<a href="https://kyzylorda-news.kz/">Kyzylorda-news.kz</a>. Бүгін ҚР Президенті Қасым-Жомарт Тоқаевтың мәлімдемесі жарияланады.
<blockquote>
 «Бүгін еліміздегі коронавирус індетіне байланысты менің мәлімдемем жарияланады. Карантин шараларының жаңа тәсілдері енгізіледі», – деп жазды Президент&nbsp;<a href="https://twitter.com/TokayevKZ">Twitter</a>-дегі парақшасында.
</blockquote>

Қасым-Жомарт Тоқаев: Карантин шараларының жаңа тәсілдері енгізіледі

<a href="https://kyzylorda-news.kz/">Kyzylorda-news.kz.</a> Испания ғалымдары әртүрлі аймақтардағы коронавирус жұқтырған пациенттердің биологиялық материалдарына талдау жасап, вирус елге қалай келгені туралы күтпеген тұжырымдар жасады, – деп хабарлайды&nbsp;<a href="https://ria.ru/20200424/1570538849.html">РИА Новости.</a>
Ақпарат бойынша, COVID-19 қоздырғышы елге басқа еуропалықтардан немесе Қытай азаматтарынан 15 түрлі жолмен келуі мүмкін.
<blockquote>
 “Зерттеудің алдын ала нәтижелері жаңа коронавирустың ақпан айының ортасында елді шарлап шыққанын көрсетеді”, – деп жазған El Pais басылымы III Карлос атындағы Мадрид Денсаулық институтының зерттеу авторларының сөзін келтіре отырып.&nbsp;
</blockquote>
Ғалымдар испандар жаңа коронавирустың қандай түрін және қалай жұқтыратынын анықтағысы келген. Ол үшін елдің әр аймағындағы пациенттердің тест сынамасы алынған. COVID-19 науқастарының көбінің сынама нәтижесі Шанхайда қаңтар айының соңында SARS-CoV-2 диагнозымен тіркелгендермен ұқсас болған.&nbsp;
Сонымен қатар, зерттеушілердің айтуынша, коронавирустың шанхайлық түрі Испанияға Қытайдан келмеген. COVID-19-ды ең алғаш Валенсияға футбол жанкүйерлері мен ойыншылары әкелген.
Бұл тұжырымды Бергамо мэрі Джорджио Гори де мәлімдеді. Қала басшысы 19 ақпанда Миланда өткен “Аталанта” мен “Валенсия” арасындағы матч 40 мың жанкүйердің вирус жұқтыруына себеп болуы мүмкін деп айтқан. Сол кезде ойынға Испаниядан екі жарым мыңға жуық жанкүйер келген.
Қазіргі уақытта әлемде, ДДҰ мәліметтері бойынша, инфекцияны 2,6 миллионнан астам адам жұқтырған, олардың 182 мыңы қайтыс болып, 700 мыңға жуық адам емделді. Вирус жұқтырғандар мен құрбандардың ең көп саны АҚШ-та тіркелген. Испанияда бүгінгі таңда 213 мыңнан астам ауру тіркелген, 22 мыңнан астам науқас қайтыс болған.

