<a href="https://kyzylorda-news.kz/ru/obshestvo/">Kyzylorda-news.kz</a>. «Халық санағы-2021» аясында жүргізілген нақтылау жұмыстары аяқталды. Нәтижесінде 19,6 миллионнан аса респондент қамтылды.
Негізгі кезеңде қандай да бір себептермен санаққа қатыса алмаған азаматтарға арнайы sanaq.gov.kz сайты мен e-Gov порталы және Aitu мобильді қосымшасы арқылы санақ сауалдарын толтыру мүмкіндігі берілді. Қазір ұлттық статистика бюросы деректерді өңдеуге кірісті.
Айта кетерлігі, респонденттердің 42 проценттен астамы онлайн-санақ функциясын пайдаланды.
<a href="https://24.kz/kz/zha-aly-tar/o-am/item/509012-khaly-sana-y-2021-ayasynda-zh-rgizilgen-na-tylau-zh-mystary-aya-taldy">Хабар 24</a>

«Халық санағы-2021» аясында жүргізілген нақтылау жұмыстары аяқталды

<a href="https://kyzylorda-news.kz/ru/obshestvo/">Kyzylorda-news.kz</a>. Қызылорда қаласындағы Толыбеков – М.Әуезов көшелері қиылысында жаяу жүргіншілер өткелінен&nbsp; келе жатқан жасөспірімді белгісіз автокөлік қағып, оқиға орнынан бой тасалаған.
Облыстық балалар ауруханасынан «102» арнасына жол көлік оқиғасы салдарынан дене жарақатымен жасөспірім түсті деген хабарлама түскен.
Орын алған ЖКО бойынша жедел түрде іздестіру&nbsp; шаралары&nbsp; басталып,&nbsp; оқиға орнынан сұрастыру жұмыстары жүргізілді.
<blockquote>
 «Кешенді іздестіру шараларының нәтижесінде кезекші тәулікте күдікті автокөлік анықталды. Көлік тізгіндеген 32 жастағы қала тұрғынына қатысты Қазақстан Республикасының Әкімшілік құқық бұзушылық туралы кодексінің 610-бабының 2-бөлігімен және 611-бабының 2-бөлігімен әкімшілік құқық бұзушылық туралы хаттамалар толтырылды. Жаяу жүргіншінің өмірі мен денсаулығына қауіп жоқ. Түпкілікті шешім қабылдау үшін жинақталған құжаттар сотқа жіберіледі», – делінген полиция департаментінің таратқан хабарламасында.
</blockquote>

Жолда жасөспірімді қағып, қашып кеткен жүргізуші ұсталды

<a href="https://kyzylorda-news.kz/ru/obshestvo/">Kyzylorda-news.kz</a>. 15 қарашадан бастап республикалық маңызы бар Самара-Шымкент тас жолы ақылы негіздегі жүйеге қосылады. Ақылы жолдар тарифі жеңіл көліктерге 1 шақырымға 1 теңге, жүк көліктері мен автобустарға техникалық көлемдеріне байланысты 5 теңге мен 25 теңге аралығында болады. Бұл жөнінде Өңірлік коммуникациялар қызметінде өткен баспасөз конференциясында облыстық жолаушылар көлігі және автомобиль жолдары басқармасы басшысының орынбасары Қайрат Әбсұлтанов хабарлады.
Облыс аумағында автомобиль жолдарының жалпы ұзындығы – 3 397 шақырымды құрайды. Оның – 1016 км республикалық, 557 км – облыстық, 1824 км – аудандық маңызы бар автомобиль жолдары. Қайрат Байғабылұлының айтуынша, биыл өңір аумағынан өтетін республикалық маңызы бар ұзындығы 812 шақырымды құрайтын автомобиль жолдары ақылы жүйеге ауыспақ. Онда автомобильаралық бақылау аркалары орнатылып, жүйені пайдаланушыларға қызмет көрсететін орталықтар ашылды. «Нұрлы жол» бағдарламасы аясында республикалық және облыстық бюджет есебінен ұзындығы 216 км облыстық және аудандық маңызы бар автомобиль жолдары жөндеуден өткізілуде.
Ақылы жүйеге енгізілген автомобиль жолдарында «ашық» жүйесі қолданылмақ. Сондай-ақ, көліктердің өтуі арнайы бейнекамералар және арнайы жабдықтардың көмегімен бақылау аркаларына бекітілген.
<blockquote>
 «Ақылы жолдар жобасы 2019 жылы ҚР Үкіметінің қаулысымен бекітілген инфрақұрылымды дамытудың «Нұрлы жол 2020-2025» мемлекеттік бағдарламасы негізінде қабылданды. Аталған бағдарлама шеңберінде еліміздегі 11 мың шақырымды құрайтын автожол ақылы жүйеге ауысады. Қазіргі таңда жеті жаңа ақылы учаскені пайдалануға енгізу туралы бұйрыққа қол қойылды. Бұйрыққа сәйкес, І-ші техникалық санаттағы учаскелердегі ақылы жүйе 15 қарашадан бастап енгізіледі. Ақылы жүйе іске қосылатын автожолдар: Шымкент-Қызылорда, Нұр-Сұлтан – Павлодар, Шымкент-Өзбекстан шекарасы, Щучинск-Көкшетау, Қапшағай-Талдықорған, Шымкент-Тараз, Тараз-Қайнар бағыттары», – деді «ҚАЗАВТОЖОЛ» ҰК АҚ Қызылорда облыстық филиалы директорының орынбасары Шанжархан Мырзабай.
</blockquote>

