<a href="https://kyzylorda-news.kz/ru/obshestvo/">Kyzylorda-news.kz</a>. Қызылорда қаласы әкімінің өкімімен Жаңабаев Ғабит Жұмабекұлы қала әкімінің орынбасары лауазымына тағайындалды.
Ғабит Жұмабекұлы 1981 жылы Қызылорда қаласында дүниеге келген. Жоғары білімді.
2000 жылы Алматы қаласындағы Қазақстан экономика және құқық институтын «Экономика» мамандығы бойынша бітірген.
Еңбек жолын 2000 жылы Қызылорда облысының статистика жөніндегі есептеу орталығының кадр-іс жүргізу жөніндегі «инженері» ретінде бастаған.
2001-2006 жылдары Қызылорда облысының статистика басқармасының экономисті, бас маманы; 
2006-2008 жылдары ҚР Қаржы министрлігінің «Дәрменсіз борышкерлермен жұмыс жөніндегі комитетінің» жетекші маманы;
2008-2011 жылдары облыстық экономика және бюджеттік жоспарлау басқармасының бас маманы; 
2011-2012 жылдары облыстық денсаулық сақтау басқармасының бөлім басшысы;
2012-2016 жылдары облыс әкімі аппаратының бөлім басшысы;
2016-2020 жылдары облыстық жұмылдыру дайындығы басқармасы басшысының орынбасары; 
2020 жылдың шілде айынан бастап осы кезге дейін облыстық қаржы басқармасы басшысының орынбасары қызметін абыроймен атқарып келді.
Ғабит Жұмабекұлы қала әкімінің орынбасары ретінде қаржы-экономика, мемлекеттік сатып алу, кәсіпкерлік және ауыл шаруашылығы мәселелеріне жетекшілік ететін болады.
Осы уақытқа дейін қаржы-экономика саласына жетекшілік етіп келген қала әкімінің орынбасары Нұридинов Бектас Балғабайұлы мәдениет, спорт, ішкі саясат, әлеуметтік мәселелерге жетекшілік ететін болады.
<img src="https://kyzylorda-news.kz/wp-content/uploads/2021/10/gabit.jpg" alt="" />

Қызылорда қаласы әкімінің орынбасары тағайындалды

<a href="https://kyzylorda-news.kz/ru/obshestvo/">Kyzylorda-news.kz</a>. Қазалыда «Қазалы Агро KZ» жауапкершілігі шектеулі серіктестігі аудан бойынша жаңа кәсіп түрін қолға алған. Атап айтар болсақ, қазалылық 4 азамат бірігіп, құрт өсіріп жатыр.
Құрт өсіру дамыған елдерде кең танылған кәсіп болғанымен, елімізде шылаушынды пайда табу мақсатында өсіретіндер саусақпен санарлық.
Бүгін кәсіптің жаңа түрімен айналысуды қолған алған азаматтармен аудан әкімі Мұхтар Оразбаев кездесіп, олардың ой-пікірлерін тыңдады.
Шылаушын өсірудің шығыны аз, кірісі мол, қоршаған ортаға зияны жоқ, пайдасы бар, топыраққа да, өсімдікке де залалы келмейтін кәсіп түрі екенін аудан басшысына Сәбит Аралбаев айтып берді.
<blockquote>
 «Біз өсіріп жатқан құрттардың аты «калифорниялық қызыл құрт» деп аталады. Бұл құрттардың жейтін тағамы – органикалық қалдықтар. Ағаштан түскен жапырақ, төрт түлік малдың қиымен көректенеді. Бұл қалдықтар сатылмайды, тегін. Кез келген жерден табуымызға болады. Қызыл құрттар осы қалдықтарды жеп, ішінен өңдеп, бізге биологиялық тыңайтқыш жасап береді. Биологиялық тыңайтқыш дегеніміз – өсімдіктердің өсуіне өте қажет зат. Мұны топыраққа сеуіп, шашатын болсақ, егістіктің өсуін 2-3 есе күшейтеді. Егін шаруашылығымен айналысатын адамдар қызыл қүрт өндіріп шығарған тыңайтқыштарды сатып алады. Егістігі мол түсім бермей жүрген диқандар биотыңайтқышты топырағына сеуіп, мол өнім алып жатады. Жер тұзданып, құрғаса, осы тыңайтқышты себеді. Жер тыңайып, топырақ құнарланып, өнім молаяды. Бұл 100 пайыз көмектеседі. Органикалық тыңайтқыштың 1 литрі 80 теңгеден сатылып жатыр», – дейді кәсіпкер.
</blockquote>
Сол сәтте кент іргесіндегі құрт өсіретін аумаққа Қызылорда қаласынан «Газель» автокөлігімен арнайы келген азаматтар органикалық тыңайтқыштарды тиеп алып кетті.
Құрт өсіруді қолға алған азаматтар алдағы уақытта 15 гектар аумақтан жылыжай салып, жасыл желекті жайқалта өсіргісі келеді. Ол үшін бұл араға ауыз су мен аяқ су және жарық әкелу қажет. Кәсіпкерлер аудан әкімі Мұхтар Оразбаевқа осы жағынан көмек беріп, қолдау көрсетуін сұрады.
Өз кезегінде аудан басшысы Мұхтар Оразбаев кәсіпкерлерге көмек көрсету жолдарын қарастыруды тиісті сала басшыларына тапсырды.
<img src="https://kyzylorda-news.kz/wp-content/uploads/2021/10/244383311_3171455946408664_4986334201220665985_n.jpg" alt="" />
<img src="https://kyzylorda-news.kz/wp-content/uploads/2021/10/chervjak.jpg" alt="" />