Ғалымдар коронавирус туралы сенсациялық тұжырымдар жасады

<a href="https://kyzylorda-news.kz/">Kyzylorda-news.kz.</a> Карантин кезінен қорыққан адам сөзсіз азық-түлік пен тұрмыстық қажетті заттарды көптеп алуға тырысады.
Соңғы кезде қолма-қол ақша ұстауды шетке ысырып тастап, пластик карталарында сақтауды әдетке айналдырдық. Бір жағынан ыңғайлы, екінші жағынан жаратып тастамауға әрекет. Алайда қазір карантин кезінде үйге жеткізіп беретін орталықтар баршылық. Сондықтан «картадағы ақша жаратылмайды» деген жаңсақ пікір болмақ.
Карантин кезінде қаржыны қалай үнемдеу керектігі туралы ақыл-кеңестер жеткілікті. Әйтсе де бүгін біз босқа қажетсіз заттарды сатып алудан сақтану үшін 7 пайдалы кеңесті ұсынамыз.
1. Орынсыз кішкентай нәрселерді сатып алуды доғарыңыз. Егер байқаған болсаңыз, қажетті қымбат нәрсені сатып алу үшін қатты ойланамыз. Ал майда-шүйде нәрселерді ойланбай сатып ала саламыз. Немесе сондай тұрмыстық заттарды көбірек алып қояға тырысамыз. Осылайша аз қаржы жұмсалатын нарсемізге қымбат нәрсеге кететін қаржыны жұмсап, қомақты қаржы кетіп қалатынын ескермей жатамыз.
2. Ақшаны көрпенің астына жасырмаңыз. Көпшілігіміз солай істейміз. Ондағы мақсат сол жерде жасырып, ұстап үстіне қосып санын көбейту. Алайда бұл да қате пікір. Алдымен жоғарыдағыда айтылғандай, тығып ұстаған ақшаға қолыңыз кетіп қалады. «Мына затты ала салсам, орны білінбейді» деп ойлаймыз. Ең жақсысы көрпе астындағы ақша құнын жоғалтпаса, саны артпайды.
3. Қаржыны ақылсыз жаратпаңыз. Карантин кезінен қорыққан адам сөзсіз азық-түлік пен тұрмыстық қажетті заттарды көптеп алуға тырысады. «Ұзаққа созылып кетсе, артығымен үйде тұра берсін» деген ойдың өзі қаппен азық-түлікке жұмсап тастауға әкеліп соғады. Қанша көп қор жинасаңыз, оны оңды-солды жаратуыңыз әбден мүмкін. Сондықтан да қымбатшылықтан қорқып, бүкіл дүкенді үйіңізге көшіру бос сандырақ. Дүрбелеңге түсуге ешқандай негіз жоқ. Ең дұрысы осы күнге дейін алып жүрген қажетті заттарыңызды мөлшерімен алып жүргендей базарлық жасаған абзал.
4. Қордағы мүліктен құтылуға асықпаңыз. Ол дегеніміз, болашаққа деп алып қойған жер немесе қымбат мүлкіңіз болса, «ертеңгі күні сата алмай қалмаймын ба» деген қорқынышпен тезірек сатуға асығу. Мүлікті сатып, ақшалай қор жинаймын деген қате пікір. «Қазақта жақсы сөз жарым ырыс» демекші, бұл қиын кезеңдер өтіп кетеді деген пікірді санаңызға құйғаныңыз дұрыс.
5. Ағзаңызға қажетті нәрселерден үнемдеудің қажеті жоқ. Үнемдеу керек дегенге, ішіп-жеуді азайтудың қажеті жоқ, әрине. Тек қара су мен нан жеу деген емес. Көкөністер мен жеміс-жидектерден бас тарту жөнсіз. Өйткені дәл қазіргі кезде адам ағзасы мол витаминдерге зәру. Себебі келеңсіз ақпарлар мен карантин режимі ағзаны күйзеліске түсіруі мүмкін. Соқыр тиынды санап күн көріп, денсаулығыңыз сыр беруі әбден мүмкін. Үнемдеуді саналы түрде жасаған дұрыс. Барлық нәрседен бірден бас тартқан дұрыс емес.
6. Дағдарыс кезіне дейін қалай өмір сүрсеңіз, солай жалғастырмаңыз. Егер сіздің қаржылық жағдайыңыз бұрынғысынша болса, тіпті жақсы. Ал қалтаңызға едәуір салмақ түсіріп жатса, онда дәл қазіргі сәт босқа жұмсайтын қаржыңызды үнемдейтін сәт. Мәселен темекі шегетін болсаңыз, нағыз тастайтын уақыт. Кофені жеткізу арқылы алып жүрген болсаңыз, үйге құтысымен сатып алып, өзіңіз дайындап ішіңіз. Әдетке айналған дүниелерден өзіңізді шектесеңіз құба-құп болары анық.
7. Барлық нәрсе таусылып қалатынды ойламаңыз. Қазір сатып алмасаңыз, ертең таппай қалу қорқыныш сезімі барлық адамда болады. Сондықтан да әдетте бағасы арзан затты, әлдеқайда қымбатқа сатып алуыңыз мүмкін. Бағаларды салыстырып, әртүрлі дүкенге барған дұрыс. Химиялық құралдар мен азық-түлікті бір аптаға керектісін ғана сатып алыңыз.

