<a href="https://kyzylorda-news.kz/">Kyzyzlorda-news.kz.</a> Медициналық сақтандыру қоры халықтың қай топтарында ТМККК және МӘМС қаражаты есебінен ПТР-тестілеуден тегін өтуге мүмкіндігі бар екенін айтты, деп хабарлайды <a href="https://www.inform.kz/kz/kimderdin-ptr-testileuden-tegin-otuge-mumkindigi-bar_a3674649">ҚазАқпарат</a>.
<blockquote>
 «Бірінші кезекте – инфекциялық стационарларда жатқан пациенттер. Диагнозды растап, емдеу алгоритмін қолдану үшін олар шұғыл түрде тексерілуі керек. Келесі санат – провизорлық стацион ардағы COVID-ке күдікті пациенттер. Оларда белгілі бір симптомдар болады және диагноз қою керек. Содан кейін ЖРВИ және пневмония симптомдары бар азаматтар емдеуші учаскелік дәрігердің жолдамасымен. Аталған топты тестілеу үшін қор емханалармен, отбасылық амбулаториялармен, ал олар өз кезегінде зертханалармен шарт жасасты. Сондай-ақ, тестілеу карантин изоляторына жатқызылған вирустың симптомсыз тасымалдаушыларға да жасалады» делінген қор хабарламасында.
</blockquote>
Бұдан басқа, жоспарлы емдеуге жатқызу кезінде пациенттер де ПТР-тест тапсырады, бұған жүкті әйелдер, шұғыл емге жатқызылатын пациенттер жатады. Қор жеткізушілердің алдында көрсетілген қызметтерге ақы төлеу бойынша өзінің барлық міндеттемелерін орындады.
Қызметтерді төлеу медициналық ақпараттық жүйелердің көмегімен Денсаулық сақтау министрлігі бекіткен тариф бойынша жүргізіледі.

Кімдердің ПТР-тестілеуден тегін өтуге мүмкіндігі бар?

<a href="https://kyzylorda-news.kz/">Kyzylorda-news.kz.</a> Мемлекет Басшысы “COVID-19” індетпен күресу мақсатында алдымызға нақты тапсырмалар жүктеді.
Індетпен күресу жолында елімізде бірқатар шаралар қабылданып, дер кезінде тиісті жұмыстар жасалуда. 
Осы тапсырмаларды орындау және аймақ халқының қауіпсіздігін қамтамасыз ету үшін 5 шілдеден бастап Бас санитарлық дәрігердің Қаулысымен облысымызда қатаң карантиндік режимі енгізілді.
Осыған орай, мемлекеттік мекемелер мен құқық қорғау органдары, квазисекторлық ұйымдар, барлық ауруханалар мен емханалар күшейтілген тәсілмен жұмыс жасауға көшті.
Жағдайды қайта бағамдап, халық сұранысына сай қажетті шараларды күшейту мақсатында облыс әкімі аймағымыздағы бірқатар ауруханалар мен емханаларды аралап, туындаған мәселелерді жедел шешу жолын қарастыруға тапсырма берді.
Бірінші. Инфекциялық және провизорлық төсек-орындарын көбейту.
Өңірімізде инфекциялық стационарда барлығы 645, провизорлық стационарда 1790 төсек-орындары бар.
Яғни стационарларда орын тапшылығы жоқ, егер қажеттілік туындаған жағдайда жеке клиникаларды да оңтайландырып пайдалануға келісім бар.
Екінші. Жасанды өкпені желдету аппараты мен оттегінің жетіспеушілігі. 
Медицина мекемелерін аралау барысында бірқатар аурухана басшылары негізгі проблемалардың бірі ретінде, оттегі баллондарының жетіспеушілігін атап өткен болатын.
Осыған орай, облыс ауруханаларды үздіксіз, жеткілікті көлемде оттегі баллондарымен қамтамасыз ету үшін өндіруші мекемелермен бірлесіп жұмыс жасау туралы сала басшылары мен қала, аудан әкімдері барлық мүмкіндіктерін пайдалануда.
Сонымен қатар, облыстық көпбейінді аурухана жанынан оттегі өндіретін цех салу жұмыстары қолға алынып, облыстық бюджеттен 80 млн. теңге қаржы бөлінді.
Облыс бойынша жұмыс жасап тұрған 64 өкпені жасанды желдету (ИВЛ) аппараты бар. Осыған қосымша Қазақстан Республикасының Денсаулық сақтау министрлігіне 63 өкпені жасанды желдету (ӨЖЖ) аппаратына тапсырыс берілді.
Сондай-ақ, маусым айында 20 портативті аппараты алынған. Күні кеше демеушілер көмегімен 10 жасанды өкпе желдеткіші (ИВЛ) аппараты емдеу ұйымдарына жеткізілді.
Сонымен қатар, аймағымыздағы емдеу ұйымдарына қайырымдылық қорларынан, кәсіпкерлер және еріктілер тарапынан апта басынан бері барлығы 34 дана «Кислородты концентратор» медициналық құрал жабдығы және 60 дана «Кислородты редуктор БКО 50-12,5 КОАСС» құралы жеткізілсе, жергілікті қаражат есебінен 14 дана «Кислородты концентратор» алынып, провизорлық стационарларға берілді.
Сонымен бірге шілде айының ішінде қосымша 190 дана «Кислородты концентратор» медициналық құралын “Шұғыла” қоғамдық қоры жеткізіп беруге ұсыныс алуда.
Қазіргі таңда науқастар арасында өңірімізде жасанды өкпе желдеткіші аппараты мен мен кислородты концентраторға тәуелділік азайып отыр.
Мәселен, көпбейінді қалалық ауруханада шілде айының басында тәулігіне 170 кислородты баллонға қажеттілік туындаса, қазіргі таңда бұл қажеттілік 2 есеге төмендеп, 70-80 балон ғана пайдалануда.
Үшінші. Дәрі-дәрмек тапшылығы. 
Вирусқа қарсы препараттар бар, алайда дистрибьюторлар тарапынан тапсырыста көрсетілген көлем толығымен жеткізілмеген болатын, қазіргі таңда дәрі-дәрмек тарапынан мәселе жоқ.
Сонымен қатар, облыстық медициналық стационарларға СК “Фармация” тарапынан дәрі-дәрмек қоры жасақталған.
Сондай-ақ, дәріханаларға дәрі-дәрмек қоры жеткізілді. Ал дәрі-дәрмектің шекті бөлшек бағалары туралы толық ақпаратты «DARI.KZ» қосымшасынан көруге болады.
Дәріханаларда дәрі бағасының ретсіз өсуі туралы деректер мен сауалдарыңыз болса аталған қосымша арқылы электронды түрде немесе 40-00-01, 109 жедел желілеріне хабарласуға болады. Жедел желі тәулік бойы үздіксіз жұмыс жасайды.
Бесінші. Жедел жәрдем қызметі 
Аймағымыз бойынша эпидемиологиялық ахуал күрделі кезде тәулігіне 2 жарым мыңнан астам шақыртулар келіп, жүктеме 2 есеге артқан болатын. Қазіргі таңдағы ахуалдың тұрақталуына байланысты шақыртулар саны да азайды.
Атап айтар болсақ, жалпы шақырыс екі есе азайса, дене қызуымен 3 есе, пневмония 2, 2 жарым есе азайды.
Қазіргі таңда жедел жәрдем шақыру саны 1200-1300-ті құрауда. 
Алтыншы. Мобильді топ.
Науқастарға амбулаторлы жағдайда медициналық көмектің қолжетімдігін қамтамасыз ету мақсатында және динамикалық бақылауды қажет ететін науқастарды үй жағдайында бақылау үшін облыс бойынша 125 мобильді топтар ұйымдастырылды. Оның 33-і қалада, 28-і аудан орталықтарында және 64-і елді мекендерде халыққа қызмет көрсетуде. Мобильді топ құрамына 1 дәрігер, 1 орта буын қызметкері және 1 жүргізуші кіреді.
Одан бөлек, ағымдағы жылдың 13 шілдесінен бастап пневмония диагнозы қойылып, амбулаторлы емді қажет ететін науқастарға «Үй жағдайындағы стационар» қызметі қосылған болатын. Бүгінгі таңда аталған қызмет 7 БМСК ұйымында (№1,6 қалалық емхана, «Сенім» ЖШС, Арал, Қармақшы, Жаңақорған аудандары және «Қазалы теміржол» ЖШС) іске қосылған. 
Коронавируспен күрес бағытындағы жұмыстар алдағы уақытта да жалғасатын табатын болады.

