<a href="https://kyzylorda-news.kz/date/2020/08/12/">Kyzylorda-news.kz.</a> Қызылорда өңірінде «Жұмыспен қамтудың Жол картасы» бағдарламасы іске асып, сан түрлі салаларда күрделі және ағымдағы жөндеу жұмыстары жүруде. Құрылыс барысына жергілікті жердің азаматтары тартылып, өңірде 9 мыңнан аса азамат екі қолға бір күрек тапты. Бағдарлама толық аяқталғаннан кейін аймақта 452 тұрақты жұмыс орны сақталады.
Қазірде облыста 276 инфрақұрылымдық жоба іске асып жатыр. Жобаларды тиімді іске асыру үшін 36,9 млрд. теңге қаржы бөлініп, әлеумет үшін өзекті нысандар қайта жөнделуде. Бағдарлама 4 ірі бағыттағы салаларда қарқын алды. Атап айтқанда, әлеуметтік-мәдени нысандарды жөндеуге 12,3 млрд.теңге қаржы қаралды. Нәтижесінде, білім беру саласында 52 нысан, денсаулық сақтау бағытында 30 нысан, мәдениет саласында 22 нысан, спорт бағытында 21 ғимарат жөндеуден өтеді.
Ал, инженерлік-көліктік инфрақұрылым бағытында жөндеу жұмыстарына 14,5 млрд. теңге бөлініп, 62 жоба іске асады. Елді мекендерді аббаттандыру ісі де жанданады. Бұл бағытта 47 жоба қолға алынған.
Ауқымды бағдарлама негізінде тұрғын үй-коммуналдық нысандар да қайта жөндеуден өтуде. Айталық, 42 жобаның орындалуына 7,5 млрд.теңге қаржы қаралып, жұмыссыз жүрген 1127 еңбекпен қамтылды.
«Жол картасы» бағдарламасы арқылы қаржы алып, жұмыс істейтін мердігерлерге құрылыс обьектілеріне жергілікті жердің жұмыссыз азаматтарын тарту міндеттелген. Яғни әрбір мердігер ең кемінде ең төменгі айлық мөлшерінен екі есе жоғары жалақы беруі тиіс. Бұл карантин кезінде жұмыссыз қалған азаматтардың табысын жоғалтпауына ерекше мүмкіндік беріп отыр.

Қызылорда: Жол картасы аясында 452 тұрақты жұмыс орны сақталады

<a href="https://kyzylorda-news.kz/date/2020/08/11/">Kyzylorda-news.kz.</a> Қазалы ауданында мәслихаттың кезекті LXII сессиясы өтті. Сессияның күн тәртібінде бірнеше мәселе қаралды. Оның ең негізгісі аудан әкімі Мұрат Ергешбаевтың 2020 жылдың І жарты жылдығында атқарған жұмыстарының есебі болды.
Сондай-ақ аудандық мәслихаттың кезекті сессиясында «2020-2022 жылдарға арналған аудандық бюджет туралы» Қазалы аудандық мәслихаттың 2019 жылғы 24 желтоқсандағы №341 шешіміне өзгерістер енгізу туралы, «Кәмелетке толмағандардың істері және олардың құқықтарын қорғау жөніндегі аудан әкімдігі жанындағы комиссияның құрамын бекіту туралы» Қазалы аудандық мәслихаттың 2017 жылғы 31 наурыздағы №102 шешіміне өзгерістер енгізу туралы мәселелер қаралды.
Күн тәртібіндегі алғашқы мәселе бойынша баяндама жасаған аудан әкімі Мұрат Ергешбаев аудан көлемінде жыл басынан бері атқарылған жұмыстарға тоқталды.
<blockquote>
 “Негізінде, әрбір саланың тынымды тірлігінің арқасында аудан экономикасы тұрақты дамып келеді. Нақты дәлел, 2020 жылға нақтыланған бюджет көлемі 24 млрд. 64,8 млн. теңгені құрап отыр. Оның ішінде өз кірістеріміз 1,4 млрд. теңгеге жетті. Ал, 6 айда өнеркәсіп кәсіпорындарында 7 млрд. 378 млн. теңгенің өнімі өндірілді. Жұмыс істеп тұрған шағын және орта кәсіпкерлік субъектілерінің саны да артып, өткен жылмен салыстырғанда 112,8 пайызды құрады. Кәсіпкерлікті қолдау шаралары да біздің назарымыздан тыс қалған емес. Осының нәтижесінде жыл басынан бері аудан кәсіпкерлерінің 231 жобасы бойынша 973,0 млн. теңге несие, грант қаражатын алды”, – деген Мұрат Нәлхожаұлы ауданда «Жол картасы» және «Ауыл – ел бесігі» мемлекеттік бағдарламалары арқылы атқарылып жатқан жұмыстарды да тілге тиек етті.
</blockquote>
<img src="https://kyzylorda-news.kz/wp-content/uploads/2020/08/117444411_2822651884622407_3383184649054439612_o.jpg" alt="" />
Аудандық мәслихат сессиясында алғашқы жартыжылдықтағы ауданның әлеуметтік-экономикалық дамуының қорытындылары туралы есеп берген аудан басшысы алда тұрған міндеттер жөнінде жан-жақты баяндады.
Аудан әкімінің баяндамасынан соң аудандық мәслихат депутаттары Қасқырбек Мәмбетжан мен Ләззат Ізбасқанова туған жерде атқарылып жатқан жұмыстарға оң бағасын беріп, сайлаушылардың атынан алғыс айтты.
Сессия отырысында көтерілген өзге де мәселелер жайында хабарламашылар тыңдалып, аудандық мәслихат депуттары тарапынан оң шешім тапты.
<img src="https://kyzylorda-news.kz/wp-content/uploads/2020/08/117342056_2822651984622397_2972215267211692693_o.jpg" alt="" />

