<a href="https://kyzylorda-news.kz/">Kyzylorda-news.kz.</a> Аймақтағы медициналық ұйымдарға белгілі бір уақыт аралығында құпия пациенттер арқылы тексерілетіндігі ескертілген. Жоба қарсаңында медициналық ұйымдардың қызметкерлері оқытылды.
<blockquote>
 &nbsp;«Филиал қызметкерлері тұрақты түрде каскадты әдіспен медицина қызметкерлерін оқытуда. Осылайша, Әлеуметтік медициналық сақтандыру қоры міндетті әлеуметтік медициналық сақтандыру жүйесіндегі (бұдан әрі – МӘМС) мәртебесін анықтайтын, «сақтандырылған» мәртебесін берудің, медициналық қызметтерді қашықтан алуға және т.б. алгоритмдерін жасады. Сонымен бірге, медициналық ұйымдардың қызметкерлері «Saqtandyry» ақпараттық жүйесін, «Qoldau 24/7» мобильді қосымшасын, тегін медициналық көмектің кепілдік берілген көлемінің (бұдан әрі-ТМККК) және МӘМС медициналық қызметтер пакеттерінің түрлері де оқытылды. Айта кету керек, аймағымызда 21 алғашқы медициналық-санитарлық көмек ұйымдарының әрқайсысында арнайы МӘМС-ке байланысты туындаған сұрақтарға толық ақпарат беру үшін бекітілген 5 жауапты қызметкерлері (бұдан әрі – «бестіктер») оқытылды. Олар өз кезегінде өз ұжымдарында оқыту өткізеді. «Құпия пациент» жобасының нәтижелері бойынша «бестіктердің» жұмысы күшейтілді», – деп атап өтті Медициналық сақтандыру қорының Қызылорда облысы бойынша филиалының директоры Бақыт Исмаханбетов.
</blockquote>
Тексеру барысында ТМККК және МӘМС шеңберінде медициналық қызмет көрсету саласындағы білімі мен дағдылары бағаланды. Белгілі бір сценарийлерге сәйкес құпия пациенттер медициналық мекемелерге қоңырау шалу арқылы жүргізілді. Тексеру аяқталғаннан кейін арнайы бланкілерді толтырылды, онда барлық ескертулер мен бағалар енгізілді. «Құпия пациент» тексерістерінің нәтижелері медицина қызметкерлерін жазалау мен жұмыстан шығаруға негіз болмауы тиіс, – деп атап өтті филиал директоры.
2020 жылға Әлеуметтік медициналық сақтандыру қорының филиалымен 55 медициналық қызмет көрсетушілермен келісім – шарт жасалды, оның ішінде – 28 мемлекеттік медициналық ұйым, 27 жеке меншік.

