<a href="https://kyzylorda-news.kz/">Kyzylorda-news.kz</a>. Биыл аймақта ұзындығы 360 шақырымды құрайтын автомобиль жолдары мен көпір өткелдері және көшелер жөндеуден өткізілуде. Оған 4 мемлекеттік бағдарлама арқылы республикалық бюджеттен 10.8 млрд теңге көлемінде инвестиция тартылды. Бұл туралы Өңірлік коммуникациялар қызметінің ақпараттық алаңында өткен брифингте облыстық жолаушылар көлігі және автомобиль жолдары басқармасының басшысы Мұрат Тлеумбетов мәлімдеді.
<blockquote>
 «Бүгінде “Ауыл – ел бесігі” бағдарламасы аясында елді мекендердің 64 көшесіне орташа жөндеу жұмыстары жүруде. Бұған қоса, Қазалы қаласындағы 10 көшені қайта жаңғыртуға 735,6 млн. теңге бөлінді. Ал “Өңірлерді дамыту” бағдарламасы аясында республикалық бюджеттен 1 774,3 млн. теңге бөлініп, шаһардың сол жағалауын дамыту мақсатында үш жоба жүзеге асырылуда. Жол жөндеу жұмыстары арнайы авторлық және техникалық қадағалаушы мамандармен күнделікті бақылауда болады. Сонымен қатар, “Ұлттық жол активтері сапасы орталығы” кәсіпорнымен жол құрылысына қолданылатын материалдарды алдын ала зертханалық тексеруден өткізу, жол жөндеу жұмыстары барысында асфальттың сапасына сараптама жүргізу қызметтерін көрсету ұйымдастырылды. Бұл бағыттағы жұмыстарға көрсеткен қызметі үшін “Ұлттық жол активтері сапасы орталығы” кәсіпорнына 94,0 млн. теңге көлемінде қаражат бөлініп, келісім-шартқа отырды», – деді Мұрат Жолкелдіұлы.
</blockquote>
Сондай-ақ, тамыз айында сол жағалаудағы Сырдария өзенінің қорғаныс бөгетін бойлай орналасқан магистралды көше құрылысы аяқталып, халық игілігіне беру жоспарлануда.

«Ауыл &#8211; ел бесігі»: Елді мекендердің 64 көшесіне жөндеу жұмыстары жүруде

Kyzylorda-news.kz. Қызылорда қаласының орталығынан соңғы үлгідегі сәнді жиһаздар дүкені ашылды.
<img src="https://aqmeshit-aptalygy.kz/wp-content/uploads/2021/07/217650974_1249915108815018_5256964016274152640_n-766x1024.jpg" alt="" />
Дүкен құрылтайшысы Ақтолқын Махамбетова – осы кәсіп саласында жүргеніне 15 жылға жуықтаған. Кәсіптің қыр-сырын меңгерген маман облыс тұрғындарын сапалы жиһаздармен қамтамасыз етіп келеді.
<img src="https://aqmeshit-aptalygy.kz/wp-content/uploads/2021/07/217603745_1249915178815011_9064158015109693033_n-766x1024.jpg" alt="" />
Кәсіпкер кәсібін кеңейтіп дамыту барысында мемлекеттік қолдау арқылы несие алып, 3 қабатты зәулім ғимаратын салды.Салтанатты шараға Басқарма басшысы Фердоуси Қожабергенов қатысты. 
Жалпы, биылғы жылы өңірімізде бизнесті қолдауға мемлекеттік бағдарламалар есебінен 11 млрд. теңгеден астам қаржы бағытталып, бүгінде бизнестің 1600-ге жобасына несиелер берілді.
<img src="https://aqmeshit-aptalygy.kz/wp-content/uploads/2021/07/216830397_1249915158815013_360275297898881936_n-1024x766.jpg" alt="" />
Мұндай қолдау шаралары өңірде кәсіп бастаушылардың санының артуына септігін тигізуде. Жыл басынан бері жұмыс жасап тұрған кәсіпкерлердің саны 49 808 жетті. Бұл Республика бойынша жоғары көрсеткіштердің бірі болып отыр. 
Кәсіп ашып, қызмет етем дегенге мүмкіндік мол. Әрекетке берекет деген осы болар

