<a href="https://kyzylorda-news.kz/">Kyzylorda-news.kz</a>. Қызылорда облысында электронды форматтағы ақылы ұлттық тестілеу басталды. Білім сынағы 10 сәуірге дейін жалғасады.
Қызылордалық түлектер «Юстади» тәуелсіз орталығында компьютерлік тестілеу алаңында ақылы ҰБТ тапсырды. Басты ерекшелік – әр мектептің оқушысы ақылы тестілеуді тапсыру күнін өзі таңдайды. Яғни сайтқа өтініш қалдырып, ұлттық тестке рұқсат алады.
Алғашқы күнде түске дейін 13 оқушы ұлттық тест тапсырды. Барлық санитарлық нормаларды сақтай отырып талапкерлер білімдерін сынап көрді.
Айта кетейік, наурыз айындағы тест тек ақылы оқу орындарына түсуге мүмкіндік береді. Ал, мемлекеттік грантқа түсу тесті 11 сәуір мен 30 маусым аралығында өткізіледі. Яғни түлектер 2 рет тест тапсыру құқығына ие болады.

Қызылордалық түлектер электронды форматтағы ақылы ҰБТ тапсырып жатыр

<a href="https://kyzylorda-news.kz/">Kyzylorda-news.kz</a>. Биыл Арал қаласындағы №71 мектеп-интернатының ірге тасы қаланады. Бүгінде жоба-сметалық құжаттамасы әзірленді. Жобаның жалпы құны 1,3 млрд теңге құрайды.
<blockquote>
 «Өткен жылы 22 799 шаршы метр болатын тұрғын үй пайдалануға берілді. Арал қаласынан 1 қабатты 4 пәтерлі 10 тұрғын үй құрылысы, Арал қаласынан қатты тұрмыстық қалдықтарға арналған полигон құрылысы, 250 орындық оқушылар үйінің құрылысы, Жаңақұрылыс, Қызылжар, Қаратерең, Бөген, Райым ауылында биотермиялық шұңқырлардың құрылысы жүргізілді», – деді аудан әкімі Мұхтар Оразбаев.
</blockquote>
Сонымен қатар, Жақсықылыш кентіндегі дәрігерлік амбулаториясына жөндеу, мұрағат ғимаратына, Арал қаласындағы көпсалалы колледжіне және индустриалды-техникалық колледжіне күрделі жөндеуден өтті.

Аралда жаңа мектеп салынады

<a href="https://kyzylorda-news.kz/">Kyzylorda-news.kz</a>. Қазақстанда ҰБТ электрондық форматта өтіп жатыр. Бұл туралы ҚР Білім және ғылым министрлігінің баспасөз қызметі мәлімдеді.&nbsp;&nbsp;
<blockquote>
 «Тестілеуді өткізу кестесіне сәйкес бүгін еліміздің 12 аймағында ҰБТ өтіп жатыр. Ал Нұр-Сұлтан қаласы мен Батыс Қазақстан облысында тестілеу 12 наурызда, &nbsp;Атырау, Қарағанды және Павлодар облыстарында 15 наурызда басталады», – деп хабарлайды министрлік.&nbsp;
</blockquote>
Айта кетейік, наурыз айындағы ҰБТ-ның сертификаты жоғары оқу орындарының ақылы бөліміне түсуге жарамды.

Қазақстанда ҰБТ электронды форматта өтуде

<a href="https://kyzylorda-news.kz/">Kyzylorda-news.kz</a>. Ауыл мектептеріндегі 5-6 сынып оқушыларының арасында өтетін «Мың бала» Ұлттық зияткерлік олимпиадасына тіркелу жалғасуда. Бүгінгі күнге дейін Сыр елінен 3000-ға жуық оқушы тіркелді. Оқушылар 24 наурызға дейін 1000bala.elbasyacademy.kz сайтында жүргізіледі.
«Мың бала» олимпиадасы 2 кезеңнен тұрады. 
Бірінші кезең логикалық және кеңістіктік ойлауды бағалауды қамтиды. Тестілеу онлайн форматта өтеді. Өңірлер бойынша ең жоғары қорытынды балл жинаған 5 000 оқушы олимпиаданың екінші кезеңіне жолдама алады.
Олимпиаданың I кезеңінде оқушылар Когнитивті ойлау деңгейін анықтауға арналған кешенді тестілеу онлайн түрде өтеді. 
Екінші кезеңде қатысушылар математикалық сауаттылық, мемлекеттік тіл, орыс тілі, ағылшын тілі және жаратылыстану пәндері бойынша академиялық білімді бағалау үшін компьютерлік тестілеуден өтеді.

