Kyzylorda-news.kz. Жұмыс күніңіз кешкі сағат 6-да бітеді, ал ұйқыға сағат түнгі 12-де жатасыз. Осы 6 сағатты қалай өткізесіз? Ойланып көрдіңіз бе?&nbsp;
Есіңізде болсын! Сіздің кешкі 6 мен түнгі 12 арасында істеген істеріңіз аса маңызды!&nbsp;
Көп адамдар негізгі күш-қуатын күндізгі 8 сағат жұмыс уақытына жұмсайды. Яғни, басты мақсаты қызметінде деген пікірде. Сондықтан болашағын тек бастығы мен жұмыс орнымен байланыстырады. Бірақ, көп адамдардың қызметіндегі жетістіктер тек олардың өздеріне ғана байланысты. Кәсіби біліктілікке адамның өзіне ғана жете алады. Сондықтан өмірде алға жылжи алмай жатсаңыз, оған жұмысыңызды немесе бастығыңызды кінәлаудың қажеті жоқ.&nbsp;
Төмендегі 5 қарапайым ереже сізді алға жетелеуге көмектеседі. Бұл ережені ұсынған жігіттің есімі Алибаба Джек Ма, ол – әлемдегі ең бай қытай жігіті. Джек ма өзінің жетістікке жету жолындағы басты қағидаларымен бөлісті.&nbsp;
<ol>
<li>Күн сайын кешке немен айналысасыз? Бұл өте маңызды.</li>
</ol>
Мен колледжден «Маркетинг» мамандығын алып шықтым. Бірақ арманым дизайнер болу еді. Өз арманыма қол жеткізу үшін, мен күн-түн демей, жобалау ісіндегі қабілетімді дамыту үшін, қосымша жұмыс алып отырдым. Бұған, әрине, өте көп уақытым кетті. Бірақ кейін бастық болған соң, дизайнмен айналысуды қойып, қайтадан маркетинг саласына келдім.&nbsp;
Күнде кешке балаларым ұйықтаған кезде, мен білім алуға ден қойдым. Бұл менің көп уақытымды алғанымен, қазір соның жемісін көріп отырмын. Егер мен тек жұмыс уақытында ғана өзімді дамытсам, менен керемет директор мен өнім жөніндегі менеджер шықпас еді деп ойлаймын. Сондай-ақ қазіргі сияқты MBA студенттеріне маркетингтен сабақ та бермес едім.&nbsp;
Әрине, кешке ойын ойнап, фильм көрген жақсы. Бірақ мүлдем бас тартатын да істер бар. Мысалы, телехикаяларға телміріп, теледидар алдында бірнеше сағат уақытты өлтіру. Сондай-ақ әлеуметтік желілер мен телефонның өзі де – адам уақытының жаулары.&nbsp;
<ol start="2">
<li>Көбірек кітап оқи бастаңыз! Көресіз, жақында өзіңіздің өзгере бастағаныңызды байқайсыз!&nbsp;</li>
</ol>
Менің колледждегі ұстазым Алабама штатында африкандық кедей отбасында дүниеге келген. Ол Вест-Пойнттағы Әскери академияға қабылданып, өз отбасында колледжге түскен алғашқа адам болған. Гарвардта МВА алғанға дейін керемет офицер болған. Менімен кездескен кезде ол Колорадо-Спрингс қаласында табысты еңбек етіп жүрді. Мен одан басты жетістігі не екенін сұрадым. Ол кітап оқудан қол үзбеген өзі үшін ең басты жетістігі екенін айтты. Ол: «Білім – өмірдегі барлық жетістіктің кілті», – деді.&nbsp;
Оқу-ізденіс сізді жетілдіріп, қатарластарыңыздың алды етеді. Көп оқитын адамдар кез келген сала туралы хабардар болады. Сізбен әңгімелесу де қызықты болады. Осыған байланысты Энтони Роббинс былай деген екен: «Егер сіз күніне 1 сағат бір тақырыпқа қатысты білім алсаңыз, онда бір жылдан кейін сіз бұл туралы әлемнің 99,999% тұрғынынан көп білесіз».&nbsp;
Егер сіз күнде кешке кітап оқуға 30 минут қана бөлгеннің өзінде, бір аптада бір кітапты оңай бітіре аласыз. Содан кейін әріптестеріңізге қарағанда көбірек біліп қана қоймай, өз салаңызда сарапшы болып кетуіңіз де әбден мүмкін.&nbsp;
<ol start="3">
<li>Әртүрлі жобаларға қатысыңыз.&nbsp;</li>
</ol>
Егер өз жұмыс орныңызда бар біліміңізді қолдануға мүмкіндік болмай жатса, онда ол мүмкіндікті өзіңізге өзіңіз тудырыңыз.&nbsp;
Басқа жобаларға қатыса отырып, тәжірибе жинайсыз. Ал кез келген тәжірибенің құны ақшадан қымбат екені сөзсіз.&nbsp;
<ol start="4">
<li>Байланыс орната біліңіз.&nbsp;</li>
</ol>
Адамдармен қарым-қатынас қызметтің жоғарылауына ықпал етеді. Егер сіздің таныстарыңыз аз болса, сізге оларды табуға біраз уақыт бөлу артық етпейді.&nbsp;
Байланыс беретін мүмкіндіктер:&nbsp;
ақылды адамдармен араласып, олардың пікірін білу.&nbsp;
қажетті ақпарат пен керекті білімді алу.&nbsp;
компанияға тікелей серіктестер мен табыс табуға көмектесу.&nbsp;
Апта сайын сіз жаңа таныстарыңызбен тамақтануға немесе кофе ішуге бару керек. Олардың жетістіктерінің құпиясын біліп, көп нәрсені үйреніп алуға тырысқан жөн. Мүмкін олардың біреуі сізді жақсы қызметке де шақырып қалуы ғажап емес. Сондықтан жаңа таныстық пен достық қарым-қатынас орнатудың артықшылықтары көп.&nbsp;
Сіздің байланыстарыңыз – жұмысыңызға салған ең күшті инвестиция.&nbsp;
Теледидар көруге уақыт тапқан сияқты, қажет адамдармен көйлесуге де уақыт тапқаныңыз абзал!&nbsp;
<ol start="5">
<li>Өмірдегі өзгерістерді бүгіннен бастау керек!&nbsp;</li>
</ol>
Кешкі сағат 6-дан түнгі 12-ге дейін! Өзіңіз де, миыңыз да шаршап тұрғанына қарамастап, сіз өз қалаған ісіңізбен айналыса аласыз. Сондықтан сіздің қалауыңыз – өмірді өзгертугедеген талпыныс.&nbsp;
Осы істерді бұлжытпай орындап жүрсеңіз, сіздің қызметіңіз де, өміріңіз де басқа арнаға түсетініне кәміл сенемін!&nbsp;
Ал сіз кешкі уақытыңызды қалай өткізесіз? Бізге айтып бере аласыз ба?&nbsp;
Дереккөз: Anabol.kz.

