<img src="http://degdar-news.kz/wp-content/uploads/2024/03/64DFC43E-6A55-4365-BAB8-F09842E9E636-920x425.jpeg" alt="" loading="lazy"><a href="https://kyzylorda-news.kz/">Kyzylorda-news.kz</a>&nbsp; Өткен жылы шағын кәсіп бастаймын деген 459 адамға қайтарымсыз грант тағайындалды. Алайда 32 адам берілген мүмкіндікті тиімді пайдаланбай, басқа мақсатқа жұмсаған. Олардың қаражатын кері қайтару үшін мамандар сот органдарына жүгінуге мәжбүр. Биыл 484 адамға грант беріледі деп жоспарлануда.Облыстық жұмыспен қамтуды үйлестіру және әлеуметтік бағдарламалар басқармасы мен «Мансап» орталығы филиалының мамандары жергілікті БАҚ өкілдеріне баспасөз турын ұйымдастырды. Алдымен «Сабалақ» саяжайындағы жылыжай жұмысымен таныстық. Үшінші топ мүгедегі Дархан Қалыбеков өткен жылдың күзінде 1380000 теңге көлемінде қайтарымсыз грантқа ие болған. Осы қаражатқа қажетті құрал-жабдықтар сатып алып, жылыжай ісін дамытуда. Есік алдындағы жерді тереңдігі 5,5 метр етіп қазып, онда қызанақ пен қияр еккен. Екі түп лимон ағашының көшеті де жайқалып тұр. Ерте көктемде өнім алуды жоспарлап отырған кәсіпкер бір түп 10 келідей қияр беретінін айтады. Алдағы уақытта кәсібін кеңейтіп, өзге де жеміс түрлерін баптауды жоспарлауда.&nbsp;Мұнан кейін Астана даңғылында орналасқан тігін цехының жұмысын көрдік. Қала тұрғыны, көпбалалы ана Перизат Ашықбаева да мемлекеттен қайтарымсыз грант алып, кәсібін дамытуда. Тігін саласында 8 жылдан бері тер төгіп келетін ол балалар киімдерін тігуді қолға алған. Бүгінде бір адамды жұмыспен қамтып отыр.<blockquote>Балаларымның аллергиясы болғандықтан, кез келген киімді кигізе бермеймін. Қазір мұндай бала өте көп. Сондықтан кішкентайларға ыңғайлы, денесіне жұмсақ жатарда киетін және спорттық киімдер тігу үшін өзімнің бизнес жобамды ұсынған болатынмын. Жобамның қолдау тапқанына қуаныштымын. Кәсібімізді кеңейтіп, өзге де бұйымдар тігуді қолға алмақпыз, – дейді көпбалалы ана.</blockquote>«Қарауылтөбе» ауылдық округінің тұрғыны Нұрлан Смағұлов – бөдене шаруашылығын дамытып отырған кәсіпкер. Мемлекеттен берілген&nbsp; қайтарымсыз грантқа қажетті құрал-жабдықтар сатып алған. Бастапқыда 400 бөденемен кәсіп ашқан ол қазір оның санын 4 мыңға жеткізген. Ет және жұмыртқа бағытын дамытып келеді.<blockquote>Бүгінде бөдененің жұмыртқасы мен етіне сұраныс көп. Бізден базардағы сатушылар көтерме бағамен алады. Емдік мақсатта сатып алатындар да баршылық. Бір данасын 30 теңгеден өткіземіз, – дейді кәсіпкер.</blockquote>&nbsp;

Былтыр 459 кәсіпкерге қайтарымсыз грант тағайындалды

<a href="https://kyzylorda-news.kz/ru">Kyzylorda-news.kz</a> &nbsp; Қазалы ауданы бойынша шағын және орта кәсіпкерлікті дамыту саласында жұмыстар қарқынды атқарылуда. Жасыратыны жоқ, ауылдағы өмір қай кезде де оңай болған емес. Күнделікті ауылдың тірлігі, дамыған инфрақұрылымның болмауы, халықтың қалаға қоныс аударуы және ауыл тұрғындарының аз табысы күйбең тірлікке әсер етпей қоймайды. Ешқашан ауылда болмаған және мұнда кем дегенде екі апта болмаған адам ауыл тұрғындарының ойлары мен тірлігін түсінбейді.Бүгінгі таңда ауыл тұрғындарының жалғыз күнкөрісі егін шаруашылығы пен төрттүлік болып тұр. Ауыл тұрғындарының бизнес ашып, дамыту және кеңейту жөніндегі бастамасы мен жоспарлары көп жағдайда іске аспай қалып жатады. Бұл мәселені шешу үшін өткен жылы Үкімет "Amanat" партиясымен бірлесіп, Қазақстан бойынша "Ауыл аманаты" жобасын енгізу туралы шешім қабылдады.Жобаны іске асыруға 2023 жылы республикалық бюджеттен Қызылорда облысына 3 миллиард теңгеден астам қаражат көзделген. Ауданға 484300000 теңге бөлінді. Осы жоба бойынша микрокредит беру мерзімі 5 жыл, мал шаруашылығы саласындағы бастамалар үшін 7 жыл қаралған. Ең жоғарғы сома – 2,5 мыңнан 8 мың АЕК-ке дейін, номиналды сыйақы мөлшерлемесі – жылдық 2,5%-тен аспайды. Негізгі қарызды төлеу бойынша жеңілдікті кезең – 12 айды құрайды.Жаңа мемлекеттік бағдарлама механизмнің қол жетімділігі, жеңілдетілген несиелеу және төмен пайыздық мөлшерлеменің арқасында кеңінен таралуда. Бағдарлама ауыл тұрғындарына бизнес-жобаларын іске асыруға көмектесуге бағытталған. Оны өсімдік, мал және құс шаруашылығына, елді мекендерден тыс жерлерде жер ресурстарын пайдалану үшін, кооперативтер құру және жинақтау, жеке кәсіпкерлікті дамыту (өндіру және қайта өңдеу), сатып алу-сату және жалға беру қызметін қоспағанда, осы сынды бағыттар бойынша жүзеге асырылады.Қазақстандық ауылдарды дамытуға және отандық агроөнеркәсіптік кешенді қолдауға бағытталған бағдарлама. Жеңілдетілген несие және "Ауыл аманаты" жобасы көптеген ауыл тұрғынына өз бизнесін құруға септігін тигізеді. "Ауыл аманаты" жобасы 2025 жылға дейін іске асырылады деп жоспарланған.Былтыр "Ауыл аманаты" жобасына қызығушылық танытқан ауыл тұрғындары берілген мүмкіндікті жіберіп алмай, бизнес жоспарларын ұсынған болатын. Қазалы ауданы бойынша 68 адам осы бағдарлама игілігін көрді. Соның ішінде Ақбала Жақыпбекқызы да бар. Ол 5 жылға 6900000 теңге жеңілдетілген несие алып, Ақтөбеден пластик бөтелкелер құятын Ресейдің "Техноиндустрия" компаниясының жабдығына қол жеткізді. Бұны алмас бұрын ұзақ ойланды. Ақырында жеті рет өлшеп, бір кесуге бел буды.Ақбала Шүйіншәлі 10 жылдан астам кәсіпкерлікпен айналысып келеді. Жеке аралас дүкені халыққа қызмет көрсетіп тұр. Онда құйылмалы сусын сататындықтан сырттан пластикалық ыдысқа тапсырыс беретін. Оның әр данасы 65 теңгеден болғандықтан қалтаға ауыр тиеді. Сондықтан ізденіп, өзі осы дүниелерді шығаруды ойлайды.– "ПВ-800" ПЭТ контейнерлеріне арналған жартылай автоматты үрлеу машинасы алдын ала қыздыру және үрлеу әдісімен "ПЭТ" преформаларынан көлемі 2,5 литрге дейінгі бөтелкелерді өндіруге арналған. Бұл шағын және орта бизнес үшін тиімді шешім, ол сізге минималды инвестициямен өзіңіздің "PET" контейнерлеріңізді өндіруді ұйымдастыруға мүмкіндік береді.Қалыптың құлыптарына арналған бөлек жетегі бар бірегей дизайн жоғары өнімділікпен алынған бұйымның тамаша сапасын қамтамасыз етеді. Жабдықтардың қосарланған жиынтығы дайын өнімнің сандық шығымдылығын арттыратын қосарлы қалыптарды пайдалануға жағдай жасалған, – дейді жас келіншек.Оның айтуынша, "Festo" пневматикалық компоненттерін және "Omron" электрондық компоненттерін пайдалану жабдықтың ұзақ уақыт бойы мінсіз жұмыс істеуіне кепілдік береді. Бұл құрылғыға компания 1 жылға зауыттық кепілдік береді.Өндірістік жабдық қатты суық және ыстық күні қосылмайды. Пластик бөтелкесінің 0,5 пен 5 литр аралығындағы көлемдегілері шығарылады. Алғашында 1,5-2 литрлігінен 500 данасын шығарады. Оны тапсырыс берушілер лезде сатып алған. Жалпы бұл құрылғы 1 сағатта 500-600 данасын өндіреді. Бір күнде 3000-ға дейін басып шығара алады. Бөтелкелерге арналған қақпақ пен шикізатты Алматыдан тапсырыспен алдырады.Іскер кәсіпкер алдағы көктемде жұмысын бастап кетуді діттеп отыр. Жоспарында Арал, Қармақшы, Төретам сынды сұраныс бар жерлерге жеткізу бар. Оған арнайы көлік те алуды есептеуде.Қазір Ақбала Жақыпбекқызы 2 адамды жұмыспен қамтып отыр. Кәсібін де кеңейтуден кенде емес. Жаңа идеялары көп еңбекқор кәсіпкер алдағы уақытта дәмхана мен өзге де өндіріс орнын ашуға құштар екендігін жасырмады.

