<a href="https://kyzylorda-news.kz/">Kyzylorda-news.kz.</a> Қызылорда облысы кәсіпкерлер палатасының кеңесшілері 10 айда 3352 азаматқа кәсіпкерлік саласына қатысты 8462 кеңес беріп, жоспарды 33 %-ға артық орындады. Осылайша аймақтың Кәсіпкерлер палатасы ақпараттық-талдамалық қамтамасыз ету қызметі бойынша республика көлемінде 1 орында.
Ақпараттық-талдамалық қамтамасыз ету қызметі кәсіпкерлерге және кәсіпкерлік бастамасы бар тұрғындарға облыстың барлық аудандарында орналасқан Палата жанындағы Кәсіпкерлерді қолдау орталықтарында, сонымен қатар <a href="https://g4b.kz/">https://g4b.kz/</a> порталы арқылы онлайн режимде көрсетіледі.
<blockquote>
 &nbsp;«Ақпараттық-талдамалық қамтамасыз ету қызметі облысқа қарасты 7 аудан мен Байқоңыр қаласында көрсетіледі. Кәсіпкерлікке қатысты мемлекеттік бағдарламалар, қолдау тетіктеріне қатысты кеңес алуда Қазалы ауданының азаматтары өте белсенді. 10 айда Кәсіпкерлерге қызмет көрсету орталықтарынан 1037 қазалылық кеңес алған. Одан кейінгі белсенділік Қармақшы және Шиелі аудандарына тиесілі», – дейді Қызылорда облысы кәсіпкерлер палатасының директоры Ғалымбек Жақсылықов.
</blockquote>
&nbsp;Палата басшысы кеңесшілерден бағыт-бағдар алған азаматтар одан кейін салаға қатысты түрлі бағдарламаларға қатысып, қаржы ұйымдары арқылы жобаларын қаржыландыруға қол жеткізіп жатқандығын да жеткізді. Мәселен, 10 айда кеңес алған үш мыңнан астам азаматтың 884-інің жобалары 708,5 млн теңгеге қаржыландырылған.
Кәсіпкерлікпен айналысқысы келетін азаматтарды Қызылорда облысы кәсіпкерлер палатасы кеңесшілерінен кеңес алуға шақырамыз. Қызметтердің барлығы ақысыз – тегін.
Кәсіпкерлерді қолдау орталықтарының&nbsp; (КҚО бөлімдері) мекен-жайы:
Арал ауданы – Арал қ., Бақтыбай батыр к-сі, №46 үй, тел.:8/72433/79199;
Қазалы ауданы – Әйтеке би кенті–ке би, № 9 үй, тел.:8/72438/79243;
Қармақшы ауданы – Жосалы кенті, Көшербаев к-сі, №36 үй, тел.:8/72437/79120;
Қармақшы ауданы – Байқоңыр қаласы, Абай даңғылы №16, тел.: 8/33622/23527;
Жалағаш ауданы –&nbsp; Жалағаш кенті, Қазыбек би, №55 үй, тел.: 8/72431/79199;
Сырдария ауданы – Сырдария кенті, Қонаев к-сі, № 12 А үй, тел.: 8/72436/79179;
Шиелі ауданы – Шиелі кенті, Рысқұлов к-сі, №5 үй, тел.:8/72432/79255;
Жаңақорған ауданы –&nbsp; Жаңақорған кенті, ул.Хорасан ата, №177 б үй, тел.:8/72435/79120;
Қызылорда қаласы – Қызылорда қаласы, Қорқыт ата к-сі 123, тел.: 8 /7242/ 40-08-74, 40-02-02.
Анықтама үшін телефон: 40-08-74, 40-02-02
Сall-Center – 1432.

