*<a href="https://kyzylorda-news.kz/">Kyzylorda-news.kz</a>. Қазақстанда елдің 2025 жылға дейінгі дамуының ұлттық жоспары бекітілді, деп хабарлайды&nbsp;<a href="https://www.gov.kz/memleket/entities/economy/press/news/details/170579?lang=kk">ұлттық экономика</a> министрлігі.*
Ұлттық жоспарда жаңа экономикалық бағыттың негізгі міндеттері мен параметрлері айқындалып отыр. Оны президенттің тапсырмасы бойынша ұлттық экономика министрлігі стратегиялық жоспарлау және реформалар агенттігімен бірлесіп әзірледі.
<blockquote>
 “Жоспар халықтың өмір сүру сапасы мен әл-ауқатын арттыруға бағытталған түбегейлі институционалдық және салалық реформалар үшін негіз қалайды”, – делінген ресми хабарламада.
</blockquote>
Құжатта аса маңызды салаларды дамытуға қатысты стратегиялық ұстанымдар, коронавирус дағдарысының салдарын жеңілдету шаралары, сондай-ақ, қазіргі жаһандық үрдістер жағдайында экономиканы орнықты әрі сапалы түрде дамыту саясаты жазылған. Нақты стратегиялық көрсеткіштердің егжей-тегжейлі картасы да бар. Ол ұлттық жоспардың ажырамас бөлігі болып саналады. Ал нақты көрсеткіштерге жету үшін экономиканы әртараптандыру, инвестицияларды тарту, экспортты ілгерілету, жеке кәсіпкерлікті қолдау және кешенді дамыту сияқты нақты шаралар қабылданады.
<blockquote>
 “Денсаулық сақтау мен білім беру қызметтерін жақсартуға, инфрақұрылымды дамытуға, нәтижелі жұмыспен қамтуға және халықтың әлеуметтік әл-ауқатын арттыруға ерекше назар аударылатын болады”, – дейді мамандар.
</blockquote>
Сондай-ақ, мемлекет басшысы қол қойған “Қазақстан Республикасының 2025 жылға дейінгі жалпыұлттық басымдықтары туралы” жарлық бар. Онда үш негізгі басымдық көрсетілген. Соның ішінде азаматтардың әл-ауқаты, институттардың сапасы және күшті экономика құру бағыты бар. Соған жету үшін 10 нақты міндет белгіленіп отыр. Осы бағытта реформалар жасалады. Олар:
<ol>
<li>әділ әлеуметтік саясат;</li>
<li>денсаулық сақтаудың қолжетімді және тиімді жүйесі;</li>
<li>сапалы білім беру;</li>
<li>азаматтардың мүдделерін қорғауға арналған әділ және тиімді мемлекет;</li>
<li>мемлекеттік басқарудың жаңа моделі;</li>
<li>патриотизм құндылықтарын дәріптеу;</li>
<li>ұлттық қауіпсіздікті нығайту;</li>
<li>әртараптандырылған инновациялық экономика құру;</li>
<li>экономикалық және сауда дипломатиясын белсенді дамыту;</li>
<li>теңгерімді аумақтық даму.</li>
</ol>
Ұлттық даму жоспарының және жалпыұлттық басымдықтардың барлық индикаторы бүкіл мемлекеттік аппарат жұмысының өзекті бағыттарын айқындайды. Осы стратегиялық құжаттар қазіргі кезеңнің сын-қатерлерін еңсеруге, сондай-ақ, ортамерзімдік перспективада елдің өмір сүру сапасы мен табысын өсіруге көмектеседі деген жоспар бар.

«Халықтың әл-ауқаты артады»: Қазақстанда ұлттық жоспар бекітілді

<a href="https://kyzylorda-news.kz/">Kyzylorda-news.kz</a>. Қазақстан премьер-министрі Асқар Мамин “Роскосмос” ғарыш қызметі жөніндегі мемлекеттік корпорациясының бас директоры Дмитрий Рогозинді қабылдады, деп хабарлады премьер-министрдің баспасөз қызметі.
<blockquote>
 “Кездесу барысында тараптар ғарыш саласындағы Қазақстан – Ресей ынтымақтастығының өзекті мәселелерін, оның ішінде “Байқоңыр” ғарыш айлағын одан әрі дамыту және орташа шешімдегі Жерді қашықтан зондтау ғарыш жүйесін қалыптастыру мәселелерін талқылады”, – делінген хабарламада.
</blockquote>
Кездесуде “Бәйтерек” бірлескен ғарыштық зымыран кешенін (“Назарбаев старты”) құру жобасына ерекше назар аударылды.
Кездесуге премьер-министрдің орынбасары Роман Скляр мен цифрлық даму, инновациялар және аэроғарыш өнеркәсібі министрі Бағдат Мусин қатысты.

