<a href="https://kyzylorda-news.kz/">Kyzylorda-news.kz</a> 12-14 қыркүйек күндері Қызылордада еліміздің ең ірі республикалық офлайн-хакатоны – Decentrathon 4.0 өтті.Ауқымды шара Қазақстанның 20 қаласында бір мезетте ұйымдастырылып, жас мамандар мен IT-әуесқойларды біріктірді.&nbsp;Хакатонның басты ұйымдастырушылары – Astana Hub пен Blockchain &amp; AI Technology Center (BAITC), ал шара ҚР Цифрлық даму, инновациялар және аэроғарыш өнеркәсібі министрлігінің қолдауымен өтті. Қызылорда өңірінде хакатон ұйымдастырушылары - &nbsp;Kyzylorda Hub бизнес-инкубаторы және Қорқыт ата атындағы Қызылорда университетінің Жасанды интеллект институты.<img src="https://knadmin.beoblood.kz/uploads/1_zdik_sheshimder_iske_asyrylyp_ke_ejtuge_m_mkindik_alady_9583ffaa8f.jpg" alt="1 үздік шешімдер іске асырылып, кеңейтуге мүмкіндік алады.jpg">Decentrathon 4.0-дің негізгі мақсаты – жастарды жаңа технологияларға тарту, Web3.0, Blockchain және жасанды интеллект (AI) бағыттарында тың идеяларды қолдау және болашақ цифрлық шешімдерді әзірлеуге мүмкіндік жасау. Бұл алаңда қатысушылар тек қана бәсекеге түсіп қана қоймай, сонымен қатар тәжірибелі менторлардан кеңес алып, өз жобаларын салалық сарапшыларға ұсынды.<img src="https://knadmin.beoblood.kz/uploads/2_zdik_sheshimder_iske_asyrylyp_ke_ejtuge_m_mkindik_alady_86be20c596.jpg" alt="2 үздік шешімдер іске асырылып, кеңейтуге мүмкіндік алады.jpg">Қызылордадағы алғашқы күн – Solana Day powered by Decentrathon&nbsp;ерекше форматта өтті. Solana – әлемдегі ең жылдам әрі тез дамыған блокчейн желілерінің бірі. Ол әзірлеушілерге, стартаптарға және компанияларға шексіз мүмкіндіктер ашып отыр. Жоғары өткізу қабілеті мен төмен комиссияларының арқасында Solana децентрализденген қосымшалардан бастап DeFi мен NFT платформаларына дейін жаңа буын өнімдерін жасауға мүмкіндік береді.<img src="https://knadmin.beoblood.kz/uploads/3_zdik_sheshimder_iske_asyrylyp_ke_ejtuge_m_mkindik_alady_eb06d02325.jpg" alt="3 үздік шешімдер іске асырылып, кеңейтуге мүмкіндік алады.jpg">Solana Day қатысушылар үшін blockchain саласындағы бірегей тәжірибе болды:Blockchain трегі бойынша нақты тапсырмаларды шешу, Сарапшылар мен комьюнити қолдауы, Өз идеялары мен шешімдерін көрсету мүмкіндігі.Бұл күні 19 команда, яғни 63 қатысушы өз жобаларын ұсынып, Solana платформасының мүмкіндіктерін пайдаланып, жаңа шешімдер әзірледі.Ал жалпы Decentrathon 4.0 аясында Қызылордада 40 топ, 109 қатысушы бақ сынады. Хакатон қатысушылары 2 трек бойынша&nbsp;өз идеяларын жобалап, дайын өнімге дейін жеткізуге тырысты.inDrive трегінің тапсырмасы – суреттерді талдау арқылы сервистің сапасы мен сенімділігін арттыруға көмектесетін шешім әзірлеу. Жүлде қоры – 10 000 000 ₸. BCC-HUB AI трегінің тапсырмалары – банк үшін жасанды интеллект шешімдерін дайындау. Қатысушылар клиенттермен өзара әрекеттесуді жақсартуға, процестерді жеделдетіп, оңайлатуға және қызметкерлерді рутиналық жұмыстан босатуға арналған жобалар әзірледі. Жүлде қоры – 5 000 000 ₸.Қатысушыларға жетекші мамандар бағыт-бағдар беріп, үздік жобалардың алдағы уақытта инвесторлар мен ірі IT-компаниялар назарына ұсынылуына жол ашылды.Decentrathon – бұл жай ғана хакатон емес, ол елдің цифрлық трансформациясына үлес қосатын, таланттарды танытатын, жаңа идеяларды қолдайтын ерекше платформа. Бұған дейін үш маусымда мыңдаған жастардың басын қосқан жоба төртінші кезеңінде де өз маңызын айқын көрсетті.Финалға өткен үздік жобалар қазан айында өтетін халықаралық Digital Bridge 2025 конференциясында ұсынылады. Бұл – жас командаларға өз идеяларын жаһандық деңгейдегі сарапшыларға, инвесторларға және бизнес өкілдеріне таныстыруға үлкен мүмкіндік.Қорытындылай келе, Қызылордадағы Decentrathon 4.0 жас таланттар мен технологияға қызығушылығы бар жастар үшін жаңа мүмкіндіктер ашып, қаланың инновациялық әлеуетін айқындай түсті.&nbsp;Салтанат СЕЙТЖАН,Kyzylorda Hub бизнес-инкубаторының менеджері

