<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp;Қызылорда облысындағы эпидемиялогиялық ахуалдың күрделенуіне байланысты ата-аналардың өтінішіне сәйкес қашықтан оқитын оқушылардың үлесі артты.
Бүгінгі күні оқушылардың 70 пайызы дәстүрлі, 30 пайызы қашықтан оқуда.IV оқу тоқсанын облыстағы 169 883 оқушының 167 571-і – дәстүрлі, 2 312-сі қашықтан білім алуды бастаған.
<blockquote>
 «Бүгінде кейбір ата-аналардың өтініші бойынша, балаларды онлайн режимге көшіріп жатырмыз. Ол үшін ата-анасының өтініші болса жеткілікті. Өткен аптамен салыстырғанда қашықтан оқитындардың саны 14535-ке жетті. Ал қалған оқушылар дәстүрлі форматта оқуын жалғастыруда. Жалпы, оқушылар мен педагогтар арасында КВИ тіркелген жағдайда тиісті сыныптар қашықтан оқытуға көшіріліп, карантинге жіберіледі. Қазір мектептерде дезинфекциялық жуып тазалау құралдары мен қолды өңдеуге арналған антисептиктердің қорлары жеткілікті», – деді облыстық білім басқармасының басшысы Ақзира Қасымова.
</blockquote>
Сондай-ақ, қазір мектептердегі санитарлық талаптардың орындалуын бақылау үшін білім басқармасы мен білім бөлімдері жанынан мониторингтік топтар құрылған. 5-10 сәуір аралығында аталмыш топ өкілдері Қызылорда қаласындағы 21 мектепке бақылау шараларын жүргізді.
Бұдан бөлек, білім ұйымдарында короновирус инфекциясының алдын алу мақсатында оқушыларға ауру белгілері, жұғу жолдары және қорғану шаралары туралы әлеуметтік бейнероликтер көрсетілді.

Қызылордада оқушылардың 30 пайызы қашықтан оқуда

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Реттелген күн тәртібі баланың оқу үлгеріміне ғана емес, денсаулығына да оң әсер етеді. Сол себепті күн тәртібін жүйелеу, сақтау өте маңызды. Назарларыңызға&nbsp;мектепке баратын балаларға және барлық мектеп оқушыларына пайдалы бес кеңесті ұсынамыз.
Баланың өмірдің жаңа ырғағына үйренуіне, сабақ пен демалысты дұрыс үйлестіруіне бірнеше фактор әсер етеді. Олар: жүйеленген ұйқы, дұрыс тамақтану және уақытылы серуендеу. Ал сабақ үлгеріміне ерте басталған алдын ала дайындықтар көмектеспек.
<h4 id="">Оқушы қанша сағат ұйықтауы керек?</h4>
Оқушының жас ерекшелігіне қарай ұйқы нормасы әртүрлі болады. ҚР Денсаулық сақтау министрлігінің мәліметінше, оқушылар үшін түнгі ұйқының шамаланған нормасы төмендегідей болуы керек:
1-4-сыныпта
10-10,5 сағат
4-7-сыныпта
9,5-10 сағат
8-9-сыныпта
9-9,5 сағат
10-11-сыныпта
8-9-сағат
Бұған қоса, 1-сынып оқушылары күндіз 2 сағатқа дейін ұйықтап алғаны жөн. Емтихан, бақылау жұмысы немесе басқа да ақыл-ой еңбегін ерекше талап ететін кезеңде әдеттегі ұйқы уақытын (кемінде 1 сағатқа) ұзартқан пайдалы.
<blockquote>
 Сонымен қатар&nbsp;ата-аналар мынаны ескеруі тиіс:&nbsp;2-2,5 сағатқа ерте оянып, ұйқысы қанбайтын балалардың сабақтағы еңбек белсенділігі 30%-ға төмендейді. Сол себепті ұйқының қанық болуына ерекше көңіл бөлу керек.
</blockquote>
<h4 id="-1">Дұрыс тамақтану оқу үлгеріміне әсер етеді</h4>
Әр баланың ағзасы әртүрлі болса да, оның дұрыс өсуі мен дамуы үшін тамақтану рационына мыналар енгізілуі тиіс: сүт өнімдері, ет, балық, жұмыртқа, жарма және макарон өнімдері, көкөніс, жаңа піскен жеміс, табиғи шырын, жаңғақ, құрғақ жеміс, бал.
<blockquote>
 Тұрақты тамақтану баланың дамуына, эмоциялық және физикалық тұрғыдан мықты болуына тікелей әсер етеді. Әсіресе, емтихан кезінде оқушының тамақтану режиміне ерекше назар аударыңыз. Бұл кезеңде ас мәзіріндегі тамақ түрінің қайланбағаны дұрыс.
</blockquote>
<h4 id="-2">Бала мектеп асханасынан тамақтанғысы келмесе, не істеу керек?</h4>
Оқушы мектеп асханасында тамақтанбаса немесе тамақ ішкісі келмесе, не істеу керек? Бұның бір ғана жолы бар: бала тамақты өзімен бірге алып келуі керек. Үйде дайындалған екінші таңғы ас және түскі ас бутерброд тәрізді “құрғақ тағам” болмағаны дұрыс.
<h4 id="-3">Оқушы қанша уақыт серуендеуі керек?</h4>
Белсенді қозғалу, таза ауада серуендеу мидың жақсы жұмыс істеуіне көмектеседі. Кіші жастағы балалар кемінде 3-3,5 сағат серуендеп, дене қозғалысын талап ететін ойындар ойнағаны дұрыс. Ал жоғары сынып оқушыларының таза ауада 2,5 сағаттан кем емес уақыт тыныққаны жөн.
<a href="https://baribar.kz/153050/ubt-2021-tulekter-qaj-pandi-tanhdap-qandaj-mamandyqqa-tuse-alady/">Baribar</a>

