<a href="https://kyzylorda-news.kz/">Kyzylorda-news.kz</a> &nbsp; Арал ауданының әкімі Аманжол Оңғарбевтың төрағалығымен мәжілістің кеңейтілген отырысы өтті. Аудан басшысы алдымен облыс әкімінің жиналысында көтерілген мәселе – автожол саласын дамыту жұмыстарына тоқталды.Биылғы жылы жол инфрақұрылымын дамытуға бюджеттен барлығы 3,9 млрд. теңге бөлінген болса бүгінгі күнге дейін сол қаржының 43,5 пайызы игерілген. Ал жылдың соңына дейін қалған қаржыны толығымен игеру межесі тұр. Осы мәселені сын садағына алған аудан басшысы жауапты сала мамандарын мәселеге сергек қарауға шақырды.Сондай-ақ ауданаралық жолдарды жөндеу жұмыстарының барысы туралы тиісті сала басшыларының жауабын тыңдады. Жол мәселесіне қатысты индикаторлық көрсеткіштер көңіл көншітпейтінін айтқан аудан әкімі бұл мәселеде салыстырмалы көрсеткіш белгіленген межеге сай болуы керектігін тапсырды. Сонымен қатар осы мәселеге жауапты сала басшыларына бірқатар тапсырмалар жүктеді.Келесі мәселе аудан аумағында орын алып жатқан жол көлік оқиғалары. Ағымдағы жылдың 6 айындағы көрсеткіш 8,3 пайызға төмендегенмен жарты жылдықта 5 адам қаза тауып, 16 адам түрлі дене жарақатын алған. Демек мәселеге әлі де сергек қарау керек. Жыл басынан бері жол ережесін бұзғаны үшін 18 мопед жүргізушісіне әкімшілік шара қолданылса, қауіпсіздік ережелерін сақтамаған 4 скутер жүргізуші жасөспірім тиісті жауапкершілікке тартылған. Аудан әкімі осы көрсеткіштерден туындайтын мәселені ұдайы назарда ұстап, жол қауіпсіздігі ережелерін қатаң сақтау керектігіне баса мән берді. Сондай-ақ жауапты сала мамандарына тапсырма жүктеп, Арал қаласынан мопед, скутерлердің жүруіне арналған арнайы жолақтарды салу бойынша арнайы ұсыныс әзірлеуді тапсырды.Мәжіліс барысында аудан әкімі жылу беру маусына дайындық барысын пысықтап, қыстың қамын жаз ойлау керектігін ауыл әкімдері мен жауапты сала мамандарына тапсырды. Әсіресе ауданда қатты отын қорының жеткілікті мөлшерде болуын назарға алып, осы мәселеде операторлармен келссөздерді осы кезден бастап жүргізу керектігін жеткізді. Жауапты кезеңде ешқандай мәселе туындамауы керектігін ескерткен аудан басшысы осы бастан жылу беру маусымына дайындықты қатаң бақылауда ұстайтындығын айтты.2024 жылы ауданда жаңадан 2 999 жұмыс орнын ашу жоспарланса, 6 айдың қорытындысымен 1 652 жұмыс орны ашылып, жоспар 55,1 пайызға орындалған. Оның ішінде, тұрақты жұмыстың ашылуы 39 пайызды құрайды. Демек жарты жылдың қорытындысы бойынша көрсеткіш әлі де көңіл көншітпейді. Осы мәселені назарға алған аудан әкмі ауыл әкімдеріне жұмысты жандандыру керектігін, сонымен қатар көрсеткіштер мен қолға алынған жұмыстар уақытылы дерекқорға енгізіліп отыру керектігін айтып өтті.Кезекті мәселе «Адал адам» тұжырымдамасының орындалу барысы. Осы жылы облыс әкімінің бастамасымен «Адал адам» рухани-мәдени орталығының тұжырымдамасы қабылданып, 7 бағыт бойынша түрлі іс-шаралар ұйымдастырылуда. 6 айдың қорытындысымен тұжырымдама аясында ірілі-ұсақты 599 шара өткізілген. Бұл бағытта әлі де жұмыс істеу керектігін айтқан аудан әкімі мамандардың уәжін тыңдап, жыл соңына дейін мәселені толық шешуді тапсырды. Сондай-ақ нәтиже қатаң сұралатынын айтып, қала, кент, ауылдық округтердегі «Адал адам» орталықтарының жұмысына қатысты бақылау ұдайы назарда болатындығын жеткізді.Аудан әкімі А.Оңғарбев мәжілісті қорытындылай келе «Таза Қазақстан» ауқымды акциясы аясында өтінім беру сервисі іске қосылғандығын жеткізді. Платформаға еліміздің әрбір тұрғыны қала мен елді мекендердің экологиялық проблемаларын, жинақталған тұрмыстық қатты қалдықтарды суретке түсіріп, өз өтініштерін жолдайды. Алдағы уақытта өтініштерге шұғыл түрде кері байланыс орнатылуы керектігін жауапты бөлімге жүктеді.