Қазалылық кәсіпкерлер шылаушын өсіріп жатыр

<a href="https://kyzylorda-news.kz/ru/obshestvo/">Kyzylorda-news.kz</a>. Қызылорда облысы әкімінің қатысуымен облыстық мәслихаттың кезекті 6-шы сессиясы өткізілді. Сессияның күн тәртібінде 13 мәселе қаралды.
Аймақ басшысы өңірде Елбасының стратегиялық бастамалары мен Мемлекет басшысының Қазақстан халқына Жолдауы аясында берілген тапсырмаларды іске асыру бағытында кешенді жұмыстар жүргізілетінін айтып, алдағы уақытта жүзеге асырылатын маңызды міндеттерді тізбектеді.
Облыс әкімі өңір «жасыл аймақта» болуына қарамастан, пандемиямен күрес негізгі міндет болып қала беретінін мәлімдеді және жылу беру маусымына тиянақты дайындық қажет екенін айтты. Мұнан бөлек, облыс әкімі жаз маусымында орын алған су тапшылығы мен азық-түлік бағасын тұрақтандыру бағытында жүргізілген жұмыстарға тоқталып, азық-түлік бағасының негізсіз өсуіне жол бермеу шаралары алдағы қыс маусымына байланысты бірінші кезекте атқарылатынын жеткізді.
Гүлшара Әбдіқалықова ағымдағы жылдың 8 ай қорытындысын саралап, бірқатар салаларда оң динамика қалыптасқанын мәлімдеді.
Атап айтқанда, есепті мерзімде негізгі капиталға салынған инвестиция көлемі 158,1 млрд.теңгені құрап, өткен жылдың есепті кезеңімен салыстырғанда 3,3%-ға жоғарылады. Ал, жеке инвестициялар көлемі 114,8 млрд.теңгені (үлесі 72,6 %) құрап, өткен жылдың 8 айымен салыстырғанда 11,1%-ға артты (2020 жылғы 8 ай – 101 млрд.теңге). Тұрғын үй салу жоспары 644,7 мың шаршы метр болса, 8 айда тұрғын үйді пайдалануға берудің болжамды көлемі 443,3 мың ш.м құрап отыр. Бүгінгі күнгі 4 әлеуметтік нысан пайдалануға берілді. Жыл соңына дейін 15 нысанның құрылысы аяқталып, пайдалануға берілмек.
Мұнан бөлек, облыста газдандыру жұмыстары қарқынды жүруде. Негізгі үлес 65 пайыз. Оның ішінде биыл Тереңөзек, Жосалы мен Жалағаш кенттері газдандырылса, жыл соңына дейін Қазалы қаласы мен Шиелі ауданындағы Бекежанов және Қодаманов ауылдарын газдандыру жұмыстары аяқталады. Сонымен қатар, көптен күткен Қызылорда қаласына қарасты Наурыз және Махамбетов ауылдарын газдандыру жұмыстарына республикалық бюджеттен 500 млн. теңге қаржы бөлініп, мердігер анықталды. Құрылыс жұмыстары осы айда басталады. Жыл соңына дейін облыстың газбен жабдықтау үлесін 67,4 пайызға дейін жеткізу жоспарлануда. 
Биыл көп жылдардан бері көтеріліп келе жатқан Қызылорда-Жезқазған трассасын жөндеу жұмыстары басталмақ. Өткен айда Үкімет тарапынан қолдау тауып, «Қазавтожол» ұлттық компаниясы Еуропа қайта құру және даму банкімен құны 240 миллион доллар тұратын Жезқазған-Қызылорда автомобиль жолының жаңа жобасына қол қойды. Нәтижесінде Қызылорда мен Жезқазған арасындағы ұзындығы 204 шақырымдық ескі жолды күрделі жөндеуге, сондай-ақ, Қызылордадағы ұзындығы 14,8 шақырымдық айналма жолдың құрылысы жүргізілетін болады. Айта кету қажет, бұл мегажоба Қызылорда облысынан бастау алатын болады.
Сондай-ақ, мәслихат сессиясының отырысы аясында жауапты басқарма басшылары атқарылған жұмыстарды баяндады, депутаттық корпус өкілдері бірқатар маңызды мәселе бойынша шешім қабылдады.
Айта кетейік, өткен аптада аймақ басшысы Қызылорда қаласындағы тіршілікті қамтамасыз етуші кәсіпорындарын аралап, жұмысымен танысты. Сондай-ақ, облыстық штаб отырысында әлеуметтік нысандар мен тұрғын үйлердің дайындығы мәселелері пысықталды. Облыс бойынша тұрғындарға қажетті 140,4 мың тонна көмірдің қорының 91 мыңы (64%) жеткізілді.

