<a href="https://kyzylorda-news.kz/">Kyzylorda-news.kz.</a> Коронавирус ауа арқылы тарайды деген болжам бар.
32 елдің 239 ғалымы Дүниежүзілік денсаулық сақтау ұйымына осы ұстанымды инфекцияның маңызды факторы ретінде қабылдауға шақырады. Бұл ақпарат Нью-Йорк Таймс газетінде жарияланды. Ғалымдардың пікірінше, коронавирус ауада ұсақ бөлшектер түрінде таралады. Және жабық кеңістікте ұзақ уақытқа дейін сақталады. Алайда Дүниежүзілік денсаулық сақтау ұймының мамандары ғалымдардың бұл ұйғарымын негізсіз деп есептейді. Әрі індет тыныс алу жолдарынан бөлінетін ірі тамшылар арқылы жұғады деген ұстанымда. Ал вирустың ауа арқылы таралатындығына нақты дәлел жоқ дегенді алға тартады.

COVID-19 ауа арқылы тарай ма?

<a href="https://kyzylorda-news.kz/">Kyzylorda-news.kz.</a> Фавипиравир. Короновирусқа қарсы күреске енді дәл осы дәрі де қолданылады,&nbsp;деп хабарлайды «Хабар 24».
Денсаулық сақтау министрі Алексей Цой оның Жапония және Еуропа елдерінде белсенді пайдаланылып жатқанын айтады. Сондықтан короновирусты емдеу жүйесін кеңейтіп, осы препаратпен толықтыруды жөн көріпті.
<blockquote>
 “Дәл осы препаратты елде шығарып, ішкі сұранысты қамтамасыз етуді жоспарлап отырмыз. Бұған қоса, бізде короновирусқа қарсы вакцинаның сынақтан өткізетін уақыт жақындады. Бұл жұмыстарды шетелдік әріптестерімізбен бірлесіп жасаймыз”, – дейді ҚР Денсаулық сақтау министрі Алексей Цой.
</blockquote>

ДСМ: Короновирустан емдеу жүйесі кеңейтілді

<a href="https://kyzylorda-news.kz/">Kyzylorda-news.kz.</a> Чикаго университетінің психологтары апокалипсис туралы киноны сүйетіндерге пандемиямен күресу оңай екенін анықтады. Жер жаһанда тарап жатқан індетке қатысты олар өзгелерге қарағанда психологиялық тұрғыдан әлдеқайда дайын болып шықты.&nbsp;
Зерттеушілер 310 еріктіге сүйікті фильмдері мен көрермен ретіндегі талғамына қатысты сауалнама жүргізді. Осыдан кейін олар пандемияның белең алуы адамның жалпы жағдайына қалай әсер ететінін анықтау мақсатында психологиялық тесттер өткізді.
Нәтижесінде зомби апокалипсис туралы фильмдерді сүйіп қарайтындар дүрбелеңге ілеспей, ажиотаж жасамай, жайбарақат өмір сүруін жалғастыра беретіні белгілі болды. Олар жағдайды ақылмен саралап, тәртіпке бағынғанда ғана пандемияны жеңетінін ұғынып, өздіктерінен оқшауланған.
Бұл жағдайды Чикаго университетінің психологы Колтан Скривнер: “Аталған бағыттағы фильмдер көрермендері бейсаналы түрде ондағы сценарийді қайталап, өмірге кейіпкерлердің көзімен қарайды”, – деп түсіндіреді.
Мақаланы психологтар: “Егер сіз қандай да бір жағдайды кинодан жүз рет көрсеңіз, ол сізді есеңгірететіндей күшке ие бола алмайды”, – деп түйіндеген.
<a href="https://massaget.kz/jigitterge/psihologiya/62644/">Massaget.kz</a>