Бірінші сыныпқа баратын балалардың ата-анасына бес кеңес

Kyzylorda-news.kz. Қызылорда облыстық білім басқармасының бұйрығымен «№5 көзі нашар көретін балалардың арнаулы мектеп-интернатының директоры лауазымына Жамбыл Ахметов тағайындалды. Бүгін жаңа басшыны ұжымға облыстық білім басқармасының басшысы Ақзира Қасымова таныстырып, қызметіне сәттілік тіледі.
Ахметов Жамбыл Тұрсынбайұлы 1979 жылдың 31 мамыр күні Сырдария ауданы, Бесарық кеңшарында дүниеге келген.
Білімі жоғары. Қорқыт Ата атындағы мемлекеттік университетінің «Тарих және мұрағат ісінің» маманы, «Болашақ» университетінің «Дефектолог» маманы.
Еңбек жолын облыстық гимназияда география пәнінің мұғалімі ретінде бастаған. №15 қалалық гимназияда тарих пәнінің мұғалімі, мектеп директорының тәрбие ісі жөніндегі орынбасары, Қызылорда қаласы, Талдыарал ауылындағы №215 мектеп директоры қызметін атқарған.
2007 жылы Қызылорда облысы әкімі аппаратының әлеумметттік-саяси бөлімінің әлеуметтік бағдарламаларды талдау және мониторинг секторының бас инспекторы, облыс әкімі аппараты, ұйымдастыру–инспекторлық бөлімі меңгерушісінің орынбасары, облыс әкімі аппараты, Ұйымдастыру–инспекторлық бөлімінің меңгерушісі, облыстық білім басқармасы бөлім басшысы қызметтерін атқарған.
2010 жылдан осы кезге дейін облыстық балалар оңалту орталығының директоры қызметін атқарды.