Сізді алға жетелейтін қарапайым 5 ереже

Kyzylorda-news.kz&nbsp;ақпараттық агенттігінің 2 шілдеге арналған жұлдыз-жорамалы.
Тоқты
Айтарлықтай жаңалық жоқ. Дегенмен бұл күнде орын алған оқиғалар сізге ұнай қоймайды. Сондықтан көңіл-күйіңіз болмайды. Ұстамды болыңыз.
Торпақ
Күні бойы қуанышты боласыз. Бүгін сізді қуантатын жайт өте көп. Бірақ қуанышыңызды іште сақтай біліңіз, ешкімге сыр алдырмаңыз. Эоцияға берілмей, ұстамды болғаныңыз жөн.
Егіздер
Түске дейін барлық шаруаңызды бітіріп алыңыз. Бұл уақытта жаңа басамаларды қолға алып, қызықты идеяларыңызды жүзеге асыруға болады.
Шаян
Күннің алғашқы жартысы өте сәтті болмақ. Алайда барлық шаруаға немқұрайлы қарайтын болсаңыз, онда ісіңіз алға баспайды.
Арыстан
Шешім қабылдай біліңіз. Егер табандылық танытсаңыз, онда өзіңізге пайдасы тиіп қалары анық. Бұл күн жаңа істі қолға алуға қолалы болмақ.
Бикеш
Түске дейін күтпеген жағдайлар орын алады. Кездесулер сіз ойлағандай болмай, көңіл-күйіңіз түседі. Серіктестермен тіл табысу қиынға соғады.
Таразы
Алдыңызға мақсат қоя біліңіз. Күнделікті жұмыстан шаршап жүрсіз. Сондықтан бір күнге демалыс алып, тыныштықта демалғаныңыз жөн. Ойыңызды жинақтаңыз.
Сарышаян
Асықпаңыз. Бүгін әр қадамыңызды аңдап басқан жөн. Себебі, бір қателік, алдағы күндерде өз кедергісін келтіретін болады. Сондықтан ешқайда асықпаңыз.
Мерген
Күніңіз қызықты өтеді. Жоспар бойынша әрекет етесіз. Біраз шаруаны атқарып, бір жеңілдеп қаласыз. Мақсатқа жетуге аз қалды.
Тауешкі
Күніңіз керемет өтеді. Тек күні бойы сабыр сақтай біліңіз. Ақыл айтып, жөн сілтейтін жандар көп. Бірақ өз дегеніңізбен жүріңіз. Өз ісіңізде табандылық таныта біліңіз.
Суқұйғыш
Сізді біраз шаруа күтіп тұр. Күндегіден көп жұмыспен айналысатын болғандықтан, жоспар құрып алғаныңыз жөн. Түсініспеушіліктер де орын алуы мүмкін.
Балықтар
Аңқау болмаңыз, ешкімнің алдауына түсіп қалмаңыз. Сабырлы болығаныңыз жөн. Эмоцияға берілмей, өзгелердің «ақылына» құлақ аспаңыз.

