<a href="https://kyzylorda-news.kz/">Kyzylorda-news.kz</a> Кеше облыс әкімі Нұрлыбек Нәлібаевтың қатысуымен Тәуелсіздік күніне орай Жаңақорған ауданында 200 орындық "Оқушылар үйі" мен 50 орындық "Өнер мектебінің" салтанатты ашылу рәсімі өтті.Рәсімге облыстық мәслихат төрағасы Мұрат Тілеуімбетов, зиялы қауым өкілдері, жауапты сала басшылары мен аудан тұрғындары қатысты. Аймақ басшысы аудан тұрғындарын еліміздің ұлық мерекесімен, жаңа нысанның ашылуымен құттықтап, әлеуметтік-экономикалық дамудағы жетістіктерге тоқталды.<blockquote>«Баршаңызды бірлігіміздің бастауы болған мерекеміз – Қазақстан Республикасының Тәуелсіздік күнімен құттықтаймын! Мерейлі мерекеде Жаңақорған кентіндегі жаңа "Оқушылар үйі" мен "Өнер мектебінің" салтанатты ашылуына жиналдық. Мемлекет басшысы Қасым-Жомарт Кемелұлы «Жеті түрлі ілім білетін ұрпақ тәрбиелеу – бүгінгі күннің негізгі міндеті» деген болатын. Білім саласының бюджеті 264 млрд. теңгеге жетіп, салада ауқымды жобалар атқарылды. Жаңа нысандар ел игілігіне айналды. «Білімді қолдау қоры» есебінен Қызылорда қаласында физика-математика мектеп-интернаты, «Шығармашылық- инновациялық орталығы», «Саутс Ойл» компаниясының демеушілігімен музыкалық колледждің жаңа ғимараты салынуда.Қазан айында елімізде алғашқылардың бірі болып ел Президентінің бастамасымен қолға алынған «Жайлы мектеп» ұлттық жобасы аясындағы 900 орындық білім ошағын табыстадық. Бүгінде 9 мектеп салынуда, жыл соңына дейін 4-уі іске қосылады. Білім, ғылым, мәдениет және өнер саласының дамуы – өркениеттің өлшемі, қоғам дамуының басты көрсеткіші.Өңір мектептерінде оқитын 184 мың оқушының 168 мыңнан астамы спорттық секциялар мен үйірмелерге қатысады.&nbsp;Бүгін балаларымыздың игілігіне берілген аудандық "Оқушылар үйінде" 19 үйірме бар. Бұл жаңа ғимарат балаларымызға бос уақытын пайдалы өткізуге, түрлі жаңалықтар ашуға мүмкіндік беретін екінші үйіндей болады деп сенеміз. Ел іргесі берік, Тәуелсіздігіміз тұғырлы болғай!», – деді Н.Нәлібаев.</blockquote>Басқосуда қаржы саласының ардагері Қалхазбек Әжібеков бата беріп, еңбек ардагерлері мен құрылысшылар облыс әкімінің Алғыс хатымен марапатталды. Өткен жылы облыс орталығындағы 4 мектептің жанынан 1 850 орынға арналған қосымша ғимарат салынды. Қаржы үнемделіп, үш ауысымды оқытуға көшуі мүмкін мектептер мәселесі шешілді.Былтыр 1 170 орындық 4, осы жылдың басында 550 орындық 2 мектеп қолданысқа берілді. Жаңа оқу жылы қарсаңында Шиелі ауданында 100 орындық, Жаңақорған ауданында 150 орындық мектеп шәкірттерді қабылдады, 5 мектептің жанынан қосымша құрылыс салынды, 8 мектеп ғимараты күрделі жөндеуден өтті.&nbsp;Қызылорда қаласында «ҚазГерМұнай» компаниясының демеушілігімен 350 орындық "Оқушылар сарайы" ашылды. Бұл - саладағы қолға алынған бастамалардың бір бөлігі ғана.<img src="https://knadmin.beoblood.kz/uploads/O_ushylar_ji_1_39202a7a9c.jpg" alt="Оқушылар үйі 1.jpg"><img src="https://knadmin.beoblood.kz/uploads/O_ushylar_ji_2_65a62626d0.jpg" alt="Оқушылар үйі 2.jpg"><img src="https://knadmin.beoblood.kz/uploads/O_ushylar_ji_3_507b368989.jpg" alt="Оқушылар үйі 3.jpg"><img src="https://knadmin.beoblood.kz/uploads/O_ushylar_ji_4_4fcebc2bd1.jpg" alt="Оқушылар үйі 4.jpg"><img src="https://knadmin.beoblood.kz/uploads/O_ushylar_ji_5_7c5da29cca.jpg" alt="Оқушылар үйі 5.jpg">Фото: Қызылорда облысы әкімінің баспасөз қызметі

