<a href="https://kyzylorda-news.kz/">Kyzylorda-news.kz.</a>&nbsp; 25-26 қараша күндер Нұр-Сұлтан және Шымкент&nbsp;қалаларында желдің екпіні секундына 15-20, кей жерлерде 23 метрге жетеді деп күтілуде.&nbsp;
Ақмола облысының&nbsp;оңтүстік-шығысында жаяу бұрқасын, көктайғақ болуы ықтимал.
Оңтүстік-батыстан&nbsp;соғатын жел солтүстікке, солтүстік-батысқа ауысады, күндіз облыстың шығысында екпіні 15-20 м/с жел соғуы мүмкін.
Ақтөбе облысының&nbsp;оңтүстігінде көктайғақ болады.
Шығыс Қазақстан&nbsp;облыстың солтүстік бөлігінде күндіз қатты жауын-шашын (жаңбыр, қар) жауады. Өңірдің солтүстік бөлігінде жаяу бұрқасын күтіледі. Жолдарда көктайғақ болады. Жел оңтүстіктен, оңтүстік-батыстан соғады, облыстың солтүстігінде, батысында 15-20, екпіні 25 м/с жел соғуы мүмкін.&nbsp;
Жамбыл облысында&nbsp;25-26 қараша күндері өңірдің солтүстік-шығысында және таулы, тау бөктерлі аудандарында қатты жауын-шашын (жаңбырдың соңы қарға ұласады) болады. Ал 26-27 қарашада облыстың солтүстігінде және таулы, тау бөктерлі аудандарында тұман, көктайғақ болады деп күтілуде.
Оңтүстік-батыстан&nbsp;соғатын жел солтүстік-шығыс желіне ауысады, облыстың оңтүстік-батысында, солтүстік-шығысында және таулы аудандарында жел жылдамдығы 15-20 м/с дейін жетеді. 25 қарашада күндіз, 26-27 қарашада&nbsp;тәулік бойы екпіні 23-28 м/с болатын жел соғуы ықтимал.
Батыс Қазақстан&nbsp;облысында жел солтүстіктен оңтүстік-батысқа ауысып соғады, облыстың солтүстігінде, оңтүстік-шығысында екпіні 15-20 м/с жел соғуы мүмкін.&nbsp;
Қарағанды облысының&nbsp;батысында, солтүстігінде, шығысында жаяу бұрқасын, көктайғақ, облыстың оңтүстігінде тұман күтіледі. Оңтүстік-батыстан соққан жел солтүстікке ауысады, облыстың шығысқа ауысады. Орталықта екпіні 23 м/с жел соғады деп күтіледі.
Қостанай облысының&nbsp;оңтүстігінде, шығысында тұман, көктайғақ күтіледі.
Қызылорда облысының&nbsp;солтүстігінде көктайғақ болады. Жел солтүстік-батыстан оңтүстік-батысқа ауысып соғады, күші облыстың солтүстігінде және орталығында 15-20 м/с дейін жетеді.
Маңғыстау облысының&nbsp;солтүстігінде, солтүстік-шығысында көктайғақ, тұман болуы мүмкін. Солтүстік-батыстан, солтүстіктен жел соғады, облыстың батысында 15-20 м/с жылдамдықпен жел тұрады.
Павлодар облысының&nbsp;солтүстігінде, шығысында көктайғақ, жаяу бұрқасын күтіледі. Оңтүстіктен соққан жел солтүстік-батысқа ауысады, жел екпіні облыстың оңтүстігінде, шығысында 15-20 м/с дейін жетеді.&nbsp;
Түркістан облысының&nbsp;солтүстігінде, батысында шаңды дауыл болады. Түнде таулы аудандарда оңтүстік-батыстан соққан желдің екпіні секундына 15-20 метрге дейін, күндіз 15-20, таулы аудандарда секундына 23-28 метрге жетеді деп күтілуде.&nbsp;
Жауын-шашынның түсуіне және күннің сууына байланысты көктайғақ болады.

Қар жауып, көктайғақ болады: Қызылордада ауа райына қатысты ескерту жарияланды

<a href="https://kyzylorda-news.kz/">Kyzylorda-news.kz.</a> Облыс көлемінде өтіп жатқан «Рефлекс» жедел-профилактикалық іс-шарасы барысында Сырдария аудандық Полиция бөлімінің қызметкерлері Шаған ауылына қарасты егістік алқапта 35 жастағы аудан тұрғының басқаруындағы ресейлік нөмірлері «Нексия» автокөлігін тоқтатқан.
Тексеру барысында жүргізушінің көлікті масаң күйде басқарғаны анықталып, оған Қазақстан Республикасы Әкімшілік құқық бұзушылық туралы кодексінің 608-бабына сәйкес хаттама толтыру кезінде жүргізуші есігінің «қалтасынан» қағаз қиындысына оралған ерекше иісі бар шөп тәріздес заты анықталып, тәркіленді. Сараптама қортындысына сәйкес анықталған зат кептірілген марихуана екені белгілі болды.&nbsp;
Аталған дерек бойынша Қазақстан Республикасы Қылмыстық кодексінің 296-бабының 2-бөлігімен (Есiрткi заттарды өткізу мақсатынсыз заңсыз сақтау) сотқа дейінгі тергеп-тексеру әрекеттері жүргізілуде.

