<a href="https://kyzylorda-news.kz/">Kyzylorda-news.kz</a> &nbsp; Бүгін Арал ауданының әкімі А.Оңғарбаевтың төрағалығымен әкімдік мәжілісі өтіп, күн тәртібіндегі бірнеше мәселелер басты назарға алынды.Жиынға аудан әкімінің орынбасарлары, дербес бөлім басшылары мен қала, кент және ауылдық округ әкімдері қатысты. Алдымен аудан басшысы елмен жұмыс жасауда Бөген ауылдық округінің әкімі қызметін абыройлы атқарған Шөмен Биқожаұлының иығына шапан жауып, құрметті зейнет дамалысына шығарып салды. Ауданның әлеуметтік-экономикалық өсіп-өркендеуіне қосқан өзіндік елеулі үлесі үшін ауданның ең жоғарғы наградасы «Құрмет грамотасымен» марапаттады.Мәжілістің күн тәртібіндегі негізгі мәселе жаңа оқу жылына дайындық жұмыстары жөнінде. Бұл мәселе бүгін өткен Үкімет отырысында және облыс әкімдігінің мәжілісінде кеңінен талқыланды. Жиында аудан әкімі «Келешек» жинақтаушы жүйесінің іске асырылу барысы, бұл жүйенің незігі мақсаты – әрбір ата-ана өз баласының оқуына қаржы жинап, жоспар құра алатындығына тоқталды. Жаңа жүйенің маңыздылығын ата-аналар мен білім алушылар арасында түсіндіріп, ақпараттық-насихат жұмыстарын жүйелі түрде жүргізу қажеттігі атап өтілді.Сондай-ақ жылдағы дәстүр бойынша осал топтағы отбасындағы мектеп бітірушілерге облыс әкімінің гранты тағайындалатынындығына тоқталып, мұндай мүмкіндікке әлеуметтік қолдауға мұқтаж жанұядан шыққан балалар бірінші кезекте қамтылуы керектігін тапсырды.Мұнан өзге ауданда құрылысы жүріп жатқан білім ошақтарының жай-күйін бағамдап, жауаптыларға құрылыстың белгіленген жоспарға сай жүруін қадағалауды тапсырды.Аудандағы білім беру нысандарының жылу беру маусымына дайындық жұмыстары да пысықталып, көгілдір отынға қосылмаған нысандарға қатысты демеушілердің есебінен жоба әзірлеу жұмыстарын ілгерілету керектігі айтылды. Маусымға дайындық жұмыстары қазірден пысықталу керектігін жеткізген аудан әкімі 1 қыркүйекке дейін барлық нысандар жылу беру маусымына дайын болулары керектігін айтты.Сонымен қатар жаңа оқу жылы қарсаңында «Жалпыға бірдей міндетті оқу қоры» арқылы жыл сайын аз қамтамасыз етілген отбасылардың балаларына бір реттік қаржылай көмек көрсетілу барысын, әлеуметтік жағынан аз қамтылған отбасы балаларына қолдау көрсету мақсатында «Мектепке жол» республикалық акциясына баршаны жұмылдыру жұмыстарына тоқталды.2024 жылдың 6 айы артта қалды. Сәйкесінше қала, кент және ауылдық округ әкімдерінің ағымдағы жылдың жартыжылдығында халықтың әлеуетін арттыру бағытында атқарған жұмыстары айқындала бастады. Осы рейтингте төмен нәтижеге сырғыған ауыл әкімдерінің жарты жылдықтағы жұмыстары тыңдалды. Ауылдарда атқатылған жұмыстар бойынша Жетес би, Қаратерең, Бекбауыл және Атанши ауылдық округтерінің әкімі баяндама жасады.Жыл басынан бергі жұмыстардың бағалау көрсеткіші көңіл көншітпейтінін, барлық бөлім басшылары мен ауыл әкімдерінің жұмысы алдағы 9 айдың көрсеткіші бойынша қайта назарға алынатындығын жеткізген А.Оңғарбаев нақты кемшіліктерді іспен дәлелдейтін уақыт келгенін ортаға салды.Жиында аудан әкімі аудандағы қылмыстық ахуалды да назардан тыс қалдырмады. Алты айдың қортындысына сәйкес қылмыстардың ашылу көрсеткіші төмен екендігін айтып, қала, кент және ауылдық округ әкімдерімен бірлесіп, қылмыстың ашылу деңгейін көтеріп, қылмыстылық көрсеткішті төмендетуге жұмыс жасау керектігін айтып өтті.Жиын соңында елді мекендердегі спорт нысандарында анықталған кемшіліктердің кейбірі белгіленген мерзімде әлі күнге қалпына келтірілмегенін айтып, ескертуді елемеген әкімдерді сынға алды. Олқылықтар тез арада орнына келтірілу керектігі, алдағы уақытта тапсырмалардың орындалуын нақты іс бойынша бағаланатындығы айтылды.