Карантин кезінде ақшаны қалай үнемдеуге болады?

<a href="https://kyzylorda-news.kz/">Kyzylorda-news.kz</a>. ҚР Денсаулық сақтау министрінің тапсырмасы бойынша Қазақстанның барлық өңірінде Денсаулық сақтау басқармалары жанынан коронавирусты жұқтырған науқастардың өлім жағдайын зерттеу жөніндегі комиссиялар құрылды.
<blockquote>
 “Комиссия науқас өлімінің тікелей себептерін анықтау үшін медициналық құжаттамаға талдау жүргізеді. Арқалықта үйінде қайтыс болған 84 жастағы науқасқа қатысты талдау жұмыстары 27 сәуір күні жүргізіледі. Комиссия жұмысының қорытындысы бойынша науқас өлімінің тікелей себебі анықталады. Бүгінде науқас туралы барлық қажетті медициналық құжаттар Арқалық қалалық емханасынан және облыстық жедел жәрдем қызметінен сұратылған”, – делінген <a href="https://www.coronavirus2020.kz/ru/vazhnoe-soobschenie_a3642745">coronavirus2020.kz</a> порталы таратқан ақпаратта.
</blockquote>
Талдау нәтижелері кейінірек қосымша жарияланады.

Елімізде коронавирустан көз жұмғандарды зерттеу орталығы құрылды

<a href="https://kyzylorda-news.kz/">Kyzylorda-news.kz.</a> Берлиндегі Charite клиникасының вирусологы Кристиан Дростен коронавирустың жаңа түріне иммунитеттің&nbsp;пайда болу ерекшеліктерін анықтады,&nbsp;деп хабарлайды&nbsp;<a href="https://stan.kz/koronaviruska-karsi-immunitettin-payda-bolu-erekshelikt-330462/">Stan.kz.</a>
Белгілі болғандай, бұрын коронавирустың қандай да түрімен ауырған адамдарда&nbsp;COVID-19-ға қарсы иммунитеті болуы мүмкін.&nbsp;Оның айтуынша, Т-жасушалары жаңа коронавирусқа реактивтілігі үшін сынақтан өтті.&nbsp;Сондай-ақ ауруға шалдықпаған науқастар тексерілді.&nbsp;
<blockquote>
 “Пациенттердің 34 пайызында реактивті Т жасушалары бар екендігі анықталды, бірақ олар SARS-CoV-2 жұқтырғандармен ешқашан байланысқа түспеген”, – деді Дростен.
</blockquote>
Вирусологтың айтуынша,&nbsp;&nbsp;клиника зертханасындағы зерттеулер суық тиюге әкелетін бірқатар коронавирустардың COVID-19-бен “ұқсас жерлері”&nbsp;бар екенін көрсетті.&nbsp;&nbsp;Сонымен қатар, олар “белгілі бір дәрежеде” жалпы суық тиюге&nbsp;әкелетін коронавирустарға да, SARS-CoV-2-ге де қарсы тұратын T жасушаларын ынталандырады.
Дростен, сондай-ақ, аурудың жиі көрінбейтін жағдайлары бар екеніне назар аударды, бұл халықтың кейбір бөлігінде коронавирустың басқа түрлерімен ауруы нәтижесінде туындаған иммунитеттің болуымен түсіндіріледі.

