<a href="https://kyzylorda-news.kz/">Kyzylorda-news.kz.</a> Нұр-Сұлтан қалалық білім басқармасының басшысы Шолпан Қадырова Zoom-мен сабақ өткізу кезінде жұмыс сілтемесін бөтен адамдарға таратпау керектігін ескертті.
<blockquote>
 «Өкінішке қарай, 3 қыркүйекте Zoom платформасында өткізілген сабақ кезінде бөтен адамдар араласып, әдепсіз слайдтар көрсетіп, оқыту процесіне кедергі жасаған. Мұғалім сабаққа бөтен адамдардың араласқанын байқап, жедел түрде онлайн сабақты аяқтады. Осыдан кейін мектеп әкімшілігі балалармен және ата-аналармен онлайн кеңес өткізді. Оқушыларға чаттар мен платформаларда жұмыс істеу кезінде этиканы сақтау, жұмыс сілтемесін бөтен адамдарға таратпау қажеттігі туралы тәрбие жұмысын жүргізді. Өз кезегінде біз күн сайын мұғалімдермен жұмыс істеп, ІТ-құзыреттіліктерін дамытудамыз», – деді ол елорда әкімдігінде өткен баспасөз мәслихатында.
</blockquote>
Сонымен қатар басқарма басшысы барлық мектептердің штаттық режимге көшуі туралы шешімді ҚР Денсаулық сақтау министрлігі, Бас мемлекеттік санитария дәрігері шығарғандығын жеткізді.
<blockquote>
 «Әрине, шешім, ең алдымен, елдегі эпидемиологиялық жағдайға байланысты болады. Біз өз кезегінде балалардың үздіксіз білім алуына барлық жағдайды жасаймыз», – деді ол.
</blockquote>
Шолпан Қадырова Білім басқармасының call-орталығы 1445, 55-68-73, 55-68-83 нөмірі бойынша жұмыс істейтігін айтты.
<blockquote>
 «1 қыркүйектен бастап колл орталығына 1000-ға жуық, ал күніне 100-ге жуық қоңырау келіп түсті. Мұнда ата-аналар оқу процесінің барлық мәселелері бойынша толық ақпарат ала алады», – деді басқарма басшысы.
</blockquote>
<a href="https://www.inform.kz/kz/zoom-men-sabak-otkizu-kezinde-zhumys-siltemesin-botenderge-taratpau-kerek-sholpan-kadyrova_a3693510">KazInform</a>

Zoom-мен сабақ өткізу кезінде жұмыс сілтемесін бөтендерге таратпау керек

<a href="https://kyzylorda-news.kz/date/2020/09/11/">Kyzylorda-news.kz.</a> Елорданың білім басқармасы қашықтан білім алу үшін таратылған интернет роутердің трафигі неге тез таусылатынын түсіндірді, деп хабарлайды&nbsp;&nbsp;<a href="https://sputniknews.kz/">Sputnik Қазақстан</a>.
Басқарма басшысы Шолпан Қадырованың айтуынша, бүгінде роутерлердің интернет трафигіне қатысты мәселе туындап отыр. Ата-аналар бір айға берілген интернеттің не себепті он күннің ішінде таусылып қалатынын сұрайды. Осы орайда бір оқушыға нақты қанша мегабайт берілетінін білгісі келеді.&nbsp;&nbsp;
<blockquote>
 “Біз қашықтан оқытуды қамтамасыз ету мақсатында 22 600 роутер сатып алып, оқушылар мен педагогтарға уақытша пайдалануға бердік. Интернет трафигі ай сайын 70 гигабайт. Оған қоса, отандық білім беру ресурстарын тегін пайдалануға болады”, – деді Қадырова онлайн брифингте.&nbsp;
</blockquote>
Оның сөзіне қарағанда, он күннің ішінде трафиктің таусылып қалу жағдайлары бар. Осыған байланысты провайдерлермен бірге тексеріс жасалды.&nbsp;
<blockquote>
 “Тексеріс барысында оқушылардың, ата-аналардың немесе басқа адамдардың интернетті орынсыз пайдаланатыны, оқу процесіне қатысы жоқ сайттарға кіретіні анықталды. Мысалы, Youtube-тан видео көру, түрлі әлеуметтік желілерге кіру, фильмдер қарау және тағы басқасы бар”, – деді Қадырова онлайн брифингте.
</blockquote>

Оқушыларға берілген роутердің интернет трафигі неге тез таусылып қалады?