Қазақстан премьері мен &#8220;Роскосмос&#8221; басшысы &#8220;Бәйтерек&#8221; зымыран кешенін құру жайын талқылады

<a href="https://kyzylorda-news.kz/">Kyzylorda-news.kz</a>. Соңғы 5 жылда аграрлық сектордың жалпы өңірлік өнімдегі үлесі 4 процентке өсті. Бұл туралы Қызылорда облысының әкімі Гүлшара Әбдіқалықова өңірдің 2020 жылғы әлеуметтік-экономикалық дамуының қорытындылары бойынша халық алдындағы есепті кездесуінде мәлімдеді.
Сыр елінің агроөнеркәсіп саласында айтарлықтай өсім бар екендігін нақты сандармен көрсетті. Бұл өз кезегінде бұл инвестициялардың жоғары өсу қарқынына, техникалық қайта жарақтандыруға және жаңа технологиялардың енгізілуіне байланысты.
Есеп беру кездесуінде аймақтағы атқарылған жұмыстардың көкжиегі көрінді. Алда ауқымды жобалар да жетерлік, бұл жөнінде өңір басшысы нақты межені көрсетті. Біздің сала ауылшаруашылығы болғаннан соң, осы бағыттағы толымды істерге көңіліміз толды. Қолдау да аз емес.
Шыны керек, ауылшаруашылығы саласының даму көрсеткіші көңіл қуантарлық. Оның ішінде Жаңақорған ауданы мал шаруашылығынан көш ілгері келеміз. Экспорт көлемі де ұлғайды.
Сонымен қатар, өңірде ауыл шаруашылығы өнімдерінің экспорты шамамен 9 пайызға өскен. Осы экспорттың 97 пайызы қайта өңделген өнімді құрайды. 2020 жылы алғаш рет шет елге қамыс экспортталды. Оның алғашқы 685 тоннасы Германияға жіберілді. Сондай-ақ, Сыр елінен әлемнің 17 еліне ауыл шаруашылығы өнімдерінің 11 түрі экспортталды.
Иә, атқарылған жұмыстың межесі осындай межемен көрінді, биыл бұдан да биіктерді бағындыруға жұмыс жасау бағыты бар.
Серік МЫРЗАБАЕВ, 
«Бекарыс Агрофуд» ЖШС төрағасы

Серік Мырзабаев: Аграрлы саланың жетістігі көп

<a href="https://kyzylorda-news.kz/">Kyzylorda-news.kz.</a> Қызылорда облысында былтыр индустрияландыру бағдарламасы аясында 1,5 млрд теңге қаржыға 3 жоба іске асырылды. Нәтижесінде 172 жұмыс орны ашылды.
Атап айтыр болсақ, тауарлы балықты өсіру және терең өңдеу кешенін кеңейту цехының 1 кезең, балықты тереңінен қайта өңдеу зауыты мен пластикалық қайық жасау цехының 1 кезең, кварц құмын байыту бойынша тау-кен байыту комбинатының 1 желісі.
<blockquote>
 «Ағымдағы жылы тағы да құны 48,5 млрд теңгенің 4 жобасын іске асыруды жоспарлап отырмыз. Нақтырақ айтар болсақ, шыны зауытының құрылысы, құс фабрикасын салу, түйе сүтінен құрғақ ұнтақ өндіру және “Арал тұз” АҚ-да испан технологиясы бойынша тұз өндірудің үшінші цехын салу жобалары бар», – дейді аймақ басшысы.
</blockquote>
Биыл жүзеге асатын 4 жоба бойынша алдағы уақытта 506 жұмыс орны ашылады деп күтілуде.
<blockquote>
 «Шалқияда» тау-кен байыту камбинатын және кальцийленген сода өндіру зауыт құрылысы. Шыны зауытының айналасында 8 өндіріс ашу жоспарлануда, оның ішінде шыны талшық, айналар, шыны ыдыстар мен ыдыстар өндірісінің жобалау кезеңі аяқталуда. Ал, кальциленген сода зауытының айналасында ас содасын, жуу құралдарын, еріткіштерді және басқа да өнімдерді шығару бойынша жоспар бар», – дейді Гүлшара Әбдіқалықова.
</blockquote>

