Kyzylorda-news.kz. Коронавирустың омикрон-штамы таралып болғаннан кейін COVID-19 әлсіреп, аурудың салдары соншалықты ауыр болмауы мүмкін.
Мұндай пікірді ресейлік вирусолог, Гамалея орталығының профессоры Анатолий Альтшейн Sputnik радиосына берген сұхбатында білдірді.
Дүниежүзілік денсаулық сақтау ұйымы атап өткендей, жаңа штамм жаһандық ауқымда тез тарайды, дегенмен, Альтшейннің пікірінше, “омикрон” Жаңа жылға дейін індеттің жаңа толқынын тудырады деп болжауға әлі ерте.
<blockquote>
 “Жаңа жылға дейін ол таралып үлгермейді. Мысалы, “Дельта” штамы 2020 жылдың күзінде пайда болып, шамамен 2021 жылдың мамыр-шілде айларында тарады, яғни вирустың таралуы үшін алты ай қажет болды”, – деді вирусолог.
</blockquote>
Альтшейннің айтуынша, “омикронның” қаншалықты жұқпалы екендігі белгілі бір уақыттан кейін ғана бағаланады, бірақ оның геномы туралы ақпарат вирустың бұл түрінен пайда болатын ауру басқа штамдарға қарағанда жеңіл өтетінін болжауға мүмкіндік береді.
<blockquote>
 “Вирустың бұл түрінің қызықты ерекшелігі бар: оның негізгі ақуызында (S-ақуыз) 32 мутация болады, бұл тұрақсыз геном болуы мүмкін, ол оңай мутацияға ұшырайды. Егер оның геномы тұрақсыз болса, онда бірінші кезекте ауыр салдарға әкелетін ауруды басып тастайды. Біз қазірдің өзінде жүз адам жұқтырғанын көріп отырмыз, барлығының ауруы жеңіл, ешкім қайтыс болған жоқ”, – деді Альтштейн.
</blockquote>
Дәрігер омикрон штамының пайда болуы пандемияның аяқтала бастағанын білдіреді деген пікірде.
<blockquote>
 “Егер коронавирустың өлім-жітімі тұмаудан қайтыс болғандардың санымен теңесетін болса, онда пандемия аяқталды деп айта аламыз. Пандемия “омикронмен” аяқталуы мүмкін”, – деп жалғастырды вирусолог.
</blockquote>
Бұл ретте ресейлік маман жаңа штамның қарт адамдарға әсері туралы нақты қорытынды жасауға әлі ерте екенін атап өтті.
Бұған дейін қазақстандық иммунолог Рафаил Розенсон коронавирустың жаңа штамы бұрынғы штамдарға қарағанда едәуір жұқпалы екенін және вакциналау ковидтен қорғанудың жалғыз амалы болып қала беретінін айтқан еді.

Вирусолог: &#8220;Омикрон&#8221; жаппай таралғаннан кейін пандемия аяқталуы мүмкін

