<a href="https://kyzylorda-news.kz/date/2020/10/27/">Kyzylorda-news.kz.</a> 2020 жылдың тоғыз айында Қызылорда облысында 252 777 профилактикалық тексеру жүргізілді. Әлеуметтік медициналық сақтандыру қорының филиалы осы мақсатқа 106,3 млн. теңге жұмсады.
Естеріңізге сала кетейік, Сovid-19 таралуына байланысты шектеу іс-шаралары кезеңінде емханалар профилактикалық тексерулер жүргізуді уақытша тоқтатты.
<blockquote>
 «Профилактикалық тексерулер ауруды ерте кезеңде анықтауға және қажет болған жағдайда уақтылы емдеуді бастауға мүмкіндік береді. Қазір профилактикалық тексерулер қайтадан қолжетімді және Біз қазақстандықтарды өз денсаулығына қамқорлық жасауға шақырамыз: тұрғылықты жері бойынша емханаға барып, қажетті тексерулерден өтуге шақырамыз», – деп атап өтті Әлеуметтік медициналық сақтандыру қоры Қызылорда облысы бойынша филиалының директоры Бақыт Исмаханбетов.
</blockquote>
Филиал директоры түсіндіргендей, ҚР Денсаулық сақтау министрлігінің «Профилактикалық медициналық қарап-тексерулерге жататын адамдардың нысаналы топтарын, сондай-ақ осы қарап-тексерулерді өткізудің қағидалары мен кезеңділігін белгілеу туралы» № 685 бұйрығына сәйкес скринингке 0-ден 18 жасқа дейінгі балалар және 30-дан 70 жасқа дейінгі ересектер жатады.
Балалар жыл сайын кәмелетке толғанға дейін профилактикалық тексеруден өтеді. Мектепке дейінгі мекемелердің тәрбиеленушілерін, мектеп оқушыларын, орта арнаулы оқу орындарының оқушыларын және 18 жасқа дейінгі студенттерді білім беру ұйымдарындағы көшпелі бригада тексереді. Мектепке дейінгі мекемелерге бармайтын балаларды тексеру емханада немесе отбасылық денсаулық орталықтарында жүргізіледі.
30 жастан 70 жасқа дейінгі әйелдер үшін төрт жылда бір рет жатыр мойны обырының скринингі көзделген, оған қарап-тексеру мен цитологиялық зерттеу кіреді. 40 жастан кейін екі жылда бір рет әйелдер сүт безі қатерлі ісігін ерте анықтау үшін алдын – ала тексеруге және маммография жүргізіледі.
30-дан 70 жасқа дейінгі ерлер мен әйелдер екі жылда бір рет әртүрлі аурулардың дамуының мінез-құлық қауіп факторларын ерте анықтау үшін тексерілуге жатады. Егер дәрігер пациенттің артық салмағы бар, физикалық белсенділігі төмен, темекі шегетін немесе қауіпті дозаларда алкоголь ішетінін анықтаса, онда профилактикалық кеңес, мінез-құлқын өзгерту туралы ұсыныстар беріледі, денсаулықты сақтау мектебіне жібереді.
40 жастан кейін ерлер мен әйелдер екі жылда бір рет артериялық гипертонияны, жүректің ишемиялық ауруын, қант диабетін, глаукоманы ерте анықтауға скринингтен өтеді.
50-ден 70 жасқа дейінгі ерлер мен әйелдер екі жылда бір рет колоректальды обырды ерте анықтау үшін скринингтен өтуі қажет. Тексеру гемокульт тестін қамтиды, егер ол оң нәтиже берсе, науқас ішектің колоноскопиялық зерттеуінен өтуге жіберіледі.
Айта кету керек, профилактикалық тексерулерді қаржыландыру МӘМС қаражаты есебінен жүзеге асырылады, сондықтан скринингтен өту үшін сақтандыру мәртебесіне ие болу қажет. Сонымен қатар, Мемлекет 15 жеңілдік санатына жататын 11 млн қазақстандық үшін жарна төлейді.
<img src="https://kyzylorda-news.kz/wp-content/uploads/2020/10/profosmotry-kaz-2.jpg" alt="" />
<img src="https://kyzylorda-news.kz/wp-content/uploads/2020/10/profosmotry-kaz.jpg" alt="" />

