<a href="https://kyzylorda-news.kz/">Kyzylorda-news.kz.</a> Қазақстанда 15 шілде сағат 23:59-дағы эпидемиологиялық жағдай бойынша коронавирус жұқтырғандар саны 1674-ті құрады, деп хабарлайды <a href="https://www.coronavirus2020.kz/kz/kazakstandagy-koronavirus-boyynsha-15-shilde-23-59-dagy-epidemiologiyalyk-zhagday_a3673252">www.coronavirus2020.kz</a>/ сайты.
Оның ішінде 863 адам клиникалық белгілері жоқ тасымалдаушы тіркелді.
Аймақтар бойынша (жалпы/симптомсыз):
Нұр-Сұлтан қаласы – 204 / 83
Алматы қаласы – 219 / 126
Шымкент қаласы – 76 / 40
Ақмола облысы – 43 / 24
Ақтөбе облысы – 53 / 28
Алматы облысы – 88 / 55
Атырау облысы – 218 / 176
Шығыс Қазақстан облысы – 133 / 60
Жамбыл облысы – 87 / 46
Батыс Қазақстан облысы – 101 / 61
Қарағанды облысы – 100 / 36
Қостанай облысы – 49 / 21
Қызылорда облысы – 74 / 36
Маңғыстау облысы – 41 / 25
Павлодар облысы – 63 / 20
Солтүстік Қазақстан облысы – 95 / 7
Түркістан облысы – 30 / 19
Жалпы ел бойынша ауырғандар саны 65188.

Қызылордада соңғы тәулікте коронавирус жұқтырған 74 адам тіркелді

Kyzylorda-news.kz. ҚР Денсаулық сақтау вице-министрі Людмила Бюрабекова елімізде өкпе қабынуы коронавирус статистикасында неліктен есепке алынбайтындығын түсіндірді, деп хабарлайды <a href="https://www.inform.kz/kz/pnevmoniya-koronavirus-statistikasynda-nelikten-esepke-alynbaydy-byurabekovanyn-zhauaby_a3672943">ҚазАқпарат</a>.
<blockquote>
 «Біз қазір халықаралық ұйымдармен, Дүниежүзілік денсаулық сақтау ұйымымен келіссөз жүргізіп жатырмыз. Бүгінгі күні ДСҰ ұсынымына сәйкес, статистикаға ПТР-дің оң нәтижесі бар жағдайлар ғана кіріп отыр», – деді ол БАҚ өкілдерінің сауалына орай.
</blockquote>
Сонымен қатап еліміздің Денсаулық сақтау министрлігі дәл осы мәселеге байланысты Дүниежүзілік денсаулық сақтау министрлігіне сұраныс жібергенін айтты.
<blockquote>
 «Келіссөздер арқылы есепке алынуы тиіс мәліметтерге қатысты ортақ шешімге келеміз. Әрбір елдің статистика мен есепке алуға қатысты өз жолы бар. Біз соны біріздендіріп, барлық елмен қатар жүргіміз келеді», – деді Людмила Бюрабекова.
</blockquote>

Пневмония коронавирус статистикасында неліктен есепке алынбайды?

