<a href="https://kyzylorda-news.kz/">Kyzylorda-news.kz</a>. Қызылорда облысындағы жоғарғы оқу орындары ғылым саласына басымдық беріп, PHD докторлардың санын көбейтуді көздеп отыр.
Бүгінде елімізде ғылыми-зерттеу жұмыстарымен айналысатын 383 ұйым бар. Оларда әйелдердің ғылыми жұмыстармен еркін айналысуына мүмкіндік жасап отыр. ҚР Білім және ғылым министрлігінің жетекшілігімен еліміздегі оқу орындары жанынан ғылыми-зерттеу орталықтарының құрылуы отандық ғылымның ілгерілеуіне өз үлесін қосуда.
<blockquote>
 “Бүгінде біздің университетте 491 профессор-оқытушылар құрамы қызмет етеді, оның 149-ы ғылыми дәрежелері бар әйел азаматтар. Мұнда орта есеппен әйелдер үлесі 29,7 пайызды құрайды. Ендігі міндет – жас ғалымдардың бастамаларын қолдап, болашақта PhD докторлардың санын арттыру”, – деді Қорқыт Ата атындағы Қызылорда университетінің ректоры Бейбіткүл Кәрімова.
 «Болашақ» университетінің жанында ғылыми зерттеу орталығы жұмыс істеуде. Әр кафедра университет тарапынан қолдау тауып, жоба бойынша жұмыс істегелі біршама уақыт өтті. Соның нәтижесінде бүгінге дейін тек әйел ғалымдардың 15 монография, 152 ғылыми мақаласы жарық көрді”, – деді «Болашақ» университетінің доценті Жазира Нұрсұлтанқызы.
</blockquote>
Өңірде мектеп оқушыларын ғылыммен айналысуына да көңіл бөлінуде. Қазір білім ошақтарында арнайы кабинеттер ашылып, үйірмелер жұмыс жасауда.
<blockquote>
 “Өткен оқу жылында біздің мектептен 15 оқушы республикалық, халықаралық ғылыми жобаларға қатысты. Өте жоғарғы нәтижелер көрсетті. Ұстаздарымыздың магистр, доктор ғылыми дәрежелері бар. Өзім түрлі интеллектуалды, шығармашылық байқауларға, пәндік олимпиадаға тұрақты қатысып келемін. Жеткен жетістіктерім аз емес. Осындай жетістіктерім үшін жақында қала әкімінің «Самғау» жастар сыйлығын алдым”, – №10 дарынды балаларға арналған облыстық «Білім-инновация» лицей-интернатының оқушысы Еңлік Күнтөреева.
</blockquote>
Айта кетейік, қазір докторлық атақ алудың параметрлері өзгерген. Барынша жеңілдетілген түрде жүзеге асады.
<img src="https://kyzylorda-news.kz/wp-content/uploads/2021/02/fb_img_1613042807648.jpg" alt="" />