Қызылордада индустрияландыру бағдарламасы аясында 3 жоба жүзеге асырылды

<a href="https://kyzylorda-news.kz/">Kyzylorda-news.kz</a>. Биыл Қазақстан үкіметі 15,4 триллион теңге инвестиция тартуды көздеп отыр. Бұл туралы ұлттық экономика министрі Әсет Ерғалиев мәлімдеді, деп хабарлайды&nbsp;<a href="https://sputnik.kz/">Sputnik Қазақстан</a>.
Ол биыл, ең алдымен, экономиканың өсуін 3%-ке дейін жеткізу көзделіп отырғанын айтты. Осы мақсатта әрбір сала мен өңір үшін нысаналы параметрлер айқындалған.
<blockquote>
 “Сондай-ақ, басты міндеттердің бірі 2021 жылы 15,4 триллион теңге инвестиция тарту жоспарланып отыр. Бұл инвестицияларды жалпы ішкі өнімнің 20% деңгейінде қамтамасыз етуге мүмкіндік береді”, – деді Ерғалиев үкімет отырысында.
</blockquote>
Айтуынша, республика бойынша аталған көрсеткіштер егей-тегжейлі пысықталып, экономика салаларының бөлінісінде және әрбір өңір бойынша бекітілді.
Мысалы, Қарағанды облысы өңірдің әлеуметтік-экономикалық дамуының негізгі нысаналы индикаторларын айқындады.
Айтуынша, осы жылы жалпы өңірлік өнімнің өсімі 3,6% деңгейінде қамтамасыз етілмек. Сонымен қатар, 725 миллиард теңге инвестиция тарту жоспарлануда. Осы жылы 662 мың шаршы метр тұрғын үй пайдалануға беріледі. Бұл өткен жылмен салыстырғанда 25%-ке жоғары. Нәтижесінде 34 мыңға жуық жұмыс орны құрылады.
2021 жылы Қарағанды облысында 17 білім ошағы салынады және 11 денсаулық сақтау нысанының құрылысы аяқталады.
<blockquote>
 “Сонымен қатар, сапалы автомобиль жолдарының үлесін 85%-ке дейін жеткізу жоспарлануда. Қала халқының 100%-і және ауыл халқының 90%-і сумен жабдықтау қызметтеріне қол жеткізе алады”, – деді ведомство басшысы.
</blockquote>
Сондай-ақ, биыл әлеуметтік және инжинерлік инфрақұрылымды жақсарту үшін 35 ауылда 75 жоба іске асырылады. Бұл 70 мыңға жуық ауыл тұрғынының өмір сүру сапасын жақсартуға және 1 мыңнан астам жұмыс орнын құруға мүмкіндік береді.

Қазақстан 2021 жылы 15 трлн теңге инвестиция тартуды жоспарлап отыр

<a href="https://kyzylorda-news.kz/">Kyzylorda-news.kz.</a>&nbsp; Азаматтардың қауіпсіздігін қамтамасыз ету үшін кей өңірлерде белгілі бір шектеулер әлі де қолданылып отыр. Бұл туралы бүгін Үкімет отырысында ҚР Премьер-Министрі Асқар Мамин айтты, деп хабарлайды <a href="https://lenta.inform.kz/kz/ukimet-basshysy-aleumettik-ekonomikalyk-damu-korsetkishi-zhogary-onirlerdi-atady_a3753639">ҚазАқпарат</a>.
<blockquote>
 «Эпидемиологиялық жағдай бақылауда. Азаматтардың қауіпсіздігін қамтамасыз ету үшін кейбір өңірлерде белгілі бір шектеулер әлі де қолданылып отыр. Биылғы қаңтар айының қорытындысы бойынша 7 негізгі көрсеткіштің ішінде 5 бойынша сегіз өңірде әлеуметтік-экономикалық дамудың өсуі байқалуда. Олар – Ақмола, Ақтөбе, Алматы, Жамбыл, Қостанай облыстары мен Нұр-Сұлтан, Алматы және Шымкент қалалары», – деді Асқар Мамин.
</blockquote>
Үкімет басшысы бес өңірде 4 көрсеткіш бойынша оң динамика байқалатындығын айтты.
<blockquote>
 «Олар – Қарағанды, Қызылорда, Павлодар, Түркістан, Шығыс Қазақстан облыстары. Солтүстік Қазақстан, Атырау, Батыс Қазақстан және Маңғыстау облыстарының қол жеткізген көрсеткіштері төмен», – деді Премьер-Министр.
</blockquote>

