Kyzylorda-news.kz. Бүгін Мәжілістің жалпы отырысынан кейін ҚР ұлттық банк төрағасы Ерболат Досаев ҚР қаржы министрлігінің&nbsp; қолма-қол ақшасыз төлемдерін тексеруге қатысты ұсынысына байланысты пікір білдірді, деп жазады <a href="https://baq.kz/news/othernews/dosaev-kartadan-karta-a-onlayn-a%D0%BAsha-/">BAQ.KZ</a>.
<blockquote>
 «Қаржы министрлігі салық салуды көздеп отыр деп ойламаймын (қазақстандықтардың қолма-қол ақшасыз төлемдеріне). Меніңше, осы төлемдерден салық төленіп жатқанын көргісі келеді. Сондықтан ұлттық банк пен қаржы министрлігі тиісті шараларды бірлесе іске асыратын боламыз.Қолма-қол ақшасыз төлемдер көлемінің артуы бюджет кірісінің өсуімен қатар жүруі керек. Мен мұны дұрыс деп санаймын. Сол кезде ақша “көлеңкелі” айналымнан шығарылады», – дейді Ерболат Досаев.
</blockquote>
Оның айтуынша, бұл мәселе жекелеген банкке ғана емес, еліміздегі барлық секторына қатысты екен.
<blockquote>
 «Бұл ретте “көлеңкелі” экономиканы азайту бойынша біздің бірлескен жұмысымыз оңтайлы нәтижелермен жүзеге асқанын қалаймыз. Әзірге бұл қаржы министрлігінің ұсынысы ғана. Енді банктік қоғамдастық тарапымен де талқылау болады», – дейді ұлттық банк төрағасы.
</blockquote>
Айта кетейік, бұған дейін сенат отырысында бірінші қаржы вице-министрі Берік Шолпанқұлов салықтан жалтарған кәсіпкерлерді анықтау үшін қазақстандықтардың ақшалай аударымдарын тексерілетінін айтқан еді. Яғни адамға басқа жеке тұлғалардан ақша тұрақты түрде түсіп тұрса, онда салық қызметтері мұны тексереді екен.

Картадан картаға онлайн ақша аударатындарды тексеру қашан басталатыны белгілі болды

<a href="https://kyzylorda-news.kz/">Kyzylorda-news.kz.</a> Келесі жылдан бастап сүт бағасы қымбаттап, тапшылық сезілуі мүмкін. Бұл туралы <a href="https://www.ktk.kz/">КТК</a> арнасы хабарлады.
Өйткені сүт өнімдерін шығаратын зауыттардың көбі Еуразиялық экономикалық одақтың техникалық талабына сай емес. 2020 жылы күшіне енетін ереже бойынша ағарғанның сапасы мен құрамы жіті тексеріледі. Ал отандық кәсіпорындар әлі күнге дейін сүтті ауылдардағы кішігірім шаруа қожалықтарынан алып жүр. Мұндай шикізат сол техникалық талапқа мүлдем сай емес.
Елімізде сүт өнімдерін шығаратын 150-ге жуық зауыт бар. Келесі жылдан бастап Кеден одағының техникалық талабы күшіне енсе, қыз-қыз қайнаған кәсіпорындардың жұмысы тұралауы мүмкін. Бұл өз кезегінде сүттің жетіспеушілігіне әкеп соғады.&nbsp;
Жаңа талап бойынша сүт өнімдерінің құрамы мен сапасы жіті тексерілмек. Мамандар азғантай мүйізді қарамен күн көретіндердің ағарғаны техникалық талаптарға сай келуі неғайбыл деп отыр. Өйткені олар санитарлық-гигиеналық ережені елемейді.&nbsp;
<blockquote>
 «Енді техникалық талапқа сай келмейтін шикі сүтті қабылдауға болмайды. Себебі, оның ішінде антибиотик және басқа да рұқсат етілмеген заттар болса ол сүтті пайдалануға болмайды. Енді зауыттар көлемін азайтады. Қазірдің өзінде сүттің жетіспеушіліге бар. 1ші қаңтардан бастап одан да қиын болады», – дейді Қазақстан сүт одағы Оңтүстік аймағының өкілі Дінмұхаммед Айсауытов.
</blockquote>
Ауыл шаруашылығы министрлігі Ресейден маман шақыртып, шаруаларға тегін семинар өткізуді енді бастапты. Зеңгі баба тұқымын өсірудің қыр-сырын білетін Нұрсақыш Жұмаділқызы бұл жерде амалсыздан жүр. Өйткені жаңа талаптарды білмесе, табыстан қағылады.&nbsp;
<blockquote>
 «Біз он жылдан бері осы шаруашылықпен шұғылданып келеміз. Ертең Кеден одағының ережесі күшіне енсе, емін-еркін зауыттарға өткізу қиын болады. Шикі сүтті өткізе алмай шығынға батамыз. Сол үшін оқып, үйреніп жатырмыз», – дейді шаруа қожалығының иесі Нұрсақыш Жұмаділқызы.
</blockquote>
Сүт одағының өкілдері отандық зауыттар шикізатқа зәру болса, нарықты көрші елдердің өнімдері жаулайды деп қауіптенеді. Оған қоса сүт өнімдерінің бағасы шарықтап шыға келуі де ғажап емес. Сондықтан жауапты министрлік кәсіпкерлерге барынша қолдау көрсетсе дейді.