Қызылордада Phd докторлардың санын көбейту көзделуде

<a href="https://kyzylorda-news.kz/">Kyzylorda-news.kz.</a> Бүгін Сыр елінде техникалық мамандықта білім алатын студенттер үшін жаңа құзыреттілік орталығы ашылды. Орталық И.Әбдікәрімов атындағы Қызылорда аграрлық техникалық жоғары колледжі базасынан құрылды.
Шараның ресми ашылу рәсіміне Қызылорда облыстық мәслихатының хатшысы Наурызбай Байқадамов, облыстық білім басқармасының басшысы Ақзира Қасымова және өңірдегі колледж директорлары қатысты.
Құзыреттілік орталығы өңір экономикасын бәсекеге қабілетті еңбек ресурстарымен қамтамасыз ету, инженер-педагог кадрлардың біліктілігін арттыру және қайта даярлау бойынша сапалы қызметтер көрсетуге мүмкіндік береді. Колледждегі жаңа орталық «Жас маман» жобасы аясында іске асып, нәтижесінде 2 зертханалық кабинетпен жабдықталған. Бұл «электрмен қамтамасыз ету», «электр және электр механикалық жабдықтар» мамандықтарының студенттері үшін ерекше мүмкіндік бермек.
Жаңа орталықта оқу зертханасы, WorldSkills тренажарлық жаттығу кабинеті орналасқан. Құзіреттілік орталықтың жұмысын тиімді ұйымдастыру үшін бірқатар кәсіпорындармен екіжақты меморандум жасалды.
Алдағы кезде жаңа орталықта көшпелі және қашықтықтық әдістемелік іс-шаралар, конкурстар мен семинарлар, мастер-клас өткізіледі.
<img src="https://kyzylorda-news.kz/wp-content/uploads/2021/02/fb_img_1613039788748.jpg" alt="" />
<img src="https://kyzylorda-news.kz/wp-content/uploads/2021/02/fb_img_1613039791086.jpg" alt="" />
<img src="https://kyzylorda-news.kz/wp-content/uploads/2021/02/fb_img_1613039796553.jpg" alt="" />
<img src="https://kyzylorda-news.kz/wp-content/uploads/2021/02/fb_img_1613039799552.jpg" alt="" />
<img src="https://kyzylorda-news.kz/wp-content/uploads/2021/02/fb_img_1613039803025.jpg" alt="" />
<img src="https://kyzylorda-news.kz/wp-content/uploads/2021/02/fb_img_1613039808251.jpg" alt="" />

Қызылордада алғаш рет колледж базасынан құзыреттілік орталық ашылды

<a href="https://kyzylorda-news.kz/">Kyzylorda-news.kz</a>. Қызылорда қаласындағы Назарбаев Зияткерлік мектебінің оқушылары халықаралық «World Art Games» онлайн-байқауында қос жүлдеге ие болды.
Атап айтқанда, 8-сынып оқушылары Уәлихан Ибадулла мен Сырсұңқар Базарбайұлы І орынды иеленсе, 9-сыныптың білім алушысы Жансая Жолдасбек ІІ орынмен марапатталды. Сыр бойылық оқушылар вокал номинациясы бойынша сынға түсіп, «Батырлар ұраны», «Girl on fire» атты өлендерді шырқады.
<blockquote>
 “Біз таңдаған патриоттық ән қазақ баласының өр жүректі батырлығын, елжандылығын сипаттайды. Осы әуен арқылы біз ұлттық болмысымызды әлемге танытуды жөн көрдік”, – деп түсіндірді Сырсұнқар.
</blockquote>
20 мемлекеттің өнерпаздарының басын қосқан бұл көпжанрлы байқауда балалар шығармашылығын белгілі әртістер мен музыканттардан құралған Европаға танымал әділ-қазылар алқасы бағалады.
<blockquote>
 “Жеңімпаз оқушылар – бліммен қатар өнерді алып жүрген мектептің белсенділері. Бірі бұрыннан ән салса, енді бірі мектепке келіп музыкаға ерекше назар аударып, вокалдық дағдыларын дамытуда. Бұл жетістіктері алдағы уақытта жаңа белестерді бағындыруға үлкен сеп болады”, – деп санайды жетекшісі, ән-әуез пәнінің мұғалімі Жарасбек Өтебаев.
</blockquote>
Айта кетейік, жүлделі орындарды иеленген оқушылар мамыр айында Испанияда өтетін «SEA SUN FESTIVAL» халықаралық фестиваліне жеңілдікпен қатысу мүмкіндігіне ие болды.
<img src="https://kyzylorda-news.kz/wp-content/uploads/2021/02/img-20210211-wa0242.jpg" alt="" />
<img src="https://kyzylorda-news.kz/wp-content/uploads/2021/02/img-20210211-wa0241.jpg" alt="" />

