<a href="https://kyzylorda-news.kz/">Kyzylorda-news.kz.</a> Биыл шаһарда «Нұрлы жер» мемлекеттік бағдарламасы аясында 1406 пәтерді құрайтын 87 тұрғын үйдің құрылысы жүргізілуде. Бұл туралы Өңірлік коммуникациялар қызметінің ақпараттық алаңында облыстық құрылыс, сәулет және қала құрылысы басқармасы басшысының орынбасары Арнұр Нұрмағанбетов мәлімдеді
<blockquote>
 «Жүргізіліп жатқан құрылыстың 815 пәтерінің 20-сы жалға берілсе, 215 пәтердің 57-сі кредитке және 376 пәтерлі 10 тұрғын үйдің құрылысы жеке компаниялар есебінен жүзеге асады. Бұған қоса, жыл соңына дейін 698 отбасы пәтерді жалға алса, ал 115-і кредиттік тұрғын үймен қамтамасыз етіледі.Сондай-ақ, жеке құрылыс салушылар есебінен 156-ы пәтерлі 4 тұрғын үй пайдалануға беріледі»,- деді Арнұр Әлібекұлы.
</blockquote>
Бұдан бөлек , «Бақытты отбасы» әлеуметтік бағдарламасы аясында табысы төмен көпбалалы, толық емес және мүмкіндігі шектеулі балалары бар отбасылардың тұрғын үй алуға қолжетімділігін арттыру мақсатында Тұрғын үй құрылыс жинақ банкі арқылы жылдық 2-і пайызбен тұрғын үй қарыздары берілуде.

&#8220;Нұрлы жер&#8221;: Қызылордада 87 тұрғын үйдің құрылысы жүргізіліп жатыр

<a href="https://kyzylorda-news.kz/">Kyzylorda-news.kz.</a> Бүгін аймақ басшысы Гүлшара Әбдіқалықова облыстық ауыл шаруашылығы басқармасының басшысы Сейілбек Нұрымбетовты қабылдады.
Ауыл шаруашылығы басқармасының басшысы мал шаруашылығы саласында атқарылған жұмыстар, мемлекеттік қолдау және алдағы жоспар туралы баяндады.
Бүгінгі күні облыста мал шаруашылығы саласын мемлекеттік қолдаудың және инвестициялық жобаларды жеңілдетілген несиелендірудің арқасында мал шаруашылығы саласының өсу динамикасы қалыптасып, мал басы мен өндірілген өнім көлемі артуда.
Ағымдағы жылдың 6 айында облыс бойынша мал шаруашылығы саласының жалпы ішкі өнім өндірісі 23,1 млрд. теңгені құрап, өткен жылдың осы кезеңімен салыстырғанда 2,2%-ға өсті. Оның ішінде жылқы мен құс өнімінің өндірісі жоғары.
Мал шаруашылығын мемлекет тарапынан қолдау мақсатында 
2020 жылға облыстық бюджеттен 2 432,1 млн. теңге қаржы бөлініп, 1500 млн. теңге субсидиялау қаржысы 625 шаруашылыққа төленді.
Бүгінгі күні Қазақстан Республикасы Ауыл шаруашылығы министрлігі тарапынан мал шаруашылығы саласын субсидиялаудың жаңа ережесі бекітілді. Ережеге бірқатар өзгерістер енгізіліп, асыл тұқымды қой сатып алудың, оларға жүргізілген селекциялық және асыл тұқымдық жұмыстарының әр басына берілетін субсидиясы көтерілді. 
Қызылорда облысы әкімдігі тарапынан қағиданың жаңа өзгерістеріне сәйкес Ауыл шаруашылығы министрлігіне республикалық бюджеттен қосымша қаржы бөлу туралы бюджеттік өтінім ұсынды.
Ағымдағы жылы «Сыбаға» бағдарлама аясында облысқа 288 бас асыл тұқымды шет елдік мүйізді ірі қара малы жеткізілді. Оның ішінде 80 бас малды жеке кәсіпкер «Қуанышбаева» алса, 128 – «Парадин», 80 – «Ерасыл» шаруашылықтарына берілді. Сонымен қатар 6105 бас отандық қой малдарын сатып алу бағытында жұмыстар жүргізілуде. 
Облыс әкімі Гүлшара Әбдіқалықова мал шаруашылығы саласын жүйелі түрде дамытуды, сала бойынша бекітілген индикативтік жоспарларды жыл аяғына дейін орындауды және аймаққа бөлінген субсидияларды 100% игеруді тапсырды.
<img src="https://kyzylorda-news.kz/wp-content/uploads/2020/07/fb_img_1595844930189.jpg" alt="" />

