Kyzylorda-news.kz. «Nur Otan» партиясы облыстық филиалы мен қала әкімдігіне қарасты жауапты бөлім мамандарынан құрылған мобильдік топтар Қызылорда қаласындағы «Астана», «Астана-2» шағын аудандары мен П.Есімов, Т.Әубәкіров көшелерінде орналасқан дәріханалардың дәрі-дәрмекпен қамтамасыз етілуі, дәрі-дәрмек бағасының қолжетімділігі және кәсіпкерлік нысандардың санитарлық талаптарының сақталуын қамтамасыз ету мақсатында тиісті мониторинг жұмыстарын жүргізді.
Мониторинг барысында дәріханалардағы кейбір дәрі-дәрмектердің (парацетамол, аспирин және т.б.) әлі де тапшылығы байқалуда.
<img src="blob:https://kyzylorda-news.kz/3962a91e-0d73-4333-aabe-c6553140d8e2" alt="" />
Алайда, дәріханалар тарапынан сатылымда жоқ дәрі-дәрмектердің орнына балама дәрілер ұсынылып жатқаны және де қажетті дәрі-дәрмектерге сұраныс берілгені анықталды. 
Мониторинг қорытындысы бойынша мобильдік топ тарапынан дәріханалар меңгерушілері мен кәсіпкерлік нысандар иелеріне тиісті ескертулер мен ұсыныстар берілді.
<img src="blob:https://kyzylorda-news.kz/feddf3cf-caf0-47d7-94a7-66c0221b245c" alt="" />
Мониторинг барысында берілген ескертулер мен ұсыныстардың орындалуы мобильдік топтардың бақылауына алынған.
Партиялық мониторинг жұмыстары күнделікті жүргізілуде.

Мониторинг:Қызылордада дәрі-дәрмек әлі де тапшы

<a href="https://kyzylorda-news.kz/">Kyzylorda-news.kz.</a> Ғалымдар COVID-19-бен ауырған адамдардың иммундық жүйесінің ұзақ мерзім бойы қалыпқа келмейтінін анықтады.
Бұл туралы Қытайдың Ухань қаласының вирусология институтының ғалымдарының зерттеулерінде көрсетілген.
Зерттеушілер COVID-19-бен ауырып шыққан әртүрлі жастағы 55 пациенттің денсаулық жағдайын зерттеді. Оларда иммунитетке жауап беретін қан жасушалары лимфоциттер деңгейі төмендеген.
Лимфоциттер коронавирустан жазылған соң 11 аптадан кейін де қалпына келмеген. Мақала авторларының пікірінше, бұл SARS-CoV-2 вирусының қан жасушаларына және иммунитеттің бұзылуына қатты әсер ететінін көрсетеді.
Гарвард университетінің профессоры Тобиас Курт коронавирус инфекциясымен ауырған адамдарда оның зардабы ұзаққа созылатыннын хабарлады.
<blockquote>
 «Біз бұл вирустың бірден бірнеше ағзаның жұмысына зиян тигізетінін білеміз, бірақ әзірге оның салдары созылмалы ма, әлде уақыт өте кете ме, ол туралы нақты айта алмаймыз», – деп түсіндірді ғалым.
</blockquote>
<a href="https://24.kz/kz/zha-aly-tar/bylu-manyzdy/item/408368-koronaviruspen-auyr-andardy-immuniteti-birden-alyp-a-kelmeui-m-mkin">«Хабар 24»</a>

