<a href="https://kyzylorda-news.kz/">Kyzylorda-news.kz.</a> Үш отандық банкті, атап айтқанда&nbsp;Tengri Bank, Asia Credit Bank және Capital Bank Kazakhstan-ға шұғыл капиталдандыру&nbsp;қажет, деп хабарлайды&nbsp;<a href="https://stan.kz/sarapshilar-kazakstandagi-ush-bank-bankrot-boludin-aldi-330962/">Stan.kz.</a>
Егер олар өздерінің активтерін толықтырмаса, онда олар&nbsp;банкротқа ұшырауы мүмкін. Мұндай жағдайда, олар&nbsp;салымшылар мен басқа клиенттер алдындағы міндеттемелерін орындай алмайды.
Сондай-ақ, сарапшылар&nbsp;2020 жылдың бірінші тоқсанында ForteBank-тың портфелінің айтарлықтай нашарлағанын айтады.
Бұл&nbsp;тұжырымға&nbsp;Radius консалтингтік мамандары келді.
Компания&nbsp;пандемия зардаптарына қарамастан, болашақта Қазақстанның банк секторы тұрақты болады дейді. Алайда, кейбір ЕДБ кірістерінің төмендеуі әлі де болады. Бірақ бұл олардың үшінші тоқсанның соңына дейін қалпына келуіне кедергі болмайды.
<img src="https://kyzylorda-news.kz/wp-content/uploads/2020/05/news_full1588857160d6bfdda8b5fcc2e796054e1f6388e756.jpg" alt="" />

Сарапшылар: Қазақстандағы үш банк банкрот болудың алдында тұр

<a href="https://kyzylorda-news.kz/">Kyzylorda-news.kz</a>. “Air Astana” әуекомпаниясы билеттердің бағасын 10 мамырдан кейін көтере алады. Бұған дейін тарифтер бұрынғыдай қалады, деп хабарлайды&nbsp;<a href="https://24.kz/kz/zha-aly-tar/ekonomika-zhnalyktary/item/392784-elimizde-ue-biletteri-ymbattama">Хабар 24</a>.&nbsp;
Компанияның мәлімдеуінше, Қазақстанда авиатасымалдаушыларға қойылып отырған талаптар жоғары және ұшақтардың жартылай бос болуынан біраз шығын әкеледі.
<blockquote>
 “Егер жолаушыларды “біреуден кейін” отырғызу туралы талап жойылмаса, біз 10 мамырдан кейін авиабилеттердің бағасын көтеруге мәжбүр боламыз”, – деді “Air Astana” АҚ Корпоративтік коммуникациялар жөніндегі менеджері Тілек Әбдрахимов.
</blockquote>
Дегенмен, осыдан алдын индустрия және инфрақұрылым министрлігінің өкілдері авиабилеттердің бағасы бұрынғы бағада қалатынын айтып еді.
<blockquote>
 “Әуе кемесінің бортында әлеуметтік қашықтық, жолаушыларды бір жолаушы креслосы арқылы отырғызу қажет. Осыған байланысты әуе кемелері 50-60% – ға толтырылатын болады. Бірақ авиакомпанияда тарифтер көтерілмейді”, – дейді &nbsp;ҚР МИИР азаматтық авиация комитетінің орынбасары Салтанат Томпиева.
</blockquote>