«Мың бала»: Сыр елінен 3000-ға жуық оқушы тіркелді

<a href="https://kyzylorda-news.kz/">Kyzylorda-news.kz.</a>&nbsp;Ө.Жолдасбеков атындағы математика және механика бойынша зерттеу жобаларының ХІ халықаралық конкурсында Қызылордадағы Назарбаев Зияткерлік мектебінің 8-сынып оқушысы Бекжан Бектұрған жүлделі екінші орынды иеленді.
Аталмыш додада сырбойылық зияткер Франция, Индонезия, Түркия, Қырғызстан, Тәжікстан, Қазақстан елдерінің дарынды жас зерттеушілерімен бақ сынасты. Ол ақпараттың көлемін кішірейту және аз көлемді қамтитын сурет алуда векторлық кескін пайдалануды ұсынады. Жас математиктың таныстырған «Безье қисығы арқылы оптимальді векторлық кескін алу әдісі» байқауда қазылық еткен ғалымдардың жоғары бағасына ие болды.
<blockquote>
 «Осы моделдің арқасында интернеттен сурет іздеу мүмкіндігі жеңілдей түседі. Тіпті интернеттен сурет көшіруге тосқауыл қоюды, яғни плагиатқа жол бермеуді ұйымдастыруға болады», ‒ дейді оқушы.
</blockquote>
Бекжан Бектұрған бұл жұмыспен 1 жылдан бері айналысып келеді. Мәселені зерттеуде ұстазы Мұхтар Бегайдаровтың берген бағыт-бағдары мен қолдауы зор.
Алдағы уақытта жас зерттеуші python (питон) тілінде математикалық анимациялардың моделін зерттеп, компьютерлік математика саласына өз үлесін қосқысы келеді.
<a href="https://www.facebook.com/photo/?fbid=2767505010246082&set=a.1559979897665272&__cft__%5b0%5d=AZUIwWtw4eHfQMAPj6hi05aJMyI9uXGcuJwViuIO7UoTDmvPRuevIXN0XKs_ltwl1sWUKmwTwdyN0TMoQ8nX0r0o3aTiInRO36qTh74aUPm74uqOQEm1HcGKQI4Q3V5U-h8&__tn__=EH-R"></a>

Қызылордалық оқушы халықаралық байқауда күміс медаль иеленді

<a href="https://kyzylorda-news.kz/">Kyzylorda-news.kz.</a> Қызылорда өңірінде облыстық пәндік олимпиаданың нәтижесі нақтыланды.
Білім сынағына әртүрлі пәндерден 292 оқушы қатысқан. Нәтижесінде 115 оқушы жүлделі орындарды иеленді. Оның 21-і Алтын медаль, 37-і күміс медаль, 57-і қола медаль алды.
Олимпиада жаратылыстану-математика, қоғамдық-гуманитарлық бағыттардағы 14 пән бойынша ұйымдастырылған. Пандемия жағдайында өткен олимпиадада әр күн сайын 6 аудиторияда 50-ден аса бала сынақ тапсырған.
Биылғы ерекшеліктің тағы бірі – қоғамдық бақылау жүргізудің ашықтығы. Яғни олимпиаданы әрбір ата-ана арнайы ютуб желісіндегі сілтеме арқылы тікелей бақылай алады.
Бес күнге созылған олимпиадада балалар тест тапсырмалары, эксперименттік тур бойынша жазба, эссе, лексика-грамматикалық тесттер, хат және аудижазба түрлерінен сынақ тапсырды.