Жұлдыздар не дейді?

Kyzylorda-news.kz ақпарат агенттігінің 30 маусымға арналған жұлдыз-жорамалы.
Тоқты 
Көптен жиналған тапсырмаларды орындайсыз. Сізге әлдекімдер әділетсіздік жасауы мүмкін. Сақ болыңыз. Тік мінезіңіз барлығын орнына келтіретініне сеніңіз. Бірақ сабырсыздығыңыз мәселенің шешілуіне аздап кедергі келтіруі мүмкін.
Торпақ 
Сауда-саттықпен айналысатын жандардың жолы болады. Алдыңызға мақсат қоя білсеңіз, оған жету және мол табыс табуға мүмкіндік бар. Нәзікжандылар бүгін аз да болса уақытты көңілді өткізеді. Ал басшылық қызметтегі ер адамдардың жолы болғыш.
Егіздер 
Бүгін күш-жігеріңізді жинап, бастаған ісіңізді соңына дейін жеткізіңіз. Жаңа жобаларды жүзеге асырып, қосымша табыс көзін табуға қолайлы күн. Жеке өміріңізде орын алған кейбір қателіктерді жөндей аласыз. Түстен кейін ескі таныстарыңызбен жүздесесіз.
Шаян 
Серіктестеріңізге талап қойып, өз ұстанымдарыңызды сақтап қаласыз. Өзгелердің айтқанына ермей, өзіңізге ұнаған іспен айналысыңыз. Айналаңызда болып жатқан жағдайлар сізге пайдасын тигізуі мүмкін.
Арыстан 
Бүгінгі күн жаңа таныстықтарға, достарыңызбен кездесуге және басқосулар ұйымдастыруға қолайлы күн. Сізді бүгін тосынсый күтіп тұр. Сонымен қатар бүгін өзіңізге қажетті ақпараттарға қол жеткізесіз.
Бикеш 
Алдын ала жоспар құрған болсаңыз, бүгінгі күн сіз үшін сәтті болмақ. Көп жағдайда достардың емес, өзіңіздің ішкі түйсігіңіздің көмегіне жүгініңіз. Жеке өміріңізде аздаған қиындықтар туындауы мүмкін, бірақ еш мойымаңыз.
Таразы 
Қонақ күтуге, достармен кездесуге өте қолайлы күн. Әйел адамдар асханадан шықпай, түрлі тәттілер дайындаса, ерлер таза ауада демалады. Балаларыңызға көп көңіл бөліңіз. Оларға сіздің көмегіңіз қажет.
Сарышаян 
Шабытыңыз тасып, ішкі түйсік дамиды. Кез келген істі оңай атқарып, жақсы нәтижеге қол жеткізесіз. Сіздің талантыңызға, сапалы жұмысыңызға тәнті болатындар көп. Жақындарыңыз бен балаларыңызға көп көңіл бөліңіз.
Мерген 
Өте керемет күн. Жұлдыздар бастаған істі соңына дейін жеткізуді ескертеді. Оларды қазір аяқтамасаңыз кейін көп ақша мен күш жұмсауыңызға тура келеді. Әріптестеріңізбен келіспеушіліктер туындауы мүмкін. Ал ескі таныстарыңыз өздерінің ақыл-кеңестерін береді.
Тауешкі 
Бойыңыздағы талантты шығарыңыз. Әсіресе шығармашылық қырыңызды таныта біліңіз. Жаңа таныстарыңыздың арқасында өміріңізді жаңа бағытқа бұрасыз. Дәл бүгін өмірлік серігіңізді табуыңыз мүмкін.
Суқұйғыш 
Бүгінгі көңіл-күйіңіз өте керемет. Бүгінгі күніңіз басқосулармен, мерекелік кештермен өтеді. Құжаттарға қол қойып, келіссөздер жүргізуіңіз де мүмкін. Жаңадан бастаған ісіңіз алға басады. Бірақ ол үшін көп күш жұмсауыңыз қажет.
Балықтар 
Өз ортаңызда ойыңызды ашық айтып, пікіріңізді білдіріп отырыңыз. Шығармашылық жоспарларыңызды орындауға сәтті күн. Тек шығармашылық бағытта ғана емес, сонымен бірге басқа да әстерде жолыңыз блолады.