Берері мол бағдарлама

<img src="http://degdar-news.kz/wp-content/uploads/2024/03/64DFC43E-6A55-4365-BAB8-F09842E9E636-920x425.jpeg" alt="" loading="lazy"><a href="https://kyzylorda-news.kz/">Kyzylorda-news.kz</a>&nbsp;Кәсіпкерлікті, тың идеяларды қолдау, жаңа кәсіпке жан бітіру – уақыт талабы. Осы орайда қызылордалық кәсіпкерлер мемлекет пен аймақ басшысы тарапынан ғана емес, аталған салаға қатысты сан түрлі мекемелер мен орталықтардан да қолдау көріп жүр. Осы бағыттағы тағы бір шара «Брендке бір қадам…» сауда көрмесі «Анаға тағзым» орталығы креативті индустрия алаңында өткізілді.Орталықтың бастамасымен осы жылдан бастап «Брендке бір қадам…» атты креативті кәсіпкерлерге арналған сауда көрмесі тұрақты түрде ұйымдастырылмақ. Айта кетейік, жобаның басты мақсаты – инклюзивті экономиканың дамуына үлес қосатын дарынды әрі шығармашыл тұлғаларға қолдау білдіріп, бәсекелестікке төтеп беру үшін қолөнершілердің өзара тәжірибе алмасуына ұйытқы болу, креативті кәсіпкерлердің кластерін қалыптастырып,&nbsp;&nbsp; олардың&nbsp; өз қолынан&nbsp;&nbsp; шыққан&nbsp; өнімдерін жарнамалауға, халыққа таныстыруға мүмкіндік жасау.&nbsp;&nbsp;<blockquote>– Президент Жолдауында креативті индустрияны қолдау керегін атап өтті. Бұрын олардың қатарына қолөнершілер кірмеген екен. Биылдан бастап ұлттық нақыштағы бұйымдар мен тұрмыстық заттар кәсібіне көңіл бөлінуде. Алғашқы көрмеге қаладағы 20-ға жуық кәсіпкер қатысып жатыр. Бірі ұлттық әшекей бұйымдарын өз қолымен жасап әкелсе, енді бірі астауын ұсынып отыр. Көрмеден тойтабақтар, ағаш бесіктер, орамалдар, трансформер сөмкелер, әшекей бұйымдар, ыдыс-аяқтар, көрпе-жастық сынды күнделікті тұрмысқа қажетті дүниелерді табуға болады.Бір апта көлемінде тек қаладағы кәсіпкерлердің қолөнер бұйымдары көрмеге қойылады. «Брендке бір қадам…» сауда көрмесі жыл бойы ұйымдастырылатын болады. Жеті ауданның әрқайсысына бөлек көрме ұйымдастырылып, аймақтағы қолөнершілердің басы қосылмақ. Ал жыл соңында көрме қатысушыларымен бірге облыстық деңгейде форум өткізіледі. Мән берсек, Қызылордада тек ұлттық нақыштағы дүниелерге арналған базар да, орталық та жоқ. Осы мақсатта «Анаға тағзым» орталығы өңір тұрғындарының қажеттілігін қамтамасыз етуге атсалысуда, – дейді орталық қызметкері Айдана Маратқызы.</blockquote>Айта кету керек, аталған жоба ақпараттық-танымдық бағытта да пайдалы болмақ. Апталық аясында облыстық «Атамекен» кәсіпкерлер палатасы, Kyzylorda Hub бизнес-инкубаторының өкілдері мен өңірімізге белгілі кәсіпкерлер қаржылық сауаттылық, бизнесті бастау және дамыту бағытында арнайы тренингтер мен шеберлік сағаттарын&nbsp; өткізеді.<blockquote>– Қолөнермен осыдан үш жыл бұрын айналыса бастадым. Алғашқыда шашқа арналған аксессуарлар жасау ұнайтын. Уақыт өте келе ассортиментке ұлттық әшекей түрлерін енгізіп, әлеуметтік желі арқылы бұйымдарға қызығушылар саны арта түсті. Қазақша сырға, сақина, шекелік, өңіржиек, шолпыларды заманауи стильде жасауға тырысамын. Ою-өрнектерінде өзгешелік бар. Соның ішінде шекелікке тапсырыс беретін жасөспірім қыздар көп.Мұндай көрмеге бірінші рет қатысып жатырмын. Бұйырса, алдағы уақытта аталған бағыттағы көрмелер мен іс-шараларға қатысу арқылы жеке брендімді қалыптастырып, ұлттық нақыштағы әшекейлерді кеңінен насихаттай түссем деймін. Әшекей жасау – шығармашылық пен шыдамды қажет ететін жұмыс. Себебі әр бөлігін жеке-жеке құрастыру керек, – дейді қолөнерші кәсіпкер Ақдана Камал.</blockquote>

Брендке бір қадам: Тың идеяларды қолдау – уақыт талабы

Жаңақорғандық кәсіпкерлер тері өндірісін қолға алды

<a href="https://kyzylorda-news.kz/">Kyzylorda-news.kz</a> Жаңақорған ауданында халықтың тұрмыс сапасын жақсартуға бағытталған істер қолға алынған. Өткен жылы Ұлттық қордан 292 млн теңге бөлініп, Қаратөбе ауылында дәрігерлік амбулатория салынып, пайдалануға берілді. &nbsp;Сондай-ақ, көп бейінді аудандық аурухана базасында балаларға арналған «Қамқорлық» оңалту орталығы ашылмақ. Онда тірек-қимыл қозғалысы кемшін және денсаулығында кінәраты бар 3-тен 18 жасқа дейінгі науқастарға ем-шара көрсетудің кешенді базасымен жабдықталған стационар жұмыс жасайтын болады. 2023 жылы облыстық бюджеттен 100 млн теңге бөлініп, Төменарық ауылында дәрігерлік амбулаториясымен қоса 15 төсекке арналған ауылдық аурухана құрылысы басталды. Жоба құны 966 млн теңге. Сонымен қатар, «Ауылдық&nbsp;денсаулық сақтауды&nbsp;жаңғырту» ұлттық жобасы аясында Бесарық, Әбдіғаппар ауылдарына дәрігерлік амбулатория салуға жоба жасалуда. Биыл облыстық бюджет қаражаты есебінен екі амбулатория салужоспарлануда.Жаңақорған ауданында &nbsp;35 елді мекені орталықтандырылған таза ауызсумен қамтамасыз етілген. Суды жинау, өңдеу және бөлу бойынша қызмет көрсететін 2 кәсіпорын бар, оның екеуі де&nbsp; мемлекет меншігінде.Тұрғындарды таза ауыз сумен қамту мақсатында былтыр республикалық бюджеттен 2,6 млрд теңге қаржы қаралып, «Тақыркөл» су қоймасының магистральді су өткізгішінің екінші желісі, «Талап» топтық су құбырын кеңейту, «Қожамберді», «Сүттіқұдық», «Жайылма» ауылдарының ауызсу жүйелері жаңғыртылуда. Аталған жобаларды аяқтау үшін биыл да облыстық бюджеттен 147,7 млн теңге және Ұлттық қордан «Келінтөбе» ауылының ауызсу жүйесін жаңғыртуға 125,5 млн теңге бөлініп отыр. Осы жобаларды сәтті аяқтасақ, аудан халқының таза ауызсу тұтыну көрсеткіші 100 пайыз жақсарады.Ауданның көркеюінде инфрақұрылым мен жолдардың саны да, сапасы да маңызға ие. Осы орайда аудандық маңыздағы 192 шақырым жолдың қанағаттанарлық деңгейі 96,1 пайызға, елді мекендердегі 590 шақырым 519 көшенің қанағаттанарлық деңгейі 56,1 пайызға жетіп отыр. Былтыр 38 көше жөндеуден өткен. Асфальтталған сапалы жолдарды көбейту мақсатында биыл да «Ауыл – ел бесігі» жобасы аясында 532 млн теңге бөлініп, Жаңақорған кентіндегі 4 көшеге (А.Иманов, Ы.Алтынсарин, М.Жаппаров, О.Ильясов) күрделі жөндеу жасалмақ. Жаңақорған кентіндегі теміржол үстінен өтетін көпір құрылысының жарамдылығына сараптама жасалып, пайдалануға жарамды деген қорытынды алынды. Қазір демеуші есебінен жоба дайындалып, сараптамадан өткізілуде. Биыл облыстық бюджеттен қаржы бөлініп, көпір құрылысын аяқтау мақсаты да жүзеге асырылмақ.Ауданның кәсіпкерлік саласы да тың жобалар мен жаңалықтардан құралақан емес. Түрлі кәсіпкерлік, басқа да жобалар мемлекет қаржысын күтпей, демеуші арқылы жанданып келеді. Бүгінде бірнеше инвестициялық жобаның іске асырылуы күтілуде. Айта кетейік, «Абдулла» шаруа қожалығының жылына 3,5 мың тонна құс етін өндіретін фабрикасын іске қосу осы жылға жоспарланып отыр. Қазір арнайы қызмет көрсететін техникалар алынды. Жаңа кәсіпорын облыс халқы тұтынатын құс етінің 33 пайызын бермек, 120 адам жұмыспен қамтылады.Уран өндірісімен айналысатын «Қызылқұм», «Байкен-U», күкірт қышқылын өндіретін «СКЗ-U» ЖШС, қорғасын-мырыш кенін өндіретін «Шалқия Цинк ЛТД» АҚ, қиыршық тас өндіретін «КДСМ Қыран», «УАД», «Сарман Тастақ Жаңақорған», әк өндіретін «Премиум Класс-Строй», «ОСТ», «Қуат Әк» кәсіпорындары заман талабына сай жаңа технологиялар мен құрал-жабдықтарды қолдану арқасында табыс әкеліп отыр.

