<a href="https://kyzylorda-news.kz/">Kyzylorda-news.kz</a>. Финляндия төртінші жыл қатарынан әлемдегі ең бақытты ел атанды.
Бұл рейтинг Біріккен Ұлттар Ұйымының тапсырысымен шығарылған Әлемдік бақыт туралы баяндамада қамтылған. Рейтингте Финляндия бірінші орында тұр.
Исландия, Дания, Швейцария және Нидерланд алғашқы бестікке енсе, алғашқы ондыққа Швеция, Германия, Норвегия, Жаңа Зеландия және Австрия енген.
Зерттеу 149 елді қамтыды. Әлемдік бақыт туралы баяндама 2012 жылдан бері жарияланып келеді. Оны құрастыру барысында зерттеушілер жан басына шаққандағы ЖІӨ, әлеуметтік қолдау деңгейі, өмір сүру ұзақтығы, азаматтық бостандықтың сақталуы, жұмыспен қамту кепілдігі, сыбайлас жемқорлық деңгейі сияқты көрсеткіштерді, сондай-ақ қоғамдық пікір нәтижелерін ескереді.
<a href="https://24.kz/kz/zha-aly-tar/lemde/item/462354-lemdegi-e-ba-ytty-elder-ataldy">24.kz</a>

Әлемдегі ең бақытты елдер аталды

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Гүлшара Әбдіқалықова 8 наурыз – «Халықаралық әйелдер күні» мерекесі қарсаңында әйел-аналармен кездесіп, оларды мерекемен құттықтады.
<blockquote>
 «Аналарымызды ардақтап, қадір тұтудың шектеулі мерзімі жоқ. Десек те, көктемнің күнін көрікті ететін 8 наурыз – «Халықаралық әйелдер күні» сол 365 күннің ең бір ерекше күні екені даусыз. Олай болса, бүгін қоғамның барлық саласында ерлермен иық тірестіре еңбек етіп жүрген нәзік жандарға, аяулы аналарға шынайы алғысымызды білдірсек деген ниетпен жиналып отырмыз. Биыл – Тәуелсіздігіміздің 30 жылдық мерейлі жылы. Осы жылдар ішіндегі еліміздің толағай табыстары мен Сыр өлкесінің қол жеткен жетістіктерінің барлығында бір қолымен бесік, екінші қолымен әлемді тербеткен әйелдер қауымының өз қолтаңбасы бар. Сіздерді қасиетті Жер-ана бусанып, қар астынан алғашқы бәйшешек бой көтеріп, жер-дүние күн шуағына бөленетін көктемнің көрікті мерекесімен құттықтауға рұқсат етіңіздер», – деді облыс әкімі Гүлшара Әбдіқалықова.
</blockquote>
Қазіргі таңда өңіріміздегі халық саны – 814 461 болса, оның ішінде нәзік жандылардың саны – 405 526 құрайды. Қалалық жердегі әйелдер – 185 462 болса, ауылдық жерде – 220 064. Көпбалалы аналар саны – 38 706. Оның ішінде «Алтын алқа» иесі – 4363 болса, «Күміс алқа» иесі – 9655. Облыс бойынша мемлекеттік қызметшілердің 37 пайызы – әйелдер. Сондай-ақ, медицина қызметкерлерінің 87 пайызы, педагогтардың 73 пайызы әйелдер болса, жалпы бюджеттік салада 60 пайыз қыз-келіншек қызмет етеді. Облыстық, қалалық аудандық депутаттары саны – 152 болса, оның 39-ы әйел азаматша. Бүгінде өңірімізде 54 157 шағын және орта кәсіпкерлік субъектісі тіркелсе, оның шамамен 22 мыңнан астамы әйел кәсіпкер. Өткен 2020 жылы «Бизнестің жол картасы-2025» мемлекеттік бағдарламасы аясында 382 кәсіпкерге қолдау көрсетілсе, оның ішінде 178-і әйел кәсіпкер қолдауға қол жеткізген.
