Kyzylorda-news.kz. Сыр еліне жұмыс сапары аясында Ауыл шаруашылығы министрі Ербол Қарашөкеев пен Экология, геология және табиғи ресурстар министрі Серікқали Брекешов облыс әкімі Нұрлыбек Нәлібаевпен бірге Ақжарма ауылының тыныс-тіршілігімен танысып, шаруа қожалығындағы күріш зауытының жұмысын көрді.
Басты мақсат – ауылдағы абаттандыру жұмыстарымен және әлеуметтік нысандарымен танысу және шаруашылықтардың өнім өндірудегі тәжірибелерімен танысу.
Ақжарма шаруа қожалығы өз қаражаты есебінен ауылды көркейту-көгалдандыруға, су жүйелерін жөндеу мен тазалауға, әлеуметтік дүкен мен монша құрылысын салуға, орталық стадионды жөндеуге және өзге де әлеуметтік бағыттарға 310,6 млн.теңге бөлген. Сондай-ақ, құны 122,6 млн.теңге болатын күріш өңдеу зауыты мен астық сақтайтын қойма ғимараттарын салған. 
Мұнан кейін ведомоство басшылары Нағи Ілиясов ауылдық округіне барды.
2250 халқы бар Нағи Ілиясов ауылында «Нұрлы жол» және «Ауыл – Ел бесігі» бағдарламалары аясында 126,3 млн.теңгеге ауылдық округінің кіреберіс жолына күрделі жөндеу жұмыстары жүргізілсе, 39,7 млн.теңгеге көпбалалы отбасыларға 3 тұрғын үй салынған. Сондай-ақ, 525,9 млн.теңге қаражатқа 11 көше қайта жаңғырды. 
Ауылдың гүлденуіне қомақты үлес қосқан «Абзал және К» ТС-і жеке қаражаты есебінен ауылды абаттандыру және тұрғындарды әлеуметтік қамсыздандыру бағыттарына 797,2 млн.теңге қаржы бөлген. Айталық, 384 млн.теңгеге спорт кешенін салып, 137 млн.теңгеге ауылдық ғимарат жаңадан көтерді. Сондай-ақ, Ұлы Отан соғысында қаза тапқандарға арналған ескерткіш құрылысы жүргізілген.
Мұнан кейін министрлер Қызылорда қаласындағы су торабының қайта жаңарту жұмысымен танысты.
Плотина қиыршық ыспа құм үстіне темір бетонды конструкциясы темір және ағаш шпунттарға орналастырған. Қайта жаңғырту жұмыстарына бюджеттен 1 млрд.260 млн. теңге бөлінді. Жұмыстар толық орындалған жағдайда Қызылорда су торабынан төменгі ағысқа 1200 м³/с-тен 1900 м³/с-ке ұлғаятын болады.
Бүгінгі таңда Қызылорда облысындағы су шаруашылығы жағдайы тұрақты. Мәселен, Шардара су қоймасына Көкбұлақ су бекеті арқылы сәуір-тамыз айларында түскен су көлемі 3502 млн.м3 құрап, 19 тамыздағы жағдай бойынша 3611 млн. м3 құрады. Өткен жылдың вегетациялық кезеңінде су қоймасына барлығы 2,1 млрд. м3 су келіп түскенін атап өту қажет. Қабылданған шаралардың арқасында жалпы биыл вегетациялық кезең шығынсыз аяқталуда.
<img src="https://kyzylorda-news.kz/wp-content/uploads/2022/08/fb_img_1661007474724.jpg" alt="" />
<img src="https://kyzylorda-news.kz/wp-content/uploads/2022/08/fb_img_1661007477051.jpg" alt="" />
<img src="https://kyzylorda-news.kz/wp-content/uploads/2022/08/fb_img_1661007481807.jpg" alt="" />

Ауыл шаруашылығы және Экология  министрі Сыр еліндегі бірқатар нысандарды аралады

