<h4 style="margin-left:0px;"><a href="https://kyzylorda-news.kz/">Kyzylorda-news.kz.</a> Сақтандыру мәртебесін алудың жаңа механизмін енгізу МӘМС жүйесіндегі көпшілік күткен және тиімді өзгерістердің бірі болып табылады. 5 қыркүйектен бастап бір жыл бұрын алдын ала сақтандырылу мүмкіндігі пайда болды. Бұл тұрғыда өткен 12 айдың қарызын өтеу міндетті емес. Бұл жаңашылдықты 2,6 мыңнан астам азамат пайдаланып үлгерді әрі оң бағалауда.</h4><h4 style="margin-left:0px;">Әлеуметтік медициналық сақтандыру қорында атап өтілгендей, ағымдағы жылдың 5-қыркүйегінен бастап алдағы 12 айға МӘМС жарналарын төлеудің жаңа тетігі іске қосылды. Бұрын өткен 12 ай үшін жарналардың төленген болуы міндетті еді. Ал қазір жаңа әдісті таңдағанда өткен жылы төленбеген кезеңдер үшін төлеудің қажеті жоқ.&nbsp;</h4><h4 style="margin-left:0px;">Қазан айының алғашқы жартысында 2600 астам азамат жаңа механизмді пайдаланды. Алматы, Астана қалалары және Алматы, Қарағанды, Түркістан және Жамбыл облыстарының тұрғындары бір жыл бұрын сақтандырылып, міндетті әлеуметтік медициналық сақтандыру тізбесіне кіретін медициналық көмек алудың тиімділігін жоғары бағалады.</h4>Жаңа механизм бойынша алдын ала бір жылға сақтандыру &nbsp;мәртебесін қалай алуға болады?Әр айға жеке-жеке 3 000 теңгеден, яғни 12 төлем жасау керек. 12 айға &nbsp;36 000 теңге шығады. Бұдан бөлек, ескеретін жайт, 12 айға бір төлеммен аударуға болмайды. Себебі жүйе әр айды бөлек есептейді.&nbsp; МӘМС жарналарын екінші деңгейдегі кез келген банк, банктердің мобильді қосымшалары, жылдам төлем терминалдары және «Қазпошта» филиалдары арқылы төлеуге болады.Мәртебе қашан пайда болады?Егер МӘМС жүйесіндегі медициналық қызметтерді тұтынушының мәртебесі ағымдағы айдан бастап керек болса, онда ағымдағы айды қоса алғанда, жарналарды 12 ай үшін төлеу қажет («Міндетті әлеуметтік медициналық сақтандыру туралы» ҚР Заңының 30-бабы, 7-тармағына сәйкес мәртебе жарналар төленген күннен бастап 12 айға беріледі) Мысал: сіз қазан айында жарналарды 2022 жылдың қазанынан 2023 жылдың қыркүйегіне дейін төлейсіз. Сақтандыру мәртебесі қазан айында беріледі және барлық төленген кезеңге сақталады. Сонымен бірге, МӘМС аясында медициналық көмек алу мүмкіндігін сақтау үшін қосымша 3 ай кезең беріледі («МӘМС туралы» ҚР Заңының 5-бабы, 2-тармағына сәйкес). Алайда бұл берешекті жабу керек болады. &nbsp;Егер мәртебе алдағы кезеңге қажет болса, онда жарналарды алдағы айдан бастап көрсетіп төлеу қажет.Мысалы: сіз қазан айында 2022 жылдың қарашасы мен 2023 жылдың қазаны аралығында жарналарды төлейсіз. Мәртебе 2022 жылдың 1 қарашасынан бастап пайда болады және барлық төленген кезеңге сақталады. Сонымен қатар, сіз қосымша 3 ай сақтандырылған боласыз. Бірақ сол 3 айдың қарызын жабу керек болады. &nbsp;&nbsp; «Азаматтарға арналған үкімет» Мемлекеттік корпорациясы төлемдерді 2-3 күн ішінде өңдейтінін ескеру керек. &nbsp;МӘМС мәртебесі қандай мүмкіндіктер береді?Сақтандырылған азаматтар МӘМС пакетіне кіретін медициналық көмек алады. Оған салалық дәрігерлердің консультациялары, түрлі талдаулар мен диагностикалық тексерулер (рентген, УЗИ, КТ, МРТ және т.б.), жоспарлы емдеуге жатқызу, медициналық оңалту, жоғары технологиялық медициналық көмекті қолдана отырып емдеу, аурулардың алдын алу және диагностикалау кіреді.Мәртебе мен төлемдерді тексеруТөлемдердің болуы және келесі жылға мәртебенің берілуі туралы ақпаратты сақтандыру мәртебесі тексерілетін тәсілдер – Qoldau 24/7 мобильді қосымшасы, Қордың fms.kz ресми сайты немесе SaqtandyrýBot Telegram арнасы арқылы алуға болады.Төлемдер мен мәртебе туралы ресми құжатты eGov.kz электрондық үкімет порталынан «Медициналық қызметтерді тұтынушы ретінде қатысу туралы және міндетті әлеуметтік медициналық сақтандыру жүйесінде аударымдардың және (немесе) жарналардың аударылған сомалары туралы ақпарат беру» мемлекеттік қызметі арқылы алуға болады.<figure class="image"><img src="https://knadmin.beoblood.kz/uploads/osms_dde43beeb6.jpg" alt="osms.jpg"></figure>

Қанша адам МӘМС жүйесінде алдын ала бір жылға сақтандырылған?