Кәсіпкерлер палатасының аудандардағы кеңесшілері 3352 азаматқа кеңес берді

<a href="https://kyzylorda-news.kz/">Kyzylorda-news.kz.</a> Каспий теңізі – мемлекет үшін көптеген игіліктің қайнар көзі. Мұнда мұнайдың да, өзге балықтың да қоры мол. Ең бастысы біздің аумақтық суларымыз – Каспийдегі бекіре тұқымдас балықтардың уылдырық шашатын жалғыз учаскесі. Шетелдік және жергілікті браконьерлерді қызықтыратын басқа да байлықтар бар. Сондықтан бастапқыда теңіз шекарашыларының міндеттерінде Каспий биоресурстарын қорғау, мемлекеттік шекараны бұзушылармен, контрабандашылармен, браконьерлермен де ымырасыз күрес те кіретін.
Өңірде көктем құқықбұзушылар мен тәртіп сақшыларының, оның ішінде шекарашылармен арадағы тайталаспен басталады.
<img src="https://kyzylorda-news.kz/wp-content/uploads/2021/11/image-82.png" alt="" />
2012 жылғы 30 наурызда Шекара қызметі Жағалау күзеті өңірлік басқармасының «Жеңіс» шекара кемесі жауынгерлік кезекшілікке шықты. Теңіз шекарашылары өздерінің жауапкершілік аймағында экипажы бекіре тұқымдас балықтарды браконьерлік жолмен аулаған кемені анықтады. Кеме халықаралық қауіпсіздік арнасы бойынша берілген радиосауалға жауап бермеді. Шекара кораблі жақындаған кезде де үн қатпады. Керісінше, Қазақстан Республикасының аумақтық суларынан жоғары жылдамдықтарын қосып, шекарашылардың құрығынан сытылып кетуге тырысты.
Кеме корпусы мен оның бағыты бойынша атылған ескерту оғы да нәтиже бермеді. Теңіз үстіндегі қуғын шамамен 30 минутқа созылды. Содан кейін шекарашылар кемені мәжбүрлеп тоқтатуға шешім қабылдайды. Бұл үшін тексеру тобын шекара бұзушылардың кемесінің бортына десант түсіру керек болады. Теңізші шекарашылар жақындай бергенде браконьерлер мінген кеменің қауіпті қозғалыс жасауының салдарынан артиллериялық жауынгерлік бөлімшесінің командирі, екінші сыныпты старшина Бағжан Ақыпбеков қайғылы жағдайда қаза тапты.
<img src="https://kyzylorda-news.kz/wp-content/uploads/2021/11/image-83.png" alt="" />
Браконьерлердің соңынан қуу кезінде олар өздерінің қылмыстық әрекеттерінің айғақтарын жоюға тырысады. Бірақ олар арам пиғылдарын соңына дейін орындап үлгермеді. Алты адамнан тұратын қылмыстық кеменің экипажы ұсталып, «Баутино» портына жеткізілді.
Тексеру барысында балықты заңсыз аулаумен айналысқан су құралының Түрікменстанға тиесілі екені анықталды. Кемеден 140-тан астам бекіре тұқымдас балықпен бірге каллада секілді тыйым салынған аулау құралдары бар алты жәшік табылды.
Браконьерлерге қатысты бірден үш бап бойынша қылмыстық іс қозғалды. Балықшылар шекарадан заңсыз өткендері үшін және заңсыз бекіре тұқымдас балық аулағандары үшін айыпталды. Сонымен қатар тоқтату кезіндегі көрсеткен заңға қайшы әрекеттері үшін жаза арқалайды.
<img src="https://kyzylorda-news.kz/wp-content/uploads/2021/11/image-84.png" alt="" />
Екінші сыныпты старшина Бағжан Ақыпбеков 1990 жылы 3 желтоқсанда жер жәннаты Жетісудың Лепсі ауылында дүниеге келген. Мерзімді әскери қызметін ҰҚК Шекара қызметі Жағалау күзеті өңірлік басқармасының шекара корабльдері мен катерлер дивизионында өткерді. Бірнеше рет мемлекеттік шекараны бұзушылар мен браконьерлерді ұстауға қатысты. Сол үшін ол басшылық құрамның марапаттарын иеленді.
– Старшина Бағжан Ақыпбеков жауынгерлік қызметте қажет кезде дұрыс шешім қабылдай алатын батыл және кәсіби жағынан білімді әскери қызметші болды, – дейді оның әріптесі Павел Турчинков. – Жолдастарының арасында беделді, үнемі көңілді жүретін, өмірге құштар болатын. Болашағына деген жоспарлары көп еді. Қарулас достарына көмектесуге үнемі әзір болатын. Біз әріптесімізді, қаруласымыз­ды ғана жоғалтқан жоқпыз, адал досымыздан айырылдық.
Өзінің Отан алдындағы әскери борышын өтеу кезінде мезгілсіз қаза тапқан Бағжан Ақыпбековтің артында аяулы жары мен кішкентай қызы қалды.
<img src="https://kyzylorda-news.kz/wp-content/uploads/2021/11/image-85.png" alt="" />
Тәуелсіз еліміздің Мемлекеттік шекарасын күзету кезінде көрсеткен ерлігі, батылдығы мен батырлығы үшін екінші сыныпты старшина Бағжан Нұрланұлы Ақыпбеков Қазақстан Республикасы Президентінің Жарлығымен III дәрежелі «Айбын» орденімен марапатталды (қайтыс болғаннан кейін).
Батыл оғлан Бағжан Ақыпбековті еске алуға арналған шаралар жыл сайын теңізші шекарашының туған жерінде, Қазақстан Республикасы ҰҚК Шекара қызметінің бөлімдері мен құрамаларында өтіп тұрады.