Мемлекеттен көмек алған қызылордалық кәсіпкер жиһаздар дүкенін ашты

<a href="https://kyzylorda-news.kz/">Kyzylorda-news.kz</a>. Аймақта жыл басынан бері 344,7 млрд.теңгенің өнімі өндірілді. Яғни көрсеткіш өткен жылмен салыстырғанда 100,5 пайызды құрады. Бұл туралы Өңірлік коммуникациялар қызметінің ақпараттық алаңында өткен баспасөз конференциясында облыстық экономика және бюджеттік жоспарлау басқармасының басшысы Нұрғали Қордабай мәлімдеді.
<blockquote>
 «Өңір экономикасына 104,7 млрд. теңге инвестиция салынды. Сондай-ақ, 25,7 млрд.теңгеге құрылыс жұмыстары жүргізілді. 297,5 мың шаршы метр тұрғын үй пайдалануға берілді. Биыл жұмыссыздық деңгейі 4,9 пайыз. Жаңадан 16464 жұмыс орны ашылды. Оның 6328 тұрақты. Ал ауылшаруашылығының өнім көлемі 28,5 млрд.теңгеге жетті. Мәселен, жыл басынан бері 17,4 тонна мал және құс еті, сүт өнімі 40,9 мың тонна , 3,2 млн. дана жұмыртқа өндірілді»,-деді Нұрғали Рахымшаұлы.
</blockquote>
Биыл индустрияландыру бағдарламасы аясында 48,5 млрд. теңгені құрайтын 4 жобаны іске асыру жоспарланған. Атап айтқанда, табақша шыны шығару және өңдеу зауыты, қуаттылығы жылына 1500 тонна құс етін өндіру, ас тұзын өндіру, түйе сүтінен құрғақ ұнтақ шығару өндірісі. Жоба аясында 506 жұмыс орнын құру көзделген.
<blockquote>
 «Облыста инвестициялар көлемінің өсуі байқалады. Бүгінде инвестициялардың жаңа толқынын тарту бойынша жұмыстар жүргізілуде. Мұнан өзге, индустрияландыру бағдарламасының үшінші бесжылдығында құны 542,9 млрд.теңгені құрайтын 41 жоба жүзеге асырылатын болады. Нәтижесінде 7,4 мың адамды жұмыспен қамтылады»,-деді облыстық индустриялық-инновациялық даму басқармасы басшысының міндетін атқарушы Жанар Берденова.
</blockquote>

