<a href="https://kyzylorda-news.kz/?doing_wp_cron=1604979285.4544520378112792968750">Kyzylorda-news.kz.</a> Дүниежүзілік денсаулық сақтау ұйымының басшысы&nbsp;Тедрос Адханом Гебрейесус коронавирусқа байланысты жағдай ушыға түскенін мәлімдеді.&nbsp;
<blockquote>
 “Біз денсаулық сақтау саласындағы төтенше жағдай кезінде адамдарды қорғауға мән беріп отырмыз. Алайда&nbsp;COVID-19 пандемиясы төтенше жағдай шеңберінен шығып кетті”, — деді ол Дүниежүзілік денсаулық сақтау ассамблеясының 73-ші сессиясында.
</blockquote>
Ұйым басшысы пандемия өзге инфекциялық аурулармен күресу жұмысына кері әсерін тигізіп жатқанын айтты.
Сондай-ақ, Гебрейесус COVID-19-қа қарсы вакцинаны “жеке шикізаттық тауар емес, жаһандық игілік” ретінде қарастыру керек деп отыр.
Пандемия әлемді жайлап кетті. 50 миллион адам індет жұқтырып, 1,2 миллион адам қайтыс болды. Әлем бойынша АҚШ, Үндістан және Бразилияда тіркелген науқастар саны көп.
<a href="https://sputnik.kz/world/20201109/15427232/pandemiya-totenshe-jagday.html">Sputnik Қазақстан</a>

ДДҰ пандемия төтенше жағдай шеңберінен шығып кеткенін мәлімдеді

<a href="https://kyzylorda-news.kz/date/2020/11/09/">Kyzylorda-news.kz</a>. COVID-19 және коронавирустық пневмониямен ауыратын науқастар әлеуметтік медициналық сақтандыру есебінен оңалту қызметтерін алады. ҚР Денсаулық сақтау министрлігі халыққа медициналық оңалту көрсету Ережесіне тиісті толықтырулар енгізді. Бұйрық &nbsp; <a href="http://adilet.zan.kz/rus/docs/V2000020022">«Әділет»</a> сайтында жарияланды.
Науқастарды COVID-19-дан кейін қалпына келтіру бірнеше кезеңнен тұрады. Ауруханаға жатқызу кезеңінде қалпына келтіру шараларының кешені басталады, олар тыныс алуды қалыпқа келтіруге, асқынулардың дамуын азайтуға, өмір сүру сапасын жақсартуға және мазасыздық пен депрессия белгілерін жеңілдетуге бағытталған.
Ауруханадан шыққаннан кейін ауру ағымының ауырлығына, ілеспе патологиялардың болуына байланысты пациент медициналық оңалтудың 2-кезеңіне немесе бірден 3-кезеңге жіберілуі мүмкін, ол амбулаториялы – емханалық ұйымдарда, күндізгі және тәуліктік стационарларда, оңалту орталықтарында, санаторий-курорттық ұйымдарда, үйдегі стационарларда немесе қашықтықтан жүргізіледі. Айта кету керек, ковидтан кейінгі синдром психологиялық қолдау шараларын қажет етеді.
<blockquote>
 «Егер науқаста коронавирустық инфекция болса, қанның оттегімен қанығуы 95% – дан төмен, өкпенің зақымдану деңгейі 50% – дан асса немесе бұл көрсеткіш 25% деңгейінде болса, бірақ нормадан асатын ентігу, қатар жүретін аурулар, оттегі қолдауы қамтамасыз етілсе, емдеу реанимация және қарқынды терапия бөлімінде өтсе, науқас 2 кезеңді қалпына келтіруді қажет етеді. Орташа айқын көрінген бұзылулары бар пациенттер 3 кезеңге жіберіледі» – деді Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов.
</blockquote>
Айта кету керек, егер &nbsp;көрсеткіштер болса, үйде емделіп, медициналық ұйымдарға жүгінбеген азаматтар да 3 кезеңді оңалтуға ала алады. Сондай-ақ, олар мультидисциплинарлы топтың бағалауынан өтуі қажет.&nbsp;
Әрбір пациент үшін оңалту курсы пациент ағзасының ерекшеліктерін, оның қосалқы ауруларының болуын, жасын және т. б. ескере отырып, жеке таңдалады.
COVID-19 және коронавирустық пневмониямен ауыратын науқастарды оңалтуға жіберу тәртібі бұрынғы тәртіптен ерекшеленбейді: ол үшін Сіз учаскелік дәрігермен кеңесуіңіз керек, участкелік дәрігер пациенттің жағдайын бағалау үшін реабилитолог немесе көп салалы мамандар тобының кеңесіне жолдама береді. Тексеру кезінде тыныс алу функциясы (сатурация деңгейі, КТ/рентгенография деректері бойынша өзгерістер), күнделікті өмірге қабілеттілігі (Бартел индексі) ескеріледі.
Қор коронавируспен немесе пневмониямен ауырғаннан кейін оларға мұқтаж сақтандырылған халық үшін оңалту қызметтерін үздіксіз қаржыландыруды қамтамасыз етеді.
Оңалту қызметтерін көрсету үшін биылғы жылы Әлеуметтік медициналық сақтандыру қорының Қызылорда облысы бойынша филиалы 28 жеткізушімен шарттар жасасты, оның ішінде осы қызметтерді жеткізушілер қатарында 10 жеке медициналық ұйым бар.
Егер емделушіге көмек көрсетуден бас тартылса немесе оның оңалту ережелеріне қатысты сұрақтары туындаса, онда пациент 1406 байланыс орталығына жүгіне алады немесе Qoldau – 24\7 мобильдік қосымшасында өтініш қалдыра алады.
<img src="https://kyzylorda-news.kz/wp-content/uploads/2020/11/kovid_reabilitacija-kaz.jpg" alt="" />

