Педагог мәртебесі туралы заңның толық мәтіні жарық көрді

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> ҚР Президенті Қасым-Жомарт Тоқаев «Педагог мәртебесі туралы» Қазақстан Республикасының Заңына қол қойды, деп хабарлайды <a href="https://www.akorda.kz/kz/legal_acts/laws/memleket-basshysy-pedagog-martebesi-turaly-kazakstan-respublikasynyn-zanyna-kol-koidy">Ақорданың</a> баспасөз қызметі.
Сондай-ақ, Мемлекет басшысы «Қазақстан Республикасының кейбір заңнамалық актілеріне педагог мәртебесі, оқушы мен мұғалімге жүктемені төмендету мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды.
&nbsp;Заңдардың мәтіні баспасөзде жарияланады.

Президент «Педагог мәртебесі туралы» заңға қол қойды

Оқушы педагогтың ар-намысын таптап, балағаттаса, ата-анасы 75 мың теңге айыппұл төлейді. Тіпті, түрмеге де қамалуы мүмкін деп хабарлайды&nbsp;&nbsp;<a href="https://www.ktk.kz/kz/news/video/2019/12/26/136502/">КТК телеарнасы</a>.
Мұғалімнің мәртебесін көтеретін жаңа заң жобасы сенатта мақұлданды. Енді президент қол қойған соң, заң күшіне енеді. &nbsp;
<blockquote>
 “Мұғалімді балағаттап, құқын бұзғандарға Әкімшілік кодексте арнайы талап қарастырылған. Мұндай әрекеттерге барғандарға ең төмені 30 айлық есептік көрсеткіш, яғни 75&nbsp;750 теңгеден бастап айыппұл салынады, тіпті әкімшілік қамауға алынады”, – дейді Білім және ғылым министрі Асхат Аймағамбетов.
</blockquote>
Шенеуніктердің пайымынша, мұндай шара талай ата-ананы баласын жөнге алуына түрткі болмақ. Сондай-ақ, педагогтың жұмысына негізсіз араласқан, жөнсіз есеп тапсыртқан білім беру мекемелері де жазасыз қалмайды.
Министрдің сөзінше, бұндай дерек дәлелденсе, кінәлілер 50 мыңнан 250 мың теңгеге дейін айыппұл арқаламақ. Жалпы мұғалім мәртебесі туралы заң жобасы алғаш маусым айында ұсынылған еді. Ал заңды жүзеге асыруға 2024 жылға дейін 5,3 триллион теңге қажет.
<a href="https://kyzylorda-news.kz/bilim/parlament-pedagog-maertebesine-arnalghan-zangdy-qabyldady-38422/">Еске сала кетсек</a>, күні кеше қазақстандық сенаторлар Қылмыстық кодексті, Қылмыстық іс жүргізу кодексін, сондай-ақ жеке тұлғалардың құқықтарын қорғау саласындағы заңнаманы жетілдіруге бағытталған&nbsp;заң жобасын мақұлдаған еді.
Атап айтқанда, түзетулер кез келген жыныстық қылмыс үшін, оның ішінде балаларға қатысты, сондай-ақ браконьерлік, есірткі айналымы, мас күйінде көлік жүргізу және басқаларына енгізіліп, жаза қатаңдатылады. Жалпы алғанда, бұл жоба бес кодекске және он бес заңға түзетулер енгізеді.