Жаңақорған ауданында кәсіпкерлік саласы өркендеп келеді

<a href="https://kyzylorda-news.kz/">Kyzylorda-news.kz.</a> Сырдария аудандық мәслихатының депутаттары өз құзіреті шеңберінде екі комиссияға бөлінген. Бір комиссия жұмысы экономика, құрылыс, қаржы, инфрақұрылымдық мәселелерге бағытталса, екінші комиссия әлеуметтік саланың, білім, мәдениет, спорт, денсаулық сақтау және жастар саясаты мәселелерін қамтиды.Бүгін қос комиссияның бірлескен жиыны көшпелі мәжіліс негізінде ұйымдастырылып, оған аудандық мәслихат төрағасы Ержан Әжікенов жетекшілік жасады. Депутаттардың жиынына аудандық ардагерлер кеңесінің төрағасы М.Келдібаев, аудандық қоғамдық кеңес төрағасы М.Еспенбетов, Тереңөзек кентінің жергілікті қоғамдастық жиынының төрағасы Б.Ілиясов, қоғамдастық жиынының мүшесі Қ.Сматов және тиісті мекеме басшылары қатысты.Депутаттар ең алдымен Тереңөзек кентіндегі №3 сайлау округіндегі бірқатар көшелерді аралады. Әуелі «Майжарма» каналының абаттандырылған бөлігін көріп, атқарылған жұмыстар мен болашақта жүзеге асырылатын жоспарларды пысықтады.&nbsp;– Бүгінгі басқосуды көшпелі мәжіліс негізінде арнайы ұйымдастырып отырмыз. Себебі, тұрақты комиссия мен сессияда депутаттар назарына көптеген бюджеттік өтінімдер ұсынылады. Әрине, біз атқарушы органның ұсыныстарын әркез қолдап келеміз. Мұнан бөлек депутаттық сауалдардың да орындалуы тұрақты бақылауымызда. Жергілікті бюджеттен соңғы үш жылда кентті дамытуға көп қаражат бөлінді. Сол қаражатқа атқарылған жұмыстардың сапасын көзбен көріп, нысандарды аралап, жан-жақты танысқанымыз орынды. Ортақ мәселерді бәріміз бірлесе талқылап, талдап, бірлесе шешім қабылдауымыз қажет, – деді Ержан Ертарғынұлы.Өз кезегінде депутаттар Д.Ералиев, А.Есназар, Ә.Серікбаев, М.Баку, Е.Жақып, А.Қалдыбаева, Д.Ибадуллаева, Г.Тілеубергенова бюджет қаражаты есебінен жүргізілген жұмыстың сапасына баса назар аударып, тұрғындарға қолайлы жағдай жасау үшін бірқатар ұсыныс айтты. Ал, Тереңөзек кентінің әкімі Е.Бахтияров депутаттарға жалпы мағлұмат беріп, абаттандыру жұмыстары жалғасатынын жеткізді.&nbsp;Мұнан кейін депутаттар №3 сайлау округі аумағындағы И.Тоқтыбаев көшесінде болып, жаяу жүргіншілер жолының және аяқ су жеткізуге арналған бетонды латоктардың сапасын көрді. Кент әкімі бұл көшенің ең ұзын көшелердің бірі екенін айтып, көшенің тазалығы, жаяу жүргіншілер жолының сапасы, сондай-ақ көркейту-көгалдандыру жұмыстарының жүргізілуі тұрақты бақылауда болатынын айтты. Тереңөзек кентінің жергілікті қоғамдастық жиынының төрағасы Б.Ілиясов И.Тоқтыбаев көшесіндегі темір бетонды латоктардың аяқ суды үнемдеуге тікелей әсер еткенін айтты. Сондай-ақ бейнебақылау камераларының сапасы жөнінде ұсыныстарын ортаға салды.Депутаттардың көшпелі жиыны №2 сайлау округі аумағындағы жаңа қоныстану аймағында жалғасты. Мұнда жаяу жүргіншілер жолы салынуда. Сондай-ақ биыл 100 отбасыға арналып 50 тұрғын үйдің құрылысы жүргізіледі және тұрғын үйлер толықтай табиғи газға қосылады деп жоспарлануда. Аудандық құрылыс, қала құрылысы және сәулет бөлімінің басшысы Н.Бисембаев ауданның бас жоспарына сәйкес жоспарланған жұмыстардың орындалу мерзімін егжей-тегжейлі түсіндіріп, инфрақұрылым жұмыстары жүргізілген аумақтан жалпы саны 491 жер телімі жер кезегінде тұрған азаматтарға табысталады деп жоспарланғанын айтты. Депутаттар тұрмыстық қатты қалдықтарға арналған полигонға да барды.– Осы аптада ҚР Премьер-министрі Олжас Бектеновтің төрағалығымен өткен Үкімет отырысында қатты тұрмыстық қалдықтарды қайта өңдеу мәселесі қаралды. Қызылорда облысының әкімі Нұрлыбек Нәлібаев қалдықтарды қайта өңдеу жобаларын іске асыру барысын баяндады. Үкімет басшысы ҚР Экология және табиғи ресурстар министрлігіне Қызылорда облысының тәжірибесін басқа өңірлерге енгізуді тапсырды. Осы ретте Тереңөзек кентінен тұрмыстық қатты қалдықтарға арналған полигон құрылысын жүргізу үшін жоба әзірленген. Оның құны – 495,2 млн теңгені құрайды. Биылға облыстық бюджеттен 475,5 млн теңгесі бөлінді. Осы нысанның сапалы әрі уақытылы салынып, пайдалануға берілуі бәріміз үшін аса маңызды. Сондықтан алдағы уақытта партиялық бақылау да ұйымдастыру қажет, – деді аудандық мәслихат төрағасы Ержан Әжікенов.Осы ретте былтыр И.Тоқтыбаев және Н.Бердіқұлов көшелері түйісетін аумақтағы ірі жүк автокөліктеріне арналған көпір тұсынан жаяу жүргіншілер жолын салу мәселесі бойынша депутаттар тарапынан аудан әкіміне ұсыныс айтылғаны көтерілді. Депутат А.Ибрагимұлы сол ұсыныстың қашан орындалатынын сұрады. Бұл сұраққа кент әкімі Е.Бахтияров пен аудандық құрылыс, қала құрылысы және сәулет бөлімінің басшысы Н.Бисембаев жауап беріп, аталған ұсыныс биыл міндетті түрде орындалатынын жеткізді.Бірлескен комиссияның көшпелі жиыны барысында депутаттар мен мекеме басшылары, Тереңөзек кентінің жергілікті қоғамдастық жиынының төрағасы Б.Ілиясов, қоғамдастық жиынының мүшесі Қ.Сматов бастаған азаматтар №4 сайлау округі аумағындағы сарқынды су желілерінің, №2 сайлау округі аумағынан бой көтеретін «Руханият» орталығының құрылысын да көрді. Мұнда бетондау жұмысы жүргізіліп жатқаны баяндалды және нысанның жылдың соңына дейін пайдалануға берілетіні айтылды. Айта кету керек, облыс әкімі Н.Нәлібаевтың бастамасымен аймағымыздың 7 ауданында музей, кітапхана, архив, неке қию залы, ардагерлер және аналар, жастар орталықтары секілді бірқатар тарихи-мәдени, рухани ұйымдарды біріктіретін типтік үлгідегі «Руханият» орталықтары салынбақ. Өңірдің барлық ауданында бой көтеретін нысан тарихи, мәдени, рухани ұйымдарды бір ортаға тоғыстырады. Мұнда қоғамдық келісім мен жалпыұлттық бірлікті нығайтуға арналған мазмұнды жиындар өткізіледі. Орталықта экспонаттар мен құнды құжаттарды арнайы сақтау бөлмелері де болады. Жалпы ел арасында рухани әмбебап орталық құру идеясы Ұлттық құрылтайдан кейін туындаған еді. Мемлекет басшысы алқалы жиында мәдениет, өнер, руханият тақырыбына айрықша тоқталып, халқымыздың қазақстандықтарды біріктіруші ұлт ретіндегі даму бағыттарын айқындап берген болатын. Ауданымыздағы «Руханият» орталығы Тереңөзек кентіндегі №36 Ә.Тәжібаев атындағы мектеп-лицейінің жанынан салынбақ. А.Иманов пен Н.Ергешбаев көшелерінің қиылысынан бой көтеретін көп-қабатты ғимарат аудан ажарына сән беріп, кент келбетін айшықтай түсетіні анық.Депутаттар аялдаған соңғы аумақ «Майжарма» каналының С.Усабаев көшесінің тұсы болды. Бұл көшедегі басқосу жиынына аудандық қоғамдық кеңес мүшесі Қ.Сүлейменов қатысып, бірқатар мәселелерді көтерді. Оның ішінде каналдың ішін бетондау, арнасын кеңейту, тегістеу және жеке меншікке беріліп, бірақ игерілмей бос жатқан жерлерді мемлекет меншігіне қайтару мәселелері бар. Әр мәселе зерделеніп, ұсыныстардың орындалу мүмкіндігі талқыланды. Балалар ойын алаңын салуға бос жерді анықтау мәселесі келесі аптада нақтыланатыны келісілді.Мұнан соң жиналған топ Тереңөзек кенті мәдениет үйінде бас қосып, аудандық мәслихаттағы тұрақты комиссиялардың қорытынды жиыны өткізілді. Жиналысқа Е.Әжікенов төрағалық етіп, күн тәртібі бойынша кент әкімі Е.Бахтияровтың, аудандық құрылыс, қала құрылысы және сәулет бөлімінің басшысы Н.Бисембаевтың және аудандық тұрғын үй коммуналдық шаруашылық, жолаушылар көлігі және автомобиль жолдары бөлімі басшысының міндетін атқарушы Н.Омаровтың баяндамалары тыңдалды. Депутаттар нысандар құрылысының сапасы, көшелерді жөндеу, электр бағаналарын ауыстыру мен электр желілерін жүргізу, сарқынды су құрылысы желілерінің мәселелері жөнінде ұсыныстарын ортаға салды. Коммуналдық сала басшылары М.Исмағұлов, Н.Кәкім, Е.Есенгелді де өз жоспарларымен бөлісіп, депутаттармен бірлесе жұмыс істеуге ынталы екендіктерін білдірді.Жиын соңында аудандық мәслихат төрағасы Е.Әжікенов үгіт-насихат кезеңінде сайлаушылардан түскен өтініштер мен талап-тілектерді орындауға күш салу керектігін айтты. Сонымен қатар жыл басынан бері аудандық мәслихат депутаттары тарапынан құзырлы органдарға 8 депутаттық сауал жолданғанын, оның бірде-бірі назардан тыс қалмағанын жеткізді.– Сайлаушылардың талап-тілектерін ескере отырып, аудандық мәслихат депутаттары тарапынан жергілікті атқарушы органдар назарына берілген ұсыныстардың облыс, аудан әкімдігінің қолдауымен басым бөлігі шешімін тапты. Нақтырақ айтар болсақ, 8 депутаттық сауалдың 7-еуі толық орындалса, 1 сауал орындалу үстінде. Халық аманатын арқалаған мәслихат депутаттарына үлкен жауапкершілік жүктелгенін айтқым келеді және мәслихат тиісті заңдылықтарға сәйкес өз жұмысын жетілдіре беретін болады. Біз алдағы уақытта ауданымыздың, оның ішінде Тереңөзек кентінің әлеуметтік-экономикалық, қоғамдық-саяси, рухани-мәдени дамуына бар ынта-жігерімізбен, күш-қайратымызбен атсалысуымыз қажет. Бізден мұны уақыт да, қоғам да талап етіп отыр. Осы бағытта бәріміздің бірлесе атқаратын жұмысымыз жемісті болсын, – деп қорытындылады Ержан Әжікенов.&nbsp;

