<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a> Қызылорда облысында коронавирус инфекциясының болуы мүмкін екінші толқынына дайындық жұмыстары күшейтілген. Халыққа бірінші кезектегі қажетті дәрі-дәрімектің екі айлық қоры жасақталған. Мұнан бөлек, тұрақтандыру қоры арқылы дәрілік заттарды алуға 488 млн.теңгеге қаржы бөлінген. Бұл&nbsp; туралы облыстың әкімі Гүлшара Әбдіқалықова брифингте баяндады.
<blockquote>
 «Індетпен күресте өкпен жасанды желдету (ИВЛ) аппаратын 244-ке жеткіздік. 9 ПТР, 60 рентген аппараты, 682 оттегі концентраторы бар. Қажетілігіне қарай 21 инфекциялық стационарда 3200 төсек орнын дайындауға мүмкіндігіміз бар. Жақын күндері 200 төсектік жаңа модульдік инфекциялық аурухананың құрылысы аяқталады», – деді Гүлшара Әбдіқалықова.
</blockquote>
Облыста медицина мамандары үшін 44 санитарлық автокөлік табысталған. Сонымен бірге демеушілер есебінен облыстық көпбейінді ауруханасында оттегі станциясы іске қосылса, Қазалы ауданында тағы бір станцияпайдаланылуға берілмек. Емдеу мекемелерінде маман тапшылығын болдырмау мақсатында 3600 медицина қызметкерінен кадрлық резерв қалыптастырылған.

Қызылордада  дәрі-дәрмектің екі айлық қоры жасақталған

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a>&nbsp;Қазақстанда өткен тәулікте 716 адамда коронавирус індеті ПТР арқылы расталды.
Шығыс Қазақстан облысында 180-нен астам, Павлодар және Солтүстік Қазақстан облыстарында жүзге жуық адам COVID жұқтырды.
Аймақтар бойынша:
<ul>
<li>Нұр-Сұлтан қаласы – 40</li>
<li>Алматы қаласы – 42</li>
<li>Шымкент қаласы – 2</li>
<li>Ақмола облысы – 61</li>
<li>Ақтөбе облысы – 8</li>
<li>Алматы облысы – 12</li>
<li>Атырау облысы – 15</li>
<li>Шығыс Қазақстан облысы – 188</li>
<li>Жамбыл облысы – 10</li>
<li>Батыс Қазақстан облысы – 42</li>
<li>Қарағанды облысы – 20Қостанай облысы – 77</li>
<li>Қызылорда облысы – 1</li>
<li>Маңғыстау облысы – 2</li>
<li>Павлодар облысы – 98</li>
<li>Солтүстік Қазақстан облысы – 96</li>
<li>Түркістан облысы – 2</li>
</ul>
Жалпы ел бойынша ауырғандар саны 126 182.

Қызылордада өткен тәулікте коронавирус тіркелді

<a href="https://kyzylorda-news.kz/">Kyzylorda-news.kz.</a> Орталық коммуникациялар қызметінде өткен «КВИ кезінде асқынудың алдын алу» атты онлайн брифингте халық емінің коронавирусты емдеуге қалай әсер ететіні туралы айтылды.
<blockquote>
 «Халық емінде борсық майы мен аю майы жиі қолданылады. Оның емдік қасиеті бар екеніне ешқандай дәлел жоқ, сол себепті мұндай май ішкен жағдайда коронавирустан емделіп кететініне кепілдік жоқ. Сондықтан халық емі коронавирусты емдейді деп кесіп айтудың қажеті жоқ», – дейді ҚР ДСМ Ұлттық фтизиопульмонология орталығы директорының орынбасары Ләззат Ералиева.
</blockquote>
Нұр-Сұлтан қаласы әкімдігінің Көпсалалы медициналық орталығына қарасты қалалық инфекциялық орталығының басшысы Татьяна Цечоева коронавирус ауруының асқынып кетуіне әсер ететін бірнеше себеп бар екенін айтты.
<blockquote>
 «Аурудың асқынбауы дәрігерлердің ұсыныс-кеңесін орындауға байланысты. Халықтың дәрігерлер кеңесіне құлақ асқысы келмейді. Екіншіден, аурудың асқыну-асқынбауы адамның ағзасына да байланысты. Созылмалы ауруы бар, иммундық жүйесінде ақауы бар адамдарда бұл ауру өте ауыр өтеді және өліммен аяқталуы мүмкін», – дейді ол.
</blockquote>
<a href="https://www.inform.kz/kz/halyk-emi-koronovirustan-zhazyluga-komektese-me-maman-zhauaby_a3721133">ҚазАқпарат</a>