Қатардағы жауынгері&#8230; Теңіздің

<a href="https://kyzylorda-news.kz/">Kyzylorda-news.kz.</a>&nbsp; Қазгидромет 25-27 қарашада Қазақстанда ауа райы қандай болатынын айтты.
Синоптиктер болжамына сәйкес, алдағы күндері кей атмосфералық процесс тез алмасады: жауын-шашын тоқтап, ауа температурасы күрт төмендейді.
Тіпті Қазақстанның оңтүстігінде де күн суытады термометр бағаны түнде 8-13 градус аязды көрсетеді.
Нұр-Сұлтанда 25 қарашада қар аралас жаңбыр жауады, түнде -15°C, күндіз +1°C болады. 26 қарашада күн бұлтты, түнде -19°C, күндіз -12°C. 27 қарашада күн бұлтты, түнде -10°C, күндіз -7°C.
Алматыда 25 қарашада күн ашық, түнде +6°C, күндіз +12°C. 26 қарашада қар аралас жаңбыр жауады, түнде -3°C, күндіз +5°C болады. 27 қарашада күн бұлтты, қар жауады. Түнде -8°C, күндіз -3°C болады.
Шымкентте 25 қарашада жаңбыр жауады, түнде +9°C, күндіз +17°C. 26 қарашада жаңбыр жауады, түнде -1°C, күндіз +7°C көрсетеді. 27 қарашада күн ашық, түнде -4°C, күндіз +9°C болады.

Ертеңнен бастап күн суытады

<a href="https://kyzylorda-news.kz/">Kyzylorda-news.kz.</a>&nbsp; Қызылорда қаласы полиция басқармасының қызметкері пара алды деген күдікпен ұсталды, деп хабарлайды&nbsp;<a href="https://sputnik.kz/">Sputnik Қазақстан</a>.
Қызылорда облысы полиция департаментінің баспасөз қызметі өзіндік қауіпсіздік​ басқармасы 23 қарашада заңсыз әрекеті үшін Қызылорда қаласы полиция басқармасының қызметкерін ​ұстағанын мәлім етті.
Облыстық полиция департаментінің бастығы Бектөре Сұлтан полицей беделіне нұқсан келтіретіндерге тәртіп сақшыларының қатарында орын жоқ екенін айтты.
<blockquote>
 “Осы қызметке тағайындалған күннен бастап департамент және өзге де құзырлы органдармен бірлесіп аталған бағытта тиісті іс-шараларды қолға алдық. Бұл мақсатта алдағы уақытта да күрес жүргізіледі. Полицей беделіне нұқсан келтіретін қызметкерлерге қатарымызда орын жоқ. Жеке құрам арасында сыбайлас жемқорлыққа қарсы алдын алу шаралары жалғасады”, – деді ол.
</blockquote>
Полиция департаментіндегілер​ өз қызметкерлері қатарында сыбайлас жемқорлықты жою бойынша қатаң шаралар қабылдап жатқанын жеткізді. Осы бағытта департамент басшылығы жеке құрам арасында төтенше жағдайларға жол бермеу мақсатында тұрақты негізде тексеру жүргізуде. Ведомство мәліметінше, қазіргі таңда қызметтік тергеу басталған. Мұндай заңбұзушылыққа қасақана барғандар қатаң жазаға тартылады.​
<blockquote>
 “Аталған дерек бойынша ҚР Қылмыстық кодексінің 366-бабы бойынша сотқа дейінгі тергеу жүріп жатыр. ​Өзге ақпарат тергеу құпиялығына байланысты жария етілмейді”, – деп мәлім етті облыстық полиция департаментінің баспасөз қызметі.
</blockquote>