 Жаңақорған ауданында "Оқушылар үйі" мен " Өнер мектебі" ашылды

<a href="https://kyzylorda-news.kz/">Kyzylorda-news.kz</a> «Ұлағат» білім ордасы» мектебінде қалаға қарасты білім ошақтарының он саусағы майысқан шеберлері мен өнер иелері бас қосты. «Өнерлі ұрпақ – ел болашағы» атты қолөнер бойынша облыстық көрме-жәрмеңке сайысында бақ сынаған оқушылардың әрқайсысы бір-бір оқу орнының үмітін арқалап келген. Тартысты дода Қызылорда облысының мәдениет, архивтер және құжаттама басқармасының қолдауымен жеке кәсіпкер «Ербаеваның» «DamuBala» платформасы аясындағы үйірмелер мүшелері арасында өтті.<img src="https://aqmeshit-aptalygy.kz/wp-content/uploads/2024/12/9f8d3613-4469-473a-b73c-e7a12ce6.webp" alt="Өнерлі ұрпақ – сайыс төрінде" srcset="https://aqmeshit-aptalygy.kz/wp-content/uploads/2024/12/9f8d3613-4469-473a-b73c-e7a12ce6.webp 815w, https://aqmeshit-aptalygy.kz/wp-content/uploads/2024/12/9f8d3613-4469-473a-b73c-e7a12ce6-768x1100.webp 768w" sizes="(max-width: 815px) 100vw, 815px" width="815" loading="lazy">Алдымен қадірменді қонақтар білім ошағының базасында жасақталған көркем гимнастика, қазақ күресі, шахмат, теннис, садақ ату тәрізді үйірмелердің жұмысымен танысты. Ал мұнан соң сайыс төрінде өнер көрсететін әрбір шебердің туындысын жеке-жеке тамашалады. Оқушылар тұрмысқа қажетті түрлі бұйымдарды өздері қолдан жасап жатты. Тағы бірі картина тоқыса, енді бірі бисерден бұйымдар жасады. Мұның барлығы балалардың бойынан талантты тап басып танып, бұлақ көріп, көзін ашып жүрген ұстаздардың мол еңбегінің нәтижесі екені даусыз.<img src="https://aqmeshit-aptalygy.kz/wp-content/uploads/2024/12/b5fabd64-6451-410c-94a6-370ce507.webp" alt="Өнерлі ұрпақ – сайыс төрінде" srcset="https://aqmeshit-aptalygy.kz/wp-content/uploads/2024/12/b5fabd64-6451-410c-94a6-370ce507.webp 1177w, https://aqmeshit-aptalygy.kz/wp-content/uploads/2024/12/b5fabd64-6451-410c-94a6-370ce507-768x737.webp 768w" sizes="(max-width: 1177px) 100vw, 1177px" width="1177" loading="lazy"><blockquote>– Тәуелсіздік мерекесінің қарсаңында ұйымдастырылып жатқан байқауымыз біздің шәкірттеріміздің жан-жақты, өнерлі, білімді, талантты екенін көрсетті. Біздің болашағымыз – осы балалар. Олардың дұрыс жолда қалыптасып, дамуы жолында әркез тер төге бермекпіз. Өнерлерің өрге жүзсін, – деді мектеп директоры Елжан Әжібеков.</blockquote><img src="https://aqmeshit-aptalygy.kz/wp-content/uploads/2024/12/eb82395b-02ef-424f-92f1-a82f5874.webp" alt="Өнерлі ұрпақ – сайыс төрінде" srcset="https://aqmeshit-aptalygy.kz/wp-content/uploads/2024/12/eb82395b-02ef-424f-92f1-a82f5874.webp 1024w, https://aqmeshit-aptalygy.kz/wp-content/uploads/2024/12/eb82395b-02ef-424f-92f1-a82f5874-768x397.webp 768w" sizes="(max-width: 1024px) 100vw, 1024px" width="1024" loading="lazy">Сайысқа қорытындысы бойынша «ORDA school» мектебі І орынды қанжығасына байлады. Ал «Samruk kids» оқу орталығы ІІ орынды еншіледі. «Алаш арыстаны» спорт шығармашылық орталығына да ІІ орын бұйырды. Үздік үштікті түйіндеген қос қатысушы Жаңақорған ауданынан «Бала-ART» өнер орталығы мен ЖК «Ербаева» кәсіпкерлігі ІІІ дәрежелі дипломмен марапатталды.Сайысқа қатысқан орталықтар мен жеке мектеп жетекшілері Қызылорда қаласы әкімінің алғыс хатымен марапатталды.