Қызылордада жедел-жәрдем шақыртушылар азайды

<a href="https://kyzylorda-news.kz/">Kyzylorda-news.kz.</a> Қорғаныс министрлігінде аппараттық кеңес өтті.
Күн тәртібіне әскерлердің жауынгерлік дайындығы мен әскери қызметшілердің коронавируспен күреске қатысуы, мерзімді қызметке шақыру мәселелері қойылды.
Қорғаныс ведомствосының басшылығы бекітілген жоспарларға сәйкес, жауынгерлік оқуды толық көлемде жалғастыруға және карантиндік шараларды қатаң сақтауға баса назар аударды. 
Ведомтсво басшысына әскерлердің жай-күйі мен жеке құрамды даярлау, сонымен қатар оқыту жоспарларының орындалуы туралы өңірлік қолбасшылықтар мен әскер тектерінің бас қолбасшылары мен қолбасшылары баяндады.
Айта кету керек, Десанттық-шабуылдау әскерлерінің әскери қызметшілері парашютпен 800-ден астам секіруді жүзеге асырды, оның 64-і түнде өткізілді. Әскерлерде арнайы-тактикалық оқу-жаттығулар өткізіліп, мамандықтар бойынша дайындық жалғасуда.
<blockquote>
 “Әуе қорғанысы күштерінде авиациялық техниканы жөндеу мен жаңғыртудан кейін қабылдау жөніндегі іс-шаралар жүзеге асырылады. Жас ұшқыштар құрамымен ұшу дағдыларын оқыту және жетілдіру үшін жоспарлы оқу-жаттығу ұшулары өткізіледі. 
Барлау бөлімшелерімен, әуе шабуылына қарсы қорғаныс бөлімшелерімен және артиллериялық бөлімшелермен лагерлік жиын өткізіледі. Олар әдеттегідей өңірлік принцип бойынша өтеді, онда аймақ әскерлері көп шақырымды жаяу шерулер, әскери техниканың шығуы және берілген полигонға шоғырланады. 
Күрделі эпидемиологиялық жағдайда әскерлерді даярлау форматының өзгеруі мәжбүрлі шара болды”,- делінген хабарламада.
</blockquote>
Министр лагерлік жиындарды полигондарға бармай, тұрақты орналасқан пункттерге жақын жерде далалық сабақтар түрінде өткізуді тапсырды. Бас қолбасшылар мен әскерлер қолбасшыларына өткізілетін сабақтарды жан-жақты бақылауды қамтамасыз ету, мақсаттары мен нақты түпкілікті нәтижелерін көрсете отырып, сабақтар бағдарламаларын әзірлеу және жеке өзі бекіту жөнінде нұсқау берілді.
Әскерлердің жауынгерлік оқу нысандарының бірі – халықаралық армиялық ойындар. Бұл жай ғана жарыс емес, армияны дайындау мен оның жауынгерлік қабілетін күшейтудің элементі саналады. Жаттығулар мен жарыстар барысында әскери қызметшілер өз шеберліктерін арттырып, түрлі қару-жарақ пен әскери техниканы игеріп, әскердің дайындық деңгейін көрсетіп, басқалардан үйренуге мүмкіндік ала отырып, тәжірибе алмасады. Ауқымды халықаралық әскери жарыстар әскери-саяси байланыстарды нығайтуға өз ықпалын тигізеді. 
Қарулы Күштерде командаларды жоспарлы дайындау үдерісі жалғасуда. Министр атап өткендей, санитарлық-эпидемияға қарсы шаралар мен ойындарды ұйымдастырушы елдердің талаптарын ескеру және сақтау маңызды. Қатысушыларға карантин және тестілеу бойынша қатаң медициналық талаптар қолданылады. Барлық сайыстар елдімекендерден алшақ, сондай-ақ ашық ауада өткізіледі. 
Жыл сайын қатысушылар құрамы жаңартылады. Командалар конкурс ережелерінің талаптарына сәйкес құрылады. Қорғаныс ведомствосының басшысы командаларды дайындау нәтижелілігін арттыру, қатысушыларды жеке және командалық сынақтарда жоғары көрсеткіштерге қол жеткізуге ынталандыру жөнінде тапсырма берді.
<blockquote>
 “Жылдағы дәстүрге сәйкес, АрМИ-2020 армиялық ойындарының бірнеше сайысы еліміз аумағындағы Гвардейск гарнизонының полигондарында өтеді. Сонымен қатар, армиялық ойындарға қатысу туралы түпкілікті шешім эпидемиологиялық жағдайды негізге ала отырып қабылданады”,- делінген хабарламада.
</blockquote>
Қарулы күштер жергілікті атқарушы органдар мен төтенше жағдай органдарына дезинфекциялау бойынша көмек көрсетуді қайта бастады.
Атап айтқанда, Атырауда қалалық қызметке көмек ретінде әскери қызметшілердің жеке құрамы мен қажетті жабдықтар бөлінді. Дезинфекциялау жұмыстары Ақмола, Тараз, Шымкент және Қызылорда гарнизондарында жоспарланған. 
Қарағанды әскери лазарет дәрігерлерінің бір тобы азаматтық медицина мамандарымен бірге коронавируспен күресуге қатысады. Өңір басшысы әскери медицина қызметкерлеріне қиын уақытта қажетті көмек көрсеткені үшін алғысын білдірді.
<blockquote>
 “Белгіленген мерзімдерге сәйкес азаматтарды мерзімді әскери қызметке шақыру өтеді. Оған қоса Қарулы Күштердің әскери бөлімдері жасақталады. Жас буын денсаулығының қауіпсіздігін қамтамасыз ету бойынша қосымша шара ретінде «Қазақстан темір жолы» ҰК АҚ-мен әскерге шақырылушыларды қызмет орындарына жіберу үшін жеке темір жол вагонын бөлу мүмкіндігін пысықтау туралы нұсқау берілді”,- делінген хабарламада.
</blockquote>