Елімізде сүт жетіспеушілігі туындауы мүмкін

<a href="https://kyzylorda-news.kz/">Kyzylorda-news.kz.</a> Арнаулы салық тәртібіне өткен шағын кәсіпкерлер қандай жеңілдікке ие болады?
2020 жылдың 1 қаңтарынан бастап салық кодексінде жеке кәсіпкерлерге қатысты бірқатар өзгерістер күшіне енеді.
Бұл туралы Мемлекеттік кірістер комитетінің Кәсіпкерліктің жеке түрлеріне салық салу басқармасының басшысы&nbsp;Гүлмира Смағұловахабарлады.
Қандай өзгерістер күтіп тұр?
Салық кодексіндегі өзгеріске сай, патентті қолдану құқығы бойынша көрсетілетін қызмет түрлерінің (32 қызмет түрі)&nbsp;тізімі&nbsp;жария болды:
<ol>
<li>Сылақ жұмыстары;</li>
<li>Ағаш ұсталығы мен ағаш шеберлігі жұмыстары;</li>
<li>Еден жабу және қабырға қаптау жұмыстары;</li>
<li>Бояу және шынылау жұмыстары;</li>
<li>Такси қызметі;</li>
<li>Автомобиль көлігімен жүк тасымалдау;</li>
<li>Сыйақы үшін немесе шарт негізінде жылжымайтын мүлікті басқару;</li>
<li>Фотография қызметі;</li>
<li>Аударма (ауызша және жазбаша) ісі;</li>
<li>Мүлікті жалдауға (жалға) беру;</li>
<li>Көлік құралдарын жалдауға (жалға) беру;</li>
<li>Ойын-сауық және спорттық керек-жарақтарды прокатқа және жалдауға (жалға) беру;</li>
<li>Бейнежазбалар мен дискілерді прокатқа беру;</li>
<li>Басқа да жеке тұтыну заттарын және тұрмыстық тауарларды прокатқа беру және жалдауға (жалға) беру;</li>
<li>Ауыл шаруашылығы техникасы мен жабдығын жалдауға (жалға) беру;</li>
<li>Есептеуіш техниканы қоса алғанда, кеңсе машиналары мен жабдығын жалдауға (жалға) беру;</li>
<li>Спорттық білім және бос уақытты ұйымдастыру мамандарына білім беру саласында көрсетілетін қызметтер;</li>
<li>Мәдениет саласындағы білім беру қызметтері;</li>
<li>Басқа да білім беру саласында көрсетілетін қызметтер;</li>
<li>Қосымша білім беру қызметтері;</li>
<li>Өнер саласындағы қызметтер;</li>
<li>Компьютерлерді және перифериялық жабдықты жөндеу;</li>
<li>Коммуникациялық жабдықты жөндеу;</li>
<li>Жеке тұтыну заттарын және тұрмыстық тауарларды жөндеу;</li>
<li>Шаштараз қызметтері;</li>
<li>Маникюр және педикюр;</li>
<li>Ветеринариялық қызметтер;</li>
<li>Жер учаскелерін өңдеу бойынша қызметтер;</li>
<li>Тұрғын үй-жайларды жинау және үй шаруашылығын жүргізу бойынша ызметтер;</li>
<li>Базарларда, вокзалдарда жүк тасушылар қызметтері;</li>
<li>Музыкалық аспаптарды жасау және жөндеу;</li>
<li>Үй жануарларын бағу қызметі.</li>
</ol>
Қолданыстағы Салық кодексімен&nbsp;12 түрлі&nbsp;қызметке патентті қолдануды алып тастау қарастырылған. Олар:&nbsp;Жер қойнауын пайдалану, акцизделетін тауарлар өндiру, консультациялық қызметтер көрсету; сақтандыру брокері мен сақтандыру агентінің қаржыландыруы, сақтандыру қызметі және делдалдық қызметі және тағы басқа.
Мақсат не?
Мақсат&nbsp;– бейресми еңбек қатынасын болдырмау және нақты кірістерді жасыруға жол бермеу. Сонымен бірге, өзгерістер көлеңкелі бизнесті ашыққа шығарып, жалдамалы жұмыскерлерді заңдастыруға бағытталған.
Онда жалдамалы қызметкерлерді тартусыз жүзеге асырылуы мүмкін емес қызмет түрлері бойынша табыс табуға патент талап етілмейді. Мысалы, тәулік бойы сауда сату, азық-түлік сату, базарларда сауда жүргізу және тағы басқа.
Мұнда халықаралық тәжірибеге сай ұсақ қолөнершілерге қойлытын салықтық тәртіп негізінде кірісті қадағалауды және жалдамалы жұмысшыларды бақылуды күшейту көзделген.
Мысалы, биыл патент алған 268 кәсіпкердің55,7 пайызы (148953 жеке кәсіпкер)&nbsp;сауда саласында қызмет көрсетті. Олардың 55 пайыздан астамы аталған қызметті Астанада, республикалық және облыстық маңызы бар қалаларда жүзеге асырған.
Рұқсат етілген тізімге енбеген қызмет түрлерін көрсететін кәсіпкерлер салық төлеу тәртібін өзгертуі керек. Олар 2 түрлі тәртіптің бірін таңдайды:
<ul>
<li>Жеңілдетілген декларация негізіндегі немесе тіркелген шегерім пайдаланылатын арнаулы салық тәртібі;</li>
<li>Жалпыға бірдей белгіленген тәртіп.</li>
</ul>
Басқа салық төлеу тәртібіне ауысу үшін не істеу керек?
Патенттен басқа салық салу тәртібіне ауысу үшін, патентті қолданатын жеке кәсіпкерлер салық салу тәртібін таңдауды қазірден бастап ойлауы қажет.
Сонымен бірге, салық органдарына электронды түрде (салық төлеушінің кабинеті арқылы) немесе жазбаша түрде салық салу тәртібін өзгерту туралы хабарлама тапсыруы керек.
“Таңдалған салық салу тәртібін көрсету кезінде өзгертудің&nbsp;себебі ретінде&nbsp;2020 жылдың 1 қаңтарынан бастап патентті қолдану шарттарына сәйкес келмейтіндігін хабарлауы тиіс” – делінген Қаржы министрлігінің Мемлекеттік кірістер комитеті таратқан&nbsp;хабарламада.
2020 жылғы 1 қаңтарға дейін хабарламаған жағдайда салық органдары осындай салық төлеушілерді жалпыға бірдей белгіленген салық төлеу тәртібіне ауыстыратын болады.
Ал шағын бизнес өкілдері үшін осындай жалпы тәртіптен басқа арнаулы салық төлеу тәртібіне ауысуға тек&nbsp;бір жылдан кейін&nbsp;ғана рұқсат етіледі.
Арнаулы салық тәртібіне ауысудың артықшылықтары қандай?
Арнаулы салық тәртібін қолданатын шағын және ұсақ кәсіпкерлік субъектілері 2019 жылғы 2 қыркүйектегі Мемлекет басшысының “Сындарлы қоғамдық диалог – Қазақстанның тұрақтылығы мен өркендеунің кепілі” деп аталатын жолдауында айтылғандай, табыс салығынан үш жылға босатылады.
Сонымен қатар, жеңілдетілген салықтық есеп жүргізу және салықтық есептілікті тапсыру, бухгалтерлік&nbsp;есеп жүргізуден босатуқарастырылған.
<a href="https://informburo.kz/kaz/2020-zhyldan-bastap-zheke-kspkerlerge-atysty-saly-trtb-zgered.html">informburo.kz</a>

