<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 115 адамда коронавирус індеті ПТР арқылы расталып ауырғаны белгілі болды. Бұл туралы &nbsp;<a href="http://www.coronavirus2020.kz/">www.coronavirus2020.kz</a> хабарлайды.
Аймақтар бойынша:
Нұр-Сұлтан қаласы –&nbsp;13 
Алматы қаласы –&nbsp;12 
Шымкент қаласы –&nbsp;3 
Ақмола облысы –&nbsp;6 
Ақтөбе облысы –&nbsp;1 
Алматы облысы –&nbsp;4 
Атырау облысы –&nbsp;10 
Шығыс Қазақстан облысы –&nbsp;18 
Жамбыл облысы –&nbsp;2 
Батыс Қазақстан облысы –&nbsp;5 
Қарағанды облысы –&nbsp;16 
Қостанай облысы –&nbsp;5 
Қызылорда облысы –&nbsp;1 
Павлодар облысы –&nbsp;11 
Солтүстік Қазақстан облысы –&nbsp;8
Жалпы ел бойынша ауырғандар саны&nbsp;109623.

Қызылордада коронавирус тіркелді

<a href="https://kyzylorda-news.kz/date/2020/10/19/?doing_wp_cron=1603104039.1417319774627685546875">Kyzylorda-news.kz.</a> Microsoft негізін қалаушы Билл Гейтс&nbsp; күзде коронавирусқа қатысты жағдай бұрынғыдан да нашар болатынын айтып, ескерту жасады.
“Күздегі жағдай жаздан да сорақы болады”&nbsp;– деді ол. Гейтстің айтуынша, қазір вирусты жұқтыру&nbsp;деңгейі өсуде, ал суық ауа райының басталуымен адамдар жабық жерлерде көбірек уақыт өткізе бастайды, бұл инфекция&nbsp;санының өсуіне әкеледі.
Одан бөлек,&nbsp;Microsoft негізін қалаушысы вакцинаның дүниеге келуіне дейін адамдар тек бір жағдайда аман қала алады. Бұл олардың тікелей жүріс-тұрысына қатысты. “
Өкінішке қарай, бұл мәселеге қатысты жәйбасарлық пен негативті ой қалыптасып қалды. Қазіргі уақытта АҚШ-та бетперде тағу режимі қалыпты деңгейде сақталып жатқан жоқ”, – деді ол.
Осыған дейін, Билл Гейтс коронавирустан кейінқалыпты жағдайға келу үшін не қажет екенін айтқан болатын. Ең жақсы дегенде, бұл пандемия 2022 жылы аяқталатынын айтты.
&nbsp;COVID-19 вирусы&nbsp;алғаш рет 2019 жылдың желтоқсанында Қытайдың Ухань қаласында тіркелді. Содан бері бүкіл әлемде 38,5 миллионнан астам адам вирус жұқтырды, 1,09 миллионнан астам адам қайтыс болды. Қазіргі уақытта вирусты АҚШ-та 7,9 миллион адам жұқтырған.
<a href="https://stan.kz/">Stan.kz</a>

&#8220;Күздегі жағдай жаздан да сорақы болады&#8221;: Билл Гейтс коронавирустың одан сайын өршейтінін ескертті