МӘМС шеңберінде профилактикалық тексеру жүргізілді

<a href="https://kyzylorda-news.kz/">Kyzylorda-news.kz</a>. Жүрек-адамның негізгі мүшесі. Дененің мүшелері мен жүйелерінің жағдайы және, тиісінше, адамның өмір сүру ұзақтығы «мотор» мен бүкіл жүрек-қантамыр жүйесінің дұрыс ырғағына байланысты.
Міндетті әлеуметтік медициналық сақтандыру жүйесінің арқасында жоғары технологиялық медициналық қызметтер оның ішінде жүрекке жасалатын оталар барлық сақтандырылған азаматтарға қолжетімді.
Қызылорда қаласындағы көпсалалы облыстық аурухананың рентген-эндоваскулярлық хирургия бөлімінің мамандары көптеген адамдардың өмірін сақтап қалды.
Операция үстелінде 46 жастағы әйел. Облыстық көпсалалы ауруханаға тұншығу және жүректің ауырсыну шағымдармен жедел түрде жеткізілді. Миокард инфарктісі диагнозы қойылған. Науқасқа коронарлық артерияны стенттеу үшін ота жүргізілді.
<blockquote>
 «Коронарлық артерияның тарылған жеріне стент қою арқылы жүрек артериясындағы қан ағымын қалпына келтіру үшін ота жасалды. Бұл тағы бір құтқарылған өмір. Жедел түрде, емхана дәрігерінің жолдамасының болмауына қарамастан, мұндай оталар тегін медициналық көмектің кепілдік берілген көлемі шеңберінде жүргізіледі»,- дейді кардиохирург, облыстық кардиологиялық орталықтың рентген-эндоваскулярлық бөлімнің меңгерушісі Нұрлан Исмаилов.
</blockquote>
<img src="https://kyzylorda-news.kz/wp-content/uploads/2020/10/ismailov--scaled.jpg" alt="" />
Жоғары технологиялық медициналық қызметтер МӘМС жүйесінің барлық қатысушыларына жоспарлы түрде ауруханаға жатқызу кезінде де қолжетімді. Қызылорда қаласының 61 жастағы тұрғыны Жұмағали Жұмбеков 3-ші топтағы мүгедек. Мүгедектігіне байланысты жұмысқа жарамсыз жан. Бұрын оған аортокоронарлық шунтирование отасы жасалған.
<blockquote>
 &nbsp;«Емханаға жүрегімнің шағымымен бардым. Ауруханаға жатқызу бюросы бойынша облыстық ауруханаға жіберілді. Кеше таңертең стенттеу ота жасалды. Мен қалпыма тез келдім, ентігу мен жүрегімнің ауруы басылды. Дәрігерлерге кәсіби шеберлігі үшін алғыс айтамын және жүрекке ота жасау барлық азаматтар үшін қол жетімде екеніне қуаныштымын», – дейді пациент Жұмағали Жұмабеков.
</blockquote>
<img src="https://kyzylorda-news.kz/wp-content/uploads/2020/10/pacient-2-scaled.jpg" alt="" />
Рентген – эндоваскулярлық бөлімнің мамандары жүрекке жасалған оталардан басқа да мүшелеріне күрделі оталар жасайды. Жалпы, жылына 3 мыңға жуық адамның өмірі сақталады.
Айта кетейік, Әлеуметтік медициналық сақтандыру қорының Қызылорда облысы бойынша филиалы халыққа жоғары технологиялық медициналық қызметтер көрсету бойынша ағымдағы жылдың 9 ай ішінде 610,5 млн теңге төленді. Барлығы 130 ота жасалды. Сонымен қатар, Алматы мен Нұр-Сұлтанның калаларында ғылыми орталықтарында ЖТМҚ қолдану арқылы емделуге мүмкіндік бар. Ең бастысы, науқастардың МӘМС жүйесінде «сақтандырылған» мәртебесі болуы тиісті.
<img src="https://kyzylorda-news.kz/wp-content/uploads/2020/10/kollektiv-hirwrgov.jpeg" alt="" />
<img src="https://kyzylorda-news.kz/wp-content/uploads/2020/10/hirwrgija-3-scaled.jpg" alt="" />
<img src="https://kyzylorda-news.kz/wp-content/uploads/2020/10/hirwrgija.jpg" alt="" />

Жоғары технологиялық медициналық қызметтер барлық сақтандырылған азаматтарға қолжетімді

<a href="https://kyzylorda-news.kz/date/2020/10/26/">Kyzylorda-news.kz.</a> Нұр-Сұлтандағы №1 қалалық көпсалалы балалар ауруханасының жоғары санатты педиатры Әсел Шаймердинова коронавируспен ауырып шыққан балалардың ата-анасы қандай белгілерге назар аударуы керектігін айтып берді.
Айтуынша, екі аптадан кейін балаларда мультиқабыну синдромы пайда болуы мүмкін.
<blockquote>
 “Мультиқабыну синдромы қазіргі кезде өте өзекті мәселе. Бұл COVID-19-ға ағзаның кешіккен иммунологиялық жауабы. Ауру түрі симптомды немесе симптомсыз болғаны маңызды емес. Екі-үш аптадан кейін жоғары температура, бөртпе, конъюнктивит, лимфа түйіндері, алақан мен аяқтың ісінуі пайда болады, мұны біз баладан сырттай байқай аламыз”, – деп келтіреді Шаймердинованың сөзін елорда әкімдігінің&nbsp;<a href="http://astana.gov.kz/kz/news/news/24966">ресми сайты.</a>
</blockquote>
Бұл жағдайда, оның айтуынша, бірқатар тексеру жүргізіп, белгілі бір ем тағайындау үшін баланы міндетті түрде ауруханаға жатқызу қажет.
Дәрігер бірінші толқын кезінде балалар ересектерге қарағанда коронавирустың жеңіл түрімен ауырғанын атап өтті.
<blockquote>
 “Бірақ егер екінші толқын болса, одан әрі не болатынын көреміз. Даму ақаулары, эндокриндік, аллергиялық аурулар, онкологиялық патология, иммунитет тапшылығы жағдайы сияқты ілеспе аурулары бар балалардың коронавирус инфекциясына төтеп беруі дені сау балаларға қарағанда қиын болады”, – деп ескертті педиатр.
</blockquote>
<a href="https://sputnik.kz/society/20201026/15298637/koronavirus-balalar-simptom.html">Sputnik</a>