Қызылордада көлігінде есірткі сақтаған мас жүргізушісі ұсталды

<a href="https://kyzylorda-news.kz/">Kyzylorda-news.kz.</a> Қазақстан әлемдік қоғамдастықтың ажырамас бөлігі ретінде өз дамуының жаңа кезеңіне аяқ басты. Әлемдік өркениеттің жаңа жағдайында еліміз тұрақты экономикалық дамуға бет түзеді. Осы орайда «Nur Otan» партиясы әзірлеген 2025 жылға дейінгі «Өзгерістер жолы: Әр азаматқа лайықты өмір!» атты сайлауалды бағдарлама партияның бүгінгі күннің басты талаптарына жауап беретін көзқарасын білдіреді. Бұл құжатта ел азаматтарының әл-ауқатын арттыруды көздейтін ауқымды шаралар қамтылған және бұл партия қолға алған реформалардың заңды жалғасы болмақ. Осы орайда Жалағаш ауданында мемлекеттік бағдарламалар аясында жоспарланған ауқымды шаралар жүзеге асырылып, әлеуметтік-экономикалық даму бағытында бірқатар жұмыстар атқарылды.Атқарылғанжұмыстар негізінен әлеуметтік саланы дамытуға, әлеуметтік міндеттемелерді уақытылы орындауға, шағын және орта кәсіпкерлікті дамытуға, жаңа жұмыс орындарын құруға және аудан экономикасын әртараптандыруға бағытталған.
<img src="https://kyzylorda-news.kz/wp-content/uploads/2021/11/whatsapp-image-2021-11-25-at-14.53.21-2.jpeg" alt="" />
Партияның «Өзгерістер жолы: Әр азаматқа лайықты өмір!» атты сайлауалды бағдарламасы негізінде әзірленген Жалағаш ауданы бойынша Жол картасы 7 бағытты қамтитын 87 іс-шарадан тұрады. Жыл басынан бері оның шеңберінде ауданда ауқымды жұмыстар атқарылды.
Жол картасындағы басым бағыттардың қатарына экономикалық әлеуетті жақсарту, тұрғын үймен қамтамасыз ету, шағын және орта бизнестің дамуына жағдай жасау, шалғайдағы елді мекендерді көркейту, экологиялық ахуалды жақсарту, жол және көлік құрылымы, қоғамдық қауіпсіздік, жастарды қолдауды енгіздік. Жол картасындағы индикаторлардың орындалуын бақылауға партияның аудандық мәслихаттағы фракциясының барлық мүшелері жауапты. Сонымен бірге Елбасының қаулысына сәйкес, партия филиалының жанынан 7 аумақтық қоғамдық кеңес құрылды. Бүгінде бұл кеңестер өзінің тиімділігін көрсетіп отыр.
Бүгінгі таңда шағын және орта кәсіпкерлік экономиканың негізі екені белгілі. Бұл саланы дамыту бойынша бірқатар шаралар жүзеге асырылып келеді. 2021 жылы мемлекеттік бағдарламалар аясында шағын және орта кәсіпкерлікті бастау немесе дамыту бағытында 259 жоба 2,5 млрд. теңгеге қаржыландырылып, 312 адам жұмыспен қамтылды.Ауданның өнеркәсіп өнімдерін өндіруші кәсіпорындар және жеке секторлар арқылы 2021 жылдың 9 айында7,3 млрд. теңгені құрайтын өнеркәсіп өнімдері өндіріліп, өткен жылмен салыстырғанда 82,1 пайызға артықорындалды. Оның ішінде өңдеу өнеркәсібі шаруашылықтардың күріш ақтау есебінен 2,1 есеге өсіп, 5,5 млрд теңгенің өнімі өндірілді.
<img src="https://kyzylorda-news.kz/wp-content/uploads/2021/11/whatsapp-image-2021-11-25-at-14.53.21-1.jpeg" alt="" />
Аса маңызды мәселенің бірі – халықты таза ауыз сумен қамтамасыз ету. Қазіргі таңда аудан тұрғындары толығымен орталықтандырылған ауыз сумен қамтамасыз етілген.Алдағы жоспарда Жалағаш кенті, Аққұм, Мәдениет елді мекендерінің өсу динамикасына сәйкес ауыз су желісін кеңейту жұмыстарына жоба-сметалық құжаттар дайындалды.2022 жылға республикалық бюджеттен қаржы бөлуге жобалар мақұлданып тұр. 
Аудан көлемінде республикалық маңызы бар 50 шақырым, облыстық маңызы бар 91 шақырым автомобиль жолдары қанағаттанарлық жағдайда.
Аудандық маңыздағы 120,7 шақырым автомобиль жолының қазіргі таңда 21,4 шақырымы жөндеуді қажет етеді. Биылғы жылы Жол картада жоспарланған аудан бойынша аудандық маңызы бар автомобиль жолының 21,7 шақырымына 614,0 млн теңгеге, елді мекендердің ішкі жолдарының12,9 шақырымына 551,1 млн теңгеге орташа жөндеу жұмыстары жүргізілуде.
Ауылдық елді мекендердің электр жүйелерін қайта жаңғырту жұмыстарын жүргізу үшін «Қызылорда электр тарату тораптары компаниясы» АҚ-ның жарғылық қорын ұлғайтуға облыстық бюджеттен 2019-2021 жылдары аралығында барлығы 373 млн. теңге бөлінді.Бөлінген қаржыға сәйкес2019 жылы – Аққыр және Жаңадария, 2020 жылы – Мәдениет, Аққұм, Жаңаталап, биыл Бұқарбай батыр елді мекенінің электр жүйелерін қайта жаңғырту жұмыстары жүргізіліп, пайдалануға берілді.Сондай-ақ, биылғы жылы «Ауыл – Ел бесігі» жобасы аясында 137,5 млн. теңгеге Жалағаш кентіндегі Абай, Әйтеке би, Бұқарбай батыр, Желтоқсан көшелерін жарықтандыру жұмыстары жүргізілуде.Аталған саланы дамыту жөніндегі жоспарда 422,0 млн теңгеге Есет батыр, Қаракеткен, Мырзабай ахун, Мақпалкөл, Ақсу елді мекендерінің тозығы жеткен электр желілері мен құрылғыларын қайта жаңғырту жұмыстары жүргізіледі.