Қызылорда: Олимпиадада 115 оқушы жүлдегер атанды

<a href="https://kyzylorda-news.kz/">Kyzylorda-news.kz.</a> Бірінші сынып оқушыларының құжаттарын қабылдау 1 сәуірде басталып, 1 тамызға дейін жалғасады. Бұл – білім беру процесіне қатысушыларға ыңғайлы болу үшін қабылданған шешім, деп хабарлайды ҚР Білім және ғылым министрлігінің баспасөз қызметі.
Ата-аналар мектепті алдын ала анықтап, оқуға қажетті құжаттарды уақтылы тапсырады, сондай-ақ балаларды оқу құралдарымен қамтамасыз етеді.
Мектеп басшылығы сыныптарды жинақтап, қажетті оқулықтарды алдын ала сатып алады. Сонымен қатар педагогтер құрамын анықтап, сағат санын бөледі.
Өтінішті egov.kz арқылы беруге болады. Қажетті құжаттар тізімі:
– Ата-аналардың өтініші (немесе оларды алмастыратын тұлғалар); – Баланың туу туралы куәлігінің көшірмесі;
– «Бала денсаулығы паспорты» 026/у-3 нысаны бойынша денсаулық жағдайы туралы құжат;
– 063/у нысаны бойынша денсаулық жағдайы туралы құжат;
– 3х4 көлеміндегі 2 фото. Өтініш бір жұмыс күні ішінде қарастырылады.

Қазақстанда 1 сынып оқушыларының құжаттарын қабылдау 1 сәуірде басталады

<a href="https://kyzylorda-news.kz/">Kyzylorda-news.kz.</a>&nbsp; Қызылордада мектептер арасында «Серіктес директорлар» лигасы құрылып, жаңа идеяларын жобалау үшін, көшбасшылық қасиеттерін дамыту және тәжірибе алмасу мақсатында облыстық іс-шаралар жоспары бекітілді.
Білім беру жүйесін жетілдіруге және бәсекеге қабілетті мамандар даярлауға, инновациялық ғылыми зерттеулерді әлемдік деңгейге шығаруға мүмкіндік береді.
<blockquote>
 «Лиганы ұйымдастыру және басшылық жасауды облыстық Білім басқармасының, қалалық, аудандық білім бөлімдері жүзеге асырады. Қазіргі уақытта серіктес мектептердің наурыз айына жоспарланған шаралары басталды. Мәселен бүгін №176 мектепте «Серіктес мектептердің» тренер, шебер педагогтері арасында «Мектептің сымсыз болашағы», «Мүмкіндіктер шегінен шығып қарайық» «Мұғалімнің есеп теориясы» тақырыбында әдістемелік марафон өтуде», – деді С.Лапин атындағы №261 орта мектеп директоры Қарлығаш Әбдрахманова.
 «Мектеп-лицейде «Оқуға ұсынылатын 20 кітап» жобасы жүзеге асуда. Жобаның негізгі идеясы – балалардың кітап оқу дағдысын қалыптастыру. Сондай-ақ, оқушылардың әлем әдебиеті классиктерінің шығармаларына қолы жете бермейді. Сол себепті kitap.kz сайтындағы шетел әдебиеті классиктерінің шығармаларын тізімге қостық», – деді Ш.Есенов атындағы №153 мектеп-лицей директоры Қанат Әмзиев.
</blockquote>
Бүгінде мектептер вертикалды басқаруға қарай ойысуда. Ұжымды басқару ең бірінші ұжымда жақсы атмосфера қалыптастыру, оқушыларға сапалы білім мен саналы тәрбие беру, үштік одақпен оның ішінде ата-анамен қолжетімді түрде қарапайым байланыс орнату.
<blockquote>
 «Біз Әл-фараби атындағы Қазақ Мемлекеттік университетінің химия және химиялық технология кафедрасымен де оқушыларға мамандық таңдауға байланысты кәсіби бағытта, ғылыми зерттеушілік бағытта жұмыстар жүргізу жөнінде келісімге келіп отырмыз. Мектеп-лицейімізде «Оқуға құштар ұлт – Оқуға құштар мектеп» жобасы аясында «101-ге 101 кітап» акциясы өтуде, осыған байланысты «KOWORKING» орталығы ашылды», – деді Ә.Мүслімов атындағы №101 мектеп-лицей директоры Айгүл Өткелбаева.
</blockquote>
<img src="https://kyzylorda-news.kz/wp-content/uploads/2021/03/156949500_1241384806257029_2217511610132224889_o.jpg" alt="" />

Қызылордадағы «Серіктес директорлар» лигасының қызметі қандай?

