<a href="https://kyzylorda-news.kz/">Kyzylorda-news.kz.</a> Білім және ғылым министрі Асхат Аймағамбетов үкімет отырысында 2021 жылдың 1 қаңтарынан бастап мұғалімдердің жалақысын қаншалықты көтеру жоспарланып отырғанын айтты, деп хабарлайды&nbsp;<a href="https://stan.kz/mygalimderge-tolenetin-ustemaki-turali-ministr-aymagamb-336524/">Stan.kz</a>.
<blockquote>
 “Министрлік 2021 жылдың 1 қаңтарынан бастап мұғалімдердің жалақысын 25% -ға өсіруді жоспарлап отыр. Бұл есептеулерді 2023 жылға дейін қаржыландыру аясында қаржы министрлігіне ұсындық”, – деді Асхат Аймағамбетов.
</blockquote>
Сонымен қатар, министрдің айтуынша, мемлекет басшысының тапсырмасы аясында 1 қыркүйектен бастап дәптерлерді тексергені үшін және сынып жетекшілері үшін мұғалімдерге берілетін қосымша төлемдер екі есеге артты.
<blockquote>
 “Магистратура үшін мұғалімдер 27 мың теңге көлемінде жаңа қосымша ақы алады. 1 қыркүйектен бастап дәптер тексергені үшін төленетін төлем екі есеге, сынып жетекшілігі үшін төленетін төлем екі есеге артады”, – деп қосты Асхат Аймағамбетов.
</blockquote>

Аймағамбетов мұғалімдерге төленетін үстемақы туралы түсіндірді

<a href="https://kyzylorda-news.kz/date/2020/09/01/">Kyzylorda-news.kz.</a> Диплом таратумен айналысатын оқу орындарын жабу мәселесін шешу керек. Бұл туралы Мемлекет басшысы Қасым-Жомарт Тоқаев Парламент палаталарының бірлескен отырысында Қазақстан халқына жыл сайынғы дәстүрлі Жолдауында мәлім етті, деп хабарлайды <a href="https://lenta.inform.kz/kz/prezident-diplom-taratumen-aynalysatyn-oku-oryndaryn-zhabudy-tapsyrdy_a3689337">ҚазАқпарат</a>.
<blockquote>
 «Өткен жылы дипломды басып шығарумен айналысатын оқу орындарын жабуды тапсырдым. Табысты білім беру бизнесіне жұмылдырған ықпалды адамдардың қарсылығының салдарынан жұмыс қиын жүріп жатыр. Бірақ, проблеманы шешу керек. Премьер-Министр осы мәселені ерекше бақылауға алуы тиіс», – деді Президент.
</blockquote>

Президент диплом таратумен айналысатын оқу орындарын жабуды тапсырды

<a href="https://kyzylorda-news.kz/">Kyzylorda-news.kz.</a> Кезекті Жолдауында Мемлекет басшысы Қасым-Жомарт Тоқаев ғылым саласын дамыту бойынша Үкіметке бірқатар тапсырмалар беріп, бизнес өкілдерін осы салаға атсалысуға шақырды.
<blockquote>
 «Ғылым саласын дамыту туралы да айтқым келеді. Бұл мәселеде бізге тың көзқарас пен жаңа тәсілдер керек. Сондай-ақ халықаралық тәжірибеге арқа сүйеуіміз қажет. Үкіметке жыл сайын әлемнің жетекші ғылыми орталықтарында 500 ғалымның тағылымдамадан өтуді қамтамасыз етуді, сондай-ақ «Жас ғалым» жобасы аясында зерттеу жүргізу үшін 1000 грант бөлуді тапсырамын», деді Президент.
</blockquote>
Аталған саланы алға жылжытуда кәсіпорын иелерінің де үлесі болуы керектігін атаған Қ.Тоқаев ұлттық деңгейдегі нақты мәселелерді шешуде де ғылымның әлеуетін пайдалану керектігін атап өтті.
<blockquote>
 &nbsp;«Ғылымды қаржыландырудың және қолдаудың маңызды көзі – ірі кәсіпорындардың, әсіресе, шикізат саласындағы компаниялардың тапқан қаражаты. Тапқан табыстың 1%-ын ғылым мен технологияны дамытуға беру туралы қолданыстағы норма талаптары сақталмай отыр. Көп жағдайда бұл қаражат компаниялардың ішінде бөлініске түсіп кетеді. Үкіметке осы қаражатты жинақтау ісін орталықтандыруды және оны бюджет арқылы жалпыұлттық ғылыми басымдыққа сай бөлінуін қамтамасыз етуді тапсырамын. Ірі бизнес өкілдері өңірлік университеттердің ғылыми қызметін қамқорлыққа алса нұр үстіне нұр болар еді. Бізге елімізді ғылымды дамыту жөніндегі арнаулы бағдарламалық құжат қажет. Оның басты міндеті – ұлттық деңгейдегі нақты мәселелерді шешуде ғылымның әлеуетін пайдалану болмақ», деді Мемлекет басшысы.
</blockquote>