<a href="https://kyzylorda-news.kz/">Kyzylorda-news.kz.</a> Қазақстан Республикасының Президенті Қ.Тоқаевтың 2020 жылғы 13 шілдедегі Жарлығымен Қазалы ауданаралық ауруханасының жұқпалы аурулар бөлімінің меңгерушісі, дәрігер инфекционист, марқұм Жұмағазы Іскендір Жиенбайұлы «Құрмет» орденімен наградталған болатын.
Бүгін аудан әкімі Мұрат Ергешбаев Жұмағазы Іскендір Жиенбайұлының «Құрмет» орденін марқұмның әкесі Жиенбай Жұмағазиевке табыстады.
<blockquote>
 “Осындай қиын қыстау кезеңде біздің дәрігерлер азаматтарымыздың өмірін аман алып қалу үшін ештеңемен санаспай ауыр дертке бетпе бет келді. Өкінішке қарай, бұл күресте біз алдыңғы қатарда тұрған медицина қызметкерлерімізден де айрылып қалып жатырмыз. Президентіміз Қасым-Жомарт Кемелұлы Тоқаев өмірінің соңына дейін борышын өтеген дәрігерлердің еңбегін жоғары бағалап, Іскендір Жұмағазиевке қайтыс болғаннан кейін «Құрмет» орденін беру туралы Жарлыққа қол қойды. Бұл денсаулық сақтау саласы үшін орны толмас қасірет”, – деді дәрігердің әкесіне «Құрмет» орденін табыс еткен аудан әкімі Мұрат Нәлхожаұлы.
</blockquote>
Іскендір Жиенбайұлы денсаулық сақтау саласында 
35 жылдан астам қызмет атқарған ақ халатты абзал жан.
Ол өзінің алғашқы еңбек жолын 1986 жылы Қазалы аудандық ауруханасында дәрігер педиатр болып бастаған. Одан кейінгі жылдары «Жетес би» жанұялық дәрігерлік емханасында аймақтық бала дәрігері, балалар бөлімінің меңгерушісі қызметтерін атқарды.
2015 жылдың тамыз айынан бастап өмірінің соңына дейін жұқпалы аурулар бөлімінің меңгерушісі, дәрігер инфекционист болып еңбек етті.
Елге қызмет атқару барысында оның елге жасаған еңбектерін аудан халқы жақсы біледі. Оның көп жылғы еңбегі елеусіз қалмай «Денсаулық сақтау саласына қосқан үлесі үшін» төсбелгісімен марапатталған.
Аты жаман ауру өршіген кезде өз iсiнiң шеберi, елінің нағыз жанашыры күн-түн демей жұқпалы аурулар бөлімінде профизорлық стационарда жұмыс жасап, көптеген науқастардың жазылып шығуына себепкер болды.
<img src="https://kyzylorda-news.kz/wp-content/uploads/2020/07/fb_img_1594802921967.jpg" alt="" />

Дәрігер, марқұм Іскендір Жұмағазы   &#8220;Құрмет&#8221; орденімен марапатталды

<a href="https://kyzylorda-news.kz/">Kyzylorda-news.kz.</a> Бүгінгі таңда инфекциялық және провизорлық стационарларда 1750 науқас бақылауда. Оның ішінде инфекциялық стационарда – 381 және провизорлық стационарда – 1 369 науқас ем алуда. Бұл туралы облыстық денсаулық сақтау басқармасының басшысы Сәбит Пазылов мәлімдеді.
<blockquote>
 Облыс аумағында коронавирус инфекциясымен ауырғандарды және қарым-қатынаста болғандарды бақылау мақсатында барлығы 760 төсек орын ашылған болатын. Бүгінде барлығы 2410 төсек-орын ұйымдастырылды. Оның ішінде инфекциялық төсек саны 620 орынды құраса, провизорлық төсек орын саны – 1 790 құрайды,-дейді басқарма басшысы.
</blockquote>
<img src="https://kyzylorda-news.kz/wp-content/uploads/2020/07/brifing.jpg" alt="" />
Облыстың бас дәрігері қазіргі таңда 76 жасанды өкпені желдету аппараты (ӨЖЖ) жұмыс істейтінін, 12 аппарат істен шыққанын мәлімдеді.
<blockquote>
 “Бүгінгі күні облыс бойынша 64 ИВЛ аппараты жұмыс жасап тұр. Бұдан басқа, Қазақстан Республикасы Денсаулық сақтау министрлігіне 63 ИВЛ аппаратына өтінім берілді”,-деді басқарма басшысы.
</blockquote>