Үйлесімді жұмыс ілгері басады

<a href="https://kyzylorda-news.kz/">Kyzylorda-news.kz</a> Шілденің шіліңгір ыстығы Батыс Қазақстан мен Оңтүстік өңірлерде қатты сезіледі.&nbsp;Биыл құрғақшылық болады деген аймақтардың ауқымы едәуір кеңейе түсті. «Қазгидромет» жыл басында жариялаған шілде айының болжамын қайта жаңартты, деп хабарлайды<a href="https://kyn.kz/35567/azgidromet-shildede-bir-atar-ayma-ta-r-a-shyly-bolady"> KYN.KZ</a> ақпарат агенттігі хабарлады.Метеоқызмет мамандарының мәліметінше, шілденің шіліңгір ыстығы Батыс Қазақстан мен Оңтүстік өңірлерде қатты сезіледі.&nbsp;Құрғақ ауа райы, әсіресе, Жамбыл, Алматы мен Шығыс Қазақстан облысының таулы аймақтарына болады деп болжануда. Ал бұған дейін кенезесі кепкен Орталық Қазақстан облысында ылғалды ауа райы күтіледі.Фото: Нұрболат Нұржаубай

Қазгидромет: шілдеде бірқатар аймақта құрғақшылық болады

<a href="https://kyzylorda-news.kz/">Kyzylorda-news.kz</a> Қалалық құрылыс бөлімінің басшысы Жеңісбек Файзуллаев брифинг берді.<blockquote>– Бүгінгі таңда Қызылорда қаласында халықты баспанамен қамту көрсеткіші артып келеді.&nbsp;Өткен жылы тұрғын үй құрылысын дамыту мақсатында өңірімізде алғаш рет Сол жағалау тұрғын ауданынан 504 пәтерді құрайтын 7 қабатты 6 тұрғын үйдің құрылысы басталған болатын. Қазіргі таңда негізгі құрылыс жұмыстары аяқталып, абаттандыру, сыртқы және ішкі әрлеу жұмыстары жүргізілуде. Сонымен қатар, Сол жағалаудан 470 пәтерді құрайтын 10 көпқабатты тұрғын үйдің құрылысы аяқталды, бүгінде абаттандыру жұмыстары жалғасуда. Жоспардың бірі, 84 пәтерлі жеті қабатты 10 тұрғын үйдің құрылыс жұмыстарын жүргізуге жоба-сметалық құжаттары әзірленуде. Бұдан бөлек, жыл соңына дейін мыңнан аса пәтердің құрылысын аяқтап, пайдалануға берілетін болады,&nbsp;– деді Жеңісбек Исламұлы.</blockquote>«Инженерлік инфрақұрылымды дамыту» бағдарламасы аясында Арай мөлтек ауданындағы Мәуелі көшесіне ауыз су желісі құрылысы, "Бәйтерек" ықшам ауданындағы тұрғын үйлерді газбен жабдықтау және сумен жабдықтау желілерінің құрылысы, Жас Алаш және Теректі, Сарысу көшелеріне электрмен жабдықтау құрылысы және Сарысу көшесіне ауыз су құрылысы жүргізілуде. Бұдан бөлек, Белкөл кентіндегі Жерұйық, Сарыарқа, Бірлік көшелеріне электр желісі жүргізілсе, Қызылжарма аумағындағы 1,2,3 ауданында (35 көшеге) 38,25 км тас төселді.«Ауыл-Ел бесігі» жобасы шеңберінде Қызылжарма, Ақсуат, Досан, Қараөзек ауылы, Қараөзек бекеті, Айнакөл ауылдарындағы тозығы жеткен электр желісі қайта жаңғыртылып, жаңадан қоныстанушы аумақтарға жаңадан электр желісі жүргізілетін болады.«Сумен жабдықтау және су бұру жүйесін дамыту» бағдарламасы негізінде қаланың орталық бөлігінің кәріз желілері қайта жаңғыртылады. Универсам, Шымбай аумағында сумен жабдықтау және су бұру желісін қайта жаңғырту жобасы аяқталатын болады. Орталық бөлігінің кәріз желілерін қайта жаңғырту жобасы аясында 6,9 км кәріз желісі жаңғыртылады. Майлықұм көшесінің бойымен ауыз су желісінің 3,88 шақырым құрылысы жүргізіледі. Сондай-ақ, құрылысы 2023 жылы басталған "Қызылорда қаласында ағын суларды тазарту қуаты тәулігіне 70,0 мың м3 биологиялық тазарту станциясын жаңарту және автоматтандыру" жобасы аяқталады. Нәтижесінде Титов тұрғын ауданындағы жағымсыз иіс азаятын болады.КБИ ауданында Жаппасбай батыр көшесіне, Әуезов көшесіне және Арай ш/а көтергіш сорғы станциялары салынатын болады.Келесі, ауқымды жобаның бірі – Сабалақ елді мекені мен Баймұрат батыр ауылына газ желілерін тарту жұмыстары басталатын болады. «Газ тасымалдау жүйесін дамыту» бағдарламасы шеңберінде Қызылөзек ауылдық округінің 3 елді мекенінде газ құбырын және кварталішілік газ тарату желілерін салу» жұмысының жоба сметалық құжаттарын әзірлеу жұмыстары бастау алатын болады.