«Air Astana» әуекомпаниясы билеттердің бағасын көтеруге мәжбүр екенін мәлімдеді

<a href="https://kyzylorda-news.kz/">Kyzylorda-news.kz</a>. Екі айдың ішінде мұнай өндіруді тәулігіне 9,7 миллион баррельге қысқартуды қарастыратын ОПЕК+ келісімі аясында Қазақстан өндіруді тәулігіне 390 мың баррельге азайтуға міндеттеме алды, деп хабарлайды ҚР Энергетика министрлігінің баспасөз қызметі.
Әлемде және Қазақстанда мұнайға сұраныстың төмендеуі аясында мұнай қорларының едәуір профицитінің болуына байланысты биылғы жылдың екінші тоқсанында мұнай сақтау орындарының толып кету және қазақстандық кен орындарының авариялық тоқтау қаупі туындайды.
Осыған байланысты министрлік мамыр-маусым айларында мұнай өндіруді шектеу қажет болатын жер қойнауының жекелеген учаскелерінің тізбесімен бірге «Көмірсутектерді барлау және өндіру жөніндегі операцияларды және өндіру жөніндегі операцияларды жүргізу үшін жер қойнауы учаскелерін пайдалануға уақытша шектеулер енгізу туралы» Үкімет қаулысының жобасын әзірледі.
<blockquote>
 «Өндірісті шектеу орташа, ірі және алып кен орындары санатына жататын кен орындарына қолданылады. Аталған жер қойнауы тізбесіне экономикалық факторларға байланысты өндірудің табиғи төмендеуі күтілетін шағын және ұсақ кен орындары кірмеген. Бұл қаулы барлық Қазақстан Республикасының ішкі нарығының мұнай өнімдерінің қажетті көлеміне деген қажеттілігін қамтамасыз етуді ескере отырып, барлық өндіруші компанияларға кемсітушіліксіз көзқарасты, сондай-ақ ірі жобалар мен өндірудің табиғи төмендеуі кезеңінде тұрған байырғы кен орындары үшін мұнай өндіруді азайту жөніндегі міндеттемелерді әділ бөлуді көздейді» делінген хабарламада.
</blockquote>

Қазақстан мұнай өндіруді қысқартады

<a href="https://kyzylorda-news.kz/">Kyzylorda-news.kz.</a> Жалағаш кентіндегі «Агрохимсервис-С» ЖШС-нің тыңайтқыштар және құрамында азот бар құрамаларды өңдеу зауыты Қызылорда облысындағы шаруашылықтардың 80-90 пайызға жуығын тыңайтқыштармен қамтамасыз етіп отыр. Бұл туралы Жалағаш ауданы әкімінің баспасөз қызметі хабарлады.
Зауыттың жалпы құны 400 млн теңгені құрайды. Аталмыш өндіріс орнының жалпы қуаттылығы 120 тонна болса, қазіргі таңда 70-80 тонна өнім өндіріп шығаруда. Сонымен қатар, 22 адамды жұмыспен қамтыған. Олардың басым бөлігі аудан тұрғындары.
Айта кету керек, облыс көлемінде көктемгі егіс науқанында ауыл шаруашылығы бағытындағы шаруа қожалықтарды тыңайтқышпен қамтамасыз ететін болғандықтан төтенше жағдай кезінде жұмыс істеуге рұқсат берілген. Арнайы көлікпен тыңайтқыштар шаруашылықтарға тасымалдануда.
<img src="https://kyzylorda-news.kz/wp-content/uploads/2020/04/ff996ed330cfbb6f2c432fb9a37dd8ae_original.103579.jpg" alt="" />