Коронавируспен ауырғандардың иммунитеті бірден қалыпқа келмеуі мүмкін

<a href="https://kyzylorda-news.kz/">Kyzylorda-news.kz.</a>Коронавирус індеті өршіген сәттен бастап халық арасында әртүрлі емдеу тәсілдері қолданылып, кеңестер адамнан адамға тарап жатыр. Олардың арасында сарымсақпен, арақпен және спиртпен емдеуге болады деген әдістер де бар. Дегенмен, бұл тәсілдердің пайдасымен қоса, зияны да бар, деп хабарлайды <a href="https://stan.kz/kanday-dasturli-emdeu-adisteri-covid-19-di-emdey-almayd-333984/">Stan.kz.</a>
Ингаляциялық бу терапиясы
Қазіргі таңда ең көп берілетін кеңес – содамен “ыстық ванна” жасап, дем алу. Алайда, мұның пайдасы шамалы. Оның үстіне, қазіргі уақытта COVID-19 бен пневмонияны емдеудегі бу терапиясының тиімділігі туралы бірде-бір ғылыми дәлелденген дерек жоқ. Ал содаға аллергия болса, ол шырышты қабатты күйдіріп қана қоймай, Квинкенің ісінуі қаупіне алып келуі мүмкін. Сонымен бірге, жылу ингаляцияларына қарсы бірқатар көрсетілімдер бар, мысалы, гипертермия (жоғары дене температурасы), гипертония (жоғары қан қысымы, жүрек-тамыр аурулары немесе бүйрек қызметі) бұзылғанда бұл әдіс қауіпті.
Арақпен және спирт буымен дезинфекция жасау
Алкогольді шамадан тыс тұтыну иммундық жүйені әлсірететіні белгілі. Өз кезегінде, бұл вирусты тез жұқтыру қаупін ұлғайтады. Ал жүрек-тамыр аурулары мен бауыр мәселелері болған жағдайда ішімдік асқыну қаупін арттырады және емдеуді қиындатады. Мұндай науқастың өмір сүру мүмкіндігі өте төмен болады.
Спирт буымен ингаляция өкпенің төменгі бөліктеріне жіберілген вирусты өлтіруге жеткіліксіз. Сонымен қатар, медициналық спирт шынымен өкпе ісінуіндегі көбікті басу үшін қолданылады, бірақ мұнда дәрігер қауіпсіз дозаны дәл есептеуі тиіс.
Антибиотиктің де қауіпі бар
Шұғыл түрде антибиотик қабылдау – бұл де жиі еститін кеңес. Алайда дәрігерлер екі себепке байланысты антибиотик алмауға кеңес береді. Біріншіден, аурудың симптомсыз және жеңіл түріндегі 80% жағдайда ағза вирусты өздігімен жеңе алады. Қазақстанның клиникалық хаттамасының 10-шы шығарылымында дене қызуын түсіру үшін парацетамол мен ибупрофенге жүгінуді ұсынады. Екіншіден, COVID-19-ды емдеуде антибиотикті ұзақ қолдану әсерінен бактерияларда антибиотиктерге төзімділік пайда болуы мүмкін. Яғни, қажет болған жағдайда бұл препараттар көмектесе алмауы әбден мүмкін.
Сарымсақтың суын ішу немесе ашқарынға сарымсақ жеу
Науқастың асқазан-ішек жолдары ауыратын болса, сарымсақты мүлде жеуге болмайды. Әйтпесе ішек жұмысының бұзылуына, асқазан қыжылына және бауырдың шаншуына тап болады. Сонымен қатар, сау адамға да сарымсақты күнделікті қабылдауға болмайды, өйткені, гипертония, жүрек аурулары және бас сақинасы мазалауы мүмкін. Бірақ бұл әдіс COVID-19 вирусынан еш құтқармайды. Себебі, сарымсақтың барлық антимикробтық қасиеттеріне қарамастан, оның коронавируспен күрестегі тиімділігі дәлелденбеген.
Шар үрлеу
Тиімді “өкпе жаттығуы” ретінде ұсынылған бұл әдіс коронавирус инфекциясы кезінде альвеолаларға (жақ сүйегінің қуысы) әсер етіп, ұлпааралық қабынуға ықпал етіп, біраз асқыну тудыруы мүмкін. Бұл жағдайда өкпе тініне жаппай зақым келіп, оны әлсіз етеді. Кез келген оқыс жүктеме өкпе тінін жыртып жібереді, соның салдарынан тыртық әрі қарай ұзара береді. Оның үстіне кеуде қуысының жылдам және күшті қозғалысымен өкпені қайта жүктеу өкпе баротравмасына әкеп соғуы мүмкін. Оның белгілері қақырықтағы қан, өкпе тінінің жыртылуы, альвеолалардың қосымша зақымдалуы және ентігу, эмфизема мен өкпе фиброзының күшеюі арқылы көрінуі мүмкін. Бұл да өкпе жұмысына кері әсер етеді.
Хижама COVID-19-ға қарсы әсер ете ме?
Аталған қан шығару процедурасын әлдекімдер коронавирусқа қарсы күшті емдеу әдісі ретінде ұсына бастады. Алайда, бұл ғылыми негізделмеген, сонымен бірге қауіпті. Біріншіден, хижама медициналық процедура емес, бірақ оның төменгі артериялық қан қысымы, созылмалы жүрек патологиясы, қан жасушаларының төмен концентрациясы, кез-келген тамыр патологиясы және тіпті психикалық ауытқулар сынды бірқатар қарсы көрсетілімдері бар. 65 жастан асқандар мен балалар хижама жасатқан кезде көп қан жоғалтуы мүмкін.
Жалған сарапшылар коронавирусты емдемейді
Нағыз мамандардың емес, білім деңгейі төмен блогерлерге сену денсаулыққа екі есен зиян тигізуі мүмкін. Ал ақпаратты тексеріп, ресми көздерден алуға дағдыланған адамдар үшін ҚР денсаулық сақтау министрлігі мен Дүниежүзілік денсаулық сақтау ұйымының ресми сайттары бар.