Ауданда құрылыс қарқыны жоғары 

<img src="http://degdar-news.kz/wp-content/uploads/2024/03/64DFC43E-6A55-4365-BAB8-F09842E9E636-920x425.jpeg" alt="" loading="lazy"><a href="https://kyzylorda-news.kz/">Kyzylorda-news.kz</a> &nbsp;Осы күні кәсіпкерлік саласы – қаржы нарығының басты табыс кілті болып саналады. «Кәсіпкер болу – басқаның істегенін істемеу» деген тәмсіл бар. Қазіргі экономикалық-нарықтық заманда кәсіпкерлік саласы – экономиканың дамуына, халықтың тұрмыстық әл-ауқатының артуына әкелетін ең басты жол саналады. Мемлекет тарапынан кәсіпкерлікті дамытуға, оның ішінде жас кәсіпкерлерді қолдау мақсатында ауқымды жұмыс жасалып, қаржылай қолдау жасалуда. Салық кодексіне толықтырулар мен жаңа өзгерістер енгізіліп, кәсіпкерлік салықтық салымдарының кейбір түрінен босатылып, кәсіпкерлерді себепсіз тексерулерді тыю мақсатында мораторий жарияланғанғаны белгілі.Шағын және орта бизнесті дамыту – бүгінгі күннің өзекті мәселесіне айналды. Себебі кәсіпкерлік мемлекеттің қаржы нарығында маңызды рөл атқаратындығы айтпаса түсінікті. Кәсіпкерлік дамыса, жұмыссыздық азаятыны сөзсіз. Жастар арасындағы жұмыссыздық мәселесін шешуде мемлекетіміз ел жастарын кәсіпкерлікке тартуға әрекет жасап келеді. Бұл мемлекет үшін де, қоғам мен азаматтар үшін де тиімді саналады. Кәсіпкерлік саласын дамытуда ауданда қарқынды жұмыстар атқарылу үстінде. Осы тұста аудан бойынша кәсіпкерлік саласында атқарылған жұмыстарға нақтырақ тоқталып өткенді жөн көрдік.2023 жылдың қорытындысына сәйкес, аудан бойынша 2856 шағын және орта кәсіпкерлік субъектілері тіркелген. (Оның ішінде, 149 шағын және орта кәсіпкерліктің заңды тұлғалары, 1247 жеке кәсіпкер, 1460 шаруа және фермер қожалықтары). Ал жұмыс жасап тұрған кәсіпкерлік субъектілерінің саны 2765 болып, тіркелгендер үлесі 96,9 пайызды құрады. Статистикалық көрсеткіштерге сәйкес 2023 жылдың қорытындысы бойынша ауданның өнеркәсіп орындары қолданыстағы бағамен 75 166,0 млн теңгенің өнімін өндірді, өткен жылдың осы кезеңімен салыстырғанда 132,8 пайызға артты. Оның ішінде өңдеу өнеркәсібі 21 510,0 млн теңгені құрап, 112,1 пайызға өскен.– Аудандық кәсіпкерлік, өнеркәсіп және туризм бөлімі тарапынан тұрғындарға әрдайым түсіндірме жұмыстары жүргізіліп, бағыт-бағдар беріліп отырады. Жыл басынан бері қаржы ұйымдарының қатысуымен кент және ауылдық округтерді 5 рет аралап, мемлекеттік бағдарламалар бойынша түсіндірме жұмыстары жүргізілген. Сонымен қатар аудандық прокуратура қызметкерлерімен бірлесе отырып, кәсіпкерлердің құқықтарын қорғау бойынша 4 рет дөңгелек үстел өткізілді.Қарқынды жұмыстардың атқарылуының нәтижесінде жыл қорытындысы бойынша мемлекеттік және өңірлік бағдарламалар аясында құны 4,9 млрд теңгені құрайтын 454 жобаға қаржылай қолдау көрсетіліп отырған жайы бар. Атап айтқанда, «Микробизнес-Қызылорда» бағдарламасы бойынша құны 159,5 млн теңгенің 17 жобасы қаржыландырылды. «Бизнестің жол картасы-2025» бағдарламасының пайыздық мөлшерлемелерін субсидиялау бағыты аясында құны 568.0 млн теңгенің 23 жобасы, ішінара кепілдендіру бағыты бойынша құны 359.0 млн теңгенің 12 жобасы екінші деңгейлі банктер тарапынан қаржыландырылды. Осы бағдарламаның 5,0 млн теңгеге дейінгі қайтарымсыз грант беру тетігі бойынша 1 жоба 5,0 млн теңгеге қаржыландырылды, – дейді аудандық кәсіпкерлік, өнеркәсіп және туризм бөлімінің басшысы А.Сәдуақасов.Өз кезегінде аудан халқының көпшілігі ашып жатқан кәсіптерін мемлекет тарапынан берілетін қайтарымсыз грант алу арқылы бастап жатқаны барлығына мәлім. Бұл әрбір бастапқы кәсіп бастаушы адам үшін таптырмас мүмкіндік екені айдан анық. Ауданымызда кәсіпкерлер мен кәсіп ашуға ниеттілер саны күн санап көбеюде. Әсіресе жастар мен үйде отырған аналар кәсіп саласын бастауда. Бұл әрине қуантарлық жағдай. Тынымсыз еңбек пен ізденістің арқасында көп жетістіктерге жетіп жатыр. Қазіргі кезде аудан халқы үшін тамақтану орталықтары мен асханалар жиі ашылуда. Сонымен қатар көлік жөндеу орталығы, фотостудия, монша, сұлулық салондары, киім дүкендері, құрылыс заттары дүкені, кондитерлік дүкендері де бой көтеріп халық үшін үздік қызмет етуде. Осы кәсіптердің арқасында қаншама адам жұмыспен қамтылып отырғаны көңілге медеу сыйлайды. Мемлекеттік грант қаражатын алуға көбінесе жастар, көпбалалы және табысы аз отбасылардың мүшелері, еңбек етуге қабілетті мүгедектер, сондай-ақ қоныс аударушылар үміткер бола алады. 2021-2025 жылдарға арналған кәсіпкерлікті дамыту жөніндегі ұлттық жобасы шеңберінде мемлекеттік грант¬тар беру мақсатында 1 380 000 теңгеден 144 адамға 198,4 млн теңге көлемінде мемлекеттік қайтарымсыз грант берілген. Жас кәсіп¬керлерді қолдау мақсатында, жастарды 2,5 пайызбен несиелеу бойынша 407,7 млн теңгенің 91 жоба қаржыландырылды.Сондай-ақ өткен жылы шілде айында бас¬тау алған «Ауыл аманаты» бағдарламасы аясында құны 3,0 млрд теңгені құрайтын 489 жобаның құжаттары жинақталды. Осы бағдарлама бойынша кент және ауыл округтерден барлығы – 1460,4 млн теңгеге 193 жоба, оның ішінде 322 млн теңгеге 13 АӨК-нің жобалары «Байқоныр» ӘКК АҚ-на ұсынылған. Қазіргі таңда «Ауыл аманаты» бағдарламасы бойынша несие комитетінің шешіміне сәйкес құны 234,7 млн теңгенің 23 жобасы бойынша қаржы бөлінген. «ҚазАгроҚаржы» АҚ-ның Қызылорда филиалы арқылы құны 2 млрд 436 млн теңгеге 71 ауылшаруашылық техникалары мен құрал-жабдықтары алынған болатын.Қорытындылай келе, ауданда кәсіпкерлік саласын дамыту мақсатында көптеген жобалар іске асырылып, қарқынды түрде жұмыс жасалуда. Бұл бір жағынан аудандағы кәсіпкерлік саласын дамытса, екіншіден тұрғындар үшін де қолайлы жағдай жасауда.Фото: aikyn.kz

Сырдарияда кәсіпкерлік саласында қарқын бар

<img src="http://degdar-news.kz/wp-content/uploads/2024/03/64DFC43E-6A55-4365-BAB8-F09842E9E636-920x425.jpeg" alt="" loading="lazy"><a href="https://kyzylorda-news.kz/">Kyzylorda-news.kz.</a>&nbsp; &nbsp;Қазір Қазалы ауданының өнімдері республикаға тарап, халықтың сүйікті дәмдеріне айналуда. Қазалыда өндірілген күріші мен сүт өнімдері және ащы кәмпитіне сұраныс жоғары. Соның ішінде, Қазалы ауданындағы кәмпит цехін 2012 жылдан бастап, Нұрбек Қазбергенов атты азамат қолға алған болатын. Бүгінде қолға алған кәсіп аясын кеңейтіп келеді. Осы күні мұнда дәмі тіл үйірер «Қазалы» кәмпитінің жеті түрі шығарылады. Аудандағы цех Қызылорда облысындағы ерекше кәмпит түрлерін шығаратын автоматтандырылған жалғыз кәсіпорын екендігін бірі білсе, бірі білмес. Қаншама еңбек пен тер төгіп, әзірленген өнімдер Қызылордадан бөлек, Ақтөбе, Батыс Қазақстан, Маңғыстау, Атырау облыс­тарына жөнелтіледі. Тіптен, тікелей цех арқылы көтерме саудамен айналысатындар сатып алып, теміржол бекетінде, аудан дүкендері мен базарларында және алып сатушылар жүргек пойыз жүргіншілерге де сатады. Осылайша, «Қазалы» кәмпитінің дәмін көрмеген жан жоқ деуге әбден болады.&nbsp;«Қазалы» кәмпитінің пайда болған тарихын баяндасақ, өткен ғасырдың елуінші жылдары қолға алынған деген дерекке кезігеміз. Ел тәуелсіздікке қол жеткізіп, мемлекетте тоқырау уақыты басталғанда өндіріс орындарын тұралатып кеткен тоқсаныншы жылдары осы кәсіпорынның айналасындағылар тәтті кәмпитті үйден жасап, онысын пойызда сауда жасайтындар көтерме бағамен сатып алып жүрді.Алғашында Нұрбек Қазбергенов отбасылық кәсіпті тұралатпай, әріқарай дамытақанда да барлық жұмыс баяғыдай қолмен атқарылатын дегенді алға тартты.Қазанда қайнаған шәрбәт алдымен иленеді. Ол суы­ған­нан кейін бірнеше адам қайшылап кесіп, орауға кіріседі. Уақыт пен адам күші көп жұмсалатынынан бөлек, тәттінің осы түрінде сырты жылтырап, жұтынып тұрған кәмпиттің өзге сорттарымен бәсекеге түсе алмайтыны белгілі. Сондықтан жас кәсіпкер әуелі осы қиын шаруаны жеңілдетуді ойластырады.– Алдымен Қырғызстан мен Қытайдағы кондитерлік цехтар жұмысын бақыладым. «Жұмыспен қамту – 2020» бағдарламасы аясында 18 миллион теңге несие алып, өндірісті ішінара автоматтандырылған жүйеге көшірдік. Осылайша, 30 адамның тірлігін 4 жұмысшы ат­қа­рат­ын болды. Қытай мен Ресейден кәмпит­терді созып, бөліп, турайтын және қаға­зын орай­тын аппараттар сатып алдық, – дейді жаңашыл кә­сіпкер Нұрбек Қазбергенов.Осындай жұмыстар арқасында 2015 жылы «Қазақстанның үздік тауары» көрме-байқауында «Қазалы» кәмпиті жеңімпаз атанды. Әр жылға қойылған жоспарды орындау арқы­лы өнім қазіргі күні еліміздегі қатты карамель өнді­­рісінен өз орнын ойып тұрып алды. 2021 жылдан бастап, «Қазалы» кәмпиті жаңа үлгі­де­гі қаптамамен шығып келеді.Бұл өнімді үйден дайындайтындар әлі де бар. Қазалыда он бес шақты үй, Қызылорда мен Аралда, Қармақшыда әзірлейтіндер де кездеседі. Ал, цехтағы өнім халықарлық стандарттарға сай келуімен ерекшеленеді. Кәмпит дайындауға керекті қант бағасы да, өнімді орайтын қаптама мен хош иістендіргіштердің бағасы жыл сайын өсіп келеді. Әрі, оның барлығы сырттан әкелінеді. Бұл ең алдымен, әрине, өнімнің өзіндік құнына әсер етеді.– Астанада өткен «Қазақстанның үздік тауары» көрме-байқауы өнімімізді ел көлемінде таныстырудың мүмкіндігі болды. Былтыр об­лысқа жасаған сапарында Мемлекет басшысы да «Қазалы» кәмпитімен танысып, оң бағасын берді. Осының бәрі бастаған игі кәсібімізді жалғастыруға үлкен демеу болды.Бүгінде тұ­ты­нушылар талабының да көп өзгергенін бай­қай­мыз. Олардың сұранысына сай болу үшін із­де­ніс­ті тоқтатпаймыз, – дейді Нұрбек Қазбергенов.Қазалы ауда­нынан осы уақытқа дейін күріш, ба­лық өнім­­­дері және қа­мыс шетелге экспортта­­лып келеді. Енді олардың қа­­тарына «Қазалы» кәм­­питі де қо­сылды. Өңір брендіне айналған өнім көп ұза­­­­май Қы­тай елін­дегі сауда сөрелеріне түсе бас­­­­тайды.