<a href="https://kyzylorda-news.kz/date/2020/09/10/">Kyzylorda-news.kz.</a> Денсаулық сақтау министрі Алексей Цой қашықтан білім беру форматын қай уақытқа дейін созылатынын айтты, деп хабарлайды&nbsp;<a href="https://sputniknews.kz/">Sputnik Қазақстан</a>.
<blockquote>
 “Қазіргі кезде ЖРВИ-ге коронавирус қосылып кетеді деген қауіп бар. Ал 15 қыркүйек пен 15 қазан аралығында тұмауға қарсы вакцинация жүреді. Осылайша, әлеуметтік осал топтарды және&nbsp; балаларды тұмаудан қорғай аламыз. Ал, ең бастысы, тұмауға коронавирустың қосылуына жол бермейміз”, – деді Цой орталық коммуникациялар қызметінде өткен онлайн брифингте.
</blockquote>
Министрдің айтуынша, жаңа оқу жылы басталғалы бері коронавирустық инфекцияның инкубациялық кезеңі, яғни 14 күн де өткен жоқ. Оған қоса, ЖРВИ пен тұмау маусымы жақындап келеді. Сол себепті бірінші тоқсанда қашықтан оқыту форматын сақтауға қатысты ұсыныс бар.&nbsp;
<blockquote>
 “Біз бірінші тоқсанды осы форматта сақтауды ұсынып отырмыз. Одан кейін ұжымдарда ауруды жұқтыруы көрсеткішіне қарай осы мәселені ведомствоаралық комиссияның қарауына шығарып, тағы қосымша қарайтын боламыз”, – деп атап көрсетті Цой.
</blockquote>
Оның сөзіне қарағанда, негізгі мақсат – коронавирустық инфекцияның екінші толқынына жол бермеу. Қашықтан оқыту шарасы да осы мақсатта қолға алынды.&nbsp;
<blockquote>
 “Қазіргі кезде біз жеңілдету шараларын қарастырып жатырмыз. Бірақ бұның бәрі кезең-кезеңімен жасалатын болады”, – дейді Цой.
</blockquote>

Денсаулық министрі қашықтан білім беру қай уақытқа дейін созылатынын айтты

<a href="http://kyzylorda-news.kz">Kyzylorda-news.kz.</a> Қашықтан білім беретін мұғалімді мектепке келуге қыстау – дұрыс емес. Бұл туралы ҚР Білім және ғылым вице-министрі Шолпан Каринова айтты, деп хабарлайды <a href="https://lenta.inform.kz/kz/kashyktan-bilim-beru-mugalim-mektepke-keluge-mindetti-me_a3692698">ҚазАқпарат</a>.
Орталық коммуникациялар қызметіндегі баспасөз мәслихатында БАҚ өкілдері вице-министрден Алматы мен Шымкент қалаларының кейбір мектептерінде сабақты онлайн өткізетін мұғалімдерге таңертең сағат 9.00-де және кешкі сағат 17.00-де мектепке келіп белгілену міндеттелгені туралы ақпарат барын айтып, мұның қаншалықты орынды екендігін сұрады.
<blockquote>
 «Алматы мен Шымкент қалаларында мұндай фактілер орын алса, онда біз оларды жеке-жеке қарастырамыз. Жалпы, министрлік оқу процесіне қатысты нақты әдістемелік ұстанымдарды барлық білім мекемелеріне жеткізген болатын. Соған байланысты мұғалімдер қазіргі санитарлық-эпидемиологиялық ахуалды ескеріп, өз қалауымен сабақты мектепке келіп жүргізуіне де, үйде де жүргізуіне болады. Барлық мектепте интернет желісі жақсы қалыптасқан. Компьютерлер де жеткілікті. Кейбір мұғалімдер сабағын мектепке келіп өткізсем дейді. Бұл, мұғалімнің бұрыннан үйренген дәстүрлі форматы», – деді вице-министр баспасөз мәслихатында.
</blockquote>
Оның айтуынша, қашықтан сабақты мектепте өткізуді қалаған ұстазға білім мекемесінің әкімшілігі қажетті барлық жағдайды жасап беруге міндетті.
<blockquote>
 «Ал әкімшілік тарапынан мұғалімді мектепке келуге қыстау – дұрыс емес. Мұғалімдер өз таңдауымен жұмыс істеуі тиіс», – деді Шолпан Каринова.
</blockquote>

Қашықтан білім беру: Мұғалім мектепке келуге міндетті ме?

