<a href="https://kyzylorda-news.kz/">Kyzylorda-news.kz.</a> Денсаулық сақтау министрлігінің ресми өкілі Бағдат Қожахмет Кавасаки синдромына шалдыққан балалар туралы айтып берді, деп хабарлайды&nbsp;<a href="https://sputniknews.kz/?_ga=2.241221570.1719843005.1597637994-1919962922.1597637994">Sputnik Қазақстан</a>.
<blockquote>
 “Қазіргі кезде әлемнің көптеген елінде коронавирустың жеңіл немесе симптомсыз түрімен ауырған балаларда 14 күн мен бір ай арасында Кавасаки синдромына ұқсас көп жүйелі қабыну тіркеліп жатыр. Мен өткен аптада Қазақстанда осындай үш бала тіркелгені жайында айтқан болатынмын. Ал қазіргі уақытта Кавасаки синдромы мен осы синдромға ұқсас 11 бала тіркелген”, – деді Қожахмет орталық коммуникациялар қызметінде өткен онлайн брифингте.
</blockquote>
Оның айтуынша, бұл індет көп жағдайда 5 жасқа толмаған балаларда кездеседі. Ал Кавасаки синдромына ұсқас ауруға шалдыққан балалардың басым бөлігі бес жастан асқан.
<blockquote>
 “11 бала тіркелді дедік қой. Солардың үшеуі Нұр-Сұлтанда аман-есен жазылып шықты, тағы екі бала Ақтөбеде, Қарағандыда және Алматыда. Олардың екеуі 1-5 жас аралығында, қалған 9 бала 5-17 жас аралығында, яғни, 9 бала Кавасаки синдромына нақты келмейді. Соған ұқсас ауру деп есептеледі”, – деп атап көрсетті Қожахмет.
</blockquote>
Бұған дейін осы жағдайға байланысты Нұр-Сұлтанда профессорлар мен дәрігерлерден тұратын арнайы жұмыс тобы құрылғаны хабарланған еді. Олар бұл ауруды зерттеумен айналысады.

Қазақстанда 11 баладан Кавасаки синдромы анықталды

<a href="https://kyzylorda-news.kz/date/2020/08/17/">Kyzylorda-news.kz.</a> Коронавирус індетін толық жеңіп шыққанша антисептік қолданып, маска тағу қажет. Бұл туралы ҚР Денсаулық сақтау министрлігінің ресми өкілі Бағдат Қожахметов айтты, деп хабарлайды <a href="https://lenta.inform.kz/kz/indetti-tolyk-zhenip-shykkansha-antiseptik-koldanyp-maska-tagu-kazhet-bagdat-kozhahmetov_a3684280">ҚазАқпарат.</a>
<blockquote>
 «Ал енді медицина саласындағы жағымды жаңалықтар жөнінде айтар болсақ, аймақтарда індеттен жазылған соңғы науқасты шығарып салып жатқан сәттер жиі жарияланып жатыр. Мәселен, өткен аптада елордамыздағы провизорлық ауруханада соңғы науқас жазылып шықты. Айта кетерлігі, бұл ардагерлерге арналған госпиталь болатын. Қазір мұнда коронавируспен ауырып жатқан науқас жоқ», – деді ол Орталық коммуникациялар қызметіндегі брифинг барысында.
</blockquote>
Ресми өкілдің айтуынша, алдағы уақытта госпитальде залалсыздандыру жұмыстары жүргізіліп, тиісті сараптамалар жасалғаннан кейін бұрынғы қызметіне қайта көшеді.
<blockquote>
 «Ахуал тұрақтанды екен деп қауіпсіздік ережесін бұзуға болмайды. Мұны естеріңізге саламыз. Індетті толық жеңіп шыққанша антисептик қолданып, маска тағуып, әлеуметтік ара қашықтықты сақтаңыздар», – деді Бағдат Қожахметов.
</blockquote>