Нашақорлық пен есірткінің заңсыз айналымымен халықаралық күрес күні
Бұл күн 1987 жылы қабылданған БҰҰ Бас Ассамблеясының шешімі бойынша өткізіліп келеді.
1952 жылы Қызылорда қалалық су станциясы ашылды.
1992 жылы «Қазақстан Республикасының Халықаралық қаржы қорына, Халықаралық қайта құру және даму банкіне, Халықаралық қаржы корпорациясына және Халықаралық даму ассоциациясына мүшелігі туралы» Заң қабылданды.
1996 жылы Елбасы Н.Ә.Назарбаев «ҚР Ұлттық қауіпсіздігі туралы» Заңға қол қойды.
2010 жылы «Қазақстанның мемлекеттік наградалары» сериясымен «Құрмет» орденінің белгісі» естелік монетасы айналымға шықты.
2011 жылы Қазақстан астанасында Журналистер аллеясы ашылды. Ол Бейбітшілік және келісім сарайы жанындағы саябақта орналасқан.

26 маусым: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a>&nbsp;ақпараттық агенттігінің 26 маусымға арналған жұлдыз-жорамалы. 
Тоқты 
Керемет күн. Өміріңіз жақсы арнаға қарай бұрылады. Барлығы өз қолыңызда, сондықтан тез шешім қабылдағаныңыз жөн. 
Торпақ 
Сіздің көзқарасыңызға ылғи күмән келтіретін жандар бүгін сөзіңізге сенетін болады. Тек сеніп қана қоймай өзгелерді де сендіретін болады. 
Егіздер 
Жұмысқа қатысты кездесулер жоғары деңгейде өтеді. Жұмыс, қажы жағдайы оң шешіледі. Түстен кейін жолға шығасыз. 
Шаян 
Күніңіз сәтті басталады. Жұмысты жақсы игеріп, қиын жағдайға душар болған жандарға көмек көрсетесіз. 
Арыстан 
Өзіңіз көздеген, нәтиже шығады деп үміттенген жобамен айналысасыз. Жұмысқа бар ынтаңызды салыңыз, сонда ғана мол табысқа кенелесіз.
Бикеш 
Күніңіз сәтті басталады. Жұмысқа белсенділігіңіз артады. Жақындарыңызға маңызды сауалдарға бірге отырып жауап табасыз. 
Таразы 
Барлығы ойдағыдай болады. Бірақ сіздің көңіліңіз еш тоймайды. Қазіргі жағдайды ғана ойлаңыз. Болашақ туралы ойды кейінге қалдырыңыз. 
Сарышаян 
Ешкімге сенім артпаңыз. Айналаңыздағы адамдар сізді өз жолыңыздан адастыруы мүмкін. Сондықтан сақ болыңыз. 
Мерген 
Тек өзіңізге сеніңіз. Ешкімнің арбауына түсіп қалмаңыз. Қызықты ұсыныстар жасап, сізді «қақпанға» түсіретіндер болады. 
Тауешкі 
Тез қимылдап үйреніңіз. Тез арада шешім қабылдау қажет жұмыстардың өзін атқаруда аздап қиналасыз. 
Суқұйғыш 
Уайымға салынбаңыз. Сонда ғана күніңіз сәтті өтеді. Ұсақ-түйек мәселені жүрегіңізге жақын қабылдамаңыз. 
Балықтар 
Маңызды шаруаларды кейінге қалдырыңыз. Оларды дәл қазір орындау сіз үшін қиынға соғады. Бүгін өткен күннің қателіктерін түзеңіз.

Kyzylorda-news.kz ақпараттық агенттігінің 24 маусымға арналған жұлдыз-жорамалы.
Тоқты
Таңертеңмен келеңсіз жағдай орын алады. Бірақ оған бола қамықпаңыз. Түстен кейін барлығы қалпына келіп, кез келген шаруаны тез атқарасыз.
Торпақ
Күніңіз сәтті басталады. Тез әрекет етсеңіз, барлық тапсырманы оңай орындалай аласыз. Осы орайда бұрын жинақтаған тәжірибелеріңіз көмектеседі.
Егіздер
Керемет күн болмақ. Егер табысқа жеткіңіз келсе, біраз тер төгуіңізге тура келеді. Жолыңызда кездескен кедергілерге еш мойымаңыз.
Шаян
Егер бүгінгі күнге жоспар құрсаңыз, онда барлық шаруаға өзіңіз жауапты екеніңізді ұмытпаңыз. Демалуға тек түстен кейін ғана мүмкіндік бар.
Арыстан
Қиындықтар орын алады. Бірақ барлығын дер кезінде шеше аласыз. Өзіңізге деген сенімділігіңіздің арқасында мүмкін емес жағдайлар да орын алады.
Бикеш
Өзгелердің алдында басыңызды игіңіз келмейді. Дегенмен үлкендердің, жанашыр жандардың ақылына құлақ түргеніңіз дұрыс. Олардың сізге жаны ашиды.
Таразы
Кез келген мәселелерді шешуге мүмкіндік бар. Тек өзіңіздің ғана емес, өзгелердің де мәселесін біржақты етесіз.
Сарышаян
Өзіңізге өзгелердің назарын аударудан сақтаныңыз. Сонымен қатар бүгін үйреншікті жұмыспен айналысқаныңыз дұрыс.
Мерген
Жұмысқа қатысты шаруаны да, жеке мәселені де шешуге қолайлы күн. Айналаңыздағы адамдармен тез тіл табысасыз.
Тауешкі
Бүгін барынша шыдамдылық, сабырлылық танытқаныңыз жөн. Кез келген жұмысқа мұқият болғаныңыз жөн. Аздаған қаржы мәселесі туындауы мүмкін.
Суқұйғыш
Сәтті күн. Ұсақ-түйек шаруалармен айналысасыз. Кез келген мәселені оңай шеше аласыз. Түстен кейін тұрмыстық мәселелерді ретке келтіресіз.
Балықтар
Бұрын реттей алмаған шаруапларды қайта қолға алғаныңыз жөн. Дәл бүгін осы жұмысты тез, әрі оңай игересіз. Себебі ненің кедергі екенін жақсы ұғасыз.