Дәрігерлер коронавирусты қалай емдеуге болмайтынын айтты

<a href="https://kyzylorda-news.kz/">Kyzylorda-news.kz.</a> COVID-19-ды емдеу терапиясында ингаляция жасау қауіпті. Ас содасы қосылған судың буына ауыз мен мұрын қуысы күйіп қалуы мүмкін, деп хабарлайды <a href="https://24.kz/kz/zha-aly-tar/bylu-manyzdy/item/408174-mamandar-covid-19-virusyn-bumen-emdeu-auipti">«Хабар 24»</a>.
Әрі соданың вирусты өлтіретіні туралы ешқандай ғылыми дәлел жоқ. Денсаулық сақтау министрлігі сақ болуды ескертеді. Әсіресе, вирустан өкпе қабынған жағдайда бумен емделуге болмайды. Мамандардың айтуынша, ас содасына аллергия болуы да мүмкін. Квинке ісігі адам өміріне өте қауіпті. Ыстық бу, жүрек-қан тамыры мен бүйрек ауруын асқындырады.

Мамандар: COVID-19 вирусын бумен емдеу қауіпті  

<a href="https://kyzylorda-news.kz/">Kyzylorda-news.kz.</a> ҚР Денсаулық сақтау министрі Алексей Цой өкпе қабынуына шалдыққандар мен осы аурудан қайтыс болғандар туралы мәліметтердің әзірше неге жарияланбай отырғанын түсіндірді, деп хабарлайды <a href="https://www.inform.kz/kz/pnevmoniyadan-kaytys-bolgandar-turaly-tolyk-derek-nege-zhok-ministr-zhauaby_a3670774">ҚазАқпарат.</a>
<blockquote>
 «2020 жылдың соңғы алты айында өкпе қабынуы бойынша 1 172 өлім-жітім тіркелді. 2019 жылдың алты айында 1 780 адам қайтыс болған еді. Бұл – жалпы сипаттағы өкпе қабынуы. Толықтай алғанда биыл өкпе қабынуына шалдығу өткен жылмен салыстырғанда 50 пайызға жоғары болып тұр. Қазір біз өкпе қабынуына байланысты сараптама жасамақпыз», – деді министр бүгін Орталық коммуникациялар қызметіндегі брифингіде тілшілердің сауалына орай.
</blockquote>
Оның атап өтуінше, коронавирус инфекциясының ең ауыр түріне қолданылатын ем-дом түрі пневмонияны емдеуге де қолданылады. Сонымен қатар ол әлемде өкпе қабынуына шалдығу деректері өткен жылғы статистикалық мәліметтерге қарағанда биыл біршама жоғары болып тұрғанын айтты.
<blockquote>
 «Айрықша назар аудару мен бақылауды қажет ететін мұндай респираторлық ауру бар науқастар санын білуіміз керек. Яғни, өкпе қабынуы және барлық коронавирус инфекциясы толықтай тіркеуге алынады. Бірақ, тест арқылы ресми нақтыланғандар саны тіркеледі. Барлығы тестілеуден өтуі үшін тест санын қуалаудың қажеті жоқ. Ол орта-ауыр және ауыр науқастарға қатысты шынайы жағдайды түсіну үшін ғана қажет. Соған баса мән берген жөн», – деді Алексей Цой.
</blockquote>

