Kyzylorda-news.kz. Дүниежүзілік денсаулық сақтау ұйымы 12 жастан асқан балалар мен ересектер міндетті түрде маска тағып жүруі керек екендігін жариялады, деп хабарлайды <a href="https://www.inform.kz/kz/12-zhastan-askan-balalar-maska-tagyp-zhuruleri-kazhet-ddu_a3686298">ҚазАқпарат</a>.
Дүниежүзілік ұйым жеткіншектерде де вирусты жұқтыру және тарату ықтималдығы жоғары екендігін ескертеді.
Джон Хопкинс университетінің дерегінше, қазіргі кезде әлемде коронавирус жұқтырғандар 23 млн адамнан асқан. Олардың көпшілігі АҚШ, Бразилия, Үндістанда тіркелген. Алайда Оңтүстік Корея, Еуропа елдері және Ливан сияқты басқа елдерде де қауіпті вирусты жұқтырған адамдар саны көбейген.
Дүниежүзілік денсаулық сақтау ұйымының маска тағып жүруге қатысты кеңестерімен мына жерден танысуға болады.

12 жастан асқан балалар маска тағып жүрулері қажет – ДДҰ

<a href="https://kyzylorda-news.kz/date/2020/08/20/">Kyzylorda-news.kz.</a> «Халық денсаулығы және денсаулық сақтау жүйесі туралы» кодексіне сәйкес динамикалық байқылауға жататын әлеуметтік мәні бар және созылмалы ауруларға мамандандырылған медициналық көмек ТМККК және МӘМС пакеті (созылмалы аурулары бар науқастарға бейінді мамандардың динамикалық бақылауы) аясында көрсетіледі (туберкулезбен ауыратын науқастарды медициналық оңалту кезінде,&nbsp;амбулаториялық және стационарды алмастыратын жағдайларда).
Аурулардың тізімі инфографикадан көре аласыздар. Толық тізімді <a href="http://adilet.zan.kz/rus/docs/V1700015417">мына сілтемеден</a> табуға болады.
Егер аталған аурулардың бірімен ауыратын науқасқа тиісті медициналық көмек көрсетілмеген болса, әлеуметтік медициналық сақтандыру қорына Qoldau 24/7 мобильді қосымшасы арқылы хабарласыңыз.
<img src="https://kyzylorda-news.kz/wp-content/uploads/2020/08/hronich-zabolev-kaz.jpg" alt="" />
<img src="https://kyzylorda-news.kz/wp-content/uploads/2020/08/soc-znachim-zabolev-kaz.jpg" alt="" />

МӘМС: Қандай науқастарды тегін емдейді?

<a href="https://kyzylorda-news.kz/">Kyzylorda-news.kz.</a> Әлеуметтік медициналық сақтандыру қоры Қызылорда облысы бойынша филиалы МӘМС жүйесінде сақтандыру мәртебеңізді онлайн режимінде қалай анықтауға болатынын түсіндірді.
№1 әдіс
<a href="http://www.fms.kz/">www.fms.kz</a>&nbsp;веб-сайтының төменгі оң жақ бұрышында «Мәртебені анықтау» жыпылықтайтын плагинді басыңыз. ЖСН енгізіңіз және сақтандырылған немесе сақтандырылмаған мәртебеңіз туралы мәлиметтерді берілуін күтіңіз.
№2 әдіс
Telegram-ға кіріп, іздеу батырмасы арқылы SaqtandyryBot деп жазып, тауып алыңыз. SaqtandyryBot терезесі ашылған соң алдымен Старт деген дайын тұрған тетікшені басу арқылы байланысты бастайсыз. Терезенің төменгі бөлімінде бірнеше қызмет бойынша мәзір ашылады. Соның ішінен «Сақтандыру мәртебесін анықтау» деп басасыз, 
ЖСН жазасыз. Міне осы жерде сіздің сақтандыру мәртебеңіз шығады.
№3 әдіс
МӘМС жүйесіне қатысу мәртебесін WhatsApp-тағы чат-бот (+7 700 103 1406) арқылы анықтауға болады. Тілді таңдаңыз — бұдан әрі нұсқаулық бойынша 4 саны (мәртебесін анықтау) — ЖСН енгізіңіз – дайын.
№4 әдіс
ЭЦҚ көмегімен egov.kz электрондық үкімет веб-сайтына кіреміз. «Денсаулық сақтау» қойындысын таңдаңыз. Әрі қарай ашылған терезесінде – «Медициналық көмек». «Қызметтер» бөлімінде – «Толық көрсету». Біз «<a href="https://egov.kz/cms/kk/services/health_care/pass171-2_mz">Міндетті әлеуметтік медициналық сақтандыру жүйесіне медициналық көрсетілетін қызметті тұтынушы ретінде қатысу туралы және аударымдардың және (немесе) жарналардың аударылған сомалары туралы ақпарат беру</a>» қызметін таңдаймыз. Содан кейін «Онлайн сұрау» батырмасын басу керек.
№5 әдіс
AppStore немесе Play Market көмегімен «Qoldau 24/7» мобильді қосымшасын жүктеп, орнатыңыз. Жүйеге тіркеліңіз. Мәзірден «Сақтандыру жағдайын тексеру» бөлімін таңдаңыз. ЖСН енгізіңіз және сақтандырылған немесе сақтандырылмаған мәртебеңіз туралы мәлиметтерді берілуін күтіңіз.