Қызылорданың НЗМ оқушылары Испания вокалистерін таң қалдырды

<a href="https://kyzylorda-news.kz/">Kyzylorda-news.kz</a>. 2023 жылдан бастап 1 сынып табалдырығын аттаған балалар латын графикасына негізделген қазақ әліпбиімен білім ала бастайды. Бұл туралы ҚР Мәдениет және спорт министрлігі Тіл саясаты комитетінің төрағасы Әділбек Қаба айтты, деп хабарлайды <a href="https://www.inform.kz/kz/2023-zhyly-1-synyptarga-latyn-grafikasyna-negizdelgen-kazak-alipbii-engiziledi_a3751661">ҚазАқпарат</a>.
<blockquote>
 «Өздеріңізге белгілі, жақында Үкімет жанындағы Ұлттық комиссияда жетілдірілген латын графикалы қазақ әліпбиі қаралып, мақұлданған болатын. Ғалымдарымыз бұл бағытта 1,5 жылдан астам уақыт бойы жұмыс істеді. Әліпби бүкіл республика бойынша ашық талқыланып, сынамалар, бейімдеу жүргізілді. Сөйтіп, әліпбиіміздің жазылуы, оқылуы, қолданысы жан-жақты зерделенді. Бұл әліпби алдағы уақытта Президент қарауына ұсынылады. Бекітілген жағдайда алдағы уақытта кестеге сәйкес кезең-кезеңімен латын әліпбиіне көшу жұмыстары жүргізіледі», – деді комитет төрағасы «Мемлекеттік тіл – халықты ұйыстыру құралы» тақырыбындағы отырыс барысында.
</blockquote>
Оның атап өтуінше, биыл латын графикасына негізделген қазақ әлібиін жетік білетін мұғалімдер даярланып, орфографиялық, орфоэпиялық сөздіктер, анықтамалар әзірленеді.
<blockquote>
 «Яғни, 2021 жыл латын графикасына негізделген қазақ әлібиін оқытуға дайындық жылы болып есептелінеді. 2022 жылы балабақшада тәлім-тәрбие алып жатқан балалар оқи бастайды. Ал 2023 жылдан бастап 1 сынып табалдырығын аттаған балалар латын графикасына негізделген қазақ әліпбиін оқиды. Демек, 2031 жылы латын графикасына негізделген қазақ әліпбиінде білім алған алғашқы түлектеріміз мектеп бітіріп, үлкен өмірге аяқ басады», – деді Әділбек Қаба.
</blockquote>
Айта кетейік, аталған отырыстың мақсаты – Қазақстан Республикасы Үкіметінің жанындағы Ұлттық комиссия мақұлдаған жетілдірілген латын графикасындағы қазақ әліпбиі мен емле ережелерін қоғамда кеңінен насихаттау және жаһандану кезеңіндегі қазақ тілін дамыту мәселелерін талқылау.

2023 жылы 1 сыныптарға латын графикасына негізделген қазақ әліпбиі енгізіледі

<a href="http://kyzylorda-news.kz./">Kyzylorda-news.kz.</a> Қызылорда қаласындағы Назарбаев Зияткерлік мектебінің түлегі Медина Нарманова Америкадағы 2 университетте білім алу мүмкіндігіне ие болды.
Атап айтқанда, жас зияткер әлемдегі топ ЖОО қатарына енетін — Алабама Университетінің президенті тағайындаған 100 % оқу грантын иеленді. Сондай-ақ, Иллинойс Институты де түлегімізге 50 % оқу гранты мен стипендия беруге дайын екендіктерін жеткізді. Бұл қос білім ордасында «Бизнес менеджмент» мамандығы бойынша оқуға құжат тапсырған Медина алдағы уақытта тағы 5 жерден жауап күтіп отыр екен.
Айта кетейік, биыл мектепті 95 оқушы бітіреді. Бүгінде олар қалаған мамандықтары бойынша жоғары оқу орындарының конкурстық іріктеуіне құжат тапсырып, бақтарын сынауда.
<img src="https://kyzylorda-news.kz/wp-content/uploads/2021/02/nish-1.jpg" alt="" />