Індетті толық жеңіп шыққанша антисептік қолданып, маска тағу қажет

<a href="https://kyzylorda-news.kz/date/2020/08/17/">Kyzylorda-news.kz.</a> Қазақстанда өткен тәулікте 337 адам коронавирус індетімен ауырғаны белгілі болды. Қызылорда облысында бірде-бір адамда COVID-19 анықталмады.
Аймақтар бойынша (жалпы/симптомсыз):
Нұр-Сұлтан қаласы – 34 / 12&nbsp;&nbsp;
Алматы қаласы – 51 / 31&nbsp;&nbsp;
Шымкент қаласы – 4 / 2&nbsp;&nbsp;
Ақмола облысы – 24 / 15&nbsp;&nbsp;
Ақтөбе облысы – 2 / 2&nbsp;&nbsp;
Алматы облысы – 5 / 2&nbsp;&nbsp;
Атырау облысы – 10 / 6&nbsp;&nbsp;
Шығыс Қазақстан облысы – 36 / 11&nbsp;&nbsp;
Жамбыл облысы – 10 / 5&nbsp;&nbsp;
Батыс Қазақстан облысы – 24 / 15&nbsp;&nbsp;
Қарағанды облысы – 37 / 14&nbsp;&nbsp;
Қостанай облысы – 19 / 10&nbsp;&nbsp;
Маңғыстау облысы – 14 / 14&nbsp;&nbsp;
Павлодар облысы – 22 / 7&nbsp;&nbsp;
Солтүстік Қазақстан облысы – 25 / 11&nbsp;
Түркістан облысы – 20 / 15.
172 адам клиникалық белгілері жоқ тасымалдаушы ретінде тіркелді. Жалпы ел бойынша ауырғандар саны 103 033 адамға жетті.

Өткен тәулікте Қызылорда облысында COVID-19 анықталмады

<a href="https://kyzylorda-news.kz/">Kyzylorda-news.kz.</a> Бүгін елімізде карантин режимі жеңілдетіліп, біршама шектеулер алынып тасталды. Алайда қауіпті дерттен әлі де сақтануға тура келеді. Осыған орай Қызылорда облысының әкімі Гүлшара Әбдіхалықова Сыр жұртшылығын босаңсымауға шақырды.
Қымбатты жерлестер! ​Халқымыз “Ауру айтып келмейді” дейді.​ Дүниені дүрліктірген пандемия салдарынан қаншама адам індеттің ілмегіне ілікті, қаншасы өмірден өтті. Әлем халқының ешқайсысына да бұл оңай тиген жоқ.​ Коронавирус індеті бәсеңсіді деп мамыр айында арқамызды кеңге салғанымызбен, маусым айында ауру тіпті өршіп, пневмония құрбандарының саны көбейді. Олардың арасында талай даңқты тұлғалар, ет жақындарымыз бен достарымыз, әріптестеріміз бен таныстарымыз болды. Сондықтан, маусым айында карантин қайта жалғасып, ол 1 жарым айға созылды. ​Қазіргі таңда ауру саны азайып, қалыпты жағдайға келдік дегенімізбен де, коронавирус дерті әлемде жойылмай тұрған уақытта босаңсуымызға болмайды.​
Бүгіннен бастап карантиндік шектеу шаралары кезең-кезеңімен алынып тасталады, дегенмен, эпидемиологиялық жағдайды тұрақтандыру мақсатында демалыс күндері шектеу шаралары сақталады.
​Халқымыздың денсаулығын қорғау мақсатында індет толық жойылып, дерттен құлантаза айығып, қуанышты күндер туғанша отбасылық мерекелер, ас, той, мерейтой өткізу, ойын-сауық, спорттық, салтанатты және басқа да көпшілік шаралар ұйымдастыруға тыйым салынады. Маска режимі мен әлеуметтік арақашықтықты сақтау міндетті талабымыз болып қала береді.​
Бәріміздің азаматтық жауапкершілігіміз осындай кезеңде сыналады. Өзіміздің, отбасымыздың денсаулығының қауіпсіздігі үшін барлық шараларға түсіністікпен қарап, сабыр сақтауға, шыдамдылық танытуға шақырамын.​
Бірлігіміз бекем, тірлігіміз тату болса, бұл қиындықты да бірге жеңіп, бірге еңсереміз. Жақындарыңызға жанашыр болыңыздар!​ Біз біргеміз!