<a href="https://kyzylorda-news.kz/">Kyzylorda-news.kz.</a> Әлеуметтік медициналық сақтандыру қорының сарапшылары мемлекет тегін медициналық көмектің кепілді берілген көлемі (ТМККК) шеңберінде және міндетті әлеуметтік медициналық сақтандыру (МӘМС) пакеті бойынша жеткізушілер көрсеткен қызметтердің сапасы мен көлеміне мониторинг жүргізуді жалғастыруда.2022 жылдың 8 айында халыққа медициналық көмек көрсету кезінде &nbsp; &nbsp;62 759 түрлі кемшілік анықталды, медициналық ұйымдарға салынған айыппұл сомасы 752,4 млн теңгеден асты.<blockquote>«ТМККК және МӘМС пакеттері бойынша Қор жеткізушілері халыққа көрсеткен медициналық қызметтер үшін ақы төлеу осы қызметтердің сапасы мен көлеміне мониторинг жүргізілгеннен кейін ғана жүргізілетінін атап өткен жөн. Іс жүзінде көрсетілген және медициналық көмек көрсету стандарттары мен ережелерін, сондай - ақ клиникалық хаттамалардың ұсынымдарын сақтай отырып, құжатпен расталған қызметтерге ақы төленеді», - деп атап өтті «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов.</blockquote>Қор филиалының директоры түсіндіргендей, анықталған кемшіліктің ең көп саны жан басына шаққандағы нормативке кірмейтін, әрбір қызмет жеке төленетін консультациялық-диагностикалық қызметтерді көрсетумен байланысты. Жалпы құны 133,5 млн теңге болатын 50 490 осындай ақаулар тіркелді. Сондай-ақ, амбулаториялық-емханалық көмек көрсету кезінде 6 467 ақау, тәулік бойы жұмыс істейтін көп бейінді стационарларда медициналық көмек көрсету кезінде 5 869 кемшіліктер анықталды.Егер сізде сапалы медициналық қызметтерді алуға қатысты сұрақтар туындаса, онда өз емханаңыздың Пациентті қолдау қызметіне хабарласуыңыз қажет. Егер мәселені сол жерде шешу мүмкін болмаса, онда Әлеуметтік медициналық сақтандыру қорына өзіңізге ыңғайлы тәсілмен өтініш беріңіз: fms.kz ресми сайты, 1406 байланыс орталығы, Qoldau 24/7 мобильді қосымшасы және Telegram-дағы SaqtandyryBot.<figure class="image"><img src="https://knadmin.beoblood.kz/uploads/mems_zhuyesi_bakyt_ismahanbetov_fb95ce28d3.jpg" alt="mems-zhuyesi-bakyt-ismahanbetov.jpg"></figure>&nbsp;&nbsp;

Қызылордалықтарға көрсетілген медициналық қызметтен 62 мыңнан аса кемшілік анықталды

