<a href="https://kyzylorda-news.kz/">Kyzylorda-news.kz.</a> Британ фотографы Джеймс Моллисон (James Mollison) мектеп жанындағы алаң балалық шағында өте маңызды орын алғанын байқаған. Мектеп алаңында қызықты кездесулер мен әңгімелер, ойындар мен балалық қылықтар болатыны сөзсіз. Осы ойлар оны мектеп алаңдарына байланысты фотожоба құруға итермеледі. Әлемнің түкпір-түкпіріндегі мектеп алаңдары қандай екенін Моллисонның суреттерінен тамашалауыңызға болады.
Ұлыбритания
<img src="https://kyzylorda-news.kz/wp-content/uploads/2021/02/wlyb.jpg" alt="" />
Боливия
<img src="https://kyzylorda-news.kz/wp-content/uploads/2021/02/boli.jpg" alt="" />
Бутан
<img src="https://kyzylorda-news.kz/wp-content/uploads/2021/02/bwtan.jpg" alt="" />
Жапония
<img src="https://kyzylorda-news.kz/wp-content/uploads/2021/02/zhapo.jpg" alt="" />
Ресей
<img src="https://kyzylorda-news.kz/wp-content/uploads/2021/02/resej.jpg" alt="" />
Израиль
<img src="https://kyzylorda-news.kz/wp-content/uploads/2021/02/izar.jpg" alt="" />
Норвегия
<img src="https://kyzylorda-news.kz/wp-content/uploads/2021/02/norv.jpg" alt="" />
Непал
<img src="https://kyzylorda-news.kz/wp-content/uploads/2021/02/nepal.jpg" alt="" />
Үндістан
<img src="https://kyzylorda-news.kz/wp-content/uploads/2021/02/wndis.jpg" alt="" />
Мексика
<img src="https://kyzylorda-news.kz/wp-content/uploads/2021/02/meksi.jpg" alt="" />
Италия
<img src="https://kyzylorda-news.kz/wp-content/uploads/2021/02/ital.jpg" alt="" />
АҚШ
<img src="https://kyzylorda-news.kz/wp-content/uploads/2021/02/aksh.jpg" alt="" />
Кения
<img src="https://kyzylorda-news.kz/wp-content/uploads/2021/02/kenija.jpg" alt="" />
Қытай
<img src="https://kyzylorda-news.kz/wp-content/uploads/2021/02/kytaj.jpg" alt="" />
<a href="https://bilim-all.kz/article/12185-Alem-elderindegi-mektep-alandary">Bilim-all.kz</a>

Әлем елдеріндегі мектеп алаңдары

<a href="https://kyzylorda-news.kz/">Kyzylorda-news.kz.</a> «Bilimland» компаниясы ұйымдастырған республикалық байқауда педагогтар арасынан Сыр еліндегі үздік ұстаз Жанна Кунарова бас жүлдені алып, 500 мың теңге сыйақыны иеленді. Үздік ұстаз Арал ауданындағы №14 мектеп-лицейдің орыс тілі пәні мұғалімі.
Қашықтан оқыту форматы кезінде өткізілген байқау екі кезеңді қамтыған. Яғни педагог бірінші айналымда ерекше сабақ жоспарын жіберсе, екінші кезеңде сабақ жоспарына бейнесабағын түсіруі қажет. Нәтижесінде, шаршы топта алға шыққан Жанна Кунарова «Жаңашыл мұғалім» атанды.
<blockquote>
 «Байқау негізінен мұғалімнің тәжірибесінде цифрлық технологияларды пайдаланудың жаңа тәсілін енгізу болатын. Әділқазылар байқауға ұсынған жұмысымды жоғары бағалап, бас жүлдеге лайық деп таныпты. Әрине, мен үшін бұл ерекше стимул берді десем болады. Қашықтан оқыту практикасында біз цифрлық бағдарламалар арқылы сабақты жаңаша тәсілде беруге мүмкіндік алдық. Бұл ретте бейнесабақ түсіру тәжірибесін үйреніп алдық»,-дейді Жанна Кунарова.
</blockquote>
Тәуелсіз сараптама комиссиясы Жанна Құспанғалиқызының байқауға ұсынған материалы жақсы ойластырылған, сабақтың құрылымы сақталған, дыбысы анық, видео сапасы өте жоғары деп баға берген. 
Айта кетейік, Жанна Кунарова облыстағы тәжірибелі ұстаз. Өткен жылдың қорытындысымен облыс әкімінің арнайы педагогтарға арналған бірреттік қаржылай сыйақысы 833 мың теңге сыйлық сертификатын иеленген.