Қазалыда кәсіпкерлік субъектілерінің саны артты

<a href="https://kyzylorda-news.kz/">Kyzylorda-news.kz</a>. Соңғы жылдары Қазалы ауданында құрылыс жұмыстары қарқынды жүріп жатыр. Өткен жылдың өзінде бірнеше көпқабатты тұрғын үйлер пайдалануға беріліп, жүздеген адам баспанаға ие болды. Бүгін құрылысшыларға құрмет көрсеткен аудан әкімі Мұрат Ергешбаев осылай деді.
<blockquote>
 – Аймағымыздың құрылыс саласы бойынша қол жеткен жетістіктерінің мол екендігін қазіргі уақытта салынып жатқан құрылыстардан анық байқауға болады. Биылғы жылдың өзінде ауданның құрылыс, инфрақұрылым дамыту, автомобиль жолдары саласы бойынша барлығы 75 нысанның құрылысын жүргізуге 9 млрд-там астам қаржы бөлініп, осыншама ауқымды істер, Сіздердің кәсіби біліктеріңіз бен адал еңбектеріңіздің арқасында жүзеге асуда. Әлеуметтік-мәдени нысандармен қатар, тұрғын үй кезектілігін азайту үшін 18 пәтерлі 1 арендалық тұрғын үй, 1 қабатты 4 пәтерлі 10 тұрғын үйдің құрылысы, Әйтеке би кенті мен Қазалы қаласының аралығы,«Аймақаш» тұрғын ауданын инфрақұрылыммен қамтамасыз ету жұмыстары да жүргізілуде, – деген Мұрат Нәлхожаұлы құрылыс саласының үздіктерін марапаттады.
</blockquote>
<img src="https://kyzylorda-news.kz/wp-content/uploads/2020/08/d18bb958-8127-43cf-96a2-064d53df6b9c.jpg" alt="" />
Аудандағы барлық құрылыс компанияларының басшыларынан бастап, тас қалаушы, жүргізуші, дәнекерлеуші, тағы басқа кәсіп иелеріне облыс әкімі Гүлшара Әбдіхалықованың құттықтауын жеткізіп, алғыс хатын табыстады.
Мұнан соң бірқатар азаматтар аудан әкімінің «Алғыс хатымен» марапатталып, «Қазқұрылыс Сервис» ЖШС, «LCL-MK» ЖШС, «МФК Тұран» ЖШС, «ЖылуХХI» ЖШС-терге аудан әкімінің «Дипломы» табысталды.
Салтанатты шара барысында ардагер теміржолшы Жақсылық Көрпебаев «Қазақстан Темір жолы» Ұлттық компаниясының «Құрметті ардагері» төсбелгісімен марапатталды.
Құрыш қолды құрылысшыларды аудандық мәслихат хатшысы Күнтілес Назымбеков те құттықтап, мерекелік лебізін жеткізді. Ал, «Намыс Құрылыс» ЖШС директоры Әбдімәлік Өтеулі құрылысшыларға құрмет көрсеткен аудан басшыларына алғысын жеткізіп, ризашылығын білдірді.
Бүгінгі таңда еліміздегі эпидемиологиялық ахуалға байланысты көптеген шараларды ұйымдастыру тоқтатылғанын өздеріңіз білесіздер. Әйтсе де құрыш қолды құрылысшылар мереке қарсаңында ауданымыздың 30 тұрмысы төмен отбасын азық-түлікпен қамтамасыз етті. Сондай-ақ, құрылыс саласында еңбек еткен 19 ардагерге аудан әкімінің «Құттықтауы» мен сый-сияпаттары табысталды.
<img src="https://kyzylorda-news.kz/wp-content/uploads/2020/08/9d182b18-7bd5-42a6-bf11-61cf113bb0d3.jpg" alt="" />
<img src="https://kyzylorda-news.kz/wp-content/uploads/2020/08/66994c2f-b5f6-416f-ab34-104658d08d99.jpg" alt="" />