Қызылорда облысында 344,7 млрд теңгенің өнімі өндірілді

<a href="https://kyzylorda-news.kz/">Kyzylorda-news.kz</a>. Бүгін облыс әкімі Гүлшара Әбдіқалықованың төрағалығымен жол желісін дамыту және жолаушылар тасымалы бойынша атқарылып жатқан жұмыстарға қатысты жиын өтті. Онда облыстық жолаушылар көлігі және автомобиль жолдары басқармасының басшысы Мұрат Тілеуімбетов үстіміздегі жылдың І жарыжылдығында атқарылған жұмыстар мен алдағы жоспарлар туралы баяндады.
Қызылорда облысы аумағында автомобиль жолдарының жалпы ұзындығы – 3397 шақырымды құрайды. Оның 1016 км республикалық, 2381 км облыстық және аудандық маңызы бар автомобиль жолдары болып табылады. 
2021 жылы республикалық және облыстық бюджеттен барлығы 20,0 млрд теңге көлемінде қаражат бөлініп ұзындығы 360 шақырымды құрайтын автомобиль жолдары мен көпір өткелдері және көшелер жөндеуден өткізілуде.
Ағымдағы жылы республикалық бюджеттен төрт мемлекеттік бағдарламамен 10.8 млрд теңге көлемінде инвестиция тартылды.
Ағымдағы жылдың жартыжылдығымен жоспарланған 6,6 млрд теңге 100%-ға игеріліп, 50 шақырымнан астам автомобиль жолдары жөндеуден өткізілді.
Нәтижесінде, жыл қорытындысымен облыстық және аудандық маңызы бар автомобиль жолдарының жақсы және қанағаттанарлық индикаторлық көрсеткішінің үлесі жоспарлы 75% құрады.
Атап айтсақ, “Нұрлы жол” бағдарламасы аясында жалпы 11 647,0 млн. теңге бөлініп, 45 жоба жүзеге асырылып, ұзындығы 250 шақырымды құрайтын облыстық және аудандық маңызы бар автомобиль жолдары жөндеуден өткізілуде. “Өңірлерді дамыту” бағдарламасы аясында республикалық бюджеттен 1 774,3 млн. теңге бөлініп, Қызылорда қаласының сол жағалау бөлігін дамыту мақсатында үш жоба жүзеге асырылуда. “Ауыл ел – бесігі” бағдарламасы бойынша республикалық бюджеттен – 2 604,6 млн. теңге бөлініп, ұзындығы 80 шақырымнан астам елді мекендердің 64 көшесіне орташа жөндеу жұмыстары жүргізілуде. Ал, “Кіші қалаларды дамыту” бағдарламасы аясында 1 859,6 млн. теңге бөлініп, Арал қаласының ұзындығы 8,8 км құрайтын 8 көшені салуға және қайта жаңғыртуға, Қазалы қаласының ұзындығы 8,2 км 10 көшесін қайта жаңғыртуға жұмыс жасалуда. 
Қазалы ауданындағы Қарлан учаскесіндегі Сырдария өзені арқылы көпір салу жобасының мемсараптама қорытындысы алынды. Жобаның жалпы сметалық құны 4,4 млрд теңгені құрады. Жобаны ҚР Ұлттық экономика министрлігі арқылы 90/10 пайызбен қаржыландыру мақсатында бюджеттік ұсыным әзірленуде.
Сондай-ақ облыс тұрғындары үшін маңызды жобалардың бірі “Қызылорда-Жалағаш” автомобиль жолы. Ағымдағы жылы республикалық бюджеттен 1,0 млрд теңге көлемінде қаражат бөлініп, мемлекеттік сатып алу конкурсы аяқталуда. Жөндеу жұмыстары шілде айының соңына қарай басталады деп жоспарлануда.
Қазалы қаласы мен Әйтеке би көшесі аралығына қайта жаңарту жобасындағы 3 көпірге толықтай кеңейту жұмыстары атқарылды. Қазіргі кезде жол жабынын кеңейту және су құбыры мен газ жүйесін қайта орналастыру жұмыстары жүргізілуде.
Жергілікті маңызы бар жолдардың бойындағы көпірлердің техникалық жағдайы алаңдатушылық тудыруда. Қазіргі уақытта 5 апаттық жағдайдағы көпір өткелдері мемсараптамадан өткізілуде. Қорытындысы тамыз айында белгілі болады. Басқарма басшысы Шиелі ауданындағы 2 апаттық жағдайдағы көпірдің құрылысын биылдан қалдырмай бастау қажеттігі туындап отырғанын айтты. Осындай жұмыстар аудандық әкімшіліктерде де жүргізілуде. Қазалы ауданы 3 көпірге, Арал, Жалағаш аудандары теміржол үстінен өтетін автокөлік жолына және Жаңақорған ауданы 3 дана көпірдің жобасын әзірленуде.
Сондай-ақ облыс көлемінде 6 қалқымалы қайық өткелдері бар. Бүгінгі күні бұл қайықтардың да техникалық жағдайы бақылауда.
Арал ауданының Хан учаскесіндегі Сырдария өзеніне салынған қалқымалы қайық өткеліне күрделі жөндеу жүргізуге ЖСҚ әзірленген. Құны 357,4 млн. теңгені құрайды.
Жиында Қызылорда қаласындағы «Қорқыт Ата» әуежайы терминалын қайта жаңғырту және кеңейту жобалары және облыс аумағындағы темір жол вокзалдарының жәй күйі сөз болды.
Облыс әкімі Гүлшара Әбдіқалықова мемлекеттік бағдарламалар арқылы бөлінген қаржының уақытылы игеріліп, мақсатты жұмсалып, жөндеу жұмыстары сапалы жүргізілуін тапсырды. Сонымен қатар, көлік айналымы қызметін бақылауға алуды жүктеді.
<img src="https://kyzylorda-news.kz/wp-content/uploads/2021/07/217600458_3527972337305810_5063650930674838437_n.jpg" alt="" />