Қызылордада үздік ұстаз республикалық байқаудан бас жүлде алды

<a href="https://kyzylorda-news.kz/">Kyzylorda-news.kz.</a> Бүгін пәндік олимпиаданың облыстық кезеңі басталды. Білім сынағы «Абай» атындағы дарынды балаларға арналған үш тілде оқытылатын мамандандырылған сыныптары бар мектеп базасында өтуде. Оған аудандық және қалалық кезеңде жеңімпаз атанған 299 оқушы қатысуда.
Бұл жолғы олимпиаданың артықшылығы сол облыстық кезең бұрынғыдай бір күнде ұйымдастырылмайды. Мұнда барлығы 6 аудитория қамтылған. Яғни бір күнде 54 бала сынақ тапсырады. Осылайша олимпиада 27 ақпанға дейін созылады.
<blockquote>
 «Олимпиада күніне екі пәннен өткізіледі. Ал оның тапсырмалары ro.daryn.kz сайтында орналастырылады. Яғни оқушы сайтқа кіріп, тапсырманы жүктеп алады. Барлық аудитория бейнебақылау жүйесіне қосылған. Бір аудиторияда екі бейнебақылау орнатылған. Яғни әрбір ата-ана олимпиада барысын бақылай алады. Біздің негізгі мақсат ашықтықты қамтамасыз етіп, осындай үлкен додалардың әділ өтуін қамтамасыз ету. Сонымен қатар, олимпиада барысында балалардың тыйым салынған гаджеттерді пайдалануына жол берілмейді. Конкурс ашық түрде іске асады. Қатысушылардың жұмыстары қазылар алқасына алдын ала шифрланған түрде беріледі. Яғни оқушылардың жұмыстары сканерленген түрде Google Disk жүйесінде уақытылы жүктеліп отырады. Олимпиада аяқталғаннан кейін бейнекамера орнатылған аудиторияда қатысушылардың жұмыстары екі сағат ішінде PDF форматында жүктеледі. Мінекей осы сынақтан сүрінбей өткен үздіктер республикалық пәндік олимпиадаға жолдама алады», – деді облыстық білім басқармасының басшысы Ақзира Қасымова.
</blockquote>
Айта кетейік, 8-12 ақпан аралығында пәндік олимпиаданың аудандық, қалалық кезеңі өткізілген болатын. Олимпиада жаратылыстану-математика, қоғамдық-гуманитарлық бағыттардағы 14 пән бойынша ұйымдастырылды. Олимпиадаға 7 аудан мен Қызылорда қаласынан 4819 оқушы қатысып, 1231 оқушы жүлделі орындарға ие болды. І орынды 196 бала, ІІ орынды 368 бала, ІІІ орынды 664 бала иеленді.

Биыл пәндік олимпиада жаңа форматта өтуде

Kyzylorda-news.kz. Қазақстандық түлектер Ұлттық бірыңғай тестілеуді үш рет: бір рет ақылы, қалған екі ретінде тегін &nbsp;тапсыратын болды. Бұл туралы Қазақстан Ұлттық тестілеу орталығының директоры Дидар Смағұлов өзінің Facebook-тегі парақшасында хабарлады.
“Грантқа түсуге мүмкіндік беретін&nbsp;ҰБТ сәуір мен маусым аралығында өтеді, онда сізде екі тегін мүмкіндік болады (күндерде&nbsp;ешқандай шектеу жоқ). Осы сертификаттардың бірін шілде айында өтетін грант байқауына жібере аласыз”, – деп жазды ол әлеуметтік желіде.
Сонымен қатар, түлектердің тағы бір мүмкіндігі болады, ол ақылы бөлімге түскісі келетіндерге арналған.
<blockquote>
 “Наурыздағы ҰБТ ақылы бөлімге түсу үшін компьютерлік форматта өтеді. Тіркеу туралы мәліметтерді келесі аптада жариялаймыз: Сіз өзіңізге ыңғайлы күнді, тест тапсыру уақытын таңдап, наурыз айында жаңа форматты өте аласыз. Қатысу: әркімің қалауы бойынша, құны 2 242 теңге”, – деді Смағұлов.
</blockquote>
Айта кетейік, бұған дейін хабарланғандай, оқушылар ҰБТ-ны екі рет тапсырып, үздік нәтижесін&nbsp;ЖОО-да грант ұту&nbsp;үшін конкурсқа жібере алады.

