<a href="https://kyzylorda-news.kz/ru/obshestvo/">Kyzylorda-news.kz</a>. Астрологтардың айтуынша, адамның басқаны түсінуі және алғырлығы оның жұлдыз жорамал белгісіне байланысты. Кей адамдарда бұл қасиеттер аса дами қоймаған, ал басқаларының адамды бірден тани білуіне қарап, экстрасенсорлық қабілеті бар ма деп қаласың.
Сарышаян 
Сарышаяндар қандай да бір жағдайға бірден анализ жасап, дұрыс шешімге келе алады. Басқа адам қаншалықты өтірік айтуға тырысса да, олар әрдайым шындықты сезеді. Сондықтан сарышаяндарды аңдаусызда үстінен ұстау мүмкін емес, олардың алғырлығы мен логикасы оған мүмкіндік бермейді.
Шаян 
Шаяндар эмоция мен сезімге берілгіш келеді. Олармен сөйлескен әр адам өзін жайлы сезінеді. Олар басқа адамның көңіл күйін, проблемасын немесе қуанышын бірден байқайды. Бірақ шаяндардың бұл қабілеті кейде өздеріне кері әсерін береді, себебі олар басқаның қайғысын жүрегіне жақын қабылдайды.
**Бикеш 
**Кейде адамдар өздерінің қандай да бір әрекеті, сөзі немесе реакциясы елеусіз қалды деп ойлауы мүмкін, бірақ әр ұсақ-түйекке мән беретін жұлдыз белгісі бар. Ол — бикештер. Олар айналадағы кез келген өзгерісті байқайды: ол басқа адамдардың әрекетіндегі немесе жалпы қоршаған ортадағы өзгеріс болуы мүмкін. Әрине, соған қарай шешім қабылдайды. Бикештердің есте сақтау қабілеті өте жақсы. Сондықтан олар сіздің психологиялық портретіңізді жылдам құрады.
**Таразы 
**Таразылардың басқалар мән бермейтін нәрселерді көретін және сезетін қабілеті бар. Соның арқасында олар үнемі сабыр сақтап, жағдайды өте мұқият бағалайды. Таразылар көбіне адамның қандай да бір жағдайда өзін қалай ұстайтынын болжай алады. Оған қоса, ондай жағдайда ол адам өзін қалай сезінетінін де біледі, сондықтан міндетті түрде өз көмегін ұсынады.
**Балықтар 
**Балықтар логикасына қарағанда жиі интуициясына сенеді: нәтижесінде, олар дұрыс болып шығады. Балықтардың көңілін қалдыру мүмкін емес, себебі олар сізден не күтуге болатынын біліп-ақ тұрады.
<a href="https://massaget.kz/layfstayl/zhadnama/66312/">Massaget.kz</a>

Адамды жақсы танитын 5 жұлдыз белгісі

<a href="https://kyzylorda-news.kz/ru/obshestvo/">Kyzylorda-news.kz</a>. Үй жануарларын ұстайтындар қазақстандықтар енді оларды тіркеуге тұрғызуы тиіс. Әйтпесе олар әкімшілік жауапкершілікке тартылады.&nbsp;Мұндай норма мәжілістің қарауында жатқан «жануарларға жауапкершілікпен қарау туралы» заң жобасына енгізілген, деп хабарлайды&nbsp;<a href="https://stan.kz/">Stan.kz</a>.
Экология, геология және табиғи ресурстар вице-министрі Әлия Шалабекова айтуынша, үй жануарларын міндетті есепке алу 2023 жылғы 1 қыркүйектен бастап енгізіледі.&nbsp;
<blockquote>
 «Заң жобасы үй жануарлары иелерінің қаражаты есебінен ақылы негізде есепке алу құралын қолдану арқылы үй жануарларын міндетті есепке алуды енгізеді. Оны жоспарлы іске асыру және үй жануарларын есепке алуды жүзеге асыратын ұйымдарға, сондай-ақ олардың иелеріне біржолғы жаппай жүктемені болдырмау мақсатында заң жобасында үй жануарларын міндетті есепке алуды кейінге қалдыру нормасы көзделген», – деді ол.&nbsp;
</blockquote>
Үй жануарлары бойынша барлық деректер ветеринарлық клиникалар базасына енгізілетін болады. Содан кейін жергілікті атқарушы органдарға беріледі.
<blockquote>
 «Егер жануарды есепке алу және сәйкестендіру шарттарын орындамаса, әкімшілік жауапкершілік тартылатын болады», – деп толықтырды вице-министр.
</blockquote>
Оның мәліметінше, тіркелмеген жануар анықталған жағдайда айыппұл мөлшері 10 АЕК-ні құрайтын болады. Қайталанатын болса одан сайын жоғарылайды.
Сондай-ақ, вице-министр жануарларды ұстау саласында “қоғамдық инспекторлар” ұғымын енгізу ұсынылатынын айтты.&nbsp;Ал жануарларға қарау саласында қоғамдық бақылау жүргізудің неғұрлым егжей-тегжейлі тәртібін уәкілетті орган айқындайды.
<blockquote>
 «Жергілікті атқарушы органдарға жануарларға арналған панажайлардың қызметін ақпараттық қамтамасыз етуді, жануарларды иелеріне беруге, жоғалған жануарлардың иелерін іздестіруге және үй жануарларын биостерилизациялау қажеттілігі туралы хабардар етуге бағытталған әлеуметтік жарнаманы ұйымдастыру құзырет беріледі», – деді ол.
</blockquote>