1948 жылы КСРО және ҚР суретшілер одағының мүшесі, Украина суретшілер одағының және Еуропалық өнер орталығының құрметті мүшесі Амангүл Иханова дүниеге келді.
Ол Қызылорда облысында туған. Н.В.Гоголь атындағы Алматы көрсемсурет училищесін, Абай атындағы Қазақ педагогикалық институтын бітірген. Теріден картина салудың жаңа әдісін патенттеген автор. Жұмыстары әртүрлі елдердің көптеген мұражайлары мен жеке коллекциясында, Ұлыбритания патшайымы Елизаветаның коллекциясында сақтаулы тұр, суретшінің ертеректегі шығармаларының бірі Нью-Йорк қаласындағы Орталық ғимараттың холлын безендіріп тұр. «Бәйтерек» жұмысы авторларының бірі. Еуропалық суретшілер одағы сыйлығының лауреаты, АҚШ Президенті Дж.Картердің, испан королі Хуан IV, Майндағы Франкфурт мэриясының, Ұлыбритания патшайымы Елизаветаның, БҰҰ-ның және т.б. Алғыс хаттарымен марапатталған. Қазақстанның еңбек сіңірген қайраткері.
1992 жылы Қазақстан мен Қытай арасында темір жол магистралі ашылып, «Жібек жолы» халықаралық жолаушылар пойызы Алматыдан Үрімжіге сапар шекті.
1993 жылы Қызылордада орысша-қазақша сөздік шығарылды. Онда дене шынықтыру және спорт саласындағы 2500 сөз бен термин болды.
2005 жылы Елбасы «Қазақстан Республикасының Үкiметi мен Жапония Үкiметi арасындағы Техникалық ынтымақтастық туралы келiсiмдi бекiту туралы» Заңға қол қойды.
2006 жылы Елбасы Нұрсұлтан Назарбаев «Қазақстан Республикасының кейбір заңнамалық актілеріне атқарушылық іс жүргізу мәселелері бойынша өзгерістер мен толықтырулар енгізу туралы» Заңға қол қойды. Заң атқарушылық іс жүргізуді жетілдіруге бағытталған.
2012 жылы Нұр-Сұлтан қаласының әкімдігі «Қазақтың 1000 күйі» жинағын шығарды.
2014 жылы Ұлы Жібек жолы ЮНЕСКО-ның Бүкіләлемдік мұрасы нысанына айналды.
Қазақстан, Қытай және Қырғызстан мемлекеттерінің Жібек жолын Бүкіләлемдік мұра тізіміне енгізу туралы бірлескен өтініші Дохада (Катар) өткен Біріккен Ұлттар Ұйымы комитетінің білім, ғылым және мәдениет мәселелері бойынша 38-інші сессиясында мақұлданды. Өтінішке Жібек жолында орналасқан 33 тарихи ескерткіш енгізілді, соның 22-сі Қытайда, 8-і Қазақстанда және үшеуі Қырғызстанда орналасқан.