Қызылордада полиция қызметкері пара алды деген күдікпен ұсталды

2012: Террордың ызғарлы демі

<a href="https://kyzylorda-news.kz/">Kyzylorda-news.kz.</a> Нұр-Сұлтанда «Тәуелсіздік ұрпақтары» республикалық жастар форумы аясында «Дарын» мемлекеттік жастар сыйлығының жеңімпаздарын марапаттау рәсімі өтті. Сыйлықтың биылғы иегерлерін ҚР Парламенті Сенатының спикері Мәулен Әшімбаев пен ҚР Ақпарат және қоғамдық даму министрі Аида Балаева марапаттады.
«Дарын» сыйлығы биыл да 10 номинация бойынша берілді. Сонымен «Дарын-2021» мемлекеттік жастар сыйлығының лауреаттарының тімізімі мынадай:
1. «Ғылым» номинациясы бойынша сыйлық иегері – Есіркегенов Нұрғиса Аманкелдіұлы;
2. «Қоғамдық қызмет» номинациясында – Сансызбайұлы Балмейір, Бахретдинов Валихан Кабимуллаевич;
3. «Журналистика» номинациясы бойынша – Кеңшілік Ғалымжан Бауыржанұлы, Тұлжан Ақбөбек Нұрбаулықызы;
4. «Халық шығармашылығы» номинациясында – Елеусіз Ардақ Тимурұлы, Олжабай Темірлан Мақсатұлы, Наурыз Ернат Нұрбергенұлы;
5. «Классикалық музыка» номинациясында – Әбілда Алтынбек Еркінбайұлы;
6. «Театр және кино» номинациясында – Танабаева Ақмарал Нұрайқызы, Қанатқызы Риза;
7. «Спорт» номинациясында – зілтемірші Сон Игорь Сергеевич, дзюдошы Сметов Елдос Бақтыбайұлы;
8. «Эстрада» номинациясы бойынша – Байдүкенова Рухия Еділқызы, Алмадиев Әлібек Бекболатұлы;
9. «Әдебиет» номинациясында – Сәрсенхан Батырхан Бөріханұлы, Ахмер Біржан Ермекұлы;
10. «Дизайн және бейнелеу өнері» номинациясында – Атабек Әлібекұлы Бекболатов.
Сыйлық иегерлеріне «Дарын» мемлекеттік жастар сыйлығының лауреаты» атағы мен диплом, төсбелгі және ақшалай сыйақы табысталды.