Қызылорда: №5 мектеп-интернат директоры тағайындалды

Kyzylorda-news.kz. Қызылорда облыстық білім басқармасының бұйрығымен, 2021 жылғы 08 сәуірдегі конкурс нәтижесінде облыстық “Дарын” қосымша білім беру орталығы директоры лауазымына Айжан Қиянбекова тағайындалды.
Бүгін жаңа басшыны ұжымға облыстық білім басқармасының басшысы Ақзира Қасымова таныстырып, қызметіне сәттілік тіледі.
Қиянбекова Айжан Тұрғанбекқызы 1982 жылдың 7 қарашасында Шиелі ауданы, Бидайкөл ауылында туған. 
Білімі жоғары. Қызылорда «Сейхун» академиясының «тарих пәнінің мұғалімі» мамандығы, Қорқыт ата атындағы мемлекеттік университет «Экономика» факультетін бітірген. 
Еңбек жолын Шиелі аудандық білім бөлімі түзілім кабинетінде әдіскер ретінде бастаған. Психологиялық-дәрігерлік-педагогикалық консультацияда әлеуметтік педагог, Шиелі аудандық білім бөлімінің әдістемелік кабинетінде әдіскер қызметін атқарған. 2010-2013 жылдары «Қазатомөнеркәсіп-Демеу»ЖШС «Демеу-Шиелі» филиалы «Арман» мәдениет үйінің көркемдік жетекшісі, медико санитарлық бөлімінің азық-түлік тауарларымен жабдықтау жөніндегі агенті қызметінде жұмыс атқарған. 
2015 жылдан осы кезеңге дейін Қызылорда облысының білім басқармасының балалар мен жасөспірімдерді әлеуметтік қорғау бөлімінің бас маманы болып қызмет атқарған.
ҚР Президентінің Алғысы, Қазақстан Республикасы Білім және ғылым министрінің Құрмет грамотасы, Алғыс хатымен марапатталған.
<img src="https://kyzylorda-news.kz/wp-content/uploads/2021/04/fb_img_1617987511100.jpg" alt="" />

Облыстық &#8220;Дарын&#8221; қосымша білім беру орталығының директоры тағайындалды

<a href="https://kyzylorda-news.kz/">Kyzylorda-news.kz</a>. Қазақстанда халықаралық деңгейде бәсекеге қабілетті жеке ЖОО-лар баршылық. Бұл туралы ҚР Білім және ғылым министрі Асхат Аймағамбетов мәлім етті, деп хабарлайды <a href="https://lenta.inform.kz/kz/ashat-aymagambetov-zhoo-lardy-zheke-nemese-memlekettik-dep-bolmeymiz_a3773892">ҚазАқпарат</a>.
<blockquote>
 «Басты мақсат – жоғары оқу орындарындағы сапаны көтеру. Білім және ғылым министрлігі ЖОО-ларды жеке немесе мемлекеттік деп бөлмейді. Себебі мемлекеттік те, жекеменшік жоғары оқу орнында да білім беру сапасы төмен болуы мүмкін. Осы орайда оқу орындары негізсіз жіктеліп, осындай көзқарас қалыптасқан еді. Бізде елде және халықаралық деңгейде бәсекеге қабілетті жеке ЖОО-лар бар және оларды мақтан тұтамыз», – деді министр Орталық коммуникациялар қызметінде.
</blockquote>
Осы орайда ол еліміздегі ЖОО-лар бәсекеге қабілетті емес деген таптаурын пікірді ұмыту керектігін атап өтті. Қазақстандағы оқу орындарының басым бөлігі жоғары сапада білім беруге қауқарлы болып отыр.
<blockquote>
 «Сондықтан министрлік жеке және мемлекеттік деп өзара бөлмейді. Бұл тұрғыда сапалы білім беру қызметін ұсынатын оқу орны және білімді тиісті деңгейде бере алмайтын жоғары оқу орны деп қарастырамыз», – деді А. Аймағамбетов.
</blockquote>
Бұдан бұрын хабарланғандай, ҚР Білім және ғылым министрі Асхат Аймағамбетов ҰБТ-ны электронды форматта ұйымдастыруға қатысты пікір білдірді.