Енді мұғалімнің ар-намысын таптағандар айыппұл төлеп, түрмеге қамалады

<a href="https://kyzylorda-news.kz/">Kyzylorda-news.kz.</a> Бүгін Парламент Сенатының жалпы отырысында «Педагог мәртебесі туралы» Заң қабылданды, деп хабарлайды <a href="https://www.inform.kz/kz/parlament-pedagog-martebesine-arnalgan-zandy-kabyldady_a3598615?fbclid=IwAR3WQc848RWEes6qF_YeK_BpLP6G-OC2pdKjBAoFeTP255gMzoMRFWrNnQI">ҚазАқпарат</a>.
<blockquote>
 «Педагог мәртебесі туралы» заң жобасы 21 баптан тұрады және жарты миллионнан астам ұстаздың жұмысына қатысты. Жалпы, заң жобасы төрт бағытты қамтиды. Біріншіден, ұстаздардың құқықтарын кеңейту және өзіне тән емес жұмыстардан босату, олардың жүктемесін азайту. Екіншіден, мұғалімнің қызметіне қойылатын талаптарды күшейту. Үшіншіден, материалдық емес ынталандыру тетіктері, сондай-ақ төртіншіден, материалды ынталандыру қадамдары», – деді ҚР Білім және ғылым министрі Асхат Аймағамбетов.
</blockquote>
Оның сөзіне қарағанда, бірінші бағыт – педагогтардың құқықтары бойынша бірнеше норма қарастырылған. Олардың барлығы мұғалімнің жеке дамуына және оқу процесін жетілдіруге мүмкіндік береді. Мұғалімдерді артық жұмысқа, өзінің қызметіне кірмейтін жұмысқа тартуға, шамадан тыс есеп беруге, қағазбастылыққа, негізсіз тексеру жүргізуге тыйым салу арқылы жүктемені азайту бойынша жеке нормалар көзделген.
<blockquote>
 «Педагог мәртебесін арттыру оның қызметіне қойылатын талаптарды күшейтуді қажет етеді. Осы орайда заң жобасына сәйкес, педагогикалық жұмысқа жіберілмейтін себептер де кеңейтілді. Бұдан бөлек, мұғалімдердің этика мәселелеріне де көңіл аударылып отыр. Әр білім мекемесінде әдеп бойынша кеңестер институты енгізіліп, жұмыс істейді», – деді министр.
</blockquote>
А. Аймағамбетовтың айтуынша, мұғалімдердің балаларына балабақшаға бірінші кезекте орын беру нормасы қарастырып отыр. Барлық педагог қызметкерлер алдағы уақытта 56 күндік демалысқа шыға бастайды.
Сонымен қатар ауылдық жерлерде жұмыс істейтін педагогтарға жеке тұрғын үй құрылысы үшін жер учаскелерін алу үшін басымдық берілмек. Білім беру ұйымдарында жұмыс істейтін ер азаматтарды әскери қызметке шақыруды кейінге қалдыру нормасы да қарастырылған. Бұның алдында осы норма ауылдық жерге қатысты болса, қазіргі уақытта бұл норма кеңейтіліп отыр.
<blockquote>
 «Мемлекет басшысының Тамыз конференциясында берген тапсырмасының аясында төрт жыл ішінде мұғалімдердің еңбекақысы екі есе артады. Бұл тұрғыдан алдағы қаңтар айынан бастап педагогтардың жалақысы 25 пайызға өседі. Депутаттардың қолдауымен осы бекітілген бюджетте тиісті қаражат қарастырылған. Біз осы жұмысқа қаңтардан бастап кірісуге дайынбыз», – деді Асхат Аймағамбетов.
</blockquote>
Белгілі болғандай, оқу орындарының мұғалімдеріне магистр дәрежесі үшін қосымша ақы енгізіледі.
Айта кетейік, Сенаттың жалпы отырысында «Қазақстан Республикасының кейбір заңнамалық актілеріне педагог мәртебесі, оқушы мен мұғалімге жүктемені төмендету мәселелері бойынша өзгерістер мен толықтырулар енгізу туралы» Заңы да екі оқылымда қаралып, қабылданды.