Апокалипсис туралы фильмдер фанаттары пандемияға дайын болып шықты

<a href="https://kyzylorda-news.kz/">Kyzylorda-news.kz.</a> «Астана медицина университеті» коммерциялық емес акционерлік қоғамының доценті Роза Сүлейменова коронавирус жүқтырмас үшін иммунитетті қалай нығайтуға болатынын айтып берді, деп хабарлайды ҚазАқпарат.
<blockquote>
 «Ең бастысы – иммунитетті әлсіретпей, дұрыс тамақтану керек. Ағзаның иммунитеті 30-40 пайыз ақуыздан және 50 пайыз жеміс-жидек пен көкөністен тұрады. Сондықтан жылқы, сиыр етінен, балықтан қайнатылған сорпаны ішкен жөн. Сонымен қатар, сұйықтықты көп ішкен абзал. Күніне 3-5 литрге дейін су, компот және морс ішуге болады. С витамині өте қажет ағзаға, ол алмада, лимонда, қарақатта мол болады», – дейді маман.
</blockquote>
Дәрігердің айтуынша, көтеріңкі көңіл-күй ауырып қалмауға көп септігін тигізеді. Күйзеліске түспеген дұрыс. Ешқашан байбалам салмай, уайымдамай, барынша сабыр сақтап, жақсылықтан үміт ету керек, өйткені иммундық жүйе осыған тікелей байланысты.
«Кеңседе және үйде жұмыс істейтіндер бөлмені жиі желдетіп, сүртіп, тазалап отырғаны жөн. Маска киіп, гигиенаны сақтауды ұмытпаңыз. Сонымен қатар, көпшілікті өз бетіңізше емделмей, әуелі емханадағы учаскелік дәрігермен немесе жедел жәрдемге хабарласып, сондағы мамандармен ақылдасуға шақырамын. Басыңыз ауырып, құрғақ жөтел, ентігу пайда болса, дене қызуы көтеріліп, иіс сезуден айырылсаңыз, әлсіздік пен тершеңдік сезінсеңіз, бірден мамандармен кеңесіп, ем-дом алыңыз», – деп түйіндеді сөзін Роза Сүлейменова.
&nbsp;<a href="https://www.inform.kz/kz/koronavirustan-kalay-korganu-kerek_a3669262">https://www.inform.kz/kz/koronavirustan-kalay-korganu-kerek_a3669262</a>

Коронавирустан қалай қорғану керек?

<a href="https://kyzylorda-news.kz/">Kyzylorda-news.kz.</a> Кеш ұйықтау әдеті адамның гормоналды денсаулығына кері әсер етуі мүмкін. Бұл туралы дәрігер Зухра Павлова айтты, деп хабарлайды <a href="https://24.kz/kz/zha-aly-tar/bylu-manyzdy/item/406034-d-riger-kesh-jy-taudy-aupin-atady">“Хабар 24”.</a>
Ол дұрыс құрылған ұйқы кестесі гормоналды жағдайды реттейтінін айтып өтті. Дәрігердің айтуынша, түн ортасында өте кеш ұйықтайтын адамдарда гормоналды теңгерімсіздік салдарынан артық салмақ болады.
<blockquote>
 «Адамның ағзасы тәуліктік уақытқа қарай өзінің гормоналды фонын қалыптастырады», – деп түсіндірді Павлова.
</blockquote>
Дәрігер кеш ұйықтау бірқатар маңызды гормонның, соның ішінде кортизолдың тепе-теңдігін бұзатынын айтты.

Дәрігер кеш ұйықтаудың қаупін атады

Kyzylorda-news.kz. COVID-19 симптомдарының санына үш жаңа симптом қосылды. Олар диарея, жүрек айнуы және мұрынның бітелуі. Бұл туралы АҚШ-тың Ауруларды бақылау және профилактикасы бойынша орталығы хабарлады.
Бұған дейін америкалық дәрігерлер инфекция белгілері&nbsp; жоғары температура, тыныс алудың нашарлауы,&nbsp;жөтел, иіс пен дәм сезудің жоғалуы, сондай-ақ бұлшықет ауруы, қалтырау мен тамақ ауруы деп атаған. Британдық дәрігерлер коронавирустық инфекциямен ауыратын науқастардың 30%-ы өкпе қабынуы нәтижесінде пайда болатын және өлімге себеп болуы мүмкін тромбоз белгілерін байқайтынын хабарлады.
Соңғы мәліметтер бойынша, әлемде коронавирусты 10,8 млн-нан астам адам жұқтырған, 519 мыңнан астам адам қайтыс болды.
<a href="https://baq.kz/news/othernews/d-rigerler-koronavirusty-sipattamasyna-sh-zha-a-simptom-osty/">Baq.kz</a>