Биыл «Қызылорда-Жезқазған» трассасының жөндеу жұмыстары басталмақ

**<a href="https://kyzylorda-news.kz/ru/obshestvo/">Kyzylorda-news.kz</a>. Ертеден келе жатқан жыршылық дәстүрді жандандырып, тарихи мол мұрамызды ұрпақ санасында жаңғырту мақсатында қолға алынған *«Тұлпар мініп ту алған»* байқауы биыл да жалғасын тапты. Дәстүрге айналған бәсекені Елбасының «Болашаққа бағдар: рухани жаңғыру» бағдарламалық мақаласының аясында «Qazaq Epos» қоғамдық қоры ұйымдастырады.**
Биылғы ережеге сәйкес Едіге батыр жырын толық жаттап алған Арал ауданы Шөміш елді мекеніндегі №263 мектептің 6 класс оқушысы Қарақат Көпперген де аудандық кезеңге қызу дайындалып жатыр. Дайындықты жаз айынан бастаған ол жеңістен үмітті.
<blockquote>
 «Мен бала күнімнен ертегі оқып, жыр жаттауға құмар болдым. Сондықтан көлемді жырларды жатқа айту маған қиынға соқпайды. Қазір де мектепте үздіктер қатарындамын. Биыл ұйымдастырылып жатқан «Тұлпар мініп ту алған» байқауының шарты бойынша Едіге батыр жырын толық жаттап алдым. Ұстазым Айнагүл апаймен дайындық жұмыстарын жүргізіп жатырмыз», – дейді Қарақат Көпперген.
</blockquote>
Аталған байқауда Арал ауданынан 30 оқушы бағын сынап көреді. Қатысушылар қосымша Алтын Орда мемлекетінің тарихи оқиғаларына қатысты сұрақтарға жауап беріп, жырда кездесетін көнерген сөздердің мән-мағынасын түсіндіруі тиіс.
<blockquote>
 «Бұл жарысқа алғаш қатысып жатырмыз. Оқушым Қарақат екеуміз дайындықты жаз айларының басында бастап кеттік. Қазіргі таңда Едіге батыр жырын толық жаттап үлгердік. Байқауда қосымша берілетін тапсырмаларға дайындалудамыз. Өскелең ұрпақты халқымыздың рухани асыл мұрасымен сусындатып, &nbsp;ерлік пен намысты ту еткен тарихымызды таныту үшін ұйымдастырылған мұндай шаралардың шоқтығы биік», – дейді қазақ тілі мен әдебиет пәнінің мұғалімі Айнагүл Күзенова.
</blockquote>
Айта кетейік, байқаудың жүлде қоры да қомақты. Шәкіртін бәйгеге қосқан ұстаздарына да екі есе көп қаржы беріледі.
<img src="https://kyzylorda-news.kz/wp-content/uploads/2021/10/img-20211006-wa0008.jpg" alt="" />