Аманжол Оңғарбаев: Жұмыс көрсеткіші нақты іс бойынша бағаланады

<a href="https://kyzylorda-news.kz/">Kyzylorda-news.kz</a> &nbsp;Бүгін «AMANAT» партиясы Қызылорда облыстық филиалының мобильді көшпелі қабылдау тобы Шиелі ауданына қарасты Бәйтерек және Иіркөл ауылдық округтірде болып, халықты толғандырған сауалдарына жауап берді.Қабылдауға партияның Республикалық қоғамдық қабылдау бөлмесі меңгерушісінің орынбасары Жұмабек Ермұхаммед Нұрмаханбетұлы арнайы қатысты.Жалпы 2 елді мекенде ұйымдастырылған мобильді қабылдауға 34 тұрғын келді. Өтініштердің басым бөлігі жеке бастың емес, елдік мәселер төңірегінде болды.Мәселен Бәйтерек ауылдық округіне қарасты Бидайкөл ауылының тұрғындары апатты жағдайдағы ескі әкімдік ғимаратын бұзып, орнына жаңадан ғимарат салу, апатты жағдайдағы ескі мектепте уақытша тұрып жатқан тұрғындардың тұрғын үй, жер мәселесін шешу, ауылдағы ескі ағаштан тұрғызылған электр бағаналарын темір бетонды электр бағаналарына ауыстыру, көшелерді күрделі жөндеуден өткізу, қосымша жасанды жол кедергісін орнату, жаяу жүргіншілер жолын салу, № 22 бекет елді мекеніндегі темір жолдың шығыс бетіндегі тұрғын үйлерге көгілдір отын (газ ) тарту мәселелерді көтерді.Мұнан соң мобильді топ өкілдері Иіркөл ауылдық округі Ы.Жақаев ауылында тұрғындарды қабылдады.Бұл ауылда тұрғындар елді мекен бойынша көшелерге асфальт төсеу, түнгі жарық шамдарын орнату, ескірген электр желілері мен электр бағаналарын ауыстыру, елді мекенді ыза су басуына байланысты К-4 қашыртқысын қаздыру және округке қарасты Жансейіт елді мекеніне жаңадан ауылдық клуб салу туралы өтініш-тілектерін білдірді.Қос ауылда өткен мобильді қабылдауға партияның облыстық филиалының төрағасы Алмасбек Есмаханов, облыстық маслихаттағы «AMANAT» партиясы депутаттық фракциясы төрағасының орынбасары Мақсұт Нәлібаев сондай-ақ тиісті басқармалардың өкілдері мен заңгерлер қатысты.Партияның қоғамдық қабылдау бөлмелерінің негізгі жұмысы тұрғындардың өтініштерін қараумен қатар, ел игілігіне бағытталған жобаларды түсіндіру, насихаттау болып табылады. Осы орайда Республикалық қоғамдық қабылдау бөлмесі меңгерушісінің орынбасары Ермұхаммед Жұмабек азаматтарды қабылдау барысында тұрғындар көтерген мәселелер назардан тыс қалмайтынын атап өтіп, әрбір өтініш-тілек заң аясында шешемін тапқанша партия назарында болатынын хабарлады.Сондай-ақ мобилді топтың өкілдері ауыл тұрғындарының әлеуметтік, қоғамдық және өзге де ортақ өзекті мәселелерінің заң аясында шешілуі бойынша жұмыстар атқаратындарын жеткізіп, бағыт-бағдар мен кеңестер берілді.2024 жылға 14 елді мекенде мобильді қабылдаулар өткізу жоспарланып, бүгінгі таңға оның 6-уы кестеге сай жүзеге асырылды. Нәтижесінде, 53 өтініш қаралып, 19-ы оң шешілді. Сонымен қатар арыз-шағымның 14-іне түсіндірме жұмыстары жүргізіліп, 20 өтініштің орындалуы бақылауға алынды.