Decentrathon 4.0: үздік шешімдер іске асырылып, кеңейтуге мүмкіндік алады

<a href="https://kyzylorda-news.kz/">Kyzylorda-news.kz</a> &nbsp;«AMANAT» &nbsp;партияның облыстық филиалының төрағасы Алмасбек Есмаханов партиялық бақылау комиссиясы және фракция мүшелерімен бірге Сайлауалды бағдарлама аясында СПМК-70 мөлтек ауданында салынып жатқан «Келешек мектебі» құрылысына мониторинг жүргізді.Білім ордасының құрылыс жұмыстарын 2024 жылдың шілде айынан бастап келісімшарт бойынша «Integra Construction KZ» ЖШС жүргізуде. 1500 орынға шақталған білім ошағы құрылысы ағымдағы жылы аяқталып, пайдалануға беріледі деп күтілуде.Құрылыс қарқынын көрген аманаттықтар мониторинг барысында тыпсырыс беруші және мердігер, техникалық қадағалаушы мекеме өкілдерімен жүздесіп, құрылыс қарқынын жоғарылату, құрылыс сапасы мен мерзімінде аяқталуы жөнінде нақты ұсыныстарын айтты.Мемлекет басшысының бастамасымен «Келешек мектебі» ұлттық жобасы аясында еліміздің барлық аймағында білім ордалары саланып жатыр. Олардың құрылысы Президентіміздің және аймақ басшысының тікелей бақылауында. Жас ұрпақтың игілігі үшін салынып жатқан білім ордасаның сапасы дұрыс болуы керек. Мұнда өзіміздің балаларымыз, немерелеріміз білім алатын болады. Сондықтан асығыс жасап, пайдалануға берілмей жатып, қайта жөндеуді талап етпейтін, кемі 30-40 жыл қызмет жасайтындай сапалы болуы керек. Балалардың қауіпсіздігі үшін барлығымыз да жауаптымыз»,- деді өз ұсыныстарымен бөліскен партияның облыстық филиалының төрағасы Алмасбек Есмаханов.Партия филиалының төрағасы мониторинг барысында анықталған кемшіліктерді қалпына келтіру қажеттігін мердігер мен техникалық қадағалаушы мекеме басшыларына қатаң ескертті.Айта кетейік, бүгінгі күні білім ордасының құрылыс жұмыстары 80 пайызға орындалған. Мердігерлер мерзімінде аяқтауға уәде етіп отыр.

 Келешек мектебі құрылысына партиялық бақылау жасалды

<a href="https://kyzylorda-news.kz/">Kyzylorda-news.kz</a>&nbsp; Қызылорда қаласында “Қазақстандағы орыс қауымдастығы” облыстық филиалының онкүндігі аясындағы шаралар өз жалғасын тапты. Достық үйінің мәжіліс залында мектеп оқушыларының шығармашылығына арналған «Единство в красках» атты сурет көрмесі ұйымдастырылды.Көрменің шымылдығын қауымдастықтың облыстық филиалының төрағасы Наталья Мишукова ашып, жас суретшілерге шабыт пен шығармашылық табыс тіледі.Шараға қала мектептерінің және «Развивашка» орталығының оқушылары қатысып, түрлі жанрдағы туындыларын ұсынды. Көрме аясында бейбітшілік, бірлік, достық тақырыптарынан бастап қазақтың ұлттық киімдері мен заманауи стильді үйлестірген ерекше жұмыстар көрермен назарына ұсынылды.Көрменің тағы бір мазмұнды бөлігі – оқушыларға арналған гжель өнері бойынша мастер-класс болды. Алдымен қатысушылар гжельдің шығу тарихы мен мән-маңызы туралы арнайы бейнероликті тамашалады. Көгілдір өрнектің терең философиясы мен көркемдік ерекшеліктерімен танысқан соң, балалар өз қолдарымен сурет салып көрді. Бұл олардың қиялын дамытып, аталмыш өнерге деген қызығушылығын арттырды.Шара соңында көрмеге қатысқан барлық жас өрендерге ұйымдастырушылардың атынан Алғыс хаттар табысталды. Бұл олардың өнерге деген ынтасын арттырып, шығармашылыққа деген құлшынысын күшейтті.