МӘМС: Коронавируспен ауырған пациенттерге оңалтуды қалай алуға болады?

<a href="https://kyzylorda-news.kz/">Kyzylorda-news.kz</a>. Адам өзін жақсы сезіну үшін күніне үш-бес шақырым жаяу жүру керек. Бұл туралы травматолог-ортопед Денис Шпаковский айтты, деп хабарлайды <a href="https://stan.kz/dariger-deneni-kalipti-zhagdayda-ystau-ushin-kunine-kan-339368/?fbclid=IwAR3GpjiNMFubt5H8jYgQNb36PSfJzT_yjwJxZ2vAaMI6e-hpybgV0XK7PSs">Stan.kz</a> ақпарат агенттігі.
<blockquote>
 “Егер адамның жасы мен функционалды жағдайын ескермей айтқанда, онда күніне орта есеппен 3-5 шақырым жүруіңіз керек. Бұл тірек-қимыл жүйесін де, жүрек-тамыр жүйесін де жақсы күйде ұстауға мүмкіндік береді. Адамның жаттығуды қай уақытта жасайтыны аса маңызды емес”, — деді Шпаковский сұхбатында. 
</blockquote>
Сондай-ақ, дәрігер жаттығу мен дұрыс тамақтанудың маңыздылығын атап өтті. Ол таңды жеңіл таңғы аспен бастауға кеңес береді. Мысалы, кептірілген жемістер мен шоколад немесе бір стақан жаңа сығылған шырыны бар тәтті шай. Олар тез сіңіріліп, алдағы уақытта жаттығу жасауға көп қуат беретін жеңіл тағамдар.

Денені қалыпты жағдайда ұстау үшін күніне қанша жол жүру керек?

<a href="https://kyzylorda-news.kz/date/2020/11/06/">Kyzylorda-news.kz.</a> Қызылорда облысында өкпені жасанды желдету (ИВЛ) аппараты жыл басында 76 болса, қазіргі таңда 244-ге жетті. Одан бөлек, Дүниежүзілік банк арқылы 47 дана ИВЛ аппараты келеді. Жергілікті бюджеттен 4 флюро және 6 дана стационарлы рентген аппаратын сатып алынбақ. Бұл туралы өңірлік коммуникациялар қызметінде өткен баспасөз мәслихатында белгілі болды.
Қазір коронавирустық инфекциясының болжамды екінші толқынына дайындық жұмыстары жүргізілуде. Өңірде 3500 медицина қызметкерлерінің резерві құрылды. Сондай-ақ, материалдық базаны нығайту үшін лизинг арқылы республикалық бюджеттен 40 дана автокөлік алу жоспарлануда.
<blockquote>
 «Оттегі баллондарының жеткіліксіздігін жою мақсатында «Петро Қазақстан Құмкөл Ресорсиз» АҚ демеушілігімен Қазалы ауданында 1 оттегі станциясы салынады. Ол Арал және Қармақшы аудандары мен Байқоңыр қаласын оттегімен қамтамасыз етеді. Ал екінші оттегі станциясы Көпбейінді облыстық аурухананың базасында салынады. Оған «ҚазГермұнай» компаниясы демеушілік жасауда. Бұл станция қала аумағындағы ауруханалардан бөлек, Сырдария, Жалағаш аудандарын қамтамасыз ететін болады», – дейді облыс әкімінің орынбасары Наурызбай Байқадамов.
</blockquote>
<img src="https://kyzylorda-news.kz/wp-content/uploads/2020/11/123903404_1159945131067664_3497072491692435811_o.jpg" alt="" />
Сондай-ақ Қызылордада шілде айынан бастап мобильді бригадалар қызмет көрсетуде. Бес мың халыққа бір бригададан келеді. 38-і қалада болса, 28-і аудан орталықтарында, 95-і елді мекендерде.
<blockquote>
 «Мобильдік бригадалардың құрамы аймақтық дәрігер, мейірбике және жүргізушіден жасақталған. 161 мобильдік бригадаға 159 автокөлік берілген. Оның ішінде 57 автокөлік қала және аудан әкімдіктерінің қызметтік көліктері болса, қалған 102 автокөлік бастапқы медициналық-санитарлық көмек көрсететін ұйымдарының автокөлігі. Бүгінгі күнге дейін мобильді топ 13368 шақыртуға барды», – деді облыс әкімінің орынбасары.
</blockquote>

