&nbsp;<a href="http://kyzylorda-news.kz">Kyzylorda-news.kz.</a> Сырдария ауданындағы «Ақжарма және К» шаруа қожалығы диқандары егінге орақ салып, Сыр салысын шашпай-төкпей жинап алудың қамына кірісті. Егінге орақ салу рәсіміне аудан әкімі Руслан Рүстемов, аудандық мәслихаттың хатшысы Ержан Әжікенов, ауыл ақсақалдары, шаруашылық төрағалары мен еңбеккерлер қатысты.
Алғашқы орақ салу шарасында аудан басшысы сөз сөйлеп, науқандық жұмысты бастаған ақжармалықтарға құттықтау лебізін жеткізді.
<blockquote>
 “Сыр күріші дегенде алдымен даңғайыр диқан Ыбырай Жақаевты айтамыз. Егін егуде рекордтық көрсеткішке жеткен дала кемеңгері «Егіншілік – ежелгі кәсіп, еңбекшіге – нәсіп» деген екен. Сол айтқандай, егінжай ерлері ала жаздай Сыр дақылының бап-күтімін жасады. Қазақстанның Еңбек Ері Абзал Ералиевтей жерлестерін мақтан тұтатын сырдариялық диқандар ырзық-несібесін жерден іздеп, алтын күзге ерекше мереймен жетіп отыр. Негізі әлемде күріш дақылы ғана судың ішінде тұрып өседі екен. Біз оны «Күміс күріш», «Сыр дақылы» деп ерекше атаймыз. Ауданда Сыр күрішін егетін ірі шаруашылықтар жұмысы жолға қойылып, шаруасы шираған. Солардың қатарындағы «Ақжарма және К» фермер қожалығы жыл сайын қамбаны астыққа толтырып, аудан мерейінің үстем болуына үлес қосуда. Биылғы жылы да шаруашылық диқандары мерей тұғынынан көрінеді деген сенімдеміз. Астықты шашпай-төкпей, ысырапсыз жинап алуға тілекшіміз. Қамба дәнге толсын”, – деді аудан әкімі.
</blockquote>
Құттықтаудан кейін кұрметті меймандар алғашқы егін орағының лентасын қиып, астықтың мол болуына тілектестік білдірді.
Биылғы жылы «Ақжарма және К» 1550 гектар жерге Сыр дақылын орналастырған. Егінді күтіп-баптауға шаруашылық диқандары ала жаздай еңбектеніп, маңдай терлерін төкті. Олар күріштікті уақытылы суарып, тыңайтқыштарын беріп, күндіз-түні егінжайды қадағалады. Жаз бойы күннің аптап ыстықтарына қарамай, бас көтерген күріштің түрлі ауруға ұшырамауына да жауаптылық танытты. Енді күріш піскен шақта бұйырған несібесіне қарай мол өнім алуға ниет етіп, оны ысырапсыз жинап алуға қамданған. Осы жылы шаруашылық құрылымы 99,7 млн теңгеге 13 дана ауыл шаруашылығы техникаларын сатып алған. Нәтижесінде, техникалар жаңаланып, науқанға сақадай сай дайындықпен кірісіп отыр.
<blockquote>
 “Биылғы жылы су тапшылығы болады деген соң егістік көлемін қысқартқан жайымыз бар. Егінге су жетіспеушілігін болдырмау мақсатында арнайы насостарды алдырдық. Диқандардың тынымсыз еңбегінің нәтижесінде егініміз бітік шығып, науқанды бастағалы тұрмыз. Бүгін №6 өндірістік бригаданың күріш өсірушісі Ермек Иманбаевтың егістік алқабына орақ түсті. Бұл жерге Ресейден жеткізілген «Партнер» күріш сорты егіліп, биыл тәжірибеден өткіздік. Негізі, шаруашылық егін егумен қатар мал шаруашылығымен де айналысады. Қазіргі таңда мемлекеттік бағдарламалар негізінде жылқы басын көбейтіп, қымыз өндірісін дамытуды көздеп отырмыз”, – деді шаруашылық төрағасы Қайрат Нұрсейітов.
</blockquote>
Төрағаның айтуынша, фермер қожалығының жұмысы ілгерілеген сайын ауылдың әлеуетін жақсартуға жұмыстар жасалуда. Атап айтқанда, әлеуметтік аз қамтылған отбасыларға көмек көрсетілуде, сондай-ақ шаруашылықта жұмыс істейтін жас мамандарға үй салынып берілуде. Жастарды қолдау шаралары іске асырылуда. Карантан кезеңінде дәрі-дәрмекпен қамтамасыз ету жұмыстары да шаруашылық есебінен ұйымдастырылған.
Өз кезегінде шаруашылықтың агрономы Ғалымбек Ізтілеуов тәжірибеден өткізілген күріш сортының өнімділігін атап көрсетті.
<blockquote>
 “Биыл шаруашылықтан 20 гектар жерге «Партнер» тұқымы егілді. Күріш тұқымы 2-3 жыл зерттеліп, Ресейдің Краснодар өлкесінен жеткізілді. Мұның өнімділігі мол көрінеді және суды аз қажет ететін тұқым саналады. Сонымен қатар күріш сабағы өте ұзын болмайды. Жаңа тұқым болған соң аурушаңдыққа төтеп бере алады. Биыл өңірде су тапшылығы сезілген соң осыны тәжірибеден өткізіп, егіп көрдік. Нәтижесі жаман емес. Осыдан жиналған астықты келер жылғы тұқымдыққа сақтап, егістік көлемін ұлғайтуды жоспарлап отырмыз”, – деді шаруашылық агрономы.
</blockquote>
Айта кетейік, биылғы жылы аудан бойынша ауыл шаруашылығы тауар өндірушілері 33110 гектар жерге ауыл шаруашылығы дақылдарын орналастырды. Оның ішінде, 21126 гектар жерге негізгі дақыл – күріш егілді.
<img src="https://kyzylorda-news.kz/wp-content/uploads/2020/08/118579375_739791693250392_7120320585987504711_o.jpg" alt="" />
<img src="https://kyzylorda-news.kz/wp-content/uploads/2020/08/118359108_739791573250404_3704306911952954885_n.jpg" alt="" />