Жолдау: Жыл сайын 500 ғалым шетелден тағылымдамадан өтеді

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев халыққа Жолдауында білім саласы туралы сөз қозғап, мұғалімдер жалақысы 25 пайызға көбейетінін мәлімдеді.
<blockquote>
 «Білім саласындағы басты мәселенің бірі – ұстаздар жалақысының аздығы. Мен 2021 жылдың қаңтар айынан бастап мұғалімдердің еңбекақысын 25 пайызға көтеру жөнінде шешім қабылдадым. Жалақы мөлшері алдағы уақытта да арта береді. Бұл мақсатқа алдағы үш жылда қосымша 1,2 триллион теңге бөлінеді», деді Қ.Тоқаев.
</blockquote>
Сондай-ақ қашықтан білім беру жүйесін жетілдіруді тапсырды.
<blockquote>
 «Қол жетімді әрі сапалы білім коронавирус індетінің салдарынан дүниежүзіндегі мектеп оқушылары мен студенттердің басым көпшілігі қашықтан оқуға көшті. Бұл жұмыстың тәсілі мен мазмұнын түбегейлі өзгертуде. Қашықтан оқыту ісін ұйымдастыруда Үкіметтің қателіктерін жақсы білеміз. Ашығын айтқанда, әлі күнге дейін нақты бір онлайн платформа жоқ. Мұғалімдер, оқушылар және ата-аналар күндіз-түні уатсаптан бас көтермейтін болды. Толыққанды оқу үдерісі үшін қажетті барлық функциялары бар біріңғай онлайн беру платформасын шұғыл әзірлеу қажет. Дегенмен, сапалы білім алу үшін әдеттегідей сабаққа қатысып, мұғалімдермен және сыныптастармен араласуды орны бөлек. Сондықтан санитарлық талаптарды сақтай отырып, білім алудың қалыптасқан дәстүрлі тәсіліне әзірленген жөн. Бұл әсіресе, мектеп үшін маңызды. Күнделікті мәселелерді шешумен қатар балалардың бәріне бірдей мүмкіндік туғызу үшін жүйелі шаралар қабылдау қажет. Балаларымыз қай жерде тұрса да, қандай тілде оқыса да, сапалы білім алу қажет», деді Президент.
</blockquote>

Жолдау: Мұғалімдер жалақысы көбейеді

<a href="https://kyzylorda-news.kz/date/2020/09/01/">Kyzylorda-news.kz.</a> ҚМДБ-ның Қызылорда облысы бойынша өкілдігінің ұйымдастыруымен “Мектепке жол” республикалық акциясы аясында 220 қызылордалық оқушыға қайырымдылық көмек көрсетті.
Жаңа оқу жылының қарсаңында өткізілген игі шара аясында Сыр мешіттері әлеуметтік жағдайы аз қамтылған көп балалы отбасылардың балаларына оқу құралдарымен жабдықталған сөмкелер, кеңсе дүкеніне сертификаттар және қашықтықтан білім алуға арналған смартфондар мен планшеттерді тарту етті.
Қайырымдылық шарасында көмек алған балалар Бас имам Болатбек Ұласқанұлы бастаған имамдар мен ерікті жамағаттарға шексіз алғысын білдірді.
<img src="https://kyzylorda-news.kz/wp-content/uploads/2020/09/118481244_2004572566339716_8971396443768225318_n.jpg" alt="" />
<img src="https://kyzylorda-news.kz/wp-content/uploads/2020/09/118701521_2004578043005835_6603419363159023943_o.jpg" alt="" />
<img src="https://kyzylorda-news.kz/wp-content/uploads/2020/09/118692632_2004577999672506_4794754258830503843_n.jpg" alt="" />