Парламент педагог мәртебесіне арналған заңды қабылдады

<a href="https://kyzylorda-news.kz/">Kyzylorda-news.kz.</a> Бағасы да күлкілі 200 мың теңгеге жетер-жетпес. Доллар емес, теңгемен.
195 мың теңгеге мектеп сатылады! Саудаға түскен білім ошағы Қарағанды облысының Қарқаралысында. Аудан басшылары өздеріне қарасты бір ауылдағы мектепті сатуға қойып, әлдебір азаматтың қолына беріп жіберген. Қалай сатқанын да айтып берді.
Ауылдықтар болса, мектепті қайтар деп даурығуда. Бұл туралы <a href="https://kaz.zakon.kz/5000324-mas-ara-auylda-mektep-satylyp-ket-pt.html">zakon.kz</a> хабарлайды.
Қарқаралы ауданындағы Қаракөл ауылы. 400-дей адам мекен етеді. Тұрғындары әдеттегідей газеттегі хабарландыруларды оқып отырып, өздерінің мектептерінің сатылып кеткенін кездейсоқ білдік деп дабыл қақты. Бағасы да күлкілі 200 мың теңгеге жетер-жетпес. Доллар емес, теңгемен. Сатылымға аудандық әкімдік қойса керек. Енді Қаракөлдіктер сол келісімді бұзуға күш саламыз деп бекінген.
Алмас Қанафин, ауыл тұрғыны:
<blockquote>
 “Келісім-шарты бұзу. Бұзып, бізге басшылар осыны қайтарып берсе ауылға. Басқа жоқ. Егер сол сол сатып алған адамға ақшасын қайтарып берсек, өйткені халық ақша жинап қойдық. 200, жарайды, жолына, әділ болуымыз керек, 300-400 мың ғып берсек, школды қайтарып берсе, ешкім ұтылмайды да”.
</blockquote>
Ауылдықтар бұл ұсынысты білім ошағының жаңа иесіне де айтыпты. Бірақ онысы алғыларың келсе, 2 млн беріңдер деп жауап қайтарса керек. Оны бұзып, өзіне үй салғысы келтінін айтыпты. Аяқ асты мектептен көз жазып қалғандар енді ол үшін өліспей беріспейміз, дейді.
Ерканат Мұхтаров, ауыл тұрғыны:
<blockquote>
 “Қазір келеміз десе, ешкімге бермейміз бұл мектепті! Халық болып шығамыз. Ауылдың жастары да келеді. Мынаның артында бір материалдар болды, оны алып кетті. Білмейміз оның бәрін, мына жақтан батарейкаларды алып жатыр”.
</blockquote>
Белгілісі, мектеп екі жылдан бері жұмыс істемейді. Тәртіп бойынша бастауыш сыныптарда кем дегенде бес бала болуы керек екен. Жиналмай қалып, жабылды. Осыншалық арзанға өтерін білгенде, өздеріміз сатып алар едік дейді, ауыл тұрғындары. Қаракөл әкімі мектептің сатылымға қойылғаны туралы бәрі естіген, дейді. Жаңа қожайынымен тілдесіп те үлгеріпті.
Берлібек Әбдікәрімов, Қаракөл ауылдық округінің әкімі:
<blockquote>
 “Сатылып кеткеннен кейін уже жеке меншік. Ол өзі біледі. Бірақ мен оны келгенде айттым. Әй, сен мынаны бұзба дедім. Сен бұзбасаң, айналасындағы шарбағына біз тиіспейміз, алмаймыз. Ал егер сен бұзатын болсаң, біз онда шарбағын бәрін пристройка нелерін алып бермейміз деді. Ол бұзбаймын деді”.
</blockquote>
Мектеп құны неліктен бір соғым бағасымен кетті деген сауал мазалап, аудан әкімдігіне жол тарттық. Сөйтсе, әуел баста 9 млн теңгеге қойылыпты. Бос тұрған ғимаратты ешкім алғысы келмеген. Құны екі есе төмендетіліп, тағы қойылды. Онда да болмады. Ақыры, ниет еткендердің өз бағасы электронды түрде сараланған екен. Енді жаңа жылдан кейін тіркеу шаралары қолға алынбақ.
Жұлдыз Қыстаубаева, Қарқаралы аудандық мемлекеттік активтер мен сатып алу бөлімінің төрағасы:
<blockquote>
 “Бәрі электронды түрде өтті. Ол жерде сатып алушы өзі қояды бағасын. Жаңағы 195 мыңға сатып алды”.
</blockquote>
Үлкендер саудаласып жүргенде, балалар қиналып жүр. Бар бүлдіршін 20 шақырым жердегі интернаты бар мектепке қатынап, білім алуда. Ата-аналары такси жалдап, шығындалып жүрсе керек. Бізге ағынан жарылған балақай көз жасын тыя алмай бар өкпесін айтып қалды.
Карнеля Девие, мектеп оқушысы:
<blockquote>
 “Сабаққа барған кезде біз көп күн қаламыз. Көп күн қалып, мұғалімдерден ұрыс естиміз. Біз сабаққа таксимен барып жүрміз. Әке-шешеме өте қиын ол”.
</blockquote>
Бір жұбаныш осы болар. Аудандық білім бөлімінің басшысы арнайы автобус бөлуге уәде берді. Бірақ мектепті қайтару қиын болатын сияқты. Өйткені, сауда аяқталған соң келісім тек сатып алған қожайынмен жүруі керек. Ауылдықтардың сөзіне сенсек, Қаракөлге қайтып келіп жатқан жас отбасылар бар екен. Білім ошағы қайта ашылып, ауыл тамырына қан жүгірер деген үмітпен жүр.

