<a href="https://kyzylorda-news.kz/">Kyzylorda-news.kz.</a> Қызылордада зорлық-зомбылыққа қарсылық білдіру акциясы жалғасуда.25 қараша - Дүниежүзілік әйелдерге қарсы зорлық-зомбылықты жоюға арналған күрес күні» болып белгіленген. Биылғы жылдың 25 қараша - 10 желтоқсан аралығында «Әйелдерге қатысты &nbsp;зорлық-зомбылықсыз 16 күн» акциясына орай көпбейінді облыстық ауруханасының қызметкерлері арасында іс-шара өткізілді.&nbsp;Акцияның негізгі мақсаты – көпшілік халықты әйелдерге қатысты зорлық-зомбылықты ескерту, алдын алу, әйелдерге қатысты зорлық-зомбылық жасауға бейім адамдармен жеке-профилактикалық жұмысты жүзеге асыруға бағытталған жүйені қалыптастыру бойынша қабылданып жатқан шаралармен таныстыру.Өткізілген іс-шараға Қызылорда қаласы полиция басқармасының әйелдерді зорлық зомбылықтан қорғау тобының инспекторлары Алмара Түйешиева және Ерболат Айгерім қатысып, аймақта құқық қорғау органдарымен әйелдерді зорлық зомбылықтан қорғау мақсатында атқарылып жатқан жұмыстар барысынан хабардар етті.&nbsp;Кездесуге &nbsp;қатысушылар тұрмыстық зорлық-зомбылық түрлерінің халықаралық жіктемесімен, оның алдын алу себептері мен шараларымен, өзекті мәселелермен және осы бағыттағы заңнаманы реформалау жөніндегі қоғамда қалыптасқан ұсынымдарды талқылады.&nbsp;Аурухана қызметкерлері арасында түсіндірме &nbsp;жұмыстары жүргізіліп, отбасы тұрмыстық зорлық-зомбылықтың алдын алу жөнінде ақпараттық танымдық материалдар таратылып, бейнероликтер көрсетілді.<img src="https://knadmin.beoblood.kz/uploads/316831734_1202034063731358_9152146419289637722_n_f697debc2f.jpg" alt="316831734_1202034063731358_9152146419289637722_n.jpg">

Қызылордада зорлық-зомбылыққа қарсылық білдіру акциясы жалғасып жатыр

<a href="https://kyzylorda-news.kz/">Kyzylorda-news.kz.</a> Міндетті әлеуметтік сақтандыру жүйесі - халықты әлеуметтік қорғаудың қосымша нысаны. Қазақстан Республикасында әлеуметтік тәуекелдердің туындауына байланысты жоғалтқан табысының бiр бөлiгiн өтеу үшiн халықты әлеуметтік қорғаудың қосымша нысаны ретінде міндетті әлеуметтік сақтандыру жүйесі енгізіліп, жұмыс берушілер жалдамалы жұмысшыларға және өзін-өзі жұмыспен қамтыған тұлғалар табыстарынан әлеуметтік аударымдарды төлеуде.Міндетті әлеуметтік сақтандыру негізгі мақсаты халықтың әл-ауқатын арттыру болып табылатын әлеуметтік қорғаудың көп деңгейлі жүйесінің қосымша деңгейі болып табылады.Әлеуметтік аударымдар «Мемлекеттік әлеуметтік сақтандыру қоры» АҚ шоғырландырылып, Қор активтерінен әлеуметтік қатер туындағанда, міндетті әлеуметтік сақтандыру жүйесіне қатысушыларына әлеуметтік төлемдер тағайындалып, төленуде. Міндеттік әлеуметтік сақтандыру жүйесінің қатысушыларына төленетін әлеуметтік аударымдарды есептеу және аудару ай сайын жүргізіледі.Жұмысберушілер жалдамалы жұмысшылары үшін, ал өзін-өзі жұмыспен қамтыған тұлғалар өздеріне әлеуметтiк аударымдарды есептеу объектiсiнiң (табысынан) 3,5 % мөлшерінде әлеуметтік аударымдарды төлеуді жүргізеді және де әлеуметтік аударымдардың ең төменгі және ең жоғарғы мөлшері белгіленген.Бұл ретте, ай сайынғы табыс әлеуметтiк аударымдарды есептеу үшiн республикалық бюджет туралы заңда белгіленген ең төменгі жалақының (бұдан әрі - ЖТМ) жеті еселенген мөлшерiнен аспайтын мөлшерде алынады. 2022 жылға әлеуметтiк аударымның ең жоғары мөлшері- 14 700 тг. (60 000 тг. *7*3,5%) құрайды.Егер күнтізбелік айда әлеуметтік аударымдарды есептеу объектісі (табысы) ЖТМ кем болса, онда әлеуметтік аударымдар ЖТМ негізге алына отырып есептеледі, аударылады, 2022 жылға әлеуметтік аударымның ең төменгі мөлшері – 2 100 тг. (60 000тг. *3,5%) құрайды. Міндетті әлеуметтiк сақтандыру жүйесiне қатысушыларына аударылған әлеуметтік аударымдардың сомалары туралы (дұрыстығын тексеру үшін) өзі үшін ақпаратты Қызылорда облысы бойынша «Мемлекеттік әлеуметтік сақтандыру қоры» АҚ филиалынан, «Азаматтарға арналған үкімет» Мемлекеттік корпорация бөлімшелерінен және электрондық цифрлық қолтаңбасымен «электрондық үкімет» веб-порталы арқылы тегін алуына болады.&nbsp;Әлеуметтік төлемдерді тағайындауға өтініш берудің алдында әлеуметтік аударымдардың толық аударылғанын тексеру қажет. Өйткені, әлеуметтік тәуекел туындаған жағдайда тағайындалатын әлеуметтік төлемнің мөлшері азаматтың жұмыс берушісінің әлеуметтік аударымдардың мөлшерін есептеуіне (қаншалықты дұрыс) және оларды ай сайын уақытылы аударуына байланысты болады.Мемлекеттік әлеуметтік сақтандыру қорына әлеуметтік аударымдар төленген міндетті әлеуметтік сақтандыру жүйесінің қатысушылары келесі әлеуметтік төлемдер алуға құқылы.- еңбек ету қабілетінен айырылған жағдайда;&nbsp;- асыраушысынан айырылған жағдайда;&nbsp;- жұмысынан айырылған жағдайда;&nbsp;- жүктілікке және босануға немесе жаңа туған баланы (балаларды) асырап алуға байланысты табысынан айырылған жағдайда;&nbsp;- бала бір жасқа толғанға дейін оның күтіміне байланысты табысынан айырылған жағдайда.Биылғы жылдың 9 айында Қызылорда облысы бойынша міндетті әлеуметтік сақтандыру қорына 51 310 алушыға жалпы сомасы 13 115 872,4 мың теңге әлеуметтік төлемдер жүргізілді, оның ішінде еңбекке қабілеттілігінен айырылуына - 603,1 млн. теңге, асыраушысынан айырылуы бойынша - 635,9 млн. теңге, жұмысынан айырылуы бойынша - 480,2 млн. теңге, жүктілікке және босануға –5 314,0 млн. теңге және 1 жасқа дейінгі бала күтіміне - 6 082,7 млн. теңге.Сондай-ақ, «Мемлекеттік әлеуметтік сақтандыру қоры» АҚ сайтынан, <a href="https://www.instagram.com/gfss_kyzylorda_/">Instagram</a>, <a href="https://www.facebook.com/profile.php?id=100086441435554">Facebook</a> парақшаларынан, міндетті әлеуметтік сақтандыру жүйесі туралы толық ақпарат алуға болады.&nbsp;<figure class="image"><img src="https://knadmin.beoblood.kz/uploads/Mams_6432863444.jpg" alt="Мамс.jpg"></figure>