<a href="https://kyzylorda-news.kz/">Kyzylorda-news.kz.</a> &nbsp;2022 жылғы 5 қыркүйекте МӘМС - ға бір жыл бұрын жарналарды төлеудің жаңа тетігі басталды. Оны «сақтандырылған» мәртебесі бар, сондай – ақ жүйеге ешқашан төлем жасамаған немесе оны жүйесіз жасаған барлық дербес төлеушілер пайдалана алады.&nbsp;«Өңірдің 130 мыңға жуық тұрғыны әлі де медициналық сақтандыру жүйесінен тыс қалып отыр. Бұл оларға жоспарлы және жоғары технологиялық медициналық көмекке, аурудың алдын алуға және диагностикалауға қол жеткізуді қиындатады. Мемлекет басшысы сақтандырылмаған азаматтарды МӘМС жүйесіне тарту бойынша шұғыл шаралар қабылдау қажеттілігі туралы бірнеше рет айтқан. Біз жаңа төлем әдісі бұған ықпал етеді деп санаймыз. Енді алдағы 12 ай үшін ақы төлеудің және өткен кезеңді төлемей-ақ сақтандыру мәртебесін алудың баламасы бар», – деп атап өтті Қызылорда облысы бойынша Әлеуметтік медициналық сақтандыру қоры филиалының директоры Бақыт Исмаханбетов.Филиал директоры жаңа төлем әдісі қалай жұмыс істейтінін түсіндірді. Ең алдымен, төлем жасамас бұрын, мәртебеңізді және соңғы 12 айдағы төлемдердің болуын тексеріңіз. Мұны Qoldau-24/7 мобильді қосымшасы, Telegram-дағы SaqtandyruBot арқылы немесе eGov.kz электрондық үкімет порталындағы жеке кабинет арқылы жасауға болады.Үзінді көшірмеде әр ай үшін төлемдерді жеке-жеке көресіз. Егер сізде бірнеше төленбеген ай болса, олар үшін әлдеқайда аз мөлшерде төлем жасап, мәртебені алу тиімді болады. Бірақ осыдан кейін мәртебеңізді жоғалтпау үшін ай сайын жарналарды төлеуді ұмытпаңыз.Егер сізде ешқандай төлем болмаған жағдайда, онда алдыңғы жылдың барлық ақысын төлемеу үшін 12 ай бұрын жарна салған тиімді. Жарналарды төлеу әдістері бірдей болып қалады. Төлемді кез келген екінші деңгейдегі банк немесе банктердің мобильді қосымшалары, жылдам төлем терминалдары немесе Қазпошта филиалдары арқылы жасауға болады.Егер сіз бір жылға төлем жасасаңыз, мұндай төлемнің бірінші айы болашақ кезең, яғни келесі ай ағымдағы кезең болып саналатынын түсіну керек. Сонда ғана сізге мәртебе беріледі. Мәртебені бірден алу үшін алдымен ағымдағы айға, содан кейін келесі 12 айға ақы төлем жасау керек.Жүйе оларды дұрыс санау үшін жарналар әр ай үшін бөлек төленеді. Сіз жыл бойы бір реттік төлем ғана жасай алмайсыз. Төлем жасау кезінде ЖСН, төлем енгізілетін ай мен жылды дұрыс көрсету маңызды. Сіз 12 айға төлемдерді бірден жасай алмайсыз, өйткені жүйе әр ай үшін төлемді бөлек оқиды.&nbsp;Қате жіберген кезде мәртебені жоғалтпау үшін сіз осы кезең үшін жарналарды қайтадан төлеуіңіз керек, ал қате төленген соманы қайтаруға қоюыңыз керек. Бұл «Азаматтарға арналған үкімет» мемлекеттік корпорациясына өтініш берген жағдайда жүзеге асырылады.Жарналарды 3 жұмыс күні ішінде төлегеннен кейін жүйеге барлық төлемдердің түсуін және мәртебенің берілуін тексеру қажет. Еске салайық, мұны Qoldau-24/7 мобильді қосымшасы, Telegram-дағы SaqtandyruBot немесе eGov.kz сайтындағы жеке кабинет арқылы жасауға болады.Төлем ұзақ уақыт бойы жүйеге түспесе, төлем кезінде қате жіберілген болуы мүмкін. Ең алдымен, тексерулерге енгізілген деректердің дұрыстығын қайтадан тексеру керек. Содан кейін банкке қоңырау шалып, төлемнің бар-жоғын біліңіз. Егер жоқ болса, «Азаматтарға арналған үкімет» мемлекеттік корпорациясына қоңырау шалыңыз, өйткені МӘМС жүйесіне барлық төлемдер Ұлттық банктегі арнайы шотқа түседі, содан кейін халыққа медициналық көмек Қор арқылы бөлінеді. &nbsp;<img src="https://knadmin.beoblood.kz/uploads/Status_kaz_28f87ef4cc.jpg" alt="Статус каз.jpg">

МӘМС үшін жаңа төлем әдісі енгізілді

<a href="https://kyzylorda-news.kz/">Kyzylorda-news.kz.</a> Қызылорда облыстық балалар ауруханасының травматологтары табанынан жарақат алған үш жасар пациентке шұғыл ота жасады.&nbsp;
<blockquote>«Сол күні кішкентай Гүлбағым көрші мотоциклдің жанында ойнап жүрген. Темір тұлпар баланың сол аяғына құлады. Қыз шұғыл түрде аудандық ауруханаға, содан кейін облыстық балалар ауруханасына жеткізілді», - дейді анасы Айшолпан Өмірханова.</blockquote>
Компьютерлік томографияда табан асты буынның шығуы және табан пронациясының белгілері бар асық сүйегінің сынуы (ығысуы бар) анықталды. Бұл сирек кездесетін және күрделі патология, деп хабарлады облыстық балалар ауруханасының травматолог-ортопед Олжас Құрбанбаев. Науқасқа ота сәтті өтті.
<blockquote>«Тәжірибеде мұндай асық сүйегінің (таранная кость) жарақатын бірінші рет кездестіріп тұрмын. Травматологияда асық сүйегінің ығысқан сынығы сирек кездеседі және ауыр жарақаттар тобына жатады. Асық сүйгі арқылы дененің бүкіл салмағының қысымы аяққа беріледі. Бұл аяқтың бұлшық еті қосылмайтын жалғыз сүйек. Асқыну қаупі бар: аваскулярлық некроз, дегенеративті артроз. Мүгедектік деңгейі жоғары. Кішкентай пациенттің жас денсаулығы бұл жарақатты жеңіп, тез сауығып кетеді деп сенеміз», – дейді Олжас Құрбанбаев.</blockquote>18 жасқа дейінгі балалар жеңілдікті санатқа жатады, олар үшін МӘМС үшін аударымдарды мемлекет жасайды. Сондықтан, медициналық сақтандыру пакетіндегі медициналық көмек балаларға толық көлемде қол жетімді.<figure class="image"><img src="https://knadmin.beoblood.kz/uploads/Kurbanbaev_8017e8c9e4.jpeg" alt="Курбанбаев.jpeg"></figure><img src="https://knadmin.beoblood.kz/uploads/travma_de706af7e4.jpeg" alt="травма .jpeg"><img src="https://knadmin.beoblood.kz/uploads/travma_bbede3b5cf.jpeg" alt="травма.jpeg"><a href="https://baq.kz/">BAQ.KZ</a> &nbsp;