Өнерлі ұрпақ – сайыс төрінде

<a href="https://kyzylorda-news.kz/">Kyzylorda-news.kz</a> Екінші тоқсанның аяқталуына санаулы күндер қалды. Қысқы каникул кезеңі 2024 жылдың 30-желтоқсаны мен 2025 жылдың 8-қаңтарын қоса алғанда он күнге созылады, деп хабарлайды BAQ.KZ.Мектеп оқушыларының қысқы демалыстағы бос уақытын тиімді өткізу және жеке тұлғалық қасиеттерін дамыту мақсатында «Біртұтас тәрбие» бағдарламасы аясында іс-шаралар жоспары жасалды. Ол бойынша мектептерде бірқатар білім беру, спорттық, мәдени және шығармашылық іс-шаралар өткізу жоспарланған:* «Оқуға құштар мектеп» жобасын іске асыру аясында «Қыста кітап оқимыз, жадымызға тоқимыз» мектепішілік іс-шарасы; * театр фестивальдері мен қойылымдары; * жаңа жылдық әшекейлер жасау бойынша шеберлік сабақтары; * қауіпсіздік сабақтары; * мұражайларға, ғылыми орталықтарға және тарихи ескерткіштерге танымдық экскурсиялар; * спорттық ойындар, коньки, шаңғы тебу; * қайырымдылық акциялары және басқа да шаралар.Ең бастысы – балалардың қауіпсіздігін қамтамасыз ету. Осы мақсатта ата-аналармен бірге жол-көлік жарақаттарының алдын алуға, мектептің ішкі тәртібін сақтауға, балалардың көшедегі қауіпсіздігіне, үйдегі өрт қауіпсіздігі және киберқауіпсіздікке ерекше назар аударылады.Айта кетейік, бұл іс-шаралар білім беру ұйымдарына әдістемелік ұсыным ретінде жолданады.

Оқушылар қысқы каникулда неше күн демалады?