МӘМС: Халықты әлеуметтік қорғаудың қосымша нысаны

&nbsp;<a href="https://kyzylorda-news.kz/">Kyzylorda-news.kz.</a> Міндетті медициналық көмек (МӘМС) және тегін медициналық кепілдендірілген көлемі (ТМККК) аясында тегін дәрі-дәрмекке кімдер ие бола алады? Амбулаториялық деңгейде дәрі дәрмекпен қаматамасыз етуді кім және қалай алады? Бұл сұрақтарға Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов жауап берді.<blockquote>«Дәрілік көмек пациентке медициналық көмек алған сәттен бастап көрсетілуі тиіс. Медициналық көмек алатын пациенттер жедел-жәрдем бригадасы шыққан кезде, амбултариялық және стационар жағдайында қамтамыз етіледі.&nbsp;Ал, амбулаториялық дәрі-дәрмекпен диспансерлік есепте тұрғандар, жекелеген аурулары бар пациенттер қамтамыз етіледі. Мысалы темір тапшылығы бар фертильді жастағы әйелдер темір препараттарын ала алады. Атероклероз ауруы бар және диспансерлік есепте тұрған пациенттер өз аурулары бойынша қанды сұйылтатын дәрілер (антикоагулянттар) мен басқа да парепараттарды ала алады», - дейді Бақыт Исмаханбетов.&nbsp;</blockquote>Сондай-ақ психикалық және мінез-құлық бұзылулары бар пациенттер диспанерлік есепте тұрған пациенттер. Емделушіге рецепт бойынша дәріханада жеке басын куәларндыратын құжатты көрсеткен кезде беріледі.&nbsp;Тегін алуға болатын дәрі-дәрмектер ҚР ДСМ №75 бұйрығымен бекітілген. Аталған бұйрықпен диспансерлік есепте тұрған пациенттер және белгіленген аурулары барлар ала алады.&nbsp;<figure class="image"><img src="https://knadmin.beoblood.kz/uploads/261101979_437233131355560_2632422174624586117_n_c7465e52c6.jpg" alt="261101979_437233131355560_2632422174624586117_n.jpg"></figure><figure class="image"><img src="https://knadmin.beoblood.kz/uploads/ALO_dostupno_kaz_53ac380d82.jpg" alt="АЛО доступно каз.jpg"></figure>

МӘМС: Тегін дәрі-дәрмекті кімдер алады?

<a href="https://kyzylorda-news.kz/">Kyzylorda-news.kz.</a> Өңірлік коммуникациялар қызметінің баспасөз алаңында өткен бүгінгі брифингте Қызылорда облыстық жұмыспен қамтуды үйлестіру және әлеуметтік бағдарламалар басқармасы басшысының міндетін атқарушы Айгүл Ибраева аймақта биылғы жылы 200 балаға иппотерапиямен оңалту қызметтері көрсетілгенін айтты.&nbsp;<blockquote>«Ерекше қажеттілігі бар балаларға қосымша оңалту қызметтерін көрсету мақсатында өңірімізде 2017 жылдан бастап мемлекеттік әлеуметтік тапсырыс шеңберінде иппотерапиямен оңалту қызметі жүзеге асырылуда. Осы жылы 200 балаға иппотерапиямен оңалту қызметтері көрсетілді. Жүргізілген оңалту шаралары өз нәтижесінде шілде және қыркүйек айларында Шығыс Қазақстан облысында ат спорты бойынша өткен республикалық Паралимпиадалық жарысқа қатысқан иппотерапиямен оңалту қызметін алушы Айару Алтынбек 3 орынды, Ерасыл Марат 2 орынды иеленді», - дейді Айгүл Ибраева.</blockquote>Айта кетейік, биылғы жылы мүгедектігі бар адамдар мен балаларды әлеуметтік қолдауға арналған әлеуметтік маңызы бар іс-шаралар өткізуге облыстық бюджеттен 12,7 млн. теңге бөлінген. Қаралған қаражат арқылы «Қызылорда облысының мүгедектер қоғамы» қоғамдық бірлестігімен жасалған шарт негізінде мүгедектігі бар адамдар мен балалардың қатысуымен спорт жарыстарын, фестиваль, кино, музей, театр әлеміне, тарихи орындарға саяхат жасау іс-шаралары өткізілуде. Сондай-ақ 3 желтоқсан - Халықаралық мүгедектер күніне орай мерекелік іс-шаралар да ұйымдастырылғалы отыр.<figure class="image"><img src="https://knadmin.beoblood.kz/uploads/Whats_App_Image_2022_11_30_at_17_25_28_4b3073ba0d.jpeg" alt="WhatsApp Image 2022-11-30 at 17.25.28.jpeg"></figure>