Кездесуде аймақ басшысы көп балалы аналар Юлия Панащук пен Фарида Төреқожаеваға «Күміс алқа» төсбелгісін табыс етті.
Шарада сөз алған облыстың Құрметті азаматы Алмагүл Божанова мен ауылшаруашылығы саласының ардагері Рая Бердешова қөрсетіліп жатқан құрмет үшін аймақ басшысына алғысын білдіріп, өңірдің өркендеуіне тілектестіктерін білдірді.Ал, 25 жылдан аса акушер қызметін атқарып, 10 мыңнан аса сәбидің «Кіндік анасы» атанған Гүлмира Исабекова әйел және ана бақыты жайлы өнегелі ойларымен бөлісті. Ақын Асылзат Арыстанбек «Әйел әлемі» атты өлеңін оқып, мереке иелеріне жырдан шашу шашты. Тәуелсіздіктің құрдасы, Қорқыт ата атындағы Қызылорда университетінің Халықаралық байланыстар бөлімінің басшысы, «Мемлекеттік және жергілікті басқару» білім беру бағдарламасының докторанты Бекзат Ырза жастарға жасалып жатқан мемлекеттің қолдауларын айта келе, ел мүддесі үшін аянбай еңбек ететіндігін жеткізді.
Жалпы нәзіктік пен сұлулықтың символы саналатын, көктемнің шуақты мерекесінде бас қосқан әйелдер қауымы, нәзік жандылардың қоғамдағы орны, олардың ұрпақ тәрбиесі мен ел өміріндегі елеулі істерге үлесі жайлы еркін пікір алмасты.
Кездесу соңында аймақ басшысы салтанатты басқосудың қонақтарына мерекелік сыйлықтар табыстап, естелік суретке түсті.
<img src="https://kyzylorda-news.kz/wp-content/uploads/2021/03/157232422_3173667892736258_7892302175655144842_o.jpg" alt="" />
<img src="https://kyzylorda-news.kz/wp-content/uploads/2021/03/156982922_3173668796069501_1175854489383024145_o-1.jpg" alt="" />
<img src="https://kyzylorda-news.kz/wp-content/uploads/2021/03/157792247_3173668429402871_7077892523336190056_o.jpg" alt="" />
<img src="https://kyzylorda-news.kz/wp-content/uploads/2021/03/157122162_3173670256069355_2304275670717107863_o.jpg" alt="" />
<img src="https://kyzylorda-news.kz/wp-content/uploads/2021/03/157846978_3173670139402700_8378038318930707832_o.jpg" alt="" />
<img src="https://kyzylorda-news.kz/wp-content/uploads/2021/03/155043019_3173669952736052_326488085149614561_o.jpg" alt="" />
<img src="https://kyzylorda-news.kz/wp-content/uploads/2021/03/157209197_3173669546069426_8157269324026026223_o.jpg" alt="" />
<img src="https://kyzylorda-news.kz/wp-content/uploads/2021/03/157428783_3173669536069427_7337437340581930403_o.jpg" alt="" />
<img src="https://kyzylorda-news.kz/wp-content/uploads/2021/03/156953448_3173670982735949_8583325862154615607_o.jpg" alt="" />
<img src="https://kyzylorda-news.kz/wp-content/uploads/2021/03/157461107_3173670049402709_1944401475576254442_o.jpg" alt="" />
<img src="https://kyzylorda-news.kz/wp-content/uploads/2021/03/157638621_3173670342736013_7303971427956080748_o.jpg" alt="" />
<img src="https://kyzylorda-news.kz/wp-content/uploads/2021/03/157386587_3173670629402651_2441699131747967766_o.jpg" alt="" />