Халық емі короновирустан жазылуға көмектесе ме – маман жауабы

<a href="https://kyzylorda-news.kz/">Kyzylorda-news.kz.</a> Қайызғақ&nbsp;Паркинсон ауруының белгісі болуы мүмкін дейді&nbsp;ғалымдар. Бұл туралы Express басылымы хабарлады.
Мамандардың айтуынша, қайызғақ бір қарағанда бас терісінің тітіркенуі салдарынан&nbsp;болғанымен, тері ауруының қатерлі түрі болуы мүмкін. Мәселен, себорейлі дерматиттің жеңіл белгісі – қайызғақ, ал үлкен белгісі – бастың қышып, қызаруы. Кейде бас терісі суланғыш бөртпеге айналуы мүмкін.
Себорейлі дерматит – майбезі жұмысының бұзылуына байланысты бас не дене терісінің майланып, қабынуы. Дерматит көбіне, гормонның бей-берекет бөлінуі мен тепе-теңдігінің бұзылуынан пайда болады. Тағы бір себебі – ұзақ уақыт тестостерон мен анаболиктерді, глюкокортикостероидті ішу, егу.
Бірақ мамандар қайызғақ пен дерматиттің арасында байланыс барын анықтағанымен, Паркинсон ауруы арасында байланысты әлі нақты анықтаған жоқ. Бұған дейін Америка ғалымдары Паркинсон ауруының жасырын белгілерінің бірі көп терлеу екенін анықтаған. Мұндайда адам өзімен-өзі терлей береді.
Паркинсон ауруы – орталық ми жүйесінің ақырын кемуінен пайда болған ауру. Оның негізгі белгісі – қалшыл мен діріл, бұлшық еттің епке келмеуі.
<a href="https://massaget.kz/layfstayl/Zdorove/63804/">Massaget.kz</a>

Қайызғақ қатерлі аурудың жасырын белгісі болуы мүмкін

Kyzylorda-news.kz. Қазақстанда өткен тәулікте 756 адамда коронавирус індеті ПТР арқылы расталды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 59
Алматы қаласы – 52
Шымкент қаласы – 5
Ақмола облысы – 56
Ақтөбе облысы – 6
Алматы облысы – 26
Атырау облысы – 13
Шығыс Қазақстан облысы – 198
Жамбыл облысы – 10
Батыс Қазақстан облысы – 43
Қарағанды облысы – 18
Қостанай облысы – 75
Қызылорда облысы – 4
Маңғыстау облысы – 2
Павлодар облысы – 93
Солтүстік Қазақстан облысы – 91
Түркістан облысы – 5
Жалпы ел бойынша ауырғандар саны 125466.