«Дарын» мемлекеттік жастар сыйлығының иегерлері белгілі болды

Қарлы боран

<a href="https://kyzylorda-news.kz/ru/obshestvo/">Kyzylorda-news.kz</a>. Алматы облысының әкімі болып Қанат Бозымбаев тағайындалды.
Президент жарлығы Ақорда сайтында жарияланды.
<blockquote>
 “Қанат Алдабергенұлы Бозымбаев Алматы облысының әкімі болып тағайындалсын, ол Қазақстан Республикасы президентінің көмекшісі лауазымынан босатылсын”, – делінген ресми жарлықта.
</blockquote>
Бұған дейін Алматы облысы әкімінің қызметін 2014 жылдың 20 тамызынан бастап Амандық Баталов атқарды. Баталов 22 қарашада 69 жасқа толды.
Қанат Алдабергенұлы Бозымбаев 1969 жылдың 8 қаңтарында Алматы қаласында туған. 1993 жылы Қазақ мемлекеттік басқару академиясының “Экономикалық және әлеуметтік жоспарлау” факультетін бітірген.
Еңбек жолын 1993 жылы “Эдем ЛТД” жауапкершілігі шектеулі серіктестігінде экономист болып бастаған.
1994-1997 жылдары&nbsp;Алматы қаласы әкімінің көмекшісі болды.
1998 – 2000 жылдар&nbsp;аралығында Қазақстан Республикасы Энергетика, индустрия және сауда министрлігінің мұнай және газ департаментінің басшысы болған.
2000 жылы&nbsp;Энергетика, индустрия және сауда вице-министрі;
2001 жылы&nbsp;“KEGOC” ашық акционерлік қоғамының бірінші вице-президенті, 2001-2007 жылдары “KEGOC” ашық акционерлік қоғамының президенті;
2007 – 2008&nbsp;жылдар аралығында “Мемлекеттік активтерді басқару жөніндегі “Самұрық” холдингі” акционерлік қоғамының басқарма төрағасы;
2008 – 2009&nbsp;жылдар аралығында “KEGOC” акционерлік қоғамының басқарма төрағасы;
2009 – 2013&nbsp;жылдар аралығында Жамбыл облысының әкімі;
2013 – 2016&nbsp;жылдар аралығында Павлодар облысының әкімі;
2016 – 2019&nbsp;жылдар аралығында Энергетика министрі;
2019 жылдың&nbsp;18 желтоқсанында Қазақстан Республикасы президентінің көмекшісі болып тағайындалды.
“Құрмет” орденімен (2005) және “Еуразиялық экономикалық одақтың дамуына қосқан үлесі үшін” медалімен (29.05.2019) марапатталған.
Тәуелсіз Мемлекеттер Достастығының еңбек сіңірген энергетигі.
Әрі қарай оқу:&nbsp;<a href="https://sputnik.kz/politics/20211124/18740791/Almaty-oblysy-akim.html">https://sputnik.kz/politics/20211124/18740791/Almaty-oblysy-akim.html</a>

Қанат Бозымбаев Алматы облысының әкімі болып тағайындалды

<a href="https://kyzylorda-news.kz/ru/obshestvo/">Kyzylorda-news.kz</a>. Әйтеке би кентіндегі 5 квартал аймағында тұрғындарға жаңадан берілген аумаққа көгілдір отын берілді.
Қазіргі таңда сала мамандары 210 гектар орын алған ақаулықтары қайта қалпына келтіріп, жоғарғы ауа қысымымен тексеріп сынау жұмыстарын аяқтады. Бүгін «ҚазТрансГазАймақ» АҚ Қызылорда өндірістік филиалының қызметкерлері 5 тұрғын үйге көгілдір отын қосу үшін рұқсатын берді.
Аудан әкімі Мұхтар Оразбаев пен аудандық мәслихат хатшысы Бақытжан Жарылқап табиғи газға қосылған тұрғындардың үйінде болып, қуаныштарымен бөлісті.
Абай көшесінің тұрғыны Гүлмира Сүлейменова халықтың талап-тілегін байыппен тыңдап, жаңа аумақты көгілдір отынға қосқан аудан басшылығына алғысын айтты. Сондай-ақ, күндіз-түні осы жұмыстың басы-қасында болған азаматтарға да ризашылығын білдірді.
Расында Әйтеке би кентіндегі 210 гектар аумақты табиғи газға қосу жұмыстары оңай болған жоқ. Аудан әкімінің орынбасары Жалғас Сүйеубаев, аудандық құрылыс, сәулет және қала құрылысы бөлімінің басшысы Нұрбек Күзембаев пен бөлімнің жетекші маманы Қуандық Іскендір және Қуаныш Сансызбаев басшылық жасайтын «ҚазТрансГазАймақ» АҚ Қызылорда өндірістік филиалының Әйтеке би кенті газ шаруашылығының қызметкерлері мен сала маманы Ахмет Базарбаев түрлі кедергілерге қарамастан тынбай еңбек етті.
Алдағы уақытта Әйтеке би кентіндегі жаңа аумақтарды газдандыру жұмыстары жалғасын таба береді. Ендігі кезекте 180 гектар аумақты көгілдір отынға қосу үшін сала мамандары жоғарғы ауа қысымымен тексеріп сынау жұмыстарын аяқтады. Қазіргі таңда «ҚазТрансГазАймақ» АҚ Қызылорда өндірістік филиалының қызметкерлері тұрғын үйлерді газ желісіне қосу үшін тиісті жұмыстарды жасап жатыр.