Қызылордада 2 оттегі станциясы салынады

<a href="https://kyzylorda-news.kz/date/2020/11/06/">Kyzylorda-news.kz.</a> Эпидахуалдың тұрақталуына орай инфекциялық, провизорлық, карантиндік төсек орындары 10 есеге дейін қысқарды. Жағдай күрделене түссе 3 мың төсек орын 21 ауруханада дайын.
Сондай-ақ, 200 төсек орынды тез соғылатын модульді инфекциялық аурухананың құрылысы жүргізілуде. Нысан үстіміздегі жылдың желтоқсан айында дейін пайдалануға берілмек.
<blockquote>
 “Пандемияның бірінші кезеңінде дәрі-дәрмектер тапшылығы орын алғаны белгілі. Дәл сондай жағдай қайталанбас үшін облыстың бас пульмонолог және инфекционисті сараптама жүргізіп, қоры «COVID-19» індетін емдеу хаттамасына сәйкес жасақталды”,-деді облыстық денсаулық сақтау басқармасының басшысы Сәбит Пазилов.
</blockquote>

Қызылордада жаңа аурухана ашылады

<a href="https://kyzylorda-news.kz/date/2020/11/06/">Kyzylorda-news.kz.</a> Коронавирусқа қарсы екпеден кейін адам денсаулығына үлкен қауіп төндіретін жанама әсерлер болмауы тиіс. Мемлекеттердің билігі мен Дүниежүзілік денсаулық сақтау ұйымы (ДДСҰ) мақұлдаған COVID-19 вакцинасы басқа вакциналарға қарағанда үлкен қауіп төндіруі мүмкін емес. Бұл туралы бейсенбіде виртуалды баспасөз конференциясында Панамерикалық денсаулық сақтау ұйымы (ДДСҰ аймақтық кеңсесі – ред.) басшысының орынбасары Жарбас Барбоса мәлімдеді, деп хабарлайды <a href="https://www.inform.kz/kz/koronaviruska-karsy-vakcina-2021-zhyldyn-birinshi-zhartysynda-narykka-shygady_a3715350?fbclid=IwAR1w_dH2W2JF6PaK3G9bDBuVkMpeRbY33TV9OcdW6006BvIV0-YTfoAg4oE">ҚазАқпарат</a>.
Ол ережелерге сәйкес, кез-келген жаңа вакцина клиникалық сынақтардың барлық үш кезеңінен өтуі керек және олардың нәтижелері жария етілуі қажет деп атап өтті. ДДСҰ вакциналарды алдын ала іріктеу жөніндегі сарапшылар тобы COVAX Альянсы (коронавирусқа қарсы вакцина өндірісі бойынша халықаралық ынтымақтастық бағдарламасы) арқылы сатып алынатын барлық дәрі-дәрмектердің сапасын бағалайды.
<blockquote>
 «Сондай-ақ жаппай вакцинация кезеңінде, нарықта жаңа вакцина пайда болған кезде, мониторинг жүйесін құру өте маңызды. Иммундауға дайындық елдермен тығыз ынтымақтастықта жүргізілуде», – деді Барбоса.
</blockquote>
Ол ДДСҰ-да жаппай вакцинация нәтижелеріне мониторинг жасау шартты түрде клиникалық зерттеулердің «төртінші кезеңі» деп аталатынын атап өтті. Ол сонымен қатар коронавирусқа қарсы вакциналарды сынақтан өткізудің үшінші кезеңі (клиникалық зерттеулердің соңғы кезеңі – шамамен.ред.)
2020 жылдың қарашасынан 2021 жылдың басына дейін жүргізілетінін, ал препараттар нарықта 2021 жылдың бірінші жартысында пайда болатынын хабарлады. Оның айтуынша, коронавирусқа қарсы жаппай иммундау қай айда басталатынын анықтау әлі қиын.