Пневмониядан қайтыс болғандар туралы толық дерек неге жоқ &#8211; министр жауабы

<a href="https://kyzylorda-news.kz/">Kyzylorda-news.kz.</a>ҚР Премьер-Министрінің орынбасары Ералы Тоғжановтың төрағалығымен өткен COVID-19 мәселелері жөніндегі жедел штабтың отырысында елдегі шұғыл шешімді талап ететін бірқатар жедел мәселелер қаралды, деп хабарлайды <a href="https://primeminister.kz/kz">primeminister.kz.</a>
Жиында мынадай мәселелер қаралды:
<ul>
<li>өңірлерге дәрілік заттарды жедел жеткізу үшін қажетті нормативтік-құқықтық базаны қабылдау;</li>
<li>қосымша 1600 өкпені жасанды желдету (ӨЖЖ) аппаратын, жедел медициналық жәрдем қызметінің 800 санитариялық автомашинасын, сондай-ақ сұранысқа аса ие дәрілік препараттарды (парацетамол, азитромицин, цефтриаксон, осельтамивир және басқалар) сатып алу, оларды осы аптаның соңына дейін жеткізу күтіледі.</li>
<li>коронавируспен күреске тартылған медицина қызметкерлеріне үстемеақы төлеуді жалғастыру.</li>
</ul>
Сондай-ақ Жедел штабта Атырау, Маңғыстау, Батыс Қазақстан, Қарағанды облыстары мен Нұр-Сұлтан қаласындағы санитариялық-эпидемиологиялық жағдай жеке тәртіппен қаралды.
Өңірлердің әрқайсысы бойынша Денсаулық сақтау министрлігі проблемалық мәселелерді баяндап, қазіргі жағдайды жақсарту бойынша нақты шаралар әзірледі.
Жедел штабта COVID-19 сырқаттанушылығының өсуіне байланысты Атырау облысындағы қанағаттанарлықсыз санитариялық-эпидемиологиялық жағдай ерекше атап өтілді. 
Осыған байланысты Ералы Тоғжанов Атырау облысының әкімдігіне жағдайды жақсарту бойынша түбегейлі шаралар қабылдау туралы, оның ішінде қосымша шектеу шараларын қолдану туралы тапсырма берді.
Сондай-ақ Премьер-Министрдің орынбасары өңірлердің әкімдіктеріне карантин шараларының сақталуын мүлтіксіз бақылауды қамтамасыз етуді, қысқа мерзімде қосымша инфекциялық стационарларды ұйымдастыруды, қажетті жабдықтарды (ӨЖЖ, КТ және т. б.), дәрілік заттарды сатып алуды, сондай-ақ зертханалардың ПТР қуатын арттыруды тапсырды.
<blockquote>
 «Біз әр өңірдегі жағдайды Жедел штабтың ерекше бақылауында ұстайтын боламыз. Біз жұмысты күнделікті негізде республикалық және өңірлік ауқымда тыңдап, нақты жедел шаралар қабылдай отырып жалғастырамыз», – деп қорытындылады Ералы Тоғжанов.
</blockquote>

COVID-19 бойынша жедел штаб өңірлердегі жағдайды бақылауда ұстауда

<a href="https://kyzylorda-news.kz/">Kyzylorda-news.kz.</a> Бүгінде эпид ахуалдың күрделенуіне байланысты қалада жедел-жәрдем қызметінен бөлек мобильдік топтар қызмет көрсетуде.
№ 6 қалалық емханадағы мобильдік топ қызметінің жұмысы жүргізілуде.
Бұл емхана 65 214 тұрғынға қызмет көрсетеді. Медициналық нысанға қарасты аумақ үлкен болуына байланысты аймақтарға бөлініп, наурыз айынан бастап 4 мобильді топ бекітілген. Ал емханада арнайы құрылған Call орталықта 4 оператор шақыртуларды қабылдап, жауапты мобильдік топ дәрігеріне науқастың мекен-жайы мен жағдайын хабарлайды. 
Дәл қазіргі уақытта Call орталыққа күніне 200-220 шақырту түсіп, әр дәрігер кем дегенде 50-ден астам пациентке көмек көрсетеді.
«Шақыртулардың 90 проценті салқын тию, дене қызуының көтерілуі, құрғақ жөтелге байланысты болып отыр. Дәрігерлер пациенттің үйіне барысымен дене қызуын өлшеп, тамағын қарап, өкпесін тыңдайды. Егер науқастың жағдайы ауыр халде болса, кезекші ауруханаға тасымалдайды. Арнайы мониторинг барысында пациенттердің 70 процентіне ЖРВИ, 20 процентіне пневмония диагнозы қойылатыны анықталды. Айта кету керек, пневмониямен ауырған сырқаттарға дәрі-дәрмек тегін берілуде және науқастар үй жағдайындағы күндізгі стационарда емделуде. Дәрі-дәрмек жеткілікті», – деді бас дәрігердің емдеу ісі жөніндегі орынбасары Нұргүл Жалғасбаева.
<img src="https://kyzylorda-news.kz/wp-content/uploads/2020/07/fb_img_1594271829485-1.jpg" alt="" />