Қызылордалық оқушыға АҚШ-тың қос жоғары оқу орны шақырту жіберді

<a href="http://kyzylorda-news.kz./">Kyzylorda-news.kz.</a> Облыстағы барлық білім беру ұйымдары вертикалды басқару жүйесіне көшірілді. Бұған дейін жергілікті әкімдікке қарап келген колледж, мектеп пен балабақшаларды облыстық білім басқармасы қаржыландырып, басқаратын болады. Яғни вертикалды басқару жүйесі арқылы білім басқармасына 28 жаңа функция қосылып отыр.
Жалпы аймақта 301 мектеп бар. Оның 293-і мемлекеттік болса, 8-і жеке. Ал мектепке дейінгі білім беру ұйымының саны – 665. Оның 161-ы мемлекеттік, 414 жеке, 90 шағын орталық.
<blockquote>
 “Вертикалды басқару жүйесіне өтуге байланысты білім ұйымдарындағы есеп және жоспарлау бөлімдерін автоматтандыру жұмыстары жүргізілді. Барлық білім ұйымдары аталған бағдарламаны мемлекеттік сатып алу жоспарларына енгізіп, келісім-шартқа отырды”, – деді облыстық білім басқармасының басшысы Ақзира Қасымова.
</blockquote>
Ақылы түрде өткен Ұлттық бірыңғай тестілеуге өңірден 5832-і оқушы қатысты. Сынақ сегіз тестілеу пунктінде өткізілді. ҰБТ қорытындысы бойынша 409 оқушы 100 баллдан жоғары жинаса, 815-і шекті ұпайды жинай алмаған. Ең жоғарғы ұпайды Қазалы ауданының түлегі жинады. Бұл сынақ нәтижесі тек ақылы ұлттық тестке ғана жарамды.