Мектеп түлектері биылдан бастап ҰБТ-ны үш рет тапсыра алатын болды

<a href="https://kyzylorda-news.kz/">Kyzylorda-news.kz</a>. Қызылорда облыстық білім басқармасының ұйымдастыруымен 22-27 ақпан аралығында жалпы білім беретін пәндер бойынша олимпиаданың облыстық кезеңі өткізіледі. Бұл туралы облыстық білім басқармасы хабарлады.
Білім сынағы «Абай» атындағы дарынды балаларға арналған үш тілде оқытылатын мамандандырылған сыныптары бар мектеп базасында өтеді. Олимпиадада аудандық және қалалық кезеңде жеңімпаз атанған оқушылар бақ сынайды.
Аудиторияларда арақашықтық сақталып, 15 оқушыдан отырғызылады. Балалар маскалық режимде сынақ тапсырады.
Облыстық олимпиада барысында балалардың тиым салынған гаджеттерді пайдалануына жол берілмейді. Конкурс ашық түрде іске асады. Қатысушылардың жұмыстары қазылар алқасына алдын ала шифрланған түрде беріледі. Яғни оқушылардың жұмыстары сканерленген түрде Google Disk жүйесінде уақытылы жүктеліп отырады.

Қызылордада облыстық пәндік олимпиада өтеді

<a href="https://kyzylorda-news.kz/">Kyzylorda-news.kz</a>. Қызылорда облысының оқушылары «Мың бала» ұлттық олимпиадасына қатысқаннан кейін дарынды балаларға арналған мектептер мен Birge Oqý онлайн-мектебінде білім алуға мүмкіндік алды. Бұл туралы өңірлік коммуникациялар қызметі хабарлады.
Birge Oqý онлайн-мектебінде барлығы екі мың оқушы оқиды. Сабақты елордалық лицейлер мен мамандандырылған мектептердің үздік мұғалімдері жүргізеді. Онлайн-мектеп Қазақстанның барлық оқушыларынан сапалы білім алуға көмектесетін «Елбасы Академиясы» корпоративтік қорының сұранысқа ие танымал жобасына айналды.
Академияның басқарушы директоры Ануар Жанғозиннің айтуынша, жоба қалалар мен ауылдардағы оқушылар арасындағы білім беру теңсіздігін қысқартуға бағытталған.
Онлайн мектепте алтыншы және жетінші сынып оқушылары оқи алады, өйткені дәл осы кезеңде олардың пәндік білімге белсенділігі артады. Айта кету керек, жоба аясында қазақстандық және шетелдік сарапшылар, сондай-ақ мұғалімдер мен ата-аналардың қатысуымен ұзақ уақыт бойы пысықтау жұмыстары жүргізілді.
<blockquote>
 «Өткен жылдың сәуір айында біз онлайн-оқытуды қалай жүргізу керектігі туралы үлкен талдау жұмыстарын жүргіздік. Ол барлық оқушылар қашықтан білім алуға мәжбүр болып, қиындықтарға тап болған кезең болатын. Мұғалімдер, балалар мен ата–аналардвң басым бөлігі білім алу процесінің бір сәтте өзгеріске ұшырауына дайын болмай шықты. Біз қашықтан оқыту сапасы тақырыбында 100-ден астам тікелей эфир өткіздік, нәтижелерді талдадық, барлық тілектерді ескердік және онлайн – мектеп құрдық», – деді Ануар Жанғозин.
</blockquote>
Естеріңізге сала кетейік, онлайн-мектепте оқыту тегін жүргізіледі. Сабақты еліміздің жетекші педагогтары – НЗМ, РФММ, астаналық лицейлер мен халықаралық мектептердің 70-тен астам оқытушысы өткізеді. Жоба іске қосылған сәттен бастап математика, ағылшын, қазақ және орыс тілдері бойынша 40 мыңнан астам сағат оқыту өткізілді. Мектепте сондай-ақ, тьюторлардың қызметі де қарастырылған. Олар оқушылардың сабаққа қатысуы мен үлгерімін бақылайтын, түсіндіру және тәрбие жұмыстарын жүргізетін консультанттардың рөлін атқарады.