Гүлшара Әбдіқалықова әйел-аналарды мерекемен құттықтады

<h3 id="kyzylordanewskzhttpskyzylordanewskz10nbsp"><a href="https://kyzylorda-news.kz/">Kyzylorda-news.kz.</a> Бүгінгі бейбіт заманда еліміздің Қарулы Күштеріндегі әскерилердің 10 пайыздан астамы қыз-келіншектер. Қазіргі таңда сол арулардың қырыққа жуығы Қызылорда гарнизонында Отан алдындағы әскери қызметтерін жалғастыруда.&nbsp;</h3>
Нардың жүгін арқалап, ерлермен қатар ел тыныштығын күзеткен нәзікжандардың ісіне де, киген киіміне де сүйсіне қарайтынымыз бар. Олар жұмыста – жауынгер, үйде – отбасының ұйытқысы, аяулы жар, мейірімді ана, ибалы келін. Бүгінгі біздің кейіпкерлеріміз Қазақстан әскері қатарында еңбек етіп келе жатқан аяулы жандар – аға сержант Индира Алмұратова мен ефрейтор Назерке Қыстаубаева.&nbsp;
Медбике мамандығын алған Индира Алмұратова әскери салада 10 жылдан бері қызмет атқарып келеді. Алғашында Жамбыл облысы Луговой гарнизоны әскери бөлімінде санитарлық нұсқаушы болып қызмет атқарған. Одан кейін Шымкент гарнизоны әскери бөлімінде жұмыс істеген. 2015 жылы Қызылорда гарнизонында әскери бөлімі ашылған уақытта жасақтау бөліміне жұмысқа қабылданып, сол жылдың желтоқсан айында Қарулы күштер қатарына қосылған. Қазіргі таңда ол Қызылорда облысы Қорғаныс істер жөніндегі департаментінің жасақтау басқармасының технигі қызметін атқарады.&nbsp;
Индира Алмұратова осы сәтке дейін бірнеше қызметтік сатыдан өтіп, бүгінде өз ісінің білгір маманы атанған. Сонымен қатар республикалық деңгейдегі бірнеше шараға қатысып, тәжірибе жинақтаған.&nbsp;
<img src="https://baq.kz/upload/medialibrary/9b2/9b214e5928d4f6cfc4135d13567b7c19.JPG" alt="" />
<blockquote>
 «2017 жылы ҚР Қарулы Күштерінің 25 жылдығына және Ұлы Жеңіс күніне арналған әскери парадқа қатыстым. Сонымен қатар 2016 жылы «KADEX-2016» қару-жарақ және әскери-техникалық мүліктер көрмесіне, сондай-ақ «АрХО-2016» халықаралық форумына қатысып, жауынгерліктің қыр-сырын меңгердім. Бұл іс-шаралардан түйгенім көп», – дейді Индира Алмұратова.&nbsp;
</blockquote>
Жұмыспен қатар үй шаруасына үлгеріп жүрген формадағы ару қазіргі таңда бір ұл, бір қыз тәрбиелеп отыр. Халыққа қызмет етуді парызым деп білетін Индира Алмұратова пандемия кезінде медбикелік ісін де қатар алып жүріп, көмек сұрағандарға қол ұшын созған.&nbsp;
<blockquote>
 «Пандемия кезінде халыққа медицина қызметтері ауадай қажет болды. Осы кезде медбикелер тапшылығы сезіліп жатты. Көмек сұрағандар көп болды. Қолдан келген іс болғандықтан, көмек көрсетуге әзір тұрдым», – дейді ол.&nbsp;
</blockquote>
Бүгінде Индира Алмұратова әскерге баратын азаматтармен жан-жақты дайындық жұмысын жүргізеді. Оның айтуынша, кейде қазақ жігіттерін рухтандырып, олардың Отан алдындағы борышын өтеуі міндетті екенін де еске салады.&nbsp;
Ал Қызылорда гарнизоны әскери бөлімінің байланысшылар взводының аға маманы, аға телефонисі Назерке Қыстаубаева әскери өмірге осыдан 6 жыл бұрын аяқ басқан. Оның бұл саланы таңдауына әкесі мен ағасы себепші болған. Олардың күнделікті тәртібі мен киген киіміне қызыққан ару алғашында полиция қызметкері болуды мақсат еткен. Алайда өмірдің ағымымен әскери қызметкер атанып, қазіргі таңда ерлермен бірге нардың жүгін арқалауда.&nbsp;
<img src="https://baq.kz/upload/medialibrary/89b/89b222386ff6bd2996de9c4370738bd8.JPG" alt="" />
<blockquote>
 «Әскери қызметкер болғаныма қуанамын. Мен өзімді басқа салада жұмыс істегенімді елестете алмаймын. Әскери қызметкер болу – қызығы мен шыжығы қатар жүретін мамандық. Жалпы айтқанда, өзге салалармен салыстыруға келмейтіні белгілі. Бастапқы кезде менің де қиындықты бастан өткізген кездерім болды. Алғашында жолдасым менің мамандығыма түсіністік таныта алмады. Жұмысқа ерте кетіп, кеш оралатын сәттер аз болмады. Жаттығу, дайындық жұмыстары кезінде түн ауа ораламыз. Алайда уақыт өте келе барлығы бір қалыпқа түсті», – дейді Назерке Қыстаубаева.&nbsp;
</blockquote>
Сонымен қатар&nbsp;жауынгер ару күні бойы керзі етікпен жүріп, оқу-жаттығу дабылы кезінде бронежилет киіп, автомат асынып, ауыр радиостанция мен әскери қызметкердің жеке заттарына арналған дорбаны қоса арқалап жүретін кездер болатынын айтты. Бұл күндері таңнан кешке дейін салмағы 25-30 келілік әскери қару-құралдарды асынып жүретінін де жеткізді.&nbsp;
Назерке Қыстаубаеваның айтуынша, дабыл қағылған сәтте белгіленген жерге жеткеннен кейін әркім өзіне тапсырылған заттарға ие болып, ісіне кіріседі.&nbsp;
<blockquote>
 «Көп қиындық артта қалды. Қазіргі таңда ерлермен қатар иық тіресе жұмыс істеп жүргенімді мақтан тұтамын. Әр істің өз қиындығы бар. Біздің саладағы қиындыққа қарамай, жұмыстан бас тартпай, намысқа тырысып, өз-өзіңді қамшылап алу қажет деп ойлаймын», – дейді Назерке Қыстаубаева.&nbsp;
</blockquote>
Жауынгер арулар жаны нәзік болғанымен, елдің қауіпсіздігін қамтамасыз ету жолында ер-азаматтармен бірдей еңбек етіп жүргені – өздерінен кейінгі іні-сіңлілеріне үлгі-өнеге.
<a href="https://baq.kz/news/othernews/el-tynyshtygyn-kuzetken-zhauynger-arular/">Baq.kz</a>

