<a href="https://kyzylorda-news.kz/">Kyzylorda-news.kz.</a> «Болашақ» Ғылыми-зерттеу институты жанындағы әлеуметтік-экономикалық және саяси зерттеулер орталығы 2014 жылы құрылған болатын. Орталықты Қызылорда «Болашақ» университетінің «Жалпы білім беру және құқық», «Экономика, аудит, бизнес және басқару» кафедраларының ғалымдары құрайды.
Университет құрылтайшысының қаржыландыруымен бірнеше ғылыми-зерттеу жобаларын жүзеге асырып келеді. Қазіргі таңда заң ғылымдарының кандидаты Г.И.Арғынбекованың жетекшілігімен «Құқықтық мәдениетті арттыру және мемлекеттіліктің негіз қалаушы құндылықтарын құрметтеуді қалыптастыру», «Қазақ қоғамындағы билер сот төрелігінің заманауи сот жүйесіндегі жүзеге асуы», экономика ғылымдарының кандидаты А.Т. Райымбекованың жетекшілігімен «Қазақстан экономикасына жаһандық қаржы-экономикалық дағдарыстың ықпалы» сынды жобалар орындалып жатыр. Жұмыс нәтижелері отандық және шетелдік ғылыми журналдарда, халықаралық ғылыми-тәжірибелік конференция материалдарында сыннан өтуде.
Ғылыми-зерттеу инстутының директоры, әрі орталық жетекшісі, саяси ғылымдарының кандидаты, қауымдастырылған профессор М.Ө. Насимовтың жетекшілігімен «Саяси жарнаманың Қазақстан Республикасында дамуы (2008 жылдан бастап бүгінгі күнге дейін)», «Сананы жаңғырту бағыттарының мәні, мазмұны және түсініктері» тақырыптары бойынша ғылыми-зерттеулер жүргізілуде. «Сананы жаңғырту бағыттарының мәні, мазмұны және түсініктері» ғылыми-зерттеу жобасы аясында осы уақытқа дейін 31 еңбек жарық көрді. Атап айтар болсақ, 1 монография (9 баспа табақ); «Скопус» базасындағы журналда 3 мақала; ҚР БҒМ Білім және ғылым сапасын қамтамасыз ету комитеті тізіміндегі журналдарда 18 мақала; шет елдік халықаралық журналдарда 2 мақала; отандық журналдарда 3; халықаралық және республикалық ғылыми-тәжірибелік конференция материалдарында 4 баяндама.
2017 жылы «Болашаққа бағдар: рухани жаңғыру» бағдарламалық мақаласында айқындалған сананы жаңғыртудың бағыттарын жүйелендіру үшін жазылған монография жарық көрді. Бүгінде аталмыш монография үлкен сұранысқа иеленіп отыр. Бұл еңбек 2017 жылдан бастап ғылыми сілтемелердің Ресейлік индексі (РИНЦ) базасында индекстеле бастады. 2020-21 оқу жылынан бастап орталық «Рухани жаңғыру: қоғамдық сана мен тарихи сананы жаңғырту» пәнін әзірлеп, оқу процесіне енгізді. Алдағы уақытта аталмыш пәннің оқу құралын жарыққа шығару жоспарланып отыр.
Орталық 2014 жылдан бастап тұрақты түрде чехиялық «Sociosféra-CZ» Ғылыми-баспа орталығымен бірлесе отырып екі Халықаралық ғылыми-тәжірибелік конференция ұйымдастырып келеді. Екі конференцияның зерттеу ауқымы өте кең және өзекті:&nbsp; «Заманауи шарттардағы тәрбиенің мақсаттары, міндеттері және құндылықтары»; «Адам мен қоғам қауіпсіздігі әлеуметтік-гуманитарлық ғылымдардың мәселесі ретінде». Жоғарыда аталған конференциялар осы жылы 7 рет ұйымдастырылғалы жатыр.
Орталық Ресейдің «Молодой ученый» баспасымен тығыз байланыс орнатқан. Осы уақытқа дейін «Молодой ученый» журналының 30 арнайы нөмірі жарық көрді. Арнайы нөмірдің алғашқы нөмірлерінен бастап қазақ тіліндегі зерттеулердің жариялануына ұйытқы бола білдік. Сонымен қатар баспамен бірлесе отырып 6 рет «Қазіргі ғылым және инновациялар» атты Халықаралық конференциялар ұйымдастырылды.
Орталық түрлі семинарлар ұйымдастыру бойынша да жұмыстар жүргізуде. Осы уақытқа дейін «Scopus базасындағы журналдарға мақала дайындау және жариялау», «Өнертабыс бойынша Қазақстан Республикасының патентін алудың талаптары» және «Ғылыми мақаладағы талдау әдістерінің құпиялары (Scopus базасы журналдарының мысалында)» тақырыптары бойынша оқыту семинарлары өткізілді.
Әлеуметтік-экономикалық және саяси зерттеулер орталығы алдағы уақытта да осы бағыттар бойынша жұмыстарын жалғастыра беретін болады. Ол үшін орталық мүшелерінің әлеуетін көтеру басымдығы белгіленіп отыр.
Мұрат НАСИМОВ,
Қызылорда «Болашақ» университетінің профессоры,
саяси ғылымдарының кандидаты, қауымдастырылған профессор.