Қазалыда жаңадан салынған үйлерге көгілдір отын берілді

<a href="https://kyzylorda-news.kz/ru/obshestvo/">Kyzylorda-news.kz</a>.Облыс әкімінің орынбасары Балжан Шаменова мен облыстық білім басқармасының басшысы Ақзира Қасымова және облыстық білім саласындағы бақылау департаментінің басшысы Ғалия Дәулетова қаламыздағы №9 «Білім-инновация» лицейінде өтіп жатқан «Сыр Дарыны» білімділер академиясының олимпиадаға дайындық оқу курстарына қатысып, білім алушылардың білім жетілдіру процесімен танысты.
Естеріңізге сала кетейік, облыстық білім басқармасының қолдауымен аймағымызда «Сыр дарыны» білімділер академиясы өз жұмысын бастаған болатын. Бүгінде академия іріктеуден өткен 8-9 сыныптардың 100 дарынды балаға оқыту курстарының ІІ кезеңін өткізуде.
Олимпиадаға оқыту курстары физика, математика, химия, информатика, биология пәндері бойынша өткізілуде. Оқушыларға сабақты І кезеңде жергілікті мамандар даярласа, ІІ кезеңде «Edlight academy» қорының Халықаралық, Республикалық дәрежедегі тәжірибелі тренерлері қазақ және орыс тілдерінде жүргізуде.
Олимпиадаға дайындық курстарының жұмысымен танысқан Балжан Шаменова алдағы уақытта академия оқушыларына әр тоқсан сайынғы оқытуларды жиірек өткізуді тапсырып, дарынды балаларды қолдау мақсатындағы бұл жобаға оң бағасын берді.
Айта кетейік, «Сыр Дарыны» білімділер академиясының жұмысы алдағы уақытта дарынды балаларға арналған мектеп интернаттарында, жыл бойына жұмыс жасайтын «Облыстық олимпиадалар және қосымша білім беру орталығы» мен «Қамбаш» сауықтыру және қосымша білім беру орталықтарында жалғасады деп жоспарлануда.
<img src="https://kyzylorda-news.kz/wp-content/uploads/2021/11/259134826_1244226109413925_7053296544837732549_n.jpg" alt="" />
<img src="https://kyzylorda-news.kz/wp-content/uploads/2021/11/260402837_1244226622747207_3238229396188332234_n.jpg" alt="" />

