда облысы бойынша тізімге енгізілген сайлаушылар саны 36 071, сағат 09.00-ге келіп түскен ақпараттар бойынша келушілер саны 2564- 7% құрап отыр. Бұл туралы Өңірлік коммуникациялар қызметінің ақпараттық алаңында өткен брифингте облыстық сайлау комиссиясының төрағасы Ғалым Баймырзаев мәлімдеді.
Арал ауданы бойынша 12 округте 19 учаске бойынша 8019 сайлаушы, оның ішінде келушілер саны 352 – 4,4 % . 
Қазалы ауданы бойынша 3 округте 2672 сайлаушы, келушілер саны 347 – 13,0% 
Қармақшы ауданы бойынша 1 округте 2 учаске бойынша 3410 сайлаушы, келушілер саны 60 – 2% 
Жалағаш ауданы бойынша 4 округте 5 учаске бойынша 3596 келушілер саны 189 – 5,3% 
Сырдария ауданы бойынша 3 округте 2808 сайлаушы, келушілер саны 310 – 11,04% 
Шиелі ауданы бойынша 4 округте 5 учаске бойынша 4225 сайлаушы, келушілер саны 211 –5,0 % 
Жаңақорған ауданы бойынша 13 округте 17 учаске бойынша 11340 сайлаушы, келушілер саны 1095 – 9,7 %
<blockquote>
 “Қазақстан Республикасындағы сайлау туралы” Конституциялық заңға сәйкес бас мемлекеттік санитарлық дәрігер қаулысының талаптарын ескере отырып, COVID-19 коронавирустық инфекциясының таралуының алдын алу жөніндегі шараларды көздейтін сайлау учаскелерінде тәртіп ережелері қабылданды. Жасырын дауыс беруге арналған кабиналар жеткілікті мөлшерде жабдықталып, алдыңғы пердесіз пайдалынады. КВИ ауруының симптомдары бар азаматтарды анықтау үшін температураны байланыссыз термометрлер арқылы өлшеу үшін медицина қызметкерлерінің кезекшілігі және сайлау процесіне қатысушыларда дене температурасының жоғарылауы және КВИ ауруының өзге де симптомдары анықталған жағдайда оларды медицина қызметкерінің қарап-тексеруі не жедел жәрдем бригадасының келуін күту үшін сайлау учаскесіндегі жеке үй-жайға оқшаулау ұйымдастырылды»,-деді Ғалым Қонақбайұлы.
</blockquote>
Арбаға арналған әрбір учаскеде арнайы кабиналар бар, олар қосымша жарықтандырумен жабдықталған, нашар көретіндерге арнайы лупа бар. Дауыс беруге арналған үй-жайда көзделген барлық ақпарат, оның ішінде кандидаттар туралы плакаттар толық орналастырылған.

Қызылордада тұрғындардың 7 пайызы дауыс берді

<a href="https://kyzylorda-news.kz/">Kyzylorda-news.kz</a>. Жанкент, Жалаңтөс батыр және Ғ.Мұратбаев ауылдық округтеріндегі учаскелік сайлау комиссиялары таңғы сағат 7:00-ден бастап жұмыс істеуде.
Ауыл әкімін сайлайтын саяси науқанда тұрғындар белсенділік танытуда. Мәселен Жанкент ауылындағы N89 сайлау учаскесіне алғашқылардың бірі болып Қалхаман Күлпаршын мен Сағитжан Аман келді. Учаскелік сайлау комиссиясының төрағасы Аманбай Орақбай ауыл әкімін сайлауға бей-жай қарамаған тұрғындарға арнайы сыйлық табыс етті.