Самара-Шымкент тас жолы ақылы болады

<a href="https://kyzylorda-news.kz/ru/obshestvo/">Kyzylorda-news.kz</a>. МӘМС пакетімен қарастырылған стоматологиялық көмек тек балалар мен жүкті әйелдерге ғана тиесілі емес. Шұғыл стоматологиялық көмекті қажет болған жағдайда азаматтардың 9 түрлі санаты ала алады.
18 жасқа дейінгі балалар;
жүкті әйелдер;
ҰОС қатысушылары және оларға теңестірілген тұлғалар;
I, II, III, IV топтағы мүгедектер;
“Алтын алқа” және “Күміс алқа”алқаларымен марапатталған көп балалы аналар;
атаулы әлеуметтік көмекті алушылар;
жасы бойынша зейнеткерлер;
инфекциялық және әлеуметтік мәні бар аурулармен ауыратын науқастар;
ерекше назар аударуды талап ететін балаға немесе бала кезінен I – топтағы мүгедекке күтім жасайтын жұмыс істемейтін қазақстандықтар.
Төтенше жағдай деп қандай кезде айтуға болады?
Көбінесе стрептококктар немесе стафилококктар тудыратын – терінің, тері астындағы тіндердің жедел бактериялық флегмонус инфекциясы;
абсцесс, фурункул, карбункул сияқты жақ-бет аймағының өткір одонтогентті емес қабынатын аурулары;
остеомиелит;
сыртқы қол жеткізуді талап ететін тісті жұлу;
тек стационар жағдайында ғана көмек көрсетуге болатын басқа да жағдайлар.
Егер тексеруден кейін тіс дәрігері амбулаториялық жағдайда көмек көрсету мүмкін емес деп шешсе, ол пациентті емдеуден бас тартуға және оны жедел жәрдем арқылы ауруханаға жіберуге құқылы.
Науқастың өміріне қауіп төндіретін кенеттен болатын өткір аурулар мен созылмалы аурулардың өршуі кезінде шұғыл стоматологиялық көмек қажет. ⁠
пульпит (жедел немесе созылмалылықтың қабынуы);
периодонтит (жедел немесе созылмалылықтың қабынуы);
жақ-бет жарақаты (мысалы, тістің шытынауы немесе сынуы);
жақ-бет аймағының одонтогендік және одонтогендік емес қабыну ауруларының өршуі;
стоматит;
жедел ауырсыну жағдайларда;
шұғыл хирургиялық араласуды қажет ететін емдеулер.
Пациенттердің аталған санаттары үшін МӘМС пакетімен қандай көмек тегін көрсетіледі?
анестезия;
жақ немесе тіс рентгенографиясы;
тісті жұлу;
пломбаны препараттау және салу;
периостотомия;
пульпит, периодонтит, стоматиттің жедел түрлерін, альвеолитті емдеу;
абсцесті ашу.
Жоспарлы көмекті тек 18 жасқа дейінгі балалар мен жүкті әйелдер ғана ала алатынын естеріңізге саламыз. Ол:
анестезия;
жақтың немесе тістің рентгенографиясы;
химиялық қататын композитті материалдардан жасалған пломбаны препараттау және салу;
қарапайым және күрделі тісті жұлу.
<img src="https://kyzylorda-news.kz/wp-content/uploads/2021/11/cdd77f8c-7d45-4ebd-b76f-78c7ce1291e9.jpg" alt="" />
<img src="https://kyzylorda-news.kz/wp-content/uploads/2021/11/f671c524-ab87-432f-a779-0a6850d5b96d.jpg" alt="" />