Гүлшара Әбдіхалықова: Коронавирус жойылмай тұрған уақытта босаңсуға болмайды

Kyzylorda-news.kz. Қазақстандағы COVID-19 вакцинасын құрастырушы осы күзде қазақстандықтарға коронавирусқа қарсы екпе егіле ме деген сауалға жауап берді деп хабарлайды Қазақпарат.
Журналистер қойған сұраққа Леспек Құтымбетов жауап берді. Ол COVID-19 вакцинасын жасаушы әрі оны ең алғаш болып өзіне еккен адам.
Құтымбетовтың айтуынша, вакцина адамдарда бірнеше кезеңдерде сыналады. Алдымен жануарлға тәжірибе жасалса, кейінірек ерікті адамдарға екпе салынады. ДДСҰ талаптарына сәйкес, тәжірибе жалпы 4 кезеңнен тұрады. Оның сөзінше, вакцинаны сынаудың бірінші кезеңіне тек санаулы ғана еріктілер қатысады. Бұл сатыда препараттың зияны бар-жоғы тексеріледі.
Екінші кезеңде вакцинаның иммуногендігі сыналады. Мұнда бірінші сатыға қарағанда көбірек адам қатысады.
Құрастырушының айтуынша, үшінші кезеңде мың адамға вакцина егіледі. Сондай-ақ Құтымбетов Қазақстанда қыркүйек айында бірінші кезеңнің басталатынын хабарлады. Бұл тәжірибеге 40-тан астам ерікті іріктеліп алынған.
Осы ретте журналистер маманға 2020 жылдың соңына қарай Қазақстан халқына коронавирусқа қарсы вакцина егіле ме деген сауал қойды.
БАҚ өкілдеріне жауап берген ол шешімді денсаулық сақтау министрлігі, үкімет және президент қабылдайтынын айтты. Егер бұл идея мақұлданса, Құтымбетов өзінің әріптестерімен бірге препаратты дайындап, пайдалануға беруге уәде етті.
Сонымен бірге, құрастырушының сөзінше, тәжірибеге қатысқысы келетін еріктілерге қойылатын шектеулер бар. Яғни вакцинаны сынаудың бірінші кезеңіне тек 15 пен 50 жас аралығындағылар қатыса алады. Осы ретте олардың бұрын COVID-19-бен ауырмағаны маңызды.

Қыркүйекте қазақстандықтарға COVID-19-ға қарсы вакцина егіле ме?

<a href="https://kyzylorda-news.kz/">Kyzylorda-news.kz.</a> 15 тамыздағы мәліметке бойынша Қазақстанда 842 адам коронавирус індетінен емделіп шықты, деп хабарлайды &nbsp;<a href="https://www.coronavirus2020.kz/kz/kazakstanda-otken-taulikte-842-adam-koronavirus-indetinen-emdelip-shykty_a3683867">coronavirus2020.kz</a>.
Аймақтар бойынша 
Нұр-Сұлтан қаласы – 3 
Алматы қаласы – 13 
Шымкент қаласы – 3 
Ақмола облысы – 33 
Ақтөбе облысы – 174 
Атырау облысы – 19 
Шығыс Қазақстан облысы – 74 
Жамбыл облысы – 11 
Батыс Қазақстан облысы – 14 
Қарағанды облысы – 392 
Қостанай облысы – 25 
Қызылорда облысы – 6 
Маңғыстау облысы – 6 
Павлодар облысы – 28 
Түркістан облысы – 41
Қазақстан бойынша жазылғандар саны – 81 558.