Коронавирусқа қарсы иммунитеттің пайда болу ерекшеліктері анықталды

<a href="https://kyzylorda-news.kz/">Kyzylorda-news.kz.</a> Емшілігімен танымал болған аралдық “үкілі бала” Ерболсын Серікбаев қазір Ақтөбе қаласында тұрып жатыр. Медицина мамандығына түсіп, қабілетін шыңдап жүрген ол әлемді алаңдатқан індетке қатысты ойын білдірді деп хабарлайды өңірдегі <a href="https://kaz.nur.kz/1852840-memleketke-karsy-sykkan-adam-obajdy-kili-bala-erbolsyn-indet-tulaly-ojyn-ajtty.html">KAZ.NUR.KZ.</a>
Әлеуметтік желіге үндеу салған емші инфекцияға сенуге, сабырлықпен үйде отыруға шақырады.
<blockquote>
 “Менен “Коронавирус туралы ойың қандай?” деп сұрайтындар көп. Шынымды айтсам, бұл туралы мүлде айтқым келмеген. Бірақ жан-жағымнан жеп болды. Группаларда “емшілер, бақсылар қайда кетті, осылар коронавирус туралы неге айтпайды” деп жазып жатыр. Мемлекетке қарсы шыққан адам ешқашан да оңбайды. Бір білетінім сол. Әлемдік саясат қазір осы ауру арқылы өз ойларын алға жүргізіп жатыр. Оны барлықтарыңыз білесіздер. Бірақ коронавирус ауруы бар. Оны да білесіздер. Коронавирус ауруымен ауыратын адамдар да бар. Оны да білесіздер. Бірақ осы ауруды пайдаланып, өздерінің жұмыстарын үлгеріп істеп жатқан адамдар да бар. Сондықтан, ешқандай да уайымдамаңыздар. 1960 жылы бұл аурудың атауы шықты. 2003 жылы ауыратын адамдар саны байқалды. Тек биыл шыққан ауру емес. Жай ғана тұмаудан жылына 4 миллионнан астам адам көз жұмады. Сондықтан бұл қатты қорқынышты зат емес. Тұмауға ұқсас өкпе бітеліп, адам тұншығады”, – дейді ол.
</blockquote>
Сонымен қатар емші Қазақстанда карантин уақытының қашан бітетінін болжады. Ерболсын Серікбаев елді Ораза айында Алладан амандық сұрауға шақырған.
<blockquote>
 “Қазақстанда карантин мамыр айының ортасы мен аяғында&nbsp;бітуі мүмкін. Коронавирустан елімізде қорқыныш күтіп тұрған ешнәрсе жоқ. Барлықтарыңызды сабырға шақырамын, барлығы жақсы болады. Үкіметтің айтқанына көніп, үйден шықпай, адам көп жиналатын жерге бармай, үйде сабырмен күтейік. Осы ораза айында бәрі жақсы болсын деп Алладан сұрайық. Әрине бәрі де жақсы болады. Тек сабырлық пен күш керек”, – дейді емші.
</blockquote>

Аралдық емші Ерболсын елімізде карантинннің қашан аяқталатынын айтты

<a href="https://kyzylorda-news.kz/">Kyzylorda-news.kz.</a> Алматының бас санитар дәрігері Жандарбек Бекшин дүкендерден сатып алған азық-түліктер мен басқа да тауарларды зарарсыздандыру керек пе деген сұраққа жауап берді, деп хабарлайды&nbsp;<a href="https://stan.kz/kiim-keshek-pen-tauarlardi-zararasizdandirip-tyru-kerek-330471/">Stan.kz.</a>
Бекшин бүгінгі күні барлық тауарлар арнайы қаптамада сатылуы тиіс екенін жеткізді.
<blockquote>
 “Ешнәрсені тазалаудың қажеті жоқ, тауарды тек арнайы қаптамадан шығарсаңыз жеткілікті. Сырт киімдерді балконға қойып, желдетіп тұру қажет. Әрине, біз киімді күн сайын жуып тұра алмаймыз ғой. Арнайы зарасыздандыру құралдары бар. Қазақстанда мұндай құралдардың саны 400-ден асады. Осы құралдарды пайдаланып, заттарды залалсыздандырып тұруға болады. Негізі киімді балконға шығарып тұрсаңыз жетеді”, – дейді ол.
</blockquote>
Алматының бас санитар дәрігері қала тұрғындарын&nbsp;карантин талаптарын қатаң түрде сақтауға шақырды. Сөзінше, кейбір ата-ананларын қараусыз қалдырып, тіпті, сыртқа ойуға жіберіп жатады. Ол соңғы уақытта Қазақстанда 40 баланың коронавирусқа шалдыққанын сөз етті.