Қызылордалық дәрігерлер табанның күрделі патологиясын түзеді 

<a href="https://kyzylorda-news.kz/">Kyzylorda-news.kz.</a>&nbsp; Сақтандыру медицинасының басталуымен денсаулық сақтау жүйесін қаржыландыру айтарлықтай өсті. Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов хабарлағандай, егер 2020 жылы жоспарланған нақтыланған бюджет 62,7 млрд. теңгені құраса, 2022 жылы облыстың 61 медициналық ұйымымен (30 - мемлекеттік, 31 - жеке) 84,3 млрд. теңге сомасына шарттар жасалды (ТМККК-51,1 млрд. теңге (60,6%), МӘМС-33,2 млрд. теңге (39,4%)). Осылайша, қаржыландыру 21,6 млрд теңгеге немесе 25,6% - ға өсті.
Бақыт Исмаханбетов атап өткендей, тегін медициналық көмектің кепілдік берілген көлемі – бастапқы және шұғыл медициналық көмек. Ол үшін өз қалтаңыздан төлем жасаудың қажеті жоқ. Себебі МӘМС жүйесіне қатысқаныңызға қарамастан, сізге мемлекет кепілдік береді.
Бұл пакетке:
<ul style="list-style-type:disc;"><li style="text-align:justify;">паллиативті көмек</li><li style="text-align:justify;">туберкулез кезіндегі медициналық оңалту</li><li style="text-align:justify;">Д-есепте тұрған әлеуметтік маңызы бар және созылмалы аурулары бар пациенттерді диспансерлік бақылау, емдеу және дәрі-дәрмекпен қамтамасыз ету кіреді</li><li style="text-align:justify;">созылмалы әрі әлеуметтік маңызы бар және Д-есепте тұрған аурулары бар пациенттерді диспансерлік бақылау, емдеу және дәрі-дәрмекпен қамтамасыз ету</li><li style="text-align:justify;">инфекциялық және айналасындағыларға қауіп төндіретін аурулармен ауыратын пациенттерді емдеу</li></ul>
Міндетті әлеуметтік медициналық сақтандыру – медициналық көмектің кеңейтілген пакетіне қол жеткізетін әлеуметтік медициналық сақтандыру. Пакетіндегі медициналық көмектің көлемі төлем жасаушының кірісіне немесе жүйеге төленетін жарналардың мөлшеріне байланысты емес.
МӘМС – бұл:
<ul style="list-style-type:disc;"><li style="text-align:justify;">салалық мамандардың кеңестері</li><li style="text-align:justify;">диагностикалық тексерулер</li><li style="text-align:justify;">амбулаториялық деңгейде емдеу</li><li style="text-align:justify;">күндізгі және тәулік бойғы стационарларда емделу</li><li style="text-align:justify;">қымбат тұратын медициналық қызметтер</li><li style="text-align:justify;">медициналық оңалту</li><li style="text-align:justify;">дәрі-дәрмекпен қамту және МӘМС</li></ul>Егер ТМККК және МӘМС пакеттеріне қатысты қосымша сұрақтарыңыз болса, сіз оларды жергілікті дәрігерге немесе өз емханаңыздағы Пациенттерді қолдау қызметіне қоя аласыз. Сондай-ақ, ыңғайлы байланыс арнасы арқылы Әлеуметтік медициналық сақтандыру қорына жүгінуге болады: fms.kz ресми сайты, 1406 байланыс орталығы, Qoldau 24/7 мобильді қосымшасы және Telegram-дағы SaqtandyryBot.<img src="https://knadmin.beoblood.kz/uploads/Zastrahovan_besplatno_kaz_64492cfb97.jpg" alt="Застрахован_бесплатно каз.jpg">

ТМККК және МӘМС пакеттері: айырмашылығы неде?

<a href="https://kyzylorda-news.kz/">Kyzylorda-news.kz.</a> Қызылорда облыстық балалар ауруханасы жанындағы «Қамқорлық» оңалту орталығында балалар өздерінің алғашқы дербес қадамдарын жасайды. Орталық 2022 жылдың басында, балалар жылының басталуымен ашылды. Бір жарым мыңнан астам кішкентай пациенттер оңалту емін алды.
Жеті жасар Акнұрда туа біткен жамбас дисплазиясы, церебральды сал ауруы бар. Анасы Жанардың айтуынша, қалпына келтіру емін Алматы қаласында, Талсуат кентіндегі облыстық оңалту орталығында өтті. Енді оңалту емі облыс орталығында, «Қамқорлықта» қолжетімді.
<blockquote>«Осы орталыққа келгенде Ақнұр әлсіз болды, жиі құлап жүрді. Қазір қызым қолдаусыз, өзі жүреді. Оңалту емін дәл қала орталығында, жаңа, заманауи ғимаратта өтіп жатқанымызға қуаныштымыз», - деді Жанар.</blockquote>
Жамбас сүйегінің туа біткен шығуы жеті жасар Мәдинада алты айлық кезінде анықталған. Анасы Нұргүлдің айтуынша, қызы көп қиындықты бастан өткерді: ауыр ота, гипспен емдеу, екі жыл төсекте, Виленский шинасын тағу (бұл жамбас буынының ауытқулары бар балаларға арналған ортопедиялық құрылым). Қазір Мадина көмексіз жүреді, екінші сыныпта оқиды және қалпына келтіру емінен уақтылы өтеді.
<blockquote>«Қамқорлық» орталығында бассейн бар, жүзу иммунитетті нығайтуға ықпал етеді. Бұрын қызым тез шаршап, нашар жүрді. Қазір денсаулық жағдайы әлдеқайда жақсы. Мүгедектікті болдырмау үшін оңалту курстарынан уақтылы өту керек. Шүкір, енді басқа оңалту орталықтарында емделу үшін кезек күтудің қажеті жоқ», - дейді ата-ана.</blockquote>60 орындық «Қамқорлық» орталығында медициналық оңалтудың инновациялық әдістері қарастырылған. Олардың қатарында гидрокинезотерапия, иппотерапия, магнитотерапия, механотерапия, шунгит бөлмесі, тұз шахтасы және тағы басқалар.<blockquote>«Орталық түрлі диагноздары бар балаларға оңалту көмегін көрсетеді: церебральды сал ауруы, гидроцефалия, буын, жүрек аурулар, сөйлеу қабілетінің бұзылуы және т.б. Бірнеше оңалту курстарынан кейін біз жақсы нәтижелерді көреміз. Балалар көбірек қозғала бастады, психологиялық денсаулық, әлеуметтік бейімделу жақсарды», - деп атап дәрігер-реабилитолог Шолпан Арғынбаева.</blockquote>Жыл басынан бері Қызылорда облысында 18 мыңға жуық бала медициналық оңалту курстарынан өтті. Осы мақсаттарға Әлеуметтік медициналық сақтандыру қорынан 266,1 млн теңге бөлінді. &nbsp;<figure class="image"><img src="https://knadmin.beoblood.kz/uploads/Kamkorlyk_1c1ea8d338.jpeg" alt="Камкорлык .jpeg"></figure>