Коронавирусқа қарсы вакцина 2021 жылдың бірінші жартысында нарыққа шығады

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 591 адамда коронавирус індеті ПТР арқылы расталды, деп хабарлайды&nbsp;<a href="https://www.coronavirus2020.kz/kz">coronavirus2020.kz</a>.
Аймақтар бойынша: 
Нұр-Сұлтан қаласы –&nbsp;34 
Алматы қаласы –&nbsp;30 
Шымкент қаласы –&nbsp;5 
Ақмола облысы –&nbsp;30 
Ақтөбе облысы –&nbsp;6 
Алматы облысы –&nbsp;10 
Атырау облысы –&nbsp;9 
Шығыс Қазақстан облысы –&nbsp;250 
Жамбыл облысы –&nbsp;4 
Батыс Қазақстан облысы –&nbsp;49 
Қарағанды облысы –&nbsp;20 
Қостанай облысы –&nbsp;49 
Павлодар облысы –&nbsp;68 
Солтүстік Қазақстан облысы –&nbsp;25 
Түркістан облысы –&nbsp;2
Жалпы ел бойынша ауырғандар саны –&nbsp;114 826.

Қазақстанда өткен тәулікте 600-ге жуық адам коронавирус жұқтырды

<a href="https://kyzylorda-news.kz/">Kyzylorda-news.kz.</a> Облыс әкімі Гүлшара Әбдіқалықова Қазақ ғылыми онкологиялық және радиологиялық ғылыми-зерттеу институтының директоры Диляра Қайдарованы қабылдады.
Аймақ басшысы пандемия кезеңінде әрбір азаматтың денсаулығын сақтау маңызды екенін айтып, онкологиялық аурумен ауыратын науқастарды емдеу мәселелеріне қатысты пікір алмасты. Өз кезегінде Диляра Қайдарова Сыр еліндегі сапары аясында аймақтың дәрігерлеріне кординациялық кеңес өткізіп, практикалық әдістемелік жұмыстарды жүргізу бағытында бірқатар ұсыныстарын жеткізді. Сонымен бірге скринингтік жұмыстарды жүргізу, сүт безінің қатерлі ісігі мен жатыр мойнының қатерлі ісіктерін анықтаудың өңірдегі көрсеткіштерін атап өтті.
Қабылдау барысында Гүлшара Әбдіқалықова Сыр елінде жаңа онкологиялық орталық ашу мәселесіне қатысты мамандар даярлау бағытында әңгімелесті. Сонымен бірге асқазан өңешінің қатерлі ісігі ауруларын емдеу жолдарын күшейтуде дәрігерлердің біліктілігін арттыру қажеттігіне айрықша тоқталды.
Өңірдегі онкология орталығына гистологиялық және иммуногистохимиялық зерттеулерін жүргізетін құрал-жабдық, телеконсультацияға арналған құрал-жабдық және медициналық бейнелерді сақтау және көрсету (ПАКС) жүйесі сатып алынды. Сонымен бірге 2021 жылы цифрлық маммограф және жуу машинасымен видеоколоноскоп сатып алу жоспарлануда.
Айта кету қажет, бүгінде жаңа заманауи жабдықтармен қамтылған онкологиялық орталық салу үшін жобалық-сметалық құжаттамалары әзірленген. Құрылысы келесі жылы іске асырылады.
Қызылорда өңірінде соңғы 5 жыл ішінде асқазан өңешінің қатерлі ісігіне шалдыққан азаматтардың қатары көбейген. Бұл ретте онкологиялық және радиологиялық ғылыми-зерттеу орталығының зерттеуі негізінде ауру белгілерін азайту жұмыстары қолға алынған.
Жиында аймақ басшысы Гүлшара Әбдіқалықова орынбасары Наурызбай Байқадамовқа негізгі индикаторлардың орындалуын бақылауды және онкологиялық ауруларды ертерек анықтап, ауру белгілерін азайту бағытында жұмыс жүргізуді тапсырды. Сонымен бірге алдағы екі жылда кадр даярлау мәселесін қайта қарап, дәрігерлердің біліктілігін көтеру қажеттігін қаперге салды. 
Кездесу соңында облыс әкімі ғылыми-зерттеу институтының директорына бірлескен жұмыстардың нәтижесі үшін алғысын білдірді.
<img src="https://kyzylorda-news.kz/wp-content/uploads/2020/11/123740458_2873342579435459_2714700497388860467_o.jpg" alt="" />

