<a href="https://kyzylorda-news.kz/">Kyzylorda-news.kz</a> Бүгін ҚР Премьер-министрі Олжас Бектеновтің төрағалығымен Үкімет отырысы өтті. Күн тәртібінде трансшекаралық хабтарды дамыту мәселелері, қалдықтардың барлық түрін басқарудың 2026-2030 жылдарға арналған тұжырымдамасы талқыланды. Оған облыс әкімі Нұрлыбек Нәлібаев селекторлық режим арқылы қатысты.Үкімет отырысынан кейін аймақ басшысының төрағалығымен өткен мәжілісте осы және өзге де мәселелер қаралып, жауапты сала басшыларына тапсырмалар жүктелді.<blockquote>«Қала, аудан әкімдіктері, жөндеуден өткен көшелер мен көпір өткелдеріндегі асфальт жабындысының бұзылмауын қатаң бақылауға алыңыздар. Су, электр, газ желілерін тартқанда асфальтқа зақым келмеуі тиіс.Қалалар мен елді мекендер аумағын абаттандыру қағидасының сақталуына жүйелі рейд ұйымдастыру керек. Экологиялық құқықбұзушылықпен күресте бейнекамералар тиімділігін көрсетуде. Учаскелік инспекторлардың бекітілген аумақтарын үнемі бақылап, белгіленбеген орынға қоқыс тастауға болмайтынын ескертіп, түсіндірме жұмыстарын жүргізуі өте маңызды. Қоғамдық орындарды ластау фактілерімен күресте жаңа технологияларды кеңінен пайдалануымыз қажет.Қалдықтарды жою, абаттандыру қағидаларын сақтау туралы түсіндірме жұмысын тұрақты жүргізіңіздер. Әсіресе, қоғамдық орындарды ластағандарды, белгіленбеген жерге қоқыс төккендерді анықтап, алдын алуды қатаң бақылаңыздар», – деді Нұрлыбек Машбекұлы.</blockquote>Тұжырымдама шеңберінде атқарылған жұмыстарды атап айтсақ, өңірде коммуналдық, өнеркәсіптік қалдықтарды басқару бағытында 23 кәсіпкерлік субъектісі бар. Жыл басынан бері жиналған 230 мың тонна коммуналдық қалдықтың 75 мың тоннасы, 103 мың тонна өнеркәсіптік қалдықтың 81 мың тоннасы өңделген.Тұрмыстық қатты қалдықтарды басқару саласында 98 млрд 700 млн теңгеге бағаланған 9 жоба, Қызылорда қаласында шетелдік компаниялардың қатысуымен 2 ірі жоба жүзеге асырылуда.Фото: Қызылорда облысы әкімінің баспасөз қызметі