МӘМС: Стоматологиялық көмекті кімдер ала алады?

<a href="https://kyzylorda-news.kz/ru/obshestvo/">Kyzylorda-news.kz</a>. Бүгін мемлекеттік статистикаға 101 жыл. Биыл Қазақстан статистикасы үшін Ұлттық халық санағының үшінші рет өтуімен есте қалды. Осы халық санағының алдыңғы санақтан ерекшелігі электронды форматта өткендігі. Бұл туралы бүгін Өңірлік коммуникациялар қызметінде өткен баспасөз конференциясында облыстық статистика департаментінің басшысы Мариям Баекеева мәлімдеді.
2021 жылы 1 қыркүйектен 30 қазанға дейінгі кезең аралығында елімізде Ұлттық халық санағы өткізілді. Халықты толық есепке алуды қамтамасыз ету және 2021 жылғы халық санағын жүргізу кезінде деректер сапасының анықтығын тексеру үшін 1 қарашадан 7 қарашаға дейін бақылау іс-шаралары нақтыланды. 1қарашадағы жағдай бойынша халық санағы облыстың барлық тұрғындарын қамтыды.
<blockquote>
 «Жалпы, облыс статистиктері барлық шараларда белсенділігін көрсетіп келеді. Мәселен, мемлекеттік тіл саясатын жүзеге асыруға арналған іс-шараларда, үздік мемлекеттік қызметші байқауларында, облыстық мемлекеттік қызметшілер арасындағы спартакиадаларда жүлделі орындарды иеленуде. 2012 жылы ҚР Үкіметінің қаулысымен алғашқы рет статистика тарихында «Статистика үздігі» Төс белгісі бекітілді. Осы уақытқа дейін ол белгімен қызметтегі ең жоғары көрсеткіштерге қол жеткізген және лауазымдық міндеттерін үлгілі атқарғаны үшін департаменттің 23 қызметкері марапатталды. Биылғы жылы департамент сапа менеджменті жүйесінің қайта сертификаттау аудитінен сәтті өтіп, ҚР СТ ИСО 9001-2016 ұлттық стандартының талаптарына сәйкестік сертификатын алды. Бүгінгі айтулы күнде ресми статистиканың дамуы мен гүлденуі ісінде мемлекеттік статистика органдарының барлық министрліктер мен ведомстволар, жергілікті атқару органдары, ғалымдар, респонденттермен және басқа да пайдаланушылармен өзара қарым-қатынас құруы өте маңызды іс», – деді департамент басшысы Мариям Жәдігерқызы.
</blockquote>

Бүгін статистика күні

<a href="https://kyzylorda-news.kz/ru/obshestvo/">Kyzylorda-news.kz</a>. Қазгидромет 9-11 қараша аралығында ауа райы қандай болатынын айтты.
Синоптиктер болжамына сәйкес, батыс, солтүстік-батыс пен солтүстіктің басым бөлігінде жауын-шашын болады. Елдің батысы мен солтүстік-батысында қатты жауын-шашын жаууы мүмкін.
Тұман, көктайғақ, бұрқасын болады деген болжам жасалды.
11 қарашадан бастап ауа температурасы батыс, солтүстік-батыста түнде -10…0°C аязға дейін, күндіз -5…+5 °C жылыға дейін төмендейді. Оңтүстік-батыста түнде +2…+7°C жылы, күндіз +5…+10°C жылы болады.
Солтүстікте -2…+3°C-қа дейін жетеді.
Республиканың қалған аумағында жауын-шашын жаумайды, күндіз ауа температурасы +5…+15°C дейін көтеріледі.
Жел жылдамдығы 15-23 м/с-ке дейін күшейеді.
Елордада 9 қарашада күн ашық, түнде -2°C, күндіз +5°C жылы. Сәрсенбіде күн бұлтты, түнде -2°C, күндіз +4°C жылы. 11 қарашада қар жауады, түнде -1°C, күндіз +3°C болады.
Алматыда сейсенбіде күн бұлтты, түнде 0°C, күндіз +8°C жылы. 10-11 қарашада күн ашық, түнде 0…+2°C жылы, күндіз +8°C көрсетеді.
Шымкентте 9 қарашада күн бұлтты, түнде +3°C, күндіз +13°C жылы. 10-11 қарашада түнде -1…+1°C болса, күндіз +13…+15°C болады.

