1993 жылы&nbsp;Елбасы Нұрсұлтан Назарбаевтың «Үндістан Республикасында Қазақстан Республикасының Елшілігін ашу туралы» және «Қазақстан Республикасы Мүгедектерінің күнін бекіту туралы» Жарлықтары жарық көрді.
Мемлекеттің мүгедектерге қамқорлығын көрсету мен проблемаларына көңіл бөлу мақсатында, сондай-ақ, БҰҰ Бас ассамблеясының ұсынымдары есепке алына отырып, Қазақстан Республикасының Мүгедектер күні белгіленді. Аталмыш шара әр жылдың қазан айының екінші жексенбісінде аталып өтеді.
1993 жылы&nbsp;Қазақстан Республикасының Тұңғыш Президенті – Елбасы Нұрсұлтан Назарбаев Біріккен Ұлттар Ұйымының делегациясын қабылдады. Келіссөздер барысында Алматыда Біріккен Ұлттар Ұйымының өкілдігін ашу туралы уағдаластық жасалды.
1993 жылы&nbsp;«Қазақстан Республикасындағы құқықтық реформалардың тиімділігін арттыру шаралары туралы» ҚР Президентінің Жарлығы қабылданды.
2000 жылы&nbsp;Нұр-Сұлтанға «Қалалар – бейбітшілік үшін» ЮНЕСКО сыйлығының сертификаты табыс етілді.
2011 жылы&nbsp;Қазақстан Microsoft компаниясы өз өнімі – Internet Explorer 9 браузерінің қазақша нұсқасы шыққанын ресми жариялады.
2017 жылы&nbsp;ҚР ұлттық музейінде «Бейбарыс сұлтан және оның дәуірі» көрмесінің ашылу салтанаты өтті. Көрмеге Бейбарыс сұлтанның өмірі мен ел билеу тарихын баяндайтын Ислам өнері музейі (Каир қ., Мысыр) жинағынан 22 жәдігер қойылды.

16 маусым: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 16 маусымға арналған жұлдыз-жорамалы.
Тоқты
Жұмысқа қатысты ұсыныстарды талқылауға және келіссөздер жүргізуге қолайлы күн. Мықты жұмыс берушіден ұсыныс түседі. Жұмысқа қатысты мәселенің барлығын оңай, әрі тез шеше аласыз.
Торпақ
Бүгін өзіңізге ұнайтын жұмыспен айналысқаныңыз жөн. Тіпті бүгін жұмыстың барлығын ысырып қойып, жай демалуға да болады. Бірақ жұмыс барысымен жол сапарға шықпағаныңыз жөн.
Егіздер
Тез әрекет етіңіз. Егер еріншектік танытпасаңыз, барлығы ойдағыдай жүзеге асып, күніңіз сәтті өтеді. Жұмыста көп кедергіге кездесуіңіздің бірақ себебі бар: ол әріптестеріңізден көп көмек күтуіңізде болып отыр.
Шаян
Қызықты, әрі, жемісті күн. Өз талантыңызды танытуға, шығармашылығыңызды шыңдауға көп жұмыс жасайсыз. Жаңа бастама көтеріп, қызықты идеяларды ортаға салып, талқылауға кірісесіз.
Арыстан
Бүгін аздаған кедергілерге тап боласыз. Бірақ сіз міндетті түрде оларды жеңіп шығасыз. Бірақ нақты шешім шығару үшін көп жұмсауыңызға тура келеді. Сіздің тапқырлығыңызға таңқалмасқа амал жоқ.
Бикеш
Бүгінгі күн әңгіме-дүкен құрып, түрлі тақырыпта сөз қозғауға қолайлы күн. Қызықты кездесулер болып, ерекше таныстықтар орын алады. Айналаңыздағы адамдармен тез тіл табысып, олардың ойын айтқызбай ұғасыз.
Таразы
Түске дейінгі уақыт сәтті болмақ. Сондықтан ойға алған шаруаларыңызды кейінге қалдырудың қажеті жоқ. Бұл уақыт жеке шаруамен айналысуға да, сондай-ақ көпшілікпен бірге жұмыс жасауға да ыңғайлы сәт.
Сарышаян
Бүгін аздаған қиындықтарға тап боласыз. Бірақ сіз бұл қиындықтардан еш қорықпайсыз. Өмірден жиған тәжірибеңіз қиын жағдайдан шығуға көмектеседі. Бүгін өзіңіздің ғана емес, сондай-ақ өзгелердің де мәселесін шешуге тырысасыз.
Мерген
Жұмысыңыз алға басып, ісіңіздің барлығы сәтті болады. Сонымен қатар бүгін пайдалы таныстықтар орын алып, болашағы зор ұсыныстар түсуі мүмкін. Түске дейінгі уақытыңыз сәтті өтеді.
Тауешкі
Бүгінгі күн жақындарыңызбен ара қатынасты жақсартуға қолайлы күн. Сіз өткен күндердегі өкінішті, өкпе-назды кешіріп, жақыныңыздың сізге ішкі сырын ақтаруына мүмкіндік бересіз.
Суқұйғыш
Дәл қазіргі сәт қиялға беріліп, орындалмас арманға қол созуға болмайды. Нақты жұмысқа ден қойып, тапсырмаларды орындауға тырысыңыз. Аздаған жетістікке жету сізді зор қуанышқа бөлейтін болады.
Балықтар
Жетістікке жетудің жолын көздесеңіз, сол үшін аянбай еңбек етіңіз. Мақсатқа жету жолында нақты шешім қабылдай біліңіз. Ол үшін кейбір шаруаларды кейінге қалдыруға тура келеді.