Қызылордада өткен тәулікте 4 адамнан коронавирус анықталды

<a href="https://kyzylorda-news.kz/">Kyzylorda-news.kz.</a> Әлсіздік, мазаның болмауы, ұйқысыздық, бүйрек, жүрек, өкпе жұмысының бұзылуы – барлығы коронавирус салдары.
Дәрігер адам ағзасында өзге де өзгерістер болуы мүмкін екенін жоққа шығармайды. Тіпті кейбір дертті қоздырады. Мәселен, қант диабетіне шалдығу. Қауіпті вирустың қатерлі екенін содан да аңғару қиын емес. Әлемдік мамандар не дейді? Біздің елдің дәрігерлері ше?
Коронавирус жұқтырғандар қатары артқан сайын оның салдарымен күресушілер де көбейіп барады. Мәселен, елордадағы Ұлттық кардиохирургия орталығына қыркүйектен бері 70-тен асам адам осы мәселемен келген. Бәрінің шағымын жіті тексерген дәрігер Махаббат Бекбосынова оларға ортақ белгілерді атады. Оның айтуынша, көбінің күш-қуаты кеміп, әлсіздік пайда болған. Ал енді бірінің ұйқысы қашқан.&nbsp;
“Бізге бір жас жігіт келді. Коронавирус жұқтырғанға дейін спортпен шұғылданып, белсенді өмір сүрген. Бірақ сол жігітіміз бүгінде сәл ғана дене жаттығуын жасаса болды, тез шаршап, ентігін қалады. Өзінің айтуы солай. Тексеріс жүргізген едік, жүрек бұлшық еттері зақымданғанын көрдік. Яғни миокардитке шалдыққан. Денсаулығын қалпына келтіру үшін оған ұзақ уақыт кешенді ем қажет”, – «Ұлттық ғылыми кардиохирургия орталығы» АҚ басқарма төрағасының міндетін атқарушы Махаббат Бекбосынова.
<blockquote>
 “Әр науқастың жағдайын жеке-жеке талдап, соған сай ем тағайындау қажет. Ең маңыздысы – коронавирус жұқтырғанға дейін азамат қалай өмір сүргенін білу. Содан кейін, әрине, тыныс алу жаттығуларын жасап тұру керек”, – кардиолог дәрігер Александр Арутюнов.
</blockquote>
Сондай-ақ коронавируспен ауырған азаматтардың 10%-інде сол күйі иіс пен дәм сезу қабілеті қалпына келмеген. Негізінен бұл ауруды ауыр өткендерде байқалады. Дәрігерлердің есебінше, қалыпты өмірге оралу үшін оларға әлі жарты жылдай уақыт қажет. Қауіпті дерттің сондай-ақ адам психикасына да жағымсыз әсері бар көрінеді.
<blockquote>
 “Сондықтан науқас психологиялық көмек алады. B, D топтарындағы дәрумендерді қабылдауы тиіс. Өйткені олар жүйке жүйесіне қажет. Көңіл-күй түссе, жақындарымызбен бірге бөлісіп, дәрумендер қабылдап, өзімізге өзіміз көмектесе аламыз. Нақты нәтиже байқалмаса, арнайы маманға барған дұрыс. Ең бастысы, дұрыс тамақтану, ұйқы уақытын сақтау, режимді сақтау. Сол кезде иммунитет көтеріледі”, – қоғамдық денсаулық сақтау маманы Маржан Мырзалы.
</blockquote>
Мамандардың айтуынша, коронавирустың адам денсаулығына әсері орасан. Сондықтан әсіресе созылмалы ауруы бар жандар аса абай болғаны жөн. Ал коронавируспен ауырған адамнан қант диабеті белгілерінің табылуы медицина қызметкерлерінің төбе шашын тік тұрғызды.
“Бұл біз үшін ғана емес, әлем медицинасы үшін жаңалық болды. Бұрын ауырмаған, тіпті тұқымында бұл аурумен ауырған адам болмаған жандар қант диабетіне шалдығып жатыр. Сондықтан коронавирус біз ойлағаннан да қауіпті болып шықты. Қазақстанда қазір дәл осындай үш пациент бар. Оның екеуі дәрімен емделіп жатса, біреуіне, өкінішке қарай, инсулин тағайындауға тура келді“, – «Ұлттық ғылыми кардиохирургия орталығы» АҚ басқарма төрағасының міндетін атқарушы Махаббат Бекбосынова..
Осылайша ақ халаттылар алдында бүгінде аурудан туған ауруды азайту міндеті тұр. Жалпы постковидтік синдроммен қазір бүкіл әлем күресіп жатыр
<blockquote>
 «Себебі коронавирус – адамзатқа төнген үлкен қауіп», – дейді шетелдік сарапшылар.
 “Коронавирус бүйрек пен репродуктивті жүйені зақымдайды. Вирус AC2 рецепторы арқылы жасушаға енеді. Ал бұл рецептор бүйрек пен ер адамның жыныс мүшесінде көп. Коронавирус қан арқылы ағзаға түгелдей тарайды. Егер вирус үлкен көлемде енсе, сәйкесінше ағза көп зақымдалады. Ұрпақ жалғастыруға қабілетті жүйеге вирустың қаншалықты әсері ететінін қазір нақты айта алмаймыз. Бұл бағытта зерттеу жұмыстары жүріп жатыр”, – Бейжің университеті жанындағы госпитальдің инфекциялық бөлім меңгерушісі Ван Гуйцян.
</blockquote>
Отандық дәрігерлер де коронавируспен күрес нәтижелі болу үшін кешенді ғылыми жұмыс атқарылуы керек дегенді айтады. Қазір бұл бағытта елімізде арнайы жоба іске асып жатыр. Оған сәйкес коронавирустан кейін де өзін жайсыз сезінген жандар квота арқылы тиісті ем-дом ала алады. Бастапқыда мұндай орталықтар амбулаторлық мекемелерде, кейін барлық емханада ашу жоспарланған.
<blockquote>
 «Дегенмен өзінің де, өзгенің де өмірін сақтап қалудың ең оңай жолы – қарапайым сақтық шараларын мұқият ұстану», – дейді мамандар.
</blockquote>
<a href="https://24.kz/kz/zha-aly-tar/basty-zha-aly-tar/item/437305-koronavirus-saldary-alypty-mirge-oralu-shin-zharty-zhyl-azhet">24 kz</a>