Екі аптадан кейін байқалады: COVID-19 балалар үшін несімен қауіпті?

<a href="https://kyzylorda-news.kz/">Kyzylorda-news.kz.</a> Қыстыгүні пайдаланатын кәдімгі қолғап медициналық қолғап сияқты коронавирусты жұқтыру қаупін төмендетеді. Алайда COVID-тің заттар арқылы қалай таралатыны түсініксіз болғандықтан, мұндай қолғаптардың адамды қаншалықты деңгейде қорғайтынын дөп басып айту қиын.
Бұл туралы Сеченов университетінің медициналық паразитология, тропикалық және трансмиссивті аурулар институтының директоры, академик Александр Лукашев айтты.
Бұған дейін Ресейдің бас инфекционисті Владимир Чуланов қолғап пен антисептикті дұрыс пайдаланған жағдайда инфекциялық аурулардың алдын алуға болатынын, алайда матадан жасалған қолғапты жиі қолданса, керісінше, вирус жұқтыру қаупі артатынын айтқан. Академик Александр Лукашев те осы мәселеге қатысты өз пікірін білдірді.
Қолғап инфекцияның жұқтыру қаупін төмендете алады. Сондықтан резеңке қолғап киюдің қажеті жоқ. Көлікпен жүргенде матадан жасалған биялай болсын, кәдімгідей қыста киетін былғары қолғап болсын, екеуі де вирусты жұқтыру қаупін азайтады деген академик, қолғапты мұрынға тигізгенде оның ешбір көмегі болмайтынын айтады.
<blockquote>
 “Сондай-ақ вирустың заттар арқылы қалай таралатыны түсініксіз болғандықтан, қолғаптың адамды қаншалықты қорғайтынын дөп басып айту қиын. Демек, бұл мәселені заңмен реттеудің ешбір себебі жоқ деп ойлаймын”, – дейді Лукашев.
</blockquote>
<a href="https://sputnik.kz/society/20201023/15276302/Qolgap-koronavirus-virusolog.html">Sputnik Қазақстан</a>

Қысқы қолғап коронавирустан қорғай ма – вирусолог жауап берді

<a href="https://kyzylorda-news.kz/">Kyzylorda-news.kz</a>. Бас мемлекеттік санитарлық дәрігер шетелден келген Қазақстан азаматтары үшін ПТР тесті туралы анықтаманың болуы туралы жаңа қаулы шығарды,&nbsp;&nbsp;деп хабарлайды&nbsp;<a href="https://stan.kz/">Stan.kz</a>&nbsp;ақпарат агентігі.&nbsp;
Қазақстан Республикасы денсаулық сақтау министрлігі санитария-эпидемиология&nbsp;бақылау комитетінің сайтында орналастырылған құжатта қазақстандықтарды ПТР туралы анықтамасыз ұшақтардың бортына жібермейтіні көрсетілмеген – мұндай тыйым бұрынғысынша тек шетелдіктерге ғана қолданылады.
<blockquote>
 “Қазақстан Республикасына шетелден авиарейстермен келетін адамдарға қатысты іс-шараларды мынадай тәртіппен жүргізуді қамтамасыз етсін: 
 оларды ертіп жүретін адамдарда ПТР әдісімен COVID-19-ға тесттен өткені туралы анықтама (бұдан әрі – Анықтама) болған кезде 5 жасқа дейінгі балаларды, Қазақстан Республикасының үкіметтік делегацияларын; Қазақстан Республикасы Сыртқы істер министрлігінің шақыруы бойынша Қазақстан Республикасына келетін шет мемлекеттердің және халықаралық ұйымдардың ресми делегацияларының мүшелерін; Қазақстан Республикасында аккредиттелген дипломатиялық өкілдіктердің, консулдық мекемелердің және халықаралық ұйымдар өкілдіктерінің қызметкерлері мен олардың отбасы мүшелерін; авиакомпаниялар экипаждарын қоспағанда қоспағанда, Қазақстан Республикасының Мемлекеттік шекарасын кесіп өткен барлық келетіндер кем дегенде 3 тәулік бұрын алынған анықтаманы ұсыну қажет”, – делінген құжатта.
 “Қазақстан Республикасына шетелден халықаралық жолаушылар авиарейстерімен келген адамдарға қатысты шектеу шаралары осы қаулыға 1-қосымшаға сәйкес жүргізіледі;&nbsp; 
 халықаралық транзитпен жүретін жолаушылар транзиттік аймақтан шықпайды және соңғы межелі пунктте шектеу шараларын жүргізуге жатады;&nbsp; 
 Қазақстан Республикасына шетелден келетін Қазақстан Республикасында аккредиттелген дипломатиялық өкілдіктердің, консулдық мекемелердің және халықаралық ұйымдар өкілдіктерінің қызметкерлері мен олардың отбасы мүшелері болатын/тұратын жері бойынша COVID-19-ға зертханалық зерттеп-қарауға жатады. Оларға осы қаулыға 3-қосымшаға сәйкес тиісті қолхат алына отырып, CОVID-19-дың ықтимал симптомдары туралы түсіндіру жүргізіледі”, – делінген қаулыда.
</blockquote>