МӘМС жүйесінде сақтандыру мәртебеңізді онлайн режимінде қалай анықтауға болады?

<a href="https://kyzylorda-news.kz/date/2020/08/21/">Kyzylorda-news.kz.</a> Бүгін облыс әкімі Гүлшара Әбдіқалықова медицина қызметкерлерімен онлайн кездесу өткізді.
<blockquote>
 «Аймағымызда 17 647 медицина маманы жұмыс жасайды. Биылғы жыл бәріміз үшін, оның ішінде медицина саласына сын болуда. Коронавирус инфекциясымен ауырғандардың 93 пайызы сіздердің арқаларыңызда аман-есен отбасыларымен қауышты. Осы ретте сіздерге індетпен күрестегі еселі еңбектеріңіз үшін үлкен алғысымды білдіремін.&nbsp;Мемлекет басшысының Жарлығы бойынша Мемлекеттік наградамен 23 әріптестеріміз марапатталды. Өкінішке орай, олардың 8-нің марапатын отбасына беруге мәжбүр болдық. Олардың еңбегі ешқашан ұмытылмайды», – деді облыс әкімі Гүлшара Әбдіқалықова.
</blockquote>
«COVID-19» инфекциясына қарсы күрес шараларына тартылған, жұқтырған және қайтыс болған медицина қызметкерлерін қаржылық қолдау мақсатында үстемеақы мен жәрдемақы төленуде. Наурыз, сәуір, мамыр, маусым айларына барлығы 1 млрд. 117,6 млн. теңге, ал, шілде айына барлығы 3394 қызметкерге 943,4 млн. теңге үстемеақы берілді.
Дүниежүзілік денсаулық сақтау ұйымының болжамы бойынша күз мезгілінде пандемияның келесі кезеңі күтіледі деп жоспарлануда. 
Президент тапсырмасына сәйкес пандемияның күзгі легіне жан-жақты дайындық жұмыстары жүргізілуде. Аурухана, емхана және дәріханаларда бір ай және екі айлық дәрі-дәрмек қорлары жасақталуда. Жеке қорғаныш құралдары мен медициналық құрылғылармен жабдықтау жалғасуда.
Бүгінгі таңда модульді 200 орындық инфекциялық-стационар мен 5 нысанның құрылысы жүргізілуде.
Кездесуде облыстық жұқпалы аурулар ауруханасы бас дәрігерінің орынбасары Мирамкүл Әлмаханова, облыстық психикалық денсаулық орталығының бас дәрігері Әділбай Медетбаев, Арал ауданаралық ауруханасының бас дәрігері Марат Ршымбетов және Жалағаш ауданаралық ауруханасының бас дәрігері Баян Бурамбаева атқарылған жұмыстар туралы баяндап, медицина саласы қызметкерлеріне көрсетіліп жатқан қолдауға алғыстарын білдірді.
<img src="https://kyzylorda-news.kz/wp-content/uploads/2020/08/118211164_2660260634076989_8746036909195217371_o.jpg" alt="" />