 «AMANAT»: Мобильді қоғамдық қабылдау Байтерек, Иіркөл ауылдық округінде өтті

<a href="https://kyzylorda-news.kz/ru">Kyzylorda-news.kz</a> Атом электр станциялары (АЭС) бүгінгі күннің ең тиімді және экологиялық таза энергетикалық шешімдерінің бірі болып табылады. АЭС энергияның тұрақты және жоғары өнімді көзін ұсынады, бұл көміртек шығарындыларын азайтып, қоршаған ортаны қорғауға мүмкіндік береді.Ядролық энергетика өнеркәсіптің дамуын қолдайды және көптеген жаңа жұмыс орындарын ашады. Сонымен қатар, АЭС-тер экономиканың өсуіне және энергетикалық тәуелсіздіктің артуына ықпал етеді.Қазіргі заманғы АЭС технологиялары қауіпсіздік пен экологиялық стандарттарды қатаң сақтай отырып жұмыс істейді. Бұл технологиялар табиғатқа зиян келтірмей, таза энергия өндіруге мүмкіндік береді.АЭС-тердің дамуымен бірге жаңа ғылыми зерттеулер мен инновациялар енгізіледі, бұл жалпы технологиялық прогресті жеделдетеді. Сонымен қатар, АЭС-тер көміртек шығарындыларын азайтып, климаттың өзгеруіне қарсы күресте маңызды рөл атқарады.Энергетикалық тұрақтылық пен экологиялық таза энергия көздерін қамтамасыз ету үшін АЭС-терді дамыту қажет.

АЭС-терді дамыту – таза энергия кепілі

<a href="https://kyzylorda-news.kz/">Kyzylorda-news.kz</a> Қала тұрғындарын сапалы әрі үздіксіз электр энергиясымен қамтамасыз ету мақсатында биыл Қызылорда қаласында инвестициялық бағдарлама аясында электр жүйелеріне құрылыс-монтаждау жұмыстары жүргізілуде.2023 жылы жобаның І кезеңінде 35 дана 10/0,4кВ КТПБ орнатылып, 27 дана ТП 10/0,4 қосалқы станциясы жөнделіп, 31,65 шақырым 10/0,4 кВ кабельдік желілер қайта жаңартылды.Биыл 22 дана 10/0,4кВ КТПБ орнатылуда, 24 дана ТП 10/0, 4 кВ қосалқы станциясы жөнделіп, 56 дана қосалқы станцияның электр қондырғылары ауыстырылып, 23 шақырым электр желілері қайта жаңғыртылуда.Жалпы, электр желілеріне күрделі және ағымдағы жөндеу жұмыстары қаланың шет аймақтарымен қоса, Южный, Жаңа базар аумағы, «Достық үйі» маңы, Шымбай көшелерінде жүргізілуде.Фото: қала әкімдігі