Kyzylorda-news.kz. Кезекте не кептелісте, метро не автобуста тұрған уақытта ағылшын тілі деңгейіңізді көтеріп алуға жұмсасаңыз пайдалырақ болары сөзсіз. Күніне 15 минут әдісін 21 күн қолданып, әдетке айналдырып көріңіз. Сіздерге сол 15 минутта не істеуге болатынын назарларыңызға ұсынамыз. Let’s go!
1-әдіс. Жаңа сөздерді жаттау/бекіту
Жаңа киім алдыңыз делік. Бірақ кимесеңіз не басқа киімдеріңізбен әдемі сәйкестіріп кие алмасаңыз, бекер сатып алғаныңыз емес пе? Жаңа тіл меңгерудегі сөз жаттау техникасында да – осы мәселедегідей. Жаңа сөз жаттап, оны сөздік қорыңыздағы сөздермен байланыстырмасаңыз, еш пайдасы болмайды. Сондықтан, кез келген сөзді игілігіңізге қолданыңыз.
Мәселен, polite (сыпайы) сөзін жаттадыңыз делік. «My friend is too polite. She apologizes 20 times a day» (Менің құрбым тым сыпайы. Ол күніне 20 рет кешірім сұрайды). Сондай құрбыңыз не танысыңыз болса, осы сөзді сол құрбыңызды елестетіп жаттаңыз.
2-әдіс. Әлеуметтік желіні тиімді пайдалану
Әлжеліде оқығанды ұнатсаңыз, twitter-ді қолданыңыз. Егер тыңдап, көрген ұнаса, TikTok не Reels-қа жүгініңіз.&nbsp;
Ағылшын тілін меңгеруге арналған қор өте көп. Басқа көңіл аулайтын дүниелерге бұрылып кетпеу үшін алдын ала өзіңізге не керегін анықтап жазып алыңыз, дайындалыңыз. Мәселен ағылшын тілі ана тілі боп есептелетін адам тауып алып, сөйлессеңіз, өте керемет. Оған ағылшын тілінде пікір қалдырып отырыңыз, басқа пікірлерді оқыңыз.
3-әдіс. Ағылшынша жазба не пікір жазыңыз
Жұлдыздардың жазбасына не Youtube-тегі видео астына ағылшынша пікір қалдырыңыз. «So cute»-пен&nbsp;шектелмеңіз. Ойыңыз бен әсеріңізді ашып жазыңыз. Егер ұялсаңыз, тек ағылшынша жазысып, сөйлесетіп жаңа аккаунт ашыңыз.
Тіпті, оқыған кітап, көрген фильм/сериалдарыңызға, сатып алған заттарыңызға ағылшынша пікір жазыңыз. Көмектеседі.&nbsp;
4-әдіс. Сөйлесіңіз
Полиглот не ағылшын тілін білетін досыңыз болса, кофеге не шайға (үйге қонаққа) шақырыңыз. “Ешқандай сыйлық керек емес, тек ағылшынша сөйлесейік!” деңіз. Аптасына 1 рет кейін 2 рет ұйымдастырып тұрыңыз.&nbsp;
Болмаса, интернетте сөйлесетін клубтар бар. Сондай клубтарға тіркеліп, тегін сөйлесіп отырыңыз. Сіз секілді ағылшын тілінде сөйлегісі келетіндер өте көп.&nbsp;
5-әдіс. Грамматиканы қайталаңыз
Ағылшын тіліндегі грамматиканы бірден бойға/ойға сіңіру оңай емес, жиі қайталап отыру керек, практика жүзінде тиімдірек. Ережелерді еске түсіріңіз, сөйлем құраңыз, оқиғаны баяндап берсеңіз, тіптен жақсы.
Көрінбейтін досыңызға өміріңізде болған жағдайды ағылшынға айтып беріңіз, телефоннан диктафон қосып қойсаңыз, кейін тыңдап қателеріңізді ескеріп отырыңыз. Немесе wish сөзін пайдаланып күніңіздің қалай өткенін айтыңыз, «I wish I did not have to get up so early every morning» (Күнде ерте тұрғым келмейді). Болмаса, модальды еістіктерді қайталау үшін көрінбейтін ассистентіңізге жасау керек қызметтерді тапсырып жатқандай сөйлесеңіз.
6-әдіс. Сүйікті әніңізді талдаңыз
Әндер – бір уақытта көптеген қағиданы еске түсіруге жақсы көмектесетін әдіс. Алдымен әуенді тыңдаңыз, түсінбеген тұсты белгілеп алыңыз. Кейін қайта тыңдаңыз. Білмеген сөзіңізді сөздіктен көріңіз. Мәтіннің аудармасын тексеріңіз, сіз түсінген мағынада жазылған ба? Солай болса, құттықтаймыз! Білмеген сөздерді жазып отыңырыз.
Көмектесті ме?
You are welcome!
<a href="https://massaget.kz/layfstayl/bilim/66833/">massaget.kz</a>

Ағылшын тілі деңгейін көтеру: күніне 15 минут

Kyzylorda-news.kz. Қазақстанда айлық есептік көрсеткіш мөлшері 3063 теңге (7,2 доллар) деңгейінде белгіленді, деп хабарлайды Stan.kz.
Қазақстан президенті Қасым-Жомарт Тоқаев “2022-2024 жылдарға арналған республикалық бюджет туралы” заңға қол қойды.
“2022 жылдың 1 қаңтарынан бастап жәрдемақылар мен басқа да әлеуметтік төлемдерді есептеу, сондай-ақ Қазақстан Республикасының заңнамасына сәйкес айыппұлдарды, салықтарды және басқа да төлемдерді қолдану үшін айлық есептік көрсеткіш 3 063 теңге болып белгіленсін”, – делінген бұйрықта.
2021 жылы АЕК 2917 теңгеге тең болды. 2022 жылы оның көлемі 146 теңгеге артты.
Қазақстанда АЕК жәрдемақылар мен басқа да әлеуметтік төлемдерді, сондай -ақ республика заңнамасына сәйкес айыппұлдарды, салықтарды және басқа төлемдерді есептеу үшін қолданылады.
Айта кетсек, қабылданған заңға сәйкес, 2022 жылдың 1 қаңтарынан бастап ең төменгі жалақы (ең төменгі жалақы) 60 мың теңгені құрайды. 2021 жылы ең төменгі жалақы 42 500 теңгені құрады.
Ең төменгі күнкөріс деңгейі (базалық әлеуметтік төлемдердің мөлшерін есептеу үшін пайдаланылады) 36 018 теңгені құрайды. Биыл 34302 теңгені құрап отыр.
Сондай-ақ келесі жылы ең төменгі зейнетақы мөлшері 46 302 теңгені құрайды (2021 жылы ол 43 272 теңге).

Қазақстанда 2022 жылы АЕК мөлшері қандай болады?