<a href="https://kyzylorda-news.kz/">Kyzylorda-news.kz</a>&nbsp; Қызылордада NIS оқушыларының өзін-өзі басқару ұйымы көшбасшыларының «Lead to Inspire: шабытқа жетелеңіз» атты форум аяқталды.Еліміздің түпкір-түпкірінен 44 мектеп Президенті мен оның орынбасары Қызылорда қаласындағы Зияткерлік мектепте бас қосты. Екі күн бойы делегаттар&nbsp;мотивациялық кездесулер, тренингтер, өзара талқылаулар мен әртүрлі танымдық шараларға қатысып, басқарушылық дағдылары мен көшбасшылық қасиеттерін дамытты.«Мен және менің мотивациям» пленарлық отырысына өңіріміздің танымал тұлғалары қатысып, оқушыларға шабыт сыйлады. «Qyzylorda» телеарнасының директоры Нұрбек Амиша өз өмір жолын мысалға ала отырып, өзін-өзі дамыту арқылы жетістікке жетуге болатынын көрсетті. Ол жастайынан ағылшын тілін меңгеріп, Ұлыбританияда магистр дәрежесін алғанын айтып, қатысушыларды жігерлендірді. Ал Kyzylorda Hub технопаркінің басшысы Жанарыс Түбекбаев қазіргі заманғы көшбасшыға тән негізгі қасиеттерді атап өтті: шабыт бере білу, командада үйлесімді жұмыс істей алу және стандарттан тыс шешімдер қабылдау шеберлігі. Сондай-ақ жасанды интеллект (ЖИ) саласының сарапшысы Нұрлан Құлмырзаев оқушылардың өзін-өзі басқару жүйесіне ЖИ технологияларын енгізу туралы идеяларды ұсынды. Спикердің бұл бастамасы форум қатысушыларының ерекше қызығушылығын оятты.<blockquote>– Бұл форум барлығымыз үшін нәтижелі әрі сапалы білімге бай шара болатынына сенімдімін. Нағыз көшбасшыға сай қасиеттерін дамытып қана қоймай, мектеп жүйесіне өзгерістер енгізу арқылы басқа оқушыларды қарқынды түрде тартуға негіз болары анық, – деп атап өтті «Назарбаев Зияткерлік мектептері» ДББҰ өкілі Әсел Бабажан.</blockquote>Шара барысында жас көшбасшылар төл жобаларын таныстырып, оқушыларды ынталандыру, волонтерлік қызмет, әлеуметтік жауапкершілік және мектепте жайлы орта қалыптастыру бойынша пікірлері мен идеяларын ортаға салды.Ал тренингте қатысушылар көшбасшылықтың негізгі қағидаларын, шабыт көздерін қайдан және қалай табуға болатынын, сондай-ақ мектеп жобаларын әлеуметтік желілерде тиімді жүзеге асыру тәсілдерін меңгерді. Бұдан бөлек оқушылар үшін түрлі жағдайлық кейстерді талқылау алаңы ұйымдастырылып, күрделі мәселелердің тиімді шешімдері қарастырылды. &nbsp;Көшбасшылар форумы мектептегі өзін-өзі басқару жүйесінде жаңа жетістіктер мен табыстарға жету үшін ынтымақтастық, қолдау және тәжірибе алмасудың аса маңызды екенін көрсетті.<blockquote>«Форум өте мазмұнды болды. Бір минутта да бос уақытымыз болмады. Әртүрлі глобалды мәселелерді талдап, алдағы уақытта жұмысымызды қалай үйлестіретінімізді талқыладық. Форум маған эмоциялар, жаңа білім мен тәжірибе берді», –дейді Астана қаласындағы (IB) NIS-тің көшбасшысы Әділет Абзалиев.</blockquote>Форум аясында делегаттар Қазақстанның жетекші күріш және тұз өндіруші компаниялары – «Абзал и К» және «Алтын орда» кәсіпорындарында болып, өндіріс процесімен танысты. Ал «Абай-Дәулет»&nbsp;көпсалалы компаниясында түйеқұс, жылқы, қой, тауық пен қаздарды өсіру процесін көріп, аймақтың экономикалық дамуындағы маңызын байқады.&nbsp;Бұл сапар оқушыларға өз жобаларын жасауға шабыт беріп, болашақ көшбасшыларды қалыптастыруда бизнес пен білімнің ынтымақтастығын көрсетті.<blockquote>«Бұл форумды бір сөбен сипаттайтын болсам, жан-жақты деп айтар едім. Әртүрлі лидерлер келген, оның әрқайсысы әртүрлі тұлға, бойында санаулан қасиеттер бар, оны көре отыра, адамдардың қаншалықтыжан-жақты бола алатынын түсінесін. Сол арқылы сен өзіне мотивация аласын, шабыттанасын», – дейді Ақтау қаласындағы NIS-тің көшбасшысы Қарақат Нұрмұхамет.</blockquote>Жатақхана тәрбиешілерінің ұйымдастыруымен бірнеше қызықты шеберлік сыныптар өткізілді: гипстен сәнді қобдиша, икебана жасады және йога терапиясы мен командалық тимбилдингте көңілді уақыт өткізді.Форумының жабылу салтанатында әрбір қатысушыға арнайы сертификат табыс етілді.&nbsp;<img src="https://knadmin.beoblood.kz/uploads/ROM_3288_42a54fc605.jpg" alt="_ROM3288.jpg"><img src="https://knadmin.beoblood.kz/uploads/ROM_3314_aa45d2b5fa.jpg" alt="_ROM3314.jpg"><img src="https://knadmin.beoblood.kz/uploads/ROM_3695_8325c8cffc.jpg" alt="_ROM3695.jpg">