<a href="https://kyzylorda-news.kz/">Kyzylorda-news.kz.</a> Қызылорда облысында дарынды балаларды демеу шаралары жаңа деңгейде дамиды. Талапты, инновациялық идеяларға құмар, жанашыл озық жобаларды жүзеге асыратын жас өнертапқыш жастардың жобалары аймақта іске асатын болады. Бұл туралы Өңірлік коммуникациялар қызметінің ақпараттық алаңында облыстық білім басқармасының басшысы Ақзира Қасымова мәлімдеді
<blockquote>
 “Қазір білім берудің парадигмасына сай оқушылардың оқу сауаттылығын арттыру басты талап. Яғни мектеп жасындағы балалардың алған білімін өмірде қолдану қажеттілігі басты орынға шығып отыр. Мұны біз функционалдық сауаттылық дейміз. Жаңартылған білім беру мазмұнына көшудегі басты мақсатымыз да осы”, – дейді басқарма басшысы.
</blockquote>
Жаңартылған білім беру мазмұнына көшу 2016 жылдан 1-сыныптардан басталса, биыл 11 сыныптармен толық аяқтайды. Оқушылардың білімін арттыру, алған білімінің нәтижесін анализдеу халықаралық көрсеткіштер арқылы көрініп отырады.
<blockquote>
 “Білім алушылардың функционалдық сауаттылық деңгейін бағалайтын PISA, TIMSS, PIRLS, IСІLS халықаралық зерттеулеріне облыс оқушылары 2012 жылдан қатысып келеді. Қазақстан Республикасының Тұңғыш Президенті Нұрсұлтан Назарбаевтың «Елбасы» қорының бастамасымен жас таланттар мен көшбасшыларды қолдау мақсатындағы «Ел үміті» жобасы өз жұмысын бастап кетті. Жоба бойынша «Мың бала» олимпиадасына біздің аймақтан 256 бала қатысып, оның 75-сі жеңімпаз атанды. Жеңімпаз оқушылар мамандандырылған мектептерге оқуға жолдама алады. Биылдан бастап Назарбаев зияткерлік мектебімен бірлесіп «Ауыл мектебі» пилоттық жобасы іске асуда. Қазір біз Жаңақорған, Сырдария аудандары мен Қызылорда қаласындағы ауыл мектептерінде жүргізілді”,- деді Ақзира Қасымова
</blockquote>
<img src="https://kyzylorda-news.kz/wp-content/uploads/2020/09/119021407_1109980269397484_397151402895254694_o.jpg" alt="" />

Қызылорда: Жаңа оқу жылындағы жаңалықтар қандай?