Қызылордада биыл 20 млрд теңгеге жол жөнделуде

<a href="https://kyzylorda-news.kz/">Kyzylorda-news.kz</a> Бүгін Қазалы ауданындағы Жанқожа батыр мен Майдакөл ауылдарында ауыз су сервистік желіге қосылды. Өткен жылы Жанқожа батыр ауылында құрылыс жұмыстарын бастау үшін бюджеттен 120 млн теңге қаржы бөлініп, бүгінгі таңда 16 шақырым ауыз су желісі тартылды. Нәтижесінде елді мекендегі 288 тұрғын үй сервистік желіге қосылды.
Жанқожа батыр ауылының тұрғыны Ақбұрыш Батимова бұл жұмыстарға қуанышты екендігін жеткізіп, ризашылығын білдірді.
<blockquote>
 «Адамзат баласы үшін ауыз судың орны әрқашан да бөлек қой. Осыған дейін біз суды ауылдың шетіндегі бұлақтан, Тәуелсіздік алған соң ауыл ішіндегі калонкалардан тасып іштік. Әрине, қыстың суығы мен жаздың аптап ыстығында су тасып ішу оңай емес. Енді біз бұл қиыншылықтардан құтылатын болдық», – деді ауыл тұрғыны.
</blockquote>
Дәл осындай жұмыстар Майдакөл ауылында да жүргізілді. Қазіргі таңда елді мекендегі 204 тұрғын үй мен әлеуметтік нысандар ауыз сумен қамтамасыз етілді. 
Қос ауылдағы құрылыс жұмыстарын Еркін Төребекұлы басқаратын «Алтын айдарлы» ЖШС жүргізді. Ауызбіршілігі мол ұжымның жұмысшылары құрылыс жұмыстарын мерзімінен бұрын бітіріп, халыққа пайдалануға беріп отыр. Сол үшін де серіктестіктің директоры Еркін Төребекұлы аудан әкімінің «Алғыс хатымен» марапатталды. 
Тұрғындардың қуанышымен бөлісуге аудан әкімі Мұхтар Оразбаев арнайы барып, ауыл халқымен кездесті. Кездесулерде Жанқожа батыр мен Майдакөл ауылының тұрғындары игілікті істің жүзеге асқаны үшін алғысын айтып, бірқатар мәселелерді аудан басшысының назарына ұсынды.

Қазалы ауданының елді мекендерінде ауыз су сервистік желіге қосылды

<a href="https://kyzylorda-news.kz/">Kyzylorda-news.kz</a> Сауда және интеграция министрі Бақыт Сұлтанов көтерме-тарату орталықтары қашан іске қосылатынын айтты, деп хабарлайды&nbsp;<a href="https://sputnik.kz/">Sputnik Қазақстан</a>.
Ол тиісті қоймалардың болмауы шаруалардың шығынына, өнімді ел ішінде бөлуге тікелей әсер ететінін, мұның соңы сөрелердегі азық-түліктің қымбаттауына әкелетінін айтты.&nbsp;
<blockquote>
 “Көтерме-тарату орталықтарын құру бір күнде шешіле салатын мәселе емес. Тиісті жұмыс кестесі бар. Бірінші кезеңде жеті КТО бойынша келісімшарттар бекітілді, жұмыс басталды. Біз енді инвесторлармен 2022 жылдың өніміне үлгеруге тырысамыз”, – деді Сұлтанов брифингте.
</blockquote>
Десе де, оның айтуынша, бұл бүкіл қажеттілікті жаппайды. 24 көтерме-тарату орталығының 15-і – агрологистикалық орталықтар. Олар ауыл шаруашылығы өнімін өндіретін орындарда орналасады.
“Олар бәрібіз де бүкіл қажеттілікті қанағаттандырмайды. Біз зәкірлі жүйе құрып жатырмыз. Президент үкіметтің кеңейтілген отырысында тапсырғандай, бизнес осындай көкөніс қоймаларын белсендірек ашу үшін тиісті жұмыс жүргіземіз. Олардың бәрі зәкірлі жобаның төңірегіне бірыңғай жүйеге шоғырланады”, – деп түсіндірді министр.
Сұлтанов бірыңғай ақпараттық жүйе мұның негізіне айналатынын атап өтті. Жүйе ауыл шаруашылығы тауарын өндірушілерге дұрыс ақпарат алып, өндіріс көлемін болжауға және өнімділікке бағытталған инвестицияларды есептеуге мүмкіндік береді.

Көтерме-тарату орталықтарын құру бір күнде шешілетін мәселе емес &#8211; Министр

<a href="https://kyzylorda-news.kz/">Kyzylorda-news.kz</a>. Қазақстан Республикасы индустрия және инфрақұрылымды дамыту вице-министрі Қайырбек Өскенбаев тұрғын үй бағасына қатысты болжам жасады.
<blockquote>
 “Біз үнемі бағаны қадағалап отырамыз. Егер қаңтарда жаңа тұрғын үйлердің&nbsp;бағасы&nbsp;3,8%-ға&nbsp;өсуі байқалса, екінші деңгейлі үйдің бағасы 7,2%-ға көтерілді. Ал маусым айында бұл көрсеткіш екінші деңгейлі үйлерге 1,2%-ға, ал жаңа баспанаға 0,9%-ға артқан”, –&nbsp;деді Қайырбек Өскенбаев ОКҚ брифингінде.
</blockquote>
Ол күзге&nbsp;қарай тұрғын үй бағасының тұрақталуы күтілетінін&nbsp;айтты.&nbsp;
<blockquote>
 “Біз маусым-шілде айларында бағалар тұрақтануы&nbsp;керек деп жоспарлап отырмыз. Бағаның өсуі&nbsp;зейнетақының бір бөлігін&nbsp;пайдалануға байланысты тұрғын үйге деген сұраныстың жоғарылауымен байланысты болды.&nbsp;Менің ойымша, бізде маусым-шілде айларында бағаның тұрақтануы байқалады. Менің жеке болжамдарым бойынша, қыркүйек айында тұрғын үй бағасы арзандайтын болады”, –&nbsp;деп қорытындылады вице-министр.
</blockquote>
<a href="https://stan.kz/">Stan.kz</a>