Сабалақ елді мекені мен Баймұрат батыр ауылына газ желілерін тарту жұмыстары басталады

<a href="https://kyzylorda-news.kz/">Kyzylorda-news.kz</a> &nbsp;ҚР Парламенті Мәжілісіндегі «AMANAT» партиясы фракциясының мүшелері Мархабат Жайымбетов, Мұрат Абенов және Мұрат Ергешбаев Сыр өңіріндегі жұмыс сапары барысында қала тұрғындарын жеке мәселелері бойынша қабылдады.Қабылдауға партияның облыстық филиалының Атқарушы хатшысы Ләйлә Төрешова, партияның қалалық филиалының төрағасы Ибадулла Құттықожаев, қала әкімдігінің сала басшылары және жауапты мамандар қатысты.Қабылдау барысында тұрғындар Семей ядролық полигонынан зардап шеккен азаматтар жайы, кәсіпкерлерге қолдау көрсету, темір жол салалары бойынша талап-тілектерін білрідіп, заңнамалық тұрғыда кеңес алды.&nbsp;

Мәжілістегі фракция мүшелері азаматтарды қабылдады

<a href="https://kyzylorda-news.kz/">Kyzylorda-news.kz</a> &nbsp;Кеше партияның қалалық филиалының Саяси кеңес және Саяси кеңес Бюросының бірлескен отырысы өтті.Жиынның күн тәртібінде Қызылорда қаласына қарасты ауылдық округтерде атқарылған жұмыстар талқыланды. Отырысқа партияның қалалық филиалының Төрағасы Ибадулла Құттықожаев, партияның қалалық филиалының Атқарушы хатшысы Гүлшат Мұсаева, Саяси кеңес және Саяси кеңес Бюросының мүшелері, фракция мүшелері, ауыл әкімдері қатысты.Бірлескен отырыста Қарауылтөбе, Ақжарма ауылдық округінің және Белкөл кентінің әкімдері елді мекенде атқарылған жұмыстарға тоқталды.Жалпы, партияның Сайлауалды бағдарламасы аясында аталған елді мекендерде бірқатар шаралар жүзеге асқан болатын. Атап айтқанда, Қарауылтөбе ауылдық округінде өткен жылы 150 орындық ауылдық клуб ел игілігіне табысталды. Ал Белкөл кентінде тұрғындардың сұранысы бойынша темір жол үстінен өтетін жаяу жүргішілер көпірі пайдалануға берілді. Сонымен қатар, Сайлауалды бағдарлама аясында Ақжарма ауылдық округін көгілдір отынға қосу мәселесі де алдағы жылдарға жоспарланған.Басқосуда ауыл әкімдері елді мекендердің әлеуметтік-экономикалық өсу қарқыны мен білім, денсаулық, қоғамдық ахуал және әлеуметтік инфрақұрылым мәселелерінің іске асуын баяндады.Саяси кеңес пен Саяси кеңес Бюросы мүшелері тарапынан жергілікті билік өкілдеріне балалардың уақытын тиімді пайдалану, жаз мезгіліндегі санитарлық тазалық,&nbsp;Конго-Қырым геморрагиялық қызбасыныңалдын алу шаралар және білім, жұмыспен қамту салалары бойынша тиісті ұсыныстар жолданып, талқыланды.&nbsp;