Қызылорда облысында мал шаруашылығы қарқынды дамуда

Kyzylorda-news.kz. «Бизнестің жол картасы – 2025» мемлекеттік бағдарламасы аясында облысқа 3 млрд 423 млн теңге бөлінген. Аталған бағдарлама аясында жыл басынан бері жалпы құны 1,3 млрд теңгеге 38 жоба субсидияланып, 497 млн теңгеге 22 жобаға кепіл берілген.
&nbsp;&nbsp;&nbsp;&nbsp;&nbsp;&nbsp;&nbsp;&nbsp; Шағын несиелендіру үшін «Еңбек» бағдарламасы аясында 3 млр 353 млн теңге қарастырылған. Аталмыш қаржының 3 млрд 103 млн теңгесі ауылдық елді мекен кәсіпкерлерін несиелендіруге, 250 млн теңгесі Қызылорда қаласындағы кәсіпкерлерді несиелендіруге бағытталған. Апталмыш бағдарлама аясында жыл басынан бері 127 шағын және микро бизнес субъектілері 548 млн теңге несие алған.
<blockquote>
 &nbsp;«Ал «Қарапайым заттар экономикасы» бағдарламасы аясында Жобалық кеңсенің қарауына жалпы сомасы 13,3 млрд теңгені құрайтын 150 түсті. Оның ішінде жалпы құны 7,5 млрд теңгені құрайтын 93 жоба банктермен және Аграрлық несие корпорациясымен мақұлданып, жалпы құны 3,1 млрд теңгені құрайтын 16 жоба қаржы институттарының қарауында жатыр. Қалған жобалар бойынша құжаттар жинақталуда. Жоғарыда аталған мемлекеттік бағдарламалар аясындағы жобалардың қаржыландыруында Кәсіпкерлер палатасының мамандары кәсіпкерлерге ақпарат беріп, түсіндірме жұмыстарын жүргізіп, жобаларын сүйемелдеу жұмыстарын жүргізіп келеді», – дейді Қызылорда облысы кәсіпкерлер палатасы директорының орынбасары Пірмұхаммед Сыздықов айтты.
</blockquote>
<img src="https://kyzylorda-news.kz/wp-content/uploads/2020/07/syzdykov-pirmwhammed.jpg" alt="" />

«Қарапайым заттар экономикасы»: Қызылордада 93 жоба қаржыландырылды

<a href="https://kyzylorda-news.kz/">Kyzylorda-news.kz.</a> Бүгін облыс әкімі Гүлшара Әбдіқалықова егісті суармалы сумен қамтамасыз ету мәселесі бойынша ауыл шаруашылығы басқармасының басшысы С.Нұрымбетовты, табиғи ресурстар және табиғат пайдалануды реттеу басқармасының басшысы Б.Шәменовті және «Қазсушар» кәсіпорнының Қызылорда филиалының директоры Х.Бейімбетовті қабылдады.
Қабылдауда сала басшылары қазіргі уақытта облыстағы егін шаруашылығы жағдайы мен суармалы су жеткізу жұмыстарының барысы туралы баяндады.
<img src="https://kyzylorda-news.kz/wp-content/uploads/2020/07/fb_img_1595413795818.jpg" alt="" />
Атап айтқанда, С. Нұрымбетов биылғы нақты егілген егіс көлемі мен жағдайы, аудандар бойынша су тапшылығы орын алған егіс көлемдері мен су жеткізу барысында атқарылып жатқан шаралар туралы айтып өтті.
Сонымен бірге, табиғи ресурстар және табиғат пайдалануды реттеу басқармасының басшысы Б.Шәменов Сырдария өзені бассейніндегі судың жәй-күйін баяндады.
<img src="https://kyzylorda-news.kz/wp-content/uploads/2020/07/fb_img_1595413799049.jpg" alt="" />
Сондай-ақ, «Қазсушар» кәсіпорны Қызылорда филиалының директоры Х.Бейімбетов егістікті суармалы сумен қамтамасыз ету мақсатында, шаруашылықтармен бірге суды тиімді пайдалану бойынша атқарылып жатқан шаралар туралы хабарлады. 
Қазіргі таңда облыс бойынша 184,7 мың га егіс егіліп, негізгі дақыл күріш егісі 89,6 мың гектарды құрады. Бүгінде су алу каналдары арқылы егіске күнделікті секундына 404 текшеметр су алынуда.
Атап айту керек, өткен жылмен салыстырғанда, Нарын – Сырдария каскадының су қоймаларында судың көлемі 4,4 млрд.текшеметр аз болса, Шардарадағы жиналған су 2,3 млрд текшеметрді құрап, өткен жылдың осы кезеңімен салыстырғанда 1,1 млрд текшеметрге аз, ал төменге Сырдария өзені арқылы секундына 520 текшеметрсу тасталып,2019 жылмен салыстырғанда180 текшеметрге аз болып отыр.
Бұл өз кезегінде, сумен қамтамасыз ету барысына кері әсерін тигізіп, барлық аудандардың егіс алқаптарында су тапшылығы байқалып отыр. Бүгінде облыс бойынша 1853 га күріш егісіне су жетіспей отырса, 405 га егіс мүлдем сусыз қалғандығы анықталды.
Аймақ басшысы Сырдария өзеніндегі су тапшылығына байланысты облыстың егін алқаптарын сумен қамтамасыз етуде қалыптасқан күрделі жағдайды күнделікті бақылауда ұстап, тікелей ұйымдастыруды тапсырды.
Қабылдаудың нәтижесімен, облыс әкімі сала басшыларына су тапшылығын алдын алу бағытында, бірқатар нақты тапсырма берді.
<blockquote>
 «Орын алған жағдайды қайта болдырмас үшін алдағы жылдың егісін жоспарлағанда күріштен басқа суды аз қажет ететін, тиімділігі жоғары дақылдарды егу жолдарын қарастырыңыздар», – деді облыс әкімі Гүлшара Әбдіқалықова.
</blockquote>
Сонымен қатар, облыста қалыптасқан су тапшылығы мәселесін жедел шешу бойынша Үкімет пен салалық министрлікке шұғыл ұсыныс жолданатынын және алдағы күндері Үкіметте өтетін мәжілісте аталған мәселені Премьер-Министрдің назарына жеткізетіндігін айтты.

