<a href="https://kyzylorda-news.kz/">Kyzylorda-news.kz</a> Қазақстандық ата-аналар соңғы кезде оқушылар мен мүғалімдерді видеоға түсіріп, челленджерге қатыстыру үрдісінің көбейіп кеткенін айтып шағымдануда.&nbsp;Парламенті мәжілісінің депутаты, бұрынғы білім&nbsp;және ғылым министрі Асхат Аймағамбетов мұндай тенденцияға қарсы екенін мәлімдеді. Бұл туралы&nbsp;<a href="https://stan.kz/akilga-konimsiz-aymagambetov-mygalimderdin-sabak-barisi-407271/">Stan.kz</a>&nbsp;ақпарат агенттігі хабарлайды.Аймағамбетов мұғалімдердің негізгі міндеті білім беру екенін алға тартты.<blockquote>«Жақында, тіпті КВН-да осы туралы қалжың көріп қалдым. &nbsp;Бұл видео түсіру, оны желіге жүктеу қалыпты жағдайға айналғанын көрсетеді. Сабақтарды немесе тәрбиелік іс-шараларды түсіріп, өңдеп, әлеуметтік желілерде жариялап жатады. Бұл қаншалықты дұрыс?&nbsp;Біріншіден, мектеп оқушыларының түрін&nbsp;рұқсатсыз жарияланып жатады. Мысалы, менің балаларымның түрі жарияланғанын қаламаймын, өйткені бұл балалардың жеке&nbsp;құқығы. Мұғалім балаңыздан оның фотосын&nbsp;немесе видеосын әлеуметтік желіде жариялау үшін рұқсат&nbsp;сұрауы керек. Екіншіден, бұл мұғалімнің негізгі міндетіне кері әсерін тигізеді. Мұғалім сабақты өткенін түсірумен, оны монтаждап, бөлісумен айналыспауы керек», –&nbsp;деп атап өтті Асхат Аймағамбетов.</blockquote>Аймағамбетов мұғалімдер&nbsp;уақыты мен күш-қуаты сабақ беруге және оқушыларды тәрбиелеуге бағыттау&nbsp;тиіс екенін айтты. Әрине, қосымша шараларға қатысуға ниет білдірген мұғалімдер де болуы мүмкін, бірақ бұл міндеттелмеуі керек дейді ол.<blockquote>“Күн сайын 100 шақты мектеп өткізіп жатқан іс-шарасын желіде бөлісіп, менің парақшамды белгілейді.&nbsp;Бірақ бұл көбіне формальді&nbsp;түрде жүзеге асып жатқан үрдіс&nbsp;сияқты.&nbsp;Мұғалім сабақ беруі керек, оның өз міндеттері бар. Бұл ақылға қонымсыз және қажетсіз идея», –&nbsp;деді Асхат Аймағамбетов.</blockquote>Сурет:gov.kz

Аймағамбетов мұғалімдердің сабақ барысын видеоға түсіріп, желіде бөлісуін сынады

<a href="https://kyzylorda-news.kz/">Kyzylorda-news.kz</a>&nbsp; Басқа кішкентай баланың ұлының басынан темір орындықпен ұрып жатқан сәті видеоға түсіп қалған.&nbsp;Астанада балабақшада төрт жасар баланың басы зақымдалып, ауруханаға жеткізілген. Деректерге сүйенсек, оның басынан өзге тәрбиеленуші бүлдіршіннің &nbsp;орындықпен ұрған, деп хабарлайды<a href="https://sn.kz/"> Skifnews.kz </a>ақпарат порталы.Оқиға «Медина» балабақшасында болған. Сәбидің анасының айтуынша, ол 24 қыркүйекте таңертең ұлын балабақшаға апарған. Ал 9:41-де тәрбиеші ұлының басын ұрып алғанын айтып хабарласқан.Анасы балабақшаға келгенде, ұлының басындағы ашық жарақатты көріп, шошып кеткен. 10-15 минуттан кейін «жедел жәрдем» келіп, баланы ауруханаға жеткізіп, жарақаттанған жерін тіккен.&nbsp;Кейін ұлдың анасы бейнебақылау камераларынан қарауды талап еткен. Басқа кішкентай баланың ұлының басынан темір орындықпен ұрып жатқан сәті видеоға түсіп қалған.&nbsp;Бұдан соң әйел видеодан тәрбиешілердің дөрекі және қатыгез қарым-қатынасын да көргенін айтты.&nbsp;<blockquote>«Анасы бастапқыда жағдайды түсінуге тырысты. Бірақ видеоны көргеннен кейін әділеттілікті талап етті», - делінген хабарламада.</blockquote>Балабақша өкілдері оқиғадан соң ақшалай көмек ұсынып, кешірім сұраған. Бірақ анасы кінәлілердің жауапқа тартылғанын қалайтынын айтады. Ол материалдық көмектен бас тартқан. Сондай-ақ соққының салдары ұлының денсаулығына әсер етуі мүмкін екенін жеткізді. Себебі бала бұған дейін сөйлемей, тек ым-ишарамен түсіндіріп жүрген.Келесі күні баланың атасы тәрбиешілерге ашуланған. Ал баланың інісін балабақшадан шығарып алды деп болжануда.<blockquote>«Бүгінгі таңда балабақша тәрбиешісі Қазақстан Республикасы Еңбек кодексінің 49-бабына сәйкес 25 қыркүйектен бастап жұмыстан шығарылды», - деп түсіндірді ведомство.</blockquote>Фото: видеодан алынды