Партияның қалалық филиалының саяси кеңес отырысы өтті

<a href="https://kyzylorda-news.kz/">Kyzylorda-news.kz</a> &nbsp;Қызылорда қалалық жұмыспен қамту және әлеуметтік бағдарламалар бөлімінің басшысы Кенжегүл Құрақбаева және «Қызылорда қаласының Мансап орталығы» филиалының директоры Жақсылық Тулегенов І жарты жылдықта атқарылған жұмыстар мен алдағы жоспарлар туралы баяндады.Қазіргі таңда қала бойынша 19 118 көп балалы ана бар. Оларға республикалық бюджеттен бала санына қарай арнаулы мемлекеттік жәрдемақы ай сайын төленуде.&nbsp;<blockquote>– Атаулы әлеуметтік көмек алушы отбасылардың көмекке мұқтаждығына тексеру жүргізу бойынша мониторингтік жұмысшы топ құрылып, ай сайын аралау жұмыстарын жүргізіуде. Зерттеу барысында атаулы әлеуметтік көмек алушы отбасылар ішінде жалдамалы пәтерде тұрмайтын, жеке кәсіпкерлерден жұмыстан шыққан немесе жалған мәлімет берген азаматтар анықталып, 254 отбасыға тағайындалған атаулы әлеуметтік көмек төлемі тоқтатылды, – деді Кенжегүл Құрақбайқызы.</blockquote>Айта кету керек, 182 жалғыз басты бөгде адамның көмегіне мұқтаж қарттарға 24 әлеуметтік қызметкермен 7 түрлі үйден арнаулы әлеуметтік қызметтер көрсетілуде. «Мүгедектігі бар балаларға үйден арнаулы әлеуметтік қызмет көрсету» бөлімшесінен қызмет алушы 223 мүгедектігі бар балаға жыл көлемінде бектілген іс-шара жоспарына сәйкес арнаулы әлеуметтік көмек көрсетілуде.Өткен жылдан бастап «Қызылорда қаласының отбасын қолдау орталығы» коммуналдық мемлекеттік мекемесі құрылып, жұмыс атқаруда. Орталықтың функцияларына өмірлік қиын жағдайға тап болған немесе оның туындау қауіп-қатері бар отбасыларды анықтау, консультациялық қызметтер көрсету, психологиялық қолдау, оқыту семинарларын, мастер-класстар, тренингтер және іс-шаралар өткізу, тұрмыстық зорлық-зомбылықтың алдын алу жөніндегі жұмыстарды ұйымдастыру, демеушілердің көмегімен қайырымдылық акцияларын ұйымдастыру жатады.<blockquote>– Орталық мамандарымен жыл басынан бастап 2197 отбасына, оның ішінде баспана мәселесіне байланысты 217, жеке консультациялар түрінде 903, құқықтық консультациялар 198, гуманитарлық көмек туралы 879 адамға кеңес беріліп, суйемелдеу жұмыстары жүргізілуде, - деді Жақсылық Төлегенов.</blockquote>Жыл басынан бастап 1355 азамат тұрақты жұмыспен қамтылса, жыл көлемінде тағы 1 307 азаматты жұмыспен қамту жоспарланып отыр. «Халықты жұмыспен қамтуға жәрдемдесу және еңбек ресурстарының ұтқырлығы арқылы еңбек нарығын дамыту» бағыты бойынша қоғамдық жұмыстарға 3172 адам, әлеуметтік жұмыс орындарына 100 адам, жастар тәжірибесіне 328 жас маман, «Алғашқы жұмыс орны» жобасымен 26 жас маман жұмысқа жолданды. «Ұрпақтар келісімшарты» жобасымен 5 адамға жолдама беріледі.Бұдан бөлек, осал топтарға арналған мемлекеттік гранттар беру бағыты аясында Business.enbek.kz порталында 2024 жылдың сәуір айынан бастап 1-лек бойынша жаңа бизнес-идеяларды іске асыру үшін мемлекеттік гранттар алуға өтінімдер қабылданып, 231 адамға мемлекеттік грант берілді. 2-лек бойынша шілде айында өтінімдер қабылданады. Қызылорда қаласы бойынша 520 адамға грант беру жоспарланған. Сондай-ақ, жұмыспен қамту мақсатында 7 рет «Бос жұмыс орындары» жәрменкесі өткізіліп, 155 жұмыс беруші мекемелерден 1049 бос жұмыс орындары ұсынылды. Нәтижесінде 244 адамға жұмысқа жолдама беріліп, 113 адам тұрақты жұмысқа орналасты.Фото: Нұрболат Нұржаубай