Қалдықтарды басқару тұжырымдамасы талқыланды

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаевтың қатысуымен Қармақшы ауданының Дүр Оңғар ауылына газ қосу рәсімі өтті. Оған Парламент Сенаты мен Мәжілісінің депутаттары Руслан Рүстемов, Мұрат Әбенов, Мұрат Ергешбаев, ел ағалары мен ауыл тұрғындары қатысты.Аймақ басшысы тұрғындарды көптен күткен ігіліктің іске асуымен, яғни ауылға көгілдір отынның келуімен құттықтады.<blockquote>«Мемлекет басшымыз «Үкімет газ тартылған елді мекендердің санын барынша арттыруға және 1700 шақырым газ желісін жаңғыртуға тиіс. Бұл 300 мыңнан астам адамды көгілдір отынмен қамтамасыз етуге мүмкіндік береді», – деп атап өтті.Аймағымызда 2021 жылдың соңында газдандыру деңгейі 67 пайыз болатын, 2022-2025 жылдар аралығында 63 млрд. 600 млн. теңгеге 77 жоба жүзеге асырылды.Өткен аптада Сырдария ауданының Шаған ауылына табиғи газ берілсе, Жаңақорған ауданында автоматты газ тарату станциясы іске қосылды. Бүгін Өздеріңізбен бірге Дүр Оңғар ауылы тұрғындарының тұрмыс-тіршілігіне жаңа тыныс беретін іс-шараға, табиғи газға қосу сәтіне куә болудамыз. Осындай жұмыстардың нәтижесінде биыл облысымыздың газдандыру көрсеткішін 83 пайызға жеткіземіз.Жерлестерімізді көптен күткен газдың қосылуымен құттықтаймын! Бұл – бәріміздің ортақ қуанышымыз! Көгілдір отын әрбір отбасының жылуын, Отанымыздың қуатын арттыра берсін!Елдің дамуы ауылдан, ауылдың гүлденуінен басталады. Ауылдың дамуы, келешегінің жемісті болуы – Сіздерге, еңбекқорлықтарыңыз бен ауызбірліктеріңізге байланысты. Баршаңызға мықты денсаулық, отбасыларыңызға бақ-береке, ел игілігі жолындағы қызметтеріңізге сәттілік тілеймін!», – деді Нұрлыбек Машбекұлы.</blockquote>Рәсімде ауданның әлеуметтік-экономикалық дамуына үлес қосқан алдыңғы буын ағалар мен мердігер мекеме қызметкерлері облыс әкімінің Алғыс хатымен марапатталды. Парламент Сенатының депутаты Руслан Рүстемұлы құттықтау сөз сөйледі.Айта кетейік, бүгінде Қармақшы ауданын газдандыру деңгейі 78 пайыз. Екі мыңнан астам тұрғыны бар Дүр Оңғар ауылының газ желісіне қосылуы бұл көрсеткішті 83 пайызға жеткізеді. Аталған жобаға облыстық бюджеттен 7 млрд 200 млн теңге бөлінді.<img src="https://knadmin.beoblood.kz/uploads/588436733_1145528464435063_7118434669885202696_n_b012da5632.jpg" alt="588436733_1145528464435063_7118434669885202696_n.jpg">Ауылға тартылған 62,5 шақырымдық жоғары қысымды газ құбыры Жосалы кентіндегі автоматтандырылған газ тарату станциясынан Сырдария өзені арқылы жүргізілді. Бұл жоба алдағы уақытта 10 мыңнан астам халқы бар 9 елді мекенді кезең-кезеңімен магистральдық газ желісіне қосуға мүмкіндік береді.

Қармақшы ауданындағы Дүр Оңғар ауылы газға қосылды

<a href="https://kyzylorda-news.kz/">Kyzylorda-news.kz</a> &nbsp;Мемлекет басшысының «Таза Қазақстан» жалпыұлттық бастамасы аясында және «AMANAT» партиясы Қызылорда облыстық филиалы жанындағы «Жастар Рухы» Жастар қанаты, Қызылорда медициналық жоғары колледжі мен Қызылорда облыстық полиция департаменті Есірткі қылмысына қарсы іс-қимыл басқармасы бірлесіп, Сырдария өзенінен Қызылорда қаласы сол жағалауына өтетін аспалы көпір және өзен жағасына тазалық жұмыстарын жүргізді. Ұйымдастырушылар тазылық пен қатар вандализм мен есірткіге қарсы бүлінген және жарнама жазылған қабырғалардағы жазуларды өшірді.Іс-шараға «AMANAT» партиясы облыстық филиалының төрағасы Жандос Базартай қатысты. Ол «Таза Қазақстан» жалпыұлттық бастамасы мен «Есірткіге жол жоқ», «Вандализмге жол жоқ» акцияларының маңыздылығына тоқталып, тұрғындарды тазалық мәдениетін сақтауға, жастарды бұрыс қылықтардан қашық болуға шақырды.Мұнан соң облыстық Есірткі қылмысына қарсы іс-қимыл басқармасының жедел уәкілі Темірхан Ахмет сөз алып, қазіргі таңда күн тәртібінен түспей тұрған жастар арасындағы мәселелерді баяндап, осы бағытта басқарма тарапынан атқарылып жатқан жұмыстарды сөз етті.Тазалық шарасына 70 ке жуық ерікті қатысты. Олар аспалы көпір астындағы Сырдария өзенінің жағасына тазалық жұмыстарын жүргізіп, граффити жазбаларын жою бойынша жұмыстар жасады.Айта кетейік, «AMANAT» партиясының аймақтық және аумақтық филиалдары Мемлекет басшысының «Таза Қазақстан» эко акциясына қолдау мақсатында әр бейсенбі сайын «Таза бейсенбі» акциясын ұйымдастырып келеді. Жыл басынан бері «Жастар Рухы» Жастар қанаты облыстық филиалының ұйымдастыруымен тарихи, мәдени, табиғи мұраларды сақтауға бағытталған «Вандализмге жол жоқ!» акциясы аясында ескерткіштермен табиғи қорықтарды тазарту бойынша 40-тан астам іс-шара өткізілді. Аталған акцияға мәслихат депутаттары, облыстық партия төрағасы, қоғамдық пікір көшбасшылары, журналисттер мен блогерлер және 800-ден астам белсенді жастар ат салысты. Сонымен қатар «Есірткіге жол жоқ!» акциясы негізінде жастар түрлі форматтағы кездесу жиындары мен тексеріс жұмыстарын жүргізді. Белсенділер синтетикалық есірткі құралдарын сатып алуға арналған жарнама графитилеріне қала көлемінде рейд жүргізіп, арнайы мектеп оқушыларымен кездесулер ұйымдастырды.&nbsp;