Коронавирус: Қалыпты өмірге оралу үшін жарты жыл қажет

<a href="https://kyzylorda-news.kz/">Kyzylorda-news.kz.</a> Коронавируспен ауырған кейбір науқастар тістерінің түсе бастағанына шағымданған, деп хабарлайды <a href="https://24.kz/kz/zha-aly-tar/lemde/item/437337-koronavirusty-ta-y-bir-saldary-any-taldy">“Хабар 24”.</a>
Биолог Уильям Лидің айтуынша, вирусты жұқтырған адамдардың тістерінің нашарлауы қан айналымымен байланысты болуы мүмкін, өйткені инфекция қан тамырларына әсер етеді. Коронавирустың қан тамырларын зақымдауы уақыт өте келе тіске қатысты проблемаларды тудыруы мүмкін екендігін айтып өтті.
Сондай-ақ COVID-19 ауыз қуысында болатын ACE2 рецепторларына әсер етеді.
Сарапшылар коронавирустық инфекция мен тістердің арасындағы байланыс туралы қорытынды жасамас бұрын зерттеу жүргізу қажет деп санайды.

Коронавирустың тағы бір салдары анықталды

<a href="https://kyzylorda-news.kz/">Kyzylorda-news.kz.</a> Дүниежүзілік денсаулық сақтау ұйымы COVID-19 пандемиясы кезінде препараттарды дұрыс пайдаланбау салдарынан антибиотикке төзімділіктің күрт өсуі мүмкін екенін ескертті. Бұл туралы ДДСҰ-ның Еуропа аймағы бойынша жүргізген зерттеуінде жазылған, деп хабарлайды&nbsp;<a href="https://stan.kz/">Stan.kz</a>.
<blockquote>
 “Адамдар мен денсаулық сақтау мекемелерінің антибиотиктерді ұзақ уақыт қолдануы проблемасын COVID-19 пандемиясы күшейтеді… Антибиотиктер COVID-19 сияқты инфекцияларды емдемейтініне немесе алдын алмайтынына қарамастан,&nbsp;еуропалық аймақтың тоғыз елі мен аймағында жүргізілген адамдардың мінез-құлқын зерттеу нәтижелері пандемия кезінде антибиотиктерді қолдану жаңа жағдайлардың санымен бірге өскенін көрсетеді”, – делінген ДДСҰ&nbsp;Еуропалық бюросының хабарламасында.
</blockquote>
Зерттеулерге сәйкес, антибиотиктерді қабылдағандардың 79-96 пайызы COVID-19-ды жұқтырмаған,&nbsp;бірақ оны вирус жұқпауы үшін ішкен.
Ауруханаға түскендердің ішінде пациенттердің тек 15 пайызы антибиотиктерге мұқтаж болды, өйткені оларда бактериялық инфекциялар анықталды, бірақ дәрі-дәрмектер жұқтырғандардың 75 пайызына берілді.
Атап айтқанда, цефалоспорин класындағы антибиотиктердің үшінші буыны жақын арада тиімділігін жоғалтуы мүмкін, өйткені Еуропаның бірқатар медициналық мекемелері COVID-19 пандемиясының басында вирусты осындай&nbsp;препараттармен емдеуге тырысқан.