Астанада 4 жасар баланың басынан темір орындықпен ұрған

<a href="https://kyzylorda-news.kz/">Kyzylorda-news.kz</a> Әлеуметтік желіде елордадағы №32 мектеп мұғалімі жетінші сынып оқушысына тиіскені туралы ақпарат тарады. Ата-аналар оқу орнына келіп, педагогты жауапқа тартуды талап еткен. Бұл туралы <a href="https://stan.kz/astanadagi-mektepte-mygalim-7-sinip-okushisina-tiisip-t-407241/">Stan.kz а</a>қпарат агенттігі хабарлайды.Мәліметтерге сенсек, қыз бала ата-анасына 1981 жылы туған мұғалімнің оған тиіскенін және WhatsApp арқылы түнде жазып тұрғанын айтқан.<blockquote>“Егер…&nbsp;Жаман ойлап қал ма? Сен, түсініп тұрсың ғой, иә. Мен сенікі, ал сен мендік&nbsp;боласың. Жақсы ма?&nbsp;Мұны&nbsp;барлық мағынада айтып тұрмын”, –&nbsp;деп мұғалім оқушы қызға хабарлама жіберген.</blockquote>Мектеп директоры оқиғадан кейін мұғалімді жедел түрде жұмыстан шығарып, басқа оқу орнына орналасуына мүмкіндік берген.Елордадағы білім басқармасының баспасөз қызметі мұғалімнің 2024 жылдың 2 қыркүйегінен бастап мектепте сынақ мерзімінде жұмыс істегенін мәлімдеді.Осылайша 30 қыркүйекте мектептің тәртіптік комиссиясының шешімі бойынша педагог ҚР Еңбек кодексінің 52-бабының 14-тармағы "Тәрбиелік қызметтерді атқаратын қызметкердің осы жұмысты жалғастыруға жарамсыз моральдық теріс қылық жасауы" бойынша жұмыстан шығарылды.Сондай-ақ қазіргі уақытта қала полиция департаменті бұл факті бойынша қылмыстық іс қозғағанын, тергеу жүргізіліп жатқанын атап өтті. Басқа ақпарат берілмеді. Себебі бұл қылмыстық процестік кодекстің бабына сәйкес құпия ақпарат.Фото видеодан скриншот жасалған

Астанада 43 жастағы мұғалім оқушы қыздарға тиісіп, жұмыстан қуылды

Бас прокурор балалардың өзіне қол жұмсауы қоғамда резонанс тудырғанын айтты.Балаларды суицид жасауға итермелейтін 15 мың сайт пен сілтеме бұғатталған, деп хабарлайды<a href="https://kyn.kz/36781/balalardy-suicidke-itermeleytin-15-my-sayt-pen-silteme-b-attaldy"> KYN.KZ&nbsp;</a>Бұл жағдайды еліміздің Бас прокуроры Берік Асылов балалар арасында өз өзіне қол салу дерегінің жиілеп&nbsp;кетуіне байланысты жасаған мәлімдемесінде айтты.<blockquote>«Балалардың өзіне қол жұмсауы қоғамда резонанс тудырды. Прокурорларға әр фактіні тергеуді ерекше бақылауды тапсырдым. Жалпы әлеуметтік желі балалардың суицид белсенділігіне әсер ететіндіктен, прокурорлар 15 мың зиян сайт пен сілтемені бұғаттауға қол жеткізді. Тұрмысы ауыр отбасылармен жұмыс істеп жатырмыз. Мемлекеттік органдармен суицидтің алдын алу үшін шұғыл шара кешенін әзірлейміз», - дейді ҚР Бас прокуроры Берік Асылов.</blockquote>Сурет: Павел Хацаюк/«Вечерняя Казань»