<a href="https://kyzylorda-news.kz/">Kyzylorda-news.kz</a>. Қазақстан Республикасының Цифрлық даму, инновациялар және аэроғарыш өнеркәсібі министрлігі мен Қазақстан Республикасының Денсаулық сақтау министрлігі коронавирустық инфекцияның таралуын бақылау және жұқтыру ошақтарын уақтылы оқшаулау мақсатында «Saqbol» мобильді қосымшасын ұсынды.
Қосымша хабарлама функциясын іске қосу арқылы COVID-19 үшін оң нәтиже көрсеткен азаматқа соңғы 14 тәулік бойы екі метрден аз қашықтықта және 15 минуттан астам уақыт ішінде қосымшаның басқа пайдаланушыларымен байланысы туралы жасырын түрде ескертуге мүмкіндік береді.
Басқа құрылғылармен өзара іс-қимыл жазбаларын сақтау үлгісі шифрланған болады.
«Saqbol» қосымшасын қолдануға, біріншіден смартфонға жүктеп, одан кейін шифрланған деректер берілетін Bluetooth функциясын қосу керек. Қосымша IOS және Android-та қолжетімді.
Бағдат Мусиннің айтуынша, қосымша азаматтарды жұқтыру қаупі бар туралы уақтылы хабардар етуге және инфекцияның таралуын едәуір азайтуға мүмкіндік береді.
<blockquote>
 «Барлық қазақстандықтарды осы қосымшаны белсенді түрде пайдалануға, мұқият және жауапты болуға шақырамын. Осылайша, індет ошақтарын барынша оқшаулап, Covid-19-ның таралуына жол бермейміз. Біз халық алдындағы жауапкершілікті түсінеміз және барлық жеке деректер қосымшада барынша шифрланған етіп жасадық. Бұл қосымша пайдаланушылардың басым түрде жасырын болуын қамтамасыз етеді», – деп түсіндірді Қазақстан Республикасының Цифрлық даму, инновациялар және аэроғарыш өнеркәсібі министрі Бағдат Мусин.
 «Қосымшаның жұмысы сол бағдарлама орнатылған басқа құрылғылармен байланыста болған адамдарды жасырын түрде іздеуге бағытталған. Оны пайдалану үшін тіркеу қажет емес. Бағдарлама жеке деректерді немесе орналасқан жер туралы деректерді жинамайды және жібермейді. Хабарландыруды іске қосқан кезде, бағдарлама автоматты және жасырын түрде бұл туралы басқа пайдаланушыларға хабарлайды. Осылайша, осы қосымша азаматтардың сақтығын арттыруға және жұқтырған адамдармен байланысы туралы уақытылы хабардар етуге көмектеседі», – деп толықтырды Қазақстан Республикасының Денсаулық сақтау министрі Алексей Цой.
</blockquote>
Хабарламаны алған пайдаланушылар қосымшада Қазақстан Республикасы Денсаулық сақтау министрлігінің бұдан әрі іс-қимылдары туралы ұсынымдарымен таныса алады.
Бұдан басқа, пайдаланушыларға ыңғайлы болу мақсатында қосымшаға өзін-өзі анықтаудың COVID-19, i-Doctor, i-Teka ресми боттары, сондай-ақ Қазақстан бойынша COVID-19 өзекті статистикасы сияқты сервистер біріктірілген.
«Saqbol» қосымшасын әзірлеуші «Ұлттық ақпараттық технологиялар» АҚ болып табылады.

«Saqbol» қосымшасы COVID-19 жұқтырғандардың санын азайтады

<a href="https://kyzylorda-news.kz/date/2020/10/13/">Kyzylorda-news.kz.</a> Жапониядағы Киото медицина университетінің ғалымдары коронавирустың адам терісінде қанша уақыт тіршілік ете алатынын анықтады. Ғалымдар “теріде вирус 9 сағатқа жуық қауіпті болуы мүмкін” дейді. Зерттеу тұмау вирусының өмір сүру мерзімінен&nbsp;COVID-19&nbsp;мерзімі 5 есе көп екенін дәлелдеді.
Тәжірибе барысында адам терісіне 100 мыңнан астам коронавирус пен тұмау вирусы енгізілген. Содан кейін вирустардың теріден жоғалып кетуіне қанша уақыт кететіні есептелген. Тұмау вирусы 1-2 сағаттан кейін жойылып кеткен. Ал, коронавирус адам терісінде кей жағдайларда 11 сағатқа дейін, ал орта есеппен 9 сағатқа дейін сақталған.
Зерттеулер көрсеткендей, 80 пайыз этанол спиртін қолдану терідегі вирустарды 15 секунд ішінде жояды. Егер қолды сабынмен 15 секунд жуып, содан кейін 10 секунд ішінде ағын сумен шайып тастаса, вирустың бастапқы мөлшерінің тек бір бөлігі ғана сақталады яғни қолды ағынды сумен жуудың өзінде вирустардың жүзден бір бөлігі бәрібір қалады.
Айта кетейік, аустралиялық ғалымдар коронавирус банкноттар мен смартфондардың экранында 4 аптаға дейін сақталатынын зерттеу арқылы анықтады. Бұл тұмау вирусы сақталатын уақыттан шамамен 2 есе көп.
<a href="https://massaget.kz/layfstayl/Zdorove/63420/">Massaget.kz</a>

Коронавирус адам терісінде қанша уақыт сақталады?