Дәрігерлер коронавирустың сипаттамасына үш жаңа симптом қосты

<a href="https://kyzylorda-news.kz/">Kyzylorda-news.kz.</a> Ислам Жалғасбай есімді маңғыстаулық оқушы пневмонияға шалдыққан атасының денсаулығын оңалту үшін қолда бар заттармен өкпені жасанды желдету аппаратын жасады.
8-сынып оқушысының 62 жастағы атасы екіжақты пневмонияға шалдығып, ауруханаға жатқызылған. Дәрігерлер қарияның денсаулығына байланысты болжамдар көңіл көншітпейтінін айтып, туыстарына оны үйіне алып кетуді ұсынған.
<blockquote>
 «Жағдайы ауыр еді. Оны үйге алып келгеннен кейін де үміт үзбей күресуге шешім қабылдадық. Інімнің баласы Ислам YouTube желісінен бейнеролик көріп, өз бетінше өкпені жасанды желдету аппаратын жасап шығаруды ұйғарды», – дейді отбасының туысы Рахат Тұрғанов.
</blockquote>
Осылайша, сегізінші сынып оқушысының қодан жасап шыққан аппараты кәдеге жарап, атасының өмірін сәл де болсын жеңілдетуге септігін тигізді.
<blockquote>
 «Ислам жасап шығарған аппаратпен атамыз тағы бірнеше күн өмір сүрді. Алайда, өкінішке қарай, одан айырылып қалдық», – дейді Р.Тұрғанов.
</blockquote>
Айта кетейік, бұған дейін атыраулық кәсіпкерлер облыстық ауруханаға өкпені жасанды желдету аппараттарын сыйға тартқанын хабарлағанбыз.

8-сынып оқушысы атасын құтқару үшін өкпені жасанды желдету аппаратын жасап шығарды (ВИДЕО)

<a href="https://kyzylorda-news.kz/">Kyzylorda-news.kz.</a> Алматыдағы №9 қалалық емханасының бөлім меңгерушісі Мадина Омарова кәдімгі қойдың майы коронавирусқа қалай әсер ететіні туралы сұраққа жауап берді, деп хабарлайды <a href="https://24.kz/kz/zha-aly-tar/bylu-manyzdy/item/406335-ojdy-majy-koronavirustan-emdeluge-k-mektese-me">“Хабар 24”</a>.
Оның айтуынша, хаттама бойынша медициналық қызметкерлерге қойдың майын қолдануға рұқсат жоқ. Сондай-ақ дәрігер қойдың майын біздің ата-бабаларымыз кеңінен қолданғанын, алайда қазір оның орнына түрлі заманауи жақпамайлар мен дәрілер келгенін айтып өтті.

Қойдың майы коронавирустан емделуге көмектесе ме?