Биылғы жылы Жол карта аясында ауданда жүзеге асқан үлкен әлеуметтік жобалардың бірі –халықтың көптен күткен Жалағаш кентінің газдандыру жұмыстары толық аяқталып, кент тұрғындары көгілдір отынды пайдалана бастады. Жобаның жалпы құны 3 млрд. 691 млн. теңгені құраған. Бүгінгі күнге Жалағаш кентіндегі тұрғын үйлердің (3155 отбасы) 48 пайызы (1500 тұрғын үй) газ желісінеқосылды. Әлеуметтік нысандардан №202 орта мектептің және орталық аурухананың жылу жүйесі орталықтандырылған газ желісіне қосылды.
Аудан бойынша халық саны 35 267 адамды құрайды, оның ішінде экономикалық белсенді халық саны 14664(жұмыссыздар-752).Жалпы жұмыссыздық деңгей 5,1 пайызды құраса, жастар арасындағы жұмыссыздық деңгейі 4,3 пайызды құрап отыр.2021 жылдың 9 айында1985 жаңа жұмыс орны ашылып, жылдық жоспар 147,9 пайызға орындалды (оның ішінде 1023-і тұрақты).Мемлекеттік атаулы әлеуметтік көмекке есепті мерзімге70,1 млн. теңге қаржы бөлініп, 322 отбасыға (1853 адам) төленді.
Ауданда білім беру саласын дамытуға байланысты бірқатар шаралар жүзеге асырылуда. Білім беру ұйымдарының инфрақұрылымын дамыту басты назарда. Ауданда апатты жағдайдағы мектеп мәселесі шешілген. Биыл Таң ауылындағы орта мектеп ғимаратына бөлінген 333,1 млн. теңгеге, Есет батыр ауылындағы орта мектептің ескі ғимаратына құны 367,9 млн. теңгеге күрделі жөндеу жұмыстары жүргізілуде. Сонымен қатар, мемлекеттік бағдарлама қолдауымен («Ауыл-Ел бесігі») Жалағаш кентінен құны 431,4 млн. теңгені құрайтын 200 орындық оқушылар үйі мен 50 орындық өнер мектебін ағымдағы жылдың желтоқсан айында пайдалануға беру жоспарланып отыр.
Денсаулық сақтау саласы бойынша ауданда эпидемиологиялық ахуалды бақылауда ұстау және барлық санитарлық талаптарды орындап, індет зардаптарын жоюдың кешенді шаралары жүзеге асырылды. Нәтижесінде былтырғы жылмен салыстырғанда жағдай біршама жақсарғаны байқалады.Екі жылдық тәжірибемізден байқалғандай барлық санитарлық талаптардымүлтіксіз орындау арқылы ғана әлемде, елімізде қалыптасқан кез-келген күрделі жағдайлардың алдын ала аламыз. Жағдай тұрақтанғанымен бұл мәселе үнемі бақылауда болу қажеттігін өмір көрсетті.
Денсаулық сақтау саласы үнемі қолдауды және заманауи медициналық құрал-жабдықтармен қамтамасыз етуді қажет ететін сала. Саланың материалдық-техникалық жағдайын нығайту мәселесі де күн тәртібінен түскен жоқ. Ағымдағы жылы «Ауыл-Ел бесігі» жобасы аясында Таң ауылынан жаңадан дәрігерлік емхана құрылысы салынуда.Сонымен қатар, Есет батыр және Мырзабай ахун ауылдарынан дәрігерлік амбулатория құрылысын салу үшін жоба-сметалық құжаттар әзірлеуге облыстық бюджет есебінен қаржы бөлінді. Сондай-ақ аудан бойынша коронавирус инфекциясына қарсы екпе алуға жататын азаматтар 100 пайыз екпе алуды аяқтады.
«Nur Otan» партиясы өзінің Сайлауалды бағдарламасында бұқарлық спортты дамытуға, халықтың жаппай спортпен шұғылдануы бағытында да нақты межелерді жоспарлап отыр. Осы мақсатта Жол карта аясында жерлесіміз Қайыржан Құлтекеновтың жеке қаражаты есебінен Жалағаш кентінде құны 307 млн. теңгені құрайтын жабық бассейн кешені салынып, пайдалануға берілді. Кешенде 19 адам жұмыспен қамтамасыз етіліп, үйірмеге 100-ге жуық балалар қатысып, күніне 30 адамға дейін ақылы қызмет көрсетуде. Аудан орталығынан демеушілік қаражат есебінен балаларға арнап спорт және ойын алаңы салынып, пайдалануға берілді. Аудандық бюджеттен бөлінген 14 млн. теңгеге 3 шағын спорт алаңы салынды. Жалағаш кентінде жалпы құны 471 млн теңгені құрайтын дене шынықтыру-сауықтыру кешенініңқұрылысына 217,3 млн. теңге қаржысы бөлініп, құрылыс жұмыстары жүргізілуде. 2022 жылы нысан пайдалануға беріледі. Жыл аяғына дейін кент орталығынан«Айбар-Ш» ЖШС демеушілік есебінен балаларға арналған Стритбол алаңысалынып, аудан тұрғындарының игілігіне беріледі. 
Мемлекет басшысының тапсырмасына сәйкес 2021 жыл «Тәуелсіздіктің 30 жылдығы» деп жарияланды. Тәуелсіздік – халқымыздың баға жетпес асыл қазынасы, ұрпақтан-ұрпаққа мұра болып қалар теңдессіз байлығы.Осыған орай, биылғы жылы жоспарланған барлық іс-шаралар «Жасампаздыққа толы жылдар» тақырыбында Тәуелсіздіктің басты жетістіктері мен құндылықтарын айшықтай отырып өткізілуде.Тәуелсіздіктің 30 жылдығына тарту ретінде Жалағаш кентінде құны 58,3 млн. теңгені құрайтын Рәміздер аллеясы салынып, мереке қарсаңында пайдалануға беріледі.
Бабаларымыз бірлік болмай, тірлік болмас деген. Ең бастысы – елдің тыныштығы мен береке-бірлігі. Елде тыныштық пен бірлік болса, алдағы уақытта да аудан экономикасының қарқынды дамуына құтты қадамдар жасалып, партиямыздың сайлауалды бағдарламасы аудан халқының қолдауымен жүзеге асырыла беретін болады.
Асылбек ШӘМЕНОВ,
«Nur Otan» партиясы Жалағаш аудандық филиалының төрағасы,
аудан әкімі