Қызылордада биыл 405 гектар егіс алқабы сусыз қалған

<a href="https://kyzylorda-news.kz/">Kyzylorda-news.kz.</a> «Аға сеньорлар» инструменті отандық сарапшылардың тәжірибесі мен білімін пайдалана отырып, салалық ерекшеліктерін басшылыққа алып кәсіпкерлердің құзыретін арттыруға, жаңа басқару әдістерін, өндіріс технологиялары мен персоналды оқытуға қатысты сұрақтар бойынша тікелей кәсіпорында қатысушыларға кеңес беру мен тәжірибе алмасуға бағытталған.
«Аға сеньорлар» құралына:
– «Бизнестің жол картасы – 2025» бағдарламасы аясында экономиканың басым секторларында жұмыс істейтін шағын және орта бизнестің субъектілері қатысушы бола алады. Жылдық айналымы 5000 айлық есептік көрсеткіштен кем болмауы қажет.
&nbsp;– Компонент бойынша сарапшыларды тарту шығындары, сонымен қатар сарапшылардың жол шығындары мен қызметіне қатысты шығындар республикалық бюджет есебінен жүзеге асырылады.
– Сарапшының өндіріс орны орналасқан өңірде болуымен байланысты шығындар: тұру, тамақтану, тасымалдау, тәулікақы шығындары кәсіпкермен дербес төленеді.
<blockquote>
 «Өткен жылы облысымыздың 4 кәсіпкері шет елдік маманды сарапшы ретінде шақыртты. Мәселен, Қырғызстаннан келген маман тігінмен айналысатын қызылордалық кәсіпкерге қызметкерлерін жылдам тігін тігуге үйретіп кетті. Ал Қазалы ауданындағы тіл дамыту орталығына келген шет елдік маман үйренушінің сөздік қорын арттыруға қатысты оңтайды тәжірибесімен бөлісті. «Аға сеньорлар» құралы тегін көрсетілетін қызмет. Сол үшін де қазіргідей қиын кезеңде кәсіпкерлерімізді аталмыш құралды белсенді қолдануға шақырамыз», – дейді кәсіпкерлік палатасының сарапшысы Гүлнұр Құрмантаева.
</blockquote>
Палата маманы карантинге орай кәсіпкерлер сарапшылардың қызметін онлайн да ала алатынын айтып отыр.
Кәсіпкерлер өтініштерін Қызылорда қаласында Желтоқсан көшесінің бойында орналасқан «Бастау» бизнес-орталығының 1-қабатындағы Кәсіпкерлерге қызмет көрсету орталығына, аудандарда Палатаның филиалындағы Кәсіпкерлерді қолдау орталықтарына қалдыра алады. Сұрақтар туындаған жағдайда Кәсіпкерлер палатасының Кәсіпкерлікті қаржылай емес қолдау бөлімінің сарапшысы Гүлнұр Құрмантаеваға 8/7242/40-08-74 байланыс телефоны арқылы хабарласа алады. Сондай-ақ, 1432 сall-сentre-ден де кеңес ала алады.