Гүлшара Әбдіқалықова медицина қызметкерлерімен онлайн кездесу өткізді

<a href="https://kyzylorda-news.kz/date/2020/08/21/">Kyzylorda-news.kz.</a> Қазақстанда өткен тәулікте 256 адам коронавирус індетімен ауырғаны белгілі болды. Оның ішінде 103 адам – клиникалық белгілері жоқ тасымалдаушылар, деп хабарлайды&nbsp;<a href="https://www.coronavirus2020.kz/kz">coronavirus2020.kz</a>.
Аймақтар бойынша (жалпы/симптомсыз): 
Нұр-Сұлтан қаласы –&nbsp;8&nbsp;/ 3 
Алматы қаласы –&nbsp;32&nbsp;/ 6 
Шымкент қаласы –&nbsp;4&nbsp;/ 1 
Ақмола облысы –&nbsp;14&nbsp;/ 8 
Ақтөбе облысы –&nbsp;6&nbsp;/ 4 
Алматы облысы –&nbsp;9&nbsp;/ 4 
Атырау облысы –&nbsp;18&nbsp;/ 17 
Шығыс Қазақстан облысы –&nbsp;31&nbsp;/ 8 
Жамбыл облысы –&nbsp;8&nbsp;/ 6 
Батыс Қазақстан облысы –&nbsp;17&nbsp;/ 9 
Қарағанды облысы –&nbsp;22&nbsp;/ 12 
Қостанай облысы –&nbsp;12&nbsp;/ 1 
Қызылорда облысы –&nbsp;6&nbsp;/ 3 
Маңғыстау облысы –&nbsp;8&nbsp;/ 8 
Павлодар облысы –&nbsp;33&nbsp;/ 3 
Солтүстік Қазақстан облысы –&nbsp;14&nbsp;/ 3 
Түркістан облысы –&nbsp;14&nbsp;/ 7
Жалпы ел бойынша ауырғандар саны –&nbsp;104 071.

Қызылордада 6 адам коронавирус жұқтырған

Kyzylorda-news.kz. Мектеп – бұл физикалық және психологиялық тұрғыдан бала үшін ауыр жүктеме.
Мектептегі балалар үнемі өзара байланыста болады, осылайша бір-біріне түрлі ауруларды жұқтыруы әбден мүмкін. Иммунитет оларды жеңуге көмектеседі, бірақ барлық балаларда ол ауруларға қарсы тұру үшін жеткілікті дамымаған болуы мүмкін.
ДҰРЫС ҰЙҚЫ
Көптеген балалар ерте ұйықтауды ұнатпайды, ұзақ серуендеуді немесе компьютерде ойнауды жөн көреді. Бірақ осыған қарамастан, таңертең мектепке баруды ысырып қоюға болмайды. Осыдан барып көп балалардың ұйқысы бұзылады, ұйқысы қанбайды. Ал бұл өз кезегінде иммунитетттің дамуына да, оқу қабілетіне де теріс әсер етеді. Мектеп жасындағы бала шамамен 8 сағат ұйықтауы керек.
ДҰРЫС ТАМАҚТАНУ
Дұрыс тамақтану кез келген жаста пайдалы, бірақ бала үшін бұл өте маңызды. Балалардың диетасы теңдестірілген болуы керек, зиянды, бірақ дәмді тағамдардың саны аз болғаны дұрыс. Жаңа піскен көкөністер мен жемістерді көбірек тұтыну, ал ет өнімдерін қуыруға емес, бумен пісіруге кеңес береміз.
ВИТАМИНДІК КЕШЕН
Витаминдік кешендерді қабылдау да маңызды. Себебі күз-бұл жылдың ең қауіпті уақыты. Иммунитеттің төмендеуінің негізгі себептерінің бірі-денеде дәрумендердің жетіспеуі. Оларды тамақтан алуға болады. Қыста тұтынылатын көкөністердің саны күрт төмендейді, бұл ағзаға дәрумендердің түсуін азайтады. Мұны жеңуге әртүрлі витаминдік кешендер көмектеседі.
ПСИХИКАЛЫҚ ЖҮКТЕМЕНІ АЗАЙТУ
Психикадағы кез-келген жүктеме денсаулыққа әсер етеді. Балалар үшін бұл әсіресе өзекті. Көбінесе денсаулыққа қатысты проблемалар маңызды іс-шаралар алдында пайда болуы мүмкін. Сондықтан балаңызды не мазалайтынын сұраңыз және оның проблемаларын мұқият шешуге тырысыңыз.
ТАЗА АУАДАҒЫ СЕРУЕН
Таза ауада жиі серуендеуге кеңес береміз, өйткені бала денсаулығы үшін табиғатта серуендеудің пайдасы зор. Үйде, мектепте және басқа да сыныптан тыс жұмыстарды орындау үшін жабық үй-жайда үнемі болу балаға жеткілікті таза ауа бермейді. Адамдар лық толған бөлмелерде ауада көптеген патогендік бактериялар жиналады. Сондай-ақ, ұйықтар алдында бөлмені желдетуді ұмытпаңыз.
ТАЗА СУ
Мектеп жасындағы балаға күніне жеткілікті мөлшерде 1,5-2 литр таза су қажет. Пайдалы деп саналатын әртүрлі сусындар дененің суға деген қажеттілігін жаба алмайды. Сондықтан су таза, газдалмаған, қантсыз болуы керек. Таңғы ас алдында және кешке, ұйықтар алдында бір стақан сутра ішу өте маңызды..
ДЕНЕ ШЫНЫҚТЫРУ
Денені шынықтыру, контрастілі душ баланың ағзасын сауықтырады. Су процедураларын да мерзімімен орындаған бала ағзасына оң әсер етітін ұмытпаңыз. Балаңыздың дені сау болсын!
<a href="https://24.kz/kz/zha-aly-tar/bylu-manyzdy/item/417355-1-yrk-jek-aldynda-bala-immunitetin-alaj-k-teruge-bolady">“Хабар 24”</a>