Жоғарғы оқу орындары жеке немесе мемлекеттік деп бөлінбейді

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp;Шекара асып шетелден білім алу әр адамның көкжиек танымын кеңейтіп, озық үлгідегі бағдарламалармен танысып, тұлғалық дамуына елеулі әсер етеді. Осы тұрғыдан сыртқы ақпаратты тез қабылдауға бейім жастар шетелге барып білім ізденуге, өзге мәдениетпен танысуға құштар болып тұрады.
Дегенмен, сырты жылтырақтың барлығы алтын бола бермейтіндігі секілді шетелден білім алудың соңы теріс көріністерге соқтыратыны да бар. Мұның нақты дәлелі тәуелсіздік жылдары қазақстандық азаматтар діни білімін жетілдірем деген ниетпен шетелдерге барып түрлі саяси, діни топтардың жетегіне еріп, рухани танымын мүлде басқа арнаға өзгертіп алды. Одан соң елге келіп, қазақ халқының тарихи сахнасында қалыптасқан мәдениеті мен дәстүріне керағар идеологияны қарқынды түрде насихаттап, өздеріне көптеген ел тұрғындарын ертіп те үлгерді.
Деструктивті көзқарастағы индивидтерді даярлайтын оқу орындардың білім беру жүйесінде әуелі ортақ құндылықтарды дәріптей отырып, ақырындап адам санасын еркін ойлаудан ажыратады. Нәтижесінде оқыту процесінен өткен азаматтар өздері «идеал» тұтатын ұстаздарының кез келген бұйрығын бұлжытпай орындайтын «солдатқа» айналып, сол жолда құрбан болуға дайын тұрады. Мұндай «солдатқа» айналған тұлғаларды саяси мақсатта ұйымдастырылған, діни терминдерді жалау еткен соғыс алаңдарына тарту оңай жүзеге асырылады.
Сондай-ақ, ораторлық қабілеттерін жетілдірген аталмыш «солдаттар» өз отандарына оралып, &nbsp;өзін ақиқаттың жаршысы ретінде таныта отырып діндарлар арасынан белгілі бір «тобырды» қалыптастырады. Бұл процес сыртқы ықпалды күштерге өз мақсат-мүдделерін іске асырып отыруға тиімді құбылыс болмақ.
Аталмыш сипаттағы діни ағымдар ислам әлемінде ғана емес, христиандық бағытта да кездесетінін естен шығармаған жөн. 
Сондықтан шетелдік оқу орындарынан білім алғысы келген азаматтар әуелі діни танымын отандық білім ордаларынан қалыптастырып алып, содан кейін ҚР Дін істері комитеті мақұлдаған шетелдік университтерге барып жалғастырғаны абзал.
Осыған қатысты ҚР Дін істері комитеті 2014 жылы «Шет елдерге оқуға кететін азаматтарға арналған дін мәселелері жөніндегі Жадынамасын» әзірледі.&nbsp; Шетелде діни білім алуға ниетті азаматтар осы құжатпен міндетті түрде танысуы керек. Себебі, бұл құжаттағы нұсқаулықтарды толық орындаған әрбір азамат әуелі өз жеке қауіпсіздігін сақтай алады және түрлі топтардың құрығына ілінбейді. 
Сондай-ақ, отандық оқу орындар Әл-Фараби атындағы Қазақ ұлттық университеті, Л.Гумилев атындағы Еуразия ұлттық университеті, 
«Нұр-Мүбарак» Египет Ислам мәдениеті университеті, Е.Бөкенов атындағы Қарағанды мемлекеттік университеті, Қ.А.Яссауи атындағы Халықаралық қазақ-түрік университеті, Шет тілдері және іскерлік карьера университетінен «Дінтану», «Исламтану», «Теология» мамандықтарын игеруге болады.
Бұдан бөлек, рухани ізденістегі, өздерін діни мәселелер мазалап жүрген азаматтар үшін ҚР «Діни қызмет және діни бірлестіктер туралы» Заңына сәйкес ҚР Әділет министрлігіне тіркелген, базалық сапасы қалыптасқан, Қазақстан Республикасы аумағында ислам дінін насихаттауға құқық берілген – Қазақстан мұсылмандары діни басқармасы жұмыс жасайды. Қазақстандағы ресми тіркелген діни оқу орындар туралы ақпаратты осы басқарманың өкілдерінен тікелей сұрай алады және сайттарынан алуға мүмкіндіктер жасалған. 
&nbsp; 
&nbsp; 
Дархан ЕРНАЗАРОВ
**Қызылорда облысы дін істері басқармасының маманы 
**

Шетелде діни білім алудың қауіптілігі қандай?