Қазалы ауданында ауылдық округ әкімдерін сайлау науқаны қызу жүріп жатыр

<a href="https://kyzylorda-news.kz/">Kyzylorda-news.kz</a>. Президент Қасым-Жомарт Тоқаев өзінің 2020 жылғы 1 қыркүйектегі «Жаңа жағдайдағы Қазақстан: іс-қимыл кезеңі» атты Жолдауында ауыл әкімдерін тікелей сайлауды енгізу қажеттігін айтқан болатын. Міне, бүгінгі күні осы бастаманың жүзеге асқанын көріп отырмыз.
Осы уақытқа дейін болған барлық сайлауға белсене қатысып келе жатырмын. Ал, бүгінгі сайлау науқанының халқымыз үшін маңызы өте зор. Себебі, ауыл тұрғындары өз қалауларымен елге жанашыр, туған жерін дамытуға бар күш-жігерін жұмсайтын азаматты таңдайды.
Биылғы сайлау 2021 жылдың тамыз айынан бастап өкілеттігі аяқталатын әкімдерге қатысты. Ауданнан 3 ауылдық округ әкімдері сайланатын болады, ал Қарашеңгел ауылдық округінен 3 кандидат бағын сынауда. Барлығына сәттілік тілеймін!
Бәсекеге түскен кандидаттардың барлығы да елге елеулі, тұтқа болар азаматтар. Оларға қазалылықтар атынан алғысымды жеткізгім келеді.
Ендігі кезекте халықтың үдесінен шыққан үміткер алдағы қажырлы еңбек пен табысты өркендеудің кепілі болсын. Елімізде болған әрбір іс жақсылығымен келсін, елімізде тек тыныштық болсын, халқымыз аман болсын демекпін!
Әлімбай Қасқырбай,
Қазалы аудандық Қоғамдық кеңес төрағасы, «Жалаңтөс батыр» ЖШС директоры

Әлімбай Қасқырбай: Бүгінгі сайлау науқанының халқымыз үшін маңызы зор

<a href="https://kyzylorda-news.kz/">Kyzylorda-news.kz</a>. Қызылорда облысының жеті аймағында ауыл әкімдерінің сайлауы өтуде. Яғни, бүгін 40 ауылдық округтің әкімі сайланады. Бұл туралы Өңірлік коммуникациялар қызметінің ақпараттық алаңында өткен брифингте облыстық сайлау комиссиясының төрағасы Ғалым Баймырзаев мәлімдеді.
<blockquote>
 «Облыс бойынша 54 сайлау учаскескесінде дауыс беру өтіп жатыр. Оған 304 комиссия мүшесі тартылған. Дауыс беруге арналған сайлау учаскелерінің барлығы азаңғы сағат 06.00 де ашылып тиісті хаттамаларын жасады.Жергілікті уақыт сағат 07.00-ден бастап сағат 20.00-ге дейін комиссия мүшелері сайлаушыларға сайлау бюллетеньдерін береді. Ал сайлаушылардың келуі туралы алдын-ала ақпарат 21.00-де ұсынылатын болады»,-деді Ғалым Қонақбайұлы.
</blockquote>

Қызылордада ауыл әкімдерінің сайлауы басталды

<a href="https://kyzylorda-news.kz/">Kyzylorda-news.kz</a>. Қазгидромет 25 шілдеге арналған ауа райына болжамды жариялады.
Атмосфералық фронтальды бөліктердің әсерінен құбылмалы ауа райы сақталады. Солтүстікте, солтүстік-батыста жаңбыр жауады, найзағай болады. Еліміздің шығысында, оңтүстігінде және батысында жауын-шашынсыз ауа райы күтіледі. Оңтүстікте жел күшейіп, шаңды дауыл болады, республиканың солтүстігі мен солтүстік-батысында бұршақ күтіледі.