Сырдарияда 21 мың гектар жерге күріш егілген

<a href="https://kyzylorda-news.kz/date/2020/08/26/">Kyzylorda-news.kz.</a> Бүгін Қызылорда қаласының әкімі Нұрлыбек Нәлібаевтың төрағалығымен аппараттық мәжіліс өтті.
Мәжіліс, шаһар басшысы қала әкімдігіндегі бірқатар кадрлық өзгерістермен таныстырып өтті.
Атап айтқанда, Қызылорда қаласы әкімінің өкімімен Шамұратов Пакуатдин Сыражадинұлы қалалық құрылыс бөлімінің басшысы, қалалықсайлау комиссиясының қорытындысымен Ибраимов Ардақ Әбдіғаппарұлы Белкөл кентінің әкімі, қала әкімінің өкімімен Сәдуақас Нұрсұлтан Шәкизадаұлы қала әкімі аппаратының электронды әкімдікті дамыту және мемлекеттік қызметтердің мониторингі бөлімінің басшысы қызметін тағайындалды.
Қалалық кәсіпкерлік, өнеркәсіп және туризм бөлімінің басшысы&nbsp;&nbsp;Бағлан Аманкелдиевтің баяндамасына сәйкес қазіргі таңда, Қызылорда қаласында 2020 жылдың 1 тамызына 25 мың 681 шағын кәсіпкерлік субъектілері тіркелген. Оның ішінде нақты жұмыс жасап тұрғаны 21&nbsp;526 нысанды құрауда. Бұл көрсеткіш өткен&nbsp; жылдың осы кезеңімен салыстырғанда 100,5% пайызды құрайды. Тіркелген кәсіпкерлік субъектілер ішінде белсенді кәсіпкерлік нысандар саны 83,8% көрсетуде. Облыс көлемінде жұмыс істеп тұрған шағын және орта кәсіпкерлік субъектілерінің 46,6%-ы Қызылорда қаласының үлесінде. Шағын және орта бизнес субъектілері тарапынан 51,8 млрд. теңгенің өнімі шығарылып, өткен жылдың тиісті кезеңімен салыстырғанда 5,7 пайызға өсті. Жұмыс жасап тұрған кәсіпкерлік субъектілерде 49 771 адам жұмыспен қамтылған.
Жыл басынан бері 1244 кәсіпкерлік субъекті тіркеліп, 1278 жаңа жұмыс орны ашылды. Экономикалық қызмет түрлері бойынша жұмыс істеп тұрған шағын және орта бизнес субъектілерінің ішінен айналымы 2 млн. теңгеден асатын субъектілер саны 2020 жылдың 1 тамызына 18975 бірлікке жетіп, өткен жылдың тиісті кезеңімен салыстырғанда &nbsp;11&nbsp; пайызға өсіп отыр.
<blockquote>
 «Бизнестің жол картасы 2025» бизнесті қолдау мен дамытудың бірыңғай бағдарламасы аясында бүгінгі таңда жалпы 54 жоба қолдау алса, оның ішінде 33 жоба қаржыландырылды. Сондай-ақ, екінші деңгейлі банктермен жоба құны 5 млрд. 188 млн. теңгені құрайтын 55 жобаның құжаттары қаралуда, – деді бөлім басшысы.
</blockquote>
«Қарапайым заттар экономикасын дамыту» бойынша басымдық берілген жобаларды жеңілдікпен несиелеу бағдарламасы жүзеге асырылған уақыттан бері қала бойынша жалпы құны 2 млрд. 549 млн. теңгені құрайтын 32 жоба қолдау алса, оның ішінде ағымдағы жылы жоба құны 411 млн.теңгені құрайтын 11 жоба қаржыландырылды. Өткен жылдың тиісті кезеңімен салыстырғанда 40 пайызға жоғарлаған.
Екінші деңгейлі банктермен қаржы ұйымдарында жоба құны 
1 млрд. 400 млн.теңгені құрайтын 3 жобаның құжаттары қаралуда.
Бұдан бөлек, жоба құны 235 млн. теңгені құрайтын 5 жобаның құжаттары жинақталуда.
Аппараттық мәжілісте көтерілген екінші мәселе бойынша атқарылған жұмыстар туралы қалалық жұмыспен қамту, әлеуметтік бағдарламалар және азаматтық хал актілерін тіркеу бөлімінің басшысы Индира Ақжігітова баяндама жасады.
Индира Сансызбайқызының баяндауынша ағымдағы жылдың 20-шы мамырдан бастап өңірімізде «Жұмыспен қамтудың 2020-2021 жылдарға арналған жол картасы» жүзеге асырылуда.
Қызылорда қаласы бойынша аталған жол картасы шеңберінде 97 жоба жүзеге асырылып және оған 18 млрд. теңге бөлінген. Аталған жол картасы бойынша Қызылорда қаласында&nbsp; 4 373 жаңа жұмыс орнының құрылуы және оның 50%, яғни 2187-сіне жұмыспен қамту орталығы, ал қалғаны мердігер құрылыс компаниясы тарапынан жұмыссыз азаматтар тартылуы қажет. Бүгінгі күні 3981 жұмыссыз азаматтар еңбекпен қамтылып, &nbsp;&nbsp;91 %-ға жоспар орындалды. Жалпы бұл көрсеткіш 2628 жұмыспен қамту орталығы арқылы жұмыссыз азаматтар еңбекке тартылып 120,3% орындалып отыр. Ал 100 мердігер құрылыс мекемелерімен 63,2% жұмыспен қамтамасыз етілген.
«Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған «Еңбек» мемлекеттік бағдарламасының» жүзеге асырылу барысының техникалық және кәсіптік біліммен және қысқа мерзімді кәсіптік оқумен қамтамасыз ету, жаппай кәсіпкерлікті дамыту, халықты жұмыспен қамтуға жәрдемдесу және еңбек ресурстарының ұтқырлығы арқылы еңбек нарығын дамыту бағыттары бойынша да біршама жұмыстар атқарылды.
Қоғамдық жұмыстар бойынша ағымдағы жылы 3685 адамға&nbsp; қаңтардан бастап 299 мекемемен келісімшарт жасалып, 2317 адам жұмысқа тартылды. Бұл бағыт бойынша уақытша жұмыс жасап, олардың тұрақты жұмысқа орналасқандары – 45 (4%) құрап отыр.&nbsp;&nbsp;
Әлеуметтік жұмыс орындарына 160 адамға республикалық және жергілікті бюджеттен 10 адамға, жалпы барлығы 170 адамға 84,2 млн. теңге жоспарланған. Жыл басынан бастап 105 мекемемен келісімшарт жасалып, 363 адам уақытша жолданды. Әлеуметтік жұмыс орындарынан тұрақты жұмысқа орналасқандары – 48 (36,4%).
Жастар практикасы бойынша республикалық бюджеттен 1 050 адамға және жергілікті бюджеттен 110 адамға бөлініп, барлығы 1160 адамға 461,1 млн. теңге бөлінген. Бағдарлама аясында уақытша жұмыспен қамтылғаны 1317 жас маман. Өңірдегі 595 мекемемен келісімшарт жасалды. Жастар практикасы бойынша тұрақты жұмысқа орналасқандары – 50 (21,5%).
Алдағы уақытта жоспарлы тапсырманың орындалуына қатысты шаралар толығынан қамтамасыз етілетін болады.
Мәжіліс соңында қала әкімі Нұрлыбек Машбекұлы жиында берілген тапсырмалардың орындалуын тиісті сала басшыларына тапсырды.
<img src="https://kyzylorda-news.kz/wp-content/uploads/2020/08/01-3-scaled.jpg" alt="" />
<img src="https://kyzylorda-news.kz/wp-content/uploads/2020/08/02-4-scaled.jpg" alt="" />