Қызылордаға 63 ИВЛ аппараты алынады

Kyzylorda-news.kz. Жалағаштағы 5 мектептен тұрғындарға тегін көмек көрсететін ем-шара кабинеттері ашылды.
Жалағаш кентіндегі №31 мектеп-гимназия, Т.Жүргенов атындағы №123 мектеп-лицей, №201 мектеп-лицей, З.Жарқынбаев атындағы №202 орта мектеп, Ш.Ермағанбетова атындағы №246 орта мектептеріндегі ем-шара кабинеттері қажет болған жағдайда дәрігердің тағайындауы бойынша тұрғындарға тегін көмек көрсетеді.
<blockquote>
 “Аумақтық дәрігердің арнайы тағайындауы бойынша берілген рецептісі арқылы дәрі егу қажеттілігі туындаса, жоғарыда көрсетілген мектептердегі медбикелер дүйсенбі-жұма күндері сағат 9.00-ден 12.00-ге дейін және 14.00-ден 18.00-ге дейін тұрғындарға дәрі егетін болады”,- делінген аудан әкімдігі таратқан хабарламада.
</blockquote>

Жалағашта ем-шара кабинеттері тұрғындарға тегін көмек көрсетеді

Kyzylorda-news.kz. Қызылордаға өкпені жасанды желдету аппаратын әкелу үшін халықаралық компаниялармен ынтымақтастық орнады.
Қызылорда облысында аймақ басшысы Гүлшара Әбдіқалықованың тапсырмасымен өңірді қажетті медициналық құралдармен қамтамасыз ету үшін белсенді жұмыс жүргізіліп жатыр. Республикалық бюджет есебінен өкпені жасанды желдетуге арналған 68 аппаратқа қосымша тапсырыс берілді.
Сонымен бірге, жақын күндері демеушілік көмек ретінде Түркия мемлекетінен 10 ӨЖЖ аппараты ауруханаларға жеткізілетін болса, «Роскосмос» мемлекеттік корпорациясы тарапынан Байқоңыр қаласындағы ауруханаға 1 аппарат әкелінетін болды.
Облыс ауруханаларында бүгін жұмыс істеп тұрған өкпені жасанды желдету аппараттарының саны – 64. Оның 29-ы — қалада, 25 аппарат – аудандық ауруханаларда орналасқан.

Қызылордаға өкпені жасанды желдету аппаратын әкелу үшін халықаралық компаниялармен келісім жасалды

Kyzylorda-news.kz. Қазақстан Республикасы Президенті жанындағы Кадр саясаты мәселелері жөніндегі ұлттық комиссия және ҚР Денсаулық сақтау министрі А. Цойдың келісімдері бойынша облыс әкімінің өкімімен Пазылов Сәбит Бексейітұлы Қызылорда облысының денсаулық сақтау басқармасының басшысы лауазымына тағайындалды.
Пазылов Сәбит Бексейітұлы 1975 жылы туған. С.Д. Асфендияров атындағы Қазақ мемлекеттік медицина, Almaty Management University (бұрынғы Алматы халықаралық бизнес академиясы) университеттерін бітірген.
Еңбек жолын 1998 жылы А.Н. Сызғанов атындағы ұлттық ғылыми хирургиялық орталығында клиникалық ординатор ретінде бастаған.
Әр жылдары аталған орталықтың жауапты қызметтерін атқарған. 
2009-2015 жылдары №4 Алматы қалалық клиникалық ауруханасы бас дәрігерінің хирургия жөніндегі орынбасары, Сызғанов атындағы ұлттық ғылыми хирургиялық орталықтың бас дәрігері, аталған орталықтың бас директорының стратегиялық даму жөніндегі орынбасары;
2015-2018 жылдары Қызылорда облыстық медициналық орталығының директоры;
2018-2019 жылдары Алматы қалалық медициналық жедел-жәрдем станциясы бас дәрігері;
2019 жылдан бастап осы кезге дейін №1 Алматы қалалық клиникалық ауруханасының “Smart Healt University” ЖШС-нің медициналық директоры қызметін атқарған.