2020 жылдан бастап жеке кәсіпкерлер салықты басқаша төлейді

<a href="https://kyzylorda-news.kz/">Kyzylorda-news.kz.</a> 2020 жылдың күзінде 2006 жылғы үлгідегі банкноттарды айырбастау аяқталады, деп хабарлайды Ұлттық банктің <a href="https://nationalbank.kz/cont/2020%20%D0%B6%D1%8B%D0%BB%D1%8B%202006%20%D0%B6%D1%8B%D0%BB%D2%93%D1%8B%20%D2%AF%D0%BB%D0%B3%D1%96%D0%B4%D0%B5%D0%B3%D1%96%20%D0%B1%D0%B0%D0%BD%D0%BA%D0%BD%D0%BE%D1%82%D1%82%D0%B0%D1%80%D0%B4%D1%8B%20%D0%B0%D0%B9%D1%8B%D1%80%D0%B1%D0%B0%D1%81%D1%82%D0%B0%D1%83%D0%B4%D1%8B%D2%A3%20%D0%B0%D1%8F%D2%9B%D1%82%D0%B0%D0%BB%D0%B0%D1%82%D1%8B%D0%BD%D1%8B%20%D1%82%D1%83%D1%80%D0%B0%D0%BB%D1%8B.pdf">баспасөз қызметі</a>.
ҚР Ұлттық Банкі 2020 жылдың 3-қазанында 2006 жылғы үлгідегі номиналы 2000, 5000, 10000 теңгелік банкноттарды қабылдау мен айырбастаудың үш жылдық кезеңі аяқталатынын еске салады.
Жеке және заңды тұлғалардан 2006 жылғы үлгідегі номиналы 2000, 5000, 10000 тенгелік банкноттарды қабылдау және оларды ұлттық валютаның колданыстағы ақша белгілеріне ауыстыруды ҚРҰБ аумақтық филиалдары банкноттардың түпнұсқалығын растағаннан кейін комиссиясыз және сомасы бойынша шектеусіз жүзеге асырады.
<img src="http://kyzylorda-news.kz/wp-content/uploads/2019/11/12banknoty2.jpg" alt="" />
<img src="http://kyzylorda-news.kz/wp-content/uploads/2019/11/12banknoty3.jpg" alt="" />
<img src="http://kyzylorda-news.kz/wp-content/uploads/2019/11/12banknoty4.jpg" alt="" />

2006 жылғы үлгідегі теңгелер жарамсыз деп танылады

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Жеке тұлғалар арасындағы салықтар бойынша 65 млн&nbsp;сомасындағы ең үлкен қарыз Асқар Нәбиевке тиесілі, оның 28 млн&nbsp;теңгесі – айыппұлдар. Бұл туралы <a href="https://kursiv.kz/">Kursiv.kz</a> хабарлады.
Нәбиев Қарағанды облысы, Бұқар Жырау ауданы әкімдігінде бас маман болып қызмет етеді, кезінде Қарағандының жер қатынастары бөлімін басқарыпты.
<blockquote>
 Осыдан бірнеше жыл бұрын ол жер учаскесін сатып алған. Қаланың әкімшілік шекарасы кеңейтілгеннен кейін, салықтық мөлшерлеме күрт өскен. Қазір қарыз мәжбүрлеп қайтарылуда – шендінің еңбекақысының бір бөлігі берешекті өтеуге ұсталуда. Бұдан бөлек, сатылымға борышкердің меншігіндегі екі автокөлік пен жер учаскесінің өзі шығарылған. Бірақ бұлардың соңғысын сату мүмкін болмады: екі ретте де сатып алушылардың болмауы салдарынан, аукцион өткізілмей қалды, – дейді Қарағанды облысы Мелекеттік кірістер департаментінің бас маманы Гүлнар Бекенова.
</blockquote>
МКД мәліметтері бойынша, 22 мыңнан астам жеке тұлғаларға салық рақымшылығы жасалыпты, ал борышкерелер тізімінде барлығы 88,7 адам бар екен.
<blockquote>
 2019 жылғы бірінші қарашаға дейін 22,1 мың жеке тұлға 173,9 млн теңге сомасындағы салық қарыздарын өтеді. Соның нәтижесінде, олардың мойнындағы 66,8 млн теңге сомасындағы айыппұлдардың күші жойылды. Барлығы 88,7 мың салық төлеушінің өтелмеген борышының сомасы 1 млрд теңгені құрайды, оның ішінде, 332,2 млн – айыппұл, – деді сөзін нақтылаған мемкірістер департаментінің қызметкері.
</blockquote>
Сонымен қатар, жеке кәсіпкер болып табылмайтын 57 жеке тұлғаның 15 жыл бұрын кәсіпкерлік қызметке қатысы болған 974 мың тенге қарызы анықталған, олардың 400 мың теңгесі – айыппұлдар, салық рақымшылығы аясында солардың күші жойылыпты.&nbsp;
Не салық төлеуші дұрыс есеп бермеген, не бір жүйеден екінші жүйеге көшкенде қате жіберілген, – деді жағдайды түсіндірген Бекенова. Естеріңізге салсақ, жеке тұлғалар үшін Қазақстандағы салық рақымшылығы 2019 жылғы 16 маусымда басталған болатын. Жеке тұлғалар үшін айыппұлдардың күшін жоюдың жалғыз шарты мүлік, жер және көлік салығының негізгі қарызын өтеу болып табылады. Рақымшылық 2019 жылғы 31 желтоқсанға дейін созылады.