Қазалыда құрылысшыларға құрмет көрсетілді

<a href="https://kyzylorda-news.kz/">Kyzylorda-news.kz.</a> Қызылордада автомобиль жолдарының сапасын сараптау саласында сыбайлас жемқорлықтың алдын алуға бағытталған тиімді тетіктер мен рәсімдерді қамтамасыз ету мақсатында былтырдан бері «Сапалы жол – Адалдық алаңы» жобалық кеңсесі жұмыс істеп келеді.
Жоба аясында Қазақстан Республикасының Сыбайлас жемқорлыққа қарсы іс-қимыл агенттігінің Қызылорда облысы бойынша департаментінің, «Ұлттық жол активтері сапасы орталығы» РМК Қызылорда облысы бойынша филиалының қызметкерлері бірлесіп жергілікті маңызы бар автомобиль жолдарының проблемалық учаскелеріне бақылау жүргізілді. &nbsp;Жолдың қыс мезгіліндегі жай-күйіне, автомобиль жолдарын салу, реконструкциялау, жөндеу және күтіп-ұстауына жылжымалы зертханамен 10-рет шықты, сондай-ақ мекеме, мердігер ұйымдардың басшыларының қатысуымен&nbsp; 6-рет отырыс өткізіліп, 3-рет брифинг ұйымдастырылған.
Жылжымалы зертханамен шығу барысында жалпы 30 ақаулар анықталып, берілген ұсыныстар нәтижесінде 17-сі жойылды, 13 кемшілік бойынша зерделеу&nbsp; жұмыстары жүргізіліп, оны жою туралы ұсыныстар берілген. Аталған мәселелердің орындалуы бақылауға алынған.
Айта кетейік, жобалық кеңсенің негізгі тұжырымдамасы автомобиль жолдарын салу, қайта жаңарту және жөндеу кезінде жұмыстар мен материалдардың сапасын сараптау кезеңінде азаматтық қоғаммен тығыз өзара байланыста ашық бақылауды қамтамасыз етуге бағытталған.
Жобалық кеңсенің қызметінің бағыттары:
1)қоғамдық бақылауды қамтамасыз ету;
2)қазіргі заманғы сандық технологиялар мен сыбайлас жемқорлықтың алдын алу құралдарын енгізу;
3)парасаттылық, адалдық және сыбайлас жемқорлыққа төзбеушілік қағидаттарын енгізу;
4) бизнес-процестерді жетілдіру және оңтайландыру.