<a href="https://kyzylorda-news.kz/">Kyzylorda-news.kz.</a> Саусақ іздері қандай болатынын бәріміз білеміз, ал көздікі ше?
Reddit қолданушысы milesperhour25 көз торының ізі қандай екенін көріп, оны барлығына көрсетуге шешім қабылдады. Жігіт көзін кездейсоқ көзілдіріктің әйнегіне тигізіп алып, онда айға ұқсайтын біртүрлі із қалғанын байқады.
Комментарийлерде адамдар бұл фотоға қатты таңғалып, біразы көз торының мұндай із қалдыруы мүмкін екенін түсінбеді. Фото авторының түсіндіруінше, із жастан және тері майынан тұрады.
Ал кейбіреулер жігіттің денсаулығы туралы алаңдады.
Пікір білдірушілердің бірі: «Көзілдірігімді көзге тигізу туралы ойдың өзі мені тітіркендіреді!», – деп жазады.
Әрине, біздің көзіміз өте нәзік. Сондықтан онымен абай болған жөн.
<a href="https://24.kz/kz/zha-aly-tar/bylu-manyzdy/item/429188-k-zdi-izi-andaj-bolady">24 kz</a>

Көздің ізі қандай болады?

<a href="https://kyzylorda-news.kz/">Kyzylorda-news.kz.</a> Әлеуметтік желілерде&nbsp;жауын-шашынды күні медициналық қорғаныс маскасын тағу қауіпті деген хабарлама пайда болды. Хабарлама авторлары Букингем университетінің профессоры және онкология маманы Кэрол Сикораға сілтеме жасайды, ол дымқыл ауа-райында маска қолдану ережелерін түсіндірді, деп хабарлайды&nbsp;<a href="https://kaz.zakon.kz/">zakon.kz.</a>
Кэрол Сикора бұл тақырыпта шынымен мәселе көтерген. Бірақ ол масканың ықтимал қаупі туралы айтқан жоқ, тек оны қалай дұрыс қолдану керектігін түсіндірген. Ылғал маска тиімділігін жоғалтады, өйткені су қалыпты ауа ағынына кедергі келтіреді.
<blockquote>
 “Масканы үнемі ауыстырып отыру өте маңызды, әсіресе олар суланған кезде. Бұл қымбат маскаларға да қатысты”, – деді Кэрол Сикора.
</blockquote>
Лас қолыңызбен масканы үстасаңыз, мысалы тамақтанар алдында шешсеңіз, оны қайта киюдің қажеті жоқ.
Егер сіз күннің көп бөлігін сыртта өткізсеңіз және медициналық маска киіп жүрсеңіз, онда оны 2-3 сағат сайын ауыстыру керек.
Жаңбырлы ауа-райында маскалар қауіпті емес, бірақ олардың тиімділігі төмендейді.

Жаңбырлы күні маска тағу қауіпті ме?

<a href="https://kyzylorda-news.kz/date/2020/10/13/">Kyzylorda-news.kz.</a> Дәрігерлер қандай ерекшеліктер суық тию, коронавирус және тұмауды ажыратуға мүмкіндік беретіндігін түсіндірді.
Бұл инфекциялар жөтел, тамақ ауруы, дене қызуы сияқты белгілермен көрінуі мүмкін.&nbsp;
Суық тию. Мамандардың айтуы бойынша, суық тию оңай өтеді, аурудың қарқындылығы да екі-үш күннен кейін айтарлықтай төмендейді. Суық тиген кезде мұрын бітелуі мүмкін. Әдетте бұл пневмония сияқты аурулар туындатпайды.
Тұмау және коронавирус. Екі инфекция да ауыр сырқаттарға және асқынуларға әкелуі мүмкін. Сонымен қатар олар жалпы белгілерге ие: құрғақ жөтел, дене қызуы, қалтырау, тамақ ауруы, бұлшықет ауруы немесе дененің ауруы, бас ауруы және әлсіздік.
Тұмау мен коронавирустың айырмашылығы. Коронавиурстың негізгі белгілерінің бірі – иіс сезудің жоғалуы. ЖРВИ кезінде де иіс сезу жоғалуы мүмкін, бірақ әдетте мұрын бітеледі. Коронавирус жұқтырған кезде бірден иіс пен дәм сезу жоғалады. Сонымен қатар тұмау бірден ауыр жағдайда басталуы мүмкін. Ал коронавирус кезінде симптомдар жеңіл басталып, біртіндеп ауырлайды және ұзақ уақытқа созылады.
<a href="https://24.kz/kz/zha-aly-tar/bylu-manyzdy/item/429200-suy-tiyu-t-mau-zh-ne-koronavirus-ajyrmashyly-tary-andaj">Хабар 24</a>

Суық тию, тұмау және коронавирус: айырмашылықтары қандай?