Елімізде салыққа 65 млн теңге қарызы бар шенеунік анықталды

<a href="https://kyzylorda-news.kz/">Kyzylorda-news.kz.</a> Қолданыстағы зейнетақы жүйесі қазақстандықтардың баспана мәселесін шеше алмайды. Себебі, халықтың 70%-інің жинағы 1 млн теңгеге де жетпейді. Бұл туралы стратегиялық бастамалар орталығының мамандары мәлімдеді, деп хабарлайды <a href="https://24.kz/kz/zha-aly-tar/basty-zha-aly-tar/item/353827-sarapshylar-aza-standa-zejneta-y-zh-jesin-reformalaudy-s-rap-otyr">«Хабар 24»</a>.
Күні ертең баспана мәселесін зейнетақы қоры арқылы шешеміз деп үмітін үкілеп жүрген тұрғындарға қайтпек керек енді? Сарапшылар зейнетақы жүйесін реформалауды сұрап отыр. «Мысалы, сингапурлық әдіске жүгіну ұтымды», – дейді олар. Ол қандай әдіс?
Қазақстанда орталық жинақтау қоры құрылу керек. Стратегиялық бастамалар орталығының мамандары осындай пікірде. Сарапшылар зейнетақы жүйесін толықтай реформалауда сингапурлық әдісті тиімді санайды.
Жоба 20 қарашада еңбек және халықты әлеуметтік қорғау министрлігінің қатысуымен өтетін стратегиялық бастамалардың екінші форумында пысықталмақ. Оның негізінде мемлекетте жұмыс беруші мен жұмысшы ай сайынғы салым жасайды. Кейін бұл қаражат әдеттегі арнайы және медициналық есепшоттарға бөлінеді. Алғашқысын салымшы тұрғын үй алуға не өзі, болмаса отбасы мүшелерін оқытуға жұмсайды. Сондай-ақ осы ақшаны еңбекке жарамсыз болып қалған жағдайда алдын ала шешіп алуға құқылы. Өз кезегінде арнайы есепшоттағы қаражат зейнетақы қоры ретінде сақталады. Медициналық шоттағы қаржыны салымшы денсаулығын түзеуге жұмсай алады. Қолданыстағы бірыңғай жинақтаушы зейнетақы қоры соңғы кезде сынға көп ілігуде. Демек, мемлекет те жүйені жетілдіруге мүдделі болуы керек.