Жұмыста &#8211; жауынгер, үйде &#8211; отбасы ұйытқысы

<a href="https://kyzylorda-news.kz/">Kyzylorda-news.kz.</a> 8 наурыз – Халықаралық Әйелдер күні мерекесі қарсаңында құқық қорғау саласында абыройлы қызмет атқарып жүрген полицей арудың бірі және бірегейі жайлы айтпақпыз.
Полицияда ерлермен қатар абыроймен қызмет атқарып жүрген әйел полицейлер баршылық. Қоғам тыныштығын күзету, оны асқан жауапкершілікпен атқару оңай емес екендігі бәрімізге белгілі. Бұл сала ерлер немесе әйелдер деп бөлінбейді. Бәріне қойылар талап пен тәртіп бірдей. Солардың бірі Қызылорда қаласы Полиция басқармасы Ақсай полиция бөлімінің анықтау бөлімінің анықтаушысы, полиция аға лейтенанты Айсаулем Қызылқожаева 4 жылдан астам уақыт абыройлы қызмет атқаруда.
<blockquote>
 &nbsp;«Отбасымыздағы полиция әулетінің негізін қалаушы менің әкем – Амангелді Медиев. Ол ішкі істер органдарында 25 жыл жұмыс істеген, қазіргі уақытта майор шенінде зейнеткерлікке шығып, қазіргі жастарға тәжірибелі тәлімгер. Анам – Айжан Медиева, зейнеткер. Бос уақытында шығармашылықпен айналысқанды жаны сүйеді»- деді Айсаулем.
</blockquote>
Айсәулемнің үлкен ағасы – Ренат Медиев, Қазақстан Республикасы Бас прокуратурасының жанындағы Құқық қорғау органдары академиясының 1 – институтының тергеу-жедел жұмысы кафедрасының доценті, әділет кеңесшісі.
Құқық қорғау органдарындағы қызмет туралы, жұмысындағы қиындықтар мен сынақтар туралы осы отбасындағы балалар жақсы біледі. Жас кезінен Ренат пен Айсәулем әкесінің қылмысқа қарсы күрес туралы әңгімелерін тыңдап, оны жұмыстан асыға күтетін. &nbsp;Есейген шақта олар өз тағдырларын ішкі істер органдарындағы ауыр және қауіпті қызметпен байланыстырды және өмірде басқа жолды елестете де алмады.
&nbsp;Айсәулемнің оның жұбайы Гамаль Қызылқожаев Қызылорда облысы ТЖД қатарында азаматтық қорғаныс капитаны атағында қызмет атқарады. Айсаулемнің шаңырағы шұғылалы және рухани отбасы, себебі отбасы мүшелері бір-біріне демеу бола біледі. Олар үш әдемі қыз өсіріп, болашақтарынан үлкен үміт күтеді. Үлкендері Самия мен Зейнеп мектеп оқушылары, ал ең кішісі Медина 2 жаста.
<blockquote>
 &nbsp;&nbsp;«Мен полиция қызметкерінен басқа қандай маман иесі бола &nbsp;алатынымды елестете алмаймын. Менің ойымша, бұл мамандық ең маңыздыларының бірі, өйткені біз адамдарға көмектесеміз, қылмыскерлерден қорғаймыз. Мен қиындықтардан қорықпаймын және өз Қазақстанымның игілігі үшін қызмет етуге әрқашан дайынмын. Егер бала кішкентайынан құқық қорғау саласы туралы жетік біліп, көріп өссе онда олар полицейлердің қандай қызмет атқаратындығын ерте түсінеді. Менің отбасым жұмысымның ерекшелігін жақсы біледі, олар үшін бұл қалыпты жағдай. Бұл отбасындағы өзара түсіністікке ықпал етеді. Отбасы мүшелері жұмысыңды&nbsp; қолдап, түсіністікпен қарағанда бұл қызметте үлкен сәттілік пен бақыт әкеледі. Менің жұмыс бабындағы абыройым отбасымның тілеуінде деп білемін» – дейді погондағы қыз.
</blockquote>

Ел тыныштығына ұйытқы болған ару

<a href="https://kyzylorda-news.kz/">Kyzylorda-news.kz.</a> Британ фотографы Джеймс Моллисон (James Mollison) мектеп жанындағы алаң балалық шағында өте маңызды орын алғанын байқаған. Мектеп алаңында қызықты кездесулер мен әңгімелер, ойындар мен балалық қылықтар болатыны сөзсіз. Осы ойлар оны мектеп алаңдарына байланысты фотожоба құруға итермеледі. Әлемнің түкпір-түкпіріндегі мектеп алаңдары қандай екенін Моллисонның суреттерінен тамашалауыңызға болады.
Ұлыбритания
<img src="https://kyzylorda-news.kz/wp-content/uploads/2021/02/wlyb.jpg" alt="" />
Боливия
<img src="https://kyzylorda-news.kz/wp-content/uploads/2021/02/boli.jpg" alt="" />
Бутан
<img src="https://kyzylorda-news.kz/wp-content/uploads/2021/02/bwtan.jpg" alt="" />
Жапония
<img src="https://kyzylorda-news.kz/wp-content/uploads/2021/02/zhapo.jpg" alt="" />
Ресей
<img src="https://kyzylorda-news.kz/wp-content/uploads/2021/02/resej.jpg" alt="" />
Израиль
<img src="https://kyzylorda-news.kz/wp-content/uploads/2021/02/izar.jpg" alt="" />
Норвегия
<img src="https://kyzylorda-news.kz/wp-content/uploads/2021/02/norv.jpg" alt="" />
Непал
<img src="https://kyzylorda-news.kz/wp-content/uploads/2021/02/nepal.jpg" alt="" />
Үндістан
<img src="https://kyzylorda-news.kz/wp-content/uploads/2021/02/wndis.jpg" alt="" />
Мексика
<img src="https://kyzylorda-news.kz/wp-content/uploads/2021/02/meksi.jpg" alt="" />
Италия
<img src="https://kyzylorda-news.kz/wp-content/uploads/2021/02/ital.jpg" alt="" />
АҚШ
<img src="https://kyzylorda-news.kz/wp-content/uploads/2021/02/aksh.jpg" alt="" />
Кения
<img src="https://kyzylorda-news.kz/wp-content/uploads/2021/02/kenija.jpg" alt="" />
Қытай
<img src="https://kyzylorda-news.kz/wp-content/uploads/2021/02/kytaj.jpg" alt="" />
<a href="https://bilim-all.kz/article/12185-Alem-elderindegi-mektep-alandary">Bilim-all.kz</a>