Қызылордада кәсіпкерлік субъектілерінің саны артқан

<a href="https://kyzylorda-news.kz/date/2020/08/26/">Kyzylorda-news.kz.</a> Бүгін аудан әкімі Асылбек Шаменов Таң ауылындағы «Таң ЛТД» ЖШС-ның егіс алқабында бірқатар ірі шаруашылық құрылымдарымен кездесіп, егінге алғашқы орақ салу рәсіміне қатысты.
Шара барысында Асылбек Өмірбекұлына ауданның ауыл шаруашылығы саласындағы даму көрсеткіштері таныстырылды.
<img src="https://kyzylorda-news.kz/wp-content/uploads/2020/08/118625354_1027972530988158_5410455522284677584_o.jpg" alt="" />
Жалпы биыл аймақта барлығы 36 731 гектар жерге ауыл шаруашылығы дақылдары орналастырылды. Негізгі дақыл күрiштің көлемі 21 600 гектар.
<blockquote>
 «Күріш біздің елдің, Сыр бойының негізгі байлығы. Ендігі мәселе осы байлықты шашпай-төкпей ысырапсыз жинап алып, халықтың игілігіне жарату. Бұл үшін барлық жағдай бар. Егін жинауда техника қашанда шешуші рөл атқаратыны белгілі. Биылғы егін жинау науқанына барлығы 994 дана техника қатысады»,-деді аудан әкімі Асылбек Шаменов.
</blockquote>
Сонымен қатар, аудан басшысы сала еңбеккерлерімен кездесіп, ауыл шаруашылық саласындағы жетістіктері үшін алғыс білдірді.
<img src="https://kyzylorda-news.kz/wp-content/uploads/2020/08/118397050_1027972870988124_3358698052045329168_o.jpg" alt="" />
Айта кету керек, «Таң ЛТД» жауапкершілігі шектеулі серіктестігі ағымдағы жылы 1912 гектар жерге ауыл шаруашылығы дақылдарын орналастырды. Былтыр серіктестіктің диқандары күріштің әр гектарынан 76 центнерден өнім алған.
Шаруашылық тек күріш егіп қана қоймай мал азығындық дақыл – жоңышқа да өндіріп келеді. Құрылымда 115 адам тұрақты жұмыс істейді.
<img src="https://kyzylorda-news.kz/wp-content/uploads/2020/08/118580629_1027972487654829_685166459202351141_o.jpg" alt="" />

Жалағаш ауданында егінге орақ түсті

<a href="https://kyzylorda-news.kz/">Kyzylorda-news.kz.</a> 26 тамыз сағат 11.00-дегі ақпарат бойынша <a href="https://infokazakhstan.kz/">InfoKazakhstan.kz</a> сайтына Қызылорда облысынан 9312 өтініш түсіп, оның 7701 кәсіпкерлік нысаны дайындық актісін алған, жұмыстарын кедергісіз жүргізуде. Ал тексеру арқылы іске қосылатын 151 нысан мониторингтік топты күтуде. Бұл туралы Кәсіпкерлер палатасы директорының орынбасары Пірмұхаммед Сыздықов мәлімдеді.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Қызылорда қаласы мен аудандар бөлінісінде кәсіпкерлердің тіркелуі төмендегідей:
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; – Қызылорда қаласы – 3269 кәсіпкерлік нысаны;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; – Байқоңыр қаласы – 137 кәсіпкерлік нысаны;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; – Арал ауданы – 1039 кәсіпкерлік нысаны;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; – Қазалы ауданы – 1192 кәсіпкерлік нысаны;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; – Қармақшы ауданы – 297 кәсіпкерлік нысаны;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; – Жалағаш ауданы – 286 кәсіпкерлік нысаны;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; – Сырдария ауданы – 501 кәсіпкерлік нысаны;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; – Шиелі ауданы – 551 кәсіпкерлік нысаны;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; – Жаңақорған ауданы – 428 кәсіпкерлік нысаны.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Ақпарат көрсетіп тұрғандай, ең жоғары көрсеткіш Қызылорда қаласы мен Арал, Қазалы аудандарында. Ең төменгі көрсеткіш Байқоңыр қаласы мен Жалағаш, Қармақшы аудандарында.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; 22 тамызда «Атамекен» ҰКП Басқарма Төрағасының бірінші орынбасары Эльдар Жұмағазиев: «Бас санитарлық дәрігер қаулысының шарттары бойынша бизнес өкілдері локдаун кезеңінде жұмысының тоқтауы-тоқтамауына қарамастан Infokazakhstan сайтында тіркеуден өтуге міндетті. Мұндай шешім кәсіпкерлердің барлығында тең алгоритмдер болып, ал тұтынушы санитарлық нормаларға сәйкестік актісіне қарай бағдарланып, өзін қауіпсіз сезінуі үшін қабылданды. Аталған құжат жауапкершілік танытқан бизнестің үлгісі болуы керек. Бизнестің өзін-өзі реттеуі, айыппұл салу саясатынан қоғамдық бақылауға қарай ауысу&nbsp; – тұрақты трендке айналуы тиіс», – деп ресми мәлімдеген болатын.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Айта кету керек, бизнес түрлерінің басым бөлігі, тексерусіз, хабарландыру тәртібінде іске қосылып, мониторингтік топтың келуін күтпей-ақ қызметін бастай алады.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Мониторингтік топтың тексеруі кәсіпкерлік қызметтің небәрі 5 түріне қолданылады: сауда және ойын-сауық орталықтары, азық-түліктік сауда базарлары, азық-түліктік емес базарлар, балалар сауықтыру лагерлері, бильярд және боулинг залдары.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;<a href="https://infokazakhstan.kz/">InfoKazakhstan.kz</a> сайтына тіркелу үшін кәсіпкерлерде электронды цифрлы қолтаңбасы болса жеткілікті. Техникалық мүмкіндігі жоқ, ЭЦП кілті қолында жоқ кәсіпкерлерге Кәсіпкерлер палатасының кеңесшілері кеңес беріп, дайындық актісін алуға көмек көрсетеді.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Портал жұмысына қатысты бизнесмендерге кеңес беру үшін 1432 байланыс орталығы (қоңырау шалу тегін), Қызылорда облысы бойынша 8 /7242/ 40-02-02 байланыс телефоны жұмыс істейді.
&nbsp;Сонымен қатар өзекті сұрақтарға жауап беру үшін t.me/infokazakhstan телеграм-канал іске қосылды.