Қызылордада биыл 200 балаға иппотерапиямен оңалту қызметтері көрсетілді

<a href="https://kyzylorda-news.kz/">Kyzylorda-news.kz.</a> 2022 жылы жеңілдік санатындағы бір адамға мемлекет ай сайын 3 621 теңге жарна төлейді. Сонымен, МӘМС-ке жарна төлеуден кімдер босатылған және жеңілдікке ие 15 санаттың қатарына кіру үшін қайда жүгіну керек? Осы және өзге де сұрақтарға Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов жауап берді.Міндетті әлеуметтік медициналық сақтандыруға жарналар мен аударымдар Ұлттық банктің арнайы шотына түседі. Олардың едәуір бөлігі – мемлекеттің шамамен 11 млн адам үшін төлейтін ай сайынғы жарналары. Сол себепті олар «сақтандырылған» мәртебесіне ие және МӘМС тізіміне кіретін медициналық қызметтердің барлық спектрін ала алады.&nbsp;Мемлекет есебінен МӘМС жарналары келесі тұлғалар үшін төленеді: 1) 18 жасқа дейінгі балалар. Балаға туу туралы куәлігі табысталған яғни жеке сәйкестендіру нөмірі (ЖСН) берілген уақыттан бастап «сақтандырылған» болып саналады.&nbsp; 2) Жұмыссыз ретінде ресми тіркелген тұлғалар. Мұндай мәртебе алу үшін Халықты жұмыспен қамту орталығына барып, жұмыссыз ретінде тіркелу қажет. 3) Жұмыс істемейтін жүкті әйелдер. Аталған жеңілдік санатына ену үшін әйел тіркелген емханада жүктілігі бойынша уақтылы есепке тұруы тиіс. Соңғы 2 айда ол үшін зейнетақы жарналары мен әлеуметтік аударымдардың болмауы шарт. Жеке кәсіпкерлер ретінде тіркелген және өз қызметін тоқтатпаған әйелдер, сондай-ақ БЖТ төлейтін әйелдер жұмыс істейтін болып саналады және жеңілдік санатына енгізілмейді. 4) Үш жасқа толмаған бала тәрбиесімен айналысатын жұмыс істемейтін тұлға. Бұл санаттағылар автоматты түрде «сақтандырылған» мәртебесіне ие болады, бірақ ресми түрде жұмыс істемеу және де олардың атына соңғы 2 айда зейнетақы жарналары мен әлеуметтік аударымдар жасалмаған болуы керек. 5) Жүктілікке және босануға, жаңа туған баланы асырап алуға байланысты, сондай-ақ бала үш жасқа толғанға дейін оның күтіміне байланысты демалыстағы тұлға. Олар демалысқа ресми түрде шыққан кезде «сақтандырылған» мәртебесін алады. 6) Мүгедек баланы күтіп-бағуды жүзеге асыратын жұмыс істемейтін адамдар. Баланың тиісті құжаттарын дайындаған кезде күтім жасайтын тұлғаның мәліметтері базаға енгізіледі. Кейін автоматты түрде «сақтандырылған» мәртебесін иеленеді.&nbsp; 7) Бірінші топтағы мүгедекке күтімді жүзеге асыратын жұмыс істемейтін адам. Мүмкіндігі шектеулі жанның тиісті құжаттарын дайындаған кезде күтім жасайтын тұлғаның мәліметтері базаға енгізіледі. Ізінше «сақтандырылған» мәртебесі автоматты түрде беріледі.&nbsp; 8) Зейнетақы төлемдерін алушылар, оның ішінде Ұлы Отан соғысының ардагерлері. Бұл жерде мемлекеттен сақтандырылғандардың тізіміне Қазақстанның Бірыңғай жинақтаушы зейнетақы қорынан зейнетақы алатындардың ғана енгізілгенін атап өту қажет. Зейнетақыны әлі ресми түрде рәсімдемеген адамдар және басқа мемлекеттерден зейнетақы алатын адамдар жеңілдік мәртебесін ала алмайды. Зейнеткерлік жасқа жеткендерге жеңілдік мәртебесі берілмейді, бірақ зейнетақының орнына асыраушысынан айырылу бойынша жәрдемақы ала алады.&nbsp; 9) Қылмыстық-атқару (пенитенциарлық) жүйесі еңбектерінде сот үкімі бойша жазасын өтеп жүрген адамдар. Бұл жеңілдік санатына ену үшін қамаудағы мекеменің жауапты қызметкері жазасын өтеуші адамның деректерін ақпараттық жүйеге енгізуі қажет. 