Қазақстандықтар үй жануарларын өз қаражаты есебінен міндетті есепке тұрғызуы керек

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Қазақстан мұсылмандары діни басқармасының Шариғат және пәтуа бөлімі 2022 жылғы діни күндер кестесін бекітті. Бұл туралы ҚМДБ баспасөз қызметі хабарлады.
<img src="https://kyzylorda-news.kz/wp-content/uploads/2021/10/keste.jpeg" alt="" />
Хижри айлардың басталуы халықаралық астрономиялық зерттеу орталықтарының мәліметтері негізінде жасалды.&nbsp;Пәтуа мамандары діни мерекелердің нақты күндері жаңа айдың көрінуіне байланысты көрсетілген уақыттан бір күн шегерілуі немесе алға жылжуы мүмкін екенін ескертеді.

Қазақстанда 2022 жылдың діни күндер кестесі бекітілді

Kyzylorda-news.kz. Аймақтың мамандандырылған әкімшілік соты ағымдағы жылдың 1 шілдесінен бастап әкімшілік істерді қарау жұмысын бастады. Бүгінде 136 әкімшілік іс қаралып, 49-ына шешім шығарылды. Бұл туралы Өңірлік коммуникациялар қызметінде өткен брифингте Қызылорда облысының мамандандырылған ауданаралық әкімшілік сотының төрағасы Гүлжан Мырзатаева мәлімдеді.
<blockquote>
 «Қазіргі таңда, әкімшілік істер жаңа принциптермен қаралады. Сондай-ақ, соттың заңды күшіне енген сот актілері, соттар мен судьялардың тапсырмалары, шақырулары, сұрау салулары, басқа да жолданымдары барлық мемлекеттік органдар мен жергілікті өзін өзі басқару органдар, барлық тұлғалар үшін міндетті. Сот шешімдерінің орындаулы соттың ұдайы бақылауында болады. Жауапкер соттың шешімін, татуласу рәсімдерін жүргізу нәтижесінде жасалған келсімдерді бекіту туралы ұйғарымды орындамаса, оған 50 АЕК мөлшерінде айыппұл салынады. Ал екінші рет қайталанса тағы да шаралар көріледі», – деді Гүлжан Жалғасбайқызы.
</blockquote>