Балаларды суицидке итермелейтін 15 мың сайт пен сілтеме бұғатталды

<a href="https://kyzylorda-news.kz/">Kyzylorda-news.kz</a> Үзіліс уақытында болған оқиға туралы облыстық білім беру басқармасы мәлім етті.Павлодар облысында оқушы сыныптасын тапаншамен жарақаттады. 13 жасар бала ауруханаға жатқызылды, – деп хабарлайды <a href="https://aikyn.kz/">Aikyn.kz</a>&nbsp;1 қазанда Железин ауданындағы мектептердің бірінде 5-сынып оқушысы ойыншық тапаншаны сөмкесінен шығарып, сыныптастарына көрсетіп жатқан кезде байқаусызда ойыншық оқты 6-сынып оқушысының көз аймағына тигізген.Үзіліс уақытында болған оқиға туралы облыстық білім беру басқармасы мәлім етті.&nbsp;<blockquote>"Аталған факті бойынша дереу қызметтік тергеу ашылды. Нәтижесінде, оқушылар және ата-аналармен әңгіме жүргізілді. Балаларыңызды мектепке жібермес бұрын сөмкесіндегі қалталарда тыйым салынған заттардың бар-жоғын тексеруді сұраймыз!" – деп хабарлады басқарма.</blockquote>Зардап шеккен оқушы алдымен аудандық ауруханаға, кейіннен облыстық ауруханаға жеткізілді. 13 жасар баланы травматология бөлімшесінің кезекші офтальмолог дәрігері қарап шықты.&nbsp;<blockquote>"Көз алмасының көгеруі диагнозы қойылды, жағдайы тұрақты", – деп хабарлады облыстық балалар ауруханасы.&nbsp;</blockquote>Оқушының тұрғылықты жері алыс екенін ескере отырып, динамикалық бақылау үшін офтальмологиялық бөлімшесіне жатқызылды.Фото: aikyn.kz

«Үзіліс кезінде болған»: Павлодар облысында оқушы сыныптасын тапаншамен жарақаттады

<a href="https://kyzylorda-news.kz/">Kyzylorda-news.kz</a> Мұғалім құны 5 айлық есептік көрсеткіштен асатын гүлді сыйлыққа алса қылмыстық жауапкершілікке тартылады.5 қазанда Қазақстанда&nbsp;Мұғалімдер күні атап өтіледі. Мерекеге оқушылар мен мектеп ұжымы ұстаздарға сыйлықтар мен гүл&nbsp;бере алады. Дегенмен мұғалім ол үшін оқушыға белгілі бір қызмет&nbsp;(жақсы баға қою) көрсетпеуге&nbsp;тиіс, деп хабарлайды <a href="http://skifnews.kz/">Skifnews.kz</a> ақпарат порталы&nbsp;<a href="https://informburo.kz/novosti/mozno-li-darit-pedagogam-cvety-i-podarki-ko-dnyu-ucitelya-v-kazaxstane">Informburo.kz</a>&nbsp;сайтына сілтеме жасап.Сыбайлас жемқорлыққа қарсы іс-қимыл агенттігінің мәліметінше, мұғалім құны 5 айлық есептік көрсеткіштен асатын гүлді сыйлыққа алса қылмыстық жауапкершілікке тартылады.<blockquote>"Егер сыйлыққа берілген гүлдің құны 5 айлық есептік көрсеткіштен (18 мың 460 теңге) асса және мұғалім сый берушінің&nbsp;пайдасына қарай әрекет етсе, онда мұндай гүлді беру&nbsp;Қылмыстық кодекстің 247-бабы ("Заңсыз сыйақы алу") бойынша қылмыстық жауапкершілікке әкеп соғады", –&nbsp;делінген хабарламада.&nbsp;</blockquote>247-баптың ескертпесі, егер қызметкер өз мiндеттерi аясына кіретін жұмысты орындағаны немесе қызметтер көрсеткенi үшiн материалдық сыйақыны, жеңiлдiктердi немесе мүлiктiк сипатта көрсетiлетін қызметтерді заңсыз алса,&nbsp;қоғамдық жұмысқа тартылады.&nbsp;Антикордың мәліметінше,&nbsp;мұғалімдерді Қылмыстық кодекстің 366-бабы "Пара алу" бойынша жауапқа тартуға болмайды. Өйткені олар осы бапта қамтылған тұлғалардың тізіміне кірмейді.Сонымен қатар&nbsp;қолданыстағы заңнамаға сәйкес сыйлық беруші де&nbsp;жауапқа тартылмайды.&nbsp;Алайда Сыбайлас жемқорлыққа қарсы іс-қимыл агенттігі түзету жобасын әзірледі, ол қазір мәжілісте қаралып жатыр.Заң жобасы мемлекеттік және мемлекеттік емес ұйымдардың қатардағы қызметкерлеріне заңсыз сыйақы бергені үшін қылмыстық жауапкершілікті көздейді.Фото: mailm.kz &nbsp;

Ұстаздар күніне сыйлық алған мұғалімдерге қандай жаза қолданылады?