Киім-кешек пен тауарларды зарарасыздандырып тұру керек пе?

<a href="https://kyzylorda-news.kz/">Kyzylorda-news.kz</a>. Қызылорда облысында коронавирустық инфекциядан жазылған науқастардың саны 98 адамға жетті. Індеттен айыққандардың қатарына соңғы қосылған науқастар – Қызылорда қаласы, Сырдария, Шиелі және Жаңақорған ауданының тұрғындары.
26 сәуір 12:45-тегі&nbsp;ақпарат бойынша Қызылорда облысында тағы 18 адам қауіпті індеттен жазылып шыққан. Оның ішінде, Қызылорда қаласында – 2, Шиеліде – 10, Сырдария – 5, Жаңақорғанда – 1 науқас қауіпті індеттен айыққан.
Осылайша коронавирустық инфекциядан жазылғандар саны өңірде 98 адамға жетіп отыр.
Айта кетейік, бүгінгі күнге дейін Қызылорда қаласында – 12, Арал ауданында – 2, Қармақшы ауданында – 4, Сырдария ауданында – 12, Шиелі ауданында – 51, Жаңақорған ауданында – 17 адам осы індеттен емделіп, үйлеріне шығарылған.
Олар алдағы 14 күнде дәрігерлердің бақылауында болады.