«Единство в красках» көрмесі өтті

<a href="https://kyzylorda-news.kz/">Kyzylorda-news.kz</a> Қызылорда қаласында Қазақстан халқы Ассамблеясының даму тұжырымдамасына сәйкес «Мемлекеттік тіл – этносаралық қатынас тілі» жобасы аясында облыстық «Қазақша QUIZ» байқауы ұйымдастырылды.Шараның негізгі мақсаты – түрлі этнос өкілдері арасында мемлекеттік тілді кеңінен насихаттау, оның қолдану аясын арттыру арқылы қазақстандық бірегейлікті қалыптастыру, қоғамдық келісім мен ел бірлігін нығайту болды.Байқаудың алғы сөзін облыстық қоғамдық даму басқармасының «ҚХА Хатшылығы-этносаралық қатынастар мәселелері жөніндегі бөлімінің басшысы Ерлан Сисенбиев алып, қатысушыларға сәттілік тіледі.Байқауға облыстағы этномәдени бірлестіктердің белсенді мүшелері мен «Ассамблея жастары» ұйымының мүшелері қатысып, командалық түрде сайысқа түсті. Әр топ 18-35 жас аралығындағы екі қатысушыдан құралды.Зияткерлік сайыс үш кезеңнен тұрды:• «Жеті жұрттың тілін біл» – қатысушыларға берілген сөздерден мақал-мәтел құрастыру тапсырылды;• «Жұмбақ суреттер» – суреттер арқылы тұрақты сөз тіркестерін тауып, олардың мағынасын түсіндіру міндеттелді;• «Көңілді старт» – бір минут ішінде бірнеше логикалық сұраққа жауап беру кезеңі өткізілді.Нәтижесінде 1 орынды – «Ассамблея жастары» ұйымы, 2 орынды – Корей этномәдени бірлестігінің мүшелері, 3 орынды – Татар этномәдени бірлестігінің мүшелері иеленіп, бағалы сыйлықтармен марапатталды.Байқау барысында қатысушылар мемлекеттік тілге деген құрметін, білім деңгейін және ой ұшқырлығын көрсетті.Фото: Ассамблея Қызылорда

«Қазақша QUIZ» байқауы өтті

<a href="https://kyzylorda-news.kz/">Kyzylorda-news.kz</a> 4 қыркүйек күні облыстық кітапханада Қазақстан халқы тілдері күніне орай «Тілім – менің байлығым» атты дөңгелек үстел ұйымдастырылды.Шараға «Қызылорда облысының тілдерді оқыту орталығы» мемлекеттік тіл оқытушысы Ү.Ақниетқызы, «Qazbilim Qyzylorda» ұлттық лицейінің қазақ тілі пәні мұғалімі А.Темирова, Қызылорда облыстық қоғамдық даму басқармасының «Қоғамдық келісім» КММ жетекші сарапшысы, «Ассамблея жастары» РҚБ облыстық филиалының төрағасы, «Корей» этномәдени бірлестігі мүшесі Е.Пак, «Татар» этномәдени бірлестігінің жетекшісі Г.Гизатуллина, сондай-ақ Қызылорда Ашық университетінің, М.Ықсанов атындағы политехникалық колледжінің және «Orda» жоғары колледжінің студенттері қатысты.Қатысушылар тілдің халықтың рухани мұрасы әрі ұрпақтан-ұрпаққа жететін асыл қазына екеніне тоқталып, қазақ тілінің мәртебесін көтеру мен этносаралық қатынастағы маңызы жайында ой бөлісті.Шара аясында оқырмандар назарына «Тілге құрмет – ұлтқа құрмет» атты кітап көрмесі ұсынылды.<img src="https://knadmin.beoblood.kz/uploads/assambleya_2175b8c688.jpg" alt="ассамблея.jpg"><img src="https://knadmin.beoblood.kz/uploads/assambleya_7_b5779ffca9.jpg" alt="ассамблея 7.jpg"><img src="https://knadmin.beoblood.kz/uploads/assambleya_2_65ec806591.jpg" alt="ассамблея 2.jpg"><img src="https://knadmin.beoblood.kz/uploads/assambleya_9_17d0c2a910.jpg" alt="ассамблея 9.jpg"><img src="https://knadmin.beoblood.kz/uploads/assambleya_8_9c994c78c8.jpg" alt="ассамблея 8.jpg"><img src="https://knadmin.beoblood.kz/uploads/assambleya_6_5eab3bdc34.jpg" alt="ассамблея 6.jpg">