Жұлдыздар не дейді?

Kyzylorda-news.kz ақпараттық агенттігінің 15 маусымға арналған жұлдыз-жорамалы.
Тоқты
Бүгін өте сақ болыңыз. Отбасындағы жандармен қарым-қатынаста сабырлылық танытып, әрқайсысына ерекше көңіл бөлуіңіз қажет. Күйгелектік танытпаңыз. Әйтпесе, денсаулығыңызға зиян келтіресіз. &nbsp;
Торпақ
Сауда-саттықта жолыңыз болады. Дегенмен барлығына мұқият болғаныңыз жөн. Ақша мен затқа тиянақты болыңыз. Кешке қарай денсаулығыңызға күш түсірмеңіз және отырыстардан бас тартқаныңыз жөн.
Егіздер
Туыстарыңыз, достарыңыз, жақындарыңыздың барлығы сіздің жаныңыздан табылып, қаржылық жағынан көп көмегін тигізеді. Кездейсоқ қарым-қатынас пен күдік тудыратын таныстықтардан аулақ болыңыз.
Шаян
Жан-дүниеңіз рухани байи түседі. Жұмыста айтарлықтай жетістікке жетесіз. Романтикалық кездесулерден бас тартыңыз. Олар сізге қуаныш алып келмесі анық. Денсаулығыңызды күтіңіз.
Арыстан
Жемісті күн. Күш-қуатыңыздың тасығаны соншалық жұмысқа деген құлшынысыңыз артады. Бүгін жаңа жұмыс бастауға, келіссөздер жүргізуге қолайлы күн. Сіздер бүгін барлық жағынан оң шешім шығара аласыздар. Өзіңізге сеніңіз.
Бикеш
Бұл белгідегі ер адамдар бүгін жанжал тудырмағаны дұрыс. Барлығына сабырлылық танытыңыз. Сондай-ақ бүгін зат сатып алмаңыз. Ал нәзікжандар бірбеткейлік танытпаңыздар. Нәзік қалпыңызды сақтаңыз.
Таразы
Қарама-қайшылыққа толы күн. Сыртыңыз күліп тұрғанымен, жан-дүниеңіз алай-дүлей. Осының салдарынан қателіктерге бой алдырмас үшін бүгінгі күнді жалғыз өткізгеніңіз жөн. Барлығын ой елегінен өткізіңіз.
Сарышаян
Бүгінгі күн жолға шығуға, бейтаныс адамдармен байланыс орнатуға сәтті күн. Жұлдыздар жылдамдықты асырудан, өткір және электр тоғымен жұмыс жасайтын бұйымдарды қолданғанда сақ болуды ескертеді.
Мерген
Бүгін көңіл-күйіңіз керемет. Айналаңыздағы адамдармен қарым-қатынасыңыз жақсара түседі. Бірақ барлығына бірдей жұмсақ мінез танытпаңыз. Әйтпесе абыройыңызға кір келуі мүмкін. Өміріңізді өзгерту өз қолыңызда.
Тауешкі
Көңіл-күйіңіз көтеріңкі болады. Маңызды мәселелерді шешу барысында ішкі түйсігіңізге жүгініңіз. Ол сізге дұрыс бағыт береді. Алдағы күндерге жоспар құрыңыз. Мәселен, ақша жинауды жоспарлаңыз.
Суқұйғыш
Жұлдыздар отбасына көп көңіл бөлу қажет екендігін айтады. Әсіресе, балаларға көп назар аударыңыз. Үй шаруасындағы кейбір мәселелерді өзіңіз шешіңіз. Сонымен қатар бүгіннен бастап медициналық тексеруден өтуді бастаңыз.
Балықтар
Достарыңыз бен сүйікті адамыңыз қиын жағдайда көмек көрсететін болады. Сондай-ақ олар сіздің жаңа бастамаларыңызға да қолұшын созады. Осыған орай сізде олар үшін барлығына дайын болып, керек кезде көмек көрсетуіңіз керек.