Қазалының конфеті Қазақстанға тарайды

<a href="https://kyzylorda-news.kz/">Kyzylorda-news.kz.</a> Жалағаш ауданында кәсіпке бет бұрып, табысқа кенелуді көздеген жандардың қатары артып жатыр. Әлбетте өңірде салада серпін қалыптасқаны өзімізге тиімді. Қазір қарапайым халық аталған саланы қолдауға арналған мемлекеттік бағдарламаларды өз пайдасына жаратқысы келеді. Яғни жеңілдетілген несиелер алып, кәсіп ашуға елде ынта жоғары. Қолда бар қаражатпен кәсіп ашып, жұмысын жандандырып жатқандар да жоқ емес. Әлеуметтің әлеуетін көтеруде екеуі де ерекше маңызға ие. Өйткені өңірде кәсіпкерлік жанданса, аудан экономикасында тұрақты өсім қалыптасады, бір жағынан жұмыссыздық мәселесіне жол бермеуге де кәсіптік нысандардың артуы оң әсерін тигізері анық.Иә, аудан аграрлық өңір болғандықтан бізде егін және мал шаруашылығы қарқынды дамыған. Жем-шөптен тапшылық болмағасын халықтың көбі мал шаруашылығы саласында кәсіп бастауға бейім тұр. Бірақ басқа салаларда іс бастап, кірісін еселеп отырғандар да жоқ емес. Бұдан біз жалағаштықтардың іс бастар алдындағы мақсатының өзгергенін аңғарамыз. Яғни қазір халық ауданда соңғы жылдары қолға алынбаған немесе саны аз кәсіптік бағытты таңдап, пайдаға кенелуді қөздейді. Іскер азаматтардың бұл бір жағынан тауарды өткізуге де қолайлы екеніне көзі жеткен. Жалағаш кентінің тұрғыны Дәуренбек Алтыбаев та осыдан бірнеше жыл бұрын қолға алған жобасының жемісін әлі күнге дейін көріп келеді.Бұрын елордадағы пластик есік-терезе өндіретін цехта жұмыс жасаған кейіпкеріміз Сыр бойында өнімнің бұл түріне деген сұраныстың жоғары екенін байқайды. Осылайша туған жерге келіп, бұған дейін жалақысынан үнемдеп жинаған қаражатына қажетті құрал-жабдықтар алып, кәсіпке кіріскен.– Астана қаласындағы есік-терезе өндіретін цехта жұмыс жасайтын кезде тұтынушыларымыздың көбісі сырбойылықтар болатын. Осыдан-ақ Қызылордада пластик есік-терезеге деген сұраныстың жоғары екенін аңғардық. Туған жерім Жалағашқа келіп, осы салада өнім өндіретін цех ашуды жоспарладым. Бастапқыда ертеңгі күні тапсырыс болмай жатса, кәсібім жүрмей, бизнесім аяқсыз қалады-ау деп еш уайымдаған жоқпын. Себебі мен цех ашу үшін айтарлықтай қомақты қаражат жұмсамадым. Небәрі екі аппарат пен аз ғана шикізат алып, ісімді бастап кеттім. Кейін жұмысым жүріп, сұраныс артқан сайын өз ісімді өрістете бастадым. Қазір жаман емес, кәсібімнің арқасында үлкен пайдаға кенеліп жатырмын. Бастысы, мемлекетке салмақ салмай, өз-өзімді жұмыспен қамтып отырмын. Өнімнің бұл түріне әлі де сұраныс жоғары. Уақытпен санаспай, барынша тұтынушы талабына сай өнім шығаруға күш салып жатырмын. Қазір нағыз құрылыстың қызып тұрған шағында тапсырыс саны да артып келеді.&nbsp;Тұтынушыларым да риза, мен де жеке табысыма қол жеткізіп жатырмын. Бұйыртса, тағы да қосалқы аппараттар алып, цехта өндірілетін өнім түрлерінің санын көбейту жоспарда бар, – дейді «Димаш» ЖК-ның басшысы.Үй ауласының жанынан ашылған цехқа келіп жатқан тұтынушылар санының көбіне біз де көз жеткіздік. Бар-жоғы екеуара болған 20-25 минуттық диалог барысында 9 адам 18 терезе, 7 есікке тапсырыс беріп кетті. Іскер азамат бұл тауар түрін шикізат көзі келген бойда 8 күн ішінде дайындай алатынын айтып отыр.&nbsp;Қазіргі таңда «Димаш» ЖК-да өндірілген өнім түріне тек кент орталығынан ғана емес, ауылдық округтерден және көршілес Қармақшы, Сырдария аудандарынан да тапсырыс түсуде.Салада 20 жылға жуық тәжірибесі бар кейіпкеріміз көбіне тұтынушылар түркиялық тауар түрін таңдағандықтан шикізат көзін де сол жақтан тапсырыспен алдырады. Пластик есік-терезелердің әйнектері де сырттан келеді екен. Қазіргі таңда кәсіпкер тұтынушы талабына сай есік-терезелердің шаршы метріне 27 мың теңгеден тапсырыс алуда. Мұндағы тауарлар бағасындағы сәл қымбатшылықты Дәуренбек Алтыбаев цехқа жеткізілетін шикізат көзімен байланыстырады.– Рас, соңғы жылдары пластик есік-терезелердің бағасы сәл қымбаттады. Мұның бәрі келетін шикізат бағасымен байланысты. Себебі олардың бағасында да өсім қалыптасып отыр. Сондықтан біз де өндірген өніміміздің бағасына өзгеріс енгіземіз. Егер келетін шикізат көзі арзандаса, біз де есік-терезелердің бағасын түсіруге тырысамыз. Әзірге оған мүмкіндік болмай отыр. Кейбір тұтынушылардың жағдайына қарап, қалтасы көтерген бағаға да жасап берген күніміз болды. Алып кәсіпорынның иесі емеспін, бірақ шама-шарқымша ауданда өтіп жатқан қайырымдылық шараларынан құр қалмаймын. Себебі мен осыған дейін қандай жетістікке жетсем, соның бәрін жасаған жақсылығыммен байланыстырамын, – дейді Дәуренбек Алтыбаев.Кәсіпкер алдағы уақытта өндіріс орнын кеңейтуді көздеп отыр. Яғни қосымша қаражат болған жағдайда цехқа қажетті басқа да заманауи аппараттар алып, өндіретін өнім түрінде өсім қалыптастырмақ. Әзірге оған қаражат жағы қолбайлау болып тұр.