<a href="https://kyzylorda-news.kz/">Kyzylorda-news.kz.</a> Белгілі қазақстандық астролог Ирина Әбдірайымова қыстың алғашқы айына болжам жасады, деп хабарлайды&nbsp;<a href="https://sputnik.kz/">Sputnik Қазақстан.</a>
Қандай қиындықтар күтіп тұр
Әбдірайымованың айтуынша, желтоқсанда вакцинация мәселесі өзектілігін жоғалтпайды, керісінше, халықты коронавирусқа қарсы егуге баса мән беріледі.
«Айдың екінші жартысында және қаңтардың бірінші онкүндігінде әлем елдерінде локдаун жарияланып, шекара жабылуы мүмкін. Сонымен қатар азық-түлік бағасы өсіп, тапшылық қолдан жасалады», – деп болжады маман.
Сонымен қатар, осы айда банк жүйесінде елеулі проблема болуы мүмкін. Сол себепті желтоқсан мен қаңтар айларында үйіңізде қолма-қол ақша болғаны дұрыс.
Бұдан бөлек, мұнай нарығында, биржада тұрақсыздық байқалады.
Ең дұрысы, осы айда ешкімге қарыз бермеу.
<blockquote>
 «4 желтоқсанда күн тұтылады. Осының әсерінен, әсіресе айдың бірінші онкүндігінде жалған ақпарат көбейеді, бұқара санасын бұрмалау, нағыз ақпараттық соғыс шағы туады. Бұл кезеңде әлемдік аренада да, жеке өмірде де басталатын экономикалық және заң даулары ұзаққа созылуы мүмкін. Жалпы қаржы, ортақ бизнеспен байланысты жаңа істер үшін сәтсіз кезең», – деп ескертті жұлдызнамашы.
</blockquote>
Астрологтың болжамынша, желтоқсанда Плутонның ықпалымен кей адамдардың көзқарасы өзгереді, ішкі бір трансформациядан өтеді. Өзгеріске іштей дайын жүрген жандар бұл мерзімді еш шығынсыз өткізеді.
Маман айдың 15-20 аралығында туған Тауешкі, Тоқты, Шаян, Таразыларға тәуекелге бармай, өте мұқият болуға кеңес берді. Ал осы кезеңде өмірге келген Сарышаян, Балық, Торпақ, Бикештер табысқа кенеледі. Десе де, оларға да сақ болған абзал.
Сонымен қатар, желтоқсан айында логика, табандылық, төзімділік, ой қорыту іске қосылады. Барлық ақпаратқа талдау жасап, ой елегінен өткізген жөн.
Желтоқсан күндеріне болжам
1, 2 желтоқсан&nbsp;– оптимизм, романтизм, әділдікке ұмтылу уақыты. Бірақ бұл күндері кей адамдар беймаза күй кешеді, біреуге өкпе-реніші, қызғанышы болуы мүмкін. Сүйіктіңізбен ара қатынасыңыз жақсарады. Күш-қуатыңыз молайып, энергияңыз тасиды.
3, 4 желтоқсан&nbsp;– көңіл-күй тұрақсыздығы. Әр естіген, оқыған ақпаратты сүзгіден өткізіңіз. Өйткені 8 желтоқсанға дейін алданып қалу және қате шешім қабылдау ықтималдығы сақталады. Бұл, әсіресе,&nbsp;6-7 желтоқсан&nbsp;күндері ерекше сезіледі. Ұмытшақтық, ойдың шашыраңқылығы, салғырттық, алаңғасарлық. Ақыл-ой және жазбаша жұмыс, сауда, инвестиция, қарызға ақша беру, дәрігерге қаралу үшін қолайсыз кезең. Көлік апаты, су, дәрі, ішімдікпен байланысты жазатайым оқиғалар болуы ықтимал. Ақша мен сапарға қатысты мәселелерге баса назар аударған жөн.
8, 9 желтоқсан&nbsp;– ашушаңдық, қоқан-лоққы байқалады. Басшылықпен жанжалдасып қалуыңыз мүмкін, жоғары органдардан көмек сұрауға қолайсыз кезең.
Тауешкі белгісінде Венера мен Плутон қосылады. Ал бұл эмоциялық тұрақсыздықты білдіреді. Плутонның энергиясы әлдеқайда күшті, ғашықтардың сезімі күшейіп, жаны өзгерісті қалайды. Венера – махаббат, Плутон – физикалық махаббат. Жалынды сезім, махаббат қызықтары, жаңа таныстық айы. Бұл кезеңде сезімталдық артады, көңіл жарастырған қыз-жігіттердің қарым-қатынасы мәнді бола түседі. Барлық кемшілік, кедергілер мен тыйымдар ұмытылады. Бірақ, бұл мерзімде көзге шөп салу да көбейеді. Сондықтан, астролог қыздар мен әйелдерге мұқият болуға кеңес берді.
Сондай-ақ бұл уақытта адамдар шектен шығуы мүмкін. Сол себепті шыдамдылық танытып, бәрін сынаудан аулақ болыңыз, өйткені өкпе-реніш ұзаққа жалғасатын жанжалға әкеп соғуы ғажап емес.
Айдың соңына дейін алимент, мұрагерлік, ортақ ақшамен байланысты мәселелерді шешуге тура келеді. Акция, спекуляция, биржа, қаржы мәмілесі, қаржылық операцияларға мұқият болу керек.
Шығармашылық, сән-салтанат заттарының саудасы үшін сәтті кезең. Көп адам қомақты ақша ұтып алу мүмкіндігіне ие болады. Әсіресе, бұл Шаяннан басқа, жер және су белгілеріне қатысты. Ал Тоқты, Шаян, Таразы зодиак белгілеріне қырағы болған абзал.
9, 10, 11 желтоқсан&nbsp;– сезімталдық, қамқорлық, көңіл бөлу, түсіністік таныту, жаны ашу. Жақсы серік тауып, философиялық-діни тақырыптарға әңгімелесуге құлшыныс оянады. Басшылыққа өтінішпен жүгінуге болады. Бірақ 12 желтоқсанда берілген уәдеге көп сенбеңіз, сізді ерікті-еріксіз алдап кетуі мүмкін.
Ал&nbsp;13 желтоқсаннан&nbsp;бастап айдың соңына дейін адамдар кез келген ақпаратқа сыни көзбен қарайды, иллюзиядан арылады, талдау жасайды. Болашаққа жоспар құрып, мақсатқа қол жеткізу стратегиясын әзірлейтін уақыт.
14 желтоқсаннан&nbsp;бастап митингтер, қызу пікірталастар жиілейді, жаңа бірлестіктер құрылады. Бірақ бір мезетте бірнеше іс бастап, өз күшіңді асыра бағалап, қарсыластарыңды осал санаудың қажеті жоқ. Саяси деңгейде және жеке өмірде бостандық пен әділеттілікке күрес байқалады.
18, 19 желтоқсан&nbsp;– құндылықтарды қайта бағалау, ұмытылған немесе аяқталмаған іске қайта оралу, бұрынғы сүйіктіңізбен қауышу. Бұрынғы күйеуіңіз немесе бұрынғы әйеліңізбен қайта араласуыңыз мүмкін. Бұл кезеңде қарызға берген ақшаны қайтарып алу қиынға соғады. Некелесуге, сауда келісімін бекітуге, қаржылық операциялар жасауға қолайсыз кезең.
20 желтоқсан&nbsp;– қызықты кездесулер, жаңа ақпарат, ниеттес адамдармен кездесу, оптимизм. &nbsp;&nbsp;&nbsp;&nbsp;&nbsp;&nbsp;&nbsp;&nbsp;
Ал&nbsp;21 желтоқсаннан&nbsp;айдың соңына дейін Сатурн-Уран энергиясының ықпалында боламыз. Жаңылысу, эмоцияға берілу, дау-жанжал, қарым-қатынас дағдарысы, шығындар, кедергілер, ортақ ақшаны бөлісудегі қиындықтар. Алайда Марс – Сатурн энергиясының әсерінен адамдар шыдамдылық танытып, еңбекпен бәрін жеңуге тырысады. Сүюді және сүйікті болуды қалайды. Әдемілікке ұмтылады, шығармашыл жандардың шабыты оянады.
Жалпы желтоқсан шығармашылық, қайырымдылық, рухани істер үшін, сүйген жанға сезімін білдіру үшін таптырмас ай.