Гүлжан Мырзатаева: Әкімшілік істер жаңа принциптермен қаралады

Kyzylorda-news.kz. Қызылорда облысының әкімі Гүлшара Әбдіқалықова «Современные Инновационные Технологии» ЖШС директоры Жомарт Момынбаевпен кездесті.
Жиынға ҚР Парламенті Мәжілісінің депутаты Ғалым Әміреев, облыс әкімінің орынбасары Серік Сүлейменов, облыстық энергетика және тұрғын үй-коммуналдық шаруашылық басқармасының басшысы Ерлан Жаңабаев қатысты.
Басқосуда өңірде жоғары технологиялы жобаларды қолдану мәселесі сөз болды. 
Облыс әкімінің назарына Жомарт Момынбаев аймақты бу-газбен қамтамасыз ету бойынша жобасын таныстырды.
Өңір басшысы аталған жобаны жан-жақты сараптап, облыс үшін тигізер тиімділігін зерделеу керектігін алға тартты.
Айта кетейік, «Современные Инновационные Технологии» (ИнТек) ЖШС балама қуат көздерімен жұмыс жасайтын отандық инжинирингтік компания. Қазақстандағы «KEGOC», «Самрұқ-Энерго», «Samruk-Green Energy» сияқты ірі өндіріс компанияларымен серіктестік орнатқан. Осыған дейін Жезқазған қаласындағы күн эелектр станциясын, Ерейментаудағы жел электр станциясын және Қапшағай су қоймасындағы күн электр станциясының құрылысына қатысқан.
<img src="https://kyzylorda-news.kz/wp-content/uploads/2021/10/fb_img_1633748067502.jpg" alt="" />

Аймақ басшысы заманауи инновациялық технологияларды қолдану мәселесін талқылады

Kyzylorda-news.kz. Қазақстанда өткен тәулікте 2399 адам коронавирус індетінен емделіп шықты, деп хабарлайды coronavirus2020.kz.
Аймақтар бойынша: Нұр-Сұлтан қаласы – 646, Алматы қаласы – 261, Шымкент қаласы – 48, Ақмола облысы – 105, Ақтөбе облысы – 117, Алматы облысы – 140, Атырау облысы – 122, Шығыс Қазақстан облысы – 177, Жамбыл облысы – 47, Батыс Қазақстан облысы – 22, Қарағанды облысы – 173, Қостанай облысы – 83, Қызылорда облысы – 55, Маңғыстау облысы – 31, Павлодар облысы – 269, Солтүстік Қазақстан облысы – 61, Түркістан облысы – 42.
Қазақстан бойынша жазылғандар саны – 843654.

Қызылордада тағы 55 адам коронавирустан жазылды

Kyzylorda-news.kz. Қазақстанда өткен тәулікте 1940 адамда коронавирус індеті ПТР арқылы расталып ауырғаны белгілі болды, деп хабарлайды coronavirus2020.kz.
Аймақтар бойынша: Нұр-Сұлтан қаласы – 294, Алматы қаласы – 369, Шымкент қаласы – 54, Ақмола облысы – 77, Ақтөбе облысы – 67, Алматы облысы – 188, Атырау облысы – 43, Шығыс Қазақстан облысы – 102, Жамбыл облысы – 39, Батыс Қазақстан облысы – 65, Қарағанды облысы – 161, Қостанай облысы – 97, Қызылорда облысы – 43, Маңғыстау облысы – 12, Павлодар облысы – 165, Солтүстік Қазақстан облысы – 129, Түркістан облысы – 35.
Жалпы ел бойынша ауырғандар саны – 902061.

Қызылордада 43 адамнан коронавирус анықталды

Kyzylorda-news.kz. 9 қазан күні антициклон жотасы әсерінен Қазақстанның басым бөлігінде күн жауын-шашынсыз болады, деп хабарлайды Қазгидромет.
Республиканың солтүстігінде, оңтүстігінде, оңтүстік-шығысында ғана жауын-шашын блады. Ал оңтүстікте және оңтүстік-шығыс бөліктегі таулы аудандарда нөсер жауын (жаңбыр, қар) жауады.
Республиканың оңтүстігінде және оңтүстік-шығысында жел күшейіп, солтүстігінде, оңтүстік-шығысында, солтүстік-батысында түнде және таңертең тұман күтіледі.
Алматы облысының Алакөл ауданында жел секундына 17-22 метр жылдамдықпен соғады, екпіні 27 м/с болады.
Жамбыл облысының таулы аудандарында тұман түсіп, батысында, солтүстік-шығысында және таулы аудандарда желдің жылдамдығы секундына 15-20 метге дейін күшейеді.
Күндіз Түркістан облысының таулы аудандарында, Қызылорда облысының орталығында жел 15-20 м/с жылдамдықпен соғады.
Қостанай облысының оңтүстігінде, түнде және таңертең Солтүстік Қазақстан, Ақмола облыстарының оңтүстік – батысында тұман түсуі ықтимал.

