<a href="https://kyzylorda-news.kz/">Kyzylorda-news.kz</a> Жақында Арал ауданы әкімі Аманжол Оңғарбаев іс сапармен Жаңақұрылыс ауылдық округінде болып, тұрғындармен кездесті.Ең алдымен аудан басшысы «Қуаныш» шаруа қожалығының тоғанда балық өсіру жобасымен танысып, кәсіпкердің егістік алқабын да аралап көрді.Мұнан соң, елдімекендегі әлеуметтік нысандарды аралап, олардың қазіргі жай-күйін бағамдады. Ауыл халқына қызмет көрсететін нысандардың жұмысымен танысқан соң, мекеме басшыларына ғимаратты талапқа сай күтіп ұстау және тұрғындар үшін жұмыс сапасын арттыру жөнінде тапсырма берді.Ауыл халқымен кездесу барысында Арал ауданы басшысы өңірдегі атқарылып жатқан жүйелі жұмыстар мен оң өзгерістер жөнінде баяндады.«Өздеріңізге белгілі, аудан көлемінде ауқымды жобалар жыл сайын жүзеге асуда. Бүгін аймақ басшысының қолдауымен Ақшатау елдімекенінде жаңа 60 орындық білім ордасының іргетасын қалап жатырмыз. Бұл ауыл халқының көптен күткен қуанышы. Ауданның өзекті мәселелерімен таныспын. Қазіргі таңда, аудан орталығынан құны 3,1 млрд. теңгені құрайтын аспалы көпір құрылысы жалғасып, үстіміздегі жылы пайдалануға береміз деп жоспарлап отырмыз. Білім саласында да іргелі жобалар іске асуда. «Жайлы мектеп» ұлттық жобасы шеңберінде ауданымызда 4 бірдей 300 орындық мектеп пайдаланылуға беріледі. Оның ішінде, биыл Арал қаласынан және Сексеуіл кентінен салынып жатқан білім ұялары алдағы оқу жылында пайдаланылуға берілетін болса, келесі оқу жылында тағы 2 мектеп жаңа №5 мөлтек ауданында және Жақсықылыш кентінде табысталатын болады»-деп, алдағы уақытта жүзеге асыралатын жобалармен де бөлісті.Басқосуда тұрғындар аудан басшысына өздерін толғандырған ұсыныс-пікірлерін жеткізіп, алдағы жұмыстарға сәттілік тіледі.Кездесу соңында аудан әкімі елдімекен тұрғындарын жекелеген мәселелер бойынша қабылдап, жауапты сала басшыларына тұрғындар өтінішін заң аясында шешуде барша мүмкіндіктерді қарастыруды міндеттеді.Атап өтейік, елді мекен тұрғындарымен өткен жиында ауыл халқына арналған мемлекеттік бағдарламалар мен жеңілдетілген несие алу жолдары түсіндірілді.

Арал ауданы әкімі Жаңақұрылыс ауылдық округінде болды

<a href="https://kyzylorda-news.kz/">Kyzylorda-news.kz.</a> «AMANAT» партиясы жанындағы «Жастар Рухы» жастар қанаты әлеуметтік, экологиялық, мәдени-бұқаралық іс-шараларды және қайырымдылық пен игі бастамаларды жүзеге асырып келеді.Өз кезегінде партияның облыстық филиалы бастамасымен «Жастар Рухы» жастар қанаты «Ерікті көмекке қызу желі» пилоттық жобасын іске қосты. Жоба Қызылорда облысы әкімдігі және облыстық жұмыспен қамтуды үйлестіру және әлеуметтік бағдарламалар басқармасының қолдауымен жүргізілуде.«Ерікті-көмекке» пилоттық жобасының мақсаты – әртүрлі төтенше немесе шұғыл қол көмекті қажет ететін жағдайда қызу желі арқылы анонимді немесе ашық түрде ақпарат алып мәселенің шешілуіне ықпал жасау.&nbsp;Әртүрлі санаттағы қоғам мүшелері кез-келген сұрақ, ұсыныс немесе қол көмек сұрау арқылы 109-call-центр орталығына хабарласып ерікті жастардың көмегіне ие бола алады. Жасақталған арнайы еріктілер тобы хабарласқан тұрғындардың мәселесінің бағытын анықтап, мұқтаж жандарға көмек көрсетеді. Атап айтсақ, төтенше жағдайлар кезінде еріктілер штабының жұмысын ұйымдастыру, жалғызбасты ардагер мен егде жастағы кісілерге адресті қол көмек көрсету, мектеп оқушыларына тегін психологиялық кеңес беру, меценаттардың қолдауы арқылы әлеуметік жағдайы төмен отбасыларына қаржылай және материалды көмек көрсету, арнайы іздестіру шараларын ұйымдастыру және т.б.Қазіргі таңда жоба аясында 10 жас қоғамдық негізде жұмыспен қамтылды, 20-ға жуық ардагерге (әлеуметтік жағдайы төмен, жалғыз басты қарт) адресті көмек көрсетілді, «Ізгілік аптасы» барысында түрлі қайырымдылық шаралар ұйымдастырылды. &nbsp;

«Ерікті көмекке қызу желі» пилоттық жобасы іске қосылды

<a href="https://kyzylorda-news.kz/">Kyzylorda-news.kz.</a> Төбелес кезінде көз жұмған жасөспірім осы жылдың наурыз айында 16 жасқа толған.&nbsp;Жамбыл облысы Мерке ауданында жасөспірімдер арасында төбелес туындап, бір бала көз жұмды. Оның өліміне сәтсіз әзіл себеп болған. Бұл туралы журналист Михаил Козачков өз телеграм арнасында жазды, деп хабарлайды KYN.KZ ақпарат агенттігі.&nbsp;Оқиға автомектеп аумағында орын алған. Марқұм Меркіге досымен бірге сол жердегі оқу-өндірістік комбинатында жүргізуші курстарынан өтуге келген. Оларды әкесі жеткізіп тастаған екен.&nbsp;<blockquote>«Бүгін маған кешегі болған жантүршігерлік оқиға туралы басқа да ақпараттар келіп түсті. Тергеу анықтағандай, қайтыс болған Сыпатай Артем Садков сол ауылдың тұрғыны. Наурыз айында 16-ға толыпты. Автомектепке жеткенше балалар тамақтанып алуға кіріп, піскен жұмыртқа жеген. Сол уақытта олардың жанына автомектепте оқитын төрт бала келіп, жұмыртқа туралы әзіл айтқан. Сол уақытта жасөспірімдердің арасында төбелес орнайды», - деп жазды журналист.&nbsp;</blockquote>Алайда, әзіл айтқан жігіттің орнына досы төбелеске шыққан. Ол жекпе-жекте Артемнен жеңіліп қалады. Сол кезде оның қолына әзілді бастаған досы кастет берген. Ол Артемнің басынан кастетпен ұрып, құлатқан. Жасөспірім сол құлаған бойы орнынан тұрмаған. Олар жедел жәрдем шақырған. Алдын ала болжам бойынша Артемның миына қан құйылған.&nbsp;&nbsp;Күдікті уақытша ұстау изоляторына қамалды. Кәмелетке толмаған баланы өлтіру (15 жылдан 20 жылға дейін бас бостандығынан айыру) бабы бойынша сотқа дейінгі тергеу басталды. Қылмыстық іске қатысы бар тағы бір балаға заңсыз қару алып жүрді деген айып тағылуы мүмкін. &nbsp;