Кеше Қызылордада 6 науқас коронавирустан жазылып шықты

Kyzylorda-news.kz. Елімізде 114 бала коронавирус жұқтырған. Оның үшеуі Кавасаки синдромына шалдыққан. Бұл туралы Денсаулық сақтау министрлігінің ресми өкілі&nbsp;Бағдат Қожахметов айтты.
Жыл басынан бері Нұр-Сұлтан, Алматы, Петропавлда Кавасаки синдромының 3 дерегі тіркелген.
Кавасаки ауруы коронавирус пандемиясына дейін де кездескен. Алайда қазір коронавируспен ауырған балаларда Кавасаки синдромына ұқсас ауру белгілері анықталып жатыр. Коронавирустың жеңіл не симптомсыз түрімен ауырған балаларда 2-3 аптадан соң жұқпалы аурудан кейінгі асқыну байқалады. Дәрігерлер мұны алғаш Ұлыбритания, АҚШ және Италияда байқаған. Кавасаки ауруы орта тамырлардың зақымдалуымен, оның ішінде көбіне коронарлық артериялардың зақымдалуымен байланысты.
Ғалымдар&nbsp;Кавасаки синдромы типтес ауруға көп жүйелі қабыну синдромы деген атау берді.
Бұған дейін елімізде жылына 2-3 бала Кавасаки синдромымен ауыратын болған. Әдетте бұл ауруға 5 жасқа дейінге балалар шалдығады. Алайда коронавирус пандемиясының салдарынан Кавасаки синдромына ұқсас ауру белгілері балалармен қоса жасөспірімдерден де байқалып жатыр.&nbsp;
Коронавирустан жазылып, тест оның жоқ екенін көрсеткен сәттен бастап 2-3 апта өткенде Каваски синдромына ұқсас аурудың белгілері байқалуы мүмкін. Баланың дене қызуы көтеріліп, 2-3 тәулік бойы түспей қоюы мүмкін. Денеге бөртпе шығып,&nbsp;лимфотүйіндер&nbsp;үлкейе түседі. Тіл қызғылт түске боялып, еріндер бозарады.&nbsp;
Жалпы балалардағы муль­­ти­­жүйе­лік қабыну синдромының кли­никалық белгілері – қалтырау, 1 тәулік немесе одан да көп уақыт бойы 38 градус­тан жоғары дене қыз­уы, бөртпе, конъюнктивит, склерит, лимфаденопатия, алақанның, аяқтың ісінуі, тыныс алудың қиын­да­уы, асқазан-ішек жолдарының за­қым­дануы.
Балада Кавасаки синдромының белгілері байқалған кезде жергілікті дәрігерге немесе педиатрға жүгіну керек. Мұндай синдроммен балалар міндетті түрде ауруханаға жатқызылады. Бұл синдром бала коронавирус жұқтырып, екі-үш апта өткен соң, яғни жазылғаннан кейін байқалғандықтан толыққанды диагноз бен зерттеулер жасалады. Зерттеулерге биохимиялық қан талдауы, гемостазды бақылау, коагулограмма, эхокардиограмма, ЭКГ, УДЗ, кеуде рентгені немесе КТ кіруі мүмкін.
<a href="https://massaget.kz/layfstayl/bilim/ol-kim-bl-ne/62964/">Massaget.kz.</a>

Кавасаки синдромы жайлы не білу керек?

<a href="https://kyzylorda-news.kz/date/2020/08/14/">Kyzylorda-news-kz.</a> Қазақстанның бас мемлекеттік санитар дәрігері Айжан Есмағамбетова демалыстағы катаң карантин неге сақталатынын айтты, деп хабарлайды&nbsp;<a href="https://sputniknews.kz/?_ga=2.103587654.797903569.1597378330-843135108.1596186988">Sputnik Қазақстан</a>.
<blockquote>
 “Біріншіден, біз қатаң карантиннің нәтижесін сақтап қалуымыз қажет. Ал вирус қалай таралады? Адамдар жақын араласқанда инфекцияның таралу қаупі күшейеді. Демалыста ондай қарым-қатынас көбейеді. Халық сауда орталықтары мен базарларға барады. Сол себепті демалыстағы қатаң карантинді сақтай тұруға шешім қабылданды”, – деді Есмағамбетова орталық коммуникациялар қызметінде өткен онлайн брифингте.
</blockquote>
Оның сөзіне қарағанда, сенбі-жексенбі күндері ірі сауда орталықтары жабылады. Себебі ондай жерде халық көп жиналады.
<blockquote>
 “Біздің негізгі мақсатымыз – халықтың бір жерде шоғырлануына жол бермеу және қарым-қатынасты азайту. Соның арқасында инфекцияның таралу тізбегін үзе аламыз. Демалыстағы локдаунның негізгі мақсаты осы”, – деп атап көрсетті Есмағамбетова.&nbsp;
</blockquote>
Әзірге демалыстағы қатаң карантин екі аптадай сақталады. Одан кейін “Атамекен” ұлттық кәсіпкерлер палатасы локдаунды алып тастау мәселесін көтермек.
“Кеше денсаулық министрі Алексей Цой демалыстағы локдаун екі аптадай болады деді. Біз өз кезегімізде табыстың 40 проценті демалыста түсетінін жеткіздік. Дегенмен, келістік. Осы уақыттың ішінде кәсіпкерлік нысандар өз жұмысын ретке келтіріп, барлық санитарлық талапқа сай жүргізуі керек”, – деді “Атамекен” ҰКП басқарма төрағасының бірінші орынбасары Жұмағазиев.
<blockquote>
 “Егер екі аптадан кейін бәрі ойдағыдай болса, біз демалыстағы локдаунды алып тастауды сұрайтын боламыз. Бұл – кезең-кезеңімен шешілетін нәрсе. Себебі адамдардың өмірі мен денсаулығы маңызды. Кәсіпкерлер де оны жақсы түсінеді”, – деп атап көрсетті ол.
</blockquote>
Әрі қарай оқу:

Демалыстағы қатаң карантин қанша уақытқа дейін созылады?