<a href="https://kyzylorda-news.kz/">Kyzylorda-news.kz</a> ақпараттық агенттігінің 14 маусымға арналған жұлдыз-жорамалы.
Тоқты
Көлік алуға, жағымды жаңалық жасау немесе белсенділік танытатын күн. Көтеріңкі көңіл-күй мен белсенділігіңіздің арқасында аяқталмаған біраз шаруаны тындырасыз.
Торпақ
Тағдырға қарсы келемін деп әуре болмаңыз. Бүгін жолыңыз болмағанымен, келер күні барлығы сәтімен болар. Қарапайым қалпыңызды сақтаңыз. Әріптестеріңіздің қызғанышын тудырудан аулақ болыңыз.
Егіздер
Айналаңыздағылардың барлығы бірдей сіздің талғамыңызбен жүруі міндетті емес. Өзгелердің таңдауына түсіністікпен қараңыз. Әйтпесе, жаныңыздағыларды жоғалтып алуыңыз мүмкін немесе сізден көбісі теріс айналады.
Шаян
Ұнатқан жанға сөз салып, жүрегіңіздің иесін табатын күн. Шаңырақ құруды жоспарлап жүрсеңіз нағыз сөз байласатын уақыт. Бүгінгі күн қандай істі болмасын бастауға өте қолайлы сәт.
Арыстан
Жетістікке жетуге деген талпынысыңыз оң нәтижесін береді. Мықты маман ретінде сұранысқа ие боласыз. Достарыңызбен және сүйіктіңізбен қарым-қатынасыңыз жақсара түспек. Орын алып жатқан жағдайлар сізді көп алаңдатпайды. &nbsp;
Бикеш
Сырт келбетіңізге мән беріңіз. Мақсатқа жету үшін біраз қадамдарға барасыз. Бірақ ойларыңызбен, жоспарларыңызды құпияда ұстаңыз. Әсіресе, әріптестер мен достарға тіс жармаған дұрыс.
Таразы
Ойламаған жерден мол табысқа ие боласыз. Жылжымайтын мүлік немесе көлік аламын деп жүрсеңіз бүгін сол ойыңызды жүзеге асырыңыз. Денсаулығыңызға көп көңіл бөліңіз.
Сарышаян
Серіктестермен қарым-қатынаста абай болыңыз. Туындаған мәселелердің барлығын тез арада шешіп отырыңыз. &nbsp;Бастысы шешімді дұрыс шығара біліңіз. Еңбегіңіз ескерусіз қалмайды.
Мерген
Сізді бүгін тосынсыйлар мен сый-сияпаттар күтіп тұр. Есесіне өзіңіз де мол қаражатты жұмсап жібересіз. Бірақ алаңдамаңыз, жұмсалған ақша текке кетпейді. Келіссөз жүргізуде өзіңіздің қулығыңызды асырасыз.
Тауешкі
Істеріңіздің барлығы алға басады. Бұл қарсыластарыңыздың қызғанышын тудырады. Үлкен кісілермен және лауазымды тұлғалармен сөйлескенде абай болыңыз.
Суқұйғыш
Демалыс күніңізді жақсы өткізесіз. Бұл күні көбісі сізге қызыға қарайды. Әсіресе ерлер нәзікжандарға, ал нәзікжандар ер адамдарға жақсы көзқараста болады.
Балықтар
Өзгелер туралы пікіріңізді өзгертпеңіз. Жақын адамыңызбен қарым-қатынасыңыз алшақтап, түсініспеушіліктер орын алуы мүмкін. Қиялға ерік беріп, біраз уақытыңызды жоғалтып аласыз.