Денеге деген саналы қамқорлық
2007 жылы АҚШ-тың ұлттық ұйқы қоры көпжылдық зерттеулерінің нәтижесін шығарды. Нәтижесі: нәзік жандылардың ұйқысының қанбауы қоршаған орта мен оның өміріне тікелей әсер етеді. Егер әйел адам жеткілікті мөлшерде ұйықтамаса, ол жұмысқа үнемі кешігіп барады, өзін әлсіз сезініп, үнемі ашушаң болып жүреді, тіпті құрбы-достарымен де араласқысы келмейді.
Біз неге нашар ұйықтаймыз?
Ұйқысыздық жер бетіндегі тұрғындардың 20%-іне жуығын алаңдатады. Ал жасы үлкен адамдардың арасында бұл көрсеткіш 50-60%-ті құрайды. Ұйқысыздыққа дұрыс режимді ұстанбау, шаршаудың жиналуы әсер етеді. Ал егер ұйқысыздық 4 аптадан әрі мазаласа, міндетті түрде дәрігер көмегіне жүгіну қажет.
Ұйықтауға не көмектеседі?
<ol>
<li>Спортпен күннің бірінші жартысында айналысыңыз.</li>
<li>Кешкі асты ұйықтаудан 3-4 сағат бұрын қабылдаңыз.</li>
<li>Қараңғыда ұйықтаңыз.</li>
<li>Егер түнде оянып кетсеңіз, өте ашық жарықты қоспаңыз.</li>
<li>Жатар алдында планшет, телефон секілді гаджеттерді қолданбаңыз.</li>
<li>Ұйықтайтын бөлменің температурасын ретке келтіріңіз.</li>
<li>Бөлме салқын болуы қажет: шамамен 16-18 градус. Бөлме ылғалдылығы 60-80% болу қажет.</li>
<li>Бір уақытта ұйықтап, бір уақытта оянуға тырысыңыз. Тіпті демалыс күндері де.</li>
<li>Тыныштандыратын шөп тұнбаларын ішіңіз.&nbsp;</li>
</ol>
Ұйқыға бөгет болатын факторлар
<ol>
<li>Жарық. Жарық ұйқы гормоны мелатониннің бөлінуіне кедергі келтіреді.</li>
<li>Телефон мен планшет. Экраннан бөлінетін көк және жасыл спектрлер ұйқыны бұзады.</li>
<li>Көп ойлану. Жатар алдында көп ойға берілгеннен гөрі таңертеңгі уақытта ерте тұрып, күнделік толтырып, соған алғыстарыңызды жаза аласыз. Бұл сізге психологиялық тығырықтан шығуға көмектеседі.</li>
<li>Стресс. Бұған ең жақсы көмектесетін нәрсе – медитация.</li>
<li>Стимуляторлар (тәттілер, кофе, алкоголь).</li>
<li>Алкоголь немесе шарап. Кейбірі алкоголь немесе шарап ішкенде тез ұйықтап қалатынын айтып, бұл қағиданы теріске шығаруы мүмкін. Алайда одан соң ұйқы сапасының бұзылатынын ескерген жөн.</li>
<li>Тәттілер (тіпті пайдалы тәттілер де). Қантты алмастыратын, табиғи тәттілер (бал, кептірілген жемістер), қай-қайсысы болмасын, инсулин гормонын жоғарылатады. Ал инсулин кортизолдың көрсеткішін өсіреді. Сөйтіп белде артық май қоры жинала береді. Сондықтан ұйқы гигиенасын сақтап, дер кезінде денеңізге қамқор болуға шақырамыз!</li>
</ol>
<a href="https://24.kz/kz/zha-aly-tar/bylu-manyzdy/item/429496-biz-nege-nashar-jy-tajmyz">24 kz</a>

Біз неге нашар ұйықтаймыз?