<a href="https://kyzylorda-news.kz/date/2020/08/14/">Kyzylorda-news.kz.</a> Елімізде “COVID-19” індетімен күресу бағытында бірқатар шаралар қабылданып, оның ішінде эпидемиологиялық ахуалдың күрделенуіне сәйкес, жоспарлы емдеу жұмыстары уақытша тоқтатылған болатын.
Қызылорда облысында ахуалдың тұрақталуына байланысты 3 тамыздан бастап емдеу ұйымдарындағы жоспарлы жұмыстар өз жұмысын бастады.&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;
Сонымен қатар бастапқы медициналық-санитариялық көмек көрсету ұйымдары, яғни емханалар 3 тамыздан бастап жоспарлы жұмыстарын бастады.
Яғни бастапқы медициналық-санитариялық көмек көрсету деңгейінде уақытша тоқтатылған
<ul>
<li>Скринингтік тексерулер (скринингтік тексерулердің барлық түрі);</li>
<li>Профилактикалық тексерулер науқастардың профилактикалық мақсатта емханаға келуі (жұмысқа және оқуға баратындардан басқалары);</li>
<li>Жоспарлы стоматологиялық қызмет (жоспарлы стоматологиялық қызметтердің барлық түрі);</li>
<li>Оқушылардың денсаулығын қорғау қызметтері (мектеп медицинасы), медициналық оңалту ІІІ сатысы (амбулаторлы жағдайда көрсетілетін реабилитация);</li>
<li>Салауатты өмір салтын ұстану бойынша шаралар (СӨСҚ кабинеттерінің жұмысы;</li>
</ul>
Денсаулық мектептерінің жұмысы) және психологиялық көмек көрсету қызметтері өз жұмыстарын жалғастыратын болады.&nbsp;
Атқарылып жатқан жұмыстардың барлық көрсеткіштері бойынша оң шешімдер, жақсы жағдайлар жеткілікті. Дегенмен бұл жағдайлар бізді босаңсытпау керек. Әлі де болса сақтық шараларын&nbsp; қатаң сақтау қажет, дейді мамандар.

Қызылордада емдеу мекемелірінің жоспарлы жұмысы қайта жалғасты

Kyzylorda-news.kz. Денсаулық сақтау министрі Алексей Цой Қазақстанның қатаң карантиннен қалай шығатыны туралы айтып, демалыс күндері қандай қатаң ережелер енгізілетінін айтты, деп хабарлайды <a href="https://stan.kz/22-23-tamizda-kazakstan-katan-karantin-rezhimine-kayta-335637/">Stan.kz.</a>
Цой «пандемия аяқталды» деді және біз біртіндеп қалыпты өмірге оралатынымызды айтты.
<blockquote>
 “Азаматтарға бетперде кию және әлеуметтік қашықтықты сақтау міндетті. Біз бұқаралық, мерекелік және еске алу іс-шараларын өткізуден бас тартуға мәжбүрміз. Бұл қауіпсіздік үшін қажетті шаралар. Карантин біткеннен кейін алғашқы қателікті қайталаудың қажеті жоқ. Барынша сақ болғанымыз жөн”, – деді денсаулық сақтау министрлігінің басшысы.
</blockquote>
Министр мемлекеттік комиссия осы уақытқа дейінгі шектеулерді тек жұмыс күндері жеңілдету туралы шешім қабылдағанын еске салды.
<blockquote>
 “Келесі демалыс күндері ел тағы екі күнге карантинге оралады. 22 және 23 тамызда 65 жастан асқан адамдардың қозғалысына шектеу қойылады, қоғамдық көліктер тоқтайды, ал бизнес қайтадан жұмысын тоқтатуға мәжбүр болады. Ерекшелік тек азық-түлік дүкендері мен дәріханаларға ғана қатысты” – деп түсіндірді Алексей Цой.
</blockquote>
Денсаулық сақтау министрлігінің басшысы азаматтардан қабылданған шараларды түсіністікпен қарауды сұрады.
Денсаулық сақтау жүйесіндегі жүктеменің негізгі көрсеткіштерінің жақсаруына байланысты және карантиндік шараларды күшейту немесе жеңілдету критерийіне қол жеткізгенімізді ескере отырып, мемлекеттік комиссияның отырысында денсаулық сақтау министрі Алексей Цойдың карантиндік шараларды кезең-кезеңімен жеңілдету туралы ұсынысы қаралды.