Қазақстандықтарды желтоқсан айында не күтіп тұр?

Kyzylorda-news.kz. Қазақстанда өткен тәулікте 1122 адам коронавирус індетінен емделіп шықты, деп хабарлайды coronavirus2020.kz.
Аймақтар бойынша: Нұр-Сұлтан қаласы – 121, Алматы қаласы – 74, Ақмола облысы – 81, Алматы облысы – 19, Атырау облысы – 3, Шығыс Қазақстан облысы – 33, Жамбыл облысы – 11, Батыс Қазақстан облысы – 103, Қарағанды облысы – 148, Қостанай облысы – 237, Қызылорда облысы – 12, Павлодар облысы – 117, Солтүстік Қазақстан облысы – 144, Түркістан облысы – 19.
Қазақстан бойынша жазылғандар саны – 940688.

Covid-19: 12 қызылордалық індеттен айықты

Kyzylorda-news.kz. Қазақстанда өткен тәулікте 686 коронавирус індеті ПТР арқылы расталып ауырғаны белгілі болды, деп хабарлайды coronavirus2020.kz.
Аймақтар бойынша: Нұр-Сұлтан қаласы – 103, Алматы қаласы – 59, Шымкент қаласы – 5, Ақмола облысы – 61, Ақтөбе облысы – 9, Алматы облысы – 26, Атырау облысы – 7, Шығыс Қазақстан облысы – 40, Жамбыл облысы – 8, Батыс Қазақстан облысы – 15, Қарағанды облысы – 98, Қостанай облысы – 77, Қызылорда облысы – 6, Маңғыстау облысы – 5, Павлодар облысы – 83, Солтүстік Қазақстан облысы – 79, Түркістан облысы – 5.
Жалпы ел бойынша ауырғандар саны 974455.