Қызылордада мобильдік топ тегін қызмет көрсетуде

<a href="https://kyzylorda-news.kz/">Kyzylorda-news.kz.</a> Қызылорда шенеуніктерінің қызметтік көліктері жедел жәрдемге берілді. Оның жанар-жағармайын да қала әкімшілігі өз мойнына алған. Осылайша 30-ға жуық қызметтік көлік тәулік бойы тұрғындардың шақыртуларына дәрігерлерді жеткізуде.⠀
Аймақтың ауданындағы шенеуніктер де жақын күндері өз көліктерін денсаулық сақтау мекемелерінің мұқтаждығына беруге дайын екендіктерін айтып отыр. Десе де, аймақта әлі де маман тапшы.⠀
<blockquote>
 «Облыста реаниматолог және аудандарда инфекционист мамандардың тапшылығы бар. Мәселені шешу үшін егер кеңес керек болатын болса, Нұр-Сұлтан қаласындағы және Алматы қаласындағы әріптестеріміз кеңесін уақытылы беріп отыр. Егер аса қажетті мамандар болып жатса осы аудандарға қаладағы мамандарды жіберу мәселесін шешіп отырмыз», — деді облыстық Денсаулық сақтау басқармасы басшысының орынбасары Олжас Ысқаков.
</blockquote>

Қызылорда шенеуніктерінің қызметтік көліктері жедел-жәрдемге берілді

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев Қазақстанда қазіргі уақытта әмбебап мобильді бригада құрылғанын мәлім етті.
<blockquote>
 «Мемлекет жағдайды тұрақтандыру үшін барлық шараны қабылдап жатыр. Алғашқы медициналық көмек қызметтері күшейтілуде. Үйде халыққа кешенді медициналық қызметтерді көрсету үшін 400 әмбебап мобильді бригада құрылды. Шілде айының соңына дейін олардың саны 3,5 мыңға дейін жеткізіледі», – деді Қасым-Жомарт Тоқаев республикалық телеарналар арқылы елімізде қалыптасқан ахуалға байланысты үндеуінде.
</blockquote>
Президенттің айтуынша ауруханалардағы төсек орындарының санын көбейту жұмыстары басталып кеткен.
<blockquote>
 «Мен нұсқау берген сәттен бастап коронавируспен ауыратын науқастарға арналған төсек-орын саны 70%-ға артып, 43 мыңға дейін жеткізілді. Бұл жұмысқа әскери дәрігерлерлер де белсенді араласып жатыр. Қарулы күштердің ресурстарының арқасында 500-ден астам төсек орналастырылды. Ерекше таралу ошақтары орнында далалық ауруханалар жасақталуда», – деді ол.
</blockquote>

Президент шілденің соңына дейін әмбебап мобильді бригада саны 3,5 мыңға жеткізілетінін айтты

<a href="https://kyzylorda-news.kz/">Kyzylorda-news.kz.</a>Ұлыбританиялық және канадалық ғалымдар коронавирустың мидың неврологиялық асқынуларға әкелуі мүмкін екенін анықтады, деп хабарлайды <a href="https://kaz.tengrinews.kz/densaulyq/koronavirus-nevrologiyalyik-aurulardyi-tugyizuyi-mumkn-310386/">Tengrinews.kz</a>.
Дереккөз мәліметінше, зерттеу авторлары 43 пациентке зерттеу жүргізген.
Ғалымдар миы зақымданған тоғыз науқасқа зерттеу жүргізген. Дәрігерлер оларға энцефаломиелит (ADEM) диагнозын қойған, ал ол диагноз көбіне вирустық инфекциялардан туындауы мүмкін екен.
<blockquote>
 «Дәрігерлер коронавирус жұқтырған соң пайда болған неврологиялық аурулар туралы хабардар болуы керек, себебі ерте диагностика болашақта пациенттердің жағдайын жақсарта алады», – дейді зерттеу авторларының бірі Росс Патерсон.
</blockquote>