Көшбасшылар форумы: Шабыт, тың идеялар, жаңа бастамалар

<a href="https://kyzylorda-news.kz/">Kyzylorda-news.kz</a> Атырау, Қарағанды, Павлодар, Түркістан облыстарының соттары оқушыларды оқу процесіне жібермеу бойынша істерді қарау кезінде осындай қорытындыға келді.Жоғарғы Сот орамал тағуына байланысты оның балаларын оқу процесіне жібермеу бойынша әрекеттерді заңсыз деп тану туралы жалпы білім беретін орта мектепке қатысты ата-ананың талап қоюы бойынша әкімшілік істі қарады, – деп хабарлайды <a href="https://aikyn.kz/">Aikyn.kz</a>. Білім алу құқығы Қазақстан Республикасы азаматтарының негізгі конституциялық құқықтарының бірі болып табылатындықтан, Жоғарғы Сот апелляциялық сатының қорытындыларымен келісті (Мамандандырылған ауданаралық әкімшілік сотының шешімі бұзылып, талап қоюды қанағаттандыру туралы жаңа шешім шығарылды). Бұл ретте, сот алқасы білім беру мекемесінде орамал тағудың заңдылығы бойынша мәселені талқылаған жоқ. Орта білім беру ұйымдары үшін міндетті мектеп формасына талаптарды бекіту жөніндегі өкілеттіктерге бейінді министрлік ие екенін атап өтеміз. Министрдің тиісті бұйрығы заңсыз деп танылмады және жойылған жоқ. Ата-аналар мектеп жарғысы мен мектеп формасына қойылатын талаптарды сақтауға жауапты. Ата-аналардың балаларды тәрбиелеу мен оқыту, құқықтары мен мүдделерін қорғау жөніндегі өзіне алған және заңмен белгіленген міндеттерін орындамауы заңда белгіленген, оның ішінде Әкімшілік құқық бұзушылық туралы кодексте көзделген жауаптылыққа әкеп соғады. Атырау, Қарағанды, Павлодар, Түркістан облыстарының соттары оқушыларды оқу процесіне жібермеу бойынша істерді қарау кезінде осындай қорытындыға келді. Бұл өңірлердің сот актілері заңды күшіне енген жоқ.Фото: yahoo.com