<a href="https://kyzylorda-news.kz/">Kyzylorda-news.kz</a> Бүгін Қала күні қарсаңында облыс әкімі Нұрлыбек Нәлібаевтың қатысуымен Қызылорданың сол жағалауына «Қазгермұнай «БК» ЖШС-нің демеушілік қаражатына салынған Оқушылар сарайы өскелең ұрпақ игілігіне табысталды.Салтанатты іс-шараға «ҚазМұнайГаз» ҰК АҚ басқарма төрағасының бірінші орынбасары Құрманғазы Есқазиев, жауапты салалардың, құқық қорғау органдарының басшылары, Халықаралық Қарттар күні қарсаңында аймақ басшысының арнайы шақыртуымен барлық ауданнан келген ардагерлер, зиялы қауым өкілдері қатысты.Облыс әкімі Нұрлыбек Нәлібаев жерлестерін жаңа нысанның ашылуымен құттықтады.<blockquote>«Мемлекет басшысының қолдауымен бүгінде Қызылорда қарқынды құрылыс алаңына, өркенді өзгерістер өңіріне айналды. Облыста биыл 187 нысанның құрылысы салынуда. Тек білім саласында 9 нысан ел игілігіне берілді. Бүгін міне, «ҚазГерМұнай» компаниясының демеушілігімен 2 млрд 350 млн теңгеге салынған 350 орындық заманауи үлгідегі Оқушылар сарайының салтанатты ашылуына жиналдық.Білім, ғылым, мәдениет және өнер саласының дамуы – өркениеттің өлшемі, қоғам дамуының басты көрсеткіші. Қазіргі таңда өңірімізде 62 қосымша білім беру ұйымы жұмыс істейді. Ондағы үйірмелерге 60 663 оқушы қатысады.Бұл ғимаратта балаларымыз бос уақытын тиімді өткізіп, пікірлес жаңа достар табады. Таным көкжиегін кеңейткен жас талапкерлер жаңалық ашып, жарқын болашағына қажетті дағдыларға машықтанады деп сенеміз. Сіздерді жаңа Оқушылар сарайының ашылуымен құттықтаймын!Сыр өңірі күн сайын түрленіп, әсем ғимараттарымен айшықталып, тұрғындарымыз қуанышқа бөлене берсін!», – деді Нұрлыбек Нәлібаев.</blockquote>Рәсімде «ҚазМұнайГаз» ҰК АҚ басқарма төрағасының бірінші орынбасары Құрманғазы Eсқазиев жиналған қауымды құттықтап, ізгі тілегін жеткізді.Жобаға 2,4 млрд. теңге бөлініп, құрылыс өткен жылдың желтоқсанында басталған. Заманауи, көпфункционалды кешен ішінде техноорталық, бағдарламалау, робототехника және өнеркәсіптік дизайн сыныптары, экологиялық зертхана, жылыжайлар мен консерватория, телестудия, вокал, музыкалық аспаптар және хореография кабинеттері бар.<img src="https://knadmin.beoblood.kz/uploads/okushylar_a34553d9b0.jpg" alt="окушылар.jpg"><img src="https://knadmin.beoblood.kz/uploads/okushylar_3_3988eb9586.jpg" alt="окушылар 3.jpg"><img src="https://knadmin.beoblood.kz/uploads/okushylar_5_0341d8d1c7.jpg" alt="окушылар 5.jpg">Фото: Қызылорда облысы әкімінің баспасөз қызметі