Коронавирус: Әскерлердің жауынгерлік дайындық форматы өзгерді

<a href="https://kyzylorda-news.kz/">Kyzylorda-news.kz.</a> Коронавирус инфекциясы таралған алғашқы күннен бастап пандемиямен​ күреске Қарулы күштердің әскери-медициналық қызметі белсенді қатысуда. 
Әскери медицина қызметкерлерінің негізгі міндеті әскери қызметшілердің денсаулығын сақтау екендігіне қарамастан, әскери-медициналық қызмет ресурстары азаматтық денсаулық сақтауға көмек көрсетуге бағытталды.
Ағымдағы жылдың 16 шілдесінде Алматы қаласы әскери госпиталінің азаматтық персоналының жекелеген өкілдерінің эпидемияға қарсы іс-шараларға қатысқаны үшін оларға ай сайынғы үстемеақы төлеуге қатысты сөз сөйлеу фактісі бойынша Қорғаныс министрлігі өз ұстанымын білдірді. Қорғаныс ведомствосы қолданыстағы заңнамада көзделген барлық міндеттемелерді орындап, инфекциямен күреске тартылған медицина қызметкерлеріне үстемеақы төлеу мәселесін шешумен айналысады. 
Бұл мәселе Қорғаныс министрінің қатаң бақылауында. Бұл мәселені шешу және нормативтік-құқықтық базаны өзгерту Қорғаныс министрлігіне ғана байланысты емес. Сондай-ақ оның орындалуы белгілі бір уақытты талап етеді. Денсаулық сақтау министрінің 2020 жылдың 4 сәуіріндегі «COVID-19 коронавирусымен күрес шеңберінде эпидемияға қарсы іс-шараларға тартылған денсаулық сақтау ұйымдарының жұмыскерлерін қаржылық қолдаудың кейбір мәселелері туралы» бұйрығына толықтырулар енгізу құзыретті мемлекеттік органдармен пысықталуда. Ағымдағы жылдың мамыр айында Қорғаныс министрлігі Денсаулық сақтау министрлігіне толықтырулар енгізу жөнінде және Қаржы министрлігіне коронавирусқа қарсы күрес шеңберінде эпидемияға қарсы іс-шараларға тартылған медицина қызметкерлерін қаржылық қолдауға қажетті ақшалай қаражаттың қажеттілігін есептеу жөнінде тиісті ұсыныстар жіберді. 
Аталған ұсынысқа орай, Қаржы министрлігінің жауабы алынды. 
Онда Қарулы Күштердің медицина қызметкерлеріне үстемеақы төлеу қарастырылмағандығы айтылған. Өйткені олар «Әскери қызмет және әскери қызметшілердің мәртебесі» туралы ҚР Заңына сәйкес лайықты ақшалай үлеспен тұрғын үй төлемдерімен қамтамасыз етілген және оларға қолданылатын барлық көзделген жеңілдіктер бар екендігі айтылған.
<blockquote>
 “Алынған жауапқа қарамастан, Қорғаныс министрлігі осы мәселені шешу бойынша жұмысты жалғастырады. Өйткені әскери медицина қызметкерлері өздерінің азаматтық әріптестерімен осындай күрделі және қауіпті жағдайларда қазақстандықтардың өмірі үшін тең жағдайда күресуде. Оларды қаржылық қолдау мәселелерінде бөлуді бүкіл ел қауіп-қатермен күресте топтасқан кезде әділетсіз деп санаймыз. Біз бұл мәселе жоғары деңгейде оң шешімін табады деп үміттенеміз. Қажетті түзетулер енгізілгеннен кейін әскери мекемелердің медицина мамандарына үстемеақы төленеді”, – делінген хабарламада.
</blockquote>
<img src="https://kyzylorda-news.kz/wp-content/uploads/2020/07/img_20200719_173216_679-1.jpg" alt="" />
<img src="https://kyzylorda-news.kz/wp-content/uploads/2020/07/img_20200719_173221_139-1.jpg" alt="" />
<img src="https://kyzylorda-news.kz/wp-content/uploads/2020/07/img_20200719_173225_728-1.jpg" alt="" />