Қызылордада 100 оқушы олимпиадаға дайындалып жатыр

<a href="https://kyzylorda-news.kz/">Kyzylorda-news.kz.</a> Жыл басынан бері Азаматтарға арналған үкімет» Мемлекеттік корпорациясы КЕАҚ Қызылорда облысы бойынша филиалы тұрғындарға әлеуметтік қолдау бағытында 76 мың 271 қызмет көрсеткен. Бүгінгі таңда Қызылорда облысында зейнет алушылардың саны 76 мың 423 адамды құрасы, олардың 3 мың 334-не зейнетақы биылғы жылдың 10 айында тағайындалған. Бұл туралы Өңірлік коммуникациялар орталығындағы өткен баспасөз жиынында «Азаматтарға арналған үкімет» Мемлекеттік корпорациясы КЕАҚ Қызылорда облысы бойынша филиал директорының орынбасары Руслан Қалмұратов мәлімдеді.
Сондай-ақ, спикер келер жылдан бастап ұлғаятын зейнетақы төлемдерінің мөлшерін де айтып өтті. Жаңа жылдан бастап жасына байланысты зейнетақы төлемдерінің мөлшері 7%-ға өсетін көрінеді. Соның арқасында еліміз бойынша ең төменгі зейнетақы 46 мың 302 теңге болмақ. Ал, базалық зейнетақы төлемінің ең төменгі мөлшері 19 мың 460 теңге деп белгіленіпті.
Жаңа 2021 жылдың 1 қаңтарынан бастап айлық есептік көрсеткіштің құны 3 мың 63 теңгеге ұлғайтылмақ. Сонымен қатар, ең төменгі жалақы 60 мың теңге, ең төменгі күнкөріс деңгейі 36 мың 18 теңге деп айқындалыпты.
Баспасөз жиынында Қызылорда облысында төрт және одан да көп балалы отбасыларға берілетін жәрдемақы алушылар саны 29 мың 326-ге жеткендігі айтылды. Оның 4 мың 135-і көпбалалы ана статусын биыл алған. 
Мүмкіндігі шектеулі жандар мен олардың күтушілеріне де төленетін жәрдемақы көлемі көбейтілмек.
<blockquote>
 «І топтағы мүгедектің жәрдемақысы 2021 жылы 65860 теңге болса, 2022 жылы 69 155 теңге алады. Мүгедектік және асыраушысынан айырылу жағдайлары бойынша Мемлекеттік әлеуметтік сақтандыру қорынан (МӘҚ) төленетін әлеуметтік төлемдер 5%-ға өсті. Бұрын мүгедек балалар бір санатты «16 жасқа дейінгі мүгедек балалар» және «16-18 жастағы мүгедек балалары» мүгедектік топқа бөлінетін еді. Енді 7 жасқа дейінгі және 7 жастан 18 жасқа дейінгі мүгедек балалар болып мүгедектік топқа бөлінді. Бұл ретте 3 топтағы мүгедек балалар үшін мөлшер 0,64-тен 0,96 АЕК-ке дейін артты. Сондай-ақ, егер сіз бұрын бала кезінен І-топтағы мүгедекке күтім жасау үшін жәрдемақы алған болсаңыз, енді қазір мүгедектік себептеріне қарамастан І-топтағы мүгедектерге күтім жасау үшін күтушілеріне жәрдемақы төленетін болды», – деді Руслан Қалмұратов.
</blockquote>
Келесі жылы баланың тууылуына байланысты біржолғы берілетін жәрдемақының да көлемі артпақ. Осыған дейін бұл санатқан бір баланың туылуына 110 846 теңге берілсе, 2022 жылы 116 394 теңгеге төленбек. Ал, төртінші балаға берілетін жәрдемақы 192 969 теңгені құрамақ.
Мемлекеттік корпорация әлеуметтік салада 44 мемлекеттік қызмет түрін көрсетеді екен. Одан бөлек, Халық, Кассий банк бағдарламалары арқылы да бала туғанға және бала 1 жасқа толғанға дейін оның күтіміне берілетін жәрдемақыға құжат тапсыруға болады. Мүгедектігіне байланысты жәрдемақыны да осылай рәсімдеуге мүмкіндік бар. Жалпы биылғы жылы төлемдердің 18 пайызы Проактивтік қызмет алқылы жүзеге асырылған.