«Аға сеньор»: Қызылордалық кәсіпкерлер шетелдік сарапшыларды шақырта алады

Kyzylorda-news.kz. Облыс әкімінің орынбасары Бақыт Жаханов ауданға жасаған сапары барысында «Жұмыспен қамтудың жол картасы» мемлекеттік бағдарламасы аясында жүзеге асырылып жатқан жұмыстармен танысты.
Алдымен Бақыт Дүйсенұлы аудандық сот ғимаратының аумағы мен Абай көшесінің абаттандыру жұмыстарын көрді. 
Аралда аталған бағдарлама аясында 16 жоба жүргізілуде. Барлығы да халықтың игілігіне бағытталған әлеуметтік жобалар.
Аудан әкімі Мұхтар Оразбаев құрылыс жұмыстарының жайы туралы түсіндіріп өтті. Қазіргі таңда сот ғимаратының ауласына брусчатка төселген, қоршаулары ауыстырылып, сырлау жұмыстары жүргізілуде. Ал Абай көшесінің бойына бардюрлер мен жол жиегіне қоршаулар қойылуда. 
Одан соң Бақыт Дүйсенұлы күрделі жөндеуден өткізіліп жатқан «Арал индустриалды-техникалық және «Арал көпсалалы колледждеріне барды. Аудан орталығында орналасқан екі колледждің де жастарды қажетті маман ретінде дайындап шығаруда маңызы зор. 
«Арал индустриалды-техникалық колледжінің» ғимараты екі қабаттан тұрады. Қазіргі таңда жеңімпаз ретінде танылған Қызылорда қаласының «Самат-Мұнай» ЖШС құрылыс жұмыстарын жүргізуде. Жөндеу жұмыстарын барысында жергілікті жерден 60 адамды жұмыспен қамту жоспарланса, бұл меже қазір толықтай орындалып отыр, 
Арал көпсалалы колледжінің оқу ғимараты 3 қабатты, 1980 жылы салынған. Ғимараттың жобалық қуаттылығы 360 оқушыға арналған. 
Күрделі жөндеу барысында аталған білім беру нысандары заман талабына сәйкес жаңғыртылып, білім алушылар үшін қолайлы жағдай жасалмақ. 
Екі бірдей білім беру нысанындағы құрылыс жұмысьтарының жай-күйін бақылап өткен облыс әкімінің орынбасары жөндеу жұмыстарына жауапты мердігерлермен кездесу барысында жұмыстың сапалы атқарылуын қатаң назарға алуды тапсырды. 
Мұнан кейін, Бақыт Дүйсенұлы ауданның индустриалды аймағында «Qazaq Camel» ЖШС-нің түйе сүтін өңдеп, одан құрғақ сүт өндіретін цехының құрылыс алаңында болды. «Qazaq Camel» ЖШС-нің директоры, жобасы жетекшісі Нұғырбек Абулғазин аймағымызда алғашқы рет қолға алынып отырған жоба жайын таныстырып өтті. 
Атап айтқанда, жылына 130 тоннадан астам түйе сүтінен құрғақ қоспалар өндіруге қауқарлы цехтың құрылыс жұмыстары ағымдағы жылдың соңында аяқталады деп жоспарлануда. Жоба іске қосылғанда 25 адам жұмыспен қамтылатын болады. Мұнда әзірленген дайын өнімдер республика нарығынан бөлек, алыс-жақын шет елдерге экспортталады деп жоспарлануда. 
Атап өтейік, ауданда «Жұмыспен қамтудың жол картасы» мемлекеттік бағдарламасы аясында бүгінгі таңда 410 адам жұмыспен қамтылып отыр.
<img src="https://kyzylorda-news.kz/wp-content/uploads/2020/07/fb_img_1595147056891.jpg" alt="" />
<img src="https://kyzylorda-news.kz/wp-content/uploads/2020/07/fb_img_1595147047949.jpg" alt="" />
<img src="https://kyzylorda-news.kz/wp-content/uploads/2020/07/fb_img_1595147043559.jpg" alt="" />