Kyzylorda-news.kz. Бүгін Сыр диқандары егінге орақ салды. Қызу еңбекті алғаш болып Сырдария ауданының шаруалары бастады. Орақ салу рәсіміне облыс әкімі Нұрлыбек Нәлібаев, ҚР Ауыл шаруашылығы министрі Ербол Қарашөкеев пен ҚР Экология, геология және табиғи ресурстар министрі Серікқали Брекешов қатысты. Сондай-ақ, ҚР Еңбек Ері Абзал Ералиев, сала ардагерлері мен ауыл шаруашылығы құрылымдарының өкілдері егіншілердің қуанышына ортақтасты.
Ел ырысы саналатын сары алтынды қамбаға жинау жұмыстарын «Ақжарма и К» фермерлік қожалығы бастады. Аймақ басшысы министрлермен бірге күріш алқабына барып, алғашқы орақ салу рәсімін өткізді. Нұрлыбек Нәлібаев Президенттің, Үкіметтің қолдауы негізінде биыл шаруалар былтырғыдай су тапшылығын көрмегенін тілге тиек етіп, Сыр диқаншыларына ақжарма тілегін арнады.
<blockquote>
 Облыс халқының басым бөлігі ауылда тұрғандықтан біз қашанда егін егу мен жинау науқандарын аса жауапкершілікпен өткіземіз. 
 Жыл басында күріш көлемін былтырғы 84 мыңнан 64 мың гектарға дейін түсіру жоспарланғанын жақсы білесіздер. Алайда ондай шешімнің аймақ халқы үшін зардаптарын болжай отырып біз ол қадамға бармадық яғни күріш көлемін 78,6 мың гектар көлемінде сақтап қалдық. Орын алған қиындықтарға қарамастан суды тиімді пайдалану, егістікті кезектеп суару, қашыртқыдағы суды екінші рет пайдалану қолға алынды. Бұған қоса, әртараптандыру бағытында суды аз қажет ететін мал азығы, көкөніс, бақша дақылдарының көлемін арттыруға жұмыс жасалды,-деді Н.Нәлібаев.
</blockquote>
Мұнан кейін меймандар егін жинауға арналған ауыл шаруашылығы техникаларымен, облыста өндірілетін агроөнім түрлерімен танысып, сала мамандармен пікір алмасты. 
Ведомоство басшылары өз кезегінде диқаншылардың ала жаздай еткен еңбегін жоғары бағалап, ел Үкіметі қысқа мерзім ішінде мемлекеттік бағдарламаларды одан әрі жандандыру міндетін қойғанын тілге тиек етті.
<blockquote>
 “Қызылорда – күріштің астанасы. Саралап қарасақ, 6,8 мың гектар Алматы облысында бар, Түркістан облысында да аз емес, шамамен 1,5 мың гектар. Ал, негізі 78,6 мың егіс алқабының бәрі, яғни 90% дәл осы Сыр өңірінде. Ең өзекті мәселе, яғни дренажды жүйелерді жақсартуға жеткілікті мән берілсе өнімділік одан да арта түседі. Бұл аймақта күріш өндіру өте жақсы деңгейде дамыған ішкі қажеттілікті де, экспортты да дамытып отырғаны осы шаруалардың зор еңбегін атап өту қажет,-деді Ербол Қарашөкеев.
</blockquote>
Егіс алқабындағы мерейлі сәт «Дала күні» cеминар-кеңесімен жалғасты. Шет елдің ғалымдары мен білікті мамандары және отандық кәсіпкерлер өзара тәжірибе алмасып, тиімді байланыс орнату мәселесін сөз етті.
Алқалы басқосуда облыс әкімі Ербол Қарашөкеевке су тапшылығы жағдайында күріш шаруашылығын одан әрі дамыту үшін арнайы бағдарлама қабылдау қажет екенін және Ы.Жақаев атындағы Қазақ күріш шаруашылығы ғылыми-зерттеу институтының жұмысын жандандыруда бірлескен шаралар қабылдауды алға тартты. 
Ал, Серікқали Брекешовке аймақтың 178 мың гектар инженерлік жүйеге келтірілген егістіктен айрылып қалу қаупі бар екенін жеткізді. Сол себептен суармалы жерлерді қалпына келтіру және айналымға қосу бойынша әзірленген жобалардың іске асуына ықпал етуді сұрады.
Биыл өңірдегі диқаншылар тұқым сапасын арттыруда украиндық ғалымдарымен бірге ауыл шаруашылығы дақылдары сорттарын тәжірибе ретінде егуді қолға алды. Бұл ретте Украина ауыл шаруашылығы ғылыми ұлттық академиясы күріш институтының директоры Владимир Дудченко әріптестік танытуға мүдделі.
Нұрлыбек Нәлібаев суды аз қажет өнімдерге басымдық беру арқылы өнімділік мәселесін жолға қоюға болатынын жеткізді. Айталық, аймақта жүгері егу суды қажет етеді, егер оны экспорттасақ оның табысы күріштен де қомақты болады. Сондықтан сала мамандары жүгері өндіру ісіне ерекше мән бермек. Бұл – әртараптандырудың нақты мысалы болмақ.
Сыр өңірінде су мәселесі проблемалық деңгейде болғаны рас. Дегенмен мемлекеттік қолдау шараларының нәтижесінде Қызылорда облысындағы су шаруашылығы жағдайы тұрақтанды.
<blockquote>
 “Су тапшылығының алдын алу мақсатында биыл 22 каналды механикалық тазалау, 41 ұңғыманы жөндеу және бұрғылау, сорғы қондырғыларын сатып алу жұмыстарын жүргізуге Үкімет резервінен 3,6 млрд. теңге бөлініп, тиісті жұмыстар атқарылуда. Қабылданған шаралардың арқасында жалпы биыл вегетациялық кезең шығынсыз аяқталуда,-деді Серікқали Брекешов.
</blockquote>
Облыста 188,5 мың гектарға егін орналастырылды. 
Бүгінде бидай, арпа, сұлы дақылдарын жинау аяқталса, мақсары, картоп, көкөніс, бақша, жүгері, мал азығы дақылдарын жинау жұмыстары жалғасуда.
Егілген күріштен жоғары өнім алу мақсатында күріш егісіне 100 пайыз жоғары репродукциялы тұқымдар себілді. 
Айта кетейік, күзгі егін жинау және дала жұмыстары үшін қажетті жанар-жағар май қоры жеткілікті. Сондай-ақ, ауыл шаруашылығы техникалары күріш егісін оңтайлы мерзімде жинап алуға толық дайын. 
Алдағы егін жинау науқаны Сыр диқаншылар үшін қолайлы кезең болады деп болжанып отыр. Демек, науқанды 10 қазанда аяқтау жоспары белгіленді.
<img src="https://kyzylorda-news.kz/wp-content/uploads/2022/08/img-20220820-wa0000.jpg" alt="" />
<img src="https://kyzylorda-news.kz/wp-content/uploads/2022/08/img-20220820-wa0002-1.jpg" alt="" />
<img src="https://kyzylorda-news.kz/wp-content/uploads/2022/08/img-20220820-wa0003.jpg" alt="" />
<img src="https://kyzylorda-news.kz/wp-content/uploads/2022/08/img-20220820-wa0001.jpg" alt="" />

Сыр елінде егінге орақ түсті

<a href="https://kyzylorda-news.kz/">Kyzylorda-news.kz.</a>&nbsp;Әр мамандықтың қоғамда алатын өзіндік орны, мәртебесі бар. Сондай мәртебелі мамандықтардың бірі құрылысшы мамандығы екендігі баршамызға аян. Құрылысшы – адамзат өркениетiнiң бастауында тұрған мамандық.
Құрылысшылар мерекесі қарсаңында ауданның сәулеті мен келбетіне сән беріп, үлес қосып келе жатырған алтын қолды құрылыс саласының мамандарымен ардагерлеріне құрмет көрсетіліп, салтанатты шара өтті.
Мерекелік шарада аудан әкімінің орынбасары Ерсұлтан Апетов аудан әкімі атынан шырайлы Шиелінің әсем сәулетін құруға қатысушылардың барлығын кәсіби мерекелері – құрылысшылар күнімен шын жүректен құттықтады.
<blockquote>
 «Құрылыс индустриясы – экономиканың негізгі іргетасы. Кез келген елдің экономикалық күш қуаты мен әлеуметтік тұрақтылығы құрылыстың дамуымен тікелей байланысты. Аудан бойынша құрылыс жұмыстары жыл сайын өркендеп, қарыштап қарқын алып келеді. Өңіріміздің әлеуметтік-экономикалық дамуына, көркеюіне құрылысшылар қауымының қосқан үлесі зор» – деп атап өтті Ерсұлтан Апетов.
</blockquote>
Бүгінде ауданымызда «Ауыл – Ел бесігі» бағдарламасы аясында Шиелі кентінде денешынықтыру-сауықтыру кешенінің құрылыс жұмыстары басталып, Бала би елді мекенінің балалар-жасөспірімдер спорт мектебінің ғимараты күрделі жөндеу жұмыстарынан өтуде. Аудан орталығындағы бірнеше оқу орындарының бу қазандықтарын газға ауыстыру жұмыстары жүргізілуде.
Шиелі кентіндегі Көкшоқы спорт клубының жабық ғимаратына 105 млн теңге қаржы бөлінді.
Облыс әкімінің тікелей қолдауымен Байсын елді мекеніндегі 250 орындық №207 мектептің құрылысына 762 млн теңге қаржы қаралып, құрылыс жұмыстары басталды.
Тұрғындарды баспанамен қамту мақсатында ауданымызда «Нұрлы жер» мемлекеттік тұрғын үй құрылысы бағдарламасы аясында 18 пәтерлі 4 тұрғын үй құрылысы жүргізілуде.
Кеше ғана аймақ басшысының тапсырмасына сәйкес және тікелей қолдауымен құрылысшылар мерекесі аясында құны 2,1 млрд.теңге қаржыны құрайтын, 15 мыңға жуық халқы бар 6 ауылдық округімізді газдандыру мақсатында басты Мұстафа Шоқай автоматты газ реттегіш станциясының құрылысы басталды.
Осындай ілкімді істердің арқасында ауданымыздың келбеті, ауылдарымыздың ажары айшықталуда. Ел қуанышына айналған ғажайып кешендер мен көрікті үйлердің көптеп салынуына құрылысшылардың сіңірген еңбектері ерен. Олар да білікті, іскер және қабілетті маман ретінде елдің әлеуметтік-экономикалық деңгейінің өсуіне айтарлықтай өз үлестерін қосуда.
Шара барысында Ерсұлтан Амантайұлы құрылыс саласының дамуына елеулі үлес қосып жүрген білікті мамандарға, ардагерлерге облыс және аудан әкімінің марапаттарын табыстады.
Аудандық ардагерлер кеңесінің төрағасы Өркен Исмайл, аудандық құрылысшылар ұйымының төрағасы Ғани Есімов, құрылыс саласының еңбек сіңірген ардагері Қуандық Әлтай ағаларымыз мерейлі мерекеге жылы лебіздерімен тілектерін жеткізіп, алғыстарын білдірді.
<img src="https://kyzylorda-news.kz/wp-content/uploads/2022/08/299020706_1371887593341696_4941497230550535415_n.jpg" alt="" />
<img src="https://kyzylorda-news.kz/wp-content/uploads/2022/08/298939411_1371887570008365_6998854332970917906_n.jpg" alt="" />