Қызылордада білім беру ұйымдары вертикалды басқару жүйесіне көшірілді

<a href="http://kyzylorda-news.kz./">Kyzylorda-news.kz.</a>&nbsp;Мемлекет басшысы Қасым-Жомарт Тоқаев өзінің «Тәуелсіздік бәрінен қымбат» атты көлемді мақаласын жариялағаны баршамызға белгілі. Мақалада бүгіннен бастап мән беруімізге тиіс ең бір көкейтесті дүниелер бар.
Мақала ауқымды төрт бөлімнен тұрады. «Бағдар мен белес» деп аталатын алғашқы бөлімінде тәуелсіздігіміздің мерейлі мерзімін үш онжылдық белеске бөліп қарастырады. Алғашқы онжылдықты Қазақстанның іргетасын қалау, екінші онжылдықты қазақ елінің керегесін кеңейту кезеңі деп атаса, үшінші онжылдықта еліміздің өсіп-өркендеп, мерейлі мемлекетке айналғаны баяндалады.
Мемлекет басшысы алдағы төртінші онжылдықтың бізге жүктейтін міндеті – қуатты елдің иесі және кемел халық болу екендігін айта келіп, осы жолда заман талабына бейімделген ұлттың жаңа болмысын қалыптастыру қажеттігіне баса назар аударады. Сонымен қатар қазіргі пандемия жағдайында түрлі қатерлермен бірге әлемде жағымсыз идеологиялық вирустар да жайылып келе жатқандығына алаңдайды. Сондықтан жаһандану кезінде әсіресе, жас ұрпақты кез-келген ақпаратқа ілесіп кетпеуге шақырады.
«Таным мен тағылым» деп аталатын екінші бөлімінде халқымыздың тарихи санасын жаңғыртуға бағытталған ой-тұжырымдарымен бөліседі. Ұлттық мүддемізге сай келетін тарихымыз жазылатын уақыт келгендігін, ол ұрпақтың санасын оятып, ұлт жадын жаңғыртуға мүмкіндік беретінін бағамдайды.
Мақаланың «Қоғам мен құндылық» деп аталатын үшінші бөлімінда Қасым-Жомарт Кемелұлы өзінің егемендігіміздің мәңгілік үштағанына балаған байтақ жерімізді, қастерлі тілімізді, береке-бірлігімізді көздің қарашығындай сақтауға үндейді.
Мақаланың «Ұлағат пен ұстаным» атты соңғы бөлімінде саяси жаңғыру мәселесіне кеңінен тоқтала келіп, елімізде адамның құқығын сақтауға негізделген заң мен тәртіп болу керектігін баса айтады. «Біздің мақсатымыз – келер ұрпаққа Қазақстанды тұғыры мығым, экономикасы қуатты, рухы асқақ мемлекет ретінде табыстау және елдік істерді шашау шығармай лайықты жалғастыратын жасампаз ұрпақ тәрбиелеу», – дейді.
Ол үшін ХХІ ғасыр – білім мен біліктің дәуірі екендігін, әр адам өзін үздіксіз жетілдіріп, жаңа кәсіптерді игеріп, үнемі заман ағымына бейімделу арқылы ғана бәсекелік қабілетін арттыра алатынына ерекше мән береді. «Жастар – қашанда тың идеялардың қайнар көзі, оң өзгерістердің қозғаушы күші», – деп өскелең ұрпаққа сенім артады.
Сондықтан да егемендік жылдарында дүниеге келіп, әлі танылып үлгермеген талантты жастарды қолдау мақсатында «Тәуелсіздік ұрпақтары» атты грант тағайындауды, «Тәуелсіздік бәрінен қымбат!» деген қасиетті сөзді мәңгі ұранға айналдыруды ұсынады.
Біз де өз кезегімізде Мемлекет басшысының маңызды мақаласын жас ұрпаққа білім мен тәрбие берудегі алдағы жұмыстарымызға жаңаша тың серпін береді деп ойлаймыз.
Әрбір жас өреннің өзі мекен еткен жеріне жанашырлық танытуына тек ақыл айтып қоймай, өзі үлгі болатындай әрекет жасау – аға буынның, яғни біздің Отан алдындағы міндетіміз. Мақалада бүгінгі жастардың шетелде білім алуына барынша қолдау көрсетіп, алған білімі мен жинаған тәжірибесін өз еліне қызмет істеуге пайдалана білетіндей ұлтжанды ұрпақ дайындау үшін сананың ашықтығы керек деген ойын өз өмірінен мысал келтіре отырып, қисынды жеткізе білген. Ұрпақ тәрбиесінің мемлекеттің назарынан тыс қалмауы, олардың бойындағы табиғи таланты мен ерекше дарындылығын дамыту үшін қойылатын талаптың жоғары екендігін сезінген сайын өз мамандығымның ұлт болашағы үшін маңызды екенін, осындай ұлы мамандықтың тізгінін ұстап тұру үшін ел үшін тынымсыз еңбек етудің өзі зор бақыт әрі үлкен сын деп қабылдаймын. Соңғы жылдардағы педагогтардың еңбекақысының сатылап өсуі де жүктелген міндеттің салмағының ауырлығында деп түсінуіміз керек.
Қорыта айтқанда, лайықты еңбек етіп, ұрпақ тәрбиесіне өз үлесімізді қосуымыз қажет. Бұл – біздің ұрпақ алдындағы борышымыз.
Сәрсен ТІЛЕУБАЙ,
Қорқыт ата атындағы Қызылорда университетінің
Информатика және ақпараттық-коммуникациялық технологиялар кафедрасының меңгерушісі