Аралда  «Жұмыспен қамтудың жол картасы» бағдарламасы аясында 16 жоба іске асуда

Kyzylorda-news.kz. Былтыр облыстың бірқатар шаруашылықтары «Басым дақылдарды субсидиялау» бағдарламасына бөлінген қаражаттың толық игерілуіне байланысты субсидия ала алмай қалған болатын.
Осыны ескере отырып, Қызылорда облысының ауыл шаруашылығы басқармасы тарапынан Қазақстан Республикасы Ауыл шаруашылығы министрлігіне ұсыныстар жолданып, қолдау тапты.
<blockquote>
 “Қазақстан Республикасы Ауыл шаруашылығы министрінің 2020 жылғы 30 наурыздағы № 107 «Өсімдік шаруашылығы өнімінің шығымдылығы мен сапасын арттыруды субсидиялау қағидаларын бекіту туралы» бұйрығына сәйкес, 2019 жылдың төртінші тоқсанында өңдеуге өткізілген күріш тоннасына субсидия төленетін болады. Субсидия нормасы Қызылорда облысы әкімдігінің 2020 жылдың 18 маусымындағы №56 «Басым дақылдардың тiзбесін және өсімдік шаруашылығы өнімінің шығымдылығы мен сапасын арттыруға арналған субсидиялар нормаларын бекіту туралы» қаулысына сәйкес, өңдеуге өткізілген күріштің әр тоннасына 3500 теңгеден белгіленді”,- делінген ауыл шаруашылығы басқармасының таратқан хабарламасында.
</blockquote>
Қазіргі уақытта Qoldau.kz веб-порталына субсидия нормалары мен бұйрықтарды енгізу, жұмыстары жүргізілуде. 2020 жылғы шілде айының 
20 жұлдызынан бастап «Басым дақылдар өндірісін дамытуды субсидиялау» бағдарламасы бойынша өтінімдер Qoldau.kz веб-порталы арқылы қабылданатын болады.

Қызылорда: Күріш өніміне төленетін субсидия мәселесі шешілді

Kyzylorda-news.kz. Кәсіпкерлердің сұрауы бойынша, сонымен қатар Қазақстан Республикасында шектеу шаралары (карантин) мерзімдерінің 2020 жылдың 20 шілдесінен 2 тамызына дейін 2 аптаға ұзартылуына байланысты «Атамекен» Ұлттық кәсіпкерлер палатасы өңірлік кәсіпкерлер палаталары жанындағы Өңірлік кеңестерге сайлау мерзімдерін ұзарту туралы шешім қабылдады.
Кандидатты тіркеу, құжат қабылдау 7-22 шілде аралығында өтеді, 25 шілдеден бастап 3 тамыз аралығында үгіт-насихат науқаны жүріп, 5-11 шілде аралығында онлайн дауыс беру өтеді. 
Қазіргі таңда кандидаттардан 800-ге жуық өтінім қабылданды. Сайлауға қатысуға өтінімдердің басым бөлігі Батыс Қазақстан облысы (106 кандидат) және Шығыс Қазақстан облысы (92 өтінім) кәсіпкерлерінен түсті. 
Кандидаттар өңірде тіркелген кәсіпкерлер қатарынан, сондай-ақ өзін-өзі реттейтін ұйымдар мен өңірлік кәсіпкерлер палаталарында аккредиттеуден өткен қауымдастықтардың бірінші жетекшілері немесе қауымдастықтың орындаушы органының мүшелері арасынан сайланады. 
Өңірлік кеңес мүшелігіне үміткер келесі талаптарға сәйкес келуі тиіс: 
• Қазақстан Республикасының азаматы болу; 
• өңірдің әлеуметтік-қоғамдық өміріне белсенді қатысушы болу; 
• кәсіпкерлер арасында пікір көшбасшыларының бірі болу; 
• өңірде жария тұлға болу; 
• кәсіпкерлер арасында және қоғамда оң беделге ие болу; 
• бизнесінің тарихы оң болуы; 
• әлеуметтік жауапты кәсіпкер болу; 
• облыстық, қалалық мәслихаттардың депутаты болуы құпталады; 
• сотталмаған – Заңмен белгіленген тәртіпте өтелмеген немесе алынбаған соттылығының болмауы. 
Облыстық кеңеске сайлау қорытындысы бойынша сайлаушылардың 60%-ы облыс орталығынан кәсіпкерлік субъектілері және аккредиттелген қауымдастықтар (одақ), өзін-өзі реттейтін ұйымдар өкілдерінен, ал 40%-ы аудандардағы кәсіпкерлік субъектілерінен құралады. 
Толық ақпарат www.vote.atameken.kz сайтында жарияланған, сондай-ақ сайлау жайында ақпаратты 1432 колл-орталығынан немесе өңірлік кеңселерден алуға болады.
<img src="https://kyzylorda-news.kz/wp-content/uploads/2020/07/fb_img_1594875474080.jpg" alt="" />