Орамал таққаны үшін мектепке кіргізбеген: Жоғарғы сот шешім шығарды

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университеті өкілдерінің Түркияға іссапары жалғасуда. Аланья жастар орталығына барып, орталықтың жұмысымен танысты. Онда 30-дан аса үйірме 24/7 жұмыс істейді. Бұған дейін, делегация Анталья жастар орталығына барып, әлемдік фестивальдерде орын алған қысқаметражды фильмді тамашалады.Түркиядағы жастар саясатының басты мақсаты - жастарды спортқа баулу, қолөнерді кеңінен дәріптеу, жастарды технологиялық біліммен қамтамасыз ету, олардың бос уақытын тиімді пайдалануын қадағалау, жаман әдеттерден тыю.Іссапар барысында Ақдениз университетінің Бас хатшы орынбасары Гүлсім Актаг ханым мен Аланьянын ең үлкен жоғары білім ордасы Аланья Аладин Кейкубат университетінің ректоры Кенан Ахмет Түркдоғанмен кездесу өтті. Кездесу барысында екі университет арасындағы ынтымақтастықты дамыту, қос дипломды бағдарламаны іске асыру, екі жақты студент алмасу талқыланып, біріккен жобаларды жүзеге асыру бойынша келісімге келді.Сондай-ақ, университет кампусына тур ұйымдастырылып, жалпы түрік студенттердің өмірімен таныстырды. Түрік жастары арнайы концерттік бағдарлама ұсынып, түрік халық әндерінің тарихымен, музыкалық аспаптарымен таныстырды. Бұл ретте Қорқыт ата атындағы Қызылорда университетінің жастары домбырамен күй шертіп, қазақ ұлтының өнерін паш етті.

 Түркия: Университет делегациясы жастар саясатының жүргізілу барысымен танысты

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінің білім алушылары Сиань Цзяотун-Ливерпуль университетінің қауымдастырылған профессоры, археолог және сәулет тарихшысы, PhD, Мартин Гоффриллермен кездесті.Дәріс барысында профессор археология мен сәулет тарихы саласындағы соңғы ғылыми жетістіктерді баяндап, студенттерді ландшафттық археология, ежелгі сәулет нысандарының зерттеу әдістері және жаңалықтарымен таныстырды. Сонымен қатар, ол қазіргі замандағы 3D модельдеу, географиялық ақпараттық жүйелер (GIS) секілді заманауи технологиялардың осы салаларда қолданылуын жан-жақты түсіндірді.Мартин Гоффриллер дрондардың археология мен сәулет зерттеулерінде қолданылуы туралы ерекше назар аударып, олардың артықшылықтарын атап өтті. Дрондар арқылы археологиялық нысандарды жоғарыдан түсіріп, кең аумақтарды зерттеу, ежелгі сәулет құрылымдарын дәл модельдеу және картографиялық деректер жинау сынды жұмыстардың тиімділігі артатынын көрсетті. Бұл әдіс дәстүрлі тәсілдермен салыстырғанда уақытты үнемдеп, нақты әрі егжей-тегжейлі мәліметтер жинауға мүмкіндік береді.Халықаралық тәжірибе алмасуға бағытталған бұл кездесу студенттерге ғылым мен білім саласында жаңа білім мен дағдыларды игеруге жол ашты. Білім алушылар дронды қолдану арқылы зерттеу жұмыстарын жүргізу әдістеріне ерекше қызығушылық танытып, өздерінің кәсіби құзыреттіліктерін тереңдетуге ынталанды.

Сучжоудан  келген профессор студенттерге дәріс оқыды

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінің «Шетел тілі: екі шетел тілі» мамандығының 2-курс студенттері арасында «Сыбайлас жемқорлыққа қарсы іс-қимыл – әрбір азаматтың міндеті» тақырыбында сайыс өтті.Білім алушылар сыбайлас жемқорлықтың қазіргі қоғамға тигізетін теріс әсерін жан-жақты талқылап, оған қарсы күресте білім мен жүйелі іс-қимылдың маңызын ерекше атап өтті.Жастар арасында сыбайлас жемқорлыққа қарсы мәдениетті қалыптастыру мақсатында өткен сайыста Сыбайлас жемқорлыққа қарсы іс-қимыл агенттігінің Қызылорда облысы бойынша департаментінің Превенция басқармасы басшысының орынбасары Жандос Жусупалиев, Қызылорда облысы бойынша Экономикалық тергеп-тексеру департаментінің Әкімшілік басқармасының бас маманы Сандуғаш Ержанова және комплаенс-офицер Әлібек Жаппасбаев төрелік жасады.Сайысқа алты команда қатысып, төрт кезең бойынша бақ сынады. Әр команда өз білімдері мен тапқырлықтарын сынға салып, 5 балдық жүйе бойынша бағаланды.Нәтижесінде «Ақиқат жаршылары» – І орын, «Femida» – ІІ орын және «Law and justice» командасы – ІІІ орын иеленді.Үздік командаларға арнайы дипломдар мен алғыс хаттар табысталды.Айта кетейік, аталмыш іс-шара Біріккен Ұлттар Ұйымының Тұрақты даму мақсаттарының 16-шы мақсатының (Әділдік, бейбітшілік және мықты институттар) аясында, қоғамда заң мен тәртіп идеологиясың терең орнықтыру бағытында ұйымдастырылды.Фото: Қорқыт ата атындағы ҚУ