&#8220;Мектепке жол&#8221;: Қызылордалық балаларға планшет тарту етілді

<a href="https://kyzylorda-news.kz/">Kyzylorda-news.kz.</a> Білім күніне орай Сыр елінде жаңа мектеп ел игілігіне берілді. Жалағаш ауданы Ә.Бердәулетов атындағы №34 орта мектептің ашылу рәсіміне облыс әкімінің орынбасары Наурызбай Байқадамов, білім басқармасының басшысы Ақзира Қасымова қатысты.
140 орындық жаңа мектеп типтік жобада салынған. Білім ошағында сынып және интернет кабинеттерімен, медициналық кабинетпен, спорт зал, асханамен қамтамасыз етілген.
Биыл жаңа мектепте 1-4 сыныптағы 94 оқушы санитариялық нормаларды қатаң сақтай отырып, оқитын болады.
Айта кетейік, ата-аналардың өтініштері негізінде 1-4 сынып оқушылары дәстүрлі, қалған сыныптардың балалары қашықтан оқиды.
<img src="https://kyzylorda-news.kz/wp-content/uploads/2020/09/118614563_939933766509829_3521597797139735748_n.jpg" alt="" />
<img src="https://kyzylorda-news.kz/wp-content/uploads/2020/09/118571965_939933679843171_1995680935790571256_n.jpg" alt="" />
<img src="https://kyzylorda-news.kz/wp-content/uploads/2020/09/118714048_939933809843158_2677067734545222297_n.jpg" alt="" />

Жалағаш ауданында жаңа мектеп ашылды

<a href="https://kyzylorda-news.kz/date/2020/09/01/">Kyzylorda-news.kz.</a> Қызылорда қаласының әкімі Нұрлыбек Нәлібаев қызылордалықтарды 1 қыркүйек – білім күнімен құттықтады. &nbsp;
Қадірлі ұстаздар!
Құрметті оқушылар, ата-аналар!
&nbsp;&nbsp;Баршаңызды білім күнімен, жаңа оқу жылының басталу салтанатымен шын жүректен құттықтаймын!
Бұл күн жаңа жобалар мен ізденістердің, жаңа идеялардың бастауы.&nbsp;&nbsp;Жаңа оқу маусымы білім беру сапасын арттыруға үлкен міндеттер жүктеліп, алға қойылған міндет нақты іске айналатын кезең. Еліміздің дамуына үлес қосатын саналы ұрпақтың зердесіне білім мен тәрбие алауын жағатын уақыт.
Биылғы оқу жылы алғаш рет ерекше форматта басталды. Коронавирус пандемиясына байланысты бірінші тоқсанда қаламыздағы барлық мектептер оқушыларға қашықтықтан оқыту форматында білім береді. Әдепкіде абдырап, біршама әбігерге түстік. Әйтседе цифрландыруға басымдық берген мемлекеттік бағдарлама негізінде&nbsp; технологиялық трендтерді тиімді игеріп, ұстаздардың кәсіби біліктілігінің арқасында саладағы қиындықтарды еңсеріп, жаңа оқу жылын жүйелі жоспарлай алдық.
Қымбатты оқушылар!
Қазіргі таңда, мемлекет тарапынан білім саласына үлкен қамқорлық көрсетіліп келеді. Оның ішінде біздің қаламызда да көптеген оңды істер атқарылуда. Жыл сайын жаңа білім ошақтары мен балабақшалар пайдалануға беріліп, материалдық техникалық базалары жаңартылуда.
Сіздердің игіліктеріңіз үшін жасалынып жатқан қамқорлық пен зор қолдаулардың арқасында білімдеріңізді толықтырып, жарқын жетістіктерге қол жеткізіп, жаңа белестерді бағындыруларыңызға тілектеспін!
Білім – баға жетпес рухани байлық, ғылымның іргетасы, мемлекет дамуының алтын арқауы. Мемлекет басшысы Қасым-Жомарт Кемелұлы Тоқаев&nbsp; өз сөзінде «Цифрландыру заманындағы озық білім мен дағды – жастарымыздың жарқын келешегінің кепілі», – деп жаһандану дәуірінде білімді ұрпақты жарқын болашақ күтетінін&nbsp; айқын жеткізді.
Ал ұлтымыздың ұлы перзенті, күллі қазаққа ұстаз болған дана Абай «Адамның көңілі шын мейірленсе, білім-ғылымның өзі де адамға мейірленіп, тезірек қолға түседі» деген екен.
Сондықтан Сіздер қай кезеңде болмасын ілім-білім жинауға қашан да асығып, тәуелсіз еліміздің игілігі жолында білімдеріңізді кәдеге жаратып, болашақта озық ойлы, өрісі кең, өрелі азаматтар қатарынан болатындарыңызға сенемін!
Алаштың ардақты азаматы Міржақып Дулатовтың: «Ұрпағы білімді халықтың болашағы бұлыңғыр болмайды», – деген ұлағатты сөзі бар.&nbsp;
Зерделеріңізге тоқыған білімдеріңіз бен бойға дарыған ұлағатты тәлімдеріңіз жарқын болашаққа жол ашсын!
Қадірлі ұстаздар қауымы!
Өткен оқу жылында қол жеткізген жетістіктеріміз аз болмады. Бұл ретте ел болашағын тәрбиелеп жүрген мәртебелі мамандық иелері Сіздердің тынымсыз әрі жемісті еңбектеріңізді атап өткен жөн.
Ізгілік пен ізденісті жоғары қойып, жас ұрпаққа сапалы білім мен өнегелі тәрбие беріп, осы жолға ғұмырын арнаған игі қызметтеріңізге табыс тілеймін!
Мәртебелеріңізді асырар шәкірттеріңіз көп болғай!
Жаңа оқу жылы жетістіктерге жетелесін!
<img src="https://kyzylorda-news.kz/wp-content/uploads/2020/09/bilim-scaled.jpg" alt="" />