Электр желілері жаңартылуда

<a href="https://kyzylorda-news.kz/">Kyzylorda-news.kz</a> Сырдария ауданы экономикасы жағынан өңірдегі аудандардың көшін бастап тұрған өңірдің бірі. Биыл да ауданның барлық саласында оң динамика қалыптасқан. Мәселен, өнеркәсіп өндірісі 51,5 пайызға артса, негізгі капиталға тартылған инвестициядағы өсім 66,5 пайызды құрап отыр. Сондай-ақ, аудандағы құрылыс жұмыстарының көлемі де 65,7 пайызға ұлғайған. &nbsp;Өңірлік коммуникациялар қызметінің ақпарат алаңында Сырдария ауданының әкімі Берік Сәрменбаев жыл басынан бері атқарылған жұмыстарды баяндады.<blockquote>– Өздеріңізге белгілі, Сырдария ауданы – аграрлы аймақ болып есептеледі. Соған сәйкес биыл ауыл шаруашылығы саласындағы өнім 2,5 пайызға артты. Ауданда 34 263 гектар жерге ауыл шаруашылығы дақылдарын орналастырдық. Оның ішіндегі күріштің көлемі 21 852 гектар болды. Суды үнемдеу және тиімді пайдалану мақсатында ауданда 13 шаруашылық құрылымы 31 дана заманауи лазерлік жер тегістегіш техникасымен 3 340 гектар жерге тегістеу жұмыстары жүргізілді. Ал, жаңбырлатып суару әдісімен 40 гектар жерге егілсе, 10 гектарға жүгері, 50 гектарға бақша дақылдарын орналастырдық. Қазіргі таңда егілген 2 368 гектар бидайдың 1 000 гектарынан 500 тонна өнім жинадық. Сонымен қатар, Мемлекет басшысының бастамасымен халықтың табысын арттыру бағытында құрылған «Ауыл аманаты» жобасына біздің ауданның тұрғындары да белсенді қатысуда. Өткен жылы 193 жоба ұсынылса, биыл 444 жоба жинақталды. Мемлекеттік және өңірлік бағдарламалар аясында 249 жобаға қаржылай қолдау көрсетілетін болады. Одан бөлек, жаңадан ашылған кәсіпкерлік нысандардың қатарында Бесарық ауылында ашылған «Сыр құсы» ет өңдеу цехы, Айдарлы ауылында ашылған жүннен жасалған бұйымдар өндіру цехы және Қоғалыкөл ауылында ашылған жөндеу орталықтары мен Қалжан Ахунда ашылған пескоблок өндірі, жылыжай, көлік жуу кәсіптері бар,- деді Берік Әбдіғаппарұлы.</blockquote>Фото: Қызылорда облысының Өңірлік коммуникациялар қызметі

Б.Сәрменбаев: Ауданның өнеркәсіп өндірісі 50 пайызға артқан

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың төрағалығымен шағын өндірістік жобаларды жүзеге асыру бойынша мәжіліс өтті. Жиынға облыс әкімінің орынбасарлары мен жауапты сала басшылары қатысты.Айта кету керек, кешегі жиында аймақ басшысы нақты, пайдалы, қажетті жобаларды жан-жақты сараптан өткізіп барып ұсынуды тапсырған болатын.<blockquote>«Қала, аудан әкімдеріне шағын өндірістік жобаларды ұсыну жөнінде тапсырма берілді. Оларды жан-жақты зерделеп, нақтылаңыздар. Жұртшылықтың күнделікті тұрмыс-тіршілігіне қажетті, пайдалы тиімділеріне қолдау көрсетуге дайынбыз. Жобаларды «Ауыл аманаты» бағдарламасымен және «Байқоңыр» ӘКК арқылы қаржыландыру бойынша жұмыс жүргізіңіздер. Бұдан бөлек, қала, аудан әкімдеріне негізгі тұтыну тауарларының 65 түрі бойынша көрсеткіштерді қалпына келтіру жөнінде тапсырма бердім. Бұл тапсырмалардың уақыты әрі сапалы орындалуы жеке бақылауымда болады», - деді Н.Нәлібаев.</blockquote>Биылға «Ауыл аманаты» бойынша республикалық бюджет есебінен 4,6 млрд. теңге қаралған. Орта есеппен 8 млн. теңгеден алғанда 575 жобаны қаржыландырып, 610 жұмыс орнын ашу көзделген. Жалпы облыс бойынша 154 жобалық топ құрылып, 146 ауылдық округте скрининг жұмыстары толығымен жүргізілді.Бағдарламаға барлық елді мекенді бірдей қатыстыру үшін халық санына қарай ауылдық округтерді түгел қамту жоспарлануда.Ауылдардың мамандануын ескере келе, несие қаржысы 4 бағытқа бағытталады. Атап айтсақ, ауыл шаруашылығы өнімдерін өңдеу саласына 108 жоба, егіншілік саласына 81, мал шаруашылығына 123, басқа да түрлі бағытқа 263 жоба.Бүгінде "Ауыл аманатының" жобалар пулы қалыптастырылып, қаржыландыру күтілуде.Фото: Қызылорда облысы әкімінің баспасөз қызметі