Алдағы үш күнде ауа райы қандай болады?

<a href="https://kyzylorda-news.kz/ru/obshestvo/">Kyzylorda-news.kz</a>. «Nur Otan» партиясы жанындағы «Экология» жөніндегі республикалық қоғамдық кеңестің онлайн отырысы өтті.
Онда «Жануарларды қорғау» туралы Қазақстан Республикасы Заңының жобасы, «Жасыл Қазақстан» ұлттық жобасы, Қазақстан Республикасының Экологиялық кодексіне жасалған жаңа нормативтік құқықтық актілердің талдау нәтижелері талқыланып, Алматы қаласы, Солтүстік және Бастыс Қазақстан, Қызылорда облыстарындағы өңірлік қоғамдық кеңестердің атқарған жұмыстарының есебі тыңдалды.
Жалпы атап өту керек, партияның сайлауалды бағдарламасында «Қайырымды қоғам – таза экология» бағытында табиғатты қорғау бойынша кешенді шаралар белгіленген. Бұл бағытта «Nur Otan» партиясы облыстық жанындағы аймақтық Экологиялық қоғамдық кеңес мүшелерімен біршама жұмыстар жүргізілген.
Мәселен, жыл басынан экология бағытындағы аймақтық және аумақтық кеңестердің 23 отырысы өтті. Оларда «Сырдария өзенінің арнасын реттеу және Арал теңізінің солтүстік бөлігін сақтау» жобасының 2-ші кезеңін іске асыру, «Көкарал бөгетін сақтау және Сырдария өзенінің арнасын қалпына келтіру», Қызылорда су торабын қайта құру секілді 40 тан астам, өзекті мәселелер қаралып, жергілікті атқарушы органдарға республикалық Кеңеске, ҚР Парламенті Сенаты, Мәжілісі депутаттарына алпыстан астам ұсынымдар берілгендігін өңірлік қоғамдық Кеңес төрағасы Нұрбол Аппазов өз баяндамасында атап өтті.
Сондай-ақ, Кеңес төрағасының айтуынша «Nur Otan» партиясының «Өзгерістер жолы: әр азаматқа лайықты өмір!» атты сайлауалды бағдарламасында елімізде 2 миллиард, оның ішінде облыс, қалаларда 15 млн ағаш отырғызып, орман алаңдарын 500 мың гектарға дейін ұлғайту жоспарланған. Біздің өңір үшін ағаш-бұта екпелерін отырғызу және жасыл аймақтар құру өте өзекті мәселе.
<blockquote>
 «Алдағы 5 жылда жасыл желектер санын арттыру мақсатында облыс бойынша 501,7 мың ағаш – бұта екпелерін отырғызу көзделсе, оның 102,7 мың данасы ағымдағы жылы отырғызылды. Олардың шығымдылығын 65%-ға жеткізу, қала бойынша күзде 4,5 мың дана ағаш-бұталарды егуді қамтамасыз ету, қолданыстағы ирригациялық жүйелерді қалпына келтіру, сондай-ақ, «Nur Otan» партиясы Қызылорда облыстық филиалы жанынан тұрғындардың шағымдарына жауап беру үшін арнайы мобильді экологиялық тобы құрылды. Жалпы партия жанындағы өңірлік Кеңес жұмыстарының нәтижесінде «Теплоснабженец» саяжайы тұрғындарының баубақшалық жерлерін аяқ сумен қамтамасыз ету үшін темірбетон арықтар (лоток) орнатылды. Ағаштарды химиялық өңдеу мәселелері туралы қала аумағындағы жасыл желектердің (ағаштардың) маманданған және басқа да зиянкестеріне қарсы барлығы 62 500 ағашқа химиялық өңдеу жұмыстары жүргізілді», – дейді Нұрбол Аппазов.
</blockquote>