Әлем елдеріндегі мектеп алаңдары

<a href="https://kyzylorda-news.kz/">Kyzylorda-news.kz</a>. Аймақта өткен жылы 62 000 тонна қалдық залалсыздандырылды. Оның ішінде, 41 000 тонна өндірістік, 21 000 тонна тұрмыстық қатты қалдық. Қазіргі таңда , геологиялық барлау және құрылыс нысандарының артуынан өндірістік қалдықтың көлемі көбеюде.
Бұл туралы өңірлік коммуникациялар қызметінің ақпарат алаңында өткен брифингте облыс бойынша экология департаменті басшысының міндетін атқарушы Нұржан Өмірсерікұлы айтты. 
Облыста 145 полигонға жер учаскесі белгіленген. Оның 7-і ғана экологиялық талапқа сай.
<blockquote>
 «Өткен жылы 96 экологиялық заңнама талаптарын бұзу фактісі анықталып, кемшіліктерді жою үшін тиісті жұмыстар жасалды. Мұнан өзге, 35 әкімшілік құқық бұзушылық жөнінде іс қозғалып айыппұл салынды. Сонымен қатар, облыста қалдықтарды сұрыптайтын 3 кәсіпорын бар. Атап айтқанда, Белкөл кентінде орналасқан «Ибрайхан и К ЛТД» ЖШС-нің полигонындағы жинақталған шыны, автошина, пластик, мата, құрылыс тамақ қалдықтары сұрыпталуда. «Smart Rubber» ЖШС автокөліктердің жарамсыз шиналарын қайта өндеп, тамшылатып суаруға арналған түтіктерін өндіруде. «Эко-Н Сервис» ЖШС істен шыққан жарамсыз құрамында сынабы бар шамдарды залалсыздандыруда. Бұған қоса, 136 заңсыз қалдық орны анықталып, оның 131 жойылды»,-деді Нұржан Өмірсерікұлы.
</blockquote>
<img src="https://kyzylorda-news.kz/wp-content/uploads/2021/02/152033546_1233693850359458_7276019459541891879_o.jpg" alt="" />
Айта кетейік, 2020 жылдан бастап тамақ және құрылыс материалдары қалдықтарын полигондарға көмуге тыйым салынған.

Қызылордада 62 000 тонна қалдық залалсыздандырылды

Kyzylorda-news.kz. Жаңа жыл – әлем елдері асыға күтетін мереке. Әдетте желтоқсанның 31-нен қаңтарға қараған түні мерекені тойлайды. Дегенмен уақыт белдеуіне байланысты әр ел әрқалай уақытта жаңа жылға өтеді.
Жаңа жылды бірінші болып Кирибати, Тонга корольдігі және Жаңа Зеландияның Чатем аралының тұрғындары қарсы алады.
Гринвич уақыты бойынша +24 белдеуіне кіретін АҚШ-тың Гавай аралдары, Таити мен Кука аралдары жаңа жылды соңынан қарсы алады. Бұл елдер Жаңа жылды тойлап жатқанда Нұр-Сұлтанда қаңтардың 1 болып, сағат тілі 16:00 көрсетіп тұрады.
Ал дәл бір сағаттан соң Самоа мемлекеті жаңа жылды әлемнің соңынан қарсы алады. Ресми +25 уақыт белдеуіне кіретін Самоа Жаңа жылды соңынан тойлайтын ел саналады. Бір қызығы, Тынық мұхитында орналасқан Самоа мен Жаңа жылды бірінші қарсы алатын Кирибати аралдарының арасын жүздеген шақырым ғана бөліп тұр.
<a href="https://massaget.kz/layfstayl/alemtanu/syrly-alem/64166/amp/">Massaget.kz</a>