Қызылордада денсаулық сақтау басқармасының басшысы тағайындалды

Kyzylorda-news.kz. Дүниежүзілік денсаулық сақтау ұйымы (ДДСҰ) жұма күні Қазақстандағы белгісіз өкпе ауруын COVID-19 деп санайтынын мәлімдеді.
ДДСҰ төтенше жағдай бағдарламасының жетекшісі Майк Райан Қазақстандағы пневмонияның көпшілігі шын мәнінде, анықталмаған COVID-19 екенін айтты, деп хабарлайды <a href="https://qamshy.kz/article/58527-ddsu-qazaqstandaghy-pnevmoniya-–-is-dguzinde-anyqtalmaghan-koronavirus">Қамшы</a>.
Бұған дейін әлемдік жетекші бұқаралық ақпарат құралдары “Қазақстанда өлім мөлшері коронавирустан да жоғары белгісіз пневмания пайда болды” деп жарыса&nbsp;<a href="https://qamshy.kz/article/58503-alemdik-dgetekshi-baq-tar-qazaqstanda-kvi-dan-da-qauipti-pnevmoniya-virusynynh-t">ақпарат жариялаған.</a>&nbsp;Оған себеп, Қазақстанның денсаулық сақтау министрі Алексей Цойдың “2020 жылы пневмониядан 1172 адам қайтыс болды” деген&nbsp;<a href="https://24.kz/kz/zha-aly-tar/o-am/item/408220-elimizde-pnevmoniya-a-shaldy-andar-sany-50-art-an">мәлімдемесі.</a>&nbsp;Алексей Цой келтірген дерекке сай, пневмониядан қайтыс болғандар коронавирус өлімінен бес есеге көп, себебі ресми статистика бойынша қазірге дейін Қазақстанда COVID-19-дан көз жұмғандар саны 264.
Ал 3 шілде күні ҚР бас санитар дәрігері Айжан Есмағамбетова&nbsp;2020 жылдың алғашқы алты айында 1772 адамның,&nbsp;маусымда 628 адамның&nbsp;пневмониядан қайтыс&nbsp;<a href="https://24.kz/ru/news/social/item/406785-prichiny-rosta-zabolevaemosti-pnevmoniej-izuchayut-v-minzdrave">болғанын айтқан</a>.&nbsp;Бұл есеп бойынша, пневмониядан көз жұмғандар COVID-19-дан қаза тапқандардан 7 есе көп.
Осы деректерге байланысты шетелдің ірі БАҚ-тары “Қазақстанда өлім мөлшері коронавирустан да жоғары, қауіпті вирус тарап жатыр” деген ақпаратты&nbsp;<a href="https://qamshy.kz/article/58503-alemdik-dgetekshi-baq-tar-qazaqstanda-kvi-dan-da-qauipti-pnevmoniya-virusynynh-t">жарыса таратты</a>. Тіпті, кейбір елдер азаматтарына Қазақстаннан абайлау туралы ескертулер жасаған.
Алайда артынша Лондонда шығатын Daily Mail басылымы британиялық және қытайлық&nbsp;эпидемиологтардан&nbsp;<a href="https://qamshy.kz/article/58510-shetel-mamandary-qazaqstandaghy-belgisiz-pnevmoniya-%E2%80%93-is-dguzinde-koronavirus">сұхбат алып</a>, ғалымдардың Қазақстанда таралған пневмония шын мәнінде COVID-19 деп санайтынын жариялаған.
Бейжіңдегі Қытайдың бас эпидемиологы және Ұлыбритания Уорвик университетінің вирусологы Қазақстанда таралып жатқан “белгісіз пневмонияны” эпидемиологиялық тұрғыдан COVID-19 деп тұжырымдайтынын жеткізген.&nbsp;
Қазақстандық&nbsp;нейрохирург дәрігер Мыңжылқы Бердіқожаев та “пневмониядан қайтыс болып жатқан адамдардың 99 пайызының өліміне коронавирус себеп” деп&nbsp;<a href="https://qamshy.kz/article/58423-neyrokhirurg-pnevmoniyadan-qaytys-bolghandardynh-99-payyzynda-koronavirus-boldy">айтқан.</a>