«Ойыннан от шықты»: Жасөспірімнің өліміне қатысты ақпарат пайда болды  

<a href="https://kyzylorda-news.kz/">Kyzylorda-news.kz</a> Жалағаш ауданында соңғы жылдары кәсіпкерлік саласында серпін қалыптасқан. Биылдың өзінде шағын және орта кәсіпкерлік субъектілерінің саны 2863 бірлікті құраса, нақты жұмыс жасап тұрған кәсіпкерлік субъектілерінің саны 2726 бірлікке жетіп отыр.&nbsp;Жалағаш аудандық кәсіпкерлік және өнеркәсіп бөлімінің басшысы Жасұлан Дүйсекеев тұрғындардың кәсіп бастауға ынтасы жоғары екенін айтады.Жалағаш ауданы бойынша 2024 жылы негізгі капиталға тартылатын инвестиция көлемі 20 млрд. 400 млн. теңгеге орындалады деп жоспарланған. Сәуірге дейін 5 млрд. 429,4 млн. теңгені құрап, өткен жылдың тиісті кезеңімен салыстырғанда 111,1 пайызға орындалып отыр.2024 жылға 32 млрд. теңгеге өнеркәсіп өнімдерін өндіру жоспарланып, 2 айда өндіруші мекемелері мен кәсіпорындары және жеке секторлары арқылы 5 млрд. 775,0 млн. теңгені құрайтын өнеркәсіп өнімдері өндіріліп, 102,2 пайызды құрады. Оның ішінде, өңдеу өнеркәсібі бойынша 8 млрд. теңгеге өнім өңдеу жоспарланып, 1 сәуірге 2 млрд. 252,0 млн. теңгенінің өнімі өңдіріліп, 372,8 пайызды құрады. Сонымен қатар, бөлшек сауда айналымының көлемі 2024 жылғы 4 млрд. теңгеге жоспарланса, сәуірге дейін 774,8 млн. теңгені құрап, өткен жылдың тиісті кезеңімен салыстырғанда 101,4 пайызға орындалды.Мемлекеттік және өңірлік бағдарламалар аясында шағын және орта кәсіпті бастау немесе жұмыс істеп тұрған кәсібін әрі қарай дамыту бағытында аудан бойынша жыл басынан бері 21 жоба 557,7 млн. теңгеге қаржыландырылса, мемлекеттік және өңірлік бағдарламалар арқылы несие алуға бүгінгі күнге 60 адам өз өтінішін білдірген. Бұл жұмыстар жыл соңына дейін жүйелі түрде жүргізілетін болады.Осыған дейін «Аграрлы Несие Корпорациясы» АҚ-ның облыстық филиалының жеке қаражаты есебінен 18 жоба 547,7 млн. теңгеге, «Қызылорда» Өңірлік инвестциялық орталығы» микроқаржы ұйымы» ЖШС-нің «Микробизнес Қызылорда» бағдарламасы аясында 3 жоба 10,0 млн. теңгеге қаржыландырылды.Мемлекет басшысының тапсырмасына сәйкес 2023 жылы жеңілдетілген 2,5 пайыздық «Ауыл аманаты» жобасы аясында Жалағаш ауданы бойынша «Байқоңыр әлеуметтік-кәсіпкерлік корпорациясы» АҚ арқылы өндіріс, асыл тұқымды мал шаруашылығы, қызмет көрсету, өсімдік шаруашылығы бағытында 2023 жылы 179,7 млн. теңгені құрайтын 22 жоба қаржыландырылды. Атап айтар болсақ, өңдеу саласы бойынша 7 жоба 50,3 млн. теңге, өсімдік саласы бойынша 6 жоба 47,2 млн. теңгеге, техника сатып алуға 5 жоба 36,0 млн. теңгеге, асыл тұқымды мал шаруашылығы 3 жоба және басқа да салалар бойынша 1 жоба 7,6 млн теңгеге қаржыландырылған.&nbsp; Биыл аталған жобалар өз жемісін береді деп күтілуде. Қолдау тапқан жобалардың 11-і Жалағаш кентіне, біреуі Таң ауылына, біреуі Жаңаталап елді мекеніне, екі жоба Мақпалкөл ауылдық округіне, бір жоба Бұқарбай батыр ауылына, тағы бір жоба Еңбек ауылына, екі жоба Жаңадария ауылдық округіне, 2 жоба Аламесек елді мекеніне және бір жоба Аққыр ауылына тиесілі. Бұдан ауылдық елді мекендерде де кәсіпкерліктің қарқынды дамып жатқанын аңғару қиын емес. Әсіресе олардың қатарында шалғайдағы елді мекендер тұрғындарының да үлесі болғаны қуантады.Биылғы жылы да «Ауыл аманаты» жобасына түсіндірме жұмыстары кең көлемде тұрақты&nbsp; түрде жүргізілуде. Бұдан бөлек, 2023 жылы жыл көлемінде мемлекеттік бағдарламалар арқылы және жеке қаражаттары есебінен жалпы құны 1 млрд. 701 млн. теңгені құрайтын 16 жоба іске қосылып, 76 адам жұмыспен қамтылса, биылғы жылы жалпы құны 1 млрд. 220 млн. теңгені құрайтын 5 жоба іске қосылып, 46 жаңа жұмыс орны ашылады деп күтілуде. Олардың қатарында жеке кәсіпкер Ш.Серіковтың 1000 басқа арналған құс фермасы бар. Жоба құны 20,0 млн. теңгені құрайды. Кәсіпорын іске қосылса,&nbsp;3 адам тұрақты жұмыспен қамтылады. Жеке кәсіпкер Е.Кайповтың сауда орталығы да қаржылай қолдау тапқан. Жоба құны 100,0 млн. теңгені құрайды. Кәсіпорын іске қосылса, 5 адамды жұмыспен қамтуға мүмкіндік туады.Мұнан бөлек жеке кәсіпкер Д.Ержановтың «Күріш ақтау және жем өндіру зауыты» да мемлекеттен қолдау тапқан кәсіпорындар қатарында. Жоба құны 500,0 млн. теңгені құрайды. Күріш ақтау цехы іске қосылса, 20 адам тұрақты жұмыспен қамтымақ. Ал жеке кәсіпкер Н.Пірәлінің «асфальт-бетон өндіру зауыты» бұйыртса 15 адамды жұмыспен қамтымақ. Жоба құны 500,0 млн. теңгені құрайды. Сондай-ақ кәсіпкер Б.Ахметованың «Далида-2» сауда орталығының құрылысы да қарқынды жүруде. Жоба құны 100,0 млн. теңге. Орталық іске қосылса, қосымша бірнеше жұмыс көзі ашылмақ.Сонымен қатар, 2023 жылы өңдеу өнеркәсібіне бағытталған инвестициялық жобалар пулы аясында 1 млрд. 30 млн. теңгені құрайтын екі жоба іске асырылды. Оның бірі – «АВ-AGRO» ЖШС-нің құны&nbsp;500,0 млн. тенгені құрайтын тәулігіне 30 тонна&nbsp;күріш ақтау және жем өндіру зауыты. Жоба толықтай іске қосылып, алдағы уақытта тәулігіне 30 тонна ақ күріш шығарып, 5 тонна жем өндіретін болады. 5 адам жұмыспен қамтылды. Сондай-ақ «Бағдаулет-57» фермер қожалығының жалпы құны 530,0 млн. теңгені құрайтын «100 бас ірі қара малына арналған сүт фермасы».&nbsp;«Аграрлы несие корпарациясы» АҚ арқылы 364,0 млн. теңге несие қаражаты, жеке қаражат есебінен 166 млн. теңге қаралған. Чехия мемлекетінен 96 бас ірі қара малы әкелінді. Қазіргі таңда шет елден әкелінген сиырлары төлдеп жатыр, сауынға тұрғаннан кейін жоба толық іске қосылып, тәулігіне 3000 литр сүтті өңдеп, өнім шығаратын болады. 10 жаңа жұмыс орны ашылады.Мемлекет басшысының тапсырмасына сәйкес құрылған Бірыңғай Жалпыұлттық жобалар пулы, Өңдеу өнеркәсібіне бағытталған жобалар пулы, Бірыңғай индустрияландыру картасы аясында ағымдағы жылы Жалағаш ауданы бойынша жеке кәсіпкер Ержанов Дастанның жеке қаражаты есебінен құны &nbsp;500 млн. теңге болатын «Күріш ақтау және жем өндіру зауыты» жобасы жыл соңына дейін іске қосылып, жаңадан 20 адамды тұрақты жұмыспен қамтитын болады. Қазіргі таңда тиісті құжаттары заңға сәйкес рәсімделуде.&nbsp;Сонымен қатар «УНО-ПРОФ Строй» ЖШС-ның құны 500,0 млн. теңгені құрайтын «Асфальт-бетон өндіру зауыты»&nbsp;жобасын жүзеге асыру жоспарлануда. Жоба іске қосылған уақытта жаңадан 15 жаңа жұмыс орны құрылатын болады. Бүгінгі күнге аталған жобаны орналдастыру үшін Бұқарбай батыр ауылдық округінен 5,5 гектар берілді. Сондай-ақ қыш өндіру зауытымен балық өндіру жобаларын іске асырылады, қазіргі таңда барлық жоба жан-жақты зерттелуде.