Білім алушылар арасында зияткерлік сайыс өтті

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінде «Киберқылмысқа қарсы іс қимылдың замануи тенденциялары мен бағыттары» тақырыбында ғылыми-практикалық дөңгелек үстел өтті.&nbsp;Жиында киберқылмысқа қарсы іс-қимылдарды тиімді ету үшін техникалық және заңдық шараларды біріктірудің қажеттілігі талқыланды. Кездесудің модераторы “Құқықтану” білім беру бағдарламасының жетекшісі, заң ғылымдарының кандидаты Ерлан Алтаев ақпараттық қауіпсіздік және киберқылмыстың қазіргі заманғы қоғамға төндіретін қауіп-қатерлері туралы маңызды мәселелерді қозғады.&nbsp;Сонымен қатар, Қызылорда облыстық прокуратураның басқарма аға прокуроры Ерлан Алмаханов, Қызылорда қалалық полиция басқармасының «Киберпол» жедел тергеу тобының жетекшісі Индира Абдыхаппар, Қызылорда облыстық экономикалық-тергеп тексеру департаментінің аға жедел уәкілі Азамат Матаев,Қызылорда облысы бойынша сот сараптамасы институтының бас сарапшысы Серік Молжанов, Қорқыт ата атындағы Қызылорда университетінің Кибекқауіпсіздік офицері Дәулетбай Жүсіп, Қорқыт ата атындағы Қызылорда университетінің студенті Әлішер Мұрат, Құқықтану кафедрасының аға оқытушысы, заңтану магистрі Еркемай Саниязова, № 10 дарынды балаларға арналған облыстық "Білім-инновация" лицей-интернатының 11-сынып оқушылары Асылжан Қалдыбай, Жанет Искакова баяндама жасады.Дөңгелек үстелдің негізгі мақсаты интернеттегі қылмыс түрлерінің көбеюі, оның ішінде деректерді ұрлау, алаяқтық және жүйелерге жасалатын шабуылдарды алдын алу. Сонымен қатар, киберқылмыспен күресудің құқықтық аспектілері мен халықаралық ынтымақтастықтың маңыздылығы.

 Киберқылмысқа қарсы іс-қимылдың өзекті мәселелері талқыланды

<a href="https://kyzylorda-news.kz/">Kyzylorda-news.kz</a> Оқушыға қол көтерген павлодарлық мұғалімге қатысты қылмыстық іс қозғалды, - деп хабарлайды <a href="https://massaget.kz/news/pavlodarda-okushyiga-kol-kotergen-mugalmge-katyistyi-121459/">Massaget.kz&nbsp;</a>Бұл туралы бала құқықтары жөніндегі аймақтық уәкіл Сәуле Шәкенова жұмыс парақшасында жазды.<blockquote>"Мақпалеев атындағы Павлодар мектебінде орын алған оқиға бойынша мынаны хабарлаймын: 2024 жылғы 3 желтоқсанда Қылмыстық кодекстің 109-1-бабы 2-бөлігі бойынша (Ұрып-соғу немесе дене ауыртпалығын тудырған, бірақ кәмелетке толмағанға қатысты денсаулығына жеңіл зиян келтіруге әкеп соқпаған өзге де күш қолдану әрекеттерін жасау) қылмыстық іс қозғалды", - деді Сәуле Шәкенова.</blockquote>Еске салайық, бұған дейін 8-сынып оқушысы сыныптастарымен бәс тігіп, физика сабағы кезінде орындыққа тұрып, TikTok-та тренд болған "Oi oi oi baka" дыбысын қайталап, айқайлағанын хабарлаған едік. Оқушы мұғалімнің ескертулеріне жауап бермеген соң, физика мұғалімі оқушыға күш қолданған. Мектеп әкімшілігі мұғаліммен келісімшартты бұзды.Фото: Коллаж: Tengrinews.kz/ Тұрар Қазанғапов, depositphotos.com