Қызылорда облысының 200-ден астам дарынды оқушысы Елбасы академиясында білім алуда

<a href="https://kyzylorda-news.kz/">Kyzylorda-news.kz</a>. Білім және ғылым министрі Асхат Аймағамбетов дебат қозғалыстарын жандандыру және мектептегі өзін-өзі басқару туралы пікір айтты.
Ол екінші курста оқып жүргенімде дебаттарға қатыса бастаған.
<blockquote>
 «Дебатқа алғаш рет курстасымның өтініші бойынша қатыстым. Негізі ойынға басқа азамат шығуы керек болатын, бірақ ол бара алмады. Әр ойын сайын тәжірибе жинап, жарты жылдан кейін факультет деңгейінде, кейін университет, қала, облыс деңгейінде жеңімпаз болдық. Одан кейін Ұлттық пікірсайыс турнирі болды. Сол жылдары дебат қозғалысы өте белсенді дамып жатты. Әрбір университет пен мектеп қабырғасында дебат клубтары жұмыс істейтін.
 Мектептерде пікірсайыстар Карл Поппер форматында, ал университеттерде негізінен америкалық парламенттік форматта ұйымдастырылатын. Ойынның қай тілде өткізілетініне байланысты дебат үш лигаға бөлінетін», деп жазды Асхат Аймағамбетов&nbsp;<a href="https://www.facebook.com/askhat.aimagambetov/posts/10217986056259248">Facebook</a>-тегі парақшасында.
</blockquote>
Министрлің айтуынша, қазіргі уақытта жан-жақты даму үшін тек білім қоры жеткіліксіз. Әр адам жинаған білімі мен білігін дұрыс пайдалануы маңызды.
Бұл ретте дебат ойындары мен мектептегі өзін-өзі басқару тетіктері жоғарыда аталған қабілеттерді қалыптастырады.
<blockquote>
 «Дебат тек зияткерлік ойын емес, ол – сыни ойлау дағдыларын қалыптастырып, ақпаратты дұрыс талдауға, командамен бірлесіп жұмыс істеуге, сұрақ қойып, оларға нақты жауап беруге үйрететін білім беру технологиясы. Ойынға қатысушылар кейін үгіт-насихат пен популистік идеяларды оңай ажыратып, өз ұстанымын көпшілікке нақты аргументтер арқылы жеткізе алады. Мұндай тәжірибе жастарға күнделікті ақпарат ағынын сыни қабылдауға да көмектеседі. Балалар бір-бірімен қарым-қатынас жасай отырып, өздерінің әлеуметтік байланыстары мен бір-біріне деген сенімін нығайтады», – деді ол.
</blockquote>
Пікірсайыстарда жетістіктерге жету үшін көзқарас, мықты мінез, өз ұстанымын дәлелді түрде қорғай білуге жетелейтін ұмтылыс маңызды. Ол үшін көп кітап оқып, танымдық бағдарламаларды қарап, қарым-қатынас орната білу, аргументация дағдыларын дамыту бойынша үнемі жұмыс істеу керек.
<blockquote>
 «Жалпы еліміздегі оқушылар арасында дебат ойындары алғаш рет 1996 жылдың сәуір айында өтті. Сол уақытта Алматы, Қарағанды, Солтүстік Қазақстан, Қостанай, Ақтөбе, Павлодар облыстарында, Нұр-Сұлтан және Алматы қалаларында ұйымдастырылған ойындардың өзіндік стилі мен бағыттары қалыптасты. Әрине, ол ойындар оқушылардың бойында коммуникативтік құзыреттілікті дамытуға мүмкіндік берді. Біз еліміздегі мектептерде, колледждер мен университеттерде дебат қозғалысын қайта жаңғыртып жатырмыз», деді Асхат Аймағамбетов.
</blockquote>
Министрдің айтуынша, Әрбір оқу орнындағы білім алушылардың жан-жақты дамуына барынша мүмкіндік жасау қажет. Бұл ретте мектептегі өзін-өзі басқару жүйесінің де ықпалы зор.
«Ы. Алтынсарин атындағы Ұлттық білім академиясы арнайы әдістемелік нұсқаулық әзірлеп шығарды. Соның негізінде еліміздегі мектептер өзін-өзі басқару технологияларын енгізе алады.
Мектептегі оқушылардың өзін-өзі басқаруы қалай жүргізілмек?
Әдетте оқушылар арасында сайлау ұйымдастырылып, мектеп парламентінің мүшелері сайланатын. Оның құрылымында атқарушы органдар да болуы мүмкін, олардың әрқайсысы өз бағытына жауап береді. Бұл жүйе оқушыларға басқарудың не екенін түсінуге, олардың саяси және құқықтық мәдениетін арттыруға мүмкіндік береді. Балаларға жауапкершілік жүктеп, өз бетінше әрекет етуге жағдай жасайды.
Мұның маңызы неде?
Ең алдымен оқушылар мектептегі барлық білім алушалардың мүддесіне сәйкес бастамалар көтеріп, тиісті шешім қабылдауды және оларды жүзеге асыруды үйренеді.
Мектептегі өзін-өзі басқару білім беру процесін демократияландыру, көшбасшылық қасиеттерді дамыту, әлеуметтік маңызы бар жобаларды жүзеге асыруға және бар мәселені бірлесіп шешуге өз ықпалын тигізеді.
Алдағы уақытта өзін-өзі басқару үрдісі де дебат ойындары сияқты мектептердегі, колледждер мен жоғары оқу орындарындағы тәрбие жұмысының ажырамас бөлігіне айналады», – деді Асхат Аймағамбетов.
Министр балалар мен жастардың шығармашылық және зияткерлік тұрғыда дамуына бағытталған жобаларды қолдайтын жеткізді. Мұндай кішігірім бастамалар біздің қоғам үшін өте маңызды. Пікірсайыстар мен өзін-өзі басқару жүйесі әлеуметтік капитал мен қоғамдық сенім деңгейін көтеруге де әсер етпек.