<a href="https://kyzylorda-news.kz/">Kyzylorda-news.kz.</a> Теміржолда жатқан қиыршық тасты бәріміз көрген болармыз. Оның бекер жатпағаны да анық.&nbsp;Бұл&nbsp;тасты&nbsp;балласт&nbsp;деп атайды. Мұны қиыршық тас деуге де келмес, біршама ірілеу тастар. Темір жолдың рельсі мықты, берік болғанымен, пойыз сынды ауыр, мыңдаған тонна ұзын көлікті ұзақ көтере алмасы анық. Оған да күш керек. Міне, бұл күшті беретін – дәл осы балласт.
Зілдей пойыз рельспен сырғып өткенде, темірге, жерге зор қысым түседі. Ал үлкен қысым кез келген берік затты қысып, жарып жіберетіні белгілі. Сондықтан түскен қысымды қалай да жоғалтып, жерге сіңдіріп жіберу керек. Бұған көмектесетін – балласт.
Былайша айтқанда, тас – темір жол бөлшектерін бір-бірімен байланыстырып, бос кеңістікті толтырып тұратын зат. Қиыршық тас рельс пен шпалға түскен қысымды теңдей бөліп, жер қабатына өткізіп жібереді. Теміржолда діріл мен сырыл болмайтыны сондықтан. &nbsp;
Одан бөлек, қиыршық тас жауын-шашынды тез сіңіріп, рельстің бойын тап-таза ұстайды.
Балласт – темір жолдың бөлінбес бөлшегі. Уақыт өте тастар да ескіреді, бірақ оны ауық-ауық ауыстырып отырады.

Теміржолға неге тас төселеді?