«Болашақ» университетіндегі саяси зерттеулер орталығы немен айналысады?

<a href="https://kyzylorda-news.kz/">Kyzylorda-news.kz.</a> Тәуелсіздік мерекесінде облыстық білім басқармасының бастамасымен үздік 10 ұстазға 300 айлық есептік көрсеткіш мөлшерінде яғни, 800 мың теңгеден астам сыйақы беріледі. Ал осы аптадағы мұғалімдердің кәсіби мерекесі онлайн форматта атылып өтіледі.
<blockquote>
 «Биыл мұғалімдер күнін онлайн форматта атап өтіледі. Кәсіби мерекеге арналған арнайы іс-шаралар жоспары бекітілді. Облыс әкімінің қатысуымен үздік ұстаздар марапатталады. Қаланың орталығы мен ірі көшелеріне республикаға белгілі, облысқа танымал ұстаздың бейнелері белгіленген билборд ілінеді. Кәсіби мерекеде ардагер ұстаздарға почта арқылы арнайы құттықтау хаттар жөнелтілді. Ұстаздар күніне арналған фейсбук әлеуметтік желісінде “Құрметке лайық” арнайы челленджі бастау алды. Қазір әрбір аудан, қала көлеміндегі ұстаздардың жетістіктері мен ерекшеліктері туралы видеороликтер, постерлер салынуда. Сонымен бірге оқушылардың, түлектердің ардагер ұстаздарға арналған “Шәкірттер құттықтайды” акциясы да ұйымдастырылуда. Тәуелсіздік күні мерекесінде үздік ұстаздарға арнайы «Қызылорда облысының білім беру саласын дамытуға сіңірген еңбегі үшін» төсбелгісі беріледі. 10 ұстазға қаржылай сыйақы табысталады. Бұл мұғалімдердің мәртебесін арттыру бағытындағы жұмыстарымыздың бір парасы», – деді облыстық білім басқармасының басшысы Ақзира Қасымова.
</blockquote>
<img src="https://kyzylorda-news.kz/wp-content/uploads/2020/10/120619949_1128773034184874_8739715368733282682_o.jpg" alt="" />
Жыл сайын республикалық «Үздік педагог» байқауы ұйымдастырылып, Сыр өңірінен ең мықты ұстаздары марапатталуда. 2012 жылдан бері Сыр елінің 18 ұстазы «Үздік педагог» мәртебесін иеленіп, қаржылай сыйақы иемденді. Биыл 1 ұстаз «Үздік педагог» жеңімпазы атанып, Сыр елінің мәртебесін көтеруде.

Қызылорда: Үздік 10 ұстазға 800 мың теңге сыйақы беріледі

<a href="https://kyzylorda-news.kz/date/2020/09/30/">Kyzylorda-news.kz.</a> Қызылорда қаласында мұғалімдер күніне арналған “Ұстаз, Сіз құрметке лайықсыз” тақырыбында мерекелік шара өтті.
Жиында облыстық білім басқармасының басшысы Ақзира Қасымова мен облыстық білім және ғылым қызметкерлері кәсіподақ комитетінің төрайымы Гүлнар Есқалива бірқатар мұғалімдерді марапаттап, мерекелерімен құттықтады.
Ұстаздар күні мерекесімен тұспа тұс келген қарттар күні мерекесіне орай 75 жас мерейтой иесі №171 орта мектептің ардагер ұстазы Мадина Әліпбаева марапатталды. Сонымен қатар, қалалық білім жанындағы ұстаз ардагерлер кеңесінің төрағасы Мылтықбай Баймбетов және белсенді кәсіподақ төрағалары “Құрмет грамотасын” иеленді.
Шәкірт тәрбиелеудегі өлшеусіз еңбектері үшін бірқатар ұстаздар облыстық білім басқармасы мен кәсіподақ комитетінің бірлескен “Құрмет грамотасының” ие болды.
Сонымен қатар 2019-2020 оқу жылының 153 “Алтын белгі” иегерлерінің 89 алғашқы ұстаздарына “Бір көлік” шипажайына жолдама берілді.
<img src="https://kyzylorda-news.kz/wp-content/uploads/2020/09/120464636_132665921899854_3658970123829516806_o.jpg" alt="" />