Зейнетақы жүйесі баспана мәселесін шеше алмайды

<a href="https://kyzylorda-news.kz/">Kyzylorda-news.kz.</a> Салық төлеушілер (жеке тұлғалар) мүлікке, жер және көлік салықтарын төлеуге қатысты сұрақтарды жиі қояды. Ел азаматтары сан түрлі өмірлік жағдайда кездесетін, онда өздерінің салық міндеттемелерін қалай дұрыс орындау керектігін көбіне біле бермейді. Осыған орай Қызылорда облыстық Мемлекеттік кірістер департаментінің баспасөз қызметі тұрғындар тарапынан ең жиі қойылатын 20 сұраққа жауап берді.
1. Жеке тұлғалардың мүлік салығы, жер салығы және көлік құралдарына салығының төлеу мерзімдері қандай?
Жеке тұлғалар бюджетке:
– жер салығы мен мүлік салығын есепті жылдан кейінгі жылдың 1 қазанынан кешіктірмей;
– көлік салығын есепті жылдың 31 желтоқсанынан кешіктірмей төлейді.
2. Салықты уақытылы төлемегені үшін айыппұл санкциялары болады ма?
Қолданыстағы Қазақстан Республикасының Салық кодексінде салық міндеттемесін орындаудың мерзімі өткен әрбір күн үшін бересі сомасына өсімпұл сомасын есептеуді қоспағанда, айыппұл санкциялары белгіленбеген.
3. Көлік салығын қалай төлеу керек?
Жекетұлғалар салық төлеуді тұрғылықты (тіркелген)жері бойынша&nbsp; жүргізеді.
4. Егер салық төлеуші тұрғылықты тіркелген жерін ауыстырып, Шығыс Қазақстан облысына көшсе, ал көлік бұрынғысынша Алматы облысында тіркелген болса, онда жеке тұлғалар көлік құралдарына салынатын салықты қайда төлейді?
Салықты тұрғылықты жері бойынша бюджетке төлеуі қажет, деректемелерін тұрғылықты жері бойынша мемлекеттік кірістер басқармасына не 1414 телефоны арқылы Байланысорталығына хабарласып алуға болады.
5. Автокөлікжол-көлік апатынан кейін бұзылып, пайдаланылмай тұр, осы көлік құралы үшін салықты төлеу керек пе?
Иә, автомобиль иесі әзірге бар және Жол полициясы басқармасының органдарында көлік тіркеу есебінде тұрған болсатөлеуі керек. Осындайкөлік құралы бойынша салық міндеттемесін орындауды тоқтату үшін оны тіркеу есебінен шығару қажет.
6. Көлік құралдарына салық төлеу кезінде өз атыма қате төлеп қойдым, ал автокөлік жұбайымның атына тіркелген. Енді бұл төлемді әйелімнің атына қалай есептесем екен?
Салық кодексінің 101-бабы 5-тармағына сәйкес салықтың, бюджетке төленетін төлемнің, өсімпұлдың артық төленген (өндіріп алынған) сомасы басқа салық төлеушінің салықтық берешегін өтеу есебіне есептеуге жатпайды. Бұл адам сомасын қайтару туралы салықтық өтініш бере алады.
7. Егер мен автокөлікті сенімхат бойынша сатып жіберсем, салықтар кімге есептеледі: маған баәлде автокөліктің нақты пайдаланушысына ма?
Сіздің меншік құқығыңыз екі жақты мәміле жасалған және уәкілетті органда тіркелген негізінде ғана тоқтатылады, автомобильді басқа тәсілдермен сату (сенімхат бойынша не сақтандыру бойынша) меншік құқығын тоқтатпайды.
Тиісінше, салықтар ресми түрде уәкілетті органда тіркелген автокөліктің меншік иесінеесептеледі. Бұл ретте сенімхат бойынша көлік құралын беру Азаматтық кодексінің нормаларына сәйкес мүлікті иеліктен айырумен меншік құқығын беруболып табылмайды, тек меншік иесінің атынаноны басқаруға немесе мүдделерінбілдіруге ғана құқық береді.
8. Егер автомобиль ағымдағы жылғы тамыз айында сатып алынған болса, жеке тұлғадан көлік құралы салығын төлеу қандай мөлшерде жүргізіледі?
Көлік құралы салығының сомасы меншік құқығы алынған айдың 1-күнiнен бастап салық кезеңiнiң соңына дейiнгі кезең үшін есептеледі. Тиісінше, сіздің жағдайыңызда көлік салығын бес ай үшін: ағымдағы жылғы тамыздан желтоқсанға дейін төлеу қажет.
9. Көлік құралдарының тіркемелері көлік салығын салу объектісі болып табылады ма?
Көлік құралдарының тіркемелері көлік құралы салығын салу объектісі болып табылмайды.
10. Жеке тұлға қалай және қай жерде өз бетінше көлік салығын есептеу алады?
Көлік құралы салығын есептеуді салық төлеушілер өз бетінше мынадай сервистерге өтіп: «Электрондық сервистер» – «Калькулятор» – «Көлік салығын есептеу» деген парақшалардан немесе <a href="http://kgd.gov.kz/ru/calc/transports">http://kgd.gov.kz/ru/calc/transports</a> деген тікелей сілтеме бойынша өтіп, <a href="http://www.kgd.gov.kz">http://www.kgd.gov.kz</a>порталын пайдаланумен жүргізуі мүмкін. Автоматты есептеуді жүргізу үшін тиісті ашық жолдарды толтырыңыздар.
11. Жер салығын және мүлік салығын айқындау үшін салық базасықандай?
Жер салығын айқындау үшiн жер учаскесiнiң және (немесе) жер үлесінің алаңы, ал мүлік салығы бойынша – мүлікті бағалау құны салықтық база болып табылады.