10) Тергеу изоляторларындағы адамдар, сондай-ақ үйқамақ түріндегі бұлтартпау шарасы қолданылған жұмыс істемейтін адамдар. Бұл санаттағы жандар туралы мәліметті уәкілетті органның қызметкерлері жүйеге енгізеді. 11) Жұмыс істемейтін қандастар. «Қандас» куәлігін алған соң, соңғы екі айда МӘМС үшін төлем жасалмаған болу керек. Сонда автоматты түрде жеңілдік санатына енгізіледі.&nbsp; 12) «Алтын алқа», «Күміс алқа» алқаларымен наградталған немесе бұрын «Батыр Ана» атағын алған, сондай-ақ I және II дәрежелі «Ана даңқы» ордендерімен наградталған көп балалы аналар. Автоматты түрде «сақтандырылған» мәртебесіне ие болады. 13) Мүгедектер. Ресми құжаты шыққан кезде, мәртебе автоматты түрде беріледі.&nbsp; 14) Орта, техникалық және кәсіптік, орта білімнен кейінгі, жоғары білім беру, сондай-ақ жоғары оқу орнынан кейінгі білім беру ұйымдарында күндізгі оқу нысанында білім алатын адамдар. Қазақстанда оқитын студенттер жеңілдетілген санатқа автоматты түрде қосылады.Бұл жерде шетелдік оқу орындарында оқитын қазақстандық күндізгі оқу студенттері МӘМС жүйесінде «сақтандырылған» тұлғалардың автоматты түрдегі жеңілдік мәртебесін бірден ала алмайтынын ескеру керек. Олар &nbsp;egov.kz &nbsp;электрондық үкімет порталындағы сервисті пайдалана отырып, жүйеде өз бетінше тіркелуі қажет. Ол үшін төмендегі әрекеттерді орындау керек. &nbsp;✅ Іздеу жолағына «Шетелде оқитын студенттерді тіркеу» деп теру; ✅ Ашылған терезеде өтінішті толтыру және оқуды растайтын құжаттарды қоса беру; ✅ Өтінішке ЭЦҚ көмегімен қол қою; ✅ Көп жағдайда сақтандырудың жеңілдікті мәртебесі жолдарды дұрыс толтырған уақытта 10 жұмыс күні ішінде беріледі; ✅ Егер сақтандырудың жеңілдікті мәртебесін беру көрсетілген мерзімнің &nbsp;ішінде &nbsp;жүзеге асырылмаса, ҚР Білім және ғылым министрлігінің Халықаралық департаментіне хабарласу қажет.Студент әрбір семестр аяқталғаннан кейін сақтандырылу мәртебесін тексеруі және оқудың өзектілігін растауы қажет екендігін есінде ұстағаны дұрыс. Өйткені дерекқордағы мәліметтер өзгеруі мүмкін.15) Жұмыс істемейтін мемлекеттік атаулы әлеуметтік көмек алушылар. Әлеуметтік төлем тағайындалған кезде «сақтандырылған» мәртебесі автоматты түрде беріледі.Егер сіз осы 15 санаттың біріне кірсеңіз, бірақ «сақтандырылмаған» болсаңыз, растайтын құжаттар тізімін жинап, халыққа қызмет көрсету орталығына тапсыру керек. Ақпарат мемлекеттік органдарға бағытталып, тиісті шаралардан соң мемлекет сіз үшін жарна төлей бастайды және «САҚТАНДЫРЫЛҒАН» мәртебесі беріледі.&nbsp; Сіздер үшін fms.kz ресми сайты, 1406 байланыс орталығы, Qoldau 24/7 мобильді қосымшасы және Telegram-дағы SaqtandyryBot жұмыс істейді. Дәл осы құралдар сақтандырылу мәртебесін тексеруге мүмкіндік береді. Сондай-ақ электрондық үкіметтің egov.kz сайтындағы «Денсаулық сақтау» бөліміне өтіп, «Медициналық қызметтер туралы және МӘМС-ға аударылған сомалар туралы ақпарат» мемлекеттік қызметі арқылы медициналық сақтандыру жүйесіндегі өз мәртебеңізді тексеруге мүмкіндік бар.<figure class="image"><img src="https://knadmin.beoblood.kz/uploads/Lgotnye_kategorii_kaz_8d69ab94d3.jpg" alt="Льготные категории каз.jpg"></figure><figure class="image"><img src="https://knadmin.beoblood.kz/uploads/KAZ_Lgotniki_OSMS_8eb771095e.png" alt="КАЗ Льготники ОСМС.png"></figure>&nbsp; &nbsp;