«Тілім – менің байлығым» дөңгелек үстелі өтті

<a href="https://kyzylorda-news.kz/">Kyzylorda-news.kz</a> №7 мектеп-лицейінде Қазақстан халқының тілдері күніне арналған «Ұлы даланың ұлтаралық тілі» апталығының ашылу салтанаты өтті.Шараға Славяне орталығының өкілдері ерекше белсенділікпен қатысты. Олар әсем әндер орындап, жүрекжарды лебіздерін білдірді. Сонымен бірге телеарнаға сұхбат беріп, көпшілікті тіл мерекесімен құттықтады.Оқушылардың сахналық қойылымдары мен ән-жыры мерекенің сәнін келтірді.Тіл – татулық пен бірліктің алтын қазығы. Апталық аясында тағы да түрлі танымдық шаралар жалғасын табады.

«Ұлы даланың ұлтаралық тілі» апталығының ашылу салтанаты өтті

<a href="https://kyzylorda-news.kz/">Kyzylorda-news.kz</a>&nbsp; Балалардың дамуы үшін қауіпсіз әрі жайлы орта қалыптастыру жөніндегі Президент тапсырмасын орындау мақсатында Үкімет тәрбие, құқық қорғау және бос уақытты тиімді ұйымдастыруды қамтитын кешенді шараларды іске асыруда. Бұл туралы <a href="https://kaz.inform.kz/news/kazakstanda-balalar-kaupszdg-kusheytlp-zhana-tarbie-bagdarlamalari-engzlp-zhatir-ee58a4/">kaz.inform.kz</a> хабарлады.&nbsp;Үкіметтің мәліметінше, жас ұрпақ бойында отаншылдық, әділеттілік және еңбекқорлық қасиеттерін қалыптастыруға бағытталған жаңартылған бірыңғай тәрбие бағдарламасы – «Адал азамат» осы жұмыстың идеологиялық өзегіне айналды.Балалардың құқықтарын қорғауды қамтамасыз ету үшін кадрлық әлеует күшейтілді: қорғаншылық органдарының мамандарының саны 303-тен 896 адамға дейін артты. Бұл отбасылардың қажеттіліктеріне дер кезінде жауап беруге мүмкіндік береді.<blockquote>- Білім беру мекемелерінде де физикалық қауіпсіздік шаралары нығайтылды. Бүгінде мектептердің 97 пайызы лицензияланған күзетпен келісімшартқа отырды, ал 98 пайызы турникеттермен жабдықталған, - деп жазылған ақпаратта.</blockquote>Сонымен бірге қосымша білім беру саласы дамып келеді. Елімізде 2 142 қосымша білім беру ұйымы жұмыс істейді. Олар 3,3 млн баланы немесе балалардың 87,2 пайызын қамтиды. Бұл балалардың қабілеттерін дамытуға, сондай-ақ бос уақытын тиімді әрі қауіпсіз өткізуіне мүмкіндік береді.Балалардың дамуы үшін қауіпсіз әрі жайлы орта қалыптастыру жөніндегі Президент тапсырмасын орындау мақсатында Үкімет тәрбие, құқық қорғау және бос уақытты тиімді ұйымдастыруды қамтитын кешенді шараларды іске асыруда.Үкіметтің мәліметінше, жас ұрпақ бойында отаншылдық, әділеттілік және еңбекқорлық қасиеттерін қалыптастыруға бағытталған жаңартылған бірыңғай тәрбие бағдарламасы – «Адал азамат» осы жұмыстың идеологиялық өзегіне айналды.Балалардың құқықтарын қорғауды қамтамасыз ету үшін кадрлық әлеует күшейтілді: қорғаншылық органдарының мамандарының саны 303-тен 896 адамға дейін артты. Бұл отбасылардың қажеттіліктеріне дер кезінде жауап беруге мүмкіндік береді.<blockquote>- Білім беру мекемелерінде де физикалық қауіпсіздік шаралары нығайтылды. Бүгінде мектептердің 97 пайызы лицензияланған күзетпен келісімшартқа отырды, ал 98 пайызы турникеттермен жабдықталған, - деп жазылған ақпаратта.</blockquote>Сонымен бірге қосымша білім беру саласы дамып келеді. Елімізде 2 142 қосымша білім беру ұйымы жұмыс істейді. Олар 3,3 млн баланы немесе балалардың 87,2 пайызын қамтиды. Бұл балалардың қабілеттерін дамытуға, сондай-ақ бос уақытын тиімді әрі қауіпсіз өткізуіне мүмкіндік береді.Фото: Нұрболат Нұржаубай