Қызылорда қаласының әкімі білім күнімен құттықтады

Kyzylorda-news.kz. Ұлттық тестілеу орталығы ҰБТ бейнежазбаларын тексеріп, 97 баланың грантын қайтарып алды, деп хабарлайды <a href="https://www.inform.kz/kz/ubt-beynezhazbalary-tekserilgen-son-97-bala-grantynan-ayyryldy_a3689033">ҚазАқпарат</a>.
<blockquote>
 «Конституция күніне 97 балаға жақсы жаңалық! ҰБТ бейнежазбаларының қорытындысы бойынша 158 тест тапсырушының нәтижесі жойылды, олардың 97-сі грант иегері атанған болатын (соның ішінде 138 балл алған түлек те бар). Соған орай, әділ тапсырған, бірақ грантқа өтпеген 97 бала 2 апта ішінде грант иегерлері атанып, тіркелетін болады. Толығырақ Ұлттық тестілеу орталығының парақшасында жариялаймыз», – дейді Ұлттық тестілеу орталығының директоры Дидар Смағұлов.
</blockquote>
Өкінішке орай, тәртіпті қамтамасыз ететін кезекшінің де қылмыстық әрекетке байланысы анықталған.
«Қараңыздаршы, қандай «батырлықпен» сұрақ кітапшасын фотоға түсіріп отырған баланы денесімен жауып тұр? Кем дегенде оның білім беру саласынан жұмыстан босатылуын, ал одан бетер шара ретінде қатал жауапкершілікке тартылуын талап ететін боламыз. Алға, әділ Қазақстан!», – дейді ҰТО басшысы.

ҰБТ бейнежазбалары тексерілген соң 97 бала грантынан айырылды

<a href="https://kyzylorda-news.kz/date/2020/08/28/">Kyzylorda-news.kz.</a> Биыл облыс бойынша 293 мектепте 169 173 оқушы білім алады. Оның ішінде, 1 сыныпқа 18 423 бала қабылданды. Бұл туралы Өңірлік коммуникациялар қызметінің ақпарат алаңында өткен брифингте Қызылорда облысы әкімінің орынбасары Наурызбай Байқадамов мәлімдеді.
<blockquote>
 “Жаңа оқу жылында мектептегі оқу процесін ұйымдастыру ҚР Білім және ғылым министрлігі ұсынған бағыттар бойынша жүргізіледі. Яғни, өңірдегі 220 мектептегі 116 592 оқушы қашықтан оқытылады. Қашықтан оқыту BilimLand, Daryn-online интернет платформалары арқылы жүзеге асады. Сондай-ақ,1-4 сыныптағы 41 547 оқушыны құрайтын 2974 топ және шалғай орналасқан елді-мекендегі 73 мектептен 11 004 оқушы дәстүрлі түрде оқитын болады. Сонымен қатар, биыл 55 білім беру нысанына жөндеу жұмыстары жүргізілуде. Оның 12-і балабақша, 33-і мектеп, 4-і мектептен тыс мекеме, 5-і колледж. Бұған қоса, жаңа оқу жылында 740 орындыққа арналған 2 мектеп пайдалануға беріледі”,-деді Наурызбай Сейтқалиұлы.
</blockquote>
Брифингте облыстық білім басқармасының басшысы Ақзира Бақтыбайқызы жаңа оқу жылындағы оқушыларды оқытудың бірқатар ерекшеліктерін айтты.
<blockquote>
 “Жаңа оқу жылында кезекші топтар құрылады. Сондай-ақ, 1-4 сыныптардың ата-аналарының дербес өтініштері негізінде ашылады. Бұл топтарда 15 баладан артық бала оқытылмайды. Ең бастысы – бала қауіпсіздігін қамтамасыз етуіміз керек. Санитарлық талаптар қатаң сақталады. Балалар бір кабинетте оқиды. Әр кезекші сыныпта 15 оқушыға дейін оқытылады. Әрбір кезекші топтардың жұмысы белгілі алгоритмге сәйкес жүргізіледі”,-деді сала басшысы.
</blockquote>
<img src="https://kyzylorda-news.kz/wp-content/uploads/2020/08/118700903_1100639270331584_904173031439462503_o.jpg" alt="" />