Нұрбол Аппазов: 62 500 ағашқа химиялық өңдеу жұмыстары жүргізілді

<a href="https://kyzylorda-news.kz/ru/obshestvo/">Kyzylorda-news.kz</a>. Қызылордада заңсыз ойын бизнесінің екі ұйымдастырушысына сот үкімі шықты.
Қаржылық мониторинг агенттігінің Қызылорда облысы бойынша аумақтық департаменті интернет-казиноны ұйымдастырудың екі дерегінің жолын кесті.
ҚР ҚМА Баспасөз қызметінің мәліметіне, Қызылорда қаласының тұрғындары Д.Болат пен Қ.Аяхметов үй-жайды жалға алып, оған «Fruit Loto», «Lucky Lady Charm», «Crazy Monkey», «Lucky Haunter» интернет-казино бағдарламалары бар компьютерлер орнатқан.
<blockquote>
 «Нәтижесінде ойыншылар компьютерлер арқылы бәс тігу мен ұтыстарды алуды іске асырғаны анықталды. Қ.Аяхметовке 200 АЕК көлемінде айыппұл салынды, Д.Болат 1 жылға бас бостандығы шектеу жазасына тартылды», – делінген мәліметте. Ал алынған заттай дәлелдемелер мемлекет кірісіне айналдырылған.
</blockquote>
<a href="https://24.kz/kz/zha-aly-tar/o-am/item/508931-yzylordada-za-syz-ojyn-biznesin-jymdastyr-andar-sottaldy">Хабар 24</a>

Қызылордада заңсыз ойын бизнесін ұйымдастырғандар сотталды

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp; Ішкі істер министрлігі 2023 жылға дейін полицейлердің жалақысын 50-ден 90%-ке дейін өсіруді жоспарлап отыр. Бұл туралы ведомство басшысы Ерлан Тұрғымбаев мәлімдеді, деп хабарлайды&nbsp;<a href="https://sputnik.kz/">Sputnik Қазақстан</a>.
Министр бүгінде полиция қызметкерлерінің жалақысы құқық қорғау органдары арасында өте төмен екенін атап өтті. Сондықтан президент тапсырмасына сәйкес, 2019 жылдан бастап кезең-кезеңмен жалақы көтерілуде.
<blockquote>
 “2023 жылға дейін 50-ден 90 пайызға дейін өсіру көзделген.&nbsp; Осылайша, сержанттың жалақысы 81 мыңнан 140 мың теңгеге дейін, лейтенант – 103 мыңнан 174 мың теңгеге дейін артады”, – деді Тұрғымбаев мәжілістегі ішкі істер органдарын реформалау туралы үкімет сағатында.
</blockquote>
Сонымен қатар министр полицейлердің әскерилер сияқты баспана алуға мүмкіндігі бар екенін мәлімдеді. Тұрғын үй төлемдері банк арқылы қызметкердің жеке баспанасына жұмсалады.
Айтуынша, мұндай жеңілдікпен қызметкерлердің 72%-і қамтылған.
Сондай-ақ қызметтік міндетін атқару кезінде қаза тапқан және жарақат алған қызметкерлердің отбасысына тұрғын үй төлемі сақталады.

Қазақстандық полицейлердің жалақысы 90%-ке дейін өседі

<a href="https://kyzylorda-news.kz/ru/obshestvo/">Kyzylorda-news.kz</a>. Ауыр атлетикадан Қазақстан құрамасының бас жаттықтырушысы болып Дәурен Бекмұхамедов тағайындалды. ҚР Мәдениет және спорт министрлігінің баспасөз қызметінде хабарлағандай, ол жаңа тренерлер штабын қайта жасақтайды.&nbsp;
<blockquote>
 «Қазіргі жағдайға Альберт Линдердің өлімі және одан кейін орын алған бірнеше оқиға себепші болды. Спортшылар мен жаттықтырушылардың, Альберт Линдердің туыстарының мәлімдемесі шешуші рөл атқарды. Министрдің араласуынан кейін жаттықтырушылар штабы тарапынан өрескел заң бұзушылықтардың болғаны анықталды. Осыдан кейін құраманың бас жаттықтырушысы Бақыт Ахметов пен аға жаттықтырушы Сергей Седов қызметінен босатылды», – делінген министрлік хабарламасында.
</blockquote>