254 отбасыға тағайындалған атаулы әлеуметтік көмек төлемі тоқтатылды

<a href="https://kyzylorda-news.kz/">Kyzylorda-news.kz</a> 3 шілде күні таңертең Ресей президенті Владимир Путин Астанаға келді, деп хабарлайды <a href="https://kaz.zakon.kz/kogam-tynysy/6045248-vladimir-putin-astanaa-keld.html">Zakon.kz.</a>Қазақстан үкіметінің баспасөз қызметінің хабарлауынша, Ресей Федерациясының Президенті Владимир Путинді әуежайда Қазақстан Республикасының Премьер-Министрі Олжас Бектенов қарсы алды.Владимир Путин Шанхай ынтымақтастық ұйымының саммитіне қатысады.ШЫҰ-ны 2001 жылы алты мемлекет — Қазақстан, Қытай, Ресей, Қырғызстан, Тәжікстан және Өзбекстан құрған. Кейінірек бірлестікке Иран, Үндістан және Пәкістан елдері қосылды.5 жыл ішінде Қазақстанның ШЫҰ елдерімен тауар айналымы 56,5%-ға өсіп, $66 млрд құрады. 2024 жылғы қаңтар-сәуірде ұйым ішіндегі өзара сауда көлемі $19,1 млрд құрады. Осы кезеңде ҚР мен РФ арасындағы тауар айналымы $7,4 млрд құрады.Ердоған мен Путиннің Астанада Украинадағы қақтығысты реттеу мәселесін талқылауды жоспарлап отырғанын бұған дейін хабарлаған едік.Сурет: primeminister.kz

Ресей Президенті Астанаға келді

&nbsp;<a href="https://kyzylorda-news.kz/">Kyzylorda-news.kz</a> &nbsp;Синоптиктердің мәліметінше, шілде айы маусым айына қарағанда салқынырақ болмақ. Өткінші жаңбыр, найзағай екінші онкүндіктің басында және соңында, үшінші онкүндіктің басында және ортасында күтіледі. Жел 15-20 м/с, ал шаңды дауыл бір ай ішінде жиі болжанады. Бұл туралы «Қазгидромет» РМК Қызылорда облысы бойынша филиалының инженер-синоптигі Мағжан Сәдуақасов хабарлайды.<blockquote>– Бірінші онкүндікте ауа температурасы түнде +13+18°С-тан +23+28°С-қа дейін, күндіз +28+33°С-тан +35+40, облыстың оңтүстігінде +43°С-қа дейін жоғарылайды деп болжанады. Екінші онкүндікте ауа температурасының түнде +20+25°С-тан +15+20°С-қа дейін, күндіз +36+41°С-тан +30+35°С-қа дейін төмендеуі болжанып отыр. Содан кейін ауа температурасының түнде +21+26°С-қа дейін, ал күндіз +36+41°С-қа дейін жоғарыламақ. Үшінші онкүндікте ауа температурасының түнде +16+21°С-тан +21+26°С-қа дейін, күндіз +31+36°С-тан +36+41°С-қа дейін ауытқуы күтіледі,- деді Мағжан Ғалымұлы.</blockquote><img class="image_resized" style="width:98.05%;" src="https://knadmin.beoblood.kz/uploads/Brifing_aua_rajy_75ddcc23e7.webp" alt="Брифинг ауа райы.webp">Фото: Қызылорда облысының Өңірлік коммуникациялар қызметі