Қызылордада «Сапалы жол – Адалдық алаңы» жобасы жүзеге асуда

Kyzylorda-news.kz. Аймақ басшысы Г.Әбдіқалықованың төрағалығымен аппарат мәжілісі өтті. Жиынға Қызылорда қаласы мен барлық аудан әкімдері, облыстың басқарма басшылары қатысты. Күн тәртібінде 6 мәселе қаралып, сала басшылары атқарып жатқан жұмыстарын баяндады.
Облыс әкімі алдымен өңірдің әлеуметтік-экономикалық даму көрсеткіштеріне тоқталды. Жыл басынан басталған пандемия салдарынан экономикалық өсім қарқыны төмендегенін айтқан әкім халықтың әл-ауқатын жақсарту бағытындағы жұмыстарды жандандыру қажеттігін сөз етті. Сонымен қатар облыста «Қарапайым заттар экономикасы» бағдарламасының орындалуы, индустрияландыру, инвестиция тарту, шағын және орта кәсіпкерлікті дамыту және бюджетті игерудің маңыздылығын да ерекше атап өтті. Мәселен, «Қарапайым заттар экономикасы» бағдарламасы аясында биыл жалпы сомасы 6,7 млрд. теңгеге 104 жоба қабыданып, оның 48-і мақұлданды.
Отырыста коронавирус індетімен күрес бойынша облыста атқарылып жатқан кешенді шаралар да талқыға түсті. Жиында облыс әкімінің орынбасары Н.Байқадамов індеттің алдын алу бағытындағы жұмыстарды баяндады. 
Пандемияның алдын алуға бағытталған кешенді шаралардың нәтижесінде соңғы күндері тұрғындар арасындағы аурушаңдық біршама азайып, жедел жәрдем шақырушылардың қатары да күрт сиреген. Мәселен, маусым айында орташа шақыртулар саны 1422 болса, шілде айында 1312-ге азайған. 5 тамыз күнгі шақыртулар саны 916 құраған. Бұл жалпы шақыртулардың 35,6 % азайғанын көрсетеді.
Қазіргі таңда облыстың барлық емдеу мекемелері бірінші типтегі костюмдермен, қорғаныс құралдарымен, қажетті бекітілген 26 түрлі дәрі-дәрмектің бір айлық қоры қалыптасты. Сонымен қатар, облыстық жедел жәрдем стансасы базасын нығайту мақсатында 40 санитарлық автокөлікке келісім-шартқа отырып, ағымдағы жылдың қыркүйек-қазан айларында келу жоспарланған.
Жиында облыс әкімі Г.Әбдіқалықова жаңа оқу жылындағы сақтық шараларын да назарға алды. Облыс бойынша алдағы 2020-2021 оқу жылында 293 мектепте 168 488 оқушы оқиды деп күтілуде. Оның ішінде 1 сыныпқа 18 789 бала қабылданбақ.
Жаңа оқу жылының 1-ші тоқсанында бастауыш сыныптар күшейтілген санитарлық талаптарды сақтай отырып, білім ордаларында оқыса, оқушылардың басым бөлігі қашықтан оқыту тәсілімен білімін жалғастырмақ. 
Өңір басшысы барлық аудан әкімдеріне жаңа оқу жылына білім ордаларын жөндеуден өткізіп, пайдалануға мерзімінде беріп, қашықтан білім беруді сапалы ұйымдастыруды тапсырды. Бұдан бөлек «Мектепке жол» республикалық акциясы аясында әлеуметтік аз қаматамасыз етілген отбасылардағы балаларды қажетті электронды құрылғылармен және интернетпен қамтамасыз ету үшін жергілікті кәсіпкерлерді барынша демеушілікке тарту мүмкіндіктерін қарастыру қажеттігін де жеткізді.
Жұмыспен қамту жол картасының орындалуы да күн тәртібіндегі негізгі мәселенің бірі. Бағдарлама арқылы аймақта 274 жобаның құрылыс-монтаж жұмыстары басталып, 8127 адам жұмысқа тартылған. «Еңбек» бағдарламасы аясында өңірде ағымдағы жылы 12607 жаңа жұмыс орнын құру жоспарланса, бүгінгі күнге дейін 8167 жаңа жұмыс орны ашылған.
Бұл жайында аймақ басшысы тапсырылған жұмыстарды мерзімінде аяқтау басты меже екендігін алға тартты. Сонымен қатар, осы бағдарлама негізінде жұмыспен қамтылған тұрғындардың уақытылы жалақы алуын да естен шығармау керектігін баса айтты. Мердігерлер жұмысшыларға жалақыны уақытылы төлеп, әлеуметтік төлемдерін кешіктірмей аударуы тиіс дейді, өңір басшысы. Сонымен бірге облыстық индустриялық–инновациялық даму басқармасымен бірлесіп, мемлекеттік сатып алу барысында отандық тауар өндірушілерден тауарлар мен қызметтерді сатып алуды 90 пайыз деңгейінде қамтамасыз етуді тапсырды.
Аппарат мәжілісіндегі соңғы тақырып жылу беру маусымына дайындық жұмыстарына арналды. Облыс әкімі Г.Әбдіқалықова өңірдегі барлық әлеуметтік нысандар қысқы уақытқа 100 пайыз дайын болу керектігін баса айтты.
<blockquote>
 «Коронавирус пандемиясы құрылыс саласына да кері әсерін тигізгені сөзсіз. Құрылыс жұмыстары уақытша тоқтатылып, жоспардан ауытқулар орын алды. Дегенмен, жұмыстардың қарқынын күшейтіп, жоспардағы нысандардың құрылысын мерзімінде, сапалы аяқтауымыз қажет»,- деді Г.Әбдіқалықова.
</blockquote>
Бұл мақсатта Қызылорда қаласы мен Қазалы ауданының әкімдері орталықтандырылған жылу жүйесіне қосылған көпқабатты тұрғын үйлердің ағымдағы және күрделі жөндеу жұмыстарын қазан айының 1-не дейін айқтауды тапсырды.
Жиын соңында облыс әкімі жергілікті атқарушы органдарға көмір бағасының тұрақтылығын да қамтамасыз ету мәселесі де назардан тыс қалмауын ескертті. Қатты отын тапшылығын болдырмау мақсатында осы кезден бастап кәсіпкерлермен келісім жасасып, отын қорын жасақтап қою керектігін жеткізді.