«Таза Қазақстан» эко акциясы аясында тазалық жұмыстары жүргізілді

<a href="https://kyzylorda-news.kz/">Kyzylorda-news.kz</a> &nbsp;Бүгін облыс әкімі Нұрлыбек Нәлібаев Сырдария ауданының Шаған ауылына табиғи газ қосу рәсіміне қатысты. Салтанатты басқосуға құқық қорғау органдарының, жауапты департамент, басқармалардың басшылары, зиялы қауым өкілдері мен ауыл тұрғындары жиналды.Аймақ басшысы өңірдің әлеуметтік-экономикалық дамуындағы жетістіктерді атап өтіп, шағандықтарды құттықтады.<blockquote>«Жақында Мемлекет басшымыз Қасым-Жомарт Кемелұлы Сыр өңіріне арнайы жұмыс сапарымен келгенде әлеуметтік нысандар мен өндіріс орындарында болды. Сапар кезінде Сыр өңірінің әлеуметтік-экономикалық дамуы, инвестициялық жобаларды жүзеге асыру барысын баяндадым.Президентіміз Астана мен Алматы қалаларындағыдай тәулік бойы қызмет көрсететін үшінші Президенттік кітапхана Қызылордада ашылатындығын жеткізді. Бұл бастаманы жерлестеріміз зор қуанышпен қабылдауда. Мемлекет басшымыз алға қойған жоспарларды уақытылы әрі сапалы іске асырудың маңызын атап өтті. Аймақта инвестициялық климатты жақсарту, бизнес жүргізу үшін қолайлы жағдай жасау бағытындағы жұмыстарды жалғастыруды тапсырды. Президентіміздің Сыр өңірінің даму қарқынына, атқарылған жұмыстарға берген оң бағасы бәріміз үшін зор мәртебе.Биыл &nbsp;өңіріміздің негізгі макроэкономикалық көрсеткіштерінің өсімі қамтамасыз етілді. Жалпы өңірлік өнім көлемі 3 трлн. теңгеден асады. Соңғы үш жылда өңір экономикасына 1 триллион 600 млрд. теңге құйылса, осы жылы 720 млрд. теңгеден астам инвестиция тартылады. 2025-2028 жылдары 2 трлн. теңгеден астам қаржыға 90 инвестициялық жоба жүзеге асырылып, 11 мыңнан аса жаңа жұмыс орны ашылады. Президентіміздің, Үкіметтің ерекше қолдауымен облысымыздың бюджеті 851 млрд. 300 млн. теңгеге жетіп, 2022 жылдан бері 233 пайызға өсті. Оның 56 пайызы әлеуметтік салаға бағытталды.Баршаңызды Шаған ауылына табиғи газ қосылуымен құттықтаймын! Бұл – бәріміздің ортақ қуанышымыз! Көгілдір отын тұрмыс-тіршілігіміздің тынысын ашып, отбасының жылуын, Отанымыздың қуатын арттыра берсін!», – деді Н.Нәлібаев.</blockquote>Жиында ауданның әлеуметтік-экономикалық дамуына тынымсыз еңбегімен үлес қосқан ардагерлер мен газдандыру жұмыстарын жүргізген мердігер мекеме қызметкерлері облыс әкімінің Алғыс хатымен марапатталды. Қоғам қайраткері Әріп Хожбанов жиналған қауымға бата берді. Аймақ басшысы газ қосу рәсімінен кейін ауыл тұрғындарымен кездесіп, ой-пікір алмасты, өтініш-тілектерін тыңдады. Облыс аумағында атқарылған, қолға алынған, жоспарланған жұмыстардың бағыты туралы айтты.Фото: Қызылорда облысы әкімінің баспасөз қызметі