<a href="https://kyzylorda-news.kz/">Kyzylorda-news.kz.</a> Әлеуметтік желілерде вакциналардың құрамы туралы ақпарат тарауда.
Автор екпенің жануар жасушалары, улы химикаттар және вирустар секілді компоненттерінің тізімін жариялаған. Бұл нақты қандай екпенің құрамы екендігі айтылмаған, қандай да болмасын дереккөздерге де сілтемелер жасалмаған. Шындығында, вакциналардың құрамы қандай, қолданар алдында препараттар қалай тексеріледі? Бұл туралы Дәрілік заттар мен медициналық бұйымдарды сараптау ұлттық орталығының сарапшысы, ҚР ДСМ халықты иммундау жөніндегі ұлттық консультативтік комиссиясының мүшесі, медицина ғылымдарының докторы, профессор Жаннат Сатыбалдиева айтып берді.
Интернеттегі жарияланымның авторы өз оқырмандарына вакциналарда жануарлардың органдары жасушаларының қалдықтары (мысалы, аламан мен маймылдың бүйректері) бар екенін айтады.
<blockquote>
 «Жоқ, бұл аталған компоненттер вакциналардың құрамында жоқ деп нақты айтуға болады. Кейбір вакциналарда вирустардың биомассасын алу үшін жануар жасушаларының өсіндісі пайдаланылады. Бірақ кейіннен бастапқы материал хроматографиялық әдістерді қолдана отырып, барлық қоспалардан тазартудың өте күрделі процедурасынан өтеді. Қазіргі заманғы технологиялар кез келген бөгде материалдарды толықтай жоюға мүмкіндік береді. Өндіруші де, реттеуші сарапшы орган да мемлекеттік тіркеу барысында вакциналарда қоспалардың болмауы мен тазалығын бірнеше рет тексереді. Бұл нақты дәлелденген, – дейді сарапшы Жаннат Сатыбалдиева.
</blockquote>
Сондай-ақ, сарапшылар қызамық, желшешек және А гепатитіне қарсы вакциналарды өсіру кезінде адамның түсік тастаған ұрық жасушалары пайдаланылады деген пікірді де түсіндіріп өтті. Ұрық жасушаларының кейбір вирустық вакциналарды шығаруда қолданылғаны рас. Бұл жасушалар өткен ғасырдың 60-жылдарының басында Швеция мен Англияда екі түсік жасату кезінде алынған. Түтіктерде бірнеше рет бөлінетін дәл осындай жасушалар зертханаларда вирус өсіндісін сақтау үшін де қолданылды.
Басқаша айтқанда, олар (жасушалар) зертханаларда бұрыннан өсіріліп келеді. Қазіргі уақытта басқа жасуша көздері қажет емес.
<blockquote>
 «Вирустар тауық жұмыртқасының аллантоидты сұйықтығында да өсіріледі. Содан кейін хроматографиялық тазарту әдістерінің күрделі кезеңдерінен өткізіліп, өсінділердің нәрлі ортасында тазартылады. Дайын вакциналарда ешқандай қоспалар болмайды. Алайда, вакциналардың компоненттеріне аллергияны болдырмау үшін дәрігерлер ағзада аз мөлшерде болуының алдын алу үшін ата-аналардан сұрауы керек, – дейді профессор Жаннат Сатыбалдиева.
</blockquote>
Вакциналардың болжамды компоненттерінің тізімінде ит, маймыл, қой, шошқа және сиырдың қан сарысуы да көрсетілген.
<blockquote>
 «Вакцина құрамында сарысулар жоқ, әсіресе шошқаның немесе тышқанның. Сарысу – бұл қанның жасушасыз, фибринсіз бөлігі. Ол вакциналар құрамына алынбайды», – деп түсіндірді сарапшы.
</blockquote>
Бұдан әрі жарияланым авторы айтып өткен вакциналардың басқа да компоненттеріне тоқталамыз. Олардың кейбіреулері вакциналардың құрамында бар.
Амфотерицин Б, неомицин антибиотиктері
Ненің құрамында болады: қызылша, паротит, қызамық, полиомиелит, сары қызба, күйдіргі, туляремия, желшешек, бруцеллез, оба, Ку-қызба және басқа да ауруларға қарсы тірі вакциналарда болады.
Мақсаты: вакцинаның бактериялық ластануын болдырмау, бактерияларға қарсы тиімді.
Неге қауіпсіз: әдетте вакциналарда антибиотиктердің ғана іздері болады. Мысалы, ҚПҚ вакцинасының және БПВ құрамында әр дозасына 25 микрограмм неомициннен болады (0,000025 г кем).
Формальдегид
Автордың сөзінше, бұл «мәйіттерді бальзамдауға ғана жарамды нейротоксикалық және канцерогенді у».
Шын мәнінде: Дәрілік заттар мен медициналық бұйымдарды сараптау ұлттық орталығының деректері бойынша, қазіргі кезде формальдегид заманауи вакциналарды шығаруда қолданылмайды.
Бұрын формальдегид АКДС, АДС, АДС-М және тырысқақ вакциналарын өндіруде консервант ретінде пайдаланылған. Айта кетерлік жайт, оны сау адамның қанынан 2-3 мкг/мл концентрацияда, зәрде – 12-13 мкг/мл анықтауға болады.
Фенол (карбол қышқылы)
«…ауруханаларда дәретханалар мен есік тұтқаларын өңдейді», – дейді автор.
Сонымен қатар, бұл зат бұған дейін вакциналар шығаруда консервант ретінде қолданылған. Қазіргі уақытта технологиялар өзгерді.
Шын мәнінде:
<blockquote>