Жаңа жылды соңынан тойлайтын ел

<a href="https://kyzylorda-news.kz/">Kyzylorda-news.kz.</a> Нұр-Сұлтан қаласындағы Қызылорда облысының ауыл шаруашылық өнімдерінің жәрмеңкесіне сырбойылықтар 30 автокөлікпен 360 тоннаға жуық жоғары сапалы өнімдерін ұсынуда. Оның ішінде Сыр елінің басты бренді ақталған күріштің 146 тоннасы жеткізілген.
Айта кету керек, биыл қызылордалықтар еккен негізгі дақыл күрiштің көлемі 89,5 мың гектарды құрап отыр.
Егілген күріштен жоғары өнім алу мақсатында күріш егісіне 100 пайыз жоғары репродукциялы тұқымдар себілген. 67,5 мың гектар егіс тыңайтқыштармен үстеп қоректендірілсе, 65,6 мың гектары арам шөптерге қарсы өңделді. Облыста күрішке орақ салу жұмыстары 22 тамыздан басталды.
Бүгінгі күні 24 865 гектар күрішке орақ салынып, оның 16 898 гектары бастырылды. Әр гектарынан орташа 49,3 центнерден өнім алынуда. Биылғы жылғы әлемді жайлаған короновирус пандемиясына қатысты карантиндік шаралар мен орын алған суармалы су тапшылығына қарамастан Сыр елінің диқандары былтырғы көлімде өнім жинауын жоспарлануда. Егін жинау жұмыстарын 15 қазаннан кешіктірмей толық аяқтау көзделіп отыр.
Нұрсұлтан МЫҚТЫБАЙ
Суреттерді түсірген Ермұрат НАЗАРҰЛЫ
<ul>
<li><img src="https://kyzylorda-news.kz/wp-content/uploads/2020/09/whatsapp-image-2020-09-18-at-18.44.34-2.jpeg" alt="" /></li>
<li><img src="https://kyzylorda-news.kz/wp-content/uploads/2020/09/whatsapp-image-2020-09-18-at-18.44.33-1.jpeg" alt="" /></li>
</ul>
<img src="https://kyzylorda-news.kz/wp-content/uploads/2020/09/whatsapp-image-2020-09-18-at-18.44.37-1-1.jpeg" alt="" />
<ul>
<li><img src="https://kyzylorda-news.kz/wp-content/uploads/2020/09/whatsapp-image-2020-09-18-at-18.44.31-1.jpeg" alt="" /></li>
<li><img src="https://kyzylorda-news.kz/wp-content/uploads/2020/09/whatsapp-image-2020-09-18-at-18.44.33-2.jpeg" alt="" /></li>
</ul>

Жәрмеңкенің басты бренді: Сырбойылықтар бас қалада 146 тонна ақталған күрішті саудаға шығарды

<a href="https://kyzylorda-news.kz/">Kyzylorda-news.kz.</a> Нұр-Сұлтан қаласындағы Қызылорда облысының ауыл шаруашылық өнімдерінің жәрмеңкесі екі күн бойы жалғасады. Жәрмеңкеге Қызылорда қаласы мен 7 ауданының 70-тен аса шаруашылық пен кәсіпорындары 30 автокөлікпен 360 тоннаға жуық жоғары сапалы өнімдерін ұсынуда.
Сырбойылықтар жәрмеңкеге 146 тонна ақталған күріш, 27 тонна балық және балық өнімдері, 28 тонна асқабақ, 126,5 тонна бақша, 18 тонна көкөніс пен жеміс және 14,5 тонна басқа өнім түрлерін әкелген.
Тез бұзылатын сүт өнімдері секілді тауарлар рефрижератор көлігімен жеткізіліпті. Сатушыларға арнайы униформа беріліп, карантин талаптары толық сақталған. Барлығы дезинфекциялық құралдармен қамтылған.
Атап өту керек, ағымдағы жылы Қызылорда облысы аграрлық салада айтарлықтай жетістіктерге қол жеткізді.
Мәселен, егіс көлемі – 1,1 мың гектарға артып, 184,2 мың гектарды құрады. Барлық дәндi дақылдар 99,9 мың гектар, майлы дақылдар 5,7 мың гектар, мал азықтық дақылдар 61,0 мың гектар, картоп, көкөнiс, бақша 17,6 мың гектарды құраса, негізгі дақыл күрiштің көлемі 89,5 мың гектарды құрады.
Жалпы егіс көлемі 2014 жылмен салыстырғанда 25 мың гектарға артса, әртараптандыру бағытында соңғы алты жылда мал азықтық дақылдар 8,0 мың гектарға, майлы дақылдар 6,9 мың гектарға, ал күріштен басқа дәнді дақылдар көлемі 3,7 мың гектарға ұлғайып отыр.
Сонымен қатар, бүгінгі күнге облыста 227 мың тонна картоп, көкөніс, бақша және 19,7 мың тонна ет, 48,5 мың тонна сүт өндіріліп отыр.
Сыр елінің ауыл шаруашылығы өнімдері қазіргі таңда әлемнің 17 мемлекетіне экспортталуда. Экспортталған өнімнің 92,4 пайызы облыстың негізгі дақылы – күріш өнімі болып, Ресей, Қырғызстан, Беларусия, Әзірбайжан, Моңғол мемлекеті, Тәжікстан, Украина, Түркмения және Ирак мемлекеттеріне шығарылуда.
Нұрсұлтан МЫҚТЫБАЙ
Суреттерді түсірген Ермұрат НАЗАРҰЛЫ
<ul>
<li><img src="https://kyzylorda-news.kz/wp-content/uploads/2020/09/whatsapp-image-2020-09-18-at-18.44.38.jpeg" alt="" /></li>
<li><img src="https://kyzylorda-news.kz/wp-content/uploads/2020/09/whatsapp-image-2020-09-18-at-18.44.37.jpeg" alt="" /></li>
<li><img src="https://kyzylorda-news.kz/wp-content/uploads/2020/09/whatsapp-image-2020-09-18-at-18.44.35.jpeg" alt="" /></li>
<li><img src="https://kyzylorda-news.kz/wp-content/uploads/2020/09/whatsapp-image-2020-09-18-at-18.44.31-2.jpeg" alt="" /></li>
</ul>