ДДСҰ: Қазақстандағы пневмония – іс жүзінде анықталмаған коронавирус

Kyzylorda-news.kz. Педиатр-дәрігер карантин кезінде балаға қандай күтім керек екенін, аурудың алдын алу үшін сақтық шараларының қаншалықты пайдалы екенін айтып берді.
<blockquote>
 Медицина қызметкері тұрғындары ең бірінші үйді таза ұстауға шақырды. Сондықтан кір сабын мен хлор ерітіндісімен барлық бөлмелерді күнде сүртіп отырған жөн.
</blockquote>
Дәрігердің сөзінше, негізінде балаға ең қажеті мыналар:
Жүйелі түрде 4-5 мезгіл тамақтану;
Күнделікті әр 6 сағат сайын &nbsp;екі аскорбин қышқылын қабылдау;
Күндізгі сағат 10.00 мен 13-00 аралығындағы &nbsp;күн сәулесі балаға өте пайдалы. Сол аралықта баланы далаға шығарып тұру қажет;
Қолдың айран, сүт секілді өнімдерді мүмкіндігінше үзбей беру;
Тәтті, салқын тағамдарды шектеу;
Күніне жоқ дегенде 100 гр ет тағамын жеу керек;
<a href="https://aikyn.kz/daerigerden-6-kenges-karantinde-balagha-qandaj-kuetim-kerek/">АЙҚЫН</a>

Карантинде балаға қандай күтім керек?

Kyzylorda-news.kz. Қазақстандағы коронавирус бойынша 11 шілде 23:59-дағы эпидемиологиялық жағдай жарияланды. Қазақстанда өткен тәулікте 1 798 адам коронавирус індетімен ауырғаны белгілі болды. Оның ішінде 1061 адам клиникалық белгісі жоқ тасымалдаушы тіркелді.
Аймақтар бойынша (жалпы/симптомсыз):
Нұр-Сұлтан қаласы – 88 / 40 Алматы қаласы – 242 / 81
Шымкент қаласы – 137 / 99 Ақмола облысы – 38 / 23
Ақтөбе облысы – 40 / 25
Алматы облысы – 48 / 29
Атырау облысы – 269 / 200
Шығыс Қазақстан облысы – 211 / 150
Жамбыл облысы – 79 / 64
Батыс Қазақстан облысы – 97 / 43
Қарағанды облысы – 158 / 93
Қостанай облысы – 56 / 19
Қызылорда облысы – 91 / 33
Маңғыстау облысы – 72 / 67
Павлодар облысы – 51 / 6
Солтүстік Қазақстан облысы – 65 / 48
Түркістан облысы – 56 / 41
Жалпы ел бойынша ауырғандар саны 58 253.

Қызылорда: Өткен тәулікте 91 адам коронавирус жұқтырған

Kyzylorda-news.kz. Коронавирус инфекциясын жұқтырған адамда бірнеше симптом пайда болады. Соның бірі – дәм мен иіс сезбеу. Егер адамда тек осы екі симптом байқалса, бұл оның коронавирус жұқтырғанын білдіре ме? Бұл сұраққа&nbsp;Орталық коммуникациялар қызметінде өткен брифингіде медицина ғылымдарының кандидаты Нұрила Малтабарова мен доцент Баян Тұрдалина жауап берді.
<blockquote>
 “Тек дәм мен иіс сезуден қалған адамды коронавирус жұқтырды деп айту қиын. Себебі вирус жұқтырған адамның температурасы көтеріледі, тұла бойы күрт әлсірей бастайды. Статистика бойынша, коронавирусқа шалдыққандардың тек 50%-і дәм мен иіс сезбей қалған. Сондықтан тек осы симптомдар адамның коронавирус инфекциясын жұқтырғанын білдірмейді”, – дейді Баян Тұрдалина.
 “Дәм мен иіс сезбей қалудың өзге себептері болуы мүмкін. Бұл симптомдар пайда болса, байбаламға салынып, компьютер томограммасын жасатамын, рентгенге түсемін деп әуреге түспеген жөн”, – деп жауап берді Нұрила Малтабарова.
</blockquote>
<a href="https://massaget.kz">Massaget</a>

Дәм мен иіс сезбеу адамның коронавирус жұқтырғанын білдіре ме?