Қызылордада МӘМС аясында 18 мыңға жуық бала медициналық оңалтудан өтті

<a href="https://kyzylorda-news.kz/">Kyzylorda-news.kz.</a> Бүгін Қызылорда қаласындағы Халыққа қызмет көрсету орталығының №1 бөлімінде «Сау жүрек – денсаулық кепілі» атты акция өтті.&nbsp;
Қызылорда облыстық денсаулық сақтау басқармасы, «Қызылорда облыстық салауатты өмір салтын қалыптастыру орталығы» ЖШС және «Азаматтарға арналған үкімет» мемлекеттік корпорациясы» КЕАҚ Қызылорда облысы бойынша филиалының біріккен іс-шарасы «29 қыркүйек – Дүниежүзілік жүрек күніне» орай ұйымдастырылған.&nbsp;
Шара барысында ХҚО-на қызмет алуға келген клиенттерге кеңес беріліп, артериялық қан қысымы, бой мен салмақ өлшеніп, кетле индексі мен қандағы қант пен холестерин мөлшері анықталды. Денсаулық сақтау мамандары тұрғындарға өз денсаулығына жауапкершілікпен қарауына, оны нығайту мен сақтау тәсілдері туралы ақпарат берді.&nbsp;
Әлем бойынша инсульт, жүректің ишемиялық ауруы, перифериялық атериялар, ревмокардит, туа біткен жүрек ақауы, стенокардия және миокард инфарктісі секілді аурулар өлім-жітімнің 16 пайызын құрап, мүгедектіктің басты себебі болып отыр. Еліміз бойынша жүрек-қан тамырлары ауруларынан зардап шегетін 2 млн. астан адам тіркелген. Жыл сайын 40 мың қазақстандық инсульт алады екен. Сол себепті ақ халаттылар денсаулыққа профилактикалық тексерісті жиі жүргізіп отырған абзал екенін айтады.&nbsp;
<img src="https://knadmin.beoblood.kz/uploads/Whats_App_Image_2022_10_07_at_11_22_58_f1370001c4.jpeg" alt="WhatsApp Image 2022-10-07 at 11.22.58.jpeg">

ХҚКО: Қызылордада қызмет алушылардың денсаулығы тексерілді

<a href="https://kyzylorda-news.kz/">Kyzylorda-news.kz.</a> Қызылорда облысының тұрғындары Әлеуметтік медициналық сақтандыру қорына 39,4 млрд теңге аударды. Бұл туралы «Әлеуметтік медициналық сақтандыру қоры» КЕАҚ Қызылорда облысы бойынша филиалдың халықты ақпараттандыру және өтініштерді қарау жөніндегі бөлімі хабарлады.
<blockquote>«Жүйе іске қосылған 2017 жылдың 1 шілдесінен бастап биылғы жылдың 1 қазанына дейінгі аралықта Қызылорда облысында әлеуметтік медициналық сақтандыру қорына 39,4 млрд. теңге аударылған. Бұл қаражаттың 24,9 млрд. теңгесі, яғни, 63,2 пайызы жұмыс берушілердің аударымдары болса, қалған 14,5 млрд. теңгесі, яғни, 36,8 пайызы жеке кәсіпкерлер мен азаматтық-құқықтық келісімшарт негізінде еңбек ететін тұлғаларға тиесілі», - деп хабарлады «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов.</blockquote>
Айта кетейік, жарна төлеу жағынан Қызылорда қаласы, Шиелі мен Жанақорған аудандар көш бастап тұр.
Жинақталған қаржы сенімгерлік басқару туралы келісім бекітілген Ұлттық банкте сақталады. Сондай-ақ қаржы МӘМС пакеті шеңберіндегі қызметтер ақысын төлеуге жұмсалуда.
<img src="https://knadmin.beoblood.kz/uploads/Mams_4ed93d263d.jpg" alt="Мамс.jpg">