Қазақстанда балалар қауіпсіздігі күшейтіліп, жаңа тәрбие бағдарламалары енгізіліп жатыр

Бәсекеге қабілетті ұрпаққа инвестиция: Президент Жолдауын жүзеге асыру аясында елімізде білім саласы қалай жаңғыртылып, ғылыми әлеует қалай дамып келеді

<a href="https://kyzylorda-news.kz/">Kyzylorda-news.kz</a>&nbsp; 5 қыркүйек – Қазақстан халқы тілдері күніне орай облыс көлемінде ауқымды шаралар ұйымдастырылуда. Мерекелік бағдарламаларда тілдің қоғамдағы орны мен маңызын насихаттайтын мәдени-танымдық кездесулер, дөңгелек үстелдер, әдеби кештер мен жастарға арналған түрлі байқаулар өткізілмек. Сонымен қатар, мемлекеттік тілдің мәртебесін арттыруға, көпұлтты елдегі ынтымақ пен бірлікті нығайтуға бағытталған бастамаларға ерекше көңіл бөлінеді. Бұл туралы облыстық Қоғамдық даму басқармасының басшысы Руслан Каюпов және Халықаралық “Қазақ тілі” қоғамы ҚБ Қызылорда облыстық филиалының төрағасы Абайбек Жүнісов айтты.<blockquote>– Қазақстан халқы тілдері күні - ел бірлігін, тілге деген құрметті айшықтайтын маңызды мерекелердің бірі. Қазақстан Республикасы Үкіметінің 2017 жылғы 31 қазандағы қаулысына сәйкес, бұл мереке ұлт ұстазы Ахмет Байтұрсынұлының туған күнімен орайластырыла бекітіліп, жыл сайын 5 қыркүйекте аталып келеді. Ахмет Байтұрсынұлы - халқымыздың тағдыры мен тілі үшін күрескен, қазақ әліпбиінің негізін салған ұлы тұлға. Биылғы тілдер мерекесі халқымыздың рухани дамуы мен мәдени мұрасын ұлықтауда аса маңызды тарихи кезеңдермен тұспа-тұс келіп отыр. Бұл - қазақ халқының ұлы ақыны, ойшыл әрі ағартушы Абай Құнанбайұлының 180 жылдығы, Тәуелсіздігіміздің тірегі - Конституциямыздың 30 жылдығы және Қазақстан халқы Ассамблеясының 30 жылдығы. Мұның барлығы - тіліміздің мәртебесін, ел бірлігінің берік негізін айқындайтын аса маңызды оқиғалар. Мемлекет басшысы Қасым-Жомарт Кемелұлы Тоқаев өз Жолдауларында және Ұлттық құрылтай отырыстарында мемлекеттік тіл мәселесіне үнемі назар аударып келеді. Президенттің «Қазақ тілі уақыт өте келе этносаралық қарым-қатынас тіліне айналады» деген сөзі - баршаға үлкен бағдар. Тіл - тек қарым-қатынас құралы ғана емес, ол - ұлттың тұғыры, елдіктің өзегі, болашаққа аманат. Тілдер мерекесі - Қазақстанда тұратын барлық этнос өкілдерінің ортақ мейрамы. Бұл күні әркім өз ана тіліне құрмет көрсетіп, мемлекеттік тілді дамытуға үлес қосудың маңыздылығын сезінеді. Осы мақсатта облыста арнайы іс-шаралар жоспары бекітіліп, 2-11 қыркүйек аралығында онкүндік жарияланды. Оның алғашқы күні «Тіл болашағы - балабақшада» тақырыбымен басталып, бүлдіршіндерге арналған акциялар өтеді. Ал негізгі салтанатты жиын 5 қыркүйек күні Достық үйінде ұйымдастырылады. Бұдан бөлек, онкүндік аясында шығарма, эссе, бейнероликтер байқаулары, дөңгелек үстелдер, көрмелер, пікірталастар мен мәдени шаралар өткізіледі. Әрбір күнге мазмұнды тақырыптар бекітілген. Жалпы, тіл саясатын жүзеге асырудағы жұмыстар тек мереке аясында ғана емес, жыл бойына үздіксіз жалғасатын болады. Мемлекеттік тілдің қолданыс аясын кеңейту, оны ғылым мен білімнің тіліне айналдыру - басты міндеттердің бірі, – деді Руслан Мұхамедәліұлы.</blockquote>Бұл мереке - еліміздегі әрбір азаматтың ана тіліне, мемлекеттік тілге деген құрметін арттыруға, көпұлтты Қазақстан халқының бірлігін нығайтуға бағытталған аса маңызды күн.&nbsp;<blockquote>– Халықаралық «Қазақ тілі» қоғамының Қызылорда облыстық филиалы мемлекеттік тілдің қолданылу аясын кеңейтуге, мәртебесін арттыруға және жастарға ұлттық құндылықтарды дәріптеуге ерекше назар аударып келеді. Осы мақсатта жыл басынан бері өңірде көптеген мәдени-рухани, танымдық іс-шаралар ұйымдастырылды. Әсіресе, мектептер мен жоғары оқу орындарында түрлі байқаулар, әдеби кештер, шығармашылық кездесулер өткізілді. Сондай-ақ, тілдің қоғамдағы рөлін арттыруға бағытталған дөңгелек үстелдер, ғылыми-практикалық конференциялар мен семинарлар ұйымдастырылып, зиялы қауым мен жастар арасында қызу пікір алмасулар жүргізілді. Жыл бойына тағылымды шаралар өткізіліп келеді. Олардың барлығы мемлекеттік тілдің мәртебесін көтеруге, ұрпақ санасында ұлттық құндылықтарды бекітуге, жастардың рухани дамуына айрықша үлес қосып отыр. Сонымен қатар этностар арасындағы татулық пен өзара түсіністі нығайтуға да ықпал етуде. Биылғы мереке аясында Исатай Әбдікәрімов атындағы политехникалық жоғары колледжінде «Бір шаңырақ астында - көп тіл, ортақ жүрек» атты тілдер фестивалі өтеді. Бұл фестивальде ұлттық мәдени көрмелер, әр ұлттың салтанатты шеруі, концерттік бағдарламалар ұсынылып, түрлі тілдерде ән-жыр орындалады. Бұл - көпұлтты еліміздің бай рухани мұрасын танытып қана қоймай, жас буынның бойында достық пен сыйластық құндылықтарын қалыптастыруға бағытталған маңызды қадам. Бүгінгі және алдағы шаралардың барлығы мемлекеттік тілді дамытуға, жас ұрпақ бойына ұлттық құндылықтарды сіңіруге, этносаралық келісімді нығайтуға бағытталған игі істердің жалғасы болмақ. Алдағы уақытта да Халықаралық «Қазақ тілі» қоғамының облыстық филиалы мемлекеттік тілдің қолданыс аясын кеңейту бағытындағы жүйелі жұмыстарды жалғастыра береді, – деді Абайбек Талғатұлы.</blockquote>Фото: Қызылорда облысының Өңірлік коммуникациялар қызметі