Жалағашта кәсіпкерлік саласында серпін қалыптасқан

<a href="https://kyzylorda-news.kz/">Kyzylorda-news.kz</a> Жуырда Шиеліге қарасты Көкшоқы мөлтек ауданындағы №127 Ш.Уәлиханов атындағы мектеп-лицейінің мәжіліс залында Мемлекет басшысы Қасым-Жомарт Тоқаевтың Ұлттық құрылтайда айтқан «Адал адам – Адал еңбек – Адал табыс» атты мектептің тарих пәнінің мұғалімдері және жоғары сынып оқушыларымен кездесу өтті.Кездесуге Шиелі аудандық ақпараттық-түсіндіру тобының мүшелері – білім саласының ардагері, тіл жанашыры, "Қазақ тілі қоғамы" ҚБ Шиелі аудандық филиалының төрағасы, аудандық Ақсақалдар кеңесінің мүшесі Сағындық Сұлтан, Шиелі ауданының Құрметті азаматы, жеке кәсіпкер, аудандық Аналар кеңесінің төрайымы Патима Маханбет, облыстық "Кызылординские вести" газетінің Шиелі, Жаңақорған аудандары бойынша меншікті тілшісі, Қазақстан Жазушылар Одағының мүшесі Мақсұт Ибрашев, мектеп директоры Гүлшара Бердәліқызы, облыстық "Қоғамдық келісім" мекемесінің Шиелі аудандық этносаралық сарапшы Біржан Өтебаев, Шиелі аудандық қоғамдық даму бөлімінің әдіскері Гүлжанат Сейтова, мектеп директорының тәрбие ісі жөніндегі орынбасары, тарих пәнінің мұғалімдері және жоғары сынып оқушылары қатысты.Кездесуді Біржан Өтебаев модераторлық жасап ашып беріп, жүргізіп отырды. Кездесуге келген АТТ мүшелерімен таныстырып, мақсат-міндеттерін түсіндірді.Әрі қарай сөз топ мүшелеріне беріліп, аудандағы татулық пен бірлікті және ортақ құндылықтарды қалыптастыру, мемлекеттік тілдің дұрыс қолдануы және адамдардың тегінің қазақша жазылуы туралы, елдің ауызбіршілігі, жастарды кәсіпкерлікке баулу, дұрыс мамандық таңдау туралы тәлім-тәрбие беретін ақпараттар айтылды.Сонымен қатар, жиынға қатысып отырған болашақ түлектерге "Адал адам" дегенді қалай түсінесіз? Болашақта қандай мамандық иесі болғың келеді?" деген қонақтар тарапынан қойылған сауалдарға өз кезегінде оқушылар ойларын еркін жеткізіп, жан-жақты ойлайтындықтарын білдіріп жауаптар берді.Кездесу соңында мектеп директорының тәрбие ісі жөніндегі орынбасары Ғалия Оспанова сөз алып, айтылған тәрбиесі мол, мазмұнды ақпараттармен бөліскен ақпараттық-түсіндіру тобының мүшелеріне алғысын білдіріп, жұмыстарына сәттілік тіледі.