Жаһандану заманындағы ақпарат және жастар тәрбиесі

<a href="https://kyzylorda-news.kz/">Kyzylorda-news.kz</a>. Қызылордада мектептер мен колледждердің материалдық-техникалық базалары жаңартылуда, деп хабарлайды облыстық білім басқармасы.
Өткен жылы «Жас маман» жобасы аясында 4 колледжге соңғы үлгідегі техникалар алынған. Бұл үшін қазынадан 1,2 млрд.теңге қаржы қаралған. Ал, биыл 5 колледждің материалдық-техникалық базасы жаңарады. Жұмысшы мамандарды даярлауға қажетті техникаларды алуға 1,3 млрд.теңге қаржы бөлінген.
Аймақта мектептердегі компьютерлер паркін жаңғырту жұмыстарына да ерекше мән берілді. Қашықтан оқыту кезінде облысқа республикалық бюджеттен 22870 компьютерлік техника алынған. Нәтижесінде мектептерде бұрын 12 балаға бір компьютерден келсе, қазірде 7 балаға бір компьютердер бөлініс жасалған.
Мұнан бөлек, өткен жылы білім беру ошақтары физика, биология, химия пәндері бойынша 236 жаңа модификациялық пәндік кабинеттермен толыққан. Сондай-ақ, жаңадан 42 мектепке «3Д модельдеу» жабдықтарымен алынған.
Айта кетейік, облыста 301 мектеп, 30 колледж бар.

Қызылордада 5 колледждің материалдық базасы жаңарады

<a href="https://kyzylorda-news.kz/">Kyzylorda-news.kz</a>. «Креатив бой» желілік зиякерлік-командалық ойыны биыл үшінші мәрте өткізілді. Еліміздегі Назарбаев Зияткерлік мектептерімен бірге сайысқа №1329 Мәскеу мектебінің оқушыларынан құралған 13 команда қатысты.
Білімділер бәйгесінде қызылордалық NIS-тің намысын 9 «А» сынып оқушылары, яғни Бағлан Абызбек, Тұмар Еділ, Айбек Қазбек және Нұрай Нұржанқызы қорғады. Жас дарындылар әр түрлі тақырыптағы өнертапқыштық және зерттеушілік мәселелерді шешуде ой жарыстырды.
<blockquote>
 “Ойын барысында команда мүшелерінен көптеген лайықты идеялар келіп түсіп жатты, соның ішінде ең дұрыс және жақсы шешімін табу аса қиынға соқты. Бұл турнир біздің сыни тұрғысынан ойлау, логикалық, функционалдық сауаттылық, ұтқырлық пен топта жұмыс істей білу дағдыларымызды дамытуға үлкен септігін тигізді”, – деп санайды Бағлан Абызбек.
</blockquote>
Барлық кезеңде сырбойылық оқушылар оза шауып, небәрі 0,5 ұпайды есе жіберіп, ІІІ орынды иеленді. Ал ІІ орынды Ресейдің «Синергия» командасы жеңіп алса, павлодарлық зияткерлер командасы ойынның жеңімпазы атанды.

Қызылордадағы НЗМ-нің «Smart guys» тобы зияткерлер ойынында жүлделі орынға ие болды