Шілде айы жаңбырлы болады деп күтілуде 

&nbsp;<a href="https://kyzylorda-news.kz/">Kyzylorda-news.kz</a> &nbsp;Мәжілістегі «AMANAT» партиясы фракциясының мүшесі Мархабат Жайымбетовтың Арал ауданындағы жұмыс сапары Сексеуіл кентінде жалғасты.Депутат кентте салынып жатырған жоба құны 2,6 млрд.теңге құрайтын 300 орындық Жайлы мектептің құрылыс жұмысымен танысты.Бас мердігер «Техоснастка – Ремсервис» ЖШС құрылыс жұмыстарын өз деңгейінде жүргізуде. Қазіргі таңда оқу корпусының кірпішін қалау жұмыстары мен қалған корпустарының іргетасын құю жұмыстары жүргізілуде.Мұнан соң фракция мүшесі «AMANAT» партиясының Жол картасына енген Сексеуіл кентінде АГТС орната отырып «Бейнеу-Шымкент» магистарльды газ құбырынан бастап газ құбыры тармағын салу жобасының жұмысымен танысты.Мердігер «StroyGaz Company» ЖШС-гі жобада қаралған 14,017 км магистральды газ құбырының – 13,9 км газ құбыры монтаждалды. 0,117 км құбыр траншеясы қазылып, газ құбыры дәнекерленді. «Бейнеу-Шымкент» магистаральды газ құбыры бойының қорғаныш аймағына (охранный зона) кіруге рұқсат құжаттары рәсімделген. АГТС-сын электрмен жабдықтау жүйесінің бағаналары тұрғызылып, ВЛ-0,4 және ВЛ-10 кВт электр желілері тартылған, қажетті КТПН нысан басына жеткізіліп орнатылған. АГТС орнатылатын алаңның темірбетонды төсеніштері монтаждалып, алаңды қоршау жұмыстары жүргізіліп, АГТС қондырғылары монтаждалды. Кірме жолы бойынша 2300 тонна қиыршық тас материалы тасылып жеткізілгендігін баяндады.&nbsp;

Мархабат Жайымбетов Арал ауданына жұмыс сапарымен барды

&nbsp;<a href="https://kyzylorda-news.kz/">Kyzylorda-news.kz</a> Қазақстан Республикасы Парламенті Мәжілісіндегі «AMANAT» партиясы фракциясының мүшесі Жайымбетов Мархабат Жайымбетұлы жұмыс сапарын Арал ауданынан бастады.Мәжіліс депутатыалдымен «AMANAT» партиясының Жол картасына енген Арал қаласындағы Темір жол өткелі арқалы өтетін автожол көпірінің құрылысымен танысты.&nbsp;Жоба құны – 3 141,6 млн тг құрайтын көпір құрылысында мердігер «РИТМ» ЖШС қағылуға тиісті 176 дана свай бағандарының барлығы түгел қағылып, коммунакациялық желілер ыңғайлы орынға ауыстырылғанын баяндады. Қазіргі таңда, құрылыс барысы бетон құю жұмыстарымен жалғасуда. Нысан басына құрылыс материалдары толық жеткізілген. Жұмыстардың 65 % орындалған.&nbsp; Өз кезегінде Мархабат Жайымбетұлы мердігерге құрылыс жұмыстарын мерзімінде аяқтауды тапсырып, проблемалық мәселелер туындаған жағдайда жан жақты қолдауға уәде етті.&nbsp;

Мәжіліс депутаты автожол көпірінің құрылысымен танысты

&nbsp;<a href="https://kyzylorda-news.kz/">Kyzylorda-news.kz</a> ҚР Парламент Мәжілісіндегі «AMANAT» партиясы фракциясының мүшесі Мұрат Әбенов жұмыс сапарымен Жаңақорған ауданында болып, бірнеше әлеуметтік нысандарды аралады.Сапар барысында фракция мүшесі аудан әкімі Мажит Самитовпен бірге алдымен «Қамқорлық» оңалту орталығына барды. Іргетасы 1958 жылы қаланған ескі емхана ғимаратын күрделі жөндеуге облыстық бюджеттен 320,0 млн теңге, «Қазақстан Халқына» қорынан қондырғылар мен құрал-жабдықтар алуға 330 млн теңге бөлінген. Күрделі жөндеу жұмыстары аяқталып, қондырғылары орнатылды. Шілде айында ел игілігіне беру жоспарлануда. Орталық ашылғанда 500-ге жуық ерекше күтімді қажет ететін балалар оңалту шараларымен қамтылатын болады.Мәжіліс депутаты Мұрат Әбенов керек-жарақтармен, яғни, балаларға арнайы алынған құрылғылармен танысты. Одан бөлек, орталықтың сыртқы бейнесін бақылап, құрылыс жұмысына оң бағасын берді.Мұнан соң фракция мүшесі «Жайлы мектеп» ұлттық жобасы аясында салынып жатқан «Саяжай» мөлтек ауданындағы 600 орындық мектепке арнайы барып, құрылыс жұмысымен танысты.