Сырдария ауданының Шаған ауылында табиғи газ қосылды

<a href="https://kyzylorda-news.kz/">Kyzylorda-news.kz</a> Бүгін «Таза Қазақстан» экологиялық акциясы аясында Қармақшы ауданында жалпыаудандық сенбілік өткізілді.Сенбілікке мекеме басшылары мен қызметкерлері, ардагерлер, жастар және еріктілер де тартылды. Тазалық жұмыстары барысында орталық көшелер, қоғамдық орындар мен алаңдар ретке келтіріліп, шөптер мен ретсіз өскен өсімдіктерді жұлу, әктеу, абаттандыру жұмыстары жүргізілді. Сондай-ақ тасталған қоқыстар тазаланып, арнайы техниканың көмегімен белгіленген орындарға шығарылды.Қоршаған ортаны қорғауға бағытталған сенбілік алдағы уақытта да тұрақты түрде ұйымдастырылып, аудан аумағын абаттандыру жұмыстары жалғасын табады.Фото: Қармақшы ауданы әкімінің баспасөз қызметі

«Таза Қазақстан»: Көркейту- көгалдандыру шаралары жалғасуда

<a href="https://kyzylorda-news.kz/">Kyzylorda-news.kz</a>&nbsp; «AMANAT» партиясы Жалағаш аудандық филиалының ұйымдастыруымен Жалағаш кентінде кезекті «Таза бейсенбі» экологиялық акциясы өтті.Бұл жолғы тазалық жұмыстары Жеңістің 50 жылдығы көшесінің бойында жүргізіліп, аумақ күл-қоқыстан, қураған шөптер мен тұрмыстық қалдықтардан толықтай тазартылды.Акцияға аудандық мәслихаттағы партия фракциясының депутаттары, бастауыш партия ұйымдарының мүшелері, еріктілер мен жастар жұмылдырылып, 60-тан астам азамат белсенділік танытты.<blockquote>«Біз бұл акция арқылы экологиялық мәдениетті арттырып, тұрғындарды қоршаған ортаны таза ұстауға үндеуді мақсат етеміз. Тазалық қоғам алдындағы ортақ жауапкершілігіміз. “Таза бейсенбі” – бұл бір күндік жұмыс емес, бұл – ортақ жауапкершілік пен тәрбие. Сондықтан да «AMANAT» партиясы алдағы уақытта да бұл бағыттағы жұмыстарды жүйелі түрде жалғастырады», – деді партияның аудандық филиалының атқарушы хатшысы Қаншагүл Мұстафаева.</blockquote>Жалпы, Жалағаш ауданында «Таза бейсенбі» акциясы дәстүрлі түрде өткізіліп келеді. Сонымен қатар әр сенбі сайын партия мүшелері «Таза Қазақстан» ұлттық экологиялық акциясы аясында сенбілік жұмыстарын тұрақты жалғастыруда.Бүгінгі акция барысында 3 шақырымға жуық көше аумағы тазаланып, 4 тоннаға жуық қоқыс арнайы орындарға шығарылды.&nbsp;

Тазалық - қоғам алдындағы ортақ жауапкершілік

<a href="https://kyzylorda-news.kz/">Kyzylorda-news.kz</a> Өңір тұрғындарының көбі бос уақытын табиғат аясында, су жағасында өткізуді ұнатады. Әсіресе балық аулау маусымында өзен-көл бойында адамдардың саны артады. Дегенмен, демалыстың сәтті өтуі - қауіпсіздік ережелерін сақтауына тікелей байланысты. Бұл туралы Өңірлік коммуникациялар қызметінің ақпараттық алаңында облыстық ТЖД төтенше жағдайларды жою басқармасының өкілі Мерей Раманқұл хабарлады.<blockquote>- Жыл басынан бері жалпы су айдындарында қауіпсіздікті сақтамағаны үшін 48 адамға әкімшілік шара берілді. 795 рейдтік жұмыс және 31 мыңнан астам тұрғынға түсіндірме жұмысы жүргізілді. Алдағы таңда қайғылы оқиғаларды болдырмау үшін тек жағалауда балық аулаған дұрыс. Егер сіз жағалаудан алыста балық аулауға жиналған болсаңыз, қайықта құтқару және сигнал беру құралдарының болуы жөн. Сонымен қатар, қайықта құтқару шеңбері, белдігі немесе кеудешесі болуы керек ,- деді Мерей Жантөреұлы.</blockquote>