<a href="https://kyzylorda-news.kz/">Kyzylorda-news.kz.</a>&nbsp; Бүгін Қазақстан Республикасы Білім және ғылым министрлігі «Ұлттық ғылыми-практикалық дене тәрбиесі орталығының» РМҚК ұйымдастыруымен Ұлттық мектеп лигасы өткізілді.
Алғашқы сайыс – гандболдан “Ұшқыр доп” жарысы Сыр өңірінде бастау алды. Сайыста Алматы мен Шымкент қалалары, Атырау, Жамбыл, Маңғыстау, Қарағанды, Түркістан, Қызылорда облыстарының оқушылары өзара бақ сынасты.
Лига жарысында облыстық білім басқармасының басшысы Ақзира Қасымова сөз сөйлеп, доданың жастар үшін маңызды екенін атап өтті.
<blockquote>
 «Жасампаз жастардың басын қосқан Лиганың алғашқы сайысының Сыр өңірінен бастау алуы біз үшін үлкен құрмет! 
 Спорттың 10 түрінен өткізілетін бұл жарыс оқушылар арасында қарым-қатынасты одан әрі бамытып, белсенді спортпен шұғылдануға мүмкіндік береді деп санаймыз. 
 Жарыс барысында мықтылар анықталып, барлық жарысқа қатысушы спортшылар дүбірлі додада жеңіске деген ұмтылыс пен жігер танытады деген сенімдеміз. 
 Сыр жерінде бастау алған спорт додасы сіздерге еркше ұмытылмас сәттер қалдырады деп санаймын»,-деді Ақзира Қасымова.
</blockquote>
Лига «Алтын доп» (баскетбол), «Шұбар доп» (волейбол), «Ұшқыр доп» (гандбол), «Теңбіл доп» (футзал), «Былғары доп» (футбол), «Былғары доп – Балдаурен» (футбол), Асық ату, бес асық, Президенттік тестілер, Үстел теннисі, Тоғызқұмалақ жарыстарынан тұрады.
Дүбірлі дода 4 сәуірден бастап маусымның аяғына дейін жалғасады.
<img src="https://kyzylorda-news.kz/wp-content/uploads/2021/04/169068019_1093978511105353_3325142627423315132_n.jpg" alt="" />
<img src="https://kyzylorda-news.kz/wp-content/uploads/2021/04/169686320_1093978591105345_7178957895180288761_n.jpg" alt="" />

Ұлттық мектеп лигасы Сыр елінен бастау алды

<a href="https://kyzylorda-news.kz/">Kyzylorda-news.kz.</a> Білім және ғылым министрлігі мемлекеттік гранттар конкурсына қатысуға мүмкіндік беретін ҰБТ-тың шекті ұпайы қандай мамандық бойынша өзгергенін жариялады, деп хабарлайды&nbsp;<a href="https://sputnik.kz/">Sputnik Қазақстан</a>. &nbsp;
Жоғары және жоғары оқу орнынан кейінгі білім департаментінің директоры Әділет Тойбаевтың айтуынша, биыл педагогикалық мамандықтар бойынша ғана шекті ұпай көтерілді. Басқа ешқандай өзгеріс жоқ. &nbsp;
<blockquote>
 “Шекті балдар қатты өзгерген жоқ. Біз педагогикалық мамандықтар бойынша ғана шекті ұпайды көтеріп отырмыз, кем дегенде 75 балл жинау керек. Бұл шешімнің негізгі мақсаты – болашақ педагог мамандардың сапасын арттыру. Басқа бағыттарда ешқандай өзгеріс жоқ”, – деді Тойбаев орталық коммуникациялар қызметінде өткен онлайн брифингте.
</blockquote>
Оның айтуынша, бүгінде шекті ұпай саны – 50. Ал ұлттық университеттерде – 65 балл. Сосын ветеринария бағыты бойынша шекті ұпай 60 балға дейін көтерілген болатын. &nbsp;
<blockquote>
 “Бұдан бөлек, денсаулық сақтау саласы бойынша кем дегенде 65 ұпай жинау керек. Әзірге ең жоғары шекті балл педагогикалық мамандықтарға белгіленіп отыр”, – деп атап өтті Тойбаев.
</blockquote>
Айта кетейік, биыл ҰБТ электронды форматта өтеді. Мерзімі – үш ай (сәуір, мамыр мен маусым). Мектеп түлектері тест тапсыру уақыты мен орнын өздері таңдайды. Ал тест нәтижесі жұмыс күнінің соңында емес, тест аяқталған бойда жарияланады. &nbsp;Апелляцияны 30 минуттың ішінде беруге болады. Биылғы ҰБТ-ны екі рет тапсыруға мүмкіндік беріліп отыр.&nbsp; &nbsp;
Пәндердің саны бұрынғыдай қалады. Олар – үш міндетті және екі таңдау бойынша бейіндік пән. Тестілеу тапсырмаларының саны да өзгермейді – 120 тапсырма. Ал ең жоғарғы балл – 140. ҰБТ-ны тапсыруға төрт сағат беріледі.