<a href="https://kyzylorda-news.kz/">Kyzylorda-news.kz.</a>Парацетамолдан басқа ыстықты басатын 44 дәрі Қазақстан ұлттық сараптама орталығы мемлекеттік реестрге тіркелген, ыстықты басатын дәрілер тізімін жариялады. Бұл дәрілердің құрамында парацетамол бар, сондықтан оларды қазір дәріханаларда тапшы парацетамолдың орнына ішуге болады.
Тізімде 44 дәрі бар: 
• “Колдрекс актив” – ішуге арналған ұнтақ; 
• “Фасторик” – ішуге арналған түйіршіктелген ұнтақ; 
• “Ценипар экстра” – таблетка; 
• “ТераФлю Макстаб” – таблетка; 
• “Цефекон” – тік ішектік суппозиторий; 
• “Парамолан” – тік ішектік суппозиторий; 
• “Детский панадол” – балаларға ішуге арналған суспензия; 
• “Панадол экстра” – таблетка; 
• “Антифлу” – таблетка; 
• “Антифлу Кидс” – таңқурай дәмі бар ұнтақ; 
• “Колдрекс Юниор Хот Дринк” – ішуге арналған ұнтақ; 
• “Ин-грипп” – ішуге арналған ұнтақ; 
• “День и ночь” – таблетка; 
• “Гриппостад С Стик” – ішуге арналған гранула; 
• “Агриппин” – таблетка; 
• “Тайлол 6 Плюс” – суспензия; 
• “Эффералган” – ішуге арналған ерітінді, көпіршікті таблетка, тік ішектік суппозиторий; 
• “Флюкол-С” – таблетка; 
• “Комбигрип” – таблетка; 
• “МаксиГриппин” – ішуге арналған арналған ұнтақ; 
• “МаксиГриппин для детей” – балаларға арналған көпіршікті таблетка; 
• “Цитрамон П” – таблетка; 
• “Фервекс” – ішуге арналған ұнтақ; 
• “Ректол-125”, “Ректол-250” – тік ішектік суппозиторий; 
• “Аскофен” – таблетка; 
• “Нолгрипп” – таблетка; 
• “Суыктимицин” – капсула; 
• “КМ-парацетофит” – суппозиторий; 
• “Парацетамол Роутек” – инфузияға арналған ерітінді; 
• “ОРВИколд” – ішуге арналған ұнтақ; 
• “БоксГрипал” – ішуге арналған ұнтақ; 
• “ГриппоФлю” – ішуге арналған ұнтақ; 
• “Танфлекс” – ішуге арналған ұнтақ; 
• “Грипго” – таблетка; 
• “Парацетамол Вива Фам” – тік ішектік суппозиторий; 
• “Терафлю” – ішуге арналған ұнтақ; 
• “Колдфри” – таблетка; 
• “Парацетамол Б. Браун” – инфузияға арналған ерітінді; 
• “Ринза” – таблетка; 
• “Гриппостад” – капсула; 
• “Тайлолфен хот” – ішуге арналған ұнтақ; 
• “Стопгрипан – лимон” – ішуге арналған ұнтақ; 
• “Цитрик” – ішуге арналған ұнтақ; 
• “Солпадеин Актив” – таблетка.
<a href="https://massaget.kz/layfstayl/Zdorove/62610/">massaget.kz</a>

Парацетамолдан басқа ыстықты басатын 44 дәрі

<a href="https://kyzylorda-news.kz/">Kyzylorda-news.kz.</a> Қазір ел ішінде белең алған індет – ковидтық пневмония. Ал елімізде бұған дейін тіркеліп жүрген пневмония – қазан мен наурыз айларының аралығында өршиді. Бұл иммунолог дәрігер Рафаил Розенсон айтты.
Маман пневмония мен коронавирустық инфекцияның ара-жігін ажыратып, бірнеше айырмашылықты атады. Мәселен, әдеттегі пневмония кезінде тыныс алу жолдарында вирустың жалғыз ошағы пайда болатын көрінеді. Ал коронавирустық инфекция жұқтырған адамда дөңгелек пішінді бірнеше ошақ тіркеледі екен. Әрі оларды рентген арқылы анықтау оңай емес. Екеуінің емдеу тәсілдерінде де айырмашылық бар дейді маман.
“Коронавирус – респираторлы белгілері бар, тыныс алу жолдарына әсер ететін инфекция. Жәй пневмонияны емдеуге болады. Бұл процесс бізде жолға қойылған әрі бізде антибиотиктер өте көп. Оларды қолдану арқылы нәтижені бірден сеземіз. Ал коронавирустық инфекция кезінде дәрі-дәрмектің күші айтарлықтай әсер етпейді. Әсер еткен күннің өзінде оны ұзақ күтуге тура келеді. Ковидтік пневмония иммунитетті айтарлықтай төмендетеді. Оған қарсы күресуі тиіс лимфоциттерге кері әсер етеді. Бастысы, адамның өкпесі қабынып, тыныс алуы қиындай түседі”,- дейді иммунолог Рафаил Розенсон.
<a href="https://24.kz/kz/zha-aly-tar/bylu-manyzdy/item/406622-d-riger-koronavirus-pen-pnevmoniyany-ajyrmashyly-yn-salystyrdy">“Хабар 24”</a>