«Атамекен»: Өңірлік кеңестерге кандидаттардан өтінім қабылдау мерзімін ұзартты

<a href="https://kyzylorda-news.kz/">Kyzylorda-news.kz.</a> Қызылорда облысында биыл барлығы 184 739 гектар жерге ауыл шаруашылығы дақылдары егілген. Оның ішінде дәнді дақылдар 99 248 гектарды, майлы дақылдар 5 631 гектарды, мал азықтық дақылдар 62 335 гектарды, картоп, көкөніс және бақша дақылдары 17 525 гектарды құрап отыр.
<blockquote>
 “Өткен жылмен салыстырғанда дәнді дақылдар 1 736 гектарға, мал азықтық дақылдар 2 094 гектарға, картоп, көкөніс және бақша дақылдары 79 гектарға артса, ал майлы дақылдар көлемі 2 242 гектарға азайды. Сонымен қатар, егісті әртараптандыру бағытында облыста алғаш рет перспективалы дақылдар қант құмайы 80 гектарға, соя 170 гектарға, жүгері дақылы 1 507 гектарға дейін жеткізіліп, ылғал сақтағыш аквагельдерді пайдалану арқылы 80 гектар богарлы жерлерге күздік бидай дақылы егілді. 
 Негізгі дақыл күріштің көлемі 89 623 гектарды құрап, егіс көлемі өткен жылмен салыстырғанда 1 690 гектарға артып отыр”, – дейді ауыл шаруашылығы басқармасының мамандары.
</blockquote>
Қазіргі таңда, шаруашылық құрылымдары егілген ауыл шаруашылығы дақылдарын агротехникалық талаптарға сай күтіп баптау жұмыстарын жүргізуде.
Бүгінгі күнге күріш егісінің 65,6 мың гектары арам шөптерге қарсы гербицидтермен толық өңделіп, 62,1 мың гектары тыңайтқыштармен үстеп қоректендірілген. Үстеп қоректендіру жұмыстары жалғасуда.
Ал, аудан әкімдіктерінің дерегінше облыста егілген 89,6 мың га күріш алқабының қазіргі таңдағы жағдайы 71,7%-ы жақсы, 25,7%-ы орта, 2,6%-ы нашар деп бағаланса, 31,1 мың гектары түптену және 58,5 мың гектары түтікке шығу фазасында.
Сондай – ақ, шаруашылық құрылымдары өткен жылғы жоңышқа дақылының 1-ші орымын аяқтап, барлығы 103,1 мың тонна жоңышқа шөбін дайындады. Орта өнім гектарына 26,7 центнерден айналды.
Бүгінгі таңда шаруашылық құрылымдары дәнді дақылдарды жинау жұмыстарын жүргізуде. Күтімге алынған 4 142 мың гектар күздік бидайдың 2 751 гектарына орақ түсіп, 5 652 тонна өнім жиналды. Орта өнім гектарына 20,5 центнерден айналса, 3 806 гектар жаздық бидайдың 100 гектары жиналып, барлығы 130 тонна өнім алынып, орта өнімі 13,0 центнерден келуде.
Сондай-ақ дәнді дақылдарды жинау жұмыстары жалғасуда.
Облыс бойынша көкөніс және бақша дақылдарын жинау жұмыстары оңтүстік аудандарда басталды. Бүгінгі күні, көкөністің 570 гектары және бақшаның 650 гектары жиналып, көкөністің әр гектарынан 166,3 центнерден, бақшадан 216,9 центнерден өнім алынуда. Көкөніс және бақша дақылдарын жинау жұмыстары жалғасып жатыр.