Ерсұлтан Апетов: Құрылыс индустриясы – экономиканың негізгі іргетасы

<a href="https://kyzylorda-news.kz/">Kyzylorda-news.kz.</a>&nbsp;Сырдария ауданының жыл басынан бері макроэкономикалық көрсеткіштерінде өсу тенденциясы байқалады. Мәселен, есепті кезең ішінде өңдеу өнеркәсібі, ауыл шаруашылығы, сауда айналымы жақсарып, пайдалануға берілген тұрғын үйлер көлемі артып, инвестициялар тарту мәселесі жолға қойылған.
2022 жылға арналған аудан бюджетінің кірістер көлемі 13 млрд теңге көлемінде жоспарланса, оның 68 пайызы әлеуметтік салаға бағытталған. Бұл туралы аудан әкімі Мұрат Ергешбаев өңірлік коммуникациялар қызметінде өткен брифинг барысында мәлімдеді.
<blockquote>
 «Биылғы егіс маусымында 33,1 мың гектарға ауыл шаруашылығы дақылдары орналастырылды. Негізгі дақыл күріштің көлемі – 20 728 гектар. Одан өзге, ауданда бидай, мақсары, күнбағыс, қант құмайы, сүрлемдік жүгері, жоңышқа, картоп, көкөніс және бақша өнімдері егілді. Аймақ басшысы Нұрлыбек Машбекұлының азық-түлік қауіпсіздігін қамтамасыз ету мақсатында тұрғындар өзін-өзі қамти алатын әлеуметтік маңызы бар бақша өнімдері мен көкөністерге елді мекендердегі шаруашылық құрылымдары арқылы егіс алқаптарынан қосымша жер дайындалып, 90 гектарға картоп, 20 гектарға көкөніс, 100 гектарына бақша дақылдары егілді. Мал шаруашылығында төрт түлік мал басы мен өндірілген өнім көлемінде де тұрақты өсім бар», – деді Сырдария ауданының әкімі Мұрат Нәлқожаұлы.
</blockquote>
Сондай-ақ, аудандағы жұмыссыздық мәселесі де өз шешімін тауып келеді. Биыл 2156 жаңа жұмыс орындарын құру жоспарланса, осы уақытқа дейін жоспардың жартысынан астамы орындалған. Аудан әкімінің айтуынша, жыл соңына дейін 400-ден астам тұрақты жұмыс орнын құру жоспарлануда.
Кәсіпкерлік саласында да оң көрсеткіш жоғарылап келеді. Жартыжылдық қорытынды бойынша жұмыс істеп тұрған шағын және орта кәсіпкерлік субъектілерінің белсенділік көрсеткіші 94,2 пайызды еңсерген. Жалпы алғанда, жыл басталғалы аудан бойынша мемлекеттік және өңірлік бағдарламалар аясында құны 1,4 млрд. теңгені құрайтын 106 жоба қаржыландырылған. Жыл соңына дейін несиелендіруді қажет ететін құны 1,2 млрд. теңгені құрайтын 237 жобаның тізімі жасақталып, тиісті қаржы ұйымдарына ұсынылуда.
<img src="https://kyzylorda-news.kz/wp-content/uploads/2022/08/ergeshbaev.jpg" alt="" />

Сырдария ауданы бюджетінің 68 пайызы әлеуметтік салаға бағытталған

<a href="https://kyzylorda-news.kz/">Kyzylorda-news.kz.</a> Бүгін аймақ басшысы Нұрлыбек Нәлібаев Қазақстан Республикасындағы Иран Ислам Республикасының Төтенше және Өкілетті Елшісі Маджид Самадзаде Саберді қабылдады.
Кездесу барысында Иран мемлекетімен ынтымақтастықты кеңейту және сауда-экономикалық қатынастарды дамыту мәселелері талқыланды.
Биыл екі ел арасындағы ашық және сенімді дипломатиялық қатынастардың орнағанына 30 жыл толды.
Иран Республикасы әлемдегі ең ірі жүгері импорттаушы мемлекеттердің бірі ретінде жыл сайын шамамен 4 млн. тонна жүгеріні сырттан сатып алуда. Осы ретте, облыс аумағында ирандық әріптестермен бірлесіп жүгері өсіру және Иранға экспорттау мәселелері талқыланды.
Бұған қоса, нарықты ішкі өнімдермен қамтамасыз ету мақсатында ирандық тәжірибемен жеміс-жидек және көкөніс өсіруге арналған жылыжай кешендерін салу мүмкіндіктері де айтылды.
Сондай-ақ, аймақ басшысы ирандық кәсіпорындарды мал өсіру және ет өндеу бағытындағы жобаларды жүзеге асыруға шақырып, ашық әрі тиімді байланыс орнатуға дайын екендігін жеткізді. 
Кездесу соңында облыс әкімі Иран Ислам Республикасының Елшісіне екі ел арасындағы ынтымақтастықты дамыту жолындағы дипломатиялық қызметіне табыс тіледі.
<img src="https://kyzylorda-news.kz/wp-content/uploads/2022/08/2ff79bdc-e2d5-4037-a569-ad404b14b382-e1660039135762.jpg" alt="" />