«Құпия пациент»: Қызылордада медицина қызметкерлері біліктілігін арттыруда

<a href="https://kyzylorda-news.kz/">Kyzylorda-news.kz.</a>Коронавирустың екінші толқыны біршама жеңіл өтеді. Бұл туралы Ұлттық қоғамдық денсаулық сақтау орталығы директорының бірінші орынбасары, эпидемиолог Бауыржан Жүсіпов айтты, деп хабарлайды <a href="https://www.inform.kz/kz/koronavirustyn-ekinshi-tolkyny-birshama-zhenil-otedi-epidemiolog_a3687573">Қазақпарат</a>.
«Коронавирус індетінің негізгі толқынын өткіздік» деген пікірдегі адамдармен келісемін. Бізде негізгі толқын осы жылдың маусым-шілде айларында болды. Мұны бізге қолжетімді статистикаға, ауруханаға жатқызу деректеріне қарап айта аламыз. Дегенмен, тіркелген статистикалық мәліметтер шынайы жағдайды көрсете алмайды. Меніңше, мұндай жайт бүкіл әлемде бірдей. Көктемде науқастарды тіркеген кезде жеңіл және симптомсыз формасына, орташа ауыр және ауыр формасына қатысты мүлде басқа ара қатынасты байқаған едік. Бұған қоса, орташа және ауыр формамен ауырғандардың саны басым болды. Коронавирусқа шалдығудың шырқау шегінен өткенімізді білдіретін тағы бір жайт – өкпе қабынуының өте көп болуы. Оның үстіне қазір Денсаулық сақтау министрлігі бұл өкпе қабынуларын ковид деп санап, тіркеуге қосып отыр. Яғни, өкпе қабынуылары ПТР-диагностикалау көмегімен анықталған еді», – деді ол коронавирустың екінші толқының жүру мүмкіндігін талқылауға арналған онлайн жиында.
Оның атап өтуінше, коронавирус індетінің шырқау шегінен өтіп кетуіміз алдағы уақыттағы жағдайға оң әсерін тигізеді.
<blockquote>
 «Өйткені, енді иммунитеттің бар екендігін білеміз. Коронавирусты қайталап жұқтырып алу деректері бірен-саран ғана. Оның өзі де ағзаның ерекшелігіне, иммунитеттің қалыптасуына байланысты. Жалпы, иммунитет бар. Осыны ескерер болсақ, коронавирустың екінші толқыны біршама жайдақ өтеді. Яғни, маусым-шілдедегідей күрт өршімейді. Біз де, Денсаулық сақтау министрлігі де, жалпы қоғам да дайын болады. Желтоқсанға қарай ол күрделене түседі. Қыркүйек пен қазан айлары біршама тыныш өтеді», – деді Бауыржан Жүсіпов.
</blockquote>

Коронавирустың екінші толқыны біршама жеңіл өтеді &#8211; эпидемиолог

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 585 адам коронавирус індетінен жазылып шықты, деп хабарлайды coronavirus2020.kz.
_Аймақтар бойынша: 
_Нұр-Сұлтан қаласы – 80 
Алматы қаласы – 54 
Шымкент қаласы – 40 
Ақтөбе облысы – 10 
Атырау облысы – 25 
Шығыс Қазақстан облысы – 90 
Батыс Қазақстан облысы – 57 
Қарағанды облысы – 74 
Қостанай облысы – 21 
Қызылорда облысы – 37 
Павлодар облысы – 39 
Солтүстік Қазақстан облысы – 57 
Түркістан облысы – 1 
Қазақстан бойынша жазылғандар саны – 93990.

Қызылордада өткен тәулікте  37 адам COVID-19 індетінен жазылып шықты

<a href="https://kyzylorda-news.kz/">Kyzylorda-news.kz.</a> Дүниежүзілік денсаулық сақтау ұйымы коронавируспен ауырып шыққан адамдар вирусты қайта жұқтыруы мүмкін екенін жоққа шығармады. Бірақ, ДДҰ-ның ресми өкілі Маргарет Харристің айтуынша, қазіргі таңда инфекцияны қайта жұқтыру деректері бірлі-жарым ғана, деп хабарлайды <a href="https://m.sputniknews.kz/world/20200825/14794414/Koronavirus-DSU.html">Sputnik Қазақстан</a>.
<blockquote>
 “Коронавирусқа тапсырған тест алғашында теріс, кейін оң нәтиже көрсетті деген хабарламалар арасында болып тұратын. Бүгінге дейін адамдар вирусты шынымен қайта жұқтырды ма, жоқ әлде бұл тестілеумен байланысты проблема ма, ол жағы түсініксіз еді. Бірақ, мұндай жағдайлар өте аз кездескенін атап өткен жөн. Және бұл 23 миллионның арасынан біреу ғана. Осыған ұқсас жағдайлар қайталануы мүмкін, бірақ олар тұрақты түрде болмайды”, – деді Харрис Гонконгтегі қайта жұқтыру оқиғасына түсініктеме беріп.
</blockquote>
Айтуынша, бұл жағдай иммунитеттің қалай қалыптасып, қанша уақытқа созылатынын және оған вакцина қалай әсер ететінін түсіну үшін өте маңызды.ДДҰ COVID-19-ға қарсы вакциналар иммунитетті күшейтеді деген үмітте.
Вирус екінші рет жұғып жатыр
Әлем елдерінде коронавирусты қайта жұқтыру деректері тіркелуде.
24 тамызда Гонконгте 33 жастағы ер адамның індетке екінші рет шалдыққаны хабарланды. IT маманы коронавирустан сәуір айында емделіп шыққан. Алайда тамыздың басында оның коронавирусқа тапсырған тесті тағы оң нәтиже көрсетті. Ол жуырда Испаниядан оралған.
Сондай-ақ, бүгін, 25 тамызда Тува басшысы Шолбан Кара-оол вирусты қайта жұқтырғанын мәлімдеді. Оны тексерілу үшін Мәскеуге жіберген.
Белгия мен Нидерландыда да осындай екі жағдай анықталып отыр.