Қызылордада 6 адамнан коронавирус анықталды

Kyzylorda-news.kz. Қазақстанның солтүстігі, шығысы, оңтүстігі, оңтүстік-шығысында атмосфералық фронталды бөліктердің өтуіне байланысты құбылмалы ауа райы күтіледі, деп хабарлайды Қазгидромет.
Жаңбыр мен қар жауады, солтүстікте, шығыста көктайғақ және жаяу бұрқасын, оңтүстік-шығыста күндіз шаңды дауыл болады. Республиканың кей жерлерінде тұман, желдің күшейюі күтіледі.
Қостанай, Солтүстік Қазақстан облыстарында көктайғақ, жаяу бұрқасын, жел 15-20 м/с жылдамдықпен соғады. Түнде Солтүстік Қазақстан облысының оңтүстік-батысында тұман түседі.
Жамбыл облысының таулы аудандары мен тау бөктерлерінде тұман, күндіз оңтүстік-батысында, солтүтүстік-шығысында шаңды дауыл, солтүстік-шығысында және таулы аудандарында желдіңдің күші 15-23 м/с жетеді.
Павлодар облысының жолдарында көктайғақ, батысында желдің 15-20 м/с күшеюі, түнде солтүстігінде тұман күтіледі.
Шығыс Қазақстан облысының жолдарында көктайғақ, солтүстік жартысында жаяу бұрқасын, түнде батысында қатты жел соғады.
Түркістан облысының таулы аудандарында түнде және таңертең тұман күтіледі.
Батыс Қазақстан облысының солтүстігінде тұман, күндіз солтүстік-батысында желдің жылдамдығы 15-20 м/с жетеді.
Атырау, Маңғыстау, Ақмола, облыстарында тұман түсіп, жел 15-20 м/с жылдамдықпен соғады.
Ақтөбе облысының оңтүстігінде, Қарағанды облысының орталығында, Қызылорда облысының солтүстігінде тұман түседі.