«Тұлпар мініп ту алған»: Аралдық оқушы жеңістен үмітті

<a href="https://kyzylorda-news.kz/ru/obshestvo/">Kyzylorda-news.kz</a>. Қызылорда облысының әкімі Гүлшара Әбдіқалықова KAZENERGY әйелдер энергетикалық клубының халықаралық V форумы аясында «Әйелдер энергия саласында: теңдік және табыс» тақырыбындағы пленарлық сессияға қатысты.
Сессия жұмысына офлайн режимде және Zoom платформасы арқылы онлайн-форматта қатысқан ҚР Энергетика вице-министрі Әсет Мағауов, KAZENERGY қауымдастығының Бас директоры Кенжебек Ибрашев, Еуропалық Қайта құру және даму банкінің Қазақстандағы өкілдігінің басшысы Хусейн Озхан, KAZMORTRANSFLOT UK Ltd қаржылық директоры Айзада Аққайсиев форум жұмысына сәттілік тіледі. Сондай-ақ, ҚР Президенті жанындағы Әйелдер және отбасылық-демографиялық саясат істері жөніндегі ұлттық комиссияның төрайымы, ҚР Парламенті Мәжілісінің депутаты Ләззат Рамазанова,TotalEnergies Kazakhstan компаниясының басшысы Алем Фрига-Ной, Тембекиле Мандела Қорының Бас директоры Ндилека Мандела, Қазақстандағы БҰҰ-Әйелдер құрылымының ресми өкілі Мария Доценко және German Energy Agency халықаралық коммуникациялар жөніндегі аға сарапшысы Каролин Кролик баяндама жасады.
Жиында гендерлік теңдік, әйелдерді еңбек нарығында қолдау және әйелдер көшбасшылығы мен нетворкингті дамыту, пандемия жағдайында орын алған проблемалар мен олармен күресу жолдарын ұсыну мәселелері қозғалды.
Аймақ басшысы ел Президентінің әйелдер үлесін 30%-ға дейін арттыру жөніндегі тапсырмасы өңірде жүйелі түрде жүзеге асырылатынын жеткізді.
<blockquote>
 «Қазіргі қоғамда әйелдің ролі ерекше екені белгілі. Олар кез келген салада табысты еңбек етіп, ел дамуына зор үлес қосып келеді. Облыстағы әйелдер мемлекеттік қолдаудың арқасында бизнеспен айналысып, экономиканың дамуына белсенді атсалысуда. Жұмыс істеп тұрған 56 мыңнан астам шағын және орта кәсіпкерлік субъектілерінің 25 мыңнан астамын (45%) әйелдер құрды. Жыл басынан бері бизнесті дамыту мемлекеттік бағдарламасы аясында 14,1 млрд. теңге, оның ішінде 8,3 млрд. теңге (59,5%) әйелдерге берілді. Ана мен баланы жан-жақты қолдау бағытында жұмыс жалғасуда. Бизнес-идеяларды іске асыру үшін 518 көпбалалы отбасы 302,2 млн. теңге сомасында қайтарымсыз гранттар алды», – деді облыс әкімі.
</blockquote>
Гүлшара Әбдіқалықова экономикадағы әйелдер санын арттыру мәселелері тұрақты бақылауда екенін және конференциялар мен форумдардың жұмысына қатысу арқылы басқа өңірлердің озық тәжірибесін тиімді игерілетінін жеткізді.
Сондай-ақ, аймақ басшысы кәсіпкер әйелдерді қолдау, көпбалалы отбасыларға көмек көрсету секілді жұмыстарды тізбектеп, түрлі салаларда нәзікжандылардың әлеуетін жан-жақты дамыту бойынша бірқатар ұсыныс айтты.
<img src="https://kyzylorda-news.kz/wp-content/uploads/2021/10/244579642_3771840839585624_6860425177299191042_n.jpg" alt="" />
<img src="https://kyzylorda-news.kz/wp-content/uploads/2021/10/244587388_3771840569585651_2303033144891565378_n.jpg" alt="" />
<img src="https://kyzylorda-news.kz/wp-content/uploads/2021/10/244517690_3771841189585589_4368988927073418682_n.jpg" alt="" />
<img src="https://kyzylorda-news.kz/wp-content/uploads/2021/10/243967812_3771841389585569_9046871948621428803_n.jpg" alt="" />