Қазақстандықтар ұшақ бортына ПТР анықтамасыз жіберіледі &#8211; Жаңа қаулы

<a href="https://kyzylorda-news.kz/date/2020/10/23/">Kyzylorda-news.kz</a>. Күн суытып келеді. Әдетте, мұндай маусымда тұмау вирусы өршиді. Кейде адамға суық тиіп, тыныс жолының жоғарғы бөліктері қабынып, оның тұмауға ұқсауы да мүмкін. Бірақ бұл тұмау емес. Ол салқын тигенде мұрын, көмей, жұтқыншақтарды жайлайтын басқа микробтардың әрекеті. Сондықтан тұмау мен салқын тиіп ауруды шатастырып алмауымыз керек.
Тұмау дегеніміз не?
Тұмау – бұл вирус, өткір респираторлық инфекция, яғни тыныс алу жолдарының ауруы. Тұмау вирусы жұқпалы және адам ағзасына түссе өршіп кетуі мүмкін.
Тұмау вирусының белгілері:
• дене температурасының көтеріледі – 39 ° C және одан жоғары;
• дене қалтырайды;
• әлсіздік пайда болады;
• бұлшықеттер мен буындар ауырсынады;
• бас ауырады;
• көзден жас ағады;
• адам жарыққа сезімтал болады;
• тамақтың ауырады;
• құрғақ жөтел пайда болады;
• мұрыннан су ағады.
Кейде іштің ауыруы және диарея байқалады. Тұмау кезінде дене температурасының жоғарылауы бірнеше күнге созылуы мүмкін, дененің қызуы температура түсіретін дәрілердің әсерінен төмендемейді. Егер ауру асқынусыз болса, тұмау 7-10 күнге созылады. Осы уақыт ішінде тұмаудың белгілері біртіндеп жойылады, ал жалпы әлсіздік екі аптаға дейін созылуы мүмкін.
Тұмау вирусының түрлері
Басқа өткір респираторлық инфекциялар сияқты тұмаудың да жеңіл, орташа, ауыр және өте ауыр түрлері бар.
Тұмаудың даму себептері
Аурудың себебі – жоғарғы тыныс жолдарының шырышты қабығының тұмау вирусымен зақымдануы. Инфекцияның (аурудың) көзі тұмауға шалдыққан адам. Ауырған адам басқаларға &nbsp;жөтел, түшкіру арқылы жұқтырады. Вирус сонымен бірге тұрмыстық заттар арқылы – майлық, тамақ &nbsp;арқылы да жұғады.
Тұмаудың диагностикасы
Тұмаудың диагностикасы әдетте клиникалық тексеруге негізделген. Дене температурасы күрт көтерілген жағдайда мүмкіндігінше тезірек дәрігерден кеңес алу керек. Тұмаумен ауырған кезде дәрігердің қадағалауы өте маңызды, себебі асқынудың басталуын уақытында анықтауға мүмкіндік береді. Асқынулар температураның қайта көтерілуі, жөтелдің жоғарылауы және жалпы жағдайы біршама жақсарғаннан кейін қайтадан нашарлау сияқты белгілерде пайда болады және әдетте аурудың 4-5-ші күндерінде білінеді. Бұл жағдайда қосымша анализдер жүргізу керек.
Тұмауды емдеу және ауруды жеңілдету
Тұмауды емдеу күрделі, бірақ иммун жүйесі тұмаумен күресуде және денені қалпына келтіруде үлкен рөл атқарады. Сондықтан иммунитетті күшейту маңызды. &nbsp;Терең демалу, көп сұйықтық ішу, алкоголь ішу және темекі шегуді тыйған жөн. Тұмау кезінде антибиотиктер ішу тиімсіз. Антибиотиктер тек екінші реттік бактериялық аурулар болған жағдайда ғана тағайындалады. Бірақ суық тию немесе тұмау белгілері байқалған кезде антибиотиктерді дәрігердің нұсқауынсыз қабылдау тұрғындар арасында кең таралған. Антибиотиктерді вирустарға қарсы қабылдау тиімді емес. Бұл бактериялардың антибиотиктерге төзімділігін арттырады.
Тұмаудың асқынуы
Тұмау вирусы тыныс алу жолдарының эпителий жасушаларына әсер ететіндіктен, аурудың асқынуы бактериялық ауруларға, соның ішінде бронхит, пневмония (өкпенің қабынуы), отит (құлақтың қабынуы) сияқты аурулардың өршуіне себеп болады. Жалпы, &nbsp;тұмау науқастың созылмалы ауруларын күшейтуі мүмкін.
Тұмаудың алдын алу шаралары
Тұмаудың алдын-алудың тиімді әдісі – иммун жүйесін жыл бойы бабында ұстау. Иммунитетті күшейтудің әртүрлі әдістері бар, соның ішінде:
• спортпен айналысу;
• белсенді өмір салты;
• дұрыс және уақытылы тамақтану;
Тағы бір негізгі медициналық әдіс – бұл вакцина. Тұмау маусымы басталардан 2-3 ай бұрын (әдетте қазан-қараша айларында) вирустың белгілі бір түріне (штаммына) вакцинация жасалады. Сондай-ақ эпидемия кезінде вирусқа қарсы препараттарды профилактикалық шара ретінде қолдану ұсынылады. Гигиеналық ережелерді сақтау, науқас адамдардан аулақ жүру, медициналық маска тағу, отбасы мүшелері ауырған кезде тазалыққа көңіл бөлу, бөлмені жиі желдету аурудың пайда болу мүмкіндігін азайтады.