1 қыркүйек алдында бала иммунитетін қалай көтеруге болады?

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Гүлшара Әбдіқалықова «СК-Фармация» ЖШС Қызылорда облысы бойынша өкілдігінің басшысы Айжан Еділова мен Қызылорда облысы тауарлар мен көрсетілетін қызметтердің сапасы мен қауіпсіздігін бақылау департаментінің басшысы Ғалия Байменованы қабылдады.
Кездесуде өңірдегі дәрі-дәрмек қоры мен емдеу мекемелеріне жеткізілетін дәрілік заттар мен медициналық бұйымдарды сатып алу және қамтамасыз ету мәселелері талқыланды.
Бүгінде өңірде жұқпалы және провизорлық стационарларда COVID-19 емдеуге арналған дәрілік заттардың 2 айға дейінгі қоры қалыптасты. Амбулаториялық деңгейде дәрі-дәрмектердің тізімі кеңейтіліп, 5 атаудан тұратын COVID-19 нозологиясы енгізілген. Бұл арқылы ПЦР тестінің нәтижелеріне қарамастан аурудың жеңіл ағымында COVID-19 диагнозы қойылған пациенттер емдеуші дәрігердің тағайындауы бойынша антипиретиктер мен антикоагулянттарды ала алады.
<img src="https://kyzylorda-news.kz/wp-content/uploads/2020/08/fb_img_1597859062271.jpg" alt="" />
Қабылдау барысында Айжан Еділова транзиттік қоймадағы сұранысқа ие 26 атау бойынша дәрілік заттардың екі айлық қоры қалыптасқанын, логистикалық хабтардың жұмыс форматы өзгергенін атап өтті.
Оның айтуынша, есепке алуды жеделдету үшін хабарлама қызметкерлерінің саны артып, өңірлік қоймаларға жететін рейстер саны аптасына 1-ден 3 ретке дейін көбейген.
Қазіргі таңда вирус індетімен күресу үшін Қызылорда облысының медициналық ұйымдарына жалпы сомасы 451 млн теңгеден астам қаржыға 80 түрлі дәрі-дәрмек алынған. Сондай-ақ, жақын күндері короновирус эпидемиясымен тіркелген науқастарды емдеу үшін стационарларға 83 млн теңгеден астам қаражатқа дәрі-дәрмектер түседі. Емдеу мекемелеріне қажетті дәрі-дәрмекпен қамтамасыз ету үшін СК «Фармация» ЖШС пациенттерге 2.2 млрд теңгеден астам қаржыға дәрі-дәрмек берген. Ал, стационарлық көмекке мұқтаж пациенттер үшін өңірдің медициналық ұйымдарына 4.6 млрд теңгеге дәрі-дәрмек сатып алынған.
<img src="https://kyzylorda-news.kz/wp-content/uploads/2020/08/fb_img_1597859064212.jpg" alt="" />
Облыс әкіміне департамент басшысы Ғалия Байменова дәріханалардағы дәрі тапшылығын болдырмау бағытында атқарылған жұмыстарды тізбеледі. Ол күзгі және қысқы маусым кезеңінде жергілікті бюджет қаражаты есебінен дәрілік тұрақтандыру қорын құру үшін дәрілік заттар мен медициналық бұйымдарды сатып алу мәселесіне тоқталды.
Бүгінде өңірде 328 дәріханалар желісі қызмет етеді. Оның 311-і жеке меншік нысанға қарайды. Ал, ауылдық елді-мекендерде 157-і орналасқан.
Департамент басшысы тұрғындардың жеке қауіпсіздігін сақтауға қажет медициналық бетперде тапшылығы туындамайтынын атап өтті. Қазіргі күні дәріханаларда 128 мыңнан аса медициналық бетперде қоры бар. Сала басшылары өткен айлармен салыстырғанда дәрілік заттардың қорының тапшылығы қазірде туындамайтынын және қажетті қорлардың бар екендігін баяндады. Бұл ретте дәрілердің айналым қаражаты негізінде қажеттілігіне қарай қор жасалатын болады.
Қабылдау соңында облыс әкімі сала басшылары халық сұранысындағы дәрілік заттардың тізбесін әзірлеп, дәріханаларда қосымша дәрілік заттардың мол қорын жасақтауды тапсырды. Сонымен бірге қаланың шет аймақтарындағы дәріханаларға тұрақты бақылау жүргізуді міндетті. Мұнан бөлек, емдеу мекемелеріндегі стационарларда науқастарға қажетті препараттар, қорғаныш құралдарымен қамтамасыз етуді және бұл жұмыстарды ұдайы бақылауға алуды қаперге салды.