Ұсынылған жобалар жан-жақты зерделенуі қажет

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев Қызылорда қаласындағы бірқатар нысанды аралап, абаттандыру жұмыстарының барысын көрді.Алдымен жаңа ЖЭО-ның құрылыс алаңына барды. Мұнда қазіргі уақытта жер қазу жұмыстары аяқталған, жабдықты орнатуға негіз қалануда. Алаңға 600-ге жуық адам және 60 техника жұмылдырылған. Жұмыс жоспарға сәйкес жүруде. Нысан 2025 жылы пайдалануға беріледі. «AKSA Energy» түрік компаниясының инвестициясына салынатын жаңа ЖЭО 240МВт электр қуатын өндіре алады. Нысан қазіргі "Қызылорда жылу-электр орталығы" аумағындағы 24,5 гектар жер учаскесінде салынуда.Әрі қарай облыс әкімі сол жағалаудағы «Жайлы мектеп» ұлттық жобасымен бой көтерген мектептің, жеті қабатты тұрғын үйлердің және Оқушылар үйінің құрылысымен танысты. Ұлттық жоба бойынша облыста салынатын 12 300 орынға арналған 21 мектептің биыл 10-ы, алдағы жылы 11-і пайдалануға беріледі. Құрылысы басталатын 11 мектептің жер телімдері белгіленіп, «Самұрық - Қазына Констракшн» акционерлік қоғамына наурыз айында табысталды.Өңірде соңғы 2 жылда 4 мыңға жуық пәтер беріліп, 17 мың тұрғынның баспана мәселесі шешілді. Осы жылы бюджеттен тұрғын үй құрылысына және жеке салушылардан дайын пәтерлер сатып алуға 34 млрд. 100 млн. теңге қаралды. Жыл қорытындысымен 2,5 мыңнан астам пәтер беріледі.Заманауи үлгідегі 350 орындық Оқушылар сарайы «ҚазГерМұнай» компаниясының демеушілігімен салынуда.Аймақ басшысы құрылыс сапасы басты назарда болуы керектігін айтып, сала жетекшілеріне тапсырмалар жүктеді.<img src="https://knadmin.beoblood.kz/uploads/2_48eda60865.jpg" alt="2.jpg"><img src="https://knadmin.beoblood.kz/uploads/3_8451b5fb4d.jpg" alt="3.jpg">Фото: Қызылорда облысы әкімінің баспасөз қызметі

Нысандар құрылысы аймақ басшысының тікелей бақылауында

<a href="https://kyzylorda-news.kz/">Kyzylorda-news.kz</a> &nbsp;Облыс әкімі Нұрлыбек Нәлібаевтың төрағалығымен мәжіліс өтіп, «Жайлы мектеп» ұлттық жобасымен салынатын мектептер, көпқабатты тұрғын үйлер құрылысына қатысты мәселелер талқыланды.&nbsp;Аймақ басшысы жауапты тұлғаларға нысандардың сапасын тұрақты қадағалауды тапсырды.&nbsp;<blockquote>"Құрылыс алаңдарындағы жұмыстарды күнделікті бақылау қажет. Сапа бірінші кезекте сұралады, талап етіледі. Жоспарланған жұмыс тиянақты іске асып, белгіленген уақытта аяқталуы тиіс», - деді Нұрлыбек Машбекұлы.</blockquote>Сондай-ақ, жиында облыс орталығы мен барлық ауданда салынатын баспана, өзге әлеуметтік нысандардың құрылыс барысы бағамдалды. Мердігер мекемелерге жұмысты талапқа сай етіп атқару қажеттігі қатаң ескертілді.Фото: Қызылорда облысы әкімінің баспасөз қызметі

Құрылыс саласының өзекті мәселелері талқыланды

<a href="https://kyzylorda-news.kz/">Kyzylorda-news.kz</a> &nbsp;Сауда және интеграция министрлігі жаңа уақыт белдеуіне қарсы петиция бойынша қоғамдық тыңдау өткізді,&nbsp;деп хабарлайды&nbsp;<a href="http://ulysmedia.kz./">Ulysmedia.kz.</a>Бірыңғай уақыт белдеуін жою жөніндегі өтінішті Сауда және интеграция министрлігі қабылдамады. Министрліктің өкілдері өтініш беруші мен жұмыс тобы мүшелерінің аргументін дәйексіз деп тапты.<blockquote>– Өтініш берушілердің денсаулыққа немесе тұтынуға әсер еткені жөнінде дәйектері расталмады. Сондықтан мен қазір әкімшіліктің алдын-ала шешімін айтамын. Петицияны қанағаттандырудан бас тартылады, - деді вице-министр Қайрат Балықбаев.</blockquote>Денсаулық сақтау бірінші вице-министрі Тимур Сұлтанғазиев те мұның алдында ведомствоның <a href="https://qaz.ulysmedia.kz/news/18204-uakyttyn-ozgeruine-karsy-petitsiia-densaulyk-saktau-ministrligi-pozitsiiasyn-bildirdi/">позициясын білдірген еді.</a>Фото: ашық дереккөзден