«Бар болғаны – 195 мың теңге». Елімізде тұңғыш рет мектеп сатылды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Ұстаздардың жұмысын оңтайландыру, жүктемесін азайту. Аталған мәселе Парламент Сенатының кеңейтілген отырысында талқыланды, деп хабарлайды&nbsp;<a href="https://almaty.tv/kz">Almaty.tv</a>.
Мәселен, ұстаздарға жүктелетін шаруаны азайту үшін оқушылардың тәрбиесімен айналысатын сынып жетекшілеріне бөлек штат қарастырылуы мүмкін. Аталған ұсыныс білім және ғылым министрлігі тарапынан сараланып, зерттелді.
<blockquote>
 «Кем дегенде 25 мың штат ашу керек екен. Оған жылына 100 миллиардтан көп қаражат керек. Кейбір мектептер оны пайдаланады деген ойдамыз. Типтік шттатар бойынша 77-қаулы бар. Оған өзгерістер енгіздік. Мысалы қазір енді 10 мыңнан, 8 мыңнан біраз ақша жиналады ғой. Соны бүкіл сынып жетекшілікті жинап, бір адамға беруге болады», – деді ҚР Білім және ғылым министрі Асхат Аймағамбетов.
</blockquote>

Сынып жетекшілеріне бөлек штат қарастырылуы мүмкін

<a href="https://kyzylorda-news.kz/">Kyzylorda-news.kz.</a> ҚР Кәсіподақ федерациясының өкілдері «Педагог мәртебесі туралы» заң жобасына қатысты пікір білдірді, деп хабарлайды <a href="https://www.inform.kz/kz/pedagog-martebesi-ustazdardyn-aptalyk-zhumys-zhuktemesi-kyskarady_a3597510?fbclid=IwAR1uVz40MgsJ-vvwrVgJtGt8I9UDlEwjJMG4JVO7t1OQmU3PRHHQ327BsPA">ҚазАқпарат</a>.
<blockquote>
 «Ұсыныстарымыздың көбі заң жобасына енгізілді. Біз өз ұсынысымызда ұстаздардың оқу жүктемесін азайту мәселесін көтердік. Жоба бойынша, орта мектептерде ұстаздардың бір апталық оқу жүктемесі 18 сағаттан 16 сағатқа азайды. Ұстаздардың кәсібі жұмысына араласпау туралы, ұстаздарды көптеген тексерістерден, қағазбастылықтан босату туралы ұсыныс айттық. Мектепте жұмыс істейтін магистр дәрежесі бар ұстаздарға 10 айлық есептік көрсеткіш көлемінде қосымша төлемақы төлеуге ұсыныстар айттық», – дейді Қазақстан білім және ғылым саласы қызметкерлерінің кәсіподақ ұйымы төрағасының орынбасары Айгүл Мұқашева Орталық коммуникациялар қызметінде өткен брифингте.
</blockquote>