Коронавирус неврологиялық ауруларды туғызуы мүмкін – ғалымдар зерттеуі

<a href="https://kyzylorda-news.kz/">Kyzylorda-news.kz.</a> Медицина ғылымдарының докторы, жоғары санатты дәрігер Раушан Қарабаева короновирус инфекциясы бар симптомсыз және симптомы аз науқастардың үйде емделу жолдарын түсіндірді, деп хабарлайды <a href="https://www.inform.kz/kz/simptomsyz-koronavirusty-uyde-emdeude-kanday-katelikterge-zhol-bermeu-kerek_a3670347">ҚазАқпарат</a>.
<blockquote>
 «Коронавирус инфекциясының симптомы аз немесе симптомсыз науқастар үйде емделуі керек. Әрине, олар өздігінен ем қабылдап жатыр және дәрігерлер мұндай науқастардың ем-домын реттеп отыруы керек. Коронавирустың симптомы аз түрі патогенетикалық емдеуді, дәлірек айтқанда вирусқа қарсы, антибактериялық, тромбқа қарсы препараттар тағайындауды қажет етпейді. Мұндай пациенттер емдеу-сақтану режимінде ақуызы көп тамақ жеп, сұйықтықты көп ішуі керек. Оларға С, Д дәрумендері және дене қызуы көтерілген жағдайда Парацетамол, Ибупрофен сынды қызу түсіретін дәрілер тағайындалады», – деді дәрігер Орталық коммуникациялар қызметінде өткен онлайн конференцияда.
</blockquote>
Оның айтуынша, С дәруменінің үлкен дозасы тағайындалған жағдайда, бүйрек ауруларының, несеп-тас ауруының күшеюі мүмкін екендігін есте сақтаған жөн.
Егер дене қызуы 38 градустан асқанда, бұлшықет ауырып, әлсіздік байқалса, бас ауырып, жөтел пайда болса, кеуде тұсы ауырса дәрігерге жүгініп, өкпе қабынуының алдын алу керек. Ол үшін көкірек қуысына рентгенологиялық зерттеу немесе компьютерлік томография жүргізіледі.
<blockquote>
 «Коронавирус инфекциясындағы этиотропты (негізгі) ем – вирусқа қарсы препараттар тағайындау. Қазіргі уақытта КВИ емдеу үшін Лопинавир/Ритонавир, Гидроксихлорохин, Фавипиравир және Ремдесевир сынды дәрілік заттар жазылады. Бұл ретте аталған дәрілердің белгілі бір қауіп төндіретінін, жүрек пен бауырға уытты әсер ететінін атап өткен жөн. Осыған байланысты симптомы аз және симптомсыз науқастарға бұл дәрілерді өздігінен қабылдаудың қажеті жоқ. Бұл препараттарды дәрігерлер ғана стационарлық жағдайда бере алады», – деді Раушан Қарабаева.
</blockquote>