Қызылордада қауіпті індеттен жазылғандар саны 98 адамға жетті

<a href="https://kyzylorda-news.kz/">Kyzylorda-news.kz.</a> Еңбек және әлеуметтік қорғау министрі Нариман Мұқышев 42500 теңгеге қатысты “ақша түсуі&nbsp;неге кешіктіріледі” деген&nbsp;&nbsp;сұраққа жауап беріп, қай жаққа хат жазу керектігін түсіндірді.
<blockquote>
 «Өтінімнің кезеңдердің бірінде тұрып қалуы мәселесі толықтай шешілді. Бұған қатысты сауалдың мүлдем аз екендігін көріп отырмын. Әрбір жағдайды қайта тексеріп шығамыз», – деп жазды вице-министр Instagram&nbsp;<a href="https://www.instagram.com/p/B_aSsZWJoyp/?igshid=a59ut28rg0sp">парақшасында.</a>
</blockquote>
Осы ретте ол бірнеше мәселеге жеке-жеке тоқталды. Біріншісі – төлем тағайындалғанына бір аптадан астам уақыт өткенімен, қаражат көмек алушының есепшотына түспеуі.
<blockquote>
 «Бұған дейін айтқанымдай, ақша іс жүзінде бір күннің ішінде жіберіледі. Бірақ, есепшот қате көрсетілген жайттар болып тұрады. Көпшілігі: «мен бәрін дұрыс көрсеттім» дейді. Алайда ақша жіберілгеннен кейін банк кері қайтарып жіберген немесе өзіміз байқап қалған шамамен 930 мың өтінім есепшоты қате (20 символдан аз және т.б.) көрсетілген”, – деді ол.
</blockquote>
Сонымен, неліктен іркіліс орын алады? Процесс келесідей:
1) Біз ақшаны сіздің банктегі есепшотыңызға (1 күн) аударамыз.
2) Банк тексеріп, есепшот қате болғанда ақшаны кері қайтарады (1 күн).
3) Біз өзіміздің базамыздан ақшаны аудару үшін өтінім берушінің басқа қолданыстағы есепшотын іздейміз. Мәселен, сіз басқа төлем алуыңыз мүмкін. Мұны сізді барынша мазаламау үшін жасаймыз. Шамамен 900 мыңын таптық (1 күн).
4) Егер тапсақ, ақшаны қайта жібереміз (1 күн). Кейде адамдардың басқа есепшотқа түсті деуінің себебі осында. Ақша жоқ деп айтпастан бұрын барлық есепшоттарыңызды тексеріп алуды өтінемін.
5) Егер таппасақ, СМС жібереміз (кеше мұндай 28 мың СМС жібердік). Оған жауап ретінде есепшот нөмірін жіберу қажет (1 күн).
Мұнан ары сіздің есепшотты қашан бергеніңізге байланысты. Өздеріңіз көріп отырғандай, процесс бір күннен көп уақытты алады. Бірақ, бұл төлем аударуда проблема орын алған жайттарда ғана», – деді ол.
Осы ретте вице-министр кез келген қызметтегідей бір нәрсе анықтау қажет болса, онда ол қосымша уақытты алатындығын баса айтады.
<blockquote>
 «Бүгінгі күні төлем жасауға 4 197 336 өтінім қойылды. Оның ішінде 4 126 155 азаматқа төлем жіберілді. Қалған 71 181 өтініш бойынша азаматтардың есепшотына қаражатты дер уақытында аудару мақсатында жұмыс жүргізіліп жатыр. Бұған дейін төленген төлемдер бойынша банктермен қосымша тексеру жүргізілуде. Біз бұл жағдайды күнделікті мониторингілеп отырмыз және қажет болғанда банктермен және процесске жұмылдырылған өзге де ұйымдармен бірден жұмыс істейміз», – деді Нариман Мұқышев.
</blockquote>
Сондай-ақ вице министр егер ақша түспесе, қай жаққа хат жазу керектігін айтып кетті.&nbsp;
<blockquote>
 “42500@enbek.kz&nbsp;және&nbsp;42500@gfss.kz&nbsp;сайттарына күніне мыңдаған хат жолданады. Мамандар қолдарынан келгенше хаттарға жауап беруде, бірақ кейде жауаптар кешіктіріліп жатыр. Хаттар күні-түні қаралады. Кейбір азаматтар “маған ақша неге түспеді” деген сияқты хабарлама жібереді. Онда ол азаматтың не аты, не шоты, не ЖСН нөмірі жоқ. Мұндай хаттарды біз тексере алмаймыз. Сол себепті хат жіберетін кезде өзіңіз жайлы толық ақпаратты жазуыңызды сұраймыз”, – деп қосты ол.&nbsp;
</blockquote>
Хат мәтінін мысалы төмендегідей жазу керек:
<blockquote>
 Мен, аты-жөніңіз, ЖСН нөмірі, мына күні өтініш білдірген едім. Сайтта жәрдемақы табысталады деп айтылған (скриншот суретті міндетті түрде қосу керек). Бірақ ақша әлі келіп түспеді. Менің өтінішімді тексеріп, жауап жіберулеріңізді сұраймын.
</blockquote>

Егер 42500 теңге түспесе: Вице-министр қай жаққа және қалай хат жазу керектігін түсіндірді

<a href="https://kyzylorda-news.kz/">Kyzylorda-news.kz.</a> Қызылорда облысына Атырау облысындағы коронавирус инфекциясы шыққан Теңіз кен орнынан 169 жұмысшы оралды.
Бүгінде өңірде Атырау облысындағы «Теңізшевройл» компаниясы ауру ошағы деп танылған вахталық қалашықтан қызметкерлерді қайтару туралы шешім қабылдаған.
«Атырау-Қызылорда» бағыты бойынша жұмысшылар мінген ұшақ «Қорқыт ата» әуежайына келіп қонды. Жолаушылар арасында Қызылорда, Байқоңыр қалалары мен барлық аудан тұрғындары бар.
Облыстық жұмылдыру дайындығы басқармасының хабарламасы бойынша жұмысшылардан КВИ-ге тест сынамалары алынды. Нәтижелері таза болып шықса, үй жағдайында бақыланады.
Бұған дейін аймаққа 168 жұмысшы жеткізілген болатын. Сәуірдің аяғына дейін Атыраудан тағы бірнеше рейстің келуі күтіліп отыр.