Жалағаштық кәсіпкер сұранысқа сай сапалы өнім шығарды

<a href="https://kyzylorda-news.kz/">Kyzylorda-news.kz.</a>&nbsp; Шағын және орта бизнес – мемлекеттің негізгі тірегі. Ал, бұл саланы дамытуға қолдау тетіктері шешілуі тиіс. Одан бөлек ынталылардың тәуекелі мен ерік-жігері де шешуші рол атқарады. Айтпағымыз, көзін тапқандарға үй жағдайында-ақ бизнесін дамытуға мүмкіндік көп. Сондай креативті бастаманы Жаңақорғандық азамат Нұрсұлтан Палуановтың ісінен көруге болады. Оның тәтті торттарын аудан халқы жоғары сұраныспен &nbsp;тұтынады. Кәсіптің көкжиегін осыдан 30 жыл бұрын қолға алып, бүгінде үлкен цехқа айналдырған.&nbsp;Әрине, біздің менталитет еркек адамның ыдыс ұстап, тамақ дайын¬дағанына жатсына қарайды. Әйел – үйдегі, еркек – түздегі шаруаның иесі дейтін пікірді ұстанамыз. Алайда, әлемдік зерттеулерге сүйенсек, әйелдерге қарағанда ерлердің жасаған тағамдары мен кондитерлік өнімдері, торттар мен бәліштері ерекше дәмді болады. Оның дәлелі деп әлемдегі танымал әрі кәсіби кондитерлердің топ үздігін айта аламыз.Ренат Агзамов – ресейлік жұлдыздардың сүйіктісіне айналған нөмірі бірінші кондитер. 400 тоннаға дейін торт жасайтын шебердің туындысы Гиннес рекордтар кітабына енгізілген. Біле білсеңіздер, «Әлемнің сегізінші кереметіне» баланған құны 179 мың долларлық торттың салмағы 2 тоннадан асады. Дәл осы торт көршілес Шымкент қаласындағы белгілі олигархтың тойында инстаграм желісі арқылы бүкіл әлемге танылған болатын. Ал, үздік кондитерлердің екінші қатарында укрианалық Динара Каско тұрса, франциялық Амори Гишон мен австралиялық Адриано Зумбо, америкалық Жейром Де Олейвераның да кондитерлік өніміне сұраныс жоғары.Байқағандарыңыздай, кондитерлердің ішінде тек нәзікжандысы – Динара Каско. Өзгелері – ерлер. Бұдан аңғаратынымыз, әлемдік тәжірибеде ерлер дайындаған тәттілердің статусы жоғары. Біздің кейіпкеріміз Нұрсұлтан Нұрділлаұлы да танымал кондитерлер сынды табиғатынан сұлулыққа, әсемдікке, жаңа туынды дайындауға құштар.<blockquote>&nbsp;– Мәскеуде әскери борышымды өтеп жүріп, жоғары басшылықтың бұйры¬ғымен «Сладости» деген үлкен кондитерлік дүкенге кіргенмін. Дәл сол сәттен бастап, түрлі-түсті тәттілерге, торттардың сәнді безендіруіне, әдемілікке құмарттым. Әскерден елге оралсам, «кооперативті оқу орнында оқимын, торт пісірудің шебері боламын» деген мақсатым болды. Уақыт өте, тәуекелге бел байлап, Қарағанды кооперативті училищесіне оқуға қабылдандым. Сол тәуекел мен табандылықтың арқасында 1997 жылдан бастап торт пісірумен айналысып келемін, – дейді тәттілердің авторы.</blockquote>Кейіпкердің торт жасаудағы тәсілі де ерекше. Заманауи дайын қоспаларды, кремдерді қолданбай, торт құрамын табиғи етіп, өзі дайындайтын Нұрсұлтан Палуанов мемлекет бөлген жеңілдіктерді өз игілігіне асырған. «Жұмыспен қамту-2020» бағдарламасы аясында 1,5 млн. несие алып, кулинарлық шеберханасын қажетті құралмен, арнайы пештермен жабдықтаған. Бүгінде жары Айткүлмен бірге цехтың сәнін келтіріп, вупи-пай, қызыл бархат, қатпарлы, сүтті қыз, балқаймақ, висквитті торттардың түр-түрін дайындаудың қас шеберіне айналған.Кейіпкеріміздің негізі азан шақырып қойған аты Нұрсұлтан аға болғанымен көпшілік Нурик көке деп біледі. Кондитерлік цехты кәсіп етеді. Бұ кісінің тортын көпшілік "Палуановтардың торты" деп атайды. Дәмді торт Қазақстан бойынша тек Жаңақорған да ғана дайындалады. Бұл дәмді тортты басқа қаладан таппайсың. Бренд кәдімгідей. Нұрсұлтан көкемнің айтуынша, рецептін сұрап серіктес болайық дейтіндер өте көп екен. Бірақ бермейді. Себебі, 30 жылдан бері осы ерекше тортты дайындап келе жатыр. Біздің де балалық шақтың дәмі ғой. Сол 20 жыл бұрынғы дәм, әлі сол. "Келешегі кондитерлік цехымды кеңейтіп жатсам,, әлгі әйгілі "Куликовский торты секілді "Нуриковский" тәттілері" деп атаймын дейді аспаз ағам. Кейде Жаңақорғанға туған күнге келіп, менің тортымнан дәм татқан қонақтар арнайылап үйге соғып алып кетіп жатады. Дәмі ерекше екен деп мақтап кетеді дейді. Қолыңыз дерт көрмесін ағасы!Ол қайырымдылық шарасына да белсенді араласады. Әсіресе, «Жұмыспен қамту орталығында» ұйымдастырылған мазмұнды жиындарда тәттілерін тегін тарту етіп жүреді. Табыстың көзін тапқан Н.Палуанов төрт перзенттің әкесі, үш немеренің атасы. Бәрінен де маңыздысы, 88 жастан асқан Жұмаш анасының разылығын тауып отырған жүректі азамат.«Үлкен адам болып қалу үшін әманда, үлкен арман керек екен адамға», – деп Мұхтар Шаханов жырлағандай, адамды алдыға жетелейтін негізгі күш – арман екен. Кәсіби қабілетін арманмен, тәуекелмен ұштастырған оның ендігі мақсаты – кондитерлік цехты көлемді демалыс орнына айналдыру. Яғни, тәттілер дүкені мен кафетерий қызметін қоса атқаратын ірі орталық ашу. Рас, мұндай халыққа қызмет көрсететін орындар біздің өлкеге қажет-ақ.&nbsp;

Жаңақорғандық азамат 30 жылдан бері торт пісіруді кәсіп етеді