Симптомсыз коронавирусты үйде емдеуде қандай қателіктерге жол бермеу керек

<a href="https://kyzylorda-news.kz/">Kyzylorda-news.kz.</a>Медицина ғылымдарының докторы, жоғары санатты дәрігер Раушан Қарабаева коронавирус инфекциясы табылған науқастарға үй жағдайында қалай ем алу қажет екенін айтты, деп хабарлайды <a href="https://m.sputniknews.kz/society/20200708/14425948/dariger-ui-dari.html">Sputnik Қазақстан.</a>
<blockquote>
 “Ауру белгілері жоқ және ауру белгілері аз науқастар үйде емделіп жатыр. Соған сәйкес, олар өз күшімен ем қабылдауда. Үйде емделіп жатқан науқастарға вирусқа қарсы, бактерияға қарсы, тромбозға қарсы дәрімен емделудің қажеті жоқ”, – деді маман.
</blockquote>
Айтуынша, үйде емделіп жатқан науқастар көп сұйықтық пен С және D дәрумендерін ішуі тиіс.
“Дене қызуы көтерілген жағдайда температураны түсіретін парацетамол және ибупрофен секілді дәрі ішуі қажет”, – деді Қарабаева.
Сонымен қатар маман С дәруменін көп мөлшерде қолдану бүйрек ауруы, несептас ауруының күшеюіне алып келетінін ұмытпау керек екенін айтты.
<blockquote>
 “Егер бұлшықеттің ауруы, әлсіздік, бас ауруы, жөтел, кеуде тұсы ауырып, дене қызуы 38 градустан жоғары болса, дәрігерге қаралып, пневмонияның асқынуын болдырмау қажет”, – деді маман.
</blockquote>
Оны анықтау үшін компьютерлік томография немесе кеуде тұсына рентген жасалады. 
Коронавирус инфекциясының белгілері жоқ науқастар мен ауру белгісі аз науқастарға вирусқа қарсы дәрілерді қабылдаудың қажеті жоқ. Себебі оны стационар жағдайында тек дәрігер тағайындайды.
<blockquote>
 “Коронавирус пневмониясы – вирус этиологиясындағы пневмония. Ондай жағдайда бактерияға қарсы дәрілер қолданылмауы қажет. Қазір үйде емделіп жатқан науқастардың антибиотиктің көптеген түрін қолданып жатқанын көріп отырмыз. Бұл олардың жақсаруының орнына, жағдайды асқындырып жіберуі мүмкін. Антибиотиктер иммунитеттің қалыптасуына жауап беретін ішек микрофлорасының қалыпты дамуын төмендетеді”, – деді маман.
</blockquote>
Қарабаеваның айтуынша, науқас әртүрлі бактерияға қарсы дәрілерді қабылдаса, кейіннен антибиотиктерге сезімталдық жоғалып, бактерияға қарсы дәрілер көмектеспейтін болады. 
Сонымен қатар ол науқастардың ауыр инфекциялық ауруларды емдеуге арналған антибиотиктерді, антикоагулянттарды пайдалануына болмайтынын айтты.

Қазақстан және Қызылорда облысының жаңалықтары: Денсаулық

Мониторинг:Қызылордада дәрі-дәрмек әлі де тапшы

Коронавируспен ауырғандардың иммунитеті бірден қалыпқа келмеуі мүмкін

Дәрігерлер коронавирусты қалай емдеуге болмайтынын айтты

Мамандар: COVID-19 вирусын бумен емдеу қауіпті

Пневмониядан қайтыс болғандар туралы толық дерек неге жоқ – министр жауабы

COVID-19 бойынша жедел штаб өңірлердегі жағдайды бақылауда ұстауда

Қызылордада мобильдік топ тегін қызмет көрсетуде

Қызылорда шенеуніктерінің қызметтік көліктері жедел-жәрдемге берілді

Президент шілденің соңына дейін әмбебап мобильді бригада саны 3,5 мыңға жеткізілетінін айтты

Коронавирус неврологиялық ауруларды туғызуы мүмкін – ғалымдар зерттеуі

Симптомсыз коронавирусты үйде емдеуде қандай қателіктерге жол бермеу керек

Дәрігер үй жағдайында қолдануға болмайтын дәрілерді атады

Қазақстан және Қызылорда облысының жаңалықтары: Денсаулық

Мониторинг:Қызылордада дәрі-дәрмек әлі де тапшы

Коронавируспен ауырғандардың иммунитеті бірден қалыпқа келмеуі мүмкін

Дәрігерлер коронавирусты қалай емдеуге болмайтынын айтты

Мамандар: COVID-19 вирусын бумен емдеу қауіпті

Пневмониядан қайтыс болғандар туралы толық дерек неге жоқ &#8211; министр жауабы

COVID-19 бойынша жедел штаб өңірлердегі жағдайды бақылауда ұстауда

Қызылордада мобильдік топ тегін қызмет көрсетуде

Қызылорда шенеуніктерінің қызметтік көліктері жедел-жәрдемге берілді

Президент шілденің соңына дейін әмбебап мобильді бригада саны 3,5 мыңға жеткізілетінін айтты

Коронавирус неврологиялық ауруларды туғызуы мүмкін – ғалымдар зерттеуі

Симптомсыз коронавирусты үйде емдеуде қандай қателіктерге жол бермеу керек

Дәрігер үй жағдайында қолдануға болмайтын дәрілерді атады

Пневмониядан қайтыс болғандар туралы толық дерек неге жоқ – министр жауабы