Шиеліде "Адал адам – адал еңбек – адал табыс" тақырыбында кездесу өтті

Фото: iz.ru<a href="https://kyzylorda-news.kz/">Kyzylorda-news.kz.</a> Ресей&nbsp;"Байқоңыр" ғарыш кешені мен қала аумағындағы 200-ден астам нысанды Қазақстанға босатып берді. Байқоңыр қаласының Ресей тағайындаған әкімшілігі "Ресейге қоныс аударушы ретінде қала әкімшілігінде есепте тұрған РФ азаматтарының және олардың отбасы мүшелерінің" 2024 жылғы бірыңғай тізімін түзді, деп хабарлайды <a href="https://inbusiness.kz/kz/news/resej-azamattary-bajkonyr-kalasynan-udere-koship-zhatyr?utm_medium=paid&amp;utm_source=fb&amp;utm_id=120209462549990063&amp;utm_content=120209875108580063&amp;utm_term=120209462550020063&amp;utm_campaign=120209462549990063&amp;fbclid=IwAR0XHt7yyYLwiZ6NNyYWnckytqjummOKb1Z2Bd-5PQgEhU5MfKCvY7hNx-M_aem_Ab0iTDNX3C4nknqhH1wO943OK5c132UWRDAmj0SA4EZg3xtVsU2Z0Bmy58cM12E1GhWHKD1ekLXnJW5rxIlasXKJ">Inbusiness.kz</a>.Бұл тізімге қоныс аудару кезегінде тұрған 315 отбасы кіріп отыр. Ескерте кететін жайт, бұл кезекке кірмеген отбасылар да бар. РФ Қорғаныс министрлігіне, ТЖМ-іне, ІІМ-іне жұмыс істейтіндер кезектен тыс көшіріледі. Нәтижесінде, 315 отбасыдан 789 нөмірден тұратын кезек құрылды.Бұл отбасылармен бірге Ресейге биыл жалпы саны 650-ден аса РФ азаматы көшіп кетпек.Кіргізеді екен, тек қала әкімшілігінің Азаматтарды қоныс аударту бөлімінің түсіндіруінше, РФ президентінің 2021 жылғы 24 қарашадағы №673 жарлығына сәйкес, РФ азаматтарының жекелеген санаттарына өз отанына оралса, әлеуметтік төлем төленеді ("социальные выплаты отдельным категориям граждан Российской федерации, подлежащих переселению с территории комплекса "Байконур", для приобретения жилых помещений на территории Российской Федерации).Ол төлемге отбасы не бойдақ адам Ресей территориясында тұрғын үй сатып ала алады.Бұл төлем Ресейге көшетіндердің бәріне бірдей берілмейді. Оны алатындар санатына "Байқоңыр" кешенінің аумағында, федералдық меморгандарында, кәсіподақта, зымыран-ғарыш өнеркәсібінде, РФ-тің ең кемі 50 пайыз үлесі бар ұйымдарда кем дегенде 10 жыл жұмыс не қызмет өтілі бар азаматтар жатады. &nbsp;Сондай-ақ ұйымның жойылуына немесе денсаулық жағдайына байланысты кем дегенде 5 жыл ғана еңбек еткен, қызмет бабында, міндеттемелерін орындау барысында мүгедек болған, кәсіби дертке душар болған азаматтары ілігеді.Олардың бәріне РФ үкіметі Ресейде баспана алуға қажетті әлеуметтік төлем төлеу туралы сертификат табыстайды.Төлем сомасы Ресейде қалыптасқан, тегін әлеуметтік төлемдер мөлшерін есептеу үшін пайдаланылатын 1 шаршы метрдің нормативтік құнына байланысты болады.Ол сома келесі санға көбейтіледі:<ul style="list-style-type:none;"><li>жалғызбасты адамдарға – 33 шаршы метр,</li><li>екі адамнан тұратын шағын отбасыға – 42 шаршы метр,</li><li>мүшелерінің саны 3 және одан көп адамды құрайтын отбасылардың әрбір мүшесіне – 18 шаршы метрден.</li></ul>Биыл кезектегілерге сертификат 6 мамырға дейін табысталыпты. Оған кіре алмағандарға не өз қаражатына баспана алып, көшуге, немесе келесі кезекті күтуге тура келеді. &nbsp;Айтқандай, Байқоңыр қаласының әкімшілігі 2025 жылы Ресейге қоныс аударатындардың да кезегін қалыптастыруға кірісіп кетті. Ол тізім бұдан да ұзын болатын түрі бар. Қазірдің өзінде 2025 жылдың кезегіне 689 ресейлік отбасы кірді.Осыдан-ақ алдағы екі жылда "Байқоңыр" жақта қаншама тұрғын үйдің босап қалатынын аңғаруға болады.<blockquote>"Байқоңыр қаласы Ресей федерациясының федералдық маңыздағы қаласына сәйкес келетін мәртебеге ие. Онда азаматтардың тұруының, объектілердің, кәсіпорындар мен ұйымдардың қауіпсіз қызмет етуінің ерекше режимі енгізілген. Байқоңыр қаласында 76,5 мыңнан астам адам тіркелген. Бұлар – РФ, Қазақстан және өзге мемлекеттердің азаматтары", – деп жалпылама жазылған қала әкімшілігінің ресми интернет ресурсында.</blockquote>Дегенмен, 2021 жылғы санақ барысында байқоңырлықтардың 70 пайыздан астамы Қазақстан азаматтары екені анықталды. Қазіргі кезде үлесі одан да жоғары болуы мүмкін. Қалада қанша ресейлік қалғанын әкімшіліктегілер ашып айтпайды. Құпия көрінеді. Өйткені көбісі не әскерилер, не солардың отбасы мүшелері, немесе құпия нысандарға қызмет ететіндер.Уикипедия ашық энциклопедиясында Байқоңыр тұрғындарының 91,74%-ы – қазақтар, 5,63%-ы – орыстар екені айтылған. Мысалы, келесі жылы Ресейге қоныс аударуға әлеуметтік төлем мен сертификат сұрап, кезекке тұрғандар арасында Байтілесов, Ақмырзаева, Аманбаева, Ақсауытова, Жанжігітова, Қалмырзаев, Ільясова, Қайыпназарова, Сатыбалдиев, Алдажарова, Бекмағамбетова және басқа да отағасылар мен отанасыларға толып тұр.Ресейге аттануға әзірленіп жатқандардың биылғы тізімінде де Өркенбаев, Тоқшылықова, Тәжібаев, Дауылбаева, Естілеуов, Шаңғытпаев, Досымова, Арынова сияқты қазақы фамилиялар өріп жүр.Үкімет Ресейдің Байқоңыр қаласы мен ғарыш айлағы аумағындағы нысандарды қарқынды түрде босатып, "Қазақстанға арендасы төленетін объектілер" қатарынан шығарып тастап жатқанын растады. Мүжіліп, бұзылып, қараусыз қирамауы үшін Қазақстан оларға ие тауып беруге, шағын және орта бизнесті дамытуға тырысады.Бұл туралы Үкімет басшысы Олжас Бектенов Сенатқа жолдаған жауап хатында баяндады.<blockquote>"Салаға инвестициялар тарту үшін инвесторлардың "Байқоңыр" кешенінің объектілеріне баруы ұйымдастырылатын болады. 2022 жылғы 2 желтоқсандағы "Байқоңыр" кешені бойынша үкіметаралық комиссияның 8-ші отырысының хаттамасын орындау шеңберінде Ресей тарапы жалға алған нысандар құрамынан шығаруға ұсынылатын 234 объектінің жаңа тізбесін ұсынды. Олардың базасында 300-ге жуық жаңа жұмыс орнын құра отырып, өндірістерді ұйымдастыру жоспарлануда", – деді О.Бектенов.</blockquote>Әзірге арендадан босатылған объектілерде музей жасау ғана қалып тұр.<blockquote>"Туризмді дамыту мақсатында 2023 жылғы қыркүйекте "Байқоңыр" кешені бойынша үкіметаралық комиссияның 9-шы отырысында берілген тапсырмаларды іске асыру үшін тараптар оның базасында ғарыш техникасының үлгілері мен макеттерін орналастыра отырып, музей кешенін құруға кірісті. Осы мақсатта "Гагарин старты" 1-ші және 2-ші алаңын одан әрі пайдалану жөнінде ұсыныстар әзірленеді. "Зенит-М" ғарыштық зымыран кешені нысандарының туристік тартымдылығын жақсарту үшін тур бағдарламасы әзірленді. Зымыран қозғалтқыштары, "Союз-5" зымыранының макеті орнатылды, киіз үй қойылып, "Этноауыл" экспозициясы және басқасы жасалды", – деді Олжас Бектенов.</blockquote>Байқоңырдағы туризмнің тізгіні – толығымен Ресей қолында. Мәскеу "Байқоңыр" ғарыш айлағындағы ғарыштық туризмнің операторы ретінде ресейлік "Вежитель" компаниясын бекітті. Қазақ жеріндегі космодромнан зымырандардың ұшырылуын тамашалағысы келетін, Байқоңырды аралағысы туристер содан туржолдама пакеттерін сатып алуға мәжбүр.Қазақстан Премьерінің айтуынша, қала жанынан әуежай ашу мәселесі пысықталуда. Бұл ретте "Байқоңыр" кешенінің "Крайний" авиаайлағының кеңістігін пайдалану және кешенде тұрақты әуе қатынасын жолға қою мақсатында Қазақстан мен Ресей үкіметтері арасында Келісімнің жобасы әзірленді. Құжат екі елдің мемлекеттік органдары мен аккредиттелген ұйымдарының келісімінен өтуде.Бектенов тың бір жаңалығын жеткізді. Ұзақ жыл жыр болып, жүзеге аса алмай жатқан отандық спутниктерді жасау кешені ақыры ұлттық компаниядан алып қойылып, мемлекет қарауына қайтарылмақ.<blockquote>"Ғарыш аппараттарын құрастыру-сынау кешенін ұстап тұру жөніндегі жұмыстарды қаржыландыру үшін оны "Қазақстан Ғарыш Сапары" ҰК" АҚ-ынан мемлекет балансына қабылдау шаралары қабылдануда. Үкімет қаулысының тиісті жобасы әзірленді. Құжат мүдделі мемлекеттік органдармен келісілуде", – деді Олжас Бектенов.</blockquote>Бірақ ғарыштық ұлттық компания мемлекеттің қолдауынсыз қалмайды.Бүгінде "Қазақстан Ғарыш Сапарына" мемлекеттік тапсырма орналастырылған: ол отандық "KazEOSat-MR" орта ажыратымдағы Жерді қашықтан зондтау жерсерігін құрастыруға тиіс. Жоба операторы – "Ghalam" ЖШС, оған қажетті салық жеңілдіктері берілді, "Астана – жаңа қала" арнайы экономикалық аймаққа енгізілді.Сондай-ақ "Қазақстан Ғарыш Сапарында" "KazEOSat-NR" жоғары ажыратымдағы Жерді қашықтан зондтау ғарыш жүйесін және "KazSat-3R" ғарыштық байланыс жүйесін құруға тапсырыс орналастыру жоспарлануда.Биыл "KazSat-3" байланыс және хабар тарату спутнигін жоспарлы ауыстыру бойынша жобалау алдындағы жұмыстар басталды. Қазіргі уақытта Түркия, Италия, АҚШ сияқты түрлі шетелдік өндірушілер ұсынған заманауи технологиялық шешімдеріне талдау жүргізіліп жатыр.Ал, "Байқоңыр" ғарыш айлағының ұшыру алаңдарын жаңғырту мақсатында кеңестік "Зенит-М" ғарыш зымыран кешенінің объектілерін модернизациялауды көздейтін "Бәйтерек" ғарыш айлағы жобасы іске асырылуда.Үкімет басшысының айтуынша, Қазақстан мен Ресей арасындағы қол жеткізілген уағдаластық аясында "Бәйтерек" зымыран кешенінен "Зенит" зымырантасығыштарын алғашқы ұшыру 2025 жылға жоспарланған. Қазіргі уақытта тиісті үкіметаралық келісімге өзгерістер енгізу бойынша жұмыс жүргізілуде.Бірақ кейінге шегерілуі де ғажап емес.Фото: iz.ru