Қызылорда: &#8220;Алтын белгі&#8221; иегерлерінің алғашқы ұстаздары шипажайға жолдама алды

<a href="https://kyzylorda-news.kz/date/2020/09/30/">Kyzylorda-news.kz.</a> Мәжіліс депутаттары білім беру мәселелері бойынша кейбір заңнамалық актілерге өзгерістер мен толықтырулар енгізу туралы заң жобасын бірінші оқылымда мақұлдады, деп хабарлайды&nbsp;<a href="https://sputniknews.kz/">Sputnik Қазақстан</a>.
<h3 id="">Қосарлы оқыту және грантты өтеу</h3>
Депутат Әбдіманап Бектұрғановтың айтуынша, заң жобасы аясында бірнеше өзекті мәселені шешу жоспарланып отыр. Мәселен, бүгінде қосарлы оқытуға (дуальное обучение) қатысты құқықтық коллизия бар. Еңбек кодексінде қосарлы оқыту жүйесімен білім алатындардың өндірістік оқу мен кәсіби іс-тәжірибеден өту уақыты еңбек өтілі ретінде есептеледі. Алайда тура осы кодексте еңбек өтілін растайтын құжаттар тізбесінде қосарлы оқыту туралы келісімшарт көрсетілмеген.
<blockquote>
 “Іс жүзінде осы коллизияға байланысты жұмыс берушілер қосарлы оқыту шарты негізінде өндірістік оқыту мен кәсіптік практикадан өту кезеңін есепке алмай отырады”, – дейді Бектұрғанов.
</blockquote>
Бұдан бөлек, жаңа заң жобасы аясында техникалық және кәсіптік мамандарды даярлауға мемлекеттік тапсырыс беру қағидаларын бекіту жоспарланған. Атап айтқанда, мемлекеттік тапсырыс жұмыспен қамту органдары мен кәсіпкерлік палаталарының ұсыныстары негізінде жасалады. Ал, ең бастысы, әрбір өңірдің еңбек нарығындағы сұраныс ескерілуі шарт.
<blockquote>
 “Ал жоғары оқу орындарына берілетін мемлекеттік тапсырыста оқу ұзақтығына қарай кәсіби түрде еңбекпен өтеу мерзімін белгілеу ұсынылады. Осылайша, мемлекеттік тапсырыс бойынша білім алған азаматтар бүкіл кезеңде барлық үш жылды да жұмыспен өтейтін болады. Ал басында ақылы негізде оқып, артынан грантқа ауысқандар, я болмаса, керісінше, алдымен грантта, одан кейін ақылы жүйеге ауысып кеткендер пропорционалды түрде өтейді”, – деп түсіндірді Бектұрғанов.
</blockquote>
Айта кетейік, Қазақстанда педагогикалық, медициналық, малдәрігерлік және ауыл шаруашылығы мамандықтарының түлектеріне арналған грантты өтеу талабы бұрыннан бар. Өтеу мерзімі – оқу бітіргеннен кейін кемінде 3 жыл. &nbsp;&nbsp;
<h3 id="-1">Мектептің жарғысы өзгереді</h3>
Сондай-ақ, заң жобасы бойынша базалық білімді тексеруге арналған “Білім беру жетістіктерінің мониторингі” атты білімді сырттай бағалаудың жаңа моделін енгізу ұсынылып отыр.
<blockquote>
 “Халықаралық тәржірибені ескере отырып, білім беру ұйымдарын сыртқы бағалау тетігі жетілдіріледі. Бұл білім алушылардың білім сапасын арттыруға мүмкіндік береді”, – дейді Бектұрғанов.
</blockquote>
Тағы бір түзетуге сәйкес, қосымша білім беру ұйымдарына да мемлекеттік тапсырысты орналастыру жоспарланған. Соның арқасында қосымша біліммен тегін қамтылатын балалардың саны артады. Ал мектептерде тыйым салынған заттардың тізімі енгізіледі.
Білім және ғылым вице-министрі Шолпан Каринованың айтуынша, бүгінде мектепке тыйым салынған заттарды әкелетіндер бар. Бірақ балалардың қалтасын ақтарып, тексеріп отыруға рұқсат жоқ. Ал жаңа заң аясында білім беру ұйымдарының жарғысына өзгеріс енгізіліп, тиісті нормалар жазылады.&nbsp;
<blockquote>
 “Әлеуметтік педагогтар мониторинг жасап, психологтармен бірге ондай балалармен тығыз жұмыс істейді”, – дейді Каринова.
</blockquote>