 Мәжілістегі фракция мүшесі Жаңақорған ауданына барды

<a href="https://kyzylorda-news.kz/">Kyzylorda-news.kz</a> &nbsp;2023 жылдың шілдесінде Мемлекет басшысы Қ. Тоқаевтың тапсырмасын іске асыру аясында орман құрылымдары қызметкерлерінің өміріне және денсаулығына қауіп төндіретін жұмысы үшін лауазымдық жалақыларына 100% үстемеақы белгіленді.Орман және табиғат қорғау мекемелері қызметкерлерінің жалақысын көтеру үшін бюджетте шамамен 8,5 млрд теңге қарастырылған, деп хабарлайды <a href="https://sn.kz/">Skifnews.kz</a> ақпарат порталы.Биылғы 1 шілдеден бастап еліміздің орман және табиғат қорғау мекемелерінің қызметкерлері лауазымдық жалақыларына үстемеақы ала бастайды. Тиісті қаулыға ҚР Премьер-Министрі Олжас Бектенов қол қойды. Бұл қаулы мемлекет басшысы Қасым-Жомарт Тоқаевтың тапсырмасымен іске асырылып отыр.Атап айтқанда, орман және табиғат қорғау ұйымдарының қызметкерлеріне еңбекақы төлеу жүйесін, шарттары мен мөлшерін жақсарту мақсатында «Азаматтық қызметшілерге, мемлекеттік бюджет қаражаты есебінен ұсталатын ұйымдардың қызметкерлеріне, қазыналық кәсіпорындардың қызметкерлеріне еңбекақы төлеу жүйесі туралы» ҚР Үкіметінің қаулысына өзгерістер енгізілді.&nbsp;Құжатқа сәйкес орман өртін сөндіру стансаларының, орман мекемелерінің, табиғат қорғау және орман орналастыру ұйымдарының қызметкерлері лауазымдық жалақыларына 100%-ға дейін үстемеақы алады. Олардың ішінде орман өртін сөндірушілер, өрт сөндіру машиналарының жүргізушілері, тракторшы-машинистер, радиооператорлар, өрт сөндіру машиналарын, жабдықтары мен аппаратураларын жөндейтін слесарлар, өрт-бақылау мұнарасының бақылаушылары бар.&nbsp;Сондай-ақ 113 авиациялық күзет өрт сөндіруші-десантшының жалақысы көтеріледі.&nbsp;Қаулыны іске асыруға 2024-2027 жылдарға арналған республикалық бюджеттен 8 480,1 млн теңге көлемінде қаржылық шығындар көзделген.Барлығы 3 300-ге жуық қызметкер қосымша ақымен қамтылатын болады.&nbsp;Жергілікті атқарушы органдардың орман шаруашылығы мекемелерінің орман өрт сөндіру стансаларының 1619 қызметкеріне қосымша ақы төлеуді қаржыландыру жергілікті бюджет қаражаты есебінен жоспарланады.Бұған дейін ҚР Парламенті Сенатының депутаты О. А. Булавкинаның сұрауына жауап бере отырып, Үкімет басшысы орман және табиғатты қорғау мекемелерінің барлық қызметкерлерінің жалақысын көтеру мәселесі өзінің тұрақты бақылауында екенін және тиісті қаулының жобасы дайындалғанын айтты. Депутат «Семей орманы» РММ Бородулиха филиалының қызметкерлері үшін қосымша ақылар тақырыбын көтерді.&nbsp;Еске салcақ, 2023 жылдың шілдесінде Мемлекет басшысы Қ. Тоқаевтың тапсырмасын іске асыру аясында орман құрылымдары қызметкерлерінің өміріне және денсаулығына қауіп төндіретін жұмысы үшін лауазымдық жалақыларына 100% үстемеақы белгіленді.Фото: primeminister.kz

Қазақстан және Қызылорда облысының жаңалықтары: Экономика