Коронавирусты қайта жұқтырып жатыр: ДДҰ түсініктеме берді

<a href="https://kyzylorda-news.kz/">Kyzylorda-news.kz.</a> Сырдария аудандық аурухананың провизорлық стационар бөлімшесіндегі соңғы 2 науқас емделіп шықты.
Тереңөзек кенті және ауданға қарасты Ақжарма ауылының тұрғыны сырқатынан толық айығып, отбасымен қауышты.
Ауданда жұқпалы індет тараған кезеңде инфекциялық стационарда 30, провизорлық стационарда 50 төсек орны жасақталды. Эпидемиологиялық ахуал күрделеніп, қажет болған жағдайда Шаған ауылдық ауруханасынан резервтік 30 провизорлық төсек орнын ашуға облыстық денсаулық сақтау басқармасына тиісті ұсыныс берілді. Қазіргі таңда барлық науқас емделіп шыққан соң провизорлық стационардың 30 төсек орны қысқартылып, резервте 20 төсек орны бар.
Сондай-ақ инфекциялық стационардағы 30 төсек орны сақталған. Індетпен күресте инфекциялық және провизорлық стационарға 63 медицина қызметкері тартылды. Олардың ішінде 10 дәрігер, 27 орта және 26 кіші буын қызметкерлері тынымсыз еңбек етіп, кеселмен күрес жүргізді. Осы уақытқа дейін стационарларда «Covid-19» инфекциясымен және пневмония сырқатымен 399 адам емделген.
<blockquote>
 “Індет жұқтырғандар көбейгенде провизорлық стационарға медицина қызметкерлері жұмылдырылды. Күндіз-түні науқастардың ем-домы үшін еңбек еттік. Нәтижесінде соңғы екі науқас емделіп шықты. Қазіргі таңда провизорлық стационарға толық дезинфекциялық жұмыстар жүргізілді”, – дейді провизор дәрігері Гүлзат Қапбарқызы.
</blockquote>
Провизорлық стационарда ем алып шыққан тұрғындар алдыңғы шепте жүрген дәрігерлерге өз ризашылықтарын білдіріп, алғыстарын жаудырды.
Қазіргі таңда ауданда эпидемиологиялық ахуал тұрақтанып, сала мамандарының қажырлы еңбегінің нәтижесінде індеттің қаупі сейілді. Десе де, бұл індет жойылды деген сөз емес. Сондықтан тұрғындар сақтық шараларына мән беріп, ортақ тәртіпке бағынғаны жөн.
<img src="https://kyzylorda-news.kz/wp-content/uploads/2020/08/fb_img_1598340338754.jpg" alt="" />