Асхат Аймағамбетов: Елімізде дебат қозғалысын қайта жаңғыртып жатырмыз

<a href="https://kyzylorda-news.kz/">Kyzylorda-news.kz.</a>&nbsp;Аймақ басшысы Әбдіқалықова Гүлшара Наушақызының 2020 жылғы облыстың әлеуметтік-экономикалық дамуының қорытындылары бойынша халық алдындағы есепті кездесуі барысында Сыр өңірінің бүгіні мен ертеңгі келешегіне байланысты жан-жақты айтылуы маған өз әсерін қалдыра алды. Өзім білім саласында ұстаздық қызмет ететіндіктен осы саладағы өз ойымды білдіргім келді.
Мемлекетіміздің стратегиялық басым бағыттарының бірі білім беру саласы болғандықтан, қазіргі пандемия кезінде өскелең ұрпаққа сапалы білімді оффлайн және онлайн режимінде беру жүзеге асып келеді. 1-4 сыныптар және 5 сыныптарда кезекші сыныптардың ашылуымен қатар және 9 және 11 сыныптарда дәстүрлі оқу жүйесіне көшуі барысында мектептердің оқу жүйесінде жаңа серпіліс пайда болды. Алдымен ата-аналар зор сенім білдіріп балаларын оффлайн режимінде оқуға жібере бастауы ұстаздар қауымына үлкен күш берді. Мемлекет тарапынан қашықтықтан оқытуға байланысты туындаған мәселелерді шешуде мектептерге компьютер мен құрал-жабдықтарын беруді қолға алуы алдымен әлеуметтік жағдайы төмен отбасынан шыққан оқушылардың білім алуға деген сенімдерін одан әрі арттыра түсті. Биылғы оқу жылынан бастап білім ордаларын жан басы бойынша қаржыландырудың қолға алынуы негізінде қаржыландыру теңдігі мен әділдігі, мектептердің бәсекелесу қабілетінің артуы,&nbsp; педагогикалық ұжымның нәтижелі жұмысқа ынталануына, мемлекет қаражатын барынша тиімді пайдалануға, мектептердің материалдық оқу базасын нығайтуға кең жол ашты.
Сонымен қатар қашықтықтан оқыту интернет ресурстары көмегімен жүзеге асырылатындықтан, нақты іс-әрекетке көшу барысында Сыр өңірінің ауылдық мектептерінде ақпараттық қамтамасыз ету, оқу материалын игеру сапасы, білім мазмұны бар платформаларға байланысты екендігі ескеріліп, оң шешімдерін таба алды. Үш ауысымды мектептер мәселесін шешудің басты шарты жаңадан бой көтерген білім ордаларының есебінен шешілетіндіктен, осы бағыттағы жұмыстар өз шешімін таба алды. Қазіргі қиын кезеңде экономикамыздың даму ахуалы ортақ мақсат жолында жұмыла еңбек етуіміз және оқушыларымыздың білім игеруге деген құлшынысының артуы, &nbsp;ұстаздарымызға үлкен жауапкершілік жүгін артады.
Ләззат ӨТЕГЕНОВА,
Қызылорда қаласындағы №3 ІТ мектеп директоры