<a href="https://kyzylorda-news.kz/">Kyzylorda-news.kz.</a> Шиелі ауданы аймағымызда кәсіпкерлігі дамыған алғашқы аудандардың қатарында. Себебі, аудан кәсіпкерлерінің белсенділігі жоғары, қай істе болсын өздерінің іскерлігін көрсетіп келеді.Соның дәлелі болса керек, өткен жылдың басынан бері ауданда сауда-саттық, туризм және өнеркәсіп салалары бойыншаьмемлекеттік бағдарламалар (гранд, кредит)аясында 5 млрд 264 млн теңгені құрайтын 452 жобаға шағын несие және грант қаражатын алып, 920 жұмыс орыны ашылса, құны 4,3 млрд теңгені құрайтын&nbsp; 52 жобаның құрылыс жұмыстары аяқталып, 214 жаңа жұмыс орыны құрылды. Барлығы кәсіркерлік саласында жыл көлемінде&nbsp;1 134 адам тұрақты жұмыспен қамтылды. Ал, биылғы жылы тағы&nbsp; 60–қа жуық нысан өз жұмысын бастайды деп жоспарланып отыр.Өткен жылы өнеркәсіп өнімдерін өндіру 75 млрд 200 млн теңгені құрап, 2022 жылдың тиісті кезеңімен салыстырғанда 129,7 пайызға, (2022 жылдың 12 айында 69,3 млрд теңге) оның ішінде, өңдеу өнеркәсібінде 35 млрд теңгенің өнімдері өндіріліп,171,3 пайызға орындалды. (2022 жылдың 12 айында 33,7 млрд теңге)2023 жылы негізгі капиталға салынған инвестицияның көлемі 47 млрд 912 млнтеңгені (облыс әкімдігімен бекітілген меже 38,2 млрд теңге, 9,7 млрд.-қа артығымен орындалды, 125%). құрап, тиісті кезеңмен салыстырғанда 127,5 %-ға артты (2022 жылы тартылған инвестиция көлемі-36,1 млрд.тг)Жалпы ұлттық жобалар аясында 2024-2028 жылдары ауданда құны 77 млрд теңгені құрайтын 9 инвестициялық жобаныжүзеге асыру жоспарлануда. Жобалар толық іске қосылғанда 920 адам жұмыспен қамтылатын болады.Бөлшек сауда көлемі 14 млрд 220 млн теңге болып, 2022 жылдың (13,118 млрд. теңге) тиісті кезеңімен салыстырғанда 108,4 пайызды құрады.Құрылыс жұмыстарының көлемі 18 млрд 500 млн теңгеге орындалып, 228,9пайызға артты. (2022 жылдың 12 айында 8,3 млрд теңге)Жеке тұрғын үй құрылысының жалпы ауданы 68 572 шаршы метрді құрап, өткен жылдың тиісті кезеңімен салыстырғанда 112,5 пайызға жетті.(2022 жылдың 12 айында 60945 шм)2023 жылы ауылшаруашылығы саласында 49 млрд 204 млн теңгенің өнімі өндіріліп, тиісті кезеңмен салыстырғанда 106,7 пайызды құрады. (2022 жылдың 12 айында 39 млрд 569 млн теңге)Оның ішінде егін шаруашылығы 34 млрд 986 млн тенгенің өнімін өндіріп, 108,7%-ға, мал шаруашылығында 13 млрд 806 млн тенгенің өнімі өндіріліп, 102,0%-ға артты.Мал шаруашылығына келсек, ауданда төрт түліктің барлық түрінде өсім бар. (2023 жылы ірі қара 93 336, уақ мал 135 061, жылқы 24 247, түйе 1 645, құс 30 079 басты құрап, тиісті кезеңмен салыстырғанда ірі-қара 117,5, уақ мал 116,1, түйе 107,9, пайызға артты.2023 жылы 5 569 тонна ет, 21 758 тонна сүт,&nbsp; 2 728 мың дана жұмыртқа өндіріліп, тиісті кезеңмен салыстырғанда ет 102,3 пайызға, сүт 102,5 пайызға артты.)Өткен жылы барлығы 30 792 гектар жерге егiс егіліп, негізгі дақыл күріштің көлемі 13 176 гектарды құрады.Егіс көлемі соңғы жылдары 3000 гектарға ұлғайса, ағымдағы жылы ауданымызда 1000 гектар жерге жүгері өнімін егу жоспарлануда.Аудандағы Жалғызағаш өңіріне «Таң ЛТД» ЖШС-гі Қытай компаниясымен бірлесіп, тамшылатып суару арқылы жүгері егуді қолға алып отыр.Осы тұста, егістік алқаптарының бірде-бір гектары сусыз қалмасын деп, күні-түні судың сағасын күзеткен су шаруашылығы мамандарының еңбегі де ерекше.Себебі, күрішті суға бастыратын жауапты сәтте су мамандарының көмегімен шаруашылықтарға 59 дана су насостары қойылып, қашыртқы суларын қайта пайдаланып, сын сағатынан абыроймен шығуға үлкен мүмкіндіктер қарастырылды.Ұйымдасқан істердің арқасында аудан диқандары егілген егінді күздің жауын-шашынды маусымына қалдырмай, әр гектарынан 56 центнерден өнім алып, жалпы көлемі 73 786 тонна «Сыр маржанын» жинап алды. Елдің ырысы артып, қырманы&nbsp; дәнге толды. &nbsp;Әртараптандыру бағытындағы шаруалар да назардан тыс қалмай, 5500 гектар жерге көкөніс, бақша, картоп өнімдері егіліп, 183 000 тонна өнім алынды.Әсіресе, аймақ басшысының арнайы тапсырмасымен жергілікті тұрғындарды өзін-өзі әлеуметтік маңызы бар азық-түліктер, оның ішінде көкөніс, бақша өнімдерімен қамтамасыз етуін ұйымдастыру үшін көктем айларында 1520 гектаржер толықтай дайын күйінде үлестіріліп, тұрғындар өз еңбегімен мол өнімге қол жеткізді. Ағымдағы жылы да аудан тұрғындарына көкөніс бақша дақылдарын егуге 1700 гектар жер дайындалмақ.«Ауыл Аманаты» жобасы аясында 2023 жылдың қорытындысымен жобалық құны 548 млн 135 мың теңгені құрайтын 75 жобамемлекет тарапынан қолдау тапты. Осы жоба аясында Бәйтерек ауылдық округіндегі «Қызанақ пастасын өндіру цехы» ашылып, ауыл азаматтарын жұмыспен қамти отырып, қайта өңдеуді қолға ала бастады. Алдағы уақытта да осындай жобалар санын көбейте отырып жаңа жұмыс орындарын құрып, жұмыссыздық деңгейін төмендету межеде.Ауданның ауыл шаруашылығы құрылымдары тарапынан 2021-2023 жылдары 59 дана жаңадан техникалар алынып, жалпы құны 3 млрд 451 млн теңге инвестиция тартылды. (Оның ішінде 2023 жылы ауданға ауыл шаруашылығы құрылымдары жаңадан 1 млрд 574 млн теңгеге инвестиция тартып, 6 комбайн, 4 жүк тиегіш және 14 трактор алынды).Кейінгі 3 жыл көлемінде отандық және шетелдік техникалармен ауданның техника паркі 63 пайызға жаңарды.Азық-түлік бағасын тұрақтандыруды қамтамасыз ету үшін ауданымызда кемінде екі өнім сақтайтын қойма салу көзделуде. Қазірдің өзінде Шиелі кентінде жобалық құны 170 млн теңге болатын сыйымдылығы 700 тонна көкөніс сақтау қоймасының құрылысы басталып, мұздатқыштарды орнату жұмыстары жүргізілді.