Қызылордада Оқушылар сарайы ел игілігіне табысталды

<a href="https://kyzylorda-news.kz/">Kyzylorda-news.kz</a> Бүгін Қала күні қарсаңында облыс әкімі Нұрлыбек Нәлібаевтың қатысуымен «Жайлы мектеп» ұлттық жобасы аясында Қызылорданың сол жағалауына салынған 900 орындық білім ошағының салтанатты ашылу рәсімі өтті.Іс-шараға жауапты салалардың, құқық қорғау органдарының басшылары, Халықаралық Қарттар күні қарсаңында аймақ басшысының арнайы шақыртуымен барлық ауданнан келген ардагерлер, зиялы қауым өкілдері қатысты.Аймақ басшысы қала тұрғындарын жаңа мектептің ашылуымен құттықтап, жиналған жұртшылыққа ізгі тілегін айтты.<blockquote>«Жас ұрпақтың білімі мен оқу-ағарту ісіне барынша көңіл бөлу – мемлекетіміздің ең маңызды міндеті. Биыл өңірдің білім саласына бөлінген қаржы 262 млрд 100 млн теңгеге жетіп, облыс бюджетінің 35,2 пайызын құрады.Мемлекет басшысының бастамасымен «Жайлы мектеп» ұлттық жобасы еліміздің барлық аймағында жүзеге асырылуда. Ұлттық жоба аясында 740 мың оқушыға арналған 369 мектеп салынады.Осы жобамен өңірімізде 12 300 орынға лайықталған 21 мектеп салу жоспарланған, оның 10-ның құрылысы жүргізілуде. «Жайлы мектеп» жобасын іске асыру арқылы аймағымыздағы 4 апатты және 3 бейімделген мектептің мәселесі түбегейлі шешімін табады.Бүгін республикалық бюджеттің тікелей қаржыландыруымен, «Самұрық-Қазына» акционерлік қоғамының үйлестіруімен, 6 млрд 851 млн теңгеге салынған облыстағы алғашқы 900 орындық «Жайлы мектеп» ел игілігіне берілуде. Бұл ғимарат Қызылорда қаласының сол жағалауы тұрғындарының мемлекеттік мектепке деген сұранысына толық жауап береді.Білім ордасында шәкірттердің барлық пәнді оқып үйренуіне, ұстаздардың шығармашылықпен еңбек етуіне толық мүмкіндік жасалған. Өскелең ұрпақтың игілігі үшін Жаңақорған, Шиелі аудандарында 200 орындық оқушылар үйі мен 50 орындық өнер мектебі, «СаутсОйл» компаниясының демеушілігімен музыкалық колледждің жаңа ғимараты, Шығармашылық-инновациялық орталық, «Білімді қолдау қоры» есебінен физика-математика мектеп-интернаты салынуда. Мектеп-интернат екінші тоқсанда пайдалануға беріледі.Жаңа мектеп салу, апатты мектептер мен үш ауысымдық оқытуды жою – білім саласындағы басым бағыттың ең маңыздысы. Осы білім ошағында ұстаз бен шәкірт, мектеп пен ата-ана байланысы артып, алдыңғы буынның ізгі жолын жалғаған білімді де талантты, санасы сергек, ойы ұшқыр, бәсекеге қабілетті жас ұрпақ тәрбиеленіп шығарына сеніміміз мол.Жаңа оқу жылында биік табыстарға қол жеткізіп, алға қойған мақсаттарыңыз орындалсын! Ел мүддесі жолындағы игі істерді бірге атқарайық, жетістікке бірге жетейік! Егемен еліміздің ертеңі еңселі, тәуелсіздігіміз тұғырлы болғай!», – деді Нұрлыбек Нәлібаев.</blockquote>Жиында «Самұрық-Қазына Констракшн» акционерлік қоғамының басқарма төрағасы Мәулен Айманбетов қала тұрғындарын жаңа мектептің ашылуымен құттықтап, қатысушыларға игі тілегін жеткізді.Жыл соңына дейін 12 жаңа мектеп және 4 мектеп жанындағы қосымша құрылыс аяқталып, пайдалануға беріледі. Өткен жылы облыс орталығындағы 4 мектепке 1 850 оқушыға арналған қосымша ғимарат салынды. Бюджетке салмақ түсірмей, қаржыны үнемдеу арқылы орын тапшылығы, үш ауысымды оқытуға көшуі мүмкін мектептер мәселесі шешімін тапты.Былтыр 1 170 орындық 4 мектеп, осы жылдың басында550 орындық 2 мектеп қолданысқа берілді. Биылғы жаңа оқу жылы қарсаңында Шиелі ауданында «Білім беру инфрақұрылымын қолдау» қорының қаржыландыруымен 100 орындық, Жаңақорған ауданында жергілікті бюджет есебінен 150 орындық мектептер ел игілігіне табысталды.Салтанатты іс-шарада заманауи білім ордасының құрылысын жүргізген мердігер мекеменің қызметкерлері облыс әкімінің Алғыс хатымен марапатталды.<img src="https://knadmin.beoblood.kz/uploads/V_Kyzylorde_otkrylas_pervaya_komfortnaya_shkola_na_900_mest_2_e4ee71f11d.jpg" alt="В Кызылорде открылась первая комфортная школа на 900 мест 2.jpg"><img src="https://knadmin.beoblood.kz/uploads/V_Kyzylorde_otkrylas_pervaya_komfortnaya_shkola_na_900_mest_3_3c50848f51.jpg" alt="В Кызылорде открылась первая комфортная школа на 900 мест 3.jpg">Фото: Қызылорда облысы әкімінің баспасөз қызметі