Партия белестері, алдағы асулар

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысы Сексеуіл кентінің тұрғындары көмірге қол жеткізе алмай келеді. Амалы таусылған халық малдың тезегін жағып жылынуға мәжбүр деп хабарлайды <a href="https://azattyq-ruhy.kz/society/31066-baska-amal-kalmady-kyzylorda-oblysynyn-turgyndary-komir-ornyna-maldyn-tezegin-zhagyp-zhylynyp-otyr?fbclid=IwAR2T5iCD9hKovThkSj5FYROlZk4pYRtoEzyNbOTbF9ETCh2vGxvuDOgeMlo">Azattyq Ruhy</a>.
11 мың тұрғыны бар елдімекенге қатты отын биыл тиісті мөлшерде жеткізілмеген. Мәселен, былтыр Сексуілге 153 вагон көмір жеткізілсе, биыл тасымалдаушылар небәрі 64 вагон көмір әкеліпті.
Ауылға көмір келді дегенді естіген Набат Әленова​ арбасын алып қоймаға асыққан. 65 жастағы зейнеткер көлікпен тонналап отын алу мүмкін емес дейді. Қатты суықта үйді жылыту үшін кейуана осылайша көмірдің қалдығын жинауға мәжбүр.
<blockquote>
 «Көмірді ақшасына ала алмай жатырмыз. Сол үшін жерді тырмалап жатырмыз, басқа амалымыз таусылды. Осы тұрғанда жерде құмалақ та қалмады, бәрін жағып біттік. Енді не жағарымызды білмейміз», – дейді Сексеуіл тұрғыны Абат Әленова.
</blockquote>
<img src="https://kyzylorda-news.kz/wp-content/uploads/2021/11/wgol.jpeg" alt="" />
Көмір алу үшін Сексеулдіктер арнайы тізім арқылы кезекке тұрады екен. Алайда, көмір күнделікті келмеген соң кезек​ еш жылжымайды дейді тұрғындар. Мүлдем отынсыз қалған ауыл тұрғындары бір-бірінен көмірді қарызға алуды әдетке айналдырған.
<blockquote>
 «Көршілерден шелектеп алып болдық. Енді оларға беретін көміріміз жоқ, қарыздар болып жатырмыз. Мынау қалай болады? Келіп тұрған вагонға кезегіміз жеткенше таусылып кетіп жатыр», – дейді Қанипа Жұбанышева есімді тұрғын.
</blockquote>
<img src="https://kyzylorda-news.kz/wp-content/uploads/2021/11/ki.jpeg" alt="" />
Бүгін қоймаға бір-ақ вагон ғана көмір келіпті. Сол себепті бір отбасыға​ тек бір-ақ шөміш сатылып жатыр. Ауыл әкімі болса өзіне шаң жуытпады, мұның бәрі кәсіпкерлердің кінәсі дегенді айтады.
<blockquote>
 «Бізде Сексеуілде осы көмірмен айналысатын 12 кәсіпкер бар. Олардың әрқайсысы​ 5-10 вагонға ақшасын төлеп қойған. Оның барлығын зерттеп көрдік, олар алып-сатарларға беріп тастаған. Көмір үшінші-төртінші қолға өтіп кеткен дейді Сексеуіл кентінің әкімі Сәкен Төрешов.
</blockquote>
<img src="https://kyzylorda-news.kz/wp-content/uploads/2021/11/kii.jpeg" alt="" />
Әкім көмірдің жетіспеушілігі осыдан туындады дейді. Сол себепті жергілікті билік көмір өндеумен айналысатын кең орын басшылығына хат жолдапты. Апта соңына дейін Сексеуілге 12 вагон қатты отын келеді деп күтілуде.