Қызылорда облысының әлеуметтік-экономикалық дамуы талданды

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Гүлшара Әбдіқалықова облыстық ауыл шаруашылығы басқармасының басшысы Сейілбек Нұрымбетовты қабылдады.
C.Нұрымбетов аймақ басшысына әлеуметтік маңызы бар негізгі азық-түлік тауарларының бағалары мен тұрақтандыру қоры арқылы атқарылған жұмыстар жөнінде баяндады.
Бүгінгі күні облыста 19 түрлі әлеуметтік маңызы бар азық-түлік өнімдерінің 8 812,6 тонна қоры бар. Яғни халыққа қажетті қарақұмық жармасы, тауық жұмыртқасы, бидай ұны, картоп, сиыр еті секілді өнімдердің мол қоры бар.
Оның ішінде тұрақтандыру қорындағы өнімдер 2 665,3 тоннаны құрайды. Аймақтағы әлеуметтік маңызы бар азық түлік өнімдерінің бағасы республиканың өзге өңірлерімен салыстырғанда 1,2%-ға төмен.
Сонымен қатар, тұрақтандыру қорының әріптестері «Ажар» сауда үйі мен «Данчо» жеке кәсіпкері арқылы 378,3 тонна әлеуметтік маңызы бар өнім қорлары қалыптастырылып, облыс тұрғындарына ұсынылады. 
Өзге де сауда орындарында 5769,0 тонна әлеуметтік өнім көлемі бар.
Ағымдағы жылдың шілде айының басынан Қызылорда қаласының ірі сауда орындарында әлеуметтік бұрыштар ашылып, тұрақтандыру қорының өнімдерін белгіленген бағада сату жұмыстары жүргізілді.
<img src="https://kyzylorda-news.kz/wp-content/uploads/2020/08/fb_img_1596744833565.jpg" alt="" />
«Алтын Қамба» АӨК» ЖШС тарапынан Қызылорда қаласы әкімдігі ұсынған 9 ірі сауда үйлеріне, «Small», «Magnum», «Султан», «Аль-Асад», «Қызылорда», «Сыбаға», «Мирас», «Ажар»,«Ақниет» әлеумметтік бұрыштар ашуға тұрақтандыру қорының өнімдерін белгіленген бағадасату ұсынылып, нәтижесінде 6 сауда орны, оның ішінде, «Мирас», «Аль-асад», «Анвар», «Ажар», «Қызылорда Оптомаркет», «Ақниет» әлеуметтік бұрыш ашуға және тұрақтандыру қорының өнімдерін сатуға келісім берді.
Облыста ағымдағы жылдың мамыр айынан бастап С-1 санаттағы, яғни, күнделікті қолданыстағы тауық жұмыртқасының 10 данасына 90 күн мерзімге шекті рұқсат етілген 284 теңге мөлшерде бөлшек сауда бағасы белгіленді.
Сондай-ақ, облыста қарақұмық жармасының бағасы тұрақталмауына байланысты, тиісті талаптарға сәйкес шекті рұқсат етілген 313 теңге мөлшерде бағасы бекітілуде.
Облыс әкімі Г.Әбдіқалықова өңірдің ауыл шаруашылығы саласының басқарма басшысына облыста тұрақтандыру қоры арқылы әлеуметтік маңызы бар негізгі азық-түлік тауарларының бағаларын тұрақтандыруды, әлеуметтік дүкендер мен әріптестердің сауда орындарында қалыптастырылған әлеуметтік қатарларды күзгі өнімге дейін ерте пісетін көкөніс өнімдерімен қамтамасыз етуді тапсырды.
Алдағы 2020-2021 жылғы қыстағы маусымаралық кезеңге осы бастан азық-түлік қорын қалыптастыру бойынша шаралар қабылдауды міндеттеді. Сонымен қатар, облыс орталығында әлеуметтік дүкендердің санын көбейту жөнінде тапсырма берілді.

Қызылордада азық-түлік қоры қанша?