<a href="https://kyzylorda-news.kz/">Kyzylorda-news.kz.</a>&nbsp; “Оқуға құштар мектеп” жобасы республика өңірлерінің қызығушылығы мен қолдауына ие болды. Бұл туралы облыстық білім басқармасы хабарлады.
Жоба аясында Өңірлік іс-шаралар жоспары бекітілді. Мектеп кітапханаларының қазіргі жағдайына талдау жасалды. Оның ішінде кітап қоры, электронды кітап қоры, пайдаланудан шыққан кітаптардың жағдайы, кітапхана бөлмесінің жағдайы, оқушылардың кітапханаға бару жиілігі сарапталды. Кітапханаларды автоматтандыру жұмыстары басталды. Қазіргі уақытта 149 мектептің кітапханасы Coworking-орталықтарға бейімделді.
️Өткен аптада облыстық, аудандық, қалалық білім бөлімдері мен әдістемелік кабинеттердің 430-дан астам басшыларының қатысуымен online-режимде кезекті әдістемелік сағат өткізілген.
Әдістемелік сағат барысында “Білім-инновация” лицейлері өз тәжірибесімен бөлісті. Бұл ең алдымен күнделікті 20 минуттық, оның ішінде zoom арқылы қашықтықтан білім алушылар үшін кітап оқу, оқушылардың жас ерекшеліктерін ескере отырып, қазақ, орыс және ағылшын тілдерінде оқуға арналған 50 кітапты іріктеу. 
⠀ 
Оқырмандардың ынтасын арттыру үшін номинациялар, марапаттау, жас оқырмандарды марапаттаудың балдық жүйесі қарастырылған. ️ Ата-аналар балаларының оқу белсенділігін kitapp.space. сайтында бақылай алады. 
⠀ 
Қызылорда облысында “Оқуға құштар мектеп” жобасын іске асырудың ерекшелігі – мектеп кітапханаларын Coworking-орталықтар етіп қайта форматтау, “Үздік кітапхана – Coworking-орталық” облыстық конкурсын өткізу, автоматтандырылған жүйесін енгізу және мектеп кітапхана жүйесін цифрлау үшін жағдай жасалды.