22 маусым: Атаулы күндер мен оқиғалар

<a href="https://kyzylorda-news.kz/">Kyzylorda-news.kz.</a> Кредит тарихы дегеніміз — банктен қаншалықты жиі қарыз алатыныңыз бен оны қаншалықты тәртіпке сай қайтаратыныңыз туралы толық ақпарат жиынтығы.
Банктерге «датым бар» деп ақша сұрай келгенде менеджер сіз туралы деректерді ақтарады. Содан кейін барып қарызға бере ме, бермей ме ойланады. Егер тарихыңыз нашар болса, бермейтінін айтып шығарып салады. Осы ретте кредит тарихына нұқсан келтіретін жайттарды тізіп шықтық.
1. Уақытында төленбесе
Мерзімінен асып кеткен төлемнің қайсысы болсын жақсы емес. Әсіресе, үш айдай уақыт бойы төлемеген болсаңыз немесе «айтқан тілді алмайды, ендігісін сот шешсін» деп банктің ызасына тисеңіз тіпті қиын. Кредит тарихын бірінші кезекте бұзатын себеп — осы. Тәртіпке бағынбайтын клиент ретінде бір көрінсеңіз, банктің ақша бермей қоюы әбден мүмкін. Өйткені қазір кредитті мақұлдап алып, кейін тағы соңынан соттасып жүруіміз мүмкін деп қабылдамай қоятын жағдайлар жиі кездеседі. Мұндайда не істеу керек? Бұл жерде енді бәрі ақ қағазға көк сыямен жазғандай айқын — уақытынан кешіктірмеу керек. Сондықтан алатын кезде қаншалық шамаңыз келетінін дұрыстап бағамдауыңыз керек.
2. Кредиттен басқа қарыздар болса
Кредит тарихына алған несие ғана кіреді деп ойласаңыз, қателесесіз. Мұнда төлемнің бәрі тіркеледі. Мәселен алимент, айыппұл сияқты ресми міндеттеменің бәрін қалай төлеп жүргеніңізді қарайды. Бұл жерде бастысы сотқа дейін бармаған болса болғаны.
3. Өтінімді көп берген жағдайда
Кредит тарихында көрініс табатын келесі мәлімет — берілген өтінімдер мен олардың ішінде мақұлданғандары мен берілмегендерінің саны. Банк соның статистикасын қарайды. Егер аз уақытта бірнеше өтінім тастаған болсаңыз, қаржыдан қатты қысылып тұр деп ойлайды. Сондықтан ештеңеге қарамай барлық банкке өтінім жіберіп жатыр деп ұғады. Сонымен қатар, мақұлданбаған кредиттердің көп болғаны да статистиканың нашарлауына әсер етеді. Өйткені басқа банктер сізге қарыз бермесе, бұл банк те ойланады. Мұндай жағдайда банкке өтінім бермес бұрын шарттарымен таныс болу керек. Бәрін жақсылап зерттеп алған соң барып, бірін таңдап, нақты соған барыңыз. Ол банк бермей қойса, зерттеу бойынша сізге ұнаған келесі мекемеден сұрап көресіз. Бірақ бірден бірнеше жерге барудың қажеті жоқ. Одан керісінше ұтылып қалуыңыз мүмкін. Ипотеканың жөні бұлардан сәл бөлек. Мұнда шарттарына қарай ыңғайлысын қарастыратын болғандықтан, бірнеше өтінім беруге болады. Әйтсе де, қай жағдайда болсын алдымен жақсылап ойланған жөн. Пайызы, шарты — бәрін түсініп алыңыз.
4. Жеке мәліметтерді жиі өзгерте берсе
Сіз жайлы ақпаратта қандай да бір өзгеріс бола қалса, ол кредит тарихына бірден түседі. Мысалы Алматыда тұрған адам Ақтөбеге көшіп кетуі мүмкін. Болмаса телефонын, тіпті тегін ауыстыруы да ғажап емес. Бірақ үш айда бір рет осылай өзгерте берсе, банк күдіктене бастайды. Дегенмен шынында да соңғы үш айда мекенжайын үш рет ауыстыратын кездер болады. Айталық, пәтеріңізді сатып жіберіп, туыстарыңыздың үйінде уақытша тұрдыңыз. Одан кейін жаңа қонысқа көшіп, тағы ауыстырдыңыз. Мұндайда менеджерге жақсылап түсіндіруге тырысыңыз.
5. Төлеп жатқан несие көп болса
Банк сіздің ай сайын қанша төлейтініңізге баса мән береді. Табысыңыз неғұрлым кредитке кететін болса, соғұрлым сізді «жақтырмауы» мүмкін. Айлығыңыздың 50 пайызынан астамы несие төлеуге кетсе, онда кредит бермей қоюы мүмкін. Мұндайда кредит тарихын түзеуден бұрын, қаржылық жағдайды дұрыстауға тырысу керек. Себебі жалақыңыз қарыз төлеуге кете берсе, үйдегі қаржылық ахуал «теңселген» күйде тұра береді.
6. Шағын несиеге құмар болса
Шамалы уақыттан кейін қайтарамын деген оймен шағын қаржы ұйымдарына жиі барғыштайтын болсаңыз, бұл да банкке ұнамауы мүмкін. Өйткені «бұл клиент бізден қарыз алмай, неге пайызы жоғары шағын қаржы ұйымдарына бара береді?» деп ойлайды. Кредиттің өзін өлім мен өмір мәселесі сияқты маңызды себеппен ғана алу керек дейміз. Ал шағын несиеге тіпті аса жақындамаған дұрыс.
7. Мерзімінен бұрын өтеп тастай берсе
Мүмкіндік болса мерзімінен бұрын өтеп тастаған дұрыс. Ондай жағдайда артық төлемейсіз, ай сайынғы төлем есіңізге түсіп, еңсеңізді батырмайды. Бірақ кредит тарихы тұрғысынан қарасақ, банкке сіздің бұл қылығыңызды құп көрмеуі ықтимал. Өйткені сізден пайда көруге мүмкіндік берместен жауып тастағансыз. Әйтсе де, кредит алғаннан бастап жапқанға дейін бәрібір бергеніңіз көбірек. Сондықтан кредит беру-бермеуге келгенде бұл жағына «қадалып» қалатын кезі кемде-кем. Бастысы бірнеше рет қатарынан мерзімінен бұрын төлеп тастасаңыз, ендігіде бермей қоюы мүмкін екенін ескеріңіз. Егер алда-жалда тағы алып қалуыңыз мүмкін болса, ірі көлемдегісін жауып тастап, ұсақ төлемді кесте бойынша төлей беріңіз. Өйткені аз соманың пайызы да аз.
8. Кредит тарихына мұқият болмаса
Кейде сіздің атыңыздан алаяқтар кредит рәсімдеуі мүмкін. Одан қалса, кредитор қателесіп, сіздің несиені жапқаныңызды көрсетпей қойса, қарыз боп шыға келесіз. Сонымен бірге кейде банктер мынадай қулыққа баруы мүмкін: сізге қарыз беру мақұлданса да, алмаймын деп кетіп қалсаңыз, «біз беруден бас тарттық» деп мәлімет жіберуі мүмкін. Сондықтан кредит тарихыңызды тексеріп тұрыңыз. Жылына 1-2 рет бас сұғып тұрған жөн. Бір жылда бір рет тексеру тегін, одан кейінгілеріне ақы төлейсіз. Бағасы — 400 теңге.
9. Несиеден ада болған да қиын
Негізі кредитсіз адам болсаңыз, керемет. Бірақ біз қозғап отырған тақырып — кредит тарихы тұрғысынан қарасақ, несиесі жоқ адам — банк үшін жұмбақ. Оның қалай төлейтінін, кім екені белгісіз. Сол үшін де кредит бере салуға батпауы мүмкін. Ипотека алғанда бұған аса қарамайды. Бастысы, төлем қабілетіңіз жетіп тұрса, жеткілікті. Әдетте, банк үшін сенімді адам болу үшін кішігірім тауар алудан бастаған жөн. Телефон сатып алып, кестеге сай, кешіктірмей төлеп жүрсеңіз, банк алдында беделіңіз болады. Немесе қазір банктерде кредит карталар бар. Сол арқылы төлем жасап, бөліп төлеуге болады. Ол да кредит тарихынан орын алады.