ҰБТ: Мұғалім мамандығын таңдаған талапкерлердің шекті ұпайы жоғары болады

<a href="https://kyzylorda-news.kz/">Kyzylorda-news.kz.</a> Тестілеу нәтижелері ҰБТ аяқталғаннан кейін бірден қолжетімді болады. Бұл туралы ҚР БҒМ жоғары және жоғары оқу орнынан кейінгі білім департаментінің директоры Әділет Тойбаев айтты, деп хабарлайды ҚазАқпарат.
«Тағы бір артықшылығына тоқталсақ, тест нәтижесі жұмыс күнінің соңында емес, тестілеу нақты аяқталғаннан кейін бірден сол жерде қолжетімді болады. ҰБТ нәтижелерімен келіспеген жағдайда талапкер апелляцияға сол күні, яғни 30 минут ішінде өтініш беруге құқылы», – деді Ә. Тойбаев Орталық коммуникациялар қызметінде.
Білім министрлігінің мәліметінше, электронды ҰБТ нәтижелерін өңдеу барысында парақтағы ішінара боялған жауаптардың есептелмей қалуы сияқты техникалық қателердің болуы мүмкін емес. Тестілеудің бұл форматында оқушылар жауап парағын толтыруға уақыт жұмсамай, бұл уақытты тест тапсырмаларын орындауға пайдалана алады. Компьютерлік тестілеудің тағы бір артықшылығы – ҰБТ нәтижелерін тестілеу аяқталғаннан кейін бірден білуге болады. Тестілеу қорытындысы бойынша жиналған ұпай саны экранға шығарылады. Сондай-ақ ҰБТ қатысушысы қандай сұрақтарға қате жауап бергенін бірден көре алады.
Таратылған мәліметке қарағанда, тестілеуге 4 сағат (240 минут) беріледі. ҰБТ нәтижесі бойынша талапкерлер ең жоғары 140 балл жинай алады.

ҰБТ: Тест нәтижесі бірден шығарылады

Kyzylorda-news.kz. Облыста «Тәуелсіздігіміздің 30 жылдығына – 30 кітап» рухани-мәдени акциясы аясында балалар әдебиеттерін насихаттау бойынша ауқымды жұмыстар жүргізілуде. Оның ішінде Ыбырай Алтынсарин, Бердібек Соқпақбаев, Марат Қабанбаев, Толымбек Әбдірайым, Зира Наурызбаева, Мәди Айымбетов секілді жазушылардың еңбектері бар.
<blockquote>
 “Жас ұрпақты парасатты, білікті, мәдениетті де білімді етіп тәрбиелеуде кітап пен кітапхананың алатын орны ерекше. Қазір балаларды кітап оқуға тарту мақсатында көптеген шаралар жасалуда. Мәселен, қазір кітапханаларда балаларға арналған 14 үйірме мен 5 клуб жұмыс істейді. Сонымен қатар, «Сыр шаңырағы» уoutube каналынан «Балалар әдебиеті» айдары ашылды. Мұнда балалар кітапханалары қорына алынған жаңа әдебиеттермен және өткізілген қызықты шаралармен танысуға болады. Бұл олардың ынтасын ашады деп ойлаймын”, – деді облыстық мәдениет, мұрағаттар және құжаттама басқармасы басшысының орынбасары Нұршат Наурызбаева.
</blockquote>
Бүгінде облыста 12 балалар кітапханасы оқырмандарға қызмет көрсетеді. 4 қалалық, 7 аудандық және 1 ауылдық кітапхана. Ал мұндағы кітап қорында 389871 дана кітап бар. 2021 жылдың I тоқсанында балалар кітапханаларының қоры тағы 189 дана жаңа әдебиеттермен толықтырылды.
Айта кетейік, соңғы жылдары облыс бойынша суицидтің алдын алуға арналған психологиялық кітаптар мектеп сөрелеріне қойылды.
<blockquote>
 “Біздің қор балалардың өзін-өзі түзетуге арналған кітаптар сериясын дайындады. Бір қобдишада 19 кітап болады. Негізі мұның барлығы америкалық қауымдастықтың кітаптары. Ал біздің қордың мамандары бұл дүниелерді аударып, психологтарымыз қазақы менталитетімізге қарай кітап ішіне қосымша балаларға арналған кеңестер қосады. Бұл кітаптардың барлығы балалардың психологиялық бұзылыстармен күресуіне ықпал жасайды. Былтыр облыстың барлық мекемелеріне тегін таратылды. Оның ішінде қаладағы 55 мектепке 2 данадан, аудандық мектептерге 1 данадан бердік”, – деді «Bilim Foundation» қоғамдық қорының директоры Жұмакүл Баянова.
</blockquote>
Айта кетейік, 2-6 сәуір аралығында Халықаралық Балалар кітабы күніне орай облыстағы балалар кітапханаларында «Кітаппен келген шабыт» сурет салу, «Менің сүйікті кейіпкерім» атты эссе жазу, «Әлемді кітап арқылы танимын» әдеби сайыстары ұйымдастырылады. Сондай-ақ, «Менің кітапханадағы алғашқы күнім» ашық есік күні жарияланып, балалар кітапханамен және көрмедегі кітаптармен ZOOM платформасы арқылы танысатын болады.