Облыс әкімі Иран Ислам Республикасының Төтенше және Өкілетті елшісімен кездесті

<a href="https://kyzylorda-news.kz/">Kyzylorda-news.kz.</a> Бүгін ҚР Премьер-министрі Әлихан Смайловтың төрағалығымен өткен селекторлық режимде «Білімді ұлт» сапалы білім беру» ұлттық жобасын өңірлерде іске асыру мәселелері және халықпен кездесулердің қорытындылары қаралды.
Жиында оқу-ағарту министрі Асхат Аймағамбетов пен ғылым және жоғарғы білім министрі Саясат Нұрбектің баяндамаларын тыңдаған Үкімет басшысы балабақшадан бастап білім берудің барлық деңгейлерінде халықтың сапалы білімге қол жеткізу мәселесін тағы бір пысықтады.
Министр ұлттық жобаның өңірлерде іске асырылу барысындағы кемшіліктерді атап өтті. Оның ішінде көрсеткіштерге арнайы талдау жүргізді. Мәселен, Қызылорда облысы 2021 жылы мектепке дейінгі тәрбие мен оқытудың қолжетімділігін қамтамасыз ету бойынша жоспарланған 6180 орынның тек 1 363 орындаған, яғни 22,1%.
Өткен жылдың көрсеткішіне сәйкес мектеп құрылысы жұмыстары бойынша да біздің аймақ жоспарланған көрсеткішке қол жеткізбей, соңғы қатардың бірінде орналасты. Нақты айтсақ, 2 мектеп құрылысы уақытылы жүргізілмей, 900 оқушы қамтылмай қалған.
Сондай-ақ, техникалық және кәсіптік білімнің қолжетімділігін қамтамасыз ету бойынша 17 облыстың ішінде Қызылорда 16 орында. Яғни, 2021 жылы 2019 жылмен салыстырғанда 1240 орынға жергілікті бюджеттен мемлекеттік тапсырыс кем жүргізілген.
Үкімет отырысынан кейін аймақ басшысы Нұрлыбек Нәлібаев жауапты сала басшылары мен қала, аудан әкімдеріне кемшіліктерді талдап, нақты тапсырмалар жүктеді. Жиында облыс әкімі білім саласы бойынша жұмыстар тиісті деңгейде жүргізілмегенін айтып, бірінші басшылардың қызметін сынға алды.
<blockquote>
 Өткен жылғы көрсеткішкерге сәйкес, Қызылорда облысы жоспарды орындамай, рейтингтің соңғы қатарында тұр. Бұл жұмысымызға үлкен сын. Қазіргі таңда үш мектептің күрделі жөндеуі жаңа оқу жылына дейін аяқталмай қалу қаупі бар. Бұл балалар үшін ыңғайсыздық тудыруда. Елді-мекенде мектеп болмай, көрші ауылға қатынап оқитын балалардың қауіпсіздігі алаңдатады. Сол себепті құрылыс жұмыстарын қыркүйек айына дейін аяқтау қажет. Сапаға ерекше мән беріңіздер, арнайы комиссия жіберіп текесеретін боламыз. Қажет болған жағдайда құрылыс жұмыстарын уақытылы аяқтамаған мердігер мекемеге шара көру керек. Бұл жұмысқа облыстық құрылыс, сәулет және қала құрылысы, білім басқармаларымен қатар аудан әкімдері тікелей жауапты, – деді Нұрлыбек Нәлібаев.
</blockquote>
Өңірде қазіргі таңда 6 мемлекеттік мектептің құрылысы жүргізілуде. Тапсырыс беруші – құрылыс басқармасы. Дегенмен, төрт мектептің (Қазалы – №250, Қызылорда – Жезқазған трассасы бойындағы 600 орындық мектеп, Жаңақорған ауданы – 300 орындық 2 мектеп) құрылысы мерзімінен кеш жүргізілуде.
Аймақ басшысы құрылыс жұмысының уақытылы аяқталмауы басшылардың салғырттығы екенін атап өтіп, нақты тапсырмалар жүктеді.
<blockquote>
 Бізде әлі күнге дейін құрылысы 3 жылдан бері жалғасып келе жатқан мектептер бар. Пайдалануға беру мерзімі өтіп кетсе де, жауапты басшылар бұл жұмыстарды дұрыс қадағаламаған. Балаларға лайықты білім ошақтарында білім алуы қажет. Сондықтан мәселені шұғыл арада шешіңіздер,- деді Нұрлыбек Нәлібаев.
</blockquote>
Басқосуда облыс әкімі тиісті көмек түрлерін алатын арнайы санаттағы балаларды киім-кешек, оқу құралдарымен қамтуға қаражаттың жетіспеушілігі бар екенін алға тартты. Білім басқармасының басшысына жұмысты дұрыс үйлестіруді, қала және аудан әкімдері де немқұрайлық танытпай, мүдделі болу керектігін қатаң тапсырды.
Мұнымен қоса, «Мектепке жол» акциясын қала, аудандарда лайықты деңгейде жүргізу қажет деді.
Жиында қаралған екінші мәселе халықпен кездесулер бойынша облыс әкімі Шиелі ауданың әкімі мен Қызылорда қаласының әкіміне тұрғындармен кездесу өткізетін орынның дұрыс таңдалмағанын және үйлестіру жұмыстарының жеткілікті деңгейде болмағанын жеткізді.
Аймақ басшысы аудан, қала әкімдері халықпен сындарлы диалог орнатуға әрдайым мүдделі болып, өзекті мәселелерді өз уақытында шешуге атсалуы қажет деді.
<img src="https://kyzylorda-news.kz/wp-content/uploads/2022/08/298538148_360035542984363_6169497660283536183_n.jpg" alt="" />
<img src="https://kyzylorda-news.kz/wp-content/uploads/2022/08/298761518_360035552984362_9004083105994342667_n.jpg" alt="" />

Нұрлыбек Нәлібаев: 2021 жылғы білім саласындағы кейбір көрсеткіштер көңіл көншітпейді