Жексенбіге арналған ауа райы болжамы

<a href="https://kyzylorda-news.kz/">Kyzylorda-news.kz</a>. Бүгін тәуелсіз Қазақстанның тарихында тұңғыш рет ауыл, кент, ауылдық округ және аудандық маңыздағы қала әкімдерінің сайлауы өтеді, деп хабарлайды ҚазАқпарат.
Сонымен 730 елді мекеннің әкімі сондағы тұрғындардың тікелей дауыс беруі арқылы анықталмақ. 2021 жылдан бастап ауыл әкімдерінің тікелей сайлауын өткізу туралы Президент Қасым-Жомарт Тоқаевтың «Жаңа жағдайдағы Қазақстан: іс-қимыл кезеңі» атты Жолдауында тапсырма берілген болатын.
Аумақтық сайлау комиссияларының мәліметі бойынша осы 730 сайлау округінде 2582 кандидат ұсынылған. Солардың 2297-і тіркеуден өткен.
Кандидаттардың басым бөлігі – өз-өзін ұсынушылар. Сайлау туралы заңнамаға енгізілген толықтырулар мен түзетулердің арқасында ауыл әкімдерінің сайлауына түскісі келетін үміткерге өз-өзін ұсыну мүмкіндігі берілген болатын. Осы мүмкіндікті бұл жолғы сайлауда 1419 адам пайдаланып отыр.
Сондай-ақ, 878 үміткерді Әділет министрлігінің тіркеуінде бар 6 саяси партия ұсынған.
Халықтың дауыс беруі арқылы әкім болғысы келетіндердің гендерлік құрамына келсек, ер үміткерлердің саны –1839. Солармен бірге 458 әйел үміткер бағын сынағалы отыр.
Өз үміткерлерін ұсынған партиялардың атынан қатысатын байқаушылардан бөлек, «Партиялық емес бақылаушылар орталығы» республикалық қоғамдық бірлестігі де дауыс беру процесінің әділ өтуін қадағаламақшы.
<blockquote>
 «Сайлау үрдісінің барлық ерекшеліктерін ескеретін байқаушының блокнотын әзірлеп, байқаушылардың бәріне тапсырдық. Сайлау күні заңбұзушылық анықталса, сол блокнотқа тіркеп отырады. Байқаушылардың бәріне сайлау учаскелеріне кіруге қажет құжаттар берілді. Дайындық 100 пайыз деп айтуға болады. Біздің басқа байқаушылардан ерекшелігіміз – қатаң бейтараптық танытамыз. Ешқандай партия өкілдеріне болсын, мемлекет билігіне болсын, қандай да бір сайлау учаскесінің комиссия мүшелеріне болсын, бәріне қатаң түрде бейтарап ұстанымда боламыз. Заңнамалық тұрғыда сайлау үдерісіне кедергі жасамай, байқау жүргіземіз», – дейді бірлестіктің төрағасы&nbsp;<a href="https://www.inform.kz/kz/saylauda-katan-beytaraptyk-tanytamyz-tolegen-kunadilov_a3815349">Төлеген Күнәділов.</a>
</blockquote>
Бүгінгі сайлау 14 облыс бойынша 1847 сайлау учаскесінде өтеді.
25 мамырда Президент Қасым-Жомарт Тоқаев сайлау туралы Конституциялық заңға өзгертулер мен толықтырулар енгізуді көздейтін құжатқа&nbsp;<a href="https://www.inform.kz/kz/memleket-basshysy-saylau-turaly-konstituciyalyk-zanga-ozgeris-engizu-turaly-kuzhatka-kol-koydy_a3792031">қол қойған болатын.</a>
Сайлау өткізілгеннен кейін үш күн ішінде бүгінгі күннің қорытындысы шығарылуы керек. Жеті күн ішінде сайланған әкімді тіркеу жүзеге асырылады. Бұл ретте сайланған әкімнің өкілеттігі оны тиісті аумақтық сайлау комиссиясы тіркеген&nbsp;<a href="https://www.inform.kz/kz/akim-saylauy-dauys-beru-korytyndysy-kashan-belgili-bolady_a3815790">кезден басталады.</a>
Жалпы биыл жыл аяғына дейін 775 ауыл әкімі сайланады. Елімізде барлығы 2346-ға жуық ауыл әкімі бар. Осыны ескерсек 2022 жылдың басында ауыл әкімдерінің құрамы үштен бірге&nbsp;<a href="https://www.inform.kz/kz/akim-saylauynan-auyl-halky-ne-kutedi_a3815805">жаңарады деген сөз.</a>
Алғашқы лекпен әкімін сайлайтын еді мекендердің толық тізімін&nbsp;<a href="https://www.inform.kz/kz/akim-saylauy-otetin-auyldardyn-tolyk-tizimi_a3812726">мына</a>&nbsp;сілтемеден көруге болады.
Өңірлердің ауқымын есепке алмастан саралайтын болсақ, бұл жолғы сайлауда әкімін анықтайтын елді мекендер саны бойынша Ақмола облысы көш бастап тұр. Мұнда бір күнде 95 ауыл мен ауылдық округтің, аудандық маңызы бар қала мен кенттің әкімі сайланады. Алғашқы үштікті Шығыс Қазақстан (77) және «Қарағанды облыстары (75) түйіндеп тұр. Ал Маңғыстау облысында бұл жолы бар-жоғы 10, Атырау облысында 18 елді мекеннің әкімі тікелей сайлау арқылы қызметке келмек.