Ауыр атлетикадан Қазақстан құрамасының бас жаттықтырушысы тағайындалды

<a href="https://kyzylorda-news.kz/ru/obshestvo/">Kyzylorda-news.kz</a>. Қызылорда қаласының әкімі Ғанибек Қазантаев арнайы техникалардың қысқа дайындық жұмыстарын пысықтау мақсатында «Қызылорда тазалығы» ЖШС-нің техникалық базасын аралады.
Қазіргі таңда серіктестіктің теңгеріміндегі техниканың 90 пайызы алдағы маусымдағы ауқымды жұмыстарға дайын. Ол үшін тыңғылықты даярлық шаралары жүргізілген. Сонымен қатар, мекеме базасына 240 тонна тұз және 1000 тонна құм жинақталған. Шаһар басшысы Ғанибек Қонысбекұлы серіктестік директорына құм мен тұз қоспасының сапасына ерекше мән беріп, қар тасымалдау сызбасы кестеге сай жүру қажеттілігін тапсырды. Ең басты талап – қар жауған сәттерде тұрғындардың қауіпсіздігі, жұмыстарына кептеліссіз жетулеріне жағдай жасау үшін көшелерді, жаяу жүргіншілер жолын таңғы қарбаласқа дейін тазалауды жүктеді.
Соңғы уақыттары тұрғындар тарапынан қала тазалығына қатысты түрлі сыни сауалдар түсуде. Осыған орай, мекемеге қыс мезгіліне дайынбыз деп арқаны кеңге салып отыруға болмайтындығын, күнделікті күш-жігерді тазалық жұмыстарына жұмылдыру қажеттігін тапсырды. Қала әкімі Ғанибек Қонысбекұлы тұрғындар арасында тазалық мәдениетін қалыптастыруға ерекше мән беріп, бағыт-бағдар беруде тиімді тәсілдерді пайдалану керектігін айтты.
<img src="https://kyzylorda-news.kz/wp-content/uploads/2021/11/akim.jpg" alt="" />
<img src="https://kyzylorda-news.kz/wp-content/uploads/2021/11/akiim.jpg" alt="" />
<img src="https://kyzylorda-news.kz/wp-content/uploads/2021/11/traktor.jpg" alt="" />

Қызылордада арнайы техникалардың қысқа дайындығы пысықталды

<a href="https://kyzylorda-news.kz/ru/obshestvo/">Kyzylorda-news.kz</a>. Жергілікті тұрғындардың сөзінше, оқиға кеше сағат 21.20-да 29 А ықшамауданында болған (Нұр-Сұлтан уақыты бойынша сағат 22.20-да). Жарылыстың себептері анықталуда.
<blockquote>
 «Зардап шеккендер туралы ақпарат түспеді. Жарылыс себебі мен аумағы анықталып жатыр», – деді ҚР Төтенше жағдайлар министрлігінің ресми өкілі Талғат Уәли.
</blockquote>
Қазіргі уақытта оқиға орнында үйінділерді талдау жұмыстары жүріп жатыр.
​Асхана иесінің айтуынша, жарылыс кезінде&nbsp;жұмысшы персонал болмаған. Жарылыс кезінде 10 көлік құралы (бейбіт тұрғындар) болды. Барлық автокөліктер жарылыс толқыны салдарынан зардап шекті. Жол полициясы қызметкерлері арнайы техниканың (эвакуатор) көмегімен 10 автокөлікті эвакуациялады.
Жарылыстың алдын ала себебі газ-ауа қоспасының ағуынан болуы мүмкін. Қазірдің өзінде оқиға орнынан екі газ баллоны шығарылды.
Аталмыш кешен айтуынша, үйінділердің астында тағы екі газ баллоны бар. Олардың әрқайсысының сыйымдылығы 50 литр. Толығырақ ақпарат оқшаулау және жоюдан кейін беріледі.

Қазақстан және Қызылорда облысының жаңалықтары: Қоғам