Тұмаудан қалай сақтану керек?

<a href="https://kyzylorda-news.kz/">Kyzylorda-news.kz.</a> Бас мемлекеттік санитар дәрігері Ерлан Қиясовтың жаңа&nbsp;<a href="https://www.gov.kz/memleket/entities/kkkbtu/press/news/details/112960?lang=kk">қаулысы</a>&nbsp;жарияланды, деп хабарлайды ҚР ДСМ Санитариялық-эпидемиологиялық бақылау комитетінің баспасөз қызметі.
Құжат Қазақстан Республикасының мемлекеттік шекарасындағы өткізу пункттерінде коронавирустық инфекция ауруының алдын алу жөніндегі шараларды одан әрі күшейтуге қатысты болып отыр.
Қаулыға сәйкес:
1. Облыстардың, Алматы, Нұр-Сұлтан, Шымкент қалаларының әкімдері, денсаулық сақтау басқармаларының басшылары, орталық мемлекеттік органдар, көліктегі Санитариялық-эпидемиологиялық бақылау департаменті:
1) Қазақстан Республикасына шетелден авиарейстермен келетін адамдарға қатысты іс-шараларды мынадай тәртіппен жүргізуді қамтамасыз етсін:
Оларды ертіп жүретін адамдарда ПТР әдісімен COVID-19-ға тесттен өткені туралы анықтама болған кезде 5 жасқа дейінгі балаларды, Қазақстан Республикасының үкіметтік делегацияларын; ҚР Сыртқы істер министрлігінің шақыруы бойынша Қазақстанға келетін шет мемлекеттердің және халықаралық ұйымдардың ресми делегацияларының мүшелерін; Қазақстанда аккредиттелген дипломатиялық өкілдіктердің, консулдық мекемелердің және халықаралық ұйымдар өкілдіктерінің қызметкерлері мен олардың отбасы мүшелерін; авиакомпаниялар экипаждарын қоспағанда, Қазақстан Республикасының Мемлекеттік шекарасын кесіп өткен барлық келетіндер кем дегенде 3 тәулік бұрын алынған анықтаманы ұсыну қажет.
<blockquote>
 «Қазақстан Республикасының үкіметтік делегацияларын; ҚР Сыртқы істер министрлігінің шақыруы бойынша Қазақстанға келетін шет мемлекеттердің және халықаралық ұйымдардың ресми делегацияларының мүшелерін; Қазақстанда аккредиттелген дипломатиялық өкілдіктердің, консулдық мекемелердің және халықаралық ұйымдар өкілдіктерінің қызметкерлері мен олардың отбасы мүшелерін; авиакомпаниялар экипаждарын қоспағанда, Қазақстанға шетелден халықаралық жолаушылар авиарейстерімен келген адамдарға қатысты шектеу шаралары осы қаулыға 1-қосымшаға сәйкес жүргізіледі», – делінген құжатта.
</blockquote>
Сонымен қатар, халықаралық транзитпен жүретін жолаушылар транзиттік аймақтан шықпайды және соңғы межелі пунктте шектеу шараларын жүргізуге жатады;
Қазақстанға шетелден келетін елімізде аккредиттелген дипломатиялық өкілдіктердің, консулдық мекемелердің және халықаралық ұйымдар өкілдіктерінің қызметкерлері мен олардың отбасы мүшелері болатын/тұратын жері бойынша COVID-19-ға зертханалық зерттеп-қарауға жатады. Оларға осы қаулыға 3-қосымшаға сәйкес тиісті қолхат алына отырып, CОVID-19-дың ықтимал симптомдары туралы түсіндіру жүргізіледі.
Мұнымен қоса, қаулыда Қазақстанға ҚР Мемлекеттік шекарасы арқылы өткізу пункттерінен теміржол, теңіз, өзен көлігінде және автоөтпе жолдарында келетін адамдарға қатысты іс-шараларды тиісті тәртіппен жүргізу қамтамасыз етілмек.
Әуе компаниялары басшыларына тиісті шараларды қамтамасыз ету тапсырылды:
1) Анықтама болмаған жағдайда ҚР азаматтары болып табылмайтын жолаушыларды әуе кемесінің бортына отырғызуға жібермеуді;
2) ұшу кезінде жолаушылар мен экипажға сауалнама жүргізуді, оның ішінде толық толтырылғанын тексеруді, толық толтырылмаған жағдайларда қосымша сауалнама жүргізуді;
3) толтырылған сауалнамаларды, манифестті және әуе кемесінің бас декларациясын ұшып келетін әуежайдағы санитариялық-карантиндік пункттің маманына тез арада беруді;
4) тіркеуден өту, әуе кемесіне отырғызу және одан түсіру кезінде жолаушылар арасында қауіпсіз қашықтықты (кемінде 1 метр) және маска режимін сақтауды;
5) әуе кемесінің бортында жеке қорғаныш құралдарының (маскалар, қолғаптар), қолға арналған антисептиктердің, дезинфекциялау құралдарының болуын;
6) ұшу кезінде әуе кемесінің салонында жолаушылардың қозғалысын, сондай-ақ дәретхананың жанында жиналуын шектеуді;
7) қызметкерлерді жұмысқа жеке қорғаныш құралдары (медициналық маскалар, қолғаптар) болған кезде жіберуді;
8) дене температурасын өлшей отырып, қызметкерлерді ауысым алдындағы (ұшу алдындағы) медициналық қарап-тексеруден өткізуді;
9) тұрақты халықаралық әуе қатынастарын қалпына келтіру алдында әуе кемелеріндегі ауа баптау, желдету жүйелеріне ревизия жүргізуді және сүзгілерді ауыстыруды қамтамасыз етсін.