<a href="https://kyzylorda-news.kz/date/2020/09/08/">Kyzylorda-news.kz.</a> Қызылорда қаласы Назарбаев Зияткерлік мектебінің 8-сынып оқушысы Нұрдәулет Таңатов «Халықаралық гроссмейстер Дәрмен Садвакасов кубогы» атты республикалық шахмат турнирінде жүлделі екінші орынға ие болды.
Нұрдәулетпен бірге онлайн-турнирге 900-ге жуық мықты қазақстандық шахматшылар қатысты. Қатысушылар 10, 14 және 18 жас ерекшеліктері бойынша өзара сайысты. Қызылордалық зияткер орта санатта бірқатар мықты қарсыластарды жеңіп, тек бір қатысушыға есе жіберіп, ойын кестесінде екінші орынға шықты.
<blockquote>
 “Шахмат ойлау дағдысын арттырып, есте сақтау қабілетін және логикалық ойлауды дамытады. Бұл спорттағы кумирім – норвегиялық шахматшы, әлем чемпионы Магнус Карлсен. Оның ойын техникасы мен стилі қызықтырады. Шахматтың барлық түрлеріндегі қол жеткізген жетістіктері оны әмбебап ойыншы екенін байқатады. Әсіресе қарсыластың психологиясын өткір сезе білу қабілеті ұнайды”, – дейді Нұрдәулет.
</blockquote>
Жас спортшыны шахмат тақтасымен 6 жасында үйдегі үлкендер таныстырған екен. Отбасылық ойындар Нұрдәулеттің шахматқа деген қызығушылығын артырып, кәсіби деңгейде үйренуге септігін тигізді. Бүгінде Нұрдәулеттің қоржыны облыстық, республикалық және халықаралық дәрежедегі көптеген медальдарға толы.
<blockquote>
 «Менің шахматтық мансабымдағы ең үлкен жетістігім – Astana Open 2019 халықаралық шахмат фестиваліндегі қола медалім. Бұл жарыста Швейция, Бельгия, Беларусь, Моңғолия және басқа да елдердің 628 спортшымен ой жарыстыру мүмкіндігі бұйырды. Әрбір жарыс – мен үшін өзімнің қабілеттерімді ашатын, жаңа білім мен тәжірибе жинақтайтын сабақ», – деп бөлісті естеліктерімен Нұрдәулет.
</blockquote>
<img src="https://kyzylorda-news.kz/wp-content/uploads/2020/09/119040034_2621462254850359_2944749256828699873_o.jpg" alt="" />

Қызылордалық оқушы республикалық шахмат турнирінде жеңімпаз атанды

<a href="https://kyzylorda-news.kz/date/2020/09/07/">Kyzylorda-news.kz.</a> Жоғары оқу орнындарына жергілікті атқарушы органдардың білім грантына өтініштерді қабылдау ертең аяқталады. Бұл туралы ҚР БҒМ Жоғары және жоғары оқу орнынан кейінгі білім беру департаментінің директоры Әділет Тойбаев айтты, деп хабарлайды <a href="https://lenta.inform.kz/kz/akimderdin-bilim-grantyna-otinish-kabyldau-erten-ayaktalady-kr-bgm_a3691756">ҚазАқпарат</a>.
<blockquote>
 «Білім және ғылым министрлігі тарапынан белгілі бір көлемде әртүрлі бағыт бойынша грант бөлінеді. Әртүрі жергілікті атқарушы органдар атынан да гранттар бөлініп жатыр. Осы гранттарға конкурсқа бүгін және ертең өтініштер өткізуге болады. Жоғары оқу орындарында өтініштерді виртуалды қабылдау комиссиялары бар. Олар әлі жұмыс істеп жатыр. Осы вируталды комиссиялар арқылы белгілі бір әкімдіктің грантына өтініш беруге болады. Оларды қабылдау ертең кешке дейін жалғасады», – деді ол.
</blockquote>
Сонымен қатар департамент басшысы ертеңнен бастап 2020-2021 оқу жылына арналған магистратура грантын ұтып алған үміткерлер жоғары оқу орнына барып,&nbsp;құжаттарын өткізу керектігін айтты.
<blockquote>
 «Сонымен қатар ЖОО-ға бармай-ақ виртуалды комиссиялар арқылы өткізуге болады.Жалпы, магистранттарға оқу жылы коронавирус індетіне байланысты 14 қыркүйектен басталады. Демек, келесі дүйсенбіден бастап барлық сабақ басталады және қашықтан оқыту технологиясы негізінде жүргізіледі. Тек техникалық бағыттардың зертханалық дәрістері аралас форматында болады. Бірақ, ол қазан айынан басталады», – деді Әділет Тойбаев.
</blockquote>