Жәрмеңке: Қызылордалықтар елорда тұрғындарына 360 тоннаға жуық өнім ұсынуда

<a href="https://kyzylorda-news.kz/">Kyzylorda-news.kz.</a> Елордамыз Нұр-Сұлтан қаласында Қызылорда облысының ауыл шаруашылық өнімдерінің жәрмеңкесі өтіп жатыр.
Оған Сыр еңбеккерлері жан-жақты дайындықпен келген. Бүгінде ауылдағы «алқаптан сөреге дейін» кооперациялық тізбегін іске асыру бастамасымен Сыр өңірінің дихандары және ауыл шаруашылығы тауарөндірушілерімен жалпы 100 млн. теңгенің ауыл шаруашылығы өнімдерін әкеліп, Нұр-Сұлтан қаласының тұрғындарына нарық бағасынан 10-20% төмен бағада ұсынуда.
Белі бүгіліп жерден несібесін терген барлық шаруалар үшін бұл қуанышты мезет. Өйткені, көктемде басталатын жұмыс жазда қызып, күзде жемісін көреді. Қызылорданың брендіне баланатын ақ күріші, балығы мен ас тұзы, қауыны мен қарбызынан Арқа төріндегі тұрғындар дәм татуда.
Нұрсұлтан МЫҚТЫБАЙ
Суреттерді түсірген Ермұрат НАЗАРҰЛЫ
<ul>
<li><img src="https://kyzylorda-news.kz/wp-content/uploads/2020/09/whatsapp-image-2020-09-18-at-18.44.31-1.jpeg" alt="" /></li>
<li><img src="https://kyzylorda-news.kz/wp-content/uploads/2020/09/whatsapp-image-2020-09-18-at-18.44.31.jpeg" alt="" /></li>
<li><img src="https://kyzylorda-news.kz/wp-content/uploads/2020/09/whatsapp-image-2020-09-18-at-18.44.34-1.jpeg" alt="" /></li>
<li><img src="https://kyzylorda-news.kz/wp-content/uploads/2020/09/whatsapp-image-2020-09-18-at-18.44.33-1.jpeg" alt="" /></li>
<li><img src="https://kyzylorda-news.kz/wp-content/uploads/2020/09/whatsapp-image-2020-09-18-at-18.44.33.jpeg" alt="" /></li>
</ul>

Қызылорда облысы Нұр-Сұлтанға 100 млн. теңгенің ауыл шаруашылығы өнімдерін әкелген (ФОТО)

<a href="https://kyzylorda-news.kz/">Kyzylorda-news.kz.</a> Бүгін Нұр-Сұлтан қаласында Сыр өңірінің ауыл шаруашылық өнімдерінің жәрмеңкесі басталды.
Аталған жәрмеңке бас қаладағы «Хан Шатыр» сауда ойын-сауық орталығының жанында, Тұран даңғылы мен Д.Қонаев көшесінің қиылысындағы бірыңғай конструкциямен жабылған алаңда өткізілуде.
Сыр елінің елордаға тартуы екі күн бойы жалғасады. Жәрмеңкеге Қызылорда қаласы мен 7 ауданының 70-тен аса шаруашылық пен кәсіпорындары 30 автокөлікпен 360 тоннаға жуық жоғары сапалы өнімдерін ұсынуда.
Нұрсұлтан МЫҚТЫБАЙ
Суреттерді түсірген Ермұрат НАЗАРҰЛЫ
<ul>
<li><img src="https://kyzylorda-news.kz/wp-content/uploads/2020/09/whatsapp-image-2020-09-18-at-18.44.36-2.jpeg" alt="" /></li>
<li><img src="https://kyzylorda-news.kz/wp-content/uploads/2020/09/whatsapp-image-2020-09-18-at-18.44.38-1.jpeg" alt="" /></li>
<li><img src="https://kyzylorda-news.kz/wp-content/uploads/2020/09/whatsapp-image-2020-09-18-at-18.44.34.jpeg" alt="" /></li>
<li><img src="https://kyzylorda-news.kz/wp-content/uploads/2020/09/whatsapp-image-2020-09-18-at-18.44.32.jpeg" alt="" /></li>
<li><img src="https://kyzylorda-news.kz/wp-content/uploads/2020/09/whatsapp-image-2020-09-18-at-18.44.35-1.jpeg" alt="" /></li>
<li><img src="https://kyzylorda-news.kz/wp-content/uploads/2020/09/whatsapp-image-2020-09-18-at-18.44.37-1.jpeg" alt="" /></li>
</ul>

Елордада Қызылорда облысының ауыл шаруашылық өнімдерінің жәрмеңкесі өтіп жатыр (ФОТО)