Білім заңнамасына өзгеріс енгізіледі – депутаттар заң жобасын мақұлдады

<a href="https://kyzylorda-news.kz/">Kyzylorda-news.kz.</a> Білім және ғылым министрлігі Қазақстанда мектеп оқушыларының күзгі каникулы жоспарға сәйкес басталатынын жария етті, деп хабарлайды <a href="https://lenta.inform.kz/kz/kazakstanda-mektep-okushylarynyn-kuzgi-kanikuly-zhosparga-saykes-bastalady_a3700277">ҚазАқпарат</a>.
Айта кетсек бұған дейін Ресей астанасы Мәскеуде мектеп оқушылары күзгі каникулға мерзімінен бұрын шығатыны хабарланған еді. Ізін ала әртүрлі мессенджерде ақпарат шығып, Қазақстанда да оқушылар каникулға&nbsp;<a href="https://www.inform.kz/kz/maskeude-okushylardyn-kuzgi-kanikuly-eki-aptaga-sozylady_a3700209">ерте шығатыны</a>&nbsp;жайлы мәлімет тараған болатын.
Білім және ғылым министрлігі Қазақстанда мектеп оқушылары үшін күзгі каникулға жоспарға сәйкес шығатынын хабарлайды. Нақтырақ айтқанда оқушылар күзгі каникулда – 5-14 қараша аралығында демалады.

Қазақстанда мектеп оқушыларының күзгі каникулы жоспарға сәйкес басталады

<a href="https://kyzylorda-news.kz/">Kyzylorda-news.kz.</a> Қала күніне орай Жаппасбай батыр көшесінде бой көтерген 600 орындық жаңа мектеп пайдалануға берілді.
Білім ұясы соңғы үлгіге сәйкес оқушылардың жарық та кең, жаңа технологиялармен жабдықталған сыныптарда сапалы білім алуына мүмкіндік жасайды. Сондай-ақ мектеп жанынан ерекше балаларға арналған арнайы орталық ашылатын болады. Жаңа білім ұясы 120 адамды жұмыспен қамтыған. Білім ұясының құрылысын «Ария-Жаңа Астана» ЖШС жүргізді. 43 мың 497 шаршы метр жерге орналасқан ғимараттың ауласының жалпы көлемі 8721,8 гектарды құрайды.
Биылғы жылы «Жұмыспен қамтудың 2020-2021 жылдарға арналған жол картасы» бағдарламасы аясында қаладағы №23, 43, 112, 173 мектептерінде және Белкөл кентіндегі «Балапан» балабақшасына күрделі жөндеу жұмыстары жүргізілді. Сонымен бірге, “Ауыл-Ел бесігі” бағдарламасы аясында қала іргесінде орналасқан Ақсуат ауылдық округіндегі №143 орта мектептің күрделі жөндеу жұмыстарына қаржы бөлініп, тиісті жұмыстар атқарылды. Бұдан бөлек, Халықаралық жобалар арқылы қайтарымсыз грант негізінде № 1, 4, 176 мектептерде жөндеуден өтті. Қала тұрғындарының сұранысына сәйкес, «Бәйтерек» шағын ауданынан 600 орындық жаңа мектептің құрылысы жүргізілуде. Саяхат мөлтек ауданы мен Е.Демесінов көшесінен жеке инвестор есебінен білім ұясын салу да қолға алынды.
<img src="https://kyzylorda-news.kz/wp-content/uploads/2020/09/fb_img_1601025684277.jpg" alt="" />
<img src="https://kyzylorda-news.kz/wp-content/uploads/2020/09/fb_img_1601025681860.jpg" alt="" />