Дәрігер коронавирус пен пневмонияның айырмашылығын салыстырды

<a href="https://kyzylorda-news.kz/">Kyzylorda-news.kz.</a> Денсаулық сақтау министрлігі емханалар жанынан құрылатын мобильді бригадалардың қызметі халыққа тегін болатынын мәлімдеді, деп хабарлайды министрліктің баспасөз қызметі.
<blockquote>
 «Бұл (мобильді топтар) – халыққа тегін көрсетілетін жедел жәрдемнің жаңа қызметі. Мемлекет әр шақырту бойынша МӘМС (Міндетті әлеуметтік-медициналық сақтандыру) қоры арқылы төлейтін болады. Олар науқастармен байланыста болғандардан және симптомы барлардан COVID-19-ға ПТР-тест алады», – деді министрліктен.
</blockquote>
Мәлім етілгендей, мобильді бригадалар емханалар жанынан құрылған. Қызметі – коронавирус симптомы бар және пневмониямен ауырғандарды, сондай-ақ стационарда емделіп шыққан науқастарды бақылау.
<blockquote>
 «Сонымен бірге мобильді топтар созылмалы ауруы бар адамдарды, жүкті әйелдер мен балаларды үйінде бақылайтын болады. Мобильді бригадалардың қызмет төлемін Міндетті әлеуметтік-медициналық сақтандыру қоры жүргізеді. Әр шақырту үшін емханаларға 5400 теңге аударылады. Мобильді топтардың қызметкерлері жеке қорғаныс құралдарымен, пульсоксиметрлермен және басқа да керек-жарақпен қамтамасыз етіледі», – делінген хабарламада.
</blockquote>