Қазақстанда қыркүйек айында тұрғын үй бағасы арзандайды

<a href="https://kyzylorda-news.kz/">Kyzylorda-news.kz</a>. Қазалы ауданының әкімі Мұхтар Оразбаевтың төрағалығымен «Аудан аумағында мал азығын қымбаттатпау және мал шаруашылығы өнімдерінің бағасын тұрақтандыру жөніндегі» штаб отырысы өтті. Штаб отырысына егін және мал шаруашылығымен айналысатын кәсіпкерлер, қала, кент және ауылдық округ әкімдері қатысты.
Штаб отырысы басталмас бұрын аудан әкімі Мұхтар Оразбаев 9 шілде – су шаруашылығы қызметкерлері күні мерекесімен құттықтап, игі тілегін жеткізді. Қажырлы еңбек етіп, ауданның әлеуметтік-экономикалық дамуына үлес қосып жүрген сала мамандарына алғысын айтты.
Мұнан соң күн тәртібіндегі негізгі мәселе қаралды. Алғашқы сөзді аудан басшысы өзі бастап, өңірдегі ахуал әңгіме қозғады.
<blockquote>
 «Биылғы жыл шаруалар үшін қиын жыл болып тұр. Қыста қардың аз түсуі, көктемде жауын-шашын болмауынан Сырдария өзеніндегі су көлемі төмен деңгейде. Салдарынан еліміздің бірқатар аймақтарында, оның ішінде біздің өңірімізде де қуаңшылық орын алып отыр. Бұл негізгі кәсібі егін және мал шаруашылығы болып табылатын аудан шаруалары үшін үлкен қиыншылық тудыруда», – деген Мұхтар Әуесұлы қуаңшылық мәселесіне байланысты кеше ауданға Мәжіліс депутаттары арнайы келгенін айтты.
</blockquote>
<img src="https://kyzylorda-news.kz/wp-content/uploads/2021/07/17d59445-1db1-4469-b92d-8e33a63aca19.jpg" alt="" />
ҚР Парламент Мәжілісінің депутаттарымен кездескен аудан тұрғындары жеке шаруашылықтар тарапынан субсидия алудағы туындаған қиыншылықтар, Сырдария өзеніндегі судың жетіспеушілігі, мемлекеттік қолдау шаралары туралы мәселе көтерді.
<blockquote>
 «Алдын ала жүргізілген есепке сәйкес мал қыстату науқанына аудан бойынша 140 мың тонна шөп, 30 мың тонна жем қажет. Ауданымызға қажетті шөптің 65 пайызын, ал жемнің 20 пайызын өздігімізден қамтамасыз етіледі деп күтілуде. Жем-шөптің жетіспейтін бөлігін өзге аудандар және солтүстік өңірлерден тасымалдау жұмыстарын ұйымдастыруымыз қажет», – деді аудан басшысы.
</blockquote>
Күн тәртібіндегі «Мал қыстату науқанына дайындық іс-шара жоспарының орындалу барысы» туралы аудандық ауыл шаруашылығы бөлімінің басшысы Нұрлан Аманбай баяндама жасап, бірқатар ұсыныстарын айтты.
Аудан әкімі Мұхтар Оразбаев бөлім басшысына жеке шаруашылықтардан қысқа қажетті жем-шөптің мөлшері жөнінде мәліметтерді күнделікті алып отыруды тапсырды. Сондай-ақ, жеке кәсіпкерлермен меморандумға отырып, еліміздің солтүстік өңірінен делдалдарсыз операторлар арқылы тікелей жем тасымалдау мүмкіндіктерін қарастыру қажеттігін айтты.
Штаб отырысында аудандық ветеринариялық станция директорының міндетін атқарушы Темірлан Мұратов мал басының сақталуы жөнінде баяндама жасады.