Бас мемлекеттік санитар дәрігерінің жаңа қаулысы жарияланды

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 179 адамда коронавирус індеті ПТР арқылы расталып ауырғаны белгілі болды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 20
Алматы қаласы – 44
Шымкент қаласы – 1
Ақмола облысы – 10
Ақтөбе облысы – 2
Алматы облысы – 6
Атырау облысы – 9
Шығыс Қазақстан облысы – 20
Жамбыл облысы – 3
Батыс Қазақстан облысы – 8
Қарағанды облысы – 16
Қостанай облысы – 6
Қызылорда облысы – 2
Маңғыстау облысы – 2
Павлодар облысы – 20
Солтүстік Қазақстан облысы – 10
Жалпы ел бойынша ауырғандар саны 110086.

Қызылордада тағы 2 адамнан короновирус инфекциясы анықталды

<a href="https://kyzylorda-news.kz/date/2020/10/22/">Kyzylorda-news.kz.</a> Қазақстанда өткен тәулікте 141 адамның коронавирус жұқтырғаны ПТР арқылы расталып, ауырғаны белгілі болды, деп хабарлайды ведомствоаралық комиссия.
<blockquote>
 “Коронаврус індетін жұқтырғандардың ең көбі Шығыс Қазақстан (21) облысында анықталды. Одан кейін Қарағанды облысы (16) мен Нұр-Сұлтан (15) қаласында тіркелді”, – делінген хабарламада.
</blockquote>
Қалалар мен өңірлер бойынша:
<ul>
<li>Нұр-Сұлтан қаласы –&nbsp;15</li>
<li>Алматы қаласы –&nbsp;11</li>
<li>Шымкент қаласы –&nbsp;3</li>
<li>Ақмола облысы –&nbsp;9</li>
<li>Ақтөбе облысы –&nbsp;5</li>
<li>Алматы облысы –&nbsp;11</li>
<li>Атырау облысы –&nbsp;12</li>
<li>Шығыс Қазақстан облысы –&nbsp;21</li>
<li>Жамбыл облысы –&nbsp;2</li>
<li>Батыс Қазақстан облысы –&nbsp;6</li>
<li>Қарағанды облысы –&nbsp;16</li>
<li>Қостанай облысы –&nbsp;5</li>
<li>Қызылорда облысы –&nbsp;1</li>
<li>Маңғыстау облысы –&nbsp;2</li>
<li>Павлодар облысы –&nbsp;12</li>
<li>Солтүстік Қазақстан облысы –&nbsp;9</li>
<li>Түркістан облысы –&nbsp;1.</li>
</ul>
Айта кетейік, бүгінге дейін республика бойынша коронавирус жұқтырған адамдардың саны 109&nbsp;907 науқасқа жетті.