Балық аулау кезіндегі қауіпсіздік ережелері түсіндірілді

<a href="https://kyzylorda-news.kz/">Kyzylorda-news.kz</a> &nbsp;Бүгін&nbsp;Арал&nbsp;ауданы әкімдігінің мәжіліс залында аудан әкімі Аманжол Оңғарбаевтың төрағалығымен аппарат мәжілісі өтіп, күн тәртібіндегі бірқатар мәселелер қаралды.Мәжіліс барысында Үкімет отырысында қаралған геология және жер қойнауын пайдалану саласын дамыту мен цифрландыру шаралары, сондай-ақ халықты дәрі-дәрмекпен және медициналық бұйымдармен қамтамасыз ету мәселелері талқыланды. Аудан әкімі бірқатар көрсеткіштерге тоқталып, кемшіліктерді жою және жұмысты жандандыру қажеттігін атап өтті.Денсаулық сақтау саласында жүргізіліп жатқан құрылыс жұмыстарына ерекше назар аудару керектігін айтқан аудан басшысы жауапты тұлғаларға нақты тапсырмалар берді.Жиын барысында Аманжол Сақыпұлы аудан көлемінде атқарылатын өзге де маңызды шараларды жоғары деңгейде ұйымдастыру қажеттігін айтып, жоспарлы жұмыстардың уақытылы әрі сапалы орындалуын бақылауда ұстау керектігін атап өтті. Сонымен қатар, тазалық мәселесін назардан тыс қалдырмай, анықталған кемшіліктерді дер кезінде жоюдың маңыздылығына тоқталды.Жауапты бөлімдер мен мекеме басшыларына нақты міндеттер жүктелген жиын соңында аудан әкімі Аманжол Сақыпұлы берілген тапсырмалардың орындалуы ұдайы бақылауда болатынын жеткізді.Фото: Арал ауданы әкімінің баспасөз қызметі