«Педагог мәртебесі»: Ұстаздардың апталық жұмыс жүктемесі қысқарады

<a href="https://kyzylorda-news.kz/">Kyzylorda-news.kz.</a> 18 желтоқсанда Қызылордадағы Назарбаев Зияткерлік мектебінің 7-сыныптарында 2020-2021 оқу жылында білім алу үшін Қазақстан Республикасы Тұңғыш Президенті – Елбасының «Өркен» білім беру грантын тағайындау жөнінде іріктеу конкурсына құжаттарды қабылдау басталды.
Іріктеу конкурсына қатысатын әрбір үміткер төменде көрсетілген тізім бойынша тиісті құжаттарды 2020 жылғы 31 қаңтарына дейін қабылдау комиссиясына тапсырулары қажет.
Құжаттар тізімі:
<ul>
<li>Конкурсқа қатысу үшін өтініш беру;</li>
<li>Сауалнама толтыру;</li>
<li>Үміткердің туу туралы куәлігінің көшірмесі, үміткер ЖСН, бар болған жағдайда жеке бас құжатының көшірмесі, заңды өкілінің ЖСН көрсетілген жеке куәлігінің көшірмесі;</li>
<li>086/у медициналық анықтама формасы;</li>
<li>Үміткердің соңғы оқу жылындағы үлгерімі мен тәртібінің, егер үміткер оқу жылын аяқтамаған жағдайда оқуын жалғастыратын болса оқу жылының I жарты жылдығындағы үлгерімі мен тәртібі туралы табелінің көшірмесі. Талап етілген құжаттар оқитын мектеп басшысының қолымен расталып, тиісті білім беру ұйымының мөрімен бекітілуі керек. (Ескерту: құжаттарды 6-сыныптың 1-ші жарты жылдығы аяқталғанға дейін тапсырсаңыз 5-сыныптың табелі қабылданады, 6 сыныптың 1-ші жарты жылдығы аяқталған соң тапсырсаңыз 6 сыныптың 1-ші жарты жылдық табелі қабылданады).</li>
<li>Үміткердің графикалық файл түріндегі 1 МБ (мегабайт) кем емес көлемі 3х4 см. цифрлі фотосуреті. (Компьютерлік сканерлеу, модельдеу немесе ксеро көшірмелеу әдісімен жасалынған суреттер қабылданбайды).</li>
</ul>
Көрсетілген барлық құжаттар пластикалық тезтікпеге салынады.
Қабылдау комиссиясының жұмыс уақыты: Дс-Сб – 09.00-18.00, Жб – 10.00-15.00 аралығында, үзіліс – 12.30-13.30.
Мекен-жайы: Қызылорда қ., СұлтанБейбарыс к. 6,
Тел.: 8 (7242) 55-11-52.
Тестілеу 2020 жылғы 14-15 наурыз күндері өтеді. Толық ақпаратты www.nis.edu.kz веб-сайтының «Үміткерлерге» бөлімінен алуға болады.