Қызылордада өткен тәулікте 1 адамнан коронавирус анықталды

<a href="https://kyzylorda-news.kz/date/2020/10/20/">Kyzylorda-news.kz</a>. Өңірде коронавирус инфекциясымен 3249 адам тіркелді. Анықталған науқастардың эпидемиологиялық ортасы есепке алынып, күнделікті саралануда. Бұл туралы Өңірлік коммуникациялар қызметінің ақпарат алаңында өткен брифингте облыс әкімінің орынбасары Наурызбай Байқадамов мәлімдеді.
<blockquote>
 Аймақта эпид ахуалдың тұрақты болуына тиісті жұмыстар жүргізілуде. Халықты дәрі-дәрмекпен қамтуға екі айлық қор және 210 инфекциялық төсек орын бар. Сондай-ақ, 200 төсекке арналған модульдік аурухана құрылысы жүруде. Бұған қоса, облысымызда 244 ИВЛ аппараттары жұмыс жасауда. Қосымша тағы 7 құрылғы келеді. Бүгінде өңіріміздегі медициналық ұйымдарға гуманитарлық көмек арқылы 658 оттегі концентраторы жеткізілді. Сонымен қатар, облыста 518 оттегімен қамтамасыз етілген төсек орын дайын, – деді Наурызбай Сейтқалиұлы.
</blockquote>
Дәрігерлердің жетіспеушілігін болдырмау мақсатында басқа профильдегі мамандарға арнайы семинарлар өткізілді.
<blockquote>
 Коронавирус инфекциясына қарсы күресте мамандар тапшылығын жою мақсатында аймағымыз 84 жас маманмен толықты. Олар қажеттілігіне қарай қалалық мекемелерге жолданды, – деді облыстық денсаулық сақтау басқармасы басшысының орынбасары Олжас Ысқақов.
</blockquote>
Брифингте Наурызбай Байқадамов індетпен күресте өзін-өзі қорғау инстинкті қалыптаспай нәтиже толыққанды болмайтынын айтты.
<blockquote>
 Ауырған адамға дәрі де, ақша да, лауазым да, атақ та ара түсе алмай қалған жағдайды бастан өткердік қой. “Індетпен күрес бәрі де жеңіс үшін” деп бірігіп күресетін майдан алаңы. Мені мемлекет немесе біреу қорғасын дегенмен ештеңе шықпайды. Жағдай әлі де күрделі болғанымен біздің жүйелі бақылауымызда. Жұмыс үзіліссіз жалғаса беретін болады. Күшейтілген карантин жеңілдетілгенімен қатаң талаптарды барынша ұстайтын боламыз, – деді облыс әкімінің орынбасары.
</blockquote>

Наурызбай Байқадамов: Ауырған адамға ақша да, атақ та көмектесе алмаған жағдайды бастан өткердік

<a href="https://kyzylorda-news.kz/date/2020/10/20/?doing_wp_cron=1603177193.1566550731658935546875">Kyzylorda-news.kz.</a> Бүгінде медицина қызметкерлері де бетпердені қай жағымен тақса да, айырмшылық жоқ деп санайды. Мәселен, ресейлік дәрігер Александр Мясников бетперденің фиксаторына мән беру керектігін айтады.
<blockquote>
 “Медициналық бетпердені кез келген жағымен тағуға болады. Ең бастысы, қатты қыры бар фиксаторын мұрынға дұрыс келтіріп алған жөн”, – дейді Мясников Youtube арнасындағы бейнероликте.
</blockquote>
Алайда медициналық бетперде шығаратын компаниялар масканың бір жағын ақ, ал екінші жағын көк етіп шығарудың өзіндік себебі бар деп отыр.
<blockquote>
 “Әрбір қабаттың өзіндік сипаттамасы бар. Адамның бетперді ыңғайлы әрі ұзақ пайдалануы соған байланысты. Мәселен, ақ жағы ылғалды сіңіріп, бетпердің ішінде булану процесіне жол бермейді. Сол себепті оны ішке қарай қаратқан дұрыс. Ал бетперденің көк жағы су жұқтырмайды. Ол сырттан сан алуан биологиялық және басқа сұйықтықтардың кіруінен қорғайды. Сондықтан көк жағын сыртқа қарату қажет”, – дейді мамандар.
</blockquote>
<a href="https://sputnik.kz/society/20201020/15245045/Betperde-syrtqa-qaratu.html">Sputnik Қазақстан</a>

Бетперденің қай жағын сыртқа қарату қажет?