12. Жер учаскесіне арналған сәйкестендіру құжаттары болмаған жағдайда пайдаланушыны жер салығын төлеуші ретінде тану үшін негіз болып табылатын не?
Жер учаскесіне арналған сәйкестендіру құжаттары болмаған жағдайда пайдаланушыны жер учаскесіне қатысты жер салығын төлеуші ретінде тану үшін:&nbsp;
1) жер учаскесі мемлекеттік меншіктен берілген кезде – мемлекеттік органдардың жер учаскесін беру туралы актілері;
2) қалған жағдайларда – азаматтық-құқықтық мәмілелер негізінде немесе Қазақстан Республикасының заңнамасында көзделген өзге де негіздерде осындай учаскені іс жүзінде иелену және пайдалану негіз болып табылады (СК 499-б.3-т.).
13. Жеке тұлғадан мүлік салығын есептеудің салық базасы?
«Азаматтарға арналған үкімет» мемлекеттік корпорациясы есепті жылдан кейінгі әрбір жылдың 1 қаңтарындағы жағдай бойынша айқындайтын салық салу объектілерінің құны жеке тұлғалар үшін тұрғынжайлар, саяжай құрылыстары, гараждар бойынша салықтық база болып табылады (Салық кодексінің 529-б.1-т.).
14. Ауыл шаруашылық мақсатындағы пайдаланылмайтын жерлер бойынша жер салығының базалық мөлшерлемелерін түзету қай жағдайда жүргізіледі?
Жергілікті өкілетті органдардың Қазақстан Республикасының жер заңнамасына сәйкес пайдаланылмайтын ауыл шаруашылығы мақсатындағы жерге базалық жер салығының мөлшерлемесін он еседен асырмай арттыруға құқығы бар (СК 509-б. 4-т.).
15. 2015 жылы қозғалтқыш көлемі 4700 текше см. болатын 2010 жылғы Lexus маркалы автомашинаны сатып алды да, анасының атына рәсімдеді, анасы «Алтын алқа» орденін иеленген, ол көлік салығын төлеуден босатылады&nbsp; ма?
Салық кодексіне сәйкес қозғалтқыш көлемі 4000 текше см. асатын және уәкілетті органда 2013 жылғы 31 желтоқсаннан кейін қайта ресімделген автомобильдер көлік салығын төлеуден босатылмайды, сондықтан аталған норма көрсетілген адамдарға қолданылмайды.
16. Мен – 2-ші топтағы мүгедекпін, мен көлік салығынан босатыламын ба?
Иә, Сіз 2013 жылғы 31 желтоқсаннан кейін көлік құралының меншік иесінің ауысуымен байланысты уәкілетті мемлекеттік органдарда тіркелген, қозғалтқыш көлемі 4&nbsp;000 текше сантиметрден асатын жеңіл автомобильден басқа, салық салу объектісі болып табылатын бір автокөлік құралы бойынша – меншігіңіздегі мотоколяска және автомобиль бойынша жеңілдікті пайдалана аласыз.
17. Жеке тұлға-мүгедек үшін мүлік салығын және жер салығын есептеу кезінде қандай салықтық жеңілдіктер көзделген?
Мүгедектер меншік құқығындағы барлық салық салу объектілерінің жалпы құнының 1500 еселенген мөлшердегі айлық есептік көрсеткіші шегінде мүлік салығын төлеуші болып табылмайды.
Мүгедектер мыналар бойынша:
<ul>
<li>тұрғын-үй қоры, оның iшiнде, оның жанындағы құрылыстар мен ғимараттар алып жатқан жер учаскелерi;</li>
<li>үй маңындағы жер учаскелерi;</li>
<li>құрылыс алып жатқан жердi қоса алғанда, жеке (қосалқы) үй шаруашылығын жүргiзу, бағбандық және саяжай құрылысы үшiн берiлген жер учаскелерi;</li>
<li>гараждар орналасқан жер учаскелерi бойынша жер салығын төлеуші болып табылмайды.</li>
</ul>
18. Жеке тұлалардың жергілікті салық бойынша берешегін қалай тексеруге болады?
Салықтық берешектің, оның ішінде көлік құралына салығы бойынша берешектің бар жоғын Мемлекеттік кірістер комитетінің (<a href="http://www.kgd.gov.kz/">www.kgd.gov.kz</a>) сайтында «Электронды қызмет» – «Салықтық берешектің жоқ (бар) екені туралы мәлімет» бөлімінде ЖСН енгізу арқылы, сондай-ақ «Электронды үкімет» порталында не жергілікті жері бойынша МКБ тексеруге болады.
19. Мемлекеттік кірістер органы мүлік және көлік құралы бойынша деректер қорын өзектендіру үшін қандай іс-шаралар жүргізуде?
Қазіргі уақытта мемлекеттік кірістер органдары уәкілетті органдармен деректер қорын өзектендіруді жүргізуде. Меншік иелері туралы мәліметтер нақтылануда, сондай-ақ осындай мәліметтерге талдау жасалуда. ҚР ІІМ, ҚР ӘМ, ҚР АШМ КУЗР, «Азаматарға арналған үкімет» КЕАҚ ақпараттық жүйелерімен өзара онлайн іс-қимыл 2019 жылғы 4-тоқсанға жоспарлануда. Бұл шара салық төлеушілерден келіп түсетін өтініштерді қысқаруға, сондай-ақ салық сомасын дұрыс есептеуге мүмкіндік береді.
20. Салықтық рақымшылық жеке тұлғалардың мүлік салығы, жер және көлік салығы бойынша берешектеріне әсер етеді ме?
Иә, таратылады. Бұл ретте алдыңғы кезең ішінде жеке тұлғада қалыптасқан салықтық міндеттемелер бойынша 2019 жылғы 31 желтоқсанға (қоса алғанда) дейінгі мерзімде қарыздың негізгі сомасын төлеген жағдайда айыппұлдар мен өсімпұлдар сомасы рақымшылыққа жатады.