<a href="https://kyzylorda-news.kz/">Kyzylorda-news.kz.</a> Сұрапыл соғыс жылдарында Рейхстагқа жеңіс туын тіккен Рақымжан Қошқарбаевтың ерлігі көп жылдар бойы еленбей келгені, тек тәуелсіздік алғаннан кейін ғана Қазақстанның Халық қаһарманы атағы берілгені мәлім. Батырдың ерлігі жылдар бойы ресми Мәскеу тарапынан көпе-көрнеу ескерілмеді.
Өзге ұлт өкілі болғандықтан кемсітушілікке ұшырап, ерлігі жоққа шығарылып келді. Әйтсе де Рақымжан Қошқарбаевтың дос-жарандары, майдандас бауырлары мен тілегі бір замандастары 30 сәуірді оның тағдырындағы ең ерекше күн деп есептеп, оған қоңырау шала құттықтап, тіпті екінші рет дүниеге келген күні ретінде атап өтуді біразға дейін дәстүрге айналдырса керек. Өйткені бұл күн – Қошқарбаевтың Рейхстагқа ту тіккен күні болатын.
Рақымжан Қошқарбаев Ақмола облысының Целиноград ауданында туған. 1942 жылы әскерге алынған. Деректерге қарағанда, 1944 жылы қазан айынан бастап 1-Беларусь майданындағы Идрицк атқыштар дивизиясы құрамында 150-ші взвод басқарып, Польша және Германия жерлеріндегі ұрыстарға қатысқан. 1945 жылы 30 сәуірде лейтенант Рақымжан Қошқарбаев жауынгер Григорий Булатов екеуі Совет әскері арасынан Берлиндегі Рейхстагқа бірінші болып Жеңіс туын тікті.
Айта кетерлігі, қазақ батырының осынау ерлігін алғаш болып әлемге әйгілеген мемлекет қайраткері, жазушы Кәкімжан Қазыбаев еді. Ол Бауыржан Момышұлының тапсырмасы бойынша Рақымжан Қошқарбаевтың ерлігі лайықты бағасын алуы үшін көп еңбектеніп, көп ізденді. Қазақ жауынгерінің дәл сол сәттегі әрекетін дәлелдейтін жүзден астам құжатты тауып, көтеріп, шетелдік басылымдарда да жариялануына түрткі болды. Баукеңнің осы тапсырмасы туралы жазушы өзінің «Найзағайдай жарқылдап» атты кітабында былай деп еске алады:
« – Мен сені неге шақырдым?-деді.
– Білмедім, Бәуке!
– Білмесең, жаңа осында маған сәлем бере бір жігіт келді. Аты – Рахымжан. Фамилиясы қошқар ма, ісек пе, азбан ба, әйтеуір қойдың бір түрі, оны өзің анықтап алғайсың. Міне, сол жігіт… Міне, сол жігіт Рейхстагқа ту тіккен. Понимаешь?! Сен ұғып тұрсың ба, өзің?-деді.
– Ұғып тұрмын, Бәуке!
– Өтірік айтасың! Ұқсаңдар, неге жазбайсыңдар? Соғыс біткелі он үш жыл. Ана Рахымжанды көрмей жүрген неғылған журналиссіңдер?! Журналистке диплом емес, сезім, жүрек, көргіш көз керек. Жоқ, сол сендерде жоқ. Знаешь, ты кто такой Рахымжан? Мен де оны бүгін бірінші рет көрдім. Білесің бе, кімнің сәлем бере келгенін? Это исторический человек! Мен де соғысқа қатыстым. Дивизияны басқардым. Москва түбіндегі шайқасты көрдім. Төрт жыл бойғы сұрапыл соғыстың небір сұмдық қияметтері көз алдымда. Бірақ Берлинді алардағы, Рейхстагқа ту тігердегі қырғын – ол нағыз жойқын қырғын! Как воин, как командир я представляю что это такое, это было невероятно! Рахымжан сол тозақтың ішінде болған, сол тозақтан аман шыққан! Жеңіс жалауын тіккен. Кім үшін?! Мына сені мен мен үшін! Бүгінгі шолжаң қағып тірі жүргендердің бақыты үшін! Сол бір тозақта оның өзінің тірі қалуы ̶ это чудо! Жеңіс деген бақыт ̶ сол анау Рахымжан, Рахымжандар! Сен оны тап!».
Кәкімжан Қазыбаев батыр Баукенің тапсырмасын бұлжыртпай, тіпті артығымен орындады. Әйтсе де сол дәуірдің солақай саясаты, советтік режимнің өзімшілдігі Рақымжан Қошқарбаевтың қаһармандығын мойындауға міз бақпаған еді.
Тек Тәуелсіздік алғаннан кейін, 1999 жылы мамырдың 7-сінде Президент Н. Назарбаевтың Жарлығы бойынша Рахымжан Қошқарбаевқа Халық Қаһарманы атағы беріледі.
Еске сала кетсек, Ресейдің Әскери тарих институты 1-і Беларус майданындағы 150-і атқыштар дивизиясының лейтенанты Рақымжан Қошқарбаевтың 1945 жылдың 30 сәуірінде Рейхстагқа ту тіккені туралы&nbsp;тарихи оқиғаны&nbsp;2007 жылдың 7 мамырында ресми түрде растады.
<a href="https://lenta.inform.kz/kz/bugin-rakymzhan-koshkarbaevtyn-reyhstagka-tu-tikken-kuni_a3644497">ҚазАқпарат</a>