МӘМС: Жеңілдікті санаттарға кімдер және қалай кіре алады? 

<a href="https://kyzylorda-news.kz/">Kyzylorda-news.kz.</a>&nbsp;ЖСН алған сәттен бастап кәмелетке толғанға дейінгі барлық балалар міндетті әлеуметтік медициналық сақтандыру жүйесінде мемлекет есебінен сақтандырылған.Бүгінгі күні еліміздің емханаларына туылғаннан бастап 18 жасқа дейінгі (толық 17 жасқа дейінгі) 6,5 миллионнан астам бала тіркелген. Олардың барлығы тегін медициналық көмектің кепілдік берілген көлемі (ТМККК) шеңберінде де, міндетті әлеуметтік медициналық сақтандыру жүйесінде де мемлекет жарналарын төлейтін азаматтардың жеңілдетілген санаты ретінде медициналық қызметтерге толық қол жеткізе алады.Айта кету керек, жыл сайын емханаға тіркелген балалар саны артып келеді. 2021 жылы емханаларға азырақ – 6,46 миллион бала тіркелген. Сонымен қатар денсаулық сақтау жүйесінің балаларға профилактикалық және медициналық қызметтер көрсетуге арналған шығындары да артып келеді.Бүгінде бір балаға медициналық көмек көрсетуге орта есеппен 65,8 мың теңге жұмсалады. Бұл өткен жылғы шығындардан 11,7 мыңға артық.Жалпы, ағымдағы жылдың өткен 9 айында ғана Қор балаларға 324 млрд теңгеге медициналық қызмет көрсетуді қаржыландырды. Қор мамандарының есептеуі бойынша 2022 жылы осы бағытта қаржыландырудың 33 пайызға өскенін көруге болады. Бұл ретте шығыстардың негізгі үлесін амбулаториялық-емханалық көмек алады (53%). Ағымдағы жылдың 9 айында ол 232 млрд теңгеге көрсетілді.Балаларға тағы қандай қызмет түрлері көрсетілгендігін және осы қызметтерге қанша қаражат жұмсалғанын, біздің кестеден көре аласыз.<figure class="image"><img src="https://knadmin.beoblood.kz/uploads/316423524_2387704001398522_6973360674207140893_n_f3b50c221d.jpg" alt="316423524_2387704001398522_6973360674207140893_n.jpg"></figure><figure class="image"><img src="https://knadmin.beoblood.kz/uploads/315991155_2387704004731855_2146793259059507874_n_c6523f0e91.jpg" alt="315991155_2387704004731855_2146793259059507874_n.jpg"></figure><figure class="image"><img src="https://knadmin.beoblood.kz/uploads/316175566_2387704038065185_6646368713178194306_n_bacfffd921.jpg" alt="316175566_2387704038065185_6646368713178194306_n.jpg"></figure><figure class="image"><img src="https://knadmin.beoblood.kz/uploads/316541247_2387703984731857_8994947686845449775_n_c06b69043a.jpg" alt="316541247_2387703984731857_8994947686845449775_n.jpg"></figure><figure class="image"><img src="https://knadmin.beoblood.kz/uploads/316690220_2387704161398506_9043036734257843128_n_03d0288fb7.jpg" alt="316690220_2387704161398506_9043036734257843128_n.jpg"></figure><figure class="image"><img src="https://knadmin.beoblood.kz/uploads/316678951_2387704024731853_725121286361943137_n_09af738fbc.jpg" alt="316678951_2387704024731853_725121286361943137_n.jpg"></figure><figure class="image"><img src="https://knadmin.beoblood.kz/uploads/316110282_2387704184731837_8614364651877875520_n_a2734e27b5.jpg" alt="316110282_2387704184731837_8614364651877875520_n.jpg"></figure><figure class="image"><img src="https://knadmin.beoblood.kz/uploads/316222023_2387704034731852_4748523831016841130_n_3b7f337f6e.jpg" alt="316222023_2387704034731852_4748523831016841130_n.jpg"></figure>

МӘМС: Кәмелетке толғанға дейінгі барлық бала мемлекет есебінен сақтандырылған

<a href="https://kyzylorda-news.kz/">Kyzylorda-news.kz.</a>&nbsp; Медициналық және фармацевтикалық қызметті бақылау комитетінің Қызылорда облысы бойынша департаментінің басшысы Ғалия Байменова облыстық партия филиалының қоғамдық қабылдау бөлмесінде азаматтарды қабылдады.&nbsp;Қабылдау барысында азаматтар дәріханалардағы дәрі-дәрмектер бағасы, дәріхана қызметкерлерінің этика нормаларын сақтауы сонымен қатар аяжандардың санаттары (категория) бойынша мәселе көтерді.&nbsp;Департамент басшысы келушілердің сұрақтары бойынша түсіндірме жұмыстарын жүргізді.&nbsp;<blockquote>«Бағаның шекті мәнін «Дәрі.кз» сайтына кіріп, анықтауға болады. Ешбір дәріхана ҚР ДСМ бұйырығы негізінде бекітілген шекті бағадан асыра алмайды. Егер ондай заң бұзушылықтар анықталған жағдайда 23-40-36 телефон нөміріне хабарласып, департаментке шағымдану мүмкіндігі бар екендігін атап өтті.Ал аяжандардың санаттарына қатысты бөліністер ҚР «Халық денсаулығы және денсаулық сақтау жүйесі» Кодексінде 2020 жылғы 20 желтоқсанда енгізілген өзгерістер негізінде алынып тасталған. Аяжандар тек сертификатталуы міндеттелуіне орай санаттық бөлініс заңда көзделмеген,- деді Қызылорда облысы бойынша департаментінің басшысы Ғалия Байменова.</blockquote><figure class="image"><img src="https://knadmin.beoblood.kz/uploads/316029855_518691616963146_455864590138470756_n_08af6c8dac.jpg" alt="316029855_518691616963146_455864590138470756_n.jpg"></figure>&nbsp;<figure class="image"><img src="https://knadmin.beoblood.kz/uploads/317377934_518691653629809_5774783896201619335_n_8e57504623.jpg" alt="317377934_518691653629809_5774783896201619335_n.jpg"></figure>