Қызылордада &#8220;Оқуға құштар мектеп&#8221;  жобасы қарқын алуда

<a href="https://kyzylorda-news.kz/">Kyzylorda-news.kz</a>. Облыстық білім басқармасының басшысы Ақзира Қасымованың төрағалығымен техникалық және кәсіптік білім беру мәселелері қаралды. Жиынға облыстық мәслихат хатшысы Наурызбай Байқадамов пен өңірдегі колледж директорлары шақырылды.
Мәжілісте колледж басшылары «Жас маман» жобасының жүзеге асырылуы, колледждердің жан басына шаққандағы қаржыландыру жүйесіне енгізу бағыты, техникалық және кәсіптік, орта буын мамандықтарының жаңа жіктеуіш арқылы жұмысты жандандыру мәселелеріне қатысты ой бөлісті.
Басқарма басшысы Ақзира Қасымова бүгінгі нарық талабы техникалық және кәсіптік білімі бар кадрлар даярлау мәселесіне деген көзқарасты түбегейлі өзгерткенін атап өтіп, бұл бағытта бірқатар жобалардың тиімділігіне қарай жұмыс қажеттігін алға тартты.
<blockquote>
 «Кәсіптік білім беру жүйесін дамыту үшін білім берудің мазмұнын жаңғырту, құрылымын өзгерту және оқу орындарының материалдық-техникалық базаларын жабдықтау қолға алынды. Сонымен қатар, Worldskills халықаралық талаптарына сәйкес кадрлар даярлау, дуальды оқыту, модульдік білім беру, жаңартылған мазмұндағы білім беру бағдарламаларын енгізу, «Жас маман» жобасын іске асырдық. Мәселен, өткен жылы өңірімізде 4 колледж, биыл 5 колледж, барлығы 9 оқу орыны жүзеге асыруда»,-деді Ақзира Қасымова.
</blockquote>
Айту қажет, 4 оқу колледжге қажетті құрал-жабдықтар жетікізілген. Жоба аясында 65 инженер-педагог біліктілігін арттырып, арнайы сертификатқа ие болды. Ал, 2021 жылы жобаны жүзеге асырушы 5 колледж бойынша өңірлік комиссияның шешімі негізінде мамандар даярлау бағыттары айқындалып, алынатын құрал-жабдықтардың тізбесі бекітілді.
Кеңейтілген жиында басқарманың бөлім басшысы Бекжан Есенбаев қайта жаңартылған мамандықтар жіктеуіші бойынша негізгі басымдықтарды атап өтті.
<blockquote>
 «Мәселен, бұрынғы мамандықтар мен біліктіліктер сыныптауышында 279 мамандықтың 1615 біліктілігі болса, ал жаңа сыныптауышта 226 мамандықтың 660 біліктілігі көрсетілген. Осы ретте, оқу орындарындағы бірнеше мамандықтар мен біліктіліктер бойынша алдағы уақытта кадрлар даярлау жүйесі тоқтатылады деген сөз. Сондықтан, бүгінгі күннен бастап, оқу орындары жаңа сыныптауышқа байланысты қандай мамандықтар мен біліктіліктер бойынша мемлекеттік лизенцияларды қайта рәсімдеу керек, қандай жаңа мамандықтар ашуға мүмкіндіктер бар, осы бағыттағы жұмыстарды жедел атқарулары қажет»,-деді Бекжан Есенбаев.
</blockquote>

Қызылордада техникалық және кәсіптік білім беру мәселелері талқыланды

<a href="https://kyzylorda-news.kz/">Kyzylorda-news.kz.</a> 1 наурыздан бастап 1-5 сынып оқушылары дәстүрлі оқуға көшті.
Құрметті ата-аналар! Қазақстан Республикасының Бас мемлекеттік санитариялық дәрігерінің қаулыларына өзгерістер мен толықтырулар енгізу туралы 27 ақпандағы №9 қаулысына сәйкес, 1 наурыздан бастап 1-5 сыныптардағы барлық мектеп оқушылары аралас оқу форматында дәстүрлі түрде мектеп қабырғасында оқитын болады.
Ал, бала саны 300-ден аспайтын мектептердегі барлық сыныптың оқушылары бұрынғыдай дәстүрлі түрде оқуды жалғастыра береді.
Мектеп формаларына байланысты оқушыларға қатаң талап қойылмайды. Оқушылар мектеп формасымен немесе ұқыпты әрі өзіне ыңғайлы (классикалық үлгіге жақын) киіммен мектепке келе алады.
Құрметті ата-ана!
Індеттегі ахуалға сәйкес, оқушылар кезең-кезеңімен дәстүрлі оқуға көшуде.Балалардың мектепке барып, ұстаздарымен қауышып, қалыпты жағдайда білім алуы үшін ұстаздармен өзара түсіністікте жұмыс жүргізуге шақырамыз!