Ләззат Әбенова: Ел болашағы – өскелең ұрпақ

<a href="https://kyzylorda-news.kz/">Kyzylorda-news.kz.</a> Қызылорда облысында апатты мектептердің мәселесін шешу күн тәртібінен түспейді. Бұл туралы аймақ басшысы Гүлшара Әбдіқалықова халық алдындағы есепті кездесуінде айтты.
Қызылорда облысында пандемияға байланысты бүгінгі күні оқушылардың 49 пайызы қашықтан, 51 пайызы дәстүрлі форматта білім алуда. Қашықтан оқытуды сапалы ұйымдастыру мақсатында мектептердің балансындағы 14 мыңнан астам компьютер оқушыларға берілген. Өңірге Үкімет резервінен 3,2 млрд. теңге қаржы бөлініп, 22 870 дана құрылғы сатып алынды. Сондай-ақ, жергілікті бюджет және демеушілер есебінен 4 мың компьютерлік техника сатып алынып, мұқтаж балаларға таратылды.
Сонымен қатар, 2020 жылы аз қамтылған және көп балалы отбасылардан шыққан дарынды ауыл балаларына арналған гранттардың саны 150-ге көбейген.
<blockquote>
 «Апатты жағдайдағы мектептердің мәселесін шешудеміз. Өткен жылы Жалағаш ауданы, Шәменов ауылындағы апатты мектеп орнына жаңа ғимарат салынып, пайдалануға берілді. Жаңақорған кентіндегі мектептің құрылысы жүргізілуде. Арал қаласындағы апатты мектептің құрылысын биыл бастаймыз. Инвесторлар есебінен 500 орынға лайықталған бір мектеп салынса, қазіргі таңда Қызылорда қаласы Саяхат мөлтек ауданынан 300 орындық бір мектептің құрылысы жүргізілуде», – деді аймақ басшысы.
</blockquote>

Гүлшара Әбдіқалықова: «Қызылорда облысындағы апатты мектептердің мәселесі күн тәртібінде тұр»

<a href="https://kyzylorda-news.kz/">Kyzylorda-news.kz.</a>&nbsp;“Күнделік”&nbsp;жүйесін бұзу туралы ақпарат шындыққа жанаспайды, деп хабарлайды&nbsp;ҚР Білім және ғылым министрлігінің баспасөз қызметі.&nbsp;
“Күнделік” электрондық жүйесі “Ұлттық ақпараттық технологиялар” АҚ серверлік орталығының базасында орналасқан әрі сыртқы шабуылдардан қорғалған дейді “Күнделік” ЖШС директоры Мұхтар Ілиясов.
Оның айтуынша, жүйені ҚР Ұлттық қауіпсіздік комитетінің “Мемлекеттік техникалық қызмет” АҚ тұрақты бақылап отырады. Кез-келген сыртқы шабуылды ҚР ҰҚК қадағалайды.
Сондай-ақ ол “Күнделік” жүйесін бұзу туралы ақпарат шындыққа жанаспайтынын айтты. Яғни, ешқандай шабуыл болмаған, пайдаланушылардың деректерін қорғау толықтай қамтамасыз етілген.
<blockquote>
 “Электрондық жүйеде деректермен жұмыс істеу кезінде жеке ақпараттық қауіпсіздік ережелерін сақтау қажет. Логин мен құпиясөзді бөгде адамдарға беруге немесе ашық түрде қалдыруға болмайды. Мұндай жағдайларда аккаунттар бұғатталып, келеңсіз жағдайларға әкеп соқтыруы мүмкін. Мәселен, бүгін қаскүнем аккаунтын ашық қалдырған пайдаланушының атынан жүйеге кіріп, әдепсіз хабарламалар қалдырды. Техникалық қолдау қызметі бұл хабарламаларды өшіріп, профильді бұғаттады”, –&nbsp;деп жауап берді Мұхтар Ілиясов.
</blockquote>

&#8220;Күнделік&#8221; жүйесі істен шықты &#8211; жалған ақпарат

<a href="https://kyzylorda-news.kz/">Kyzylorda-news.kz</a>. ҚР Білім және ғылым министрлігі 8 колледждің лицензиясын қайтарып алды. Осыған байланысты олардың қызметі толығымен тоқтатылды, деп хабарлайды министрліктің баспасөз қызметі.
ҚР БҒМ Білім және ғылым саласында сапаны қамтамасыз ету комитеті оқу орындарының білім беру қызметіне мониторинг жүргізіп, тиісті материалдық-техникалық базасы жоқ колледждерді анықтады. Ол оқу орындарында сабақ жүргізілмеген немесе мектеп түлектері сол колледждерге (бірінші курсқа) оқуға түсуге қызығушылық танытпаған.
Мысалы, Көкшетау заң колледжі мен Талдықорған заң колледжінде білім алған студенттер түлек атанған соң, аталмыш оқу орындарының басшылығы лицензияларын өз еркімен қайтару туралы шешім қабылдады. Жалпы барлық жабылған колледж студенттері басқа оқу орындарына уақытылы ауыстырылды және оқытушылары жұмыспен қамтамасыз етілді.
БҒМ колледждердің білім беру қызметіне қатысты мониторинг жұмыстарын жалғастырады.