Гүлшара Әбдіхалықова дәрі-дәрмек қорына қатысты сала басшыларын қабылдады

<a href="https://kyzylorda-news.kz/date/2020/08/19/">Kyzylorda-news.kz.</a> ҚР Денсаулық сақтау министрі Алексей Цой коронавирустың жаңа толқыны қазан айында болатынын айтты, деп хабарлайды&nbsp;<a href="https://egemen.kz/">Egemen.kz.</a>
<blockquote>
 «Қазан айына дейін Қазақстанда 13 модульдік инфекциялық аурухана салу жоспарлануда. Коронавирустық пандемия аяқталған жоқ. Біз қазан айында SARS және тұмау маусымымен қатар күтілетін жаңа толқынға дайын болуымыз керек. Денсаулық сақтау министрлігі жергілікті атқарушы органдармен бірлесіп алдағы күзгі-қысқы кезеңге белсенді дайындалуда», – деп жазды Цой Facebook-те.
</blockquote>
Оның айтуынша, елдегі дәріханаларға 10 миллионнан астам дәрі-дәрмек жеткізілді, бірыңғай дистрибьютор республиканың медициналық ұйымдарын ай сайын дәрі-дәрмекпен қамтамасыз етіп отырды және 30 қыркүйекке дейін 24 миллиард теңгеге қосымша екі айлық жеткізілім жасайды. Ол сондай-ақ «СК-Фармация» базасында Республикалық тұрақтандыру қоры және 11 аймақтық тұрақтандыру қоры құрылғанын атап өтті.
<blockquote>
 «Ауруханаларды жабдықтау үшін 2578 қосымша желдеткіш сатып алынады, оның 1 500-і – отандық өндірушілерден, 1078 – жергілікті бюджет, демеушілік және Дүниежүзілік банктің қаражаты есебінен. 23 890 төсек оттегімен қамтамасыз етіледі, оның ішінде 13153 – оттегі байыту фабрикалары арқылы және 2020 жылдың қазанына дейін еліміздің барлық облыстық ауруханаларын сандық рентген аппараттарымен 100 пайызға қамтамасыз ету жоспарлануда», – деп толықтырды министр.
</blockquote>