&#8220;Тәуелсіздікке 30 жыл&#8221;: Балалар әдебиеті насихатталады

<a href="https://kyzylorda-news.kz/">Kyzylorda-news.kz.</a> Қазалы ауданының әкімі Мұрат Ергешбаев білім саласында қомақты табысқа жетіп, биік белестерді бағындырған ұстаздар және оқушылармен кездесті. Олардың қатарында «Қазақстанның еңбек сіңірген ұстазы» құрметті наградасын иеленген Жәмилә Әбжан мен «Елбасы медалін» иеленген шәкірттер бар.
Басқосуда аудан басшысы алдымен педагогика саласында тұңғыш рет берілген құрметті атақты облыс ұстаздарынан алғаш болып иеленген Е.Бозғұлов атындағы №249 мектеп-лицейдің мұғалімі Жәмилә Әбдінағиқызын құттықтап, аудан әкімінің «Алғыс хатымен» марапаттады.
Мұнан соң «Ел үміті» бағдарламасы аясында өткізілген жобада үздік атанған оқушыларға «Елбасы медалін» табыс етті. Жоғары жетістікке жеткендердің қатарында Сүлеймен Демирел атындағы университеттің ІІ курс студенті Ботагөз Жақсылық, Қызылорда жоғары медициналық колледжінің І курс студенті Динара Амандосова, Қазалы жоғары көлік-техникалық колледжінің І курс студенттері Асыл Зауқымова мен Үміт Әшім, Е.Бозғұлов атындағы №249 мектеп-лицейдің 11 сынып оқушысы Әсел Қуатбай, С.Сейфуллин атындағы №165 мектептің 11 сынып оқушысы Айна Кәдір, №25 мектептің 10 сынып оқушысы Альбина Аралбекқызы, №266 мектеп-лицейдің 10 сынып оқушысы Бақдәулет Жантілеу, №170 мектептің 9 сынып оқушысы Гауһар Әзен, №97 мектептің 9 сынып оқушысы Гүлнара Едіге бар.
Салтанатты шара барысында Әйтеке би кентіндегі №249 мектептің педагог-зерттеушісі, бірінші деңгейлі ағылшын тілі пәнінің мұғалімі Жәмилә Әбжан жәнеоқушылармената-аналар сөз сөйлеп, ризашылықтарын білдірді.
<img src="https://kyzylorda-news.kz/wp-content/uploads/2021/03/0-scaled.jpg" alt="" />
<img src="https://kyzylorda-news.kz/wp-content/uploads/2021/03/1-2-scaled.jpg" alt="" />
<img src="https://kyzylorda-news.kz/wp-content/uploads/2021/03/2-3-scaled.jpg" alt="" />
<img src="https://kyzylorda-news.kz/wp-content/uploads/2021/03/3-3-scaled.jpg" alt="" />