Коронавирус: Қорғаныс министрлігі әскери медицина қызметкерлерін материалдық қолдау мәселесін шешуде

<a href="https://kyzylorda-news.kz/">Kyzylorda-news.kz.</a> Коронавирус әсерінен медициналық маска тағып жүру «жаңа әдетке» енеді деген болжам бар. Әрине, бұған бәрі бірдей қуана бермейді. Себебі медициналық масканы ұзақ уақыт тағып жүру әсерінен бетте түрлі бөртпе пайда болуы мүмкін.
Медициналық масканың теріге әсері қандай?
Егер оны 1-2 сағат қана тағып жүрсеңіз ешқандай кері әсері болмайды. Бірақ ұзақ қорғаныс кезінде жанама әсерді байқауға болады. Ұлыбританиядағы Хаддерсфилд университетінің зерттеушілері солардың тізімін жасады.
Механикалық тітіркену
Медициналық маска бетке мықтап жабысып тұруы керек. Нәтижесінде бет терісі қажалады. Егер қорғаныс маскасы бірнеше сағат тағылса, қан айналымы бұзылады. Тері нашар қан айналымынан тітіркене бастайды.
Терлеу
Медициналық масканы ұзақ уақыт тағып жүрген адамның беті жиі терлейді. Жоғары ылғал микробтың өсуіне тамаша жағдай жасайды. Микробтар қажалған, жырылған бет терісінен қанға оңай өтіп кетеді. Бұл қабынуды тудырады.
Аллергиялық реакциялар
Бір реттік пайдаланатын медициналық маскалар гипоаллергенді материалдардан жасалған. Синтетикалық матадан жасалған медициналық маска аллергиялық реакция тудыруы мүмкін.
Егер сіз медициналық масканы әр түрлі химиялық тазартқышпен жусаңыз тері бөртпесі пайда болады.
Кейбір адам медициналық масканы химиялық қоспамен жуып, кейін қайтадан тағады. Бұл әдіс сізді коронавирустан толық қорғай алмайды, керісінше бет терісінде аллергиялық реакция тудырады.
Медициналық маска таққанда бет терісінде бөртпе пайда болмауы үшін не істеу керек?
Біріншіден, бетті жиі жуыңыз. Әсіресе, медициналық маска тақпас бұрын бетті тазалап жуған абзал. Тері неғұрлым таза болса, микробтың қабыну қаупі соғұрлым төмен болады.
Екіншіден, медициналық масканы үйге келіп шешкеннен кейін тер мен жиналған кірді кетіру үшін бетті қайтадан жуу керек. Жеңіл гипоаллергенді сабын, көбік немесе гель қолдануыңызға болады.
Үшіншіден, бетті жуғаннан кейін ылғалдандырғышты қолданыңыз. Жеңіл ылғалдандырғыш немесе гель тері бөрпесін азайтуға септігін тигізеді.
Төртіншіден, медициналық масканы киер алдында бетіңізге қорғаныс кремін жағыңыз. Британдық тері күтімі мамандарының айтуынша, ұзақ күнгі медициналық маска тағып жүруден жарты сағат бұрын қорғаныс кремін жағу керек.
Бесіншіден, безеуді емдеу өнімдері кез келген дәріханада бар. Сондай-ақ, бөртпені хлоргексидин сияқты алкогольсіз антисептикпен сүртуге болады. Бұл терінің инфекциямен тезірек күресуіне мүмкіндік береді.
Алтыншыдан, медициналық масканы үнемі ауыстырып тұрыңыз. Ең дұрысы, ол тыныс алу салдарынан ылғалданады (әдетте бұл 2-3 сағаттан кейін байқалады). Медициналық масканы жиі ауыстыру микробтың көбеюін тежейді.
Егер сіз бірнеше рет қолданылатын медициналық масканы қаласаңыз, дұрыс матаны таңдаңыз. Теріге зақым келтірмейтін материал келесідей болуы керек:
– Ауа өткізгіш. Ауа өткізгіш матадан бет аз терлейді;
– Жұмсақ. Бұл механикалық зақымдану қаупін азайтады;
Жетіншіден, медициналық масканы әр қолданғаннан кейін мұқият жуыңыз. Гипоаллергенді сабынды қолданып қайнаған суға шайыңыз. Кепкеннен кейін үтіктеу міндетті емес.
<a href="https://massaget.kz/layfstayl/Zdorove/62318/">Massaget</a>

Медициналық маска бөртпе туындатпас үшін не істеу керек?

<a href="https://kyzylorda-news.kz/">Kyzylorda-news.kz.</a> Қолға дұрыс жағылған, себілген антисептик қана коронавирусты өлтіре алады. Ал дұрыс жағылмаған жағдайда, оның пайдасы аз.
Спирт қосылған антисептик 30 секундта вирусты өлтіреді. Сондықтан оны сепкен кезде тез әрі дұрыс жағудың маңызы зор.
Мамандардың айтуынша, құрамында 80 пайыз этанол немесе 75 пайыз изопропил спирті бар антисептикті сатып алған жөн. Ал қолға сепкен кезде ең алдымен алақанға сеуіп, содан кейін саусақтың асты-үсті мен қолдың алды-артына жаққан дұрыс. Медиктердің айтуынша, спирт алғашқы 30 секундта өте уытты болады, сондықтан сол уақыт ішінде қолға, білектің асты мен үстіне, саусақтың ара-арасына жағып үлгеру керек.
Ал кір, май жұққан қолға себілген антисептиктен пайда азырақ. Антисептик пестицид, ауыр металл сынды химиялық заттарды ыдырата алмайды. Сондықтан қолды жуып барып, антисептик себеміз.&nbsp;
Ал дәрігерлердің бір ауыздан келетін нәрсесі – ол вирус пен микробтан сақтанудың оңай әрі тиімді жолы қол жуу екендігі. Қолды 20 секундт бойы сабындап жуу жеткілікті. Содан кейін шайып тастауға болады.
– Қолды таза ұстау – коронавируспен күресудің ең маңызды жолы – делінген хабарламада.
<a href="https://massaget.kz/layfstayl/Zdorove/62498/">Massaget</a>