Ресей азаматтары Байқоңыр қаласынан үдере көшіп жатыр

<a href="https://kyzylorda-news.kz/">Kyzylorda-news.kz</a> Арал ауданы тұрғындарына мәлім, бұл 10 жылға жуық күрделеніп келген мәселе болды. Оған да бүгін нүкте қойылғандай.Барлығымызғы белгілі Арал ауданы Аманөткел ауылдық округіне қарасты Ақшатау елді мекеніндегі білім ұясының көнеруі осындағы шағын жұртты жайсыздандырған еді. Көптен бері мәселе болып келгені рас. Оған дәлел - бүгін ғана жаңа мектептің іргетасының қалануы.&nbsp;Арал ауданы әкімі Аманжол Оңғарбаев 60 орындық білім ордасының кірпіш қалау рәсіміне арнайы барып, ақшатаулықтардың қуанышына ортақтасты.&nbsp;Өз лебізін білдірді.<blockquote>-Мемлекет басшысы Қасым-Жомарт Кемелұлы «Өскелең ұрпақтың үйлесімді дамуы мен бақытты балалық шағы – біздің жалпыұлттық міндетіміз» деп, балаларға терең әрі тағылымды тәрбие беру қажет екенін атап өтті. Өздеріңіз жақсы білесіздер, Президентіміздің және Үкімет деңгейіндегі жан-жақты қолдаудың нәтижесінде аймағымызда тың жобалар жүзеге асуда. Бүгін, міне, жарасымды істің жалғасы ретінде облыс әкімі Нұрлыбек Нәлібаевтың тікелей қолдауымен Ақшатауда жаңа оқу орнының іргетасы қалануда. Бұл нысан ауылдағы барша жеткіншектердің сапалы білім алуына толықтай мүмкіндік береді, – деді Аманжол Сақыпұлы.</blockquote>Құрылыс басында ел азаматтарымен бірге ауыл ардагері Ш. Жұбатханов бата берді.Айта кетейік, ел Президентінің 2025 жылға дейін 3 ауысымдық және апаттық жағдайдағы мектептерді жою жөніндегі тапсырмасына сәйкес, Арал ауданында 2023-2025 жылдар аралығында 10 мектеп құрылысын салу жоспарланған. Оның 4-еуі «Жайлы мектеп» бағдарламасымен жүзеге асуда. Аталған жобада Арал қаласы және Сексеуіл кентінен салынып жатқан білім ұялары биылғы оқу жылында ел игілігіне табысталады. Ал келесі оқу жылында тағы 2 мектепті жаңа №5 мөлтек ауданында және Жақсықылыш кентінде пайдаланылуға беру жоспарланған.

Арал ауданында жаңа білім ордасы бой көтермек

<a href="https://kyzylorda-news.kz/">Kyzylorda-news.kz.</a> Тергеу полиция департаменті бастығының ерекше бақылауында. 2024 жылдың 14 мамырында Ақтөбе қаласындағы емдеу мекемесіне облыс тұрғыны үш жасар баланы жыныстық зорлық-зомбылық іздерінің бар-жоғына тексеру жүргізу туралы өтініш білдірді, деп хабарлайды&nbsp;<a href="https://sn.kz/sn-akparat-agyny/112598-ush-zhasar-kyzdyn-zorlanuy-aktobe-oblysy-pd-saraptama-korytyndysyn-zhariialady">Skifnews.kz&nbsp;</a>ақпарат порталы.<blockquote>"Осы өтініш бойынша жедел-тергеу тобының оқиға орнына дереу шығуы қамтамасыз етілді. Қылмыстық іс тіркеліп, оның шеңберінде қажетті сараптамалар тағайындалып, жүргізілді. Сот-медициналық сарапшының алдын ала мәліметтері бойынша, жас баланың жыныс органдарының аймағында дене жарақаттары жоқ. Сонымен қатар, қылмыстық іс полиция департаментінің Тергеу басқармасының өндірісіне қабылданды".&nbsp;Ақтөбе облысы ПД баспасөз қызметі</blockquote>Оқиғаның барлық мән-жайлары мұқият тексерілуде.<blockquote>"Барлық тергеу шаралары процессуалдық прокурордың қатысуымен жүргізіледі", делінген ресми хабарламада.</blockquote>Тергеу полиция департаменті бастығының ерекше бақылауында.Фото: ҚР ІІМ