Қызылордада Қазақстан халқы тілдері күні кең ауқымда аталып өтеді

<a href="https://kyzylorda-news.kz/">Kyzylorda-news.kz</a> Samsung Solve For Tomorrow 2025 республикалық стартаптар байқауында Қызылорда қаласындағы Назарбаев Зияткерлік мектебінің Nauanix командасы ІІ орынға ие болып, 2,5 миллион теңге көлемінде жүлде жеңіп алды.Биылғы байқауға еліміздің түкпір-түкпірінен келген 3400-ден астам оқушы қатысып, қоғамдағы өзекті мәселелерді шешуге бағытталған 992 инновациялық идеяны ұсынды.Nauanix командасы атынан 12-сынып оқушылары — Әділхан Жантурин, Гүлім Болатқызы, Ерасыл Айдарбек және Аяжан Төребек — ReMotion жобасын таныстырды. Бұл инсульттан кейінгі науқастардың ұсақ моторикасын қалпына келтіруге көмектесетін және әртүрлі ойын элементтері арқылы жаттығуларды қызықты әрі тиімді ететін цифрлық шешім.Ұйымдастырушылардың айтуынша, сырбойылық зияткерлер байқау барысында ерекше табандылық танытып, бастапқы өтінімнен финалға дейін өз өнімін үнемі жетілдіріп отырған.Samsung Solve For Tomorrow жыл сайын өткізіледі және ол жастардың тың бастамаларын қолдауға, оқушылардың STEM саласына деген қызығушылығын арттыруға, сондай-ақ кәсіпкерлік дағдыларын дамытуға бағытталған.<img src="https://knadmin.beoblood.kz/uploads/0bb17339_2635_400c_802e_1bffb878144a_3d3f558002.jpg" alt="0bb17339-2635-400c-802e-1bffb878144a.jpg"><img src="https://knadmin.beoblood.kz/uploads/a6758ae9_1ea0_4458_99f5_9c01d88817dc_ee9e23448a.jpg" alt="a6758ae9-1ea0-4458-99f5-9c01d88817dc.jpg"><img src="https://knadmin.beoblood.kz/uploads/8c612e07_4064_41d3_a984_8142fd0e9424_632ba6061d.jpg" alt="8c612e07-4064-41d3-a984-8142fd0e9424.jpg">

Қызылордалық зияткерлер – үздіктер қатарында

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінде 30 тамыз – Қазақстан Республикасының Конституциясы күні мен 1 қыркүйек – Білім күніне арналған салтанатты іс-шара өтті.Мерекелік жиын барысында университеттің Басқарма Төрағасы – Ректор Бейбіткүл Каримова еліміздің Ата Заңы – мемлекеттің тұрақты дамуы мен қоғамдағы азаматтық татулықтың басты тірегі екенін атап өтті. Сонымен қатар, жаңа оқу жылының басталуымен профессор-оқытушылар құрамы мен студенттерді құттықтап, сәттілік тіледі.<blockquote>«Университетіміз әлемдік білім беру жүйесіндегі орнын жылдан-жылға нығайтып, бірқатар беделді рейтингтерде жоғары нәтижелерге қол жеткізіп келеді. Атап айтсақ, QS WUR-2025 нәтижесі бойынша әлемдегі ең үздік университеттердің ТОП-1400+ қатарына, ал QS Asia University Rankings-2025 көрсеткіші бойынша Азиядағы үздік университеттердің ТОП-541-560 тобына ендік. 