Қызылордаға Теңіз кен орнынан тағы 169 жұмысшы оралды

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында коронавирустық инфекцияны жұқтырған науқастар саны 179 адамға жетті. Соңғы тәулікте жаңадан анықталған 9 жағдайдың мән-жайын бүгін облыстық Денсаулық сақтау басқармасының басшысы Жақсылық Абдусаметов Өңірлік коммуникациялар қызметінде өткен брифингте айтып берді.
<blockquote>
 «Қазіргі таңда Қызылорда облысында коронавирустық инфекцияны жұқтырған 179 жағдай тіркелді. Соңғы тәулікте жаңадан 9 жағдай анықталды. Оның ішінде, сегізі – Қызылорда қаласынан, біреуі – Тараз қаласының тұрғыны. Қызылорда қаласында анықталған науқастардың алтауы – медицина саласының қызметкерлері. Олардың ішінде, 1 дәрігер, 2 көлік жүргізуші, 1 техникалық қызметкер, қалған екеуі – медбикелер. Олар инфекцияны скринингтік тексеруден өткізу барысында жұқтырған. Бір науқас қарым-қатынаста болғандардың арасынан анықталса, біреуі – правизорлық емханада бақылауға алынғандардың арасынан тіркелді», – деді Жақсылық Абдусаметов.
</blockquote>
Оның айтуынша, COVID-19 індетін жұқтырған өңірдегі 179 науқаспен байланыста болғандардың жалпы саны – 2449.&nbsp;Оның ішінде, жақын қарым-қатынаста болғандар саны – 1291, потенциалды байланыста болғандар – 1158 адамды құрап отыр. Бүгінгі таңда барлығы бақылауға алынып, оқшауланған. Барлығының жағдайы қанағаттанарлық.
Сондай-ақ, бүгінгі таңда облысымыздағы жұқпалы аурулар ауруханасында – 101, правизорлық стационарда – 49, карантиндік стационарда – 341 адам бақылауда.
Брифингте Жақсылық Әбілқасымұлы мәлімдегендей, өткен тәулікте облысымызда коронавирустық инфекцияға байланысты 947 тест сынамасы жасалыпты.
<blockquote>
 «Соңғы тәулікте 947 тест сынамасы жасалды. Оның 651 – теріс мәнді болып шықты. Тоғызынан коронавирустық инфекция анықталды. Ал, 234 – әлі тексерілу үстінде. Бүгінде облысымызда 6500 тест сынамасының қоры қалды», – деді ол.
</blockquote>
йта кетейік, бүгін Қызылорда облысында коронавирустық инфекцияға шалдыққан науқастардың саны&nbsp;<a href="https://kyzylorda-news.kz/densawlyq/qyzylorda-oblysynda-qawipti-indet-zhuqtyrghandar-sany-179-adamgha-zhetti-58704/">179 адамға жеткенін</a>&nbsp;хабарлаған болатынбыз.
Оның ішінде, Қызылорда қаласында – 46, Аралда – 4, Қазалыда – 2, Қармақшыда – 5, Сырдарияда – 26, Шиеліде – 66, Жаңақорған ауданында – 30 жағдай тіркеліп отыр.
<img src="https://kyzylorda-news.kz/wp-content/uploads/2020/04/b424d2f4a8899240f5d98f556dfccf7d_original.88362.jpg" alt="" />

COVID-19: Қызылордада соңғы тәулікте 6 медицина қызметкері індет жұқтырған

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында коронавирустық инфекция жұқтырған тағы 9 науқас тіркелді.
26 сәуір 09:15-тегі&nbsp;мәлімет бойынша қауіпті індетке шалдыққан 9 науқастың сегізі – Қызылорда қаласынан, біреуі – Тараз қаласының тұрғыны.
Айта кетейік, осымен облыс бойынша коронавирустық инфекция жұқтырған науқастардың жалпы саны 179 адамға жетті.

Қазақстан және Қызылорда облысының жаңалықтары: COVID-19