Алексей Цой: 22-23 тамызда Қазақстан қатаң карантин режиміне қайта оралады

Kyzylorda-news.kz. Мемлекет бұрынғыша халықты тегін медициналық көмектің кепілдік берілген көлемі (ТМККК) аясында базалық медициналық қызметтермен қамтамасыз етеді.
Атап айтар болсақ,
– Жедел және шұғыл медициналық көмек (қажет болған жағдайда ауруханаға жатқызу);
– Емханаларда қызмет көрсету( әлеуметтік маңызы бар және созылмалы ауруға шалдыққан адамдарды терапевтің, оның ішінде бейінді мамандардың қабылдауы және кеңес беру, зертханалық қызметтер, диагностика, емдеу, вакцинация, скринингтер, 1 жасқа дейінгі балаларды патронаждау, жүктілікті жүргізу);
– Диагностика және емдеу: әлеуметтік мәні бар аурулар (туберкулез, АИТВ, психиканың бұзылуы, қатерлі ісіктер), негізгі созылмалы аурулар (диабет, артериалық гипертензия, вирустық гепатит, ревматоидты артрит және т. б.), айналадағыларға қауіпті жіті жұқпалы аурулар.
Сондай-ақ, белгілі бір ауру мен жағдайлар бойынша диспансерлік есепте тұрған азаматтар тегін дәрі-дәрмек ала алады.
Емхана ТМККК пакеті бойынша медициналық көмек көрсетуден бас тартса, qoldau24/7 мобильді қосымшасы арқылы Қорға хабарласуларыңызды сұраймыз.

Қандай медициналық көмек халыққа жаппай тегін көрсетіледі?

Kyzylorda-news.kz. 17 тамыздан бастап барлық өңірлерде жұмысын қайта бастайтын кәсіпкерлік субъектілері қызметі түрлерінің тізімі бекітілді.
Елімізде қызметін қайта жалғастыратын нысандардың тізімін назарға ұсынамыз.
<ul>
<li>ӘКК, сауда үйлері (бутиктер), бөлшек сауда желілері, жабық базарлар (бір келушіге 4 м² 30% -дан аспайтын толымдылықта);</li>
<li>сұлулық салондары, шаштараздар, SPA орталықтары, косметологиялық қызмет көрсететін объектілер (1 келушіге 4 м²);</li>
<li>бассейні жоқ фитнес-орталықтар (толымдылық 50%, бір адамға 5 м²),моншалар мен сауналар (толымдылық 50%, бір адамға 4 м²);</li>
<li>балаларға арналған түзету кабинеттері, балалар және ересектерге арналған білім беру орталықтары (топтар – тағайындалуы бойынша 5 адамнан аспайды);</li>
<li>мектепке дейінгі мекемелердің кезекші топтары (15 адамнан аспайды);</li>
<li>сыртқы аттракциондар (қашықтық, маска, ағымды реттеу).</li>
</ul>
Отырыста Қазақстандағы карантиндік шаралар кезінде эпидемиологиялық жағдайды тұрақтандыруға және медициналық ұйымдарға жүктемені едәуір төмендетуге болатындығы айтылды.
Осылайша, инфекцияның күнделікті өсуі 4% -дан 0,5% -ға дейін азайтылды. Сауығып кеткендердің саны 76% жетті. Орташа репродуктивтік коэффициент 0,78-ге дейін төмендеді, төсек-орынмен қамту 26%-ға жетті.
Мемлекеттік комиссия мүшелері бірқатар нысандардың жұмысына тыйым салуды жалғастыру туралы шешім қабылдады.

Қазақстан және Қызылорда облысының жаңалықтары: Денсаулық