Қызылорда биыл 3 мың 334 адам зейнетке шықты

<a href="https://kyzylorda-news.kz/ru/obshestvo/">Kyzylorda-news.kz</a>. 1999 жылы Біріккен Ұлттар Ұйымының Бас Ассамблеясы 25 қараша күнін әйелдерге қатысты зорлық-зомбылықты жою үшін күрестің халықаралық күні деп жариялады. Осыған орай, республика көлемінде 25 қараша мен 10 желтоқсан аралығында «Әйелдерге қатысты зорлық-зомбылықсыз 16 күн» акциясы өтеді.
Акцияның негізгі мақсаты – әйелдерге қатысты зорлық-зомбылықтың алдын-алуға, ана мен баланы қорғауға, қоғамдағы отбасының рөлін күшейтуге, құқықтық сауаттылығын арттыруға бағытталған. Бүгін Өңірлік коммуникациялар қызметінде өткен баспасөз конференциясында «БҰҰ – әйелдері» құрылымының Қазақстандағы өкілі Мария Доценко нәзік жандылардың құқықтарының қорғалуы мен гендерлік теңдікті сақтау бағытындағы пікірін жеткізді.
<blockquote>
 «Біздің мақсат – гендірлік теңдікті сақтай отырып, әйелдерге қатысты зорлық-зомбылықты болдырмау. Бүгінде отбасындағы жанжалдың көбеюі, нәзік жандылардың құқықтарының қорғалмауы сынды мәселелер қоғамда белең алуда. Сондықтан, осы бағытта басқа да маңызды бастамаларды жалғастырып келеміз. 25 қараша – Әйелдерге қатысты зорлық-зомбылықты жою күніне орай «Әйелдерге қатысты зорлық-зомбылықсыз 16 күн» акциясы басталмақ. Бұл шара тек 16 күн ғана жалғаспайды. Барлық уақытта осындай акциялар жалғасын табатын болады», – деді Мария Доценко.
</blockquote>
Қазақстан Республикасы Парламенті Сенатының депутаты Ләззат Сүлеймен тұрмыста зорлық-зомбылыққа ұшыраған әйелдердің жағдайына тоқталып, әлеуметтік қолдау көрсету мәселелеріне қатысты ұсыныстарды ескеруге дайын екендігін мәлімдеді.
<blockquote>
 «Жыл сайын әйелдерді саясат пен экономика жағынан дамыту, әлеуметтік қорғау, әйел денсаулығы мәселелері ұлттық комиссияда көтеріліп жүр. Бүгінде аталған мәселелерде ілгерлеу бар деп айта аламыз. Отбасылық және әйелдерге қатысты зорлық-зомбылықтың алдын алуға байланысты мемлекет тарапынан қолдану керек шаралар Парламент Мәжілісінде қаралуда. Нәзік жандылар қай салада болмасын ер азаматтармен иық тіресіп қызмет етуде. Мәселен, орта бизнесте әйелдердің үлесі 50 пайыздан асты. Қазақстандағы әрбір үшінші жұмыс орнын әйелдер ілгерлетіп отыр. Ал микробизнестің 70 пайызы бұрымдылар», – деді Ләззат Жаңылысқызы.
</blockquote>
Баспасөз конференциясыда әйелдер істері және отбасылық демографиялық саясат жөніндегі комиссия хатшысы Қаламқас Каримова облыс көлемінде өтетін шараларды тізбектеді.
<blockquote>
 «Облыста «Зорлық-зомбылықсыз оңалту» акциясы аясында 100-ден аса іс шаралар жоспары бекітілді. Жалпы өткізілетін шаралардың негізгі бағыты – отбасы институтын нығайту. Жанұяда әйелдің ғана емес ер азаматтың да орны ерекше. Жақында №261 мектепте ұл балаларға арналған кіші мектеп жобасы басталады. Одан бөлек, «Отбасы және мансап» тақырыбында іс шаралар жүргізілетін болады», – деді Қаламқас Арыстанқызы.
</blockquote>
<img src="https://kyzylorda-news.kz/wp-content/uploads/2021/11/260302362_1418451395217035_276248294616857929_n.jpg" alt="" />

Қазақстан және Қызылорда облысының жаңалықтары: Қоғам

Кәсіпкерлер палатасының аудандардағы кеңесшілері 3352 азаматқа кеңес берді

Қатардағы жауынгері… Теңіздің

Ертеңнен бастап күн суытады

Қызылордада полиция қызметкері пара алды деген күдікпен ұсталды

2012: Террордың ызғарлы демі

«Дарын» мемлекеттік жастар сыйлығының иегерлері белгілі болды

Қарлы боран

Қанат Бозымбаев Алматы облысының әкімі болып тағайындалды

Қазалыда жаңадан салынған үйлерге көгілдір отын берілді

Қызылордада 100 оқушы олимпиадаға дайындалып жатыр

Қызылорда биыл 3 мың 334 адам зейнетке шықты

Қызылордада «Әйелдерге қатысты зорлық-зомбылықсыз 16 күн» акциясы басталады

Қазақстан және Қызылорда облысының жаңалықтары: Қоғам

Кәсіпкерлер палатасының аудандардағы кеңесшілері 3352 азаматқа кеңес берді

Қатардағы жауынгері&#8230; Теңіздің

Ертеңнен бастап күн суытады

Қызылордада полиция қызметкері пара алды деген күдікпен ұсталды

2012: Террордың ызғарлы демі

«Дарын» мемлекеттік жастар сыйлығының иегерлері белгілі болды

Қарлы боран

Қанат Бозымбаев Алматы облысының әкімі болып тағайындалды

Қазалыда жаңадан салынған үйлерге көгілдір отын берілді

Қызылордада 100 оқушы олимпиадаға дайындалып жатыр

Қызылорда биыл 3 мың 334 адам зейнетке шықты

Қызылордада «Әйелдерге қатысты зорлық-зомбылықсыз 16 күн» акциясы басталады

Қатардағы жауынгері… Теңіздің