InfoKazakhstan: Қызылордада 9312 кәсіпкер өтініш білдірді

Мемлекет басшысының жемқорлықпен күрес мәселелері жөніндегі кеңесте сөйлеген сөзі

<a href="https://kyzylorda-news.kz/">Kyzylorda-news.kz.</a> 14 тамызда жұмысын бастаған <a href="https://infokazakhstan.kz/">https://infokazakhstan.kz/</a> порталына бүгінге дейін 4990 кәсіпкер өтініш берген.
&nbsp;&nbsp;&nbsp;&nbsp;&nbsp;&nbsp;&nbsp;&nbsp; Өтініш берген кәсіпкерлердің 3924-і дайындық актісін алып, жұмысын жүргізуде. 330 кәсіпкер мониторингтік топты күтіп отырса, қалған өтініштер қаралуда.
&nbsp;&nbsp;&nbsp;&nbsp;&nbsp;&nbsp;&nbsp;&nbsp; <a href="https://infokazakhstan.kz/">https://infokazakhstan.kz/</a> порталы арқылы тексерусіз, хабарландыру түріндегі актісін алған кәсіпкерлердің бірі Қармақшы ауданындағы оқу орталығының иесі Манат Көбекова.
<blockquote>
 «Оқу орталығының жұмысын бастау үшін InfoKazakhstan платформасы арқылы дайындық актісін алдым. Оған дейін орталықты барлық санитарлық талаптарға сай дайындап қойған болатынмын. Актіні алу қиындық тудырмайды және көп уақытты алмайды. Тек электронды цифрлы қолтаңбаң болса жеткілікті. Барлық кәсіпкерлерді аталмыш порталда тіркеліп, жұмыс жасауға шақырамын», – дейді кәсіпкер.
</blockquote>
<img src="https://kyzylorda-news.kz/wp-content/uploads/2020/08/manat.jpeg" alt="" />
&nbsp;&nbsp;&nbsp;&nbsp;&nbsp;&nbsp;&nbsp;&nbsp; Ерекше мән беретін жайт, кәсіпкерлер <a href="https://infokazakhstan.kz/">https://infokazakhstan.kz/</a> өздері өтініш беріп, қызметті жылдам ала алады. Техникалық мүмкіндігі жоқ кәсіпкерлерге Кәсіпкерлер палатасының Қызылорда қаласы мен аудандардағы мамандары қызмет көрсетуде. Порталға тіркеу ақысыз, ТЕГІН.&nbsp;
&nbsp;&nbsp;&nbsp;&nbsp;&nbsp;&nbsp;&nbsp;&nbsp; Айта кету керек, ҚР Бас санитарлық дәрігердің қаулысына сәйкес кәсіпкерлер жұмысын InfoKazakhstan платформасына тіркеліп, жұмыс жасауға дайындық актісін алу арқылы бастай алады.
&nbsp;Бизнес түрлерінің басым бөлігі, тексерусіз, хабарландыру тәртібінде іске қосылып, мониторингтік топтың келуін күтпей-ақ қызметін бастай алады.
Жұмысты тексерусіз, хабарлама тәртібінде қайта бастауда ҚАРАПАЙЫМ ҮШ ҚАДАМ:
1-кадам. InfoKazakhstan сайтына кіріп, нысанды электронды цифрлық қолтаңба арқылы тіркеу.
2-қадам. Бас санитарлық дәрігердің қаулысынжүктеу және кәсібіңізге қойылған санитарлық талаптармен танысып, оны электронды цифрлық қолтаңба&nbsp; арқылы растау.
3-қадам. Жеке кабинетте және электронды поштада дайындық туралы актісін алып, жұмысты бастау.
Тексерудің болмауы, жауапкершіліктен босатпайды. Қоғамдық бақылау, кез келген келуші бұзушылық туралы ақпаратты бақылаушы органға жібере алады.
Мониторингтік топтың тексеруі кәсіпкерлік қызметтің небәрі 5 түріне қолданылады: сауда және ойын-сауық орталықтары, азық-түліктік сауда базарлары, азық-түліктік емес базарлар, балалар сауықтыру лагерлері, бильярд және боулинг залдары.
Егер кәсібіңіз көпшілік жиналатын нысандар, балалармен тактильді қатынас жасалатын бизнес түріне жатса, онда&nbsp; жұмысты бастауға рұқсатты алу үшін санитарлық талаптарға сай келу бойынша тексеруден өту қажет, яғни рұқсат беру тәртібі қолданылады. Бұл қажетті процедура деп санаймыз.
Порталда толтыру процедурасы да қиын емес.
1-қадам.InfoKazakhstan сайтына кіріп, нысанды электронды цифрлық қолтаңба арқылы тіркеп, бас санитарлық дәрігер қаулысын жүктеп, кәсіп түріне қойылған талаптармен танысу қажет. Талаптармен&nbsp; мұқият танысып, электронды цифрлық қолтаңба арқылы растау қажет!
2-қадам. Нысанды санитарлық талаптарға сәйкес дайындау.
3-қадам. Мониторингтік топтың тексеруінен өту.
4-қадам. Егер бәрі дұрыс болса, сайттағы жеке кабинеттен және электронды поштаға санитарлық нормаларға сәйкестік актісін – жұмысты қайта бастауға рұқсатты алып, жұмысты бастау.
Электронды рұқсатты басып шығарып, соның ішінде мониторингтік топтың келуі жағдайына қарай рұқсаттың қағаз көшірмесін іліп қою қажет.
Айырмашылық тексеруде ғана, егер өтінім берген соң нәтиже теріс шықса, онда тексеруден екінші рет өтуге болады.
Кәсіпкерлерге кеңес беру үшін 1432 байланыс орталығы тәулік бойы қызмет көрсетеді (қоңырау шалу тегін), Қызылорда облысы бойынша 8 /7242/ 40-02-02. Сонымен қатар t.me/infokazakhstan телеграм-канал іске қосылды, онда портал жұмысына қатысты соңғы жаңалықтар және бизнес өкілдеріне басқа қызықты ақпарат жарияланады.