Бүгін Рақымжан Қошқарбаевтың Рейхстагқа ту тіккен күні

<a href="https://kyzylorda-news.kz/">Kyzylorda-news.kz.</a> Құйрық майды қазақтың кең таралған меншікті дәстүрлі емі деседе болады. Адам туғанда құйрық маймен сыланып, отбасылы болғанда құйрық-бауыр асатып, қайтқанда қырық шырағы құйрық майға шыланып бір өмірді өткізеді.
Біз құйрық майдың емдік рөлін жиі айтқанымызбен қазіргі кездегі оған керағар пікірлерге ғылыми дәлел таппай қиналамыз, олар мал майының қандағы холестерин мөлшерін жоғарлатып, жүрек-қантамыр ауруларына ұшырататынын алға тартып жүр.
Алайда, қарапайым сұрақ, сіз өзіңіздегі артық қаражатыңызды қайда сақтайсыз?&nbsp;
Әрине, банкке, болмаса қиыншылық кезінде оңай алып шығатын орынға. Малда сол секілді артық, жақсы қор заттарын май ретінде сақтайды. Әсіресе семіздікті көтеретін момындар. Қазірге дейін қойдың құйрық майын және емдік рөлін зерттеп жүрген адамдар&nbsp;жоқтың қасы. Халқымыз көп нәрсені біліп, дұрыс қолданған. Құйрық майда солардың қатарында. Енді төменде құйрық май туралы бұрын ізденіп, артынан ізденіске мойын бұрмай кеткен жазбамнан қысқаша шолу жасайын.
Қойдың құйрық майының негізгі құрамы төмендегідей:
май қышқылдары – лавр қышқылы (0,20%), миристік қышқыл (3,92% – 3,67%), палмит қышқылы (31,49% – 24,77%). , палмитол қышқылы (3,14% – 3,01%), маргарин қышқылы (4,32%), стеарин қышқылы (30,02% – 16,51%), олеин қышқылы (44,43% – 28,37%). (Unsal and Aktas (2003) and Unsal and Yanlic (2005) еңбектерінде).
Көріп отырғаныңыздай, ең көп үлесті, әдетте, олеин қышқылы, стеарин қышқылы, палмит қышқылы ұстайды. Шоколадтың да негізгі құрамы – осы үш май қышқылы. Ал ол пайдалы тағам ретінде қарастырылған.
Олеин қышқылы – жүрек-қантамыр ауруларының алдын алады. Жоғары температураға төзімді, тағамды қосып пісіру кезінде тұрақты, адам денсаулығына зиянды май қышқылдарына ыдырамайды. Қазірге дейін денсаулыққа кері әсері анықталмаған.Ол зәйтун майында көп болады. Зәйтүн майы калориясы өте жоғары, бір қасығы 100-ге жуық калория беретін тағам.
Стеарин қышқылы –&nbsp;ең көп таралған май қышқылдарының бірі. Ол көптеген жануарлар мен өсімдік майларында глицерол эфирі. Стеарин қышқылы өсімдік майына қарағанда жануарлардың майларында (30% дейін) көп (әдетте &lt;5%). Басқа қаныққан май қышқылдарынан айырмашылығы –&nbsp;стеарин қышқылы ерлер мен әйелдердегі липопротеин холестериннің концентрациясына әсер етпейді. Көптеген зерттеулер оның ерлердегі тромбогендік және атерогендік қауіптің алдын алатынын көрсеткен. Стеарин қышқылы адам ағзасына биологиялық тұрғыдан улы емес.
Палмит қышқылы – бұл ағзаға зиянды және холестеринді жоғарылататын жалғыз қаныққан май қышқылы. Дегенмен қойдың құйрық майында басқа зиянсыз қаныққан май қышқылдардың жалпы мөлшерінен аз екендігін ескерсек, ол адам денесіндегі холестеринді жоғарлата алмайды. Көбінесе сабын, май шам, косметика т.б. өндірісте қолданылады.
Құйрық маймен неге денені сылайды?
Стеарин қышқылы теріні жұмсартып, ауа өткізгіштігін тездетсе, палмит қышқылы теріні қайта қалпына келтіріп, тез түлеуіне әсер етеді. Ал денеге сіңген олеин қышқылы жоғары қуат береді. Бала сылаумен, қар қылаумен осылай өседі.
Қойдың құйрық майындағы басқа пайдалы қасиеттері олардың жеген шөбі мен ішкен суына және нәсіліне байланысты. Пайдалысы жағынан&nbsp;отты жерде жайылған қазақтың қылшық жүнді қойы, Еділбай, Шу қой тұқымдары алда тұрады.
Шоколадтың орнына қойдың құйрық майын, зәйтүн майының орнына тамақ пісіріп жеуге әбден болады.
<a href="https://sn.kz/densaulyk/66088-biomeditsina-ku-iryk-maidyn-ne-kasieti-bar">Sn.kz</a>

Құйрық майдың не қасиеті бар?