 «ҚР Мемлекеттік Фармакопеясына сәйкес бір дозалы вакциналарда (ҚР көп жағдайда бір дозалы вакциналар қолданылады) ешқандай консерванттар қолданылмайды», – деп толықтырды Жаннат Сатыбалдиева.
</blockquote>
Мертиолят немесе Тиомерсал
Ненің құрамында болады: дифтерия-сіреспе, гепатит, тұмау, менингококк вакциналарында.
Мақсаты: препарат жарамды болған мерзім ешінде бактериялық және саңырауқұлақ инфекцияларының алдын алуға арналған. Осы мақсатта 70 жылдан астам уақыттан бері сәтті қолданылып келеді.
Неге қауіпсіз: Мертиолат вакциналарда аз мөлшерде болады (0,3 – 0,5 мкг). Бұл элемент неврологиялық аурулары жоқ сау адамдардың тіндерінде 2-0 нг/мл (ми) және 50 нг/мл (қалқанша без) мөлшерінде болады, сондықтан ол зиян келтіре алмайды.
<blockquote>
 «Бұл көп дозалы құтыларда жеткізілетін вакциналарға арналған қауіпсіз және кеңінен қолданылатын консервант. Вакциналарда қолданылатын тиомерсалдың аз мөлшері денсаулыққа қауіп төндіретініне ешқандай дәлел жоқ», – делінген&nbsp;<a href="https://www.who.int/immunization/newsroom/thiomersal_questions_and_answers/ru/">ДДСҰ сайтында</a>.
</blockquote>
Сондай-ақ, ДДСҰ мәліметінше, белсенді емес вакциналардың бір дозалы құтыларында тиомерсал жоқ, өйткені мұндай құтылар қайта пайдалануға арналмаған.
Алюминий гидроксиді
Ненің құрамында болады: иммундық реакцияны күшейту мақсатында көкжөтел-дифтериялық сіреспе, тұмау, гепатит, гемофиль, пневмококк және басқа да кейбір вакциналарда болады.
Неге&nbsp;қауіпсіз: бұл қоспа суда ерімейді, қан тамырларына енбейді және бүкіл денеге таралмайды. Денсаулыққа өте қауіпті алюминийдің еритін қоспалары вакциналардың құрамына енгізілмейді.
Вильнюс университетінің профессоры Аурелия Жвирблененің айтуынша, бұл компонент ағзамызға тағаммен бірге көп мөлшерде енеді және шығарылады.
А. Жвирблененің айтуынша, вакцинаның бір дозасында 0,5 миллиграмм алюминий бар. Салыстырып көрейік, біз бір килограмм нан немесе басқа нан нан түрін жегенде ағзаға 12 миллиграмм металл енеді, ол соя өнімдерінде көп болады, сондай-ақ біз шаруашылықта жиі пайдаланатын фольга және антиперспиранттарда болады.
Жанама әсерлер туралы
Пост авторы вакциналардың құрамын сипаттаумен қатар, вакцинациялаудың жанама әсерлері туралы да айтады. ДЗСҰО сарапшылары вакцинаны егу ережелері немесе вакцинациялауға рұқсат беру ережелері бұзылған жағдайда екпенің салдары болуы мүмкін екенін түсіндіреді.
<blockquote>
 «Вакцинациялауға жіберу үшін білікті педиатр және терапевт болу керек. Сонымен қатар, вакцинаның жанама әсерлерінің алдын алу үшін екпе жасатқан ересек адам немесе екпе жасалатын баланың анасы екпенің қарсы көрсетілімдермен танысуы керек. Ол үшін егу кабинетінде екпенің туа біткен иммунитетке байланысты ықтимал салдары мен нақты оң жанама әсерлері туралы тиісті нұсқаулар болуы керек», – деп атап өтті Жаннат Сатыбалдиева.
</blockquote>
Сондай-ақ, ДЗСҰО мамандары вакцинаны барлық жерде қолданбас бұрын оның бірнеше кезеңдік сараптамадан өтетінін айтты.
Алматыда Орталық Азиядағы алғашқы және халықаралық стандарттар бойынша жабдықталған биологиялық сынақтар зертханасы жұмыс істейді. Онда вакцинаны тексеру кезінде клиникаға дейінгі және клиникалық зерттеулердің деректері, эпидемиологиялық тиімділігі мен иммуногендік қасиеттері зерттеледі, сонымен қатар зертханалық зерттеулер жүргізіледі.
<blockquote>
 «Сонымен қатар, вакциналардың әрбір сериясы мен партиясы Қауіпсіздік пен сапаны бағалаудан (ҚСБ) өтеді. Барлық осы шаралар нарыққа тек тиімді және қауіпсіз вакциналардың жіберілуіне мүмкіндік береді. ҚСБ процедурасынан өту кезінде вакцинаны әзірлеуші өндіруші зауыттың сапа сертификатымен бірге сол елдің уәкілетті органы аккредиттеген өндіруші елдің зертханасы берген серияның сапа сертификатының көшірмесін ұсынады. Басқаша айтқанда, өндіруші зауыт сапалы және дәлелденген вакциналарды жеткізуді қамтамасыз етеді. ҚР профилактикалық екпелердің ұлттық күнтізбесінде қолданылатын барлық вакциналардың ДДСҰ-ның алдын ала біліктілігінен өткенін және халықаралық стандарттарға сәйкес келетінін атап өткен жөн», – деп түсіндірді Жаннат Сатыбалдиева.
</blockquote>
Айта кетейік, 2019 жылы вакцинациялаудан бас тарту Дүниежүзілік денсаулық сақтау ұйымы жариялаған адамзатқа төнетін он жаһандық қатердің жыл сайынғы тізіміне енді.
<blockquote>
 «Бұл ауыр аурулардың індетімен күресте жылдар бойы қолжеткізілген жетістіктерге қауіп төндіреді», – деп ескертеді ДДСҰ.
</blockquote>
<a href="https://stopfake.kz/kk/archives/1932">Stopfake.kz</a>