4 желтоқсанға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Қызылорда облысына жұмыс сапары барысында ҚР Еңбек және халықты әлеуметтік қорғау вице-министрі Руслан Сәкеев халыққа әлеуметтік қолдау көрсету жөніндегі шаралардың іске асырылуымен танысты, бірқатар әлеуметтік объектілерді аралап, жүріп-тұру үшін кресло-арбаларды пайдаланатын мүгедектігі бар адамдарға арналған модельдік пәтердің тұсаукесеріне қатысты.
Сакеев өңірге жұмыс сапарын облыс әкімінің орынбасары Балжан Шәменовамен кездесуден бастады, оның барысында Жұмыспен қамту және әлеуметтік бағдарламалар басқармасының басшысы Гаухар Қалмақова табысы аз отбасыларға әлеуметтік көмек көрсету, атаулы әлеуметтік көмек алушыларды жұмыспен қамту шараларымен қамтамасыз ету, медициналық дәрі-дәрмек қобдишаларын бөлу, мүгедектігі бар адамдарды оңалтудың жеке бағдарламаларын орындау, оларды техникалық құралдармен және әлеуметтік қызметтер порталы арқылы оңалту қызметтерімен қамтамасыз ету туралы есеп берді.
Бұдан әрі вице-министр Талсуат ауылындағы Мүгедектігі бар адамдарға арналған оңалту орталығында болды, онда оған және Қазақстандағы БҰҰДБ Тұрақты өкілі Якуп Беришке ҚР Еңбек және халықты әлеуметтік қорғау министрлігінің қолдауымен Қазақстандағы БҰҰ Даму Бағдарламасы іске асырған мүгедек адамдарға арналған модельді пәтер салу жөніндегі пилоттық жоба таныстырылды.
Жоба ерекше қажеттіліктері бар адамдарды әлеуметтік оңалтуға және өмір сүру сапасын арттыруға бағытталған. Оның міндеті – кресло-арбамен қозғалатын адам үшін заманауи ыңғайлы пәтердің моделін жасау. Ол үшін оңалту орталығында кіреберістен, залдан, жатын бөлмеден, ас үйден және дәретхана бөлмесінен тұратын екі бөлмелі пәтер сияқты салынған үй-жай бөлінді.
Жобалық шешімдер кедергісіз тұрғын үй ортасын құру бойынша нормативтік-техникалық талаптарға сәйкес келтірілді. Сонымен, дәретхана бөлмесінің есіктері мен өлшемдері ұлғайтылды, тұрмыстық және психологиялық тәуелсіздікті қамтамасыз ететін түрлі көмекші құрылғылар орнатылды.
Модельді пәтер мүгедектігі бар адамның кресло-арбадағы еркін жүріп-тұруына толықтай бейімделген және тұрмыстық техникамен, арнайы жиһаздармен және құрылғылармен жабдықталған.
<blockquote>
 «Мүгедектігі бар адамдарға арналған әлеуметтік объектілерді бейімдеу-кедергісіз орта құру жөніндегі жұмыстың маңызды бөлігі. Біз инфрақұрылымды құру, сондай-ақ мүгедек адамдарды оңалту бөлігінде стандарттар бойынша жұмыс істейміз. Бұл жоба – Министрлік пен БҰҰДБ ынтымақтастығының тағы бір сәтті үлгісі, ол халықтың қауқары аз топтарының мұқтаждықтары үшін үй-жайларды пысықтау есебінен әлеуметтік-тұрмыстық оңалту технологиясын құруға бағытталған», – деп атап өтті Руслан Сәкеев.
</blockquote>
Қазақстанда&nbsp;702&nbsp;мың мүгедектігі бар адам тұрады, оның ішінде 15 мың адам жүріп-тұру үшін кресло-арбаны пайдаланады.
Осы жобаны іске асыру шеңберінде мүгедектігі бар адамдарды әлеуметтік-тұрмыстық бейімдеу мен оңалтудың әдістемелері мен технологиялары әзірленеді, олар кейіннен елдің оңалту орталықтарының жұмыс практикасына енгізіледі.
Оңалту орталығы базасында модельді пәтердің ашылуы жыл сайын 3 желтоқсанда атап өтілетін Халықаралық мүгедектігі бар адамдар күніне орай ұйымдастырылған.
Сондай-ақ, жұмыс сапары аясында Руслан Сәкеев Қызылорда қаласындағы «Ten kogam» орталығының жұмысымен танысты.
Аталған орталық өмірлік қиын жағдайда жүрген, тәрбиеленуде мүгедек балалары бар немесе өздері мүгедек болып табылатын көпбалалы, тұрмысы төмен отбасыларын әлеуметтендіру мен кәсіпке баулу мақсатында &nbsp;«Қарапайым заттар әсері» жобасы аясында ашылған болатын.
Вице-министр орталыққа жиналған мүмкіндігі шектеулі жандарды жеке қабылдап, мәселелерін тыңдады.
<img src="https://kyzylorda-news.kz/wp-content/uploads/2021/12/5ce3f0e0-d462-4683-9a19-3e1b947183e3.jpg" alt="" />
<img src="https://kyzylorda-news.kz/wp-content/uploads/2021/12/07ee1df8-bad3-4285-8179-7cb0c01f1579.jpg" alt="" />
<img src="https://kyzylorda-news.kz/wp-content/uploads/2021/12/febeb2bd-9a3d-49a2-bdfd-f29777a3b640.jpg" alt="" />
<img src="https://kyzylorda-news.kz/wp-content/uploads/2021/12/afadecc4-448f-4603-9664-d2585bfb8d10.jpg" alt="" />

Еңбек және халықты әлеуметтік қорғау вице-министрі «Ten kogam» орталығының жұмысымен танысты

<a href="https://kyzylorda-news.kz/">Kyzylorda-news.kz.</a> Қызылорда қалалық Полиция басқармасының қызметкерлері жол-көлік апаттарының алдын-алу мен жолда жүру ережелерін өрескел бұзушыларды анықтау мақсатында тұрақты түрде рейдтік іс-шараларды өткізіп келеді. Осындай рейдтерге күн-түн демей шыққан патрульдік полиция қызметкерлері жыл басынан бері масаң күйде көлік басқарған 476 жүргізушіні ұстады.
Осындай масаң күйде 2 желтоқсан күні таңғы уақыт 04:40 шамасында Қорқыт ата көшесінің бойында көлік құралының Жол қауіпсіздік ережелерін өрескел бұзғандығын байқайды. Дереу тоқтатып, тексеру барысында көлікті тізгіндеген 23 жастағы қала тұрғынының жүргізуші куәлігі жоқтығын анықтайды.
Көлік тізгіндеуші азамат 2021 жылдың шілде айында соттың шешімімен оның Қазақстан Республикасының Әкімшілік құқық бұзушылық туралы кодексінің 608-бабының 1-бөлігімен көлік құралын жүргізу құқығынан 7 жылға айырылғандығы белгілі болады.
Патрульдік полиция қызметкерлері өз жұмыстарын дереу атқарып, наркологиялық диспансерге жеткізіп, сараптама қорытындысына сай азамат орта дәрежедегі мас күйінде болғандығы анықталды.
Аталған дерек бойынша Қазақстан Республикасының Қылмыстық Кодексінің 346-бабы 1-бөлігі (Көлік құралдарын басқару құқығынан айырылған және алкогольдік, есірткілік және (немесе) масаң күйдегі адамның көлік құралын басқаруы) бойынша сотқа дейінгі тергеп-тексеру амалдары жүргізілуде. Автомобиль қазіргі уақытта айыппұл алаңында. Күдікті уақытша ұстау изоляторына қамалды.