Гүлшара Әбдіқалықова Диляра Қайдарованы қабылдады

<a href="https://kyzylorda-news.kz/date/2020/11/05/">Kyzylorda-news.kz.</a> Қызылордада жаңа онкологиялық орталық салу үшін жоба-сметалық құжаттамасы әзірленді. Үстіміздегі жылдың желтоқсан айында сараптамалық құжаты дайын болса, құрылыс жұмыстары басталатын болады.
Бүгінде өңірдегі онкологиялық орталықта барлық хирургиялық қызмет жасалады. Яғни, 40-70 жас аралығындағы әйелдерге мамографиялық көмек тегін көрсетіледі. Сондай-ақ, елімізде мойын, сүт безі обыры және колоректальды қатерлі ісігімен ауыратын адамдар скринингтен тегін өтеді.
<blockquote>
 “Қызылорда облысы онкологиялық аурудың көрсеткіші бойынша 15-ші орында тұр. Жыл сайын мыңға жуық науқас тіркеледі. Өңеш қатерлігі ісігі, өкпе, сүт безі аурулары көп кездеседі. Сапарымның мақсаты – өңірдегі жағдайды біліп, мониторинг жүргізу. Яғни, науқастарға қалай көмек көрсетіліп жатқанын, дәрі-дәрмектің жеткіліктілігін қадағалау. Науқастардың жағдайын бақылау барысында барлық құрал-жабдықтардың жеткілікті екенін көрдім. Желтоқсан айында сараптама дайын болса, өңірде заманауи жабдықтармен қамтылған жаңа онкологиялық орталықтың құрылысы басталады”, – деді Қазақ онкология жане радиология гылыми-зерттеу институтынын директоры Диляра Қайдарова.
</blockquote>

Қызылордада онкологиялық орталық салынады

<a href="https://kyzylorda-news.kz/date/2020/11/05/">Kyzylorda-news.kz.</a> Вирусолог, Гамалея атындағы эпидемиология және микробиология ғылыми орталығының профессоры Анатолий Альтштейн адамның COVID-19 вирусын қайтадан жұқтыру ықтималдылығы және оның неге байланысты болатындығы туралы айтты.
Коронавирустан негізгі қорғаныс – адамның табиғи иммунитеті.
Оның айтуынша, алғаш рет инфекция жұқтырғаннан кейін ағзаның COVID-19-ға қарсы иммунитеті күшейеді, бірақ бұл әрдайым бола бермейтін жағдай. Сол себепті вирусолог бұған дейін вируспен ауырып шыққан адамдардың өз денсаулығына мұқият қарауға, санитарлық-эпидемиологиялық нормаларға назар аударуға және басқалармен бірдей дәрежеде сақтық шараларын сақтап жүруге шақырады.
<blockquote>
 “Адам коронавируске қайтадан шалдығуы әбден мүмкін. Әйтсе де, бұл вирусты алғаш рет жұқтырғанмен салыстырғанда, сирек кездесетін жағдай. Сондықтан бұған дейін коронавируспен ауырып шыққан адам басқалар сияқты үнемі сақтық шараларын сақтап жүруі қажет. Оның үстіне инфекцияны қайта жұқтыру фактісі сирек кездескен күннің өзінде, адам оған екінші рет шалдыққанда оның салдары біріншісіне қарағанда ауыр болуы мүмкін”, – деп түсіндірді вирусолог.
</blockquote>
Болашақта адамның инфекцияны қайтадан жұқтыру ықтималдығын ол вируске алғаш рет шалдыққан кезде білуге болады. Анатолий Альтштейннің пікірінше, мұндай бағалау жүргізуге иммунитеттің вирусқа алғаш рет қалай реакция танытуы негіз бола алады.
<blockquote>
 “Егер вирусты алғаш жұқтыру кезінде иммунитет өте әлсіз болса, онда адам қайтадан ауырып қалуы ықтимал. Короновирустың симптомсыз түрімен ауырғандар да екінші рет вирус жұқтыруы әбден мүмкін”, – деп түйіндеді өз сөзін вирусолог.
</blockquote>
Альштейн коронавирусты қайта жұқтырған жағдайда адам қатты ауыруы мүмкін бе деген сауалға нақты жауап бере алмайтынын айтты. Өйткені бұл мәселе әлі жете зерттелген жоқ.
<a href="https://radiosputnik.ria.ru/20201105/kovid-1582844059.html">Sputnik радиосына</a>