5400 теңге тұратын мобильді топ қызметі халыққа тегін болады –министрлік жауабы

<a href="https://kyzylorda-news.kz/">Kyzylorda-news.kz.</a> ҚР Бас мемлекеттік санитарлық дәрігерінің 5 шілдеден бастап Қазақстан аумағында қатаң карантин шараларын енгізу туралы қаулысы жарияланды.
Қазақстан Республикасының халқы арасында COVID-19 коронавирустық инфекциясының таралуының алдын алу мақсатында «Пайда болу және таралу қаупі төнген кезде шектеу іс-шаралары, оның ішінде карантин енгізілетін инфекциялық аурулар тізбесін бекіту туралы» Қазақстан Республикасы Ұлттық экономика министрінің 2015 жылғы 25 ақпандағы № 130 бұйрығына және «Қазақстан Республикасының аумағында шектеу іс-шараларын, оның ішінде карантинді жүзеге асыру қағидаларын бекіту туралы» Қазақстан Республикасы Ұлттық экономика министрінің 2015 жылғы 20 наурыздағы № 239 бұйрығына сәйкес ҚАУЛЫ ЕТЕМІН:
<ol>
<li>Қазақстан Республикасы Индустрия және инфрақұрылымдық даму министрлігі авиарейстердің бағыттары мен жиілігін көбейтпей, өңірлер арасындағы авиақатынастарды сақтауды қамтамасыз етсін.</li>
<li>Қазақстан Республикасы Индустрия және инфрақұрылымдық даму министрлігі, «Қазақстан темір жолы» ұлттық компаниясы» акционерлік қоғамы: 
1) жолаушылардың темір жол тасымалы көлемін қысқартуды қамтамасыз етсін; 
2) қала маңындағы жолаушылар поездарының (электричка, жұмыс поездарын қоспағанда) қозғалысын тоқтата тұрсын; 
3) жолаушылар поездарының құрамында жалпы вагондарды құруды болдырмасын.</li>
<li>Облыстардың, Алматы, Нұр-Сұлтан, Шымкент қалаларының әкімдері, Орталық мемлекеттік органдар, құқық қорғау және арнайы органдар : 
1) қалааралық автобус тасымалдарын тоқтата тұруды; 
2) ойын-сауық, спорттық іс-шараларды, көрмелер, форумдар, конференциялар, сондай-ақ отбасылық, естелік іс-шараларын (банкеттер, үйлену тойлары, мерейтойлар, ас беру), оның ішінде үйде және адамдар көп жиналатын өзге де іс-шараларды өткізуге тыйым салуды; 
3) азық-түлік супермаркеттері мен олардағы дәріханаларды қоспағанда, сауда-ойын-сауық орталықтарының, сауда үйлерінің, сауда желілерінің қызметіне тыйым салуды; 
4) ойын-сауық мекемелерінің (караоке, бильярд, компьютер клубтары, түнгі клубтар, боулинг орталықтары, аттракциондар, балалардың ойын алаңдары, батуттар және басқалары), кинотеатрлардың қызметіне тыйым салуды; 
5) барлық мәдениет объектілерінің (театрлар, концерт ззалдары, мұражайлар, көрмелер және т.б.) қызметіне тыйым салуды; 
6) діни объектілердін (мешіттер, шіркеулер, соборлар, синагога және т.б.) қызметін тоқтата тұруды; 
7) балаларды сауықтыру лагерьлерінің, мектепке дейінгі балалар мекемелерінің, балалардың түзету кабинеттерінің, білім беру орталықтарының, балаларды дамыту орталықтарының, үйірмелердің, балалар мен ересектерге арналған курстардың қызметіне тыйым салуды; 
8) фудкорттар, банкет залдарының қызметіне тыйым салуды; 
9) СПА-орталықтардың, жаттығу залдарының, фитнес-орталықтардың, спорттық-сауықтыру орталықтарының, бассейндердің, қалалық, қоғамдық жағажайлардың, ашық аквапарктердің, қоғамдық моншалардың, сауналардың, сұлулық салондарының, шаштараздардың, косметикалық және косметологиялық қызмет көрсететін орталықтар мен салондардың қызметіне, маникюр мен педикюр көрсетілетін қызметтеріне тыйым салуды; 
10) жабық азық-түлік және азық-түлік емес базарларының қызметіне тыйым салуды; 
11) 500 м2 артық азық-түлік емес дүкендердің тек жеткізу қызметін; 
12) 65 жастан асқан тұрғындардың және 3 адамнан артық топтардың жүріп-тұруын шектеуді; 
13) қоғамдық көліктің қозғалысын шектеуді; 
14) өңірлер арасында жеке автокөліктің жүріп-тұруына рұқсат беруді; 
15) әлеуметтік қашықтықты және күшейтілген санитариялық-дезинфекциялық режимді сақтай отырып, мемлекеттік органдардың (ұйымдардың, кәсіпорындардың), квазимемлекеттік сектор органдарының, ұлттық компаниялардың, өзге де ұйымдардың, сондай-ақ кәсіпкерлік субъектілерінің қызметіне рұқсат беруді қамтамасыз етсін. Бұл ретте қызметкерлердің кемінде 80%-ы қашықтықтан жұмыс нысанында қалады (штат кестесінде 30-дан астам қызметкер болғанда); 