Үш жасар қыз зорланды: Ақтөбе облысы ПД сараптама қорытындысын жариялады

<a href="https://kyzylorda-news.kz/">Kyzylorda-news.kz</a> Былтыр шілдеде Жалағаш аудандық жұмыспен қамту және әлеуметтік бағдарламалар бөлімінің «Жалағаш аудандық отбасын қолдау орталығы» коммуналдық мемлекеттік мекемесі құрылған болатын. Онда бүгінде 16 адам жұмыс жасайды.&nbsp;&nbsp;&nbsp;&nbsp;&nbsp;&nbsp;&nbsp;&nbsp; Орталықтың негізгі функциясына келсек, жағдайы төмен отбасыларды толық сүймелдеу, қиын жағдайдан шығару және қажет болған жағдайда әйелдерге уақытша тұру үшін орын беру. Бір сөзбен айтқанда, аудан көлемінде отбасыларға қолдау және көмек көрсетуге бағытталған қызметті жүзеге асырады. Осыған дейін орталық мамандарына аудан тұрғындары қандай сұрақтармен келді? Оның шешіміне қандай жұмыстар жасалды? Осы және басқа да бірқатар сауалымызға жауап алу үшін орталық директоры Ғалым Жанашевпен сұхбаттасқан едік...&nbsp;– Ғалым Ерболұлы, қазір орталық мамандарына өздерін толғандырған сауалдармен келіп жатқан тұрғындар бар ма? Алдымен әңгімемізді осы сауалдың жауабымен бастасақ...&nbsp;– Біз негізінен өмірлік қиын жағдайға тап болған азаматтардың жекелеген санаттарына психологиялық қолдау, кеңес беру бойынша қызметтер көрсетеміз.&nbsp;Өз құзыреті шегінде тұрмыстық зорлық-зомбылықтың алдын алу жөніндегі жұмыстарды ұйымдастырамыз. Бізге түрлі сауалмен келіп жатқандар жоқ емес. Барлығына орталық мамандары сапалы қызмет етуде.&nbsp;– Жалпы ауданда қанша отбасы бар? Олардың әлеуметтік жағдайына сараптама жасайсыздар ма? Жағдайы төмен отбасылар қандай мемлекеттік шаралар арқылы қолдауға ие болуда?&nbsp;–&nbsp;Жалағаш ауданы бойынша 7075 отбасында 36063 халық есепте тұрады. Экономикалық белсенді халық саны – 14646 адам. Жұмыссыздар – &nbsp;750, оның ішінде тіркелгендер – 1859, мүгедектігі бар адамдар – 972. Жалпы жұмыссыздық деңгейі 5,1 пайызды құрайды.&nbsp;Аудан бойынша атаулы әлеуметтік көмек алатындар да жоқ емес.&nbsp; 2023 жылы 224 отбасының 1313 мүшесіне атаулы әлеуметтік көмек тағайындалып,&nbsp; 69214,6 мың теңге қаржы жұмасалған.&nbsp;Тұрғын үйге мұқтаж азаматтардың саны 565 құрайды. Оның ішінде жетім балалар, ата-анасының қамқорлығынсыз қалған балар – 90, «Алтын алқа», «Күміс алқа» алқаларымен наградталған немесе бұрын «Батыр ана» атағын алған, сондай-ақ&nbsp; 1 және 2 дәрежелі «Ана даңқы» ордендерімен наградталған көпбалалы аналар – 185, халықтың әлеуметтік әлсіз топтарына 206, мемлекеттік қызметкерлерге, бюджеттік ұйым қызыметкерлерге 77, жалғыз баспанасы апатты жағдайда деп танылған азаматтар 7 отбасын құрайды. Жер учаскесіне есепте тұрған азаматтардың саны 2023 жылдың 31 желтоқсанына дейінгі мәлімет бойынша&nbsp; 2902-ге жетті.&nbsp;– Орталық құрылғалы қандай жұмыстар атқарылды?&nbsp;–&nbsp;2023 жылдың 5 айында және ағымдағы жылдың 22 наурызына дейін орталық қызметкерлерімен&nbsp;бірқатар іс-шаралар атқарылды. Тарқатып айтсақ,&nbsp;жастар арасында құқықтық сауаттылықты арттыру мақсатында үкіметтік емес ұйымдар, денсаулық сақтау, білім беру ұйымдарымен&nbsp; бірлесіп, мектептер мен оқу орындарда (45) кездесулер ұйымдастырылды.&nbsp;Отбасы құндылығын айқындайтын «Зорлық-зомбылыққа жол жоқ» тақырыбында билбордтар орнатылды.&nbsp;Зорлық-зомбылықтың алдын алу бағытында аудан әкімдігімен ішкі істер органдарымен бірлесіп бейнероликтер мен хабарламалар дайындалып, телеарна мен әлеуметтік желіде (17) мақала жарияланды.Әйелдерге қатысты тұрмыстық зорлық-зомбылықтың алдын алу жұмыстары аясында Жалағаш АПб ЖПҚб ӘЗЗҚт инспекторымен Отбасы-тұрмыстық қарым-қатынастар аясындағы әйелдерге және балаларға жасалынатын зорлық-зомбылық мәселесiн зерттеу мақсатында Жалағаш ауданының отбасын қолдау орталығының психологымен бірлесіп, халық көп шоғырланатын орындарда 15 рет жаднамалар таратылып, түсіндірме жұмыстары жүргізілді. Профилактикалық шара кезінде тұрғындарға заң тұрғысынан толыққанды түсіндіріп, қандай да бір кұқық бұзушылық дерегі орын алған жағдайда полицияға хабар беру ескертілді.&nbsp;– Ауданда мұндай қолдауға мұқтаж балалар бар ма?&nbsp;– Бүгінгі күні аудан бойынша 20 мектепте оқитын 7063 оқушының 10-ы қолайсыз отбасында тәрбиеленуде. Мектепішілік және есебінде 27, жетім және ата-ана қамқорлығынсыз қалған 43, аз қамтамасыз етілген отбасында 2073 (29%), көпбалалы отбасында 2043 бала тәрбиеленуде. Толық емес отбасының ішінде ата-анасының бірі қайтыс болғаны – 312, ажырасқан – 437, Толық емес отбасының ішінде әлеуметтік қолдауды қажет ететін – 214 оқушы бар.Жоғарыдағы оқушылардың Отбасы-тұрмыстық қарым-қатынастар мен Зорлық зомбылықтың алдын алу бойынша мектеп оқушыларымен орталық мамандары арнайы дәрістер мен семинар кеңестер өткізілді, онда 1650 оқушы қамтылды. Бұл бағытта тұрақты түрде жұмыстар жүргізілетін болады. «Отбасын қолдау» орталығының мамандарымен кент ішіндегі тұрмысы төмен отбасыларына зерттеу жұмыстары жүргізіліп, әлеуметтік карталары жасалды.&nbsp;– Жаңа тұрмысы төмен отбасыларға зерделеу жұмыстарын жүргіздік дедіңіз. Оларды анықтағаннан кейін қандай қолдау көрсетілуде?&nbsp;– «Отбасын қолдау» орталығының мамандары көмек сұрап келген өмірлік қиын жағдайда қалған 76 кент тұрғындарына қайырылымдық іс шаралары және Жалағаш ауданы бойынша ұйымдармен кәсіпкерлер және шаруа қожалықтарының&nbsp; демеушігі есебінен 2000 балаға оқу құралдарымен киім-кешек алып беру жұмыстары ұйымдастырылды.&nbsp;«1 қазан – Халықаралық қарттар күніне» және Наурыз мерекесіне орай&nbsp; «Ардагерлер – алтын қазық» атты қайырымдылық акциясы ұйымдастырылды. Орталық мамандары жалғыз басты және көпбалалы 21 қарт отбасылардың үйіне барып, мерекелерімен құттықтап, ауласына тазалық жұмыстарын жүргізілді.Орталық қызметкерлерінің ұйымдастыруымен және аудандық АХАТ бөлімінің қызметкерлерімен бірлесіп, аудандық перзентханада босанған аналарды салтанатты түрде шығару және шаңырақ көтерген жас жұбайларға неке куәліктерімен сыйлықтар&nbsp; беру жұмыстары жүргізілді. Тұрмысы төмен 56 отбасына «Азаматтарға арналған үкімет» Жалағаш аудандық филиалында құжат рәсімдеуге және мемлекеттік қызмет алу бойынша түсіндірме жұмыстары жүргізілді.«Зорлық-зомбылыққа қарсы 16 күн белсенділік» Республикалық акция барысында әйелдерге қатысты зорлық-зомбылықты жою үшін кент ішіндегі 4 мектепке барып, орталық қызыметкерлерінің ұйымдастыруымен «Ана – отбасы тірегі» және «Әйелдерді қорғау – парызымыз» тақырыбында дөңгелек үстел, семинар-тренингтер өткізілді. Орталық психологымен 31 тұрмысы төмен отбасындағы мүмкіндігі шектеулі балаларға психологиялық тест, тренингтер өткізіліп, жаңа жыл қарсаңында сыйлықтар табысталды.&nbsp;– Сұхбатыңызға рахмет!