<a href="https://kyzylorda-news.kz/">Kyzylorda-news.kz.</a> Әйелдер үшін ас үй бөлмесі – ең көп уақыт өткізетін мекен. Жақындарымызға дәмді тағам жасау үшін және уақытты тиімді пайдалану үшін ас үй құпияларын біліп алу артықтық етпейді.
1. Сарымсақты жылдам тазарту
Сарымсақты, әсіресе, оның ұсақ түрлерін тазарту – жағымсыз процесс. Себебі сарымсақтың қабығы оның өзіне де, қолға да шырыштанып жабыса береді. Сарымсақтарды тез тазарту үшін оларды әйнек құтыға салыңыз да, оны қақпақпен немесе алақаныңызбен жабыңыз. Содан соң оны қатты шайқаңыз. Бұл әдіс арқылы сарымсақ қабықтарының көп бөлігінен бірнеше минут ішінде арылуға болады.
2. Сорпаны тасытпау
<img src="https://kyzylorda-news.kz/wp-content/uploads/2020/02/1askhana1.jpg" alt="" />
Бұл әр ас үй ханшайымына міндетті түрде керек болатын пайдалы кеңес. Әдетте, сорпа бір қайнап кеткенше оны үнемі бақылап, айналасында жүреміз. Аз уақытқа ас үйден шығып кетсеңіз болғаны, сорпа, ботқа немесе сүт бірден қайнап, тасып кетеді. Мұндай жағдай орын алмас үшін кәстрөлдің қақпағын жаппай, оның үстіне ағаш қасықты көлденеңінен қойып қойыңыз.
3. Сорпаның тұзын азайту
Сорпаны немесе борщты байқамай қатты тұздап жіберсеңіз, уайымдамаңыз, бұл жағдайдан шығудың жолы бар. Кішкене дәке бөлігін алыңыз да оған кез келген жарманы салыңыз. Дәкені буып, тұзы көп тамағы бар кәстрөлге салыңыз. Арасында сорпаның тұзға дәмін көріп тұрыңыз. Соңынан жармасы бар дәкені алып тастайсыз. Жарма артық тұзды өзіне сіңіріп алатын қасиетке ие.
4. Тамақты дәмді етіп қуыру
Етті немесе көкөністерді қуыру кезінде ол дәмді әрі шырынды болып шығуы үшін оған ең басында 1 шай қасық қант салып жіберу жеткілікті. Ол көкөністердің дәмін одан әрі күшейтеді.
5. Аппақ күріш пісіру
Суға күрішті қайнатқан кезде ол аппақ болып шыққанын қаласаңыз, оны дайындау кезінде оған бірнеше тамшы сірке суын құйыңыз.
6. Мөлдір мұз қатыру
Мұз текшелері таза әрі мөлдір көрінуі үшін оны қатырар алдында тек қайнаған су қолданыңыз. Суды бірнеше рет қайтара қайнатуға да болады.
7. Лимон суын жылдам сығу
Лимоннның немесе басқа да цитрусты жемістің суын шығару оңай болуы үшін оны алдымен үстелдің үстімен алақанмен қатты басып айналдырып алыңыз.
8. Зімбір тамырын тазарту
Зімбір тамырын пышақпен тазарту қиындық тудырса, оны қасықпен тазартыңыз. Ол үшін оны қасықпен қырып шығасыз.
9. Балмұздақтың жұмсақ күйін сақтау
<img src="https://kyzylorda-news.kz/wp-content/uploads/2020/02/1askhana2.jpg" alt="" />
Балмұздақты мұздатқышта сақтаған кезде ол тастай болып қатып қалады. Оның кішкене бөлігін кесіп алу үшін бүтін балмұздақты мұздатқыштан біраз уақытқа шығарып қою керек болады. Балмұздақ мұздартқышта да табиғи жұмсақ күйінде тұруы үшін оны полиэтилен пакетке салып сақтаңыз. Сондай-ақ бұлай ол дәмдік қасиетін де жақсы сақтайды.
10. Жұмыртқаны кесу
Жұмыртқаны оның сарысының бүтіндігін сақтап, әдемі етіп кесу үшін пышақ жүзін суық суға сулап алыңыз.
11. Брокколидің қанық түсін сақтау
Әдетте, брокколиді суға қайнатқан кезде оның әдемі түсі жоғалып, аздап ағарып кетеді. Оның қанық жасыл түсін сақтау үшін брокколиді суға қайнатқан соң салқын суға бір шайып алыңыз.
12. Нанды үгітпей турау
Үгілмелі нанды еш қиындықсыз турау үшін пышақ жүзін жылы суға сулап алыңыз. Сол кезде нан тілімдері тегіс әрі бүтін болады.
13. Шоколад глазурьді жылтырату
Торттағы глазурьге ыстық суға малынған силиконды қалақша арқылы тегіс жылтыр түр беруге болады.
14. Тұздың орнына лимон суын қолдану
Тамаққа қосатын тұз мөлшерін азайтқыңыз келсе, лимон суын қолданыңыз. Мысалы, көкөністі салаттарға тұздың орнына бірнеше тамшы лимон суын тамызыңыз. Оған қоса, лимон суы тамақ дәмін күшейтеді.
15. Бұқтырылған көкөністерді шырынды ету
Бұқтырылған көкөністер шырынды болып шығу үшін оларды бұқтырмас бұрын бірнеше минут суға қайнатып алған жөн.
16. Кілегей майын жұмсарту
Егер кенеттен жұмсақ кілегей майы керек болып, бірақ қол астында жаңа мұздатқыштан шыққан май ғана болса, оны жұмсартудың бір әдісін ұсынамыз: әйнек кесе немесе бокалды ыстық емес, жылы судың астында біраз ұстаңыз, содан соң онымен май бөлігін жауып қойыңыз.
17. Дәмдеуіштердің хош иісін күшейту
Кепкен дәмдеуіштердің хош иісін арттыру үшін оларды тамақ пісірердің алдында жылы табаға бірнеше секундқа қыздырып алу керек.
18. Черри қызанағын кесу
Бірден бірнеше черри қызанағын кесу керек болса, диаметрлері бірдей екі пластик қақпақ немесе бірдей екі тәрелке алыңыз. Оның біреуіне черри қызанақтарын қойып, бетін келесі ыдыспен жабыңыз. Ыдыстың үстінен қолыңызбен ұстап тұрып, ұзын өткір пышақпен жүріп өтіңіз.
19. Печеньенің жұмсақтығын сақтау
Егер печеньенің жұмсақтығын ұзағырақ сақтағыңыз келсе, оны алма бөліктерімен бірге ұстаңыз. Ыңғайлы болу үшін печеньені контейнерге салып, оның қасына алманың шағын бөлігін салып қоюға болады.
20. Жұмыртқа қабығын алу
<img src="https://kyzylorda-news.kz/wp-content/uploads/2020/02/1askhana3.jpg" alt="" />
Омлет дайындағанда немесе жұмыртқа қуырғанда оның қабығының кішкентай бөлігі табаға түсіп кетсе, оны алу үшін саусағыңызды сулаңыз. Сол кезде жұмыртқаның қабығы су қолға өзі жабысады.
<a href="https://massaget.kz/kyizdarga/kulinariya/61029/">Massaget.kz</a>