Kyzylorda-news.kz. Елімізде жыл соңына дейін ауруханалар өкпені жасанды желдету аппаратымен қамтамасыз етіледі. Бұл туралы Орталық коммуникациялар қызметінде өткен дәрілік заттарды, медициналық өнімдерді және өкпені жасанды желдету аппараттарын өндіруге қатысты өткен брифингіде айтылды, деп хабарлайды ҚазАқпарат.
ҚР Индустрия және инфрақұрылымдық даму вице-министрі Аманияз Ержановтың айтуынша, қазіргі уақытта 3 мың дана өкпені жасанды желдету аппараты керек.
<blockquote>
 «Елордалық «Барк Текнолоджи» ЖШС және «Қазақстан Аселсан инжиниринг» ЖШС айына 550 дана құрылғы шығаруы керек. Қажет болған жағдайда Орал және Шымкенттегі зауыттарды іске қосу керек», – дейді Аманияз Ержанов.
</blockquote>
Қазіргі уақытта Қытай мен Түркиядан сынап көру үшін аппараттар әкелінді.
<blockquote>
 «Аппараттың бір бөлігі Денсаулық сақтау министрлігіне тапсырылды, екінші бөлігі бүгін тапсырылады. Сынақтан жақсы өтсе кәсіпорындар сондай аппарат шығаруға кіріседі. «Тыныс» АҚ шілде соңына дейін Денсаулық сақтау министрлігі мен әкімдіктерге 270 өкпені жасанды желдету аппаратын береді. Бұл кәсіпорында айына 500 аппарат шығаратын қауқар бар. Қазақстандық кәсіпорындар жыл соңына дейін өкпені жасанды желдететін 4 930 стационарлық және 2 695 мобильдік аппарат шығара алады», – дейді ол.
</blockquote>

Қазақстан және Қызылорда облысының жаңалықтары: Денсаулық

Қызылордада соңғы тәулікте коронавирус жұқтырған 74 адам тіркелді

Пневмония коронавирус статистикасында неліктен есепке алынбайды?

Дәрігер, марқұм Іскендір Жұмағазы “Құрмет” орденімен марапатталды

Қызылордаға 63 ИВЛ аппараты алынады

Жалағашта ем-шара кабинеттері тұрғындарға тегін көмек көрсетеді

Қызылордаға өкпені жасанды желдету аппаратын әкелу үшін халықаралық компаниялармен келісім жасалды

Қызылордада денсаулық сақтау басқармасының басшысы тағайындалды

ДДСҰ: Қазақстандағы пневмония – іс жүзінде анықталмаған коронавирус

Карантинде балаға қандай күтім керек?

Қызылорда: Өткен тәулікте 91 адам коронавирус жұқтырған

Дәм мен иіс сезбеу адамның коронавирус жұқтырғанын білдіре ме?

Шілдеде Қазақстанда жасалған өкпені жасанды желдететін 50 аппарат ауруханаларға жеткізіледі

Қазақстан және Қызылорда облысының жаңалықтары: Денсаулық

Қызылордада соңғы тәулікте коронавирус жұқтырған 74 адам тіркелді

Пневмония коронавирус статистикасында неліктен есепке алынбайды?

Дәрігер, марқұм Іскендір Жұмағазы &#8220;Құрмет&#8221; орденімен марапатталды

Қызылордаға 63 ИВЛ аппараты алынады

Жалағашта ем-шара кабинеттері тұрғындарға тегін көмек көрсетеді

Қызылордаға өкпені жасанды желдету аппаратын әкелу үшін халықаралық компаниялармен келісім жасалды

Қызылордада денсаулық сақтау басқармасының басшысы тағайындалды

ДДСҰ: Қазақстандағы пневмония – іс жүзінде анықталмаған коронавирус

Карантинде балаға қандай күтім керек?

Қызылорда: Өткен тәулікте 91 адам коронавирус жұқтырған

Дәм мен иіс сезбеу адамның коронавирус жұқтырғанын білдіре ме?

Шілдеде Қазақстанда жасалған өкпені жасанды желдететін 50 аппарат ауруханаларға жеткізіледі

Дәрігер, марқұм Іскендір Жұмағазы “Құрмет” орденімен марапатталды