Ескі уақытты қайтару. Петиция бойынша шешім шықты

<a href="https://kyzylorda-news.kz/">Kyzylorda-news.kz</a> &nbsp;«AMANAT» партиясы облыстық филиалының төрағасы Алмасбек Есмаханов бастаған партиялық бақылау комиссиясының мүшелері бүгін сайлауалды бағдарлама аясында жүзеге асырылып жатқан Қызылорда қаласындағы «Жайлы мектеп» ұлттық жобасы аясындағы білім ордаларының құрылыс жұмыстарына мониторинг жүргізді.Партиялық бақылау тобы алдымен Қызылжарма ауылдық округіндегі 600 орындық мектеп құрылысымен танысты. Жобаны іске асырушы&nbsp; «Samruk-Kazyna Construction» АҚ, Бас мердігер «Асар»ЖШС. Мектеп құрылысы өткен жылдың желтоқсан айында басталды. Жұмыстар тиісті деңгейде жүргізілуде. Қазір мұнда партиялық бақылау бекеті орнатылған.Мұнан соң мониторингтік топ қаланың сол жағалауында «Жайлы мектеп» жобасы аясында салынып жатқан 900 орындық мектеп құрылысының басында болды. Білім ордасының құрылыс жұмыстары қарқынды жүруде. Қазіргі таңда жұмыстың 70 пайызы орындалған. Партиялық бақылау тобы мүшелері құрылыс сапасына қатысты пікрлерін білдіріп, мердігерлер ұсыныстарын тыңдады.Комиссия мүшелері зерделеу барысында анықталған кемшіліктерге қатысты әрбір нысанға тапсырыс беруші, мердігер, техникалық бақылаушы, жобалаушы, мемлекеттік сараптамашы да жоғары жауапкершілікпен қарау керектігін жеткізді.Айта кетейік, Қызылорда облысында ұлттық жоба аясында 12 300 орындық 21 мектеп салынады. Арал ауданында – төрт, Қазалы, Қармақшы және Жаңақорған аудандарында – екі жайлы мектептен, Жалағаш, Сырдария, Шиелі аудандарында бір мектептен, Қызылорда қаласында – сегіз (2024 жылы 5, 2025 жылы 3 мектеп) заманауи мектеп бой көтереді. Бұл арқылы апатты деп танылған және&nbsp; үш ауысымдық мектептер саны азаяды.Фото: Аманат партиясы