Жалағашта отбасын қолдау шараларында оң нәтиже бар

– Қайырлы күн, Құттықыз ханым! Келе жатқан мерейлі мерекелеріңіз құтты болсын! Қайбір жылы шежірелі өлкеміз Шиеліде өлкетану музейінің болмауынан руханиятымыз ақсап тұратын-ды. Шүкір, қазіргі таңда сол ойықтың орны толып, жұрттар жиі бас сұғатын, тарихтан түрлі мәлімет алатын, құнды мекенге айналып үлгерді. Алдымен әңгімемізді сіз басшылық етіп отырған тарихи орынның өткені мен бүгінінен бастасақ…– «Музей» дегеніміз грек тілінде – «museion» муза сарайы, яғни, тарихи-ғылыми дерек ретінде ескерткіштерді, өнер туындыларын, мәдени құндылықтарды т.б. мұраларды сақтап, жинақтап, ғылыми-танымдық қызмет атқаратын мекеме.Бүгінгі жаһандану заманында еліміздің тарихы мен айбарын халыққа танытып, тәуелсіздігімізді тұғырлы ету жолындағы жоспарлар мен істерді ел ішіне жеткізу маңызды да жауапты міндеттің бірі болып отыр. Осы орайда, халқымыздың ғасырлардан тамыр тартатын өткенін, яғни, тарихын халық арасына, кейінгі ұрпаққа таратуда музейлердің маңызы зор.Музей – ғылыми, мәдени-тарихи орталық. Музейлер – бірнеше дәуірдің тарихын, этнографиясын, тарихи тұлғаларын, өнерін жинақы түрде ұрпақтан ұрпаққа жалғап отыратын институт. Сонымен қатар ол жинақталған мұраны ғылыми түрде зерттеп, зерделеп, халықтың тарихын, мәдениетін, салт-дәстүрін танытып отырады.Шиелі – мақтауға да мақтануға тұратын, жерінің байлығы құт-қамбамызға ырыс болып төгілген, елінің иманы ар-ұят болып өрілген қымбатты да қасиетті мекен. Оның киелі топырағында күллі түркі әлемінің көрнекті қайраткері Мұстафа Шоқай, дән атасы – Ыбырай Жақаев, ән атасы – Нартай Бекежанов, ғұлама ғалым бастаған алыптардың ізі сайрап жатыр.&nbsp;Ал біз үшін, бір ғана Шиелі ауданында үш музей болу үлкен жетістік, басқа ауданда өлкетану музейі болғанымен, мемориалдық музейлер кемде-кем. Сондықтан да, ән атасы – Нартай, дән атасы – Ыбырай деп атап жүрген аталарымыз Шиелінің даңқын көкке көтеріп келеді.– Шежіреге құндақталған Шиелі – тарихқа бай аудандардың санатында. Осы тұста музейдегі құнды жәдігерлердің бірсыпырасын атап өтсеңіз?– Музейде қазіргі таңда 10 886 дана экспонат бар. Оның 7055 негізгі, 3831 қосымша. Бұл – үлкен байлық. Бірақ айта кететін жайт, 1982 жылы музей алғаш рет ашылғанда тек қана құжаттар, суреттер, ордень, медальдар жинақтаған. Сондықтан, музейде құжат мен сурет қордың негізін құрайды. Ағылшындар «Қандай істің де табысты болуы – керекті жеріне керекті адамның келуінен» деп айтады екен. Сол айтқандай қай деңгейдегі музей, не басқа да мәдениет ошақтарының гүлденуі, жақсы жұмыс істеуі жергілікті басшылардың көзқарасы мен қамқорлығына көп байланысты. Негізі қай жерде де жақсы музей болуы үшін материалдық жағынан басқа үш фактор қажет. Олар музейдің қоры – бар жиған-тергені, екіншісі – жасақталған ғылыми экспозицияны көрсете білу, үшіншісі – жан-жақты білімді, өз ісіне адал, жан-тәнімен берілген қызметкерлерді топтастыру. «Бар жаңалық негізгі – ұмыт болған көнеде» дейді халық даналығы. Музей мен тарих етене тығыз байланыста. Тарихтың тірі куәлары – көнеден қалған қорымдар, құлпытастар, зергерлік және тағы басқа бұйымдардың уақыт өткен сайын мүжіліп, тозып, жоғалып бара жатқандығын, көнекөз қариялардың да мәңгілік өмір сүрмейтінін ескерген жөн.&nbsp;Көненің көзіндей, тарихтың өзіндей болған жәдігерлерді жинақтап, жүйелеу, оларды келешекке сақтап жеткізу, өзге жұртқа барымызды көрсетіп насихаттау – абыройлы міндеттің бірі. Қазіргі таңда қоғамда мұражай ісіне, мұражай құндылықтарына деген талап пен қызығушылық артып келеді. Отандық мұражай қызметіне, ондағы тарихи-мәдени мұраларға деген сұраныс халықаралық деңгейге дейін көтерілді. Қоғамда мұражайдың тек әлеуметтік емес, тарихи-мәдени мұраларды сақтайтын мәдени-ғылыми институт, ғылыми ақпараттар жүйесінің орталығы ретінде маңыздылығы артты, музей ісіне деген қоғамның қызығушылығы да өсіп келеді.Кетпенімен еңбек гимнін жазған диқан Ы.Жақаевтың көркем бейнесін жасау – ол ұрпақ міндеті. Білімі жоқ, білек күші бар, оқығаны болмаса да тоқығанымен, қажырлы еңбегімен әлемді таң қалдырған Ы.Жақаев жайында қарымды қаламгерлеріміз талай туындыны дүниеге әкелді. Бүгінгі күнге дейін Мәскеу мен Алматының, сонау Германиядағы неміс драматургі Бертольд Брехт те туындыларында Жақаев ерлігін арқау еткен. Өзінің «Менің бақытым», «Өмір жолдары» кітабы да диқан бейнесін толық ашатындай көркем дүниелер.Ыбекеңнің еңбек үрдісіне сай облысымызда «Жақаевшылар қозғалысы» кеңінен өрістеді. 1964 жылы «Жас ұрпаққа сәлем хатын» жолдағаннан кейін жастар арасында жақаевшылар қозғалысына биыл 60 жыл толып отыр.&nbsp;Жақаевшылар қозғалысының 60 жылдығына байланысты шараларды қазан айында өткізу жоспарланып отыр.&nbsp;Даңқты диқан атында күріштен мол өнім алған егіншілерге берілетін «Ы.Жақаевтың еңбек аттестаты» белгіленіп, аудан орталығынан атақты күрішші есімін иеленген республикалық мектеп ашылып, онда егіншілер теориялық білімдерін бай тәжірибемен толықтырып отырды. Қазір ауданымызда өзі құрған «Қызылту» колхозы мен бір орта мектеп және орталық көше, Ы.Жақаев есімімен атанды. 1982 жылдан бері Ыбекеңнің атындағы күріш өсіру тарихы музейі жұмыс істеп келеді. Қазіргі таңда Ы.Жақаев ауылында атамызға ескерткіш орнатылған. Атамыз жайлы қаншама ақындарымыз өлең жырларын арнап, кітаптар жазылды.– Мұнан өзге музей қонақтарын селт еткізетін экспонаттарды сөйлетсеңіз…– Музейге келгендер қайың сапты үлкен диоганалды кетпенді көргенде «Мына кетпенді қария қалай көтерген?» деп таң қалады. Ең құнды экспонаттары – кетпені, байтесесі, қазақы орағы, ағаш-темір соқалары, аяқ көрік пен қол көрік халықты таң қалдырады. Астана қаласындағы Ұлттық музейінен «Алтын адам» реконструкциясын 2016 жылы осы Жақаев музейіне алып келіп, аудан халқы, қонақтары, аудан көлеміндегі мектеп оқушылары тамашалады. Бұл ауданның жетістігі, Ы.Жақаев атамыздың құдіретті еңбегі.– Ерекшелігі сол, тарихқа тұнған музейдің табалдырығын аттай қалсақ, жайқалған гүлдер мен жасыл желек көздің жауын алады. Ерекше әсер сыйлайды. Біз мұны мұражай қызметкерлері экспонаттармен жұмыс істеп қоймай, ғимарат айналасына да жіті мән береді деп топшыладық.– Иә, гүл менің екінші демім десем де болады. Гүлсіз өмір мәз емес, мәнді де болмайды. Сондықтан да көркейту- көгалдандыру жұмысына етене көңіл бөлемін. Музей ауласының көз тартар келбетіне сүйсінгені соншалық, аудан тұрғындары арнайы келіп суретке түсіп кетіп жатады.– Күні бүгінге дейін сіздердің ұйымдастыруларыңызбен нендей іс-шаралар өтті? Жаңашылдықтарға да аз-кем аялдасақ…– Даталық мерекелік іс-шарадан басқа бізде жобамыз да бар. «Музейдегі сұхбат», «Кеше, бүгін, ертең», үш тілдегі экскурсияны мектеп оқушыларына «Мирас» клубы арқылы жәдігерлеріміз жоспарлы түрде жүргізіледі. Музей – өлкемнің тарихы, халқымның қазынасы, ел-жұрттың тағдыры, менің де тағдырым. Осының бәрі келешек ұрпаққа аманат.– Ы.Жақаев атындағы күріш өсіру тарихы музейі жылдағы дәстүрден жаңылмай «Халықаралық музей күнін» өз деңгейінде атап өтетінін білеміз. Ал биыл аталған мерекеге қандай жоспар бар?– 18 мамыр – Халықаралық музейлер күні. Қазақстанда музейлер күні 1977 жылдан бастап тойланып келеді. Қазір 47 жылдық тарихы бар бұл мереке Ы.Жақаев ауылындағы Ыбырай Жақаев атындағы күріш өсіру тарихы музейінің ауласында өтеді. Қараша үй құрылып, Социалистік Еңбек Ерлері Ыбырай Жақаев, Закира Ержанова, Ұлбала Алтайбаева, Шырынкүл Қазанбаева, Жадыра Таспамбетова, Айша Меңлібаева ата-апаларымызды сомдап, музей қорындағы атамыз ұстап тұтынған заттардан көрме қойылса, әжелеріміз ұлттық салт-дәстүр бойынша, күбі пісіп, ұршық иіріп, яғни музейдегі тұрған экспонаттарға жан бітіріп, жәдігерлерді қозғалысқа ендіреді. Мақсатымыз: ата-бабаларымыздың қолданған тұрмыстық заттарын келешек&nbsp; ұрпақтан ұрпаққа сақтау, дәріптеу, насихаттау, оны халыққа жеткізу.Ы.Жақаев атындағы күріш өсіру тарихы музейінде «Халықаралық музейлер» күніне байланысты Ашық есік күні өткізіледі. Ауданның барша халқын музейге келіп, тамашалауға шақырамыз.– Әдемі әңгімеңізге рақмет!&nbsp;СұхбаттасқанТаслима ӘЛІШЕР

Шиелі: Жақаевшылар қозғалысына 60 жыл!