Қызылорданың экономикалық дамуында оң динамика байқалады

Kyzylorda-news.kz. Қызылорда облысында өткен жылы 124 миллиард теңгенің 2900 мемлекеттік сатып алу конкурсы өткізілді. Нәтижесінде 8,9 млрд теңге үнемделді. Бұл туралы Өңірлік коммуникациялар қызметінің ақпарат алаңында өткен брифингте облыстық мемлекеттік сатып алу басқармасының басшысы Ғалым Едігеев мәлімдеді.
«Мемлекеттік сатып алуларды орталықтандыру» пилоттық жобасы жүзеге асуда. Жоба аясында облыс бойынша 2733 конкурс ұйымдастырылды.
<blockquote>
 “Бұл заңнама талаптарын қолданудың біркелкі тәжірибесін қалыптастырып, саланы кәсібилендіруге кезекті қадам деуге болады. Себебі, саладағы бұзушылықтар үшін әкімшілік жауапқа тартылғандар саны өткен жылмен салыстырғанда 25 пайызға азайды. Бүгінде мемлекеттік сатып алу заңдылығын жетілдіру бағытында ұсыныстар енгізу тәжірибесіне сүйенудеміз. Мемлекеттік сатып алу орталықтандырылған түрде бір жерден өткізілуде”, – деді облыстық мемлекеттік сатып алу басқармасының басшысы Ғалым Едігеев.
</blockquote>

Қызылорда: Мемлекеттік сатып алу конкурсы бойынша 8,9 млрд теңге үнемделді

<a href="https://kyzylorda-news.kz/">Kyzylorda-news.kz</a>. Облыста «Қарапайым заттар экономикасы» бағдарламасы аясында 12,9 млрд. теңгені құрайтын 161 жоба қамтылды. Бүгінде оның 111-і мақұлданды.
Бетон құбыры, жем-шөп өнімі, кондитерлік және жиһаз өндірісіне бағытталған жобалар бар. Сондай-ақ, қолдау тапқан жобалардың 76-сы мал шаруашылығын дамытуға арналған.
<blockquote>
 «Бүгінде қосымша 2,3 млрд. теңге құрайтын 9 жобаның өтінімі қаржы институттарының қарауында, қалған 42 жобаның құжаты жинақталуда. Облыс бойынша жобаларды іске асыру бағытында жұмыстар жасалуда», – деді облыстық индустриялық-инновациялық даму басқармасының басшысы Ринат Сұлтангереев.
</blockquote>
Айта кетейік, аймақта «Жұмыспен қамтудың Жол картасы» шеңберінде жалпы 40 млрд. теңгені құрайтын 291 инфрақұрылымдық жоба жүзеге асты.

Қызылорда: «Қарапайым заттар экономикасы» бағдарламасы аясында 111 жоба мақұлданды