«Басқа амал қалмады»: Сексеуілдің тұрғындары көмір орнына малдың тезегін жағып отыр

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Кемелұлы Тоқаев өз Жолдауында жалпы спорт саласын дамыту үшін ең бірінші спорт инфрақұрылымын кезең-кезеңімен салуды қамтамасыз етуді тапсырды.
Осыған орай ауданда спорт саласының материалдық-техникалық базасын нығайту мақсатында Қайыржан Құлтекеновтың жеке қаражаты есебінен Жалағаш кентінде құны 320 млн. теңгені құрайтын жабық бассейн кешені салынып, пайдалануға берілді.
Кешенде 19 адам жұмыспен қамтамасыз етіліп, үйірмеге 100-ге жуық балалар қамтылып, күніне 30 адамға дейін ақылы қызмет көрсетуде.
Аудан орталығынан демеушілік қаражат есебінен балаларға арнап спорт және ойын алаңы салынып, пайдалануға берілді. Аудандық бюджеттен бөлінген 14 млн. теңгеге 3 шағын спорт алаңы салынды.
Жалағаш кентінде жалпы құны 471 млн теңгені құрайтын дене шынықтыру-сауықтыру кешенінің құрылысына 217,3 млн. теңге қаржысы бөлініп, құрылыс жұмыстары жүргізілуде. 2022 жылы нысан пайдалануға беріледі. 
Жыл аяғына дейін кент орталығынан “Айбар-Ш” ЖШС демеушілік есебінен балаларға арналған Стритбол алаңы салынып, аудан тұрғындарының игілігіне беріледі.
Спорт – денсаулық кепілі десек, ұлттық бұқаралық спортпен тұрақты түрде айналысатын аудан халқы саны 10 664 яғни 30,3 пайызды құрайды. 
Алдағы уақытта 2025 жылға дейін бұл көрсеткішті 35 пайызға дейін жеткізу жоспарлануда.

Жалағаш кентінде жабық бассейн кешені пайдалануға берілді

<a href="https://kyzylorda-news.kz/">Kyzylorda-news.kz.</a>&nbsp;Қазақстанда өткен тәулікте 1392 адам коронавирус індетінен емделіп шықты, деп хабарлайды&nbsp;<a href="https://www.coronavirus2020.kz/kz">coronavirus2020.kz</a>.
Аймақтар бойынша:
Нұр-Сұлтан қаласы – 118,
Алматы қаласы – 212,
Шымкент қаласы – 30,
Ақмола облысы – 87,
Ақтөбе облысы – 9,
Алматы облысы – 95,
Атырау облысы – 8,
Шығыс Қазақстан облысы – 44,
Жамбыл облысы – 11,
Батыс Қазақстан облысы – 138,
Қарағанды облысы – 151,
Қостанай облысы – 302,
Қызылорда облысы – 18,
Маңғыстау облысы – 1,
Павлодар облысы – 59,
Солтүстік Қазақстан облысы – 97,
Түркістан облысы – 12.
Қазақстан бойынша жазылғандар саны – 930512.