16) аймаққа бөлу және күшейтілген санитариялық-дезинфекциялық режим талаптарын сақтай отырып, медициналық орталықтардың (жазылу бойынша) қызметіне рұқсат беруді; 
17) күшейтілген санитариялық-дезинфекциялық режимді сақтай отырып және 50 % -нан асырмай толтыра отырып, халықтың тұруы бойынша қызмет көрсету саласындағы туризм объектілері мен ұйымдарының (қонақүйлер, отельдер, демалыс үйлері, туристік базалар және т.б.) қызметіне рұқсат беруді; 
18) күшейтілген санитариялық-дезинфекциялық режимді сақтай отырып дәріханалардың, азық-түлік дүкендерінің (шағын маркеттер, супермаркеттер, гипермаркеттер), азық-түлік және азық-түлік емес базарлардың (ғимараттан тыс) қызметіне рұқсат беруді; 
19) күшейтілген санитариялық-дезинфекциялық режимді сақтай отырып, ұжымдық іс-шараларды өткізбей, ашық ауадағы және үй-жайда 30-дан аспайтын отыратын орын орната отырып, қоғамдық тамақтану объектілерінің қызметіне рұқсат беруді; 
20) күшейтілген санитариялық-дезинфекциялық режимді сақтай отырып, үздіксіз өндірістік циклі бар өнеркәсіптік кәсіпорындардың; ашық ауадағы құрылыс жұмыстарының, ауыл және балық шаруашылығының, мал шаруашылығының қызметіне рұқсат беруді; 
21) күшейтілген санитариялық-дезинфекциялық режимді сақтай отырып, уақыт бойынша шектеу арқылы халыққа байланыссыз қызмет көрсету объектілерінің (автомобиль жуу, автомобильдерді, тұрмыстық техниканы жөндеу және басқалары) қызметіне рұқсат беруді; 
22) уақыт бойынша шектеу арқылы және күшейтілген санитариялық-дезинфекциялық режимді сақтай отырып, бизнес-орталықтардың (адвокат, нотариус, бухгалтер және консалтинг көрсетілетін қызметтері, жылжымайтын мүлік жөніндегі агенттіктер, жарнама агенттіктері, сот орындаушылары және т.б.), букмекер кеңселерінің қызметіне рұқсат беруді; 
23) күшейтілген санитариялық-дезинфекциялық режимді сақтай отырып, уақыт бойынша шектеу және қызметті барынша онлайн форматта көрсету арқылы ХҚКО-ның жұмысын ұйымдастыруды; 
24) күшейтілген санитариялық-дезинфекциялық режимді сақтай отырып, уақыт бойынша шектеу және қызметті барынша онлайн форматта көрсету арқылы «Қазпочта» АҚ-ның жұмысын ұйымдастыруды; 
25) әлеуметтік қашықтықты сақтай отырып, 3 адамнан аспайтын топтармен немесе бір отбасы мүшелерімен ойын-сауық объектілері жоқ саябақтарға, алаңдар мен скверлерге, жағалауларға және халықтың басқа да демалыс орындарына баруға рұқсат беруді; 
26) ашық ауадағы жеке жаттығуларға рұқсат беруді; 
27) қоғамдық көлікке, таксиге, өнеркәсіптік аумақтарға, әуежайларға, аулалық балалар алаңдарына, азық-түлік және азық-түлік емес базарларға және басқа да қоғамдық орындрға санитариялық және дезинфекциялық өңдеу жүргізуді; 
28) Қазақстан Республикасы Ұлттық Банкінің және Қазақстан Республикасы Қаржы нарығын реттеу және дамыту агенттігінің актісіне сәйкес уақыты және саны бойынша шектей отырып, қаржы нарығы субъектілерінің қызметіне рұқсат беруді қамтамасыз етсін.</li>
<li>Облыстардың, Алматы, Нұр-Сұлтан, Шымкент қалаларының әкімдері, облыстардың, Алматы, Нұр-Сұлтан, Шымкент қалаларының тауарлар мен көрсетілетін қызметтердің сапасы мен қауіпсіздігін бақылау департаменттері, облыстардың, Алматы, Нұр-Сұлтан, Шымкент қалаларының полиция департаменттері қызметіне рұқсат берілген объектілерде карантиндік шаралардың, санитариялық-дезинфекциялық режимнің сақталуын бақылауды қамтамасыз етсін. Бұзушылықтар анықталған жағдайда Әкімшілік құқық бұзушылық туралы кодекске сәйкес тиісті әкімшілік шаралар қолдансын.</li>
<li>Тиісті аумақтағы, көліктегі бас мемлекеттік санитариялық дәрігерлер, Қазақстан Республикасы Қорғаныс министрлігінің, ұлттық қауіпсіздік және ішкі істер органдарының, Қазақстан Республикасы Президентінің Іс Басқармасы ведомствосының халықтың санитариялық-эпидемиологиялық саламаттылығы саласындағы қызметті жүзеге асыратын құрылымдық бөлімшелерінің басшылары қалыптасқан эпидемиологиялық жағдайға байланысты карантиндік шараларды қатаңдату туралы шешім қабылдауға құқылы.</li>
<li>Осы қаулының орындалуын бақылауды өзіме қалдырамын.</li>
<li>Осы қаулы 2020 жылғы 5 шілдеде 00 сағат 00 минуттан бастап күшіне енеді.</li>
</ol>

Қазақстан және Қызылорда облысының жаңалықтары: Денсаулық