Биыл Қызылордада 18 423 бала 1 сыныпқа қабылданды

<a href="https://kyzylorda-news.kz/">Kyzylorda-news.kz.</a> Сыр өңіріндегі Назарбаев Зияткерлік мектебінің 11-сынып оқушысы Зарина Айсауытова су тазалаудың &nbsp;жаңа тиімді әдісін ойлап тапты.&nbsp;
Заринаның идеясы өндірістік қалдықтардан суды тазалау үдерісінде модификацияланған кальций силикатын қолдануға бағытталған. Жас ғалым судың сапалылығын жақсартатын адсорбенттерді бір сағат уақытта арнайы муфель пештерінде &nbsp;үлкен температурада өңдемей-ақ, қарапайым қысқатолқынды пеште небәрі 15 минутта даярлауға болатынын дәлелдеген. &nbsp;
<blockquote>
 «Қазіргі уақытта белгілі су дайындаудың технологиялары, оның ішінде кең таралғаны – седиментация және сүзу – қажетті сападағы суды алуға және табиғи су қоймаларының тазалығын сақтаудағы санитарлық талаптарға сай келе бермейді. Біз кальций силикатын темір &nbsp;катиондарына әрекет ету арқылы судың сапалылығын жақсартуға болатынын көрсеттік», – дейді Зарина.
</blockquote>
Зарина бұл жұмыспен екі жылдан бері айналысып келеді. Жетекшісі химия пәнінің мұғалімі Марат Сыздықбаевпен бірге мектептің зертханасында өнімдердің физика-химиялық қасиеттеріне талдау жасады. Өңірдегі Қорқыт Ата атындағы университет зертханасында инфрақызыл-спектр және электронды зерттеу әдістерін қолдану арқылы адсорбенттің ерігіштігі мен &nbsp;кеуектілігіне сараптама жүргізді.&nbsp;
<blockquote>
 &nbsp;«Бұл экономикалық және экологиялық тиімді әдіс. Себебі, мұндай технологиямен &nbsp;тазаланған суға энергия аз жұмсалады», – дейді жоба жетекшісі Марат Сыздықбаев.&nbsp;
</blockquote>
Оқушы мен мұғалімнің бұл еңбектері бүгінде пайдалы модель ретінде танылып, ұлттық зияткерлік меншік институты тарапынан патентке ие болды. Мектеп мақтаныштарының алдағы мақсаты &nbsp;– бұл жобаны &nbsp;өндірістік орындарға ұсыну арқылы іске асыру.

Қызылордалық оқушының ғылыми жобасы патентке ие болды

Kyzylorda-news.kz. Жаңа оқу жылының басталуына санаулы күндер қалды.
Биылғы оқу жылы карантиндік талаптарға сәйкес қашықтан оқытыланы белгілі. Осы ретте, оқушыларды электронды құрылғылармен қамтамасыз ету маңызды. Бұл іске жанашыр азаматтар, кәсіпкерлер мен шаруашылық төрағалары қолдау білдіруде. Осындай қамқор жандардың қатарында Сырдария ауданынан «А.Тоқмағамбетов Жер» ЖШС-нің төрағасы Бақытжан Жақып та бар.
Ауылдағы шаруашылық тізгінін қолға алған төраға Құрбан айт мерекесінде елді мекендегі 30 үйге 300 мың теңге көлемінде азық-түлікпен көмек көрсеткен болатын. Енді жаңа оқу жылы қарсаңында балалардың білім алуына қажетті 20 планшетті сыйға тартып отыр.
Бақытжан Жақып елді мекендегі көп балалы, аз қамтылған отбасы үйлеріне арнайы барып, келе жатқан білім күнімен құттықтады. Сондай-ақ электронды құрылғыларды табыс етіп, жастардың сапалы білім алуына тілекші екенін жеткізді.
Осындай жанашыр азаматтардың қолдауының нәтижесінде карантиндік талаптарда оқушылардың білім игеруіне мол мүмкіндік жасалуда.
<img src="https://kyzylorda-news.kz/wp-content/uploads/2020/08/fb_img_1598669969946.jpg" alt="" />
<img src="https://kyzylorda-news.kz/wp-content/uploads/2020/08/fb_img_1598669971809.jpg" alt="" />