<a href="https://kyzylorda-news.kz/">Kyzylorda-news.kz.</a> Ішкі нарықты отандық өнімдермен толықтыруда Сыр елінде қарапайым заттар экономикасы бағдарламасы іске асуда. Өнеркәсіпті дамытуға үлес қосып жатқан кәсіпкерлерді қолдауда өңірде 151 жоба іске асырылды. Соның бірі – «Сыр жиһазы» кәсіпорны. Өнеркәсіп өнімдері бұған дейін Ресейге экспортталып келген.
Өндіріс орны экономикалық сұранысқа сай өнім өндіріп, ішкі нарықты қамтамасыз етуде. Ағаш ұсталары, жиһаз құрастырушы, ағаш жонушы, дизайнер мамандарынан құралған кәсіпорында бүгінгі күні 35 адам тұрақты жұмыспен қамтылған.
Кәсіпорында 3 цех жұмыс істейді. Жиһаз шығару, ағаш өндеу, металопластикалық өнімдер шығарады. Заманауи құрылғылар негізінде өнім өндіретін кәсіпорынға аймақтық деңгейге сұраныс жоғары.
Тұрмыстық қолданыстағы жиһаз цехында әрбір материал сұраныс иесінің талабына сай дайындалады. Кепкен ағаштан даярланатын өнімдердің мол қоры даярланады. Ал, пластикалық өнімдері мектеп пен балабақша үшін арнайы жасалады.
«Сыр жиһазы» өнім өндіретін шикізатты шетелден емес, аймақтардан алады. Кәсіпорынның жылдық табысы 65 миллион теңгеге жеткен. Карантиндік шектеулерге қарамастан жиһаз цехы өнім көлемін төмендетпеу бағытында шараларды қолға алған.

Қызылордадағы «Сыр жиһазы» өнімі ішкі нарықты дамытуда

<a href="https://kyzylorda-news.kz/date/2020/08/06/">Kyzylorda-news.kz.</a> Қазалы ауданы әкімінің орынбасары Ғалымжан Еркебай тиісті сала басшыларымен бірге Бекарыстан би ауылына барып, «Ауыл – ел бесігі» бағдарламасы аясында атқарылып жатқан жұмыстарды көрді.
Жоба аясында Бекарыстан би ауылының әлеуметтік және инженерлік инфрақұрылымын дамытуға республикалық және облыстық бюджеттен 930 млн теңге көлемінде қаржы бөлінген.
Нәтижесінде ауылдағы мектеп ғимаратын күрделі жөндеу, тұрғын үйлерге сервистік су желілерін жүргізу және ауылдағы 8 көшені жарықтандыру жұмыстары жүргізілуде. 
Қазіргі таңда Бекарыстан би ауылында Ғ.Мұратбаев, З.Қалиева, Қ.Мәкенов, Ү.Түктібаев, С.Сейфуллин, А.Нүрпейісов және М.Ізмағанбетов көшелерін орташа жөндеу жұмыстары жүргізілуде. Құрылыс жұмыстарын «Нұрас и К» және «Сыр маржаны және К» жауапкершілігі шектеулі серіктестіктері асфальттап жатыр.
Мердігер мекемелердің басшыларымен кездескен Ғалымжан Еркебай мемлекеттік бағдарлама аясында салынып жатқан жол сапалы болуы тиіс екенін жеткізіп, жауапкершілікпен қарауға шақырды.
Мұнан кейін аудан әкімінің орынбасары Ү.Түктібаев ауылында болып, клубтың қысқы жылу маусымына дайындығымен танысты. Ауылдық клуб меңгерушісі Нұрлан Қаманов мәдениет ошағындағы қазіргі таңда екі бу қазандығының біреуі істен шыққанын баяндады. Ғалымжан Бақтығалиұлы бұл мәселені дереу шешу үшін клуб басшысына тиісті құжаттарды дайындауды тапсырды.
Сондай-ақ, аудан әкімінің орынбасары Ғ.Еркебай 2022 жылы «Ауыл – ел бесігі» бағдарламасы арқылы ауқымды жұмыстар жүретін Қ.Пірімов ауылына барып, мұндағы мекеме ғимараттарының жай-күйімен танысты. Аудан орталығына жақын орналасқан ауылда тиісті сала басшыларымен бірге қандай ғимаратқа жөндеу қажет екендігін пысықтады.