Қызылордада 4990 кәсіпкер InfoKazakhstan платформасына өтініш берген

<a href="https://kyzylorda-news.kz/date/2020/08/18/">Kyzylorda-news.kz.</a> Өңірде негізгі дақыл күрішке алғашқы орақ салу тамыз айының 25 нен бастап, егін жинау науқанын 15 қазанға дейін толық аяқтау жоспарда. Сондай-ақ, Сыр дихандарының болжамына сәйкес, биылғы жылы егілген ақ күріштің әр гектарынан 50-55 центнерден өнім алу межеленуде. Бұл туралы Өңірлік коммуникациялар қызметінің ақпараттық алаңында облыстық ауыл шаруашылығы басқармасының басшысы Сейілбек Нұрымбетов мәлімдеді.
<blockquote>
 “Негізгі дақыл күрiштің көлемі 89,5 мың гектар. Облыста алғаш рет перспективалы дақылдар қант құмайы 70 гектарға, соя 240 гектарға, жүгері дақылы 1 667 гектарға дейін жеткізілді. Қазіргі таңда, бидай, арпа, сұлы дақылдарын жинау аяқталса, мақсары, картоп, көкөніс, бақша, жүгері дақылдарын жинау жұмыстары жалғасуда”,- деді Сейілбек Серғазыұлы.
</blockquote>
Егілген күріштен жоғары өнім алу мақсатында күріш егісіне 100 пайыз жоғары репродукциялы тұқымдар себілді және 67,5 мың гектар егіс тыңайтқыштармен үстеп қоректендірілсе, 65,6 мың гектары арам шөптерге қарсы өңделді. Нәтижесінде, ағымдағы жылы ораққа түсетін 89,5 мың гектар күріштің 64,4 мың гектарының жағдайы«жақсы», 22,3 мың гектары «орташа», 2,5 мың гектары «нашар» деп бағаланып, ораққа түспейтін көлем 0,3 мың гектарды құрап отыр.
Егін жинау жұмыстарына қатысатын техникалар толық дайын. Егін жинауға 1640 дана трактор, 843 дана комбайн, 458 дана жатка, 308 дана жүк көлігі және 764 дана трактор тіркемесі қатысады.

Қызылорда: Тамыздың соңында егінге орақ түседі

<a href="https://kyzylorda-news.kz/date/2020/08/18/">Kyzylorda-news-kz.</a> Қызылорда облысында ірі жобалар жүзеге асуда. Бүгінде екі жобаның құрылысы басталды. «Qazaq Camel» ЖШС-нің Түйе сүтінен жасалған құрғақ ұнтақ зауыты мен «Аралтұз» АҚ-ның қуаттылығы жылына 120 мың тонна тұз өндіретін үшінші испан цехы.
Мемлекеттік қолдау шарасы ретінде индустрияландыру аймағынан 1,5 га жер телімі беріліп, зауыт құрылысы 85%-ға аяқталды. Бұл туралы Өңірлік коммуникациялар қызметінің ақпарат алаңында өткен брифингте облыстық индустриялық-инновациялық даму басқармасы басшысының орынбасары Еламан Жолмырза мәлімдеді.
<blockquote>
 -Индустриялық жобаларға келетін болсақ, индустрияландыру бағдарламасының үшінші бесжылдығы аясында облыста құны 551,2 млрд.теңгені құрайтын импорт алмастыратын, бәсекеге қабілетті өнім шығаруға 23 жобамен жұмыс жүргізілуде (6,4 мың жұмыс орны). Осы жобалар аясында 37 млрд.теңге көлемінде инвестиция игерілетін болады. Биылғы жылы облыста аталған бағдарлама аясында жалпы құны 2,1 млрд.теңгені құрайтын 2 жобаның іске қосылуы жоспарлануда. Олар, Арал ауданындағы балық сүбесін өңдеу цехы, Қармақшы ауданындағы құс фабрикасы,-деді Еламан Қайыпұлы.
</blockquote>
<img src="https://kyzylorda-news.kz/wp-content/uploads/2020/08/117947394_1092185281176983_8254934214012337988_o.jpg" alt="" />
Сонымен қатар, жыл соңына дейін «Арал Сода» ЖШС-нің Кальциленген сода өндіру зауыты мен «ABK Prom Service» ЖШС-нің жоғары қысымды шыны пластикалық желілік және сорғы-компрессорлық құбыр зауыты құрылыстарын бастау жоспарлануда. Мемлекеттік қолдау шарасы ретінде индустриялық аймақтан 7 га жер телімі беріліп, бүгінгі күні құрылыс жұмыстарына дайындық жүргізілуде.