18 қызылордалық коронавирустан жазылды

<a href="https://kyzylorda-news.kz/">Kyzylorda-news.kz.</a> Облыс әкімі Гүлшара Әбдіқалықованың төрағалығымен саяси қуғын-сүргін құрбандарын ақтау жөніндегі өңірлік комиссия отырысы өтті. Жиынға өңірлік комиссия және облыстық жұмысшы тобының мүшелері, онлайн форматта қала және аудандық жұмысшы топ мүшелері қатысты.
Күн тәртібінде екі мәселе қаралды. Өңірлік комиссия және жұмысшы топ мүшелерімен облыс көлеміндегі саяси қуғын-сүргінге ұшыраған азаматтар жерленген жерлерді анықтау, жазықсыз сотталған және қуғын-сүргінге ұшыраған адамдарды ақтау мәселесін ғылыми тұрғыда зерделеу жұмыстары туралы облыстық мәслихат хатшысы, республикалық комиссия мүшесі Наурызбай Байқадамов баяндап берді. Ал, саяси қуғын-сүргін құрбандарын ақтау жөніндегі өңірлік комиссия жұмысын үйлестіру бойынша атқарылған жұмыстар мен алдағы жоспарларды облыстық ішкі саясат басқармасының басшысы, өңірлік комиссия хатшысы Мира Қазбекова тізбектеді.
Аймақ басшысы саяси қуғын-сүргін құрбандарын ақтау бағытында біршама жұмыстардың атқарылғанын тілге тиек етіп, алдағы міндеттерді айқындады.
<blockquote>
 «Қазақ халқының асылдарын қынадай қырған нәубет – саяси қуғын-сүргін Сыр жұртшылығын да айналып өткен жоқ. Қолда бар мәліметтерге қарағанда, тоталитарлық жүйе жүргізген саясаттың салдарынан облыс бойынша 4038 отбасы қуғынға ұшырап, 1153 адам атылған. Саяси қуғын-сүргін құрбандарын ақтау жөніндегі біршама жұмыстар жүргізілді, осы жұмыстар алдағы уақытта да өз жалғасын табуы қажет», – деді Гүлшара Әбдіқалықова.
</blockquote>
Наурызбай Байқадамов баяндамасында саяси қуғын-сүргін құрбандарын толық ақтау жөніндегі өңірлік комиссияның жұмыс тобы бүгінде құпия қорлармен жұмыс істеп, көптеген материалдарға қол жеткізгенін атап өтіп, ғалымдар мен зерттеушілердің пайым-пікірлері негізінде ортақ ойды ортаға салды. Мәселен, Қызылорда облысының Полиция департаменті мұрағатында жалпы саны 3 қор бойынша 4669 тұлғаға қатысты, 3016 дана қылмыстық іс бар, сақтау бірлігі 6058 дананы құрайды.
<img src="https://kyzylorda-news.kz/wp-content/uploads/2021/11/260696289_192613069726612_6531335305299514734_n.jpg" alt="" />
Жұмыс барысында ХХ ғасырдың өң бойында өткен ұлт-азаттық қозғалыс және саяси қуғын-сүргін құрбандарын, күштеп көшірілген халықтар мен арнайы қоныстанушылар бойынша құжаттарды анықтау, соғыс жылдары кеңестік әскери тұтқындар қатарынан құрылған Түркістан легионы сарбаздарының істері негізінде ақталмаған азаматтарды ақтау бойынша ұсыныстар әзірленуде.
Басқарма басшысы Мира Қазбекованың айтуынша, бүгінге дейін өңірлік комиссия және жұмысшы топтың 4 отырысы өткізілген. Қазіргі таңда комиссия және жұмысшы топ құрамына енгізілген ғалымдар бекітілген кестеге сәйкес тиісті мемлекеттік мекемелер мен облыстық архивте әр сәрсенбі және бейсенбі күндері мұрағаттарда сақтаулы тұрған құпия құжаттармен айналысуда.
<img src="https://kyzylorda-news.kz/wp-content/uploads/2021/11/260805152_192613123059940_5996893988609671645_n.jpg" alt="" />
Жұмысшы топ мүшелерінің, ғалымдардың тиімді әрі нәтижелі жұмыс жүргізуі үшін Қорқыт Ата атындағы Қызылорда университетінің базасындағы «Мұстафа Шоқай» ғылыми-зерттеу орталығы жанынан және облыс орталығындағы мұрағаттарда, Ә.Тәжібаев атындағы облыстық әмбебап кітапхананың базасында арнайы жұмыс бөлмелері белгіленген.
Саяси қуғын-сүргін құрбандарын толық ақтау жөніндегі өңірлік комиссияның жұмысын үйлестіруге облыстық бюджеттен қаржы қаралып, «Саяси қуғын-сүргін құрбандарын ақтау мәселелері жөніндегі өңірлік экспедиция жұмысын үйлестіру» әлеуметтік жобасы жүзеге асырылуда.
Жиынды қорытындылаған облыс әкімі саяси қуғын-сүргін құрбандарын ақтау жөніндегі өңірлік комиссияның жұмысын жандандыру мақсатында облыстық ішкі саясат басқармасына бірқатар тапсырма жүктеді.
<blockquote>
 «Республикалық комиссия тарапынан енгізілген ұсыныстар хаттамалық тапсырмаға енгізілсін және облыстық жұмысшы топ мүшелерінің зерттеген материалдары мен тың жазбалары туралы жинақ шығаруға қажетті қаржы ұсыныстарын берсін. 2022 жылға арналған жұмысшы топ құрамын қайта қарап, мәдениет, архив және музей саласының мамандарын қосуды қамтамасыз ету қажет. Саяси қуғын сүргін құрбандарын ақтау жөніндегі жұмысшы тобының жұмыстарын 2022 жылы ақпараттандыруға арналған кешенді медиа-жоспар әзірлеп, бекітуге ұсыныңыздар», – деді Г.Әбдіқалықова.
</blockquote>
Сонымен қатар облыстық мәдениет, архивтер және құжаттама басқармасына облыс көлеміндегі архивтердегі саяси қуғын-сүргін құрбандар туралы құжаттарға қосымша зерделеу жұмыстары жүргізіліп, облыстық жұмысшы тобымен бірлесіп талдау тапсырылды. Саяси қуғын-сүргін құрбандарының жаппай жерленген жерлеріне белгі қою, саяси қуғын-сүргін кезіндегі халық үшін күрескен батырлар мен қоғам қайраткерлері туралы арнайы ақпараттық кітапшалар әзірлеу міндеттелді.
Ал, облыстық прокуратура, Ұлттық қауіпсіздік комитеті, Ішкі істер департаментіне саяси қуғын-сүргін құрбандары туралы жабық архив қорларындағы құжаттарды жан-жақты зерделеу және оларды кезең-кезеңімен құпиясыздандыру жөнінде тиісті жұмыстардың жүргізілуіне ықпал жасау жүктелді.
Жиын соңында облыс әкімі қала және аудан әкімдіктері аудандық жұмысшы топтардың атқарған жұмыстары туралы ақпараттарды 2021 жылдың желтоқсан айының 15-не дейін облыстық ішкі саясат басқармасына енгізіп, Қала және аудан көлемінде жаппай жерленген жерлерге белгі қою жұмыстарын облыстық мәдениет, архивтер және құжаттама басқармасымен бірлесіп, ұсыныстар беруді тапсырды.
<img src="https://kyzylorda-news.kz/wp-content/uploads/2021/11/260640222_192613199726599_564417964200732839_n.jpg" alt="" />