Бақыт Исмаханбетов: Медициналық сақтандыру қорына 39,4 млрд. теңге аударылған

<a href="https://kyzylorda-news.kz/">Kyzylorda-news.kz.</a> Әлеуметтік медициналық сақтандыру қорының Қызылорда облысы бойынша филиалына мемлекет МӘМС жарналарын төлейтін жеңілдікті санаттардың бірінің өкілдері ретінде студенттер үшін сақтандырылған мәртебесін алу мәселелерімен жиі жүгінеді. Қор филиалының директоры Бақыт Исмаханбетов біздің тілшімізге бұл мүмкіндік шетелде оқитын қазақстандықтар үшін қалай қарастырылғанын, сондай-ақ студенттердің неге кейде сақтандырылмайтынын түсіндірді.
Жеңілдік бойынша сақтандыру кімге беріледі?
МӘМС туралы заңға сәйкес (26-баптың 1-тармағының 13-тармақшасы), жасына қарамастан, күндізгі оқу нысаны бойынша оқитындардың барлығы (мейлі ол 18 жасқа толған мектеп оқушылары болсын, колледж, ЖОО немесе басқа да оқу орындарының студенттері болсын) азаматтардың жеңілдікті санатына кіреді, олар үшін МӘМС жарналарын мемлекет төлейді. Студенттер мемлекет есебінен сақтандырылған болып табылады және МӘМС пакетінде көрсетілетін медициналық қызметтерге қол жеткізе алады.
Қазақстанда &nbsp;оқитын студенттер үшін сақтандырылған мәртебесін алу алгоритмі:
Сақтандырылғандар мәртебесі Қазақстан аумағында оқитын азаматтарға жеңілдік ретінде беріледі және олардың деректері оқу орнының ақпараттық жүйесіне енгізіледі. Ол, өз кезегінде Қазақстан Республикасы Білім және ғылым министрлігінің қарамағындағы Ұлттық білім беру деректер базасымен (ҰБДҚ) біріктірілген.&nbsp;
Деректерді енгізуге студенттер оқитын оқу орындарының әкімшілігі немесе деканаттарының қызметкерлері жауапты болады. ЖСН, Т.А.Ә., оқу кезеңі және оқыту нысанын дұрыс толтыру міндетті шарт болып табылады. Егер бұл жолдар дұрыс толтырылмаған жағдайда, онда сақтандырудың жеңілдетілген мәртебесі автоматты түрде берілмейді.
Егер отандық ЖОО студенті сақтандырылмаған болса не істеу керек?
Мәртебе ҰБДҚ-да студент туралы тиісті ақпараттың болуына байланысты берілетіндіктен, сіз өзіңіздің оқу орныңыздағы жауапты қызметкерге &nbsp;хабарласып, ақпараттық жүйеде деректерді тексеруді сұрауыңыз қажет. Кейде ақпараттың жаңартылмағаны анықталады.
<ul><li>Оқу орындарына арналған жадынама:</li><li>&nbsp;Оқу орнының ақпараттық жүйесіне білім алушылар туралы мәліметтерді (оның ішінде оқу жылы ішінде келгендер бойынша) уақтылы және дұрыс енгізу қажет, өйткені студенттерге ҰБДҚ-да біріктірілген деректердің болуы арқылы жеңілдік мәртебесі беріледі. &nbsp;</li><li>Егер бір жылдың ішінде білім алушы оқудан шығарылса немесе басқа оқу орнына ауыстырылса, онда ол туралы мәліметтерді өзінің оқу орнының ақпараттық жүйесінен алып тастау қажет.</li><li>Егер оқу орнының ақпараттық жүйесінде оқуды бұрын аяқтаған білім алушылар туралы деректер болса, оларды аталған жүйеден шығару қажет, өйткені бұл адамдар жұмысқа орналасу кезінде МӘМС жарналарын төлей алмайды.&nbsp;</li></ul>
Есіңізде болсын: Білім алушылардың МӘМС жүйесінде медициналық көмек алу мүмкіндігі ақпараттық жүйеде олар &nbsp;туралы мәліметтердің дұрыс және уақтылы толтырылуына &nbsp;байланысты болады.
Шетелде оқитын қазақстандықтар үшін сақтандырылған мәртебесін алу алгоритмі: Шетелдік оқу орындарында оқитын қазақстандық күндізгі оқу нысанының студенттері МӘМС жүйесінде сақтандырылған тұлғалардың автоматты түрде жеңілдік мәртебесін ала алмайды. Ол үшін олар жүйеге өздігінен тіркелуі керек.&nbsp;
Ол үшін электрондық үкімет порталындағы egov.kz сервисін пайдалану қажет:&nbsp;
1. Ізденіс жолына келесіні енгізу: «Шетелде оқитын студенттерді тіркеу».&nbsp; 2. Ашылған терезедегі өтінішті толтыру және оқуды растайтын құжаттарды қоса беру қажет. 3. Өтінішке ЭЦҚ көмегімен қол қою. 4. Көптеген жағдайларда сақтандырудың жеңілдікті мәртебесі жолдарды дұрыс толтырған жағдайда 10 жұмыс күні ішінде беріледі.&nbsp; 5. Егер сақтандырудың жеңілдікті мәртебесін беру көрсетілген мерзім ішінде орындалмаса, онда ҚР Білім және ғылым министрлігінің Халықаралық департаментіне жүгіну қажет. Әр семестр аяқталғаннан кейін сақтандыру мәртебесін тексеру және оқудың өзектілігін растау қажет екенін есте ұстаған жөн, өйткені дерекқордағы мәліметтер өзгеруі мүмкін.&nbsp;
Кері байланыс
Өкінішке орай, күндізгі нысанда оқитын студенттердің барлығы МӘМС туралы заң бойынша өздерінің жеңілдік берілгендер санатында екендігін және МӘМС-ке жарналар мен аударымдарды төлеулері қажет еместігін біле бермейді. Әсіресе шетелде білім алып жүрген студенттер. Сондықтан Қор мемлекет есебінен олардың МӘМС жүйесінде сақтандырылған мәртебеге ие екендіктерін тағы да еске салады. Егер студент көрсетілген тәсілдермен жеңілдік мәртебесін ала алмаса немесе мәртебесінен айрылып, оқу орнының қабырғасында шешім таба алмаса, онда ол өтінішті Қордың кеңсесі арқылы пошта арқылы жібере алады: kanc@fms.kz немесе Qoldau 24/7 мобильді қосымшасы арқылы. Қор өзіне жүгінген тұлғаға сақтандырылған мәртебесін беру үшін ҚР Білім және ғылым министрлігімен, ҚР Сыртқы істер министрлігімен ынтымақтастықта қажетті жұмысты жүргізеді.
Егер сұрақтарыңыз болса, Қорға келесі қол жетімді байланыс арналары арқылы хабарласа аласыз: fms.kz ресми сайты, 1406 байланыс орталығы, Qoldau 24/7 және Telegramдағы Saqtandyry-Bot мобильді қосымшасы. <img src="https://knadmin.beoblood.kz/uploads/Mams_4ed93d263d.jpg" alt="Мамс.jpg">