<a href="https://kyzylorda-news.kz/">Kyzylorda-news.kz</a>. Қызылорда қаласының әкімі Нұрлыбек Нәлібаев есептік кездесуінің алдында &nbsp;қалаға қарасты кент және ауылдық округтерді аралап, тұрғындармен тілдесіп, айтар тілегін, ұсыныс-пікірлерін тыңдады.
Қала басшысы алдымен шаһар іргесіндегі Тасбөгет және Белкөл кентіне &nbsp;барып, тұрғындармен жүзбе-жүз жолықты. Тасбөгеттегі келелі жиында 2020 жылы кентте атқарылған жұмыстарды саралап, жақсы жетістіктері мен жоғары көрсеткіштеріне тоқталды. Мәселен,&nbsp; Тасбөгетте өткен жылы 17,5 шақырым болатын 15 көшеге малта тас төселіп, 3,6 шақырымға созылған 3 көшеге күрделі жөндеу жұмыстары жүргізілді. Бұдан бөлек &nbsp;5 көше жарықтандырылып, спорттық жаттығу және стритбол алаңы салынды. Кентке қарасты Сабалақ саяжайына &nbsp;ауыз су желісінің екінші кезеңін жүргізуге, 17,6 шақырым электр желісін тартуға қаржы қаралды.
Басқосуда қала әкімі тындырымды тірліктер атқарылған Тасбөгетте алдағы жылы жүзеге асырылатын жобаларды да атап өтіп, жұмыс жоспарына енгізілген бірқатар бастамалармен бөлісті.
Берекелі бастамалар бастау алып, жарқын жобалар жүзеге асқан Белкөл кентінде өткен жылы 6 көшеге орташа жөндеу жүргізіліп, &nbsp;кварталаралық жылу жүйелері жаңғыртылды, «Балапан» балабақшасы күрделі жөндеуден өтіп, Зеленая көшесінің 1,6 шақырымына түнгі жарық шамдары орнатылды. Кентке қарайтын Бірқазан елді-мекенінің кіре-беріс жолы жөнделіп, ауылда балалар ойын алаңы салынды.
Кезегін күткен өзекті мәселелері&nbsp; өз шешімін тауып, көрсеткіштері жақсарған Белкөлдің тұрғындары кездесуде қала әкіміне алғыстарын білдіріп, біткен істерге оң баға беріп, алдағы жоспарларға сәттілік тіледі.
Өз кезегінде қала әкімі «Қай салада, қай қызметте болсақ та елдің қолдауы, үлкендердің ақ батасы тірлігіміздің берекесін кіргізіп, жолымызды ашатыны анық» – деп, ерекше тоқталып, Белкөлдің болашағына бағытталған байыпты бастамаларды тілге тиек етті.
Ел тілегі, көптің сұрауы болған күре жолдан өтетін аспалы көпірдің құрылысы ағымдағы жылы аяқталып, тұрғындардың игілігіне берілетіндігін жеткізді.
Тұрғындармен кездесудің соңында шаһар басшысы еліміздің тәуелсіздігін нығайтуға, аймағымыздың әлеуметтік-экономикалық дамуына күш салып, елеулі үлес қосқан қос кенттің ардагерлерін және қаламыздың қоғамдық-саяси өміріне белсене араласқан бірқатар азаматтарға сый-құрмет көрсетіп, қала әкімінің алғыс хатын табыстады.
<img src="https://kyzylorda-news.kz/wp-content/uploads/2021/02/02-tasboget-scaled.jpg" alt="" />

Өткен жылы Тасбөгетте қандай жұмыстар атқарылды?

<a href="https://kyzylorda-news.kz/">Kyzylorda-news.kz</a>.&nbsp;Жергілікті қамтуға қатысты өңірлерде көшпелі тексерулер өткізіледі. Бұл туралы Үкімет отырысында ҚР Индустрия және инфрақұрылымдық даму министрі Бейбіт Атамқұлов айтты, деп хабарлайды <a href="https://lenta.inform.kz/kz/prezident-tapsyrmasy-zhergilikti-kamtuga-katysty-onirlerde-tekseru-otkiziledi_a3748106">ҚазАқпарат.</a>
Оның айтуынша, Президенттің жергілікті қамту үлесіне қатысты сынына орай өңірлерге көшпелі тексерулер ұйымдастыру үшін мемлекеттік органдардың өкілдерімен Жұмыс тобы ұйымдастырылады. Отандық тауарлардың, жұмыстар мен қызметтердің қолданылуын растайтын барлық конкурстық құжаттар тексеріледі.
<blockquote>
 «Бүгінгі таңда жергілікті қамту үлесінің көрсеткіштері Павлодар, Ақтөбе, Батыс Қазақстан облыстарында төмен болып отыр. Бұл ретте, өңірлерге қатысты нақты көріністі тексеру қорытындылары бойынша көреміз», – деді ол.
</blockquote>
Министр Жұмыспен қамту жол картасының аясында 7 өңірде отандық өнімдерді қолдану көрсеткіші 90 пайыздан төмен екендігін баса айтты.
<blockquote>
 «Атап айтқанда, Алматы, Қызылорда, Маңғыстау (80%), Қостанай, Павлодар облыстарында және Шымкент, Нұр-Сұлтан қалаларында», – деді Бейбіт Атамқұлов.
</blockquote>