«Ауыл – ел бесігі»: Қазалыда ауқымды жобалар іске асырылуда

Kyzylorda-news.kz. Бүгін облыс әкімі Гүлшара Әбдіқалықованың төрағалығымен Қызылорда облысының 2019-2022 жылдарға арналған әлеуметтік-экономикалық дамуының кешенді жоспары талқыланды.
Жиында облыс әкімінің орынбасары Нұрлан Тілешов кешенді жоспарда көзделген бірқатар мәселелер туралы баяндады. 
Әлеуметтік-экономикалық даму жоспарының жалпы құны 219,7 млрд.теңге болатын 119 іс-шараны қамтиды. Оның ішінде республикалық бюджеттен 156,7 млрд.теңге, жергілікті бюджеттен 50,6 млрд. теңге және басқа көздерден 12,4 млрд. теңге қаралды. 
2020 жылға Кешенді жоспарды іске асыруға барлығы 69,4 млрд.теңге көзделген, оның ішінде республикалық бюджеттен – 52,1 млрд. теңге, жергілікті бюджеттен – 13,8 млрд. теңге, басқа көздерден – 3,5 млрд. теңге көзделген. 
Жүргізілген жұмыстар нәтижесінде 2020 жылы 15,6 млрд.теңгенің 42 іс-шарасы қолдау тапты, оның ішінде Кешенді жоспар шеңберінде 1,4 млрд. теңгенің 11 іс-шарасына қолдау көрсетілді. Қалған іс-шаралар 2021-2023 жылдарға арналған бюджет шеңберінде кезең-кезеңімен шешілмек.
Облыс әкімі Г.Әбдіқалықова әлеуметтік-экономикалық жоспар экономиканы дамытумен қатар тұрғын үймен қамтамасыз ету, газ, энергия, жылу, сумен жабдықтау, жолдарды жөндеу және басқа да мәселелер шешілуі қажеттігін атап өтті.
Биыл кешенді жоспар шеңберінде жаңа мұнай кен орындарын одан әрі игеру мақсатында Шу-Сарысу шөгінді бассейнін зерттеу жұмыстары басталады. Сонымен бірге агроөнеркәсіп кешенінде Қызылорда қаласындағы ет комбинаты мен Қармақшыдағы құс фабрикасын салу жұмыстары жүргізіліп, оған 80-ге жуық жұмыс орны ашылады. Ет өнімдерінің үлесі артып, ішкі нарықты қамту көзделеді.
Жиында кешенді жоспарда көзделген тұрғын үй-коммуналдық шаруашылық саласы бағытында қолға алынатын мәселелер қаралды. Биыл Арал, Қазалы, Қызылорда қаласында 43,6 шақырым су құбыры желілерін салу көзделуде. Осылайша, өңірде 4 мыңнан астам адам сапалы ауыз суға қол жеткізе алады. Сонымен қатар, Тереңөзек, Жосалы және Арал ауданындағы Жақсықылыш кенттерін газдандыру жұмыстары аяқталады. Нәтижесінде, 37 мыңға жуық адам табиғи газды пайдаланып, көгілдір отынның игілігін көреді.
Даму жоспарында инфрақұрылым мәселелері жан-жақты қаралған. Облыс көлемінде 136 шақырым жол жөндеу жұмыстары жүргізіледі. Бұл жергілікті жолдардың үлесін 69,0% – ға дейін көтеруге мүмкіндік береді.
Аяқ сумен қамтамасыз ету бағытында да мәселелер шешімін табады. Биыл Көкарал бөгетін салу және Сырдария өзенінің атырауын қалпына келтіру, сондай-ақ Күміскеткен және Қараөзек су қоймаларын салу бойынша жобалау-сметалық құжаттама әзірленуде.
Аталған нысандарда құрылыс жұмыстары республикалық бюджет есебінен 2021 жылы бастау алады. 
Кешенді жоспарды орындау нәтижесінде тұрғын үй құрылысы бағытында жаңа пәтерлер табысталады. Осы жылы 815 пәтерлік жалға берілетін тұрғын үйдің құрылысы жүргізілуде.
Оның ішінде көпбалалы отбасылар мен халықтың әлеуметтік осал топтары үшін облыс көлемінде 698 пәтерлік 15 тұрғын үй пайдалануға беріледі. 
Жиында аймақ басшысы ауқымды кешенді жоспарда көзделген мәселелердің уақытылы іске асып, атқарылған жұмыстар нәтижесі өңірдің әлеуметтік-экономикалық дамуына оң серпін беруі керектігін атап өтті.