<a href="https://kyzylorda-news.kz/date/2020/10/20/">Kyzylorda-news.kz</a>. Қыс жақындаған сайын солтүстік жарты шарда, әсіресе Еуропа мен Солтүстік Америкада COVID-19 жұқтырғандар саны өсуде. Келесі айларда жағдай күрделі болады. Бұл туралы ДДСҰ бас директоры Тедрос Гебрейесус мәлім етті, деп хабарлайды <a href="https://lenta.inform.kz/kz/kys-zhakyndagan-sayyn-koronavirus-zhuktyrgandar-sany-osude-ddsu-basshysy_a3708325">ҚазАқпарат</a>.
Тедрос Гебрейесус ұйымның қолдауымен пандемиямен күресте халықаралық ынтымақтастықты нығайтуға бағытталған #WeAreFamily (Біз – отбасымыз) науқаны басталғанын хабарлады.
«We Are Family» («Біз – отбасымыз») танымал әнінің арнайы нұсқасын бейнероликпен шығарамыз. Онда атақты адамдар, дәрігерлер, басшылар және жұртшылық өкілдері бұл әнді бірге орындайды.
Науқан аясында бүкіл әлемдегі адамдарға жақындарымен және достарымен бірге бұл әнді шырқап, әлеуметтік желілерге бейнелер жүктеу ұсынылады.
Жаңа бастаманың мақсаты – денсаулық сақтау саласындағы жаһандық проблемаларды шешу үшін қаражат жинау, халықаралық ынтымақтастық орнату және қауіпті вируспен күресте әркімнің жауапкершілігін арттыру», – деді ДДСҰ директоры.
ДДСҰ басшысы бүгінгі таңда бұл өзара көмек бұрынғыдан да қажет деп санайды, өйткені ауруға шалдығушылар саны тез өсуде, яғни аурухана орындарына, соның ішінде жансақтау бөлімшелеріне мұқтаж адамдардың саны артып келеді.
«Солтүстік жарты шарда қыс түсіп жатқанда, біз аурудың көбейгенін байқаймыз, әсіресе Еуропа мен Солтүстік Америкада», – деді ДДСҰ басшысы. Ол пандемияның солтүстік жарты шарда ауыр кезеңге аяқ басқанын, ауру жұқтыру деңгейі індеттің шарықтау шегі болған наурыз айындағыдан үш есеге жоғары екенін қайталап айтты.

Қазақстан және Қызылорда облысының жаңалықтары: Денсаулық

МӘМС шеңберінде профилактикалық тексеру жүргізілді

Жоғары технологиялық медициналық қызметтер барлық сақтандырылған азаматтарға қолжетімді

Екі аптадан кейін байқалады: COVID-19 балалар үшін несімен қауіпті?

Қысқы қолғап коронавирустан қорғай ма – вирусолог жауап берді

Қазақстандықтар ұшақ бортына ПТР анықтамасыз жіберіледі – Жаңа қаулы

Тұмаудан қалай сақтану керек?

Бас мемлекеттік санитар дәрігерінің жаңа қаулысы жарияланды

Қызылордада тағы 2 адамнан короновирус инфекциясы анықталды

Қызылордада өткен тәулікте 1 адамнан коронавирус анықталды

Наурызбай Байқадамов: Ауырған адамға ақша да, атақ та көмектесе алмаған жағдайды бастан өткердік

Бетперденің қай жағын сыртқа қарату қажет?

Қыс жақындаған сайын коронавирус жұқтырғандар саны өсуде – ДДСҰ басшысы

Қазақстан және Қызылорда облысының жаңалықтары: Денсаулық

МӘМС шеңберінде профилактикалық тексеру жүргізілді

Жоғары технологиялық медициналық қызметтер барлық сақтандырылған азаматтарға қолжетімді

Екі аптадан кейін байқалады: COVID-19 балалар үшін несімен қауіпті?

Қысқы қолғап коронавирустан қорғай ма – вирусолог жауап берді

Қазақстандықтар ұшақ бортына ПТР анықтамасыз жіберіледі &#8211; Жаңа қаулы

Тұмаудан қалай сақтану керек?

Бас мемлекеттік санитар дәрігерінің жаңа қаулысы жарияланды

Қызылордада тағы 2 адамнан короновирус инфекциясы анықталды

Қызылордада өткен тәулікте 1 адамнан коронавирус анықталды

Наурызбай Байқадамов: Ауырған адамға ақша да, атақ та көмектесе алмаған жағдайды бастан өткердік

Бетперденің қай жағын сыртқа қарату қажет?

Қыс жақындаған сайын коронавирус жұқтырғандар саны өсуде – ДДСҰ басшысы

Қазақстандықтар ұшақ бортына ПТР анықтамасыз жіберіледі – Жаңа қаулы