Қызылордадағы Назарбаев зияткерлік мектебіне құжат қабылдау басталды

<a href="https://kyzylorda-news.kz/">Kyzylorda-news.kz.</a> ҚР Білім және ғылы министрі Асхат Аймағамбетов лицензиясы тоқтатылған 5 жоғары оқу орнының мұнан арғы тағдыры қалай болатындығын айтып берді, деп хабарлайды <a href="https://www.inform.kz/kz/licenziyasynan-ayyrylgan-zhoo-lardyn-tagdyry-ne-bolmak-aymagambetov-zhauap-berdi_a3596058">ҚазАқпарат</a>.
<blockquote>
 «Өздеріңізде білетіндей, біз 5 жоғары оқу орнының лицензиясын тоқтаттық. Бүгін лицензиядан айыру үшін бір ЖОО бойынша құжаттарды сотқа жібергендіміз туралы ақпарат бере аламыз. Лицензиядан толықтай айыру үшін тағы да бірнеше ЖОО бойынша құжаттар дайындалды. Тоқтату – бұл уақытша шара. Заңға сәйкес егер біз тексеріп, бұзушылықтар тапсақ, онда тоқтатуға тиіспіз. Бірақ, тоқтатқаннан кейін біз тағы бір рет тексеріп, сол бұзушылықтардың жойылмағандығын анықтайтын болсақ, онда министрлік басқа шешім қабылдауға көшеді. Біз сол университетті мүлдем жабу үшін сотқа жүгінеміз», – деді министр Үкімет үйінде өткен баспасөз мәслихатында.
</blockquote>
Оның атап өтуінше, бірнеше жоғары оқу орнын бұл проблеманы дербес шешуге тырысып жатыр.
<blockquote>
 «Бір университетті жабу туралы сотқа жүгінгеннен кейін бірнеше университет бізге хабарласып, бірігуге ниеттері бар екендіктерін хабарлады. Біз де бұл мәселені қарастырған едік. ЖОО-лар өз еріктерімен және дербес бірігулері қажет. Мұның мультипликативті әсер бар. Себебі біреулерінде кадр жетіспесе, енді бірінің спорт залы, тағы бірінде жатақхана және басқа да жағдайлары болмауы мүмкін. Ал біріккеннен кейін нақты бір әсерге қол жеткізіледі», – деді Асхат Аймағамбетов.
</blockquote>
Сонымен қатар ол кейбір университеттер колледжге, институтқа, академияға айналуы тиістігін атап өтті.
<blockquote>
 «Жалпы, лицензия беретін өкілетті орган ретінде Білім және ғылым министрлігіне сотқа жүгінбестен сол лицензияны қайтару алу туралы шешім қабылдауға мүмкіндік беретін норма қабылданады деп үміттенеміз», – деді ол.
</blockquote>

Лицензиясынан айырылған ЖОО-лардың тағдыры не болмақ – Министр жауабы

<a href="https://kyzylorda-news.kz/">Kyzylorda-news.kz.</a> Қалалық және ауылдық мектептердегі білім алшақтықтарын қысқарту шаралары іске асады, <a href="https://stan.kz/mygalimder-100-kompyutermen-kamtamasiz-etiledi-bgm-zhan-325443/">Stan.kz</a>.
<blockquote>
 «Қала мен ауыл мектептері, аймақтар, оқу орындары арасындағы білім сапасын қысқарту мақсатында&nbsp;«Мобильдік мұғалім», «Уақытша отбасы»&nbsp;&nbsp;пилоттық жобасын іске асыру, ауыл мектептеріндегі дарынды балаларды анықтау және қолдау, ауылдық орта мектептерді&nbsp;материалдармен, цифрлық құрал-жабдықтармен қамтамасыз етпекпіз» – деді Білім және ғылым министрі Аймағамбетов үкімет отырысында.
</blockquote>
Сонымен қатар, білім беру мекемелерін кеңейту, үш ауысымды мектептер мен мектептер жетіспеушілігін жою және апаттық мектептерінің санын азайту үшін мемлекеттік бюджет пен жеке инвестициялардың қатысуымен 650 мыңнан астам жаңа мектеп салу жоспарлануда.
Сонымен қатар, қолданыстағы мектеп-интернаттардың жағдайын жақсарту мақсатында ауылдық мектептерді қолдау үшін 114 мектеп-интернат салу жоспарлануда. 150-ден астам оқушыға арналған 724 гимназия салу қолға алынды. Бұл өз кезегінде студенттерге спортпен шұғылдануға көмектеседі.
Министрдің айтуынша, жаңа бағдарлама бойынша барлық мектептер STEAM жаңа модификацияларымен, физика, химия және биология кабинеттерімен толықтай жабдықталады. Мұғалімдер 100% компьютермен қамтамасыз етіледі.