ДДСҰ пандемия кезінде антибиотиктерді қолдану қаупі туралы ескертті

<a href="https://kyzylorda-news.kz/">Kyzylorda-news.kz.</a> ҚР Мемлекеттік қызмет істері агенттігінің Қызылорда облысы бойынша департаменті аймақтағы барлық мемлекеттік қызметшілерді қан тапсыру акциясына қатысуға шақырады.
Акция Агенттіктің #Игіістеруақыты бастамасы аясында өткізілуде.
Облыстық қан орталығының мәліметіне сәйкес қазіргі таңда аймақта қан тапшылығы бар. Тұрақты донорларға деген сұраныс өте жоғары. Орталық мамандарының айтуынша, тұрғындар арасынан орталыққа өз еріктерімен келіп, қан тапсыратын донорлар бар. Дегенмен күн суытқалы бері олардың да саны азайған.
Осыған орай, облыстық мемлекеттік қызмет істері департаменті мемлекеттік қызметкерлер арасында бастама көтеріп отыр. Өзге әріптестеріне үлгі ретінде департамент басшысы қызметкерлермен бірге қан орталығында қан тапсырды. Акцияға ҚР Президенті жанындағы Мемлекеттік басқару академиясының облыстық филиалының қызметкерлері де атсалысты.
<blockquote>
 “Биылғы жылды Мемлекет басшысы “Еріктілер жылы” деп жариялауына орай осындай бастама көтеріп отырмыз. Бастаманың мақсаты –&nbsp; облыстағы барлық мемлекеттік қызметшілерді ерікті қан доноры болуға шақыру. Сол арқылы халық арасында донорлықты насихаттау. Қан тапсыру әрбір адамның қолынан келетін іс. Қиналған жандардың өміріне үміт сыйлайтын игілікті бастамаға әріптестеріміз барынша қолдау білдіреді деп сенемін”, – деді департаменттің басқарма басшысы Ғалымжан Ілкібаев.
</blockquote>