Қазақстанда 8 колледж жабылды

<a href="https://kyzylorda-news.kz/kogam/qyzylordada-4-adam-koronavirws-indetin-zhuqtyrdy-99189/">Kyzylorda-news.kz</a>. Қызылордада балабақша иелері кезекші топқа баратын бала санын көбейтуді сұрады.
Қызылорда облысы кәсіпкерлер палатасының алаңында мүдделі мемлекеттік орган өкілдері, жеке кәсіпкерлер мен «КАНО» заңды тұлғалар бірлестігінің Қызылорда облысы бойынша филиал мүшелерінің қатысуымен мектепке дейінгі тәрбие мен оқытудың жан басына шаққандағы нормативтік қаржыландыру мәселелеріне арналған отырыс өткізілді.
Шара Кәсіпкерлер палатасы Өңірлік кеңесінің Адами капиталды дамыту комитеті жұмысы аясында ұйымдастырылды.
Отырыста облыстық білім басқармасының басшысы Ақзира Қасымова шектеу шаралары кезеңінде балабақшаларда мемлекеттік тапсырысты орналастырудың көлемі мен мөлшеріне қатысты ұсыныстарын ортаға салды.
<img src="https://kyzylorda-news.kz/wp-content/uploads/2021/02/img_0809-scaled.jpg" alt="" />
<blockquote>
 «Биылғы жылы білім басқармасы бойынша вертикальды басқару жүзеге асырылуда. Аталмыш жүйе аясында аймақтағы ауылдық елді мекен, кент, яғни аудандар мен қаладағы балабақшалардың қаржыландырылуы облыстық білім басқармасында. Облыс бойынша 667 балабақша бар. оның 415 жеке, 162 мемлекеттік балабақша, 90-ы шағын орталықтар. Аталмыш ұйымдардың қаржылары өткен жылы арнайы әдістеме бойынша есептелді. Биылғы жылы осы әдістемеге орай біршама өзгерістер бар. Жан басына қаржыландыру қазіргі таңда көтерілді. Әдістеме бойынша қаржыландыру бекітілді. Сол бойынша төленеді», – деді кездесуде облыстық білім басқармасының басшысы Ақзира Қасымова.
</blockquote>
Айта кету керек, әдістеме бойынша өткен жылы балабақшаларға бір балаға субсидия орта есеппен 33 мың теңгеден астам болса, биыл қаладағы балабақшалар үшін 43 мың теңге, аудандағы балабақшалар үшін 46 мың теңгеге дейін өсті.
<blockquote>
 «Дегенмен, мәселе де бар. Карантинге орай балабақшалардың толық қуаттылықта жұмыс жасай алмауына байланысты. Бүгінгі отырыста осы мәселені Сіздермен бірге шешіп алу үшін келіп отырмыз», – деді облыстық білім басқармасының басшысы.
</blockquote>
Бұдан әрі сала басшысы Білім және ғылым министрлігінің бұйрығына мектепке дейінгі тәрбиелеу мен оқытуға мемлекеттік білім беру тапсырысын орналастыру қағидасына 2020 жылдың 28 қазанында өзгерістер енгізілгендігін атап өтті.
<blockquote>
 «Тиісті мемлекеттік органдардың шектеу шаралары, оның ішінде карантин салдарынан балалар мектепке дейінгі ұйымға бармайтын әлеуметтік, табиғи және техногендік сипаттағы төтенше жағдайлар қолданылған кезеңде мектепке дейінгі тәрбие мен оқытуға мемлекеттік білім беру тапсырысы жергілікті атқарушы органдардың шешімі бойынша айқындалатын көлемде және мөлшерде қаржыландырылады», – делінген өзгеріс енгізілген бұйрықта.
</blockquote>
Осы жайтта ортаға сала келе, Ақзира Қасымова облыс әкімдігі тарапынан шектеу шараларына сәйкес балабақшаға бармаған балаларға төленетін мемлекеттік тапсырыс көлемі мен мөлшерін нақтылау жөніндегі ұсыныстарымен бөлісті.
Кездесуде балабақша иелері мемлекеттік қолдауға алғыстарын білдіре отырып, проблемаларды да ортаға салды. Мәселен, құрылтайшылар карантин жағдайына қарамастан, кезекші топтар жұмыс жасап отырса да қызметкерлерді толықтай жұмыспен қамтып отырғандықтарын, сондай-ақ персоналдың жалақылары толық көлемде сақталғандығын ортаға сала келе, жеке балабақшалар қолдауға мұқтаж екендігін жеткізді.
<blockquote>
 «Кәсіпкерлер палатасының алаңындағы бизнес пен биліктің ортақ мәселесінің талқыланып, шешілу жолы қарастырылып жатқанына қуаныштымын. Әрине жеке балабақшалар карантинге қарамастан көрсетіліп отырған қолдауды сезіндік. Дегенмен, Қызылорда облысының эпидемиологиялық жағдайда жасыл аймақта орналасқанын ескере келе балабақшадағы кезекші топтағы балалар санын 15-тен 20-ға жеткізулеріңізді сұраймыз. Бұл мәселе шешілген жағдайда балабақша иелері де айтарлықтай қаржылық шығынға ұшырамас еді», – деді «КАНО» заңды тұлғалар бірлестігінің Қызылорда облысы бойынша филиал төрағайымы Наталья Мишукова.
</blockquote>
Қызылорда облысы кәсіпкерлер палатасы директорының орынбасары Пірмұхаммед Сыздықов кәсіпкерлердің бұл өтініші негізсіз емес екендігін айтты.
<blockquote>
 «Себебі республикалық қаулыда жасыл аймақта орналасқан өңірлерге балабақшада кезекші топтарына 20 балаға дейін қабылдауға рұқсат берілген. Бүгінгі отырыстан кейін Сіздердің жазбаша өтініштеріңіздің негізінде Кәсіпкерлер палатасы атынан облыстық штабта бұл мәселені көтереміз. Жақында ғана мектеп асханаларында қызмет көрсететін кәсіпкерлердің мәселесі осылайша оң шешілген болатын», – деді Пірмұхаммед Сыздықов.
</blockquote>
Отырыс қорытындысымен балабақша құрылтайшылары Кәсіпкерлер палатасына жазбаша өтініштерін қалдырды. Ал облыстық білім басқармасының басшысы Кәсіпкерлер палатасымен бірге аталмыш мәселені облыстық штабта көтеріп, шешу жолдарын қарастыратындықтарын жеткізді.