Бүгін Қазақстанның 730 елді мекенінде әкім сайланады

Kyzylorda-news.kz. Дзюдодан Қазақстан командасының үздігі Елдос Сметов Токио Олимпиадасының қола жүлдегері атанды, деп хабарлайды ҚазАқпарат.
60 келі салмақта сынға түскен Елдос қола үшін жекпе-жекте Нидерланд өкілі Торние Цакаджоені жеңді. Жеңімпаз қосымша уақытта анықталып, Елдос «ваззари» ұпайын иеленді. Осылайша, қазақстандық дзюдошы Токио Олимпиадасының қола медалін иеленді.
Еске сала кетсек, Елдос Сметов жартылай финалдық айқаста жапондық Наохисе Такатоға жол берді.
Айта кеткен жөн, Елдос 2016 жылғы Олимпиадада дәл осы салмақта күміс жүлдеге ие болған еді. Сонымен қатар Әлем чемпионы (2015), Азия ойындары мен чемпионатының жеңімпазы. Ал Наохиса Такато Бразилияда өткен төрт жылдықтың басты бәсекесінде қоланы қанағат тұтқан болатын.
<img src="https://kyzylorda-news.kz/wp-content/uploads/2021/07/2107241643174300g.jpg" alt="" />

Қазақстан және Қызылорда облысының жаңалықтары: Қоғам

Әрбір ауыл тұрғынының дауысы маңызды

Індет өршіп тұр: “сары” аймақта тек бір ғана облыс қалды

Жалағашта сайлаушылардың 18,9 проценті дауыс берді

Қарасай Тәжімбетов: Әділ сайлау өтеріне сенемін

Қызылорда: Халықтың 23,6 пайызы дауыс берді

Қызылордада тұрғындардың 7 пайызы дауыс берді

Қазалы ауданында ауылдық округ әкімдерін сайлау науқаны қызу жүріп жатыр

Әлімбай Қасқырбай: Бүгінгі сайлау науқанының халқымыз үшін маңызы зор

Қызылордада ауыл әкімдерінің сайлауы басталды

Жексенбіге арналған ауа райы болжамы

Бүгін Қазақстанның 730 елді мекенінде әкім сайланады

Елдос Сметов – Токио Олимпиадасының қола жүлдегері

Қазақстан және Қызылорда облысының жаңалықтары: Қоғам

Әрбір ауыл тұрғынының дауысы маңызды

Індет өршіп тұр: &#8220;сары&#8221; аймақта тек бір ғана облыс қалды

Жалағашта сайлаушылардың 18,9 проценті дауыс берді

Қарасай Тәжімбетов: Әділ сайлау өтеріне сенемін

Қызылорда: Халықтың 23,6 пайызы дауыс берді

Қызылордада тұрғындардың 7 пайызы дауыс берді

Қазалы ауданында ауылдық округ әкімдерін сайлау науқаны қызу жүріп жатыр

Әлімбай Қасқырбай: Бүгінгі сайлау науқанының халқымыз үшін маңызы зор

Қызылордада ауыл әкімдерінің сайлауы басталды

Жексенбіге арналған ауа райы болжамы

Бүгін Қазақстанның 730 елді мекенінде әкім сайланады

Елдос Сметов &#8211; Токио Олимпиадасының қола жүлдегері

Індет өршіп тұр: “сары” аймақта тек бір ғана облыс қалды

Елдос Сметов – Токио Олимпиадасының қола жүлдегері