<a href="https://kyzylorda-news.kz/">Kyzylorda-news.kz</a>.&nbsp;«Жас геолог» корпоративті қоры мен Назарбаев Университеті бірлесіп өткізген IESO-2021 халықаралық олимпиадасының республикалық кезеңінде Сыр өңіріндегі Зияткерлік мектебінің 4 оқушысы 2 алтын, 1 күміс және 1 қола медалін иеленді.
Аталмыш білім додасының іріктеу кезеңіне 80-ге жуық жоғары сынып оқушылары қатысты. Еліміздің түкпір-түкпірінен жиналған дарындылар ағылшын тілінде геология, геофизика, метеорология, астрономия және мұхиттану пәндерінен бақ сынасты. Қызылордалық зияткерлер Жер туралы ғылымдары бойынша жақсы білім көрсеткіштерімен ерекшеленіп, нәтижесінде 11-сынып оқушылары Жангерей Зинелов пен Данагүл Келдібай олимпиада жеңімпазы атанды. Сондай-ақ, Арайлым Байкемел және Баянсұлу Төлебай жүлделі 2-ші және 3-ші орындарға ие болды.
<blockquote>
 “Үздіктердің қатарынан көріну үшін осы ғылымдар туралы жетік ізденіп, жеке зерттеу жүргіздім. Ғаламтор желісі мен энциклопедиялардан қосымша ақпарат алып, білімімді толықтырдым”, – дейді Жангерей Зинелов.
</blockquote>
Айта кету керек, жеңіс тұғырынан көрінген жас зияткерлер үстіміздегі жылдың тамыз айында Қазақстан құрамасында өзге елдердің жас геологтарымен сынға түспек. Биыл IESO-2021 олимпиадасы онлайн форматта Пекинде өткізу жоспарланған.
<blockquote>
 “Біздің оқушылар – бұл білім бәйгесінің жыл сайынғы қатысушылары. Осындай шаралар арқылы геологтардың жаңа буынын қалыптастыру қолға алынған және бұл олимпиада балалардың ой-өрісін кеңейтуге үлкен септігін тигізеді”, – дейді жеңімпаз оқушылардың жетекшісі, география пәнінің мұғалімі Мұхтар Әбілмаев.
</blockquote>
<img src="https://kyzylorda-news.kz/wp-content/uploads/2021/02/zh.jpg" alt="" />

IESO-2021: Қызылордадағы NIS оқушылары  халықаралық олимпиадаға жолдама алды

Kyzylorda-news.kz. Өңірде жас өнертапқыш баламалы қуат көзі арқылы шаһар көшелерін жарықтандыруға арналған жоба ойлап тапты. Яғни, автокөліктің қозғалысы арқылы баламалы энергия көзін өндіруге арналған. Бұл жоба ұлттық «STEAMUP» байқауында үздік деп танылды.
<blockquote>
 «Жүрген көліктерден энергия өндірудің шағын макетін жасадық. Өндіру механизмі бірнеше бөлшектерден тұрады және көліктер көп шоғырланған аймақтардың көшелерінде жер астында орналастырылады. Олар жылдамдық бəсеңдеткіш төмпешіктерге ұқсас болады. Аталмыш платформадан көлік өткен сайын құрылғы төменге түсіп, қайта орнына келу арқылы энергия өндіреді», – деді Назарбаев зияткерлік мектебінің оқушысы Мерей Сембай.
</blockquote>
Механизм құрылысын сипаттау және қажетті есептеулер жүргізу үшін жоба авторлары Қызылорда жылу электр торабының қызметкерлерінен кәсіби кеңестер алған. Сол жердегі генераторлардың жұмысын қадағалап, оның параметрлері мен құрылғы өлшемдері жайлы ақпарат жинақтаған.
<blockquote>
 «Бұл – электр энергиясын адам денсаулығына, қоршаған ортаға залалсыз түрде алудың тиімді əрі қарапайым жолы. Қомақты қаржыны да қажет етпейді. Дегенмен белгілі аумақты жылдар бойы шығын келтірмей жарықпен қамтамасыз ете алады. Мәселен, 20-дан астам жылдамдық бəсеңдеткіш төмпешіктің орнын осындай 10 конструкциямен алмастырсақ, үш жылдың ішінде 70 млн теңге қаржыны үнемдей аламыз», – деді Назарбаев зияткерлік мектебінің оқытушысы Жеңісбек Жолмырзаев.
</blockquote>
Қызылордалық новаторлар бұл экономикалық, экологиялық және энергетикалық тұрғыда тиімді саналатын жобаның әзірге отандық тәжірибеде баламасы жоқ дейді. Сондықтан алдағы уақытта тың технологияны патенттеп алып, өндіріске қосуды мақсат етіп отыр.