Жалағаштағы зауыт өңірдегі шаруашылықтарды тыңайтқыштармен қамтамасыз етеді

<a href="https://kyzylorda-news.kz/">Kyzylorda-news.kz</a>.&nbsp;Біріңғай жинақтаушы зейнетақы қоры&nbsp;<a href="https://www.facebook.com/186094258257986/posts/1322205314646869/?d=n">Facebook</a>-тегі парақшасында жинақтар&nbsp;тек салымшының меншігі екенін айтты, деп хабарлайды <a href="https://baq.kz/news/othernews/bzhz-zhina-somasy-nege-azayyp-zhat-anyna-/">baq.kz.</a>
<blockquote>
 “Соңғы күндері бізге – “Менің жинақтарымның сомасы неге азайып кетті?” – деген сауалдар көп қойылатын болып кетті.&nbsp;Мәселенің басын ашып алайық.&nbsp;Зейнетақы жинақтары – жарналар мен оларға есептелген инвестициялық кіріс сомасы.
 Жарналар ешқашан азаймайды, олардың сақталуына мемлекет кепілдік береді. Жарналардың 3 түрі бар: 
– міндетті зейнетақы жарналары (табыстың 10% ) 
– міндетті кәсіптік зейнетақы жарналары (табыстың 5%, оны жұмыс беруші өз қаражаты есебінен еңбек жағдайлары зиянды өндірістерде жұмыс істейтін қызметкерлердің пайдасына төлейді) 
– ерікті зейнетақы жарналарын адам өз еркімен төлейді (ол кез келген сомада болады және төлеу кезеңділігін де өзі таңдайды)”, – делінген жазбада.
</blockquote>
Инвестициялық кіріс – зейнетақы жинақтары қаражатын инвестициялау нәтижесінде алынған табыс. Зейнетақы активтерін ҚР Ұлттық Банкі басқарады.
<blockquote>
 “Зейнетақы жинақтары әртүрлі қаржы құралдарына (бағалы қағаздар, шетелдік валюталар және т.б.) инвестицияланады, олардың құны әлемдегі экономикалық жағдайға байланысты үнемі өзгеріп отырады. Сондықтан инвестициялық кіріс ұлғайып, азаюы мүмкін.
 Инвестициялық табыс күн сайын есептелетін болғандықтан, зейнетақы жинақтарының жалпы сомасы да өзгеріп отырады. Сондықтан инвестициялық кіріс төмен болған кезде, зейнетақы жинақтарының сомасы азаяды, инвестициялық табыс жақсы болған кезде – зейнетақы жинағы да ұлғаятын болады.
 Инвестициялау табыстылығын бірнеше күн сияқты аз уақыт емес, бір жыл тәрізді ұзағырақ уақыт үшін қарау керек екенін түсіну маңызды.
 Жыл басынан бергі инвестициялық қызметтің нәтижелері оң үрдісті көрсетіп отыр – салымшылардың шоттарына 661,7 млрд теңгеден астам инвестициялық табыс есептелген. Ал бұл жыл басындағы көрсеткіштен 6% -ға және соңғы 12 айдағы табыстан 12% – ға жуық мөлшерге артық.
 Құрметті салымшылар! “Қазақстан Республикасында зейнетақымен қамсыздандыру туралы” Қазақстан Республикасының заңына сай сіздердің жинақтарыңыз тек сіздердің меншіктеріңіз болып есептеледі!” – деп жазды БЖЗҚ қоры.
</blockquote>