Сырдариялық кәсіпкер оқушыларға планшеттер таратты

<a href="https://kyzylorda-news.kz/date/2020/08/28/">Kyzylorda-news.kz.</a> Мұғалімдер мен оқушыларға арналған “Білім” тарифі жаңа оқу жылынан бастап іске қосылады. Бұл туралы “Күнделік” ЖШС бас директоры Мұхтар Ілиясов мәлімдеді, деп хабарлайды&nbsp;<a href="https://sputniknews.kz/">Sputnik Қазақстан</a>.&nbsp;
Бұған дейін ұялы байланыс операторлары мұғалімдер мен оқушылар үшін арнайы тарифтік жоспар әзірлеп жатқаны туралы хабарланған болатын.
28 тамызда өткен онлайн баспасөз мәслихатында БАҚ өкілі арнайы тарифтің қашан іске қосылатынын сұрады.
<blockquote>
 “Мұндай тариф шынымен де бар екенін растаймын. Жетекші ұялы байланыс операторлары “Білім” тарифін әзірледі, құны – 990 теңге. Ол жаңа оқу жылынан бастап қолжетімді болады”, – деді Ілиясов.
</blockquote>
Ол арнайы тарифтен kundelik.kz ресурсына мегабайт жұмсалмайтынын атап өтті.&nbsp;
Тарифтік жоспарда мұғалім мен оқушы арасындағы лимитсіз қоңыраулар, сондай-ақ, білім және ғылым министрлігі белгілеген отандық білім беру ресурстарына лимитсіз қосылу қарастырылған.

Қазақстан және Қызылорда облысының жаңалықтары: Білім

Аймағамбетов мұғалімдерге төленетін үстемақы туралы түсіндірді

Президент диплом таратумен айналысатын оқу орындарын жабуды тапсырды

Жолдау: Жыл сайын 500 ғалым шетелден тағылымдамадан өтеді

Жолдау: Мұғалімдер жалақысы көбейеді

“Мектепке жол”: Қызылордалық балаларға планшет тарту етілді

Жалағаш ауданында жаңа мектеп ашылды

Қызылорда қаласының әкімі білім күнімен құттықтады

ҰБТ бейнежазбалары тексерілген соң 97 бала грантынан айырылды

Биыл Қызылордада 18 423 бала 1 сыныпқа қабылданды

Қызылордалық оқушының ғылыми жобасы патентке ие болды

Сырдариялық кәсіпкер оқушыларға планшеттер таратты

Мұғалімдер мен оқушыларға арналған тариф 1 қыркүйектен бастап іске қосылады

Қазақстан және Қызылорда облысының жаңалықтары: Білім

Аймағамбетов мұғалімдерге төленетін үстемақы туралы түсіндірді

Президент диплом таратумен айналысатын оқу орындарын жабуды тапсырды

Жолдау: Жыл сайын 500 ғалым шетелден тағылымдамадан өтеді

Жолдау: Мұғалімдер жалақысы көбейеді

&#8220;Мектепке жол&#8221;: Қызылордалық балаларға планшет тарту етілді

Жалағаш ауданында жаңа мектеп ашылды

Қызылорда қаласының әкімі білім күнімен құттықтады

ҰБТ бейнежазбалары тексерілген соң 97 бала грантынан айырылды

Биыл Қызылордада 18 423 бала 1 сыныпқа қабылданды

Қызылордалық оқушының ғылыми жобасы патентке ие болды

Сырдариялық кәсіпкер оқушыларға планшеттер таратты

Мұғалімдер мен оқушыларға арналған тариф 1 қыркүйектен бастап іске қосылады

“Мектепке жол”: Қызылордалық балаларға планшет тарту етілді