Гүлшара Әбдіқалықова әйелдердің  әлеуетін дамыту бойынша бірқатар ұсыныс айтты

<a href="https://kyzylorda-news.kz/ru/obshestvo/">Kyzylorda-news.kz</a>. Қазақстанда өткен тәулікте 3307 адам коронавирус індетінен емделіп шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 478,
Алматы қаласы – 975,
Шымкент қаласы – 81,
Ақмола облысы – 148,
Ақтөбе облысы – 340,
Алматы облысы – 35,
Атырау облысы – 109,
Шығыс Қазақстан облысы – 189,
Жамбыл облысы – 56,
Батыс Қазақстан облысы – 37,
Қарағанды облысы – 175,
Қостанай облысы – 133,
Қызылорда облысы – 76,
Маңғыстау облысы – 40,
Павлодар облысы – 240,
Солтүстік Қазақстан облысы – 163,
Түркістан облысы – 32.
Қазақстан бойынша жазылғандар саны – 835805.

76 қызылордалық коронавирустан айықты

<a href="https://kyzylorda-news.kz/ru/obshestvo/">Kyzylorda-news.kz</a>. Қазақстанда өткен тәулікте 1828 адамда коронавирус індеті ПТР арқылы расталып ауырғаны белгілі болды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 290,
Алматы қаласы – 419,
Шымкент қаласы – 73,
Ақмола облысы – 56,
Ақтөбе облысы – 70,
Алматы облысы – 145,
Атырау облысы – 46,
Шығыс Қазақстан облысы – 87,
Жамбыл облысы – 43,
Батыс Қазақстан облысы – 51,
Қарағанды облысы – 169,
Қостанай облысы – 101,
Қызылорда облысы – 32,
Маңғыстау облысы – 6,
Павлодар облысы – 120,
Солтүстік Қазақстан облысы – 98,
Түркістан облысы – 22.
Жалпы ел бойынша ауырғандар саны 896162.