БЖЗҚ жинақ сомасы неге азайып жатқанына жауап берді

<a href="https://kyzylorda-news.kz/">Kyzylorda-news.kz.</a> Бұл туралы Кәсіпкерлер палатасы директорының орынбасары Қожахмет Ілиясов мәлімдеді.
Кәсіпкерлер палатасының call-орталығына бизнес өкілдерінен келген «каникул» кезеңіне қатысты сауалдарына түсіндірме жұмыстары жүргізіліп, мәселесі қаржы ұйымдарына жолдануда.
Палата директорының орынбасары Қызылорда облысының кәсіпкерлер палатасы Мемлекет басшысының шағын және орта бизнесті барлық несиелері бойынша негізгі қарыз бен сыйақының төлем мерзімдерін кейінге қалдыру туралы тапсырмасына сәйкес, аймақта екінші деңгейлі банктер және қаржы ұйымдарымен жүйелі жұмыстар жүргізіліп жатқандығын жеткізді.
Атап айтқанда, мемлекеттік «Бизнестің жол картасы – 2025», «Қарапайым заттар экономикасы», «Еңбек» бағдарламалары аясында жеңілдетілген несие алған кәсіпкерлердің жалпы сомасы 5,8 млрд.теңге болатын несие төлемі кейінге қалдырылған.
Мұнан өзге, Кәсіпкерлер палатасының сенімгерлік басқаруындағы «Қызылорда» Өңірлік инвестициялық орталығы да кәсіпкерлерден түскен өтініштер бойынша жедел шара қабылдауда. Жасалған жұмыстың нәтижесінде бүгінгі күнге дейін Өңірлік орталықтан қаржы алған 99 жобаның 35,3 млн.теңгесі кейінге қалдырылды.
Сондай-ақ, төтенше жағдай кезеңінде кәсіпкерлерге екінші деңгейлі банктер де жеңілдіктер жасау арқылы қолдау көрсетуде. Бүгінгі күнге дейін екінші деңгейлі банктер мен қаржы ұйымдарына бизнес өкілдерінен түскен 1254 өтінімнің 818-і мақұлданып, өтініштері қанағаттандырылған.
Соның ішінде, Палатаның қолындағы мәлімет бойынша, «Халық Банктің» Қызылорда және Байқоңыр қалаларындағы филиалдарына келіп түскен 376 өтініштің 371-і немесе 99 пайызы оң шешілген. «ЦентрКредитБанкі» АҚ облыстық филиалына түскен 136 өтініштің 118-і, «ФортеБанк» АҚ облыстық филиалына келген 99 өтінімнің 96-сы мақұлданған.

Қызылордада мемлекеттік бағдарламалар аясында берілген 5,8 млрд.теңге несие төлемі кейінге қалдырылды

Kyzylorda-news.kz. Жыл басынан бері Қазақстанда 2,6 млн шаршы метр тұрғын үй пайдалануға берілді. Бұл туралы бүгін Үкімет отырысында ҚР Ұлттық экономика министрі Руслан Дәленов айтты.
<blockquote>
 «Жалпы, негізгі капиталға салынған инвестициялардың өсуі 5,1 пайызды құрады. Оның ішінде жеке инвестициялар 5,4 пайызға артты. Инвестициялардың ұлғаюы өңірлердің көбінде байқалады. 4 өңір бойынша төмендеу тіркелді. Олар: Атырау, Алматы, Қызылорда облыстары және Шымкент қаласы. Құрылыс секторында 11,7 пайыз деңгейінде серпінді өсу байқалады. Соның ішінде 16 өңір өсім көрсетті. Қарағанды облысы 50,8 пайыздық өсім көрсетті. Құрылыс бойынша Қызылорда облысы ғана төмендеді», – деді ол.
</blockquote>
Министрдің дерегінше, жыл басынан бері 2,6 млн шаршы метр тұрғын үй пайдалануға берілді. 2020 жылға жоспар 15 млн шаршы метрді құрайды. Бұл ретте, тұрғын үй құрылысының 12 өңірде өсім байқалды. Алматы және Жамбыл облыстарында ең жоғары өсім болды. 5 өңірде төмендеу тіркелді.
<blockquote>
 «Ауыл шаруашылығында өнім 2,5 пайызға артты. Ауыл шаруашылығы бойынша 15 өңірде серпін байқалып отыр», – деді Руслан Дәленов.
</blockquote>