Коронавирустың жаңа толқыны қазан айында күтіледі – Алексей Цой

&nbsp;<a href="https://kyzylorda-news.kz/date/2020/08/19/">Kyzylorda-news.kz.</a> Қазақстанда өткен тәулікте 1841 адам коронавирус індетінен емделіп шықты. Ал, Қызылорда облысында 18 тамызда 143 науқас ауруынан айықты, деп хабарлайды <a href="https://www.coronavirus2020.kz/kz">coronavirus2020.kz</a>&nbsp;.
Аймақтар бойынша:
Нұр-Сұлтан қаласы – 62
Алматы қаласы – 585
Ақмола облысы – 46
Ақтөбе облысы – 18
Алматы облысы – 353
Атырау облысы – 9
Шығыс Қазақстан облысы – 3
Жамбыл облысы – 19
Батыс Қазақстан облысы – 16
Қарағанды облысы – 374
Қостанай облысы – 8
Қызылорда облысы – 143
Маңғыстау облысы – 29
Павлодар облысы – 30
Солтүстік Қазақстан облысы – 134
Түркістан облысы – 12
Қазақстан бойынша&nbsp;жазылғандар саны – 86 286.&nbsp;Індет&nbsp;барлығы 103 571 адамнан анықталды.

Кеше Қызылордада 143 адам коронавирустан жазылып шықты

<a href="https://kyzylorda-news.kz/date/2020/08/18/">Kyzylorda-news.kz.</a> 15 жеңілдік категориясының өкілдері үшін, яғни 11 млн-ға жуық қазақстандықтар үшін мемлекет жарнаны төлейді, Медициналық сақтандыру қоры өз емханасына немесе өз бетінше Qoldau 24/7 мобильді қосымшасы бойынша&nbsp; жүгіну арқылы уақытша мәртебе беру алгоритмін (бір айға) әзірледі.
Осылайша, халықтың жеңілдікті санаты өкілдерінің сақтандыру мәртебесімен туындайтын мәселелер жедел мерзімде шешіледі, пациент медициналық қызметтерге қол жеткізе алады.
Пациент медициналық ұйымға жүгінген кезде оның қызметкері пациенттің растайтын құжатын сканерлейді (суретке түсіреді) және оны «Qoldau 24/7» мобильді қосымшасы арқылы ӘМСҚ-ға жібереді. Қор пациентке 1 айға мәртебе береді, оған тиісті хабарлама жіберіледі.
Жеңілдікті санаттағы дәл осындай өкіл мұны&nbsp; App Store және Play Market-те «Qoldau 24/7» мобильді қосымшасын жүктеу арқылы өз бетінше жасай алады. Жеңілдікті санатқа қатыстылығы туралы растайтын құжатты жүктеп алып, ӘМСҚ-ға жіберу қажет. Қор өтініш берушіге 1 айға мәртебе береді және тиісті хабарлама жібереді.
Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов мәртебені ресми қызметтер арқылы – ӘМСҚ сайтында fms.kz, Qoldau 24/7 мобильдік қосымшасында, Telegram-дағы Saqtandyru-bot арқылы тексеру қажет екенін атап өтті. Барлық жүйелер дұрыс және айқын жұмыс істейді.
Айына екі рет «Азаматтарға арналған үкімет» мемлекеттік корпорациясы Әлеуметтік медициналық сақтандыру қорына жеңілдетілген санаттар бойынша жаңартылған деректер базасын ұсынады. Тұрақты сақтандыру мәртебесін растау үшін Мемлекеттік корпорацияға 1414 нөмірі бойынша хабарласу қажет.
Сондай-ақ, төлемдердің болуы немесе болмауы, жүзеге асырылған қайтарулар туралы ақпаратты <a href="https://egov.kz/">https://egov.kz/</a> «Электрондық үкімет» порталынан алуға болады.&nbsp; Ол үшін «Медициналық қызметтерді тұтынушы ретінде қатысу туралы және міндетті әлеуметтік медициналық сақтандыру жүйесіндегі аударымдардың және (немесе) жарналардың аударылған сомалары туралы ақпарат беру» электрондық мемлекеттік қызметіне тапсырыс беріледі.
<img src="https://kyzylorda-news.kz/wp-content/uploads/2020/08/vremen-statws-kaz.jpeg" alt="" />

МӘМС жүйесінде уақытша «сақтандырылған»   мәртебесін қалай алуға болады?