Сенбіге арналған ауа райы болжамы

Kyzylorda-news.kz. Алдағы жылу беру маусымына дайындық жұмыстары қала және аудандарда қарқынды түрде жүргізілуде.
Қазіргі таңда қаладағы жылу желілері сумен толтырылып, жоғарғы қысыммен сынақтан сәтті өткізілді. Облыста жылу беру уақыты 10 қазан күні өз жұмысын бастайды. Бұл жөнінде Өңірлік коммуникациялар қызметінде өткен баспасөз конференциясында облыстық энергетика және тұрғын үй-коммуналдық шаруашылық басқармасы басшысының орынбасары Ерлан Жоламанов мәлімдеді.
<blockquote>
 «Жылу маусымын үздіксіз және сапалы өткізу мақсатында «Қызылордажылуэлектрорталығы» кәсіпорынның №9 қазандығын, №3 турбогенератордың бөлшектері мен құбырларын ауыстыру, және Оңтүстік қазандықтағы №7 ВОNО SG қазандығын жөндеуге 299,7 млн теңге бөлініп тиісті жұмыстар атқарылды. Аудан және қала әкімдері, бюджеттік бағдарлама әкімшілерінің мәліметіне сәйкес жоспарланған 529 білім нысанының, мәдениет нысанының 288, денсаулық сақтау нысанының 247 және 708 кіші қазандықтардың жөндеу жұмыстары жүргізілді. Жылу беру кезеңіне облыс көлемінде әлеуметтік нысандарға жылдық жоспар бойынша 33 мың тонна көмір, 25 мың тонна дизель отыны қажет. Қажетті отын көлемін жеткізуші мекемелермен келісім шарт жасалып, кезең-кезеңімен жеткізілуде»,- деді Ерлан Ералыұлы.
</blockquote>
Қазіргі уақытта Қызылорда облысы бойынша газдандырылған абоненттер саны – 121 171 құрайды, оның ішінде: тұрғындар (жеке тұлғалар) – 118 534, жеке үйлер-69715, пәтерлер-48819; коммуналдық-тұрмыстық кәсіпорындар-2454; өнеркәсіптік кәсіпорындар -183 құрап отыр.
<blockquote>
 Филиал алдағы жылыту маусымына байланысты қауіпсіздікті алдын алу және халық арасында насихаттау мақсатында тұрмыста газды қауіпсіз пайдалану бойынша айлық жариялады. Күнделікті біздің мамандар «РЦКУ-Қызылорда» ЖШС және Интергаз Орталық Азия АҚ «Қызылорда» магистальды газ құбырлары басқармасы филиалы қызметкерлерімен бірлесіп тұтынушыларға нұсқаулықтар мен жадынамалар таратып, тұрмыста газды пайдалану қағидаларын сақтау қажеттілігі туралы түсіндіру жұмыстарын жүргізіп жатыр», – деді “ҚазТрансГаз Аймақ” АҚ Қызылорда өндірістік филиалының техникалық инспекциясының басшысы Ислам Бектұрғанов.
 «Жылу маусымы 2021-2022 жж бастап жергілікті атқарушы органның шешімімен 00:00 сағат 10 қазан 2021 жылы басталады және жылу энергиясының төлемі сол кезден бастап есептелінеді. Жылу желілері бойынша:Қызылорда қаласында 186,8 шақырым жылу желілері бар. Магистралдық жылу құбырлары 35,744 км; Кварталаралық жылу құбырлары 151,05 км; Бүгінгі күні жылу желілерінің тозуы 40 пайызды құрайды. Қызылорда қаласы бойынша орталықтандырылған жылу жүйесіне барлығы 1 538 нысан қосылған. Өткен 2020-2021 жылдардағы жылу маусымына техникалық қызмет көрсету келісім-шартына 180 тұрғын үй отырып, жылу энергиясы жылу есептегіш құралдары арқылы есептелінді деді», – Жылу электр орталығы директорының орынбасары Бахытжан Молдиманов.
</blockquote>