Қызылорда: Қала күнінде жаңа мектеп пайдалануға берілді

<a href="https://kyzylorda-news.kz/date/2020/09/22/">Kyzylorda-news.kz</a>. Келесі жылдың жазынан бастап оқу жылының соңында студенттерден өткізуі тиіс кету қағазы талап етілмейтін болады. Бұл туралы Білім және ғылым вице-министрі Мирас Дәуленов мәлім етті, деп хабарлайды <a href="https://lenta.inform.kz/kz/studentterden-kursty-ayaktagan-kezde-otkizui-tiis-ketu-kagazy-talap-etilmeytin-bolady_a3697490">ҚазАқпарат.</a>
<blockquote>
 «Жоғары оқу орындары әр оқу жылы аяқталған кезде студенттерден кету қағазын талап ететіні белгілі. Кейбір ЖОО қазір бұл талапты цифрлық форматқа ауыстырып жатыр. Яғни, қазірдің өзінде кету қағазын қағаз жүзінде талап етпейтіндей негіз бар. Сол себепті әріптестерден (ЖОО-дағы) келесі жылдың жазынан бастап студенттерден есепшілердің, кітапхананың мөрі талап етілетін кету қағазын талап етпеуді өтінеміз», – деді Мирас Дәуленов Білім және ғылым министрлігінің аппараттық отырысында.
</blockquote>

Студенттерден курсты аяқтаған кезде өткізуі тиіс кету қағазы талап етілмейтін болады

<a href="https://kyzylorda-news.kz/date/2020/09/22/">Kyzylorda-news.kz</a>. Білім және ғылым министрлігі университеттерден ешқандай құжаттарды талап етпейді. Министрлік аппаратының отырысында Асхат Аймағамбетов осылай айтты, деп хабарлайды <a href="https://www.inform.kz/kz/kazakstan-prezidenti-buu-75-zhyldygyna-arnalgan-zhogary-dengeydegi-sharada-soz-soyledi_a3697253">ҚазАқпарат</a>.
<blockquote>
 «Әртүрлі реформалар жүзеге асырылып жатыр. Олар керек. Алайда соның ішінде ең басты мәселенің бірі – педагогтарға кедергі жасайтын есеп, жалақы және дербестік мәселесі. Біз мектептер бойынша арнйы бұйрықтар қабылдап, толтыратын нақты тізімді бекіттік. Мектептегі мәселе едәуір реттеліп қалды. Кезінде электронды күнделікті енгізген кезде де қаншама сұрақ туындаған. Бірақ цифрландыру бағытында біз алға жылжыдық», – деді Асхат Аймағамбетов министрліктің аппараттық отырысында.
</blockquote>
Асхат Аймағамбетовтың айтуынша, жоғары оқу орындарының педагогтарына қатысты қағазбастылық проблемасын шешу керек.
<blockquote>
 «Қазіргі уақытта біз академиялық және басқарушы құзыреттердің бәрін университеттерге беріп жатырмыз. Соның шеңберінде министрлік реттеп отырған әртүрлі құжаттың бәрін алып тастадық. 2 қыркүйек күні бұйрыққа қол қойып, оны Әділет министрлігіне тіркедік. Енді осы бұйрықтың шеңберінде жұмыс істеу керек. Білім және ғылым министрлігі университеттерден ешқандай құжаттарды талап етпейді», – деді ол.
</blockquote>
Министр ЖОО педагогтары қажетсіз жұмыстардың бәрінен босап, өз міндетімен айналысуы керектігін мәлім етті.
<blockquote>
 «Қазір миға сыймайтын есеп түрлері бар. Мойындау керек. Кәсіпті айқындау журналы, жұмысқа орналасқаны туралы анықтама талап етіледі. ЖОО-лардың бәрі демеймін, бірақ біразы әлі күнге дейін осы анықтаманы талап етіп жүр. Оның не керегі бар? Білім және ғылым министрлігіне ол құжат мүлде керек емес. Жұмысқа орналасу көрсеткішін біз басқа мемлекеттік органдардың электронды базасынан ала саламыз. Мәліметтер жетеді. Тіпті педагогтарға ойға сыймайтын талапты қоятындар бар. Әсіресе жазда кейбір ЖОО-лардағы педагогтардың жұмысы қаншама абитуриентті оқу орнына тарта алатынына байланысты бағаланады. Бұл тіпті нонсенс. Шын мәнінде педагог өз ісімен айналысуы керек», – деді ол.
</blockquote>

Асхат Аймағамбетов ЖОО басшыларына: Педагогтарды міндетінен тыс жұмысқа тартпаңыздар