Әкімдердің білім грантына өтініш қабылдау ертең аяқталады

Kyzylorda-news.kz. ХХІ &nbsp;ғасыр &nbsp;– &nbsp;бұл &nbsp;ақпараттық &nbsp;қоғам &nbsp;дәуірі, &nbsp;технологиялық &nbsp;мәдениет &nbsp;дәуірі, &nbsp;кәсіби &nbsp;мәдениеттілікті, &nbsp;терең &nbsp;білім &nbsp;мен &nbsp;ізденісті &nbsp;талап &nbsp;ететін &nbsp;дәуір&nbsp; екендігі&nbsp; сөзсіз.
&nbsp; Жаңа әлемдегі жаңа Қазақстан үшін ең негізгі басымдықтың бірі – білім. Білім ғылымның іргетасы және мемлекет дамуының алтын арқауы. 2020-2021 жаңа оқу жылының қашықтан басталуы білім саласына айтарлықтай жаңашылдықтар енгізді.
Бүгінгі күні білім&nbsp;беру үрдісін ақпараттандыру – жаңа&nbsp;ақпараттық технологияларды пайдалану арқылы дамыта оқыту,&nbsp; оқу – тәрбие&nbsp; үрдісінің &nbsp;барлық&nbsp; деңгейлерінің&nbsp; &nbsp;сапасын&nbsp; жоғарылататыны сөзсіз.
Жаңа оқу жылында онлайн білім алуды іске асыру шеңберінде Қызылорда облысының білім басқармасына білім алушыларды компьютерлер, ноутбуктар және планшеттермен қамтамасыз ету үшін Қазақстан Республикасы Үкіметінің резерві есебінен 22870 дана құрылғы алу үшін 3&nbsp;456,4 млн. теңгеге бөлінді, аталған қаражат 3706 бірлік компьютер, 14362 бірлік ноутбук және 4802 планшет сатып алуға бөлінген.
Сатып алынатын техникалардың сапалы болуы мен бөлінген қаражаттың тиімді игерілуін&nbsp; қамтамасыз ету мақсатында өңірімізде ведомствоаралық жұмысшы топ құрылды.
Жұмысшы топ жетекшісі Қызылорда облысы әкімінің орынбасары&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; &nbsp;Н. Байқадамов, топ мүшелері: «Ақмешіт адалдық алаңы» жобалық кеңсесінің жетекшісі Ж.Тұсмағамбетов, облыстық арнайы мониторингтік топ жетекшісі Л.Бақтыбаева, қоғам белсенділер және облыстық басқарма мен қалалық, аудандық білім бөлімдерінің басшылары.
Жұмысшы топ жаңа оқу жылының басталуына дейін тамыз айында бірнеше отырыс өткізіп, компьютерлік құрылғылардың техникалық ерекшеліктері, сатып алу жолдары мен мезімдері талқыланды. Жұмысшы топтың шешімі бойынша білім алуышыларға берілетін техникалық құрал жабдықтарды өңірімізге тасымалдайтын өнім беруші анықталып, мемлекеттік сатып алу жұмыстары жүргізілуде.
Білімнің заман талабына сай және сапалы болуы барлығымыздың ортақ міндетіміз!
Жандос ТҰСМАҒАМБЕТОВ,
«Ақмешіт-Адалдық алаңы» жобалық кеңсесінің жетекшісі.
<img src="https://kyzylorda-news.kz/wp-content/uploads/2020/09/117819857_800386087402719_2457534825879274762_n.jpg" alt="" />