Вирусолог коронавирусты қайта жұқтыруға әсер ететін факторды атады

<a href="https://kyzylorda-news.kz/date/2020/11/05/?doing_wp_cron=1604557296.9215369224548339843750">Kyzylorda-news.kz.</a> Қазалы ауданы Әйтеке би кентінің тұрғыны Сейітқасым Бақтыберлин темір жол саласының ардагері. Жиырма жыл бойы ол артрозбен ауырады.
<blockquote>
 «Мен теміржолда жұмыс істеген кезде буындарым үнемі ауыратын. Зейнетке шыққаннан кейін әр қадамым ауыр болды. Ауруханаға жатқызу бюросының порталы арқылы Қызылорда қалалық ауруханасына жіберілдім. Бір аптаның ішінде травматологтар сол аяғымның тізе буынының эндопротездеу отасын сәтті жасады. Басқа тізе буынына ота алты айдан кейін жоспарланған. Сондықтан оң жақ тізе буынындағы ауырсынуды жою үшін радиожиілікті абляция жасалды. Дәрігерлерге алғысым шексіз», – дейді Сейітқасым Бақтыберлин.
</blockquote>
Травматология бөлімшесінің меңгерушісі Расул Әлімбетовтың айтуынша, радиожиілік абляциясы –радиотолқындар тудыратын электр тоғы, бұл жүйке ұштарын күйдіреді және нәтижесінде ауырсыну синдромы бірнеше жылға тоқтатылады.
<blockquote>
 «Радиожиілік абляциясы алғаш рет бір ай бұрын енгізілген. Бұл аз инвазивті рәсім жамбас, тізе буындарының артрозы, протрузия, остеохондрозы бар науқастарға жасалады. Бірақ бұл белгілі бір кезеңдегі ауырсынудың бітелуі, сондықтан эндопротездеу тиімдірек болады. Сонымен қатар, міндетті әлеуметтік медициналық сақтандыру шеңберінде осы жоғары технологиялық медициналық қызметтерді тегін алу мүмкіндігі бар. Эндопротез (жасанды буын) – титаннан жасалған, оның құны 500 мың теңгеден және одан жоғары, ал отаға жұмсалатын шығыстар 1 млн.теңгеден асады. Сондай – ақ біздің сақтандырылған науқастарға оңалту емі бойынша да қызметтер қолжетімді», – деді дәрігер.
</blockquote>
<img src="https://kyzylorda-news.kz/wp-content/uploads/2020/11/travmatolog_zavotdel.jpg" alt="" />
Аталған медициналық қызметтерді қаржыландыру МӘМС қаражаты есебінен жүзеге асырылады, сондықтан сақтандыру мәртебесіне ие болу қажет.
<img src="https://kyzylorda-news.kz/wp-content/uploads/2020/11/travmatologi.jpg" alt="" />

Қазалылық тұрғынға 1 млн теңгенің қызметін МӘМС тегін ұсынды

<a href="https://kyzylorda-news.kz/date/2020/11/05/?doing_wp_cron=1604553451.1781749725341796875000">Kyzylorda-news.kz.</a> Қызылорда облысында коронавирус инфекциясымен тіркелген науқастар саны – 3 262. Ал жалпы індеттен айыққандар саны 3144-ке жетті. Соңғы тәулікте 10 адам емделіп шықты.
Сондай-ақ, коронавирус инфекциясы анықталған азаматтармен байланыста болғаны – 14 381, тікелей қарым-қатынас – 11 632, ықтимал қарым-қатынас –2 739.
Өткен тәулікте зертханаларға тапсырылған сынамалар саны – 762 сынама, тексерілгені – 702 сынама, жұмыс жасалуда – 60 сынама. Қалдық тест саны – 20 789. Эпид. маусым басталғалы бері 118 129 сынама алынды.

Қазақстан және Қызылорда облысының жаңалықтары: Денсаулық