Қызылорда облысында ауыл шаруашылығы дақылдарынан межелі өнім жиналуда

<a href="https://kyzylorda-news.kz/">Kyzylorda-news.kz.</a> Қазіргі таңда Арал балықшылары жылына жеті мың тоннадай балық ауласа, оның екі мың тоннасын экспорттайды. Осы мақсаттаауданда жылдық қуаттылығы 19 мың тонна балық өңдеуге қауқарлы 8 балық өңдеу зауыты жұмыс істеп тұр. Міне, сол зауыттардың жұмысы нәтижесінде теңізді өлкенің балығының дәмін тату бақыты тек Қытай мен ТМД елдерінің ғана емес, Еуропа халқына да бұйырып отыр.
Ауданның кәсіпкерлік бағытындағы жұмысына қарқын беріп&nbsp;келе жатқан ата кәсіптің мүмкіндігін молайту мақсатында тағы бір жоба басталды. «Арал теңізі» балықшылар қоғамдық бірлестігінің бастамасымен балық қорын көбейту мақсатында жазылған жоба жемісін беріп, «Ғаламдық экологиялық қордың» қаржылай қолдауымен Ақшатау ауылында көлемі 16х30 метр болатын балық шығаратын инкубациялық цех салынды. Бұл цехқа Ресейден УЗВ аппараттары алынып қондырылды. Жобаның жалпы құны – 21 млн теңгені құрап отыр. «Арал теңізі» балықшылар қоғамдық бірлестігінің төрайымы Айнагүл Баймаханова жобаны жүзеге асыру бағытында 11 млн қайтарымсыз грант ұтты.
Аталған цехтың ашылу салтанатына арнайы қатысқан аудан әкімі Мұхтар Оразбаев аудандағы балық шаруашылығының дамуы жайында айта келе цех жұмысына сәттілік тіледі.
Сондай-ақ, ауданнан шыққан алғашқы балық шаруашылығы министрі, мемлекет және қоғам қайраткері Қ.Саржанов игі тілегін арнады.
Жоба серіктестері «Жамбыл» өндірістік кооперативі, дара кәсіпкер Игіліков Төребек бірлесе атқарылатын жұмысты орындаушы «Қазалы Уазис» қоғамдық бірлестігі болмақ. Алынған дернәсілдер теңіздің Арал және Қазалы аумағындағы айдындарына жіберілетін болады. Биылғы жылы іске қосуды жоспарлап отырған бастама аясында 12-15 млн дана личинкалар өсіп шығады деп күтілуде.
Айта кетейік, «Арал теңізі» балықшылар қоғамдық бірлестігінің төрайымы А.Баймаханованың бастамасымен ұсынылған 5 жоба да қолдауға ие болса, соның 3-еуі балық шаруашылығына қатысты. Өткен жылы шарбақтап балық өсіру жобасы негізінде Қаратерең ауылдық округінде Батырхан Прекеев өз кәсібін кеңейтсе, одан бөлек 200 қыз-келіншек балық өңдеу мамандығы бойынша кәсіби білім берілуде.
<img src="https://kyzylorda-news.kz/wp-content/uploads/2020/06/inkwbacijalyk-ceh1-1.jpg" alt="" />
<img src="https://kyzylorda-news.kz/wp-content/uploads/2020/06/inkwbacijalyk-ceh2-1.jpg" alt="" />
<img src="https://kyzylorda-news.kz/wp-content/uploads/2020/06/inkwbacijalyk-ceh3-1.jpg" alt="" />
<img src="https://kyzylorda-news.kz/wp-content/uploads/2020/06/inkwbacijalyk-ceh4-1.jpg" alt="" />
<img src="https://kyzylorda-news.kz/wp-content/uploads/2020/06/inkwbacijalyk-ceh5-1.jpg" alt="" />
<img src="https://kyzylorda-news.kz/wp-content/uploads/2020/06/inkwbacijalyk-ceh6-1.jpg" alt="" />

Аралда балық өсіретін инкубациялық цех іске қосылды

<a href="https://kyzylorda-news.kz/">Kyzylorda-news.kz.</a> Индустрияландырудың үшінші бесжылдығы шеңберінде 2025 жылға дейін өңірде жалпы құны 551,2 млрд.теңге болатын 23 жобаны іске асыру көзделіп отыр. Жоба аясында 6400 жаңа жұмыс орнын құру жоспарлануда. Бұл туралы облыс әкімдігінің баспасөз қызметі хабарлады.
Сондай-ақ, осы жылы 44,2 млрд.теңге сомасындағы үш жобаның құрылысы басталды.
Атап айтқанда, “Қазақстан Аквакультура ЛТД” ЖШС Арал ауданында қуаты жылына 4 мың тонна балықты терең өңдейтін зауыт іске қосылады. Жобаның құны 160 млн. теңге. Жоба аясында 100 жаңа жұмыс орнын құру қарастырылған.
“Қармақшы құс” ЖШС Қармақшы ауданында қуаты жылына 1500 тонна құс етін өндіретін құс фабрикасын іске қосуды жоспарлап отыр. Жобаның құны-1,9 млрд. теңге, өндірісте шамамен 50 адам жұмыспен қамтылады.
Үшінші жоба-Қызылорда қаласында табақ шыны өндіретін зауыт құрылысы. Жобаны “Orda Glass” ЖШС жүзеге асырады. Зауыттың жылдық қуаты -197,1 мың тонна. Ал, құны 42,1 млрд.теңге. Зауыттың іске қосылған уақытта 226 адамды жұмыспен қамтамасыз етуге мүмкіндік береді.
Сонымен қатар, Арал ауданында “Qazaq Camel” ЖШС түйе сүтінен жылына 130 тоннаға дейін құрғақ ұнтақ өндіретін зауыттың құрылысы бойынша жобаны іске асыруды бастады. Жобаның құны 1,5 млрд. теңге. Кәсіпорын 150 адамды жұмыспен қамтуға мүмкіндік береді.
Арал ауданында”Арал Сода” ЖШС-нің жылдық қуаттылығы 120 мың тонна болатын тамақ тұзын өндіретін жаңа испандық цех салу жобасын іске асыруда. Жобаның құны 2,9 млрд.теңге. Өндірісте 150 адам жұмыспен қамтылады.
Ағымдағы жылдың екінші жартыжылдығында тағы екі жоба іске асады. Атап айтқанда, Арал ауданында қуаттылығы жылына 300 мың тонна кальцийленген сода өндіретін зауыттың құрылысы басталады. Жобаны “Арал Сода” ЖШС жүзеге асырады. Жобаның құны-93,5 млрд. теңге. Зауытты пайдалануға беру арқылы 699 жаңа жұмыс орнын құруға мүмкіндік береді.
“ABK Prom Service” ЖШС Қызылорда қаласында жоғары қысымды шыны пластик желілік және сорғы-компрессорлық құбырларды өндіретін зауыт құрылысын бастауды жоспарлап отыр. Зауыттың қуаттылығы-жылына 300 км құбыр шығару. Құны – 1,8 млрд.теңге. болатын зауыт шамамен 80 адам жұмыспен қамтиды.