Сырдария ауданында соңғы 2 науқас емделіп шықты

<a href="https://kyzylorda-news.kz/">Kyzylorda-news.kz.</a> Халқымызда «Ауырып ем іздегенше, ауырмайтын жол ізде» деген нақыл сөз бар. Сондықтан қатерлі аурудың алдын алып, оның кең етек алып кетуіне жол бермеу үшін бәріміз жұмыла күресуіміз қажет. Қауіпті вирус қауіпсіздікті нығайтуды талап етеді.
Аталған вирусқа қарсы күрестің басты шарттарының бірі – тазалық сақтау. Тазалық болған жерде адамның денсаулығы да мықты болады. Сондықтан «Тазалық – саулық негізі, саулық – байлық негізі» деп бекер айтылмаған. Әрбір адам күнделікті әрекетінде осы жағына көбірек мән беруі керек. Ол яғни күнделікті қолды сабынмен жуып отыру. Жеке бас гигиенасынан бөлек, үйіңізді, бөлмеңізді жиі желдетіп, шаңын сүртіп отыру.
Адам сонымен қатар құнарлы тамақ ішіп, ұйқысын қандыруы керек. Иммунитетті төмендетпеу маңызды. Иммунитет көтеру үшін дұрыс тамақтануға мән беру керек. Күнделікті С, В тобындағы витаминдерді, А, Е, D дәрумендерін, көкөніс, жеміс-жидек, ет, сорпа, ақуызы мол тағамды көп жеген жөн.
Күйзеліске түсіп кетпей, іштей серпілуге тырысу керек. Салауатты өмір салтын қалыптастырып, дене жаттығуларын жасағанның да пайдасы бар. Тыныс алу гимнастикасын үздіксіз жасауға кеңес берер ем. Отырып-тұрып жаттығуын жасауда денсаулықты нығайтуға көмектеседі.
Баршаға айтарым, өзіңіздің, отбасыңыздың, барша адамзаттың амандығын ойласаңыз, сақтық шараларын бір сәтке де естен шығармай, аурудың алдын-алыңыз.
Күмісай БАЛЫМБЕТОВА, 
№3 қалалық емхананың 1-ші жалпы тәжірибелік бөлімінің меңгерушісі

Коронавирусқа қарсы күрестің басты шарттарының бірі – тазалық сақтау

<a href="https://kyzylorda-news.kz/">Kyzylorda-news.kz.</a> Жалағаш ауданына қарасты Мәдениет ауылдық округіндегі ауруханада соңғы науқас емделіп шығып, провизорлық стационар жабылды.
Мәдениет ауылдық ауруханасынан провизорлық және КВИ стационарлар ашылып, 20 төсек орынға арналған аурухананың төсек қоры 105-ке жеткізілді. Індет өршіген кезде ақ халатты абзал жандар күні-түні көз ілмей еңбек етіп, науқастардың өміріне араша болды.
<blockquote>
 “Соңғы уақыттың ішінде стационарға коронавирус, пневмония дертімен науқастар түскен жоқ. Бүгін мұндағы соңғы 2 науқасты шығарып, провизорлық стационарды жаптық. Енді бұл жерлерге дезинфекция жұмыстары жүргізіліп, аурухана халыққа қалыпты жағдайда қызмет көрсететін болады”, – дейді провизор бөлімінің дәрігер меңгерушісі Әзизбек Жәмкеев.
</blockquote>
Дәрігерлер провизорлық стационарда ем алып, үйіне асыққан соңғы 2 науқасты құрмет көрсетіп шығарып салды. Емделіп шыққан азаматтар алдыңғы шепте жүрген дәрігерлерге алғысын білдіріп, қолдау шараларын танытқан азаматтарға ризашылығын білдірді.
<img src="https://kyzylorda-news.kz/wp-content/uploads/2020/08/fb_img_1598323437844.jpg" alt="" />
<img src="https://kyzylorda-news.kz/wp-content/uploads/2020/08/fb_img_1598323440752.jpg" alt="" />