Мұғалімдер 100% компьютермен қамтамасыз етіледі: БҒМ жаңа жобаларды қолға алды

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>Білім гранты орташа алғанда 340-420 мыңнан 900 мың теңгеге дейін өсіріледі. Бұл туралы Үкімет отырысында ҚР Білім және ғылым министрі Асхат Аймағамбетов мәлімдеді.
<blockquote>
 «Жас маман» жобасы бойынша 180 колледждің материалдық-техникалық базасы жаңартылады. Ол үшін бюджеттен 58 млрд теңге қарастырылды. Тегін кәсіби техникалық білім бағдарламасымен жыл сайын 100 мың студентті қамтитын боламыз. Ал дуалды оқумен қамтылған студенттердің саны 35 пайызға жетеді. Колледж студенттерін жұмысқа орналастыру көрсеткіші 60-тан 75 пайызға дейін жететін болады. Жоғары білім бағдарламаларын кәсіби стандарттарға негіздеп, 100 пайыз жаңарту міндеті тұр. Шетел студенттерінің саны жалпы контигенттің 10 пайызын құрайтын болады. Білім гранттарын орташа алғанда 340-420 мыңнан 900 мың теңгеге дейін өсіру арқылы профессорлық-оқытушылық құрамның еңбекақысын көтеру, университеттердің материалдық базасын жақсарту қарастырылып отыр. Бұл көптен күткен жаңалық. Шыны керек 2011 жылдан бастап грант құны жалпы өзгермеген. Осыған бюджеттен 244 млн теңге қарастырылды«, – деді 2025 жылға дейін Қазақстанда білім мен ғылымды дамытудың мемлекеттік бағдарламасын таныстырған Асхат Аймағамбетов.
</blockquote>
Оның айтуынша, 10 университетте академиялық басымдық орталықтарын құру үшін 21 млрд теңге бөлініп, 10 университет әлемнің үздік 500 университетінің қатарына кіретін болады.
<blockquote>
 «Бұған қоса ҰБТ тапсыру электронды форматқа көшіріледі. Гранттардың бірнеше түрі енгізіліп, жоғары оқу орнының қолжетімділігі, ашықтығы қамтамасыз етілді. Сонымен қатар 2025 жылға дейін 90 мың орынға арналған жатақхана алынады. Педагогика мамандарын дайындайтын университеттер саны бүгінгі күні – 85. Осы университеттер бойынша біз қосымша талап қойып, оның санын әлдеқайда азайтып, материалдық базасын нығайтамыз. Бізге педагогтерді дайындау өте маңызды мәселе», – деді министр.
</blockquote>

ҰБТ тапсыру электронды форматқа көшіріледі

<a href="https://kyzylorda-news.kz/">Kyzylorda-news.kz.</a> 2021 жылдан бастап аудандық білім бөлімдерін басқару облыстық деңгейге ауысады. Бұл туралы Үкімет отырысында ҚР Білім және ғылым министрі Асхат Аймағамбетов мәлімдеді.
<blockquote>
 «Білім беруді басқару, қаржыландыру да өте өзекті проблемалардың бірі. Осыған орай 2021 жылдан бастап аудандық білім бөлімдерін басқару облыстық деңгейге ауысады. Қаржыландыру да облыстық деңгейге көтерілетін болады. Ол өңірлер мен мекемелер арасындағы білім алшақтығын азайтуға, жеткілікті деңгейде қаржыландыруға бағытталады», – деді 2025 жылға дейін Қазақстанда білім мен ғылымды дамытудың мемлекеттік бағдарламасын таныстырған Асхат Аймағамбетов.
</blockquote>
Сонымен қатар министр кейінгі кездері білім беру мекемелерінің басшыларын тағайындау тәртібіне қатысты сұрақтар көбейіп отырғанын айтты.
<blockquote>
 «Мысалы бірқатар ұйым басшысы 20 жылдан астам уақыттан бері бір орында жұмыс атқаруда. Басқару менеджменті бойынша да бүгінгі күні шынын айту керек, сұрақтар көп және бұл мәселе сын көтермейді. Сондықтан балабақша, мектеп, колледж директорларын жаңа жүйеде тағайындайтын боламыз. Оған қоса, алдағы уақытта ротациялау арқылы ауыстыру жүйесін де қолданамыз. Заманауи талаптарға сәйкес дербес басқарудан корпоративті басқаруға білім саласы да көшетін болады», – деді ол.
</blockquote>

Қазақстан және Қызылорда облысының жаңалықтары: Білім