<a href="https://kyzylorda-news.kz/">Kyzylorda-news.kz.</a> Сенат депутаты Мұхтар Құл-Мұхаммед қашықтан оқып жатқан оқушыларды тегін интернетпен қамтамасыз етуді талап етті, деп хабарлайды <a href="https://sputniknews.kz/society/20200917/14982170/oqushylar-tegin-internet.html">Sputnik Қазақстан</a>.
Ол қазіргі таңда Bilimland.kz, Daryn.online және Kundelik.kz негізгі білім беру платформалары екенін атап өтті. Әр мектеп қандай платформаны қолданатынын өзі шешеді. Бірақ, депутаттың айтуынша, барлық отандық білім платформаларына ортақ бір кемшілік бар: жұмыс істеу жылдамдығы төмен. Ата-аналар мен мұғалімдер тарапынан да осыған қатысты көп сын айтылуда.
<blockquote>
 _“Шетелдік онлайн ресурстар мен қосымшалар интернет-трафиктің дәл сондай көлемімен анағұрлым жылдам жұмыс істейді. Алматы қаласында оқудың бірінші күні-ақ Bilimland платформасына 70 мыңнан астам қолданушы қосылған сәтте, жүйе істен шықты. Цифрлық даму, инновациялар және аэроғарыш өнеркәсібі министрлігі ұялы байланыс операторымен бірлесіп іске қосқан “Білім” тарифі де белгілі бір сұрақтар туындатып отыр”, – деді Мұхтар Құл-Мұхаммед. 
 _
</blockquote>
Айтуынша, “Білім” тарифімен қазақстандық білім ресурстарына ғана шексіз кіруге болады. Ал шетелдік білім беру ресурстарына кіруге мүмкіндік беретін ай сайынғы 1 Гб қосымша интернет-трафик жеткіліксіз. Мәселен, видеобайланыстың стандартты сапасы кезінде және оған үш немесе одан да көп адам қатысатын болса, Zoom қосымшасы сағатына 810 Мегабайтты талап етеді. Ал гигабайт 1000 мегабайтқа тең.
<blockquote>
 “Қолданушылар осы лимиттен тыс интернет-трафикті өз қалтасынан төлеуге мәжбүр. Оқушылардың ата-аналары тариф аясында трафиктің көлемін ұлғайтуды сұрап отыр. Қашықтықтан оқыту жағдайында оқушыларды тегін интернетпен қамтамасыз ету азаматтардың мемлекеттік оқу орындарында тегін орта білім алуға конституциялық кепілдіктеріне байланысты негізделген болып табылады”, – деді Құл-Мұхаммед.
</blockquote>
Сенатор мәселенің балама шешімі ретінде ай сайынғы абоненттік төлем құнын аз ғана өсіре отырып, қосымша интернет-трафикті арттыру мәселесін қарастырған дұрыс деп санайды.

Сенатор үйден оқып жатқан оқушыларды тегін интернетпен қамтамасыз етуді талап етті

<a href="https://kyzylorda-news.kz/date/2020/09/15/">Kyzylorda-news.kz.</a> Білім және ғылым министрі Асхат Аймағамбетов ұлтық бірыңғай тестілеу кезінде қатаң тәртіп орнатудың нәтижесін жариялады.
Биыл алғаш рет тыйым салынған заттарға қатысты жаңа нормалар басшылыққа алынған болатын. Атап айтқанда, ондай заттармен ұсталғандар ғана емес, оны алып кіруге әрекет еткендер де емтиханға жіберілмеді.
<blockquote>
 “Бұрын металл іздегіш құралдар арқылы тексеру кезінде телефон табылса, оны алып қалатын едік, бірақ талапкер тестілеуге қатыса беретін. Мұндай ереже кезінде тәртіп бұзушылар саны еліміз бойынша 100-150 мыңнан асатын. Талапкер емтиханда телефонмен ұсталған күннің өзінде оны қолданып үлгергенін де дәлелдеу керек болған. Бұл жағдай ҰБТ-ны өткізу рәсіміне деген сенімсіздікке әкеп соқтырды”, – деп жазды Аймағамбетов әлеуметтік желідегі&nbsp;<a href="https://m.facebook.com/story.php?story_fbid=10217078808218614&id=1120704037">парақшасында</a>.
</blockquote>
Оның айтуынша, жаңа ереженің арқасында тыйым салынған заттарды емтиханға алып кіретіндедің саны 70 есеге азайған. 2019 жылы 128 мыңнан астам телефон табылса, 2020 жылы олардың саны 2 500-ге жуық болды. Барлығына қатысты қатаң шара қолданылды.
<blockquote>
 “Иә, ҰБТ-ның орташа ұпайы төмендеді, пайыздық мөлшерде шекті балл жинаған талапкерлердің саны едәуір азайды. Бұл – тестілеудің әділ өтуі үшін жасалған қадам”, – дейді Аймағамбетов.
</blockquote>
Биыл ҰБТ-ны өткізу ережелерін бұзғаны немесе жұмысты нашар ұйымдастырғаны үшін 20-дан астам комиссия мүшелері мен басшылары жазаланды. Күн сайын тест тапсыру пунктерінде комиссиялардың құрамын өзгертіп, міндетіне немқұрайлы қараған мамандарды ауыстыруға немесе жұмыстан шеттетуге тура келді.
<blockquote>
 “Оған қоса, бірнеше пункте жаппай заңбұзушылықтардың ашық және өрескел түрде орын алуына байланысты тестілеуді мүлдем тоқтатуға және басқа күндерге ауыстыруға мәжбүр болдық. Мұндай жағдай Шығыс Қазақстан мен Түркістан облыстарында кездесті. Дегенмен, қажетті тәртіпті қамтамасыз ете алдық”, – деп атап көрсетті Аймағамбетов.
</blockquote>