Мерзімінен бұрын өтеп тастай беретін адам жақсы ма, жаман ба?

Халықаралық жыныстық зорлық-зомбылыққа қарсы күн
Бұл күн 2015 жылы 19 маусымда БҰҰ Бас Ассамблеясының №A/RES/69/293 қарарында әр түрлі кикілжіңдер жағдайында (саяси, діни, ұлттық сипаттағы халықаралық, мемлекет ішілік (азаматтық соғыстар) жыныстық зорлық-зомбылық көрсету мәселесіне көпшіліктің назарын аударту мақсатында қабылданды.
1997 жылы&nbsp;«Шағын кәсіпкерлікті мемлекеттік қолдау туралы» Қазақстан Республикасының Заңы қабылданды.
2006 жылы&nbsp;Қызылордадағы қалалық мәдениет және демалыс саябағының кіре берісінде «Сыр бойының батырлары» атты қаладағы ең үлкен ескерткіш-монументтің ашылу салтанаты болды. Ескерткіштің ашылу рәсіміне облыс, қала басшылары, ардагерлер, қоғамдық ұйымдардың өкілдері, жалпы қала жұртшылығы қатысты. Ескерткіш авторы – Сыр еліне белгілі мүсінші Жәркен Исмайылов.
2007 жылы&nbsp;Қазақстан Республикасы Үкіметінің Қаулысымен Алматыда Достық үйінде «Достық үйі – Этносаралық қатынастардың мәселелерін зерттейтін орталығы» республикалық мемлекеттік кәсіпорны құрылды.
Орталықтың басты мақсаты – ұлтаралық қатынастар саласындағы негiзгi мәселелердi анықтау, жұртшылық пiкiрiн зерттеу.
2010 жылы&nbsp;Мемлекет басшысы бағалы қағаздар мемлекетаралық нарығын реттеу туралы келісімнің қатысушысы болмау ниеті туралы ҚР Жарлығына қол қойды.
2014 жылы&nbsp;Қазғарыш басшысы Талғат Мұсабаев Ақтөбе облысының әкімі Архимед Мұхамбетовке «KazEOSat-1» жерді қашықтан зондтау алғашқы қазақстандық жерсерігінен 700 шақырым биіктікте түсірілген Ақтөбенің суретін табыстады.