Жандос Тұсмағамбетов: Өңірдегі білім сапасы бақылауда

<a href="https://kyzylorda-news.kz/date/2020/09/07/">Kyzylorda-news.kz</a>. Ел президенті Қасым-Жомарт Тоқаевтың «Жаңа жағдайдағы Қазақстан:іс-қимыл кезеңі» деген тақырыппен халыққа жолдаған Жолдауы өте маңызды, ең өзекті мәселелер жүйелі қамтылған.
«Ынтымақтың түбі-игілік» демекші еліміздегі етек алған зор қауіпті жою үшін ынтымақтаса отырып, сын сағатта халқымыз жұдырықтай жұмылып жұмыс жасауымыз қажет. Індетке қарсы күрес дана халқымызға тән құнды қасиеттердің арқасында жүзеге асуда. «Ынтымақ жүрген жерде, ырыс бірге жүреді». Ендеше,өзгеге қол ұшын беріп, тілеуін тілеу, көмектесу, тосыннан болған кеселге қарсы тұра білу де маңызды. Бұл-адами құндылықтың ең жоғарғы көрінісі болып табылады.
Қазақстан жаңа әлемде өзінің қандай орында екенін көрсетуі тиіс. Ол үшін қандай да бір өзгерістерді өлшеу және одан қорытынды шығара білу қажет. Жетістік шегін кеңейту және әлемдік стандарттар деңгейінен шыға білуіміз керектігін әрбір қазақстандық білуі тиіс-ақ.
Тұңғыш президентіміз Н.Ә.Назарбаевтың көреген саясатының арқасында экономикамыз жақсы дамыды, әлемдік аренада үлкен беделге ие болдық. «Ұлы мақсаттарды өзінің алдына ұлы халық қана қоя алады» деп Елбасы Н.Ә.Назарбаев айтқандай жаңа белестерге ілесе білу,саясаттан ауытқымау- мақсатыңа жетудегі бірден –бір жетекші күш.
Жолдаудағы Қолжетімді әрі сапалы білім туралы ерекше айтылған жайттар да назардан тыс қалған жоқ. Мектеп- тектіліктің іргетасы. Коронавирус індетінің салдарынан дүние жүзіндегі білім алушылардың басым көпшілігі қашықтан оқуға көшті. Демек, жұмыстың тәсілі мен мазмұнында түбегейлі өзгеріс болып жатыр .Сондықтан, қазіргі таңда білім жүйесі санитарлық талаптарды сақтай отырып, білім алудың тиімді тәсілдерін қарастыруға да ерекше көңіл бөліп отыр.
Білім саласындағы басты мәселенің бірі- ұстаздар жалақысының 2021 жылдың қаңтар айынан бастап, 25 пайызға көбейту жөніндегі шешімі де Елбасының ұстаздар еңбегіне деген құрметпен қарай отырып, оң шешім қабылдауы құптарлық жайт.
Ұлттың жан болмысы туралы бөлімінде халқымыздың жаңа болмысын қалыптастыру,тұтас ұлт сапасын арттыру туралы басымдыққа көбірек тоқталған. Халқымыздың әлем үлгі тұтарлық жақсы , асыл қасиеттерінің көбірек болғанын қалайтыны жүрекке жылылық ұялата түседі. Шоқан Уәлихановтың «Тек ақиқат білім ғана күдік туғызбайды, ол өмірді бағалауға, тұрмыс құруға үйретеді» деген сөздің астарында қаншама ой жатыр. Олай болса, білімді болу үшін оқу керек. Бұл көзқарас қазіргі кезде өте маңызды.
Жиырма бірінші ғасырдың ұрпағы сауатты, терең білімді болуы шарт.Сол білімді ұрпақты ерінбей тәрбиелеу, бейімдеу –ұстаздардың қолында.Кәсіби дағды қалыптастыра отырып, жауапкершілікті арттыра білуіміз қажет. Қай істе де әділдікке жүгінсек, ол қоғамның алға басуының маңызды шарты болып табылады. Бәсекеге қабілетті мемлекет, зияткер ұлт қалыптастыру үшін адалдық, тазалық, тиянақтылық, ұқыптылық сынды құндылықтарды нағыз қазақ ұрпағының бойынан көруіміз үшін аянбай үлес қосуымыз керек деп ойлаймын.
Ұрпақты жат әдеттерден аулақ етіп, жақсы әдептерді бойға сіңірту- біздің жауапкершілігімізде. 
Елімізде «Жауапты мемлекет- жауапты адам» жүйесі берік орнығуы үшін бірлесіп, кеңесе отырып, әрбір адамның жауаптылығын арттыра білуге жұмыс жасау маңызды. Еліміздің болашағы жолында зор жауапкершілікті дұрыс сезініп, әрбір іске сыни тұрғыдан қарап, бағамдай білу –сіз бен біздің қолымызда. «Бірлік-баға жетпес басты байлығымыз» деп Н.Ә.Назарбаев айтқандай біз барлық қиындықты артқа тастап, өз мақсатымызға жетеміз деп ойлаймын.
Еліміздің жарқын болашағы үшін бар күш жігерімізді салып, аянбай жұмыс жасауға шақырамын.
Бағила ЕСЕНБАЕВА,
Арал ауданы, Қызылжар ауылы №81 орта мектептің директоры
<img src="https://kyzylorda-news.kz/wp-content/uploads/2020/09/118889243_395308821433199_595914042379802498_o.jpg" alt="" />