Қызылордада екі жобаның құрылысы басталды

<a href="https://kyzylorda-news.kz/date/2020/08/17/">Kyzylorda-news.kz.</a> «Атамекен» Ұлттық кәсіпкерлер палатасы бас санитарлық дәрігердің қаулысы шыққан күні InfoKazakhstan платформасын іске қосты. Платформа арқылы әр кәсіпкер қызметті жаңартуға өтініш бере алады. &nbsp;Бұл платформа, құрметті кәсіпкерлер, сіздерді кабинеттерді аралап, құжат жинаудан босатады.
InfoKazakhstan платформасына кірген бойда деректеріңіздің бір бөлігі (кәсіпорын атауы, БСН) автоматты түрде жүктелетіні маңызды, қалған формаларды толтыру небәрі 10-15 минут уақыт алады. Назар аударыңыздар, әзірге платформа сервисін десктоп-нұсқада – компьютер арқылы пайдалануға болады, мобильді нұсқа әзірлену үстінде.
Жұмысты бастауға рұқсат алудың тексерумен және тексерусіз екі түрі бар.
Бас санитарлық дәрігердің қаулысына сәйкес бизнес түрлерінің басым бөлігі, шамамен 90 пайызы тексерусіз, хабарландыру тәртібінде іске қосылатыны маңызды! Демек, мониторингтік топтың келуін күтпей-ақ қызметті бастауға болады.
Мониторингтік топтың тексеруі кәсіпкерлік қызметтің небәрі 5 түріне қолданылады: сауда және ойын-сауық орталықтары, азық-түліктік сауда базарлары, азық-түліктік емес базарлар, балалар сауықтыру лагерлері, бильярд және боулинг залдары.
&nbsp;Жұмысты тексерусіз, хабарлама тәртібінде қайта бастауда ҚАРАПАЙЫМ ҮШ ҚАДАМ:
1-кадам. InfoKazakhstan сайтына кіріп, нысанды электронды цифрлық қолтаңба арқылы тіркеу.
2-қадам. Бас санитарлық дәрігердің қаулысынжүктеу және кәсібіңізге қойылған санитарлық талаптармен танысып, оны электронды цифрлық қолтаңба &nbsp;арқылы растау.
3-қадам. Жеке кабинетте және электронды поштада дайындық туралы актісін алып, жұмысты бастау.
Тексерудің болмауы, жауапкершіліктен босатпайды. Қоғамдық бақылау, кез келген келуші бұзушылық туралы ақпаратты бақылаушы органға жібере алады.
Егер кәсібіңіз көпшілік жиналатын нысандар, балалармен тактильді қатынас жасалатын бизнес түріне жатса, онда &nbsp;жұмысты бастауға рұқсатты алу үшін санитарлық талаптарға сай келу бойынша тексеруден өту қажет, яғни рұқсат беру тәртібі қолданылады. Бұл қажетті процедура деп санаймыз.
Порталда толтыру процедурасы да қиын емес.
1-қадам.InfoKazakhstan сайтына кіріп, нысанды электронды цифрлық қолтаңба арқылы тіркеп, бас санитарлық дәрігер қаулысын жүктеп, кәсіп түріне қойылған талаптармен танысу қажет. Талаптармен&nbsp; мұқият танысып, электронды цифрлық қолтаңба арқылы растау қажет!
2-қадам. Нысанды санитарлық талаптарға сәйкес дайындау.
3-қадам. Мониторингтік топтың тексеруінен өту.
4-қадам. Егер бәрі дұрыс болса, сайттағы жеке кабинеттен және электронды поштаға санитарлық нормаларға сәйкестік актісін – жұмысты қайта бастауға рұқсатты алып, жұмысты бастау.
Электронды рұқсатты басып шығарып, соның ішінде мониторингтік топтың келуі жағдайына қарай рұқсаттың қағаз көшірмесін іліп қою қажет.
Айырмашылық тексеруде ғана, егер өтінім берген соң нәтиже теріс шықса, онда тексеруден екінші рет өтуге болады!
&nbsp;Әлем үнемі өзгеру үстінде, шарттар өзгереді, қазіргі жағдайда бизнеске қойылатын талаптар қатаңдатылуда. Мысалға, банкет залдары, бассейндер жұмысы әлі шектелген. Біз ілгері жүріп келеміз, Үкімет және жергілікті атқарушы органдармен барлық деңгейде күнделікті келіссөздер жүргізіп жатырмыз. Бизнестің жұмыс істеуі эпидемиологиялық ахуалға әсер етуі күнделікті әрі апта сайын бағаланатын болады. Бізге індеттің өршуін болдыртпау аса маңызды. Сіздердің, сондай-ақ нысанға келушілердің де жауапкершілігі аса маңызды. Дегенмен, бизнестің жауапкершілігі маңыздырақ!
Оқыту бейнероликтер, жаднамалар әзірленді, «Атамекен» ҰКП және өңірлік палаталарының байланыс орталықтары базасында техникалық қолдау көрсету қызметі іске қосылған. Сіздерді басқа да кәсіпкерлерді ақпараттандыруға шақырамыз.
Біздің – 1432 – бірыңғай байланыс орталығымыз күшейтілген режимде жұмыс істеуде! Бұл науқанның маңыздылығын ескере отырып, әр өңірде қолдау қызметі іске қосылған, кеңесшілер жұмыс істейді, олар телефон арқылы тіркеуден өтіп, қалай рұқсат алуға болатыны жайында көмек көрсетеді. Сондай-ақ біз электронды цифрлық қолтаңбаны алуға көмектесеміз, бұл бағытта Кәсіпкерлерге қызмет көрсету орталықтары мен Кәсіпкерлерді қолдау орталықтарындағы кеңесшілер көмек беруге дайын.
&nbsp;Осы маңызды мәселеде тиімді ынтымақтастыққа сенім артамыз! Санитарлық нормаларды сақтау – тексеруден өту, қоғамдық мониторинг жағдайында ғана емес, бірінші кезекте жеке қауіпсіздігіңіз, қызметкерлеріңіздің қауіпсіздігі, ұйымдарыңыздың беделі үшін қажет екенін атап өткім келеді!
<img src="https://kyzylorda-news.kz/wp-content/uploads/2020/08/kaz.jpg" alt="" />