Министр: Қызылорда облысында құрылыс қарқыны төмендеген

Kyzylorda-news.kz. ҚР Премьер-Министрі Асқар Маминнің төрағалығымен өткен Үкімет отырысында еліміздің 2020 жылғы қаңтар-наурыздағы әлеуметтік-экономикалық даму қорытындысы және республикалық бюджеттің атқарылу барысы қаралды, деп хабарлайды Үкіметтің баспасөз қызметі.
Экономиканың, банк саласының ахуалы, республикалық бюджеттің орындалуы, мемлекеттік сатып алулардағы жергілікті қамту туралы ұлттық экономика министрі Р. Дәленов, Ұлттық банк төрағасы Е. Досаев, Премьер-Министрдің бірінші орынбасары – қаржы министрі Ә. Смайылов, «Самұрық-Қазына» ҰӘҚ» АҚ компанияларының көрсеткіштері туралы – Қордың басқарма төрағасы А. Есімов, өнеркәсіп пен энергетика секторындағы жағдай туралы индустрия және инфрақұрылымдық даму министрі Б. Атамқұлов, энергетика министрі Н. Ноғаев, өңірлердің дамуы туралы Қостанай, Алматы, Ақтөбе облыстарының әкімдері А. Мұхамбетов, А. Баталов және О. Оразалин баяндады.
Биыл қаңтар-наурыз айларында ЖІӨ өсімі 2019 жылдың сәйкес кезеңіне 2,7% құрады. Негізгі капиталға салынған инвестициялар 5,1%-ға артты. Алтын-валюта қоры $30 млрд жетті, Ұлттық қор активтері – $57,5 млрд.
Еліміздің негізгі салалары жалпы оң динамика көрсетті. Тау-кен өндірісі саласындағы өсім – 5%, өңдеу саласында – 8,8%, құрылыста – 11,7%, машина жасауда – 30,4% көрсетті. Дегенмен, әлемдегі пандемияға байланысты енгізілген шектеулердің әсері біртіндеп байқала бастады — осы жылдың бірінші тоқсанында сауданың өсуі 1%-ды, қаржы саласы мен сақтандыру қызметтері – 0,7%-ды құрады, ал көлік секторы 1,3%-ға төмендеп, теріс динамика көрсетті.
Биылғы бірінші тоқсанының қорытындысы бойынша негізгі көрсеткіштер бойынша әлеуметтік-экономикалық дамудың өсуінің озық қарқыны Ақмола, Батыс Қазақстан, Түркістан, Қостанай, Қарағанды облыстарында және Нұр-Сұлтан қаласында қамтамасыз етіледі, орташа республикалық көрсеткіштерге Алматы, Ақтөбе, Маңғыстау, Солтүстік Қазақстан, Павлодар, Шығыс Қазақстан облыстарында және Алматы қаласында қол жеткізілді, кейбір көрсеткіштер бойынша республикалық деңгейден төмен деңгейді Атырау, Жамбыл, Қызылорда облыстары, сондай-ақ Шымкент қаласы көрсетті.
Үкімет басшысы орталық және жергілікті атқарушы органдардың бірінші басшыларына бюджет қаражатының уақытылы әрі сапалы игерілуін, оның ішінде олардың экономиканың нақты секторларына дейін жеткізілуін бақылауда ұстауды тапсырды.
Премьер-Министр әлемдік және өңірлік экономикалардағы қазіргі сын-тегеуріндерге жауап ретінде Үкіметтің дағдарысқа қарсы шаралар кешенін қабылдап, іске асырып жатқанын атап өтті — Жұмыспен қамтудың жол картасы бекітілді, құрылысты кеңейту бойынша бірқатар мемлекеттік бағдарламаларды қаржыландыру ұлғайтылды, ШОБ кәсіпорындарын салықтық ынталандыру енгізілді, «Қарапайым заттар экономикасы» жеңілдікпен несиелендіру бағдарламасы кеңейтілді.
<blockquote>
 «Қажет шаралар қабылданды, енді өңірлер қарқынды жұмыс істеуі керек. Барлығы мемлекеттік органдардың тиімді және үйлесімді жұмысына байланысты», — деп А. Мамин, қатаң санитарлық-эпидемиологиялық шараларды сақтаумен өңірлерде дағдарысқа қарсы шаралардың іске асырылуына бақылауды қамтамасыз етуді тапсырды.
</blockquote>