Қуғын-сүргін құрбандарын ақтау:  Қызылордада 4038 отбасы қуғынға ұшыраған

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 946 адамда коронавирус індеті ПТР арқылы расталып ауырғаны белгілі болды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 128,
Алматы қаласы – 119,
Шымкент қаласы – 11,
Ақмола облысы – 63,
Ақтөбе облысы – 14,
Алматы облысы – 47,
Атырау облысы – 17,
Шығыс Қазақстан облысы – 53,
Жамбыл облысы – 9,
Батыс Қазақстан облысы – 25,
Қарағанды облысы – 107,
Қостанай облысы – 101,
Қызылорда облысы – 5,
Маңғыстау облысы – 6,
Павлодар облысы – 105,
Солтүстік Қазақстан облысы – 124,
Түркістан облысы – 12.
Жалпы ел бойынша ауырғандар саны 967369.

Қызылордада 5 адамнан коронавирус анықталды

<a href="https://kyzylorda-news.kz/">Kyzylorda-news.kz.</a> Бейсенбі күні еліміздің басым бөлігінде көктайғақ болады, боран соғады, жел күшеюі ықтимал, деп хабарлайды Қазгидромет.
25 қарашада атмосфералық ағындардың әсерінен еліміздің басым бөлігінде ауа райы құбылмалы болып, жауын-шашын түседі, күндіз елдің оңтүстік-шығысындағы таулы аумақтарда және шығысында жаңбыр, қар жауады. Тек республиканың батысында антициклон әсерінен күн райы ашық болуы мүмкін. Еліміздің басым бөлігінде көктайғақ болады, боран соғады, жел күшеюі ықтимал. Еліміздің батыс және орталық бөлігінде тұман түсуі мүмкін.
Күндіз Түркістан облысының солтүстігінде, батысында шаңды дауыл соғуы ықтимал, түнде таулы аудандарда жел күшейіп жылдамдығы 15-20 м/с, күндіз – 15-20 м/с болады, таулы аудандарда екпіні 23-28 м/с жетеді.
Шығыс Қазақстан облысының солтүстік жартысында жаяу боран соғады, жолдарда көктайғақ болады, облыстың солтүстігінде, батысында жел күшейіп, 15-20 м/с, екпіні 25 м/с жетеді.
Қарағанды облысының солтүстігінде, батысында, шығысында жаяу боран соғады, көктайғақ болады, облыстың оңтүстігінде тұман түседі, шығысында, орталығында жел жылдамдығы 15-20 м/с жетеді, екпіні 23 м/с болмақ.
Жамбыл облысының солтүстік-шығысында, оңтүстік-батысында және таулы аудандарында желдің жылдамдығы 15-20 м/с болады, күндіз екпіні 23-28 м/с жетеді.
Павлодар облысының солтүстігінде, шығысында жаяу боран соғады, көктайғақ болады, облыстың оңтүстігінде, шығысында жел күшейіп, жылдамдығы 15-20 м/с жетеді.
Қызылорда облысының солтүстігінде, орталығында, түнде Маңғыстаудың батысында, күндіз Ақмола облысының шығысында, Алматы облысының солтүстігінде, солтүстік-батысында, Батыс Қазақстан облысының солтүстік-батысында жел 15-20 м/с күшейеді.
Ақмола облысының оңтүстік-шығысында жаяу боран соғады, көктайғақ болады, Маңғыстау облысының солтүстігінде, солтүстік – батысында көктайғақ болады, тұман түседі, Қызылорда облысының солтүстігінде көктайғақ болуы ықтимал.
Қостанай облысының оңтүстігінде, шығысында тұман түсіп, көктайғақ болуы мүмкін.
Ақтөбе облысының оңтүстігінде көктайғақ болады.
Атырау облысының батысында тұман түсуі мүмкін.