Аймағамбетов ҰБТ кезінде жаппай тәртіп бұзған аймақтарды атады

<a href="https://kyzylorda-news.kz/">Kyzylorda-news.kz.</a> Қызылорда қаласындағы Назарбаев Зияткерлік мектебінің оқушылары Әбілқайыр Ерғалиев пен Жангерей Зинелов қант диабетімен ауыратын балалардың өмір сапасын жақсарту үшін өңірде арнайы мектептер құруды ұсынады. Дарындылардың бұл идеясы Қызылорда облыстық Қазақстан халқы Ассамблеясы ұйымдастырған Dostyk.kz әлеуметтік жобалар байқауында жоғары бағаланып, бірінші орынды иеленді.
Қызылордалық өрендер қант диабеті мектебін ашуды былтырдан бері жоспарлап келеді. Аурудың негізгі себептерін және оларды шешу жолдарын зерттеген олар бұл дертке шалдыққандардың өмір сүру сапасын жақсарту үшін ақпараттық материалдардың жеткіліксіз екенін байқаған екен.
<blockquote>
 “Өкінішке орай қазіргі таңда аймақта эндокринолог мамандары тапшы, науқастардың сауаттылығы да төмен болуы үлкен мәселе. Қант диабеті мектебінде балалар ауру салдарын алдын алу үшін денсаулықтарына бақылау жүргізуді, дұрыс тамақтануды үйренеді және кәсіби кеңестер ала алады”, – деп түсіндірді Әбілқайыр.
</blockquote>
Диабет мектебінің ерекшелігі – мұнда келушілер теориялық білім алып қана қоймай, практикалық дағдыларын да арттыра алады. Жоба авторлары диабетпен ауырғандарға арнайы дәрі-дәрмектер жинақталған медициналық сөмкелерді әзірледі. Сондай-ақ оқушылар аурудың алғашқы белгілері, себептері мен салдары, өздері жүргізген зерттеулері нәтижесінде инсулин дозасын есептеу және дерт түріне сәйкес тұтынуға рұқсат етілген қант мөлшері жайында ақпараттық брошюралар жасап шығарған.
<blockquote>
 “Бұл біздің аймақ үшін ноу-хау. Дертке шалдыққан жасөспірімдерге кездесетін қиындықтарды жеңуге көмектесеміз. Біздің басты мақсатымыз – қант диабеті жарқын әрі қызықты өмір сүру үшін кедергі емес екенін түсіндіру. Егер жергілікті билік тарапынан қаржыландыру мен қолдау тапсақ, біз өз жобамызды жүзеге асыруға дайынбыз”, – дейді Жангерей.
</blockquote>
Балалар бұл жобаны жастар саясатын дамытуға бағытталған облыстық әлеуметтік идеялар байқауында алғаш рет таныстырды. Қазылар алқасы өзектілігі мен маңыздылығын бағалап, бірінші орынға лайықты деп таныды. Аталмыш хакатонға Қызылорда қаласындағы Назарбаев Зияткерлік мектебінен барлығы 6 команда қатысып, тақырыптық жұмыстарын ұсынды.
<img src="https://kyzylorda-news.kz/wp-content/uploads/2020/09/119475278_2626678700995381_8777967242621459679_n.jpg" alt="" />