Қазақстан экономикасының өсімі 2,7% құрады

Kyzylorda-news.kz. Облыстың ауыл шаруашылығы құрылымдары егіс науқанын бастады.
Көктемгі дала жұмыстарына 14 мың тонна арзандатылған дизель отыны бөлінген. Сәуір және мамыр айларына бөлінген 10 750 тонна дизель отынының бағасы литріне 162 теңгеге арзандатылып, шаруашылықтарға 2 оператор арқылы жеткізілуде.
Биыл облыста 183,1 мың гектар жерге егіс егу межеленіп отыр. Көктемгі дала жұмыстарын қаржыландыруға қажетті қаржы көздері қарастырылған.
Бүгінге 27,2 мың гектар жаздық бидай, жаздық арпа, мақсары, жаңа жоңышқа егілді. Қазіргі таңда, оңтүстік аудандарда жоңышқа және бидай дақылдары суарылуда. Негізгі дақыл – күріш егу жұмыстары сәуір айының 20–нан кейін басталады.
Дегенмен егіс егуде туындап отырған бір мәселе бар. Қалыптасқан жағдайды ескере отырып,​ Төңкеріс ауылдық округіндегі 13 шаруа қожалығы 3095 гектар алқапқа егін егуі тиіс. Алайда, карантин талаптарына сай қиындықтар туындауда. Шиелі ауданының әкімдігіне аталған жұмыстарды бақылауға алу тапсырылды.
Тағы бір айта кететін жайт, несиелер бойынша кепіл шарттарын тіркеуге байланысты «Азаматтарға арналған Үкімет» АҚ Қызылорда филиалы мен аудандардағы бөлімшелер арқылы қызметкерлер бөліп, арнайы құжаттарды қабылдау мәселесі оң шешімін тапты. Қазіргі уақытта аграрлық қаржы институттарымен рәсімделген құжаттарды тіркеу жұмыстары жүргізілуде.

Қызылорда облысында көктемгі дала жұмыстары басталды

<a href="https://kyzylorda-news.kz/">Kyzylorda-news.kz</a>. ҚР еңбек және халықты әлеуметтік қорғау министрі Біржан Нұрымбетов зейнетақы төлемдері қашан индекстелетінін айтты.&nbsp;
<blockquote>
 «Зейнетақы төлемдерін және мемлекеттік әлеуметтік жәрдемақыларды индекстеу сәуір айынан басталады. Президент айтқандай, зейнетақы мен жәрдемақыларды индекстеу жыл сайын 10% құрайды», – деді Біржан Нұрымбетов брифингте.
</blockquote>
Бұл дегеніміз, 2020 жылы зейнетақы мен жәрдемақы мөлшері 2019 жылмен салыстырғанда 10 пайызға өсуі керек.
<blockquote>
 «Яғни, жылдың басында болған индекстеу ескерілетін болады және әрине, ол жыл сайын 10% -ға дейін жеткізіледі», – деді министр.
</blockquote>
Еске салайық, мемлекет басшысы Қасым-Жомарт Тоқаев халық алдында сөйлеген сөзінде елдегі зейнетақы инфляциямен <a href="https://kyzylorda-news.kz/kogam/zejnetaqy-memlekettik-zhaerdemaqy-zhaene-atawly-aelewmettik-koemek-moelsheri-10-pajyzgha-indeksacijalanady-53205/">индекстелетінін айтқан болатын</a>.
<blockquote>
 «Мен зейнетақыларды және әлеуметтік төлемдерді, оның ішінде АӘК мен әлеуметтік көмекті жыл сайынғы 10% -ға индекстеуді тапсырамын», – деді Тоқаев.
</blockquote>
Президенттің айтуынша, бұл азаматтардың тиісті санаттарының кірістерінің жалпы 200 млрд теңгеге (446,4 млн доллар) артуын білдіреді.

Қазақстанда зейнетақы мен жәрдемақы қашан көтеріледі?