Студенттер мемлекет есебінен сақтандырылған және МӘМС жүйесінде медициналық көмек ала алады

<a href="https://kyzylorda-news.kz/">Kyzylorda-news.kz.</a> Амбулаториялық және стационарлық емдеу түрлерімен қатар күндізгі стационарларда медициналық көмек көрсету кеңінен таралуда. Бұл тәуліктік медициналық бақылауды қажет етпейтін амбулаториялық режим мен стационарлық емдеудін аралық нұсқа. Қандай жағдайларда үйдегі стационарға және күндізгі стационарға жатқызу қарастырылған? Осы сұрақпен біз Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетовке жүгіндік.
Күндізгі стационарда (емханалар жанында) және үйдегі стационарда емдеуге қандай жағдайда жатқызылады:
• тәулік бойы медициналық бақылауды талап етпейтін созылмалы аурулардың өршуі • динамикалық бақылауға жататын созылмалы аурулары бар пациенттер тобын белсенді жоспарлы сауықтыру • медициналық көрсеткіштер бойынша стационарлық емдеу курсынан кейінгі келесі күні пациентті емдеу • екінші және үшінші кезеңдік медициналық оңалту курстарын өткізу • паллиативті көмек • жұқпалы асқынулар қаупі бар және маусымдық вирустық аурулар кезінде оқшаулауды қажет ететін орфандық аурулары бар балалар үшін үнемі фермент алмастыру және антибиотикалық терапия алу
Күндізгі стационарға емдеуге жатқызуға арналған көрсеткіштер (тәулік бойы стационар кезінде):
• операцияға дейінгі дайындық пен реанимациялық қолдау көрсететін операциялар мен араласулар • клиникада жоқ, арнайы алдын-ала дайындықты немесе зерттеуді қажет ететін күрделі диагностикалық зерттеулер • қан препараттарын құюмен, қан алмастыратын сұйықтықтарды вена ішіне құюмен, ерекше гипосенсибилизирлеуіш терапиямен, қатты әсер ететін препараттардың инъекциясымен, дәрілік заттарды буын ішіне енгізумен байланысты науқастарды бақылау және емдеу • стационарлық емдеуден кейін келесі күнгі күтім, егер операциядан кейін ерте шығаруға көрсеткіштер болса • паллиативті көмек • химиотерапия, сәулелік терапия, онкологиялық науқастарға мамандандырылған ем-шарадан кейін пайда болған патологиялық жағдайларды түзету Күндізгі стационарға емдеуге жатқызуға қарсы көрсетілімдер:
• тәулік бойғы медициналық процедуралар мен медициналық бақылауды қажет ететін аурулар • covid-19 коронавирустық инфекциясы бар науқастарға үйде көрсетілетін медициналық көмектен басқа жұқпалы аурулар • Айналасындағыларға қауiп төндiретiн аурумен ауырған жағдайда
Медициналық көмек пациенттің немесе оның заңды өкілінің диагностикалық және емдеу шараларын жүргізуге жазбаша ерікті келісімін алғаннан кейін көрсетіледі.
Егер медициналық көмек көрсету сапасына қатысты сұрақтарыңыз болса, сіз оларды өз емханаңыздағы Пациенттерді қолдау қызметіне қоя аласыз. Егер жағдайды сол жерде шешу мүмкін болмаса, онда Әлеуметтік медициналық сақтандыру қорына ыңғайлы байланыс арналары арқылы жүгінуге болады: fms.kz ресми сайты, 1406 байланыс орталығы, Qoldau 24/7 мобильді қосымшасы және Telegram-дағы SaqtandyryBot. &nbsp; Сақтандыру мәртебесін тексеру және жүргізілген төлемдер туралы egov.kz ҚР электрондық үкіметі сайтының «Денсаулық сақтау» бөлімінде «Медициналық қызметтер туралы және МӘМС-ға аударылған сомалар туралы ақпарат» мемлекеттік қызметі арқылы білуге болады. &nbsp;<img src="https://knadmin.beoblood.kz/uploads/med_7a22a30526.jpg" alt="мед.jpg">