Қызылордалық салықшылар тұрғындардың ең жиі қоятын  20 сұрағына жауап берді

<a href="https://kyzylorda-news.kz/">Kyzylorda-news.kz.</a> Бүгінде қызылордалық кәсіпкерлер «Аға сеньорлар» компоненті бойынша жұмыс жасаудың тиімділігін түсініп, өз бизнесін дамытуға кеңінен қолдана бастады. 
Басқарудың жаңа әдістерін енгізу, өндіріс технологиялары, құрал-жабдықтар мен персоналды оқыту мәселелері бойынша жоғары білікті шетел мамандарын тарту арқылы жүзеге асатын жобаның әлеуетін пайдаланған кәсіпкерлердің бірі қызылордалық Айгүл Оңғарбаева. 
«Алтын ине» тігін шеберханасының иесі Айгүл Оңғарбаеваға Кәсіпкерлер палатасы Қырғызстаннан арнайы маман шақыртып берді. 
«Қырғызстаннан шақыртып отырған Вероника Ли осы жылы Қызылордаға келген үшінші шет елдік сарапшы. Бұған дейін өңірімізге Түркиядан Кенан Йылдырым мен Канададан Джон Иргенгиоро келіп, кәсіпкерлерімізге қызмет көрсетті. Айгүл Оңғарбаева тігін өндірісін ары қарай дамыту мақсатында тігіншілерінің біліктілігін арттыруды көздеп, Палатаға өтінішпен келген болатын. Біз ұсынған сарапшылардың ішінде кәсіпкер қырғызстандық маманды таңдады. «Аға сеньорлар» компонентіндегі биылғы жылы жаңалық бар. Бұдан кейін кәсіпкерлер Палата ұсынған сарапшылардан өзге, керек шет елдік маманды енді өздері де таңдай алады. Мысалы, кәсіпкер өзінің саласы бойынша біліктілігі жоғары шет елдік маманды біледі, алайда шақыртуға мүмкіндігі болмаса, онда Кәсіпкерлер палатасына келіп, өтініш білдіре алады. Әрі қарай Палата сол маманды кәсіпкер үшін өңірге шақырту жұмысын ұйымдастырып береді», – дейді Кәсіпкерлер палатасының сарапшысы Гүлнұр Құрмантаева. 
«Алтын ине» тігін шеберханасына келген шет елдік маман Вероника Ли әйелдер киімі дизайны бойынша модельер құрастырушы, тігін бизнесін ұйымдастыруға қатысты кеңесші. Қызылордаға сапары барысында ол тігіншілерге тез тігу әдісін үйрететін тренерлер дайындап шықты. 
«Бұл сапарымда кәсіпкерге тез тігу әдісіне үйрететін тренерлер дайындап бердім. Бұл әдістің басты ерекшелігі тігін тігуді енді ғана үйреніп отырған адам базалық дағдыларды 3-4 күн ішінде игеріп шығады. Олар тәжірибелі тігіншімен салыстырғанда 70 пайыз белсенді жұмыс жасай алады. Мамандарды екі апта оқыттым. Нәтижесінде аз күнде 4 тренер шықты. Олар алдағы уақытта тігіншілерді сапалы тігіс жолдарын шапшаң жүргізуге үйрететін болады», – дейді қырғызстандық маман Вероника Ли. 
Жиырма жылдан бері тігін саласында еңбек етіп жүрген Айгүл Оңғарбаеваның басқа қалаға көшіп кетуіне байланысты, Қызылордадағы кәсібі бәсеңдеп қалған болатын. Ол шет елдік маманды шақырту арқылы биыл тігіншілік кәсібін қарқынды дамытуды көздеуде. 
«Өндірісімді дамытып, тапсырыстарымды мерзімінде орындау үшін маған көп тігінші керек. Ол тігіншілердің өзіміздің қаладан болғанын қалаймын. Қызылорданың тауарларын өзге өңірлерге шығарсам деген жоспарым бар. Соны іске асыру мақсатында Вероника Лиді шақырттым. Шет елдік маманның бизнесіме пайдалы тұсы – тігіншілерден тренер жасауында. Бұдан кейін әр тігіншім өзіне 3-4 адамды тігінші ретінде тәрбиелеп ала алады», – дейді кәсіпкер Айгүл Оңғарбаева. 
Әзірге он адамды жұмыспен қамтып отырған кәсіпкер алдағы уақытта тігіншілердің қатарын арттырып, ұлттық нақышта қамзол, бешпент, той көйлектерін, мектеп оқушыларына арналған форма тігуді жоспарлап отыр. 
Айта кету керек, «Аға сеньорлар» компонентіне экономиканың басым бағыттарында өз қызметін жүзеге асыратын шағын және орта кәсіпкерлік субъектілері қатыса алады. Шет елдік сарапшыларды тарту бойынша шығындар республикалық бюджет есебінен төленеді. Аталмыш компонентке қатысты сауалдар бойынша Кәсіпкерлер палатасының маманы Гүлнұр Құрмантаеваға 8 /7242/ 40-09-81 байланыс телефоны арқылы хабарласуға болады.
<img src="http://kyzylorda-news.kz/wp-content/uploads/2019/11/7starshiye2.jpg" alt="" />
<img src="http://kyzylorda-news.kz/wp-content/uploads/2019/11/7starshiye3.jpg" alt="" />

Қызылордаға Қырғызстаннан келген «Аға сеньор» «Алтын иненің» жұмысын жандандырды

<a href="https://kyzylorda-news.kz/">Kyzylorda-news.kz.</a> Бір айдан кейін республика бойынша электр қуатының бағасы орташа есеппен 6%-ке өседі. Өңірлерде өсу деңгейі әр түрлі болады, деп хабарлайды <a href="https://informburo.kz/kaz/zheltosannan-bastap-haly-ttynatyn-elektr-uatyny-baasy-ymbattaydy.html">Informburo.kz</a>. 
«Электроэнергия мен жылумен жабдықтаудың тарифіне көмір, газ бен мазутттың бағасы тікелей әсер етеді. Көмір мен мазут бағасы бәсекеге сай реттелсе, газ – энергетика саласының құзыретінде», – дейді Табиғи монополияларды реттеу комитетінің төрағасы Ерболат Ыбырайханов. 
Табиғи монополияларды реттеу комитетінің мәліметінше, соңғы бес жылда көмір 100-122 пайызға өскен. Ол электроэнергияның өзіндік құнының 45-50 пайызын құрайды. Газ 14 пайызға қымбаттаған. Мазуттың құны 25 пайызға артқан. 
«Тіпті темір жол көлігі қызметінің бағасының 41 пайызға өсуінің өзі электроэнергия бағасына әсер етеді. Сондықтан, тиісті мемлекеттік органдар реттемейтін, бағасы бәсекеге сай өзгеретін тауарлар қымбаттаған кезде, реттелетін қызметке ықпалын етеді», – дейді Табиғи монополияларды реттеу комитетінің төрағасы Ерболат Ыбырайханов. 
Әзірге олар өсе ме, жоқ па кесіп айту қиын. Өтінімдер тек 2020 жылдың екінші жартысында келіп түседі. 
Тариф белгілеу процессіне реттелетін және реттелмейтін факторлар әсер етеді. Атап айтсақ:
Реттелетін факторлар:
<ol>
<li>Энергия өндіруші ұйымдардың электр энергиясына тарифтердің өсуі және жаңартылатын энергия көздерінің әсері (ҚР Энергетика министірлігі бекітеді);</li>
<li>Тауарлық газға көтерме бағалардың жыл сайынғы өсуі ( жылда ҚР ЭМ 15,7 пайызға дейін бекітіледі);</li>
<li>Темір жол көлігімен жүктерді тасымалдау бойынша қызметтер тарифтерінің өсуі (2020 жылдан бастап тарфтің шекті деңгейінің 2 пайызға өсуі, одан әрі темір жол тарфтерін саралаудың өзгеруі);</li>
<li>Мемлекеттік баждардың, салықтардың және басқа да төлемдердің (оның ішінде экологиялық) өзгеруі.</li>
</ol>
Реттелмейтін факторлар:
<ol>
<li>Стратегиялық тауарлар құнының өсуі: көмір және мазут (жыл сайын жеті пайыз);</li>
<li>Энергия өндіруші компаниялардың негізгі қорлары құнының өсуіне алып келмейтін күрделі және ағымдағы жөндеулер (жыл сайын жеті пайыз);</li>
<li>Өндірістік персоналдың еңбегіне ақы төлеу қорын индекстеу (жыл сайын жеті пайыз);</li>
<li>Қуат нарығы (инвестициялық келісімдер шеңберіндегі жобалар бойынша).</li>
</ol>