Екпелер құрамы: Шындық пен миф

<a href="https://kyzylorda-news.kz/">Kyzylorda-news.kz.</a> ҚР Денсаулық сақтау министрлігінің республикалық Денсаулық сақтауды дамыту орталығының бас директоры Қанат Төсекбаев медицина саласы бойынша елімізде тапшы мамандар санын айтып берді.&nbsp;
Осы жылдың 15 шілдедегі жағдай бойынша дәрігер кадрларының тапшылығы 5 201-ді құрады. Қостанай облысында 624 қызметкер қажет. Ең жоғары тапшылық осы өңірде.
<blockquote>
 “Жас мамандарды бөлгеннен кейін кадрлар тапшылығының жақсаруы байқалады.10 қыркүйектегі жағдай бойынша республика бойынша кадрларға қажеттілік 1 079 бірлікке азайды. Осы ретте Қостанай облысында кадрларға қажеттілік 52%-ға азайды”, – деді Қанат Төсекбаев.
</blockquote>
Осылайша, қазіргі уақытта медициналық кадрлардағы тапшылық 4 122-ге түсті.
Ең үлкен тапшылық келесі мамандықтар бойынша байқалады:
– анестезиолог-реаниматологтар (393);
– терапевтер (346,75);
– ЖПД (319,5);
– дәрігер-зертханашылар (226);
– психиатрлар (213 дана);
– акушер-гинекологтар (203,5);
– педиатрлар (202,75);
– инфекционистер (121,5);
– эпидемиологтар (102,5);
– неонатологтар (85,25).
Сонымен қатар Республика бойынша орта медицина қызметкерлеріне тапшылық 8 583 бірлікті құрайды.&nbsp;
<a href="https://baq.kz/news/othernews/elimiz-medicina-salasynda-kanday-mamandarga-tapshy/">Baq.kz</a>

Қазақстан медицина саласында қандай мамандар тапшы?

<a href="https://kyzylorda-news.kz/">Kyzylorda-news.kz</a>. Коронавирус шизофренияға әкелуі мүмкін. Бразилия ғалымдары осындай болжам жасады, деп хабарлайды <a href="https://24.kz/kz/zha-aly-tar/bilim-zh-ne-ylym/item/429873-koronavirus-adamdy-shizofreniya">“Хабар 24”</a>.
Бұдан бөлек COVID-19 вирусы Альцгеймер мен Паркинсон ауруларының пайда болуына да әкеп соқтыруы мүмкін екен. Өйткені коронавирус ауруы асқынған кезде адам қанында оттегі азаяды. Сәйкесінше бұл миға кері әсер етеді екен. Вирус жүйке жасушаларын жойып, салдарынан адамның ми қыртысы өзгеріске ұшырап, оның кей бөліктері семуі мүмкін.