 Қызылордада алғашқы 900 орындық «Жайлы мектеп» ашылды

&nbsp;<a href="https://kyzylorda-news.kz/">Kyzylorda-news.kz</a> 1 қазан – Қазақстан Республикасы Жоғары білім қызметкерлері күні. Бұл мереке білім беру саласының жүрегі саналатын ұстаздарға арналған ерекше күн. Ұстаз – білім мен ғылымның шамшырағы, олар өз еңбегімен қоғамның зияткерлік әлеуетін қалыптастырып, болашақ ұрпақты тәрбиелеуде маңызды рөл атқарады. Айтулы күн қарсаңында Өңірлік коммуникациялар қызметінің ақпарат алаңына ғылым мен тәжірибені ұштастырған оқытушы-ғалымдар келіп, жеткен жетістіктерімен бөлісті.&nbsp;Жоғары білім қызметкерлері тек қана маман даярлаумен емес, тәлім-тәрбие берумен, ғылыммен де айналысамыз.&nbsp;<blockquote>– “Тәрбиесіз берілген білім - адамзаттың қас жауы” дегендей, маман болу бір бөлек, жақсы азамат болу екінші бір мәселе. Менің ғылымға бетбұрысым 47 жыл бұрын басталған еді. Бастапқы жылдары өндіріс орнында қызмет етсем, кейін сол өндірістегі шешілмейтін мәселелер мен еңбек адамдарының жұмысын жеңілдету мақсатында ғылым жолын таңдадым. Ал, нақты ұстаздық қызметті бастағаныма 26 жыл уақыт болды. Қазіргі таңда Қорқыт ата атындағы Қызылорда университетінің Аграрлық технологиялар кафедрасында зерттеуші профессор қызметін атқарамын. Сабақ беруден бөлек, ғылыми жұмыспен айналысамын. Осы уақытқа дейін 30-ға жуық ғылым магистрін, 5 pHD ғылым докторын дайындадым. Бірнеше рет ғылым және білім министрлігінің гранттық қаржыландыру жобасының жетекшісі болдым. Биыл ауыл шаруашылығы дақылдарын өсіру бойынша 2024-2026 жылдарға арналған ғылыми жобаны да ұтып алдық. Жалпы, білімді маман қашан да сұранысқа ие. Біздің қазіргі дайындап жатқан мамандарымыздың білім сапасы да көңілге қуаныш сыйлайды,- деді Қорқыт ата атындағы Қызылорда университетінің қауымдастырылған профессоры, ауыл шаруашылығы ғылымдарының докторы Ибадулла Таутенов.</blockquote>&nbsp; Ұстаздың жұмысы тек білім беру ғана емес, студенттерге өмірлік құндылықтарды ұғындырып, болашаққа деген сенім қалыптастыру екені даусыз.&nbsp;<blockquote>– Менің де шәкірт тәрбиелеу жолына келгеніме 35 жылдан асыпты. Ең алғашқы еңбек жолымды Қорқыт ата атындағы Қызылорда университетінен бастадым. Сол жерде тәжірибе жинап, қазіргі таңда жиған-тергенімді Қызылорда Ашық университетінің білім алушыларына үйретудемін. Айта кету керек, Қызылорда Ашық университетінің құрылғанына 25 жыл болса да, мұнда ғылым жұмысы бір ізге түсіп, алға қойылған. Мысалы, бізде қазір 5 ғылыми жоба жүзеге асырылып жатыр,- деді Қызылорда Ашық университетінің ғылым басқармасының басшымы Нұржамал Сайлаубекова.</blockquote>&nbsp;Ғылым жолы өте қиын жол, ол үнемі ізденіс пен үздіксіз білімді қажет етеді.&nbsp;<blockquote>– Кейінгі жылдары министрлік тарапынан ғылымға, жас ғалымдарға өте үлкен қолдау көрсетіліп келеді. Биылдың өзінде Болашақ университетіне 7 мұғалім докторантураға түсті. Университетте білім-ғылыммен айналысамын деген адамдарға барлық жағдай жасалған. Ғылыми-зерттеу жұмыстарын жүргізу үшін «Болашақ» ғылыми-зерттеу институты, Арал-Сырдария бассейнінің экология және биоресурстарғылыми-зерттеу институты мен Арал-Сырдария бассейнінің экология және биоресурстар ғылыми-зерттеу институтының Арал филиалы жұмыс істейді. Ал, 196 оқытушы-профессор әрбір шәкірттің жан дүниесін түсініп, талантын ашу жолында үздіксіз білім береді,- деді Гүлназ Аппазқызы.</blockquote>Фото: Қызылорда облысының Өңірлік коммуникациялар қызметі