Қызылордада отандық өнімді қолдану көрсеткіші төмен

<a href="https://kyzylorda-news.kz/">Kyzylorda-news.kz.</a> Биылғы жылы санитарлық талаптарды қатаң сақтай отырып, есеп беру кездесулері онлайн форматта өткізілуде.
Аудан басшысы «Zoom» бағдарламасы арқылы Жаңадария, Аламесек, Еңбек, Таң, Аққұм, Шәменов, Қаракеткен ауылдық округтерінің тұрғындарымен онлайн байланысқа шығып, өткен жылы атқарылған жұмыстар туралы есеп беріп, алдағы жоспарларымен бөлісті.
<blockquote>
 «Өткен жылы «Өңірлерді дамытудың 2020 жылға дейінгі» мемлекеттік бағдарламасына сәйкес Далдабай және Жаңақоныс елді мекендерінің ауыз су жүйесін қайта жаңғырту жұмыстары аяқталып, пайдалануға берілді. Қазіргі таңда аудан тұрғындары 100 пайыз орталықтандырылған ауыз сумен қамтамасыз етілген», – деген аудан басшысы бұдан бөлек, кәсіпкерлік, ауылшаруашылығы, жол жөндеу, құрылыс саласында көптеген жұмыс атқарылғанын тілге тиек етті.
</blockquote>
Айта кету керек, өткен жылы М.Шәменов ауылындағы құны 690 млн. теңгені құрайтын 140 орындық жаңа мектеп пайдалануға беріліп, ауданда апаттық жағдайдағы мектептердің мәселесі толық шешімін тапты.
«Жұмыспен қамтудың 2020-2021 жылдарға арналған жол картасы» аясында Қаракеткен ауылына кіре-беріс автомобиль жолына орташа жөндеу жұмыстарына 92 млн. теңгеге, Таң ауылына кіре беріс автомобиль жолын орташа жөндеу жұмыстарына 106 млн. теңге қаралып, жөндеу жұмыстары толық аяқталды. Осы бағдарлама аясында Таң ауылдық мәдениет үйі ғимаратына жөндеу жұмыстары жүргізілді.
Сонымен қатар Мәдениет, Жаңаталап, Аққұм елді мекендерінің электр жүйесі қайта жаңғыртудан өткізіліп, пайдалануға берілді. 
Сондай-ақ, Есет батыр ауылы бағытындағы Оңтүстік коллектор (ЮК-16) көпірін қайта жаңғырту, Жаңадария бағытындағы 17,1 шақырым автомобиль жолын орташа жөндеу,Таң ауылындағы №188 және Аламесек ауылындағы №124 мектеп ғимараттарына күрделі жөндеу жұмыстары алдағы жоспарда бар.
Кездесу барысында ауыл тұрғындары өздерінің көкейіндегі сауалдарын қойып, ой-пікірлерін білдірді.
Жаңадария, Аламесек, Еңбек ауылының тұрғындары ауылдың ішкі көшелерін жөндеу туралы, Аламесек ауылдық округіндегі мәдениет үйінің жылу жүйесін қайта жаңғырту туралы ұсыныс білдірсе, Аққұм ауылының тұрғындары шет аймақтардағы тұрғын үйлерге ауыз су құбырын тарту туралы ұсыныс айтты.
Қойылған әрбір сұраққа аудан әкімі Асылбек Өмірбекұлы жауап беріп, тұрғындар көтерген мәселе үнемі назарда болатынын жеткізді.
<img src="https://kyzylorda-news.kz/wp-content/uploads/2021/01/144675279_1146290995822977_7171912423894281895_o.jpg" alt="" />