Қызылордада 32 адам коронавирус жұқтырды

<a href="https://kyzylorda-news.kz/ru/obshestvo/">Kyzylorda-news.kz</a>. Атмосфералық фронталды бөліктердің әсерінен Қазақстан аумағының басым бөлігінде тұрақсыз ауа райы күтіледі, жауын-шашын болады, елдің шығысында және оңтүстік-шығыстың таулы аудандарында қатты жауын-шашын (жаңбыр, қар) жауады, жел күшейеді, түнде және таңертең тұман, көктайғақ, республиканың солтүстігінде және шығысында бұрқасын күтіледі, деп хабарлайды Қазгидромет.
ҚР батысында және оңтүстік-батысында антициклонның әсерінен жауын-шашынсыз ауа райы сақталады.
Шығыс Қазақстан облысының батысында, солтүстігінде және орталығында, түнде және таңертең Ақмола облысының шығысында тұман, көктайғақ, жаяу бұрқасын күтіледі, түнде батысында, солтүстігінде, күндіз Шығыс Қазақстан облысының басым бөлігінде жел 15-20 м/с күшейеді. Түнде және таңертең Павлодар облысының солтүстігінде көктайғақ күтіледі, басым бөлігінде жел 15-20 м/с күшейеді.
Түркістан облысының батысында және таулы, тау бөктері аудандарында, Қызылорда облысының солтүстігінде және орталығында 15-20, екпіні 23 м/с желдің күшеюі күтіледі, Қызылорда облысында шаңды дауыл болады. Қарағанды облысының солтүстігінде, шығысында тұман, көктайғақ күтіледі, жел 18 м/с күшейеді.
Түнде Атырау облысының оңтүстігінде, күндіз Батыс Қазақстан облысының оңтүстік-батысында 15-20 м/с жел күшейеді. Түнде және таңертең Қостанай, Солтүстік Қазақстан облысының солтүстік-батысында тұман күтіледі.
Түнде және таңертең Алматы облысының таулы аудандарында тұман күтіледі, түнде облыстың шығысында 15-20 м/с жел күшейеді. Жамбыл облысының таулы және тау бөктері аудандарында тұман, көктайғақ күтіледі, батысында және таулы аудандарда 15-20 м/с жел күшейеді. Түнде Маңғыстау облысының солтүстік-батысында, күндіз басым бөлігінде жел 15-20 м/с күшейеді, күндіз солтүстік-шығысында шаңды дауыл күтіледі.

6 қазанда ауа райы қандай болады?

<a href="https://kyzylorda-news.kz/ru/obshestvo/">Kyzylorda-news.kz</a>. Қызылорда облысында жергілікті тұрғыннан алтын алқасын алдап алған балгер ұсталды, деп хабарлайды ҚазАқпарат.
Қызылорда қалалық полиция басқармасына 49 жастағы қала тұрғыны арызданды.
Онда қызының жолын ашып беремін деп алтын алқасын алдап алған балгер жайында айтылған. Келген шығын – 150 мың теңге.
Тәртіп сақшылары күдіктіні ұстау мақсатында жедел-іздестіру шараларын жүргізді.
Нәтижесінде облыс орталығының 53 жастағы тұрғыны қолға түсті.
Тергеу барысында күдікті алаяқтықпен алған алтын бұйымды ломбардқа өткізіп жібергені анықталды. Оның ақшасын өз қажетіне жаратқан.
<blockquote>
 «Аталған дерек бойынша ҚР Қылмыстық Кодексінің 190-бабының 1-бөлігі бойынша таңда сотқа дейінгі тергеп-тексеру амалдары жүргізілуде. Онда алаяқтық, яғни бөтеннің мүлкін жымқыру немесе алдау немесе сенімді теріс пайдалану жолымен бөтен мүлiкке құқықты иемдену жағдайы көрсетілген», – деп мәлім етті Қызылорда облыстық полиция департаментінен.
</blockquote>

Қызылордада алаяқ балгер қолға түсті

<a href="https://kyzylorda-news.kz/ru/obshestvo/">Kyzylorda-news.kz</a>. Қызылордада жазасын өтеушілер көкөніс өсіріп жатыр.
Қызылорда облысы бойынша ҚАЖ департаментіне қарасты ЗК-169/5 мекемесі сотталғандардың еңбек етуіне мүмкіндіктер қарастырылған.
Мекеме әкімшілігі бас бостандығынан айырылғандарды түзеу мекемесі аумағында жеке кәсібін ашуға шақырып, жазасын өтеушілерді жұмыспен қамтуда. Соның нәтижесінде мекеменің өндіріс аумағынан кәсіпкер Жақсыбай Есбергенов жылыжай кешенін ашты. Аумағы 350 шаршы метр жерге шілде айында қызанақ, қияр, болгар бұрышы, аскөк тұқымы егіліп, қазіргі таңда өнімін беруде.
Кәсіпкердің айтуынша, жылыжайда барлық жағдай жасалған. Жылыжайдың ішіндегі температура 25-26 градусқа дейін жетеді. Жылыжайдың ішіне жылу батареялары орнатылып, тоқ көзін үнемдейтін жарық шамдар қондырылған. Орталықтандырылған жүйеден су құбыры тартылған. Жазасын өтеуші азаматтардың ынталы еңбек етуі арқасында жақсы өнім беріп, шыққан өнімдер сауда орындарына жеткізілуде.
<blockquote>
 «Жаза басып, жаңылып, абайсызда қылмыс жасап, жазамды осы мекемеде өтеп жатырмын. Сотталғандардың еңбегін ұйымдастыру бөлімінің қызметкерлері жылыжайға жұмысқа орналастырды. Егіншілікке біртабан жақынмын. Бостандықта бау-бақша өсірумен айналысқанмын. Соның әсері шығар, қияр, қызанақ өсіру маған таңсық емес. Баптап, күтіп, уақытылы суарып отырса, өнімі жақсы береді. Жылыжайда қысы-жазы жұмыс жасаймыз. Айлық жалақымыз да уақытылы, мемлекет алдындағы берешегімнен артылғанын отбасыма жіберіп отырмын», – деді сотталған.
</blockquote>