Бүгіннен бастап оқушылар дәстүрлі оқуға көшті

Kyzylorda-news.kz. Қызылорда облыстық білім басқармасының қолдауымен алғаш рет директорлардың TEDx форматтағы кездесуі өткізілді. Басқосуға қала және барлық аудандардан 20-ға жуық мектеп директорлары шақырылды.
TEDx алаңында 4 спикер білім саласын басқару жүйесіндегі көшбасшылық және мененджменттік қасиеттерді дамытуға арналған жаңа кейстермен бөлісті. Айталық, 101 мектептің директоры Айгүл Өткелбаева “Стратегиялық брэнд менеджмент” тақырыбын қозғаса, 140 мектеп директоры Айгүл Мұсабаева “Мектептегі венчурді дамыту” әдістерімен бөлісті. Ал, 278 мектеп-лицей директоры Эльмира Азатбаева “Мұғалім арасындағы матрицалар мен анықтауыштар” тақырыбындағы тәжірибесін ортаға салды. Соңғы спикер 261 мектеп директоры Қарлығаш Абдрахманова “Мектептегі HR менеджмент” енгізудің жаңа әдістерін тарқатып берді.
Еркін ой алаңында облыстық білім басқармасының басшысы Ақзира Қасымова білім саласындағы жаңа формация алға шыққан уақытта мектеп директорлары тың талаптарға сай жұмыс жүргізуі керек екенін алға тартты. Сондай-ақ, әрбір мектеп басшысы менеджерлік дамуға қарай бет түзеп, ұжымды басқарудың жаңа тетігіне қарай әрекет етуі керек деп атап өтті.
TEDx соңында мектеп директорлары кері байланыста пікір алмасып, тәжірибе бөлісті. Алдағы уақытта директорлардың біліммен бөлісу алаңы жиі ұйымдастырылып, спиральдік жүйе арқылы дамитын болады.
Айта кетейік, бұдан былай Сыр елінде директорлар лигасы жұмысын бастайтын болады. Серіктес директорлар білім беру ісіндегі озық тәжірибе мен жаңа идеяларды іске асырады. Бұл үшін облыстық іс-шаралар жоспары бекітіледі.
<img src="https://kyzylorda-news.kz/wp-content/uploads/2021/02/fb_img_1614444258436.jpg" alt="" />
<img src="https://kyzylorda-news.kz/wp-content/uploads/2021/02/fb_img_1614444238790.jpg" alt="" />

Қазақстан және Қызылорда облысының жаңалықтары: Білім

Қызылордалық түлектер электронды форматтағы ақылы ҰБТ тапсырып жатыр

Аралда жаңа мектеп салынады

Қазақстанда ҰБТ электронды форматта өтуде

«Мың бала»: Сыр елінен 3000-ға жуық оқушы тіркелді

Қызылордалық оқушы халықаралық байқауда күміс медаль иеленді

Қызылорда: Олимпиадада 115 оқушы жүлдегер атанды

Қазақстанда 1 сынып оқушыларының құжаттарын қабылдау 1 сәуірде басталады

Қызылордадағы «Серіктес директорлар» лигасының қызметі қандай?

Қызылордада “Оқуға құштар мектеп” жобасы қарқын алуда

Қызылордада техникалық және кәсіптік білім беру мәселелері талқыланды

Бүгіннен бастап оқушылар дәстүрлі оқуға көшті

Қызылордада мектеп директорларының лигасы құрылды

Қазақстан және Қызылорда облысының жаңалықтары: Білім

Қызылордалық түлектер электронды форматтағы ақылы ҰБТ тапсырып жатыр

Аралда жаңа мектеп салынады

Қазақстанда ҰБТ электронды форматта өтуде

«Мың бала»: Сыр елінен 3000-ға жуық оқушы тіркелді

Қызылордалық оқушы халықаралық байқауда күміс медаль иеленді

Қызылорда: Олимпиадада 115 оқушы жүлдегер атанды

Қазақстанда 1 сынып оқушыларының құжаттарын қабылдау 1 сәуірде басталады

Қызылордадағы «Серіктес директорлар» лигасының қызметі қандай?

Қызылордада &#8220;Оқуға құштар мектеп&#8221; жобасы қарқын алуда

Қызылордада техникалық және кәсіптік білім беру мәселелері талқыланды

Бүгіннен бастап оқушылар дәстүрлі оқуға көшті

Қызылордада мектеп директорларының лигасы құрылды

Қызылордада “Оқуға құштар мектеп” жобасы қарқын алуда