Шиелі аймақтағы кәсіпкерлігі дамыған аудан

<a href="https://kyzylorda-news.kz/">Kyzylorda-news.kz.</a> Кәсіпкерлік еңбектің басқа түр¬лерінен оқшауланып тұрады. Атақты неміс экономисі, Гарвард университетінің профессоры Иозиф Шумпетердің «Кәсіпкер болу – басқаның істегенін істемеу» деген сөзі соның айғағындай. Өз еңбегін ұйымдастыра білген адам кәсібін дөңгеленте алады. Бұл туралы француз экономисі Жан Батист Сейдің «Кәсіпкер – адамдарды өндірістік ауқымда ұйымдастыратын адам» деген анықтамасы бар.Райхан Мәлікова өзі тұратын ауданға қарасты Сәкен Сейфуллин ауылынан аралас сауда дүкенін ашқанына бес ай болды. Осы уақыт аралығында дүкенге келушілердің қатары қалың, себебі сауда орнында тұрмысқа қажетті барлық тауар сатылады. Ауыл тұрғындарының игілігіне ашылған сауда орны «Ақ сұңқар» деп аталады. Сәкен Сейфуллин ауылының тұрғындары ерлі-зайыпты Ғабит Қасымов пен Райхан Мәлікова кәсіпкерліктің қыр-сырын меңгергеніне ширек ғасыр болды. Әдепкіде кент орталығындағы дүңгіршекте сауда жасап, тұтынушыларына велосипед бөлшектерін сатумен айналысқан кәсіпкер бизнесін кеңейту мақсатында мемлекеттік бағдарламаның игілігін көргендердің алдыңғы қатарында болды.– Ауыл тұрғындары мал бағумен күн көреді. Сондықтан мал бордақылаумен айналысу ауыл тұрғыны үшін таңсық емес. Осыдан үш-төрт жыл бұрын мал бордақылау мақсатында қайтарымсыз екі миллион теңге қаржы алдық. Арада бірнеше жыл өткен соң мемлекеттік бағдарлама негізінде кәсіпкерлікті қолдау мақсатында берілетін жоба жеңімпазы атанып, мал басын көбейту мақсатында жеңілдетілген пайызбен бес миллион теңге қаржы алдық. Күн сайын кәсіпкерлікті кеңейту үшін еңбек етіп, табыс тауып, ауылдан аралас сауда дүкенін ашуға мүмкіндік алдық. Тұрғындарды қажетті азық-түлікпен қамтамасыз етіп тұрған ауылдағы бірнеше дүкеннің қатарына қосылып, халыққа тиімді бағамен азық-түлік өнімдерін сатумен айналысудамыз. Жалпы дүкен ашудың оңай еместігіне, машақаты көп екеніне куә болдық. Бұл дүкеніміз халық үшін тиімді болады деген ойдамыз. Әрі өнімдердің бағасы да қолжетімді, – дейді дүкен иесі Райхан Мәлікова.Осылайша 49 жастағы кәсіпкер кәсібін дамытуға бел буып, халыққа тиімді бағамен азық-түлік ұсынып отыр. Тауар бағасы да аудан орталығындағы дүкендердегі бағамен бірдей, тіпті кейбірі төмен деп пікір білдірген ауылдастары жаңа дүкеннің ашылғанына дән риза.– Ғабит пен Райхан өздерінің еңбек¬қорлығы мен жігер-талаптарының арқасында отбасылық бизнесті жандандырып, дамытып отыр. Ауылға үлгілі отбасы екі бала тәрбиелеуде. Отағасы да өте еңбеккеш. Мал басын көбейтіп, оны бордақылап, тұрғындарға тиімді бағамен үйлестіріп отыр. Дүкендегі азық-түліктің де бағасы қалта көтереді. Ауыл тұрғындары ауданға сабылмай осы дүкеннен барлық керек жарағын алады. Алдағы уақытта азық-түліктің баға¬сын тұрақты ұстап тұрса, тұрғындар да дән риза болады, – дейді ауыл тұрғыны Елдос Жаппасбаев.Негізінен дүкенге қажетті азық-түлікті Қызылорда қаласынан тасымалдайтын кәсіп¬¬кер қажетті тауар күнделікті келетінін айтады. Сонымен қатар қазіргі кезде түрлі фирмалар жеткізу қызметін ұсынатындықтан тауардың сан алуан түрін таңдауға да мүмкіндік бар.Жалпы ауданымызда кәсіпкерлік саласына қолдау артып келеді. Тек кәсіпкерлік нысандардың ашылуы ғана емес, мемлекеттік грант алып шаруасын дөңгелетіп отырғандары да бар. Ал Сәкен Сейфуллин атын иеленген ауылдан жаңадан ашылған дүкен сөре-лерінде азық-түліктен басқа түрлі тұрмысқа қажетті заттардың бәрі табылады. Ұсақ-түйектен бастап, азық-түлік өнімдерінен нан, сүт өнімдерінің де сан алуан түрі бар.&nbsp;

Қазақстан және Қызылорда облысының жаңалықтары: Кәсіпкерлік