<a href="https://kyzylorda-news.kz/">Kyzylorda-news.kz.</a> Төтенше жағдай кезеңінде табысынан айырылған Қазақстанның жұмыс істейтін азаматтары Мемлекеттік әлеуметтік сақтандыру қорынан ақшалай төлем алады. Бұл туралы «Хабар 24» телеарнасының тікелей эфирінен ҚР Ақпарат және қоғамдық даму министрі Дәурен Абаев айтты.
<blockquote>
 «Кеше хабарлағанымдай, БАҚ пен азаматтардың келіп түсіп жатқан сауалдардың басым бөлігі төтенше жағдайдың енгізілуіне байланысты табысынан айырылғандарға ақшалай төлем жасауға қатысты болып отыр. Жалақысыз еңбек демалысына мәжбүрлі түрде шығуына байланысты төтенше жағдай кезеңінде кірісінен айырылған Қазақстанның жұмыс істейтін азаматтары Мемлекеттік әлеуметтік сақтандыру қорынан төлем алады. 1 жұмысшыға әлеуметтік өлемнің көлемі айына 1 ең төменгі жалақыны немесе 42,5 мың теңгені құрайды», – деді министр.
</blockquote>
Оның атап өтуінше, Мемлекеттік әлеуметтік сақтандыру қорынан жаңа төлем Қазақстан аумағында жұмыс істейтін ел азаматтарына беріледі. Төлем алудың арнайы шарттары да бар. Алдымен төтенше жағдайдың жариялануына байланысты жалақысы сақталмай демалысқа жіберілген жұмысшыға әлеуметтік төлем беріледі. Төлем алу үшін төтенше жағдай енгізілген датаға дейінгі соңғы 12 айдың кемінде 3 айында азаматтары Мемлекеттік әлеуметтік сақтандыру қорына жұмысшы үшін аударым жасалуы қажет.
Әлеуметтік төлем орта, шағын және микробизнес жұмысшылары үшін ғана жүзеге асырылады. Жаңа әлеуметтік төлемді тағайындау үшін жұмыс беруші жұмыспен қамту мәселелері жөніндегі жергілікті органға жүгініп, төтенше жағдай кезінде қызметінің шектелуіне байланысты жұмысшысының кірісінен айырылатынын дәлелдейтін құжат ұсынуы қажет.

Төтенше жағдай: Табысынан айырылғандарға қаржылай төлем берудің тәртібі қандай?

<a href="https://kyzylorda-news.kz/">Kyzylorda-news.kz.</a> Төтенше жағдай кезінде қазақстандықтар үшін кредитті төлеу мерзімі кейінге шегеріледі. Бұл туралы Қазақстан президенті Қасым-Жомарт Тоқаев мәлімдеді.
<blockquote>
 “Төтенше жағдай кезінде айыппұлдар мен өсімпұлдарды салмау жөніндегі шектеуге қарамастан негізгі қарызды төлеу және займдар бойынша сыйақы беруді тоқтату қажет”, – деді ол Төтенше жағдай жөніндегі мемлекеттік комиссияның отырысында.
</blockquote>
Сонымен қатар президент көптеген қазақстандық жағдайдың қиындығына байланысты ломбард, онлайн кредит, микроқаржылық ұйымдарға барып жатқанын атап өтті. Оның пікірінше, бұл саладағы жағдайды бақылауда ұстау қажет.
<blockquote>
 “Сондықтан бұл саланы тәртіпке келтіру маңызды. Қаржылық нарықты реттеу мен дамыту агенттігі, бас прокуратура, ақпарат және қоғамдық даму министрлігіне заң сақталуы үшін ауқымды акция жүргізіп, заң бұзушыларды жауап тартуды тапсырамын. Бұл БАҚ-та және әлеуметтік желіде жариялануы қажет. Қиын жағдайда қазақстандықтар құқығының мемлекет қорғайтынын білуі маңызды”, – деді мемлекет басшысы.
</blockquote>

Қазақстан және Қызылорда облысының жаңалықтары: Экономика