Жалағашта провизорлық стационар жабылып, соңғы науқас үйіне қайтарылды

<a href="https://kyzylorda-news.kz/">Kyzylorda-news.kz.</a> Қазақстанда коронавирус жұқтырған 2,5 мыңға жуық баланың 16-сында Кавасаки синдромы расталды. Бұл туралы денсаулық сақтау министрлігінің ресми өкілі Бағдат Қожахметов мәлімдеді, деп хабарлайды&nbsp;<a href="https://sputniknews.kz/">Sputnik Қазақстан</a>.
<blockquote>
 “Соңғы күндері қазақстандық аналардың коронавируспен ауырып шыққан балалардың Кавасаки синдромына шалдығу жағдайына алаңдап отырғаны байқалады. Байбалам салудың қажеті жоқ. Елімізде балалардың Кавасаки синдромымен жаппай ауыру фактісі жоқ. Бұл синдром коронавирус жұқтырған 2,5 мыңға жуық баланың тек 16-сында ғана анықталды”, – деді Қожахметов онлайн баспасөз мәслихатында.
</blockquote>
Айтуынша, олардың бәрі кәмелетке толмаған жасөспірімдер. Науқастардың жартысы Кавасаки синдромынан толық емделіп шықты.
“Педиатрия және балалар хирургиясы ғылыми орталығы” АҚ басқарма төрағасы Риза Боранбаеваның айтуынша, індет басталғалы Қазақстанда 2,5 мыңға тарта бала індетке шалдықты. Олардың 111-і – жаңа туған сәбилер.
Балалардың 80 процентінде коронавирус жеңіл және сипмтомсыз өткен. Тек, 20%-інің жағдайы орташа және ауыр болды. Негізінен, олар ауыр созылмалы ауруы бар балалар.
Балалар арасында коронавирустан қайтыс болғандар жоқ.

Қазақстанда 16 баладан Кавасаки синдромы анықталды

&nbsp;&nbsp;&nbsp;&nbsp; <a href="https://kyzylorda-news.kz/date/2020/08/24/">Kyzylorda-news.kz.</a>Әлеуметтік медициналық сақтандыру қорының Қызылорда облысы бойынша филиалында 2020 жылдың 1 қазанына дейін МӘМС жарна мен аударым &nbsp;төлеуден босатылған шағын және орта бизнес субъектілеріне &nbsp;қызметкерлер сақтандырылған мәртебесін сақтап қалу &nbsp;үшін әр айдың 25-не дейін жұмысшылар &nbsp;туралы мәліметті жаңарту &nbsp;қажеттігін еске салады.
<blockquote>
 &nbsp;&nbsp;&nbsp;&nbsp; «Жұмыс берушілердің өз қызметкерлері үшін жауапкершілікті сезінуі &nbsp;маңызды. Сондықтан &nbsp;кәсіпорындардағы&nbsp; қызметкерлер сақтандырылып, МӘМС жүйесінде барлық қажетті медициналық көмек алуы үшін тізімдерді үнемі жаңартып отыруды сұраймыз. Біз кәсіпкерлермен, оның ішінде «Атамекен» ҰКП, Мемлекеттік кіріс комитеті және олардың аймақтардағы ұйымдарында түсіндіру жұмыстарын жүргізудеміз», – &nbsp;деп атап өтті «ӘМСҚ» КЕАҚ Қызылорда облысы бойынша филиалының директоры Бақыт Исмаханбетов.
</blockquote>
2020 жылғы 20 тамыздағы жағдай бойынша Қызылорда облыс бойынша жарналар мен аударымдарды төлеуден босатылған кәсіпорындардағы жұмыскерлерінің тағы 71,3% – ы бойынша ақпарат өзектендірілмеген күйінде қалып отыр. Егер деректерді жұмыс беруші енгізбесе, қыркүйекте ШОБ қызметкерлерінің бір бөлігі жүйеде сақтандырылмаған болуы мүмкін деген қауіп бар.
Бақыт Исмаханбетов алгоритмге сәйкес жұмыс беруші әр айдың 25-не дейін <a href="https://msb.fms.kz/login">https://msb.fms.kz/login</a> сілтеме бойынша өту керек екенін еске салды, БСН бойынша тізімнен өз ұйымын тауып, заңды тұлғаның немесе ЖК ЭЦҚ көмегімен Қордың ақпараттық жүйесіне тіркеліп, пайдаланушы келісіміне қол қою ерек. Бұдан әрі МӘМС төлеуден босатылған қызметкерлердің ЖСН қосу (Excel-де бір файлмен немесе әр қызметкерге жолма-жол). Кейіннен деректерді қайта енгізудің қажеті жоқ, оларды жаңарту керек болады. Ақпарат ай сайын мемлекеттік кірістер комитетіне беріледі.
Егер&nbsp; кәсіпорын қызметкері өзінің сақтандырылмағанын байқаса, онда ол деректерді qoldau 24/7 мобильді қосымшасы арқылы дербес жібере алады. Электрондық мекен-жайын, тегін, ЖСН, телефон нөмірін көрсете отырып, ШОБ субъектісінің атауын, жұмыс берушінің БСН / ЖСН көрсете отырып, өтінішті ресімдеу және еңбек шартын немесе тағайындау туралы бұйрықты бекіту қажет. Сәйкестікті растау кезінде қызметкерге бір айға уақытша мәртебе беріледі. Алайда, қызметкер жұмыс берушіге ол туралы ақпаратты ақпараттық жүйеге енгізу қажеттілігі туралы еске салуы керек.
<img src="https://kyzylorda-news.kz/wp-content/uploads/2020/08/kak-zastrahovatsja-rabotnikam-msb_osms-kaz-1.jpeg" alt="" />
<img src="https://kyzylorda-news.kz/wp-content/uploads/2020/08/kak-zastrahovatsja-rabotnikam-msb_osms_nezastrahovan-kaz.jpeg" alt="" />