 Арал: Көрсеткіштер сараланып, кемшіліктер назарға алынды

<a href="https://kyzylorda-news.kz/">Kyzylorda-news.kz</a> 2025 жылдың алғашқы жеті айының қорытындысы бойынша Қазақстан Республикасының жалпы ішкі өнімі 6,3%-ға өсті. Бұл – экономикалық өсудің тұрақтылығын көрсететін сенімді нәтиже. Алайда макроэкономикалық көрсеткіштердің басты мәні – олардың азаматтардың өмір сапасына нақты әсер етуінде.Соңғы жылдары ел халқының мобильдігі мен белсенділігі артты. ▫️Ішкі туризм көлемі шамамен 40%-ға ұлғайып, 6,6 миллионнан 10,5 миллион адамға жетті. ▫️Шетелге шыққан сапарлар саны үш есеге артып, 1,19 миллион адамды құрады. ▫️Тасымал қызметтері бойынша да өсім байқалады: әуе жолаушыларының саны 14,4 миллион адамға жетіп, такси қызметіне сұраныс 35%-ға өсті. ▫️2018 жылы таксимен 54,3 миллион адам тасымалданса, 2024 жылы бұл көрсеткіш 73,3 миллион адамға жетті. ▫️Жылжымайтын мүлік иелерінің саны 2020 жылғы 3 854 000-нан 2024 жылы 4 983 200 адамға дейін ұлғайды. Осылайша, соңғы бес жыл ішінде 1 129 000 азамат тұрғын үй иесі атанды. Бұл деректер азаматтардың табыстары мен қаржылық мүмкіндіктерінің кеңейгенін, еркін жүріп-тұру мен демалуға қолжетімділіктің артқанын көрсетеді.Халықтың күнделікті тұтыну әдеттері де өзгеруде. ▫️Қазақстандықтар сапалы әрі әртараптандырылған тағам түрлерін тұтынуға бет бұрды – ет пен жеміс-жидек өнімдерінің үлесі артты. ▫️Әлеуметтік осал санаттағы азаматтарға арналған азық-түлік себетінің құрамы 20 атаудан 43 позицияға дейін кеңейтілді, бұл азаматтардың әлеуметтік қорғалу деңгейін арттыруға және азық-түлік қауіпсіздігін қамтамасыз етуге бағытталған маңызды қадам.Қалалық және өңірлік инфрақұрылымның сапасы артуда. Газдандыру, көше жарықтандыру, аулаларды абаттандыру және жол жөндеу жұмыстары кеңейтілуде. Бұл өзгерістер, әсіресе, аймақтардағы ұзақ уақыт бойы кейінге қалдырылып келген мәселелерді шешуге мүмкіндік беріп отыр. Аталған инфрақұрылымдық жаңғырту тек тұрмыстық жағдайды жақсарту ғана емес, сонымен бірге өмір сапасының жаңа деңгейін қалыптастырудың негізі болып табылады.Жалпы ішкі өнімнің өсуі – экономикалық дамудың маңызды индикаторы. Алайда қазіргі жағдайда басты назар сандық көрсеткіштерден сапалық көрсеткіштерге, яғни отбасылардың әл-ауқатына, қызметтердің сапасына, білім мен кәсіпкерлік мүмкіндіктеріне, сондай-ақ инфрақұрылымға қолжетімділікке аударылуы тиіс.Экономика тек көлем жағынан емес, ең алдымен адамға, оның күнделікті қажеттіліктері мен мүмкіндіктеріне жақын болуы қажет.Экономикалық өсімнің нәтижелері бүгінде көлік, инфрақұрылым және тұтыну салалары арқылы азаматтардың күнделікті өмірінде көбірек сезілуде. Дегенмен, сапалы өсім – бұл тек сандар емес, жұмысқа орналасуға, білім алуға және негізгі әлеуметтік қызметтерге қолжетімділікті қамтамасыз ететін тұрақты жағдай қалыптастыру. Қазіргі уақытта мұндай нәтижелер барлық өңірлерде бірдей деңгейде байқалмайды. Сондықтан экономикалық саясаттың негізгі мақсаты «өсім үшін өсім» қағидатынан – халықтың өмір сүру сапасын арттыруға бағытталуы қажет. TENGENOMIKAФото:&nbsp;https://t.me/tengenomika

Экономика адамға жақындай түсуде

<a href="https://kyzylorda-news.kz/">Kyzylorda-news.kz</a> “Таза Қазақстан” республикалық экологиялық бағдарламасы аясында аймақта жаппай сенбілік жалғасуда. Барлық елді мекенде санитарлық тазарту, абаттандыру және көркейту жұмыстары атқарылды.<img src="https://knadmin.beoblood.kz/uploads/Taza_aza_stan_2_7f8b72ba45.jpg" alt="Таза Қазақстан 2.jpg">Бүгінгі күнге тазалық шараларына 420 мыңнан астам ерікті, қоғам қайраткерлері, бюджет саласы мен кәсіпорын қызметкерлері қатысты. Жұмыс барысында 18 мың тоннадан астам қоқыс қалдықтары шығарылып, өңірдегі 510 сквер мен парк, 256 тарихи-мәдени ескерткіш, 1019 әлеуметтік нысан (мектептер, балабақшалар, спорт, денсаулық сақтау және т.б.), 3 548 өнеркәсіп және бизнес нысаны, 332 су объектісі (өзендер, көлдер, жасанды су айдындары, субұрқақтар, арықтар және т.б), мен 39 894 көше бойы (9 525 көпқабатты үй мен 30 369 жер үй ауласы) тазартылды. Оған 540-тан аса техника жұмылдырылды.<img src="https://knadmin.beoblood.kz/uploads/Taza_aza_stan_425a561c54.jpg" alt="Таза Қазақстан.jpg">Жыл басынан бері климатқа жерсінетін 255 500 түп қарағаш, терек және Сыр талының көшеті егілді. Республикалық бағдарлама аясындағы жұмыстар алдағы уақытта да жалғасады.Фото: Қызылорда облысы әкімінің баспасөз қызметі