Қызылордадағы түзеу мекемесінің аумағынан жылыжай ашылды

<a href="https://kyzylorda-news.kz/ru/obshestvo/">Kyzylorda-news.kz</a>. Қазгидромет бірқатар өңірде дауылды ескерту жарияланғанын хабарлады.
Батыс Қазақстан облысында жел солтүстік-шығыстан, шығыстан соғады, күндіз облыстың оңтүстік-батысында екпіні 15-20 м/с.
Ақмола облысының шығысында тұман, көктайғақ, жаяу бұрқасын күтіледі.
Көкшетау қаласында 6 қазанда түнде және таңертең жолдарда көктайғақ күтіледі.
Түркістан облысының батысында, таулы аудандарында солтүстік-шығыстан соғатын желдің күші – 15-20, екпіні 23 м/с күтіледі.
Түркістан қаласында солтүстік-шығыстан екпіні 15-20 м/с желдің күшеюі күтіледі.
Қызылорда облысының солтүстігінде және орталығында жел солтүстік-шығыстан, шығыстан соғады, күші – 15-20, екпіні 23 м/с шаңды дауылмен сақталады.
Қызылорда қаласында 6 қазанда солтүстік-шығыстан, шығыстан жел соғады, күндіз екпіні 15-20 м/с шаңды дауылмен күтіледі.
Алматы облысының таулы және тау бөктері аудандарында тұман күтіледі. Солтүстік-батыстан жел соғады, түнде облыстың шығысында екпіні – 15-20 м/с.

Бірқатар өңірде дауылды ескерту жарияланды

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Қызылорда облысы Полиция департаментінің Арал аудандық полиция бөліміне «Охотзоопром ӨБ» РМҚ Қызылорда өңірлік филиалы мекемесінің қызметкерінен заңсыз аңшылық туралы хабарлама келіп түсті.
Онда Қаратерең ауылына маңында «ОХОТЗООПРОМ ӨБ» РМҚ Қызылорда өңірлік филиалы мекемесінің қызметкерімен Арал аудандық полиция бөлімінің қызметкерлерімен бірлескен рейдтік шара барысында 46 жастағы азаматтың басқаруындағы «Нива» автокөлігін тоқтатқанын көрсеткен.
Тексеру барысында автокөлік ішінен &nbsp;3 аңшы мылтықтары мен 22 қасқалдақ, 68-дана&nbsp; үйрек&nbsp; анықталған.
Оқиға орнына шыққан жедел-тергеу тобымен үш күдікті 46 жастағы, 55 және 52 жастағы аудан тұрғындары ұсталды. Барлық айғақты заттар тәркіленді.
Аталған дерек бойынша Жалағаш аудандық полиция бөлімімен Қазақстан Республикасы Қылмыстық кодексінің 337 бабының 3 бөлігіне сәйкес &nbsp;(алдын ала сөз байласу арқылы адамдар тобы жасаған заңсыз аң аулау)&nbsp; сотқа дейінгі тергеп-тексеру амалдары жүргізілуде.
<img src="https://kyzylorda-news.kz/wp-content/uploads/2021/10/whatsapp-image-2021-10-05-at-15.49.46-1.jpeg" alt="" />

Қазақстан және Қызылорда облысының жаңалықтары: Қоғам