Ғалия Байменова: Ешбір дәріхана бекітілген шекті бағадан асыра алмайды 

<a href="https://kyzylorda-news.kz/">Kyzylorda-news.kz.</a> Әлеуметтік медициналық сақтандыру қорында медициналық сақтандыру үшін кімдерден көп төлем түскеніні жөнінде хабарлады. Биылғы жылдың 10 айының қорытындысы бойынша 823,2 млрд теңге көлемінде жарналар мен аударымдар түсті. &nbsp;Биылғы жылдың 1 қаңтарынан 31 қазанға дейін МӘМС-ке 823,2 млрд. теңге көлемінде жарналар мен аударымдар түсті. &nbsp;Олардың басым бөлігі мемлекеттен аударылған төлемдер. Аталған кезеңде жеңілдік санатына кіретін 11 млн. азамат үшін төленген жарналар шамамен 300,9 млрд. теңгені құрады.Жұмыс берушілер - төлем жасау бойынша екінші орында. Олар аталған кезеңдер үшін аударымдар түрінде 293,7 млрд. теңгеден астам қаражат бөлді. &nbsp;Жалдамалы жұмысшылар, сондай-ақ азаматтық-құқықтық сипаттағы шарттар бойынша еңбек етіп жүргендер, жеке кәсіпкер, өзін-өзі жұмыспен қамтығандар және дербес төлеушілер жалпы алғанда 227,8 млрд. теңге жарна төледі. Демек, 10 айдың қорытындысы бойынша елімізде 16,2 млн-нан астам сақтандырылған азамат бар, яғни, бұл халықтың 82,1 пайызын құрайды. Бұл ретте Қор өкілдері атап өткендей, сақтандыру мәртебесін алуға алдағы 12 ай үшін төлем жасау механизмін 6 мыңнан астам азамат пайдаланды.&nbsp;Қор барлық жарналар мен аударымдар ҚР Ұлттық банкіндегі арнайы шотқа түсетінін еске салды. Сол жерден қаржы сақтандырылған азаматтарға көрсетілген қызмет ақысын төлеуге жіберіледі.Сақтандырудың жаңа әдісі қандай?Естеріңізге сала кетейік, ағымдағы жылдың 5-қыркүйегінен бастап МӘМС жарналарын төлеудің жаңа тетігі – алдағы 12 айға төлем жасау механизмі іске қосылды. Бұрын өткен 12 ай үшін жарналар төленуі керек еді. Қазір жаңа әдісті таңдасаңыз, өткен жылы төленбеген кезеңдерді төлемеуге болады. &nbsp;Мәртебе мен төлемдерді тексеру әдісіАлдағы жылға сақтандыру мәртебесін беру және төлемдердің бар-жоғы туралы ақпаратты сақтандыру &nbsp;мәртебесі тексерілетін келесі тәсілдермен алуға болады – Qoldau 24/7 мобильді қосымшасы, Қордың fms.kz ресми сайты арқылы немесе SaqtandyrýBot Telegram арнасы арқылы.&nbsp;Төлемдер мен мәртебе туралы ресми құжатты eGov.kz электрондық үкімет порталынан «Медициналық қызметтерді тұтынушы ретінде қатысу туралы және міндетті әлеуметтік медициналық сақтандыру жүйесінде аударымдардың және (немесе) жарналардың аударылған сомалары туралы ақпарат беру» мемлекеттік қызметі арқылы алуға болады.<figure class="image"><img src="https://knadmin.beoblood.kz/uploads/Mams_6432863444.jpg" alt="Мамс.jpg"></figure>

МӘМС-ке түскен жарналар мен аударымдардың көлемі қанша?

<a href="https://kyzylorda-news.kz/">Kyzylorda-news.kz.</a> 2022 жылы аяқталуға жақын. Сіз міндетті әлеуметтік медициналық сақтандыру жүйесінде сақтандырылғансыз ба? МӘМС-ға қалай төлеуге болады, сақтандыру мәртебесін қалай алуға болады? Тұрғындардың осы және басқа да өзекті сұрақтарына Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов жауап берді.Бірыңғай жиынтық төлем мен дербес төлемнің айырмашығы неде?Бірыңғай жиынтық төлемді өткен кезеңдер үшін төлеуге болмайды. Егер пациент төлемдердің бірін жіберіп алған болса, онда өткізіп алған кезең үшін дербес төлеуші ретінде төлеу қажет. Бірыңғай жиынтық төлем құрамына 4 компонент кіреді, олар: МӘМС жарналары, міндетті зейнетақы жарналары, әлеуметтік аударымдар және табыс салығы. Ал дербес төлеушінің төлемі МӘМС жарнасынан 100 пайыз тұрады. Ауылдық және қалалық жерлерде тұратын халықтың санаттары үшін бірыңғай жиынтық төлем мөлшері әртүрлі. Мысалы, республикалық, облыстық маңызы бар қалалар мен Астананың тұрғындары бірыңғай жиынтық төлемге 1 айлық есептік көрсеткіш – 3 063 теңге, ал қалған елді мекендердің тұрғындары 0,5 айлық есептік көрсеткіш - 1 531,5 теңге төлейді. Дербес төлеушілер айына 3 000 теңге төлейді (1 ЕТЖ-дан 5%).Мен жеңілдік санатындағы «жұмыс істемейтін жүкті әйелмін», мәртебем сақтандырылған. Ресми жұмысқа шыққым келеді. Мәртебем өзгере ме?&nbsp;Жеңілдік санаты жұмыс істемейтіндерге ғана беріледі. Сіз жұмысқа орналасқанда, жұмыс беруші сіз үшін МӘМС жарналарын төлейді. Жұмыс берушінің есебінен жалақы деңгейінің 3 пайыз мөлшерінде аударымдар жасауы тиіс. Бұл ретте, ай сайынғы төлемнің мөлшері 10 ЕТЖ-ның 3 пайыз - 18 мыңнан аспауы тиіс. Сіздің жалақы деңгейінен 2 пайыз мөлшерінде жарналар ұстайды. Бұл ретте, ай сайынғы төлемнің мөлшері 10 ЕТЖ-ның 2 пайыз - 12 мыңнан аспауы тиіс. Егер жеңілдік санатына енгізілгенге дейін сізде МӘМС жарналары бойынша берешек болса, оны өтеу қажет, бірақ ағымдағы жылдың алдында 12 айдан артық болмауы тиіс немесе алдыңғы 12 айға төлеу міндетті.Мен студентпін. МӘМС жарналары менен ұсталмауы үшін жұмыс берушіге қандай құжаттарды ұсыну қажет? Жұмыс берушіге оқудың әр айы үшін анықтама беру керек пе?Күндізгі бөлімде оқитын студенттер жеңілдік санатына кіреді және олар үшін МӘМС жарналарын мемлекет төлейді. Жұмыс берушіге оқу мерзімі көрсетілген және ай сайынғы растауды қажет етпейтін оқу орнынан анықтаманы беруіңіз тиіс.Егер сіз МӘМС жарналарын төлемесеңіз, мәртебе қай уақыттан кейін «сақтандырылмаған» болады?Бірыңғай жиынтық төлем төлейтіндерден басқа төлеушілердің барлық санаттары МӘМС - ға соңғы төлемнен кейін үш ай ішінде сақтандыру мәртебесін сақтау мүмкіндігі бар. Бұл дегеніміз, егер сізде соңғы төлем 2023 жылдың қыркүйегінде болса, сіз шартты сақтандыру мәртебесін 2023 жылдың желтоқсанына дейін сақтайсыз. Бірақ осы кезеңде МӘМС жарналары бойынша берешек сақталатынын есте ұстаған жөн, оны желтоқсаннан кейін мәртебесін жоғалтпау үшін өтеу қажет болады.&nbsp;<figure class="image"><img src="https://knadmin.beoblood.kz/uploads/Filial_KZO_kak_oplatit_za_OSMS_3cb25c5f45.png" alt="Филиал КЗО_как оплатить за ОСМС.png"></figure>