Қызылордада жыл басынан бері масаң күйде көлік басқарған 476 жүргізуші анықталды

<a href="https://kyzylorda-news.kz/">Kyzylorda-news.kz.</a> Елімізде 2025 жылға дейін 1000 мектеп салынады. Білім және ғылым министрі Асхат Аймағамбетов ҚР Президенті жанындағы Адам құқықтары жөніндегі комиссия отырысында осылай деп мәлдімдеді.
Министр Тәуелсіздіктің 30 жылы ішіндегі білім саласы жетістіктерін ерекше атап өтті. Мәселен, соңғы 30 жылда елімізде 2 мыңнан астам жаңа мектеп пайдалануға берілген. 1991 жылы 2 мың балабақшада ғана мемлекеттік тілде тәрбие берілсе, бүгінде 7,5 мың балабақшада бүлдіршіндер, ана тілінде тәрбие алады. Сонымен қатар жоғары оқу орындарына бөлінетін грант саны соңғы 3 жылдың ішінде 2 есеге артты.
<blockquote>
 «Жалпы Тәуелсіздік алғалы білім саласында оң өзгерістер көп. Білім саласында мемлекет өзінің конституциялық кепілдіктерін толығымен орындап жатыр. Балаларға білімнің қолжетімді болуына мемлекет қадамдар жасап жатыр. Соңғы екі жыл ішінде ІТ саласы мамандығына бөлінген гранттар саны екі есе асқан. Соның ішінде педагогикалық грант саны көбейді», – дейді ҚР Білім және ғылым министрі Асхат Аймағамбетов.
</blockquote>
Сондай-ақ отырыста ел азаматтарының білім беру саласындағы Конституциялық құқықтары сөз болды. Сарапшылар осы саладағы тиісті кепілдіктердің жүзеге асырылу барысымен танысты. Комиссия мүшелері мүмкіндігі шектеулі балалар мен ересектердің білім алуы үшін тең жағдай жасалу қажеттігін алға тартты.
<blockquote>
 «Біз білімді әрі бәсекеге қабілетті ұлт қалыптастыру үшін бар күш-жігерімізді салуымыз қажет. Өйткені қабілетті ұрпақ елін алға сүйрейді. Әсіресе, шалғай ауылдардағы мектептерді білікті педагогикалық кадрлармен қамтамасыз етуіміз керек. Олардың оқу-әдістемелік, материалдық-техникалық базасын жетілдіру өте маңызды», – дейді ҚР Президенті жанындағы Адам құқықтары жөніндегі комиссия төрағасы Игорь Рогов.
</blockquote>
<a href="https://24.kz/kz/zha-aly-tar/bilim-zh-ne-ylym/item/513871-2025-zhyl-a-dejin-1000-mektep-salynady-askhat-ajma-ambetov">Хабар 24</a>

Асхат Аймағамбетов: 2025 жылға дейін 1000 мектеп салынады

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысындағы оңалту орталығында «Модельдік пәтер жобасы» іске қосылды. Әлеуметтік тұрмыстық бейімделуіне жәрдемдесетін бұл жоба республикада алғаш болып жүзеге асты. Бұл жөнінде Өңірлік коммуникациялар қызметінде өткен баспасөз конференциясында облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Мейрамбек Әбдукаримов мәлімдеді.
<blockquote>
 «Модельдік пәтер» жобасы мүгедектігі бар адамдарды оңалту мақсатында ашылды. Онда әлеуметтік тұрмыстық, медициналық, психологиялық бағытта қызмет көрсетіледі. Биылдан бастап мүгедектігі бар адамдар өз таңдауы арқылы техникалық оңалту құралдары мен қажетті қызмет түрлерін әлеуметтік қызметтер порталының көмегімен алуда, – деді Мейрамбек Жақсылықұлы.
</blockquote>
Бүгінде облыс көлемінде 23 277 әлеуметтік оңалтуды қажет ететін жандардың 87,2 пайызы 8 бағыт бойынша тиісті көмек алған. Айта кетейік, биыл «Өзіңе сене баста» атты мүгедектігі бар кәсіпкерлерге арналған көрме байқауы өткен болатын. Нәтижесінде, жеңімпаз кәсіп иелері бағалы сыйлықтармен марапатталды. Өңірде мүгедектігі бар 30 мыңнан аса адам бар болса, оның бес мыңға жуығы әртүрлі кәсіпте еңбек етеді. Сондай-ақ, биылғы жылы 258 әлеуметтік инфрақұрылым нысанына толық бейімдеу жүргізіліп, республикалық «Қолжетімділіктің интерактивті картасына» енгізілді. Шаһарда әлеуметтік, психологиялық кеңес беру мақсатында «Тең қоғам орталығы» ашылып, қызмет көрсетуде.