<a href="https://kyzylorda-news.kz/">Kyzylorda-news.kz.</a> Өңірдегі барлық аудандардың әлеуметтік-экономикалық даму барысын арнайы жиында талдаған облыс әкімі Нұрлыбек Нәлібаев Қызылорда қаласының өзекті мәселелерін қарады.
Жиынға мәслихат депутаттары, ардагерлер мен қоғамдық кеңес төрағалары және салалық басқарма басшылары қатысты.
Қала аумағы кеңейіп, жаңа мөлтек аудандардың салына бастауы тұрғын үйлерді салу, инфрақұрылым мәселелерін шешу, демалыс аймақтарының санын көбейтуді қажет етеді. Қала әкімі Асылбек Шәменов шаһарды дамытудың перспективалық жоспарларын тізбектеп, маңызды міндеттерге тоқталды.
Жиында аймақ басшысы қаланың макроэкономикалық көрсеткіштері бойынша 8 орынды алып, төмен даму динамикасын көрсеткенін атап өтті. Бұл ретте мұнай өнімдерін өңдеу көлемі 8,2 пайызға, химия өнеркәсібі 18,2 пайызға, құрылыс материалдарын өндіру 17 пайызға, машина мен жабдықтарды жөндеу және орнату 29,8 пайызға азайған.
Облыс әкімі республикадан тартылатын трансферттердің төмендеуі салдарынан қаржы көзі кеміп кеткенін, сондықтан да құрылыс нысандарын салу жұмыстарын күшейту қажеттігін баса айтты. Әсіресе, құрылыс материалдарын өзімізде шығару ісіне жеткілікті деңгейде мән беруді тапсырды. 
Жиында қала халқын жұмыспен қамту мәселесі де арнайы қаралды. Халық табысын арттырудың бірден бір жолы тұрғындарды жұмыспен қамту. Бұл ретте қалада жоспарланған 10673 жаңа жұмыс орынның бар болғаны 4445 немесе 41,6% ғана орындалған.
Асылбек Шәменов кәсіпкерлікті дамыту жөніндегі Ұлттық жоба аясында 4,3 млрд. теңгені құрайтын 153 жоба қолдау тапқанын жеткізді.
Облыс әкімі қалада өндірістердің тым аздығы салдарынан кәсіпкерлікті дамыту аса қажет деді. Бұл ретте кәсіп ашуға ниетті азаматтарды қолдап, жұмыс орындарын құру керек. Сондай-ақ, шаһарға жаңа инвестиция көзін тауып, жаңа жобалар негізінде тұрақты жұмыс орындарын көбейтуді жүктеді. 
Аймақ басшысы азық-түлік қорын көбейту және баға тұрақтылығын бақылау жұмыстарын ішінара емес, ұдайы жүргізуді тапсырды. Байқоңыр әлеуметтік корпорациясымен бірге жұмысты оңтайлы үйлестіріп, қажетті талдау жүргізуді міндеттеді. Себебі әлеуметтік маңызы бар 19 түрлі азық-түлік бағасының 17-ісінде өсім байқалған. Облыс әкімі қала аумағында бос жатқан жерлерді икемдеп, егін егу ісіне бейімі бар отбасыларға бөліп беру жұмыстары барлық аудан мен қалада белсенді жүргізілуі қажет екенін тағы бір еске салды.
Мұнан бөлек, аймақ басшысы тұрғын үй-коммуналдық шаруашылық саласында да проблемалар барын ашып айтты. Игерілмей бос жатқан жерлерді кезекте тұрған азаматтарға үлестіру жұмысын жандандыруды тапсырды.
<blockquote>
 «Қаланың дамуы – менің тікелей бақылауымда. Мамыр айындағы сессиядан автомобиль жолдарын жөндеу жұмыстарына, көшелерін жарықтандыруға, абаттандыруға, көркейту-көгалдандыру жұмыстарын жүргізуге және қала қонақтары мен тұрғындарының демалысын жайлы етуге бағытталған өзге де шараларға 4,8 млрд. теңге қаржы бағыттадық. Бүгінгі күнге 1,4 млрд. теңгенің 7 жобасы әлі басталмаған. Асылбек Өмірбекұлы, биыл аяқталуы қажет жобалардың барлығын мерзімінде әрі сапалы пайдалануға беріліп, түпкілікті нәтиже көрсетуді тапсырамын» – деді облыс әкімі.
</blockquote>
Жиында әлеумет үшін аса өзекті мәселелер жан-жақты талданды. Әсіресе, жыл сайын көмірге қатысты алаңдаушылық пен кезектіліктен дүрбелең туындайды. Облыс әкімі көмір қоймаларында ұзын-соңар кезектің болмауын қатаң қолға алып, әлеуметтік нысандар мен жеке тұрғындарға отын қорының тапшылығын болдырмауды тапсырды. Яғни, 1 қазаннан бастап қоймалардағы тасымалдаушы көліктердің қозғалысын ретке келтіріп, қажет болса, патрульдік полиция бақылауын қоюды міндеттеді.
Облыс әкімі қаланың тазалық мәселесіне де арнайы тоқталды. Шаһардың мұнтаздай таза болуына тек жергілікті билік ғана емес, кәсіпкерлер, қоғам болып бірге атсалысу қажеттігін баса айтты. Бұл ретте мәслихат депутаттары да қала аумағын қоқыстан тазарту және көшелерді абаттандыру ісіне жеткілікті деңгейде мән беру керектігін жеткізді.
Қызылорда қаласының кадрлық саясаты да кеңінен талқыланды. Облыс әкімі бір орында 10-15 жылдан бері қызметте отырған білім беру ұйымдарының басшыларын жұмысына талдау жүргізуді және қаланың қоғамдық-саяси ахуалға да ерекше назар аудару керектігін жеткізді. Сондай-ақ, қаладағы қылмыстылықты алдын алу үшін қала әкімдігі полиция басқармасымен кешенді шараларды қабылдау керектігі ескертілді. Мұнан бөлек, қоғамдық тәртіпті орнатуда қалаға қарасты ауылдық округтің әкімдері, полиция инспекторларының өзі сол ауылда тұруы тиіс екенін айтты. Бұл қағида барлық аудандар да талап етілмек.
Жиын соңында өңір басшысы 9 айдың қорытындысымен қаланың әлеуметтік-экономикалық даму көрсеткіштері қайта қаралатынын қаперге салды.
<img src="https://kyzylorda-news.kz/wp-content/uploads/2022/08/297540600_356241843363733_6358157275109380218_n.jpg" alt="" />
<img src="https://kyzylorda-news.kz/wp-content/uploads/2022/08/shamenov.jpg" alt="" />

Нұрлыбек Нәлібаев: Қызылорда экономикалық тұрғыдан әлеуеті зор әрі таза қала болуы керек