Коронавирус адамды шизофренияға ұшыратуы мүмкін

<a href="https://kyzylorda-news.kz/date/2020/10/15/">Kyzylorda-news.kz.</a> Дүниежүзілік денсаулық сақтау ұйымы таяу жылдары туберкулезден болатын өлім-жітімнің күрт өсуі мүмкін екендігін ескертті, деп хабарлайды <a href="https://lenta.inform.kz/kz/ddu-koronavirus-tuberkulezden-bolatyn-olimnin-osuine-akelui-yktimal_a3706804">ҚазАқпарат.</a>
Бұған коронавирус пандемиясынан туындаған дағдарыстар мен қаражаттың жетіспеушілігі себеп болуы мүмкін.
ДДҰ 2020 жылдың бірінші жартысында туберкулездің жаңа жағдайлары туралы есеп беру мен бақылаудың едәуір төмендегенін айтты, өйткені елдер COVID-19 таралуын болдырмауға шектеулер енгізген болатын.
Есепте әлемдегі туберкулез ауруы ең жоғары елдердің қатарына кіретін Үндістан, Индонезия және Филиппин елдері 2020 жылдың алты айындағы жағдай туралы хабарламалар өткен жылдың сәйкес кезеңімен салыстырғанда 25-30% төмендегені туралы айтқан.
ДДҰ моделіне сәйкес, ауру жағдайлары туралы хабарламалар санының мұндай азаюы туберкулезден қосымша өлімнің күрт өсуіне әкелуі мүмкін. 2018-2019 жылдар аралығында шамамен 14 миллион адам туберкулезден емделген, бірақ бұл 2022 жылға дейін емделуге үміттенген 40 миллионның үштен бірі ғана.
ДДҰ мәліметтері бойынша, науқастардың шамамен 85%-ын алты ай бойы дәрі-дәрмекпен сәтті емдеуге болады. Емдеу сонымен қатар инфекцияның одан әрі таралуын азайтады. 2000 жылдан бастап туберкулезді емдеу 60 миллионнан астам адамның өлімін сақтап қалды.
Естеріңізге сала кетейік, туберкулез әлемдегі ең қауіпті жұқпалы ауру болып саналады. Бұл көбінесе өкпеге әсер ететін және оңай таралуы мүмкін бактериялардан болады.

Қазақстан және Қызылорда облысының жаңалықтары: Денсаулық

Қызылордада коронавирус тіркелді

“Күздегі жағдай жаздан да сорақы болады”: Билл Гейтс коронавирустың одан сайын өршейтінін ескертті

«Saqbol» қосымшасы COVID-19 жұқтырғандардың санын азайтады

Коронавирус адам терісінде қанша уақыт сақталады?

Көздің ізі қандай болады?

Жаңбырлы күні маска тағу қауіпті ме?

Суық тию, тұмау және коронавирус: айырмашылықтары қандай?

Біз неге нашар ұйықтаймыз?

Екпелер құрамы: Шындық пен миф

Қазақстан медицина саласында қандай мамандар тапшы?

Коронавирус адамды шизофренияға ұшыратуы мүмкін

ДДҰ: Коронавирус туберкулезден болатын өлімнің өсуіне әкелуі ықтимал

Қазақстан және Қызылорда облысының жаңалықтары: Денсаулық

Қызылордада коронавирус тіркелді

&#8220;Күздегі жағдай жаздан да сорақы болады&#8221;: Билл Гейтс коронавирустың одан сайын өршейтінін ескертті

«Saqbol» қосымшасы COVID-19 жұқтырғандардың санын азайтады

Коронавирус адам терісінде қанша уақыт сақталады?

Көздің ізі қандай болады?

Жаңбырлы күні маска тағу қауіпті ме?

Суық тию, тұмау және коронавирус: айырмашылықтары қандай?

Біз неге нашар ұйықтаймыз?

Екпелер құрамы: Шындық пен миф

Қазақстан медицина саласында қандай мамандар тапшы?

Коронавирус адамды шизофренияға ұшыратуы мүмкін

ДДҰ: Коронавирус туберкулезден болатын өлімнің өсуіне әкелуі ықтимал

“Күздегі жағдай жаздан да сорақы болады”: Билл Гейтс коронавирустың одан сайын өршейтінін ескертті