МӘМС жарнасынан босатылған ШОБ қызметкерлері қалай сақтануы керек?

<a href="https://kyzylorda-news.kz/date/2020/08/24/">Kyzylorda-news.kz.</a> Мейірбике ісі – ең жауапты әрі қиын сондай-ақ адалдықты қажет ететін маман иесі. Сырқаттанып, ем іздеген талайдың дертіне дауа, көңіліне демеу бола білген, күндіз-түні адам жанының арашашысы болып жүрген ізгілікті маман иелері. Осынау ізгі жандардың науқастарды емдеуде, оларды ауруынан айықтыру жолындағы еңбектері айтарлықтай.
Міне, осы жолда аянбай еңбек етіп келе жатқан жанның бірі №3 қалалық емхананың акушер мейірбикесі Қалампыр Аяғанова.
30 жылдан астам осы салада еңбек етіп келе жатқан тәжірибелі маман өз жұмысына аса жауапкершілікпен қарайтынын айтады. Ол үшін алдымен ана мен баланың өмірі маңызды. Мейірбике алдына келген емделушінің көңілін аулап, жылы сөзбен ем жасау әрбір ақ халатты абзал жанның міндеті болуы тиіс деп санайды. Міне, содан кейін, жасалған ем-домның да нәтижесі жақсы болатынын айтады. Дәрігер нұсқауы бойынша науқастарға ем жасайтын жан уақытпен санаспай, күн-түн демей осы жұмысты ұзақ жылдардан бері абыроймен атқарып келеді. Ол медицина саласын жан-жүрегімен таңдаған.
<blockquote>
 «Бұл салада өз мамандығын сүйетін адам ғана жұмыс жасау қажет. Себебі мамандыққа адалдық ол басты міндет. Жұмысты махаббатпен, тиянақты орындаған кезде одан нәтиже болады», – дейді Қалампыр Әлиқызы.
</blockquote>
Үнемі кіші буынға өз білгенін үйретіп, тәжірибесімен бөлісіп отырудан жалыққан емес. Ақ халатты абзал жанға ана мен бала денсаулығын нығайту және жақсарту жолында атқарып жатқан еңбегіңізге табыс тілейміз.