Қандай жағдайларда үйдегі стационарға және күндізгі стационарға жатқызу қарастырылған

<a href="https://kyzylorda-news.kz/">Kyzylorda-news.kz.</a> Министр Қызылорда облысына жұмыс сапары барысында Қызылорда қаласынан 150 шақырым жердегі 1500 тұрғынға қызмет көрсететін Шиелі ауданы Досбол би ауылдық округінің отбасылық дәрігерлік амбулаториясында болды.
Амбулаторияда 6 медицина қызметкері, оның ішінде 2 жалпы практика дәрігері медициналық көмек көрсетеді.
<blockquote>«Жарты ғасырлық ғимараттың тозығы жеткенін ескере отырып, Мемлекет басшысы бекіткен ұлттық жоба аясында мұнда жаңа дәрігерлік амбулатория салынады», — деді А.Ғиният дәрігерлермен және аудан басшылығымен кездесу барысында.</blockquote>
<blockquote>«Бірақ ғимаратты салу және жабдықтау — бұл бір нәрсе, енді оны қалай толтыру керектігін, ауыл тұрғындарына ыңғайлы болу үшін медициналық көмектің қандай түрлерін іске қосуға болатынын ойластыру керек», — деп жалғастырды министр.</blockquote>
Оның айтуынша, мысал ретінде, оңалту орталығын ашуға болады, оған физиокабинет, массаж, ингаляция кіреді, телемединиялық консультациялар жүргізу дағдыларын меңгеру, дәріхана пунктін ең қажетті дәрі-дәрмектер тізімімен орналастыру қажет.
Одан әрі министр Шиелі ауданындағы 78 мың тұрғынға медициналық көмек көрсететін ауданаралық аурухана базасында медицина қауымымен кездесу өткізді.
Министр аудандық аурухананың негізгі көрсеткіштерімен танысып, сырқаттанушылықты талдауға, әсіресе ауруханаға жатқызудың қайталанған, шұғыл жағдайларына ерекше назар аударды.
<blockquote>«Алдын алуға назар аударыңыздар, инсульттан кейінгі найқастың жағдайы қандай, ол диспансерлік есепке алынды ма, оңалту жүргізіліп жатыр ма, мұның бәрін қадағалау және басқа қызметтермен үйлесімді жұмыс істеу маңызды, осыдан кейін пациент өз денсаулығының жақсарғанын сезінеді», — деп Денсаулық сақтау министрлігінің басшысы дәрігерлермен талқылау барысында атап өтті.</blockquote>Ауылдық денсаулық сақтауды жаңғырту жөніндегі ұлттық жоба шеңберінде Шиелі аудандық ауруханасы КТ, МРТ, ангиографпен және басқа да жабдықтармен жабдықталады, инсульт орталығы, травматология, кардиология бөлімшесі ашылады.<img src="https://kyzylorda-news.kz/wp-content/uploads/2022/10/310160654_470351808468223_8598400445127605614_n.jpg" alt="" srcset="https://kyzylorda-news.kz/wp-content/uploads/2022/10/310160654_470351808468223_8598400445127605614_n.jpg 961w, https://kyzylorda-news.kz/wp-content/uploads/2022/10/310160654_470351808468223_8598400445127605614_n-768x767.jpg 768w" sizes="(max-width: 961px) 100vw, 961px" width="961" loading="lazy"><img src="https://kyzylorda-news.kz/wp-content/uploads/2022/10/310333483_470351815134889_928221843980138480_n.jpg" alt="" srcset="https://kyzylorda-news.kz/wp-content/uploads/2022/10/310333483_470351815134889_928221843980138480_n.jpg 1440w, https://kyzylorda-news.kz/wp-content/uploads/2022/10/310333483_470351815134889_928221843980138480_n-768x768.jpg 768w" sizes="(max-width: 1440px) 100vw, 1440px" width="1440" loading="lazy">

Шиелі ауданы: Досбол би ауылында жаңа дәрігерлiк амбулатория бой көтермек

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Зерттеушілер тобы дұрыс тамақтану индексін әзірледі.
Әрбір желінген хот-дог адам өмірін 36 минутқа қысқартады. Мичиган университетінің ғалымдары осындай қорытындыға келген, деп хабарлайды Daily Telegraph.
Зерттеушілер тобы дұрыс тамақтану индексі әзірледі. Ол түрлі тағам, тіскебасар, сусындардың денсаулыққа әсеріне негізделеді.
Анықталғандай, кез келген өңделген еттің бір грамы орта есеппен өмірді 45 секундқа қысқартады екен. Ал хот-догқа келер болсақ, мұндағы қауіпті натрий мен трансмайлы қышқылдарды есептей беріңіз.
Дегенмен осы әдіске негізделе отырып, өмірді ұзартуға болады. Мәселен ақсерке балығын тұтыну өмірді 16 минутқа ұзартса, бір уыс жаңғақ &#8212; 26 минутқа ұзартады екен.
Вaq.kz

Қазақстан және Қызылорда облысының жаңалықтары: Денсаулық