Ас үй ханшайымдары біллуі керек кеңестер

<a href="https://kyzylorda-news.kz/">Kyzylorda-news.kz.</a> Omdia компаниясының зерттеуінше, қазіргі кезде әлемде ең танымал әрі ең көп қолданылатын смартфон – iPhone XR екен.
Компанияның есептеуінше, былтыр Apple компаниясы iPhone XR-дің 46 млн данасын сатқан. Одан кейінгі орында iPhone 11 тұр. Одан 37 млн дана сатылған. Ал үшінші орында – Samsung Galaxy A10. Сатылған данасының саны 30 миллионнан асады.
Алғашқы ондыққа Apple мен Samsung компаниясының өнімдерімен бірге қытайдың Xiaomi компаниясының өнімдері &nbsp;де кірген екен.&nbsp;
Omdia зерттеу компаниясының ресми өкілі Джуси Хонгтың айтуынша, әзірше Apple-ге жетер, оның девайсынан асып түсер құрылғы жоқ. Apple-дің алғашқы қос орынды бермей келе жатқанына биыл – бесінші жыл.
Мәселен, 2018 жылы жылдың үздік смартфоны iPhone 8 (31,5 млн дана), екінші және үшінші орындарды iPhone X пен iPhone 8 Plus бөлісіп алған. Ал биыл бас жүлдені алған&nbsp;iPhone XR-дің ол кезде 23 млн данасы сатылған.&nbsp;
<a href="https://massaget.kz/layfstayl/tehno/61044/">Massaget.kz</a>

Қазақстан және Қызылорда облысының жаңалықтары: Керек дерек

16 маусым: Атаулы күндер мен оқиғалар

Жұлдыздар не дейді?

Жұлдыздар не дейді?

Жұлдыздар не дейді?

Теміржолға неге тас төселеді?

Бүгін Рақымжан Қошқарбаевтың Рейхстагқа ту тіккен күні

Құйрық майдың не қасиеті бар?

Ас үй ханшайымдары біллуі керек кеңестер

Әлемдегі ең танымал смартфон қайсы?