«Атамекен» InfoKazakhstan платформасын іске қосты

<a href="https://kyzylorda-news.kz/">Kyzylorda-news.kz.</a> Қызылордада 1565 кәсіпкер InfoKazakhstan.kz платформасы арқылы кәсібін бастап кетті. Бұл туралы Кәсіпкерлер палатасы директорының орынбасары Пірмұхаммед Сыздықов айтты.
Кәсіпкерлер палатасы директорының орынбасарының айтуынша,&nbsp; 17 тамыз сағат 13.00-дегі ақпарат бойынша Қызылордадан 2050 кәсіпкер <a href="https://infokazakhstan.kz/">https://infokazakhstan.kz/</a> порталына тіркеліп, 1565 кәсіпкер жұмыс жасауға мүмкіндік беретін актісін алған. Өтініш берген 292 кәсіпкер мониторингтің топтың келуін күтуде екен.
14 тамызда ҚР Бас санитарлық дәрігердің қаулысы қабылданып, оған сәйкес бизнестің жұмыс бастау тәртібі белгіленді. Жоғары эпидемиологиялық қатерлерге байланысты кәсіпкерлік қызметке жұмыс істеуді электронды шешімдер жүйесі арқылы рұқсат беру туралы шешім қабылданды.
«Атамекен» Ұлттық кәсіпкерлер палатасы бас санитарлық дәрігердің қаулысы шыққан күні InfoKazakhstan платформасын іске қосты. Платформа арқылы әр кәсіпкер қызметті жаңартуға өтініш бере алады.&nbsp; Бұл платформа кәсіпкерлерді кабинеттерді аралап, құжат жинаудан босатады.
<blockquote>
 «InfoKazakhstan платформасына кірген бойда деректеріңіздің бір бөлігі (кәсіпорын атауы, БСН) автоматты түрде жүктелетіні маңызды, қалған формаларды толтыру небәрі 10-15 минут уақыт алады. Назар аударыңыздар, әзірге платформа сервисін десктоп-нұсқада – компьютер арқылы пайдалануға болады, мобильді нұсқа әзірлену үстінде. Жұмысты бастауға рұқсат алудың тексерумен және тексерусіз екі түрі бар», – дейді Пірмұхаммед Сыздықов.
</blockquote>
ҚР Бас санитарлық дәрігердің қаулысына сәйкес бизнес түрлерінің басым бөлігі, шамамен 90 пайызы тексерусіз, хабарландыру тәртібінде іске қосылады. Кәсіпкерлер мониторингтік топтың келуін күтпей-ақ қызметті бастай алады.
Мониторингтік топтың тексеруі кәсіпкерлік қызметтің 5 түріне қолданылады: сауда және ойын-сауық орталықтары, азық-түліктік сауда базарлары, азық-түліктік емес базарлар, балалар сауықтыру лагерлері, бильярд және боулинг залдары.
Жұмысты тексерусіз, хабарлама тәртібінде қайта бастауда ҚАРАПАЙЫМ ҮШ ҚАДАМ:
1-кадам. InfoKazakhstan сайтына кіріп, нысанды электронды цифрлық қолтаңба арқылы тіркеу.
2-қадам. Бас санитарлық дәрігердің қаулысын жүктеу және кәсібіңізге қойылған санитарлық талаптармен танысып, оны электронды цифрлық қолтаңба&nbsp; арқылы растау.
3-қадам. Жеке кабинетте және электронды поштада дайындық туралы актісін алып, жұмысты бастау.
Тексерудің болмауы, жауапкершіліктен босатпайды. Қоғамдық бақылау, кез келген келуші бұзушылық туралы ақпаратты бақылаушы органға жібере алады.
Егер кәсібіңіз көпшілік жиналатын нысандар, балалармен тактильді қатынас жасалатын бизнес түріне жатса, онда&nbsp; жұмысты бастауға рұқсатты алу үшін санитарлық талаптарға сай келу бойынша тексеруден өту қажет, яғни рұқсат беру тәртібі қолданылады. Бұл қажетті процедура деп санаймыз.
Порталда толтыру процедурасы да қиын емес.
1-қадам.InfoKazakhstan сайтына кіріп, нысанды электронды цифрлық қолтаңба арқылы тіркеп, бас санитарлық дәрігер қаулысын жүктеп, кәсіп түріне қойылған талаптармен танысу қажет. Талаптармен&nbsp; мұқият танысып, электронды цифрлық қолтаңба арқылы растау қажет!
2-қадам. Нысанды санитарлық талаптарға сәйкес дайындау.
3-қадам. Мониторингтік топтың тексеруінен өту.
4-қадам. Егер бәрі дұрыс болса, сайттағы жеке кабинеттен және электронды поштаға санитарлық нормаларға сәйкестік актісін – жұмысты қайта бастауға рұқсатты алып, жұмысты бастау.
Электронды рұқсатты басып шығарып, соның ішінде мониторингтік топтың келуі жағдайына қарай рұқсаттың қағаз көшірмесін іліп қою қажет.
Айырмашылық тексеруде ғана, егер өтінім берген соң нәтиже теріс шықса, онда тексеруден екінші рет өтуге болады!
Жұмыс бастауға көмектесетін www.infokazakhstan.kz сайтының функционалы кеңеюде, атап айтқанда айдар тетіктері жақсарды, кәсіпкерлер тізімі жаңартылды, сауда және ойын-сауық орталықтары, бизнес орталықтарды жалға алушылар, сондай-ақ базардағы жалға алушылар қосылды.
Кәсіпкерлерге кеңес беру үшін 1432 байланыс орталығы тәулік бойы қызмет көрсетеді (қоңырау шалу тегін), Қызылорда облысы бойынша 8 /7242/ 40-02-02. Сонымен қатар t.me/infokazakhstan телеграм-канал іске қосылды, онда портал жұмысына қатысты соңғы жаңалықтар және бизнес өкілдеріне басқа қызықты ақпарат жарияланады.