<a href="https://kyzylorda-news.kz/">Kyzylorda-news.kz.</a> «Қыс – қарымен көрікті». Десек те, Қызылорда облысының тұрғындарының қыс мезгілінде өңірде қардың аз түсетіндігіне әбден еті үйреніп кеткен. Биылғы Жаңа жылдың өзін қарсыз қарсы алған сырбойылықтарға бұл қалыпты жағдай.
«Дүниеде қар&nbsp;жауған сәттегідей бейбіт те тыныш өмір бар ма екен», деп жазушы Оралхан Бөкей «Қар қызы» повесінде қар жауып тұрған сәтті нәзік жеткізеді.
Кеше Қызылордаға қар жауды. Жәй ғана жауған жоқ, қалың қар түсті. Бір айдың қары бір-ақ түсті ме дерсіз?!
– Сыр еліне&nbsp;қар&nbsp;жауды. Жауса жаусын…
Жаусын десем, жақыным, жау санарсың.
Қара бояу қаптаған дүниенің,
Аппақ түске бірер сәт аңсары аусын, – деп жырлаған ақындардың жыр шумақтары есімізге оралады осындайда.
Қызылордаға көптен жаумаған қар қаланы бір-ақ сәтте ақ көрпеге орап, тұрғындарды тұмса табиғаттың сұлулығына еріксіз сүйсіндірді.
Осы әдемі сәттер мен қалың қарға оранған қаланың тіршілігін таспаға түсірген танымал фотограф Нұрболат Нұржаубайдың фоторепортаждарын назарларыңызға ұсынамыз.
Нұрсұлтан МЫҚТЫБАЙ
Суретке түсірген: Нұрболат НҰРЖАУБАЙ
ЕСКЕРТУ: Эксклюзивті материалды көшіріп басуға болмайды!
<img src="https://kyzylorda-news.kz/wp-content/uploads/2020/01/28kar2.jpg" alt="" />
<img src="https://kyzylorda-news.kz/wp-content/uploads/2020/01/28kar3.jpg" alt="" />
<img src="https://kyzylorda-news.kz/wp-content/uploads/2020/01/28kar4.jpg" alt="" />
<img src="https://kyzylorda-news.kz/wp-content/uploads/2020/01/28kar5.jpg" alt="" />
<img src="https://kyzylorda-news.kz/wp-content/uploads/2020/01/28kar6.jpg" alt="" />
<img src="https://kyzylorda-news.kz/wp-content/uploads/2020/01/28kar7.jpg" alt="" />

Қазақстан және Қызылорда облысының жаңалықтары: Фотогалерея

Әлемдегі ең бақытты елдер аталды

Гүлшара Әбдіқалықова әйел-аналарды мерекемен құттықтады

Жұмыста – жауынгер, үйде – отбасы ұйытқысы

Ел тыныштығына ұйытқы болған ару

Әлем елдеріндегі мектеп алаңдары

Қызылордада 62 000 тонна қалдық залалсыздандырылды

Жаңа жылды соңынан тойлайтын ел

Жәрмеңкенің басты бренді: Сырбойылықтар бас қалада 146 тонна ақталған күрішті саудаға шығарды

Жәрмеңке: Қызылордалықтар елорда тұрғындарына 360 тоннаға жуық өнім ұсынуда

Қызылорда облысы Нұр-Сұлтанға 100 млн. теңгенің ауыл шаруашылығы өнімдерін әкелген (ФОТО)

Елордада Қызылорда облысының ауыл шаруашылық өнімдерінің жәрмеңкесі өтіп жатыр (ФОТО)

Қызылордаға қалың қар жауды: «Аппақ түске бірер сәт аңсар аусын…» (ФОТО)

Қазақстан және Қызылорда облысының жаңалықтары: Фотогалерея

Әлемдегі ең бақытты елдер аталды

Гүлшара Әбдіқалықова әйел-аналарды мерекемен құттықтады

Жұмыста &#8211; жауынгер, үйде &#8211; отбасы ұйытқысы

Ел тыныштығына ұйытқы болған ару

Әлем елдеріндегі мектеп алаңдары

Қызылордада 62 000 тонна қалдық залалсыздандырылды

Жаңа жылды соңынан тойлайтын ел

Жәрмеңкенің басты бренді: Сырбойылықтар бас қалада 146 тонна ақталған күрішті саудаға шығарды

Жәрмеңке: Қызылордалықтар елорда тұрғындарына 360 тоннаға жуық өнім ұсынуда

Қызылорда облысы Нұр-Сұлтанға 100 млн. теңгенің ауыл шаруашылығы өнімдерін әкелген (ФОТО)

Елордада Қызылорда облысының ауыл шаруашылық өнімдерінің жәрмеңкесі өтіп жатыр (ФОТО)

Қызылордаға қалың қар жауды: «Аппақ түске бірер сәт аңсар аусын&#8230;» (ФОТО)

Жұмыста – жауынгер, үйде – отбасы ұйытқысы

Қызылордаға қалың қар жауды: «Аппақ түске бірер сәт аңсар аусын…» (ФОТО)