Қызылордада жылыту маусымы басталды

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;ҚР Жоғарғы соты Әкімшілік істер жөніндегі сот алқасының судьясы Аслан Тукиев, пандемиядан кейін де онлайн сот практикасын дамытуды ұсынды, деп хабарлайды <a href="https://lenta.inform.kz/kz/kazakstanda-onlayn-sot-praktikasy-pandemiyadan-keyin-de-zhalgasuy-mumkin_a3846600">ҚазАқпарат</a>.
<blockquote>
 «Онлайн сот процестерінің басқа қандай мүмкіндіктерін көрдік дегенге келсек, істерді автоматты түрде бөлу жүйесі бүкіл республика бойынша жүйелі жұмысқа жол ашып отыр. Сондықтан бірыңғай практика болу үшін және елдегі судьяларды жұмысқа теңдей жүктеу үшін азаматтық істерді нақты бір сотқа бағынышты етпей бөлу тетігін ұсынып отырмыз. Әрине мұны тек тараптардың бәрінің келісімі бойынша ғана жасау керек. Яғни, тараптарға «экс-аумақтық» сотттылық принципін ұсынамыз. Онлайн сот процесін басқа аймақтағы судья да қарай алады деген сөз», – деді ол «COVID-19 пандемиясы кезінде сот төрелігіне қол жеткізу» тақырыбындағы онлайн кездесуде.
</blockquote>
Оның сөзінше, аталмыш тәсілдің бірнеше артықшылығы бар.
<blockquote>
 «Бұл не береді? Біріншіден, бәрінің уақыты мен шығынын үнемдейді. Қазір істердің көбі онлайн өтіп жатқанын ескерсек, мұндай мүмкіндік бар. Біздің ІТ-жүйеміз оған дайын. Біз іс жүзінде пандемиядан кейін де жазбаша әрі онлайн процестерге көшу туралы айтып отырмыз. Әрине, тараптар келіссе ғана осылай болады. Екіншіден, бұл сыбайлас жемқорлық тәуекелдерін азайтады. Жергілікті соттың әділдігіне күмән болса, бұл жүйеде істі кез келген өңірдің соты қарауы мүмкін. Әсіресе жергілікті әкімдіктермен дау туындағанда осындай күмәндер көбейеді. «Экс-аумақтық» соттылық осы тәуекелдердің бәрін азайтады», – деді Жоғары сот судьясы.
</blockquote>
Сондай-ақ, ол «бір типті» істер бойынша үгілік шешімдер» тәсілін енгізуді ұсынды.
<blockquote>
 «Бір типті» істерді қарау бойынша реформаның тағы бір тетігін іске асыруға болады. Мысалы ломбардтармен, байланыс операторларымен соттасушылар көп. Мұндай «бір типті» істердің шешімі де, өндіру шарттары да бір-бірінен айнымайды. Осындай істер бойынша әртүрлі шешімдер шығарылған кезде әділ сындар айтылады. Соның салдарынан сот практикасының құбылмалылығы туралы пікірталас күшейеді. Осындай істер бойынша бірізді практика қалыптастыру үшін «үлгілік шешім» енгізуді ұсындық. Бұл қалай жұмыс істеуі мүмкін? Ұқсас талаптар бойынша даулар көбейген кезде жоғары тұрған сот тараптардың келісімін ала отырып, бір істі қарап, сол бойынша «үлгілік шешім» шығарады. Жоғары тұрған соттың актісі барлық мағынада үлгілік құжат болуы керек. Егер жағдай бір облыстың ішінде қайталанса, ондай шешімді облыстық сот шығарады. Ал республика көлемінде көбейсе, Жоғарғы сот шығарады», – деді Аслан Тукиев.
</blockquote>