МӘМС жарналарын төлемесеңіз, мәртебе қай уақыттан кейін «сақтандырылмаған» болады?

<a href="https://kyzylorda-news.kz/">Kyzylorda-news.kz.</a> Қазақстан Республикасы Денсаулық сақтау министрлігі Санитариялық-эпидемиологиялық бақылау комитетінде «Атамекен» ҚР ҰКП филиалдарымен бірлесе &nbsp;және тамақтан уланудың алдын алу бойынша қоғамдық тамақтану объектілерімен Қармақшы ауданында семинар кеңес ұйымдастырылды. Оған облыстық «Атамекен» кәсіпкерлік палатасы Қармақшы аудандық филиалының басшысы А.Өтегенов, аудандық кәсіпкерлік, өнеркәсіп және туризм бөлімінің жетекші маманы А.Асанова және сауда орындары мен қоғамдық тамақтану орындарының кәсіпкерлері қатысты.Семинар барсында Кеден одағының техникалық регламенттерінің талаптарына сәйкестігін анықтау мақсатында мемлекеттің қаржысына сатып алу жұмыстарын жүргізу, 2015 жылғы 29 қазандағы №375-V ҚРЗ Қазақстан Республикасының Кәсіпкерлік Кодексінің 148 бап, 147 бап 1 тармақшасына, 141 бабының 3 тармағы 11 бөлігінің 2 тармақшасына, Қазақстан Республикасының 2020 жылдың 7 шілде №360VІ «Халық денсаулығы және денсаулық сақтау жүйесі туралы» Кодексінің 43 бабының тармақтарын, «Санитариялық эпидемиологиялық сараптама жүргізу қағидаларын бекіту туралы» 2020 жылғы 30 желтоқсандағы №334/2020 бұйрығына сәйкес, өнімдер іріктеліп, санитариялықэпидемиологиялық сараптама жүргізілетіндігі айтылды. Аудандық санитариялық эпидемиологиялық бақылау басқармасымен ағымдағы жылдың қаңтар-қараша айларында өнімдердің қауіпсіздігінің мониторингін жүргізу барысында Жосалы, Төретам кенті, Ақай елді мекендерінде орналасқан 11 сауда орнынан барлығы 165 сынама алынып, 11 өнімнен 13 сәйкессіздік анықтады. Оның ішінде 1 органелептика, құрғақ қалдық 1, мезофильді аэробты факультативті анаэробты микроорганизмдер саны 2, ішек таяқшалар тобындағы бактериялар ІТТБ 0,0001 г2, таңбалану 4 сәйкессіздік анықталған.Сауда саласы кәсіпкерлері әрбір өнімнің таңбалануына, мемлекеттік және орыс тілінде, өнімнің атауына, мекеменің аты және орналасуына, өнімнің шыққан күні, жарамдылық мерзіміне, құрамына, салмағына, тағамдық құндылықтың көрсеткіштеріне, КО мүше мемлекеттер арасына жүруге ыңғайлы белгі ТС ЕАС, ГМӨ қолданылғаны жөніндегі ақпараты бар өнімдерді халыққа тұтыну туралы түсіндірмелер жүргізді.Тамақтан улану – ауру адамнан сау адамға жұқпайтын, кейбір микроорганизмдердің белгілі бір түрімен жаппай тұқымданған, табиғаты микробты немесе микробсыз, органикалық, не органикалық емес уытты заттардың тамаққа түсуінен туындайтын жедел (кейде созылмалы) ауру. Тамақтан улану жедел, аяқастынан басталады. Азық-түлікке аз мөлшерде түрлі уытты заттардың түсуінен болады. Тамақтан улану микробты және микробсыз болып бөлінетіндігі, токсико инфекцияны тудыратын шартты патогенді микроорганизмдер (ішек таяқшалары – Е.coli: Протей таяқшасы, Cl.perfringens; Bac.cereus) екендігін түсіндірді. Тамақтан уланудың профилактикасына басты назар аудару қажеттігін көрсетті. Ол үшін қауіпсіз тамақ өнімдерін таңдаңыз, тамақты дайындау технологиясын сақтаңыз, пісірілген тамақты бірден пайдаланыңыз, азық¬-түліктерді мұқият сақтаңыз, алдын ала дайындалған тамақты мұқият қыздырыңыз, шикі және піскен тамақ өнімдерін қатар сақтамаңыз. Сондай-ақ, қолыңызды жиі жуып тұрыңыз, ас үйді таза ұстаңыз, таза суды пайдаланыңыз, тамақты жәндіктер мен кеміргіштерден аулақ ұстаңыз.Әрбір тұтынушы тағамды қолданар алдында оның сапасына, құрамына, пайдалану мерзіміне қатаң мән беру қажеттігін басқарма бас маманы А.Смайлова жанжақты түсіндіріп өтті. &nbsp;<figure class="image"><img src="https://knadmin.beoblood.kz/uploads/6_831c7b1b34.jpg" alt="6.jpg"></figure>