Биыл алғаш рет жоғары білім қызметкерлері күні аталып өтіледі

<a href="https://kyzylorda-news.kz/">Kyzylorda-news.kz</a>&nbsp; Қызылорда облысының ПД Есірткі қылмысына қарсы іс-қимыл басқармасы тарапынан, арнаулы орта және жалпы білім беретін оқу орындарының оқушы, студеттері үшін «Жас ұрпаққа туындаған жаңа қауіп – синтетикалық есірткі заттар» тақырыбында &nbsp;семинар-тренинг ұйымдастырылды.&nbsp;Семинар-тренингтің мақсаты: нашақорлыққа байланысты проблемаларды анықтау және есірткі мен басқа да психоактивті заттарды алғашқы қолданудың алдын алу.Есірткіге тәуелділіктің алдын - алудың басты ерекшелігі-жасөспірімдерге психоактивті заттарды қолданудың әлеуметтік салдарларын түсіндіру, себебі медициналық салдары туралы жасөспірімдер біледі. Профилактикалық жұмыстың ең тиімді әдісі тренинг сабақтары болып табылады.Семинар-тренинг жастар мен жасөспірімдер аудиториясымен жұмыс істеудің негізгі әдістемелік талаптарын ескере отырып, аудиториямен «тең дәрежеде» қарым - қатынас жасалуды қолданылды.&nbsp;Кездесу барысында, балалардың нашақорлық проблемасы туралы хабардар болу деңгейін арттыру, нашақорлыққа көзқарасын өзгерту, «Есірткіге жоқ!» деп айта білу және денсаулықты сақтауға уәждемені қалыптастыру бойынша жұмыс жүргізілді. Семинар-тренингтерге 10000-нан астам оқушы, студент &nbsp;қатысты.

«Жас ұрпаққа туындаған жаңа қауіп – синтетикалық есірткі заттар»

<a href="https://kyzylorda-news.kz/">Kyzylorda-news.kz</a> &nbsp;Қызылорда облысы ПД Есірткі қылмысына қарсы іс-қимыл басқармасы мұғалімдерге, әлеуметтік педагогтарға, ата-аналар мен мектеп полиция инспекторларына арналған «Синтетикалық есірткінің ағзаға зияны мен әсері. Синтетикалық есірткіні қолданатын адамды қалай тануға болады. Есірткі тығып кетуші - «закладчик» деген кім және оны қалай тануға болады.» тақырыбында семинар ұйымдастырды.Нашақорлықтың алдын алуда білім беру мекемелері мен отбасының тәрбие қызметінің айқын маңыздылығын ескере отырып, семинардың мақсаты жасөспірімдер арасында ғана емес, сонымен қатар балалармен, сондай-ақ олардың ата-аналарымен жұмыс істейтін білім беру жүйесінің қызметкерлері, полиция қызметкерлері арасында да ағарту және алдын алу жұмыстарын жүргізу болды.Оқу орнында дұрыс ұйымдастырылған тәрбие жұмысы рухани-адамгершілік құндылықтарды және олардың құрылымында салауатты өмір салтына құндылық бағдарларын қалыптастыруға және дамытуға мүмкіндік береді. Оқушылардың есірткіден саналы түрде бас тартуы үшін қажетті білім, көзқарастар мен дағдыларды қалыптастыруда, сондай-ақ есірткіні қолданудан туындауы мүмкін жасөспірімнің мінез-құлқындағы өзгерістерді бірінші болып байқау мүмкіндігін беретін мұғалімдер.Семинар балалар мен жасөспірімдердегі есірткіге тәуелділікті уақытылы анықтауға, сондай-ақ жасөспірімдердің есірткі заттарын тұтынуының алдын алуға және салауатты өмір салтын насихаттауға бағытталған. Іс-шараға 5000-нан астам тыңдаушы қатысты.