Бағила Есенбаева: Жолдау – білімнің жаңа көкжиегіне жетелейді

<a href="https://kyzylorda-news.kz/">Kyzylorda-news.kz.</a> Ұлттық тестілеу орталығының директоры Дидар Смағұлов әлеуметтік желідегі парақшасында қосымша гранттар тағайындалатынын мәлімдеді.
Оның айтуынша, орталық 15 қазанға дейін тағы 4000-нан астам отбасыны қуантпақ.
<blockquote>
 “Оларға үкімет қаулысы шыққаннан кейін қосымша гранттар тағайындалады. Педагогикалық ғылымдар, АКТ, инженерлік, өңдеу мен құрылыс салалары, ауыл шаруашылығы және биоресурстар мамандықтары қамтылады!”, – деп&nbsp;<a href="https://www.facebook.com/photo?fbid=3173065446075486&set=a.494896537225737">жазды</a>&nbsp;Смағұлов.
</blockquote>

Қазақстанда 4 мыңнан астам қосымша грант тағайындалады

<a href="https://kyzylorda-news.kz/">Kyzylorda-news.kz.</a> Жаңа оқу жылында Сыр еліндегі 58 мектеп жан басына қаржыландыру тәртібі бойынша жұмысты бастап кетті. Яғни әрбір мектепке бала санына қаржы бөлінеді. Бұл туралы Қызылорда облыстық білім басқармасының басшысы Ақзира Қасымова мәлімдеді.
<blockquote>
 “1 қыркүйектен бастап, Арал ауданынан – 9 мектеп, Қазалыдан – 3, Байқоңыр қаласынан – 5, Қызылорда қаласынан – 41, барлығы 58 қалалық мектептер жан басына шаққандағы қаржыландыруға көшуде. Бұл қаржыландырудың жаңа талабы мектеп арасында өзара бәсекелестік туындатып, материалдық базаны нығайтуға жұмсалатын қаржыны, бала санына сәйкес біркелкі бөлінуіне ықпал жасайтын болады”,-деді Ақзира Қасымова.
</blockquote>
Бала санына қарай қаржы бөліну тетігі директорлардың жұмысын жаңа деңгейге шығарады. Бұл ретте мектеп басшысы жаңа білім беру мазмұнын дамытудың жолдарына қарай жұмысты үйлестіріп, оқушылардың жетістігі мен мұғалімдерді қолдау бағытын күшейтеді.
Айта кетейік, жаңа оқу жылында балаларға патриоттық тәрбие беруде «Құңдылықтарға негізделген білім беру» жобасы енгізіліледі. Сонымен бірге 53 мектепке факультатив негізінде домбыры сағаттары бөлінеді.

Қызылордада 58 мектеп жан басына қаржыландыру тәртібіне өтті

<a href="https://kyzylorda-news.kz/date/2020/09/03/">Kyzylorda-news.kz.</a> Қызылорда қаласындағы &nbsp;ЗК-169/5 мекемесінде &nbsp;онлайн режимінде шара өтті. Мекемедегі сотталғандар арасында кәсіптік маман иесі атанғысы келген 75 азамат 2020-2021 оқу жылына үш мамандық бойынша (ағаш ұстасы, тігінші, газэлектрдәнекерлеуші)&nbsp; өтініш білдірген болатын.
Осы азаматтарға &nbsp;М.Ықсанов атындағы «Қызылорда құрылыс және бизнес» және «Қызмет көрсету және сервис» колледжінің&nbsp; оқытушылары алғашқы дәрісті&nbsp; онлайн түрде өткізді. Сотталған азаматтарды жаңа оқу жылымен құттықтаған&nbsp;&nbsp; колледж оқытушылары білім алушыларға сәттілік тіледі.
Алдағы уақытта осы азаматтар&nbsp; бекітілген сабақ кестесіне сәйкес, интернет желісі қосылған&nbsp;&nbsp; арнайы кабинетте онлайн режимінде білім алады.

Қазақстан және Қызылорда облысының жаңалықтары: Білім