Ауа райы: Жел, боран соғып, көктайғақ болады

<a href="https://kyzylorda-news.kz/">Kyzylorda-news.kz.</a> Бүгін облыс әкімі Гүлшара Әбдіқалықова «Жұмыспен қамту жол картасы» бағдарламасының орындалуы мәселелері бойынша атқарылған жұмыстарды саралады.
Аймақ басшысына облыстық жұмыспен қамтуды үйлестіру және әлеуметтік бағдарламалар басқармасының басшысы Гаухар Қалмақова «Жұмыспен қамту жол картасы» аясында жүзеге асырылған инфрақұрылымдық жобалар мен жаппай кәсіпкерлікті дамыту жұмыстарын баяндады.
Жол картасы аясында инфрақұрылымдық жобаларды іске асыруға ағымдағы жылы 3,7 млрд.теңге, оның ішінде ҚР Ұлттық қоры есебінен – 2,5 млрд.теңге, мемлекеттік бағалы қағаздар (облигациялар) бойынша 2020 жылғы үнемделген қаражат есебінен – 1,2 млрд. теңге көзделген.
Биылғы жылдың 8 қарашасындағы ведомствоаралық комиссияның хаттамасына сәйкес қаражатты қайта бөлу есебінен жобалар саны 9-дан 18 жобаға дейін ұлғайды. Аталған жобалар аясында 454 жаңа жұмыс орны құрылды.
Сондай-ақ, басқарма басшысы «Бастау Бизнес» жобасы түлектерінің бизнес-жобаларын шағын несиелендіру мақсатында облыс үшін 1 млрд. теңге сомасында бюджеттік несие бөлінгенін мәлімдеді. Ағымдағы жылы облыс бойынша «Бастау Бизнес» жобасы бойынша кәсіпкерлік негіздеріне оқытудан 2793 адам өтті. Бүгінгі күні несие алуға 158 өтінім келіп түсті, оның ішінде жалпы құны 60,3 млн. теңгені құрайтын 16 жоба қаржыландырылды. Қалған жобалар қарау және пысықтау сатысында.
Өңірдегі жұмыспен қамту барысын саралаған облыс әкімі басқарма басшысына жоспарланған іс-шараларды мерзімінде аяқтауды тапсырды.

Қызылордада «Жұмыспен қамту жол картасы» бағдарламасы қалай жүзеге асып жатыр?

<a href="https://kyzylorda-news.kz/">Kyzylorda-news.kz.</a>&nbsp; Қазақстан Республикасы Ақпарат және қоғамдық даму министрлігі жария талқылау және барлық мүдделі орталық және жергілікті мемлекеттік органдарымен келісу рәсімінен кейін «Журналистердің құқықтары бұзылған жағдайда олардың құқықтарын қорғау регламентін» ресми сайтта орналастырды, деп хабарлайды ҚазАқпарат.
Регламентте журналистердің, мемлекеттік органдардың құқықтары мен міндеттері және журналистердің құқықтары бұзылған жағдайдағы Министрліктің іс-әрекеттері көзделген.
Регламенттің негізгі мақсаты журналистердің құқықтары бұзылған жағдайда олардың құқықтарын қорғаудың қосымша тетіктерін әзірлеу болып табылады. Регламент мемлекеттік органдар мен БАҚ өкілдері үшін ақпараттық-түсіндіру сипатындағы әдістемелік құрал болып табылады.
Министрлік үшін журналистердің құқықтарын қорғау маңызды басымдық болып қала береді, сондықтан бұл мәселе әрқашан Министрліктің ерекше бақылауында болады. Журналист өз құқықтарының бұзылу фактісі анықталған жағдайда, мәселені шешуге көмек көрсету үшін Министрлікке жүгінуге құқылы. Журналистерден келіп түскен барлық өтініштерді қарау барысы ҚР Ақпарат және қоғамдық даму министрінің тұрақты бақылауында.
Регламентпен көрсетілген&nbsp;<a href="https://www.gov.kz/memleket/entities/qogam/documents/details/237031?lang=kk">сілтеме</a>&nbsp;бойынша танысуға болады.

Журналистердің құқығын қорғау регламенті жарияланды

<a href="https://kyzylorda-news.kz/">Kyzylorda-news.kz.</a> Аудан әкімі Мұхтар Оразбаев Ғани Мұратбаев ауылына арнайы барып, елді мекеннің еңбеккерлері мен еңбек ардагерлерін ауыл шаруашылығы саласы қызметкерлері күні мерекесімен құттықтады.
Басқосуда аудан басшысы құттықтау сөз сөйлеп, ауыл шаруашылығы саласының ардагерлері мен бірқатар азаматтарды ҚР Ауыл шаруашылығы ардагерлер кеңесі қоғамдық бірлестігінің «Құрметті ардагер» төсбелгісімен және ҚР Ауыл шаруашылығы қызметкерлерінің салалық кәсіподағының «Елеулі еңбегі үшін» медалімен марапаттады.
Сондай-ақ, Ғани Мұратбаев ауылының тумасы, республикалық деңгейде түрлі жауапты қызмет атқарған Асанхан Жұмашты зейнет демалысына шығуымен құттықтады. Мұхтар Әуесұлы жерлесіміздің иығына қазақы дәстүрге сай шапан жауып, құрмет көрсетті.
Айта кетейік, Асанхан Жұмашұлы 1958 жылы Ғ.Мұратбаев ауылына қарасты Дихан ауылында дүниеге келген. Алғашқы еңбек жолын Ғ.Мұратбаев атындағы ұжымшарда шопан болудан бастаған. Алматы зоотехникалық-малдәрігерлік институтын ойдағыдай аяқтағаннан кейін, 2014 жылға дейін Ақтөбе облысында еңбек етті. Одан кейін ауыл шаруашылығы министрлігінің Ветеринариялық бақылау және қадағалау комитетінде жауапты қызметтер атқарды. Ағамыздың ұзақ жылғы еңбегі лайықты бағаланып, түрлі марапаттарға ие болды.
<img src="https://kyzylorda-news.kz/wp-content/uploads/2021/11/258872372_3212811992273059_5765146427893857370_n.jpg" alt="" />

Қазақстан және Қызылорда облысының жаңалықтары: Қоғам