Қызылордалық оқушылар балаларға арналған арнайы мектеп ашуды ұсынды

<a href="https://kyzylorda-news.kz/">Kyzylorda-news.kz.</a> Білім және ғылым министрі Асхат Аймағамбетов әлеуметтік желідегі парақшасында білім басқармалары мен бөлімдері басшыларының телефон нөмірін жариялады.
<blockquote>
 “Әрбір білім бөлімінің немесе білім басқармасының басшысы туындаған мәселелерді өз деңгейінде уақытылы және сапалы шешуі қажет. Өңірдегі салаға қатысты барлық жағдайдан хабардар болып, халықтың сұрағына дер кезінде жауап беруі тиіс. Сондықтан басшылардың барлығына өз WhatsApp нөмірлерін жариялап, келіп түскен сұрақтар мен туындаған мәселелер бойынша шешімдерді шұғыл қабылдау тапсырылды”, – деп жазды министр&nbsp;<a href="https://web.facebook.com/askhat.aimagambetov/posts/10217063343392003">Facebook-те.</a>
</blockquote>
Енді ата-аналар өз өңіріндегі білім басқармасының басшысына тікелей хабарласа алады.
Биыл Қазақстанда жаңа оқу жылы қашықтан оқыту форматында басталды. Десе де, бастауыш сынып оқушылары үшін мектептерде кезекші сыныптар ашылды. Шалғай ауылдарда да балалар мектепке барып оқып жүр.
Денсаулық сақтау министрлігі дәстүрлі форматқа оралу әлі ерте деп санайды. Сол себепті бірінші тоқсанда оқушылар үйден білім алады.

Қазақстан және Қызылорда облысының жаңалықтары: Білім

«Болашақ» университетіндегі саяси зерттеулер орталығы немен айналысады?

Қызылорда: Үздік 10 ұстазға 800 мың теңге сыйақы беріледі

Қызылорда: “Алтын белгі” иегерлерінің алғашқы ұстаздары шипажайға жолдама алды

Білім заңнамасына өзгеріс енгізіледі – депутаттар заң жобасын мақұлдады

Қазақстанда мектеп оқушыларының күзгі каникулы жоспарға сәйкес басталады

Қызылорда: Қала күнінде жаңа мектеп пайдалануға берілді

Студенттерден курсты аяқтаған кезде өткізуі тиіс кету қағазы талап етілмейтін болады

Асхат Аймағамбетов ЖОО басшыларына: Педагогтарды міндетінен тыс жұмысқа тартпаңыздар

Сенатор үйден оқып жатқан оқушыларды тегін интернетпен қамтамасыз етуді талап етті

Аймағамбетов ҰБТ кезінде жаппай тәртіп бұзған аймақтарды атады

Қызылордалық оқушылар балаларға арналған арнайы мектеп ашуды ұсынды

Әлеуметтік желіде білім басқармалары басшыларының телефон нөмірлері жарияланды

Қазақстан және Қызылорда облысының жаңалықтары: Білім

«Болашақ» университетіндегі саяси зерттеулер орталығы немен айналысады?

Қызылорда: Үздік 10 ұстазға 800 мың теңге сыйақы беріледі

Қызылорда: &#8220;Алтын белгі&#8221; иегерлерінің алғашқы ұстаздары шипажайға жолдама алды

Білім заңнамасына өзгеріс енгізіледі – депутаттар заң жобасын мақұлдады

Қазақстанда мектеп оқушыларының күзгі каникулы жоспарға сәйкес басталады

Қызылорда: Қала күнінде жаңа мектеп пайдалануға берілді

Студенттерден курсты аяқтаған кезде өткізуі тиіс кету қағазы талап етілмейтін болады

Асхат Аймағамбетов ЖОО басшыларына: Педагогтарды міндетінен тыс жұмысқа тартпаңыздар

Сенатор үйден оқып жатқан оқушыларды тегін интернетпен қамтамасыз етуді талап етті

Аймағамбетов ҰБТ кезінде жаппай тәртіп бұзған аймақтарды атады

Қызылордалық оқушылар балаларға арналған арнайы мектеп ашуды ұсынды

Әлеуметтік желіде білім басқармалары басшыларының телефон нөмірлері жарияланды

Қызылорда: “Алтын белгі” иегерлерінің алғашқы ұстаздары шипажайға жолдама алды