Антисептикті дұрыс қолданудың амалы

<a href="https://kyzylorda-news.kz/">Kyzylorda-news.kz.</a> Облыстағы 16 құрылыс компаниясы мен Сыр бойынан шыққан азаматтың аударған қаржысынан барлығы 16 млн.теңгеден астам қаржы жиналып, 32 оттегі концентраты алынатын болып шешім қабылданды. Бұл туралы қоғам қайраткері, құрылысшы Қожахмет Баймаханов өзінің әлеуметтік желідегі парақшасында жазды.
Сонымен бірге, елімізде қалыптасқан эпидемиологиялық ахуал барысында азаматтар бір-біріне көмек қолын созып, жұмыла қайырымдылық шараларын жүргізуде. Қызылордалықтардың жасап жатқан қайырымдылық шаралары туралы қызылордалық кәсіпкер, белсенді еріктілердің бірі София Абдуразаковадан сұраған болатынбыз.
<blockquote>
 &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; «Қазір бізде барлығы ауруханаларға қажетті аппараттармен көмек көрсетуде. Оттегі балондарын толтырып беріп, редукторлар, ылғалдандырғыш құралдарын алып беріп жатыр. Біз көрсетіліп жатқан көмектің есебін жасап үлгермей жатырмыз. Әзірге қолда бар ақпарат бойынша мынаны айта аламын. Кәсіпкерлер, жалпы қайырымды азаматтар 2000 оттегі балондарын толтырып берді. Одан өзге Қызылорда қаласындағы мейрамхана иелері «Рахмет, дәрігер» қорын ұйымдастырып, провизорлық стационарларда жұмыс жасайтын медицина қызметкерлерін тегін аспен қамтамасыз етуде. Атап айтқанда, 12 шілдеден бері мыңға жуық медицина қызметкерлеріне түскі және кешкі ас ұйымдастырды», – дейді София Абдуразакова.
</blockquote>
Қоғам белсендісінің айтуынша, қайырымдылық шараларында кәсіпкерлер өздерінің аттары аталғанын қаламайды екен. Дегенмен, кейбір кәсіп иелерін атап өтті. Мәселен, «Уралогия және андрология орталығы» 400 мың теңге қаржы берген. Аталмыш ақшаның үстіне қаржы қосып оттегі конценраторы алынған. Одан өзге өздерінің аты аталғанын қаламаған меценаттар 3 оттегі аппаратын алып берген.
<blockquote>
 &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; «Мұнан өзге, кәсіпкерлердің, өзге де қаржысын ұсынған азаматтардың арқасында тағы да 3 оттегі аппаратын алдық. Сонымен барлығы 12 оттегі аппараты алынды. Тағы да тапсырыс беріп қойдық. &nbsp;Сонымен бірге, облыс кәсіпкерлері 3 правизорлық стационарды өздері шығаратын «Ағжан су», «Safia», «Аквалайн» ауыз суларымен тегін қамтамасыз етуде», – дейді кәсіпкер София Теңізбаева.
</blockquote>
Қызылордалық кәсіп иелері облыс орталығындағы ауруханалармен бірге ауылдық елді мекендердегі емханаларды да тегін дәрі-дәрмекпен қамтамасыз етуде. Мәселен, «Абай-Дәулет» ЖШС-і Қармақшы ауданындағы ІІІ Интернационал ауылындағы, Сырдария ауданындағы Бесарық және А. Тоқмағамбетов ауылдарындағы емханаларды дәрі-дәрмекпен, медициналық қамтамасыз етуге, Қызылорда қаласындағы ауруханаларды оттегі балондарымен толтырып беруге барлығы 3 млн.теңгеден астам қаржы бөлді. Мұнан өзге, ағайынды кәсіпкер Сәрсенбаевтар Қызылорда қаласы мен аудандардағы ауруханалардағы емделушілердің тамағына деп 6 бас малды құрбандыққа шалған. &nbsp;
Сырдария ауданына қажетті медициналық қажеттіліктер үшін үшін кәсіпкер Расул Есенов 1 млн. теңге, «Мағжан және К» ЖШС-і 1,1 млн.теңге қаржы аударған. «Абзал және К» ТС-і Нағи Ілиясов ауылының емханасын дәрі-дәрмекпен, «Мәді-Қажы» ЖШС төрағасы Сейіткамал Сұлтанов Шіркейлі ауылындағы істен шыққан жедел-жәрдем көлігін қайта жабдықтап, медицина қызметкерлерін тағы бір автокөлікпен қамтамасыз еткен.
<blockquote>
 &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; «Қазір қоғамдық өмірдің қай саласына болса да жеңіл болып тұрған жоқ. Бизнес өкілдері шаш-етектен шығынға батқанына қарамастан тұрғындарға көмек қолын созып жатыр. Соның бір айғағы, біздің өңірімізде соңғы айда «Абай-Дәулет» ЖШС, «Абзал және К» ТС, «Ақтөбе и К»ЖШС, «Шыңғыс ЛТД» ЖШС, «КВАНТ» ЖШС және өзге де аттары аталмаған әріптестеріміз сұраныс берген өңір тұрғындары мен медицина мекемелерін тегін дәрі-дәрмекпен, қажетті оттегі құралдарымен, оны таситын көлікпен, азық-түлікпен қамтамасыз етіп жатыр. «Қызылорда», «Бәйтерек» қонақүйлерінде медицина қызметкерлері тегін жатын орын мен тамақпен қамтамасыз етілуде. Кей кәсіпкерлеріміз аты-жөндерін атағанын қаламай, десе де қаржы аударып, өздері де ерікті болып қиын кезеңде халыққа демеу болуда. Бір ғана «Абзал және К» ТС-і өкпені жасанды желдету аппаратының (ИВЛ) 5-еуіне тапсырыс бергенін естіп тәнті болып отырмыз», – дейді Қызылорда облысы кәсіпкерлер палатасы директорының орынбасары Пірмұхаммед Сыздықов.
</blockquote>
&nbsp;&nbsp;Айта кету керек, «Менің Атамекенім» қоғамдық бірлестігі Ұлттық кәсіпкерлер палатасымен бірлесіп, қаражат, дәрі-дәрмек, сондай-ақ коронавирус індетіне қарсы күреске жұмылған медициналық мекемелерге қажетті жабдық алу мақсатында «Жаңалық жаршысы» республикалық акциясын іске қосты. &nbsp;«Жақсылық жаршысы» акциясының негізгі міндеті мұқтаж жандар, медициналық мекемелер, сондай-ақ көмектескісі келетін азаматтар арасындағы байланыстырушы көпір болу. Көмек беру үшін&nbsp;<a href="https://atamekenim.kz/ru/">atamekenim.kz</a>&nbsp;сайтына өту керек.
<img src="https://kyzylorda-news.kz/wp-content/uploads/2020/07/108343871_758012955002362_5903174127852609099_n.jpg" alt="" />
<img src="https://kyzylorda-news.kz/wp-content/uploads/2020/07/109338891_2621312894786137_6165342575153696233_o.jpg" alt="" />