<a href="https://kyzylorda-news.kz/">Kyzylorda-news.kz.</a>&nbsp; Аудандардың әлеуметтік-экономикалық даму көрсеткіштеріне талдау жүргізілетін арнайы жиында облыс әкімі Нұрлыбек Нәлібаев бүгін Жаңақорған ауданының әкімі Мұрат Тілеумбетовтің есебін тыңдады.
Жиынға облыстық, аудандық мәслихат депутаттары, ардагерлер мен қоғамдық кеңес төрағалары, салалық басқарма басшылары қатысты.
Алдымен Мұрат Жолкелдіұлы ауданның негізгі даму көрсеткіштерін тізбектеді. Аймақ басшысы ауданның тынысын 4 негізгі бағыт бойынша саралады. Макроэкономикалық көрсеткіштердің қорытындысына сәйкес, Жаңақорған ауданы І орынға шығып, жоғары даму динамикасын көрсетті. Дегенмен, өнеркәсіп өндірісі мен өңдеуші өнеркәсіпте өсім болғанымен, кейбір өндіріс түрлерінде қалыс қалу деректері бар.
Жиында өңір басшысы Жаңақорғанда жаңа өндірістік жобалардың тым аз екенін айтып, сынға алды. Жұмысты шапшаң әрі тиімді етудің жолын қарастыру аудан әкімінің тікелей міндеті екенін тағы бір еске салды.
<blockquote>
 Бүгінгі таңда ауданда 66 өндірістік цех жұмыс жасайды екен. Әлеуеті жоғары ауданға бұл өте аз. Себебі, халық саны 1,5 есе төмен Қармақшы ауданында 126 цех бар. Ал, халық саны шамалас Қазалы және Шиелі аудандарында 286 және 336 өндірістік цех жұмыс жасауда. 
 Өңдеу өнеркәсібіндегі үлесі облыстың 34%-ын құрайды. Бұл көрсеткіш уран саласындағы 2 кәсіпорын есебінен құралады. Өңдеу саласында шағын кәсіпорындар мүлдем жоқ десек болады,-деді Н.Нәлібаев.
</blockquote>
Арнайы кеңесте облыс әкімі ауданда соңғы кездері жұмысы тоқтап қалған кәсіпкерлік нысандардың көбейгенін айтып, бұл бағытта жұмысты күшейтуді тапсырды. Мәселен, Жаңақорған ауданы бойынша соңғы 3 жылда тіркелген кәсіпкерлік субъектілерінің саны небәрі 365 бірлікке өскен.
<blockquote>
 Ауданда 87 мыңға жуық халық болса, оның кәсіпкерлікке тек 7% тіркелген. Ал, көршілес жатқан Түркістан облысының 80 мың халқы бар Шардара ауданында кәсіпкерлердің үлесі 11%. 
 Шардара облыс орталығынан шалғай орналасқан аудан бола тұра, кәсіпкерлік әлеуеті жоғары Жаңақорған ауданынан артық дамыған,-деді Нұрлыбек Нәлібаев.
</blockquote>
Мұнан бөлек, облыс әкімі томат пастасын шығару жобасы 5 жылдан бері іске аспай, созбалаңға салынғанын, зауыт құрылысы әр түрлі себептермен басталмағанын қатаң ескертті. Бұл ретте аудан әкімі инвесторлармен жұмысты күшейтуі қажет.
Ауданда инвестиция қарқыны тым төмен. Биыл жоспарланған 48 млрд.теңге инвестицияның тек 11,3 млрд.теңгесі орындалған. Өңір басшысы Жаңақорған табиғи ресурстарға бай аудан бола тұра өнімділік бағытында ізденіс жоқ екенін қатаң ескертті.
<blockquote>
 Қаратау бөктерінде мырыш пен қорғасынды айтпағанда алтын, мыс, магний, әктас, керамзит және тағы басқа минералдық ресурстары бар. Бірақ толығымен зерттелмеген. 
 Әктас аясында бір ғана мысал келтірейін. Қазір білесіздер, қағаз тапшылығы байқалуда. Бірқатар ірі кәсіпорындар сапасы төмен өңделген қағазды пайдалануға көшуде. Көршілес Өзбекстан 2019 жылдан бастап әктастан кеңсе қағазын шығаруды қолға алса, қазіргі таңда Ресей осы бағытта жұмыстар жүргізуде. Елімізге жылына 51 мың тонна кеңсе қағазы импортталады. Неліктен көрші Өзбекстанға барып, тәжірибесін зерттемейсіздер. Қажет болса, тәжірибені енгізейік. Мұрат Жолкелдіұлы, жаңа инвесторларды тарту керек. Осыған байланысты сізден нақты ұсыныстар мен нәтиже күтемін,-деді Н.Нәлібаев.
</blockquote>
Халықты жұмыспен қамту бағыты да талданды. Ауданда жоспарланған 3 118 жаңа жұмыс орынның бар болғаны 1013-і ашылған. Сонымен қатар, Ұлттық жоба шеңберінде жоспарланған 16 жоба бойынша құрылуы тиіс 168 жұмыс орынның бүгінгі күнге тек 14-і ашылған. 
Жиында азық-түлік қорын көбейту, бақша дақылдарын егу жұмыстарының нәтижесі талданды. Облыс әкімі Жаңақорған ауданы табиғи орналасу ерекшелігіне байланысты аймақтағы бақша-көкөніс өнімдерімен қамтамасыз етуші негізгі аудан болуы тиіс екенін ашып айтты. 
Ауданда негізгі дақыл күріш көлемі берілген тапсырмаға сәйкес 6600 гектарға күріш дақылы егілуі тиіс болса, тапсырмадан 416 гектарға кем егілген. Күріштен басқа дәндік дақылдар 81 гектарға, көкөніс 104 гектарға жоспардан кем егілген. Бұл ретте аймақ басшысы көкөніс, бақша дақылдары көлемін арттырып, экспорттау мүмкіндігін қарап, қажет болса осы бағыттарды дамыту үшін арнайы жоба дайындау қажет екенін тілге тиек етті. 
Арнайы кеңесте ауданның кадрлық әлеуеті мен қоғамдық-саяси ахуалы қаралды. Аудандағы басшылық құрамның қызмет өтіліне талдау жүргізілді. Нәтижесінде, үш ауылдық округ әкімі 6-11 жыл арасында, бір бөлім басшысы 7 жыл, 12 мектеп директоры 10-20 жыл аралығында ұзақ мерзім бір лауазымды қызметте келгендігі анықталды. 
Облыс әкімі заңдылыққа сәйкес ротация тәртібін қолдануды ұсынды. Сондай-ақ, аудандағы қоғамдық-саяси ахуалды бақылауға алып, тұрғындардың мәселесіне атүсті қарамай, сындарлы диалог орнатуға шақырды. 
Жиын соңында облыс әкімі 9 айдың қорытындысымен бұл көрсеткіштер қайта қаралып, жауапты мамандардың жұмысы сарапқа салынатынын еске салды.
<img src="https://kyzylorda-news.kz/wp-content/uploads/2022/08/297030955_354910680163516_1743824703825991284_n.jpg" alt="" />

Нұрлыбек Нәлібаев: Жаңақорған бақша-көкөніс өнімдерімен қамтамасыз ететін тірек аудан болуы керек