Қалампыр Аяғанова: Мейірбике ісі – ең жауапты жұмыс

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 175 адам коронавирус індетімен ауырғаны белгілі болды, деп хабарлайды coronavirus2020.kz.
Оның ішінде 68 адам клиникалық белгілері жоқ тасымалдаушы ретінде тіркелді.
Аймақтар бойынша (жалпы/симптомсыз):
Нұр-Сұлтан қаласы – 8 / 4
Алматы қаласы – 12 / 3
Шымкент қаласы – 1 / 0
Ақмола облысы – 14 / 8
Ақтөбе облысы – 5 / 2
Алматы облысы – 7 / 3
Атырау облысы – 15 / 13
Шығыс Қазақстан облысы – 28 / 3
Жамбыл облысы – 6 / 3
Батыс Қазақстан облысы – 13 / 7
Қарағанды облысы – 20 / 6
Қостанай облысы – 10 / 5
Қызылорда облысы – 1 / 1
Павлодар облысы – 13 / 3
Солтүстік Қазақстан облысы – 12 / 3
Түркістан облысы – 10 / 4
Жалпы ел бойынша ауырғандар саны 104718.

Қазақстанда өткен тәулікте 175 адамнан коронавирус анықталды

Kyzylorda-news.kz. Қазақстанда өткен тәулікте 1377 адам коронавирус індетінен емделіп шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 508
Алматы қаласы – 30
Шымкент қаласы – 4
Ақмола облысы – 19
Ақтөбе облысы – 8
Алматы облысы – 10
Атырау облысы – 25
Шығыс Қазақстан облысы – 81
Жамбыл облысы – 26
Батыс Қазақстан облысы – 66
Қарағанды облысы – 360
Қостанай облысы – 6
Қызылорда облысы – 9
Маңғыстау облысы – 8
Павлодар облысы – 19
Солтүстік Қазақстан облысы – 177
Түркістан облысы – 21
Қазақстан бойынша жазылғандар саны – 91089.

Қазақстан және Қызылорда облысының жаңалықтары: Денсаулық

«Құпия пациент»: Қызылордада медицина қызметкерлері біліктілігін арттыруда

Коронавирустың екінші толқыны біршама жеңіл өтеді – эпидемиолог

Қызылордада өткен тәулікте 37 адам COVID-19 індетінен жазылып шықты

Коронавирусты қайта жұқтырып жатыр: ДДҰ түсініктеме берді

Сырдария ауданында соңғы 2 науқас емделіп шықты

Коронавирусқа қарсы күрестің басты шарттарының бірі – тазалық сақтау

Жалағашта провизорлық стационар жабылып, соңғы науқас үйіне қайтарылды

Қазақстанда 16 баладан Кавасаки синдромы анықталды

МӘМС жарнасынан босатылған ШОБ қызметкерлері қалай сақтануы керек?

Қалампыр Аяғанова: Мейірбике ісі – ең жауапты жұмыс

Қазақстанда өткен тәулікте 175 адамнан коронавирус анықталды

Қызылордада коронавирустан 9 адам жазылып шықты

Қазақстан және Қызылорда облысының жаңалықтары: Денсаулық

«Құпия пациент»: Қызылордада медицина қызметкерлері біліктілігін арттыруда

Коронавирустың екінші толқыны біршама жеңіл өтеді &#8211; эпидемиолог

Қызылордада өткен тәулікте 37 адам COVID-19 індетінен жазылып шықты

Коронавирусты қайта жұқтырып жатыр: ДДҰ түсініктеме берді

Сырдария ауданында соңғы 2 науқас емделіп шықты

Коронавирусқа қарсы күрестің басты шарттарының бірі – тазалық сақтау

Жалағашта провизорлық стационар жабылып, соңғы науқас үйіне қайтарылды

Қазақстанда 16 баладан Кавасаки синдромы анықталды

МӘМС жарнасынан босатылған ШОБ қызметкерлері қалай сақтануы керек?

Қалампыр Аяғанова: Мейірбике ісі – ең жауапты жұмыс

Қазақстанда өткен тәулікте 175 адамнан коронавирус анықталды

Қызылордада коронавирустан 9 адам жазылып шықты

Коронавирустың екінші толқыны біршама жеңіл өтеді – эпидемиолог