Басқосуда Алимуса Қожағұл, Алғашбай Байкөбеков бастаған кәсіпкерлер жем-шөп дайындауға қатысты өздерін толғандырған мәселелерін айтты.
Аудан әкімінің орынбасары Күнтілес Назымбеков шабындықтардың болмауына байланысты мал азығын дайындауға мүмкіндігі жоқ Қазалы қаласы, Әйтеке би кенті және Майлыбас, Шәкен, Құмжиек, Басықара, Сарыкөл ауылдық округтеріне аудандағы өзге елді мекендерден шөп оруға мүмкіндік жасау, қажет болған жағдайда мал шаруашылығымен айналысатын кәсіпкерлер мен шаруалардың жайылымдылық жерлерін оты бар Қызылқұм жеріне ауыстыру және тағы басқа да ұсыныс-пікірлерін жеткізді.
Аудан әкімі Мұхтар Оразбаев егін шаруашылығымен айналысатын шаруа қожалықтарының басшыларына егістік алқабындағы өздерінен ауысқан шөпті тұрғындарға тегін орып алуға мүмкіндік жасау туралы ұсыныс айтты.
Өз кезегінде «Рза – Агро» ЖШС директоры Нұрлан Имандосов, «Жалаңтөс батыр» ЖШС директоры Абзал Сәрсенов халыққа көмек қолын созуға дайын екендіктерін жеткізді.
Аудан басшысы алдағы уақытта ауылдық округ әкімдері ауыл тұрғындарын ортақ іске жұмылдырып, арнайы топ дайындаулары қажеттігін тілге тиек етті.
<blockquote>
 «Қазіргі таңда жем-шөпті үйімізге әкеліп береді деп қарап отыруға болмайды. Қуаңшылық тек қана біздің өңірімізде орын алып отырған жоқ. Сондықтан әркім осы бастан әрекет жасауы керек. Біз шаруашылық басшыларымен егістік басындағы шөпті орып алуға, күріш орағынан кейін қалатын сабанды жинауға келісіп отырмыз. Енді әр ауылдан бригадалар дайындап, осы шөпті ору қажет. Өзіне қажеттісін алып, ауысқанын ауылдағы ағайындарға сатса да болады. Бұл бір жағынан уақытша кәсіп деп айтсақ артық емес. Бірақ бағасы халыққа қолжетімді болуы қажет.
 Бұдан бөлек біз қуаңшылыққа байланысты өз тарапымыздан қолдан келген жұмыстарды атқарып жатырмыз. Кеше ауданға келген Мәжіліс депутаттары мен ауыл шаруашылығы министрлігінен келген өкілдің назарына елдегі жағдайды көрсеттік. Олар енді біздің аудандағы жағдайды Үкіметке жеткізіп, шаруаларды қолдау шараларын қарастырады», – деген Мұхтар Оразбаев күн тәртібіндегі мәселелерге байланысты сала басшыларына бірқатар тапсырмалар жүктеді.
</blockquote>
Штаб отырысы өзара ынтымақтастық туралы меморандумға қол қоюмен аяқталды. Осы меморандум арқылы аудандағы «Сыр маржаны», «Рза – Агро» ЖШС, «Жалаңтөс батыр» ЖШС, «Агро – Өркен» ЖШС, «Алшын» ЖШС және «Мерей», «Ақмаржан» шаруа қожалықтары ауданда мал азығының (жем-шөп) тапшылығын болдырмау және жем-шөп бағасының негізсіз өсуіне жол бермейді.
<img src="https://kyzylorda-news.kz/wp-content/uploads/2021/07/c13150c7-e313-4781-95ac-2db3e5056328.jpg" alt="" />

Мұхтар Оразбаев: Жем-шөптің жетіспейтін бөлігін солтүстік өңірлерден тасымалдау қажет