Kyzylorda-news.kz. Әр ауданның өзіндік ерекшелігіне сәйкес тіректі салаларды дамыту, инвестиция негізінде жаңа жобаларды жүзеге асыру тұрғындардың табысын арттыруға жол ашады. Бұл ретте облыс әкімі Нұрлыбек Нәлібаев қала мен аудандардың дамуына жеке-жеке талдау жүргізілетінін айтқан еді. Күні кеше Сырдария мен Қармақшы ауданының негізгі даму динамикасын саралаған аймақ басшысы бүгін Жалағаш ауданы әкімі Асқарбек Есжановтың есебін тыңдады.
Жиынға облыстық, аудандық мәслихат депутаттары, ардагерлер мен қоғамдық кеңес төрағалары, салалық басқарма басшылары қатысты.
Ауданның тынысы 4 негізгі бағыт бойынша тарқатылды. Әр бағыт бойынша сала басшыларына сөз берілді. Аймақ басшысы халық табысын еселеудің төте жолы кәсіпкерлік саласын дамыту екенін тілге тиек етті. Бұл ретте жұмыста ілгерілеу болғанымен, өнімділік мәселесінде әлі де жұмыс сылбыр екенін ашып айтты.
<blockquote>
 «Мен үнемі шағын және орта бизнесті дамыту арқылы салықтық түсімдерді арттыру, тұрақты жұмыс орындарын ашу, экономиканы әртараптандыру арқылы халықтың әл-ауқатын жақсарту бағытында шараларды қабылдау қажеттігін айтып келемін. 
 Бүгінгі таңда ауданда 2571 шағын және орта кәсіпкерлік субъектісі тіркелсе, оның 92,5 пайызы нақты жұмыс жасайды. 6 ай қорытындысымен жұмыс жасап тұрған шағын және орта бизнес субъектілерінің саны 6,6 пайызға артып, 2379 бірлікке жеткен. Бұл әрине жаман көрсеткіш емес. Ілгерілеу бар. Дегенмен, қолда бар резервтерді барынша пайдалану қажет. Кәсіпкерлік саласында өндірілген өнім көлемі 8,5 пайызға азайған. Сонымен бірге, Индустрияландыру бағдарламасының үш бесжылдығы аясында аудан бойынша жоспарланған 5 жобаның 2-і ғана іске қосылып, Жалағаш жобалар аз қамтылған аудандар қатарынан көрінді» – деді Нұрлыбек Нәлібаев.
</blockquote>
Жалағаш ауданының облыс орталығына жақын орналасуы бау-бақша және фермерлік кәсіпті дамытуға мүмкіндік береді. Дегенмен, қазіргі жағдайда бағаны тұрақтандыру жұмыстары мардымсыз жүргізілген. Сондай-ақ, аудан әкімдігі тарапынан бүгінгі күнге дейін бірде-бір мемлекеттік бақылау шарасы жүргізілмеген.
Нұрлыбек Нәлібаев аудандағы мемлекеттік бағдарламалардың уақытында орындалуын, көгілдір отынмен қамту, тұрғындарды тұрақты жұмыс орнына орналастыру, егіншілікпен айналысам деушілерге жер телімдері табысталатынын кеңінен ақпараттандырып, келесі егін маусымына дайындықты қазірден бастауды міндеттеді. Мұнан бөлек, аймақ басшысы аудандағы тұрғын үй қорын дамыту бойынша нақты жоспар арқылы жұмыс істеуді тапсырды.
Арнайы отырыста тоқтап тұрған өндіріс орындары мәселесі де шет қалмады. Аймақ басшысы аудан әкіміне мия тамырын өңдеу зауытының жұмысын жандандыру қажет екенін қадап айтты. Ауданда іске қосылған жобалардың саны тым аз екенін ескертіп, орта жолдан тоқтап тұрған кәсіпорындарды қайта қосып, жұмысты жеделдету қажет деді. 
Облыс әкімі ауданда жұмыспен қамту көрсеткіші де көңіл көншітпейтінін жасырмады. Мәселен, Мәселен, 6 айдың қорытындысымен ресми жұмыссыздық деңгейі өткен жылдың тиісті кезеңімен салыстырғанда 1,8 пайыздық пунктке өскен және жоспарланған 2420 жаңа жұмыс орынның бар болғаны 805 немесе 33,3%, оның ішінде тұрақтысы 59 немесе 7,3% ғана орындалған. Бұл аз десеңіз, мүмкіндігі шектеулі азаматтарды квота шеңберінде жыл басынан бері 15 адамның 2 ғана (13,3%) жұмысқа орналасқан.
Нұрлыбек Нәлібаев Президентіміз Қ.К.Тоқаевтың тапсырмасына сәйкес Қызылорда қаласы мен Жаңақорған, Арал аудандары мен Байқоңыр қаласында «Бақытты отбасы» әлеуметтік бөлімі ашылып, жұмыс жасалса, Жалағаш ауданында мұндай орталық әлі күнге дейін ашылмағанын қатаң сынға алды.
Биыл аудан әкімдеріне балалар жылына тарту ретінде ойын алаңдарын салу міндеті тұр. Бұл бағытта Асқарбек Есжанов ауданда 7 балалар ойын алаңы салынатынын жеткізді. 
Жиында мамандардың кадрлық әлеуеті мен ауданның қоғамдық-саяси аухалы да қаралды. Оның ішінде кент және ауылдық округ әкімдерінің «Мемлекеттік сатып алу туралы» Заңына енгізілген өзгерістерді назарға алмауы салдарынан бірқатар заң бұзушылықтарға жол берілгендігі сыналды. Бұл сөзсіз мемлекеттік сатып алу жұмыстары мардымсыз үйлестірілгендігін көрінісі.
Асқарбек Темірбекұлы, ауданды дамытуға, сыбайлас жемқорлық пен құқық бұзушылықтардың алдын-алу мақсатында бірінші кезекте жергілікті әкімдік жүйесіндегі қызметкерлерді өзара ауыстыру мәселесін қарастыру керек.
Сонымен қатар, кадрлар тиімділігін арттыру мақсатында аудан әкімдіктері қызметкерлерінің еңбек өтіліне және тиімділігіне, жетістіктеріне талдау қажет. Талдау нәтижесімен қызметшілерді ротациялау бойынша ұсыныстар беріңіздер,-деді Н.Нәлібаев. Облыс әкімі аудандағы кейбір әлеуметтік нысандардың басшылық қызметінде 10-20 жылдай табан аудармастан отырған басшылардың барын жасырмады.
Бұл ретте олардың жұмысына нақты талдау жүргізудің қажеттілігі туғанын жеткізді. Сондай-ақ, үлескерлер мәселесінде орнықты шешім қабылдау, белсенді азаматтармен сындарлы диалогқа түсу ісінде жұмысты ширату қажет екенін тағы бір еске салды. 
Аймақ басшысы аталған жұмыстарды іске асыру барысында облыстық және аудандық мәслихат депуттары, ардагерлер мен қоғамдық кеңес мүшелері де белсенді атсалысуы керек екендігін баса айтты. 
Жиынды қорытындылаған өңір басшысы өңірді дамытатын жоспарларды қайта саралап, кеткен кемшіліктерді уақытылы түзеу қажет екенін тағы бір еске салды. Жұмыс барысында теріс қылықтарға жол беріп, өз қызметін немқұрайлы атқарған азаматтарға қатаң шара қолдану қажет екенін тапсырды.
<img src="https://kyzylorda-news.kz/wp-content/uploads/2022/07/fb_img_1659122061030.jpg" alt="" />
<img src="https://kyzylorda-news.kz/wp-content/uploads/2022/07/fb_img_1659122052216.jpg" alt="" />

Облыс әкім: Жалағаш ауданында тоқтап тұрған өндіріс орындары болмауы керек

Kyzylorda-news.kz. Биыл Қармақшы ауданында жалпы көлемі – 24 326 гектар жерге ауыл шаруашылығы дақылдары егілді. Ал егілген күріш көлемі – 12 773 гектарды құрап отыр. Сондай-ақ, ауданда 15 шілдеден бастап бидайға орақ түсіп, одан 386,4 тонна өнім алынды.
Сонымен қатар ауданда мал шаруашылығы саласында да өсім байқалады. Дәлірек айтқанда, төрт түлік бойынша өсім орташа 6,8 пайызды құрап отыр.
<blockquote>
 Биылғы жылы 4 мың гектар жоңышқа орылып, оның әр гектарынан орташа 19,8 центнерден өнім өндірілді. Сонымен қатар бүгінде жоңышқаның екінші орымын ору және жинау жұмыстары жүргізіліп басталды. Ауданда су тапшылығының алдын алу мақсатында қашыртқы суды қайта пайдалану және егістік жерлерді суармалы сумен қамтамасыз ету үшін барлығы 57 дана насос қондырғысы іске қосылған. Мал шаруашылығы саласында да өсім бар. Қазіргі таңда мал басы 6,8 пайызға артты. Атап айтқанда, мүйізді ірі қара – 5,1 пайызға, жылқы – 21,6 пайызға, қой – 2,0 пайызға, ешкі – 6,8 пайызға, түйе – 8,6 пайызға, үй құстары – 9,9 пайызға көбейді. Ауданда төрт-түлік санын арттыруға байланысты арнайы жұмыстар атқарылуда, – деді аудан әкімі Әділбек Ерсұлтанов.
</blockquote>
Төрт түлігін сайлаған елдің бүгінде кәсібі алға жылжығаны байқалады. Ауылдағы елдің қолында екі мыңнан астам ірі қара, 800-ге жуық жылқы 5 мыңға тарта уақ мал болса, түйенің саны 700-ге жетіп қалды. Алақандай ауыл осылайша ауданның мал басының артуына атсалысып келеді.