Қызылорда облысының әлеуметтік-экономикалық дамуының кешенді жоспары талқыланды

Kyzylorda-news.kz. Өңірден 47 мың тонна ауыл шаруашылығы тауары экспортталды. Құны 16,5 миллион АҚШ доллары болатын күріш, балық, бидай, қамыс және ұнның 99,6%-і өңделген күйде шетелге сатылды.
Арал мен Қазалы аудандарының еңбеккерлері алғаш рет Германияға қамыс, Өзбекстанға ұн жөнелтілді.Теңіз маржанын сүзген жұрт жарты жылда 3 мың тоннаға жуық балық аулап, 2700 тоннадайын экспорттап үлгерді. Бұл өткен жылғы осы кезеңмен салыстырғанда 21%-ке көп. Жалпы бүгінде Аралдан 18 түрлі балық аулап, терең өңдейтін 9 зауыт жұмыс істейді. Олардың жылдық қуаттылығы 12,5 мың тонна шамасында. Сырбойылық 4 өндіріс ошағының еуропалық сапа стандартына сәйкестігін растайтын сертификаты бар. Аймақта Арал теңізінен бөлек, 207 көлден балық ауланады. Осы ретте облыста тауарлы балық шаруашылықтарының санын арттыру жоспарланып отыр.
<blockquote>
 “Аралдың балық өнімдері Ресей, Қытай, Германия, Польша, Нидерланд, Грузия, Литва елдеріне нарыққа шығарылуда”,-деді облыстық табиғи ресрустар және табиғат пайдалануды реттеу басқармасының басшысы Бауыржан Шәменов.
</blockquote>
Облыс бойынша 10 көл тауарлы балық өсіретін шаруашылықтар жұмыс жасауда. Өткен жылы осы шаруашылықтармен 143 тонна балық өсіріліп, нарыққа шығарылды. Аймақтың балық өңдеу зауыттарын шикізатпен қамтамасыз ету мақсатында 2030 жылға қарай тауарлы балық өнімдерінің көлемін 2200 тоннаға жеткізу жоспарлануда.
<blockquote>
 “Одан бөлек, 6 айлықпен алдын ала есепке алып отырмыз. 1 шілдеде тағы қосымша облыстан көкөніс, бақша өнімдері, қарбыз дақылы, мақсары майы өнімдері шығарылды”,-деді облыстық ауыл шаруашылығы басқармасының басшысы Сейілбек Нұрымбетов.
</blockquote>

Қызылорда облысынан 47 мың тонна ауыл шаруашылығы тауары экспортталды

Kyzylorda-news.kz. Қызылорда аймағында облыс әкімінің ықпалымен ауыл кәсіпкерлерін қолдау бағытында несиелендіру жалғасады.
Микроқаржы ұйымының бірі «Қызылорда Өңірлік инвестициялық орталығы» 2014 жылдан бастап облыста ҚР қолданыстағы заңнамаларына сәйкес биылғы жылдың 31 қазанына дейін шектелген мерзімімен жұмыс жасап келді. Дегенмен облыс әкімінің тікелей атсалысуымен ауыл кәсіпкерлерін демеу шаралары оң шешіліп, 2025 жылдың 31 желтоқсанына дейін ұзартылды. Яғни облыс кәсіпкерлерінің, оның ішінде ауыл кәсіпкерлерінің бұрынғыдай тиімді шарттарда жобаларын несиелендіріп, іске асыру мүмкіндігі бар.
Бизнеске жәрдем беру үшін Орталыққа 5 жыл ішінде әртүрлі көздерден шамамен 7 млрд.теңгеге жуық қаржы тартылған. Жоба аясында шағын кәсіпкерлердің 1700-ден аса жобасына несие берілді.
Қаржылай қолдау шарасының нәтижесі 2 мыңнан аса жұмыссыз азаматтардың тұрақты жұмыспен қамтылуына септігін тигізді. Несиелендірілген жобалардың жартысынан астамы Нәтижелі жұмыспен қамту және жаппай кәсіпкерлікті дамытудың 2017-2021 жылдарға арналған «Еңбек» мемлекеттік бағдарламасына тиесілі.
Бүгінгі күні Орталық өңірдегі бизнесті несиелендіру саясатын жалғастыру үшін әртүрлі көздерден қаржы тарту мүмкіндіктеріне жол ашылмақ.

Қызылордада ауыл кәсіпкерлерін несиелендіру жалғасады

Kyzylorda-news.kz. Қазалы ауданында «Жұмыспен қамтудың 2020-2021 жылдарға арналған жол картасы» мемлекеттік бағдарламасының аясында құны 3 млрд 11 млн 89 мың теңге болатын 42 жоба іске асырылып жатыр. Осының нәтижесінде жүздеген тұрғынға жұмыс табылып, әлеуметтік нысандар жаңғыртылудан өткізілуде.
Бағдарлама шеңберінде Ғ.Мұратбаев ауылына табиғи газ жеткізіліп, Ақсуат ауылынан 150 орындық клуб салынады. Сондай-ақ көшелер жөнделіп, жарықтандырылады, әлеуметтік нысандар жаңғыртылады.
<blockquote>
 «Жол картасы» бағдарламасының негізгі мақсаты жұмыссыздар санын азайту. Осыған байланысты қолға алынған жобаларда аудан бойынша 600-ден астам адам жұмыспен қамтылады. Олардың жалақысы 85 мың теңгеден басталады, – делінген аудан әкімдігінің таратқан хабарламасында.
</blockquote>
<img src="https://kyzylorda-news.kz/wp-content/uploads/2020/07/116244116_2811312872422975_8563551555064068913_o.jpg" alt="" />
<img src="https://kyzylorda-news.kz/wp-content/uploads/2020/07/116336392_2811310889089840_2815047263852107425_o.jpg" alt="" />

Қазақстан және Қызылорда облысының жаңалықтары: Экономика