InfoKazakhstan.kz: Қызылордада 1565 кәсіпкер кәсібін бастады

<a href="https://kyzylorda-news.kz/">Kyzylorda-news.kz.</a> Бүгін облыс әкімі Гүлшара Әбдіқалықова өңірдегі бизнес өкілдерімен кездесті. Жиында отандық өнім өндіру және жергілікті тауарөндірушілерді қолдау шаралары мен өндеу салаларының дамуы туралы мәселелер жан-жақты талқыланды.
Карантин кезінде кәсіпкерлерді қолдау бағытында бірқатар шаралар атқарылды. Атап айтқанда, салық жүктемесін азайту, кәсіпкерлік нысандарды тексеруді шектеу, бизнесті қаржыландырудың қолжетімділігін арттыру, басым бағыттарды қолдау тетігін күшейту және несие мөлшерлемесін төмендетуде бизнес иелеріне жәрдем берілді.
Өңірде 51 мыңнан аса кәсіпкер салық жеңілдігін алса, 9 мыңға жуық бизнес иелері міндетті әлеуметтік медициналық сақтандыру төлемінен босатылды. Сонымен бірге шағын орта кәсіп субъектілеріне мемлекеттік мүлікті жалға беруде 365 қосымша келісімдер жасалды.
Мұнан бөлек, аймақта 8 мыңға жуық шағын кәсіп иелері несиені кейінге шегеру мүмкіндігіне ие болды. Бұл қолдауды 15 қыркүйекке дейін ұзарту жұмыстары жүруде.
Карантин жағдайына қарамастан, мемлекеттік бағдарламалар аясында несие портфелінен 9,6 млрд.теңге қаралып, 600 жобаға қолдау көрсетілген. Жыл аяғына дейін тағы 700-ге жуық жоба қолдау табады.
Кездесу барысында облыс әкімі екінші деңгейлі банктермен келісім жасауда несиелік лимиттерді ұзарту мәселесін қозғады.
<blockquote>
 “Бүгінгі күні карантин жағдайын ескере отырып, екінші деңгейлі банктердің басшыларымен кепіл саясатына қойылатын талаптарды жеңілдету туралы келіссөздер жүргізудеміз. Сонымен бірге банктердің филиалын ашу мәселелерін қарап жатырмыз”,-деді облыс әкімі.
</blockquote>
<img src="https://kyzylorda-news.kz/wp-content/uploads/2020/08/fb_img_1597395586338.jpg" alt="" />
Карантин уақытында бизнесті қолдау бағытына арналған бағдарламаларға қаржы бөлу тоқтаған емес. Мәселен, “Қарапайым заттар экономикасы” бағдарламасына бөлінетін қаржы 1,5 есеге, “Бизнестің жол картасы 2025” бағдарламасына қаралған қаржы 2 есеге артқан.
Жиын барысында өңір басшысы бизнес иелеріне өндеу өнеркәсібін дамытуға шақырып, белсенді инвестиция тартып, аймақтың экономикалық даму көрсеткішін жақсарту арқылы аймақ халқының әлеуметтік ахуалын жақсарту қажеттігін атап өтті.
<blockquote>
 “Қазір біздің өңірде 6 ірі жоба іске асып жатыр. Осы жобалар аясында өндіріс орындарын ашып алуға болады. Мәселен, цемент зауыты арқылы қапшықтар шығаруға болады, сонымен бірге доломит ұндарын шығаратын кәсіпорын құруға мүмкіндігіміз ашылады”,-деді аймақ басшысы.
</blockquote>
Кездесу соңында облыс әкімі сала басшыларына бірқатар нақты тапсырмалар жүктеп, мемлекет пен бизнестің әріптестігін дамытуға үлес қосып жүрген кәсіпкерлерге алғысын айтты.
<img src="https://kyzylorda-news.kz/wp-content/uploads/2020/08/fb_img_1597395600915.jpg" alt="" />

Гүлшара Әбдіқалықова өңірдегі бизнес өкілдерімен кездесті

Kyzylorda-news.kz. Қызылорда облысындағы 300-ге жуық кәсіпкерге мүлік салығынан жеңілдік берілді. Бұл туралы Өңірлік коммуникациялар қызметінің ақпарат алаңында өткен брифингте Қызылорда облысы бойынша Мемлекеттік кірістер департаментінің басшысы Ғалымжан Орынов баяндады.
“Карантин кезінде қоғамдық тамақтану орны, қонақ үй және ірі сауда объектілері, ойын-сауық орталығы, театр, көрме залдары, спорт құрылыс жайларының объектілеріне салық төлеушілер «0»-дік коэффициент қолданады. Яғни аталған объектілер бойынша мүлік салығы есептелмейді. Сондай-ақ, салық салудың жалпыға белгіленген тәртібімен жұмыс істейтін кәсіпкерлердің жеке табыс салығының мөлшеріне де «0» түзету коэффициенті енгізілді, яғни 31-желтоқсанға дейін есептелетін жеке табыс салығының мөлшері “0” коэфициентімен есептеліп, аталған салық түрінен босатылады. Бұған қоса, жеке практикамен айналысатын тұлғаларға 1-қазанға дейін жеңілдік берілді», – деді Ғалымжан Қалдыкөзұлы.
Сонымен қатар, еңбек ақы төлеу қорынан ұсталатын төлемдерге де жеңілдіктер қарастырылған.
<blockquote>
 “Жұмыс беруші жұмыскеріне есептелетін төлем көзінен ұсталатын жеке табыс салығы және әлеуметтік төлемдерді төлеуден босатылды. Яғни микро, шағын, орта бизнес субьектілерінің аударуға тиіс жеке табыс салығы және әлеуметтік төлемдерін 1 қазанға дейін төлемейді”,- деді департамент басшысы.
</blockquote>
Брифингте департамент басшысы арнаулы салық режимін қолданатын, яғни оңайлатылған салық декларациясымен патент бойынша бірыңғай жер салығын төлеушілер 3 жыл мерзімге салық төлеуден босатылғанын айтты. Бірақ салық есептілігінде тапқан табыстарын толық көрсетіп, тиісті құжаттарын мерзімінде өткізіп, есептелген жеке табыс салығы мен әлеуметтік салық сомаларын 0-дік көрсеткішке түзей алады.

Қазақстан және Қызылорда облысының жаңалықтары: Экономика