2024 жылы алғаш рет әлемнің 107 елінен 1744 жоғары оқу орны арасынан QS тұрақты даму рейтингіне ендік. Сонымен қатар, Times Higher Education рейтингіндегі Global University Impact Rankings-2025 индикаторы бойынша БҰҰ Тұрақты даму мақсаттарының бірнеше бағыты аясында университетіміз әлемдік үздік оқу орындарының ТОП-1501+ қатарына орналасты. GreenMetric World University Rankings-2024 халықаралық рейтингінде 1160-орыннан көріндік. Қазақстан Республикасы ЖОО-на деген сұраныстың тәуелсіз рейтингі-2024 (АРТА) қорытындысы бойынша еліміздегі жоғары оқу орындарының Бас рейтингінің ТОП-20 қатарына еніп, 7-орынды иелендік. Сонымен бірге, университеттің 25 білім беру бағдарламасы қазақстандық білім беру қызметтері нарығындағы үздік үштікке кірді. Жақында ғана Британдық QS Stars Rating System халықаралық жүйесінде 4 жұлдыз дәрежесін иелендік. Әрине, мұндай жоғары көрсеткіштер өзінен-өзі келген жоқ. Бұл – ұжым болып атқарған кешенді әрі жүйелі еңбегіміздің нәтижесі, – деді ректор.</blockquote>Университет биыл өзінің 89-шы оқу жылын бастады. 2025–2026 оқу жылында 4 252 студент қабылданып, өткен жылдармен салыстырғанда рекордтық өсім көрсетті. Қабылданғандардың 33,3%-ы – мемлекеттік грант иегерлері. Салыстыра айтқанда, 2020–2021 оқу жылында 2 525 адам қабылданған болатын. Яғни соңғы бес жылда студенттер саны 68,4%-ға артқан.Салтанатты шарада оқу орнының дамуына үлес қосып жүрген профессор-оқытушылар құрамы мен қызметкерлерге Қазақстан Республикасы Ғылым және жоғары білім министрлігінің, сондай-ақ университет атынан арнайы марапаттар табысталды.Жиында Қазақстан Республикасының Ұлттық ғылым академиясының академигі, Қазақстанның еңбек сіңірген қайраткері, техника ғылымдарының докторы, профессор Қылышбай Бисенов, Қызылорда қаласының Құрметті азаматы, техника ғылымдарының докторы, профессор Серікбай Қошқаров, университет түлегі, «Болашақ» халықаралық стипендиясының иегері, Ұлыбританияның Глазго университетінің Медиа менеджмент мамандығы бойынша магистрі, 24KZ телеарнасының Брюссель қаласындағы меншікті тілшісі Ғалымжан Бәйімбет құттықтау сөз сөйледі.Сондай-ақ оқуға қабылданған студенттер атынан мектепті «Алтын белгімен» бітіріп, Ұлттық бірыңғай тестілеуден 135 балл жинаған Мөлдір Нұрланқызы сөз сөйлеп, өз әсерімен бөлісті.Іс-шараға зиялы қауым өкілдері, университет ардагерлері, оқытушы-профессорлар құрамы, университет түлектері мен білім алушылар қатысты. Салтанатты жиын мерекелік концерттік бағдарламаға ұласты.Сонымен қатар, шараға арнайы Кореядан Сеул ұлттық ғылым және технология университетінің (SeoulTech) делегациясы да келді. Олардың қатарында Халықаралық байланыстар жөніндегі проректор Чи Хонг Хван, Global IT Convergence кафедрасының профессоры Хи Дже Пак және Халықаралық байланыстар бөлімінің менеджері Мисс Санъёнг Хван болды.Айта кетейік, Қорқыт ата атындағы Қызылорда университеті мен Сеул ұлттық ғылым және технология университеті (SeoulTech) арасындағы ынтымақтастық жылдан жылға нығайып келеді. 2024 жылдың 12 маусымында екіжақты келісімге қол қойылып, қос дипломды «AI архитектор» және «Деректерді басқару» білім беру бағдарламалары бойынша кадрлар даярлау ісі басталды. Биылғы оқу жылында аталмыш бағдарламаға 40 талапкер қабылданды.Кореялық делегацияның университетке келу мақсаты – осы қос дипломды бағдарлама аясында білім алатын студенттермен кездесу.