Қазақстанда онлайн сот практикасы пандемиядан кейін де жалғасуы мүмкін

<a href="https://kyzylorda-news.kz/ru/obshestvo/">Kyzylorda-news.kz</a>. 10 – қазан дүниежүзілік психикалық денсаулық күні. Бұл күн дүниежүзілік псхикалық денсаулық федерациясы бастамасымен 1992 жылдан бастап атап өтіліп келеді. Сол уақыттан бері медицинаның бір бөлігі саналатын бұл салаға ерекше көңіл бөлініп. Бұл туралы бүгін Өңірлік коммуникациялар қызметінде өткен баспасөз конференциясында Облыстық психикалық денсаулық орталығы директорының орынбасары Аман Тұрсынов мәлімдеді.
<blockquote>
 «Өңірімізде психикалық денсаулық сақтау саласы бойынша облыстық психикалық 585 төсек орынды аурухана орталығы жұмыс жасауда. Шиелі мен Арал аудандарында 30 төсек орындық психикалық денсаулық бөлімшелері бар. Жалпы психикалық денсаулық орталықтарында жүйке ауруы, жасөспірімдердің өз-өзіне қол жұмсауы, мінез-құлқының өзгеруі туралы шараларымен арнайы мамандар тұрғындармен жұмыс істейді. Сонымен қатар псхикалық белсенді заттар яғни есірткіге тәуелділікпен былтырғы жылы 860 жағдай есепке тіркелсе, қазіргі таңда 9 айдың көрсеткіші бойынша 653 науқас есепте тұр» -, деді Аман Бөкенбайұлы.
 «Облыстық психикалық денсаулық орталығында станционарлық және амбулаторлық көмектер ақысыз түрде көрсетіледі. Есепте тұрған науқастар станционарлық ем алғаннан кейін, амбулаторлық түрде тегін дәрі-дәрмектермен қамтамасыз етіледі. Жалпы облыс бойынша 10 мыңға жуық психикалық мінез-құлық ауытқулары бар науқас тіркелген. Жыл басынан бері 1700 адам станционарлық ем алған», – деді облыстық псхикалық денсаулық орталығының дәрігері Нұрлан Нұрпейісов.
</blockquote>

Қызылордада 10 мыңға жуық психикалық мінез-құлық ауытқуы бар науқас тіркелген

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Биыл қатарынан төртінші мәрте өткізіліп отырған «Қайырымдылық керуені» байқауының мақсаты – игілікті іс жасайтын, қол ұшын созатын жандарды анықтауға және мейірімділік, гуманизм сияқты адамгершілік құндылықтарды нығайтуға бағытталған. Сайыс қорытындысымен Қазақстанның дамуына қомақты үлес қосқан батыл, қамқор жандарды, меценаттар мен нағыз патриоттар анықталады.
Сонымен қатар, байқауды Нұрсұлтан Назарбаев Қоры және Қазақстанның іскер әйелдер қауымдастығы, «Оқжетпес» емдеу-сауықтыру кешені, «Хабар» агенттігі мен «КТК» телеарнасы жүзеге асырады. Бұл туралы бүгін Өңірлік коммуникациялар қызметінде өткен баспасөз конференциясында Қазақстан кәсіпкер әйелдері ассоциациясы Қызылорда облысы филиалының директоры Манат Алмашева мәлімдеді.
<blockquote>
 «Байқауға әлеуметтік, қоғамдық мәселелерді шешуге үлестерін қосатын және өзгелерді өздерінің игі ісімен ынталандыратын жеке және заңды тұлғалар қатыса алады. Ал, кәсіпкерлік субъектілері, қайырымдылық қызметі мемлекеттік қолдаумен (мемлекеттік грант, мемлекеттік тапсырыс және т.б.) байланысты адамдар байқауға қатыса алмайды. Лауреаттар жеті номинациялар бойынша анықталады. Атап айтатын болсақ, «Асар», «Туған жер», «Батыл жүрек», «Мейірім жолында» «Қайырымдылық тарихы», «Бала жүрегі», «Жануарға мейірім». Байқауға қатысуға өтінімдер 2021 жылдың 30 қарашасына дейін қабылданады». – деді Манат Тамабайқызы.
 «Қайырымдылық марафоны жалпы ұлттық жобасы» басталғалы бері 581 іс – шара ұйымдастырылған. Оған бас аяғы 31000 мың-нан аса адам қатысты. Сонымен қатар, «Республикалық мектепке жол акциясы» аясында 83 млн теңге демеушілер есебінен бөлініп, 3322 оқушыға көмек көрсетілді. Тәуелсіздіктің 30 жылдығына орай ұйымдастырылған арнайы шараларымыз өз кезегімен өткізілуде. Солардың бірі – Сыр елі көшбасшы әйелдерінің тәуелсіздікке қосқан үлестеріне байланысты «Тәуелсіздік нәзік келбеті». Аталған шара төңірегінде бірқатар жобалар атқарылуда, – деді «Қоғамдық келісім» коммуналдық мемлекеттік мекемесінің маманы Рахима Ахметова.
</blockquote>

Қазақстан және Қызылорда облысының жаңалықтары: Қоғам