Жалағаш ауданы 100 пайыз орталықтандырылған ауыз суға қосылған

<a href="https://kyzylorda-news.kz/">Kyzylorda-news.kz.</a> Сыр елінде экономикаға табыс алып келетін шағын өндіріс орындары Кәсіпкерлікті қолдау картасына енуде. Өңірде өткен жылы Индустрияландыру бағдарламасының ІІІ бесжылдығы басталған. Осы кезге дейін І және ІІ бесжылдық аясында құны 150 млрд.теңгені құрайтын 26 жоба жүзеге асқан. Нәтижесінде 1,7 мың қызылордалық жұмыс көзін тапты.
Өндіріс орындарын көбейту бағытында 2020 жылы құны 68,1 млрд.теңгені құрайтын 20 жоба Өңірлік кәсіпкерлікті қолдау картасына қосылған. Ал, биыл 19 жаңа жоба картаға енеді. Оның 5-уі Қызылорда қаласынан, әр ауданнан 2 жобадан еніп отыр. Құрылыс индустриясы бойынша шағын арматура зауыты, асфальтбетон зауытын салу, шыны талшықты және композитті материалдар өндіру, құрғақ қоспаларын өндіру зауыты мен Жаңақорған ауданынан керамзит және керамзит блоктарын өндіру қолға алынады.
Ал, тау-кен және металлургия өнеркәсібі саласында өңірде полиметалл кендерін қайта өндейтін тау-кен комбинаты, кварц құмын байыту комбинатының І кезеңі іске асады. Ауыл шаруашылығы бағытында 11 жоба арқылы 873 жұмыс орны ашылмақ.
Айта кетейік, аймақта бір жыл ішінде іске қосылған жобалар нәтижесінде 34,9 млрд.теңгенің өнімі өндірілген.

Қазақстан және Қызылорда облысының жаңалықтары: Экономика

«Халықтың әл-ауқаты артады»: Қазақстанда ұлттық жоспар бекітілді

Қазақстан премьері мен “Роскосмос” басшысы “Бәйтерек” зымыран кешенін құру жайын талқылады

Серік Мырзабаев: Аграрлы саланың жетістігі көп

Қызылордада индустрияландыру бағдарламасы аясында 3 жоба жүзеге асырылды

Қазақстан 2021 жылы 15 трлн теңге инвестиция тартуды жоспарлап отыр

Қызылорданың экономикалық дамуында оң динамика байқалады

Қызылорда: Мемлекеттік сатып алу конкурсы бойынша 8,9 млрд теңге үнемделді

Қызылорда: «Қарапайым заттар экономикасы» бағдарламасы аясында 111 жоба мақұлданды

Өткен жылы Тасбөгетте қандай жұмыстар атқарылды?

Қызылордада отандық өнімді қолдану көрсеткіші төмен

Жалағаш ауданы 100 пайыз орталықтандырылған ауыз суға қосылған

Қызылордада индустриялық 19 жаңа жоба кәсіпкерлікті қолдау картасына енді

Қазақстан және Қызылорда облысының жаңалықтары: Экономика

«Халықтың әл-ауқаты артады»: Қазақстанда ұлттық жоспар бекітілді

Қазақстан премьері мен &#8220;Роскосмос&#8221; басшысы &#8220;Бәйтерек&#8221; зымыран кешенін құру жайын талқылады

Серік Мырзабаев: Аграрлы саланың жетістігі көп

Қызылордада индустрияландыру бағдарламасы аясында 3 жоба жүзеге асырылды

Қазақстан 2021 жылы 15 трлн теңге инвестиция тартуды жоспарлап отыр

Қызылорданың экономикалық дамуында оң динамика байқалады

Қызылорда: Мемлекеттік сатып алу конкурсы бойынша 8,9 млрд теңге үнемделді

Қызылорда: «Қарапайым заттар экономикасы» бағдарламасы аясында 111 жоба мақұлданды

Өткен жылы Тасбөгетте қандай жұмыстар атқарылды?

Қызылордада отандық өнімді қолдану көрсеткіші төмен

Жалағаш ауданы 100 пайыз орталықтандырылған ауыз суға қосылған

Қызылордада индустриялық 19 жаңа жоба кәсіпкерлікті қолдау картасына енді

Қазақстан премьері мен “Роскосмос” басшысы “Бәйтерек” зымыран кешенін құру жайын талқылады