Қызылордада жас өнертапқыш автокөліктен энергия өндіру жобасын ойлап тапты

Kyzylorda-news.kz. Қызылорда қаласындағы Т.Рысқұлов атындағы №222 орта мектебінің 9 сынып оқушылары “Мамандықты дұрыс таңдау – табысты өмірдің кілті” тақырыбында өз мамандығының білікті иесі атанған мектеп түлектерінің қызмет орнында болып, бір күндік жұмыс барысымен танысты.
Мектеп оқушылары бүгінде өз қызметінің, еңбегі мен ізденісінің нәтижесін көріп, көздеген мақсатына жеткен мектеп түлегі “Сыр Медиа ЖШС” бас директорының орынбасары Дәурен Омаровтың жұмыс орнында болып, БАҚ жұмысына қанықты. 
Кездесу барысында мектеп түлегі жеткен жетістіктері жайлы, оларды оқытқан ұстаздары туралы пікірлесіп, өздерінің іні-қарындастарына болашақта дұрыс мамандық таңдауға жол сілтеді.
Сондай-ақ, талапты шәкірттер журналистиканың қазанында қайнап, ыстық-суығына төзіп жүрген қаламгерлермен пікірлесті. “Kyzylorda-news.kz” ақпарат агенттігінің бас редакторы Нұрсұлтан Мықтыбаев пен облыстық “Сыр бойы” газетінің тілшісі Ержан Қожас мамандық таңдауда кеңес беріп, журналистика саласының қыр-сырын баяндады. Оқушылар толғандырған сұрақтарын қойып, тұщымды жауап алды.

Қазақстан және Қызылорда облысының жаңалықтары: Білім

Қызылордада Phd докторлардың санын көбейту көзделуде

Қызылордада алғаш рет колледж базасынан құзыреттілік орталық ашылды

Қызылорданың НЗМ оқушылары Испания вокалистерін таң қалдырды

2023 жылы 1 сыныптарға латын графикасына негізделген қазақ әліпбиі енгізіледі

Қызылордалық оқушыға АҚШ-тың қос жоғары оқу орны шақырту жіберді

Қызылордада білім беру ұйымдары вертикалды басқару жүйесіне көшірілді

Жаһандану заманындағы ақпарат және жастар тәрбиесі

Қызылордада 5 колледждің материалдық базасы жаңарады

Қызылордадағы НЗМ-нің «Smart guys» тобы зияткерлер ойынында жүлделі орынға ие болды

IESO-2021: Қызылордадағы NIS оқушылары халықаралық олимпиадаға жолдама алды

Қызылордада жас өнертапқыш автокөліктен энергия өндіру жобасын ойлап тапты

Мектеп оқушылары “Сыр медиа” ЖШС жұмысымен танысты

Қазақстан және Қызылорда облысының жаңалықтары: Білім

Қызылордада Phd докторлардың санын көбейту көзделуде

Қызылордада алғаш рет колледж базасынан құзыреттілік орталық ашылды

Қызылорданың НЗМ оқушылары Испания вокалистерін таң қалдырды

2023 жылы 1 сыныптарға латын графикасына негізделген қазақ әліпбиі енгізіледі

Қызылордалық оқушыға АҚШ-тың қос жоғары оқу орны шақырту жіберді

Қызылордада білім беру ұйымдары вертикалды басқару жүйесіне көшірілді

Жаһандану заманындағы ақпарат және жастар тәрбиесі

Қызылордада 5 колледждің материалдық базасы жаңарады

Қызылордадағы НЗМ-нің «Smart guys» тобы зияткерлер ойынында жүлделі орынға ие болды

IESO-2021: Қызылордадағы NIS оқушылары халықаралық олимпиадаға жолдама алды

Қызылордада жас өнертапқыш автокөліктен энергия өндіру жобасын ойлап тапты

Мектеп оқушылары &#8220;Сыр медиа&#8221; ЖШС жұмысымен танысты

Мектеп оқушылары “Сыр медиа” ЖШС жұмысымен танысты