<a href="https://kyzylorda-news.kz/">Kyzylorda-news.kz</a>. Президент Қасым-Жомарт Тоқаев елдің батысында малдың қырылуына байланысты ауыл шаруашылығы министрі Сапархан Омаровты отставкаға жіберуді талап етті, деп хабарлайды.
<blockquote>
 “Биыл жем-шөппен қамтамасыз етудің қаншалықты маңызды екенін айқын сезіндік. Ауа райының қолайсыздығынан және болжам жасау жұмысының тиімсіздігінен&nbsp; жағдай ушығып кетті. Әсіресе Маңғыстау және Қызылорда облыстарында жағдай қиын. Бір ғана Маңғыстаудың өзінде жаппай қырылған малдың саны 3 мыңға жетті. Бір тонна шөптің орташа бағасы 23 мың теңге, ал кейбір аймақта 42 мың теңге болды”, – деді Тоқаев үкіметтің кеңейтілген отырысында.
</blockquote>
Осы орайда президент ауыл шаруашылығы министрлігі мен әкімдіктер тарапынан тиісті шаралардың қолға алынбағанын ерекше атап өтті.
<blockquote>
 “Жүйелі әрі нақты жұмыс атқарылмаған. Соның кесірінен шаруаларымыз тығырыққа тіреліп отыр. Нақты іс-әрекет пен кері байланыс жоқ. Сондықтан фермерлер көмек сұрап, тікелей маған өтініш айтып жатыр. Әрине, қуаңшылық – табиғи жағдай. Мұны жақсы түсінемін. Дегенмен бұл мәселенің бір жағы ғана. Ең бастысы осындай күрделі кезеңде тиісті министрлік шұғыл және батыл шешімдер қабылдауы қажет еді”, – деп атап өтті президент.
</blockquote>
Оның пікірінше, министрлік бұл жұмысты тиімді ұйымдастыра алған жоқ.
“Сондықтан осы салаға бірден бір жауапты тұлға ретінде министр Сапархан Омаровтың отставкаға кеткені дұрыс деп есептеймін&nbsp; “, – деп түйіндеді Тоқаев.
&nbsp;<a href="https://sputnik.kz/">Sputnik Қазақстан</a>

Ауыл шаруашылығы министрі оставкаға кетуі керек – Тоқаев

<a href="https://kyzylorda-news.kz/">Kyzylorda-news.kz</a>. Жыл сайын аймақта балық аулау көлемі артып келеді. Ағымдағы жылдың 6 айында облыста ауланған балық көлемі 5301 тоннаны құраса, экспорт 2037 тоннаға жетті.
<blockquote>
 «Биыл 2 мың тоннадан астам балық Ресей, Польша, Нидерланды, Германия, Грузия және Литва елдеріне экспортталды. Облыста балық шаруашылығын дамыту мақсатында, тауарлы балық өсіру жұмыстарын күшейтудеміз. Өткен жылы облыста 155 тонна тауарлы балық өсірілсе, тауарлы балық өсіретін шаруашылықтардың саны 10-нан 20-ға жетті. Енді биыл 30-ға жеткізсек, балық өсіру көлемін 172 тоннаға ұлғайтамыз деп жоспарлап отырмыз», – деді облыстық табиғи ресурстар мен табиғат пайдалануды реттеу басқармасы басшысының орынбасары Бауыржан Оспанов.
</blockquote>
Айта кетейік, өткен жылы облыста ауланған балық көлемі 9 пайызға өссе, экспорт 2 пайызға ұлғайды. Сондай-ақ, балық өнімдері 9 мемлекетке экспортталды. Соңғы 5 жылда балық экспорты 1,2 есеге өсті.

Қызылордада балық экспорты 1,2 есеге өсті

<a href="https://kyzylorda-news.kz/">Kyzylorda-news.kz</a>. «Бизнестің жол картасы 2025» мемлекеттік бағдарламасы аясында облыстағы шағын кәсіпкерлердің жаңашыл жобалары үшін мемлекеттік гранттар беруге 261 млн. теңге қаржы бөлінді. Оның ішінде тек 18-29 жас аралығындағы кәсіпкерлердің жаңа бизнес-идеяларына 250 млн. теңге қаржы бағытталады. Жас кәсіпкерлердің 70-тен астам жобасы конкурстық негізде іріктеледі. Бұл туралы Өңірлік коммуникациялар қызметінің ақпараттық алаңында өткен брифингте облыстық кәсіпкерлік және туризм басқармасының басшысы Фердоуси Қожабергенов мәлімдеді.
<blockquote>
 «Биыл бағдарламаға Үкіметпен бірқатар өзгерістер енгізілді. Яғни, бұған дейін конкурсқа қатысу үшін кәсіпкерлерге кәсіпкерлік негіздерінен оқудан өткендігін растайтын сертификатпен қатысу міндеттелген болса, Үкіметпен енгізілген өзгерістерге сәйкес кәсіпкерлер сертификатты қажет болған жағдайда тапсыру мүмкіндігі қарастырылды. Алдағы конкурстық іріктеу осы жылдың шілде айында басталады. Конкурсқа құжаттар қабылдау үшін алдын-ала облыстық бұқаралық ақпарат құралдары, әлеуметтік желілеріне хабарландыру беріледі», – деді Фердоуси Әбілқасымұлы.
</blockquote>
Жалпы осы уақытқа дейін 500-ден астам жобаға 612 млн. теңге қаржы бөлініп, мемлекеттік гранттар берілді. Бағдарлама талаптарына сәйкес, жобалардың іске асуына, грант қаражаттарының мақсатты жұмсалуы мен жұмыс орындарының құрылуына қаржы агенттігі ретінде “Даму” КДҚ” АҚ тұрақты түрде мониторинг жұмыстарын жүргізеді. Бүгінге дейін мониторинг нәтижесімен 22 жобаға берілген грант қаражаты мақсатсыз жұмсалғаны анықталып, 23 млн. 783 мың теңге қаражат сот арқылы өндірілді.