Тамақтан уланудың алдын алу және санитариялық ережелердің талаптарын сақтау бойынша семинар өтті

<a href="https://kyzylorda-news.kz/">Kyzylorda-news.kz.</a> 1 желтоқсан - халықаралық невролог күні. Адамның жүйке жүйесі барлық өмірдің процестерге қатысады. Көптеген аурулар неврологиялық себептерге байланысты болуы мүмкін. Шиелі аудандық ауруханасының дәрігерлері буғана плекситі диагнозы қойылған науқасқа көмек көрсетті.Бұл ауру қатты ауырсынумен, ісінумен, қолдағы сезімталдықтың жоғалуымен көрінеді. Осындай белгілермен Назира Төлешова емхана дәрігерлерге жүгінді. Шиелі аудандық мұрағатының 59 жастағы қызметкері күндізгі стационарға емделуге жолданды. Неврологиялық патологияны одан әрі емдеу үшін науқас Шиелі аудандық ауруханасының тәулік бойы стационарына жатқызылды.<blockquote>«Оң иығым қатты ауырды, орнымнан тұра алмадым. Қазір деңсаулық жағдайым жақсарды. Ауруханада қажетті емнің барлығын аламын – антибиотиктер, массаж, жаттығу терапиясы. Дәрігерлерге мың алғыс! Басқа аурулар бойынша есепте тұрған жоқпын. Тез жазылып кетемін деп сенемін, өткені жақында жылдық есеп», &nbsp;– дейді Назира Төлешова.</blockquote>Невропотолог Мира Әнуарбекованың айтуынша, аурудың асқынуы сал ауруына байланысты мүгедектікке әкелуі мүмкін.<blockquote>«Қозғалу аз, жарақаттар, остеохондроз, эндокриндік, аутоиммунды аурулар және басқа да бірқатар факторлар плекситтің себептері болып табылады. Уақтылы емдеу сіңір рефлекстерінің толық қалпына келуіне мүмкіндік береді», - деп атап өтті Мира Әнуарбекова.</blockquote>Шиелі аудандық ауруханасы мамандарының мәліметінше, терапия бөлімшесінің тәулік бойғы стационарында жыл басынан бері 2 мыңнан астам ауыл тұрғыны ем қабылдаған. Бұл мақсаттарға Әлеуметтік медициналық сақтандыру қорынан 366,6 млн. теңге бөлінді.<figure class="image"><img src="https://knadmin.beoblood.kz/uploads/Whats_App_Image_2021_11_29_at_11_55_22_40919ad853.jpeg" alt="WhatsApp Image 2021-11-29 at 11.55.22.jpeg"></figure>

МӘМС: Жыл басынан бері 2 мыңнан астам ауыл тұрғыны ем қабылдады

<a href="https://kyzylorda-news.kz/">Kyzylorda-news.kz.</a> Шиелі ауданы әкімдігінің мәжіліс залында міндетті әлеуметтік медициналық сақтандыру жүйесінің артықшылықтары тақырыбында жиын өтті.&nbsp;Жиынды Шиелі ауданы әкімінің орынбасары Болат Ысмағұлов ашып, жүргізді. Сондай-ақ, жиынға арнайы Қызылорда облыстық денсаулық сақтау басқармасы басшысының орынбасары Жангелді Шайымбетов, Әлеуметтік медициналық сақтандыру қорының Қызылорда облысы бойынша филиалының бөлім басшысы Абылайхан Рахымов қатысты.&nbsp;Алғаш болып сөз алған облыстық денсаулық сақтау басқармасы басшысының орынбасары Жангелді Шайымбетов облыста денсаулық саласында ауқымды істер атқарылып жатқанын айтып, алдағы жоспарларымен бөлісті. Атап айтар болсақ, Шиелі ауданындағы ауданаралық аурухананы көп бейінде ауруханаға айналдырып, барлық қажетті құрал-жабдықтар орнату жоспарланғанын айтты.<blockquote>&nbsp;«Сондай-ақ, жылдың соңына дейін Шиелі ауданаралық аруханасына компютерлік томограф аппаратын орнатамыз», – деді Жангелді Шайымбетов.&nbsp;</blockquote>Ал, әлеуметтік медициналық сақтандыру қорының Қызылорда облысы бойынша филиалының бөлім басшысы Абылайхан Рахымов Шиелі ауданының халқын міндетті медициналық сақтандыру жүйесіне тарту қарқынды жүргізіліп жатқандығын, 2022 жылғы қаңтардағы сақтандырылмағандар саны - 11 мың 978 болса, ал қараша айындағы сақтандырылмағандар саны – 11 мың 562-ге дейін кемігенін айтты. Осы бағытта ауылдық округ әкімдеріне түсіндірме жұмыстарын көбейту тапсырылды.<figure class="image"><img src="https://knadmin.beoblood.kz/uploads/316689057_1447855639078224_133409226216190200_n_515b02ffb6.jpg" alt="316689057_1447855639078224_133409226216190200_n.jpg"></figure>

Қазақстан және Қызылорда облысының жаңалықтары: Денсаулық