Қызылордада есірткіге қарсы семинар өтті

<a href="https://kyzylorda-news.kz/">Kyzylorda-news.kz</a>&nbsp; Білім министрінің 2024 жылғы 18 қыркүйектегі бұйрығымен Орта білім беру ұйымдарына арналған оқулықтар мен мектепке дейінгі ұйымдар мен орта білім беру ұйымдарына арналған оқу-әдістемелік кешендердің құрылымы мен мазмұнына қойылатын талаптарға өзгерістер енгізілді, деп хабарлайды <a href="https://kaz.zakon.kz/kogam-tynysy/6049893-azastanda-elektrondy-mektep-oulytaryna-oyylatyn-talaptar-keeytld.html">Zakon.kz.</a>Сонымен, электронды түрдегі оқулықтар мен оқу-әдістемелік кешендерге қойылатын талаптарға қосымша келесі ережелер енгізілгені айтылады:<ul><li style="text-align:justify;">түсінікті (достық) интерфейсті пайдалану;</li><li style="text-align:justify;">кері байланыс және бақылау құралдарын пайдалану;</li><li style="text-align:justify;">навигациялық кеңестердің болуы;</li><li style="text-align:justify;">мультимедиялық мазмұнның және интерактивті тапсырмалардың болуы;</li><li style="text-align:justify;">негізгі тақырыптарды, ұғымдарды және терминдерді түсіндірулер мен сөздіктерге гиперсілтемелермен қамтамасыз ету;</li><li style="text-align:justify;">ақпаратты вертикальды бағытта көрсету, жылжымалы HTML парақтары;</li><li style="text-align:justify;">жалпы компьютерде және мобильді құрылғыларда және олардың ағымдағы операциялық жүйелерінде (Windows, Mac OS, Android, IOS) жұмыс істеуі;</li><li style="text-align:justify;">жалпы тегін шолғыштарды немесе оқу бағдарламаларын, оның ішінде сыртқы жад тасушыларын пайдалану;</li><li style="text-align:justify;">аудио және бейне материалдарды ойнату үшін қосымша плагиндерді орнатудың қажеті жоқ;</li><li style="text-align:justify;">онлайн қолжетімділігі бар электрондық білім беру платформаларында және офлайн қолжетімді сыртқы медиада мазмұнды орналастыру;</li><li style="text-align:justify;">электронды оқулықтар мен оқу кешендерін онлайн режимінде пайдалана отырып, мұғалімдердің, оқушылардың немесе ата-аналардың дербес деректерінің қауіпсіз сақталуын және пайдаланылуын қамтамасыз ету;</li><li style="text-align:justify;">мәтіндік ақпараттың электрондық типография стандарттарына сәйкестігі;</li><li style="text-align:justify;">веб-браузердің көмегімен мәтін фрагменттерін іздеу және көшіру мүмкіндігін қамтамасыз ететін және электрондық құжаттардың әртүрлі кеңейтіміне сәйкес келетін форматты пайдалану;</li><li style="text-align:justify;">қаріпті немесе бетті (экранды) масштабтау (ұлғайту және азайту);</li><li style="text-align:justify;">жалпыға қолжетімді кеңейтімдерге сәйкес келетін кескін пішімін пайдалану;</li><li style="text-align:justify;">векторлық немесе растрлық форматтағы иллюстрация;</li><li style="text-align:justify;">кескіндердің өлшемдері (карталар, диаграммалар, кестелер, графиктер, сызбалар) бір жағында кемінде 300 пиксельді құрайды және жалпыға қолжетімді форматта жасалады;</li><li style="text-align:justify;">бейне форматының жалпыға қолжетімді кеңейтімдерге сәйкестігі;</li><li style="text-align:justify;">бейне ажыратымдылығы кемінде 1280x720, арақатынасы 16:9;</li><li style="text-align:justify;">экран өрісін бейнематериалмен толық толтыру;</li><li style="text-align:justify;">аудио материалды AAC, AC3, OGG, Mp3, MP4 форматтарында орындау, ойнату арналары – екі (стерео);</li><li style="text-align:justify;">оқытуды деңгейлік саралау, даралау және жекелендіру үшін материалдардың болуы;</li><li style="text-align:justify;">геймификация элементтерінің болуы;</li><li style="text-align:justify;">жаратылыстану пәндері бойынша виртуалды зертханасы бар дидактикалық материалдардың болуы.</li></ul>Талаптардың алдыңғы нұсқасында жоғарыдағы 24-тің 11-і ғана болатын.Бұйрық 2024 жылғы 7 қазанда күшіне енеді.Фото: пресс-служба акимата Алматы

Қазақстан және Қызылорда облысының жаңалықтары: Білім