19 маусым: Атаулы күндер мен оқиғалар

Kyzylorda-news.kz&nbsp;ақпараттық агенттігінің 19 маусымға арналған жұлдыз-жорамалы.
Тоқты
Бірнеше маңызды сұрақтарға жауап табасыз. Бұрын қиындық туғызған немесе өзіңіз қорқа-соқтап жүрген іскерлік келіссөздерді өз пайдаңызға шешетін боласыз. Сізге көмекшінің қажеті жоқ. Барлық істі өзіңіз оңтайлы шешесіз.
Торпақ
Жемісті күн. Өзекті мәселелерді дер кезінде шешіп, тапсырмаларды оңай орындайсыз. Жаңа жұмысты қолға алуға мүмкіндік туып тұр. Осы жұмыс арқылы жаңа таныстар тауып, олардан үйренеріңіз көп болады.
Егіздер
Шынайы көзқарас таныта біліңіз. Сонда ғана босқа үміттенбейтін боласыз. Егер өз мүмкіндігіңізді толық пайдаланатын болсаңыз, жаңа жобаларды қолға алатын боласыз. Олар сізге көп пайда әкелетінін естен шығармаңыз.
Шаян
Барлық шаруаны ысырып қойып, жақсылап демалыңыз. Жұмысты кейін де аяқтауға болатынын ұмытпаңыз. Жеке өміріңізге көп көңіл бөліп, болашағыңыз туралы көп ойланыңыз. Уәдеңізде тұруды да ұмытпаңыз.
Арыстан
Жалғыз қалып, болашақ туралы ойланыңыз. Өткен күндерді де ойлап, өз-өзіңізге есеп беріңіз. Достармен басқосу жақсы ой болғанымен, дәл бүгін олармен тіл табысу қиынға соғады. Жақындарыңызға көңіл бөліңіз.
Бикеш
Мазасыз күн. Жұмыстың көптігі соншалық, тіпті шаршауға да уақыт таппайсыз. Сіздің көңіл-күйіңіз тез өзгереді. Бірақ мұны жаныңыздағылар түк байқамайды. Бірақ эмоцияны іште бүгіп қалу қиынға соғады.
Таразы
Бүгінгі күнді тек өзіңізге арнаңыз. Сүйікті ісіңізбен айналысыңыз. Кішігірім саяхатқа шығуға да болады. Әсіресе теңіз жағасына барып, толқындарды тамашалаңыз. Не болмаса моншаға барып, жағымсыз энергияларды сумен шайыңыз
Сарышаян
Денсаулығыңызға абай болыңыз. Соңғы уақытта бауырыңыз жиі мазалап жүрген сыңайлы. Майлы және тұзды тағамдардан бас тартыңыз. Спортпен шұғылданыңыз. Сонда дене бітіміңіз де, ас қорыту жүйесі де қалыпқа келеді.
Мерген
Өміріңізде оң өзгерістер орын алады, сондай-ақ біраз жетістіктерге жетесіз. Бірақ барлық жақсылық өздігімен келмейтінін біліңіз. Еңбектеніңіз, нақты шешім шығара біліңіз. Жақындарыңызбен басқосыңыз.
Тауешкі
Күніңіз сәтті өтеді. Сіз барлық істе жетістікке жетесіз. Бастысы – табандылық таныта біліңіз. Осы қасиетіңіздің арқасында өз дегеніңізге жетесіз. Сонымен қатар бүгін өзіңізге қуаныш әкелетін бұйымды сатып аласыз.
Суқұйғыш
Егер уақытыңызды текке кетірмесеңіз, көп нарсеге қол жеткізесіз. Жаңа істі қолға алып, жаңа жоба бойынша жұмыс жасауға болады. Түстен кейінгі уақытта ойға түрлі идеялар келіп, кәсіби жоспарларды жүзеге асыратын боласыз.
Балықтар
Бүгін өзіңізге тапсырылған барлық тапсырмаларды тез орындайсыз. Енді ешнарсеге алаңдамастан демалғаныңыз дұрыс. Жақындарыңызбен немесе басшылықпен сөзге келіп қалудан сақтаныңыз. Себебі ұрыс-керістен көп күш жоғалтасыз.

<a href="http://kyzylorda-news.kz/">Kyzylorda-news.kz.</a> Синоптиктердің хабарлауынша Қызылордада ауа райына байланысты ескерту жарияланды, деп хабарлайды Қазгидромет.
19 маусымда күндіз Қызылорда облысында жел солтүстік-шығыстан батысқа ауысады, желдің күші кей жерлерде 15-20 м/с күтіледі.
Дабылды ескертудің ықтималдылығы 95-100%.

Қазақстан және Қызылорда облысының жаңалықтары: Керек дерек

Сізді алға жетелейтін қарапайым 5 ереже

Жұлдыздар не дейді?

Жұлдыздар не дейді?

26 маусым: Атаулы күндер мен оқиғалар

Жұлдыздар не дейді?

Жұлдыздар не дейді?

22 маусым: Атаулы күндер мен оқиғалар

Мерзімінен бұрын өтеп тастай беретін адам жақсы ма, жаман ба?

19 маусым: Атаулы күндер мен оқиғалар

Жұлдыздар не дейді?

Қызылордада ауа райына байланысты ескерту жарияланды

Қазақстандағы халық санағының тарихы