<a href="https://kyzylorda-news.kz/">Kyzylorda-news.kz.</a>&nbsp;&nbsp; «AMANAT» партиясы ауыл халқының еңбек табысын арттыру мақсатында Үкіметпен бірлесіп «Ауыл аманаты» жобасын іске қосқан болатын. Бастапқыда пилоттық жоба ретінде қолға алынған жоба бүгінде ел көлімінде жүзеге асып келді. Халықтың жартысынан астамы ауылдық жерде тұратын Сыр өңірі үшін бұл жобаның маңызы зор.Бүгін партияның облыстық филиалы алаңында арнайы брифинг ұйымдастырылып, БАҚ өкілдеріне «Ауыл аманаты» жобасының өңірде жүзеге асуы мәселелері баяндалды.Брифингке партияның облыстық филиалының Атқарушы хатшысы Ләйлә Төрешова, облыстық ауыл шаруашылығы және жер қатынастары басқармасы басшысының орынбасары Ғалым Баимбетов және «Байқоңыр» әлеуметтік-кәсіпкерлік корпорациясы» акционерлік қоғамының басқарушы директоры Мадали Алишерұлы қатысты.Атап өтейік, «Ауыл аманаты»партиялық жобасын жүзеге асыру үшін өткен жылы Сыр өңіріне 3,0 млрд.теңге қаржы бөлініп, бағдарламада қарастырылған негізгі 5 бағыт бойынша 406 жоба қаржыландырылған.Яғни, 33 кооператив пен 373 жеке кәсіпкерге 2,5 пайызбен несие берілген. Биыл облысқа 4 млрд. 600 млн теңге қаржы бөлініп, 575 жобаны қаржыландыру мен 610 жаңа жұмыс орнын ашу көзделуде. Қазіргі таңда комиссия жұмысы басталып, негізгі оператор ретінде «Байқоңыр» ӘКК АҚ-ның облыстық филиалы анықталған.Брифинг барысында партияның облыстық филиалының Атқарушы хатшысы Ләйлә Төрешова жобаның маңыздылығын атап өтіп, осы бағытта партия тарапынан атқарылған жұмыстарды атап өтті.««AMANAT» партиясы жобаны іске асыруға үлкен дайындықпен келді. Яғни, алдыңғы жылы жоба шеңберінде барлық ауылдық округтерге скрининг жүргізілді. Аймақтағы 146 ауылдық округтердің әкімдеріне партияның Саяси менеджмент академиясымен 3 күндік оқу семинар ұйымдастырылды. Бұл өз кезегінде жергілікті әкім аппараттарының кәсіби даярлығын арттыруға, ауылдың мамандануы мен әлеуетін анықтап, жеке кәсіпкерлер мен ауыл шаруашылығы кооперативтердің ұйымдастырылуына ықпал етті. Партияның барлық аудандық, қалалық филиалдары жанынан «Ауыл Аманаты» жобасының мақсаттарын түсіндіру мен тұрғындарға кеңестер беру үшін арнайы ақпараттық – насихаттық орталықтар жұмыс жасайды. Мұнан бөлек, жобаның ережелері ауылдарда өтіп жатқан мобильді қабылдаулар мен тақырыптық кездесулер барысында кеңінен насихатталып отыр», -деді Ләйлә Төрешова.Өз кезегінде сөз алған облыстық ауыл шаруашылығы және жер қатынастары басқармасы басшысының орынбасары Ғалым Баимбетов биыл да жобаны сапалы іске асыру мақсатында негізгі басымдық өндірістік жобаларға беріліп отырғандығын атап өтсе, «Байқоңыр» әлеуметтік-кәсіпкерлік корпорациясы» акционерлік қоғамының басқарушы директоры Мадали Алишерұлы жоба аясында микрокредит алудың негізгі талаптарын жеткізді. Оның айтуынша азаматтардың жобасы ең алдымен негізгі бағытқа сәйкес келуі керек және жоба аясында тұрақты жұмыс орны құрылу қажет. Жобаны іске асыру жоспарланып отырған ауылдық елді мекенде тұрғылықты жері бойынша кемінде 1 жыл тұрақты тіркеудің болуы керек. Сонымен қатар өнідіріс үшін жаңа, пайдаланылмаған техниканы жабдықты сатып алу үшін беріледі. Атап өту керек, өңірде мал басын түрлендіру және асылдандыру мақсатында жоба аясында асыл тұқымды мал сатып алу көзделген. Алайда жоба талаптарына сәйкес ауыл шарушылығы жануарларын сол жердегі жақын туыстарынан сатып алуға қаржы берілмейді.

«Ауыл аманаты» жобасы - ауылды дамытудың кепілі 

<a href="https://kyzylorda-news.kz/">Kyzylorda-news.kz.</a> &nbsp;Қызылорда облысы Әділет департаментінің басшысы И.Бакишева мен департаменттің әкімшілік бөлімінің басшысы Э.Әбдіқалықова Сырдария ауданы Сәкен Сейфуллин ауылдық округінің орта мектеп оқушыларымен «Жемқорлық-індет, онымен күресу-міндет» тақырыбында ақпараттық-түсіндіру сипатындағы семинар өткізді. Семинардың мақсаты індеттің қағидатын санаға сіңіре отырып, бүкіл қоғамды сыбайлас жемқорлыққа қарсы күреске жұмылдыру болып табылады.&nbsp;<blockquote>− Жемқорлық-мемлекеттің, қоғамның дамуына тежеу болатын, болашағына кесірін тигізетін індет. Сыбайлас жемқорлықпен күресу бүгінгі күннің күрделі мәселесі болып отыр. Оған осы бастан тоқтау қоймаса мемлекетте тұрақты өсіп-өркендеу болмайды. Сыбайлас жемқорлықпен түбегейлі күресу үшін халықтың құқықтық сауатын арттырудың маңызы зор. Сондай-ақ, сыбайлас жемқорлыққа қарсы сана қалыптасқан жағдайда ғана адам адамгершілікке жат-қылықтардан бойын аулақ ұстай бастайды, заңға қайшы келетін әрекеттерді жасауға жол бермейді. Сол себепті осы кезден бастап бұл індеттің қауіптілігін жас ұрпақтың санасына сіңдіре білуіміз қажет, − дейді департамент басшысы.</blockquote>Сыбайлас жемқорлықтың туындау себептері мен салдары, алдын алу мәселелері бойынша қолға алынған шара &nbsp;Өркениет медициналық колледжінде жалғасын тапты.&nbsp; Студенттермен кездесуге департамент басшысы мен бірге департамент басшысының орынбасары, әдеп жөніндегі уәкілі Ұ. Оразгелді &nbsp;де қатысып, жастарға сыбайлас жемқорлықтың қоғам үшін қауіптілігін жете түсіндірді. Шара барысында жастардың пікірі тыңдалып, сұрақтарына жауап та берілді.Айта кету керек, департамент тарапынан ұйымдастырылған мұндай шара алдағы уақытта да жалғасын табатын болады.&nbsp;

Қазақстан және Қызылорда облысының жаңалықтары: Қоғам