Желтоқсаннан бастап халық тұтынатын электр қуатының бағасы қымбаттайды

<a href="https://kyzylorda-news.kz/">Kyzylorda-news.kz.</a> Биыл жазда шекаралас елді-мекенде тұратын ресейлік жүргізушілер Қазақстан аумағына келіп, бензин таситыны анықталған. Қазақстан билігі 2 қарашадан бастап алты айға көліктерге бензин мен дизель отынын шығаруға тыйым салды, деп хабарлайды <a href="https://kaz.zakon.kz/4993385-aza-stan-benzind-syrt-a-shy-aru-a-tyyym.html">Zakon.kz</a>. 
Бұл шектеулер «Қазақстан аумағынан мұнай өнімдерін шығару жөніндегі» энергетика, қаржы, ішкі істер министріктері мен ұлттық қауіпсіздік комитетінің ортақ бұйрығында жазылған. Құжат ақпараттық-құқықтық «Әділет» сайтында жарияланды. 
Бұл ресейлік және басқа шетелдік жүргізушілердің көліктеріне жанармай құюға тыйым салынады дегенді білдірмейді. Бірақ оларға 20 литрден артық канистрге бензин құюға тыйым салынады. 
Биыл жазда шекаралас елді-мекенде тұратын ресейлік жүргізушілер Қазақстан аумағына келіп, бензин таситыны анықталған. Себебі, елде өндірілетін бензин Ресейдікіне қарағанда әлдеқайда арзан болып шыққан. 
Сол кезде энергетика министрі Қанат Бозымбаев елде бензин бағасының арзандығынан Ресей, Өзбекстан және Қырғызстанға әкетіліп жатқанын айтқан. Оның сөзінше, әсіресе Ресеймен шекаралас елді-мекенге бензин құйып әкету үшін, күніне мыңдаған ресейлік көлік кіреді екен.

Қазақстанда бензинді басқа елге сатуға тыйым салынды

<a href="https://kyzylorda-news.kz/">Kyzylorda-news.kz.</a> Биылғы жылдың үшінші тоқсанында Қазақстанда бір қызметкердің орташа айлық атаулы жалақысы 191 129 теңгені құрады, деп хабарлайды ҚР Ұлттық экономика министрлігі Статистика комитеті. 
Өткен жылдың сәйкес тоқсанымен салыстырғанда атаулы жалақы индексі 118,1%, ал нақты жалақы индексі 112,0% құрады. 
Статистикалық мәліметке сәйкес, салалық құрылымда ең үлкен жалақыны қаржы және сақтандыру қызметінің мамандары алады – 484,6 мың теңге. Бұл, орташа республикалық деңгейден 2,5 есеге көп. Кен өндіру өнеркәсібі және карьерлерді қазуда – 418,0 мың теңге (2,2 есеге көп), кәсіби, ғылыми және техникалық қызметте – 334,1 мың теңге (1,7 есеге көп), құрылыс саласында 257,7 мың теңге (1,3 есеге көп) еңбекақы белгіленген. 
Ең төменгі атаулы жалақы білім қызметкерлерінде – 122,1 мың теңге. Бұл, республика бойынша орта көрсеткіштен 36,1 % төмен. 
Өңірлік бөліністе ең жоғары айлықты Атырау облысының тұрғындары алады – 361,5 мың теңге. Бұл, орташа республикалық көрсеткіштен шамамен 1,9 есеге көп. Түркістан облысында оның көлемі 122,8 мың теңгені құрады, бұл ел бойынша орташа деңгейден 35,8% төмен. Ал Қызылорда облысы бойынша бұл көрсеткіш 150,3 мың теңгені құрады. 
«Халықаралық стандарттарға сәйкес, бір қызметкердің орташа айлық атаулы жалақысы қосымша ақыларды, үстемақыларды, сыйақыларды, сондай-ақ салықтар мен басқа да ұстап қалынған сомаларды (табыс салығы, міндетті зейнетақы жарналарын) есепке ала отырып қалыптастырылады», – деді комитеттен.

Қазақстан және Қызылорда облысының жаңалықтары: Экономика