Қазалылық ұстаздар мен шәкірттерге құрмет көрсетілді

<a href="https://kyzylorda-news.kz/">Kyzylorda-news.kz.</a>&nbsp; Төртінші тоқсаннан бастап өңірдегі жалпы білім беретін мектептердегі барлық сынып оқушылары аралас форматта оқиды. Алайда сыныптағы бала саны 25 адамнан аспауы тиіс. Жаңа қаулыны таныстырған облыстың Бас мемлекеттік санитариялық дәрігері Динара Жаңабергенова осылай деді.
Контингенті 300 оқушыға дейін қалалық және ауылдық мектептерде сыныптардағы балалар санын 25 адамнан асырмай дәстүрлі форматта оқытылады. Білім беру ұйымы әкімшілігінің шешімі бойынша сабақтан тыс уақытта 15 адамнан аспайтын топтарда оқушыларды жеке оқытуға рұқсат беріледі.
<blockquote>
 «Облыста коронавирус инфекциясының эпидемиологиялық ахуалы әлі де тұрақсыз. Сондықтан білім ұйымдарында да сақтық шаралары жоғары деңгейде болуы керек. Себебі соңғы тәуліктің өзінде 13 дерек тіркелді. Қазір өңірде бұл дертті жұқтырғандардың саны 4007-ге жетті. Кейін опық жемес үшін бұл қауіпті вирустың таралуын тоқтатуға барымызды салуымыз қажет. Ал ол үшін қарапайым ғана сақтық шараларын орындау жеткілікті», – деді облыстың Бас мемлекеттік санитариялық дәрігері Динара Жаңабергенова.
</blockquote>
Айта кетейік, оқу санитариялық-дезинфекциялық және маска режимін сақтай отырып жүреді. Жаңа өзгеріс бүгіннен бастап күшіне енді.

Қазақстан және Қызылорда облысының жаңалықтары: Білім

Қызылордада оқушылардың 30 пайызы қашықтан оқуда

Бірінші сыныпқа баратын балалардың ата-анасына бес кеңес

Қызылорда: №5 мектеп-интернат директоры тағайындалды

Облыстық “Дарын” қосымша білім беру орталығының директоры тағайындалды

Жоғарғы оқу орындары жеке немесе мемлекеттік деп бөлінбейді

Шетелде діни білім алудың қауіптілігі қандай?

Ұлттық мектеп лигасы Сыр елінен бастау алды

ҰБТ: Мұғалім мамандығын таңдаған талапкерлердің шекті ұпайы жоғары болады

ҰБТ: Тест нәтижесі бірден шығарылады

“Тәуелсіздікке 30 жыл”: Балалар әдебиеті насихатталады

Қазалылық ұстаздар мен шәкірттерге құрмет көрсетілді

Қызылорда: Барлық сынып оқушылары мектепте аралас форматта білім алады

Қазақстан және Қызылорда облысының жаңалықтары: Білім

Қызылордада оқушылардың 30 пайызы қашықтан оқуда

Бірінші сыныпқа баратын балалардың ата-анасына бес кеңес

Қызылорда: №5 мектеп-интернат директоры тағайындалды

Облыстық &#8220;Дарын&#8221; қосымша білім беру орталығының директоры тағайындалды

Жоғарғы оқу орындары жеке немесе мемлекеттік деп бөлінбейді

Шетелде діни білім алудың қауіптілігі қандай?

Ұлттық мектеп лигасы Сыр елінен бастау алды

ҰБТ: Мұғалім мамандығын таңдаған талапкерлердің шекті ұпайы жоғары болады

ҰБТ: Тест нәтижесі бірден шығарылады

&#8220;Тәуелсіздікке 30 жыл&#8221;: Балалар әдебиеті насихатталады

Қазалылық ұстаздар мен шәкірттерге құрмет көрсетілді

Қызылорда: Барлық сынып оқушылары мектепте аралас форматта білім алады

Облыстық “Дарын” қосымша білім беру орталығының директоры тағайындалды

“Тәуелсіздікке 30 жыл”: Балалар әдебиеті насихатталады