Павлодарда оқушыға қол көтерген мұғалімге қатысты қылмыстық іс қозғалды

&nbsp;<a href="https://kyzylorda-news.kz/">Kyzylorda-news.kz</a> Ауыл мектептерінің 9-11 сынып оқушыларына арналған жалпы білім беретін пәндер бойынша республикалық пәндік олимпиада мәресіне жетті. Еліміз бойынша 500-ге жуық оқушының қатысуымен өткізілген білім бәсекесінде үздік нәтиже көрсеткені үшін Қызылорда облысы «Ең үздік олимпиадалық команда-2024» номинациясымен 1 орынды иеленді. Бұл туралы Өңірлік коммуникациялар қызметінің баспасөз алаңында «Дарын» облыстық қосымша білім беру орталығының директоры Баян Ниязова мәлімдеді.<blockquote>– Білім бәйгесінің республикалық кезеңіне өңірімізден 40 оқушы қатысты. 26-30 қараша аралығында Астана қаласында олимпиаданың жаратылыстану-математикалық бағыты бойынша республикалық кезеңі өткізілді. Бағы жанған 25 оқушы жүлделі орындарға ие болды. Алтын медаль – 7 оқушы, Күміс медаль – 10 оқушы, Қола медаль – 8 оқушы, Алғыс хатпен – 4 оқушы марапатталды. Қазалы ауданы №249 мектеп-лицейінің 11 сынып оқушысы, химия пәнінен алтын медаль иегері Әдiлбек Анель және Жалағаш ауданындағы №201 мектеп-лицейдің 11 сынып оқушысы Тұрсынбек Азамат физика пәнінен алтын медаль алып, Сүлеймен Демирель Университетінің білім грантын жеңіп алды. Сыр елінің мерейін асырған басқа да оқушыларымыз жүлделі орындар алып, өз білімдерін дәлелдеді, – деді Баян Бақытжанқызы.</blockquote><img src="https://knadmin.beoblood.kz/uploads/Respublikaly_bilim_b_sekesinde_Syr_daryndary_top_zhardy_b17c6038b7.webp" alt="Республикалық білім бәсекесінде Сыр дарындары топ жарды.webp">Фото: Өңірлік коммуникациялар қызметі

Республикалық білім бәсекесінде Сыр дарындары топ жарды

<a href="https://kyzylorda-news.kz/">Kyzylorda-news.kz</a> 27-29 қараша күндері Астана қаласында өткен «NXplorers: Жасыл ұрпақ бәйгесі» республикалық экологиялық жобалар байқауының финалдық кезеңінде Қызылорда қаласының Б.Ермекбаев атындағы №271 орта мектеп оқушылары Фазылқызы Ақниет, Қадыров Дамир, Бегалы Дана топ жарып, жүлделі І орын иеленді.Сонымен қатар, оқушыларға жобаны әрі қарай жалғастыру үшін 1 000 000 теңге гранттың сертификаты табысталды.Оқушылардың және жоба жетекшісі Аймыратова Гайнегүл Абдижановна.&nbsp;<img src="https://knadmin.beoblood.kz/uploads/1_000_000_te_ge_grantty_sertifikaty_tabystaldy_2_1ac6a133a9.jpg" alt="1 000 000 теңге гранттың сертификаты табысталды 2.jpg">

Қазақстан және Қызылорда облысының жаңалықтары: Білім