Қызылордалық мемлекеттік қызметшілер донор болуға шақырады

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a> Қазақстанда 15 қыркүйектен 15 қарашаға дейін халықтың өз таңдауы бойынша қалаған емханаға тіркеу науқаны жүргізілді.
Биылғы науқан кезінде Қызылорда облысында 3939 тұрғын медициналық ұйымды өз еркімен таңдады. Оның ішінде 2511 адам медициналық-санитариялық алғашқы көмек көрсету ұйымы арқылы тіркелсе, қалған 1 428 азамат онлайн қызметті қолданды.
Өңірде тіркеу науқанына 21 медициналық ұйым қатысты. Оның 8-і жеке медициналық мекеме. Келер жылы кепілдендірілген тегін медициналық көмек шеңберінде халыққа қызмет көрсететін болады.
<blockquote>
 “Бастапқы медициналық көмек көрсететін ұйымын бірнеше жағдайда өзгертуге болатындығын атап өткім келеді. Егер адам өзінің тұрақты немесе уақытша тұрғылықты жерін, жұмысын немесе оқу орының өзгерткен болса, басқа елді мекенге қоныс аударса, емхана Әлеуметтік медициналық сақтандыру қорының жеткізушілері қатарынан шығып кетсе, тіркеуді ауыстыруға мүмкіндік бар. Бұдан басқа, кез келген азаматтың жылына бір рет тұрғылықты жері аймағы бойынша емхананы ауыстыруға құқығы бар. Егер тіркелген адамдар шамадан тыс көп болса, Денсаулық сақтау басқармасының бұйрығымен қызмет көрсету аймақтан тыс жерде тұратын азаматты емханаға тіркемеуі мүмкін. Жалпы практикалық дәрігердің учаскесінде 1700 пациенттен артық болмауы тиіс”, – деді Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов.
</blockquote>
Айта кетейік, тіркелген азаматтар 2021 жылдың 1 қаңтарынан бастап тегін медициналық көмектің кепілдік берілген көлемі шеңберінде және МӘМС жүйесінде осы ұйымда медициналық көмекті ала бастайды. Сондай-ақ, сақтандыру мәртебесін Электрондық үкімет порталында, Қор сайтында, Telegram-дағы SaqtandyryBot және «Колдау 24/7» мобильді қосымшасы арқылы білуге болады.

Емханаға тіркелу науқаны аяқталды

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a>&nbsp;Өткен тәулікте аймақта коронавирус инфекциясымен 5 жағдай тіркелді. Оның 4-і Қызылорда қаласында, Қармақшы ауданында 1 науқас.
Ал, 15 науқас індеттен сауығып шыққан. Зертханаларға тапсырылған сынамалар саны – 916, тексерілгені – 732 сынама. Қалған 184 сынамамен мамндар жұмыс жасауда. Облыс бойынша қалған тест саны – 16 651.
Бүгінгі күні инфекциялық стационарда 12 науқас, реанимация бөлімінде 3 науқас ем алуда.

Қызылорда облысында короновирус тіркелді

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a> Бүгінгі күні Қазалы ауданында эпидемиологиялық ахуал тұрақты. Дегенмен де сақтық шаралары мен жұқпалы дерттің алдын жұмыстары толастаған жоқ.
Аудан әкімінің орынбасары Әліби Әбиев Қазалы ауданаралық ауруханасы мен теміржол ауруханасына арнайы барып, медициналық мекеменің дайындық жұмыстарымен танысты.
Дайындық жұмыстарын пысықтауға келген аудан әкімінің орынбасарына Қазалы ауданаралық ауруханасының бас дәрігері Бақыткүл Әлішева мен «Қазалы теміржол ауруханасы» ЖШС-ның бас дәрігері, атқарушы директоры Сейілхан Артықбаев бүгінгі таңдағы аудандағы эпидемиологиялық ахуал жайында толық мәлімет беріп, атқарылған жұмыстармен таныстырды. Бүгінгі күні жергілікті ауруханаларда кемі екі айдың дәрілік заттары мен медициналық құрал-жабдықтардың қоры жеткілікті.
Мұнан соң Әліби Берікұлы аудан орталығындағы ең ірі дәріханалардың бірі орналасқан «Нұр.Мед.кз» медицина орталығына соғып, сатылымда бар дәрілік заттардың мөлшерін білді.
Жеке кәсіпкер Айнұр Тұрымбетованың айтуынша дәріханада ұзын сонар кезек болмаса да, сақтық шаралары әлі де қатаң бақылауда. Арақашықтықты сақтап, ішке үш адамнан артық кірігізілмейді. Сөрелерде елімізден бөлек, алыс-жақын шет елдерден жеткізілген емдік препараттар самсап тұр.
<img src="https://kyzylorda-news.kz/wp-content/uploads/2020/11/125962608_2917443885143206_1251843565468304294_o.jpg" alt="" />

Қазақстан және Қызылорда облысының жаңалықтары: Денсаулық

Қызылордада дәрі-дәрмектің екі айлық қоры жасақталған