«Жайлы мектеп» ұлттық жобасының жүзеге асуына партиялық бақылау жасалды

<a href="https://kyzylorda-news.kz/">Kyzylorda-news.kz</a> &nbsp;Қызылорда қаласында қала күнін мерекелеу аясында «Үздік Аула» байқауын өткізу дәстүрге айналған үрдіс. Биыл бұл байқау жетінші мәрте өткізілуде.Байқау шарты бойынша жасыл-желекті көпқабатты тұрғын үйдің ауласына ғана емес, жеке тұрғын үйдің сыртқы аумағына да өз еңбегімен еккен қала тұрғындары қатыса алады. Ол үшін инстаграм, фейсбук әлеуметтік желілері арқылы <a href="https://www.facebook.com/hashtag/qzo?__eep__=6&amp;__cft__%5b0%5d=AZX6qGtoy9DbuBj-5NHDjO2rvyK_Pt2US7LuwDlu2YyZSJwNj8Y8lAVB_Fh5rJCfPpUkQSU80i058BzkdwwNc8sHIW0OL63KBP4BEiONcqlOLp-GycTOWTVXHkEsrlYPeQGjrQ4wkdeRw-KrMIzQ0qiDrCcgfEzjS-2OCaeANnKsKQ&amp;__tn__=*NK-R">#Qzo</a> <a href="https://www.facebook.com/hashtag/qyzylorda?__eep__=6&amp;__cft__%5b0%5d=AZX6qGtoy9DbuBj-5NHDjO2rvyK_Pt2US7LuwDlu2YyZSJwNj8Y8lAVB_Fh5rJCfPpUkQSU80i058BzkdwwNc8sHIW0OL63KBP4BEiONcqlOLp-GycTOWTVXHkEsrlYPeQGjrQ4wkdeRw-KrMIzQ0qiDrCcgfEzjS-2OCaeANnKsKQ&amp;__tn__=*NK-R">#Qyzylorda</a> <a href="https://www.facebook.com/hashtag/%D2%AF%D0%B7%D0%B4%D1%96%D0%BA%D0%B0%D1%83%D0%BB%D0%B02024?__eep__=6&amp;__cft__%5b0%5d=AZX6qGtoy9DbuBj-5NHDjO2rvyK_Pt2US7LuwDlu2YyZSJwNj8Y8lAVB_Fh5rJCfPpUkQSU80i058BzkdwwNc8sHIW0OL63KBP4BEiONcqlOLp-GycTOWTVXHkEsrlYPeQGjrQ4wkdeRw-KrMIzQ0qiDrCcgfEzjS-2OCaeANnKsKQ&amp;__tn__=*NK-R">#Үздікаула2024</a> хэштегтерін міндетті түрде пайдалана отырып, «Сүйікті қалам – Қызылорда» тақырыбында жылы лебізін жолдап, көгалдандырудағы тәжірибесімен бөлісіп, өз парақшасында сапалы суреттер мен 16:9 форматындағы видеоны жариялау қажет.Байқауға материалдар 31 тамызға дейін қабылданады.Байқауға қатысты барлық сұрақтарды қалалық қоғамдық даму бөлімінің маманы Әсел Бақытбекқызынан 8 707 774 7606 телефон нөмірі арқылы білуге болады.Фото: Қала әкімдігі

«Үздік аула-2024» байқауына өтінім қабылдануда

<a href="https://kyzylorda-news.kz/">Kyzylorda-news.kz</a> Қызылорда облысына ҚР Энергетика вице-министрі Әлібек Жамауов келді. Өңірімізге іс-сапар барысында вице-министр мұнай-газ және энергетика салаларын дамыту бойынша мәжіліс өткізіп, өңіріміздің бірқатар өзекті мәселелерінің шешілу жолына үңілді. Сондай-ақ &nbsp;тұрғындар тарапынан туындаған түрлі сұрақтарға тұшымды жауап берді.&nbsp;Өз баяндамасында аймақтың отын-энергетикалық кешенінің қазіргі жағдайы туралы сондай-ақ газ инфрақұрылымын іске асыру, электрмен жабдықтау, жылумен жабдықтау және халықты мұнай өнімдерімен және сұйытылған мұнай газымен қамтамасыз ету сынды мәселелердің маңызын ашып берді. Келелі кездесуге облыс әкімінің орынбасары Ардақ Зебешев қатысып, бұл жиынның мәні мен маңызы зор екендігін атап өтті. Жиында сөз алған вице-министр айтылған мәселелерді уақытылы шешу үшін бар күшін салатынын айтты. Сондай-ақ тұрғындардың талап-тілегі “Е-өтініш” электрондық жүйесі арқылы ескерілетінін жеткізді.<blockquote>“Айтылған барлық мәселелер Үкіметтің тұрақты бақылауында екеніне Сіздерді сендіргім келеді. Біз осы міндеттерді толық және уақытылы шешу үшін бар күшімізді саламыз. Сонымен қатар «Халық үніне құлақ асатын мемлекет» тұжырымдамасын іске асыру аясында «Е-өтініш» электрондық жүйесі құрылғанын атап өткім келеді. Бұл азаматтардың барлық өтініштерін қабылдаудың және өңдеудің бірыңғай платформасы болып табылады.Сондықтан туындаған мәселелер бойынша Сіздердің &nbsp;осы жүйе арқылы жүгінуге мүмкіндіктеріңіз бар”,- деді Әлібек Жұмабекұлы.</blockquote><img src="https://knadmin.beoblood.kz/uploads/3_4479d85f54.jpg" alt="3.jpg"><img src="https://knadmin.beoblood.kz/uploads/4_cba9aeaf39.jpg" alt="4.jpg"><img src="https://knadmin.beoblood.kz/uploads/2_aa9d2e71b6.jpg" alt="2.jpg"><img src="https://knadmin.beoblood.kz/uploads/1_f59a7e3c1e.jpg" alt="1.jpg">

Қазақстан және Қызылорда облысының жаңалықтары: Экономика