Қызылордалық құрылысшылар ауруханаларды 32 оттегі концентратымен қамтамасыз етеді

Kyzylorda-news.kz. Қазақстандағы 18 шілде сағат 23:59-дағы эпидемиологиялық жағдайға сәйкес, коронавирус індетін жұқтырған адамдар саны 1636-ны құрады. Бұл туралы &nbsp;<a href="https://www.coronavirus2020.kz/kz/kazakstandagy-koronavirus-boyynsha-18-shilde-23-59-dagy-epidemiologiyalyk-zhagday_a3674245">www.coronavirus2020.kz/kz</a>&nbsp;сайты жариялады.
Оның ішінде&nbsp;728&nbsp;адам клиникалық белгілері жоқ тасымалдаушы тіркелді.
Өңірлер бойынша (жалпы/симптомсыз): 
Нұр-Сұлтан қаласы –&nbsp;258&nbsp;/ 90 
Алматы қаласы –&nbsp;220&nbsp;/ 63 
Шымкент қаласы –&nbsp;47&nbsp;/ 33 
Ақмола облысы –&nbsp;50&nbsp;/ 27 
Ақтөбе облысы –&nbsp;23&nbsp;/ 11 
Алматы облысы –&nbsp;78&nbsp;/ 52 
Атырау облысы –&nbsp;184&nbsp;/ 129 
Шығыс Қазақстан облысы –&nbsp;133&nbsp;/ 60 
Жамбыл облысы –&nbsp;121&nbsp;/ 43 
Батыс Қазақстан облысы –&nbsp;103&nbsp;/ 58 
Қарағанды облысы –&nbsp;118&nbsp;/ 41 
Қостанай облысы –&nbsp;55&nbsp;/ 31 
Қызылорда облысы –&nbsp;49&nbsp;/ 9 
Маңғыстау облысы –&nbsp;2&nbsp;/ 2 
Павлодар облысы –&nbsp;92&nbsp;/ 45 
Солтүстік Қазақстан облысы –&nbsp;63&nbsp;/ 15 
Түркістан облысы –&nbsp;40&nbsp;/ 19
Жалпы ел бойынша ауырғандар саны&nbsp;70339.

Қызылордада өткен тәулікте 49 адам коронавирус жұқтырды

Kyzylorda-news.kz. Бүгін Түркия елінен Қазақстанға гуманитарлық көмек пен 30 өкпені жасанды желдету аппараты (ИВЛ) жеткізілді. Оның ішінде аппараттың 10 данасы Қызылорда облысына берілді.
Облыс әкімі Гүлшара Әбдіқалықова Тасбөгет кентінде орналасқан облыстық фтизиопульмонология орталығына барып, Түркия елінен келген өкпені жасанды желдету (ИВЛ) аппараттарын табыстады.
Аппараттың үшеуі облыстық фтизиопульмонология орталығына берілді. Ал қалған жетеуі өңірдегі өзге ауруханаларға жеткізіледі.
Айта кету керек, Түркия үкіметімен бірге қазақ қауымдастығының өкілдері де елімізге қолдау көрсетуде.
Жоғарыда аталған орталықта 120 орындық инфекциялық стационар ұйымдастырылған. Оның ішінде 6 төсек жансақтау бөлімі болып ашылған.
Бүгінгі таңда стационарда 111 науқас ем алуда, оның 4 жансақтау бөлімінде. Тағы 9 азамат облыстық көпбейінді және қалалық ауруханадан ауыстырылатын болады.
Айта кету керек, Қазақстандағы «Вi-group» құрылыс компаниясы 10 оттегі концентратын фтизиопульмонология орталығына сыйға тартқан.

Қызылордаға Түркиядан өкпені жасанды желдету аппараттары жеткізілді

<a href="https://kyzylorda-news.kz/">Kyzylorda-news.kz.</a> Қазақстан Ресейде өнеркәсіптік өндіріс іске қосылған кезде коронавирусқа қарсы вакцинаны алғашқы елдердің бірі болып сатып алғысы келеді.
Қазақстан премьер-министрі Асқар Маминнің Ресей үкіметінің басшысы Михаил Мишустинмен кездесуінде айтқан сөзін РИА Новости жеткізді, деп хабарлайды <a href="https://m.sputniknews.kz/society/20200718/14508433/Mamin-koronavirus-vaktsina.html">SputnikҚазақстан.</a>
Мамин Ресейге COVID-19 індетімен күресуде көрсеткен көмегі үшін, атап айтқанда, дәрі-дәрмектер мен қорғаныс құралдарын және ондаған дәрігер жібергені үшін алғыс айтты.
<blockquote>
 “Ең бастысы, біз Қазақстанның әртүрлі өңіріне барып, жұмыс істеп жатқан ресейлік дәрігерлердің көмегін алдық. Еліміз Ресейде әзірленген коронавирусқа қарсы вакцинаны сынақтан өткізу жұмыстарын бақылап отыр. Осыған байланысты, Михаил Владимирович, вакцинаның өнеркәсіптік өндірісі басталған кезде, Қазақстан алғашқы елдердің қатарында вакцина партиясын сатып алу мүмкіндігіне ие болады деп үміттенеміз. Бұл өте маңызды”, – деді Асқар Мамин.
</blockquote>
Айта кетейік, 17 шілдеде Минскіде Еуразиялық үкіметаралық кеңестің кезекті отырысы өтті, оған Қазақстан үкіметінің басшысы Асқар Мамин қатысты.