Қармақшы ауданында құс фабрикасы іске қосылады

<a href="https://kyzylorda-news.kz/">Kyzylorda-news.kz.</a> БҰҰ пандемиямен күресу үшін кедей елдерге көмектеспейтін болсақ, онда бүкіл әлемде қақтығыстар, аштық пен кедейлік болатынын ескертті, деп хабарлайды аталған ұйымның <a href="https://news.un.org/ru/story/2020/05/1377612">сайты</a>.
БҰҰ халықаралық ұйымдарға пандемиямен күресу үшін кедей елдерге 6,7 миллиард доллар бөлуге шақырды. Көптеген кедей елдерде пандемияның шарықтау шегі бірнеше айдан кейін болады. Алайда, бүгінде миллиондаған адамдар жұмысынан айырылып, өмір сүруге қаражатсыз қалды.
Аталған халықаралық ұйым гуманитарлық көмек көрсетудің жаңартылған жоспарын таныстырды. Ол кезде көмекке қажетті сумма 2 миллиард доллар болса, бүгінде ол қаражат жағдайдың күрделенуіне байланысты 6,7 миллиард долларға өскен.
<blockquote>
 «COVID-19&nbsp;пандемиясы – барлығымыз үшін сынақ. Алайда, әлемдегі кедей елдер өте қиын жағдайларда қалып отыр. Қазірдің өзінде олардың мигранттардан келетін және туризмнен түсетін қаражаттары қысқарды», – деді БҰҰ Бас хатшысының гуманитарлық мәселелер бойынша орынбасары Марк Локок, виртуальды конференцияда.
</blockquote>
Сондай-ақ, ол сөзінде пандемияның осы салдарын жоюмен күреспейтін болсақ, оның зардабын кедей елдер ғана емес, бүкіл әлем тартатындығын жеткізді.

Қазақстан және Қызылорда облысының жаңалықтары: Экономика

“Нұрлы жер”: Қызылордада 87 тұрғын үйдің құрылысы жүргізіліп жатыр

Қызылорда облысында мал шаруашылығы қарқынды дамуда

«Қарапайым заттар экономикасы»: Қызылордада 93 жоба қаржыландырылды

Қызылордада биыл 405 гектар егіс алқабы сусыз қалған

«Аға сеньор»: Қызылордалық кәсіпкерлер шетелдік сарапшыларды шақырта алады

Аралда «Жұмыспен қамтудың жол картасы» бағдарламасы аясында 16 жоба іске асуда

Қызылорда: Күріш өніміне төленетін субсидия мәселесі шешілді

«Атамекен»: Өңірлік кеңестерге кандидаттардан өтінім қабылдау мерзімін ұзартты

Қызылорда облысында ауыл шаруашылығы дақылдарынан межелі өнім жиналуда

Аралда балық өсіретін инкубациялық цех іске қосылды

Қармақшы ауданында құс фабрикасы іске қосылады

БҰҰ биыл бүкіл әлемді аштық пен кедейлік күтіп тұрғанын мәлімдеді

Қазақстан және Қызылорда облысының жаңалықтары: Экономика

&#8220;Нұрлы жер&#8221;: Қызылордада 87 тұрғын үйдің құрылысы жүргізіліп жатыр

Қызылорда облысында мал шаруашылығы қарқынды дамуда

«Қарапайым заттар экономикасы»: Қызылордада 93 жоба қаржыландырылды

Қызылордада биыл 405 гектар егіс алқабы сусыз қалған

«Аға сеньор»: Қызылордалық кәсіпкерлер шетелдік сарапшыларды шақырта алады

Аралда «Жұмыспен қамтудың жол картасы» бағдарламасы аясында 16 жоба іске асуда

Қызылорда: Күріш өніміне төленетін субсидия мәселесі шешілді

«Атамекен»: Өңірлік кеңестерге кандидаттардан өтінім қабылдау мерзімін ұзартты

Қызылорда облысында ауыл шаруашылығы дақылдарынан межелі өнім жиналуда

Аралда балық өсіретін инкубациялық цех іске қосылды

Қармақшы ауданында құс фабрикасы іске қосылады

БҰҰ биыл бүкіл әлемді аштық пен кедейлік күтіп тұрғанын мәлімдеді

“Нұрлы жер”: Қызылордада 87 тұрғын үйдің құрылысы жүргізіліп жатыр