<a href="https://kyzylorda-news.kz/date/2020/08/18/">Kyzylorda-news.kz.</a> Коронавирус індетімен екінші рет аурудың салдары қандай болмақ? Коронавирустан қалай сақтанған жөн? Бұл сауалдарға Нұр-Сұлтан қалалық көпбейінді №1 ауруханасы бас дәрігерінің міндетін атқарушы Марат Әбдуов жауап берді, деп хабарлайды <a href="https://lenta.inform.kz/kz/koronaviruspen-ekinshi-ret-auyrudyn-saldary-kanday-bolmak_a3684686">ҚазАқпарат</a>.
<blockquote>
 «Коронавирус індетіне қайта шалдығу аурудың өту барысын күрделендіріп жібереді. Қант диабеті және өзге де созылмалы жанама аурулармен түсетін науқастарда коронавирус өте ауыр жүреді. Дегенмен, біз үлкен тәжірибе жинап алдық. Іс жүзінде барлық науқасты емдеп шығаруға болады», – деді ол.
</blockquote>
Сонымен қатар ол коронавирус індетімен қайтадан стационар көмегіне жүгінген науқастар жайында айтып берді.
<blockquote>
 «Коронавирустық өкпе қабуынан жазылып шыққаннан кейін бір немесе екі аптадан кейін олар қайтадан асқынулармен түсіп жатады. Бірақ, олардың белгілері басқа болады. Бұл ретте науқастың жасы мен жанама ауруларын ескерген жөн. Бүкіл халық үшін бұл жағдай оңайға соқпағанын түсінеміз. Ұзаққа созылған карантин кезеңі көпшілікке ұнамайды, адамдар наразылық та танытып жатады. Дегенмен, біз өзімізге ғана емес төңірегіміздегі адамдарға да қамқорлық таныта білуіміз қажет. Карантиннің кезең-кезеңімен алынып тасталуы барлық шектеу шараларының жойылғандығын білдірмейді. Бұқаралық шараларға, отбасылық той-томалаққа бармаған жөн. Маска режимін сақтау қажет», – деді Марат Әбдуов.
</blockquote>

Коронавируспен екінші рет ауырудың салдары қандай?

<a href="https://kyzylorda-news.kz/">Kyzylorda-news.kz.</a> Бүгін Қазалы ауданаралық ауруханасының жұқпалы аурулар бөліміндегі соңғы науқас емделіп шығып, провизорлық стационар жабылды.
Аудандағы 100 орынға арналған бұл орталық осыдан 5 ай бұрын ашылды. Індет өршіген кезде ақ халатты абзал жандар күні-түні көз ілмей еңбек етіп, науқастардың өміріне араша болды.
<blockquote>
 Соңғы уақыттың ішінде стационарға коронавирус, пневмония дертімен науқастар түскен жоқ. Бүгін мұндағы соңғы науқастарды шығарып, провизорлық стационарды жаптық. Енді бұл жерлерге дезинфекция жұмыстары жүргізіліп, жұқпалы аурулар бөлімі халыққа қалыпты жағдайда қызмет көрсететін болады, – дейді Қазалы ауданаралық ауруханасының бас дәрігері Бақытгүл Әлішева.
</blockquote>
Дәрігерлер провизорлық стационарда ем алып, үйіне асыққан соңғы науқасты құрмет көрсетіп шығарып салды. Емделіп шыққан азаматтар алдыңғы шепте жүрген дәрігерлерге алғысын білдіріп, қолдау шараларын танытқан азаматтарға ризашылығын білдірді.
Бүгінде Қазалыдағы эпидемиологиялық ахуал тұрақталды. Бұл әрине аурудың беті қайтты деген сөз емес. Әлі де болса қауіпсіздік шараларын сақтап, медициналық маска тағуды ұмытпауымыз қажет. Өз кезегінде медицина қызметкерлері де гигиеналық шараларды сақтауға, жұқпалы ауру белгілері байқалған жағдайда дереу дәрігерге көрінуге шақырды.
Айта кетейік, бұған дейін аудандағы Қазалы теміржол ауруханасындағы провизорлық стационар да жабылып, қалыпты жағдайда жұмыс істеуді бастап кетті.
<img src="https://kyzylorda-news.kz/wp-content/uploads/2020/08/118176113_2829547737266155_403854125442133767_o.jpg" alt="" />

Қазақстан және Қызылорда облысының жаңалықтары: Денсаулық