Асқар Мамин: Қазақстан коронавирусқа қарсы вакцинаны алғашқылардың бірі болып алудан үмітті

<a href="https://kyzylorda-news.kz/">Kyzylorda-news.kz.</a> Дүниежүзілік денсаулық сақтау ұйымы Еуропалық бюросының төтенше жағдайлар жөніндегі аймақтық директоры Дорит Нитцан Қазақстандағы COVID-19 бен пневмонияның біріктірілген статистикасы туралы пікір білдірді, деп хабарлайды <a href="https://www.inform.kz/kz/ddsu-bosansuga-bolmaydy-virus-taralyp-barady_a3673858">ҚазАқпарат.</a>
<blockquote>
 _«Қазақстандағы COVID-19 бойынша жағдай жақсаруда. Жұқтыру жағдайлардың үштен бірі соңғы аптада тіркелгеніне қарамастан, төмендеу байқалады. Мемлекет бірқатар санитарлық шараларды әзірлеп жатыр. Сонымен қатар науқастарды емдеу және аурухананың жағдайындағы инфекцияны бақылау шараларын жетілдіруде. Әсіресе, Қазақстан пневмониясы жоқ пациенттерді COVID-19 бойынша ДДСҰ зертханаларында тестілеуге келісті. Осыған ұқсас жағдайларда барлық елге осы жұмыс әдісін қолдануға кеңес береміз», – деді онлайн байланысқа шыққан Дорит Нитцан ОКҚ алаңы арқылы. 
 _
</blockquote>
Оның айтуынша Қазақстан әлемдік стандарттарға сай жағдайларды жаңаша тіркеуге көшіп келеді. 
<blockquote>
 «Пациенттің COVID-19 ауруына немесе басқа сырқатқа шалдыққанын анықтауда бұл маңызды қадам. Қайта классификациялау COVID-19 жағдайларының өскенін көрсетеді. Қайта есептеу барысында өсім күрт артады. Алайда бұл елде COVID-19 жұқтыру жағдайы артып кеткенін білдірмейді», – деді ол. 
 Дорит Нитцан әзірге жұмысты әлсіретпеу керектігін атап өтті. 
«Вирус таралып барады. Тоқтата алатын бәрінің де көмегі керек. Барлық деңгейдегі мемлекеттік құрылым, медицина қызметкерлері, азаматтық қоғам – бәрі көмектесуі тиіс», – деді ол.
</blockquote>