Қызылордада тұңғыш рет «Модельдік пәтер жобасы» іске қосылды

<a href="https://kyzylorda-news.kz/">Kyzylorda-news.kz.</a> Қызылордада 3 желтоқсан – Халықаралық мүгедектер күніне орай «Жүрек жылуы» қайырымдылық шарасы өтті.
«Тең қоғам» орталығы мен «Жылы жүрек» қоғамдық қорының бірлесе ұйымдастыруымен өткен шараға 60-қа жуық мүмкіндігі шектеулі жан қатысты.
Шара барысында тағдырлас жандар өз өнерлерін ортаға салып, оларға арнайы дастарқан жайылды.
Акцияға қатысқан Қызылорда қалалық&nbsp;&nbsp;жұмыспен қамту, әлеуметтік бағдарламалар және АХАТ бөлімінің басшысы Кенжегүл Құрақбаева ерекше жандардың қоғам назарынан тыс қалмайтынын жеткізіп, қашанда қолдау болатынын атап өтті.
<blockquote>
 «Қоғамдағы ерекше жандар ешқашан өздерін жалғыз сезінбеуі үшін, түрлі шаралар ұйымдастырылып, тағдырлас жандардың бір-бірімен сұхбаттасуына мүмкіндік жасап тұрамыз. Сондай шаралардың бірі бүгін 3 желтоқсан – халықаралық мүгедектер күніне орай ұйымдастырылды. Оларға арнайы дастарқан жайылып, өнерлерін ортаға салды. Біздің мүмкіндігіміз шексіз, әнді де айтып, биді де билеп, жүрекжарды жыр шумақтарымызды арнап ерекше кеш өткіздік» – дейді &nbsp;«Жылы жүрек» жастар қоғамдық қорының директоры Сағатбек Қуанышбайұлы.
</blockquote>
Айта кетейік, қоғамдық жұмыстарда белсендідігімен көзге түскен 15 мүмкіндігі шектеулі жан ұйымдастырушылардың арнайы Алғысымен марапатталды.
<img src="https://kyzylorda-news.kz/wp-content/uploads/2021/12/641fe9c5-c4fb-45b1-b758-dedfc56b7923.jpg" alt="" />
<img src="https://kyzylorda-news.kz/wp-content/uploads/2021/12/95272ed9-42e2-4888-93f7-b929c1b74fd8.jpg" alt="" />
<img src="https://kyzylorda-news.kz/wp-content/uploads/2021/12/6724662e-83f6-45dc-82a5-929dd901c51d.jpg" alt="" />
<img src="https://kyzylorda-news.kz/wp-content/uploads/2021/12/1b6930c8-2f0c-4171-b219-83adb566a5fa.jpg" alt="" />

Қазақстан және Қызылорда облысының жаңалықтары: Қоғам

Вирусолог: “Омикрон” жаппай таралғаннан кейін пандемия аяқталуы мүмкін

Ағылшын тілі деңгейін көтеру: күніне 15 минут

Қазақстанда 2022 жылы АЕК мөлшері қандай болады?

Қазақстандықтарды желтоқсан айында не күтіп тұр?

Covid-19: 12 қызылордалық індеттен айықты

Қызылордада 6 адамнан коронавирус анықталды

4 желтоқсанға арналған ауа райы болжамы

Еңбек және халықты әлеуметтік қорғау вице-министрі «Ten kogam» орталығының жұмысымен танысты

Қызылордада жыл басынан бері масаң күйде көлік басқарған 476 жүргізуші анықталды

Асхат Аймағамбетов: 2025 жылға дейін 1000 мектеп салынады

Қызылордада тұңғыш рет «Модельдік пәтер жобасы» іске қосылды

Халықаралық мүгедектер күні: Қызылордада «Жүрек жылуы» қайырымдылық акциясы өтті

Қазақстан және Қызылорда облысының жаңалықтары: Қоғам

Вирусолог: &#8220;Омикрон&#8221; жаппай таралғаннан кейін пандемия аяқталуы мүмкін

Ағылшын тілі деңгейін көтеру: күніне 15 минут

Қазақстанда 2022 жылы АЕК мөлшері қандай болады?

Қазақстандықтарды желтоқсан айында не күтіп тұр?

Covid-19: 12 қызылордалық індеттен айықты

Қызылордада 6 адамнан коронавирус анықталды

4 желтоқсанға арналған ауа райы болжамы

Еңбек және халықты әлеуметтік қорғау вице-министрі «Ten kogam» орталығының жұмысымен танысты

Қызылордада жыл басынан бері масаң күйде көлік басқарған 476 жүргізуші анықталды

Асхат Аймағамбетов: 2025 жылға дейін 1000 мектеп салынады

Қызылордада тұңғыш рет «Модельдік пәтер жобасы» іске қосылды

Халықаралық мүгедектер күні: Қызылордада «Жүрек жылуы» қайырымдылық акциясы өтті

Вирусолог: “Омикрон” жаппай таралғаннан кейін пандемия аяқталуы мүмкін