Қызылорда: Жаңашыл бизнес-идеяларға қайтарымсыз қаржы беріледі

Kyzylorda-news.kz. Облыс аумағында Кіші Арал теңізі, Сырдария өзені және 207 көл бар. Онда балықтың 18 түрі аулануда. Бұл туралы Өңірлік коммуникациялар қызметінің ақпарат алаңында облыстық табиғи ресурстар мен табиғат пайдалануды реттеу басқармасы басшысының орынбасары Бауыржан Оспанов баяндады.
<blockquote>
 “Қамыстыбас балық питомнигінде жыл сайын 15 млн. дана балық шабақтары өсіріліп, балық шаруашылығы маңызы бар көлдерге және Кіші Арал теңізіне жіберілуде. Өңірде жылдық қуаттылығы 12,5 мың тонна болатын 9 балық өңдеу зауыты жұмыс істейді. Оның 4-уі Еуропалық сапа стандартына сәйкес. Яғни, «Еврокод»саны бар. Зауыттарда 500-ден астам адам тұрақты жұмыспен қамтылған. Ал маусымдық жұмысшылар саны үш мыңға жуық”, – деді Бауыржан Оспанов.
</blockquote>

Қазақстан және Қызылорда облысының жаңалықтары: Экономика

«Ауыл – ел бесігі»: Елді мекендердің 64 көшесіне жөндеу жұмыстары жүруде

Мемлекеттен көмек алған қызылордалық кәсіпкер жиһаздар дүкенін ашты

Қызылорда облысында 344,7 млрд теңгенің өнімі өндірілді

Қызылордада биыл 20 млрд теңгеге жол жөнделуде

Қазалы ауданының елді мекендерінде ауыз су сервистік желіге қосылды

Көтерме-тарату орталықтарын құру бір күнде шешілетін мәселе емес – Министр

Қазақстанда қыркүйек айында тұрғын үй бағасы арзандайды

Мұхтар Оразбаев: Жем-шөптің жетіспейтін бөлігін солтүстік өңірлерден тасымалдау қажет

Ауыл шаруашылығы министрі оставкаға кетуі керек – Тоқаев

Қызылордада балық экспорты 1,2 есеге өсті

Қызылорда: Жаңашыл бизнес-идеяларға қайтарымсыз қаржы беріледі

Қызылордада балық өңдейтін 9 зауыт бар

Қазақстан және Қызылорда облысының жаңалықтары: Экономика

«Ауыл &#8211; ел бесігі»: Елді мекендердің 64 көшесіне жөндеу жұмыстары жүруде

Мемлекеттен көмек алған қызылордалық кәсіпкер жиһаздар дүкенін ашты

Қызылорда облысында 344,7 млрд теңгенің өнімі өндірілді

Қызылордада биыл 20 млрд теңгеге жол жөнделуде

Қазалы ауданының елді мекендерінде ауыз су сервистік желіге қосылды

Көтерме-тарату орталықтарын құру бір күнде шешілетін мәселе емес &#8211; Министр

Қазақстанда қыркүйек айында тұрғын үй бағасы арзандайды

Мұхтар Оразбаев: Жем-шөптің жетіспейтін бөлігін солтүстік өңірлерден тасымалдау қажет

Ауыл шаруашылығы министрі оставкаға кетуі керек – Тоқаев

Қызылордада балық экспорты 1,2 есеге өсті

Қызылорда: Жаңашыл бизнес-идеяларға қайтарымсыз қаржы беріледі

Қызылордада балық өңдейтін 9 зауыт бар

«Ауыл – ел бесігі»: Елді мекендердің 64 көшесіне жөндеу жұмыстары жүруде

Көтерме-тарату орталықтарын құру бір күнде шешілетін мәселе емес – Министр