Қазақстан және Қызылорда облысының жаңалықтары: Білім

Әлем елдеріндегі мектеп алаңдары

Қызылордада үздік ұстаз республикалық байқаудан бас жүлде алды

Биыл пәндік олимпиада жаңа форматта өтуде

Мектеп түлектері биылдан бастап ҰБТ-ны үш рет тапсыра алатын болды

Қызылордада облыстық пәндік олимпиада өтеді

Қызылорда облысының 200-ден астам дарынды оқушысы Елбасы академиясында білім алуда

Асхат Аймағамбетов: Елімізде дебат қозғалысын қайта жаңғыртып жатырмыз

Ләззат Әбенова: Ел болашағы – өскелең ұрпақ

Гүлшара Әбдіқалықова: «Қызылорда облысындағы апатты мектептердің мәселесі күн тәртібінде тұр»

“Күнделік” жүйесі істен шықты – жалған ақпарат

Қазақстанда 8 колледж жабылды

Қызылордада балабақша иелері кезекші топта бала санын көбейтуді сұрады

Қазақстан және Қызылорда облысының жаңалықтары: Білім

Әлем елдеріндегі мектеп алаңдары

Қызылордада үздік ұстаз республикалық байқаудан бас жүлде алды

Биыл пәндік олимпиада жаңа форматта өтуде

Мектеп түлектері биылдан бастап ҰБТ-ны үш рет тапсыра алатын болды

Қызылордада облыстық пәндік олимпиада өтеді

Қызылорда облысының 200-ден астам дарынды оқушысы Елбасы академиясында білім алуда

Асхат Аймағамбетов: Елімізде дебат қозғалысын қайта жаңғыртып жатырмыз

Ләззат Әбенова: Ел болашағы – өскелең ұрпақ

Гүлшара Әбдіқалықова: «Қызылорда облысындағы апатты мектептердің мәселесі күн тәртібінде тұр»

&#8220;Күнделік&#8221; жүйесі істен шықты &#8211; жалған ақпарат

Қазақстанда 8 колледж жабылды

Қызылордада балабақша иелері кезекші топта бала санын көбейтуді сұрады

“Күнделік” жүйесі істен шықты – жалған ақпарат