Облыс аумағында сенбілік өтті

<a href="https://kyzylorda-news.kz/">Kyzylorda-news.kz</a> Жаңа жылу электр стансасы Мемлекет басшысының оңтүстік өңірлерде халық пен экономика сұранысын қамтамасыз ету жөніндегі тапсырмасын орындау мақсатында салынды.&nbsp;<img src="https://knadmin.beoblood.kz/uploads/5_Prezident_zha_a_zhylu_elektr_ortaly_yna_bardy_c33be372be.jpg" alt="5Президент жаңа жылу электр орталығына барды.jpg"><img src="https://knadmin.beoblood.kz/uploads/4_Prezident_zha_a_zhylu_elektr_ortaly_yna_bardy_5306974771.jpg" alt="4Президент жаңа жылу электр орталығына барды.jpg">Орталық 240 мегаватт электр қуатын және 277 гигакалория жылу энергиясын өндіреді. Жобаның жалпы құны – 215 миллиард теңге. Жылу электр стансасы түркиялық Aksa Energy компаниясының инвестициясы есебінен бой көтерді.<img src="https://knadmin.beoblood.kz/uploads/2_Prezident_zha_a_zhylu_elektr_ortaly_yna_bardy_8260f52fe1.jpg" alt="2Президент жаңа жылу электр орталығына барды.jpg">&nbsp;Қазіргі кезде негізгі агрегаттар, атап айтқанда, әрқайсысының қуаты 176 мегаватт болатын екі газ турбинасы, қуаты 95 мегаватт бу турбинасы, өнімділігі сағатына 120 тоннаға жететін екі бу қазандығы, қуаттылығы сағатына 150 гигакалорияны құрайтын төрт су қыздыру қазандығы орнатылып, толық монтаждалған.<img src="https://knadmin.beoblood.kz/uploads/1_m_Prezident_zha_a_zhylu_elektr_ortaly_yna_bardy_3e0b47859c.jpg" alt="1 mПрезидент жаңа жылу электр орталығына барды.jpg"><img src="https://knadmin.beoblood.kz/uploads/2_Prezident_zha_a_zhylu_elektr_ortaly_yna_bardy_cc03f444fb.jpg" alt="2 Президент жаңа жылу электр орталығына барды.jpg"><img src="https://knadmin.beoblood.kz/uploads/3_Prezident_zha_a_zhylu_elektr_ortaly_yna_bardy_10dd75614f.jpg" alt="3Президент жаңа жылу электр орталығына барды.jpg">&nbsp;t.me/aqorda_resmi

Президент жаңа жылу электр орталығына барды

<a href="https://kyzylorda-news.kz/">Kyzylorda-news.kz</a> Бүгін ҚР Премьер-министрі Олжас Бектеновтің төрағалығымен Үкімет отырысы өтті. Күн тәртібінде электр энергетикасы саласын дамыту және цифрландыру мәселесі қаралды. Оған облыс әкімі Нұрлыбек Нәлібаев селекторлық режим арқылы қатысты.Облыста энергетикалық инфрақұрылым нысандары жыл сайын жаңғыртылуда. Әртүрлі кернеудегі 10 мың шақырымнан асатын электр желілері, 2 мыңға жуық қосалқы станция бар. Биыл 6 млрд. 100 млн. теңгеге280 шақырым электр желісі, 87 қосалқы станция қайта жаңғыртылып, тозу деңгейі 62 пайыздан 60 пайызға төмендеді.Президент тапсырмасына сәйкес, оңтүстік өңірлерде электр энергиясының тапшылығын болдырмау, жаңа энергетикалық қуатты іске қосу мақсатында Қызылорда қаласында 240 мегаватт электр энергиясы мен 277 гигакалория жылу энергиясын өндіретін жаңа жылу-электр орталығының құрылысы аяқталды.Бүгінде инвестор «Акса Энерджи» түрік компаниясы негізгі, қосалқы қондырғыларды 100 пайыз жеткізген. Станцияның бірінші іске қосу кешені дайын.Аталған жоба өңірді электр энергиясымен толық қамтамасыз етіп, өндірісті дамытуға серпін бермек. Ал орталық толық қосылғанда өзге өңірлерге электр энергиясын сатуға мүмкіндік туады.«Самұрық-Қазына» акционерлік қоғамы 800 млрд. теңгеге қуаттылығы 1100 мегаваттық жаңа бу-газ қондырғыларын салуды жоспарлаған. Оған 280 гектар жер бөлініп, қазіргі таңда техника-экономикалық негіздемесі әзірленуде. Станция 2029 жылы толығымен іске қосылады.Фото: Қызылорда облысы әкімінің баспасөз қызметі

Қазақстан және Қызылорда облысының жаңалықтары: Экология