ДДСҰ: Босаңсуға болмайды – вирус таралып барады

<a href="https://kyzylorda-news.kz/">Kyzylorda-news.kz.</a> Қазақстанда өкпесі қатты зақымданған, пневмониямен ауырған науқастар сауыға бастады. Соңғы аптаның өзінде Нұр-Сұлтан қалалық фтизиопульмонология орталығында жағдайы ауыр бірнеше науқастың беті бері қарады.
Бұл туралы Ресейдің денсаулық сақтау министрлігі фтизиопульмонология және жұқпалы аурулар ұлттық медициналық зерттеу орталығының пульмонологы Евгений Попов&nbsp; мәлімдеді.
Құрамында 32 дәрігер бар ресейлік делегация 6 шілдеде Қазақстанға ұшып келді. Олардың ішінде реабилитологтар, инфекционистер, пульмонологтар, эпидемиологтар бар. Дәрігерлер топқа бөлініп, Нұр-Сұлтан, Алматы мен Атырау ауруханаларына жберілді.
Ресейліктер еліне қашан оралатыны белгісіз. Ресей пульмонологы Евгений Попов әріптестерімен бірге күн сайын Нұр-Сұлтан фтизиопульмонология қалалық орталығына жұмысқа шығады.
– Қазақстанда немен айналысып жатырсыз?
– Ең алдымен консультативтік көмекті ұйымдастырып жатырмыз. Ресейдегі жұмыстан тәжірибеміз бар, тек Мәскеу мен Мәскеу облысында ғана емес, басқа аймақтарда да жұмыстың қалай ұйымдастырылғанын білеміз. Сол тәжірибемізді бөлісуге дайынбыз.
Екіншіден, әдістемелік көмек көрсетіледі. Ол жерде қызметкерлердің қауіпсіздігі, материалдар мен жеке қорғаныс құралдары шығынын азайтуға, әр түрлі науқастар үшін фармакотерапияны тиімді пайдалануға болатынын түсіндіру қажет. Ең бастысы – кеңес беру, себебі Қазақстанға келген дәрігердің барлығы практик-мамандар.
– Жұмыс күніңіз қалай өтеді?
– Біз бөлім дәрігерлерімен ортақ чат құрдық. Бөлім меңгерушісі қандай науқастарды бірінші кезекте қарау немесе кеңес беру, терапияны өзгерту немесе қандай да бір қосымша тағайындаулар жасау қажет екенін анықтайды. Біз сол науқастарға кеңес береміз.
Егер бөлімге бірінші рет баратын болсақ, онда барлығына бірдей кеңес береміз және қандай пациенттер терапияны түзетуді талап ететінін немесе кімді ауруханадан шығаруға болатынын анықтаймыз.
Мұның барлығын қазақстандық дәрігерлердің өздері де біледі, бірақ кейде олардың әрекетінің дұрыс екенін нақтылайтын қосымша пікір де қажет.
– Қазақстандық әріптестеріңіздің жұмысын қалай бағалайсыз?
– Өзім болған жерлерді “төртке бағалаймын”, кімге болсын “бес” деген баға қою қиын. Науқастар саны көбейген кезде қиын жағдайда дәрігерлерге жұмыс істеу оңай емес. Көп жағдайда емдеуге аз ғана түзету енгізіп жатырмыз. Қазақстанда дәрігерлердің тәжірибесі бар, олар не істеу керек екенін біледі. Жаңа айтып өткенімдей, кейде қосымша пікір қажет.
Сондықтан осы жерде жағдайы ауыр науқастармен жұмыс істейтін барлық маманның жеткілікті тәжірибесі бар деп санаймын.
– Алматыда жақында өкпесі толық зақымдалған әйел сауығып шықты. Тәжірибеңізде мұндай жағдай жиі болып тұра ма?
– Өкпенің 80% және одан да көп бөлігі зақымданған 4-5 науқастың жағдайы тұрақтанды. Осы ауруханада жұмыс істей бастаған бір аптада жағдайы ауыр науқастар тізімінен жағдайы қалыптыларға қосылғандар да бар. Даму байқалады. Тек Алматыда ғана емес, астанада да мұндай жағдай болып жатыр.
Кейде таңғажайып оқиғалардың куәсі болып жатамыз. Өзі травматолог болып жұмыс істейтін дәрігер ауруханада ұзақ жатты. Біздің көз алдымызда аяққа тұрды деуге болады. Бастапқыда науқастың тыныс алу жетіспеушілігі 95%-ті көрсетсе, ауруханадан шығар кезде бұл көрсеткіш айтарлықтай жақсарды.
– Сіздің ойыңызша, күзде қандай жағдай болады? Қазірден бастап неге дайындалу қажет?
– Коронавирус инфекциясы аяқталмайтынын түсіну керек, бұл да басқа вирусты ауру секілді болады. 
Ол уақытқа дейін халықтың басым бөлігі ауырады, көбі ауру белгілерінсіз немесе жеңіл түрде өткізеді. Қазір бізде басқа вирусты инфекция жоқ. Ал қазанда күн суық болған кезде, өзге вирустар өршуі мүмкін. Сондықтан екі ауруды дұрыс ажыратып, диагностикалау қажет. Себебі емдеу тұрғысынан бұл маңызды болып саналады. Ал коронавирустың екінші немесе үшінші толқыны енді болмайды.
– Мұндай жағдайда коронавирус пандемиясы кезінде тұмауға қарсы екпе салдыруға бола ма?
– Профилактикалық вакцинация белгіленген мерзімде жүргізілуі тиіс. Тұмау эпидемиясы жылдың соңына қарай басталады. Вакцинация қыркүйек-қазан айларында жүргізіледі. Иммунитет бірнеше ай бойы дамиды, нәтижесі аурудың шыңына жеткен уақытпен сәйкес келуі керек.
– Қазір коронавируспен күресудің көптеген “балама” тәсілдері пайда болды. Темекі тартатын адамдар коронавируспен жеңіл ауырып шығады деген пікір тараған соң кейбір тұрғындар темекі тарта бастады. Бұл қаншалықты рас?
– Пульмонолог ретінде нақты ештеңе айта алмаймын. Никотин тромбоциттер активаторы болып саналады, ол қан ұюды күшейтеді. Темекі тартатындар жеңіл ауырып немесе мүлде ауырмайды демеймін. Бұл да ішімдік ішу туралы миф секілді. Ішімдік коронавирустан қорғамайды және емдемейді.
– Қымыз бен саумал жайында не айта аласыз?
– Біз қымызбен саумалдың дәмін көрдік. Дәмді екен, пайдалы да шығар. Алайда қымыз бен саумалда коронавирустан қорғауға әсер ететін заттар жоқ.
<a href="https://sputniknews.kz/society/20200716/14491753/dariger-qazaqstan-aurukhana.html">Sputnik</a>

Қазақстан және Қызылорда облысының жаңалықтары: Денсаулық

Кімдердің ПТР-тестілеуден тегін өтуге мүмкіндігі бар?

Қызылордада жедел-жәрдем шақыртушылар азайды

Коронавирус: Әскерлердің жауынгерлік дайындық форматы өзгерді

Коронавирус: Қорғаныс министрлігі әскери медицина қызметкерлерін материалдық қолдау мәселесін шешуде

Медициналық маска бөртпе туындатпас үшін не істеу керек?

Антисептикті дұрыс қолданудың амалы

Қызылордалық құрылысшылар ауруханаларды 32 оттегі концентратымен қамтамасыз етеді

Қызылордада өткен тәулікте 49 адам коронавирус жұқтырды

Қызылордаға Түркиядан өкпені жасанды желдету аппараттары жеткізілді

Асқар Мамин: Қазақстан коронавирусқа қарсы вакцинаны алғашқылардың бірі болып алудан үмітті

ДДСҰ: Босаңсуға болмайды – вирус таралып барады

Қазақстанға келген ресейлік дәрігер: “Коронавирус инфекциясы аяқталмайтынын түсіну керек”

Қазақстан және Қызылорда облысының жаңалықтары: Денсаулық

Кімдердің ПТР-тестілеуден тегін өтуге мүмкіндігі бар?

Қызылордада жедел-жәрдем шақыртушылар азайды

Коронавирус: Әскерлердің жауынгерлік дайындық форматы өзгерді

Коронавирус: Қорғаныс министрлігі әскери медицина қызметкерлерін материалдық қолдау мәселесін шешуде

Медициналық маска бөртпе туындатпас үшін не істеу керек?

Антисептикті дұрыс қолданудың амалы

Қызылордалық құрылысшылар ауруханаларды 32 оттегі концентратымен қамтамасыз етеді

Қызылордада өткен тәулікте 49 адам коронавирус жұқтырды

Қызылордаға Түркиядан өкпені жасанды желдету аппараттары жеткізілді

Асқар Мамин: Қазақстан коронавирусқа қарсы вакцинаны алғашқылардың бірі болып алудан үмітті

ДДСҰ: Босаңсуға болмайды – вирус таралып барады

Қазақстанға келген ресейлік дәрігер: &#8220;Коронавирус инфекциясы аяқталмайтынын түсіну керек&#8221;

Қазақстанға келген ресейлік дәрігер: “Коронавирус инфекциясы аяқталмайтынын түсіну керек”