Жаңа оқу жылы – жаңа жетістіктер бастауы

<a href="https://kyzylorda-news.kz/">Kyzylorda-news.kz</a> Бүгін Қызылорда қаласындағы Назарбаев Зияткерлік мектебінде жаңа оқу жылының басталуына арналған салтанатты жиын өтті. Бұл күн әсіресе «Өркен» білім грантының иегері, алғаш рет жаңа ортаға қадам басқан 7-сынып оқушылары үшін ерекше есте қалары сөзсіз.Биыл NIS қауымдастығына 133 жас зияткер қосылды. Барлығы 788 сырбойлық зияткер жаңа оқу жылын бастап отыр.Салтанатты шарада мектеп туралы әсем әндер шырқалып, жаңа жобалар таныстырылды. Абаймен өткен «диалог» оқушыларға білім мен еңбектің табысқа жеткізерін, өзара құрмет пен түсіністіктің қоғамды берік ететінін ұқтырды.Жиында мектептің жаңа басшысы Акбар Тусупбаев ұжымның жеткен жетістіктеріне тоқталып, биылғы оқу жылын «Құндылықтар жылы» деп жариялады.<blockquote>– 2025–2026 оқу жылынан бастап әр оқу жылын ортақ философиялық тұжырымдамаға арнап өткізуді бастадық. Бұл тұжырымдама – оқу, тәрбие, жобалар, волонтерлік бастамалар мен мектепішілік өмірдің негізгі бағыт-бағдарын айқындайды. Білім мен тәрбиені ұштастыруға септігін тигізеді, – деді директор.</blockquote>Салтанатты шарада дәстүрлі алғашқы қоңырау соғылды. Қоңырау үнімен оқушылардың құндылықтарға негізделген алғашқы сабақтары бастау алды.<img src="https://knadmin.beoblood.kz/uploads/nish_1926fcd00f.jpg" alt="ниш.jpg"><img src="https://knadmin.beoblood.kz/uploads/nish_db48fd7e3b.jpg" alt="ниш.jpg"><img src="https://knadmin.beoblood.kz/uploads/nish_7d94d40d8b.jpg" alt="ниш.jpg">

Қазақстан және Қызылорда облысының жаңалықтары: Білім