Әділбек Ерсұлтанов: Қармақшыда ауыл шаруашылығы саласы айтарлықтай дамуда

Kyzylorda-news.kz. Биыл Қармақшы ауданының әлеуметтік-экономикалық дамуында оң қарқын қалыптасқан. Мәселен аудан бюджеті бірінші жартыжылдықта 102,9 пайызды құрап, барлық шығыс жоспары 100 пайызға орындалды. Ал өнеркәсіп саласының кәсіпорындары 1 млрд.659 млн теңгенің өнімін өндірді. Тиісінше, бұл көрсеткіш ауданның микроэкономика саласында өсім қалыптасқанын білдіреді.
Бүгін Өңірлік коммуникациялар қызметінде өткен баспасөз конференциясында Қармақшы ауданының әкімі Әділбек Ерсұлтанов БАҚ өкілдеріне атқарылған жұмыстарды тізбектеді.
<blockquote>
 Қармақшы ауданында шағын және орта кәсіпкерлік саласы жанданып келеді. Атап айтсақ, кәсіпкерлік нысандары – 3321 бірлікті құрап, өткен жылмен салыстырғанда 99,4 пайызға артқан. Оның үш мыңға жуығы тұрақты жұмыс істеуде. Сонымен қатар, аудан экономикасын әртараптандыруда шикізаттық емес секторды дамытуға басымдық берілді. Солардың бірі – индустрияландыру бағдарламасы аясында жүзеге асып жатқан ауқымды жоба – «Қармақшы құс» ЖШС құс фабрикасы. Бұл жоба жыл аяғына дейін іске қосылып, өндірісте 200 адам жұмыспен қамтылады деп жоспарлануда. Екінші жоба – «Тұрған тамы» шаруа қожалығының балық өңдеу цехы да биыл іске қосылмақ. Ал аудандағы индустриялық аймақтың жалпы ауданы 15 гектарды құрайды. Мұнда өндіріс орындарын дамытуға кәсіпорындарға жер телімдері берілген. Қазіргі таңда «МИР-2001» ЖШС бетон бұйымдарын өндіру өндірісі жұмыс істеуде. Онда 5 адам тұрақты жұмыспен қамтылғанымен, маусымдық жұмыстарға 35 адамға дейін тартылған, – деді аудан әкімі Әділбек Ерсұлтанов.
</blockquote>
Жалпы ауданда ішкі нарықты толық қамтамасыз ету бағытында ауқымды жұмыстар атқарылуда. Алдағы уақытта да ауданның әлеуметтік-экономикалық жағдайын жақсатуда бірқатар шаралар қарастырылған.

Биыл &#8220;Қармақшы құс&#8221;  фабрикасы іске қосылады

<a href="https://kyzylorda-news.kz/">Kyzylorda-news.kz.</a> Биыл Жалағаш ауданында 35 мыңнан астам гектар жерге егін егілді. Ал басты дақыл күріштің көлемі – 18 501 гектарды құрады. Сондай-ақ, ауданның егіс алқабында алғаш рет 73 гектарға қант құмайы мен 2,5 гектарға қант қызылшасы егілді.
Бұл ауданда егін шаруашылығымен қатар мал шаруашылығы да тұрақты дамуда. Әсіресе төрт-түлік санында айтарлықтай өсім қалыптасқан.
<blockquote>
 «Қызылорда облысы әкімінің тапсырмасына сәйкес аудан тұрғындарын егіншілікпен айналысуына жағдай жасау мақсатында ауданымызда 250 гектар жер дайындалып, 802 отбасыға бөлініп берілді. Шаруа қожалықтарын жаңа техникалармен қамтамасыз ету үшін 25 дана жаңа құрылғы сатып алында. Ал мал шаруашылығында біршама өсім байқалады. Атап айтсақ, мүйізді ірі қара – 4,1 пайызға, жылқы – 33,9 пайызға, түйе – 2,5 пайызға көбейді. Осы ретте ет өнімі – 0,7 пайызға, ал сүт өнімі – 1,3 пайызға артты. Алдағы уақытта ауданымыздың ауыл шаруашылығы саласын дамытуға арналған тиісті жұмыстар жалғасатын болады, – деді Жалағаш ауданының әкімі Асқарбек Есжанов.
</blockquote>
Айта кетейік, Қызылорда облысының әкімі Нұрлыбек Нәлібаев жалағаштықтармен кездесу кезінде биыл ауданда 250 гектар жерге қосымша егін егілетінін айтқан болатын. Сонымен қатар мемлекеттік қолдау шараларының арқасында мал басы санында өсім бар. Сондай-ақ ауданда ет 100,7%, сүт 101,5%, мал басы 101,1%-дан 128%-ға дейін өскен.
<img src="https://kyzylorda-news.kz/wp-content/uploads/2022/08/291026283_333120465675871_3926429757010983179_n.jpg" alt="" />

Қазақстан және Қызылорда облысының жаңалықтары: Экономика

Ауыл шаруашылығы және Экология министрі Сыр еліндегі бірқатар нысандарды аралады

Сыр елінде егінге орақ түсті

Ерсұлтан Апетов: Құрылыс индустриясы – экономиканың негізгі іргетасы

Сырдария ауданы бюджетінің 68 пайызы әлеуметтік салаға бағытталған

Облыс әкімі Иран Ислам Республикасының Төтенше және Өкілетті елшісімен кездесті

Нұрлыбек Нәлібаев: 2021 жылғы білім саласындағы кейбір көрсеткіштер көңіл көншітпейді

Нұрлыбек Нәлібаев: Қызылорда экономикалық тұрғыдан әлеуеті зор әрі таза қала болуы керек

Нұрлыбек Нәлібаев: Жаңақорған бақша-көкөніс өнімдерімен қамтамасыз ететін тірек аудан болуы керек

Облыс әкім: Жалағаш ауданында тоқтап тұрған өндіріс орындары болмауы керек

Әділбек Ерсұлтанов: Қармақшыда ауыл шаруашылығы саласы айтарлықтай дамуда

Биыл “Қармақшы құс” фабрикасы іске қосылады

Жалағаш ауданында ауыл шаруашылығы саласы қарқынды дамуда

Қазақстан және Қызылорда облысының жаңалықтары: Экономика

Ауыл шаруашылығы және Экология министрі Сыр еліндегі бірқатар нысандарды аралады

Сыр елінде егінге орақ түсті

Ерсұлтан Апетов: Құрылыс индустриясы – экономиканың негізгі іргетасы

Сырдария ауданы бюджетінің 68 пайызы әлеуметтік салаға бағытталған

Облыс әкімі Иран Ислам Республикасының Төтенше және Өкілетті елшісімен кездесті

Нұрлыбек Нәлібаев: 2021 жылғы білім саласындағы кейбір көрсеткіштер көңіл көншітпейді

Нұрлыбек Нәлібаев: Қызылорда экономикалық тұрғыдан әлеуеті зор әрі таза қала болуы керек

Нұрлыбек Нәлібаев: Жаңақорған бақша-көкөніс өнімдерімен қамтамасыз ететін тірек аудан болуы керек

Облыс әкім: Жалағаш ауданында тоқтап тұрған өндіріс орындары болмауы керек

Әділбек Ерсұлтанов: Қармақшыда ауыл шаруашылығы саласы айтарлықтай дамуда

Биыл &#8220;Қармақшы құс&#8221; фабрикасы іске қосылады

Жалағаш ауданында ауыл шаруашылығы саласы қарқынды дамуда

Биыл “Қармақшы құс” фабрикасы іске қосылады